Sala The Star

Respirando hip-hop con 'Dios ke te crew'

noreply@blogger.com (Álvaro J. Pérez Becerra) — Wed, 22 Feb 2012 10:27:00 +0000

DIOS KE TE CREW, ESTE VENRES ÁS 23.30 HORAS NA SALA THE STAR (VENDA DE ENTRADAS)

Publicado en theartwolf.com

Xénese

1. Nun principio creou Deus a música e o baile.

2. Agora ben, resultaba que a música se atopaba sen forma e deserta e había escuridade sobre a superficie da profundidade das ondas; e a forza activa do baile movíase dun lado a outro sobre a superficie das rúas.

3.Deus otorgoulle a un discípulo seu o poder de mixturar os ritmos e os sons cas súas mans.

4. Entón, Deus entregoulle ó seu discípulo a Santísima Mesa, os Santos Platos e os Divinos Samples, e pasou a chamarlle San Dj.

5. E Deus procedeu a dicir: "Chegue a haber Hip Hop". Entón, chegou a haber Hip Hop.

6. Despois diso, Deus viu que o Hip Hop era bó, e efectuou Deus unha división dentro do Hip Hop.

7. Deus comezou a chamar á música Rap, pero ó baile chamouno Break. E chegou a haber Graffiti e chegou a haber Beat Box, un día primeiro.

8. E Deus pasou a dicir: "Chegue a haber unha expansión"; e houbo unha expansión. Dende o subterráneo ata a superficie, comezando polas cidades e chegando a tódolos rincóns da terra.

9. Deus estaba satisfeito, pero pasado un longo tempo, a ideoloxía do Hip Hop foi malinterpretada pola xente, facendo que un movemento creado para unir, cumplira a función contraria entre os seus membros: separalos entre si.

10. O Hip Hop estaba convertíndose nunha competición, incluso nun enfrontamento agresivo e as veces violento entre crews e entre os seus respectivos integrantes.

11. Isto fixo que a ira medrara en Deus dun xeito tal que o levou a crear unha Crew no seu nome, co obxectivo de predicar a verdadeira doctrina da súa creación.

12. Catro foron os elexidos para formar a Crew, enviados por Deus a un recóndito pobo perdido nunha lonxana terra chamada nalgún tempo Gallaecia.

13. Ó Irmán JamásPuah, ó Irmán Sokram, ó Irmán Mou e ó Irmán García foronselles entregados Os Santos Micros. Pisaron chan na terra dun pobo chamado Ordes e dende alí estenderon a palabra de Deus en forma de Rap, Graffiti, Break e Beat Box.

14. Nacera a "Dios Ke Te Crew".

Crónica da fin de semana na Sala The Star

noreply@blogger.com (Álvaro J. Pérez Becerra) — Mon, 20 Feb 2012 09:31:00 +0000

Pedrito Diablo y Los Cadáveras puxeron o venres unha sensacional lección instrumental sobre o escenario de Carral no inicio do Entroido. O sábado, os granadinos Niunpaloal'Arte encheron de talento escénico o local coa súa obra 'Los Sustitutos'

O recordo das últimas semanas da Sala The Star non terá matices para esquecer. De tan importante tarefa encargáronse esta fin de semana Pedrito Diablo y Los Cadáveras cun espectácular concerto que conquistou a un público non demasiado numeroso, pero si entregado ata o remate dun recital de sons instrumentais e acústicos clasificados nun surf rock ben construído. Fixeron bailar durante máis dunha hora a disfrazados (que entraron de balde) e sen disfrazar.

O sábado foi o turno para Niunpaloal'Arte e a súa obra 'Los Sustitutos', coa que conquistaron ao escaso público que asistiu á última sesión teatral da Sala The Star en Carral. Non obstante, o talento da compañía granadina non quedou sen o recoñecemento dos espectadores que gozaron cos personaxes de Gingo e Marichu nun excelente guión.

A última oportunidade para o teatro na Sala The Star

noreply@blogger.com (Álvaro J. Pérez Becerra) — Thu, 16 Feb 2012 10:43:00 +0000

A compañía Niumpaloal'Arte representará o 18 de febreiro a obra 'Los sustitutos', que está a ter unha sensacional acollida na xira que o grupo andaluz está a desenvolver en toda a península.

