ໄລຍະນີ້ກຳລັງງົມຢູ່ກັບການແກ້ໄຂຫລາຍ ໆ ຢ່າງໃຫ້ຮຽບຮ້ອຍ ບາງອັນເກົ່າໂພດກໍ່ຢາກເອົາມາປັດຝຸ່ນ ບາງອັນເກົ່າເກີນໃຊ້ໄດ້ກໍ່ຢາກເອົາໄປແຂວນປະໄວ້ ເຜື່ອມື້ຫນ້າມີເວລາຄ່ອຍເບິ່ງໃຫມ່ ແຕ່ວ່າ ເວລາກໍ່ຍັງຄົງເປັນບັນຫາ ອັນທີ່ຈິງບັນຫາບໍ່ໄດ້ມາຈາກເວລາ ແຕ່ບັນຫາມັນມາຈາກຄົນບໍລິຫານເວລາ ເພິ່ນວ່າ ຄົນເຮົາມີເວລາ ໒໔ ຊົ່ວໂມງເທົ່າກັນຫມົດ ແຕ່ວ່າ ໃຜກັນທີ່ຈະສາມາດໃຊ້ ໒໔ ຊົ່ວໂມງນັ້ນໃຫ້ເປັນປະໂຫຍດທີ່ສຸດ

ບາງຄົນໃຊ້ເວລານອນຫລາຍກວ່າ ໘ ຊົ່ວໂມງ ບາງຄົນໃຊ້ເວລາທ່ຽວຫລາຍກວ່າ ໔ ຊົ່ວໂມງ ບາງຄົນໃຊ້ເວລາກິນຫລາຍກວ່າ ໓ ຊົ່ວໂມງ (ນັບເປັນຄາບລະ ໑ ຊົ່ວໂມງ ປ໊າດດດ ກິນແນວໃດ) ນັບໄປນັບມາລະວ່າ ເວລາກໍ່ຫມົດໄປເສີຍ ໆ ແບບນັ້ນເອງ ກໍ່ເປັນເລື່ອງທີ່ປະຫລາດດີ ເອ… ຫຼືວ່າເວລາໃນຊ່ວງເວລາທີ່ແຕກຕ່າງກັນມັນຈະມີລະຍະຕ່າງກັນໄປນຳ? ເປັນໄປໄດ້ບໍ່ວ່າ ຊ່ວງຕອນເຊົ້າເວລາຈະຜ່ານໄປໄວ ຊ່ວງຕອນແລງເວລາຈະຜ່ານໄປຊ້າ? ມັນກໍ່ບໍ່ແມ່ນ ມັນກໍ່ເທົ່າເກົ່າຂອງມັນ ພຽງແຕ່ວ່າ “ຄວາມຮູ້ສຶກ” ແບບທີ່ພາສາອັງກິດເພິ່ນວ່າ Feeling ຫັ້ນ ມັນບໍ່ຄືກັນ ເລີຍເຮັດໃຫ້ຄົນເຮົາຄິດໄປເອງວ່າ ເວລາມັນບໍ່ເທົ່າກັນ

ສະໄຫມຮຽນ ອາດຈະຄິດວ່າ ກວ່າຈະຜ່ານໄປໄດ້ໃນແຕ່ລະມື້ແຕ່ລະຄືນ ມັນຊ່າງຍາວນານເຫລືອທີ່ຈະບັນລະຍາຍໄດ້ ແຕ່ພໍເຮົາຮຽນຈົບແລ້ວ ໄດ້ເຮັດວຽກແລ້ວ ລອງເບິ່ງກັບຄືນໄປ ພັດມີຄວາມຮູ້ສຶກວ່າ ແຕ່ນ້ອຍຈົນໃຫຍ່ມັນຄືມາຜ່ານໄປໄວແທ້ ບໍ່ພຽງເທົ່າໃດລົມຫາຍໃຈ ຊີວິດກໍ່ມາຢູ່ບ່ອນນີ້ແລ້ວຫນໍ

ບາດນີ້ ກໍ່ມາຄິດວ່າ ເມື່ອຊີວິດມັນຜ່ານໄປໄວປານນີ້ແລ້ວ ດຽວເຮົາກໍ່ຊິຫມົດອາຍຸແລ້ວຕິ ຢຸດຢ່າງອື່ນໄວ້ກ່ອນແລ້ວຄິດບ່ອນນີ້ໃຫ້ດີ ຊີວິດເຮົາຜ່ານມາໄດ້ຈັກເດືອນຈັກປີແລ້ວ ແລະມັນເປັນຊ່ວງເວລາເທົ່າໃດ ບໍ່ພຽງຈັກອຶດໃຈ ເຮົາກໍ່ມີອາຍຸໄດ້ເທົ່ານີ້ແລ້ວ ໂຕເລກສອງຫລັກນີ້ມີຄວາມຫມາຍແນວໃດກັນ ນອກເຫນືອໄປຈາກວ່າເປັນສິ່ງບົ່ງບອກອາຍຸຂອງເຮົາ ບຸກຄົນອື່ນທີ່ເກີດກ່ອນເຮົາ ເຫັນເຂົາເຫລົ່ານັ້ນເປັນແນວໃດແລ້ວ ສິ່ງທີ່ມາກັບໂຕເລກເຫລົ່ານີ້ຄືຫຍັງນໍ…

