റൂബിന്‍ തോമസ്

ആദ്യ നോവല്‍ - 2009

2018-10-24T06:32:00.001-07:00

എല്ലാകാര്യങ്ങള്‍ക്കും തുടക്കം എന്നുള്ളത് വളരെ പ്രാധാന്യം ഉള്ളതാണ്. ആദ്യമായി ശമ്പളത്തില്‍ നിന്ന് ഒരു പുസ്തകം വാങ്ങിക്കുക, അതും ഒരു നോവല്‍, വളരെയേറെ സന്തോഷം തരുന്ന ഒരു കാര്യം തന്നെയാണ്.

ഇന്ന്(24-10-2018) ഇത് എഴുതുമ്പോള്‍ അതിലേറെ സന്തോഷം തരുന്നത് മറ്റൊന്നാണ്. കാരണം ആ നോവലാണ് ഇന്ന് കേരളത്തില്‍ ഏറ്റവും വിറ്റഴിഞ്ഞ പുസ്തകങ്ങളിലൊന്നാണ് എന്നുള്ളത്.

"ബെന്യാമിന്‍റെ ആടു ജീവിതം" ജീവിതത്തിലേക്ക് കടന്നുവന്ന ആദ്യ പുസ്തകം. ഒറ്റയടിക്കിരുന്നു വായിച്ചുതീര്‍ത്തു, അത്രയേറെ ആകാംഷയും ഭയാനകവും തരുന്ന ഒരു ജീവിതകഥ. അത് ഒരിക്കലും പകുതി വായിച്ച് മടക്കി വയ്ക്കുവാന്‍ സാധിക്കുകയില്ല എന്നുള്ളതാണ് സത്യം.

ആദ്യ ഞാന്‍ പറഞ്ഞതും അതു തന്നെയാണ് -"തുടക്കം എന്നുള്ളത് വളരെ പ്രാധാനമാണ്". ഇതുപോലെയൊരു നോവല്‍ തുടങ്ങിയതുകൊണ്ടാവണം ഇന്നും പുസ്തകം വായന എന്നുള്ള വളരെ ഇഷ്ടത്തോടെ തന്നെ ജീവിതത്തോടൊപ്പം ചേര്‍ന്നുപോകുന്നത്.

യാദൃശ്ചികം എന്നുപറയാം, നാട്ടിലെ ജോലി അവസാനിപ്പിച്ച് യാത്രപറയുന്ന ദിവസം സമ്മാനമായി ലഭിച്ച പുസ്തകവും ഇതുതന്നെയാണ് (ഇംഗ്ലീഷ് പതിപ്പ് Goat Days ).

മെയ്ഡ് ഇന്‍ വല്ല്യമ്മച്ചി

2017-12-20T10:26:00.002-08:00

ക്രിസ്മസ് ആഘോഷിക്കാന്‍ തോമാച്ചന്‍റെ മകനും കൊച്ചുമക്കളും എത്തിയിട്ടുണ്ട്.

ഉച്ച ഊണിന് ശേഷം തോമാച്ചന്‍ തന്‍റെ വല്ല്യമ്മച്ചി ഉണ്ടാക്കുന്ന ക്രിസ്മസ് ട്രീയെപ്പറ്റി കൊച്ചുമക്കളോട് പറഞ്ഞുകൊടുക്കുവാണ്.

നമ്മുടെ പറമ്പില്‍ നില്‍ക്കുന്ന ചെറുഇലകളോട്‌ കൂടിയ പുളിമരത്തില്‍ നിന്ന്‌ പുളികൊമ്പ് വെട്ടികൊണ്ട് വരും അമ്മച്ചി. എന്നിട്ട് അത് നമ്മുടെ പഴയവീടിന്‍റെ വാരാന്തയിലെ തടിതൂണിനോട് ചേര്‍ന്ന് കെട്ടും, ഈ കെട്ടിവച്ച മരകൊമ്പില്‍ ആ വര്‍ഷം കിട്ടിതും പഴയതുമായ ക്രിസ്മസ്കാര്‍ഡു...

