RONB Update - Routine of Nepal Banda Update

नेपाल प्रहरीको विभिन्न पदहरुको पाठ्यक्रम परिवर्तन भएको सुचना

noreply@blogger.com (ChetanTM) — Tue, 28 Feb 2023 00:15:00 +0000

१५ फागुन, काठमाण्डौँ (Source: ChetanTM): नेपाल प्रहरी प्रधान कार्यालनय नक्शाल काठमाण्डौद्वारा नेपाल प्रहरीको प्रहरी निरिक्षक, प्रहरी सहायक निरिक्षक, प्रहरी जवान र प्रहरी कार्यालय सहयोगि पदहरुको पाठ्यक्रम परिवर्तन भएको सुचना ।

Useful Links:

You can view Nepal Police New Syllabus of various post as below:

1) Nepal Police Inspector Syllabus

Click Here To View

2) Nepal Police ASI Syllabus

Click Here to View

3) Nepal Police Constable Syllabus

Click Here To View

4) Nepal Police Office Assistant Syllabus

Click Here To View

Don't forget to Like, Share, Follow and Subscribe us for more updates related Nepal Police Syllabus and many more.

प्रहरीमा वरिष्ठ सई: पद बढ्यो, तलव घट्यो

noreply@blogger.com (RONB Update - Reporter) — Fri, 30 Dec 2022 00:15:00 +0000

१५ पुस, काठमाण्डौँ (Source: Nepal Live): पद बढ्दा तलब समेत घटुवा हुनुपर्ने स्थिति नेपाल प्रहरीमा आएको छ। प्रहरी नियमावली, २०७१ संशोधन गरेर नयाँ पद सिर्जना गरेपछि यस्तो स्थिति आएको हो। बढुवाको जाम खुलाउने भन्दै गत वर्ष प्रहरी निमायवली संशोधन गर्दै वरिष्ठ सई, वरिष्ठ हवल्दार र सहायक हवल्दारको नयाँ पद सिर्जना गरिएको थियो। तीन वटा नयाँ पद सिर्जना भएपछि यी पदमा २० हजार भन्दा प्रहरी कर्मचारीको बढुवा समेत गरियो। तर, पद बढेसँगै फुली थपिए पनि तलब भने घटेर आएपछि पदोन्नती भएका कर्मचारी नै निराश बनेका छन्। यो समस्या वरिष्ठ सईको दर्जामा देखिएको छ।

सई दर्जामा ८ ग्रेड खाएर वरिष्ठ सईमा बढुवा भएका अधिकारीहरु अहिले सईमा खाएको भन्दा २६२ रुपैयाँ कम तलब थाप्ने गरेका छन्। सईमा ८ ग्रेड तलब खाएकाहरुको तलब ४३ हजार ९९४ रुपैयाँ थियो। तर, अहिले उनीहरु वरिष्ठ सईमा बढुवा भएपछि २ ग्रेडको समेत तलब थप गरेर दिँदा पनि सईमा खाएको भन्दा २६२ रुपैयाँ कम, ४३ हजार ७३२ रुपैयाँ तलब थाप्दै आएका छन्।

सरकारले गत साउन १ गतेबाट लागू गरेको नयाँ तलवमान अनुसार वरिष्ठ सईको तलब ४० हजार ९९८ रुपैयाँ छ। सईको भने ३४ हजार ७३० रुपैयाँ छ। तर, १ हजार १ सय ५८ रुपैयाँका दरले सई दर्जाका प्रहरी अधिकारीले ८ ग्रेडसम्म तलब थाप्ने गर्नेछन्। ८ ग्रेड तलब थाप्ने सईको कूल तलब ४३ हजार ९९४ रुपैयाँ हुन्छ। ८ ग्रेड तलब थापेका सईहरुको भन्दा कम अहिले वरिष्ठ सईको तलब हुने गरेको छ। वरिष्ठ सईमा २ ग्रेडमात्रै हुन्छ। १ हजार ३६७ रुपैयाँ ग्रेडका दरले वरिष्ठ सईको तलब जम्मा ४३ हजार ७३२ रुपैयाँ हुन्छ। जसकारण अहिले पनि ८ ग्रेड खाएका सईको भन्दा वरिष्ठ सईको तलव कम हुने गरेको हो। बढुवा भएपछि प्रहरी निरीक्षक (इन्स्पेक्टर) हुने आशा देखेका उनीहरु वरिष्ठ सई भएका थिए। त्यसमाथि पनि सईमा खाएको भन्दा कम तलब भएपछि भने उनीहरु निराश भएका हुन्।

गत साउन १ गतेदेखि लागू भएको प्रहरीको तलबमान।

‘एक त बढुवा भएपछि राजपत्रांकित तृतीय श्रेणी हुने आशा थियो। तर, राजपत्रअनंकितमै रहनु परेको छ। अर्कोतर्फ तलबसमेत घटेर आउँदा मनोबल बढ्नुको साटो निराश हुनपरेको छ। थपिएको फुलीले समेत कुनै अर्थ दिएन’, एक जना वरिष्ठ सईले भने। यसबारे जिज्ञासा राख्दा प्रहरी हेडक्वार्टर भने तलबमानको विषय आफूहरुको नभएको भन्दै पन्छिने गरेको छ। कसरी यस्तो अवस्था आयो भन्ने प्रश्न राख्दा हेडक्वार्टरका कर्मचारी प्रशासन शाखाका एक अधिकारी भन्छन्, ‘तलबमानको कुरो तालुक मन्त्रालय र त्यससँग सम्बिन्धत अन्य मन्त्रालयहरुको हो। यस विषयमा हामीले जवाफ दिन सक्दैनौं। तालुक मन्त्रालयले यस्ता कुरामा बेवास्ता गर्दा यस्तो समस्या आएको हो।’

नेपाल प्रहरीमा भर्खरै वरिष्ठ सई, वरिष्ठ हवल्दार, सहायक हवल्दारको नयाँ पद सिर्जना गरिए पनि सशस्त्र प्रहरी बलमा भने यसअघि देखि नै यी पदहरु कार्यान्वयमा छन्। तर, सशस्त्रमा भने नेपाल प्रहरीको जस्तो समस्या छैन। सशस्त्र र नेपाल प्रहरीमा दर्जा अनुसारको तलबस्केल पनि समान छ। सशस्त्र प्रहरीले भने ग्रेडमा मिलान गरेकाले यस्तो समस्या आएको छैन। सशस्त्रमा सईले जम्मा ६ ग्रेड मात्रै पाउँछन्। प्रहरीमा भने सईले ८ ग्रेडसम्म थाप्छन्। ६ ग्रेड थाप्दा सशस्त्रका सईको कूल तलब ४१ हजार ६ सय ७८ रुपैयाँ हुन्छ। वरिष्ठ सईमा प्रहरीकै जस्तो २ ग्रेड राखिएको छ। २ ग्रेडसहित वरिष्ठ सईको तलब प्रहरीकै समान ४३ हजार ७३२ रुपैयाँ छ। जसकारण ६ ग्रेड थापेका सईको भन्दा वरिष्ठ सईमा २ ग्रेड खाएकाहरुको तलब २ हजार ५४ रुपैयाँ बढी हुन्छ।

Source Link: NepalLive

नेपाली आर्मीको सैन्य पदको लिखित परीक्षाको परीक्षा भवन कायम गरिएको सूचना

noreply@blogger.com (RONB Update - Reporter) — Fri, 15 Jul 2022 00:15:00 +0000

३१ असार, काठमाण्डौँ (Source: Chetan TM): लोक सेवा आयोगद्वारा नेपाल आर्मी अर्थात नेपाली सेनाको सैन्य पदको मिति २०७९ साल साउन १४ गते ११:०० बजे हुने अंग्रेजीम नेपाली, गणीत, सामान्य ज्ञान (विषयगत र वस्तुगत) विषयको विभीन्न स्थानहरुको परिक्षा केन्द्र तोकिएको हुदा विभिन्न स्थानबाट सैन्य पदको लिखित परिक्षाको लागि छनोट हुने उमेदवारहरुले आफ्नो परिक्षा केन्द्र बारे जानकारीको लागि तल दिइको Link मा गएर आफ्नो परिक्षा केन्द्र हेर्न सक्नुहुनेछ ।

Nepal Army Sainya Exam Center:

Don't forget to Like, Share, Follow and Subscribe us for more updates.

