Saagaraya Blog

Annotation ගැන හරියට දැනගමු - AutoCAD Tutorial

noreply@blogger.com (Tharanga Darshana) — Tue, 26 Oct 2021 00:23:00 +0000

අද මම ඇවිත් ඉන්නේ ඔයාලට Autocad වල අලුත් දෙයක් කියලා දෙන්නයි. ඔයාලට මතක ඇති මම කලින් විඩියෝ 2ක් කරා ඕනෙම ස්කේල් එකකට Text සයිස් හදාගන්න හැටියි, Dimension හදාගන්න හැටියි ගැන. බැලුවේ නැත්නම් ඒ ටිකත් බලන්න පහලින්.

ඉතින් අද මම කියලා දෙන්න යන්නේ ඔය රාජකාරියම කරන්න පුලුවන් තවත් කෙටි ක්‍රමයක් වෙන Annotation කියන Option එක ගැනයි. නමුත් හොදට මතක තියාගන්න ඔය දෙකෙන්ම එකම දේ වුනාට අපිට දෙකම දැනගෙන ඉන්න වෙනවා මොකද භාවිතා කරන අවස්ථා වලදි මොකද්ද හොදට ගැලපෙන්නේ කියලා ඔයාලට ‍තෝරගන්න සිද්ද වෙන නිසා.

ඉතින් මේ Annotation ගැන වගේම මොනවද අපිට Annotative කරන්න පුලුවන්, කොහොමද ඒවා Annotative කරගන්නේ වගේ ගොඩක් ප්‍රශ්ණ වලට පිළිතුර මෙන්න. බලලා වැඩි විස්තර කතා කරමු.

ඩ්‍රෝවින් එක ඕනෙනම් මෙතනින් ගන්න.

AutoCAD Drawing - Drawing 2

ඉතින් අද මම කතා කරේ Text, Dimension, Hatch ගැන විතරයි. ඊට අමතරව අපිට Annotaion යෝදාගන්න පුලුවන් තව දේවල් කිපයක්ම තියනවා. ගෙදර වැඩක් විදිහට මොනවද ඒ කියලා හොයලා බලන්න. මම එකක් විඩියෝ එකේදි සදහන් කරා.. Leaders. මේ ගැන මම වෙනම විඩියෝ එකක් අරගෙන ඇවිත් කියලා දෙන්නම්. මොකද ඒකේ ගොඩක් දේවල් තියනවා මට කවර් කරන්න. ඒ අතරතුර තව Annotation විඩියෝ එකක් දාන්නම් අනිත් දේවල් සම්බන්ධයෙන්. මටත් තව ඉගෙන ගන්න තියනවනේ..

එහෙනම් ඉතින් අදට ගිහින් එන්නම්, සුභ දවසක්, බයි බායි...

btw ඔයාලගේ අදහස් හා උදහස් ගොඩක් වටිනවා මට. අමතක නොකර දාලා යන්න.

#saagaraya tutorial #autocad sinhala, #saagaraya blog, #annotative scale, #annotation scale, #ප්‍රින්ට් , #ස්කේල්, #annotative text, #annotative dimension, #annotative hatch, #house plan, #නිවාස සැලසුම්, #sinhala tutorial, #ඔටෝකැඩ් සිංහලෙන්, #සිංහල ටියුටෝරියල්, #සරලව, #මුලසිට, #අකුරු සයිස් හදාගන්න, #scale, #ඩිමෙන්ෂන්, #ස්ටයිල්, #dimension, #Styles, #hatch, #හැච්

5 වසර ශිෂ්‍යත්ව විභාගයට නොවරදින අත්වැලක් 2021 - අදියර 1

noreply@blogger.com (Tharanga Darshana) — Wed, 22 Sep 2021 07:24:00 +0000

බස්නාහිර පළාත් අධ්‍යාපන දෙපාර්තමේන්තුව ප්‍රාථමික අධ්‍යාපන අංශය විසින් නිකුත් කරන 2021, 5 ශිෂ්‍යත්ව ඉලක්කයට නොවරදින අත්වැලක් I වන අදිරය නැමති ප්‍රශ්ණ පත්‍ර කට්ටලය මෙහිදි ඔබට ලබාගත හැක.

ප්‍රශ්ණපත්‍රයේ අඩංගු දෑ:

මව් බස
• කාර්ය පත්‍රිකා අංක 1 - 38

ගණිතය
• ගණන් කිරීම           • සංඛ්‍යා                           • සංඛ්‍යා එකතු කිරීම
• දිග මැනිම               • සංඛ්‍යා අඩු කිරීම               • සංඛ්‍යා රටා
• භාග                       • කාලය                               • ගුණ කිරීම
• බෙදීම                      • පරිමාව හා ධාරිතාව           • මුදල්
• බර මැනීම               • හැඩ හා ඝන වස්තු              • ප්‍රස්ථාර
• දශම                         • දිශා

පරිසරය ආශිත ක්‍රියාකාරකම්
• අපේ යහපැවැත්ම                   • අපි ලක් වැසියෝ                     • පැලැටි හා ගස්වැල්
• අප අවට සත්තු                       • අප පරිහරණය කරන දේ       • අපේ ආහාර
• ආරක්ෂාව සහ පරිස්සම           • ජලය                                      • ගමනාගමනය
• ගෙවත්ත                               • වැඩ පහසු කිරිමේ මං               • මිනිස් හැසිරීම්
• පොළව හා අහස                      • අපට කල හැකි වෙනස්කම්      • මිනිසා හා තොරතුරු
• අපේ අතීත විත්ති

ඉංග්‍රීසි
• කාර්ය පත්‍රිකා අංක 1 - 3

දෙමල විෂය
• කාර්ය පත්‍රිකා අංක 1

මෙතනින් PDF එක ලබාගන්න

මෙම ප්‍රශ්ණපත්‍ර කට්ටලය මට 5 වසර දරුවෙකුගේ මවක් විසින් ලබාදුන් එකක් වන අතර, මෙය දැනට ගොඩ දෙනෙක් සොයන බවත් එය සෙවිමට අපහසු ලෙස මට පවසන ලදි. තවත් පොඩි දරුවන් වෙනුවෙන් ඔවුන්ගේ ඉගෙනීමට අත්වැලක් වෙන්න ඔබට හැකිතරම් බෙදාහරින්න.

මෙහි සියලුම අයිතිය බස්නාහිර පළාත් අධ්‍යාපන දෙපාර්තමේන්තුව ප්‍රාථමික අධ්‍යාපන අංශයට ඇත.
මෙහි අඩංගු දේවල් සම්බන්ධයෙන් කිසිම වගකීමක් සාගරය බ්ලොග් එක විසින් නොගන්නා අතර දැනට ඇතිවී ඇති කොවිඩ් වසංගත තත්වයෙන් අඩාල වී ඇති ළමුන්ගේ අධ්‍යාපන දියුණුකිරීම සදහා නොමිලේ බෙදාහැරිම පමණක් කරන ලදි.

#2021 Nowaradina Athwalak, #Grade 5, #ප්‍රශ්ණපත්‍ර , #5 වසර ශිෂ්‍යත්ව, #නොවරදින අත්වැලක්, #1 අදියර,

ඕනෙම ස්කේල් එකකට ගැලපෙන විදිහට ඩිමෙන්ෂන් හදාගමු - AutoCAD Tutorial

noreply@blogger.com (Tharanga Darshana) — Sun, 19 Sep 2021 07:51:00 +0000

අපි නිර්මාණය කරගන්න සැලසුමක අනිවාරයෙන් අඩංගු වෙන කරුනක් තමා ඩිමෙන්ෂන් කියන්නේ. ඒ කියන්නේ අපි අනිවායෙන්ම අඩංගු කොටස් වල දිග, පළල, උසවල් සදහන් කරන්න ඕනේ. මේක සැලසුමේ ප්‍රධානම අංගයක් වෙනවා.

ඉතින් ගොඩක් අයට ගැටලුවක් වෙලා තියනවා මේ ඩිමෙන්ෂන් හරියට හදාගන්න හැටි. සමහරු හිතුන විදිහට ඩිමෙන්ෂන් හදාගෙන දාගන්නවා. ප්‍රින්ට් ගත්තාම සමහර ඩිමෙන්ෂන් ලොකුයි සමහර ඒවා කියවන්න බෑ පොඩි. ගොඩක් වෙලාවට ඔය ප්‍රශ්ණේ එන්නේ එකින් එකට වෙනස් ස්කේල් භාවිතා කරන්න වුනාම. ඒ කියන්නේ අපි හිතමුකෝ ප්ලෑන් එකක් 1:100න් ස්කේල් කරනවා කියලා. තව foundation එකක් 1:25 නුත් දෝර ජනෙල් ඩීටේල් එකක් 1:50 නුත් ස්කේල් කරනවා කියලා. ඉතින් ඔය කොටස් තුනම අඩංගු කරලා අවසානයේ කොලේකට හදාගත්තාම 3නේම තියන ඩිමෙන්ෂන් වෙන වෙන සයිස් වලින් පෙන්නන්නේ. ඉතින් අන්තිමට ප්‍රින්ට් එක ගත්තාම හරිම කැතයි වෙන වෙන ස්යිස් වලින් පෙන්නන නිසා. ඔය වගේ එක එක ප්‍රශ්න මේ ඩිමෙන්ෂන් නිසා ඇති වෙනවා. මට හිතන විදිහට ගොඩක් දෙනා මේ ඩිමෙන්ෂන් ගැන හරියට කියලා දෙන්නේ නෑ. එකයි මේ ප්‍රශ්ණේ ගොඩක් අයට ඇතිවෙන්නේ.

මෙකටම අදාල දෙයක් තමා අකුරු වල ප්‍රශ්ණෙත්. මම ඒකනම් ගිය සතියේ ඔයාලට කියලා දුන්නා ඕනෙම ස්කේල් එකකට වෙනස් කරගන්න හැටි.

ඕනෙම ස්කේල් එකකට ගැලපෙන්න අකුරු හදාගමු - AutoCAD Tutorial

මම හිතනවා ඒ ගැනනම් දැන් මේ වෙද්දි ප්‍රශ්ණයක් නැතුව ඇති. ඉතින් ගිය සතියේ ඔය ප්‍රශ්ණේ විසදුන නිසා අද අපි ඩිමෙන්ෂන් ප්‍රශ්ණේ විසදගමු.

ඩ්‍රෝවින් එකක් අවසානයේ ප්‍රින්ට් ගත්තාම අපි ඩ්‍රෝවින් එක තුල දාගෙන තියන ඩිමෙන්ෂන් එකම සයිස් එකෙන් පෙන්නන්න අවශ්‍යයි. මේක අපි අකුරු වල කතා කල විදිහමයි. අපේ කොලේ එක එක කොටස් වෙන වෙන ස්කේල් වලින් තිබ්බත්, ඒ කියන්නේ උදාහරණයක් විදිහට Plan, Elevation, Section, 1:100 ස්කේල් එකෙනුත් Foundation Details 1:25 නුත්, Door widows details 1:50 ස්කේල් එකෙනුත්, සයිට් ප්ලෑන් 1:1000 ස්කේල් එකෙනුත් තිබ්බට ඕවට දාලා තියන ඩිමෙන්ෂන් අවසානයේ ප්‍රින්ට් ගද්දි එකම සයිස් එකෙන් පෙන්නන්න ඔනේ. නැත්නම් ඒ ඩිමෙන්ෂන් හරියට කියවගන්නත්, පිළිවෙලකටත් නැති වෙනවා. ඉතින් ඒ වැඩේ හරි පිළිවෙලකට කරගන්නේ කොහොමද කියලා දැන් මම ඔයාලට කියලා දෙන්න යන්නේ.

මම හිතනවා ඔයාලා විඩියෝ එක බලන්න ඇති කියලා. ඒ වගේම කියලා දුන්න දේවලුත් තේරෙන්න ඇති කියලා හිතෙනවා. ඔතන තව ඔයාලට සෙටින්ස් හදාගන්න පුලුවන් මම කියලා දුන්නට වැඩියෙන්. ඇරෝස් එහෙම වෙනස් ඒවා දාගන්න, ලයින් වල ස්පේස් එක හදාගන්න, ලයින් දික් කරගන්න, කෙටිකරගන්න එහෙම. මම අද ගොඩක් බලාපොරොත්තු වුනේ සරලව ප්ලෑන් එකකට දාගන්න පුලුවන් විදිහට ඔයාලට ඩිමෙන්ෂන් ටික හදාගන්න එක කියලා දෙන්නයි. ඒ නිසා මම ගොඩක් ඩීටේල් කතාකරන්න ගියේ නෑ. අපි වෙන දවසක් ඔය සෙටින්ස් ඔක්කොම ආයෙත් වෙනස් කරගන්න හැටි කතා කරමු. එතකම් ඔයාලා එවගෙ වෙනස් කම් කරගෙන බලන්න මොකද වෙන්නේ කියලා. කොහොමටත් මම කියලා දෙනවට වඩා ඔයාලම හොයාගන්න දේවල් ගොඩක් වටිනවා. ඒ වගේම එවා අපිටත් කියන්න කමන්ට් එකක් දාලා. අපි හැමොම එකතු වෙලා ඉගෙනගෙන ගමනක් යමු.

එහෙනම් අදට ගිහින් එන්නම් තව දවසකින් හමුවෙමු. ඔයාලගේ අදහස් හා උදහස් ගොඩක් වටිනවා මට. අමතක නොකර දාලා යන්න.

#AutoCAD Sinhala, #Saagaraya Tutorial, #Sinhala Tutorial, #ඔටෝකැඩ්, #සිංහල ටියුටෝරියල්, #Dimension sizes, #සාගරය, #House Plan, #නිවාස සැලසුම්, #Sinhala Tutorial, #ඩිමෙන්ෂන් සයිසස්, #ඔටෝකැඩ් සිංහලෙන්, #ප්‍රින්ට් , #සැලසුම ප්‍රින්ට්, #ඩ්‍රෝවින් එක ප්‍රින්ට්, #Print a drawing, #සරලව, #මුලසිට, #Styles, #අකුරු, #ස්කේල්,

ඕනෙම ස්කේල් එකකට ගැලපෙන්න අකුරු හදාගමු - AutoCAD Tutorial

noreply@blogger.com (Tharanga Darshana) — Sun, 12 Sep 2021 00:21:00 +0000

අපි සැලසුමක් නිර්මාණය කරද්දි එහි අඩංගු එක එක කොටස් උදාහරණයක් විදිහට ප්ලෑන්, සෙක්ෂන්, එලිවේෂන් වගේ දේවල් එක ස්කේල් එකකිනුත්, තව අත්තිවාරම්, සයිට් ප්ලෑන්, දොර ජනෙල් ඩීටේල් වගේ දේවල් වෙන වෙන ස්කේල් වලිනුත් සකස් කරන්න සිද්ද වෙනවා. මම හිතෙනවා දැන් ස්කේල් කරගන්න එක ප්‍රශ්ණයක් නෙවේ කියලා. මොකද මම කියලා දුන්න පාඩම් මාලාව ඔයාලා බැලුවනම් මේ වෙද්දි ඒ වැඩේ ඉක්මණට කරගන්න පුලුවන් කියලා මට විස්වාසයි.

ඉතින් මෙහෙම ස්කේල් කරගද්දි අපි ගොඩක් වෙලාවට අමාරුවේ වැටෙන තැනක් තමා මේ දේවල් ටික ස්කේල් කරලා ප්‍රින්ට් එක ගත්තාම ඒවගේ අඩංගු විස්තර පෙන්නන අකුරු එක එක සයිස් වලින් දිස්වීම. මේක ලොකු ප්‍රශ්ණයක් මොකද ඒ නිසා අපේ සැලසුම අපිළිවෙලකට පේනවා. ඉතින් අදින් පස්සේ ඒ ප්‍රශ්ණෙනුත් ඔයාලා නිදහස්.

මම අද කියලා දෙන්න යන්නේ ඕනෙම ස්කේල් එකකට ගැලපෙන විදිහට අපේ අකුරු සයිසස් ටික කොහොමද හදාගන්නේ කියලා. එහෙනම් අපි කෙලින්ම් විඩියෝ එකට යමු. බලලා ඇවිත් වැඩි විස්තර කතා කරමු.

හරි මම මේ විඩියෝ එකේ කියලා දෙන විදිහට වැඩ ටික ඔයාලා කරානම් අදින් පස්සේ කිසිම බයක් සැකක් නැතුව ඔයාලට අකුරු වල සයිස් ටික හදාගන්න පුලුවන්.

