1. Oviana no nanomboka nanao DJ
Miarahaba ny mpitsidika ny takelaka serasera.org
Ny nanombohako nanao DJ angamba tsy voafetra amin'ny fotoana satria taty am-pita vao napetraky ny olona ilay hoe DJ RODMAN.
Ny talohan'izay efa nampandihy tetsy sy teroa fa amin'ny maha Rodman ahy fotsiny.
Tany ho any amin'ny faha 15 taona tany no nampandihizako voalohany, mazava ho azy fa fetim-pianakaviana no nanombohana izany.

2. Inona ny antony nahatonga anao ho Disk-Jockey ?
Tsotra be, tsy dia misy antony manokana fa efa izay le hoe "passion".
Mahafinaritra ahy ilay mifety, satria rehefa miresaka hoe DJ dia mazava ho azy manaraka eny ny hoe fety.

3. Karazan-kira inona no manavanana anao ?
Manavanana daholo, fa aleo angamba valiko hoe inona no tena tsy manavanana?
Reny karazankira antsoina hoe Trance, Hardcore, Electro ... ireny no tena tsy zakan'ny sofiko.

4. Taiza avy ny lalana efa vitanao lafiny deejaing?
Ny lalana efa naha DJ RODMAN angamba no lazaiko satria mbola resaka amateur be ny talohan'io.
- Nitazona Club Bar iray tao Geneve ny taona 2003 - 2004, resident hoy ny fitenenana: EVENTS CLUB.
- Telo taona nifanesy nampandihy ny soirée de cloture RNS 2005 niaraka tamin'ny DJ LOVA,
RNS 2006 niaraka tamin'ny DJ R'AL Marseille - RNS 2007 niaraka tamin'ny DJ DINA (mpimaso kely ho an'izy telo mitsamy)
- De amin'izao fotoana manao animation DJ ao amin'ny discotheque LE JAGUAR etsy 77 (banlieue parisienne)
- Ny soirée organisée moa zany tsy lazaina eto tsony fa reny efa hitantsika reny.

5. Inona ny projet ?
Hitondra ilay "passion" ho lasa lavidavitra kokoa, ho atao fivelomana mazava ho azy. Iza no tsy maniry ny hoe mivelona amin'ny zavatra mafinaritra azy zany? Fa amin'izao fotoana aloha aleo mbola miketrika.

6. Iza ny DJ préférés na tahafinao ?
Raha vahiny aloha dia Martin Solveig, Bob Sinclar, DJ Mast
Raha malagasy dia MC KREESAN, JAYTAXX, BIG JO l'ambianceur, ireo no hitako sy efa henoko ny mix-ny, fa sur aho fa efa misy relève amizao any amin'ny tanàna any fa mbola tsy naheno mix aho dia tsy afaka miteny.

7. DJ RODMAN ve mikarakara ihany koa sa mampandihy fotsiny ?
Eny mikarakara koa aho, raha ny tena marina dia mifameno ireo. Ny DJ matetika dia Organisateur ihany koa. Ary tsy vitsy koa aza no lasa chanteur : joy k, dj sissi, mamy gotso,  ... Tsy olana izany fa mozika daholo ireo.

8. Contact-nao ?
dj_rodman@hotmail.com

          E-mail : mamibasta2@yahoo.fr

          Siteweb : www.myspace.com/mamibasta

          Ny adiresiko dia Lot 1118 J 110 Mahazoarivo - Avaratra 110 Antsirabe Madagasikara

          Tamin’ny taona 1977 aho no nanomboka namoron-kira voalohany ary tamin’ny 1982 ao no niaraka tamin’ny Tarika REMY , ny taona 2000 aho no nanomboka nandeha irery ka nitondra ny anarana “ MAMI Bastah” 

          Efa nanao fampisehoana mihoatran’ny 120 eran’i Mcar aho hatramin’ny nitondrako ny anarana MAMI Bastah , ary efa nanao fampisehoana tany ivelany ihany koa : La Reunión , FRance , REp Tchèque , Allemagne , Italia

           Amin ‘izao fotoana izao aho dia solotenan’i Mcar amin’ny fifaninanana iraisam-pirenena  PRIX MUSIQUE OCEAN INDIEN 2009 izay atao ao amin’ny Alliance Française  Antananarivo ny famaranana ny 25 Sept 2009 amin’ny 7 ora hariva (Jereo www.prixmusiquesoceanindien.com