Marichu, unha actriz idealista e amante da súa profesión, e Jingo, un actor con medo escénico e cuxa vocación de artista venlle por encherse o estómago, son os compoñentes dunha compañía teatral chamada "Los sustitutos". Con ésta peculiar compañía dedícanse a viaxar de teatro en teatro coa ilusión de que a obra anunciada falle para poder tomar a alternativa e facer realidade o seu soño, representar o seu número sobre un escenario.

As entradas, xa á venda a través da Airapro Tenda, teñen un prezo de 4 euros no formato anticipado, e poderán adquirirse por 5 euros en taquilla.

Los Cadáveras apuntan ao territorio carralés

noreply@blogger.com (Álvaro J. Pérez Becerra) — Tue, 14 Feb 2012 09:54:00 +0000

Semella ao escoitar os primeiros acordes dos temas de Pedrito Diablo y Los Cadáveras que o sheriff chegou á cidade. Unha das bandas do momento sorprende en cada escenario dos que pisa nunha xira con album incluído na maleta. "El Cuerno del Chivo" é a banda sonora do carromato que percorre o noso particular oeste.

Se necesitan etiquetas para completar unha ficha poden engadir o de surf rock. Sexan conscientes de que a análise non profundiza nos matices dunha banda que sorprende, e non unicamente polo son que inunda dun ambiente cinematográico as salas que estes días contan coa súa presenza. Pedrito Diablo y Los Cadáveras teñen moito desa literatura escenográfica que se ocupa dos detalles.

Para escoitalos procede aparcar os efectos especiais e tirar do oído máis acústico: situarse en determinadas escenas de Tarantino sen perder de vista unha de vaqueiros. Con trompeta, guitarra acústica, percusión e baixo, garanten deslices psicodélicos, latinos e dun jazz propio das esferas da intriga.

Axeitada a súa presenza en venres, porque tal grupo de bandoleros será a mellor forma de persuadir aos da acera de enfrente, para así prolongar a noite e un ambiente tan peculiar como acorde co inicio do Entroido en Carral.

____

Pedrito Diablo y Los Cadáveras estarán o venres 17 de febreiro na Sala The Star de Carral, con entradas a 3 euros, e de balde para quen veña disfrazado...

A programación de Entroido protagoniza a penúltima semana da Sala The Star con concertos e teatro

noreply@blogger.com (Álvaro J. Pérez Becerra) — Mon, 13 Feb 2012 08:35:00 +0000

As últimas actuacións da Sala The Star terán por protagonistas a Pedrito Diablo y Los Cadáveras, a compañía de teatro granadina Niumpaloal'Arte e os ordeses Dios Ke Te Crew. Un último espectáculo con Os Dous de Sempre, que será retransmitido en directo por internet, suporá o peche definitivo da programación cultural do local carralés.

A despedida da Sala The Star o 25 de febreiro poderá seguirse en directo a través de internet

noreply@blogger.com (Álvaro J. Pérez Becerra) — Mon, 13 Feb 2012 08:27:00 +0000

Co mesmo sistema de realización para streaming empregado no concurso Querostar, o espectáculo no que participarán Os Dous de Sempre será emitido en directo na web da Sala

O equipo da Sala The Star comeza a preparar a que será, o próximo sábado 25 de febreiro, a despedida definitiva do local de espectáculos en Carral. Como se anunciou no comunicado co que se fixo pública a decisión do peche, os propietarios da sala, Marcos Pereiro e Xosé A. Touriñán, participarán nun último espectáculo ao que, a falta de confirmación, podería accederse unicamente con invitación. O que está claro é que a partir da medianoite a sala abrirá as súas portas por última vez para todo aquel que queira despedir o escenario de máis de trescentas actuacións ao longo destes catro anos.

Completando o círculo con La Senda de Afra

noreply@blogger.com (Álvaro J. Pérez Becerra) — Fri, 10 Feb 2012 12:23:00 +0000

O grupo coruñés chega este sábado á Sala The Star acompañado dos santiagueses Glasgow. Detrás dunha data máis da programación de inverno no local carralés péchanse círculos: os primeiros gañadores do Querostar serán os encargados de iniciar o mes da despedida...

Cando un 25 de setembro de 2010 os compoñentes de La Senda de Afra escoitaron do actor Marcos Pereiro o nome do seu grupo, a perspectiva dunha banda nova, que marcaba os seus pasos con máis ilusión e música que proxecto a longo prazo, mudaba para facer medrar as súas espectativas.

