མཛད་པ་པོ། དབལ་མང་པཎྜི་ཏ་དཀོན་མཆོག་རྒྱལ་མཚན།
བརྗོད་བྱ། སེམས་དང་སེམས་བྱུང་གི་རྣམ་གཞག
རིག་མཛོད་འཕྲུལ་དེབ་ཨང་། SJRB-0502
ཡིག་ཆའི་རྣམ་པ། PDF པར་གཞི། འབྲས་སྤུངས་སྒོ་མང་གི་དཔེ་དེབ་ལྟར།
ཤོག་གྲངས། 139 ལྗིད་ཚད། 1.6MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི་དཔལ་མང་པཎྜི་ཏ་སྐུ་ཕྲེང་གསུམ་པ་དཀོན་མཆོག་རྒྱལ་མཚན་གྱི་གསུང་སེམས་དང་སེམས་བྱུང་གི་རྣམ་གཞག་ཅུང་ཟད་བཤད་པ་རང་རྒྱུད་གསལ་བའི་མེ་ལོང་ཞེས་བྱ་བ་ཡིན་ལ། འདི་ནི་ཚིག་ཉུང་དོན་འདུས་དང་ཁ་གསལ་གོ་བདེའི་ཁྱད་ཆོས་དང་བཅས་པ་ཡིན་པས་སེམས་དང་སེམས་བྱུང་གི་རྣམ་གཞག་སློབ་པར་འདོད་པ་རྣམས་ལ་རྨད་དུ་བྱུང་བའི་ལེགས་བཤད་ཅིག་ཡིན་ནོ། །

མཛད་པ་པོ། འཇུ་མི་ཕམ་རྣམ་རྒྱལ་རྒྱ་མཚོ།
བརྗོད་བྱ། ཚད་མ་རྣམ་འགྲེལ་གྱི་གཞུང་།
རིག་མཛོད་འཕྲུལ་དེབ་ཨང་། SJRB-0492
མ་ཕྱིའི་པར་རྩ། དྷཱིཿསེར་པོའི་དཔེ་ཚོགས་ཀྱི་དཔེ་ལྟར།
ཡིག་ཆའི་རྣམ་པ། PDF
ཤོག་གྲངས། 621 ལྗིད་ཚད། 3.8MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ༡༨༤༡ལོར་ཁམས་སྡེ་དགེའི་ཉེ་འདབས་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། འཇམ་དབྱངས་མཁྱེན་བརྩེ་དབང་པོ་དང་། དབང་ཆེན་དགྱེས་རབ་རྡོ་རྗེ། དཔལ་སྤྲུལ་འཇིགས་མེད་ཆོས་དབང་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་སྦྱངས་པ་མཐར་ཕྱིན་པར་མཛད། མདོ་སྔགས་གཞུང་ལུགས་ཀྱི་དཔྱད་འགྲེལ་བཤད་པ་སོགས་མང་དུ་མཆིས་ཤིང་། ཁྱད་པར་དུ་བཟོ་དང་། གསོ་བ། རྩིས་རིག་བཅས་ལ་ཕུལ་དུ་བྱུང་བའི་ཕྱག་རྗེས་ཆེན་པོ་བཞག །རྗེ་འདིའི་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། ༡༩༡༢དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། འཇུ་མི་ཕམ་རྣམ་རྒྱལ་རྒྱ་མཚོ།
བརྗོད་བྱ། ཚད་མ་རྣམ་འགྲེལ་གྱི་གཞུང་།
རིག་མཛོད་འཕྲུལ་དེབ་ཨང་། SJRB-0491
མ་ཕྱིའི་པར་རྩ། དྷཱིཿསེར་པོའི་དཔེ་ཚོགས་ཀྱི་དཔེ་ལྟར།
ཡིག་ཆའི་རྣམ་པ། PDF