പെട്ടെന്ന് അകത്തുനിന്ന് മകന്‍റെ വിളി, മക്കളെ!! വേഗം റെഡിയാവ് നമ്മുടെ പുറത്ത് പോകാം

കുട്ടികളെയുമായി ക്രിസ്മസ് ഷോപ്പിംങ്ങിനാണ്

പപ്പയുടെ വിളികേട്ടപാതി പിള്ളേര് ഓടി അകത്തേക്ക്, പറഞ്ഞ് തീര്‍ക്കാന്‍ പറ്റാത്ത വിഷമത്തില്‍ ഇരുന്ന തോമാച്ചന്‍റെ മുമ്പില്‍ കൂടി മകനും കുടുംബും യാത്രപറഞ്ഞ് കാറില്‍കയറി യാത്രയായി. കാറ് വീടിന്‍റെ മതിലുകടക്കുവരെ തോമാച്ചന്‍ നോക്കിനിന്നു.

ശേഷം തോമാച്ചന്‍ ചാര്കസേരയിലേക്ക് "പത്ര"വുമായി ഇരിത്തം തുടങ്ങി, അല്പം സമയം കഴിഞ്ഞ് അവിടെ നിന്ന് എഴുന്നേറ്റ് ഉച്ചമയക്കത്തിനായി തന്‍റെ മുറിയിലേക്ക്...

ഉച്ചയൂണിനുശേഷമുള്ള ഗാഢമായ ഉറക്കത്തില്‍ നിന്ന്‌ കോളിംഗ്‌ബെല്ലിന്‍റെ ശബ്ദത്തില്‍ ഉണര്‍ന്നതോമാച്ചന്‍ ക്ലോക്കിലേക്ക്‌ നോക്കിയപ്പോള്‍ സമയം എഴിലേക്ക് കടന്നു. ചെന്ന്‌ വാതില്‍ തുറന്നപ്പോള്‍ മകനും കുടുബവും ആയിരുന്നു അത്. കുട്ടികള്‍ കരഞ്ഞുകൊണ്ട്‌ അകത്തേക്ക്‌ കയറി, മകനോട് കാര്യം തിരക്കിയപ്പോള്‍ കടകളില്‍ ചൈനീസ് ഉല്പന്നങ്ങളുടെ ബഹിഷ്‌കരണമായതുകൊണ്ട്‌ ക്രിസ്മസ്‌ ട്രീ വാങ്ങാന്‍ പറ്റിയില്ല. അതാണ് കാരണം, തോമാച്ചനുള്ള ഭക്ഷണവും ടേബിളില്‍ വച്ചിട്ട്‌ മകന്‍ അവന്‍റെ മുറിയിലേക്ക്‌ കയറി.

''വര്‍ഷം 2040 ആയി; എന്നിട്ടും ഇവډാര്‍ ചൈനയില്‍ നിന്ന്‌ ഇറക്കുമതി ഇതുവരെ നിര്‍ത്തിയില്ലേ!! ഉറച്ചശബദത്തില്‍ പറഞ്ഞുകൊണ്ട്‌ സോഫയില്‍ കിടന്ന തന്‍റെ മൊബൈല്‍ റ്റാബ്ലറ്റ് എടുത്ത് പത്രം വായന പുനരാരംമ്പിച്ചു.''

പിറ്റേന്ന് അതിരാവിലെ മൊബൈലില്‍ വച്ച അലാറം അടിക്കുന്നതിനുമുമ്പുതന്നെ കൊച്ചുമക്കള്‍പതിവില്ലാതെ വന്ന്‌ തൊമാച്ചനെ വിളിച്ച് ഉണര്‍ത്തി പിടിച്ചപിടിയാലെ വാതിലേക്ക്‌ നടന്നു. വരാന്തയിലെത്തി കാര്‍പോര്‍ച്ചിലേക്ക് അവര്‍ കൈചൂണ്ടി കാണിച്ചു. അദ്ദേഹം ആശ്ചര്യത്തോടെ "വല്ല്യമ്മച്ചിയുണ്ടാകുന്ന ഈ ക്രിസ്‌മസ് ട്രീ ആരാണ് ഇവിടെ കൊണ്ടെവെച്ചത്."