Sheila, Patri, Olalla e Ezequiel forman un grupo pop-rock diferente, tan axeitado para os manidos circuitos comerciais dos que se nutren as máis populares emisoras de radio como para atopar mensaxes detrás de letras cantadas por unha voz que en ocasións recorda aos primeiros tempos de Amaral. 'Pelirroja' e '1041' foron nunha primeira etapa dous dos temas máis coreados por un público novo, que busca melodías traballadas e letras cargadas de contido.

Sacan o tempo de onde poden, porque a música nun nivel inmediatamente anterior á tan complexa liña profesional non permite deixar estudos, nin afeccións, nin por suposto a vida de calquera moza ou mozo de vinte anos. E en La Senda de Afra hai futbolistas que estudan informática, produtores musicais en cernes e alumnos da facultade de medicina. O concerto na Sala The Star é, de feito, a reincorporación aos escenarios despois de redefinir, reformar e impulsar o proxecto musical dos tamén gañadores do concurso Nordés.

O concerto en Carral leva, doutra parte, unha carga de nostalxia incluída. Chegan acompañados polos composteláns Glasgow, que pisarán por primeira vez o escenario dun local que conta os seus últimos minutos de vida, polo menos na súa actual ubicación. E pechando círculos, cando nesa final do primeiro Querostar quedou proclamado La Senda de Afra como gañador, escoitouse entre apertas e felicitacións outro dos seus temas máis populares, 'Viejos conocidos', que na súa primeira estrofa aplícanos, aos que en quince días baixaremos a cancela para sempre, o mellor dos desexos: que te sea leve, que te vaya bien.

La Senda de Afra + Glasgow | 23.00 horas | 4 euros

A Sala The Star pecha despois de catro anos promovendo a cultura galega

noreply@blogger.com (Álvaro J. Pérez Becerra) — Tue, 07 Feb 2012 13:32:00 +0000

Á mala situación económica únense as dificultades derivadas do nulo apoio por parte do Concello de Carral, ademais da actitude dun sector dos veciños do municipio. A programación do mes de febreiro mantense, e o día 25 os propietarios do local, Marcos Pereiro e Xosé A. Touriñán, participarán nunha última actuación cuxo formato aínda está por definir. Non se descarta unha reapertura noutro concello da área coruñesa a medio prazo.

Carral, 7 de febreiro de 2012

Con máis de trescentas actuacións ás súas costas, a Sala The Star pechará as súas portas o vindeiro 25 de febreiro. A música, o humor, o teatro, o baile e todas as disciplinas culturais déronse cita nalgún momento no local rexentado polos actores Xosé A. Touriñán e Marcos Pereiro. A promoción e a difusión da cultura galega foi o seu obxectivo desde a apertura do local en xuño de 2007.

O mal momento económico está detrás dunha decisión á que tamén contribúen outros factores: o nulo apoio do Concello de Carral mudou nos últimos meses en constantes dificultades e requerimentos que facían imposible soster un local ao que a crise tamén se quixo achegar. Sen ser determinante, tamén a actitude dun sector dos veciños do municipio contra a actividade motiva o peche da Sala The Star.

Os propietarios da Sala non descartan unha reapertura nun municipio limítrofe que non poña obstáculos na acción cultural que un local así pretende desenvolver; sería, en todo caso, a medio prazo.

Mantense a programación para o mes de febreiro, coas actuacións de La Senda de Afra e Glasgow esta fin de semana, os concertos, festas e representacións teatrais de Entroido en quince días, e un derradeiro cartel de dous días que completarán o grupo ordés Dios Ke Te Crew e un último espectáculo aínda por definir, coa participación de Os Dous de Sempre.

Quédamos un agradecemento, de parte de todos os que formamos parte da Sala The Star, para os que contribuístes nestes catro anos a facer do noso obxectivo unha realidad na que agora poñemos este punto e seguido.

Glasgow, un tributo a Pereza en Compostela

noreply@blogger.com (Álvaro J. Pérez Becerra) — Mon, 06 Feb 2012 09:56:00 +0000

Non estiveron demasiado lonxe o pasado mes de agosto, cando xunto cos Skarallaos e os seus compañeiros de promotora Sinestesia formaron parte do cartel dun festival en Culleredo. Chegan agora a Carral da man de La Senda de Afra, o grupo gañador do primeiro Querostar. Son Glasgow, unha banda compostelá que bebe do pop español máis desenfadado, sen deixar de atender ao que se move lonxe destas fronteiras...