आयो गज्जबको स्मार्टफोन, एकपटक चार्ज गरेपछि ९४ दिनसम्म ब्याट्री टिक्ने !

noreply@blogger.com (RONB Update - Reporter) — Sat, 04 Jun 2022 00:15:00 +0000

२० जेठ, काठमाण्डौँ (Source: Onlinekhabar): बजारमा एक पछि अर्को अत्याधुनिक स्मार्टफोन आएसँगै ब्याट्रीको चार्ज नटिक्ने समस्या पनि बढ्दै गएको छ । स्मार्टफोन जति धेरै ठूलो तथा बढि फिचर्सयुक्त भयो ब्याट्रीको खपत पनि उति नै बढि हुन्छ । यस्तोमा कम्पनीहरुले उच्च ब्याट्री क्षमतायुक्त फोनहरु बजारमा ल्याइरहेका छन् । अहिलेसम्म बजारमा ७ हजार मिलिएम्पियर आवर क्षमताको ब्याट्री भएका केही स्मार्टफोन बजारमा देखिएका छन् । कतिपय स्मार्टफोनमा १० हजार मिलीएम्पियर आवरको ब्याट्री पनि रहेका छन् । तर यी सबै किर्तिमानलाई पछि पार्दै चीनको एक कम्पनीले २१ ह्जार मिलिएम्पियर आवर क्षमताको ब्याट्री भएको स्मार्टफोन बजारमा ल्याएको छ ।

चिनिया ब्राण्ड Oukitelले WP19 नामक स्मार्टफोन सार्वजनिक गरेको छ । यो स्मार्टफोनमा २१ ह्जार मिलिएम्पियर आवर क्षमताको ब्याट्री रहेको छ । यो फोन एकपटक फुलचार्ज गरिसकेपछि केही हप्तासम्म तपाइँले चार्जरको सम्झना नगरेपनि हुन्छ । यो स्मार्टफोनमा एक पटक पूरा चार्ज गरेपछि १ सय २२ घण्टासम्म लगातार फोन कल गर्न सकिन्छ । साथै एक पटक फुलचार्ज गरेको ब्याट्रीले १ सय २३ घण्टासम्म गीत बजाउन सकिन्छ भने ३६ घण्टासम्म लगातार भिडियो चलाउन सकिन्छ ।

त्यस्तै एकपटक एकपटक फोन चार्ज गरेपछि यो स्मार्टफोन खुल्ला राख्दा ९४ दिन अर्थात् २२ सय ५२ घण्टासम्म यसको चार्ज टिक्दछ । तर यो फोनमा ठूलो ब्याट्री हुनुको घाटा पनि छ । यो फोन पूरा चार्ज हुनका लागि ४ घण्टा लाग्दछ । यसमा २७ वाटको फास्ट चार्जिङ रहेको छ । यो फोनलाई निकै विषम परिस्थितिमा पनि प्रयोग गर्न सकिन्छ ।

WP19 स्मार्टफोन वाटरप्रुफ रहेको छ । यसमा ६.७८ इन्चको डिस्प्ले राखिएको छ जसमा फुल एचडी प्लस रिजोलुसन तथा ९० हर्ज रिफ्रेस रेट रहेको छ । यसमा मिडियाटेक हिलियो न्ढछ प्रोसेसर राखिएको छ । फोनमा ८ जिबीको र्याम र २५६जिबीको इन्टरनल स्टोरेज दिइएको छ ।

पछाडिको भागमा ट्रिपल क्यामरा सेटअप रहेको छ । जसमा मूख्य क्यामरा ६४ मेगापिक्सेल छ । त्यस्तै २ मेगापिक्सेलको म्याक्रो क्यामरा र २० मेगापिक्सेलको सोनी नाइट भिजन आइआर मोड्युल रहेको छ । त्यस्तै १६ मेगापिक्सेलको सेल्फी क्यामरा रहेको छ । यो फोनमा एन्ड्रोइन १२ अपरेटिङ सिस्टम रहेको छ । युरोपमा यो फोनको मूल्य ६सय ९४ युरो तोकिएको छ ।

Oukitel WP19 Specifications

BASIC INFO
Brand	Oukitel
Model	WP19
Status	Available
Release Date	2022, May
BODY
Dimensions	161.7 x 78.5 x 14 mm
Weight	485 g
Colors	Pearl Black
Body Material	Front glass / Plastic body
SIMs	Dual SIM (Nano-SIM, dual stand-by)
DISPLAY
Size	6.78 inches
Type	IPS LCD capacitive touchscreen, 16M colors
Resolutions	1080 x 2460 pixels, 18:9 ratio
PPI	395 ppi density
Multi touch	Yes
Protection	-
NETWORKS
2G	GSM 2(1900), 3(1800), 5(850), 8(900) - SIM 1 and SIM 2
3G	HSDPA Band 1(2100), 2(1900), 4(1700), 5( 850)
4G	LTE band 1, 2, 3, 5, 7, 8, 20, 38,, 40
5G	No
Speed	HSPA 42.2/5.76 Mbps, LTE Cat4 150/50 Mbps
GPRS	Yes
EDGE	Yes
CAMERA
Rear Triple	Main: 64 MP, PDAF, F/1.8 Ultrawide: 5MP, F/2.2, 117° FoV Depth: 2MP, f/2.4
Features	LED, HDR, panorama
Videos	1080p@30fps
Front	16 MP 720p@30fps
HARDWARE
OS	Android 12
Chipset	Mediatek MT6761 Helio A22 (12 nm)
CPU	Quad-core (2.0GHz Cortex-A53)
GPU	Mali-G76 MC4
RAM	8GB
Storage	256GB
Card Slot	Yes, up to 512GB via microSD card
BATTERY
Type	Li-Po
Capacity	21000 mAh
Removable	Non-Removable
Talk Time	N/A
Stand By	N/A
Fast Charging	Fast battery charging 33W
Wireless Charging	-
COMMONS
Sound	3.5mm jack yes with Loudspeaker
Sensors	Fingerprint (side-mounted), accelerometer, proximity, compass
Bluetooth	5.0 , A2DP, LE
GPS	Yes, with AA-GPS, GLONASS, BEIDOU, GALILEO
USB	USB Type-C, USB 2.0
Wi Fi	Wi-Fi 802.11 a/b/g/n, Wi-Fi Direct, hotspot
NFC	No

Source Link: Onlinekhabar

प्रतिशतमा तलब बढेकोमा तल्लो तहका कर्मचारी असन्तुष्ट

noreply@blogger.com (RONB Update - Reporter) — Sun, 29 May 2022 11:15:00 +0000

१५ जेठ, काठमाण्डौँ (Source: Onlinekhabar): सरकारले आर्थिक वर्ष २०७९/०८० को बजेट वक्तव्यमार्फत सरकारी कर्मचारीको तलब १५ प्रतिशतले बढ्ने घोषणा गरेको छ । सरकारको यो घोषणा अनुसार मुख्य सचिवको तलब १० हजार ७१ रुपैयाँ बढ्ने छ भने खरिदारको तलब ४ हजार २९१ रुपैयाँ मात्र बढेको छ ।

अब मुख्यसचिवको तलब ६७ हजार १४० बाट ७७ हजार २११ रुपैयाँ पुगेको छ भने खरिदारको तलब २८ हजार ६१० बाट ३२ हजार ९०१ रुपैयाँ । कर्मचारीले आउँदो साउन १ देखि बढेको तलब पाउनेछन् । तलबबाहेक मुख्य सचिवदेखि कार्यालय सहयाकसम्मका कर्मचारीले महंगी भत्ता बापत एकमुष्ट २ हजार रुपयाँ मासिक भत्ता पाउँछन् । अनि हरेक वर्ष एक ग्रेडका दरले वृद्धि भएको रकम समेत तलबका रुपमा पाउँछन् । साथै कर्मचारीले वर्षको एकपटक पोशाक भत्ता समेत पाउँछन् ।

