සදීපගේ වෙබ් සටහන

ශ්‍රී ලංකා විදුලි සංදේශ නියාමන කොමිසමේ (TRC) වෙබ් අඩවිය හැක් කරලා !!!

noreply@blogger.com (Sadeepa) — Wed, 07 Jul 2010 03:24:00 +0000

ශ්‍රී ලංකා විදුලි සංදේශ නියාමන කොමිසමේ වෙබ් අඩවිය දැන් දවස් දෙක තුනක ට පෙර සිට හැක් කරලා. මේක කවදා යථා තත්වයට පත් වෙයිද?

පසු ගිය දවස් දෙක තුනෙම ලංකාවෙ Digital Television සදහා වෙන්කර ඇති නාලිකා ගැන හොයන කොට තමයි මම මෙක දැක්කෙ. "www.trc.gov.lk/images" පිටුවේ රූපයක් තමයි ඉහත තියෙන්නෙ. මේ ෆොල්ඩරය ඇතුලේ
hhtp://blackworm.org, http://www.BlackWorm.oRg, http://www.SaboTaj.iN කියන file තුනක් පෙන්න තියෙනවා. මුල් පිටුවේ තිබුනු මෙනු එකත් නැතිවෙලා.

EDIT : 08 th July 2010:

ජූලි 7 සවස වන විට අඩවිය යථා තත්වයට පත් වෙලා තිබුනා. මේ සදහා ක්‍රියා කල සැමට ස්තුතියි.

විදුලි බිල අඩුකරන ගැජට් වලින් ඇත්තටම විදුලි බිල අඩුවෙනවාද? ( 2 - කොටස )

noreply@blogger.com (Sadeepa) — Tue, 11 May 2010 02:43:00 +0000

ඔබේ විදුලි මීටරය හදුනා ගන්න. (Domestic kWh meter)

මේ ලිපියේ පලමු කොටසින් මම ලියුවේ විදුලිය සම්බන්ධ තාක්ෂනික කරුනු ටිකක්. අද ලියන්න යන්නෙ ගෘහස්ත විදුලි මීටරයක ක්‍රියාකාරීත්වය හා ඒ ආශ්‍රිත විස්තර.

ක්‍රියාකරන ආකාරය අනුව ප්‍රධාන වශයෙන් මේ මීටර් වර්ග කීපයක් තියෙනවා.

1. ඇනලොග් - විද්‍යුත්යාන්ත්‍රික වර්ගය (Analogue - Electromechanical). ප්‍රේරන (Induction - ඉන්ඩක්ශන්) මෝටර මූලධර්ම අනුව ක්‍රියාත්මක වන මේ වර්ගයේ මීටර් තමයි ලංකාවෙ වැඩියෙන්ම (98% පමණ ) පාවිච්චි වෙන්නෙ. මේ වර්ගය ගැන තමයි මේ ලිපියෙන් වැඩිම අවධානය යොමුකරන්නෙ.

2.ඇනලොග් ඩිජිටල් යාන්ත්‍රික මිශ්‍ර ක්‍රියාකාරී වර්ගය (Analogue/Digital -Mechanical mixed operation). මේ වර්ගයේ මීටර kWh මැනීම ඩිජිටල් ඉලෙක්ට්‍රොනික ක්‍රමයට කරන්නෙ. මෙහෙම ගන්නා මිනුම යාන්ත්‍රික ක්‍රමයකට දර්ශනය කරනවා.මේ වර්ගය ගැනත් අපි සුළුවශයෙන් සලක්ක බලමු.

3.පූර්න ඩිජිටල් ක්‍රියාකාරී වර්ගය (Fully Digital ). මේ වර්ගයේ මීටර kWh මැනීම හා දර්ශනය ඩිජිටල් ඉලෙක්ට්‍රොනික ක්‍රමයට කරන්නෙ. මෙහෙම ගන්නා මිනුම ඉතා නිවැරදි වුවත්, ලංකාවෙ එතරම් භාවිතාවක් නැහැ. එනිසා මම ඒ ගැන ලියන්න බලාපොරොත්තුවක් නැහැ. ප්‍රශ්නයක් තියෙනවානම් comment එකක් දාන්න

විද්‍යුත්යාන්ත්‍රික kWh මීටර ක්‍රියාකාරීත්වය

මේ වර්ගෙයේ මීටරයක් අභ්‍යන්තර සැකැස්මේ සරල සටහනක් තමයි පහල රූපයේ තියෙන්නේ.

1. වොල්ටීයත දගරය (Voltage Coil, Pressure Coil)
සිහින් කම්බියකින් පොටවල් දහස් ගනනකින් යුක්තයි. සැපයුමට කෙලින්ම සම්බන්ධ කර ඇති නිසා මෙයින් නිපදවෙන චුම්භක ක්ෂේත්‍රය සැපයුම් වෝල්ටීයතවයට සමානුපාතික වේ.
2. ධාරා දගරය (Current Coil)
මහත කම්බියකින් පොටවල් දහයකින් පමන යුක්තයි. භාරයට ගලා යන සම්පූර්න ධාරාවම මේ හරහා ගලා යන නිසා මෙයින් නිපදවෙන චුම්භක ක්ෂේත්‍රය සැපයුම් ධාරාවට සමානුපාතික වේ.
3. භ්‍රමන තැටිය (Rotating Disk)
4. රෝධක චුම්භකය (Braking Magnet)
5. මෘදු යකඩ හරය (Soft-iron core)
6. සීරුමාරු සදහා දගරය (Adjustment Coil)
7. සීරුමාරු සදහා ප්‍රතිරෝධකය (Adjustment Resister)

මෙකෙ මූලිකම කොටස් තමයි වොල්ටීයත දගරය, ධාරා දගරය හා භ්‍රමන තැටිය. මේ 1, 2දගර දෙක මගින් ඇති කරන චුම්භක ක්ෂේත්‍ර හා එනිසා ඇළුමීනියම් භ්‍රමන තැටියේ(3) ඇතිවන සුලිධාරා (Eddy current) අන්තර්ක්‍රියා කිරීමෙන් තැටියට කරකැවීමේ බලයක් (ව්‍යාවර්තය - torque) ලැබෙනවා.
මේක හරියටම සමාන්‍ය විදුලිපංකා මෝටරයක් වගේ. මේ තැටිය මෝටරයේ ආමේචරයට සමාන කරන්න පුලුවන්. දගර දෙක මේ විදුලිපංකා මෝටරයේ දගරවලට සමානයි. විදුලිපංකා මෝටරයේ තියෙන එක දගරයකට කැපෑසිටරයක් සම්බන්ද කරලා ත්යෙන බව කවුරුත් දන්නවානෙ.

Fan Motor

ඒකෙන් වෙන්නෙ දගර දෙක මගින් ඇතිකරන චුම්භ්ක ක්ෂේත්‍ර අතර කලා වෙනසක් (phase difference) ඇතිකරන එක. මේ කලා වෙනස අනුව තමයි මෝටරයට කරකැවීමේ බලය ලැබෙන්නෙ. මේ කලා වෙනස නැතිවුනොත් මෝටරය කැරකෙන්නෙත් නැහැ. (විදුලි පංකාවක කැපෑසිටරය පිච්චුනම මෝටරය කැරකෙන්නෙ නැත්තෙ මේ නිසයි ). විදුලි මීටරය තුල මේ විදිහට කැපෑසිටරයක් භාවිතා කරන්නෙ නැතුව දගර දෙකෙ පිහිටීම වෙනස් කිරීමෙන් තමයි මේ චුම්භක ක්ෂේත්‍ර අතර කලාවෙනස ලබාගෙන තියෙන්නෙ.
මෝටරයත් එක්ක තියෙන තව වෙනසක් තමයි මේ දගරවල ගලන ධාරවන් යොදා ඇති භාරයන් (load) සමග වෙනස් වීම. ඒ කියන්නෙ මේ දගර මගින් ඇතිකරන් චුම්භක ක්ෂේත්‍රය භාරය අනුව වෙනස් වෙනවා. තවත් පැහදිලි කලොත්, IL (=I) වැඩි වෙනකොට ධාරා දගරයේ ක්ෂේත්‍රයත් වැඩිවී ව්‍යාවර්තය වැඩිවෙනවා. ඒවගේම යොදන වෝල්ටීයතාවය (V) අනුව වෝල්ටීයතාදගරයේ ක්ෂේත්‍රයත් වැඩිවී ව්‍යාවර්තය වැඩිවෙනවා. V හා IL අතර කලා වෙනසක් තිබුනොත් ක්ෂේත්‍ර දෙක අතර කලාවෙනස අඩුවී ව්‍යාවර්තය අඩු වෙනවා. මේ අඩු වීම V හා IL අතර කලාවෙනසේ (Ø) කෝසයිනයට ( cosØ ) සමානුපාතික බව පෙන්වන්න පුලුවන්.
මේ කියපු විස්තරය කෙටියෙන් කිව්වොත්, භ්‍රමන තැටිය මත ව්‍යාවර්තය (T), V, I හා cosØ ට සමානුපාතිකයි. මේක සමීකරනයකින් ලිව්වොත්

T = K. V.I.cosØ -----(1)

මම පලමු කොටසේ පෙන්වලා දීපු විදිහට V. I .cosØ කියන්නෙ සක්‍රිය ක්ෂමතාවයට (active power). ඒනිසා
ඉහල (1) සමීකරනයට අනුව. තැටිය මත ව්‍යාවර්තය සමානුපාතික වෙන්නෙ සක්‍රිය ක්ෂමතවයටයි.

T = K .(active power) ------(2)

මේ K කියන නියතයට කියන්නේ ම්ටර නියතය (meter constant) කියලා. මේක මීටරවල් සදහන් කරලා තියෙන kWh එකට කරකෙන වට ගනන ලෙස ගන්න පුලුවන්. අවසානයට මේ තැටිය කැරකෙන වාර ගනන දැතිරෝද පද්ධතියක් මගින්සම්බන්ධ කරලා තියෙ දර්ශකයටක් මගින් කියවා ගන්න පුලුවන්. දැන් බලමු සටහනේ තියෙන අනෙක් දෙ වලින් මොකද කරන්නෙ කියලා.

කලින් කියපු විදිහට ඇතිවන ව්‍යාවර්තය දිගටම තියෙන කොට තැටිය කැරකෙන වේගය දිගටම වැඩි වෙනවා. ඉතින් මේ විදිහට දිගටම වේගය වැඩිවීම පාලනය කරගන්න තමයි රෝධක චුම්භකය (braking magnet) (සටහනේ 4)තියෙන්නෙ. මේ චුම්භක ක්ෂේත්‍රය නිසා ඇතිවන ප්‍රතිරෝධී ව්‍යාවර්තය හා දගරවලින් ඇතිවෙන ව්‍යාවර්තය සමතුලිත වන වේගයෙන් තමයි අවසාන වශයෙන් තැටිය කරකැවෙන්නෙ. මේ රෝධක චුම්භකය සීරුමාරු කිරීමෙන් තමයි මීටරයේ සදහන් කරලා තියෙන kWh එකට කරකෙන වට ගනන හදාගන්නෙ. මේකට කියන්නෙ Full Load adjustment කියලා.

දගරදෙක මගින් ඇතිකරන් ක්ෂේත්‍ර වල කලාවෙනස අංශක 90 වෙන්න තමයි මීටර හදන්නෙ. නමුත් ප්‍රායොගික වශයෙන් දගරවල ඇති ප්‍රතිරෝධයන් නිසා මේක කරගන්න අමාරුයි. මෙනිසා ඇතිවන දෝශයන් නිවැරදි කරගන්න තමයි සීරුමාරු සදහා දගරය (Adjustment Coil) (සටහනේ 6) හා සීරුමාරු සදහා ප්‍රතිරෝධකය (Adjustment Resister) (සටහනේ 7)තියෙන්නෙ. මේකට Power Factor adjustment කියලා තමයි කියන්නෙ.

පහල පින්තූරයෙන් මේ කොටස් ඇත්තටම මීටරයක් තිබෙන හැටි බලාගන්න.

1. ධාරා දගරය (Current Coil)

2. භ්‍රමන තැටිය (Rotating Disk)

3. රෝධක චුම්භකය (Braking Magnet)

4. යාන්ත්‍රික දර්ශකය (Mechanical Counter)

5. ප්‍රතිරෝධක කම්බිය (Resistive wire for phase angle adjustment)

6. ප්‍රතිරෝධ සීරුමාරු ඇනය (Adjustment screw for phase angle)

7. පූර්න භාර සීරුමාරු ඇනය (Full load adjustment screw)

මේ මීටර සාමාන්‍යයෙන් 2% ට අඩු දෝෂයක් ඇතිවන ලෙස සියලු සීරුමාරු සකස් කරනවා.

නිවැරදිතාවයට බලපාන එක ප්‍රධාන සාදකයක් තම්යි භ්‍රමන තැටිය සවිකර ඇති බෙයාරිම වල ඇති ඝර්ශනය. මේක වැඩියෙන්ම බලපාන්නෙ අඩු භාර තත්වයන් යට තේයි. මේ දෝෂ නිවැරදිකරගන්න වොල්ටීයතා දගරය ලග ලොහ තහඩුවක් මගින් සුලු අමතර චුම්භක ක්ෂේත්‍රයක් සාදා තියෙනෙවා. මේ තහඩුව සීරුමාරු කිරීමෙන් ඝර්ශනය නිසා ඇතිවන දෝෂ මගහරවා ගන්න පුලුවන්. මේකට කියන්නෙ සුලු භාර සීරුමාරුව (Light load adjustment) කියලා. මේක වැඩිපුර තිබ්බොත් භාරයක් නැතිවෙලාවටත් (no load) තැටිය කැරකෙන්න ගන්නවා. ඒ සිද්ධියට කියන්නෙ බඩගෑම (creep) කියලා මෙහෙම වෙන එක නැවතිලා භාරය 20mA (~5W @230V) පමන ධාරවක් ලබාගන්නා කොට තැටිය කරකැවෙන්න පටන් ගන්න ගානට තමයි සීරුමාරුව තියන්නෙ. එනිසා මේකට Creep adjustment) කියලත් කියනවා.

1. ධාරා දගරය (Current Coil)

2. භ්‍රමන තැටිය (Rotating Disk)

4. යාන්ත්‍රික දර්ශකය (Mechanical Counter)

6. ප්‍රතිරෝධ සීරුමාරු ඇනය (Adjustment screw for phase angle)

7. දැතිරෝද පද්ධතිය (Gear wheel set)
8. වොල්ටීයත දගරය (Voltage Coil, Pressure Coil)
9. සුලු භාර සීරුමාරු ඇනය (Light load (creep) adjustment screw)
10. kWh ම්ටර නියත සටහන (meter constant) (in this meter - 360 rev/kWh)

නිවැරදිව සීරුමාරු කල මීටරයක් කල්යත්ම විවිධ දෝශ ඇතිවෙන්න පුලුවන්. ප්‍රධානම එක තමයි කුණු දූවිලි හා මලබැදීම නිසා ඝර්ශනය වැඩි වීම. එතකොට මීටරය සෙමින් කැරකීම තමයි වෙන්නෙ. ප්‍රතිපලය ඇත්තටම (100kWh) පාවිච්චිකලාට ඊට අඩු අගයක් (95 kWh) මීටරය පෙන්වීමයි.මේ නිසා මේ කුණු දූවිලි බැදීම අඩුකර ගන්න හා සංවෙදී කොටස් නීත්‍යානුකූල නොවන ලෙස වෙනස් කිරීම වලක්වන්න මීටරය හොදින් වසා ඇණ මුද්‍රාතබා තමයි තියෙන්නෙ.

මිශ්‍ර ක්‍රියාකාරී මීටරය

පහල රූපයෙ තියෙන්නෙ මේවගේ මීටරයක්. බැලූබැල්මටම මෙකෙ තියෙන වෙනස තමයි මැද කැරකෙන තැටිය නැති එක. ඒ වෙනුවට තියෙන්නෙ LED එකක්. සාමාන්‍ය මීටර වල තැටිය කරකෙනවා වෙනුවට මේවායෙ වෙන්නෙ මේ LED එක blink වෙන එකයි. පාවිච්චි කරන ක්ෂමතාවය අනුව මේ blink වෙන ශීඝ්‍රතවය වෙනස් වෙනවා.