Jacobo, Álex, Borja e Arturo son Glasgow. Eles mesmos manifestan "ser" para solucionar un problema de posicionamento nas redes sociais: o de chamarse igual que unha cidade escocesa non axuda demasiado se queres aparecer nos primeiros postos dun buscador. A solución, /somosglasgow en MySpace, en SoundCloud...

Gañadores do Músicaxove 2011, empregaron durante o pasado ano tal recoñecemento para medrar pouco a pouco e pisar salas e festivais por primeira vez axudados pola súa produtora, Un Buen Día Producciones, que leva tamén a outras novas bandas galegas.

A música de Glasgow recorda a Pereza, e mesmo cando semella ser un tributo compre correxir: Los Piratas complementan a reminiscencia melódica dun pop que se deixa escoitar, e que sempre, en todos os casos, deixa esa sensación de música radiofórmula, que perfectamente podía substituír a calquera dos grupos que conforman a lista dos 40 Principales.

Chegan á Sala The Star con La Senda de Afra, nun concerto que moitos aspiran a facer e poucos resolven tan ben, con tanta música, con tanto son.

O concerto de Dios Ke Te Crew suspendido en novembro prográmase para o venres 24 de febreiro

noreply@blogger.com (Álvaro J. Pérez Becerra) — Tue, 31 Jan 2012 16:57:00 +0000

A banda de hip hop máis importante de Galicia presentan o seu novo disco, Humanose.
Dios Ke Te Crew é un colectivo Hip Hop nado en Ordes no 2003 propiciado pola unión das bandas de rap Ghamberros e boa parte de 5 Talegos. Formado por dj's, breakers, mc's e grafiteiros. Ritmos potentes e letras en galego. As entradas anticipadas, na Airapro Tenda.

Humor absurdo para unha noite de venres en Carral

noreply@blogger.com (Álvaro J. Pérez Becerra) — Tue, 31 Jan 2012 16:35:00 +0000

Pedro Reyes actuará por primeira vez na Sala The Star co seu espectáculo máis aplaudido. As súas aparicións televisivas levaron a este actor, escritor, humorista e director de cinema nado no norte de Marrocos a converterse nun dos cómicos máis populares.

Xa choveu desde que Pedro Reyes, o polifacético humorista que aos doce anos comezou a súa carreira como escritor en Huelva, fíxose popular grazas ao coñecido No te rías que es peor. Atrás quedaban La Bola de Cristal e outras aparicións televisivas menores, que co paso do tempo derivaron en facer do seu nome un dos máis populares da escena peninular.

Pedro Reyes nunca deixou ningunha das vertentes do seu traballo. Por iso, os teatros e as salas foron sempre a súa mellor morada. Con dezaoito anos viaxou con Pablo Carbonell a Madrid para interpretar co dúo Pedro y Pablo un espectáculo único en diferentes pubs da capital. Sería máis adiante cando, xa en solitario, lanzou o seu orixinal directo.

O paso do tempo provoca en Pedro Reyes o efecto menos común nos actores. El Club de la Comedia abriu para él unha nova porta, e o efímero Los Irrepetibles consolidou o pensamento de que a carreira dun cómico dos grandes non remata tan facilmente co paso dos anos.

No cinema, participou en diferentes obras como Los invitados (1986) ou Makinavaja, el último chorizo (1990). Porén, o seu sempre foi facer rir á xente enriba dun escenario. Na Sala The Star ten este venres a oportunidade de demostrar que unha das lendas do humor ibérico non ten previsto colgar as botas.

03/02/2012, 23.30 horas

7 euros (anticipada) / 10 euros (taquilla)

Épica remontada ou enésimo ridículo

noreply@blogger.com (Álvaro J. Pérez Becerra) — Mon, 23 Jan 2012 12:20:00 +0000

A inesperada victoria do equipo de Guardiola no Bernabeu deixa a eliminatoria de Copa do Rei moi difícil para o Real Madrid. Mouriño non pensa renderse, e pasando por enriba de críticas e polémicas no vestiario branco, buscará dar a sorpresa no Camp Nou. Na Sala The Star vivirémolo en directo, nunha noite que comezará ás 21.30 horas coa apertura ata o remate do encontro.