මම විඩියෝ එකේ සදහන් කරා පොඩි වගුවක් ඔයාලට දෙනවා කියලා ඒ ඒ ස්කේල් එකට ගැලපෙන විදිහට අකුරු සයිස් ටික දාපු. මෙතනින් ඒක ඔයාලට ගන්න පුලුවන්.

Text Sizes in Drawing- PDF

A4 සයිස් එකට මම හදලා තියෙන්නේ කොලේ. ඔයාලට කැමතිනම් ප්‍රින්ට් එකක් දාගෙන හෝ ලග තියාගන්න හදිස්සියට ඕනේ වෙයි.

ඉතින් මම හිතනවා ඔයාලට මම කියලා දෙන ඒවා තෙරෙනවා ඇති කියලා. ගොඩක් කට්ටිය ප්‍රශ්ණ අහනවා. ඒකට ඇත්තටම මම කැමති මොකද එතකොට මට තෙරේනවා ඔයාලට පොඩි හරි උනන්දුවක් තියනවා කියලා. ඒක තමා මගෙත් බලාපොරොත්තුව ඔයාලට මේවා ගැන උනන්දුවක් ඇති කරන්න.

අලුතෙන් ‍ෆිල්ම් වගේකුත් ඇවිත් තියනවා දැක්කා. ඒවත් බලලා හොද එකක් තිබුනොත් ඔයාලටත් ඒ ගැන විස්තර ගෙන්නම්. එහෙනම් අදට මම නවතිනවා. ඔක්කොටම සුභ දවසක් පරිස්සමින් ඉන්න.

#AutoCAD Sinhala, #Saagaraya Tutorial, #Sinhala Tutorial, #ඔටෝකැඩ්, #සිංහල ටියුටෝරියල්, #Text sizes, #සාගරය, #House Plan, #නිවාස සැලසුම්, #Sinhala Tutorial, #අකුරු සයිසස්, #ඔටෝකැඩ් සිංහලෙන්, #ප්‍රින්ට් , #සැලසුම ප්‍රින්ට්, #ඩ්‍රෝවින් එක ප්‍රින්ට්, #Print a drawing, #සරලව, #මුලසිට, #කොලේ හදාගන්න, #අකුරු, #ස්කේල්,

ඩ්‍රෝවින් එක ප්‍රින්ට් කරගමු (IV) - AutoCAD Tutorial

noreply@blogger.com (Tharanga Darshana) — Wed, 01 Sep 2021 08:17:00 +0000

හුරුබුහුටි තනි තට්‍ටුවේ අංගසම්පූර්ණ නිවසක් ඇදගන්න හැටි කියල දෙන පාඩම් මාලාවේ අවසාන පාඩමත් එක්ක තමා ඔයාලා අද එකතුවෙලා ඉන්නේ. හතරවෙනි පාඩම විදිහට මම හිතුවා මෙතනින් මේ පාඩම් මාලාව ඉවර කරන්න.

අපි කලින් පාඩම් වලදි කතා කරා කොහොමද ප්ලෑන් එක, සෙක්ෂන් එක, එලිවේෂන්, ෆවුන්ඩේෂන්, ලේ අවුට්, සයිට් ප්ලෑන් ඇදගන්නේ කියලා. මම හිතනවා මේ වෙනකොට ඔයාලා ඒ ටික බලල ඇති කියලා. බැලුවේ නැති කෙනෙක් ඉන්නවනම් මෙතනින් ඒවා ටික බලාගන්න පුලුවන්.

ඉතින් අද මම කියලා දෙන්න බලාපොරොත්තු වෙන්නේ අපේ ඩ්‍රෝවින් එකට විස්තර ඇතුලත් කේජ් එකක් නිර්මාණය කරගන්නා ආකාරය සහ කොහොමද හරියට ස්කේල් කරලා ප්‍රින්ට් එකක් ගන්න කොලයක් හදාගන්නේ කියලා.. ගොඩ දෙනෙක්ට මේ කොලේට හදාගන්න වැඩේ ටිකක් අමාරුයි කියලා මට දැනගන්න ලැබිලා තියනවා. ඉතින් මම හිතනවා අදින් පස්සේ ඒ වැඩෙත් හරියට කරගන්න පුලුවන් වෙයි කියලා..

මම ක්‍රම 3ක් යටතේ වැඩේ කරගන්නේ කොහොමද කියලා ඔයාලට කියලා දෙනවා. ඔයා දැනට කරගෙන යන විදිහත් ඔය අතරේ තියෙන්න පුලුවන්. ඉතින් ඒ ක්‍රමේ තියන වාසි අවාසි මොනවද, ඊට වඩා ලේසි අලුත් විදිහක් තියනවද කියලා බලාගන්න පුලුවන් දැන්.

විඩියෝ එක ටිකක් දිග වුනාට සමාවෙන්න. මට මේක කොටස්වලට කඩලා දාන්න තිබ්බා. ඒ වුනාට මට හිතෙනවා මෙහෙම දාපු එක හොදයි කියලා. නැත්නම් මම කොටස් ගෙද්දි ඔයාලට තව කාලයක් ඉන්න වෙනවා. අපි හිමීටනේ වැඩේ කරගෙන යන්නේ තාම.

ඉතින් මම විඩියෝ එකේදි කිවා AutoCAD ෆයිල් එක ඔයාලට දෙනවා කියලා. ඒක මම පහලින් දානවා. එක අරගන්න. මොනවා හරි ගැටලු ඇති වුනොත් එතනිනුත් ඔයාලට බලාගන්න පුලුවන්. ගොඩක් දේවල් ඔයාලට ඒකෙන් ඉගෙන ගන්න පුලුවන් මම මේ කියලා දුන්න දේවල් වලට අමතරව. Line Thickness, Dimension Style, Text Sizes... වගේ ගොඩක් දේවල් බලාගන්න පුලුවන් එතනින්. ඉගෙන ගැනීම සදහා පමණක් එය භාවිතා කරන්න. එය කිසිවෙකුගෙන් කොපි කරගෙන කරපු නිර්මාණයක් නොවේ. ඔයාලට ඉගැන්වීම සදහා මමම නිර්මාණය කරපු දෙයක්.

AutoCAD Drawing File - New Project 01 (.dwg)

ඉතින ඔයාලගේ අදහස් උදහස් මට වටිනවා ගොඩක්. ගැටලු තියනවනම් යොමු කරන්න. මම ඉදිරියට හිතාගෙන ඉන්නවා තව AutoCAD වල ගොඩක් දේවල් කියලා දෙන්න ඒ වගේම Revit මෘදුකාංගය සහ Sketchup වලින් 3D වැඩ ටිකකුත් කරන්න. ඉතින් බලමු ඉස්සරහට මොකද වෙන්නේ කියලා. අදට ගිහින් එන්නම් සුභ දවසක්.

#AutoCAD Sinhala, #Saagaraya Tutorial, #Sinhala Tutorial, #ඔටෝකැඩ්, #සිංහල ටියුටෝරියල්, #සාගරය, #How to Design a Small House, #Foundation, #Layout, #Site Plan, #Doors Windows, #සයිට් ප්ලෑන් , #දොර ජනෙල්, #ෂෙඩූල්, #House Plan, #නිවාස සැලසුම්, #Sinhala Tutorial, #ඔටෝකැඩ් සිංහලෙන්, #ප්‍රින්ට් , #සැලසුම ප්‍රින්ට්, #ඩ්‍රෝවින් එක ප්‍රින්ට්, #Print a drawing, #සරලව, #මුලසිට, #කොලේ හදාගන්න, #A0, #A1, #A2, #A3, #A4,

සයිට් ප්ළෑන් සහ දොර ජනෙල් ෂෙඩූල් (III) - AutoCAD Sinhala

noreply@blogger.com (Tharanga Darshana) — Wed, 25 Aug 2021 11:35:00 +0000

අංග සම්පූර්ණ නිවසක් සැලසුම් කිරීමේ පාඩම් මාලාවේ තුන් වන පාඩම තමයි අද මම අරගෙන ආවේ. කලින් වතාවේදි අපි කතා කරා කොහොමද හුරුබුහුටි පොඩි නිවසක ප්ලෑන් එක, සෙක්ෂන් එක, එලිවේෂන් එක, අත්තිවාරම සහ අත්තිවාරම් සැලැස්ම ඇදගන්නේ කියලා. ඔයාලා ඒවා ටික බැලුවේ නැත්නම් පහලින් ගිහින් ඒ ටික බලලා එන්න.

ඉතින් අද මම කතා කරන්න යන්නේ කොහොමද සයිට් ප්ලෑන් එකක් සහ දොර ජනෙල් විස්තරයක් අපේ සැලැස්මට අඩංගු කරගන්නේ කියන දේ ඔයාලට කියලා දෙන්න. සයිට් ප්ලෑන් එක හදාගන්න හැටිනම් මම කලින් ගොඩක් හොද විස්තරයක් ඇතුව කියලා දීලා තියනවා. එකත් ඔයාලට මෙතනින් බලාගන්න පුලුවන්.

සයිට් ප්ලෑන් එකක් හරි පරිමාණයට හදාගන්න හැටි - AutoCAD Tutorial

කොහොම වුනත් මම නැවත වරක් අද පාඩෙමෙදිත් ඔයාලට ඒ ගැන මතක් කරනවා බය වෙන්න එපා. ඉතින් වැඩිය විස්තර නැතුව අපි කෙලින්ම පාඩමට යමු.

හරි මම හිතනවා ඔයාලා මේ විඩියෝ එක බලන්න ඇති කියලා. ඉතින් ඒ සම්බන්ධව මොනවා හරි ඔයාලට ගැටලුවක් තියනවනම් පහතින් කමන්ට් එකක් දාගෙන යන්න, මම පුලුවන් විදිහට ඔයාලට උදව් කරන්නම්,

මෙහි තව කරුණක් ඔයාලට කියන්න ඔනේ ඒ තමා දොර ජනෙල් ෂෙඩූල් එක ඔයාලට තව විස්තර සහිතව හදන විදිහක් ගැන මම ඉදිරියට කියලා දෙන්න බලාපොරොත්තු වෙනවා. ඒ කියන්නේ අපි දොර ජනෙල් ඩීටේල් අදින දවසට මම කියලා දෙන්නම් ඔයාලට ෂෙඩූල් එක තව විස්තර ගොඩක් එකතු කරලා ලස්සනට හදාගන්න හැටි ගැන. ඒ ආකාරයේ ඩීටේල් ෂෙඩූල් භාවිතා කරන්නේ ඩීටේල් ඩ්‍රෝවීන් නිර්මාණය කරද්දි. එහෙම නැතුව අනුමැතිය ලබාගන්න සහ සාමාන්‍යයෙන් නිවාස සැලසුමක් සකස් කරද්දි අද මම ඔයාලට කියලා දුන්න ෂෙඩූල් එක හොදටම ඇති.

ඒ වගේම ගොඩක් අය මගෙන් මේ ප්ලෑන් එකේ ඔටෝකැඩ් ෆයිල් එක ඉල්ලා තිබ්බා. මම නොදුන්නේ වෙන හේතුවක් නිසා නෙවේ මේ සැලසුම සම්පූර්ණ කල ගමන් මම ඒක ඔයාලට ලබාදෙන්නම්. මොකද බාගෙට හදපු එකක් කාටවත් වැදගත් නොවෙන නිසා. බොහෝ දුරට අනිත් විඩියෝ එකින් මම මේ ප්ලෑන් එක ඉවර කරන්න බලාපොරොත්තු වෙනවා. අපි බලමු මොකද වෙන්නේ කියලා.

මට විඩියෝ එකේ කියන්න බැරිවුන කරුණු තිබුනොත් ගොඩක් වෙලාවට මම මේ බ්ලොග් එකේ තමා සටහන් කරන්නේ. ඒ නිසා ඔයා විඩියෝ එක හරහා බ්ලොග් එකට ආව කෙනෙක්නම් මතක ඇතුව බ්ලොග් එකට නිතරම සම්බන්ධ වෙන්න පේජ් එකට ලයික් එකක් දාන්න මොකද අලුත් තොරතුරක් එකතු වුන ගමන් මම Fb එක හරහා ඔයාලව දැනුවත් කරනවා.

ලස්සන එම්බ්‍රොස්ඩ් මොකප් එකක් හදාගමු - Photoshop Sinhala Tutorial

noreply@blogger.com (Tharanga Darshana) — Fri, 20 Aug 2021 16:10:00 +0000

අද මම ඔයාලට කියලා දෙන්න යන්නේ අප සාදාගන්නා ඕනෑම ලෝගෝ එකක්, යම් කිසි මතුපිටක් මත කා වැදිලා තියන ආකාරය එන විදිහට ලස්සන මොකප් එකක් නිර්මාණය කරගන්න හැටියි. අපි මේ සදහා Photoshop මෘදුකාංගය භාවිතා කරනවා.

ඉතින් මේක ඇත්තටම හරි සරලව ඕනෑම කෙනෙකුට කරගන්න පුලුවන් දෙයක්. මම පැහැදිලිව කරන හැටි ඔයාලට පහලින් පෙන්නලා තියනවා. ඒක බලලා ඉන්නකො..

ඉතින් ඔය විදිහට තමා මේ වැඩේ කරගන්න තියෙන්නේ. හැමදාම කියනවා වගේ මම මේ කියල දෙන පොඩි දේ හරියට ඉගෙනගෙන මටත් වඩා හොදට ලස්සන නිර්මාණයක් කරන්න ට්‍රයි එකක් දෙන්න. පහලින් මම මේකට අදාල PSD ෆයිල් එක දිලා තියනවා ඒක ඔයාලට ඔනේනම් ගන්න.

Mockup PSD File

එහෙනම් අපි තවත් අලුත් දෙයක් අරගෙන ඉක්මනටම හමුවෙමු..

Saagaraya Tutorials, Photoshop Sinhala Tutorials, Embossed Mockup,

අත්තිවාරම සහ අත්තිවාරම් සැලැස්ම (II) - AutoCAD Tutorial

noreply@blogger.com (Tharanga Darshana) — Sat, 24 Jul 2021 16:19:00 +0000

අද මම කලින් කරපු විඩියෝ එකක දෙවෙනි කොටස අරගෙන ඇවිත් තියෙන්නේ. හුරුබුහුටි පුංචි ගෙදරක් නිර්මාණය කරගන්න හැටි කියලා දෙන විඩියෝ මාලාවේ පළවෙනි කොටසෙදි අපි කතා කරා කොහොමද ගෙදරට සැලැස්මක්, ඉදිරි පෙනුමක්, පැති පෙනුමක් සහ හරස්කඩක් ඇදගන්නේ කියලා.

ඒක ඔයාල බැලුවේ නැත්නම් පහලින් ගිහින් බලන්න.

හුරුබුහුටි ලස්සන පොඩි ගෙදරක් නිර්මාණය කරගමු - AutoCAD Tutorial

අද අපි කතා කරමු ඒ විඩියෝ මාලාවෙම දෙවෙනි කොටස වන, ඒ නිවාස සැලැස්මටම අත්තිවාරමක් සහ අත්තිවාරම් සැලැස්මක් කොහොමද ඇදගන්නේ කියලා බලමු.

අපිට ගෙදරකට දාන්න පුලුවන් අත්තිවාරම් වර්ග ගොඩක් තියනවා. මම මේ හැම අත්තිවාරමක් ගැනම ඔයාලට අද කියලා දෙන්න බලාපොරොත්තුවක් නෑ. මොකද සිමිත කාලයක් තියෙන්නේ සැලැස්ම අදින හැටි කියලා දෙන්නයි ඒ ගැන විස්තර කරන්නයි. මම සාමාන්‍ය ගෙදරකට දාන්න පුලුවන් අත්තිවාරම් 3ක් ගැන බොහොම කෙටියෙන් මේකෙදි පැහැදිලි කරනවා, පසුවට මම මේ ගැන ලොකු විස්තර ටිකකුත් ඔයාලට කියලා දෙන්න බලාපොරොත්තුවක් තියනවා.

එම අත්තිවාරම සහ අපි නිවස ඉදිකිරිමට යෑමේදි නූල් ගැසිම එහෙම නැත්නම් සෙටින් අවුට් කියලා දෙයක් කරනවා, එහිදි අපේ නිවසේ සැලැස්මට අනුව අපි එය පොලොවේ පිහි‍ටුවා ගැනිමක් වෙන්නේ අත්තිවාරම් කැපිම සදහා. එහිදි අපිට ප්‍රයෝජනවත් වන දෙයක් තමා අත්තිවාරම් සැලැස්ම. බිත්ති අතර දුරවල්, කණු අතර දුරවල් ආදිය අපිට මෙයින් අරගෙන, ඉතාමත් පහසුවෙන් නුල් ගැසිමේ කාර්ය්‍ය කර ගැනිමට පුලුවන්.