          Ny isan’ny hira noforoniko hatramin’izao dia miisa any amin’ny 160 any ho any ary efa namoaka raki-kira (CD Audio 2 aho ary VCD 1)

           Ny mpihira tiako dia : 

-          Vahiny : Bob Dylan , Cat Stevens , James Taylor , The Beatles

-          Malagasy : Mahaleo , Lolo sy ny Tariny ; ERick Manana , Tselonina , Feo Gasy , Henri Ratsimbazafy , Jaojoby

Isaorako be dia be ny hetsika toy izao satria ezaka fampahafantarana ny artista Malagasy

                             MILA VONJY NY GASILAHY

Mila vonjy e, mila vonjy e , mila vonjy ny gasilahy

Fahamarinana tsisy hita ho’aho , fa tapitra nafenin-dry zalahy

Mila vonjy e, mila vonjy e, mila vonjy ny gasivavy

Ny olo-marina nantenaina misy ‘tady hamono sy hamosavy

Andriamanitra Ray Tsitoha ô , henoy re ‘ty vavakay

Fa tena mafy tokoa , tokoa  e , ny loza manjo ity taninay

Efa hatramin’ny elabe no nila vonjy sy nitalaho

Ray Mpamonjy , henoy re , fa mitaraina ny zanakao

‘Reo mpitsindroka zôridira ho’aho , omeo sakafo mba hifaliany

Kalokalo sy hirahira ho’aho , no ataovy solon’ny fijaliany

‘Reo tsy manana hialofana e , matory eny an-dalam-be

Omeo lamba mba hirakofana , tsy manana havana mba aleha

‘Reo mpitantana sy mpitondra re , tariho ny sainy hanao ny rariny

‘Reo mpanodikodina volabe , asaivo soloiny izay nangalariny

Raha manao tsy rariny ireo lehibe , ampiharo lalàna mba ho voasazy

Endaso ho mendy amin’ny afobe , f’efa zatra mangorona ny tsy azy

‘Reo olo-marina sy azo antoka omeo hery sy fitahiana

Raha sendra ny ady izay tena sarotra dia arovy tsara fa aza ariana

Mila vonjy e.............................................................

Andriamanitra Ray mahery ô , omeo valiny ny hatakay

Fa aza avela handeha irery , tsilovy ny lalan-kizoranay

Tsy izay tinay fa ny sitrakao ihany no tanterahina re ry Ray

Ry tompon’ny hery tsy mety lany , mila vonjy aminao re ny taninay

Kanefa na izany aza , olombelona ihany mandre marary

Mahatsiaro mijaly sahiran-dava , rehefa miakatra ambony ny vidim-bary

Andriamanitra Ray mahery ô , iraho mba hidina aty Jesosy

F’izahay malagasy mitady ho very , sady tsy ampy sakafo no tsy ampy sôsy

Mitanondrika mitaraina re , ampanjakao re ny fahamarinana

‘Reo tompon’andraikitra lehibe , ambeno mba tsy hanao zara vilana

‘Reo olon-dratsy mpisetrasetra , tsy maty manota fa mafibe

Sazio mba hitovy aminay rehetra , na “TIM” izy na “TGV”

Mila vonjy e...............................................................

Hamaranako izany tafa , henoy tsara raha azo atao

Tonom-bavaka hafahafa , fa sady mamely no mitalaho

Aok’izay ny mifampitady ry mpanao pôlitika tsy an-kanavaka

Atsaharo hatreo ny ady dia ho tonga tsy ho ela ny valim-bavaka

‘Reo mpanompon’I Jeso Kristy ô , hiara-hiasa sy hampihavana

‘Reo basy sy fiara mifono vy , ampirimo amin’izay , soloy fitiavana

Hiara-dalana , hikorana e , Monsieur Guy Rivo sy Ratsivalaka

Ingahy Andry sy Ingahy Ravalo , hiara-handihy salegy, handihy kilalaka

Mila vonjy e.................................................................

        Mila vonjy , mila vonjy , mila vonjy Zanahary

        Fa ‘ty tanindrazanay ity anie tena marary

Mpikambana ao amin’ny OMDA ( Zon’ny Mpamorona) nanomboka ny taona 1995 amin’ny maha - Mpanoratra,Mpamorona feon-kira sy Mpandrindra mozika ary Mpihira.

Nanomboka  tamin’izy 15 taona no nilona voalohany tao amin’ny tontolon’ny mozika tamin’ny fampianarana tena.