'Los sustitutos', de Niumpaloal'Arte, na Sala The Star

noreply@blogger.com (Álvaro J. Pérez Becerra) — Mon, 16 Jan 2012 09:23:00 +0000

A compañía granadina Niumpaloal'Arte trae a Carral o 18 de febreiro a súa obra 'Los sustitutos'. Marichu, unha actriz idealista e amante da súa profesión, e Jingo, un actor con medo escénico e cuxa vocación de artista venlle por encherse o estómago, son os compoñentes dunha compañía teatral chamada "Los sustitutos".

Con ésta peculiar compañía dedícanse a viaxar de teatro en teatro coa ilusión de que a obra anunciada falle para poder tomar a alternativa e facer realidade o seu soño, representar o seu número sobre un escenario.

As entradas anticipadas están xa á venda a través da Airapro Tenda a 4 euros. A Sala The Star programa este espectáculo teatral dentro do seu calendario específico para entroido, que se completará coa tradicional festa e un concerto.

Audio Quatro na Sala The Star

noreply@blogger.com (Álvaro J. Pérez Becerra) — Wed, 04 Jan 2012 13:06:00 +0000

Volve a música en vivo ao local carralés coa actuación, este venres a partir das 23.30 horas, dos coruñeses Audio Quatro. O estilo pop - rock máis actual dunha banda con grande proxección. As entradas terán un prezo de 3 euros, á venda na propia taquilla da Sala The Star. O concerto forma parte da nova programación do local.

A Sala The Star pon á venda as entradas para os espectáculos da programación de inverno

noreply@blogger.com (Álvaro J. Pérez Becerra) — Sat, 31 Dec 2011 20:51:00 +0000

La Senda de Afra, Pedro Reyes, Audio Quatro ou Pedrito Diablo y Los Cadáveras son algúns dos grupos e artistas que forman parte da nova programación da Sala The Star para inverno. As entradas para todos os espectáculos están xa á venda a través da Airapro Tenda, con prezos reducidos en moitos casos ao facer a compra anticipada a través da páxina web.
O humorista Pedro Reyes, que visitará Carral o venres 3 de febreiro, ofrecerá un monólogo na Sala ao que será posible acceder cunha entrada anticipada de 7 euros, que en taquilla (en caso de dispoñibilidade) terá un prezo de 10 euros.
No caso de La Senda de Afra e o seu concerto do 11 de febreiro, o prezo do billete é o mesmo, aínda que a Sala The Star recibirá ese mesmo día aos santiagueses Glasgow, que compartirán escenario cos gañadores da primeira edición do Querostar.

A Sala The Star non abrirá en Noiteboa como mostra de solidariedade polo falecemento de Borja Rodríguez

noreply@blogger.com (Álvaro J. Pérez Becerra) — Sat, 24 Dec 2011 15:19:00 +0000

O local únese á decisión de boa parte dos locais de ocio nocturno da localidade pola dor ante o accidente do pasado xoves que tivo onte o peor dos desenlaces nun hospital coruñés

Borja Rodríguez (Carral, 1987), sufriu o xoves unha caída no centro comercial Los Cantones Village que lle causou un traumatismo craneoencefálico polo que faleceu ás 20.15 horas do día de onte. Borja era un coñecido xogador da UD Carral e habitual da Sala The Star, ademais de outros dos locais máis coñecidos do municipio.

Todos os que formamos parte da Sala The Star, propietarios, equipo e clientes, queremos amosar todo o noso apoio e solidariedade á súa familia e aos seus amigos. Por outra banda, e pendentes de confirmar hora e lugar, o enterro terá lugar este domingo, 25 de decembro.

FELIZ 2012

noreply@blogger.com (Álvaro J. Pérez Becerra) — Thu, 22 Dec 2011 21:01:00 +0000

Grazas por compartir con nós tantos momentos ao longo do 2011 que remata. Que no 2012 se cumpran todos os vosos desexos, e que poidades vivilos ao noso carón. Todos os que facemos posible a Sala The Star agardamos que teñades unha fantástica entrada no novo ano.