එහෙනම් විඩියෝ එක මෙතනින් බලලා අපි ඉස්සරහට තව කතා කරමු,..

මගේ මේ දැනට කරගෙන යන විඩියෝ මාලාවෙදි ප්‍රධාන පරමාර්ථය වෙන්නේ නිවැරදිව ප්‍රින්ට් කරගන්න පුලුවන් ආකාරයට සම්පූර්ණ නිවාස සැලැස්මක් කොහොමද අදින්නේ, ඒකට අන්තර්ගත වෙන්න ඔනේ මොනවද කියන දේ ඔයාලට කියලා දෙන්න. ඉතින් ඒ ගැන කතා කරන ගමන් ඔයාලගේ ප්‍රතිචාරයත් එක්ක මම තව තව අලුත් දේවල් සහ දන්න දේවල් ගැන නොදන්නා කරුණු ඔයාලට කියලා දෙන්නම්. ඒ වගේම මේ සම්බන්ධව ඔයාලගේ ප්‍රතිචාරය මට ගොඩක් වටිනවා, හොද සහ නරක දෙකම. එතකොට ඉදිරියට ඔයාලට කියලා දෙන්න මම හිතාගෙන ඉන්න දෙවල් ගැන අවබෝධයක් ගන්න පුලුවන් මොනවගේ දේවල්ද ඔයාලට ගොඩක් වැදගත් වෙන්නේ කියලා.

අපි හැමෝම එකතු වෙලා අලුත් දේවල් ඉගෙනගෙන ඉදිරියට යමු.

AutoCAD Sinhala, Saagaraya Tutorial, Sinhala Tutorial, ඔටෝකැඩ්, සිංහල ටියුටෝරියල්, සාගරය, How to Design a Small House, Foundation, Layout

Black Widow (2021) - අතීතයෙන් දුරස් වෙන්න බෑ

noreply@blogger.com (Tharanga Darshana) — Sat, 10 Jul 2021 15:32:00 +0000

මාවල් චිත්‍රපට මාලාවේ 24 වන චිත්‍රපටය ලෙස අලුතෙන්ම තිරගත වුන චිත්‍රපටය තමා Black Widow (2021) කියන්නේ. කොවිඩ් වසංගත තත්වය හේතුවෙන් 2020 වසරේ සිට මේ දක්වා විටින් විට තිරගත වීම ප්‍රමාද කරන්නට මේ චිත්‍රපටයට සිදුවුනා. නමුත් අවසානයේ 2021 ජූනි මස 29 වනදා මේ සියල්ල අවසන් කරමින් මේ චිත්‍රපටය ලොව පුරා තිරගත කිරීම ආරම්භ කරා. ඉතින් මට ඊයේ තමයි මේ චිත්‍රපටය බලන්න පුලුවන් වුනේ. හැමදාමත් වගේ හොද චිත්‍රපටයක් නරඹපු ගමන්ම මම ඒ ගැන ඔයාලට කියනවනේ. ඒ නිසා අද අපි කතා කරමු බ්ලැක් විඩෝ චිත්‍රපටය ගැන.

» චිත්‍රපටයේ මොකද වෙන්නේ:

චිත්‍රපටයේ කතාව දැනගන්න කැමති නැති කෙනෙක් ඉන්නවනම් පොඩ්ඩක් පහලට ස්කිප් කරල ඉතුරුවා බලන්න.

බ්ලැක් විඩෝ චිත්‍රපටයේ අන්තර්ගතයේ තියෙන්නේ "පවුල" කියන මාතෘකාවයි. චිත්‍රපටය ආරම්භ වන්නේ Ohio නගරයේ ජිවත්වන නටාෂා (වැඩිමල් විය Scarlett Johansson රගදක්වයි) සහ ඇගේ නැගනිය යෙලේනාගේ (වැඩිමල් විය Florence Pugh රගදක්වයි) කුඩා අවදිය පෙන්වන ජවනිකාවකින්. ඔවුන්ගේ මව මෙලීනා (Rachel Weisz රගදක්වයි) පියා ඇලෙක්සි (David Harbour රගදක්වයි) සමග මේ ගෑණු ලමුන් දෙදෙනා සාමාන්‍ය ජිවිතයක් ගත කරන අයුරු අපිට බලාගන්න පුලුවන්. නමුත් ඔවුන්ගේ "මව" සහ "පියා" සැබවින්ම රුසියන් ඔත්තුකාරයෝ සහ ඇත්තටම මෙතන වෙන්නේ මේ ගෑණු ලමුන් දෙදෙනා, සුපිරි සොල්දාදුවන් නිර්මාණය කරන වැඩසටහනකට පුහුනු කිරීමක් බව චිත්‍රපටය බලාගෙන යද්දි ඔයාලට පෙන්නනවා.

ගොඩක් සටන් ජවනිකා වලිනුත්, මේ ත්‍රාසයජනක ආරම්භයත් එක්කම අපිට බලාගන්න පුලුවන් සාමාන්‍ය ගැණු ලමුන් ලෙස සිටි මේ නටාෂව සහ යෙලේනව, රුසියන් ඔත්තුකාර සුපිරි සොල්දාදුවන් ලෙස පුහුණුකරවන හැටි. පසු කාලෙක ඔවුන්ගේ වෙන් වීම වෙන්නේ මේ "Red Room" කියන ස්ථානයේ ප්‍රධානියා වන ඩ්‍රෙයිකොව්ව නටාෂා විසින් ඝාතනය කර මේ වැඩ සටහන විනාශ කිරිමත් සමගයි. නමුත් ඇය සැබවින්ම මෙම ඝාතනයත්, විනාශයත් සිදු කරාද?

ඊටපස්සේ අපිව ඉදිරි කාලයකට අරගෙන එනවා Captain America: Civil War චිත්‍රපටයෙන් පසු නටාෂා විසින් ස්කෝවියා ගිවිසුම උල්ලංගනය කිරීමත් සමග තමන්ගේ රජය විසින් ඇයව අත් අඩංගුවට ගැනිමට උත්සහ කිරිමත්, ඇය මොවුන්ගෙන් බෙරී කිසිවෙකුට සොයාගැනීමට නොහැකි ලෙස පලායාමත් අපිට බලාගන්න පුලුවන්. මේ සමග ඇයට ඇයගේ සොහොයුරියගෙන් යම් කිසි පාර්සලයක් ලැබෙනවා. මෙහි අඩංගු වන්නේ මේ සුපිරි සොල්දාදුවන් නිර්මාණය කිරීමේදි මනස පාළනය කිරීමක් එහෙම නැත්නම් Mind Control කිරිමක් සිදු කරනවා එය වෙනස් කිරීමට යොදා ගන්නා රසායනික ගෑස් එකක්. මේ සිදුවීමත් සමග අපිට මාවල් සිනමා ලෝකයට තව සුපිරි හතුරෙක් හදුන්වා දෙනවා... Taskmaster. මොහුට පුලුවන් ප්‍රතිවාදියාව හොදින් අධ්‍යනය කර ඔවුන්ගේ සටන් ක්‍රම අනුකරණය කරන්න. ඉතින් ලේසි පහසු වෙන සතුරෙක් නෙවෙයි මේ ඉන්නේ.. ඉතින් මේ ටාස්ක්මාස්ටර් කියන්නේ කවුද ඔහුගෙත් පසුබිම ඔයාලට මේ චිත්‍රපටයෙන් බලාගන්න පුලුවන්. ඔහුද? ඇයද?

නටාෂා, ඇගේ සොහොයුරියත් සමග නැවත එකතු වීමත් සමග ඇයගෙන් දැනගන්න ලැබෙන්නේ සැබවින්ම Red Room හී "බ්ලැක් විඩෝ" කියන වැඩසටහන තවම සක්‍රීය බවත්, එහි ප්‍රධානියා තවම ජිවතුන් අතර බවත්ය. මේ අලුත් තොරතුරත් එක්ක ඇය ඇගේ සොහොයුරියත් සමග මේ වැඩසටහන විනාශ කරන්න ටීම් අප් වෙනවා. නමුත් දෙදෙනාම දන්නේ නෑ කොහෙද මේක පිහිටලා තියෙන්නේ කියලා. නමුත් මේ ගැන හොදින් දන්න දෙන්නෙක් තමා චිත්‍රපට මුලින් මොවුන්ගේ දෙමව්පියන් ලෙස සිටි ඇලෙක්සි සහ මෙලීනා. මොවුන් සොයාගෙන ගොස් මේ ගැන වැඩි විස්තර දැනගෙන ඔවුනුත් සමග මේ වැඩසටහන විනාශ කරන්න යන කතාව තමා ඔයාලට මේ චිත්‍රපටයෙන් බලාගන්න පුලුවන් වෙන්නේ.

» අමතර විස්තර ටිකක්:

Genre :	Action \| Adventure \| Sci-Fi
Directed by :	Cate Shortland
Produced by :	Kevin Feige
Starring :	Scarlett Johansson, Florence Pugh, David Harbour, O-T Fagbenle, Olga Kurylenko, William Hurt, Ray Winstone, Rachel Weisz
Distributed by :	Walt Disney Studios Motion Pictures
Release date(s) :	June 29, 2021 (world premieres)
Running time :	134 minutes
Country :	United States
Language :	English

2020 මැයි 1 වෙනිදා රිලිස් වෙන්න තිබුන මේ චිත්‍රපටය 2021 ජුනී මස 29 වෙනිදට කල් ගියා කොවිඩ් වසංගත තත්වය හේතුවෙන්. නමුත් මුලින්ම බ්ලැක් විඩෝ චිත්‍රපටයක් හදන්න බලාපොරොත්තු වෙලා තියෙන්නේ 2004 වසරේ. ඒ Lionsgate සමාගම මෙහි අයිතිය හිමි කරගැනිමත් සමග. නමුත් 2006 නැවතත් මෙහි අයිතිය Marvel Studio හිමිකර ගැනීමත් සමග 2010 වසරේ Iron man 2 චිත්‍රපටයෙන් බ්ලැක් විඩෝ කියන චරිතය හදුන්වා දෙනවා. මුලින්ම් මේ චරිතයට පන පෙවීමට Emily Blunt ව ‍තෝරාගෙන ඇති අතර ඇය Gulliver's Travels (2010) චිත්‍රපටයේ වැඩ කරමින් සිටි නිසා මෙයට සම්බන්ධ වීමට නොහැකිව තිබෙනවා. ඉන් පසුව ඔවුන් Scarlett Johansson ව මේ චරිතය සදහා එකතු කරගෙන තිබෙනවා. විටින් විට මේ බ්ලැක් විඩෝ චරිතය අලලා චිත්‍රපටයක් නිර්මාණය කරන්න උත්සහ කලත් මාවල් ස්‍ටුඩියෝ එක Avengers චිත්‍රපට සදහා ගොඩක් කාලය යොමු කරලා තියෙනවා. Age of Ultron චිත්‍රපටයේ බ්ලැක් විඩෝගේ අතීතය ගැන සදහන් වීමත් සමග 2015 වසරේ කෙවින් ෆයිගි සදහන් කරලා තියනවා එයාලා බ්ලැක් විඩෝ සදහා සෝලෝ චිත්‍රපටයක් කරනවා කියලා. ඒ අනුව 2019 වසර වෙදිදි සියලු නළුනිළියනුත් ‍තෝරාගෙන චිත්‍රපටය රූගත කිරීම් ආරම්භ කරලා තියනවා. මේ චිත්‍රපටයේ කතාව යන්නේ Captain America: Civil War චිත්‍රපටයත් Avengers: Infinity War චිත්‍රපටයත් අතර කාලය අතරතුරය.

» රගපාන නළු නිළියන් හා චරිත හදුනගමු:

චිත්‍රපටයේ ජනප්‍රිය නළු නිළියන් ගොඩක් රංගනයෙන් දායකත්වය දෙනවා. අපි දැන් බලමු මොන විදිහේ චරිතද මෙයාල රගපාන්නේ කියලා

Scarlett Johansson as Natasha Romanoff / Black Widow:

නටාෂා රොමනෝෆ්/ බ්ලැක් විඩෝ කියන්නේ අපිට සුපුරුදු චරිතයක්. කලින් ඇවෙන්ජර්ස් චිත්‍රපට වලදි අපිට මුන ගැහුනු චරිතයක්. අතිතයේ රුසියන් ඔත්තුකාරිනියක් මෙන්ම S.H.I.E.L.D නියෝජිතයෙක් වන නටාෂා, ඇගේ අදුරු අතීතය සමග නැවත ගැටීමක් මේ චිත්‍රපටයෙන් බලාගන්න පුලුවන්.

Florence Pugh as Yelena Belova / Black Widow:

බ්ලැක් විඩෝ කෙනෙක් ලෙස රෙඩ් රූම් හි පුහුණුව ලැබූ යෙලේනා කියන්නේ නටාෂාගේ සොහොයුරියක් විදිහට අතීතයේ මෙහෙයුම් වලට සම්බන්ධ වුන කෙනෙක්. යෙලේනා, රෙඩ් රූම් එකත් එක්ක ඉද්දි සිදුවූ සිදුවීම් මතක ආවර් ජනය කරමින් ඒවා නිවැරදි කරගැනීමට රෙඩ් රූම් විනාශ කර දැමීමට නටාෂත් සමග එකතු වෙනවා. ඇයට නටාෂා කියන්නේ ඇත්තටම සොහොයුරියක් නමුත් ඇය මේ බව හගවන අවස්ථා ගොඩක් අඩුයි.

David Harbour as Alexei Shostakov / Red Guardian:

කැප්ටන් ඇමෙරිකා නිර් මාණය කල ආකාරයට රුසියාව විසින් නිර් මාණය කල සුපිරි සොල්දාදුවෙක් තමා ඇලෙක්සි එහෙම නැත්නම් රෙඩ් ගාර් ඩියන් කියන්නේ. මොහු නටාෂාට සහ යෙලේනාට පියෙකු ලෙස කලින් රෙඩ් රූම් සම්බන්ධව සිදුවූ මෙහෙයුමකදි සිටි පුද්ගලයෙක්. රෙඩ් රූම් විසින් මොහුව සිර දඩුවමකට ලක් කර ඇති අතර නටාෂා සහ යෙලේනා මොවුන එයින් බේරා ගැනිමත් සමග රෙඩ් රූම් එකට එරෙහිව සටනට මොහුත් එක් වෙයි.

Rachel Weisz as Melina Vostokoff / Black Widow:

රෙඩ් රූම් සම්බන්ධ මෙහෙයුමක නටාෂාගේ සහ යෙලේනාගේ මව විදිහට සිටි මෙලීනා බ්ලැක් විඩෝ වරියෙකු ලෙස රෙඩ් රූම් වල පුහුනුව ලබා ඇත. දැනට ඇය එහි ප්‍රධාන විද්‍යාඥයෙකු ලෙස සේවය කරයි. ඇය රෙඩ් රූම් වල සිදු කෙරෙන අමානුෂික ක්‍රියා ගැන නොදන්නා අතර එය දැනගැනිමෙන් පසු එය විනාශ කිරීමට නටාෂා සහ යෙලේනා සමග එක් වෙයි.

Ray Winstone as General Dreykov:

රෙඩ් රූම් හී ප්‍රධානියා ලෙස ජෙනරල් ඩ්‍රේයිකෝව් රංගනයෙන් දායකත්වය දක්වයි..

Olga Kurylenko as Antonia Dreykov / Taskmaster:

ජෙනරල් ඩ්‍රේයිකෝව් ගේ දුව වන ඇන්ටෝනියා ඩ්‍රේයිකෝව්, එහෙම නැත්නම් ටාස්ක්මාස්ටර් ගේ චරිතය ඔල්ගා විසින් රගදක්වයි. ටාස්ක්මාස්ටර්, කොමික් වල පිරිමි චරිතයක් වුනත් මේ චිත්‍රපටයේ එය ගැහැණු චරිතයක් ලෙස වෙනස් කර තිබෙනවා. ටාස්ක්මාස්ටර් ට, ඇයගේ ප්‍රතිවාදියාගේ සටන් ක්‍රම අධ්‍යනය කර එය ඔවුන්ට විරුද්දව යෝදා ගැනිමේ හැකියාවක් තියනවා.

මාවල් කොමික් සිනමාලෝකයෙන් දැන ගන්න ලැබෙනවා ඉස්සරහට එයාලා මේකටම අනුබද්ද බ්ලැක් විඩෝ චිත්‍රපටයක් නිර්මාණය කරයි කියලා. නමුත් ඒ සදහා එයාලා වෙනත් චරිතයක් ප්‍රධාන කර ගනියි කියලා හිතෙනවා නටාෂාගේ චරිතය මේ වන විට මිය ගොස් ඇති නිසා. ගොඩක් වෙලාවට ඇයගේ සොහොයුරිය සේ රග දැක්වූ යෙලේනාගේ චරිතය වෙන්න බැරි නෑ. ඒ මගේ මතයක් පමණි.

