Gebore en grootgeword in Pretoria in ’n streng Afrikaanse huis, was musiek van kleins af deel van Fanus se wêreld. Sy ouers was groot musiekliefhebbers, sy pa het kitaar en klavier gespeel, en daar was sterk invloede van country, 80’s-musiek en Afrikaanse musiek in die huis. Ook sy oupa se liefde vir digkuns en sy ouma se musikaliteit het ’n merk op hom gelaat. Dit is juis uit dié agtergrond waar sy liefde vir Afrikaanse musiek, kitaar speel en skryf gegroei het.
Een van die belangrikste mylpale in sy loopbaan tot dusver is om deel te wees van die VONK Musiek-groep — ’n hoofstuk wat vir Fanus nuwe momentum en kreatiewe groei beteken.
“Vat Haar Bietjie Plaas Toe” is uiteindelik ’n tong-in-die-kies plaas-sokkie liedjie met karakter. Dit spot met liefde, verwagtinge en die geromantiseerde idee van boerdery, maar doen dit met ’n warm hart en tipiese Suid-Afrikaanse humor. Dit is die tipe lied wat perfek pas by die bakkie se radio, ’n braaivleisvuur, ’n plaasjol of ’n dansvloer waar voete sommer vanself begin jeuk.
Soos Fanus dit self opsom: “Dis lig, dis lekker, catchy en mens kan lekker saam sing terwyl jou voete jeuk om iemand vir ’n draai op die dansvloer te vat.”

Vanjaar speel die Snare weer by Die Boer, die eerste teater waar die Snare destyds gespeel het buite die Kunstefeeste.

Die manne is ouer, wyser en nog beter musikante as wat hulle destyds reeds was. Kom geniet ‘n nostalgiese reis saam met die Ses Snare wat al die ou treffers speel waarvoor hulle destyds bekend geword het.

Met: Blackie Swart, Mel Botes, Mathys Roets, Leon Ecroignard, Wouter van de Venter en Thean Kotze.

Op Vrydag 7 Aug by Die Boer teater restaurant in Durbanville om 20:30

Kaartjies kos R300 en is beskikbaar by 021 979 1911 of aanlyn by www.dieboer.com

’n Skatkis uit ons Musiekverlede bring hulde aan die vrouestemme wat lank vóór ons as een nasie saamgesnoer is, mense oor kleur- en klankgrense heen verbind het, en ’n gedeelde kultuurerfenis help bou het. Deur ’n keur van ikoniese liedjies – van die wêreldklanke van Miriam Makeba (Mama Africa), PJ Powers, Mango Groove, Barbara Ray tot die geliefde Afrikaanse treffers van Laurika Rauch, Rina Hugo, Karen Zoid en Sonja Herholdt – word ’n ryk tapisserie van herinneringe, emosie en humor geskep. Hierdie produksie vier nie goud of juwele nie, maar die ware skat van Suid-Afrika: sy stories, sy mense en sy musiek.

Stephanie Baartman is ’n gevestigde naam in die Suid-Afrikaanse vermaaklikheidsbedryf. Sy het vir die eerste keer nasionale aandag getrek as deelnemer aan die derde seisoen van Supersterre in 2010, en het sedertdien gehore bekoor met haar fluweelstem en opregte verhoogteenwoordigheid. Haar vermoë om emosie deur musiek oor te dra, maak haar ’n besondere vertolker van die liedjies wat in hierdie produksie hul regmatige plek vind.

Benewens haar sangloopbaan, is Stephanie ook ’n bekende aktrise op televisie en verhoog. Sy is tans te sien as Lettie in Diepe Waters, en baie kykers sal haar onthou as Bibi in Getroud met Rugby. Hierdie boorling van Humansdorp, wat haar dramagraad aan die Tshwane Universiteit vir Tegnologie verwerf het, is ’n kunstenaar in hart en siel – ewe tuis in teater, televisie, stemwerk en radio. Haar eerste liefde bly egter musiek, en haar veelsydigheid strek oor genres soos Afrikaans, Engels, jazz, gospel en country. Sy bring nie net tegniese vaardigheid na die verhoog nie, maar ook ’n diep menslikheid wat elke uitvoering uniek maak.