तल्लो तहका कर्मचारी रुष्ट

प्रतिशतमा तलब बढ्दा माथिल्लो तहका कर्मचारीको तलब धेरै बढ्ने र आफहरुको तलब थोरै मात्र बढ्ने भन्दै तल्लो तहका कर्मचारीहरु असन्तुष्ट बनेका छन् । सरकारले सबै कर्मचारीको तलब १५ प्रतिशतले बढाउँदा धेरै तलब खाने मुख्य सचिवको तलब मासिक १० हजार ७१ रुपैयाँ बढेको छ भने खरिदारको तलब ४ हजार २९१ रुपैयाँ मात्र बढेको छ ।

त्यसैले बजेट भाषण लगत्तै सामाजिक सञ्जालमा सरकारी कर्मचारीहरुले तल्लो तहका कर्मचारीलाई उपेक्षा गरेर हाकिमको लागि मात्रै तलब बढाएको टिप्पणी गरेका छन् । उनीहरुले प्रतिशतको आधारमा भन्दा पनि वैज्ञानिक ढंगले तलब बढ्नु पर्ने टिप्पणी गरेका छन् ।

अपेक्षा अनुसार आएन : पोखरेल

नेपाल निजामती कर्मचारी युनियनका अध्यक्ष गोपाल पोखरेलले अपेक्षा अनुसार बजेट नआएको र तलब नबढेको बताए । उनले कर्मचारीको तलब बढाउनु भन्दा पनि निजामती कर्मचारीको सेवा सुविधा बढाउनेतर्फ ध्यान दिनुपर्ने बताए । अनलाइनखबरसँग उनले भने, ‘मंहगी अनुसार सरकारले तलब बढाएन । हामीलाई तलब भन्दा पनि निजामती अस्पतालमा निशुल्क उपचार, निजामती कर्मचारीका बालबच्चाको निशुल्क शिक्षा, निजामती कर्मचारीको ठाउँ ठाउँमा आवास बनाउनुपर्ने हो ।’

सुझाव ग्रहण भएन : रावल

कर्मचारीको १५ प्रतिशत तलब बढेकोप्रति राष्ट्रिय कर्मचारी संगठन नेपालका अध्यक्ष हरि रावलले पनि सुझाव ग्रहण नगरेको टिप्पणी गरे । ‘सरकारले कर्मचारीहरु प्रति बजेटमा गरेको निर्णयमा हामी कुनै पनि कर्मचारी संगठनका धारणा समावेश भएको पाइएन । हामीले सुविधा बढाउन माग गरेको थियौं, तर तलब बढ्यो । कर्मचारीहरुको तलब बढ्दा पनि समान ढंगले बढाउनुपर्ने हो तर प्रतिशतमा कर्मचारीको तलब बढ्दा तल्लो तहका कर्मचारीहरुलाई मार परेको छ’, रावलले अनलाइनखबरसँग भने । उनले बजेटमा कर्मचारीबारे भएको निर्णयमा पुर्नविचार गर्न आवश्यक पहल गर्ने बताए।

औसत मात्रै आयो : घिमिरे

एकीकृत सरकारी कर्मचारी संगठनका अध्यक्ष मोहन घिमिरेले कर्मचारी सम्बन्धी बजेटलाई औसत मात्रै भन्न मिल्ने बताए। उनले कर्मचारी संगठनहरुको माग तलब वृद्धि नभई सामाजिक सुरक्षा भत्तातर्फ रहेको भन्दै त्यसतर्फ सरकार अझै गम्भीर हुन नसकेको बताए । उनले भने, ‘मंहगी अनुसार तलब वृद्धि वैज्ञानिक छैन । तर वर्तमान देशको आर्थिक अवस्था अनुसार कर्मचारीहरुको लागि बजेट औसत छ । हाम्रो माग तलब वृद्धि थिएन, सामाजिक सुरक्षातर्फ थियो ।’

प्रतिशतको आधारमा कर्मचारीहरुको तलब बढ्दा तल्लो तहका कर्मचारीको आधारभुत तलब माग बमोजिम अझै नपुगेको उनले बताए । भने, ‘तहगत कर्मचारीको तलब बढ्दा प्रतिशतमा केहि हेरफेर हुनुपर्थ्यो । चुनावी बजेट जस्तो देखिन्छ । कार्यान्वयन भए ठिकै होला ।’

Source Link: Onlinekhabar

सरकारी कर्मचारीको तलब बढ्यो, २०७९ साउनबाट कसको तलब कति, हेर्नुहोस सम्पुर्ण विवरण

noreply@blogger.com (RONB Update - Reporter) — Sun, 29 May 2022 11:15:00 +0000

१५ जेठ, काठमाण्डौँ (Source: ChetanTM): संघीय संसदमा आज आइतबार आर्थिक वर्ष २०७९/८० को बजेट भाषण गर्दै अर्थमन्त्री जनार्दन शर्माले सरकारी कर्मचारीको १५ प्रतिशतले तलब वृद्धिको घोषणा गरेका हुन् । अर्थमन्त्रीले सेना, प्रहरी, शिक्षक लगायत निजामती कर्मचारीको तलब वृद्धिको घोषणा गरेका हुन् । यस्तै महँगी भत्तालाई पनि निरन्तरता दिइएको छ।

नयाँ तलब विवरण:

निजामति कर्मचारीको २०७९ साउन बाट पाउने तलब हेर्नलाई यहाँ Click गर्नुहोस
नेपाल आर्कोमी २०७९ साउन बाट पाउने तलब हेर्नलाई यहाँ Click गर्नुहोस
नेपाल प्रीरहरीको २०७९ साउन बाट पाउने तलब हेर्नलाई यहाँ Click गर्नुहोस
सशस्त्र प्रहरीको २०७९ साउन बाट पाउने तलब हेर्नलाई यहाँ Click गर्नुहोस

Don't forget to Like, Share, Follow and Subscribe us for more updates

संघीय संसद्मा आर्थिक वर्ष २०७९/०८० को बजेट पेस हुदै

noreply@blogger.com (RONB Update - Reporter) — Sun, 29 May 2022 10:15:00 +0000

१५ जेठ, काठमाण्डौँ (Source: eKantipur): अर्थमन्त्री जनार्दन शर्माले सरकारको आर्थिक वर्ष २०७९/०८० को राजश्व र व्ययको वार्षिक अनुमान (बजेट) पेस गरेका छन् । मन्त्री शर्माले संघीय संसदका राष्ट्रिय सभा र प्रतिनिधिसभाको आइतबारको संयुक्त बैठकमा बजेट पेस गरेका हुन् ।

Budget को Live Video हेर्न तलको Link मा Click गर्नुहोस:

National Budget of Nepal 2079/80 Live Stream Video Link

नयाँ तलब विवरण:

निजामति कर्मचारीको २०७९ साउन बाट पाउने तलब हेर्नलाई यहाँ Click गर्नुहोस
नेपाल आर्कोमी २०७९ साउन बाट पाउने तलब हेर्नलाई यहाँ Click गर्नुहोस
नेपाल प्रीरहरीको २०७९ साउन बाट पाउने तलब हेर्नलाई यहाँ Click गर्नुहोस
सशस्त्र प्रहरीको २०७९ साउन बाट पाउने तलब हेर्नलाई यहाँ Click गर्नुहोस

अर्थमन्त्री शर्माले बजेटलाई 'आयातबाट उत्पादनतर्फ, जोखिमबाट समष्टिगत आर्थिक स्थिरतातर्फ र वञ्चितिकरणबाट समावेशितातर्फको प्रस्थान बजेट'का रुपमा ल्याएको बताएका छन् ।

Source Link: eKantipur

तारा एयरको विमान मुस्ताङको टिटीमा दुर्घटना भएको आशंका, जहाज खोज्न दुइटा हेलिकप्टर परिचालन

noreply@blogger.com (RONB Update - Reporter) — Sun, 29 May 2022 00:20:00 +0000

१५ जेठ, काठमाण्डौँ (Source: Ratopati): मुस्ताङको लेते नजिकै पर्ने टिटी भन्ने स्थानमा तारा एयरको विमान दुर्घटना भएको आशंका गरिएको छ । जिल्ला प्रहरी कार्यालय मुस्ताङका डीएसपी रामकुमार दानीले टिटीमा ठूलो आवाज आएको भनेर स्थानीयले प्रहरीलाई खबर गरेको रातोपाटीलाई जानकारी दिए । ‘टिटीमा ठूलो आवाज आएको भनेर हामीलाई खबर आएको छ । त्यहाँ हेलिकप्टर पठाउने तयारी भएको छ’, उनले रातोपाटीलाई बताए । आइतबार विमान १० बजेर १५ मिनेटमा पाेखराबाट जोमसोमका लागि टेकअफ भएको थियो । तारा एयरको ‘एईटी’ ट्विनअटर विमान लेते क्रस भएपछि सम्पर्कबिहीन भएको थियो ।