കുട്ടികള്‍ കൈ മലര്‍ത്തി ട്രീയുടെ അടുത്തേക്ക്‌ ഓടി. അദ്ദേഹം അതിലേ നോക്കി കുറെ നേരം അവിടെ നിന്നു. തന്‍റെ ദിനചര്യയായ നടത്തം പതിവിലും നേരത്തെയാക്കാന്‍ തീരിമാനിച്ച് അകത്തേക്ക് നടന്നു. സവാരിയ്ക്കുള്ള വേഷത്തില്‍ പുറത്തേക്ക് വന്ന അദ്ദേഹത്തോട് കുട്ടികള്‍ വീണ്ടും വീണ്ടും ആരാഞ്ഞു; തോമാച്ചന്‍ അവരോട് പറഞ്ഞു ''ചിലപ്പോള്‍ മക്കള്‍ക്ക് ട്രീ കിട്ടിയില്ല എന്നുമനസിലാക്കി വല്യമ്മച്ചി കൊണ്ടെവെച്ചതായിരി ക്കും''.

കുട്ടികള്‍ വീണ്ടും വീണ്ടും ട്രീയെ ചുറ്റിപ്പറ്റി നിന്നു. സാങ്കേതികവിദ്യ അതിന്‍റെ അങ്ങേഅറ്റത്ത് നില്‍ക്കുന്ന കാലത്ത് വല്ല്യപ്പന്‍റെ ആ പറച്ചില്‍ പിള്ളേര്‍ക്ക് അത്ര വിശ്വാസമായില്ല. തോമാച്ചന്‍ പതിവ് സവാരിയ്ക്കായി റോഡിലേക്ക് നടന്നകന്നു. സംശയം മാറാത്ത കുട്ടികള്‍ പപ്പ.... മമ്മി... വിളിച്ചുകൊണ്ട് അകത്തേക്ക് ചെന്ന് കംപ്യൂട്ടര്‍ ഓണ്‍ ചെയ്തു. പിള്ളേരുടെ ഒച്ചയും ബഹളവും കേട്ട് തോമാച്ചന്‍റെ മകനും ഭാര്യയും കംപ്യൂട്ടറിന്‍റെ അടുത്തേക്ക് എത്തി.

കാര്‍പോര്‍ച്ചിലുള്ള സിസിടിവി ക്യാമറയുടെ റെക്കാര്‍ഡായ ദൃശ്യങ്ങള്‍ തുറന്ന് നോക്കുവാന്‍ തുടങ്ങി.

''റെക്കാര്‍ഡായ അതിരാവിലെയുള്ള ദൃശ്യങ്ങളിലേക്ക് അപ്പച്ചന്‍ വരുന്നത് കപ്യൂട്ടറില്‍ കണ്ട് കുട്ടികള്‍ പര്സപരം നോക്കുവാന്‍ തുടങ്ങി. പറമ്പില്‍ നിന്ന് പുളിംകൊമ്പ് വെട്ടികൊണ്ടാണ് അപ്പച്ചന്‍റെ വരവ്. എന്നിട്ട് ചെടിചട്ടിയില്‍ മണ്ണുകൂട്ടി അതില്‍ നാട്ടുന്നു. തലേന്ന് പിള്ളാരോട് കഥപറയുന്നതിനിടെ കാണിക്കാനായിവച്ചിരുന്ന പഴയ ക്രിസ്മസ് കാര്‍ഡുകള്‍ അതിലേക്ക് ഇടുവാന്‍ തുടങ്ങി. പിന്നെ പേപ്പറുകള്‍ തോരണം പോലെ കഷ്ണങ്ങളാക്കി അതില്‍ ഒട്ടിക്കുവാന്‍ തുടങ്ങി.

അങ്ങനെ പതുകെ പതുകെ വല്ല്യമ്മച്ചിയുടെ ക്രിസ്മസ്സ് ട്രീ ആയിവരുന്നത് കണ്ട തോമാച്ചന്‍റെ മകന്‍ അവന്‍റെ കുട്ടിക്കാലത്തേക്ക് പോയി. മണിക്കൂറുകള്‍ കഴിഞ്ഞു. എല്ലാവരും വരാന്തയില്‍ കാത്തിരിക്കുവാണ് ക്രിസ്മസ് സര്‍പ്രൈസ് തന്ന അപ്പച്ചനെയും കാത്ത്!!