මේ මීටර වල ප්‍රධාන වශයෙන් ඉහල ස්ථායීතාවයකින්(high stability) යුතු ප්‍රතිරොදයක්(resister), ඉලෙක්ට්‍රොනික පරිපථයක්, ස්ටෙපෙර් මොටරයක්(stepper motor) හා යාන්ත්‍රික ගනින දර්ශකයක් අඩංගු වෙනවා. ප්‍රතිරූධය හරහා වොල්ටීයතවය මගින් තමයි හලන ධාරාව ගනනය කරගන්නෙ. ඊට පස්සෙ වොල්ටීයතවයත් මැනගෙන ඉලෙක්ට්‍රොනික පරිපථය මගින් ක්ෂමතාවය ගනනය කරනු ලබනවා. එමගින් ක්ෂමතාවයට අනුරූප ස්පන්ධයක් (pulse) ස්ටෙප්පර් මෝටරයට ලබාදීමෙන් ඉලක්කම් දර්ශ්කය ගමන් කරවනු ලබනවා. වෙනත් බාහිර ගනක් යන්ත්‍රයකට සම්භන්ධ කිරීම සදහා මේ ස්පන්ධයන් වෙනම ස් ලබාදී තියෙනවා.පහල රූපයෙ මෙහි කැටි සටහනින් එක් එක් කොටස් සම්බන්ධ වෙලා තියෙන විදිහ බලා ගන්න.

මේ තියෙන්නෙ ඇත්තටම මේ වගෙ මීටරයක් ඇතුලත. මෙ මීටර් සංවේදී වෙන්නෙ සක්‍රිය ක්ෂමතාවයට විතරයි. සමාන්‍ය මීටර වලට වඩා නිවරද්තවයෙන් ඉහල යයි සැලකෙනවා.

මම මේ ලිපියෙ ලියුවෙ සාමාන්‍ය නිවෙස් වල පවිච්චි කරන විදුලි මීටරගැන. ඒත් මේ ලිපිය ඉවර කරන්න කලින් කාර්මික වශයෙන් සැපයුම ලබාගන්නා (industrial power) ආයතන ව පාවිච්චි වෙන demand මීටරය ගැනත් කියන්න ඕනා.

Peak Demand meter

කලින් ලිපියෙ කිව්වා වගෙ power factor එක අඩු වෙනකොත එකම ක්ෂමතාවය සපයන්න වැඩි ධාරිතාවක් සහිත ජනකයන්ත්‍ර ඕන වෙනවා. ඉතින් විදුලිය වැඩියෙන්ම පාවිච්චිකරන කර්මාන්තශාලා වල මේක පාලනය කරන්න peak demand meter කියලා මීටරයක් සවි කරනවා. මෙකෙන් එම කර්මාන්තශාලාව උපරිම වශයෙන් ලබාගත් දෘශ්‍ය ක්ශමතාවය

( apparent power -VA)

වගේම kVAh ත් සටහන් වෙනවා. විදුලිබල මන්දලය මේ පාඨාංක අනුව වෙනමම බිලක් එවනවා.ඉතින් මේ බිල අඩුකරගන්න තමයි. මේ කර්මාන්තශාලා capacitor bank දාල power factor හදන්නෙ. ගෙවල් වල් මේ වගෙ මීටර් හයි කරලා නැතිනිසා power factor හැදුවට බිල අඩුවෙන්නෙ නැහැ.

මීලග කොටසින් මේ බිල අඩුකරන ගැජට් කරනවය කියනදේ සහ ඒ ගැන මගෙ අදහස.

(විශේෂ ස්තුතිය ඡායාරූප ගැනීමෙන් සහායවූ වෙනුර ලක්ෂාන් සහෝදරයාට.)

විදුලි බිල අඩුකරන ගැජට් වලින් ඇත්තටම විදුලි බිල අඩුවෙනවාද? ( 1- කොටස )

noreply@blogger.com (Sadeepa) — Tue, 04 May 2010 07:18:00 +0000

සක්‍රිය ක්ෂමතාවය (active power), දෘශ්‍ය ක්ෂමතාවය (apparent power), ක්ෂමතා සාධකය (power factor) සහ තරංග හැඩ විකෘති (Waveform distortion)

පසුගිය මාස කීපය ඇතුලත මට email මගින් සහ වෙනත් යහලුවන් කීප දෙනෙකුගෙන්ම දැනගන්න ලැබුනා මේ 35% ක් දක්වා විදුලි බිල අඩුකරන ගැජට් එකක් විකුනන්න තියෙනෙවා කියලා. මේ උපකරනය නිවසේ තියෙන විදුලි පේනුවකට් සම්බන්ධ කරන්න විතරයි තියෙන්නෙ. මේ ගැජට් එක ඇත්තටම වැඩ කරනවාද, කොහොමද වැඩ කරන්නේ (ක්‍රියාකරීත්වය ගැන) බොහොම දෙනෙක් විමසා සිටියා. ඉතින් හැම දෙනාටම ප්‍රයොජනවත් වෙන්න මගේ අදහස් ඒ ගැන ලියා තියන්න හිතුවා. ඒකෙ විස්තර පත්‍රිකාවෙ ක්‍රියාකාරීත්වය ගැන කියවෙන තැන්වල තියෙන තාක්ෂනික වචන කීපයක් සහ ඒවයේ තේරුම, වැදගත්කම ගැන තමයි මේ ලිපියෙන් ලියන්න යන්නෙ. ඉදිරි ලිපිවලින් අපේ ගෘහස්ත විදුලි මීටරවල ක්‍රියාකාරීත්වය ගැනත්. මේකියන විදිහට 35% විදුලි බිල අඩු වෙනවද කියන එක ගැන මගේ අදහසත් ලියන්න බලාපොරොත්තු වෙනවා.

අපි මුලින්ම බලමු විදුලි බිල හැදෙන්නෙ කොහොමද කියලා.

විදුලි බිල තීරනය වෙන්න අපි පාවිච්චි කරන විදුලි ප්‍රමානයට අනුවනෙ. ඉතින් මොකක්ද මේ "විදුලි ප්‍රමානය" කියන්නෙ? මේක තේරුම සරලව කිව්වොත් කොච්චර ශක්ති (energy) ප්‍රමානයක් අපි විදුලිය මගින් ලබාගන්නවද කියන එකයි. මෙකත් ඉතින් යම් ශක්තියක් නිසා මැනිය යුතු SI ඒකකය "ජූල්" (Joule) . මේ "ජූල්" කියන ඒකකය අපි සාමාන්‍යයෙන් මසකදී පාවිච්චි කරන ශක්ති ප්‍රමානයත් එක්ක බැලුවහම ගොඩක් කුඩායි. එනිසා අපි විදුලි පාවිච්චිය මනින්න කිලෝ වොට් පැය (kilo Watt hour – kWh) කියන ඒකකය පාවිච්චි කරනවා. මේ කිලෝ වොට් පැය 1 කට තමයු අපි යුනිට් එකක් (1 kWh = 1 Unit) කියන්නෙ. ඒ කියන්නෙ අපි කිලෝ වොට් 1 (1kW)ක ක්ෂමතාවයක් (power) ඇති උපකරනයක් පැය 1ක් ක්‍රියත්මක කරොත් වැය වෙන විදුලි ප්‍රමානයට තමයි යුනිට් 1ක් කියලා කියන්නෙ. තවත් විදිහකට කිව්වොත් යම් විදුලි උපකරනයක ක්ෂමතාවය, ඒ උපකරනය පාවිච්චි කරන කාලයෙන් ගුණකලහම, ඒ උපකරනය සදහා වැයවෙන විදුලි ප්‍රමානය ලැබෙනවා.
උදා: 60W බල්බයක් දිනකට පැය 8 බැගින් මාසයක්( දින 30 ) පත්තු කලා නම් වැයවන විදුලි ප්‍රමානය :

බල්බයේ ක්ෂමතාවය = 60W = 0.06 kW
පාවිච්චි කල කාලය = 8 * 30 = 240 h
පාවිච්චි කල විදුලි ප්‍රමානය = 0.06 * 240 = 14.4 Units

විදුලි උපකරනයක ක්ෂමතාවය(power) කියන්නේ එක කොච්චර් ශීග්‍රතාවයකින් ශක්තිය ලබාගන්නවාද කියන එකයි. ඕනැම මොහොතක ක්ෂමතාවය උපකරනය ලබාගන්නා ධාරාව (ඇම්පියර් ප්‍රමානය ) හා ඒ උපකරනය හරහා වොල්ටීයතාවය ( වොල්ට් ප්‍රමානය ) ගුනකිරීමෙන් ලබාගන්න පුලුවන්.

සරල ධාරා (DC) සදහා නම් මේක මැනිමේ ගැටලුවක් නැහැ. පහත පරිපථයේ වොල්ට්මීටර හා ඇමීටර පාඨාංක ගුන කිරීමෙන් ක්ෂමතාවය ලැබෙනවා.

ඒත් ප්‍රත්‍යාවර්ත ධාරා (AC) සදහා තත්වය මීට වෙනස්. ප්‍රත්‍යාවර්ත ධාරා (AC) සදහා මේ ක්‍රමය හරියන්නෙ සූත්‍රිකා බල්බ(filament bulbs), කේතල(kettles), විදුලි උදුන්(electric ovens) වගේ ප්‍රතිරොධමය(Resistive) උපකරන වලට විතරයි. CFL පහන්, විදුලි පංකා, රෙදි සෝදන යන්ත්‍ර, පරිගනක, රූපවාහිනී (CRT/LCD) වගෙ උපකරන වල මේ විදිහට ක්ෂමතාවය මනින්න බැහැ. මේ කියපු උපකරන වලට යොදන වොල්ටීයතාවය හා ලබාගන්න ධාරව සමකලා (in phase) නොවීම තමයි මේකට හේතුව. පහත රූප වලින් මේ ගැන තවත් අවබෝධ කරගන්න පුලුවන්.

ගෙදර දොරේ පාවිච්චි කරන උපකරන වලින් සූත්‍රිකා බල්බ(filament bulbs), කේතල(kettles), විදුලි උදුන්(electric ovens) වගේ ප්‍රධාන වශයෙන් තාපය නිපදවන උපකරන අයිති වෙන්නෙ ප්‍රතිරොධමය(Resistive) වර්ගයට.

මෝටර්, ට්‍රන්ස්ෆොර්මර්, වගෙ දෙවල් අඩංගු වෙන උපකරන (විදුලි පංකා, රෙදි සෝදන යන්ත්‍ර, වතුර පොම්ප) අයිති වෙන්නෙ ප්‍රේරන (Inductive loads) වර්ගයට, පරිගනක, රූපවාහිනී (CRT/LCD), CFL පහන් වගේ switching power supply අඩංගු උපකරන අයිති වෙන්නෙ ධාරිතාමය (Capacitive loads) වර්ගයට.
මේ වගෙ උපකරන ලබාගන්නා ධාරාව හා යොදා ඇති වෝල්ටීයතාවය ( පලමු ස්ටහනෙ විදිහට මැනීමෙන් ) ගුන කිරීමෙන් ලැබෙන රාශියට කියන්නෙ දෘශ්‍ය ක්ෂමතාවය (apparent power) කියලා. මේකෙ ඒකකය වොල්ට්-ඇම්පියර් (Volt Ampere : VA) ලෙසයි සදහන් කරන්නෙ.

මේ විදිහට උපකරනය ලබාගන්නව යයි පෙනෙන මුලු ක්ෂමතාවයම වැය වෙන්නේ නැහැ. කොටසක් පමනයි සත්‍ය ලෙසම වැය වෙන්නෙ. ඉතිරි කොටස උපකරනය තුලට සහ පිටතට මරුවෙමින් තියෙනවා ( චුම්භක හෝ විද්‍යුත් ක්ෂේත්‍රයන් නිසා තමයි මෙහෙම වෙන්නෙ ). මේහෙම සත්‍ය වශයෙන්ම වැයවන ක්ෂමතාවයට තමයි සක්‍රිය ක්ෂමතාවය (active power, true power) කියන්නෙ. මේකෙ ඒකකය වොට් (Watt : W). මේ එහාට මෙහාට දෝලනය වෙන කොටසට කියන්නෙ ප්‍රතික්‍රියක ක්ෂමතාවය (Reactive Power) කියලා. මේකෙ ඒකකය ප්‍රතික්‍රියක වොල්ට්-ඇම්පියර් ( Reactive Volt Ampere : VAR). මේ ක්ෂමතා තුන අතර සම්බන්දය පහත රූපයෙ පරිදි සෘජුකෝනී ත්‍රිකෝනයකින් පෙන්වන්න පුලුවන්.

මේ ක්ෂමතා තුනෙන් අපේ ගෙවල් වල තියෙන විදුලි මීටර පෙන්වන්නෙ සක්‍රිය ක්ෂමතාවය විතරයි. එනම් අපේ විදුලි ඒකක ගනන කියන්නෙ අපි සත්‍ය වශයෙන්ම වැයකල විදුලි ප්‍රමානයයි. මේ පාඨාංකයට දෘශ්‍ය ක්ෂමතාවය හෝ ප්‍රතික්‍රියක ක්ෂමතාවය බලපෑමක් නැහැ. නමුත් මේ උපකරන වලට බලය සපයන ජනකයට (generator), උපකරනය ලබාගන්නවා යයි පෙනෙන දෘශ්‍ය ක්ෂමතාවයම ලබාදිය හැකි විය යුතුයි. මේ නිසා තමයි බොහොවිට ජෙනරටර් (Generator), UPS වැනි බලය සපයන උපකරන වල ධාරිතාවයන් වොල්ට්-ඇම්පියර් (VA) වලින් සදහන් කරන්නෙ.

ඉතින් මේ සක්‍රිය ක්ෂමතාවය හා දෘශ්‍ය ක්ෂමතාවය අතර අනුපාතයට තමයි ක්ෂමතා සාධකය (power factor) කියලා කියන්නෙ. මේකට ඒකක නැහැ. අගය පරාසය 0 සිට 1 දක්වා වෙනවා. සයිනාකාර තරංග සදහා මේ අනුපාතය වෝල්ටීයතවය හා ධාරාව අතර කලාවෙනසේ (Ø) කෝසයිනයට ( cosØ )සමානයි.

මේ ක්ෂමතා සාධකය වැඩි (1 ට ආසන්න ) උපකරන ඒවා ලබාගන්නවා යයි පෙනෙන ක්ෂමතාවයට ආසන්න ප්‍රමානයක් ඇත්තටම වැය කරනවා (දෘශ්‍ය ක්ෂමතාවයම හා සක්‍රිය ක්ෂමතාවය ආසන්න වශ්‍යයෙන් සමානයි). ජනකය මගින් සපයන බලයෙන් මුලු ප්‍රමානයම වගෙ මෙවන් උපකරන වැය කරනවා. එනිසා අවශ්‍ය ජනකයේ ධාරිතාව උපකරනයේ ක්ෂමතවයට ආසන්නයි.
උදා: 230V, 250W පරිගනක යන්ත්‍රයක ක්ෂමතා සාධකය (power factor) ය 0.8 යයි සිතමු.

සක්‍රිය ක්ෂමතාවය = දෘශ්‍ය ක්ෂමතාවය x ක්ෂමතා සාධකය
250 W = දෘශ්‍ය ක්ෂමතාවය x 0.8

දෘශ්‍ය ක්ෂමතාවය = 250 / 0.8 = 312.5 VA
ලබාගන්නා ධාරාව = 312.5 VA / 230 V = 1.36A

එනම් මෙම පරිගනකය සදහා අවම වශයෙන් 312.5VA (ප්‍රායෝගිකව 400VA පමන) ධාරිතාවක් ඇති සැපයුමක් අවශ්‍ය වෙනවා. සැපයුම හා පරිගනකය අතර 1.36A ධාරාවක් ගලායන බව පෙනෙනවා. නමුත් විදුලි මීටරය සටහන් කරන්නේ 250W ක්ෂමතාවය පමනයි.

ක්ෂමතා සාධකය අඩු (0 ට ආසන්න ) උපකරන ඒවා ලබාගන්නවා යයි පෙනෙන ක්ෂමතාවයෙන් සුළු කොටසක් පමනයි ඇත්තටම වැය කරන්නෙ (දෘශ්‍ය ක්ෂමතාවයම, සක්‍රිය ක්ෂමතාවයට වඩා සැලකියයුතු තරම් වැඩියි). ජනකය මගින් සපයන බලයෙන් සුළු කොටසක් පමනයි ඇත්තටම මෙවන් උපකරන වැය කරන්නෙ. එනිසා අවශ්‍ය ජනකයේ ධාරිතාව උපකරනයේ ක්ෂමතවයට වඩා සැලකියයුතු තරම් වැඩියි.
උදා: 230V, 250W පරිගනක යන්ත්‍රයක ක්ෂමතා සාධකය (power factor) ය 0.4 යයි සිතමු.

සක්‍රිය ක්ෂමතාවය = දෘශ්‍ය ක්ෂමතාවය x ක්ෂමතා සාධකය
250 W = දෘශ්‍ය ක්ෂමතාවය x 0.4

දෘශ්‍ය ක්ෂමතාවය = 250 / 0.4 = 625 VA
ලබාගන්නා ධාරාව = 625 VA / 230 V = 2.72A

එනම් මෙම පරිගනකය සදහා අවම වශයෙන් 625VA(ප්‍රායෝගිකව 700VA පමන) ධාරිතාවක් ඇති සැපයුමක් අවශ්‍ය වෙනවා. සැපයුම හා පරිගනකය අතර 2.72A ධාරාවක් ගලායන බව පෙනෙනවා. නමුත් විදුලි මීටරය සටහන් කරන්නේ 250W ක්ෂමතාවය පමනයි.