A Sala The Star presenta nova programación

noreply@blogger.com (Álvaro J. Pérez Becerra) — Tue, 20 Dec 2011 09:56:00 +0000

O local de espectáculos carralés anuncia a presencia de Pedro Reyes, un dos humoristas de maior prestixio no panorama estatal, para o vindeiro venres 3 de febreiro. É o máis chamativo dun cartel no que destacan ademais os concertos de La Senda de Afra (gañador do Querostar 2010), que asistirá acompañado da banda compostelá de pop - rock Glasgow
Ademais, o tempo do Entroido virá con Pedrito Diablo & Los Cadáveras, nun espectáculo ao que asistirán de balde aqueles que asistan disfrazados. A programación complétase cun serán de música tradicional o 4 de febreiro, a festa de disfraces do 20 de febreiro e o concerto dos coruñeses Audio Quatro, o 20 de xaneiro.
As entradas anticipadas para os concertos e espectáculos serviranse a través da Airapro Tenda, como ven sendo habitual.

As festas de Noiteboa e fin de ano lideran a programación da Sala The Star para este Nadal

noreply@blogger.com (Álvaro J. Pérez Becerra) — Fri, 16 Dec 2011 13:07:00 +0000

A Sala The Star prepara o Nadal cunha programación festiva encabezada pola apertura nas noites do 24 e o 31 de decembro a partir da 1 da madrugada. Será o máis salientable dun periodo no que o local carralés manterá o seu horario habitual, coa emisión dos mellores partidos de Deportivo, Real Madrid e Barcelona e a noite do venres como pratos fortes en decembro e xaneiro.

O DJ da Sala The Star, no Airapro Conversas
David París, o deejay do local carralés, que pinchará en Noiteboa e Fin de Ano, participará o vindeiro mércores ás 13.00 horas nunha entrevista virtual promovida pola produtora Airapro, que xestiona a programación da Sala. Poderase seguir a través do Facebook, onde a partir do sábado será posible realizar preguntas e comentarios.

Remata o outono, comeza o Nadal

noreply@blogger.com (Álvaro J. Pérez Becerra) — Mon, 12 Dec 2011 08:41:00 +0000

Javier Veiga encheu a Sala The Star

A Sala The Star pechou o sábado, co monólogo de Javier Veiga, a súa programación de outono que ao longo de varios meses deixou momentos de música, humor e espectáculo no local carralés. Foi un sábado de contrastes, que comezou co fútbol e co partido entre Deportivo e Numancia (3-1) e o gran clásico entre Real Madrid e Barcelona (1-3). A Sala encheuse para ambas citas, nos prolegómenos da segunda visita a Carral dun dos grandes humoristas do panorama nacional, participante de varias actuacións en El Club de la Comedia.
Javier Veiga fixo disfrutar coa súa ironía e o seu bo sentido do humor ás máis de cen persoas que ocuparon todas as butacas dispoñibles, e que deixaron o local carralés a iso das dúas da madrugada para continuar a noite do sábado.

Aberta a recepción de propostas para a programación de inverno

Logo do Nadal, a Sala The Star programará novos espectáculos de música e humor nun novo cartel de eventos que encherán o remate de todas as semanas no local carralés. Co entroido no medio, será momento de iniciar o ano con novos talentos sobre o escenario.
A través de info@salathestar.com e do teléfono 981.670.311 está aberto o prazo de recepción de propostas en todo tipo de disciplinas: teatro, música, humor...

Programación para o Nadal 2011

Ao longo da semana, a Sala The Star fará pública a través da súa páxina web a programación para o Nadal, cos días de apertura e os horarios concretos das diferentes festas, entre as que destacará a xa tradicional celebración de Noitevella, na primeira noite do ano.

O domingo, abrimos pola mañá

O horario do partido que o vindeiro domingo disputarán a UD Las Palmas e o Dépor fará que a Sala The Star abra as súas portas en horario matutino. Ademais, e como ven sendo habitual nas últimas semanas, emitirase tamén en pantalla xigante o partido do Real Madrid.

O humor de Javier Veiga volve a Carral

noreply@blogger.com (Pilar - Airapro Producións) — Wed, 07 Dec 2011 10:07:00 +0000

O actor e presentador do grove regresa á Sala The Star este sábado para ofrecer un dos seus esperados monólogos. As entradas, a 10 euros anticipadas ou 12 en taquilla, xa están á venda tenda online de Airapro.

A Sala The Star acolle o domingo a estréa de HaiPOD, con Pepo Suevos, Oswaldo e David Amor

noreply@blogger.com (Álvaro J. Pérez Becerra) — Mon, 28 Nov 2011 08:57:00 +0000

Airapro Producións distribúe un monólogo a tres sobre tecnoloxía con tres dos mellores e máis recoñecidos actores e humoristas de Galicia. A posta de largo terá lugar a partir das 20.00 horas do domingo no local carralés. A actuación será gravada en vídeo e audio de xeito íntegro.