Nanomboka tamin’ny 1994, tany Toliara, no namorona ny Tarika GAMA na Gasy Manal’ Azy vokatry ny finamanana tanora maromaro mpankafy mozika mifangaro na “ fusion”  ka ny mozika Rock Vakodrazana malagasy no niangalin’izy ireo tamin’izany.Nandray anjara tamin’ireo fihetsiketsehana nisy tamin’izany ny Tarika GAMA , toy ny Cabarets, Diner concert, Fête de la musique, Rencontre musicale ary Festival Culturel de l’Université ...

Ny taona 2002, Tomi DADAROZY raha nanohy ny fianarany tao Antananarivo dia nanangana Tarika REGA na Revy Entin' ny Gadon' Adalana vokatry ny mpinamana ny samy mpilalao mozika izay nandray anjara tamin’ny fandaharana ( MaTV sy RLI, RTA hoanao …) , Cabarets ary Fête de la musique ...Ny fianarana anefa no nahatonga ny Tarika ho rava tamin’izany.

Nanomboka ny taona 2005 ka hatramin’izao, Tomi DADAROZY dia nifototra tanteraka tamin’ny famoronan-kira ka anisan’ ny nahalalana azy teo amin’ny tontolon’ny kanto dia ny fandraisany anjara tamin’ ny raki-kira roa an’i Haingo "Ho Anao" sy "Groove it… from MD" (tsidio www.haingo.com) sy ilay hira hirain’ i Haja PAZZAPA III mitondra ny lohateny  " Tiako tokoa " ary ireo tanora vao misondrotra ...

Ny taona 2006, niverina indray ny Tarika GAMA ( niova ho  GAsy MAsaky) rehefa nihaona ka namokatra raki-kira mitondra ny lohateny “ Madagasikara” izay miangaly ny “musique du monde”. Noho ny fahatomombana ara-bola sy ny tsy fananana Manager dia mbola tsy nivoka eny amin’ny tsena ny vokatra.

Ny oktobra 2008, dia nandray anjara tamin’ny Festival Madajazzcar tao Antsirabe izy sy ny mpiara-miasa aminy izay mpialalao mozika ihany koa ka nanangana Tarika RegVak QUARTET izay  miangaly ny Jazz Fusion Malagasy.

Tomi DADAROZY dia mpankafy ny “Musique du monde “ sy ny vazo miteny.

Raha sitrapon’ Andriamanitra dia amin’ ity taona 2009 ity izy no mikasa ny hamoaka ny raki-kirany voalohany mandeha irery izay miangaly ny vazo miteny ary eo am-pitadiavana ny manager-ny izy amin’izao fotoana izao.
Mieritreritra ny hanangana Tarika iray hafa izy izay hilalao “musique du monde “ rano fotsiny izay efa vonona ny hira rehetra.

“ Ny fihenoana sy fankafizana ny mozika dia mitondra fanantenana sy fihavanana amin’ny fiainana, ary ny fanaovana ny mozika dia miteraka filaminana ao anaty ” Tomi DADAROZY

Tranok’ala : http://www.tomidadarozy.netii.net na www.myspace.com/tomidadarozy 

Imailaka : tomidadarozy@live.fr

Tsy mijanona fotsiny amin’ny « karaoké »  tsotra anefa i Madagasikaraoké fa manentana sy mihira ireo kanto malagasy sy vahiny ihany koa.

Madagasikaraoké, ihany koa dia « Madagasikara – ok » amin’ny sehatra fanafanàna korana sy takarivam-pilanonana maro isan-karazany.

Madagasikaraoké dia tsotra : « Tonga ny olona, dia mihira Madagasikaraoké, mihira izay te hihira, Madagasikaraoké mampifaly, mitsakitsaky ny mpijery, Madagasikaraoké manentana ; fiaraha-mientana sy mifampizara korana no tanjona »

Madagasikaraoké dia tsy iza tsy akory fa i Stephanie , mpihira tao amin’ny Feon’ala teo aloha, Muriel tao amin’ny Pazzapa ary I Haja www.radiovazogasy.com

Tsy mavesatra ara-pitaovana ny fikarakarana , kanefa ny kantom-peon’ny mpihira dia ampy hanafana ny lanonana rehetra mety hanasana azy .