ප්‍රේරක (Inductor) මගින් ඇතිකරන වොල්ටීයතාව හා ධාරාවෙ කාලා වෙනසට ප්‍රතිවිරුද්ධ දිශාවට තමයි ධාරිත්‍රක (Capacitor) මගින් කලා වෙනස ඇතිකරන්නෙ. එනිසා ප්‍රේරනමය භරයක් (Inductive load)මගින් ඇතිකරපු කලාවෙනස එයට සමාන්තරගතව සම්බන්ධ කරන ධාරිත්‍රකයක් මගින් නැතිකරන්න හෝ අඩුකරන්න පුලුවන්. මේකට තමයි ක්ෂමතා සාධක නිවරදි කරනය (power factor correction) කියන්නෙ. මෙමගින් ක්ෂමතා සාධකය අඩු තිබුනු උපකරන වල ක්ෂමතා සාධකය වැඩි කරගන්න පුලුවන්. නමුත් සක්‍රිය ක්ෂමතාවයට මෙයින් කිසිදු බලපෑමක් වෙන්නෙ නැහැ. මෙයින් වෙන වාසිය තමයි සම්බන්ධක වයරයන් තුලින් අඩු ධාරාවක් ගලායාම ( සිහින් වයර භාවිතයට හැකි වීම, වයර රත්වීම අඩුවීම - මේ සදහා අදාල කැපෑසිටරය අදාල භාරයට හැකිතරම් ලගින් සවි කරන්න ඕනා) හා අඩු VA ධාරිතාවක් සහිත බලසැපයුමක් භාවිතා කරන්න පුලුවන් වීම.

අපෙ නිවෙස් වලට සපයන විදුලි තරංගයේ හැඩය කවුරුත් දන්න විදිහට සයිනකාරයි. ඉතින් මේකට බල්බයක් වගෙ සම්බන්ද කලොත් ඒක ලබාගන්නා ධාරාවත් සයිනාකාරයි. නමුත් CFL, පරිගනක, ඉලෙක්ට්‍රොනික පංකා පාලක (Electronic fan controller) වගෙ දේවල් ධාරාව ලබා ගන්නේ යම් සුලු කාලකට විතරයි. එතකොට ඒවගෙ උපකරන ලබාගන්නා ධාරාවේ තරංග හැඩය සයිනාකාර බවෙන් සෑහෙන තරම් වෙනස් වෙනවා. ඉතින් මේ විදිහට තරංග හැඩය වෙනස් වීම තමයි තරංග හැඩ විකෘති (Waveform distortion) කියලා කියන්නේ.

සංකීර්ණ ගණිත ක්‍රම පාවිච්චි කරලා අපිට පුලුවන් ඕනෑම තරංග හැඩයක් එහි මූලික සංඛ්‍යාතයේ හා එහි ගුනාකාර වල සයිනාකාර තරංග ගනනාවක එකතුවක් විදිහට දක්වන්න. මේ ක්‍රමයේ දී මූලික සංඛ්‍යාතයේ (fundamental frequency) ගුනාකාරවලට කියන්නෙ ප්‍රසංවාද (Harmonics - හාර්මොනික්ස් ) කියලා. 2 ගුනාකාරය - දෙවැනි ප්‍රසංවාදය (2nd harmonic), 3 ගුනාකාරය - තෙවැනි ප්‍රසංවාදය (3rd hormonic) ආදී වශයෙන්.

Pure sine wave

Sine wave with Triangular like distrotion

Square wave like distrotion

Wave form similar to CFL current - Note: Harmonics are greater than the fundamental

යම් තරංගයක මූලික සංඛ්‍යාතයට අමතරව තියෙන හාර්මොනික්ස් ප්‍රමානය එම තරංග හැඩයේ විකෘතිතාවය පිලිබද මිනුමක් විදිහට පාවිච්චි කරනවා. මේ මිනුමට කියන්නෙ මුළු ප්‍රසංවාදී විකෘතිය (Total Harmonic Distortion) නත්නම් "THD" කියලා. මේක ප්‍රතිශතයක් විදිහට තමයි සදහන් කරන්නෙ. මේ මිනුම බලසැපයුම්ක තත්වය (power quality) පිලිබදව කතාකරද්දී සැලකෙන ප්‍රධානම සාධකයක්. බල සැපයුමක වොල්ටීයතාවය ප්‍රායොගිකව 100% ක්ම සයිනාකාර නැහැ. ලංකාවෙ මම නිරීක්ෂනය කරපු විදිහට වොල්ටීයතාවේ විකෘතිය THD 2% - 7% පමන උනා.

මට බලන්න පුලුවන් වුන උපකරන කීපයක power factor හා ධාරාව සදහා ලැබුනු THD අගයන් පහල වගුවෙ තියෙනවා.

මීලග ලිපියෙන් ගෘහස්ථ විදුලි මීටරයක ක්‍රියාකාරීත්වය ගැන ලියන්න බලාපොරොත්තු වෙනවා. එතෙක් මේ ලිපියෙ තියෙන දේ ගැන නොපහැදිලි දෙයක් තියෙනවා නම් comment එකක් දාන්න.

ඕනෑම හුවාවි Huawei HSDPA USB මොඩමයක් නොමිලේම Unlock කරගන්නේ මෙහෙමයි

noreply@blogger.com (Sadeepa) — Fri, 26 Mar 2010 11:33:00 +0000

මොඩෙම් lock/unlock කිරීම ලංකාවේ නීති විරෝදී දෙයක් නෙවෙයි. ඒත් එමගින් තමන්ගේ සේවාදායකයා සමග ඇති සෙවා ගිවිසුම අවලංගු වෙන්න පුලුවන්. ඒක නිසා මේක කරන්න කලින් ඒ ගැන සැලකිලිමත් වෙන්න.
මේ කියන ක්‍රමය Huawei USB 3G/HSDPA මොඩෙම් ඕනෙම මාදිලියකට වලංගුයි.

මොඩෙම් එකක් unlock කරගන්න මුලින්ම ඔන වෙන්නෙ අදාල කේත අංකයයි (unlock code). හුවාවි මොඩෙම් සදහා මේ කේත අංකය පදනම් වෙලා තියෙන්නෙ මොඩෙම් එකේ IMEI නොම්බරය මතයි. ඒක නිසා මුලින්ම මොඩෙම් එකෙ IMEI අංකය හොයගන්න. මේක ඉලක්කම් 15 ක නොම්බරයක්. මේක මොඩමෙයෙම හෝ ඇසිරුමෙ සදහන් කරලා තියෙනවා. නැත්නම් Mobile partner එකෙ Tools -> Diagnostic යටතේ බලාගන්න.

මෙ අංකය 354300020014078 යයි සිතමු. දැන් අදාල unlock කෙතය සොයගමු. මේකට කරන්න තියෙන්නෙ IE, Firefox වගේ ඕනම browser එකක් ඇරලා address එක වශයෙන්
http://bb5.at/huawei.php?imei=###############
ලබ දෙන එකයි. මේ address එකේ ############## වෙනුවට මොඩමයේ IMEI අංකය යොදගන්න. අපේ උදාහරනයේ විදිහටනම්
http://bb5.at/huawei.php?imei=354300020014078

(needs internet connection)

එවිට ඔබට මෙවන් පිටුවක් ලැබෙවි. මෙකෙ අදාල unlock code එක සදහන් වෙනවා.

අපේ උදාහරනයේ විදිහටනම් unlock code එක 41850586

දැන් කොහොමද unlock කරන්නේ. වෙන SIM එකක් දැම්මම Mobile partner ම unlock code එක ඉල්ලනවා නම් මේ code එක එන්ටෙර් කරන්න. එහෙම නැත්නම් පහත ක්‍රමය කරන්න

මුලින්ම මොඩෙම් එක සම්බන්ධ කරලා mobile partner රන් මෙවවනම් එකෙන් exit වෙන්න. ඊට පස්සෙ settings->control panel->system->hardware->device manager open කරගන්න. දැන් ports යටතේ HUAWEI Mobile Connect – 3G PC UI interface කියන එක හොයාගෙන එකත් එක්ක තියෙන COM පොර්ට් නොම්බරය බලාගන්න.

අපේ උදාහරනයේ විදිහටනම් COM4.

ඊලගට programs ->accessories ->communications –>Hyperterminal
වෙත ගොස් HyperTerminal window ලබාගෙන කලින් බලාගත් පොර්ට් එකට සදහා පිහිටුම් සකස් කරගන්න.

දැන් HyperTerminal එක connect කරගන්න.

දැන් මේ එකේ AT (A යතුර, T යතුර සහ Enter යතුර) විධානය ලබාදෙන්න. එතකොට සියල්ල නිවරදිව තිබෙනම් "OK" යනුවෙන පිලිතුරු ලබෙවි. මීලගට

AT^CARDLOCK= "########" විධානය ලබාදෙන්න. ######## කියන්නේ අදාල කේත අංකයයි. අපේ උදාහරනයේ විදිහටනම්
AT^CARDLOCK="41850586"

එවිට පිලිතුරු වශයෙන්
^CARDLOCK 2,10,0 ලබෙවි.

දැන් unlock කිරීම ඉවරයි. මොඩෙම් එක කැමති විදිහකට පාවිච්චි කරන්න පුලුවන්. වෙනස් පිලිතුරක් ලැබුනොත් යම් තැනක වරදක් වෙලා තියෙනවා. නැවත උත්සාහ කරන්න කලින් මේකෙ comment එකක් දාන්න. (උත්සාහ කරන්න පුලුවන් 10 වරක් පමනයි).

මෝටර් රථ ප්‍රධාන පහනට LED

noreply@blogger.com (Sadeepa) — Fri, 26 Mar 2010 03:40:00 +0000

ටික කලකට කලින් අපි ආලෝකය නිපදවාගන්න පාවිච්චි කලේ ටංග්ස්ටන් සූත්‍රිකා පහන් (tungsten filament lamps), ඊටත් කලින් නම් කාබන් සූත්‍රිකා පහන්. මෙවා ක්‍රමයෙන් ප්‍රතිදීපන පහන් (fluorescent lamps) වලට, සංගත ප්‍රතිදීපන පහන් (compact fluorescent lamps - CFL) වලට මාරු වෙලා. ඊටත් පස්සෙ අද කාලේ බොහොමයක් අවශ්‍යතා වලට ආලොක විමෝචක ඩයොඩ (light emitting diodes - LED) ජනප්‍රිය වෙලා තියෙනවා. මේ ලිපියෙන් ලියන්න යන්නෙ මේ LED කොහොමද මොටර් රථවල ප්‍රධාන පහන් (Headlights) සදහා යොදාගෙන තියෙන්නෙ කියලා. මේ කියන්නේ වහනයක් ගත්තට පස්සෙ එකෙ තියෙන පහන ගලවලා ඒකට LED එකක් හයිකරන එක ගැන නෙවෙයි, නිශ්පාදකයාම සවිකරන LED පහන් ගැනයි.

මෝටර් රථ වල ප්‍රධාන පහනට LED යොදා ගැනීම සම්බන්ධයෙන් අවුඩි (Audi), ටොයොටා (Toyota) සහ ජෙනෙරල් මෝටර්ස්(General Motors) සමාගම් ඉදිරියෙන්ම ඉන්නවා. මුලින්ම වගෙ මේ LED ප්‍රධානපහන් තියෙන මොටර් රථ වෙලදපොලට ඉදිරිපත් කරල තියෙන්නෙ ලෙක්සස් (Lexus) LS600h (2008) මාදිලියේයි.

මේකෙ LED යොදාගෙන තියෙන්නෙ සලකුනු ආලෝකය (park light, marker light) සහ අඩු ආලෝක ධාරාව (Low beam, Dipped beam) සදහා පමනයි. ප්‍රධාන වැඩි ධාරාවට (High beam, Main beam) යොදාගෙන තියෙන්නෙ සාමාන්‍ය HID (High Intensity Discharge) වර්ගයේ පහනක්. අඩු ආලෝක ධාරාව සදහා LED එක බැගින් ඇති ආලෝක ප්‍රක්ශේපක (light projectors) 3ක් යොදාගෙන තියෙනවා. ඉතිරි ආලෝක රටාව සදහා තවත් LED 2ක් මේවට පහලින් යොදාගෙන තියෙනවා. මේ LED 700mA බැගින් වන ධාරාව කින් තමයි පනගන්වලා තියෙන්නෙ.

තවත් මේවගේ රථයක් තමයි කැඩිලැක් එස්කලාඩෙ (Cadillac Escalade) 2008 රථය. මේ මාදිලියේ නම් ප්‍රධාන ධාරාවටත් යොදාගෙන තියෙන්නෙ LED ම තමයි.

a b

c d

a) සියලු පහන් නිවා ඇතිවිට
b) දිවා ධාවන ලාම්පු දල්වා ඇතිවිට
c) ප්‍රධාන ධාරාව හැර ඉතිරි පහන් දල්වා
d) ප්‍රධාන ධාරාව දල්වා ඇතිවිට

OSRAM සමාගම නිපදවන LED චිපයන් යොදාගෙන මේ ලාම්පු ඇසිරුම සහ පාලන පද්ධතිය හදලා තියෙන්නෙ Hella සමාගම.

තවත් විශේෂ මොටර් රථයක් තමයි අවුඩි (Audi) R8, 2008. ඉදිරිපස සියලුම ලාම්පු සදහා LED භාවිත කරන පලමු මෝටර් රථ මාදිලිය මෙකයි. මෙහි එක පැත්තක ලාම්පු ඇසුරුමක් සදහා LED 54 යොදාගෙන තියෙනෙවා. එකලග පෙලට තබන LED 24 ක් දිවා ධාවන ලාම්පු (රූපයේ දැල්වී ඇති ලෙස පෙනෙන) ලෙසද, ඊට ඉහලින් හැරවුම් සංඥා (signal lights) සදහා LED 8 ක තීරුවක් ද, පරාවර්තන කොපු දෙකක LED 4 බැගින් සහ අධි ක්‍රියාකාරී කාචයක් (high performance lens) සමග LED දෙක බැගින් වන කට්ටල තුනක් අඩු ආලෝක ධාරාව සදහාද, අමතරව ප්‍රධාන ආලෝක ධාරාව සදහා LED 4 බැගින් වන කට්ටල 2 ද යොදාගෙන තියෙනවා. මෙහි යොදාගන්න LED වල ආරක්ෂාවට වායු සිසිලන පද්ධතියක්ද මෙයට ඇතිලත් වෙනවා.

Audi A8 2010 මාදිලිය මීට බොහෝ දුරට සමානයි. මේ OSRAM සමාගම නිපදවන LED ත් 700mA බැගින් වන ධාරාව කින් තමයි පනගන්වලා තියෙන්නෙ. LED එකක් ලූමන් 165 ක ආලෝක ප්‍රමානයක් පිටකරයි.
පහල රූපවලින් පෙනෙන්නෙ මේ යොදාගැනීමයි.

ප්‍රධාන ධාරාව (main beam) දල්වා ඇතිවිට

අඩු ආලෝක ධාරාව (Dipped beam)දල්වා ඇතිවිට

නිශ්පාදකයන් කියන විදිහට මේ LED වලින් දැනට භාවිතා කරන උසස් තත්වයේ HID පහන් වලින් ලැබෙන ගුනාත්මක බව ලබාහන්න අමාරු බවයි. ඒක නිසාම අවුඩි සමාගම තමන්ගෙ A8 2012/2013 මාදිලි සදහා මේ ඉදිරි ලාම්පුව නැවත ප්‍රතිනිර්මානය කරලා තියෙනෙවා. පහල රූපයෙන් පෙනෙන්නෙ මේ යොදාගැනීමයි.

a) සංඥා ලාම්පු
b) හැරවුම් ලාම්පුව (Cornering Lamp)
c) දිවා ධාවන ලාම්පු/ සලකුනු ආලෝකය
d) අඩු ආලෝක ධාරාව (Low beam, Dipped beam) - ඒකක 6
e) ප්‍රධාන ධාරාව (High beam) - ඒකක 3

ඉතින් දැනට නම් මේ වගේ සුපිරි සුඛෝපභෝගී වාහන වල විතරයි LED ප්‍රධාන ලාම්පු තියෙන්නෙ.

LED පහන් වල ප්‍රධාන වාසි විදිහට කියන්නෙ

(*)වැඩි කාර්යක්ෂමතාවය (අඩු වොට් ප්‍රමානයකින් වැඩි ආලෝක ප්‍රමානයක්) - මෙමගින් එන්ජිමට ඇති භාරය (load) අඩු වීමෙන් යම් ඉන්ධන පිරිමැසීමක් බලාපොරොත්තු වෙනවා. ඒවගෙම ලාභදායී සිහින් වයරයන් පාවිච්චි කරන්නත් පුලුවන්.