Aan die klavier sit Chanie Jonker, ’n uiters bekwame en klassiek-opgeleide pianis wat haar BMus-graad cum laude aan die Universiteit van Pretoria voltooi het. Met verdere diplomas van UNISA en die ABRSM in die Verenigde Koninkryk, het sy haarself gevestig as een van die land se voorste begeleiers en musiekregisseurs. Haar musikale reis strek oor verskeie genres – van klassiek tot jazz en kontemporêr – en sy het reeds saam met bekende kunstenaars soos Jannie du Toit, André Schwartz en Nadia Beukes opgetree. As musiekregisseur bring sy ’n fyn aanvoeling vir detail en ’n diep begrip van musikale storievertelling na hierdie produksie.

Die samewerking tussen Stephanie Baartman, Chanie Jonker en regisseur Frans Swart is reeds ’n bewese sukses. Hulle het saamgewerk aan die bekroonde huldeblykproduksie Gé Sing: Hoor my Lied, waaruit die oorspronklike lied Ons Gé ontstaan het – geskryf deur Frans Swart en Chanie Jonker, en met groot deernis deur Stephanie vertolk. Die lied het gehore landswyd geraak en is later professioneel opgeneem ná oorweldigende aanvraag. Hierdie kreatiewe vennootskap getuig van ’n gedeelde passie vir Suid-Afrikaanse musiek en ’n besondere vermoë om emosie en erfenis op die verhoog vas te vang.

Moenie hierdie besondere huldeblyk misloop nie – ’n musikale ervaring wat die hart raak en die siel voed. ’n Skatkis uit ons Musiekverlede is ’n viering van waar ons vandaan kom, en ’n herinnering aan die krag van musiek om ons altyd weer bymekaar te bring. Die produksie besoek die AfriForum Teater in Pretoria op Sondag, 2 Augustus om 15:00. Vir besprekings, besoek gerus www.afriforumteater.co.za.

Hulle sê; die oë is die spieël na die siel;
Maar som kan wegsteek tot hul verniel.
Pyn en leiding is tog net tydelik;
Maar dit is so onvermydelik.

Geen persoon kan die ander oordeel;
Want ons almal sit met misdeel.
Hoe ons deur die lewe gaan;
Is altyd die struikelbaan.

Ons het baie om voor dankbaar te wees;
Dit alleen begin vul my soete gees.
As jy ander iewers te na kom;
Maak reg sodat jou lewe blom.

Laat jou oë en siel blydskap toon;
Dis jou verdiende soete loon.
Lewe jou lewe mooi en voluit;
Voordat die dood na jou fluit.

Soete rus

Liewe Edwina jou streng uitkyk sal gemis word,
Jou helder oe en glimlag is wat ons nog kort.
Eenmaal was jy ousus
Nou moet jy verewig rus.

Ons trane en geween sal jou nooit terug bring,
Maar ons weet Jesus se liefde sal ons omring.
Jy laat ons en jou kinders agter,
Tog weet ons Jesus is ons wagter.

Jy is jonk weg en nooit sou ons dit kon weet,
Maar sekerlik sal ons jou nooit vergeet.
Die tyd en uur het vir jou gekom,
Ons het nog tyd om vir Jesus te blom.

Fotos en herinneringe sal ons in ons harte dra,
Maar ter selfde tyd jaag ons as familie Jesus na.
Dankie vir die liefde en 35jaar se lewe
Ons sal leer om elke dag mekaar te moet vergewe.

Ons voel bietjie seer en leeg,
Maar JESUS sal ons wonde verpleeg.
Bitter is die stryd maar soet is die oorwinning.
Hiermee staan ons terug want Jesus Christus is ons Koning.

Troosting aan Charmain en die Cloete/Solomons familie. (25-10-25)

Gelukkig in ons Huis

Daar vêr in die woud,
Is dit baie koud.
Die gras is groen,
En ek verloor my skoen.