ຕິດຕາມອ່ານຕໍ່ໄດ້ໃນຕອນຫນ້າ

ຄົນຫນຶ່ງສັ່ງວ່າ ເອົາຂົ້ວອິກໄກ່ແຖມມັນ ແຕ່ບໍ່ເອົາມັນ ຂໍເອົາເປັນຜັກແທນ

ອີກຄົນຫນຶ່ງບອກ ເອົາຂົ້ວເຕົາຫູ່ຜັກ ແຕ່ບໍ່ໃຫ້ຂົ້ວເຕົາຫູ່ ໃຫ້ເອົາໄປຕົ້ມແທນ ແລ້ວຄ່ອຍເອົາມາໃສ່ກັນ ເລີຍຖາມໄປວ່າ ຊັ້ນກໍ່ເອົາເປັນແກງເຕົາຫູ່ດີກວ່າບໍ່? ແຂກບອກວ່າ ບໍ່ ຂ້ອຍບໍ່ຢາກໄດ້ນ້ຳແກງ ວ່າຊັ້ນໃຫມ່ບາດນີ້ ປ໊າດດດດ ແຂກມັນກວນຂະຫນາດ

ອີກຄົນຫນຶ່ງຊິກິນຫມາກກ້ຽງປັ່ນ ບອກບໍ່ມີ ເພິ່ນເລີຍໃຫ້ເອົານ້ຳຫມາກກ້ຽງໄປປັ່ນແທນ -*-

ປ໊າດດດດດດ ແມ່ນຫຍັງກະດັກກະດໍ້ :O

ມັນມາເບິ່ງກ່ອນ ບາດນັ້ນລະໄປເອົາແກັດມາ ສົງໄສໄປເອົາຢູ່ເຮືອນຫລັງທາງຂ້າງ ເອົາມາແລ້ວກໍ່ເອົາແກ້ວໃສ່ໃນແກັດ ແລ້ວກໍ່ຂົນໄປ lol

Tags: apple,, mac

“Experience is a harsh teacher. First comes the test. Second comes the lesson.”

“ປະສົບການຄືຄູທີ່ໃຈຮ້າຍ ການສອບມາກ່ອນ ບົດຮຽນຈະຕາມມາພາຍຫລັງ”

- ປະໂຫຍກຕອນຫນຶ່ງໃນຫລັງເລື່ອງ SAW IV

ຈາກນັ້ນຕອນຂາກັບ ກໍ່ກັບທາງຕະຫລາດມິດຕະພາບ ກໍ່ຂີ່ມາທຳມະດາ ຕອນນັ້ນຍັງເຊົ້າຢູ່ ປະມານແປດໂມງ ລົດກຳລັງຫລາຍ ຂັບ ໆ ມາຢູ່ ມານຳຫລັງລົດຄັນອື່ນອີກຫລາຍຄັນ ນຳກົ້ນກັນໄປ ມາຮອດໃກ້ ໆ ສາມແຍກທີ່ມີຫ້ອງການຕຳຫລວດຢູ່ ລົດຄັນທາງໜ້າເພິ່ນຢຸດ ເຮົາກໍ່ຢຸດນຳ ບາດຄັນທາງຫລັງລົດຈັກຊ້ຳພັດວ່າບໍ່ຢຸດ ຂີ່ມາຕຳກົ້ນລົດໃຫຍ່ເຮົາເສີຍເລີຍ ແລ້ວເພິ່ນກໍ່ຕົກໃຈ ແລ້ວຂີ່ແຊງໄປຕໍ່ ອ່າວ ເວນກຳ ດີແຕ່ບໍ່ເປັນຫຍັງຫລາຍ

ບ້ານເຮົາທາງມັນແຄບ ບາດນີ້ບາງຄົນກໍ່ຂີ່ລົດຮຽງກັນ ໂດຍສະເພາະລົດຈັກກັບລົດຖີບ ບາດລົດໃຫຍ່ຊ້ຳພັດວ່າມັກຈອດແຄມທາງ ທາງມັນແຄບຢູ່ແລ້ວເລີຍແຮງແຄບເຂົ້າໄປອີກ ແຖວບ້ານເຈັກຈະມີລົດຕິດປະຈຳກໍ່ຍ້ອນບໍ່ມີບ່ອນຈອດ ຈຳເປັນໄດ້ຈອດແຄມທາງ ທາງກໍ່ແຄບລົງ ລົດສວນທາງກັນຍາກ ບາງຄັ້ງຕ່າງຝ່າຍຕ່າງຟ້າວ ລົດກໍ່ໄປບໍ່ຫວິດກັນ ໄດ້ຖ້າເປັນຄິວຍາວ ບໍ່ຮູ້ຕອນໃດຈະມີຄົນມາແກ້ໄຂບັນຫາເຫລົ່ານີ້