(*)මේවායෙ ආලොකයේ වර්නය සූර්යාලෝකයේ වර්නයට බොහෝ ඩුරට සමානයි. ඒ නිසා රියදුරුගේ ඇස් වලට ඇතිවන විඩාව අඩු වෙනවා සහ හොන්ඩ පෙනීමක් ද් ලැබෙනවා.

(*)Cornering light, Auto dim lights, Anti glare lights වැනි සුපිරි ක්‍රියාකරීත්වයක් ඇති ලාම්පු නිශ්පාදනය පහසු කරනවා.

(*)ඒ වගේම සාමාන්‍ය පහනකට වඩා දිගුකල් පැවත්මක් LED වලට තියෙනවා.

LED පහන් වල ප්‍රධාන අවාසි විදිහට තියෙන්නෙ

(*)මිල අධික වීම - දැනට සාමාන්‍ය ප්‍රධාන පහනක මිල වගෙ 4 ගුනයක් පමන වෙනවා.

(*)නීතිමය අවසරයන් ලබා ගැනීමේ ගැටලු - ඇමරිකාව, යුරෝපා සංගමය රටවල වාහන වල ආලෝක කරනය ගැන දැඩි නීතිරීති තියෙනෙවා (ලංකාවේ ...???). අවුඩි, වැනි සමාගම් කලින් කියපු මාදිලි සදහා ඒ ඒ රටවලින් විශේෂ අවසර ලබාගෙන තියෙනවා.

(*)ඒ වගේම මේවාට ඕනෙකරන අධිබල LED නිපදවන්නන් සීමිත වීමත් ගැටලුවක්.

(*)රත්වීම සහ ඒ ආශ්‍රිත් සිසිලනයත් LED වලට ආවේනික ගැටලුවක් වෙලා. අපි පාවිච්චි කරන කුඩා LED රත් නොවුනත් ප්‍රධාන පහන් වල භාවිතා කරන අධිබල LED සෑහෙන පමන රත් වෙනවා. සාමාන්‍ය සූත්‍රිකා පහනක නම් නිපදවෙන තාපයෙන් වැඩි කොටසක් අධෝරක්ත කිරන (Infra Red -IR) විදිහට පහන ඉදිරිපසින් පිටවෙලා යනවා. ඒවගේ ලාම්පුවක් ඉස්සරහින් අත ඇල්ලුවම රස්නයක් දැනෙන්නෙ මේනිසායි. LED වලදී ප්‍රශ්නය තියෙන්නෙ නිපදවෙන තාපය ඉදිරිපසින් පිට නොවීමයි. මේ තාපය සම්බන්දක වයර දිගේ කාර්යක්ශම ලෙස ඉවත්කරගන්න ඕනා. නැත්නම් LED එකේ අර්ධසන්නායක සංධිය අධික ලෙස රත්වෙලා LED එකට හානි වෙන්න වගේම එහි කාර්යක්ශමතවය අඩු වෙන්නත් හේතුවෙනවා. මේ නිසා සුදුසු සිසිලන පද්ධති සහ උනුසුමට ඔරොත්තුදෙන පරාවර්තක හදන්නත් ඕනෙ.

අපිට ගන්න පුලුවන් මට්ටමේ වාහනයකට මේවිදිහ LED පහන් එන්න නම් 2015 විතර වෙනකම් ඉන්න වෙයි කියලා තමයි අපේක්ශාව.

(රූප ලබාගත්තේ OSRAM, HELLA International, AUDI සමාගම් වෙබ් අඩවි වලින්)

පසු සටහන (29/05/2011) -
එලකිරි සමූහයේ RLT4U නැමති අය මේ ලිපිය අමු අමුවේම කොපිකර තමන්ගේ වැඩක් බව පවසයි. ඊට අමතරව මේ බ්ලොග්යද ත්මනිගෙ බව පවසයි. කරුණාකර මෙවන් වංචනිකයන්ට නොරැවටෙන මෙන් ඉල්ල සිටිමි.
-සදීප සේපාල

ජංගම දුරකතන (හා ආශ්‍රිත වෙනත් සේවා ) සදහා ගුවන්විදුලි තරංග භාවිතය - 2

noreply@blogger.com (Sadeepa) — Thu, 11 Mar 2010 07:15:00 +0000

මේ ලිපියේ පළමු කොටසින් එක් එක් සේවාවන් සදහා පාවිච්චි කරන් සංඛ්‍යාතයන් ගැන ලියුවා. මේ කොටසින් අපි ලංකාවේ ජංගම දුරකතන සදහා පාවිච්චි කරන EGSM-900, DCS-1800 හා WCDMA-2100 සංඛ්‍යාත පරාස ගැන සවිස්තරව බලමු.

GSM/3G ජංගම දුරකතනයක් සාමාන්‍යයෙන් තමන් සම්බන්ධ වෙලා තියෙන ජාලය සමග පනිවුඩ හුවමරු කරගන්න ගුවන් විදුලි සංඛ්‍යාතයන් දෙකක් පාවිච්චි කරනවා. මෙයින් එක් සංඛ්‍යාතයක් ජංගම දුරකතනයේ සිට ජාල වෙත පනිවිඩ යැවීමට යොදා ගන්නවා. මේකට කියන්නේ උඩුසබැදුම (uplink - අප්ලින්ක්) කියලා. අනිත් සංඛ්‍යාතය පවිච්චි කරන්නේ ජාලයේ සිට දුරකතනයට එන පනිවුඩ ලබාගන්න. මේකට කියන්නේ යටිසබැදුම (downlink - ඩවුන්ලින්ක්) කියලා. මේකියන සංඛ්‍යාත දෙකේ තමයි සියලුම පාලන නාලිකා (control channels), වාහක නාලිකා (traffic channels) සම්ප්‍රේශනය කරන්නේ. ඒ ගැන විස්තර වෙලව ලබෙන හැටියට වෙනත් ලිපියක ලියන්න හිතාගෙන ඉන්නවා.

කලින් කියපු හෙතුව නිසා හැම GSM/3G සංඛ්‍යාත පරාසයක්ම උඩුසබැදුම් කලාපය (uplink sub band), යටිසබැදුම් කලාපය (downlink sub band) සහ කලාප හිඩස (band gap) යනුවෙන් උපපරාස තුනකට බෙදලා තියෙනෙවා. මේවායින් උඩුසබැදුම් කලාපය සහ යටිසබැදුම් කලාපය 200KHz කලාප-පළලක් (Band width) ඇති නාලිකා ගනනාවකට බෙදා තියෙනෙවා. මේ එක් එක් උඩුසබැදුම් නාලිකාවට හා ඊට අනුරූප යටිසබැදුම් නාලිකාවට සම්මත නාලිකා අංකයක් (channel ID) තියෙනෙවා. මේ නාලිකා අංකය මගින් තමයි එක් එක් දුරකතන හෝ ජාලයන් පාවිච්චි කරන සංඛ්‍යාතයන් ගැන සදහන් කරන්නේ.

රූපයේ පෙන්වලා තියෙන විදිහට යම් දුරකතනයක් නාලිකා අංක1 (CH-1) පාවිච්චි කරනවායයි අදහස් කරන්නේ උඩුසබැදුම සදහා 890.2 MHz ද යටිසබැදුම සදහා 935.2 MHz ද පාවිච්චි කරනවා කියන එකයි.

දැන් අපි ලංකාවේ GSM/3G සංඛ්‍යාත පරාසයන්ගෙ භාවිතව බලමු.

EGSM-900 පරාසය

GSM දුරකතන සදහා භාවිතා කරන මුල්ම හා ප්‍රධානම පරසය. දැනට මේ පරාසය සම්පූර්නයෙන්ම පාවිච්චියට අරගෙනයි තියෙන්නෙ.

DCS-1800 පරාසය

EGSM-900 පරාසයට අමතරව බහුලවම භාවිත කරන පරාසයයි. දැනට සම්පූර්නයෙන්ම පිරිල නැහැ. මේ පරාසය තුල ඩයලොග් සදහා කලාප දෙකක් වෙන්කරල තියෙනවා. ඒවගෙම ජංගම දුරකතන සේවා පටන්ගන්න බලාපොරොත්තුවෙන් ඉන්න ඉලෙක්ට්‍රෝටෙක්ස් (Electrotex –Reliance group) ආයතනයට සම්මත උඩුසබැදුම් සීමාවට වඩා පරාසයකට (1785MHz to 1795MHz) බලපත්‍ර ඇතිබවත් සදහන් වෙනවා. හච් සදහාත් මෙ පරාසයේ සංඛ්‍යාත වෙන්කර තිබුනත් එවා සක්‍රියව පාවිච්චි වෙන බවක් නම් පෙන්න නැහැ.

WCDMA-2100 (IMT-2100) පරාසය

ලංකාව තුල 3G / 3.5G / HSDPA / HSUPA / HSPA සෙවා සදහා භවිත වෙන්නෙ මෙ පරාසයයි. දැනට මේ පරාසය තුල මොබිටෙල්, ඩයලොග් සහ එයාර්ටෙල් ආයතන සක්‍රිය සේවා පවත්වාගෙන යනවා.

මේවාට අමතරව විදුලි සංදේශ නියාමන කොමිසම(TRC) 4G (LTE) හා WiMax සදහා අලුත් සංඛ්‍යාත පරාස ජනවාරි මසදී නිකුත් කරන්න සූදානම් වෙලා තිබුනා. ඒත් තවම ඒගැන හරි තොරතුරක් නැහැ. දන්න කෙනෙක් ඉන්නෙව නම් මේකෙ comment එකක් දාන්න.

ජංගම දුරකතන (හා ආශ්‍රිත වෙනත් සේවා ) සදහා ගුවන්විදුලි තරංග භාවිතය - 1

noreply@blogger.com (Sadeepa) — Wed, 10 Mar 2010 03:49:00 +0000

ලංකාවේ අද වන විට මිලියන 12 කට අධික ජංගම දුරකතන සංඛ්‍යාවක් භාවිත කෙරෙනෙවා. වෙන විදිහකට කිව්වොත් ලංකාවෙ ජනගහනයෙන් හැම 100 කටම මොබිල් ෆොන් 62 ක් තියෙනෙවා. මේ හැම ජංගම දුරකතනයක්ම වැඩ කරන්නේ ගුවන් විදුලි තරංග උදව් කරගෙන. මේ ගුවන් විදුලි තරංග විවිධ පරාසයන්ට අයත් වෙනෙවා. ඒ වගේම ගුවන්විදුලි තරංග වලින් මිනිසුන්ට වෙන අහිතකර බලපෑම් ගැනත් ලොකු උනන්දුවක් ඇතිවෙලා තියෙනෙවා. ඒක නිසා මට හිතුනා ලංකාවේ මෙ දුරකතන සදහා පාවිච්ච්කරන ගුවන්විදුලි තරංග පරාසයන් ගැන සටහනක් ලියන්න.

ජංගම දුරකතන වලට අමතරව වෙනත් බොහොමයක් සංනිවේදන සේවාවන් හා උපකරන සදහාත් මෙ ගුවන් විදුලි තරංග භාවිත කරනවා. ඒක නිසා අපි මුලින්ම බලමු ඒ වෙනත් සේවාවන් වල පාවිච්චි කරන ගුවන් විදුලි තරංග සංඛ්‍යාත එක්ක කොහොමද මේ ජංගම දුරකතන සංඛ්‍යාත පිහිටලා තියෙන්නෙ කියලා. පහල රූපයෙන් පෙන්වලා තියෙන්නේ ගුවන් විදුලි තරංග වර්නාවලියේ (Radio Frequency Spectrum) සරල සටහනක්. මේකෙ පෙන්වන දේ ගැන පොඩ්ඩක් විස්තර බලමු.

A: මධ්‍යම තරංග විකාශනය: මෙගා හර්ට්ස් 0.5265 සිට මෙගා හර්ට්ස් 1.6065 දක්වා
(Medium Wave Broadcasting: 0.5265MHz to 1.6065MHz)
කලකට ඉස්සර මේ පරාසය මධ්‍යම තරංග ගුවන් විදුලි සේවාවන් සදහා භාවිතා කරා, ඒත් දැන් මෙ පරාසයේ භාවිතාවක් නැති තරම්.

B: කෙටි තරංග විකාශනය: මෙගා හර්ට්ස් 1.8 සිට මෙගා හර්ට්ස් 30 දක්වා
(Short Wave Broadcasting: 1.8MHz to 30MHz)
කලකට ඉස්සර මේ පරාසය කෙටි තරංග ගුවන් විදුලි සේවාවන් සදහා භාවිතා කරා, ඒත් දැන් මෙ පරාසයේ භාවිතාවක් ගොඩාක් අඩුයි. මේ ගුවන් විදුලි සේවාවන් බොහොමයක්ම දිගුදුර විකාශන ( විදේශ රටවලට ) සදහා තමයි යොදාගත්තෙ. දැනටත් ලංකාවේ ඒකල, ත්‍රිකුනාමලය, ඉරනවිල සහ පුත්තලම යන් තැන්වල තියෙන විකාශනාගාර වලින් මේ පරාසයේ සම්ප්‍රේශන කටයුතු කෙරෙනෙවා. මේවායේ යොදාගන්නා සම්ප්‍රේශන බලය වොට් 300,000 තරම් ප්‍රබලයි. සරලව තනි පරාසයක් ලෙසට පෙන්වලා තිබුනත් මෙක උපපරාසයන් ගනනවක් තියෙනවා. මේ සමහර උපපරාස ආධුනික ගුවන් විදුලි (Amateur Radio) සේවා වැනිදේටත් වෙන්කරලා තියෙනෙවා.

C: රූපවාහිනී VHF-I: මෙගා හර්ට්ස් 54 සිට මෙගා හර්ට්ස් 68 දක්වා
රූපවාහිනී සේවා සදහා යොදාගන්නා මේ පරාසය VHF – L band, VL Band, VHF – Low band ලෙසද හදුන්වනවා.

D: FM ගුවන් විදුලි විකාශනය: මෙගා හර්ට්ස් 87 සිට මෙගා හර්ට්ස් 108 දක්වා
මේ පරාසය VHF – II band ලෙසද හදුන්වනවා.

E: රූපවාහිනී VHF-III: මෙගා හර්ට්ස් 174 සිට මෙගා හර්ට්ස් 230 දක්වා
රූපවාහිනී සේවා සදහා යොදාගන්නා මේ පරාසය VHF – HI band ලෙසද හදුන්වනවා.

F: රූපවාහිනී UHF: මෙගා හර්ට්ස් 470 සිට මෙගා හර්ට්ස් 806 දක්වා

G: GSM-850 පරාසය: මෙගා හර්ට්ස් 824 සිට මෙගා හර්ට්ස් 894 දක්වා
GSM දුරකතන සදහා භාවිතා කරන සම්මත පරාසයක්. ඇමරිකාව කැනඩාව වගෙ රටවල බහුලව භාවිත්කලත් ලංකාවෙ ඒ සදහා භාවිතාවක් නැහැ.

H: EGSM-900 පරාසය: මෙගා හර්ට්ස් 880 සිට මෙගා හර්ට්ස් 959.8 දක්වා
GSM දුරකතන සදහා මුල සිටම භාවිතා කරන සම්මත පරාසයයි. ලංකාවෙ දැනට බහුලවම පාවිච්චි කරන්නෙ මේ පරසය තමයි. ලංකාවෙ ජංගම දුරකතන සේවා සපයන ආයතන සියල්ලම මේ පරාසය පවිච්ච් කරනවා.

GPS පරාසය: මෙගා හර්ට්ස් 1227.60 සහ මෙගා හර්ට්ස් 1575.42
සටහනේ දක්වා නැතත් GPS සදහා පාවිච්චි කරන්නෙ මේ සංඛ්‍යාතයන් දෙකයි. ඉදිරියෙදී මේක සංඛ්‍යාත 5ක් දක්වා වැඩි වෙන්න නියමිතයි.

I: DCS-1800 පරාසය: මෙගා හර්ට්ස් 1710.2 සිට මෙගා හර්ට්ස් 1879.8 දක්වා
සම්මත GSM සංඛ්‍යාත පරාසයක්, ලංකාවෙ සහ යුරෝපා රටවල බහුලව භාවිතා කරයි. බොහෝ සෙවදායකයින් GSM-900 පරාසයේ ධාරිතව මදිවන විට මේ පරාසය පාවිච්චි කරනවා.

J: PCS-1900 පරාසය: මෙගා හර්ට්ස් 1850 සිට මෙගා හර්ට්ස් 1990 දක්වා
GSM දුරකතන සදහා භාවිතා කරන සම්මත පරාසයක්. ඇමරිකාව කැනඩාව වගෙ රටවල බහුලව භාවිත්කලත් ලංකාවෙ ඒ සදහා භාවිතාවක් නැහැ.