ཤོག་གྲངས། 458 ལྗིད་ཚད། 3.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ༡༨༤༡ལོར་ཁམས་སྡེ་དགེའི་ཉེ་འདབས་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། འཇམ་དབྱངས་མཁྱེན་བརྩེ་དབང་པོ་དང་། དབང་ཆེན་དགྱེས་རབ་རྡོ་རྗེ། དཔལ་སྤྲུལ་འཇིགས་མེད་ཆོས་དབང་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་སྦྱངས་པ་མཐར་ཕྱིན་པར་མཛད། མདོ་སྔགས་གཞུང་ལུགས་ཀྱི་དཔྱད་འགྲེལ་བཤད་པ་སོགས་མང་དུ་མཆིས་ཤིང་། ཁྱད་པར་དུ་བཟོ་དང་། གསོ་བ། རྩིས་རིག་བཅས་ལ་ཕུལ་དུ་བྱུང་བའི་ཕྱག་རྗེས་ཆེན་པོ་བཞག །རྗེ་འདིའི་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། ༡༩༡༢དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། གཉལ་སྟོན་དཔལ་འབྱོར་ལྷུན་གྲུབ།
བརྗོད་བྱ། གསུང་རབ་ཀྱི་དྲང་ངེས།
རིག་མཛོད་འཕྲུལ་དེབ་ཨང་། SJRB-0490
ཡིག་ཆའི་རྣམ་པ། PDF པར་གཞི། སེར་བྱེས་དཔེ་རིང་ལག་བྲིས་མ།
ཤོག་གྲངས། 514 ལྗིད་ཚད། 2.7MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི་མཁས་པའི་དབང་པོ་གཉལ་སྟོན་དཔལ་འབྱོར་ལྷུན་གྲུབ་ཀྱིས་མཛད་པའི་དྲང་ངེས་དཀའ་འགྲེལ་ཆེན་མོའམ་ཡོངས་གྲགས་སུ་གཉལ་སྟོན་དྲང་ངེས་ཞུ་བ་དེ་ཡིན་ལ། འདི་ནི་ཆོས་རྗེ་འཇམ་དབྱངས་བཀྲ་ཤིས་དཔལ་ལྡན་པ་ལ་འཇམ་མགོན་བླ་མ་ཙོང་ཁ་པ་ཆེན་པོའི་དྲུང་ནས་དངོས་སུ་གསན་པའི་དྲང་ངེས་ལེགས་བཤད་སྙིང་པོའི་ཁྲིད་རྒྱུན་མངའ་བ་ལས་མཁས་པའི་དབང་པོ་གཉལ་སྟོན་དཔལ་འབྱོར་ལྷུན་གྲུབ་ཀྱིས་ཞུས་ཏེ་རྗེའི་གསུང་རྒྱུན་དྲི་མ་མེད་པ་ཡི་གེར་བཀོད་པ་ཡིན་པས་བྱིན་རླབས་ཀྱི་ཚན་ཁ་ཆེན་པོ་ཡོད་པར་གྲགས་ལ། ལྷག་པར་དུ་དབུ་མའི་སྐོར་གྱི་ས་བཅད་ལ་ཐུན་མོང་མིན་པའི་ཁྱད་ཆོས་ཡོད་པར་མཁས་པའི་གསུང་རྒྱུན་ལས་འབྱུང་བ་ཡིན་ནོ། །

མཛད་པ་པོ། རིགས་ལྡན་པདྨ་དཀར་པོ།
བརྗོད་བྱ། དུས་ཀྱི་འཁོར་ལོ་ཕྱི་ནང་གཞན་གསུམ།
པར་གཞི། སྡེ་དགེའི་བསྟན་འགྱུར་ལྟར།
རིག་མཛོད་འཕྲུལ་དེབ་ཨང་། SJRB-0487
ཡིག་ཆའི་རྣམ་པ། PDF