വിസിറ്റിംഗില്‍ വിസയില്‍ എത്തിയ മലയാള പുസ്തകങ്ങള്‍

2017-11-04T08:51:00.002-07:00

ഷാര്‍ജ എക്സ്പോ സെന്‍ററില്‍ പതിനൊന്ന് ദിവസത്തെ വിസിറ്റിംഗ് വിസയില്‍ എത്തിയിരിക്കുവാണ് കഥകളും കവിതകളും ജീവിതഅനുഭവങ്ങളും പുസ്തകരൂപത്തില്‍. ചിലപുസ്തകങ്ങള്‍ അവയുടെ കവര്‍ ക്രയേറ്റിവിറ്റിയില്‍ ഞെട്ടിച്ചപ്പോള്‍, മറ്റുചിലത് വിലയില്‍ ഞെട്ടിച്ചിരിക്കുകയാണ്. (400 രുപയുടെ പുസ്തകം ഇവിടെ എത്തിയപ്പോള്‍ ഇന്നത്തെ വിനിമ നിരക്കനുസരിച്ച് എകദേശം 700 രൂപ) കൊണ്ടുവരുന്ന ചെലവിനൊക്കെ ഒരു പരിധിയില്ലേ!! ഇതൊക്കെ എഴുത്തുകാരന് കിട്ടിയാല്‍ സന്തോഷം. ചില പ്രസാധകര്‍ ഓഫറില്‍ ഞെട്ടിച്ചിരിക്കുകയാണ് 50 ദിര്‍ഹം കൊടുത്താല്‍ 1200 രൂപയുടെ പുസ്തകങ്ങള്‍ നാട്ടില്‍ എത്തും. കഴിഞ്ഞവര്‍ഷവും വാങ്ങി, ഈവര്‍ഷവും വാങ്ങി. പ്രായമാകുമ്പോള്‍ ഇവരായിരിക്കും ചിലപ്പോള്‍ നമ്മോടൊപ്പം ഉണ്ടാവുക. എന്തായാലും ഒരുപാട് സന്തോഷം തോന്നുന്നത് ഒരു അന്താരാഷട്രമേളയില്‍ അറബിക്ക്, ഇംഗ്ലീഷ്, ഇവയുടെ ഇടയില്‍ ആയിരകണക്കിന് മലയാളപുസ്തകങ്ങള്‍ ❤

ജപ്പാന്‍ ഡയറി

2017-06-05T09:08:00.003-07:00

2017 മെയ്മാസത്തില്‍ അഞ്ച് ദിവസം ജപ്പാനിലേയ്ക്ക് നടത്തിയ യാത്രാനുഭവത്തിന്‍റെ വീഡിയോ ദൃശ്യം