K: WCDMA-2100 (IMT-2100) පරාසය: මෙගා හර්ට්ස් 1920 සිට මෙගා හර්ට්ස් 2170 දක්වා
සම්මත 3G දුරකතන පරාසයන් ගෙන් එකක්. දැනට ලංකාවෙ 3G, HSDPA, HSPA සදහා පවිච්චි කරන්නෙ මේ පරාසයයි.

L: ISM 2.4GHz පරාසය: මෙගා හර්ට්ස් 2400 සිට මෙගා හර්ට්ස් 2500 දක්වා
කුඩා බල ප්‍රමානයන් සදහා බලපත්‍ර අවශ්‍ය නොවන සංඛ්‍යාත පරාසයක් (ලංකාවේදී බලපත්‍ර අවශ්‍ය නොවන්නේ මේ පරාසයෙන් සීමිත කොටසකට පමනි). මේ නිසා බොහො කටයුතු සදහා යොදාගන්නා අධික තදබදයක් සහිත සංඛ්‍යාත පරාසයක්. මේ පරාසයේ සංනිවේදන කටයුතු වලින් WiFi (802.11b/g), Bluetooth, හා ZigBee (802.15) ප්‍රමුඛ වන අතර ගෙදර දොරේ පවිච්චිකරන Microwave oven හා සමහර Cordless phone වැඩ කරන්නෙත් මේ පරාසයේ තමයි.

M: WiMax – 3.6GHz පරාසය:
දැනට ලංකාවෙ WiMax (802.16)සදහා පවිච්චි කරන්නේ මෙ පරාසයයි.

N: ISM 5GHz පරාසය:
කුඩා බල ප්‍රමානයන් සදහා බලපත්‍ර අවශ්‍ය නොවන සංඛ්‍යාත පරාසයක් (ලංකාවේදී බලපත්‍ර අවශ්‍යද ??). මේ පරාසයේ සංනිවේදන කටයුතු වලින් WiFi (802.11a), ප්‍රමුඛ වන SLT(SkyNet) WiMax සදහා යොදා ගනිතැයි බලපොරොත්තු වේ.

C පරාසය: ගිගා හර්ට්ස් 4 සිට ගිගා හර්ට්ස් 8 දක්වා
C band : 4GHz to 8GHz
චන්ද්‍රිකා මගින් කරන රූපවාහිනි විකාශයන් සදහා යොදාගන්නා පරාසයකි. ඇනලොග් ක්‍රමයට සම්ප්‍රේශන කටයුතු වලට බහුලව යොදාගත්තද දැන් දැන් ජනප්‍රියතාවය අඩු වෙමින් පවතියි.

Ku පරාසය: ගිගා හර්ට්ස් 12 සිට ගිගා හර්ට්ස් 18 දක්වා
Ku band : 12GHz to 18GHz
චන්ද්‍රිකා මගින් කරන රූපවාහිනි විකාශයන් සදහා යොදාගන්නා පරාසයකි. ඩිජිටල් ක්‍රමයට සම්ප්‍රේශන කටයුතු වලට බහුලව ගනියි. Dialog TV සදහා යොදාගන්නේ මේ පරාසයයි.

Ka පරාසය: ගිගා හර්ට්ස් 26.5 සිට ගිගා හර්ට්ස් 40 දක්වා
Ka band : 26.5GHz to 40GHz
ලංකාවේ බහුලව නැති වුනත් පොලිසිය වැනි ආයතන පවිච්චිකරන වාහන වේග දර්ශක (Vehicle speed detecter) මේ පරසය පාවිච්චි කරයි.

7GHz, 11GHz, 13GHz, 15GHz, 18GHz, 23GHz, 26GHz පරාස:
කුඩා කලාප-පළලක් (Band width) සහිත මේ සංඛ්‍යාත පරාස බොහෝවිට යම් නියමිත ස්ථාන දෙකක් අතර (point to point) සංනිවේදන කටයුතු සදහා යොදා ගන්නවා. ලංකාවේ ජංගම දුරකතන සේවාදායකයන් තමන්ගේ සම්ප්‍රේශන කුළුණු එකිනෙක සම්බන්ධ කරන්න පාවිච්චි කරන්නෙ මේ සංඛ්‍යාත පරාසයන් තමයි.

මේ ලිපියේ දෙවෙනි කොටසින් අපි EGSM-900, DCS-1800 හා WCDMA-2100 පරාසයන් ගැන සවිස්තරව කතාකරන්න බලාපොරොත්තු වෙනවා.

ටොයෝටා වාහන අලෙවිය අත්හිටුවා මිලියන ගනනක් වාහන නැවත කැදවයි !!! ???

noreply@blogger.com (Sadeepa) — Mon, 08 Feb 2010 07:46:00 +0000

ටොයොටා සමාගම 2010 ජනවාරි මස නිකුත් කල නිවේදනයට අනුව එම සමාගම විසින් නිෂ්පාදනය කර අලෙවිකරණ ලද වාහන වර්ග ගනනාවක් ආපසු කැදවලා. මේ නැවත කැදවීමට අදාල මුළු වාහන ගනන මිලියන 6 ත් 8ත් අතර වෙනවා කියලා ඇස්තමේන්තු කරලා.
ඉතින් මේ නැවත කැදවපු වාහන හැකි ඉක්මනින් අළුත්වැඩියා කරන්න ටොයොටා සමාගම ලොකු පරිශ්ශ්‍රමයක් දරණවා. මේ කටයුතු ඉක්මන් කරන්න සමහර කර්මාන්තශාලා වල නිශ්පාදන නවත්වලා ඒ කාර්මික ශිල්පීනුත් අළුත්වැඩියා කටයුතුවල යොදවලා. නැවත කැදවලා ටියෙන වාහන ලයිස්තුව මෙහෙමයි.
2005 - 2010 Avalon
2007 - 2010 Camry
2009 - 2010 Corolla
2008 - 2010 Highlander
2009 - 2010 Matrix
2004 - 2009 Prius
2009 - 2010 Rav4
2008 - 2010 Sequoia
2005 - 2010 Tacoma
2007 - 2010 Tundra
2009 - 2010 VENZA

මේ ඔක්කොම වෙල තියෙන්නෙ නම් ඇමරිකාවෙ සහ ජපානයේ. ලංකාවෙත් මේ සමහර වර්ගවල වාහන පවිච්චි වෙනවා (Corolla, Camry, Rav4, etc…) නමුත් මේ නැවත කැදවෙම් ලංකාවේ පාවිච්චි කරන ටොයෝටා වාහන වලට බලපාන්නෙ කොහොමද් කියලා නම් මම තවම දන්නෙ නැහැ.

ඉතින් මොකක්ද මෙ නැවත කැදවීම් වලට හේතුව?
1) ඇක්සලරේටර පැඩලය බිම අවරනය (Floor Mat) මගින් අවහිර වීමට ඇති හැකියාව.

ඇක්සලරේටර පැඩලය තදින් පාගා ඇතිවිට බිම් ආවරනයේ පැටලීම නිසා වාහනය පාලනය කරගත නොහැකි වීම.

මේකට පිලියම් වශයෙන් එක් එක් වාහන වර්ගය අනුව බිම් ආවරනය මරු කිරීම, ඇක්සලරේටර පැඩල හැඩය මාරු කිරීම සහ බිම් තහඩු හැඩය වෙනස් කිරීම, ටොයොටා සමගම නොමිලයෙම කර දෙනවා.

2) ඇක්සලරේටර පැඩලය හිරවීම.

ඇක්සලරේටර පැඩල යාන්ත්‍රනයේ සිරවීමක් ඇතිවීම. මේ ඇක්සලරේටර පැඩල කේබලයකට සම්බන්ද වන ඒවා නෙවේ. ඇක්සලරේටර පැඩලයට සම්බන්ධ ඉලෙක්ට්‍රොනික සෙන්සර්යක් මගින් ත්‍රොටල් වල්වය පලනය කිරීම තමඉ වෙන්නෙ.

ඉතින් රියදුරුට සාමන්‍ය ඇක්සලරේටර පැඩලයක හැගීම ලබාදෙන්න මෙකට ඝර්ශනය ඇතිකරන කොටස් එකතුකර තියෙනෙවා. එ කොටසක් අනවශ්‍ය පරිදි හිරවෙන්න පුලුවන්ලු. ඒනිසා වාහනය පාලනය කරගන්න බැරුව අනතිරු සිදුවීම වලක්වාගන්න තමයි මේ නැවත කැදවීම.

මේකට පිලියම විදිහට අක්සලරෙටර යාන්ත්‍රනයෙ පොඩි වෙනසක් ටොයොටා සමාගම හදුන්වලඩීල තියෙනෙවා.

ඒවගෙම ඉලෙcට්‍රොනික පලකයේ මෘදුකාංග වෙනසකුත් කරනව කියලා ආරංචියි.

මේවාට අමතරව තවම නිල වශයෙන් දැනුම් දෙලා නැති යලි කැදවීමකුත් ආරංචියි. ඒතමයි 300,000 ක් විතර 2010 ඵ්‍රිඋස් වාහන යලි කැදවීමක්. මේකට හෙතු වෙල තියෙන්නෙ රළු පාරක යනකොට හදිසි බ්‍රේක් පහරකදී සුලු වෙලවකට බ්‍රේක් නොවදීයම. මේ ගැන ඇමරිකාවේ කොලරාඩෝ ප්‍රාන්තයේ උසාවියක නඩුවක් ගොනුකරලා සහ ඇමරිකාවේ මාර්ග ආරක්ෂණ අධිකාරිය () විදිමත් පරීක්ෂණයක් කරන්නත් නියම කරලා.
Prius කියන්නෙ දෙමුහුන් (Hybrid) වාහනයක්. ඒ කියන්නෙ විදුලි මොටරක් මගින් සහ පෙට්‍රල් එන්ජිමක් කියන දෙකකින්ම බලය සපයනවා. මේවයේ බ්‍රේක් පද්ධතිය කොටස් දෙකකි වැඩකරන්නෙ. එකකට කියන්නෙ ප්‍රතිජනක තිරිංග පද්ධතිය (රීජෙනරේටිව් බ්‍රේරෙක් - regenerative brake) කියලා. මෙකෙන් කෙරෙන්නෙ බ්‍රේක් පහරකදී අපතෙයන චාලක ශක්තිය නැවත බටරියේ ගබඩා කරගැනීමට යොද ගැනීමයි. අනෙක සාමාන්‍ය බ්‍රේරෙක් පෑඩ් සහිත පද්ධතිය. ඉතින් දෝශයට හේතුවෙලා තියෙන්නෙ මේ රීජෙනරේටිව් ක්‍රමයේ ඉද්ලා සාමාන්‍ය ක්‍රමයට මාරු වෙද්දී ABS පද්දතිය ක්‍රියාත්මක වෙලා බ්‍රේක් ක්‍රියාකරීතිවයට බාධා වීමයි.

මේ දෝශය තවත් දෙමුහුන් වාහන (Lexus HS250h) වල තියෙනවාද කියලා ටොයොටා සමගම පරීක්ෂා කරගෙන යනවළු.

අපේ රටෙත් අදාල බලධාරින්, වාහන හිමියන්, වාහන නිශ්පාදකයන් මේ වගේ මර්ග ආරක්ෂාව ගැන සැලකිලිමත් වෙනව නම්............

සිම්බියන් (Symbian) නිදහස ලබයි.

noreply@blogger.com (Sadeepa) — Fri, 05 Feb 2010 03:37:00 +0000

ලොව පුරා ජංගම දුරකතන මිලියන 330 කට වැඩි ගනනකට පනපෙවු සිම්බියන් මෙහෙයුම් පද්ධතිය 2010 පෙබරවාරි 4 සිට විවෘත කේත (Open source) පද්ධතියක් ලෙස නිදහස් කර ඇත. මේ අනුව අවශ්‍ය ඕනෑම කෙනෙකුට මෙතැනින් සිම්බියන් නාමකරනය අනුව Symbian^3 අනුවාදය කේතයන් බාගන්න පුලුවන්.

ටච් පෑඩ් වැඩ් කරන හැටි - 2 කොටස

noreply@blogger.com (Sadeepa) — Tue, 24 Nov 2009 07:44:00 +0000

මේ සටහනේ පලමු කොටසින් අපි කතා කලේ resistive ටච්පෑඩ් ගැන. දැන් අපි එකෙ ඉතිරි කොටස වශයෙන් capacitive ටච්පෑඩ් ගැන කතා කරමු.

වීදුරු, ප්ලස්ටික් වැනි පරිවරකයක දෙපැත්තෙ සන්නායක ස්ථර (තහඩු ) දෙකක් තැබීමෙන් තමයි ධාරිත්‍රකයක් එහෙම නැත්නම් කැපෑසිටරයක් හදලා තියෙන්නෙ. මේ ධාරිත්‍රකය දෙපැත්තට වෝල්ටීයතාවයක් (විභව අන්තරයක්) යෙදුවහම ඒ සන්නායක දෙක අතර විද්‍යුත් ක්ෂේත්‍රයක් ඇතිවෙනවා.

ඉතින් මේ සන්නායකයක් ඇගිල්ලෙන් හරි වෙනත් සන්නායකයකින් හරි ස්පර්ශ කලොත් මේ විද්‍යුත් ක්ෂේත්‍රය වෙනස් වෙනෙවා. මේ වෙනස ධාරිත්‍රකයේ ධාරිතාවේ වෙනසක් වශයෙන් මැනගන්න පුලුවන්. මෙක තමයි Capacitive ටච්පෑඩ් වැඩ් කරන මූලික සිද්ධාන්තය.

මේ capacitive ටච්පෑඩ් ප්‍රධාන වර්ග දෙකක් තියෙනෙවා
1 මතුපිට ධාරිත්‍රකමය - Surface capacitive
2 ප්‍රක්ෂේපිත ධාරිත්‍රකමය - Projected capacitive

මතුපිට ධාරිත්‍රකමය (Surface capacitive) ටච්පෑඩ් ක්‍රියාකාරීත්වය

1 ආරක්ෂක ස්තරය
2 පරිවාරක ස්තරය (වීදුරු/ප්ලාස්ටික්)
3 මතුපිට සන්නායකය
4 මතුපිට පරිවාරක ආවරනය

මේ වර්ගයේ ටච්පෑඩ් එකක සැකස්ම ඉහත රූපයේ පෙන්වලා තියෙන්නෙ. පරිවාරකයේ මතුපිට පැත්තෙ පමනක් සන්නායක ස්තරයක් තබා එයට විභවයක් ලබාදීතියෙනවා. මේක ඇගිල්ලකින් (ධාරිත්‍රකයේ අනෙක් තහඩුව විදිහට වැඩකර්න්නේ ඇගිල්ලයි) ස්පර්ශ කලහම ඇතිවන විද්‍යුත් ක්ෂේත්‍රය වෙනස් වීමට අනුව පෑඩ් එකේ මුලු හතරේ ඉදලා ධාරාවන් ඇතිවෙනවා.

මේ ධාරාවන් එක් එක් මුල්ලේ ඉදලා ස්පර්ශ ලක්ෂයට තියෙන දුර අනුව වෙනස්. පාලක පරිපතය මගින් මේ ධාරාවන් මැනීමෙන් තමයි අදාල ස්පර්ශ ලක්ෂයේ පිහිටුම සොයාගන්නේ. මේ වර්ගයේ ටච්පෑඩ් බහු-ස්පර්ෂයන් (multi touch )සදහා සහයෝගය දක්වන්නෙ නැහැ.

ප්‍රක්ෂේපිත ධාරිත්‍රකමය (Projected capacitive) ටච්පෑඩ්

මේ වර්ගයේ වල ටච්පෑඩ් පරිවාරකයේ මතුපිට XY කොටු සැකැස්මකට සන්නායක කට්ටල දෙකක් අතුරා තියෙනෙවා. පාලක පරිපතය එක පේලියකට (X අක්ෂය - නිල් කොටු ) විභවය ලබා දී (Xrive signal) ‍ එක එක තීරුව (Y අක්ෂය - රතු කොටු) ඔස්සේ ලැබෙන ධාරිතවන් (Y receive signal) මැනගෙන යනවා. එතකොට ඒ පේලිය දිගේ ඇගිල්ලක් ස්පර්ශ වෙලා නැත්නම් එක සමාන ධාරිතවන් ලැබෙනවා. ස්පර්ශ වෙලා නම් ඒතැනින් අඩු ධාරිතවක් ලැබෙනවා. මේ විදිහට හැම පෙලියක් දිගේම පරීක්ෂා කරලා බලලා ඇගිල්ලක් හෝ කීපයකින් වුන ස්පර්ශයන් ගේ පිහිටුම් හදුනා ගන්න පුලුවන්. පාලක පරිපතය අනුව මේ ටච්පෑඩ් බහු-ස්පර්ෂයන් (multi touch )සදහා සහයෝගය ලබා දෙනවා.