ཤོག་གྲངས། 665  ལྗིད་ཚད། 3.5MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདིར་སྤྱན་རས་གཟིགས་ཀྱི་སྤྲུལ་པ་ཤམ་བྷ་ལའི་རིགས་ལྡན་པདྨ་དཀར་པོས་མཛད་པའི་བསྡུས་པའི་རྒྱུད་ཀྱི་རྒྱལ་པོ་དུས་ཀྱི་འཁོར་ལོའི་འགྲེལ་བཤད་རྩ་བའི་རྒྱུད་ཀྱི་རྗེས་སུ་འཇུག་པ་སྟོང་ཕྲག་བཅུ་གཉིས་པ་དྲི་མ་མེད་པའི་འོད་ཅེས་བྱ་བ་སྟེ་དུས་འཁོར་བསྡུས་རྒྱུད་ཀྱི་འགྲེལ་ཆེན་དྲི་མེད་འོད་དུ་གྲགས་པའི་སྨད་ཆ་བཞུགས་ལ། སྨད་ཆ་འདིར་སྒྲུབ་ཐབས་ལེའུའི་འགྲེལ་པ་ལས་མདོར་བསྡུས་བཞི་པ་མན་ཆད་དང་། དབང་གི་ལེའུའི་རྒྱས་འགྲེལ། ཡེ་ཤེས་ལེའུའི་རྒྱས་འགྲེལ་བཅས་ལྷན་དུ་བཞུགས།

མཛད་པ་པོ། རིགས་ལྡན་པདྨ་དཀར་པོ།
བརྗོད་བྱ། དུས་ཀྱི་འཁོར་ལོ་ཕྱི་ནང་གཞན་གསུམ།
པར་གཞི། སྡེ་དགེའི་བསྟན་འགྱུར་ལྟར།
རིག་མཛོད་འཕྲུལ་དེབ་ཨང་། SJRB-0486
ཡིག་ཆའི་རྣམ་པ། PDF
ཤོག་གྲངས། 665  ལྗིད་ཚད། 4MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདིར་སྤྱན་རས་གཟིགས་ཀྱི་སྤྲུལ་པ་ཤམ་བྷ་ལའི་རིགས་ལྡན་པདྨ་དཀར་པོས་མཛད་པའི་བསྡུས་པའི་རྒྱུད་ཀྱི་རྒྱལ་པོ་དུས་ཀྱི་འཁོར་ལོའི་འགྲེལ་བཤད་རྩ་བའི་རྒྱུད་ཀྱི་རྗེས་སུ་འཇུག་པ་སྟོང་ཕྲག་བཅུ་གཉིས་པ་དྲི་མ་མེད་པའི་འོད་ཅེས་བྱ་བ་སྟེ་དུས་འཁོར་བསྡུས་རྒྱུད་ཀྱི་འགྲེལ་ཆེན་དྲི་མེད་འོད་དུ་གྲགས་པའི་སྟོད་ཆ་བཞུགས་ལ། སྟོད་ཆ་འདིར་འཇིག་རྟེན་ཁམས་ཀྱི་ལེའུའི་འགྲེལ་པ་ཆ་ཚང་དང་། ནང་གི་ལེའུའི་འགྲེལ་པ་ཆ་ཚང་། སྒྲུབ་ཐབས་ལེའུའི་འགྲེལ་པ་ལས་མདོར་བསྡུས་གསུམ་པ་ཡན་ཆད་བཅས་ལྷན་དུ་བཞུགས།

མཛད་པ་པོ། རིགས་ལྡན་འཇམ་དཔལ་གྲགས་པ།
བརྗོད་བྱ། དུས་ཀྱི་འཁོར་ལོ་ཕྱི་ནང་གཞན་གསུམ།
རིག་མཛོད་འཕྲུལ་དེབ་ཨང་། SJRB-0390
ཡིག་ཆའི་རྣམ་པ། PDF པར་གཞི། སྡེ་དགེའི་བསྟན་འགྱུར་ལྟར།