विमानमा १९ यात्रु र ३ जना चालक दलका सदस्य सवार थिए । विमानमा इन्द्र बहादुर गोले, पुरुषेत्तम गोले, राजन कुमार गोले, मिक ग्र्याट, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, युवी विल्नर र वैभवी बाण्डेकर सवार थिए ।

यस्तै विमान प्याप्टेन प्रभावकर घिमिरेले उडाएका थिए भने सहचालक उत्सव पोखरेल र एयर होस्टेज किस्मी थापा थिइन् ।

सम्पर्कविहीन भएपछि तारा एअरको नाइन एन-एइटी जहाजको खोजीका लागि दुइटा हेलिकप्टर परिचालन गरिएको छ। नेपाली सेनाको हेलिकप्टर काठमाडौंबाट पठाइएको हो भने मुस्ताङमै रहेको फिस्टेल एअरको हेलिकप्टर खोजीका लागि परिचालन गरिएको छ। मुस्ताङका प्रमुख जिल्ला अधिकारी नेत्रप्रसाद शर्माले पनि हराइरहेको जहाज खोज्ने कार्य जारी रहेको बताए।

Source Link: Ratopati

आज बजेट : वृद्धभत्ता पाउने उमेर घट्ने, कर्मचारीको तलब बढ्ने !

noreply@blogger.com (RONB Update - Reporter) — Sun, 29 May 2022 00:15:00 +0000

१५ जेठ, काठमाण्डौँ (Source: Onlinekhabar): सरकारले आर्थिक वर्ष २०७९/८० को बजेट आज सार्वजनिक गर्दै छ । अपराह्न चार बजे बस्ने संघीय संसदको बैठकमा अर्थमन्त्री जनार्दन शर्माले आय-व्ययको विवरण प्रस्तुत गर्ने छन् । संविधानमै १५ जेठमा नयाँ आर्थिक वर्षको बजेट सार्वजनिक गर्ने व्यवस्था छ ।

नयाँ तलब विवरण:

निजामति कर्मचारीको २०७९ साउन बाट पाउने तलब हेर्नलाई यहाँ Click गर्नुहोस
नेपाल आर्कोमी २०७९ साउन बाट पाउने तलब हेर्नलाई यहाँ Click गर्नुहोस
नेपाल प्रीरहरीको २०७९ साउन बाट पाउने तलब हेर्नलाई यहाँ Click गर्नुहोस
सशस्त्र प्रहरीको २०७९ साउन बाट पाउने तलब हेर्नलाई यहाँ Click गर्नुहोस

यस वर्षको बजेट आगामी निर्वाचन लक्षित हुने छ । यसै वर्ष हुने संघ र प्रदेशको निर्वाचनलाई लक्षित गरी मतदातालाई खुसी पार्ने प्रयासबाट बजेट आउने स्रोतले बतायो । ज्येष्ठ नागरिक, कर्मचारी, उद्योगी-व्यवसायी, कृषक र युवालाई लक्षित गरी तलब-भत्ता वृद्धि, कर छुट, राहत, अनुदान लगायतका कार्यक्रम बजेटमा समेटिने स्रोतले बतायो ।

सरकारले कर्मचारीको तलब सामान्य बढाउने र वृद्धभत्ता पाउने उमेर पनि घटाउने गरी बजेट तयार पारेको स्रोतको दाबी छ । प्रधानमन्त्री शेरबहादुर देउवाले वृद्धभत्ता पाउने उमेरलाई ७० वर्षबाट घटाएर ६५ वर्ष बनाउने यसअघि नै बताएका थिए । तर बजेटमा ६५ नभई ६८ वर्ष उमेर पूरा भएकालाई वृद्ध भत्ता दिने गरी तयारी भएको स्रोतले बतायो । मन्त्रालय स्रोतले भन्यो, ‘वृद्धभत्ता सामान्य बढ्न सक्छ र वृद्धभत्ता पाउने उमेर पनि एक-दुई वर्ष घट्न सक्छ ।

सरकारले बजेटमार्फत् निजामती कर्मचारीहरुको तलब बढाउने तयारी पनि गरेको छ । महँगी बढ्दै गएकाले तलब पनि बढाउनु पर्ने माग कर्मचारीहरुको छ । तर देश आर्थिक संकटबाट गुजि्ररहेकाले सरकार दबाबमा छ । यद्यपि कर्मचारीको तलबमा सामान्य वृद्धि हुने सम्भावना रहेको स्रोतले बतायो । यसअघि योजना आयोगका उपाध्यक्ष संयोजकत्व रहेको स्रोत समितिले आगामी आर्थिक वर्षको बजेटको सीमा १७ खर्ब ४५ अर्ब निर्धारण गरेको थियो । तर, त्योभन्दा ठूलो आकारमा बजेट आउने बताइएको छ ।

Source Link: Onlinekhabar

मतपेटिका लुटेर भागेका बैठा पक्राउ

noreply@blogger.com (RONB Update - Reporter) — Fri, 20 May 2022 00:15:00 +0000

०६ जेठ, काठमाण्डौँ (Source: Onlinekhabar): प्रहरीले रौतहट मतदान केन्द्रबाट मतपेटिका लुटेर फरार भएका अभियुक्तलाई पक्राउ गरेको छ । पक्राउ पर्नेमा यमुनामाई गाउँपालिका वडा २ बस्ने ४६ वर्षीय चन्देश्वर बैठा रहेका छन् । बैठालाई घरमै लुकीछिपी बसेको अवस्थामा फेला पारी पक्राउ गरिएको जिल्ला प्रहरी कार्यालय रौतहटले जनाएको छ । पक्राउ परेका उनीमाथि निर्वाचन (कसुर तथा सजाय) ऐन, २०७३ बमोजिम कानूनी कारवाहीको लागि रौतहट जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।

३० वैशाखमा भएको स्थानीय तह निर्वाचनका दिन यमुनामाई गाउँपालिका- २ स्थित श्री मावि भेडियाही स्कुलमा अवस्थित मतदान केन्द्रबाट मतपेटिका लुटपाट भएको थियो ।

Source Link: Onlinekhabar

गुगल सर्चमा आफ्नो जानकारी भेट्नुभयो ? यसरी हटाउनुहोस्

noreply@blogger.com (RONB Update - Reporter) — Wed, 18 May 2022 00:15:00 +0000

०४ जेठ, काठमाण्डौँ (Source: Techpana): इन्टरनेटमा हाम्रा जानकारी जताततै छरिएका छन् । त्यो हुँदा गुगल सर्च गर्दा यस्ता जानकारी देखिनु स्वाभाविक नै हो । यस्तोमा गुगलले सर्चमा देखिने प्रयोगकर्ताको कतिपय जानकारी हटाउन सकिने सुविधा उपलब्ध गराएको छ । कम्पनीले गएको अप्रिलमा रिक्वेस्ट गरेर कस्ता–कस्ता जानकारी हटाउन सकिन्छ भन्ने विषय उल्लेख गरेकाे छ, जसमा प्रयोगकर्ताको फोन नम्बर, लोकेसन लगायतका महत्त्वपूर्ण विषय छन् । ‘कुनै पनि प्रयोगकर्ताको व्यक्तिगत जानकारीलाई लिएर त्यसलाई गलत रुपमा प्रयोग हुनसक्छ । यतिसम्म कि कसैलाई भाैतिक रुपमा पनि असर पार्न सक्छ,’ गुगलका ग्लोबल पोलिसीका प्रमुख माइकल च्याङले ब्लगमा लेखेका छन्, ‘त्यसैका आधारमा यहाँ हामी तपाईंलाई गुगल सर्चबाट तपाईंका कस्ता–कस्ता जानकारी हटाउन सकिन्छ र हटाउने कसरी भन्ने विषयमा जानकारी दिँदैछौ ।’

गुगल सर्चबाट तपाईंका कस्ता जानकारी हटाउन सकिन्छ ?