පාලක පරිපතය සාමාන්‍ය ඇගිල්ලකින් වෙන ක්ෂේත්‍ර වෙනසට පමනක් ප්‍රතිචාර දැක්වීමට සකස් කිරීමෙන් මේවා වෙනත් ද්‍රව්‍ය මගින් ක්‍රියාත්මක වීම නවතා තියෙනෙවා. (උදා - ක්ෂේත්‍ර වෙනස :පරිවාරකයකින් 2 – 5pf , ඇගිල්ලෙන් 5 – 7pf, සන්නායකයකින් 8 – 10pf නම් පාලක පරිපතය 5-7pf සදහා පමනක් ප්‍රතිචාර දක්වා. අනෙකුත් වෙනස්වීම් නොසලකා හරියි.)

තිරය මත සවිකරන (iPhone) විනිවිද පෙනිය යුතු ටච්පෑඩ්, වීදුරු පරිවාරක සහ Indium Tin Oxide වලින් හදපු විනිවිද පෙනෙන සන්නායක ස්ථර (ITO layers) පාවිච්චි කරනවා. Laptop වගෙ උපකරනවල මේවා සාමාන්‍ය මුද්‍රිත පරිපත පුවරු විදිහටම තමයි හදලා තියෙන්නෙ.

පහල රූපවල තියෙන්නෙ පරණ එකකින් ගලවපු ටච්පෑඩ් එකක පින්තූරයි.

Top

Bottom

Under the top plastic cover ( X, Y grid pattern)

ටච් පෑඩ් (TouchPad) වැඩ් කරන හැටි - 1 කොටස

noreply@blogger.com (Sadeepa) — Wed, 18 Nov 2009 10:47:00 +0000

මගේ කලින් සටහනක (මොනවද මේ ජංගම දුරකථන වල තියෙන සංවේදක )ලියුවානෙ සෙන්සර් වර්ග ගැන ස්විස්තරව කතා කරණවා කියලා ඉතින් අද මම ටච් සෙන්සෙර් එහෙම නැත්නම් ටච්පෑඩ් ගැන ලියන්න හිතුවා.

ඉතින් මේ ටච් සෙන්සර් වැඩ කරන සිද්ධාන්තය අනුව නොයෙක් වර්ග තියෙනවා. මම ඒවායින් වැඩිපුරම භාවිත කරන “ප්‍රතිරෝධමය ටච්පෑඩ් (resistive touch pads - used in most mobile phones)” සහ “ධාරිත්‍රකමය ටච්පෑඩ් (capacitive touch pads – used mainly on laptops and iPhone)” ගැන තමයි ලියන්න යන්නේ.

සටහනේ පළමු කොටසින් අපි මේ resistive touch pads ගැන බලමු. මේ resistive touch pads ත් ප්‍රධාන වර්ග දෙකක් තියෙනෙවා
1. සන්නායක 4 වර්ගය ( 4 - wire type)

2. සන්නායක 5 වර්ගය ( 5 - wire type)

මේ වායින්වැඩිපුරම භාවිත කරන්නේ සන්නායක 4 වර්ගය ( 4 - wire type) යි. පහල රූපයෙන් පෙනෙන්නේ මේ touchpad ක සැකසුමයි (හරස්කඩ).

1.විනිවිද පෙනෙන සන්නායක ස්ථර (Indium Tin Oxide – ITO layers).

2. පහල වීදුරු (හෝ ප්ලාස්ටික්) විනිවිද පෙනෙන ආධාරක ස්ථරය (bottom glass substrate)

3. ඉහල සහ පහල සන්නායක ස්ථර වෙන්කරන තිත් (spacer dots).

4. ඉහල සහ පහල සන්නායක ස්ථර ඒකට අලවා ඇති පරිවාරක ඇලවුම් පටි (spacer adhesives).

5. විද්යුත් සම්බන්ධක පටිය (Electrical contacts cable).

6. ඇගිලි තුඩ හෝ පෑන ( finger tip or stylus)

සරලවම කිව්වොත් මේක හදලා තියෙන්නෙ සන්නායක (සන්නායක කිව්වට මේක ප්‍රතිරෝධකයක් වගේ තමයි. සෙ. මී 1 ක දිගක කිලෝ ඕම් 1 ක් පමණ ප්‍රතිරොධයක් තියෙනවා.) ස්තර දෙකක් එකිනෙකට නොගෑවෙන ලෙස ඇල වීමෙන්. ඇගිල්ලෙන් තෙරපුවහම මේ ස්තර දෙක එකට ගෑවෙනවා. මේ ගෑවීම සහ ගෑවුනු තැන හොයා ගැනීම කරන්නෙ ඉලෙක්ට්‍රොනික පරිපතයකින් (touchpad controller). ඒක කෙරෙන්නෙ මෙහෙමයි.

යමක් ස්පර්ශව නැතිවිට (at idle) touchpad controller ය ඉහල හා පහල ස්තර අතර යම් වෝල්ටීයතාවයක් (3.3V) පවත්වාගනී. යම් තෙරපීමකින් මේ ඉහල පහල ස්තර දෙක ගෑවුනහම මේ touchpad එක හරහා ධාරවක් ගලා යාමට පටන් ගන්නවා. ධාරාවෙන් තමයි touchpad එක මත යමක් ස්පර්ශ වුන බව controllerය දැනගන්නෙ. එවිට controllerය ක්ෂණිකවම වෝල්ටීයතාවයන් පහත රූපයේ පරිදි මාරු කරනවා.

මෙහෙම ඉහල ස්තරය දෙපැත්තට 3.3V යෙදුවහම දකුණු පැත්තෙ ඉදලා වම් පැත්තට 0.0 V සිට 3.3V දක්වා ක්‍රමානුකුලව වැඩි වන වෝල්ටීයතවක් ලැබෙනවා. ස්පර්ෂය වුන තැන ඉහල සහ පහල ස්තර ගෑවිලා තියෙන නිසා ඒ ස්ථානයේ වෝල්ටීයතවය (Vsense) පහල ස්තරයෙන් ලබගත හැකියි. රූපයේ විදිහට පහල ස්තරය A/D converter යට යොමුකිරිමෙන් මේ වෝල්ටීයතවය මැනගත හැකියි. යෙදු වෝල්ටීයතාවය හා Vsense මගින් ලැබුනු වෝල්ටීයතාවය අතර අනුපාතයෙන් ස්පර්ෂය වුනු තැනට X අක්ෂය දිගේ දුර ( X-ඛංඩාංකය)සොයාගත හැකියි .
උදාහරනයක් ලෙස අපි touchpad එකේ පලල 320 pixel හා Vsense වෝල්ටීයතාවය 1.2V යයි සිතමු.

එවිට
වෝල්ටීයතා අනුපාතය = 1.2/3.3 = 0.36
ස්පර්ෂය වුනු තැනට X අක්ෂය දිගේ දුර = 320 x වෝල්ටීයතා අනුපාතය = 320 x 0.36 = 115.2

එනම් ස්පර්ෂය සිදුවී ඇත්තේ තිරයේ වම්පස සිට pixel 115 ක් ඈතිනි.

මෙලෙසම පහත රූපයේ පරිදි වෝල්ටීයතා යෙදුවහම Y අක්ෂය දිගේ දුර සොයාගත හැකියි ( Y-ඛංඩාංකය). මේ ඔක්කොම මිලි තත්පර කීපයක් ඇතුලත සිද්ධවෙන්නෙ. සාමාන්‍ය touchpad controllerයක් මේවගේ (X,Y) යුගල 100 පමණ තත්පරයකට ලබාදෙනෙවා.

ඉතින් මෙහෙම තම්යි 4-wire ටච්පෑඩ් එකක ක්‍රියකාරීත්වය. 5-wire ටච්පෑඩ් එකක ක්‍රියකාරීත්වයත් මෙයට බොහෝ දුරට සමානයි. පහල රූපය බැලීමෙන් එක පහසුවෙන් තේරුම් ගන්න පුලුවන්.

ටික කලකට ඉස්සෙලා මේවගෙ touchpad එකක් repair කලානෙ එකෙ විස්තරේ කැමතිනම් මෙතනින් බලන්න.

මේ වර්ගයේ ටච්පෑඩ් බහු-ස්පර්ෂයන් (multi-touch) සදහා සහයෝගය දක්වන්නෙ නැහැ. ඒක නිසා බහු-ස්පර්ෂයන් සදහා සහයෝගය දක්වන capacitive touch දැන් දැන් ජනප්‍රිය වේගෙන එනවා. මේ සටහනේ දෙවෙනි කොටසින් අපි ඒ ගැන බලමු.

ටච් පෑඩ් (TouchPad) වැඩ් කරන හැටි - 2 කොටස

bestweb.lk හා myblog.lk සම්බන්ධව සිංහල බ්ලොග්කරුවන්ගේ සංසදයේ නිල ප්‍රකාශය

noreply@blogger.com (Sadeepa) — Tue, 17 Nov 2009 03:32:00 +0000

සිංහල බ්ලොග්කරුවන්ගේ සංසදයේ සාමාජිකයෙකු වශයෙන් එහි නිල නිවෙදනය මෙහි පලකරමි.

ශ්‍රී ලංකා .LK වසම් ලේඛකාධිකාරිය (LK Domain Registry) මගින් මීට ටික කලකට පෙර Most Favourite Sri Lankan Website නම් තරගයක් ආරම්භ කරන ලදී. lk ඩොමේනයක් සහිත වෙබ් අඩවි මීට ඇතුළත් වීමට සුදුසුකම් ලැබූ අතර සිංහල, ඉංග්‍රීසි හා දෙමළ යන ත්‍රෛ භාෂා මාධ්‍යයෙන් අංශ 3න් තරග 3ක් පවත්වන ලදී. අදාල අංශයේ හොඳම වෙබ් අඩවිය තෝරන ලද්දේ පරිශීලක මනාපවලිනි. මේ කියන්නට සැරසෙන්නේ එම තරගාවලියේ අවසන් අදියරේදී රඟ දක්වන්නට සැරසෙන විකට ජවනිකාව පිලිබඳවය.

සිංහල බ්ලොග්කරුවන්ගේ සංසදය විසින් සිය සාමාජිකයන් වෙනුවෙන් නොමිලේ පවත්වාගෙන යන බ්ලොග් සේවය වන myblog.lk ද අප විසින් උක්ත තරඟයේ සිංහල භාෂා මාධ්‍ය අංශයට ඉදිරිපත් කරන ලදී. මනාප දැක්වීම අවසන් කරන දිනය වන විට එය අවසන් තරගකරුවන් 5 දෙනා අතරට පැමිණ ඇති බව දන්වන ලදී.

ඉන්පසුව තරඟ සංවිධායකවරුන් විසින් ඉදිරි වැඩ කටයුතු පිලිබඳව දැන්වීමට අප වෙත ඊමේල් පණිවුඩයක් එවන ලදී. සසික රණසිංහ නමින් එවා ඇති එහි සඳහන් ආකාරයට ත්‍යාග ප්‍රදානෝත්සවය නොවැම්බර් 20 වෙනි දින බත්තරමුල්ල Waters Edge හෝටලයේදී පැවැත්වෙනු ඇත. ත්‍යාග ප්‍රදානෝත්සවයට සහභාගී වන අය රු 3500/=ක් මිල වන ටිකට්පතක් මිලදීගත යුතු බව එහි පහළින් සඳහන් වන අතර, ටිකට්පත් ලබාගත හැකි ආකාර සවිස්තරාත්මකව සඳහන් කර ඇත.

ජයග්‍රාහකයන්ගෙන් මුදල් අයකර ත්‍යාග පිරිනමන තරගාවලියක් පිළිබඳව අපි මීට පෙර අසා නැත්තෙමු.

BestWeb.lk තරගාවලියේ ජයග්‍රහණය වෙනුවෙන් පිරිනැමෙන ත්‍යාගය වනුයේ සහතික පත්‍රයක් වන අතර. මේ සහතික පත්‍රය ලබාගැනීම සඳහා අදාළ අඩවිය නියෝජනය කරමින් පැමිණෙන සියලු දෙනා එක් අයෙක් රු 3500/= බැගින් වන පරිදි ටිකට්පත් මිලදී ගත යුතු ය! BestWeb.lk තරගාවලියේ නිල වෙබ් අඩවියේ (http://www.bestweb.lk/) සඳහන් පරිදි ලාංකික ආයතන හා සමාගම් රැසක් (ICTA, ඩයලොග්, සිරස මාධ්‍ය ජාලය, MTV, Sunday Times, Daily Mirror) මෙම තරගාවලිය සඳහා අනුග්‍රහකත්වය (Sponsorships) පිරිනමයි, එනම් මූල්‍යමය අනුග්‍රහයක් දක්වයි. එසේ තිබියදී ටිකට්පතකට රුපියල් 3500/=ක මුදලක් ජයග්‍රාහකයන්ගෙන් (නරඹන්නන්ගෙන් නොවේ) අය කිරීම අසාධාරණ නොවේද ?

සිංහල බ්ලොග්කරුවන්ගේ සංසදය වශයෙන් අපේ ස්ථාවරය නම් මෙය අපට කරන ලද අපහාසයක් ලෙස අප විසින් සලකන බවයි. මුදල් දී සහතිකපත් ලබාගැනීමට අපට කිසිදු අවශ්‍යතාවක් නැති අතර, මෙය මෙබඳු අන්දමේ තරගයක් බව මිට පෙර දැන සිටියානම් මෙම තරගයට ඉදිරිපත් වීමද අප විසින් නොකරනු ඇත. (මෙය ශ්‍රී ලංකා .LK වසම් ලේඛකාධිකාරිය මගින් සංවිධානය කිරීමත්, ICTA වැනි වගකිවයුතු ආයතනයක් අනුග්‍රහ දැක්වීමත් නිසා අප සිතුවේ මෙය ජාතික වැදගත්කමකින් යුතු එකක් ලෙස ය).

තරග සංවිධායකයන් අපට කර ඇති අවමානයට විරෝධය පෑමක් ලෙස සිංහල බ්ලොග්කරුවන්ගේ සංසදය මගින් ඉදිරිපත් කරන ලද myblog.lk අඩවිය Most Favourite Sri Lankan Website- 2009- Sinhala Category තරගයෙන් ඉල්ලා අස්කරගනු ලැබේ.

මෙයට,

සිංහල බ්ලොග්කරුවන්ගේ සංසදය.

http://groups.google.com/group/sinhala-bloggers/browse_thread/thread/be0bb692d7a326fb?hl=si#

LCD තිරයක අන්වීක්ෂීය සටහන්

noreply@blogger.com (Sadeepa) — Fri, 16 Oct 2009 07:39:00 +0000

මගේ මේසය උඩ තිබිලා හම්බ උනා Nokia 6120c ෆෝන් එකකින් ගලවපු LCD එකක්. මේක මම දැනට අවු 2 විතර කලින් පාවිච්චි කරපු ෆෝන් එකෙන් ගලවපු එකක්. ඒක දවසක් බිම වැටිලා LCD එකෙ මැද්දෙන් පුපුරලා pixel පේලි කීපයක් පෙන්නෙ නැතුව ගියානෙ (ච්හ් ඒ දවස් වල මේ බ්ලොග් කෙරුවාව කලේ නැහැනෙ, නැත්නම් ඒකත් මේකෙ ලියන්න තිබුනා). LCD එකක් වැඩ කරන හැටි ගැන අදහසක් ගන්නත් එක්ක මට හිතුනා එකෙ පින්තූර ටිකක් දාන්න. පින්තූර කිව්වට මේවා අන්වීක්ෂයක් තුලින් ගත්ත පින්තූර. මේ ටික බැලුවට පස්සෙ හිතෙයි නිකම්ම වීදුරුකෑල්ලක් වගෙ තිබුනට මෙක කොයි තරම් සංකීර්ණද කියලා.

මේක නිකම්ම LCD එකක් කියල කිව්වට මේක TFT (Thin Film Transister - මේ මොකක්ද කියලා අපි පසුව බලමු) වර්ගයේ සහ පසුබිම් ආලෝක සපයන උපාංගත් මෙකට අයිතියි.

මෙන්න LCD එකේ බාහිර පෙනුම.

ඉදිරිපස පෙනුම.

පිටුපස පෙනුම.

සාමාන්‍යයෙන් LCD එකක සැකසුම මේවගෙයි (හරස්කඩක්).

1 - පිටත ලෝහ ආවරනය (Metal back plate)

2 - ආලෝක පරාවර්ථකය (Light Reflector)

3 - ආලෝක විසරණ පත්‍ර (Light diffusing foils)

4 - සක්‍රිය LCD තිරය (ද්‍රව ස්ඵටික අඩංගු ඇසුරුම)

5 - ප්ලාස්ටික් ආවරනය (Plastic frame)

6 - පරිපථ කොටස්

7 - පසුබිම් ආලෝක සැපයුම් LED (Back light LEDs)

8 - ආලෝක නියාමන පෙට්ටිය (Light guide box)
9 - ආලෝක ද්‍රැවීකාරකය (Light polarizer)
10 - පාලන හා තීරු එලවන පරිපථය (Control and column driver circuit)

මෙන්න සැබෑ පෙනුම (පිටත ලෝහ ආවරණය ගලවා ඉවත් කලවිට)

අපි දැන් මේ ඉහල රූපයේ පෙන්වන A,B,C හා D ප්‍රදේශ විශාල කර බලමු.