ആദ്യ പ്രണയം

2016-07-29T03:32:00.000-07:00

കോളേജിന്‍റെ ആദ്യദിവസം അവളെ കണ്ടപ്പോള്‍ തന്നെ എന്തോ ഒരു ഇഷ്ടം തോന്നി, ഓരോ ദിവസം ചെല്ലുമ്പോഴും ആ ഇഷ്ടം കൂടി വന്നു. പിന്നെ അത് എങ്ങനെയും അവളെ അറിയിക്കണം എന്നായി. എല്ലാവരെയും പോലെ ഞാനും കൂട്ടൂക്കാരനോട് ആരായാന്‍ തീരുമാനിച്ചു. അങ്ങനെ കോളെജ്ജില്‍ നിന്ന് തിരിച്ച് വീട്ടിലേക്ക് ബസ്സില്‍ പോകുമ്പോള്‍ അവനോട് പറയാന്‍ തീരുമാനിച്ചു. എടാ ഞാന്‍ നമ്മടെ ക്ലാസ്സിലെ ...യോട് ഇഷ്ടമാണെന്ന് പറയാന്‍ തീരുമാനിച്ചു. നിന്‍റെ അഭിപ്രായം എന്താ. അവന്‍ തലയാട്ടി, എന്നിട്ട് അവന്‍ എന്നോട് ചോദിച്ചു നാളത്തെ സീനിയേസ്സിന്‍റെ വൈല്‍കം പാര്‍ട്ടിക്ക്‌ നീ പോകുന്നുണ്ടോ... ഞാനില്ല എന്നു പറഞ്ഞു. അതിന്‍റെ പിറ്റേ ദിവസം കോളേജ്ജില്‍ സീനിയേസിന്‍റെ വൈല്‍കം പാര്‍ട്ടിയായിരുന്നു. ഞങ്ങള്‍ ക്ലാസ്സിലെ മിക്കവരും ആ പരിപാടിക്ക് കയറുന്നില്ല എന്ന് തീരുമാനിച്ചു. കയറിയാല്‍ അവരുടെ സ്റ്റേജ് റാഗിംഗ് കാണും, അതാണ് കാരണം. കൂട്ടുകാരന്‍ പോകും എന്നും പക്ഷെ കയറില്ല എന്നുപറഞ്ഞു. ആ ദിവസം കഴിഞ്ഞു. പിന്നെ ഒരു ദിവസത്തെ ക്ലാസ്സില്‍ കയറാതെ അതിന്‍റെ പിറ്റെദിവസം കോളേജ്ജിലേക്ക്‌, പതിവുപോലെ രാവിലെ ക്ലാസിലേക്ക് കയറിയപ്പോള്‍ പതിവില്ലാത്ത രീതിയില്‍ എല്ലാവരും എന്നെനോക്കുന്നു. ഞാന്‍ അവളെ നോക്കിയപ്പോള്‍ എന്നെ ഇപ്പോള്‍ കടിച്ച് കീറും എന്നതരത്തിലുള്ള ഒരു നോട്ടം. അപ്പോള്‍ ഒരു കൂട്ടുക്കാരന്‍... എടാ നീ അവളോട് ഇഷ്ടമാണെന്ന് എപ്പോഴാണ് പറയുന്നത്..... ഇതു കേട്ടപ്പോള്‍ എന്‍റെ സകല ധൈര്യവും ബലൂണില്‍ നിന്ന് കാറ്റ് പോകുന്നതുപോലെ ചോര്‍ന്നുപോയി...

ഈ സംഭവം ആകെ അറിയാവുന്നത് ഒരേ ഒരാള്‍ക്ക്

എന്താണ് ഇന്നലെ സംഭവിച്ചത് ????

പിന്നെ അറിഞ്ഞു...

ഇതാണ് സംഭവിച്ചത്.

“ഈ സംഭവം അറിയാവുന്ന അവന്‍ തലെദിവസം കോളേജ്ജില്‍ പോയി, പക്ഷെ പരിപാടി കയറിയില്ല. ഇവനും ക്ലാസ്സിലെ ബാക്കികുറെ കൂട്ടുകാരും കോളേജ്ജിന്‍റെ പുറത്തിരുന്ന്. അവരുടെ സംസാരത്തനിടയ്ക്ക് ക്ലാസ്സിലെ വേറെയോരു കൂട്ടുകാരന്‍ - "എടാ എനിക്ക് ....വളെ ഇഷ്ടമാണ് ഞാന്‍ അവളോട് ഇഷ്ടമാണെന്ന് പറയാന്‍ പോവാണ്... വേണ്ടട അവളെ വേറെ ഒരാള്‍ നോക്കുന്നുണ്ട്. അവന്‍ ഇന്നലെ എന്നോട് ബസ്സില്‍ വച്ച് പറഞ്ഞു...”

ഇങ്ങനെയാണ് ക്ലാസ്സില്‍ എല്ലാവരും അറിഞ്ഞത്

അന്നു മുതല്‍ അവള്‍ക്ക് എന്നോട് തുടങ്ങിയ ദേഷ്യം മൂന്നുവര്‍ഷം ക്ലാസ്സ് അവസാനിക്കുന്നതുവരെ നീണ്ടു നിന്നു... അത് മുതലെടുക്കാന്‍ കുറെ കാമുകന്മാരും.....