गुगलले कुनै महत्त्वपूर्ण अवस्थामामात्रै तपाईंले आफ्नो जानकारी हटाउन दिएको आग्रहलाई आत्मसात गर्छ । यसको अर्थ बिना कुनै कारण गुगलले तपाईंको जानकारी हटाउँदैन ।

गुगलका अनुसार प्रयोगकर्ताले निवेदन दिएको खण्डमा यी विषयलाई हटाउन सकिने छ ।

१. ईमेल, फोन नम्बर, लोकेसनजस्ता सम्पर्कका लागि आवश्यक व्यक्तिगत जानकारी ।

२. क्रेडिट कार्ड, बैंक अकाउन्ट नम्बर, तपाईंको हस्ताक्षरको फोटो लगायतका जानकारी ।

३. प्रयोगकर्ताको लगईन युजर नेम र पासवर्ड

४. डिपफेक/पोर्नोग्राफीसँग सम्बन्धित इमेज तथा भिडिओ

५. मेडिकल सम्बन्धित अन्य महत्वपूर्ण जानकारी

६. तपाईंको नामसँग जोडिएको, तर तपाईंसँग असम्बन्धित पोर्नोग्राफी कन्टेन्ट ।

माथि उल्लेखित बुँदाबाट हामीले गुगललाई आफ्ना कस्ता जानकारी हटाउनका लागि रिक्वेस्ट गर्न सक्छौ भन्ने विषयमा जानकारी पायौं । अब यस्ता जानकारी हटाउन गुगललाई कसरी रिक्वेस्ट गर्ने भन्ने विषयमा जानकारी दिँदैछौं । गुगलले सहज रुपमा कुनै पनि जानकारी हटाउँदैन । त्यसका लागि तपाईंले गुगललाई ‘रिक्वेस्ट’ पठाउनु पर्छ । त्यसरी रिक्वेस्ट पठाउँदा कुन यूआरएल (लिंक) बाट तपाईंको जानकारी बाहिरिएको हो, उक्त लिंक समेत पठाउनुपर्नेछ ।

कतिपय अवस्थामा तपाईंले उक्त जानकारीको स्क्रिनशट समेत पठाउनुपर्ने हुन्छ । त्यसरी जानकारी पठाएसँगै गुगलले तपाईंको निवेदन अध्ययन गर्नेछ, जसमा कतै तपाईंले आग्रह गर्नुभएको जानकारी सार्वजनिक रुपमा उपलब्ध छ कि छैन ? अथवा कतै यो जानकारी समाचार/लेखमा भएको र त्यो महत्त्वपूर्ण त छैन ? भन्ने विषय यसले अध्ययन गर्छ ।

यदि त्यस्तो भएको खण्डमा रिक्वेस्ट अप्रुभ नहुने च्याङ बताउँछन् । अन्यथा गुगलले लिंक नै हटाउने अथवा सर्च रिजल्टमात्रै हटाउनेमध्ये कुनै एक निर्णय लिनेछ, जसको जानकारी प्रयोगकर्तालाई गुगलले दिनेछ ।

Source Link: Techpana

सरकारले बढायो सार्वजनिक सवारीको भाडा, कहाँको कति पुग्यो सूचीसहित

noreply@blogger.com (RONB Update - Reporter) — Tue, 17 May 2022 00:15:00 +0000

०३ जेठ, काठमाण्डौँ (Source: ChetanTM): पेट्रोलियम पदार्थमा मूल्य वृद्धि भएसँगै सरकारले सार्वजनिक सवारीको भाडा बढाएको छ। वैज्ञानिक भाडा समायोजन प्रणालीअनुसार स्वचालित रुपमा अन्तरप्रदेश सार्वजनिक सवारीको भाडा समायोजन भएको यातायात व्यवस्था विभागले जनाएको छ। अन्तरप्रदेश चल्ने सार्वजनिक सवारीमा यात्रुबाहक तर्फ ३.५ प्रतिशत भाडा बढाएको छ। पहाडी बाटोमा गुड्ने मालबाहकमा ४.६ प्रतिशत र तराइको बाटोमा गुड्ने मालबाहक सवारीमा ५.१ प्रतिशत भाडा बढाएको हो।

Useful Link:

नयाँ भाडादर हेर्नको लागि यहाँ Click गर्नुहोस ।

इन्धनको मूल्य ५ प्रतिशत वा सोभन्दा बढी बढेमा स्वचालित रुपमा भाडा समायोजन हुने व्यवस्था छ। नेपाल आयत निगमले गत शनिबार इन्धनको मूल्य प्रतिलिटर १० रूपैयाँ बढाएसँगै भाडा समायोजन भएको हो। समायोजन भएको भाडा भोलिदेखि लागू हुने विभागले बताएको छ।

Useful Link:

नयाँ भाडादर हेर्नको लागि यहाँ Click गर्नुहोस ।

Source Link: ChetanTM

यसरी हेर्नुहोस् स्थानिय निर्वाचनको मतगणनाको लाइभ अपडेट

noreply@blogger.com (RONB Update - Reporter) — Sat, 14 May 2022 00:15:00 +0000

३१ बैशाख, काठमाण्डौँ (Source: Techpana): देशभर स्थानीय चुनावको मतगणना जारी छ । अधिकांश पालिकाहरूको मतगणना सुरु भइसकेको छ भने केही पालिकाको मतगणना सुरु हुने क्रममा छ । देशभर कुन जिल्लाको कुन स्थानीय तहको मतगणनाको परिणाम कति पुग्यो भनेर हेर्नको लागि निर्वाचन आयोग नेपालले अनलाइनबाट परिणाम हेर्ने व्यवस्था गरेको छ ।

स्थानिय निर्वाचन २०७९ को नतिजा हेर्ने Link:

अनलाइनमा मतपरिणाम हेर्नको लागि निर्वाचन आयोगको यस लिंकमा क्लिक गर्नुहोस् । यसपछि नेपालको नक्सामा सात प्रदेशको नाम देख्न सक्नुहुनेछ । आफूले मत परिणाम हेर्न चाहेको प्रदेशको नक्समा क्लिक गर्नुहोस् । प्रदेश नक्सामा क्लिक गरिसकेपछि आफूले चाहेको जिल्लाको नक्सामा क्लिक गर्नुहोस् र उक्त जिल्ला अन्तर्गतको पालिकाको नक्सामा क्लिक गरेर मेयर/प्रमुखदेखि वडासदस्य उम्मेदवारहरूकाे आधिकारिक मतपरिणाम हेर्न सक्नुहुनेछ ।

Source Link: Techpana

नौ दिनपछि नेप्सेमा उच्च अंकको वृद्धि

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: Setopati): नौ कारोबार दिनपछि नेप्सेमा उच्च अंकको वृद्धि देखिएको छ। मंगलबार नेप्से ४४.१६ अंकले २,३१३ विन्दुमा पुगेको छ। नेप्सेमा वृद्धि देखिएपनि कारोबार रकम अघिल्लो दिनको तुलनामा ३ प्रतिशतले घटेको छ। आज जम्मा ३३ लाख ३० हजार १५० सेयर किनबेच हुँदा एक अर्ब ३५ लाख ६६ हजार रूपैयाँ कारोबार भएको छ। अघिल्लो दिन कारोबार रकम एक अर्ब ३९ करोड ६ लाख रूपैयाँ पुगेको थियो।

बजार न्यूनतम तहमा आएपछि बढेको खरिददारीले सेयर बजारलाई उचालेको हो। तर अझै पनि राम्रा कम्पनीहरूको मूल्य नबढेको एक ब्रोकरले बताए। 'अझैं आधारभूत पक्ष राम्रा भएका कम्पनीहरूको मूल्य बढेको छैन,' ती ब्रोकरले भने, 'अब एक पटक लगानीकर्ताहरू मुनाफा सुरक्षित गर्न थाल्नेछन्। यसपछि पनि बजारले वृद्धिको बाटो समाते बजार केही समय थप बढ्नेछ।