» මගේ අදහස්:

මාවල් චිත්‍රපට වල ඇති ත්‍රාසයජනක සටන් ජවනිකා, එලෙසම මේ චිත්‍රපටයේ අඩංගු වෙනවා. මේ වන විට Imdb 7.2 ක රේට් එකක් බ්ලැක් විඩෝ හිමි කරගෙන තියනවා, බොක්ස් ඔ‍ෆිස් වාර්ථා අතරට මේ චිත්‍රපටය එකතු වුනත් මේ සදහා මගේ රේට් එකනම් 6/10 යි. මොකද ඇත්තම කිවොත් මට, කලින් මාවල් චිත්‍රපට තරම් මේක හිතට ඇල්ලුවේ නෑ. ගොඩක් වෙලාවට ඒකට හේතුව වුනේ කතාවේ ගොඩක් ඩීටේල් මදි කමක් මට දැනුනා. ඒ කියන්නේ කතාව ඉක්මනින් ගලාගෙන ගියා කියලා හැගිමක් මට ආවා. හතුරන්ගේ වුනත් ලොකු ජවනිකා තිබුනේ නෑ. ටාස්ක්මාස්ටර් කියන්නේ කොමික් වල ගොඩක් හොද හතුරෙක් ඉතින් මමනම් දකින්නේ නෑ ඇත්තටම එයාගේ චරිතෙට සාදාරණයක් වුනා කියලා.. මට හිතෙන්නේ මෙයාලට ලොකු ස්ක්‍රිප්ට් එකක් ඉක්මනින් ඉවර කරගන්න ඔනේ වුන බවක් තමා පේන්න තිබ්බේ. ඉතින් ඔයාලත්, මොකද චිත්‍රපටය ගැන හිතෙන්නේ කියලා ඔයාලගේ අදහස් මට දැනගන්න අනිවාරයෙන්ම දාන්න.

Black Widow (2021) චිත්‍රපටිය, Saagaraya Movies, ක්‍රියාදාම, වික්‍රමාන්විත, විද්‍යා ප්‍රබන්ධ, ඉංග්‍රීසි චිත්‍රපටි,

හුරුබුහුටි ලස්සන පොඩි ගෙදරක් නිර්මාණය කරගමු - AutoCAD Tutorial

noreply@blogger.com (Tharanga Darshana) — Sun, 04 Jul 2021 14:09:00 +0000

අද මම ඔයාලට කියලා දෙන්න යන්නේ AutoCAD මෘදුකාංගය භාවිතා කරලා ලස්සන පොඩි ගෙදරක් නිර්මාණය කර ගන්න හැටියි. මම පොඩි ගෙදරක් ‍තෝරගත්තේ මුලින් සංකීර්ණ ගෙවල් නිර්මාණය කරන්න කලින් පොඩි තැනකින් ආරම්භ කරලා හිටියොත් හොදයි කියලා මට තේරුන නිසා.

සාමාන්‍යයෙන් මට අලුත් ප්ලෑන් එකක් ඩිසයින් කරන්න ආවහම ඒ වැඩේ කරගන්න පියවරවල් ටික මම ඔයාලට පෙන්නන්න තමා මම මේ විඩියෝ එක හැදුවේ. ඔයාලත් මේ විශයට ආසාවක් ඇති කරගනි කියලා මම බලාපොරොත්තු වෙනවා මගේ විඩියෝ බලලා. ඒ වගේම මම කලින් ලිපියෙත් සදහන් කරා වගේ මට ඔයාලට කියන්න බෑ මෙහෙමයි කර ගන්න ඔනේ කියල මොකද මේකේ ලොකු පියවරවල් නෑ අනුගමනය කරන්න. නිර්මාණයේ ගුණාත්මක භාවය රදා පවතින්නේ ඔයාලගේ නිර්මාණකරන හැකියාව මතයි.

වැරදෙන්න පුලුවන් ගොඩක් වෙලාවට. නමුත් වැරදි වැරදි කාලයක් යද්දි ඔයාලගේ දැනුම, හැකියාව වර්ධනය වීම නිසා කාටවත් හිතන්නවත් බැරි නිර්මාණ බිහිවෙන්න පුලුවන් ඔයාලගෙන්. ඒ නිසා උත්සහ නොකර ඉන්න එපා.

මේ ගෙදර හදන්න යන ඉඩමේ සයිට් ප්ලෑන් එකක් තිබුනේ නෑ. මම දිග පළල මැනගෙන ආවේ. ලොකුවට ඉඩම තියන නිසා මම සයිට් ප්ලෑන් එක මේකට යොදාගත්තේ නෑ. නමුත් ඔයාලා නිර්මාණයක් කරගද්දි සයිට් ප්ලෑන් එකක් තියනවනම් අනිවාරයෙන්ම එක පරිමාණයට සකසගෙන, ගෙදර එම ඉඩමට ඇතුලත් කර හැකිදැයි බලා නිර්මාණය කර ගන්න.

සයිට් ප්ලෑන් එකක් පරිමාණයට සකසගන්න හැටි මෙතනින් ඔයාලට බලා ගන්න පුලුවන්.

සයිට් ප්ලෑන් එකක් හරි පරිමාණයට හදාගන්න හැටි - AutoCAD Tutorial

අද නිර්මාණය ගැන කතා කරොත්, අදින්න යන ගෙදරට අඩංගු වෙන්න ඔනේ දේවල් ටික තමා මේ...

නිදන කාමර -3
සාලය සහ කෑම කාමරය
කුස්සිය පෝරණුවත් සමග
නාන කාමරය
සහ පොඩි ආලින්දයක්

පල දෙකකට වහලෙත් සමග මම මේ තොරතුරු අඩංගු වෙන්න ගෙදර නිර්මාණය කරන හැටි අපි දැන් බලමු.

හැමදාම වගේ කියන්න ඔනේ, ඔයාලට මොනවා හරි ප්‍රශ්ණ තියනවනම් මෙතන කමන්ට් එකක් දාලා හරි ඔනේම ක්‍රමයකින් මාව සම්බන්ධ කරගෙන ඒ ප්‍රශ්ණ විසද ගන්න. ඒ වගේම අපිත් එක්ක එකතු වෙලා ඉන්න මම ඉදිරියට මේ නිවසේම Detail Drawing ටිකක් අදින්න බලාපොරොත්තුවෙන් ඉන්නවා. මොකද මට ඔයාලට පොඩි ගෙදරකින් මේ වගේ දෙයක් කියලා දෙන එක ලේසි ලොකු ගෙවල් වලට යන්න කලින්.
එහෙනම් අපි තවත් දවසක හමුවෙමු. එතකම් සුභ දවසක්.

AutoCAD Sinhala, Saagaraya Tutorial, Sinhala Tutorial, ඔටෝකැඩ්, සිංහල ටියුටෝරියල්, සාගරය, How to Design a Beautiful Small House,

පඩිපෙලක් හරියට නිර්මාණය කරගමු - AutoCAD Tutorial

noreply@blogger.com (Tharanga Darshana) — Sat, 29 May 2021 12:23:00 +0000

අපි අද කතා කරමු පඩිපෙලක් නිර්මාණය කරන්නේ කොහොමද කියලා. ඔයාලා දන්නවනේ ගෙදරක ප්ලෑන් එකක් අපි නිර්මාණය කරද්දි ගෙදරට අවශ්‍යම වෙන දෙයක් තමා පඩි පෙල කියන්නේ. මේක තනි තට්‍ටුවේ ගෙදරයකටනම් අවශ්‍ය දෙයක් නෙවේ, නමුත් ගොඩක් වෙලාවට අද කාලයේ තට්‍ටු නිවාස සැදිමට තමා ගොඩක් පුද්ගලයන් කැමති වෙන්නේ. ඉතින් ඒ නිසා අපිට ඉතාම වැදගත් වෙන මාතෘකාවක් තමා පඩිපෙල කියන්නේ.

අපි අද බලමු කොහොමද ගෙදරකට පඩි පෙලක් නිර්මාණය කරගන්නේ කියලා. ඒ වගේම කියන්න ඔනේ පඩි පෙලවල් වර්ග ගණනාවක් තියනවා අද මම ඔයාලට සාමාන්‍ය පඩි පෙලක් නිර්මාණය කරගන්න හැටි තමා කියලා දෙන්නේ. අපි ඉස්සරහට ටික ටික සංකීර්ණණ පඩි පෙලවල් වලට යමු. ඒ වගේම ඒවා 3D කරන හැටිත් ඉස්සරහට මම කියලා දෙන්නම්.

මෙතනදි ඔයාලා දැනගන්න ඔනේ දෙයක් තමා මේකේ නිර්මාණකරනය සම්පූර්ණයෙන්ම තියෙන්නේ ඔයාලගේ අතේ. මම ඔයාලට මුල ආරම්භය අරන් දුන්නට ඔයාලා, ඔයාලගේ නිර්මාණ කිරිමේ හැකියාව පාවිච්චි කරලා මට වඩා හොදට මේවා ඩිසයින් කිරිම තමා මට බලන්න ඔනේ. ඒකට මම පොඩි තල්ලුවක් විතරයි දෙන්නේ. මේ විෂයේදි මට කාටවත් කියන්න බෑ මෙහෙම කරන්න මෙහෙම කරන්න කියලා. මොකද මේ නිර්මාණකරනය පුද්ගලයගෙන් පුද්ගලයට වෙනස් වෙනවා. ඉතින් ඔයාලා පහල තියන විඩියෝ එක බලන්න කොහොමද හරියට පඩිපෙලක් නිර්මාණය කරගන්නේ කියලා. ඒ වගේම උත්සහ කරන බලන්න ඒ විදිහට ඔයාලට පොඩි පඩිපෙලක් හදාගන්න පුලුවන්ද කියලා. එන ප්‍රශ්ණ මොනවද කියලා කියන්න මට. විඩියෝ එකෙන් පස්සේ තව විස්තර ටිකක් තියනවා අපි එවත් මොනවද කියලා බලමු.

හරි මම හිතනවා ඔයාලා විඩියෝ එක බලන්න ඇති කියලා. එකෙදි මගේ අතින් කියවුනා reinforcement කියලා. එතනදි අපි දැනගන්න ඔනේ පඩිපෙලක කම්බි කොහොමද දාන්නේ කියලා. මේක ගොඩක් Structural Engineer කෙනෙක් තමා ඩිසයින් කරන්නේ ඒ ගොඩනැගිල්ලේ ව්‍යුහයත් එක්ක අරගෙන කම්බි කොහොම කොහොමද එන්නේ කියන දේ.. මම උදාහරණයක් පහලින් දාලා තියනවා මම හිටපු සයිට් එකක තිබුන පඩිපෙලක්.

මේක තමා සාමාන්‍ය පඩි පෙළක ව්‍යුහය. කොහොමද කම්බි දාන්නේ, මොන කම්බිද දාන්නේ කියලා ඔයාලට මෙතනින් පොඩි අයිඩියා එකක් ගන්න පුලුවන්, ඒ වගේම මෙතන මම විඩියෝ එකේ කතා කරපු ලෑන්ඩින් බීම් එක ගැනත් විස්තරයක් තියනවා ඒකේ කම්බි එන්නේ කොහොමද කියලා. මෙහි ඇති කම්බි ප්‍රමාණවල්, කම්බි ඝණකම ඇත්තටම ගොඩනැගිල්ල තියන විදිහ, එහි ව්‍යුහයත් එක්ක තැනින් තැනට වෙනස් වෙනවා. නමුත් මම ඔයාලට දැනගන්න සාමාන්‍ය සැලැස්මක් තමා මේ දිලා තියෙන්නේ.

ඉතින් ගොඩක් කරුණු මට කියාගන්න බැරි වුනා මොකද විඩියෝ එක දිග නිසා. ඒ නිසා තමා මම මේ ගැන විස්තර ටිකත් බ්ලොග් එකෙ සදහන් කරේ. තව ගොඩක් කරුණු තියනවා පඩිපෙලක් ගත්තාම අපිට කතා කරන්න. අපිට මේක එක දවසකින් කතා කරලා ඉවර කරන්න පුලුවන් මාතෘකාවක් නෙවේ. ඒ නිසා මම ඒ අනිකුත් කරුණුත් සමගම, ඔයාල යොමු කරන ප්‍රශ්ණත් අරගෙන තවත් දවසක මේ වගේම තව පඩිපෙලවල් ටිකක් නිර්මාණය කරන විඩියෝ එකකින් හම්බවෙමු.

AutoCAD Sinhala, Saagaraya Tutorial, Sinhala Tutorial, ඔටෝකැඩ්, සිංහල ටියුටෝරියල්, සාගරය, How to, Design Staircase,

Mare of Easttown (2021) - ඇත්ත කවදා හෝ එළිවෙයි (+18)

noreply@blogger.com (Tharanga Darshana) — Thu, 27 May 2021 03:25:00 +0000

2021 අප්‍රේල් මස 18 වන දින HBO රූපවාහිනි නාලිකාවේ විකාශනය ආරම්භ කරපු Mare of Easttown රූපවාහිනී කෙටි කතා මාලාවේ, අප කවුරුත් හදුනන කේට් වින්ස්ලට් ප්‍රධාන චරිතය නිරූපනය කරයි. Brad Ingelsby විසින් මෙම කතා මාලාව නිර්මාණය කර ඇති අතර මෙය එපිසෝඩ් 7 කින් යුක්ත වෙයි. මේ එපිසෝඩ් 7ම Craig Zobel විසින් අධ්‍යක්ෂණය කර ඇත. මෙහි ඇති සමහර දර්ශන නිසා මෙය වැඩිහිටියන්ගේ අනු දැනුමක් ඇතුව නැරඹිය යුතුයි.

මෙයර් ෂේන් කියන්නේ පැන්සල්වේනියාවේ ඊස්ට් ටවුන් නගරයේ ජිවත් වන, පොළිසියේ රාජකාරියේ නියුක්ත රහස් පරික්ෂකයෙක්. අවුරුදු 25 කට පෙර පාසලේ බාස්කට්බෝල් තරගාවලියේ ශූරතාවය දිනා ගන්න ප්‍රධාන දායකත්වය දැක්වු ඇය, ඒ හේතුව නිසා එම නගරයේ වීරවරියක්. නගරයේ සියලු දෙනා හොදින් දන්න හදුනන චරිතයක්. ඇය අවුරුද්දකට කලින් සිදුවූ තරුණ ගෑණු ලමයෙක්ගේ අතුරුදහන් වීමක් සොයා එය විසදීමට මහත් වෙහෙසක් ගනී. නගරයේ ජනතාව ඇයට මෙය විසදන්න පුලුවන් වෙයි කියලනම් විස්වාස කරන්නෑ. මේ අතර ඇයගේ විවාහ ජීවිතය දෙදරා යෑමත්, ඈයගේ පුතනුවන්ගේ සියදිවි හානි කර ගෑනීමත්, ඇයගේ ලේලිය, ඇය සමග ජිවත් වන මුණුබුරා තම භාරයට ගැනිමට උත්සහ කිරීමත්, මෙයර් ගේ ජිවිතය ගොඩක් ප්‍රශ්ණ වලින් පුරවනවා. මේ අතර නගරයේ තරුණ මවක් අභිරහස් ලෙස ඝාතනය වීම හා එය විසදීමට මැයගේ උත්සාහය මේ රූපවාහිනි කතාමාලාවෙන් ඔයාලට බලාගන්න පුලුවන්.

Genre :	Crime \| Drama \| Mystery
Created by :	Brad Ingelsby
Written by :	Brad Ingelsby
Starring :	Kate Winslet, Julianne Nicholson, Jean Smart, Angourie Rice, David Denman, Neal Huff, Guy Pearce, Cailee Spaeny, John Douglas Thompson, Joe Tippett, Evan Peters, Sosie Bacon, James McArdle
Official Site :	Mare of Easttown (2021) - HBO
Country of origin :	United States
Language(s) :	English
No. of seasons :	1
Executive producer(s) :	Paul Lee, Mark Roybal, Craig Zobel, Kate Winslet, Brad Inglesby, Gavin O'Connor, Gordon Gray
Producer(s) :	Karen Wacker
Music by :	Lele Marchitelli
Production company(s) :	Zobot Projects, Mayhem Pictures, Juggle Productions, Low Dweller Productions, wiip
Original channel :	HBO
Original airing :	April 18, 2021

රුපවාහිනි කතාමාලාවේ රගපාන චරිත ගැන විස්තර පොඩ්ඩක් දැනගමු.

