Sammarinn

L�tum �� heyra �a�

Tue, 10 Nov 2009 00:43:05 +0100

Á laugardaginn henti Darren Bent sér niður áður en nokkur snerting var og fékk vítaspyrnu gegn sínum gömlu félögum í Tottenham. Í gær gerði David Ngog það sama, henti sér niður þar sem hann hefur væntanlega gert ráð fyrir snertingu og hefur viljað ganga úr skugga um að hann dytti nógu hressilega til að uppskera víti.Nú reynir á knattspyrnusambandið. Væntanlega átti að gera fordæmi úr Eduardo þegar UEFA tók hart á leikaraskap hans og maður hélt að pressan væri loksins orðin nógu mikil til að svona lagað hætti að verða þetta áberandi hluti af leiknum. En eftir stendur að staðan er enn sú sama: Það borgar sig að svindla og því gera menn það.

Velkomin � h�pinn

Mon, 09 Nov 2009 16:49:58 +0100

Tekurðu 100+ kg í bekk og ert heltanaður? Finnst þér gaman að rekast viljandi í fólk þegar þú gengur niður laugarveginn um helgar? Finnst þér fótbolti algjör tímasóun? Fórnaðir þú kannski frama sem markvörður í fótbolta fyrir hvítan kjól? Þá skaltu ekki lesa lengra. Sammarinn leitar að flottum pennum til að bætast í hópinn sem skrifar reglulega á síðuna. Eins og stendur erum við 7 sem að skrifum greinar um allt eða ekkert sem tengist fótboltanum en höfum trú á að 2-3 í viðbót væri kjörinn viðbót. Nýjustu pennar síðunnar eru Axel Freyr sem hefur skrifað flottar greinar um markmannskempur og Eggert (Doktorinn) sem hefur frætt okkur um ýmis meiðsli og komið með glænýjan vinkil á hlutina.Menn eru því hvattir til að koma með ferskar hugmyndir í hópinn og tökum við sérstaklega vel á móti stuðningsmönnum annarra en 'big four' eða áhugamönnum um aðrar deildir en þá engilsaxknesku. Ef þú hefur áhuga á að láta rödd þína heyrast, koma af stað umræðum og einfaldlega skrifa um fótbolta láttu þá í þér heyra á tumi@sammarinn.com

Here we Ngog again

Mon, 09 Nov 2009 15:27:53 +0100

Það er væntanlega að bera í bakkafullan lækinn að tala um leikaraskap í ensku deildinni. Málefnið mun hins vegar óhjákvæmilega koma upp aftur eftir leik Liverpool og Birmingham í kvöld. Liverpool jafnaði leikinn 2-2 með vítaspyrnu sem Frakkinn David N'gog hafði fiskað af Lee Carsley. Vilja margir meina að þar hafi verið um klára dýfu að ræða og vítaspyrnudómurinn því verið rangur. Hér er ekki ætlunin að færa rök fyrir að þetta hafi verið víti eða ekki. Orð ensks lýsanda um atvikið voru mun áhugaverðari en sjálft atvikið. Ég hef ekkert á móti því að leikmenn reyni að sækja vítaspyrnur. Ég fyrirlít hins vegar dýfur. Ef hann [N'gog] hefði bara dregið fótinn aðeins á eftir sér og náð snertingunni við Carsley hefði þetta snúið öðruvísi við. Það var hins vegar engin snerting. Þetta var ekki víti. Þessi rök eru stórmerkileg. Sem sagt, framkoma X er siðlaus og röng EN ef hann hefði hins vegar reynt að fela X betur þá slyppi þetta nú alveg. Téðum lýsandi væri væntanlega alveg sama þó að eiginkona hans héldi fram hjá honum villt og galið. Svo lengi sem hún færi nú bara leynt með það.

��ra Helgad�ttir � F�tbolta��ttinum � dag

Mon, 09 Nov 2009 04:18:41 +0100

Þóra Helgadóttir landsliðsmarkvörður Íslands verður í aðalhlutverki í Fótboltaþættinum í dag. Þóra var um helgina valin besti leikmaður norsku úrvalsdeildarinnar af leikmönnum hennar og gekk um leið frá samningi við sænska úrvalsdeildarfélagið Malmö. Þá verða leikir helgarinnar til umræðu ásamt landsleikjum vikunnar en Íslendingar mæta einmitt Írönum ytra. Spurningum til Þóru og óskir um önnur mál til umfjöllunar má pósta í ummælakerfinu. Fótboltaþátturinn á Útvarpi Sögu FM 99.4 kl 17 í dag.

�j�lfarar

Sun, 08 Nov 2009 18:12:00 +0100

Undanfarnar vikur hef ég pælt töluvert í hlutverki þjálfara í knattspyrnuheiminum. Þjálfarar á borð við Rafael Benitez, Phil Brown, Juan De Ramos og Willum Þór Þórsson hafa verið í umræðunni en þeir eru allt mjög athyglisverðir þjálfarar. Hvers vegna ná þjálfarar frábærum árangri með eitt lið en svo skelfilegum árangri með önnur? Sumir þjálfarar fá svo aldrei tækifæri til að sanna sig á alvöru vettvangi á meðan aðrir skíta á sig með eitt lið en fá samt áfram tækifæri til að þjálfa önnur einfaldlega vegna þess að nafnið þeirra er orðið þekkt. Fyrrverandi leikmenn með litla sem enga reynslu eru svo ítrekað valdir til starfa fram yfir bóklærða menn sem halda því fram að það sé tvennt ólíkt að spila fótbolta og að þjálfa. Svo er Guðjón Þórðarson auðvitað sér kapítuli útaf fyrir sig.