Como evolucionou a tecnoloxía, e o que lle queda! De feito, estes avances poderían ser o fío argumental dun espectáculo cómico, non? Pois aquí o está. Este é un espectáculo ideado, escrito e protagonizado por tres dos humoristas galegos máis prolíficos e aclamados dos últimos tempos.

Despois de miles de horas facendo rir en bares e tabernáculos de toda índole, Pepo Suevos, Oswaldo Digón e David Amor, deciden dar o salto aos grandes escenarios, os teatros, para darlle unha nova dimensión ao seu traballo. Pero queren facelo dun xeito especial, fuxindo dese sistema tan utilizado do “monólogo sucesivo”. A súa capacidade creativa permítelles abordar este proxecto dun xeito máis teatral, sen escaparlle a ningunha faceta das que se lle poden aparecer aos actores convencionais (cantar, bailar, facer personaxes, etc). Se ademais, aproveitan a gran complicidade existente entre eles para convivir enriba do escenario, e utilizan a súa ampla experiencia no corpo a corpo para xogar e improvisar co público, está claro que este espectáculo vai ser unha bomba completamente impredecible.

O único que está claro é a misión deste “comando tecnolóxico”: a xente ten que rir, que para chorar xa están os informativos.

Sergio Pazos presenta este venres en Carral o seu novo espectáculo, 'Se galego, my friend'

noreply@blogger.com (Álvaro J. Pérez Becerra) — Tue, 22 Nov 2011 18:36:00 +0000

O actor e presentador galego chega á Sala The Star este venres cunha espectacular traxectoria no mundo da televisión e da escena, tanto a nivel autonómico como estatal, ás súas costas

A de Sergio Pazos é desas caras que non pasan desapercibidas. Nalgún momento todos tivemos presente nas pantallas dos nosos fogares os seus diferentes papeis en contextos tan diferentes como o de reporteiro CQC na etapa do Gran Wyoming ou o de repartidor na mítica serie da TVG, Pratos Combinados. Daquela nin existía a Sala The Star nin Sergio lucía o look que presentará este venres en Carral (a súa cola de cabalo era noutrora inconfundible).

'Sé galego, my friend' é o espectáculo que o actor e presentador trae á Sala esta semana, sobre a filosofía de que os galegos somos unhos seres moi curiosos. Vémolo todo dende unha óptica diferente e temos un humor moi especial. Temos retranca, que tamén axuda. Temos anuncios que nos contan cómo somos, como o do Gadis: “Vivamos como galegos”. Temos carallo, que nos vale para todo (e para o outro). Temos a Fraga, que tamén nos vale para todo. Temos chistes de galegos. Temos a Deus, que ben pudo nacer en Galicia., e se pode demostrar. Temos Diputacións moi divertidas. E temos a Sergio Pazos que nos conta que ata nos monólogos… os galegos somos distintos. Por iso el berra: 'Se galego, my friend', ao igual que Bruce Lee nos decía 'Be water, my friend'. Non deixes de ser galego e ven disfrutar de este espectáculo que conseguirá que os que non son galegos tamén queiran selo. Ou Non.

VENDA ANTICIPADA DE ENTRADAS | AIRAPRO TENDA

'Pongamos que hablo de Madrid'

noreply@blogger.com (Álvaro J. Pérez Becerra) — Tue, 22 Nov 2011 16:47:00 +0000

O derbi madrileño xógase na Sala The Star. Este sábado a partir das 20.00 horas, en directo e en pantalla xigante, o Atlético de Madrid - Real Madrid no mellor ambiente. O partido abrirá a programación futbolística da fin de semana no local carralés, que continuará o partido do Barça o mesmo sábado, a partir das 22.00 horas e contra o Xetafe.

A festa continúa a noite de Reis na Sala The Star

noreply@blogger.com (Álvaro J. Pérez Becerra) — Thu, 17 Nov 2011 11:26:00 +0000

Co remate do Nadal, volven os horarios habituais á Sala The Star, todos os venres a partir das 20.00 horas comezan as mellores horas da semana en Carral. Os sábados e domingos, tamén coa retransmisión dos mellores partidos da Liga BBVA e a Liga Adelante, e con especial atención aos encontros de Deportivo, Barcelona e Real Madrid. A noite de Reis, a Sala The Star encherase tamén de música e festa.