പട്ടണത്തിലുള്ള പളളി

2016-07-28T05:30:00.000-07:00

കുട്ടിക്കാലത്ത് മാസത്തിലൊരിക്കല്‍ അപ്പനോടൊപ്പം പട്ടണത്തിലുള്ള പളളിയില്‍ പോകും. ഗ്രാമത്തില്‍ നിന്ന് പട്ടണം കാണാനുള്ള ആഗ്രഹം കൊണ്ടാണ് പോകുന്നത്. രാവിലെ തന്നെ എഴിന്നേല്‍ക്കും കുളിച്ച് റെഡിയായി ഞാനും അപ്പനും ഇറങ്ങും. കവലയില്‍ നിന്ന് തന്നെ പട്ടണത്തിലേക്കുപോകുന്ന ഒരു ബസ്‌ ഉണ്ട് രാവിലെ, ആ ബസിന് പോകുന്നതാണ് എനിക്കും ഇഷ്ടം സൈഡ് സീറ്റില്‍ ഇരുന്ന് കാഴ്ചകള്‍ കണ്ട് പോകാം. കുറച്ചങ്ങോട്ടുചെല്ലുമ്പോള്‍ ഒരു റെയില്‍വേ ക്രോസ്സ് ഉണ്ട്, ബസില്‍ കയറുമ്പോള്‍ തന്നെ ആഗ്രഹിക്കുന്നത് ക്രോസ്സ് അടക്കണമേ എന്നാ അപ്പോ തീവണ്ടി കാണാമല്ലോ. ആ കാഴ്ചകള്‍ ഒക്കെ കണ്ട് ബസ് പട്ടണത്തിലെ സ്റ്റാന്‍റില്‍ എത്തും. പിന്നെ അവിടെ നിന്ന് ഇറങ്ങി പള്ളിയിലേക്ക് നടക്കണം. അപ്പന്‍റെ കൈയും പിടിച്ച് പള്ളിയിലേക്ക്, പള്ളിയെത്താറാകുമ്പോള്‍ ഒരു ചെറിയ പാലം ഉണ്ട്, ഒരു വണ്ടിക്ക് മാത്രമെ പോകാന്‍ പറ്റുള്ളൂ. അതും കടന്ന് പള്ളിയില്‍ എത്തുമ്പോള്‍ കുര്‍ബ്ബാന തുടങ്ങിക്കാണും. കുര്‍ബ്ബാനയെല്ലാം കഴിഞ്ഞ് തിരിച്ച് നടന്ന് പട്ടണത്തില്‍ എത്തും എന്നിട്ട് അവിടെയുള്ള വെജിറ്റേറിയന്‍ ഹോട്ടലില്‍ നിന്ന് മസാലദോശയോ നെയ്യ് റോസ്റ്റോ എന്തെങ്കിലും ഒന്ന് വാങ്ങി കഴിക്കും. പുസ്തകള്‍ അപ്പന്‍റെ വലിയകൂട്ടികാരാണ്. ഭക്ഷണം കഴിച്ചതിന് ശേഷം നേരെ പോകുന്നത് തൊട്ടടുത്തുള്ള ലൈബ്രറിയിലേക്കാണ്. ബസ്റ്റാന്‍റിനോടത്തുള്ള കെട്ടിടത്തിന്‍റെ നാലാം നിലയിലാണ് ലൈബ്രറി. സ്റ്റെപ്പുകള്‍ കയറി അവിടെ എത്തി അപ്പന്‍ പത്രം വായിക്കാന്‍ തുടങ്ങും, ഞാന്‍ പത്രങ്ങളും മാസികകളും തുറന്ന് പടങ്ങള്‍ മറിച്ച് കാണും. അവിടെ കുറച്ച് സമയം ചിലവഴിച്ചതിനുശേഷം തിരികെ വീട്ടിലേക്ക്...