मंगलबार २२६ धितोपत्र तथा ऋणपत्र कारोबार हुँदा १९५ वटाको सेयर बढेको छ भने जम्मा २० वटाको मूल्य घटेको हो। कारोबारमा आएका १३ उपसमूहहरूमध्ये सबैको सकारात्मक देखिएको छ। आज सबैभन्दा धेरै फाइनान्सको ३.२७ प्रतिशत, विकास बैंकको २.६५ प्रतिशत र इनभेस्टमेन्टको २.२९ प्रतिशतले बढेको हो।

जाल्पा सामुदायिक लघुवित्त वित्तीय संस्थाको आज पनि सकारात्मक सर्किट ब्रेक लागेको छ। लघुवित्तको अघिल्लो दिन पनि सकारात्मक सर्किट ब्रेक लागेको थियो। यसको लागातार मूल्य वृद्धि भइरहेको छ।

जाल्पासँगै मंगलबार ङादी ग्रुप पावर लिमिटेड र बरुण हाइड्रोपावरको मूल्य वृद्धिमा सकारात्मक सर्किट ब्रेक लागेको छ।कम्पनीहरूले हकप्रद सेयर निस्कासनको लागि विद्युत नियमन आयोगबाट स्वीकृति पाएसँगै कम्पनीहरूको मूल्य बढेको हो। बरुण हाइड्रो पावरको प्रति सेयर कारोबार मूल्य चार सय ४७ रूपैयाँ र ङादी ग्रुप पावरको ६ सय ३३ रूपैयाँ पुगेर सर्किट ब्रेक लागेको हो।

यसपछि युनिभर्सल पावर कम्पनीको ९.९७ प्रतिशत, दिव्यश्वरी हाइड्रोपावरको ९.१७ प्रतिशत र नेसनल हाइड्रोपावर कम्पनीको ९.०८ प्रतिशतले सेयर मूल्य बढेको हो। कारोबार रकमको आधारमा पनि आज ङादी ग्रुप पावरको सबैभन्दा धेरै रकम कारोबार भएको छ। कम्पनीको ९ करोड ९८ लाख ३ हजार रूपैयाँ कारोबार भएको हो।

यसपछि अरूण भ्याली हाइड्रोपावरको ४ करोड २५ लाख २३ हजार रूपैयाँ, नेपाल टेलिकमको ३ करोड ८२ लाख ८९ हजार रूपैयाँ, बरुण हाइड्रो पावरको ३ करोड ७४ लाख २६ हजार रूपैयाँ र नबिल बैंकको ३ करोड ६८ लाख ८७ रूपैयाँको कारोबार भएको हो।

Source Link: Setopati

राष्ट्रिय वाणिज्य बैकको लिखित परिक्षा केन्द्र तोकिएको सुचना

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: ChetanTM): राष्ट्रिय बाणिज्य बैक लिमिटेडको विभिन्न पदहरुलो लिखित परिक्षा भवन तोकिएको सुचान लोक सेवा आयोगद्वारा प्रकासन गरिएको छ ।

Useful Link:

हाल सम्म निम्न स्तानहरुलो परिक्षा केन्द्र तोकिसकिएको छ । बाँकि स्थानहरुको परिक्षा केन्द्र पनि चाडैतिकिने छ ।

राष्ट्रिय वाणिज्य बैकको धनकुटाको परिक्षा केन्द्र हेर्न यहाँ Click गर्नुहोस ।
राष्ट्रिय वाणिज्य बैकको काठमाण्डौको परिक्षा केन्द्र हेर्न यहाँ Click गर्नुहोस ।
राष्ट्रिय वाणिज्य बैकको बुटवलको परिक्षा केन्द्र हेर्न यहाँ Click गर्नुहोस ।
राष्ट्रिय वाणिज्य बैकको सुर्खेतको परिक्षा केन्द्र हेर्न यहाँ Click गर्नुहोस ।
राष्ट्रिय वाणिज्य बैकको जनेश्वरको परिक्षा केन्द्र हेर्न यहाँ Click गर्नुहोस ।
राष्ट्रिय वाणिज्य बैकको महेन्द्रनगरको परिक्षा केन्द्र हेर्न यहाँ Click गर्नुहोस ।

Source Link: ChetanTM

निर्वाचनमा प्रहरीलाई आवश्यक पर्ने हतियारदेखि सन्चार सेटसम्म अभाव, भत्तासमेत काटियो

noreply@blogger.com (RONB Update - Reporter) — Tue, 10 May 2022 00:15:00 +0000

२७ बैशाख, काठमाण्डौँ (Source: DCNepal): स्थानीय तह निर्वाचनमा नेपाल प्रहरी अभावै अभावकाबीच खटिएको छ । २०७४ सालको निर्वाचनमा सात दिन बराबरको भत्ता पाएको नेपाल प्रहरी अहिलेको निर्वाचनमा त्यो पनि कटौती भएको छ । आर्थिक मन्दिका कारण सरकारले सुरक्षा निकायलाई दिइँदै आएको निर्वाचन सुरक्षा भत्ता कटौती गरेको हो । एकातिर भत्ता कटौतीको सामना गरिरहेको नेपाल प्रहरी अर्कोतिर हतियारदेखि सञ्चारसेटसम्मको अभावमा छ ।

निर्वाचनमा खटिँदा आवश्यक पर्ने साना हतियार नेपाल प्रहरीसँग नहुँदा नेपाली सेनाबाट मागेको छ । त्यस्तै झण्डै १५ हजार सञ्चार सेटको पनि अभाव देखिएको छ । त्यसका लागि प्रहरीले पुराना बिग्रिएका मर्मत सम्भार गरेर काम चलाएको छ । त्यस्तै व्यक्तिगत फोनको प्रयोग गरेर समेत काम चलाइरहेको छ ।

निर्वाचनको मिति घोषणा भएसँगै प्रहरीले हतियार र सञ्चार सेट किन्नको लागि सरकारसँग माग गरेको थियो । तर, सरकारले माग बमोजिम बजेट नदिएपछि प्रहरीले सेनासँग हतियार मागेको हो । नेपाल प्रहरीमा हालै एक हजार २०० जति प्रहरी वरिष्ठ नायव निरीक्षक थपिएका छन् । थपिएका प्रहरी जुनियर अधिकृतहरूका लागि हतियारको अभाव भएको प्रहरीले जनाएको छ । त्यस्तै प्रहरीले केही थान सञ्चार सेट पनि नेपाली सेनासँग मागेर काम चलाइरहेको छ । सरकारले यस पटक निर्वाचन सुरक्षामा खटिने सुरक्षाकर्मीलाई दिइने भत्तासमेत कटौती गरेको छ ।

२०७४ सालको प्रतिनिधिसभा र प्रदेशसभा निर्वाचनमा खटिएका सुरक्षा कर्मचारीहरूलाई सात दिनको भत्ता उपलब्ध गराइएको थियो । तर, अहिले त्यो कटौती गरिएको प्रहरी प्रवक्ता एसएसपी विष्णुकुमार केसीले बताए । सीमित स्रोत साधनका बाबजुत प्रहरी निर्वाचन सुरक्षामा खटिएको छ । सवारी साधन, हातहतियार, सञ्चार उपकरण लगायतका स्रोत साधानको अभाव देखिएको हो । अभावका बाबजुत व्यवस्थापन गरेर निर्वाचन सुरक्षाको काम भइरहेको प्रहरी प्रवक्ता केसीले बताए ।

देशभर रहेका १० हजार ७५६ मतदानस्थल छन् । तीमध्ये दुई हजार ९४६ मतदान स्थल अतिसंवेदनशीलको रूपमा वर्गिकरण गरिएको प्रवक्ता केसीले बताए । प्रहरीले उपत्यकाबाट नौ हजार ६०० प्रहरी बाहिरी जिल्लामा खटाएको छ । स्थानीय तह निर्वाचनका लागि नेपाली सेना र सशस्त्र प्रहरीले पनि गस्ती सुरु गरेको छ । मंगलबारबाट नेपाली सेना र सशस्त्र प्रहरी हरेक मतदान केन्द्रमा खटिएका छन् । हरेक पालिकामा सशस्त्र प्रहरी र नेपाल प्रहरीले मोबाइल गस्ती पनि थालेको छ ।

मंगलबारबाट गाउँपालिका, नगरपालिका र महानगरपालिकामा सुरक्षा चुनौती अनुसार सुरक्षाकर्मी परिचालन गरिएको प्रवक्ता केसीले बताए । नेपाली सेनाले पनि हरेक पालिकामै पुरेर सुरक्षा गस्ती थालेको छ । बाहिरी सुरक्षा र आपत्‌कालीन अवस्थामा सेना तैनाथ रहने गरी गृह मन्त्रालयले सुरक्षा व्यवस्था मिलाएको छ ।

Source Link: DCNepal

भोट हाल्न जाँदा साथमा मोबाइल लैजान पाइन्छ कि पाइदैन ?