Mamma vra: “Moet ek jou dra,
Of gan jy klim op die wa?”
“Nee mamma ek is nat,
En daar voor is ’n gat.”

Stadig loop ons na ons huis, daar voel ons baie tuis.
Ek skreeu: “Pappa ons het hout”,
Want die huis was baie koud.

Pappa maak ’n kaggel vuur,
Jy sien net rook teen die muur.
Ons huis is nou warm,
Ek lê in Pappa se arm.

Cancer-storie

17 October 2024. To Ilse Stevens.

I have heard many stories,
About cancer and it’s categories.
On how it affects people’s lives,
And then break their jives.

Then boom ovarian cancer got a hold of me,
Oh girl I wanted to flee.
My world was shattered at that time,
I even forgot God and didnt give a dime.

The only thing I was thinking of,
Was no babies I would show off.
I lost my mind
And left all positive thinking behind.

Then it hit me the cancer stories
And all it’s categories.
Now I am one of it
Oh my I hated the thought of it.

I am going to die was my thought,
“Mense” I am human my mind was broad.
But then Jesus got a hold of me,
He said girl I am not done with thee.

Today I am a survivor
Because Jesus is the driver.
He assured me my life is in His hands,
My faith is in Him, not drifting sands.

No matter what we face
We should continue the race
With God on our side
We dont have to hide.

It is scary “cancer” and it’s categories
But who is the author of our stories?
The Lord in whom we are victorious.
Lots of love to Ilse Stevens and everyone who survived and battle cancer.

Privaat plekkie

’n Gedig van my wat ek vir jong kinders geskryf het toe ek vir hulle sanitêre doekies gaan uitdeel het in Eendekuil. (11 Junie 2024)

Ek vee my privaat plekkie uit,
Oops! Wat is dit wat hier uit spuit?
Die toiletpapier is bloed rooi,
sal ek mamma nou roep en in nooi?

Ek gee een harde gil,
toe sit ek op die toilet bril.
Wat is nou aan die gebeur,
het my privaat plekkie geskeur?

Mamma mamma! Bring die noodhulp sak,
Hier in my privaat plek is groot marak.
My dogter, waarom skreeu jy so?
Mamma jy sal my nie glo!

My privaat plekkie is vol bloed
amper kom dit op my voet.
Mamma glimlag en fluiter,
my dogter nou moet jy na my luister.

Jy het nou jou maandstonde,
die dogter kyk en vra opgewonde.
Mamma is dit n privaat plekkie bloei?
Mamma lag en se ja, jy het nou gegroei.

Jy moet nou 3 keer per dag was,
jou doekie knoop jy styf in n sakkie vas.
Dan gooi jy dit in die drom,
niemand sal weet wat hier kom.

Jou privaat plekkie is soos haar naam,
sy is privaat en baie baie skaam.
Niemand mag aan haar raak,
want sy is jou privaat saak.

Ongetiteld

Lank gelede was daar ’n meisiekind
Op skool was sy ’n maer gesig kind
Nooit sou sy kon weet
Dat siekte haar lewe eet

Dokter in dokter uit
Sy sê hom sê my reguit
Dokter sê meisie endometriose …
Sy sê dokter is dit die narkose

Vandag ly sy aan die grootnaam siek endometriose
Maar sy sê als het ’n doel dis nie vir die ruggraatlose
Deslin is haar naam
Eendekuil die plek se naam

Sy’s ’n vegter
God is haar regter
Hy gee haar die krag
Sy weet God het alle mag.

22/02/23

Hierdie unieke produksie vier nie net hul individuele treffers nie, maar ook die besondere musikale verbintenisse tussen die kunstenaars. Gehore kan uitsien na Herman en Andriette se gewilde samewerking, asook die klank van Twee wat ’n nuwe dimensie tot die vertoning bring.

Met kragtige lirieke, sielvolle melodieë en opregte vertolkings neem hulle die gehoor op ’n reis deur liefde, verlies, hoop en die skoonheid van die lewe. Elke kunstenaar bring hul eie styl en energie na die verhoog, wat saamvloei in ’n ryk en dinamiese musikale ervaring.