പൊതിചോറ്

2016-07-27T02:41:00.001-07:00

ഓഫിസില്‍ ഉച്ചയ്ക്ക് ഇരുന്ന് ചോറുണ്ണുമ്പോഴാണ് പണ്ട് സ്കൂളില്‍ കൊണ്ടുപോകുന്ന പൊതിചോറിന്‍റെ ഓര്‍മ്മവരുന്നത്. അന്നൊക്കെ ഉച്ചയ്ക്ക് ഉളള ഭക്ഷണം കൊണ്ടുപോകുന്നത് സ്റ്റീല്‍ പാത്രത്തിലാണ് പിന്നെ എപ്പോഴെങ്കിലുമൊക്കെ വാഴയിലയിലും. കുട്ടിഭാഷയില്‍ ചോറും പാത്രം, ചോറ്റുംപാത്രം, പൊതിപാത്രം ഇവയൊക്കെയാണ്.. അമ്മ രാവിലെ ചോറും കറിയും എല്ലാം പൊതിപാത്രത്തില്‍ വച്ചുതരും പിന്നെ അത് കവറിലാക്കി ബാഗില്‍ വയ്ക്കും. രണ്ട് കള്ളികാണും ബാഗിന് ഏറ്റവും താഴത്തെ കള്ളിയില്‍ പുസ്തകങ്ങളും മുകളില്‍ ചോറ്റുംപാത്രവും വെള്ളവും. നടന്നും ഓടിയും എല്ലാം സ്കൂളില്‍ എത്തുമ്പോഴാണ് രസം, പഠിക്കാന്‍ ബാഗ് തുറക്കുമ്പോഴേ ചോറിന്‍റെയും കറിയുടെയും മണം വരും. പാത്രത്തിന്‍റെ അടപ്പ് മുറുകില്ല അതാണ് കാരണം. പാത്രത്തില്‍ നിന്ന് കറി ചൊരാന്‍ തുടങ്ങും കവര്‍ ഉള്ളതുകൊണ്ട് ബാഗില്‍ ആകില്ല. സ്കൂളില്‍ ചെല്ലുമ്പോഴുള്ള ആദ്യഅങ്കം ഇതാണ്. അപ്പോള്‍ അമ്മയോട് ദേഷ്യം തോന്നും. മുറുക്കി അടക്കില്ല എനൊക്കെ പിറുപിറുക്കും. ഉച്ചയ്ക്ക് ഭക്ഷണം കഴിക്കാന്‍ തുറക്കുമ്പോള്‍ ആ ദേഷ്യമൊക്കെ താനെ മാറും. അത്ര രുചിയുള്ള കറികളാവും. മീനും, തോരനും, അച്ചാറും പിന്നെ ചാറുകറി ഉണ്ടെങ്കില്‍ അതും. തിങ്കളാണെങ്കില്‍ ഞാറാഴ്ചത്തെ പോത്തിറച്ചിയും കാണും, പക്ഷെ പാത്രം തുറകേണ്ട താമസം അത് കാണില്ല.

ഇപ്പോള്‍ ഇതെല്ലാം ഓര്‍മ്മയാണ് ഭക്ഷണം കഴിച്ച് അയവിറക്കാം....

പാട്ടിനു പോയ കാലം @ Malayala Manorama (23-12-2015)

2016-01-04T00:46:00.000-08:00

കുട്ടിക്കാലത്തിലെ ക്രിസ്മസ് കരോളിന്‍റെ ഓര്‍മ്മകള്‍ മലയാള മനോരമയുടെ "പ്രിയ ഡിസംബര്‍" എന്ന കോളത്തില്‍ പ്രസിദ്ധീകരിച്ചത്.

കുബ്ബൂസ്

2014-08-16T01:20:00.000-07:00

രണ്ടു മാസങ്ങള്‍ക്കുമുന്‍പ് വിസിറ്റിംഗ് വിസയില്‍ ദുബായില്‍ എത്തിയപ്പോള്‍ ആണ് ആദ്യമായി ഞാന്‍ നിന്നെ കണ്ടത്. ഒരു വെള്ളിയാഴ്ച, അന്ന് കൂട്ടുകാര്‍ക്കൊപ്പം ഭക്ഷണം കഴിച്ചുകൊണ്ടിരുന്നപ്പോള്‍ അതിനിടയിലേക്ക് നീ കയറി വന്നു. ആദ്യം കണ്ടപ്പോള്‍ നിന്നെ എിക്ക് ഇഷ്ടപ്പെട്ടു പിന്നെ രുചിച്ചറിഞ്ഞപ്പോള്‍ നിന്നോട് എിക്ക് ദേഷ്യം തോന്നി. പിന്നെ പല പ്രവാസിമലയാളികളുടെയും ഫേസ്ബുക്കില്‍ നിന്നെക്കുറിച്ചുള്ള status കണ്ടപ്പോള്‍ മനസിലായി അവര്‍ക്ക് നീ എത്ര പ്രിയപ്പെട്ടതും അവരുടെ സമ്പ്രാദ്യത്തില്‍ നീ എത്ര വിലപ്പെട്ടതുമാണെന്ന്. പ്രിയ "കുബ്ബൂസ് '' നിന്നെ ഞാന്‍ ക്ഷണിക്കുന്നു എന്റെ പ്രവാസ ജീവിതയാത്രയിലേക്ക്.......