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: Techpana): आउँदो शुक्रबार देशभर स्थानीय तहको निर्वाचन हुँदैन । बिहान सात बजेदेखि साँझ पाँच बजेसम्म चल्ने मतदानका लागि आज रातीबाट मौन अवधि सुरु हुँदैछ । यो अवधिमा चुनाव प्रचारको कुनै पनि क्रियाकलाप गर्न निर्वाचन आचार संहिताले रोक लगाएको छ ।

निर्वाचन आचार संहिताले निर्वाचन तथा मतदानको समयमा कतिपय विषयमाथि प्रतिबन्ध लगाएको छ । सामाजिक सञ्जालमा कुनै पनि उम्मेदवारलाई होच्याउने, एउटा उमेदवारको फोटोलाई अर्को उम्मेदवारको फोटोमा जोड्ने, सामाजिक सञ्जालमा चुनाब भड्काउने खालका कुनै पनि क्रियाकलाप गर्न नपाउने लगायतका व्यवस्था गरिएका छन् ।

त्यतिमात्रै नभएर निर्वाचन आचार संहिताले मतदान केन्द्रमा जाँदा अपनाउनु पर्ने केही प्रावधानहरू पनि तोकिदिएको छ । यस्तोमा धेरैलाई मतदान केन्द्रमा जाँदा मोबाइल लैजान पाइन्छ कि पाइदैन भन्ने दुबिधा पनि हुनसक्छ । किन भने आफूले हालेको मतपत्रको फोटो खिच्ने, सामाजिक सञ्जालमा राख्ने चाहना कतिपयलाई हुनसक्छ ।

तर, निर्वाचन आचार संहिताले भने त्यस्ता क्रियाकलापलाई पूर्णरुपमा प्रतिबन्ध लगाएको छ । स्थानीय निर्वाचन आचार संहिता, २०७९ अनुसार केन्द्रमा मतदान गर्न स्वीकृत पाएको व्यक्तिले साथमा मोबाइल, क्यामेरा जस्ता कुनै पनि फोटो खिच्न सकिने उपकरण बोकेर जान नपाउने स्पष्ट पारेको छ ।

Source Link: Techpana

माधव नेपालको चिप्लियो जिब्रो, मागे सूर्यमा भोट

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: Ratopati): माधव कुमार नेपाल नेतृत्वको नेकपा एकीकृत समाजवादी कलम चिह्न लिएर स्थानीय तह निर्वाचनमा होमिएको छ । पाँच दलीय गठबन्धनसँग चुनावी तालमेल गरेको समाजवादीले ललितपुरको महालक्ष्मी नगरपालिकामा भने एक्लै लडेको छ ।

मंगलबार समाजवादीको अन्तिम चुनावी सभामा ललितपुरको महालक्ष्मी नगरपालिकाको लुबुमा थियो । जहाँ अध्यक्ष नेपालले सम्बोधन गरे । सम्बोधन गर्दै गर्दा उनले आफ्ना उम्मेदवारलाई सूर्यमा मतदान गरेर जिताउन आग्रह गरे । यसअघि लामो समय नेकपा एमालेमा रहेका नेपाललाई विगतको सम्झना आएको हुनसक्छ । जसले गर्दा कमल चिन्हमा मत माग्नुपर्नेमा उनले सूर्य चिह्नमा मत मागेका थिए ।

सूर्यमा मत माग्दै गरेका नेपाललाई उनका कार्यकर्ताले रोकेर कलम चिन्हमा मत माग्न अनुरोध गरे । त्यसपछि पनि उनी एकछिन अकमक्किए । एक छिन अलमलिएका नेपालले पछि सूर्यलाई पराजित गर्न कलम चिन्हमा मतदान गर्न आग्रह गरे ।

Source Link: Ratopati

खल्तीबाट ल्यान्डलाइन बिल भुक्तानी गर्दा ५० प्रतिशत क्याशब्याक

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: Techpana): खल्ती डिजिटल वालेटबाट ल्यान्डलाइन बिल भुक्तानी गर्दा ५० प्रतिशत क्याशब्याक पाइने भएको छ । कम्पनीले भोलि बुधबार एक दिनका लागि यो क्याशब्याक अफर ल्याएको हो । यसअन्तर्गत खल्ती प्रयोगकर्ताले प्रोमोकोड ‘TRINGTRING’ प्रयोग गरी ल्यान्डलाइन बिल भुक्तानी गर्दा ५० प्रतिशत (दुई सय रूपैयाँसम्म) पाउनसक्नेछन् ।

कम्पनीका अनुसार पहिलो २०० प्रयोगकर्तामात्र यो योजनामा सहभागी हुन पाउनेछन् । यसका लागि प्रयोगकर्ताले केवाईसी भेरिफाइ भने गरेको हुनुपर्नेछ ।

Source Link: Techpana

आज मध्यरातिबाट मौन अवधि : के गर्न पाइन्छ, के पाइन्न ?

noreply@blogger.com (RONB Update - Reporter) — Tue, 10 May 2022 00:15:00 +0000

२६ बैशाख, काठमाण्डौँ (Source: Ratopati): स्थानीय तहकाे मतदानकाे पूर्वसन्ध्यामा आज मंगलबार मध्यरातदेखि माैन अवधि सुरु हुँदैछ । मतदान ३० वैशाख अर्थात शुक्रबार हुँदैछ । मंगलबार राति १२ बजेबाट मौन अवधि सुरु हुने निर्वाचन आयाेगले जनाएकाे छ ।आयाेगले मौन अवधि सुरु हुनुभन्दा अगाडि मतदानस्थलको ३ सय मिटर वरिपरि राखिएका राजनीतिक दल वा उम्मेदवारका प्रचार-प्रसारका सामग्री हटाउन निर्देशन दिएकाे छ ।

निर्वाचनको मौन अवधिअगावै उम्मेदवार र उनीहरूका प्रशंसकका फेसबुक, ट्वीटर, टिकटकलगायत पेजका स्पोन्सर सामग्री हटाउन आयोगले आग्रह गरेको छ। सामाजिक सञ्जालमा रहेका आचारसंहिताविपरीतका चित्र, पोष्ट हटाउन आयोगले भनेको छ।

नयाँ सामग्री पोष्ट नगर्न निर्देशन दिन आयोगले नेपाल दूरसञ्चार प्राधिकरणलाई निर्देशन दिएको छ। मतदानका दिन वैशाख ३० गते यातायातका साधन बन्द गर्ने निर्णय सरकारले गरेको छ। एम्बुलेन्स, खानेपानीको ट्यांकर, दूध बोक्ने सवारी साधन, दमकल, दूरसञ्चार तथा केबल सेवा, शववाहन, अस्पतालका स्वास्थ्यकर्मीको आवागमनका लागि प्रयोग हुने साधन भने सञ्चालनमा रहनेछन् ।

निर्वाचन आचारसंहिताअनुसार मौन अवधिमा के गर्न पाइँदैन ?