ཤོག་གྲངས། 310 ལྗིད་ཚད། 1.7MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདིར་ཤམྦྷ་ལའི་རིགས་ལྡན་ཉེར་ལྔའི་ཐོག་མ་རིགས་ལྡན་འཇམ་དཔལ་གྲགས་པས་མཛད་པའི་མཆོག་གི་དང་པོའི་སངས་རྒྱས་ལས་ཕྱུང་བ་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོ་ཞེས་བྱ་བ་སྟེ། ཡོངས་གྲགས་སུ་དུས་འཁོར་བསྡུས་རྒྱུད་དུ་གྲགས་པ་ཉིད་བཞུགས་ལ། རྒྱུད་འདི་ནི་ཐོག་མར་ཁ་ཆེའི་པཎྜི་ཏ་སོ་མ་ནཱ་ཐ་དང་། བོད་ཀྱི་ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ་ལས། དུས་ཕྱིས་བོད་ཀྱི་ལོ་ཙཱ་བ་ཆེན་པོ་དགེ་སློང་ཤོང་སྟོན་རྡོ་རྗེ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་ཡུལ་དབུས་ཀྱི་རྒྱ་དཔེ་ལ་གཏུགས་ཤིང་ལེགས་པར་བཅོས་ཏེ་གཏན་ལ་ཕབ་པ་ལགས་ཤིང་། འགྱུར་དེ་ཉིད་སྡེ་དགེའི་བསྟན་འགྱུར་རྒྱུད་པོད་༼ ཐ ༽ པར་བཞུགས་པ་མ་ཕྱིར་བཟུང་ནས་བསྒྲིགས་པ་ཡིན་ནོ། །

རྩ་འགྲེལ་གཉིས་ཀ་མཛད་པ་པོ། གུང་ཐང་བསྟན་པའི་སྒྲོན་མེ།
བརྗོད་བྱ། རྗེ་ཙོང་ཁ་པ་ལ་བསྟོད་པ།
རིག་མཛོད་འཕྲུལ་དེབ་ཨང་། SJRB-0489
ཡིག་ཆའི་རྣམ་པ། PDF པར་གཞི། བླ་བྲང་བཀྲ་ཤིས་འཁྱིལ་གྱི་ཤིང་པར།
ཤོག་གྲངས། 309   ལྗིད་ཚད། 1.7MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྗེ་གུང་ཐང་དཀོན་མཆོག་བསྟན་པའི་སྒྲོན་མེ་ནི། ༡༧༦༢ ལོར་མདོ་སྨད་མཛོད་དགེ་སྨད་དུ་འཁྲུངས། དགུང་ལོ་ལྔའི་སྐབས་གུང་ཐང་སྐུ་གོང་མའི་ཡང་སྲིད་དུ་ངོས་འཛིན་གནང་། དགུང་ལོ་བདུན་གྱི་སྐབས་བླ་བྲང་བཀྲ་ཤིས་འཁྱིལ་དུ་ཆོས་སྒོར་ཞུགས་ཤིང་། ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བདུན་གྱི་སྐབས་དབུས་ཀྱི་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་སློབ་གཉེར་དང་གསན་སྦྱོང་མཛད། དགུང་ལོ་ཉེར་གཅིག་གི་སྐབས་རྒྱལ་བ་འཇམ་དཔལ་རྒྱ་མཚོ་ལས་དགེ་སློང་གི་སྡོམ་པ་ཞུས། དགུང་ལོ་ཉེར་ལྔའི་སྐབས་ལྷ་རམས་པའི་གྲྭ་སྐོར་དམ་བཅའ་མཛད། དགུང་ལོ་སོ་གཅིག་གི་སྐབས་བླ་བྲང་བཀྲ་ཤིས་འཁྱིལ་གྱི་ཚོགས་ཆེན་གྱི་ཁྲིར་ཕེབས། མདོ་སྨད་ཕྱོགས་ཀྱི་ཆོས་སྡེ་མང་པོར་ཆོས་རྒྱུན་འཆད་སྤེལ་དང་སློབ་མ་སྐྱེས་ཆེན་དམ་པ་མང་དུ་བསྐྱངས། ༡༨༢༣ ལོར་སྐུ་གཤེགས། གསུང་རྩོམ་པོད་བཅུ་གཅིག་བཞུགས། སྐབས་བབ་ཀྱི་འཕྲུལ་དེབ་འདིར། འཇམ་མགོན་རྒྱལ་བ་གཉིས་པ་ལ་བསྟན་པའི་སྙིང་པོ་གསལ་བར་མཛད་པའི་ཚུལ་ལས་བརྩམས་ཏེ་བསྟོད་པ་དོན་དང་ལྡན་པ་ཞེས་བྱ་བ་རྩ་བ་དང་དེའི་རྒྱ་ཆེར་འགྲེལ་པ་བསྟན་པའི་དེ་ཉིད་སྣང་བ་གཉིས་ལྷན་དུ་བཞུགས།