A රූපයෙන් පේන්නෙ LCD වීදුරුවේ 1mm පමණ වන ගැට්ට මත පරිපථ හා ඉලෙක්ට්‍රොනික උපාංග මුද්‍රණය කර ඇති ආකාරයයි. රතු කොටුව තුල පෙනෙන්නේ LCD එකේ pixel row driver පරිපථයයි. මේ කොටස එක් එක් පේලිය සදහා නැවත නැවත සාදා ඇති ආකාරය පෙනෙනෙවා. X යනුවෙන් ලකුණු කර ඇති රවුම් ප්‍රදේශය නැවත විශාලනය කර පසුව පින්තූරක විස්තර කරමු.

B රූපයෙන් පේන්නෙ LCD එකේ column වල කෙලෙවර අති ටෙස්ට් pads කිහිපයක්. මෙහි column අංකද මුද්‍රණය කර ඇති බවද පේනවා.

මෙන්න micro පරිමාණයේ barcode සහ ටෙස්ට් පෑඩ්.
අපි C සහ X යනුවෙන් පෙන්වන ප්‍රදේශ විශාලකර බලන්න කලින් මේ LCD එකේ අලවාඇති ආලෝක ද්‍රැවීකාරක (polarizer) පතුර ගලවන්න ඕනා.

දැන් C ප්‍රදෙශය විශාලකර බැලුවහම පෙන්නෙ මේ වගේ. මේ පොඩි කොටු වගේ තියෙන්නෙ එක් එක් pixel. මේ එක එකක් රතු, කොල, නිල් පාට වලින් යුක්තයි. එක එක කොටුවක ඉහලින් සහ පහලින් පෙනෙන කුඩා තිත් දෙක තමයි pixel drive කරණ ට්‍රාන්සිස්ටර. මේ ට්‍රාන්සිස්ටර FET වර්ගයේ වන අතර වීදුරුව මත සිහින් පටලයක් ලෙස තමයි හදල තියෙන්නෙ. ඒක නිසා තමයි මේ LCD වර්ගයට TFT (thin film Transistor) කියලා කියන්නෙ.

A රූපයෙ X ප්‍රදෙශය විශාලකලාම මේ එක් එක් pixel කොහොමද row drivers වලට සම්බන්ධ වෙන්නෙ කියලා පේනවා.

LCD එක යට පැත්තෙන් අලෝක කරනය කර උඩින් බැලුවම pixel ටික අලංකාරව පෙනෙනවා.

LCD එකේ කතාව නම් ඉවරයි. ඒත් නවතින්න කලින් අපි මේ අන්වීක්ෂීය පින්තූර ගත්තෙ මෙහෙමයි.

විශේෂ් ස්තුතිය, පින්තූර ගැනීමෙන් සහාය දැක්වු විපුල ලියනාආරච්චි සහෝදරයාට.

Windows Mobile (Samsung Omnia i900) සහ සිංහල යුනිකෝඩ්

noreply@blogger.com (Sadeepa) — Wed, 23 Sep 2009 05:25:00 +0000

මගේ කලින් සටහනෙන් කිව්වෙ Symbian phone එකකට සිංහල යුනිකෝඩ් font දාන්නෙ කොහොමද කියලා. අද කියන්න යන්නෙ windows mobile phone එකකට ඒක කරන හැටි. මේකට මම පාවිච්චි කරන්නෙ Samsung Omnia SGH-i900 phone එකක්. ඒකෙ තියෙන්නෙ windows mobile 6.1 professional version එක.

මේකෙ දැනට Techකතා site එක පේන්නෙ මේ විදිහට.

Windows mobile phone වලට ෆොන්ට් දාන හැටි මෙහෙමයි.

(1) Phone එක active sync වලින් PC එකට connect කරලා “\Windows” folder එකට brows කරන්න. ඒකෙ Fonts කියලා folder එකක් නැත්නම් එහෙම folder එකක් හදන්න.

(2) දැන් මේ “\windows\fonts” folder එකට අවශ්‍ය font එක copy කරන්න. මම පාවිච්චි කරේ "ඉස්කොලෙ පොත" (iskpota.ttf).

(3) ඊලගට phone එකේ registry entry කීපයක් දාන්න ඕනා. මේකට මම නම් පාවිච්චි කෙලේ Visual studio 2005 වල එන Windows CE remote registry editer කියන ටූල් එක. මේ සදහා windows mobile registry edit කරන ඕනෑම එකක් පාවිච්චි කරන්න පුලුවන්. මේ ඕනම ක්‍රමයකට පහත දැක්වෙන entry ටික දාගන්න.

-----------------------------------------------------------------------

[HKEY_LOCAL_MACHINE\System\GDI]

“FontLinkMethods” = dword:1

[HKEY_LOCAL_MACHINE\Software\Microsoft\FontLink\SystemLink]

“Tahoma” = “\\windows\\Fonts\\ iskpota.ttf,Iskoola Pota”

“Courier New” = “\\windows\\Fonts\\ iskpota.ttf,Iskoola Pota”

-------------------------------------------------------------------------

[මේක කරන්න පුලුවන් තව ක්‍රමයක් තමයි. තිත් ඉරි වලට මැදින් තියෙන registry keys ටික text file එකකට copy කරලා, ඒක sinhala.reg වගෙ “.reg” extension තියෙන නමකට rename කරන්න. දැන් මේ file එක active sync වලින් copy කරන්න. දැන් copy කරපු file එක මත double click කරන්න. එන message එකට yes කියන්න.]

සැ. යු.- Tool එකෙන් registry entry දානව නම් "\\" වෙනුවට "\" භාවිතා කරන්න.

දැන් phone එක පරිගණකයෙන් ගලවා restart කරන්න. එතකොට අලුත් font එකෙන් සිංහල අකුරු පේන්න ඕනා.

දැන් Techකතා site එක පෙන්නෙ මේ විදිහට.

ලොකුම ප්‍රෂ්ණය තමයි සිංහල අකුරු type කරන එක. මේකට තියෙන ක්‍රමය තමයි UCSC එසැනින් පරිවර්තකය හෝ යතුරු පුවරුව පාවිච්චි කරන එක. ඒත් මේ දෙකින් එකක් වත් හොදින් වැඩ කලේ නැහැ. එසැනින් පරිවර්තකය වැඩ කලේම නැහැ. යතුරු පුවරුවේ සමහර අකුරු විතරයි වැඩ කරේ.

ඉහත රූපයේ මුල් අකුර මම "පි" type කල විට ලැබුනු අකුරයි. ඉතින් මේකත් පාවිච්චි කලනොහැකි මට්ටමේ තමයි.

Registry entry මැකීමෙන් හෝ “clean boot” කිරීමෙන් මේ font එක ඉවත් කරගන්න පුලුවන්.

සැ. යු.- අත්හදා බැලීමේ අවදානම ඔබ සතුයි.

Nokia 5800 සහ සිංහල යුනිකෝඩ්

noreply@blogger.com (Sadeepa) — Mon, 21 Sep 2009 10:19:00 +0000

මේ දවස් වල අපේ Techකතා අහන කට්ටිය ගෙ ප්‍රශ්නයක් තිබුන මොබයිල් ෆොන් වලට සිංහල දාන්නෙ කොහොමද කියලා. ඉතින් මටත් හිතුනා මගේ phone එකටත් සිංහල font එකක්වත් දාලා බලන්න.

මේක Nokia 5800 වර්ගයේ එකක්. Nokia Symiban phone බොහෝමයක් සිංහල support කරන්නේ නැහැ.

මේකෙ දැනට Techකතා site එක පෙන්නෙ මේ විදිහට.

අපිට කරන්න පුලුවන් මෙකට සිංහල font එකක් දාලා අකුරු ටික යන්තම් බලගන්න හදගන්න. එත් rendering නම් හොද නැහැ. (Symbian OS 9.x, S60 3rd edition හො 5th edition phone වලට font එකක් දාගන්නේ මෙහෙමයි.

(1)මුලින්ම දාන්න ඕනා font එක තොරගන්න. මේ ෆොන්ට් එකට සිංහල, ඉන්ග්‍රීසි අකුරු ඔක්කොම තියෙන එකක් තොර ගන්න. නැත්නම් ඉන්ග්‍රීසි අකුරු පේන්නෙ නැතුව යයි. මම මේකට "ඉස්කොලෙ පොත" (iskpota.ttf) එක තොරා ගත්තා.

(2)දැන් phone එක "Mass storage" විදිහට පරිගණකයකට සම්බන්ද් කරන්න.

(3)ඊලගට phone එකේ external memory card එකේ resource\Fonts යනුවෙන් folder සාදාගන්න [resource ඇතුලෙ Fonts folder එක]. මේ Fonts folder එකට iskpota.ttf file එකන් copy 4ක් අරගෙන පහන නම් වලට rename කරන්න.

(i) s60snr.ttf

(ii) s60ssb.ttf

(iii) s60tsb.ttf

(iv)S60ZDIGI.ttf

මේ පියවර අවසානයේ එකම file එකේ copy 4 ක් නම් 4 කින් තියෙන්න ඕනා.

දැන් phone පරිගණකයෙන් ගලෙවා restart කරන්න. එතකොට අලුත් font එකෙන් සියලු අකුරු පේන්න ඕනා.

දැන් Techකතා site එක පෙන්නෙ මේ විදිහට.

මේක Internal memory පමණක් ඇති phone වලට කරන්න එපා. Font නැවත පර්ණ් එකට යන්න internal memory format කරන්න වෙන්න පුලුවන්.

Externel memory තියෙන phone එකේ memory card එක ගලවා restart කිරීමෙන් පරණ font එක restore කර ගන්න පුලුවන්.

ඊළග ප්‍රෂ්ණය තමයි සිංහල අකුරු type කරන එක. මේකට තියෙන ක්‍රමය තමයි UCSC එසැනින් පරිවර්තකය හෝ යතුරු පුවරුව පාවිච්චි කරන එක. (not 100% good and easy).

Symbian OS එකේ සිංහල අකුරු මීට වඩා හොදට render කරන්න පුලුවන් ක්‍රමයක් දන්න කෙනෙක් ඉන්නවානම් කරුණාකරලා මටත් කියන්න.

සැ. යු.- අත්හදා බැලීමේ අවදානම ඔබ සතුයි.

චීන මොබයිල් ෆොන් රෙපෙයාර්

noreply@blogger.com (Sadeepa) — Thu, 17 Sep 2009 08:36:00 +0000

මගේ යාලුවෙක්ගෙ මොබයිල් ෆොන් එක බිම වැටිලා ඊට පස්සෙ වඩ කරන්නෙ නැතුව ගිහින්. ඉතින් අද ලියන්න හිතුවෙ ඒක අලුත්වැඩියා කරපු හැටි ගැනයි.

මේ ෆොන් එක China mobile A618 වර්ගයේ එකක්. මේකෙ තිබුන රෝග ලක්ෂණය තමයි ON කරහම සාමාන්‍ය විදිහට Display එක එනවා ඒත් Keyboard එකවත් touchpad එකවත් වැඩ කරන්නේ නැහැ. Touchpad එක damage වුනු ලකුණු පේන්න තිබුනා.

ඉතින් අපි මේක ගලවලා බැළුවම touch pad එක display එකට අලවපු තැනින් ලේසියෙන් ගලවන්න පුලුවන් කියලා තේරුනා.

[නිල් පාට ඊතලයෙන් පෙන්වන දාරය දිගේ පිහිතලයකින් display එක සහ touch pad එක වෙන් කරගන්න පුලුවන්]

ඒත් මේක ටිකක් පරිස්සමින් කරන්න ඕනා. Touch pad එකේ flex cable ත් display එකේ flex cable එකටම මගදි පාස්සලා තියෙන්නෙ. මේ flex cable එක්ක වැඩ පරිස්සමින් කරන්න ඕනා, වැඩිපුර රත් වුනොත් flex cable එක උනු වෙලා ඔක්කොම වැඩෙ අල වෙනවා.

[flex cable සම්බන්දය]

කොහොම හරි touch pad එක වෙන් කර ගෙන multimeter එකෙන් පරීක්ෂා කලහම ඒක short කියල පෙනුනා. දැන් ඉතින් වෙලා තියෙන වැඩේ පැහැදිලියි. touch pad එක short වෙලා නිසා system එකට දිගටම touch point එකක් එනවා, ඒක නිසා system එක වෙන එක key එකකටවත් respond කරන්නෙ නැහැ.

දැන් touch pad මාරු කලහම ලෙඩේ හොද් වෙන්න ඕනා. ඒත් නිකමට වගේ තවත් උත්සාහයක් දාලා touch pad එකත් ගොඩ දාන්න පුලුවන් උනා.

phone එක බිම වැටුන වෙලාවෙ ගලක් ඇනිලා touch pad එකේ උඩ layer එකයි, යට layer එකයි එකට ඇලිලා තමයි touch pad එක short වෙලා තියෙන්නේ. Touch pad එකේ යට පැත්ත සීරුවෙන් රත් කරලා, බීම බොන බටයක් damage වෙච්ච තැන මැදිකරලා (on top layer) තියලා ඉරුවා.

අපේ බලාපොරොත්තුව මේකෙන් එකට ඇලුන layer දෙක වෙන් කරගන්නයි. මෙහෙම දෙපරක් විතර කරලා නැවත පරීක්ෂා කෙලෙහම වැඩේ හරි ගිහින්. (මේ රත් කරෙන වැඩේ යට පැත්තෙන්ම කරන්න ඕනා. Touch pad වල යට පැත්ත වීදුරු, උඩ පැත්ත plastic ඒක නිසා උඩපැත්ත රත් කරොත් උනු වෙනවා.)

මේකෙන් පස්සෙ phone එක ආපහු තිබුන විදිහටම සවි කලහම පාවිච්චි කරන්න පුලුවන් මට්ටමි වැඩකරා. Touch pad එකත් damage වුන තැන හැර හොදින් වැඩ.

මොනවද මේ ජංගම දුරකථන වල තියෙන සංවේදක (mobile phone sensors)?

noreply@blogger.com (Sadeepa) — Wed, 05 Aug 2009 04:25:00 +0000

Blog එකක් ලියන්න පටන් ගත්තට ගොඩක් කාලෙකින් මොනවත් ලියන්න බැරි උනා. ඒක නිසා අද තදින්ම හිතා ගත්ත ලියන්න.

ඉතින් අද මට ලියන්න හිතුනා මේ ජංගම දුරකථන වලට එකතුවෙලා තියෙන සංවේදක (sensor)ගැන, ඒවා වැඩ කරන්නේ කොහොමද, ඒවයින් අපිට කරගන්න පුලුවන් මොනවද කියලා.
මට හිතෙන හැටියට ජංගම දුරකථන වලට වැඩියෙන්ම එකතු වෙල තියෙන්නෙ ත්වරන සංවේදක (accelerometer sensor), ස්පර්ශ සංවේදක(touch sensor) සහ ආලෝක සංවේදකයි(light sensor). දැන් දැන් ජංගම දුරකථන වලට සමීපත්ව සංවේදක(proximity sensor) සහ චුම්භකත්ව සංවේදකත් (magnetometer sensor)එකතුවෙලා තියෙනවා. මේ අතරට විභ්‍රමණේක්ෂ සංවේදකත් (gyroscope sensor) ලගදීම එකතුවෙයි කියලා හිතනවා. අදට අපි බලමු මේ එක එක සෙන්සරයෙන් මොනෙවද කෙරෙන්නේ කියලා.

(1) ත්වරන සංවේදක (accelerometer sensors)
ත්වරන සංවේදකයකින් කරන්නේ එම උපකරනෙයට දැනෙන බලය මනින එකයි. අර නිවුටන්ගේ නියමයට අනුව බලයත් ත්වරනයත් සමානුපාතික නිසා මෙවායින් ත්වරනය මනින ලෙස සැලකීමට පුලුවන්. මේවා නිශ්චලව තියෙන කොට පොලොවෙන් ඇතිකරන ගුරුත්වජ ත්වරනය සටහන් කෙරෙන අතර නිදහස් වැටීමකදී බිංදුව අගයක් පෙන්වයි.
ගුරුත්වජ ත්වරනය ඇති දිශාව මෙමගින් සොයාගත හැකිනිසා කැමරා, mobile phone ආදී උපකරන වල තිරය (screen) අල්ලගෙන සිටින දිශාව සොයා ගෙන ඒ අනුව දර්ශනය වෙනස් කිරීමට (කරකැවීමට) බහුලවම පාවිච්චි කරනවා (landscape portrait screen rotation).
මේවා අඩංගු උපකරනයක් අරගෙන ඇවිදින කොට තබපු පියවර ගනන, ඇවිදපු දුර වගෙ දෙවලුත් ලබා ගන්න පුලුවන්. තව GPS භාවිතවෙන් මග සොයගනීමේ වැඩ වලටත් මෙවා යොදා ගන්නෙවා. ඒ වගේම චලන ඉඟි (motion gesture) මගින් විධාන දීම දැන් ජනප්‍රිය වීගෙන යනවා.