Kate Winslet as Mare Sheehan:

මෙයර් කියන්නේ පැන්සල්වේනියාවේ ඊස්ට් ටවුන් නගරයේ රහස් පරික්ෂක පොලිස් කාන්තාවක්. ඇයට තරුණ ගෑනු ලමයෙකුගේ අභිරහස් මරණයක් සහ තව අතුරුදහන් වීමක් ගැන පරික්ෂණ පවත්වන්න සිදු වෙනවා. ඇයට දරුවන් දෙදෙනෙකු සහ එක් මුණුබුරෙකු සිටිනවා. දැනට විවාහයෙන් වෙන් වෙලා සිටින ඇය අපේ කතාවේ, කතා නායිකාව වෙනවා.

Julianne Nicholson as Lori Ross:

ලොරී කියන්නේ මෙයර් ගේ හොදම මිතුරියයි. ජෝන් රොස්ව විවාහ කරගෙන සිටින ලොරීට දරුවන් දෙදෙනෙකු සිටිනවා. ඇයත් විවාහ ජිවිතයේ යම් යම් ප්‍රශ්ණ වලට මුහුන දෙමින් ජිවිතය ගතකරගෙන යයි.

Jean Smart as Helen Fahey:

හෙලන් කියන්නේ මෙයර් ගේ මවයි. මෙයර් විවාහයෙන් ඉවත් වුනාට පසුව ඇය මෙයර් ගේ නිවසට ඇගේ තනියට පැමින එහි දැන් ජිවත් වෙනවා. හෙලන්ගේ ස්වාමිපුරුශයා, එනම් මෙයර් ගේ පියා ජිවතුන් අතර නැත. මෙයර් අවුරුදු 13 දි ඔහු මියගොස් තිබෙනවා. හෙලන් සහ මෙයර් අතර හැම විටම රණ්ඩු ඇතිවේ නමුත් මේ මව-දියණිය අතර තියන ආදරයත් ඊට එහා ගිය ශක්තිමත් සම්බන්ධතාවයක්.

Angourie Rice as Siobhan Sheehan:

ෂ්බෝන් කියන්නේ මෙයර් ගේ දියණියයි. ඇය සංගීත කණ්ඩායමකට සම්බන්ධව කටයුතු කරයි. ෂ්බෝන්ට සොහොයුරෙක් සිටිය නමුත් ඔහු දැනට ජිවතුන් අතර නැත. ඔහු සිය දිවි හානිකරගෙන ඇත. මේ හේතුව නිසා මේ පවුලේ සියල්ලගේම සම්බන්ධතා සියල්ලක් විශානවී ඇත. ඇය තම සොහොයුරා ගැන චිත්‍රපටයක් කරමින් සිටී. සොහොයුරාගේ පුතා වන ඩෲ ව ගොඩක් වෙලාවට බලා කියා ගන්නේ ෂ්බෝන් ය.

David Denman as Frank Sheehan:

ෆ්රැන්ක් කියන්නේ මෙයර් ගේ නිතියෙන් වෙන් වූ ස්වාමිපුරුෂයයි. ඔහු දැනට මෙයර් ගේ නිවස ලගම ජිවත් වෙයි. විවාහයෙන් වෙන් වී සිටියත් ඔහු මෙයර් ගේ පවුල සමග ගොඩක් ලග සම්බන්ධතාවයක් පවත්වයි. ඔවුන්ගේ අශිර් වාදයත් ඇතිව ඔහු නැවත විවාහයක් කර ගැනිමට සුදානම් වෙයි. විශ්වවිද්‍යාලගේ ගුරුවරයෙක් වන මොහු අලුතෙන් ජිවිතයක් ආරම්භ කිරීමට ගොඩක් බලාපොරොත්තු තියාගෙන ජිවත් වෙයි.

Neal Huff as Father Dan Hastings:

ෆාදර් ඩැන් කියන්නේ මෙයර් ගේ ඥාති සොහොයුරෙක්. ඔහු St. Michael's පල්ලියේ සිටින කතොලික පුජකවරයෙක් සහ උපදේශකවරයෙක් වනවා.

Guy Pearce as Richard Ryan:

රිචර්ඩ් රයන් කියන්නේ ඊස්ට් ටවුන් නගරයට අලුතෙන් පැමිනි පුද්ගලයෙක්. ඔහු ලේඛකයෙක් වගේම නිර්මාණාත්මක ලියවීම් සම්බන්ධයෙන් විශ්වවිද්‍යාලයේ සිටින ආචාර්‍යවරයෙක්. ඒ වගේම මෙම කතාව පුරා ඔහු මෙයර් සමග ආදර සම්බන්ධතාවකට මුලපුරනවා. ඔහුත් විවාහයෙන් වෙන් වී සිටිය පුද්ගලයෙක්.

Cailee Spaeny as Erin McMenamin:

එරින් කියන්නේ තම දරුවත් සමග තනිව වෙසෙන් තරුණ මවක්. දරුවාගේ පියා මොවුන්ව හැරගොස් ඇත්තේ මැයට දරුවා හම්බෙන්න සිටින විටයි. නිතියෙන් ඔහුට දරුවට වියදම් කරන්න නියම වී ඇති නිසා විටින් විට ඇය ඔහුව හමුවෙනවා. නමුත් ඔහු ඒ ගැන සතුටින් නෙවේ ඉන්නේ. ඔහුගේ දැන් පෙම්වතිය එරින්ට ගොඩක් වෛර කරනවා. කතාව අතරතුර එරින් තම පියාගේ නිවසේ වෙසෙන කාලයේ ඇය අභිරහස් ලෙස ඝාතනය වෙනවා..

Evan Peters as Detective Colin Zabel:

කොලින් කියන්නේ මේ නගරයේ සිදු වෙන අභිරහස් මරණ අතුරුදහන් වීම ගැන හොයන්න මෙයර් ට උදව් වීමට , ප්‍රධාන ප්‍රාන්තයෙන් එවන ලද තවත් රහස් පරික්ෂකයෙක්. ඔහු කලින් අභිරහස් මිනීමැරුමක් විසදා ජනප්‍රිය වී ඇති පුද්ගලයෙක්. මෙයර් සමග මුලින් මොහු හොද සම්බන්ධතාවයක් ආරම්භ කරන්නේනම් නැත, නමුත් කතාව ගලාගෙන යන අතරතුර මොවුන් දෙදෙනාගේ සම්බන්ධතාවය ශක්තිමත් වීමට පටන් ගනි.

Sosie Bacon as Carrie Layden:

කැරී කියන්නේ මෙයර් ගේ මුණුබුරා වන ඩෲ ගේ මවයි. ඒ කියන්නේ මෙයර් ගේ ලේලියයි. ඇය මත් ද්‍රව්‍ය භාවිතය නිසා හිරේට ගොස් නැවත නිදහස් වී පැමිණ ඇති නමුත් ඒ අතරේ ඩෲ, මෙයර් සමග ජිවත්වන නිසා, මැය ඩෲව තම භාරයට ගැනිමට කටයුතු කරයි. මෙයර් මැයත් සමග තරහෙන් පසුවෙන හෙයින් ඩෲව තම භාරයේ තියා ගැනිමට මෙයර් ගොඩක් උත්සහ කරයි. තරහෙන් පසුවන්නේ තම පුතනුවන්ගේ සියදිවි නසා ගැනිමට ඇය වැරදි ලෙස මෙයර් විශ්වාස කරයි. නමුත් කැරී, ඩෲ සමග සැබවින්ම හොද ජිවිතයක් ආරම්භ කිරීමට බලාපොරොත්තු වෙයි.

මේ තියෙන්නේ එපිසෝඩ් ටික.

Mare of Easttown S01E01 - Miss Lady Hawk Herself
Mare of Easttown S01E02 - Fathers
Mare of Easttown S01E03 - Enter Number Two
Mare of Easttown S01E04 - Poor Sisyphus
Mare of Easttown S01E05 - Illusions
Mare of Easttown S01E06 - Sore Must Be the Storm
Mare of Easttown S01E07 - Sacrament

මෙහි දෙවෙනි කතාමාලාවක් බොහෝ දුරට එන්නේ නැතිවෙයි. ඊට හේතුව මෙය Mini Series එකක් වීම.

2019 ජනවාරි මස මෙම රූපවාහිනි කතා මාලාවේ ප්‍රධාන චරිතයට පන පෙවීමට Kate Winslet ව ‍තෝරාගෙන ඇති අතර එම වසරේ ඔක්තොම්බර් වන විට ඉතිරි චරිත සියල්ල ‍තෝරාගැනිම් නිම කරගෙන ඇත. නැවතත් 2021 පෙබරවාරි මස අලුතෙන් Guy Pearce සම්බන්ධ වෙලා තියනවා මේ සදහා. 2019 දී රූගත කීරීම ආරම්භ කරපු මේ කතා මාලාව කොවිඩ් 19 වසංගත තත්වය හේතුවෙන් විටින් විට බාදා සහිතව පැමිණියත් 2021 අප්‍රේල් මස වන විට කෙසේ හෝ නිම කිරීමට හැකියාව ලැබී ඇත.

මම නැරඹූ හොද කතා මාලාවක් විදිහට ඔයාලට මෙය ගෙනාවේ. ඉතින් ඔයාලත් බලල ඔයාලගේ අදහස් අපිත් එක්ක බෙදා ගන්න.

බ්ලොග් එකේ ගුණාත්මක භාවය ආරක්ෂා කර ගැනිම හේතුවෙන් කණගා‍ටුවෙන් වුවත් මෙය බාගත කිරීමට ලින්ක් දිය නොහැකි. ඔබට මෙම කතා මාලාව මට ලබා දිය හැකියි පහත ඇති ආකාරයට.

Mare of Easttown Season 1 Data DVD (1.5GB) - Rs 100/=

[FORMAT]:............. [ Matroska (mkv)
[RELEASE NOTE]:....... [ 480p.WEB-DL.x264-NTb
[FILE SIZE]:.......... [ ~200 MB/ep
[RESOLUTION]:......... [ 856 x 428
[FRAME RATE]:......... [ 23.976 fps
[LANGUAGE ]:.......... [ English
[SUBTITLES]:.......... [ English Softcoded
[RUNTIME]:............ [ ~52 min/ep
[EPISODE]:............ [ 7

Episode 1ක් සදහා රු 15 ක මුදලක් අය කරන අතර, වාරියපොල සහ කුරුණෑගල නගර අවට නොමිලේ බෙදා හැරිමට හැකියාවක් ඇත. වෙනත් තැනකට කූරිය කිරිමට අවශ්‍ය නම් කූරිය ගාස්තුත් මේ සදහා එකතු වේ.

Pen Drive එකකට ලබා ගන්නවානම් වාරියපොල ප්‍රාදේශීය සභාව අසල Siyapatha Engineering Services වෙත පැමිණෙන්න. Episode 1ක් රු 12.

වැඩි විස්තර Whatsup ඔස්සේ විමසන්න. 0768856030

Saagaraya TV Series, අපරාද, අද්භූත, නාට්‍යමය, මෙයර් ඔෆ් ඊස්ට් ටවුන්, ඉංග්‍රීසි උපසිරස, 18+, HBO

Eternals (2021) Official Trailer

noreply@blogger.com (Tharanga Darshana) — Wed, 26 May 2021 01:56:00 +0000

"ඉටර්නල්ස්" කියන්නේ මාවල් ස්‍ටුඩියෝ එක විසින් නිෂ්පාදනය කරන වෝල්ට් ඩිස්නි සමාගම විසින් බෙදාහරින, මාවල් කොමික් සිනමා ලෝකයේ ඉදිරියට එන්න තියන 26 වෙනි චිත්‍රපටයයි. Chloé Zhao විසින් අධ්‍යක්ෂණය කරන මේ චිත්‍රපටය, අපි හොදින් හදුනන නළු නිළියන් ‍රැසක් චරිත නිරූපණය කරන බොක්ස් ඔ‍ෆිස් වාර්ථා තිබිය හැකි චිත්‍රපටයක් වනවා නිසැකයි.

Genre :	Action \| Adventure \| Drama \| Fantasy \| Sci-Fi
Directed by :	Chloé Zhao
Produced by :	Kevin Feige, Nate Moore
Starring :	Gemma Chan, Richard Madden, Kumail Nanjiani,Lia McHugh, Brian Tyree Henry, Lauren Ridloff, Barry Keoghan, Don Lee, Gil Birmingham, Harish Patel, Kit Harington, Salma Hayek, Angelina Jolie
Distributed by :	Walt Disney Studios Motion Pictures
Official Site :	Eternals (2021)
Release Date :	November 5, 2021 (United States)

Avengers: Endgame (2019) චිත්‍රපටයේ සිදුවූ බලාපොරොත්තු නොවු ඛේදවාචකයත් සමග, අවුරුදු 7000ක් පමන ලෝකයාට සැගවී ජීවත් වූ, දෙවියන් විසින් නිර්මාණය කල අමරණීය පුද්ගලයන් පිරිසක්, මනුෂත්වය වෙනුවෙන් නැවත එකතු වීමක්, මේ කතාවේ ප්‍රධාන තේමාව වෙයි.

2018 අප්‍රේල් මාසයේ, මාවල් ස්‍ටුඩියෝ හි ප්‍රධානියා වන කෙවින් ෆයිගි විසින් මේ "ඉටර්නල්ස්" චිත්‍රපටයේ වැඩ කටයුතු ආරම්භකල බව දැනුම් දුන්නා. එම වසරේම සැප්තැම්බර් මස එහි රූගත කිරීම් ආරම්භ කල අතර, එංගලන්තයේ ලන්ඩන් සහ ඔක්ස්ෆොඩ් නගර වල සහ කැනේරි දුපතේ මෙහි ප්‍රධාන රූගත කිරීම් කර ඇත.

මාවල් සිනමා ලෝකයේ, 4 වෙනි අදියරේ චිත්‍රපටයක් ලෙස Eternals චිත්‍රපටය 2021 නොවැම්බර් 5 වන දින තිරගත වීමට නියමිතයි. අපිත් එක්ක ‍රැදි සිටින්න මේ ගැන අලුත් තොරතුරු දැන ගැනීමට.

Marvel Cinematic Universe, Phase Four, MCU, Eternals, Official Trailer, Saagaraya Trailer, ඉටර්නල්ස්, මාවල් කොමික්, වෝල්ට් ඩිස්නි

සයිට් ප්ලෑන් එකක් හරි පරිමාණයට හදාගන්න හැටි - AutoCAD Tutorial

noreply@blogger.com (Tharanga Darshana) — Sun, 23 May 2021 06:31:00 +0000

ගොඩනැගිල්ලක සැලසුමක් නිර්මාණය කිරිමට පෙර ඔයාලා එය සාදන ස්ථානයේ බිම් සැලැස්මේ දිග හා පළල ගැන අවබෝධයක් ලබාගෙන ඉන්න ඔනේ. මොකද අපි සැලසුම් කරන ගොඩනැගිල්ල මේ බිමෙහි සැදිමට හැකි එකක් විය යුතු නිසාවෙන්. ඒ වගේම වට පිටාවේ තිබෙන ගොඩනැගිලි, පාරවල්, ලිං වගේ දේවල් ගැනත් අවබෝධයක් තිබෙනවානම් ඔබට නිවැරදිව මේ සැලසුම කිරිමට අවකාශය ලැබෙනවා. මේ සදහා තමා මම යෝජනා කරන්නේ සැලසුමක් නිර්මාණයට ප්‍රථම එම බිමෙහි, බිම් සැලැස්ම එහෙම නැත්නම් Survey Plan / Site Plan එක ඔයාලගේ මෘදුකාංගයට ඇතුල් කරගෙන, එය නිවැරදි පරිමාණයට සකස් කරගෙන ඉන් අනතුරුව ඔයාලගේ සැලසුම් වලට යන්න කියලා.

මම සැලසුම් නිර්මාණයට AutoCAD මෘදුකාංගය භාවිතා කරන නිසා අද මම ඔයාලට AutoCAD Tutorial එකක් විදිහට "සයිට් ප්ලෑන් එකක් හරි පරිමාණයට හදාගන්න හැටි" කියලා දෙනවා. විඩියෝ එක බලන්න කලින් සයිට් ප්ලෑන් එක ගැන පොඩි විස්තරයක් දැනගමු.

උදාහරණයක් විදිහට සයිට් ප්ලෑන් එකක් ගත්තාම, සයිට් ප්ලෑන් එකේ අපිට වැදගත් වන ප්‍රධාන කොටස් දෙකක් තියනවා.