མཛད་པ་པོ། དགེ་བཤེས་བྱམས་པ་རྒྱ་མཚོ།
བརྗོད་བྱ། མཁྱེན་གསུམ་གྱི་རྣམ་པ་རྒྱས་པར་བཤད་པ།
རིག་མཛོད་འཕྲུལ་དེབ་ཨང་། SJRB-0488
ཡིག་ཆའི་རྣམ་པ། PDF པར་གཞི། རྩོམ་པ་པོའི་ཕྱག་བྲིས་ལྟར་བསྒྲིགས།
ཤོག་གྲངས། 475 ལྗིད་ཚད། 2.4MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༦ ཟླ་ལྔ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དགེ་བཤེས་བྱམས་པ་རྒྱ་མཚོ་ནི། ཕྱི་ལོ་༡༩༣༢ལོར་བོད་དུ་སྐུ་འཁྲུངས། དགུང་ལོ་བཅུ་གསུམ་པ་ལ་སེར་བྱེས་གྲྭ་ཚང་གི་ཆོས་སྒོར་ཞུགས། དགུང་ལོ་བཅུ་དྲུག་ནས་གཞུང་ཆེན་སློབ་གཉེར་དབུ་འཛུགས་མཛད། ཕྱི་ལོ་༡༩༥༩ ལོར་འབྲུག་ཡུལ་བརྒྱུད་རྒྱ་གར་དུ་བཙན་བྱོལ་ལ་ཕེབས་ནས་བྷག་ས་ཆོས་སྒར་དུ་སློབ་གཉེར་མུ་མཐུད་གནང་། ༡༩༦༧ལོར་ཝཱ་ཎ་མཐོ་སློབ་ཏུ་སློབ་སྦྱོང་ལ་ཕེབས་ཏེ་༡༩༧༠ལོར་ཨ་ཅརྱའི་ཕྱག་འཁྱེར་ཐོབ། ༡༩༧༢ལོར་དགེ་བཤེས་ལྷ་རམས་པའི་མཚན་བཏགས་བཞེས། རང་གཞུང་ཆོས་རིག་ལས་ཁུངས་ཀྱི་བཀའ་མངགས་བཞིན་ཝཱ་ཎ་རུ་ཤེས་རབ་སྙིང་པོ་ཞིབ་འཇུག་གནང་མཁན་གྱི་གྲས་སུ་ཕེབས། ༡༩༧༦ལོར་མཁྱེན་གསུམ་གྱི་རྣམ་པ་རྒྱས་པར་བཤད་པ་མེ་ཏོག་ཕྲེང་མཛེས་ཞེས་བྱ་འདི་ཉིད་ལྗགས་རྩོམ་མཛད། ༡༩༨༠ ལོ་ནས་ནུབ་ཕྱོགས་སུ་བསྟན་པ་དར་སྤེལ་རྒྱ་ཆེར་མཛད། བཞུགས་ཤག་གསར་རྒྱག་སོགས་ཀྱིས་ཁང་ཚན་དུ་གྲྭ་མང་གི་དཀའ་ངལ་སྣ་མང་སེལ་བར་བྱས། ཁང་ཚན་གྱི་བརྩི་བཞག་མཁན་པོའི་ལས་ཁུར་ཡང་ལོ་མང་མཛད། གྲྭ་ཚང་དང་ཁང་ཚན་ཆོས་ཚོགས་དང་ཚོགས་སྡེ་ཁག་གཞན་སོགས་སུ་ཞབས་ཏོག་དང་གཟིགས་སྐྱོང་མི་དམན་པར་མཛད། མཐར་ཕྱི་ལོ་༢༠༠༧ལོར་དགོངས་པ་ཆོས་དབྱིངས་སུ་ཐིམ་ཚུལ་མཛད།

མཚན་བྱང་། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བའི་རྒྱན།

མཛད་པ་པོ། སྐྱོ་བྲག་དགའ་དབང་།