Twee Klein Oseane is meer as net ’n vertoning – dit is ’n intieme musikale ervaring waar verskillende wêrelde en klanke saamkom en elke noot ’n storie vertel. ’n Moet-sien vir enige aanhanger van egte, hartroerende Afrikaanse musiek.

Die titel “Doringdraad Daisies” simboliseer die kontras tussen sagtheid en seer.

Dit herinner luisteraars daaraan dat, maak nie saak hoe swaar omstandighede raak nie, daar altyd iets moois is om raak te sien – en dikwels ook iemand wat ’n moeilike pad ligter maak.

Die lied vertel die storie van iemand wat die positiewe kan raak sien selfs in moeilike situasies, en beklemtoon hoe ’n spesiale persoon in ’n mens se lewe omstandighede beter kan laat voel.

Met ’n sterk Afrikaanse gevoel en toeganklike energie is dit ’n snit waarmee baie mense sal kan identifiseer.

Die lied is geskryf deur Fran Prins en vervaardig deur Eugene Nel van Eulen Records.

Volgens Hoffmann dra die lied ’n besondere betekenis vir hom:

“Die liedjie beteken baie vir my omdat dit ’n storie en gevoel dra waarmee ek myself kan vereenselwig. Dis eerlik, emosioneel en ek glo mense sal hulself ook daarin kan raak hoor.”

Hy glo ook dat die publiek die snit positief gaan ontvang:

“Die liedjie het ’n sterk Afrikaanse gevoel, ’n lekker energie en iets waarmee mense kan identifiseer. Ek hoop dit laat mense saam sing, dans en die storie geniet.”

“Doringdraad Daisies” is Hoffmann se sesde enkelsnit, en volg op vorige vrystellings wat sterk ondersteuning van radio en die publiek ontvang het, met verskeie Top 20-plasings tot en met ’n #1-posisie.

Hierdie sukses het hom verder gemotiveer om nuwe musiek te skep en met sy luisteraars te deel.

Sedert sy vorige vrystelling was Hoffmann besig in die ateljee met nuwe materiaal, optredes regoor die land en die verdere ontwikkeling van sy musiekloopbaan.

Sy planne vir die res van die jaar en 2026 sluit in nóg nuwe vrystellings, meer optredes en om sy musiek aan ’n groter gehoor bekend te stel.

“Ek hoop mense geniet die nuwe enkelsnit net soveel soos wat ek dit geniet het om dit te maak”.

Baie dankie aan almal wat my musiek ondersteun – dit beteken ongelooflik baie vir my.

Dis net die begin.”

“Sluk My Heel In” versterk die groep se groeiende identiteit: musiek wat voel soos ’n herinnering – nostalgies en stil-intens.

Die musiekvideo vat dit nog ’n stap verder en kyk na die idee van hoe mense soms moet aanpas of selfs verander om hul plek te vind — veral in die musiekbedryf. Dit wys op ’n eerlike manier hoe moeilik dit kan wees om jouself te bly.
Vir Sonder Onderbroeke gaan dit op hierdie stadium oor een ding: om dit te geniet en musiek te maak waarop hulle trots is. Met “Wat wil jy hê?” hoop hulle luisteraars vat iets positiefs saam — ’n bietjie selfvertroue en die moed om hul eie pad te loop, selfs wanneer dinge onseker voel.
“Wat wil jy hê?” wys duidelik dat Sonder Onderbroeke besig is om hul plek in die Afrikaanse musiek te vestig — op hul eie manier, en op hul eie terme.

Stephanie Baartman en Chanie Jonker vier ons land se ryk musiekgeskiedenis in ‘n Skatkis uit ons Musiekverlede op Sondag, 2 Augustus en ons sit aan vir die ikoniese Dinner for One op 29 Augustus. Wynand Strydom bring hulde aan die legendariese Koos du Plessis in Koos Doep op 30 Augustus en sluit die seisoen af met Leon van Nierop se Het van Verlangekraal van 25 tot 27 September.

Besprekings vir al ses produksies kan aanlyn by www.afriforumteater.co.za 0118153000 of www.LTickets.co.za gedoen word.