(2) ස්පර්ශ සංවේදක (touch sensors)
මේවාට බොහෝම වෙලවට ටච් ස්ක්‍රීන් (touch screen) කියලත් කියනෙවා. මේවා කරන්නේ ඇගිල්ලකින් හෝ විශේෂ පෑනකින් කරන ස්පර්ෂයන්, තෙරපීම් හදුනා ගැනීමයි. ඉතින් තිරය මත දිස් වෙන යතුරු පුවරුවක් හෝ බොතමක් එබීමට මෙවා බහුලවම යොදා ගන්නෙවා. ඒ වගේම ස්පර්ශ ඉඟි (touch gestures) මගින් යම් යම් දේ කර ගැනීමටත් මේවා යොද ගන්නෙවා. උදාහරනයක් විදිහට ඇඟිල්ල තිරය මත ඉහල සිට පහලට ඇතිල්ලීමෙන් ස්ක්‍රොල් කිරීම. තව වැදගත් දෙයක් තමයි මේ ස්පර්ශ් සංවේදක තිරයත් එක්කම තියෙන් ඕනෑ නැහැ. දුරකථනයේ වෙනත් කොටස් මතත් මේ සංවේදක සවි කරන්න පුලුවන් (උදා. HTC - Touch Diamond).

(3) ආලෝක සංවේදක (light sensors)
ආලොක සංවේදක බොහොම සරල සෙන්සර වර්ගයක්. මේවයින් අවට පරිසරයේ ආලෝක තත්වය(තීව්‍රරතවයා ගැන මිනුමක් ලබා දෙනෙවා. දැනට ජංගම දුරකථන වලට මෙයින් ඇති ප්‍රයෝජනය තමයි අවට ආලෝකය අනුව තිරයේ දීප්තිය සීරුමාරු කිරීමයි. මෙමගින් පාවිච්චි කරන්නාට හොද දර්ශනයක් ලබා දෙනෙවා වගේම බැටරි ඉතිරිකිරීමත් සිද්ධ වෙනවා.

සැම්සුන්ග් ඔම්නියා (SGH-i900) හි ආලෝක සංවේදකය

(4) සමීපත්ව සංවේදක(proximity sensors)
මෙම සෙන්සර මගින් යමක් අසල ඇති බව හදුනාගනියි. මේ සදහා ස්පර්ශ වීම අවශ්‍ය නොවේ. දැනට ජංගම දුරකථන වල මේවා භාවිතා කෙරන්නේ ඇමතුමක් සම්බන්ධව තියෙනකොට ස්පර්ශ සංවේදක (touch screen) ක්‍රියාවිරහිත (disable) කිරීමෙන් අනවශ්‍ය ලෙස තිරෙයේ දිස්වෙන දේ ක්‍රියාකිරීම වැලැක්වීමටයි.

නොකියා 5800 හි ආලෝක හා සමීපත්ව සංවේදක

(5) චුම්භකත්ව සංවේදක (magnetometer sensors)
මෙම සෙන්සර මගින් අවට පරිසරයේ ඇති චුම්භක ක්ෂේත්‍රයේ ප්‍රබලතාව හා දිශාව සොයාගන්න පුලුවන්. iPhone 3G s, Nokia N97 වැනි ජංගම දුරකථන වල මේවා භාවිතා කිරීමෙන් ඉලෙක්ට්‍රොනික් මාලිමා යන්ත්‍ර (elctronic/digital compass) දිශාව සොයාගැනීමට යොදාගෙන තියෙනෙවා. තව GPS භාවිතවෙන් මග සොයගනීමේ වැඩ වලටත් මෙවා යොදා ගන්නෙවා.

(6) විභ්‍රමණේක්ෂ සංවේදක (gyroscope sensors)
ත්වරන සංවේදකයකින් සරල චලිත සොයා ගන්න පුලුවන් උනත් බ්‍රමන චලිත හොයගන්න අමරුයි. ඒකට තමයි මෙ සෙන්සර් වර්ගය තියෙන්නෙ. ඒ කියන්නේ මේකෙන් phone එක කැරකැවීමක් වෙනවද, කරකැවෙන වේගය වගේ දේවල් මෙකෙන් ලබා ගන්න පුලුවන්.ටිකක් මිල අධික නිසා තවම ජංගම දුරකථන වල එතරම් දකින්න නැහැ. GPS භාවිතවෙන් මග සොයගනීමේ වැඩ වලට මෙයින් ප්‍රයොජන ගත හැකි නිසා ලගදීම එකතුවෙයි කියලා හිතනෙවා.

ඉතින් අදට ඇති වගේ. මේ එක එක සෙන්සරය ගැන ඉදිරියෙදී විස්තරාත්මකව කතා කරන්න බලාපොරොත්තු වෙනෙවා.

වාහන එංජින් පාලකයක ඇතුලත

noreply@blogger.com (Sadeepa) — Sat, 07 Feb 2009 06:47:00 +0000

මට ලැබුනු පර්ජෝ 405 (peugeot 405) හා හයි ඒස් (Toyota Hi-ace , patrol) වර්ගයේ වාහන දෙකක පින්තුර තමයි අද මේ සටහනට දාන්නෙ.

පර්ජෝ 405 (peugeot 405) එංජින් පාලකය

හයි ඒස් (Toyota Hi-ace) එංජින් (1RZ-E)පාලකය

මේවා ගැන ගොඩක් විස්තර කියන්න තිබුනත් ලියන්න වෙලාවක් නැහැ වගේ. කවුරුහරි ප්‍රශ්නයක් ඇහුවොත් කියන්නම්.

වාහනයක වේග සංවේදක අළුත්වැඩියාව Speed Sensor Repair

noreply@blogger.com (Sadeepa) — Fri, 30 Jan 2009 06:41:00 +0000

ඊයෙ මට Hi-Ace වෑන් එකක ස්පීඩ් සෙන්සරයක් අළුත්වැඩියා කරන්න ලැබුනා. ඉතින් මම අද ලියන්න හිතුවෙ එක ගැනයි.මේක හොඩින් වැඩ කරමින් තිබුනු එකක්, ගලවලා නැවත සවිකරාම වැඩ කරන්නෙ නැතුව ගිහින්.ඉතින් මම මේක ගලවලා සුද්ද කරලා බැලුවම circuit board එකේ පාස්සපු තැන් හොද මදි වගේ පෙනුනා. ඒ ක හැදුවහම සෙන්සරය වැඩ කරා.

අද පින්තූර ටික විත්‍රක් දාන්නම්. නැවත දවසක මේ සෙන්සර් වැඩ කෙරන්නේ කොහොමද පරීක්ෂා කරන්නේ කොහොමද කියලා ලියන්නම්.

ඕහ්... පින්තූර වල ලියපු ඒවා කියවන්න අමාරු බව දැක්කෙ දැනුයි. හැකි ඉක්මනින් ඒක හදන්නම්.

හඳ සහ නිව්යෝක් නුවර - මහගමසේකර

noreply@blogger.com (Sadeepa) — Sat, 29 Nov 2008 12:55:00 +0000

කළු ගැහී තරඟයට ඉහල ගිය
සිමෙන්ති බිත්ති මිසක
ඇසට නිලටඅහසක් ගහක් කොළක්
අවටක් නැත.
නිව්යෝර්ක් නම් පුරවර
සියක් මහල් එක්ටැම් ගෙය මුදුනේ
දොර ජනෙල් වසා සිර කළ කාමරයක
ඇඳක්, පුටුවක්, මේසයක්
මම.

මහ පොළොවේ අනික් පැත්තෙ
සෙනෙහැති දෙමාපියන්
නෑ මිතුරන් අඹු දරුවන්
මට සිහි වෙයි.
පලවන්නට මළ පාලුව
කවියක් හඬ නගා කියමි.
නින්නාදව ආපසු එයි මගෙ කට හඬ
මගෙ මනටම,
යා යුතු අතක් නොදැන.

කවුළුව හැර එබී බලමි.
ප්‍රපාතයට එබී බලමි.
මූණට කටු ඇනගෙන
සීතල කඩා පනින.

අසුවී විදුලි එළිය පිටාරයට
මොර දී ගෙන යයි වාහන ඒ මේ අත
ඉවසිල්ලක් නොමැතිව
දිව ගෙන යයි ඒ මේ අත
කුරා කුහුඹු මිනිස් යන්ත්‍ර.
මොහොතක් නැවතී මා දෙස
ආදරයෙන් බලන කෙනෙක්
වගතුග අසන කෙනෙක්
දන්නා අඳුනන්නෙක්
මෙතන නොමැත.

ඒ හැම දෙන මහ පොළොවේ අනික් පැත්තෙ
මට සිහි වෙයි.

මහා දුකින් ඉහළ බලමි.
දිලිහි දිලිහි ආකාසේ
රන් පිඟාන සේ
හඳ.

මා දන්නා අඳුනන
අපේ ගමේ වෙල් එළියට පායන හඳ.

සුසුකි ස්විෆ්ට් මෝටර් රථය‍ක දෝෂ කේත ලබා ගන්නේ මෙහෙමයි

noreply@blogger.com (Sadeepa) — Wed, 26 Nov 2008 06:52:00 +0000

අද කාලේ භාවිත කරණ බොහෝමයක් මෝටර් රථවල එංජිම පාලනය කරන්නේ ඉලෙක්ට්‍රොනික් පද්ධතියකින්. මේ පද්ධති වල ක්‍රියාකාරීත්වය තරමක් සංකීර්ණයි. ඒ නිසාම මෙවැනි පද්ධතියක දෝෂයන් සොයාගනීමත් අපහසුයි. මෙයට පිලියමක් වශයෙන් එවැනි දෝෂ සොයාගැනීමට උපකාර වන කොටසකුත් මේ පද්ධතිවලට එකතුකර තියෙනෙවා. මේ කොටස හදුන්වන්නේ OnBoard Diagnostic (OBD) යන නමින්. මේ OBD පද්ධතිය යම් දොෂයක් ඇති බවට් නිගමනය කල විට එ බව මීටර පුවරුව (Dash board) මත සංඥා බල්බයක් (Check Engine Lamp, Malfunction Indicater Lamp - MIL) දල්වීමෙන් රියදුරුට දැනුම් දෙනවා.

Check Engine සංඥා බල්බය

OBD පද්ධති සදහ සම්මතයන් (Standards) භාවිතා වුනත් අපේ රටට ගෙන්වන වාහන බොහෝමයක් මේ සම්මතයන්ට අනුව වැඩ කෙරන්නේ නැහැ. ඒ ඒ වාහන නිෂ්පාදකයන්ට ආවේනික ප්‍රොටෝකෝලයන් අනුව වැඩකරණ (proprietary protocols) පද්ධති තමයි මේ වාහන වල භාවිතාවෙන්නේ. ඒනිසා මෙවැනි දෝෂ සොයාගැනීමට ඒජන්තවරුන් ලග පමණක් ඇති විශේෂ උපකරණ යොදා ගන්න වෙනවා. ඒත් සමහර වාහනවල සම්මත OBD ක්‍රමයට අමතරව දෝෂ සොයාගැනීමට උපකාර වන වෙනත් උපක්‍රම සපයා තිබෙනවා. එනම් මේ උපක්‍රමය ක්‍රියාත්මක කළවිට Check Engine බල්බය යම් රටාවකට නිවි නිවි දැල්වීමෙන් අදාල දෝෂය කේතයක් (Code) ආකාරයෙන් පෙන්වා දෙනවා.

සුසුකි ස්විෆ්ට් මෝටර් රථය‍ක සම්මත OBD සම්බන්දකය (සුක්කානම අසල)

ඉතිං පසුගිය දවසක මගේ මිතුරෙකුගේ මොටර් රථයේත් (Suzuki swift – 2003, Model HT51S) මේ විදිහට සංඥා බල්බය දැල්වෙන්න පටන් අරගෙන. සාමාන්‍යයෙන් මේවගෙ වෙලාවට කරන්න තියෙන්නේ, එම මාදිලියේ වාහන සදහා ඒජන්තවරුන්ගේ ගරාජයකට ගිහින් අදාල දෝෂය සොයගනීමයි. ඒත් මේ සදහා සමාන්‍යයෙන් අධික මුදලක් අය කෙරෙනෙවා. ඒක නිසා මෙ දෝෂය ගැන අපිම සොයා බලන්න තීරණය කළා.

සුසුකි වාහනවල සම්මත සම්බන්දකය (Standard OBD connector) අමතරව වෙනත් සම්බන්දකයක් තමයි Check Engine බල්බය මගි දෝෂ කේත ලබා ගැනීමට භාවිතා කරන්නේ. මේ සම්බන්දකය තියෙන්නේ ඉදිරිපස මගී දොර අසන්නෙයේ ඇති වයර මිටියත් සමගයි.

සම්බන්දකයේ පිහිටුම

මේ සම්බන්දකය සොයා ගත්තාට පසුව මෝටර් රථයේ යතුර ඕෆ් පිහිටුමේ (off position) තිබියදී රූපයේ පෙන්වා ඇති පරිදි B සහ D අග්‍ර වයර් කැබැල්ලකින් සම්බන්ද කරන්න.

B සහ D අග්‍ර සම්බන්දය

දැන් මෝටර් රථයේ යතුර ඔන් පිහිටුමට (on position) ගෙන එන්න. එවිට Check Engine බල්බය නිවි නිවී දැල්වෙමින් අදාල දෝෂ කේතය පෙන්නුම් කෙරයි. මේ කේතයන් කියවගන්නා ආකාරය පහත රූපසටහන් වලින් දක්ව ඇත.(එංජින් පාලන පද්ධතියේ දෝෂයක් නොමැති නම් කේත අංක 12 දැක්වෙනු ඇත )

දෝෂ කේත අංක 21 දැක්වෙන ආකාරය

Blinking code SAE Code Diagnostic item

---------------- ------------ -------------------

11 P0105 MAP sensor
11 P0106 MAP sensor
12 P0000 Normal
13 P0120 Throttle Position sensor
14 P0130 O2 sensor (1)
14 P0135 O2 sensor heater (1)
15 P0340 CAM angle sensor
16 P0500 Speed sensor signal
17 P0325 Knock sensor (1)
18 P0110 Intake Air temperature sensor
19 P0115 Coolent temperature sensor 23 P0335 Crank angle sensor
24 P0171 Fuel Systems-lean abnormal (1)
24 P0172 Fuel Systems-rich abnormal (1)
27 P0350 Ignition output signal
29 P1450 Abnormal atmospheric pressure sensor signal
32 P0011 VVT abnormal operation - Abnormal spark advance
32 P0012 VVT abnormal operation - Abnormally slow corner
33 P1915 PCV abnormal operation 54 P0174 Fuel Systems-lean abnormal (2)
54 P0175 Fuel Systems-rich abnormal (2)
55 P0150 O2 sensor (2)
55 P0155 O2 sensor heater (2)

දෝෂ කේත වග්‍රව

කේත එකකට වඩා වැඩි ගනනක් ඇත්නම් ඒවා තුන්වරක් බැගින් අනුපිළිවෙලට දැල්වෙනු ඇත. අදාල කේතයන් කියවා ගත්තාට පසුව යතුර නැවත ඕෆ් පිහිටුමට ගෙනවිත් සම්බන්දකයේ අග්‍ර සම්බන්ද කල වයර් කබැල්ල ගලවා දමන්න. දැන් දෝෂය දන්නා බැවින් අවශ්‍ය අලුත්වැඩියාව ඔබටම හෝ කැමති ස්ථානයකින් කරගන්න පුලුවන්. දෝෂය නිවැරදි කලාට පස්සෙ තවමත් Check Engine බල්බය දැල්විලාම තියෙනෙවා නම්, බැටරි වයර විනාඩියක් විතර වෙලාවක් ගලව තබීමෙන් ඒක නිවා දමන්න පුලුවන්.

මගේ මිතුරාගේ වාහනයෙන්නම් ලැබුනේ කේත අංක 15. මේ දෝෂය තිබියදීත් වාහනය වැඩකරණ නිසා මගේ මිතුරා අළුත්වැඩියාව කල්දමා යන්න ගියා.

කේත අංක 12 දැක්වෙන ආකාරය පහත වීඩියෝවෙන් බලාගන්න.

(sorry video is 90 degrees rotated)

Disclaimer
- Experiment at your own risk.

Updated :23 Dec 2008