བརྗོད་བྱ། མངོན་མཐོ་དང༌ངེས་ལེགས་ཀྱི་ལམ།
རིག་མཛོད་འཕྲུལ་དེབ་ཨང་། SJRB-0482
ཡིག་ཆའི་རྣམ་པ། PDF
ཤོག་གྲངས། 251 ལྗིད་ཚད། 3.7 MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༦ ཟླ་གསུམ་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། སྐྱོ་བྲག་དགའ་དབང་ནི། ནང་ཆེན་སྐྱོ་བྲག་ཏུ། སྤྱི་ལོ་ ༡༩༧༤ ལོར། ཕ་འདན་མ་བུ་ཆུང་དང་། མ་ཨོར་ཆོས་གཉིས་ཀྱི་བུར་སྐྱེས། མ་ཡི་དྲུང་ནས་ཡི་གེ་འབྲི་ཀློག་སྦྱངས། ཆེར་ལོངས་པ་ན། སྐྱོ་བྲག་གསལ་བྱེད་རིན་པོ་ཆེ་ལ་སྐྲ་ཕུད་ཕུལ་ཏེ། འབའ་རོམ་བཀའ་བརྒྱུད་ཀྱི་ཆོས་སྡེ་སྐྱོ་བྲག་དགོན་པའི་ཆོས་སྒོར་ཞུགས། དཔལ་སྤུངས་མཁན་པོ་དིས་ཆུང་བློ་ཆོས་སོགས་བཀའ་དྲིན་ཅན་གྱི་བླ་མ་དགེ་བའི་བཤེས་གཉེན་དུ་མ་ཞིག་གི་དྲུང་ནས། སུམ་རྟག་དག་ཡིག་སྙན་ངག་སོགས་བོད་ཀྱི་གཞུང་རིག་རྣམས་ལ་ཅི་ནུས་ཀྱིས་སྦྱངས། གོ་ཤྲི་རྒྱལ་ཚབ་རིན་པོ་ཆེའི་དྲུང་ནས། བཀའ་བརྒྱུད་སྔགས་མཛོད་དང་། གདམས་ངག་མཛོད། ཕྱག་ཆེན་རྒྱ་གཞུང་སོགས་ཀྱི་དབང་ལུང་མན་ངག་ཚང་བར་ཞུས། རུམ་བཏེག་བཤད་སྒྲུབ་ཆོས་འཁོར་གླིང་གི་བཤད་གྲྭ་ཀརྨ་ཤྲཱི་ནཱ་ལེནྡྲ་ལ་སོགས་པ་འཛམ་གླིང་གི་ས་གནས་མང་པོར་འགྲོ་བསྐྱོད་ཀྱིས་དམ་ཆོས་འཆད་སྤེལ་བྱས་དང་བྱེད་བཞིན་པ་ཡིན། གང་གིས་བརྩམས་པའི་དཔེ་ཆ་དག་ནི། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བའི་རྒྱན། དབུ་མ་ཤེས་རབ་ལ་འཇུག་པའི་ཊཱིཀ་ཚིག་དོན་རབ་གསལ། སུམ་ཅུ་པའི་ཚིག་ལེའུར་བྱས་པའི་ཊཱིཀ་སེམས་དོན་གསལ་བ། དགེ་ཚུལ་གྱི་ཀཱ་རི་ཀཱ་ལྔ་བཅུ་པའི་འགྲེལ་བ་བག་ཆགས་མ། བསྟན་བཅོས་ཡོན་ཏན་རིན་པོ་ཆེ་ཀུན་ཏུ་འོད་ཀྱི་ཊཱིཀ་སྙིང་པོ་གསལ་བ། དོན་དམ་ཕྱག་རྒྱ་ཆེན་པོའི་མན་ངག་གི་སྙིང་པོ་ལྔ་ལྡན་རྡོ་རྗེའི་ཚིག་དོན་བཤད་པ་རིན་ཆེན་སིལ་མ། བྱང་ཆུབ་སེམས་དཔའི་བསླབ་བྱ་ནོར་བུའི་ཕྲེང་བའི་འགྲེལ་བ། ཁ་རག་སྒོམ་ཆུང་གི་བློ་སྦྱོང་ཨང་ཡིག་བདུན་ཅུ་མའི་འགྲེལ་བ་མཁའ་གྲུ་མ། དུས་རབས་གསར་པའི་བློ་ལྡོག་རྣམ་བཞི་སོགས་རྣམ་གྲངས་མང་ངོ་། །