1. බිම් සැලැස්ම

මෙතනදි අපිට බලාගන්න පුලුවන් ඉඩම මොන ආකාරයේ හැඩයක් ලෙසටද තියෙන්නේ සහ ඊට යාබදව තියන පාරවල් (නගර සභා, ප්‍රාදේශිය සභා හෝ පෞද්ගලික) මොනවද, ඉඩම් මොනවද යන ආදිය පිලිබදව අවබෝධයක් ලබාගන්න පුලුවන්. ඒ වගේම මෙහි අංක 1 ලෙස නම් කරලා තියෙන්නේ කැබලි අංක 1යි. තව කැබලි වලට වෙන් කරලා තියනවනම් 1,2,3 යනාදියෙන් මෙහි නම් කරලා තියනවා.

2. වර්ගඵලය

කලින් සදහන් කල කැබලි අංක වලට අදාල වර්ගඵලය තමා මෙහි සදහන් කරලා තියෙන්නේ.
උදාහරණයක් ලෙස මම අරගෙන තියන බිම් සැලැස්මේ කැබලි අංක 1කෙහි තියෙන්නේ අක්කර 0, රූඩ් 1, පර්චස් 27.25 ක වර්ගඵලයක්. එහෙම නැත්නම් හෙක්ටයාර් 0.1701 ක වර්ගඵලයක්.

A අකුරෙන් අක්කරද
R අකුරෙන් රූඩ් ද
P අකුරෙන් පර්චස් ද
H අකුරෙන් හෙක්ටයාර් ද පෙන්නුම් කරනවා

ඉතින් ඔය ටික ඔයාල දැනගෙන ඉන්න ඔනේ සාමාන්‍යයෙන් සැලසුම් ශිල්පියෙක් වෙන්නම නෙවේ සාමාන්‍ය කෙනෙක් උනත් දැනගෙන හිටියා කියලා පාඩුවක් වෙන්නේ නෑ, ඒ වගේම මම අද කියලා දෙන පාඩමත් සැලසුම් ශිල්පියන්ටම නෙවේ ඔනේ කෙනෙක්ට තම තමන්ගේ වැඩ තනියම කර ගන්න උදව්වක් විදිහට තනියම උත්සහ කරලා බලන්න.

අපි දැන් බලමු කොහොමද AutoCAD භාවිතා කරලා සයිට් ප්ලෑන් එක හරි පරිමාණයට හදාගන්නේ කියලා.

ඔයාලා විඩියෝ එක බැලුවනම්, එහි මන් පොඩි විස්තර ටිකක් කතා කරා වර්ගඵල ගැන. ඒ ටික මම පහලින් දානවා ඔයාලට තවත් තේරුම් යන විදිහට.

ඒ වගේම සයිට් ප්ලෑන් එක ස්කේල් කරද්දි මම කියලා දුන්න Scale Factor එක ගන්න හැටි. ඒක තවත් පැහැදිලි වෙන්න මම පහලින් ඒ ෆෝමියුලා එක දානවා.

ඉතින් මම හිතනවා ඔයලාට පැහැදිලි වෙන්න ඇති කියලා මම කරපු ටියුටෝරිල් එක. අපහැදිලි තැනක් තියනවනම් පහලින් comment එකක් දාලා අහන්න මම කියලා දෙන්නම්. අපිත් එක්ක දිගටම ‍රැදි සිටින්න මෙවැනි දේවල් දැනගන්න.

Sinhala Tutorial, Saagaraya Tutorial, How to Scale a Site Plan, AutoCAD Sinhala, Survey Plan Scale, ඔටෝකැඩ්, සිංහල ටියුටෝරියල්, සාගරය

Snake Eyes G.I. Joe Origins (2021) Official Trailer

noreply@blogger.com (Tharanga Darshana) — Thu, 20 May 2021 08:44:00 +0000

ස්නේක් අයිස් : ජී. අයි ජෝ ඔරිජින් කියන්නේ ඉදිරියට තිරගත වීමට නියමිත සුපර් හිරෝ චිත්‍රපටයක්. මන් කලින් ඔයාලට දුන්න G.I Joe චිත්‍රපට මාලාවේ ඔයාලට හම්බුන චරිතයක් තමා Snake Eyes කියන්නේ. මේක ඇත්තටම ඒ චරිතය වටා ගෙතුන කතාවක් තමා තියෙන්නේ. ස්නේක් අයිස් කියන්නේ කවුද, අපි කලින් චිත්‍රපට වලදි දැකපු තත්වයට ඔහු පත් වෙන්නේ කොහොමද කියන ඔහුගේ ජිවිත කතාව බලාගන්න පුලුවන් ඔයාලට මේ චිත්‍රපටයෙන්. මේ තියෙන්නේ කලින් චිත්‍රපට දෙක. ඒ දෙක බලලා නැත්නම් මේ චිත්‍රපටය එන්න කලින් ඒකත් බලන්න අමතක කරන්න එපා.

Genre :	Action \| Adventure \| Fantasy \| Sci-Fi \| Thriller
Directed by :	Robert Schwentke
Produced by :	Lorenzo di Bonaventura, Josh Feldman, Erik Howsam, Brian Goldner
Starring :	Henry Golding, Andrew Koji, Úrsula Corberó, Samara Weaving, Haruka Abe, Takehiro Hira, Iko Uwais
Distributed by :	Paramount Pictures
Official Site :	Snake Eyes G.I. Joe Origins (2021) Official Site
Release Date :	July 23, 2021

Snake Eyes චිත්‍රපටය 2021 ජුලි මස 23 වනදා තිරගත වීමට නියමිතයි. Arashikage කියන ජපන් නින්ජාවරුන්ගේ සටන් කණ්ඩායමට බැදෙන සටන් කරුවෙක්, ඔහුගේ පක්ෂපාතිත්වය කාත් සමගද තියෙන්නේ කියන ප්‍රශ්ණයත්, ඔහුගේ අතිතය ඔහු සොයා පැමිණීමත්, මේ සියල්ල අතරතුර ඔහු අපි හදුනන ස්නේක් අයිස් කියන සුපිරි වීරයාගේ තත්වයට පැමිණීමත් අපිට මේ සටන් ජවනිකා වලින් පිරිච්ච චිත්‍රපටයෙන් බලා ගන්න පුලුවන්.

කලින් චිත්‍රපට වල ස්නේක් අයිස්ගේ චරිතය රග දැක්වු Ray Park, අපිට මේ චිත්‍රපටයෙන් දකින්න ලැබෙන් නෑ. ඒ වෙනුවට Henry Golding තමා ඒ චරිතය රග දක්වන්නේ. ඒ වගේම තව අලුත් චරිත කිපයක්ම G.I Joe චිත්‍රපට මාලාවට මේ චිත්‍රපටය හරහා හදුන්වා දෙනවා.

චිත්‍රපටයේ අලුතෙන් නිකුත් වුන ට්‍රේලර් එක බලලා අපි වැඩි විස්තර ඉදිරි කාලයේදි කතා කරමු. ඒ වගේම මේ චිත්‍රපටය ගැන ඔයාලගේ අදහසත් අපිට කියාගෙන යන්න අමතක කරන්න එපා.

ස්නේක් අයිස් : ජී. අයි ජෝ ඔරිජින්, Official Trailer, Snake Eyes, G.I. Joe Origins,

G.I. Joe: Retaliation (2013) - පළිගැනීම

noreply@blogger.com (Tharanga Darshana) — Mon, 17 May 2021 10:56:00 +0000

G.I. Joe: Retaliation කියන්නේ G.I. Joe චිත්‍රපටිමාලාවේ දෙවන චිත්‍රපටියයි. මීට කලින් 2009 වසරේ නිකුත් වුන පළවෙනි චිත්‍රපටිය මම ඔයාලට මේ වෙනකොට දීලා තියනවා. ඒක තමා G.I. Joe: The Rise of Cobra. ඔයාලා මේ චිත්‍රපටිය බලලා නැත්නම මුලින්ම ඒක බලලා මේ දෙවන චිත්‍රපටිය බලන්න. මොකද මේ චිත්‍රපටි දෙකේ සම්බන්ධයක් තියනවා. ඉන්න චරිත එහෙම සමහර විට ඔයාලට අදුනගන්න බැරි වෙයි පළවෙනි චිත්‍රපටිය බලලා නැත්නම්. බලලා තියන අය ආයේ පාරක් බලන්න.

ඒ වගේම නවීන තාක්ෂණය යොදාගෙන කොහොමද ඒ චිත්‍රපටිය හැදුවේ කියලත් ඔයාලට Making Of G.I. Joe: The Rise Of Cobra කියන ලිපියෙන් බලාගන්න පුලුවන්. ඉතින් අද කියන්න බලාපොරොත්තු වෙන්නේ ඒ චිත්‍රපටිය ගැන නෙවෙයි. G.I. Joe: Retaliation කියන චිත්‍රපටිය ගැනයි.

G.I. Joe: The Rise of Cobra චිත්‍රපටිය සාර්ථකව තිරගතවූ නිසා Paramount Pictures සමාගමේ උප සභාපති වන Rob Moore, තීරණය කරා මේකේ දෙවන චිත්‍රපටියකුත් නිපදවිය යුතුයි කියලා. ඒ නිසා 2011 වසරේ ජනවාරි වල මේ G.I. Joe: Retaliation චිත්‍රපටියේ කතාව රචනයට Rhett Reese සහ Paul Wernick ව එකතු කරගත්තා. මුලින්ම මේ චිත්‍රපටිය G.I. Joe: Cobra Strikes ලෙස නම් කෙරුන අතර පසුව ඒ නමට Reese අකමැතිවුනා. කලින් චිත්‍රපටිය වන The Rise of Cobra චිත්‍රපටිය අධ්‍යක්ෂණය කරපු Stephen Sommers, මේ චිත්‍රපටියත් අධ්‍යක්ෂණය කරන්න නියමිතව තිබුනද Paramount සමාගම නිළ වශයෙන් Jon Chu ව මේ චිත්‍රපටිය අධ්‍යක්ෂණය සදහා එකතු කරගත්තා. ඒ වගේම 2011 වසරේ ජූලි මාසයේදී මේ චිත්‍රපටියේ නමත් G.I. Joe: Retaliation බවට නිළ වශයෙන් නම් කෙරුනා.

මෙ චිත්‍රපටයේ කතාව ගැන කිවොත්, කොබ්රා සංවිධානයේ සාමාජිකයෙක් වන සාර්ටන් ඇමරිකාවේ ජනාධිපති ලෙස පෙනිසිටිමින්, ජෝ සංවිධානය රටේ හතුරන් ලෙස නම් කරනවා. ගුවන් මගින් ජෝ ලගේ කදවුරු විනාස කර දමනවා. Cobra Commander අනිත් රටවල ප්‍රධානියන්වත් තමන්ගේ අණට යට කරගනිමින් මුලු ලෝකෙම අල්ලන්න තමා ලෑස්ති වෙන්නේ.. විනාස වුන ජෝ ලගේ කදවුරු වල පණ බේරාගත් ටීම් එකක්, තම සංවිධානයට නම ලබා දුන් G.I. Joe, General Joseph Colton වත් සමග Cobra Commander සහ ඔවුගේ සගයන්ගෙන් රට බේරා ගැනිම තමා මේ කතාවට පාදක වෙන්නේ.

ඉතින් මේ G.I. Joe: Retaliation චිත්‍රපටිය ගැන තොරතුරු ගොඩක් අපි දැන් කතා කරා. තව පොඩි තොරතුරු වගයක් සාරාංශ කරලා පහල තියනවා ඒකත් බලාගන්න.

Genre :	Action \| Adventure \| Sci-Fi
Directed by :	Jon M. Chu
Produced by :	Lorenzo di Bonaventura, Brian Goldner
Starring :	Dwayne Johnson, Bruce Willis, D.J. Cotrona, Byung-hun Lee, Adrianne Palicki, Ray Park, Jonathan Pryce, Ray Stevenson, Channing Tatum
Distributed by :	Paramount Pictures, Metro-Goldwyn-Mayer
Release date(s) :	March 28, 2013 (United States)
Running time :	110 minutes
Country :	United States
Language :	English

ඒ වගේම මේ චිත්‍රපටිය සදහා Dwayne Johnson, Bruce Willis, D.J. Cotrona, Byung-hun Lee, Adrianne Palicki, Ray Park, Jonathan Pryce, Ray Stevenson, Channing Tatum ආදි සුපිරි නළු නිළියන් රාශියක් රංගනයෙන් දායකත්වය ලබාදෙනවා.

2013 වසරේ අප්‍රේල් මාසයේ නිවේදනය කරල තියනව තව G.I Jeo චිත්‍රපටයක් ඉස්සරහට කරනවා කියලා. ස්‍ටුඩියෝ එක නිවේදනය කරලා තියෙන්නේ එහි අධ්‍යක්ෂණයත් Chu විසින්ම කරන බවයි. මේ අතරතුරදිම සැන්ඩියාගෝ කොමික් කොන් එකෙහි Chu විසින් නිවේදනය කරලා තියනවා Scarlett කියන චරිතය මීලග චිත්‍රපටයේ එක් කර ගන්නවා කියලා. ඒ වගේම ඔවුන් Baroness කියන චරිතයත් මේ මීලග චිත්‍රපටය සදහා යොදාගන්නවා කියලා තියනවා. G.I. Joe: Retaliation චිත්‍රපටයේ ප්‍රධාන චරිතය රග දක්වන Johnson, මීලග චිත්‍රපටයත් එකතු වීමට කැමැත්ත දක්වලා තියනවා. මෙම චිත්‍රපටය සදහා චරිත හදුන්වාදෙන අතර තුර එම අවුරුද්දේම සැප්තැම්බර් මාසයේ Evan Daugherty ව අරගෙන තියනවා මේ ප්‍රොජෙට් එකේ පිටපත රචනා කරන්න. 2016 මේ චිත්‍රපටය නිකුත් වෙන්න තිබුනත් එය කල් දමා තිබෙනවා ස්‍ටුඩියෝ එක මේ සදහා වෙනත් අධ්‍යක්ෂකවරයෙක් යොදාගන්න තිරණය කිරීම හේතුවෙන්.

2014 ජුලි මාසයේ Jonathan Lemkin ව ස්ක්‍රිප්ට් එක ලිවීමට එකතු කර ගන්නා අතර චිත්‍රපටයේ ප්‍රධාන චරිතය ලෙස Roadblock ව යොදා ගැනිමට තිරණය කර තිබෙනවා. එම චරිතය වෙනුවෙන් Johnson කැමැත්ත පල කර ඇති අතර ඉදිරියට එන G.I. Joe චිත්‍රපට වලටත් ඔහු එකතු වීමට බලාපොරොත්තුවෙන් ඉන්න බව සදහන් කරල තියනවා. 2018 මැයි මස චිත්‍රපටයේ නම G.I. Joe: Ever Vigilant ලෙස නිවේදනය කෙරුන අතර Roadblock ගේ චරිතය වටා ගෙතුන කතාවක් විදිහට මෙය දිග හැරිමට නියමිතයි. ඔහු අලුත් ටීම් එකක් එකතු කරගන්න යන කතාවක් විදිහට මෙය සදහන් කරන්න පුලුවන්. Daina Janack, Dr. Adele Burkhart, Wild Bill, Barbecue, General Flagg, Doc, Keel-Haul යන චරිත මේ සදහා එකතු වීමට නියමිතයි. ඒ වගේම කලින් චිත්‍රපටයේ සිටිය චරිතයක් වන Cobra Commander ත් මේ සදහා එක් වෙන ලෙසත් නිවේදනය කරලා තියනවා. මේ චිත්‍රපටය 2020 මාර්තු 27 එන්නට තිබුනත්, එය දින නියමයකින් තොරව කල් දමා තිබෙනවා. මීට හේතුව වන්නේ G.I Jeo චිත්‍රපට මාලාවේ එන චරිතයක් වන Snake Eyes ගේ චරිතය අලලා G.I Jeo ගේ Spinoff එකක් ලෙස Snake Eyes චිත්‍රපටය නිර් මාණය කිරීමයි, G.I. Joe: Ever Vigilant චිත්‍රපටය මේ වන විටත් සැලසුම් කරගෙන යන අතර මේ ගැන අලුත් තොරතුරු දැනගත් වහාම මම ඔයාලව දැනුවත් කරන්නම්. කෙසේ වුනත් ඔයාලා G.I. Joe: Ever Vigilant චිත්‍රපටයට කලින්, ඊලගට ලැස්ති වෙන්න Snake Eyes: G.I. Joe Origins චිත්‍රපටය බලන්න.