मौन अवधिभर निर्वाचन प्रचारप्रसारलगायत कुनै पनि प्रकारका छलफल, अन्तरक्रिया, सभा-सम्मेलन, कार्यशाला, गोष्ठी गर्न नहुने
निर्वाचन प्रचारप्रसार गर्न र मत माग्न नहुने
मौन अवधि सुरू हुनुभन्दा अगाडि मतदान केन्द्रको ३०० मिटर वरिपरी राखिएका आआफ्ना निर्वाचन चिह्न तथा प्रचार र प्रसारका सामग्री हटाएको हुनुपर्ने
एसएमएस, फेसबुक, भाइबर जस्ता सामाजिक सञ्जालमार्फत मत माग्न र निर्वाचन प्रचारप्रसार गर्न नहुने
मौन अवधिमा उम्मेदवार वा राजनीतिक दलको प्रचारप्रसार हुने गरी कुनै समाचार वा सूचना प्रकाशन वा प्रसारण गर्न नहुने

Source Link: Ratopati

नयाँ बजेटमा सरकारी कर्मचारीको तलब बढ्न सक्ने

noreply@blogger.com (RONB Update - Reporter) — Mon, 09 May 2022 00:15:00 +0000

२६ बैशाख, काठमाण्डौँ (Source: Ratopati): हाल अर्थ मन्त्रालयले सिलिङको आधारमा बजेटको तयारी गरिरहेको छ ।

Useful Links:

राष्ट्रिय योजना आयोगले आगामी आर्थिक वर्षका लागि १७ खर्ब ४७ अर्ब रुपैयाँ बजेट सिलिङ दिएको छ । यसैको आधारमा छलफल भइरहेको मन्त्रालय स्रोतको भनाइ छ । अर्थ मन्त्रालय स्रोतका अनुसार आगामी नयाँ बजेटमा सरकारी कर्मचारीको तलब २ हजार रुपैयाँले बढ्ने भएको छ । सरकारले आगामी आर्थिक वर्ष २०७९÷८० को बजेटबाट कर्मचारीको तलब बढाउने तयारी गरेको हो ।

जेठ ३ मा बजेट अधिवेशन
आयकरको सीमा पनि बढाइने

चालू आवको बजेट सार्वजनिक गर्दा पूर्वअर्थमन्त्री विष्णु पौडेलले कर्मचारीको तलब नबढाएर भत्ता सोलोडोलो २ हजारले बढाएका थिए । यसपालि भने तलब नै २ हजार रुपैयाँले बढ्ने भएको हो । भत्ताको भार सरकारलाई तत्कालका लागि मात्रै परे पनि कर्मचारीको मासिक तलब वृद्धिको असर भने दीर्घकालसम्म पर्नेछ । बढेको तलबले अवकाशप्राप्त कर्मचारीका लागि सरकारको सामाजिक सुरक्षा खर्च (निवृत्तिभरण) व्यवस्थापनमा पनि चाप पर्नेछ । आजको राजधानी दैनिकमा समाचार छ ।

Source Link: Ratopati

२०७९ सालमा संचालन हुने कक्षा १२ को बार्षिक परीक्षाको परीक्षा केन्द्रहरु

noreply@blogger.com (RONB Update - Reporter) — Mon, 09 May 2022 00:15:00 +0000

२५ बैशाख, काठमाण्डौँ (Source: ChetanTM): नेपाल सरकार राष्ट्रिय परीक्षा बोर्ड सानोठिमी , भक्तपुर नेपालद्वारा २०७९ साल जेठ १६ गते देखि जेठ २५ गते सम्म सञ्‍चालन हुने कक्षा १२ को वार्षिक परीक्षाको परीक्षा केन्द्र निर्धारण गरेको छ । परिक्षा केन्द्र सम्बन्धी विस्तृत विवरण हेर्न तल दिएको Link मा Click गरेर हेर्न सक्नुहुनेछ ।

Links:

हाम्रो फेसबुक पेजलाई Like, Share and Follow गर्न नभुल्नुहोस ।

Source Link: ChetanTM

अमेरिकी डिभीको नतिजा सार्वजनिक, यसरी हेर्नुहोस नतिजा

noreply@blogger.com (RONB Update - Reporter) — Sun, 08 May 2022 00:15:00 +0000

२५ बैशाख, काठमाण्डौँ (Source: Prasashan): अमेरिकी डिभीको नतिजा हिजो (शनिबार) राति सार्वजनिक भएको छ । सन् २०२३ का लागि गत अक्टोबरमा आवेदन दिएकाहरुको नतिजा सार्वजनिक गरिएको हो ।

Useful Link:

DV Lottery को आधिकारीक Website www.dvprogram.state.gov मा गएर आफ्नो कन्फरमेसन नम्बर, लास्ट नेम, जन्म मिति राखेर नतिजा हेर्न सकिने व्यवस्था रहेको छ । कन्फरमेसन नम्बर बिर्सिएको भए फर्गेट कन्फरमेसन नम्बर मार्फत मागेको विवरण भरेर नम्बर लिन सकिने अमेरिकी दूतावासले जनाएको छ । साथै दूतावासले अमेरिकी सरकारका कुनै पनि निकाय वा दूतावासले कसैलाई पनि डिभी परेको भनी इमेल नगर्ने भएकाले त्यस्ता भ्रमबाट बच्न पनि आग्रह गरेको छ । यो नतिजामा डिभी परेकाहरुलाई सन् २०२३ सेप्टेम्बर ३० भित्र अमेरिकी भिसा जारी भइसक्नु पर्ने छ ।

Source Link: Prasashan

आईजीपी धिरजप्रताप सिंह र राजु अर्यालले लगाए फुली

noreply@blogger.com (RONB Update - Reporter) — Mon, 02 May 2022 00:15:00 +0000

१९ बैशाख, काठमाण्डौँ (Source: Onlinekhabar): सशस्त्र प्रहरी बल र नेपाल प्रहरीका नवनियुक्त महानिरीक्षक (आईजीपी)ले आज दर्ज्यानी चिह्न लगाएका छन् । सशस्त्र प्रहरी बलका महानिरीक्षक राजु अर्याल र नेपाल प्रहरीका महानिरीक्षक धिरजप्रताप सिंहलाई गृह मन्त्रालयका सचिव टेक नारायण पाण्डेले दर्ज्यानी चिह्न लगाइदिएका हुन् ।

मन्त्रीपरिषद्ले आइतबार नेपाल प्रहरी प्रमुखमा सिंह र सशस्त्र प्रहरी बलको प्रमुखमा अर्याललाई नियुक्त गर्ने निर्णय गरेको थियो । सिंह २०४९ चैत ११ मा इन्स्पेक्टरमा भर्ना भएका थिए । अर्याल २०५४ चैतमा नेपाल प्रहरीको निरीक्षकमा भर्ना भएर सशस्त्र प्रहरीमा प्रवेश गरेका हुन् । आईजीपीको रूपमा अर्यालको कार्यकाल ४ वर्षको हुनेछ ।

Source Link: Onlinekhabar

तपाईंको जिल्लामा कस्तो मतपत्र प्रयोग हुन्छ ? हेर्नुहोस् नमूना

noreply@blogger.com (RONB Update - Reporter) — Sun, 01 May 2022 00:45:00 +0000

१८ बैशाख, काठमाण्डौँ (Source: Onlinekhabar): यही वैशाख ३० गते हुने स्थानीय तह निर्वाचनमा प्रयोग हुने मतपत्रको नमूना निर्वाचन आयोगले सार्वजनिक गरेको छ । आयोगले जिल्लागत रुपमा मतपत्रको नमूना सार्वजनिक गरेको हो । भक्तपुर जिल्ला र ६ वटा महानगरपालिकाको मतपत्र भने अहिले सार्वजनिक नगरिएको निर्वाचन आयोगले जनाएको छ ।

आयोगका अनुसार हरियो रंगको मतपत्रमा चुनाव चिह्न कालो रंगका हुनेछन् । मतपत्रमा सबैभन्दा माथि राष्ट्रिय पार्टीका चुनाव चिह्न राखिएको छ । त्यसपछि जिल्लामा क्रियाशील राजनीतिक दल तथा स्वतन्त्र उम्मेदवारका चुनाव चिह्नहरु छन् ।

तपाईंको जिल्लामा प्रयोग हुने नमूना मतपत्र हेर्नु तल दिएको Link मा Click गर्नुहोस्:

१ ताप्लेजुङ

२ पाँचथर

३ इलाम

४ झापा

९ मोरङ

१० सुनसरी

११ सोलुखुम्बु