<< G.I. Joe: The Rise of Cobra

~~Snake Eyes: G.I. Joe Origins~~ >>

G.I. Joe: The Rise of Cobra සහ G.I. Joe: Retaliation (2013) යන මේ චිත්‍රපට දෙකම අඩංගු Data DVD එක Rs 100/= කට ඔබට ලබා ගත හැක. වාරියපොල සහ කුරුණෑගල නගර අවට බෙදා හැරිමට හැකියාවක් ඇත. වෙනත් තැනකට කූරිය කිරිමට අවශ්‍ය නම් කූරිය ගාස්තුත් මේ සදහා එකතු වේ. USB Pen Drive එකකට ලබා ගන්නවානම් වාරියපොල ප්‍රාදේශීය සභාව අසල Siyapatha Engineering Services වෙත පැමිණෙන්න. මේ සදහා Rs 40/= පමණි. වැඩි විස්තර සහ ඔබේ ඇනවුම් Whatsup ඔස්සේ විමසන්න. 0768856030

Update:

(+) May 17, 2021: බ්ලොග් එකෙහි ගුණාත්මක බව ආරක්ෂා කරගැනීම සදහා ඩවුන්ලෝඩ් කරගැනීමට ඔබට ලින්ක් ලබාදිය නොහැකි.

G.I. Joe: Retaliation (2013) චිත්‍රපටිය, Saagaraya Movies, ක්‍රියාදාම, වික්‍රමාන්විත, විද්‍යා ප්‍රබන්ධ, ඉංග්‍රීසි චිත්‍රපටි, 3D චිත්‍රපටි

ගෘහ නිර්මාණ ශිල්පය පිළිබද පොත්

noreply@blogger.com (Tharanga Darshana) — Fri, 14 May 2021 05:59:00 +0000

අද මම ඔයාලට ගෘහ නිර්මාණ ශිල්පය පිලිබදව ඔයාලට තොරතුරු දැනගන්න පුලුවන් පොත් කිපයක් ලබාදෙන්න හිතුවා. මේකට ප්‍රධාන වුනේ ෆේස් බුක් එකේ "ශ්‍රී ලංකා සැලසුම් ශිල්පින්ගේ සංසදයේ" ඊයේ අපේ සහෝදරයෙක් ගෘහ නිර්මාණ ශිල්පය පිලිබද පොතක් ගැන අහලා තිබුනා, මේ පොත තමා සුගත් පියරත්න මහතා විසින් රචිත "ගෘහ නිර්මාණ ශිල්පය" කියන පොත. මෙතුමා මටත් කාලයක් ගුරු හරුකම් කල නිහතමානි ගුරුවරයෙක්. ඉතින් එතුමාගෙන් ඉගෙන ගනිමින් සිටින කාලයේ මම එතුමාගෙන් එම පොත ලබාගෙන PDF කරගෙන මගේ ජංගම දුරකතයනේ එය සු‍රැකිව තබා සිටියා.

ඒ සහොදරයාගේ එම ඉල්ලිමෙන් පසු සහ තව ගොඩ දෙනෙක්ගේ ඉල්ලිම මත මම එම පොත Google Drive එකට අප්ලෝඩ් කර ලින්ක් එක ශෙයාර් කෙරුවත්, ගොඩ දෙනෙක්ට එය ලබා ගැනිමේදි ගැටලු ඇති වී තිබුනා. ඉන් පසුව මම එම පොත තව වෙනත් වෙබ් අඩවියකට අප්ලෝඩ් කර එහි ලින්ක් එක ෆෙස් බුක් හරහා ශෙයාර් කිරිමට උත්සහ කරත් ඉන් පසු මට ගැටලු ඇති වුනා එය ස්පැම් ලින්ක් එකක් වශයෙන් ෆේස් බුක් හදුනාගැනිම හේතුවෙන්. ඒ නිසා මම මේ මොහොත වෙනකම් සිය ගණනකට ඊමේල් හරහා එය ලබාදීමට කටයුතු කල අතර ඇත්තටම එය මට ගොඩක් වෙහෙස කර කාර්ය්‍යක් වුනා. ඒ නිසා තමා මම මේ ලිපිය හරහා ඔයාලට ඒ පොත සහ මා සතුව ගෘහනිර්මාණ ශිල්පය පිළිබදව ඇති අනිකුත් පොත් කිපයක් ලබා දීමට හිතුවේ.

ප්‍රධාන වෙබ් අඩවි කීපයකටම මම පහත ඇති පොත් අප්ලෝඩ් කරන අතර ඔයාලට පහසු තැනකින් එය ලබා ගන්න. PDF පොත් හයක් ඇති නිසා මම ඒ සේරම zip ගොනුවක් විදිහට සාදා අප්ලෝඩ් කර ඇත.

ගොනුවේ ප්‍රමාණය: 220MB

අඩංගු පොත් :

Building Construction (ගෘහ නිර්මාණ ශිල්පය) - H.S. Piyarathna - සිංහල මාධ්‍ය

Building Maintenance (ගොඩනැගිලි නඩත්තු කිරීම) - H.S.Piyarathna - සිංහල මාධ්‍ය

Build. Construction (ගොඩනැගිලි ඉදිකිරීම් තාක්ෂණය) - Gamini Walikala - සිංහල මාධ්‍ය

Building Construction and Equipment - ඉංග්‍රීසි මාධ්‍ය

Building_Construction 10th by Roy Chudley and Roger Greeno - ඉංග්‍රීසි මාධ්‍ය

Basic Roof Framing - ඉංග්‍රීසි මාධ්‍ය

මෙතනින් ගන්න.

මෙහි ප්‍රධාන ස්තුතිය සහ ප්‍රණාමය පොත් කතුවරුන්ට ලබාදීමට කාරුණික වන්න. ඔයාලගේ ඉල්ලිම මත ඉදිරියේදිත් මම ලග ඇති පොත් pdf වශයෙන් ලබාදෙන්නම්.

Building Construction, Building Maintenance, ගෘහ නිර්මාණ ශිල්පය, ගොඩනැගිලි නඩත්තු කිරීම, ගොඩනැගිලි ඉදිකිරීම් තාක්ෂණය, සුගත් පියරත්න, ගාමිණී වැලිකල,

Venom: Let There Be Carnage (2021) Official Trailer

noreply@blogger.com (Tharanga Darshana) — Tue, 11 May 2021 01:10:00 +0000

"වෙනම්" චිත්‍රපට මාලාවේ දෙවන චිත්‍රපටිය වන, "වෙනම්: ලෙට් දෙයාර් බී කාර්නේජ්" චිත්‍රපටිය මාවල් කොමික් වල සිටින "වෙනම්" නැමති චරිතය පාදක කරගෙන නිර්මාණය වුවෙකි. මෙහි පළමුවන චිත්‍රපටය 2018 ඔක්තොබර් 18 තිරගත කිරිම ආරම්භ කර ඉතාමත් සාර්ථකව බොක්ස් ඔ‍ෆිස් 856.1 million USD කරා යැමට හැකියාවක් ලැබු අතර මෙහි දෙවන චිත්‍රපටයත් මෙසේ සාර්ථක වේ යැයි මම විස්වාස කරනවා.

Columbia Pictures ආයතනය මගින් නිෂ්පාදනයද, Sony Pictures ආයතනය මගින් බෙදාහැරීමද කරන "වෙනම් 2" චිත්‍රපටයේ අධ්‍යක්ෂණයට එකතු වෙන්නේ අප කවුරුත් හදුනන "ලෝඩ් ඔෆ් ද රින්ග්" චිත්‍රපටයේ "ගොලම්ගේ" චරිතය, "කින් කොන්ග්" චිත්‍රපටයේ "කින් කොන්ග්" ගේ චරිතය, "ප්ලැනට් ඔෆ් ද එප්ස්" චිත්‍රපටයේ "සීසර්" ගේ චරිතයට පන දුන් Andy Serkis කියන නළුවයි. ඒ වගේම පළමු චිත්‍රපටයේ චරිතවලට පණ පෙවු නළු නිලියන් කීප දෙනෙක් සමගම සුපුරුදු "වෙනම්/එඩී බ්‍රොක්" කියන ප්‍රධාන නළුවාගේ චරිතයට Tom Hardy රංගනයෙන් දායකත්වය දක්වයි. අපි ඒ විස්තර ටික බලමු දැන්.

Genre :	Action, Horror, Sci-Fi
Directed by :	Andy Serkis
Produced by :	Avi Arad,Matt Tolmach,Amy Pascal,Kelly Marcel,Tom Hardy,Hutch Parker
Starring :	Tom Hardy,Michelle Williams,Naomie Harris,Reid Scott,Stephen Graham,Woody Harrelson
Distributed by :	Sony Pictures Releasing
Official Site :	Venom: Let There Be Carnage \| Official Movie Site
Release Date :	September 24, 2021 (United States)
Country :	United States
Language :	English

පලමුවන චිත්‍රපටයේ අවසානයට ඔයාලට දැක ගන්න පුලුවන් වෙන්න ඇති මේ චිත්‍රපටයට පාදක වෙන්නේ මොකද්ද කියන එක. ඒ තමා "කාර්නේජ්" කියන චරිතය. සුප්‍රකට නළු වුඩී හැරිසන් (Woody Harrelson) විසින් මේ Cletus Kasady එහෙම නැත්නම් Carnage කියන චරිතයට පන පොවයි. Cletus Kasady කියන්නේ භයානක මිනීමරුවෙක්. ඔයාලට පළමුවන චිත්‍රපටයෙදි දැක ගන්න පුලුවන් වෙන්න ඇති ඔහු හිරේ ඉන්න දර්ශනයක්. ඒ වගේම මාවල් කොමික් වලට අනුව "කාර්නේජ්" කියන්නේ "වෙනම්" වගේම තවත් ජීවියෙක්. කොමික් වලට අනුවනම් "වෙනම්ගේ" දරුවෙක් තමා "කාර්නේජ්" කියන්නේ. Eddie Brock ට වෙනම් ඇතුල් වුනා වගේ Cletus Kasady ට කාර්නේජ් ඇතුල් වෙන්නේ කොහොමද? ඉතින් අපි බලමු චිත්‍රපටියේ කොහොමද මේ "කාර්නේජ්" නිර්මාණය වෙන්නේ සහ කොහොමද ඔහුත් එක්ක කතාව ගලාගෙන යන්නේ කියන දේ..

චිත්‍රපටය 2021 සැප්තැම්බර් මස 24 වන දින තිරගත කිරීම ආරම්භ කිරිමට නියමිතයි. 2019 ජනවාරි වල චිත්‍රපටයේ වැඩ ආරම්භ කර ඇති අතර, අගොස්තු වල Serkisව අධ්‍යක්ෂක ලෙස තොරගෙන තියනවා. 2019 නොවැම්බර් වල සිට 2020 පෙබරවාරි වෙනකම් එංගලන්තයේ Leavesden Studios එකේ තමා චිත්‍රපටය රූගත කිරිම් කරල තියෙන්නේ. අමතර රූගත කිරිම් San Francisco වල සිදු කර ඇත. චිත්‍රපටයේ නම 2020 අප්‍රේල් වල තමා නිල වශයෙන් ‍තෝරගෙන තියෙන්නේ. 2020 ඔක්තොම්බර් වල චිත්‍රපටය තිරගත කිරිමට බලාපොරොත්තුවෙන් සිටියත් කොවිඩ් වසංගත තත්වය නිසා 2021 සැප්තැම්බර් 24 යන දිනට පසු වේලා තියනවා.

තව ඉදිරියට මෙම චිත්‍රපටය පිළිබදව අලුතෙන් එන තොරතුරු සියල්ල ඔයාලට මම මේ ලිපිය ඔස්සේ දැනගැනිමට සලසනවා. ඒ නිසා අපිත් සමග දිගටම ‍රැදි සිටින්න...

Red Eye Correction - Photoshop Sinhala Tutorial

noreply@blogger.com (Tharanga Darshana) — Sat, 08 May 2021 13:04:00 +0000

ඡායාරූපකරණයේදි ආලෝකය නිසා ඇතිවෙන ප්‍රශ්ණයක් තමා Red eye එහෙම නැත්නම් ඇස් රතුපාටට පෙනිමේ ගැටලුව. මට විස්වාසයි ඔයලා සතුව ඇති ගොඩක් ඡායාරූප වල මේ ප්‍රශ්ණය ඇති කියලා. අද මම බලාපොරොත්තු වෙන්නෙ මේ ලිපියෙන් ඒ ප්‍රශ්ණෙට විසදුමක් ලබාදෙන්න.

මම මීට කලින් Lightroom කියන මෘදුකාංගය ගැන හැදින්වීමේදි ඉතා කෙටියෙන් ඔයාලට පෙන්නුවා මොකද්ද මේ Red eye කියන්නේ කියලා.

Adobe Photoshop Lightroom 5 මෘදුකාංගය

ඇත්තටම ගොඩක් වෙලාවට අඩු අලෝක මට්ටමක් යටතේ ඡායාරූප ගැනිමේදි තමා මේ ප්‍රශ්ණේ ඔයාලට ඇතිවෙන්නේ. අපි ඡායාරූප ගන්න භාවිතා කරන ජංගම දුරකතනයේ හෝ ඔබ කැමරාවකින් ගන්නවනම් ඒ සදහා භාවිතා කරන ෆ්ලැෂර් එකේ ආලෝකය, ඡායාරූපයට ලක් වන පුද්ගලයාගේ ඇස මතට වැටි එය පරාවර්ථනය වීමක් සිද්ද වෙනවා. මේ එළිය තමා අපිට ඇස රතු පාටට පෙනෙන්න හේතු වෙන්නේ.

අපි දැන් බලමු කොහොමද මේක නිවැරදි කරගන්නේ කියලා. මේ සදහා Photoshop කියන මෘදුකාගය තමා මම භාවිතා කරන්නේ. ඔයාලට මේක කරන විදිහ නිවැරදිව, පියවරෙන් පියවර, පහල තියන විඩියෝ එක මගින් මම කියලා දෙනවා.

මේ සම්බන්ධව මොනවා හරි ප්‍රශ්ණයක් තියනවනම් පහලින් Comment එකක් දාලා අහන්න. ඒ වගේම කියන්න ඔනේ මම සැහෙන කාලෙකින් තමා අයෙත් මේ බ්ලොග් එක කරගෙන යන්න පටන් ගත්තේ. මගේ ඉගෙනීමේ වැඩ, රස්සාවත් එක්ක ඉඩක් තියන වෙලාවට මම දන්න විදිහට දිගින් දිගටම ඔයාලට අලුත් දේවල් කියලා දෙන්න බලාපොරොත්තු වෙනවා. ‍රැදී ඉන්න මාත් එක්ක.

Saagaraya Tutorials, Photoshop Sinhala Tutorials, Red Eye Correction, #PSTutorials

Manifest (2018) - අද්භූත අහස්යානය

noreply@blogger.com (Tharanga Darshana) — Thu, 06 May 2021 03:46:00 +0000

2018 සැප්තැම්බර් මස 24 වනදා NBC නාලිකාව ඔස්සේ විකාශනය ආරම්භ වු මැනිෆෙස්ට් රූපවාහිනි කතා මාලාව අද්භූත, අභිරහස්, ත්‍රාසයජනක සහ නාට්‍යමය යන කතා වර්ගීකරණ වලට අයිති වේ.

2013 වසරේදි ජැමෙයිකා වල සිට නිව් යෝර්ක් නගරය බලා ගුවන් ගත වන Montego 828 නැමති ගුවන් යානය, ගුවන් ගත වී යම් කාලයක් යන විට අහසේ ඇති වු රළු ආකුලතාවයකට හසුවේ. නමුත් කිසිදු උපද්‍රවයක් රහිතව ගමනාන්තය බලා ලගා වන විට හදිසියේ ඔවුන්ට දැනුම් දෙන්නේ ඔවුන් ලගාවීමට නියමිත ගුවන් තො‍ටුපල නොව වෙනත් ගුවන් තො‍ටුපලකට ගොඩ බාන ලෙසයි. මගින් 191 ‍රැගත් මෙම ගුවන් යානය උපදෙස් පරිදි නිව් යෝර්ක් හි Newburgh පිහිටි Stewart International Airport එකෙහි නිරුපද්‍රිතව ගොඩ බාන අතර එහිදි ඔවුන්ව පිලිගන්න පැමිනෙන්නේ ඔවුන්ගේ නෑදෑයන් නොව NSA (ජාතික ආරක්ෂාව පිලිබද ඒජන්සිය) හි අධ්‍යක්ෂක ඇතුලු පොලිස් නිළදාරින් පිරිසකි. මෙම තත්වය විමසා බලන විට ඔවුන්ට දැන ගැනිමට හැකිවන්නේ, මොවුන් ගුවන් ගත වීම හා නැවත ගොඩ බාන අවස්ථාව වන විට අවුරුදු පහක් ගෙවි ගොස් ඇති බවයි.

මේ අවුරුදු පහක කාලය ඇතුලත මෙම ගුවන් යානය අතුරුදහන් වී ඇති බවත් මෙතෙක් කල් ලෝකයා විසින් මොවුන් මරණයට පත් වෙන්නට ඇතැයි අනුමානය කර ඇති බවත් මොවුන්ට දැනගන්නට ලැබෙයි. ඇත්තටම මෙයාලට මොකද වුනේ... ඒ ගැන සෙවිමට තමයි NSA අධ්‍යක්ෂක වැන්ස් මහතා උත්සහ ගන්නේ..

මේ වන විට තම ආදරණීයයන්ගෙන් වෙන් වෙලා අවුරුදු පහක් ගත වී තිබෙන නමුත් මෙම ගුවන් යානයේ මගින්ට මෙය පැය ගානක අද්දැකීමක් පමනයි. මොවුන්ගේ පවුල් වල මේ වන විට තත්වය සහ ඔවුන්ගේ හැසිරීම පිලිබද කතාව ගලාගෙන යන අතරතුර මොවුන්ට මොකද වුනේ කියල හොයන්න උත්සහ කරන NSA අධ්‍යක්ෂකගෙත්, මෙහි කතා නායිකාව වන මිචෙල් ස්ටොන් කියන පොලිස් නිළධාරිණියගෙත් ඇයගේ පවුල වටා කතාව දිව යයි.
මේ අතර මෙම ගුවන් මගින් 191 දෙනාට අත්විදීමට සිදුවෙන අද්භූත කැදවීම් සහ පෙනීම් මොනවාද... ගැඹුරු අභිරහසක් ඔවුන් සතුව ඇති බවත් ඔවුන් ගත කරන සාමාන්‍ය ජිවිතයකට එහා ගිය දෙයක් සිදු කිරීමට ඔවුන්ට ලැබුනු දෙවෙනි අවස්ථාවක් ලෙස ටිකෙන් ටික ඔවුන් තෙරුම් ගන්න ආකාරයක් මේ කතාව ඔස්සේ ගලාගෙන යයි. ... ඒ ගැන ඔයාල කතාව බලලම උත්තර හොයාගන්න.

මේ තියෙන්නේ කතාමාලාවේ පොඩි විස්තර ටිකක්

Genre :	Drama \| Mystery \| Sci-Fi \| Thriller \| Supernatural
Created by :	Jeff Rake
Based on :	Influenced by the mystery of Malaysia Airlines Flight 370
Starring :	Melissa Roxburgh, Josh Dallas, Athena Karkanis, J. R. Ramirez, Luna Blaise, Jack Messina, Parveen Kaur, Matt Long, Holly Taylor
Official Site :	Manifest (2018) NBC
Country of origin :	United States
Language(s) :	English
No. of seasons :	3 (Still going on)
Executive producer(s) :	Robert Zemeckis, Jack Rapke, Jacqueline Levine, Jeff Rake, David Frankel (pilot), Joe Chappelle, Len Goldstein
Producer(s) :	Cathy Frank, Laura Putney, Margaret Easley, Harvey Waldman, Marta Gené Camps
Distributor :	Warner Bros. Television Distribution
Production company(s) :	Compari Entertainment, Jeff Rake Productions, Universal Television, Warner Bros. Television
Original channel :	NBC
Original airing :	September 24, 2018

රුපවාහිනි කතාමාලාවේ රගපාන චරිත ගැන විස්තර පොඩ්ඩක් දැනගමු.

Michaela Stone (Melissa Roxburgh):

නිව්යෝර් ක් පොලිස් දෙපාර්තමේන්තුවේ 129 වන බළකායේ සේවය කරන මිචෙල් ස්ටොන් 828 ගුවන් යානයේ මගියෙකි. බෙන් ස්ටොන්ගේ සොහොයුරියද වේ. කතාවේ ප්‍රධාන චරිතය පන පොවන ඇය ගුවන් ගත වී නැවත පැමිනිමත් සමග දැනගන්නට ලැබෙන්නේ ඇයගේ ජිවිතය උඩු යටිකුරු වී තිබෙන ආකාරයයි. ඇය කෙසේ ජිවිතයට මුහුන දෙයිද...

Ben Stone (Josh Dallas):

විශ්ව විද්‍යාලයේ ආචාර්‍යවරයෙකු ලෙස සේවය කරන බෙන් ස්ටොන් 828 ගුවන් යානයේ මගියෙකි. මිචෙල් ස්ටොන්ගේ සොහොයුරා වේ.

Grace Stone (Athena Karkanis):

ග්‍රේස් ස්ටොන්, බෙන් ස්ටෝන්ගේ බිරිද වන අතර අවුරුදු පහක් තම ස්වාමියා සහ තම දරුවා මියගියා යැයි සිතා ජිවිතය ගත කල ඇය කේරටින් ව්‍යාපාරයක් හසුරවයි.

Jared Vasquez (J.R. Ramirez):

නිව්යෝර් ක් පොලිස් දෙපාර්තමේන්තුවේ 129 වන බළකායේ සේවය කරන ජෙරඩ්, ගුවන් ගත වීමට පෙර මිචෙල් ස්ටෝන් ගේ ආදරවන්තයා ලෙස පනපොවයි. මොහු මිචෙල්ගේ අතුරුදහන් වීමත් සමග ඇයගේ හොදම යෙහෙලිය වන ලෝඩර් ස් සමග විවාහ වෙයි. නමුත් මිචෙල්ගේ නැවත පැමිණිමත් සමග එම සම්බන්දය කුමක් වේවිද....

Olive Stone (Luna Blaise):

බෙන් සහ ග්‍රේස්ගේ දියණිය වන ඔලිව් ස්ටෝන්, තම සොහොයුරා සහ තම පියා අවුරුදු පහක් තිස්සේ අතුරුදහන් වීමත් සමග එක්ක තම මව සමග ජිවිතය ගත කරයි. මැය කාල් ස්ටෝන්ගේ නිවුන් සහොදරිය වේ..

Cal Stone (Jack Messina):

බෙන් සහ ග්‍රේස්ගේ පුතණුවන් වන කාල් ස්ටෝන්, 828 ගුවන් යානගේ මගියෙකි. තම නිවුන් සහොදරියගෙන් වෙන් වෙලා අවුරුදු 5කට පසු නැවත පැමිනෙන විට තම සොහොයුරිය සහ යහලුවන් තමන්ට වඩා අවුරුදු පහක් වැඩිමල් විමත්, පෙනෙන අද්භූත හීනත් සමග මොහු කෙසේ ජිවිතයට මුහුන දෙයිද..

Saanvi Bahl (Parveen Kaur):

Zeke Landon (Matt Long):

බසීක් ලැන්ඩන් කියන්නේ කදු නගින්නෙක්. ඔහු තරණය කල අවසාන අවස්ථාවේ ගුහාවක සිරවී නැවත තම ජිවිතය බේරාගත් ඔහුට දැන ගැනිමට ලැබෙන්නේ මේ කාලය ඇතුලත අවුරුද්දක් ගෙවි ගොස් අවසාන බවය. 828 ගුවන් යානයේ සිදුවීමට සමානකම් ඇති සිදුවිමක් මොහුට වුයේ කෙසේද.. මොහු කවදාවත් මුනගැසි නොමැති මිචෙල් ස්ටොන්ට මොහුව හිනෙන් පෙන්නට ගන්නේ ඇයි..

NSA Director Vance (Daryl Edwards):

ජාතික ආරක්ෂාව පිලිබද ඒජන්සියේ අධ්‍යක්ෂක රොබට් වැන්ස්, අතුරුදහන් වු 828 ගුවන් යානය පිළිබද පරික්ෂන පවත්වයි. ගමන් ගත් මගින්ගෙන් කවුද මේ සිද්දියට වගකියයුත්තා සොයා මොහු සියලු මගින් පි‍ටුපස පන්නයි.. මේ අතර ඔහුට දැනගැනිමට ලැබෙන්නේ තමන් නොදැනුවත්වම තම රජයත් මේ ගැන සොයන්න පටන් ගෙන ඇති බවයි.. මොහු සමග කරට කර මේ පිලිබදව සොයා බලන රජයේ උසස් නිළධාරියා කවුද?

Kathryn Fitz / The Major (Elizabeth Marvel):

මේජර්... කතාව බලලම තේරුම් ගන්න මැය කවුද කියල...

මැනිෆෙස්ට් කතාමාලාවේ පළමුවන Season එක සදහා කතාංග 16ක් අඩංගු වේ.
මැනිෆෙස්ට් කතාමාලාවේ දෙවන Season එක සදහා කතාංග 13ක් අඩංගු වේ.
මැනිෆෙස්ට් කතාමාලාවේ තුන්වන Season එක තවම විකාශන වෙමින් පවති.

"Manifest" on Facebook

Manifest Official Trailer

මගේ වෙබ් අඩවියේ ටොරන්ට් සහ අනිකුත් ඩවුන්ලෝඩ් කිරිමට ලබාදි තිබු ලින්ක් සියල්ල කණගා‍ටුවෙන් වුවත් ඉවත් කිරිමට සිදුවේ. ගොඩක් ලින්ක් නිවැරදිම ක්‍රියාත්මක වන්නේද නැත. ගොඩක් වෙබ් අඩවියට රිපෝට් වදිනවා ලින්ක් දාන නිසා. එ නිසා මින් ඉදිරියට ඩවුන්ලෝඩ් කිරිමට ලින්ක් ලබාදෙන්නේ නැත.

ඔබට මෙම කතා මාලාව මට ලබා දිය හැකියි පහත ඇති ආකාරයට.

Manifest Season 1 Data DVD (2.53GB) - Rs 160/=
[FORMAT]:.................. [ Matroska (mkv)
[RELEASE NOTE]:....... [ 480p.WEB-DL.x264
[FILE SIZE]:................. [ 160 MB/ep
[RESOLUTION]:........... [ 856 x 480
[FRAME RATE]:........... [ 23.976 fps
[LANGUAGE ]:............. [ English
[SUBTITLES]:.............. [ English
[RUNTIME]:................. [ 42 min/ep
[EPISODE]:.................. [ 16

Manifest Season 2 Data DVD (2.03GB) - Rs 130/=
[FORMAT]:.................. [ Matroska (mkv)
[RELEASE NOTE]:....... [ 480p.WEB-DL.x264
[FILE SIZE]:................. [ 160 MB/ep
[RESOLUTION]:........... [ 856 x 480
[FRAME RATE]:........... [ 23.976 fps
[LANGUAGE ]:............. [ English
[SUBTITLES]:.............. [ English
[RUNTIME]:................. [ 42 min/ep
[EPISODE]:.................. [ 13

Episode 1ක් සදහා රු 10 ක මුදලක් අය කරන අතර, වාරියපොල සහ කුරුණෑගල නගර අවට නොමිලේ බෙදා හැරිමට හැකියාවක් ඇත. වෙනත් තැනකට කූරිය කිරිමට අවශ්‍ය නම් කූරිය ගාස්තුත් මේ සදහා එකතු වේ.

Pen Drive එකකට ලබා ගන්නවානම් වාරියපොල ප්‍රාදේශීය සභාව අසල Siyapatha Engineering Services වෙත පැමිණෙන්න. Episode 1ක් රු 8.

වැඩි විස්තර Whatsup ඔස්සේ විමසන්න. 0768856030

Saagaraya TV Series, මැනිෆෙස්ට්, අද්භූත, අභිරහස්, ත්‍රාසයජනක, නාට්‍යමය, NBC, මැනිෆෙස්ට් 2018, ඉංග්‍රීසී උපසිරස සමග

Nihanda Gamane (Bambara Nade) - Bachi Susan ft Shanika

noreply@blogger.com (Tharanga Darshana) — Sun, 28 Jun 2015 02:39:00 +0000

බාචි සුසාන් සහ ශානිකා මධුමාලි විසින් ගායනා කරන "නිහඬ ගමනේ (බඹර නාදේ)" කියන ගීතය, මේ දිනවල නිතර ඇසෙන ජනප්‍රිය ගීතයක්. මේ ගීතයේ පද රචනය, සජිත් චතුරංග විසින් සිදු කර ඇති අතර සංගීතය සපයන්නේ කේශාන් පෙරේරා විසිනුයි.

The Avengers Age of Ultron (2015) Trailer Review

noreply@blogger.com (Tharanga Darshana) — Thu, 30 Oct 2014 10:24:00 +0000

ඔයාලා මේ වෙනකොට දන්නවනේ මීට දින කීපයකට පෙර අපි කවුරුත් බලාගෙන හිටපු Avengers 2 චිත්‍රපටියේ ට්‍රේලර් එක නිකුත් වුනා කියලා. ඉතින් අද අපි මේ ඇවෙන්ජර්ස් 2 එහෙම නැත්නම් "ද ඇවෙන්ජර්ස් ඒජ් ඔෆ් අල්ට්‍රෝන්" චිත්‍රපටියේ ට්‍රේලර් එක ගැන විස්තර ටිකක් කතා කරමු.

Kalpayak Ma (Sanda Savi Teledrama Theme Song)

noreply@blogger.com (Tharanga Darshana) — Mon, 30 Dec 2013 04:22:00 +0000

රොමේෂ් සුගතපාල සහ ලක්මිණී උඩවත්ත විසින් ගායනා කරන " කල්පයක් මා.. " කියන ගීතය, සතියේ දින පහේම රාත්‍රී 8.00 ට හිරු රූපවාහිනී නාලිකාවේ විකාශනය වන " සද සාවී " කියන ටෙලි නාට්‍යයේ තේමා ගිතයයි. ශෙහාන් ගලහිටියාව විසින් පද රචනය කර ඇති මෙම ගීතය පහලින් ඔයාලට බලාගන්න පුලුවන්.

Adobe Photoshop Lightroom 5 මෘදුකාංගය

noreply@blogger.com (Tharanga Darshana) — Thu, 28 Nov 2013 07:24:00 +0000

මොකද්ද මේ Adobe Photoshop Lightroom කියන්නේ සහ මොනවගේ දේවල්ද මේකෙන් කරන්න පුලුවන්? මේ ගැන ඔයාලට කියලා දෙන්න තමයි අද මම හදන්නේ. ඔයාලා සමහර විට මේ මෘදුකාංගය දන්නවා ඇති. ඒ වගේම මේක පාවිච්චි කරනවත් ඇති. නමුත් මේක ගැන නොදන්න පිරිසකුත් ඇතිනේ. ඒ අයටත් කියලා දෙන එක මගේ යුතුකමක් නිසා අද, මම හිතුවා Adobe Photoshop Lightroom කියන මෘදුකාංගය ගැන කතා කලොත් හොදයි කියලා. ඉතින් මම මුලින් කීව ප්‍රශ්ණ වලට උත්තර ඔක්කොම ඔයාලට මේ ලිපිය දිගටම කියවගෙන යද්දි දැනගන්න පුලුවන්.

Percy Jackson: Sea of Monsters (2013) - මුහුදු රකුසන්ට එරෙහිව

noreply@blogger.com (Tharanga Darshana) — Sat, 23 Nov 2013 06:06:00 +0000

මුහුදට අධිපති පොසයිඩන් දෙවියන්ගේ පුතා වන පර්සි ජැක්සන්ගේ තවත් වීර චාරිකාවක්, අද මම ඔයාලට දෙන චිත්‍රපටියෙන් බලන්න පුලුවන්. මේ Percy Jackson : Sea of Monsters (2013) චිත්‍රපටියයි. Rick Riordan ගේ Percy Jackson & the Olympians කියන නවකතා මාලාවේ The Sea of Monsters කියන දෙවන නවකතාව පාදක කරගෙන නිර්මාණය කර තිබෙන මේ චිත්‍රපටිය කලින් තිරගත වුන Percy Jackson & the Olympians: The Lightning Thief චිත්‍රපටියේ දෙවන කොටසයි. පර්සි ඇතුළු ඔහුගේ යහළුවන් පිරිස රත්තරං ලෝම රෙද්දක් හොයාගෙන Sea of Monsters, එහෙම නැත්නම් බර්මියුඩා ත්‍රිකෝණය නමින් හදුන්වන ප්‍රදේශයට යන විර චාරිකාව තමයි Percy Jackson: Sea of Monsters චිත්‍රපටිය පුරා අපිට දකින්න ලැබෙන්නේ. මේ චිත්‍රපටිය Thor Freudenthal විසින් අධ්‍යක්ෂණය කරනු ලබන අතර, කලින් චිත්‍රපටියේදි අපිට දකින්නට ලැබුන හුගක් චරිත මේකෙන් අයින් කරලා තියනවා.