Fandaharam-potoana MADAGASIKARAOKE : Volana aogositra

Zoma 14 aogositra 2009 :

MOVE MADA miaraka amin’i Stéphanie sy Muriel

Zoma  21 aogositra 2009 :

MOVE MADA miaraka amin’i Stéphanie sy Muriel

Asabotsy 22 aogositra 2009 :

FLEUR DE TANA miaraka amin’i Stéphanie sy Muriel

Zoma 28 aogositra 2009 :

MOVE MADA miaraka amin’ i Stéphanie sy Muriel

Fanampim-panazavana  :

MADAGASIKARAOKE dia ao amin’ny

FLEUR DE TANA :    ny 22 aogositra 2009

Efitrano fisakafoanana mahazaka olona 40

Adiresy : 27 rue de Neuilly  / 92 110 Clichy la Garenne France

Famandrihan-toerana  FLEUR DE TANA :     01 47 31 44 55

Manomboka amin’ny 09 ora alina hatramin’ny sasakalina

Fandraisana  anjara : 20 Euros ahazoana sakafo malagasy hifidianana sy fandraisana anjara amin’ny fanentanana.  

Metro 13 Mairie de Clichy  / Train SNCF Clichy Levallois (sortie rue de Neuilly)

Fametrahana fiara : rue Jeanne d’Asnières

MADAGASIKARAOKE dia ao amin’ny  

MOVE MADA ny :     14 / 21 / 28 aogositra 2009

Efitrano fandihizana mahazaka olona  120  

Adiresy : 03 rue de le Tombe Issoire / 75014 Paris France.

Famandrihan-toerana MOVE MADA :          06 59 60 75 34

Manomboka amin’ny 09 ora sy sasany alina ka hatramin’ny 01.00 ora maraina , avy eo dia mitohy amin’ny alim-pandihizana miaraka amin’ny Dj ny korana

Fandraisana anjara: 10 Euros hahafahana miditra amin’ny karaoké sy ny fandihizana mandra-maraina  

Metro 06 Saint Jacques  / RER B Denfert Rochereau

Raha mila fanazavana fanampiny  : 06 61 09 30 38 na  contact@radiovazogasy.com

Amin'ny fahadimin'ny volana septembre izao dia ho ao Parisy sy ny manodidina ny tarika, ao anatin'ny fampisehoana "Raiso ny dimy" foana. Fampisehoana izay hatao ao amin'ny tranobe fanaovam-pety Le millénaire ao Savigny Le Temple.

Amin'ny faha 12 volana septembre ao Marseille, fampisehoana karakarain'ny fikambanana vatosoa.

Ny faha 19 volana septembre dia hiverina indray any Nantes izy ireo,

Ny faha 03 oktobra ao Montpellier ary hifarana ao Toulouse ny fety amin'ny 10 oktobra. Hafana tokoa izany fampisehoana izany satria efa 2 taona izay no tsy nifankahitana tamin'ireo mpakafy azy ny tarika hampirevy indray ny rock vita malagasy.

Tsindrio eto raha hividy tapakila

Tsindrio eto raha hihaino ny resadresaka nifanaovana tamin'ny tarika

Singa iray enti-maneho fihetsehana, anaty sy ivelany, ny feo. Maro ny azo ampiasàna azy, fa ny fanehoana azy ara-java-kanto no ijoroan’ny MALAGASY TEAM KALO A CAPELLA. MALAGASY TEAM KALO A CAPELLA, angaredom-peon’ireo mpandala ny mozika voizina aminy (feo), ivondronan’ny tarika maromaro… 3 sy 3, AVM, Mi’AKO, Ar’ty, Zikal, Mikanto Voicing, Team’dera, sy ireo mahaleo-tena vitsivitsy.

Voa-janahary indrindra ny feo, ka na mbola tsy misy zava-maneno hanarahana azy akory aza dia efa afaka ajoro ho mozika feno… iray manontolo, rehefa mandrotsirotsy sy mirindra ho an’ny sofina mandray azy. Ny mpikambana @ iretsy tarika voalaza etsy ambony iretsy dia tanora voavolavolan’ity karazana "seho mozika A capella" ity, àry saika vanim-potoana iray no nihalehibeazan’izy ireo, nitaiza ny fahazazàny, ka niampitàny tamin’ny fahamatorana. Nanodidina ny faramparan’ny taona 90, teo anelanelan’ny 1995 sy 2000 teo, no nahafantarana tarika vitsivitsy nilalao azy io, saingy nihanalefaka izany taorian’ireo. Tsy nodimandry akory ireo tarika ireo, fa nikaroka hevitra hametrahana fototra tsara rafitra sy maty paika hijoroan’ny hoavin’ity taranja ara-mozika iray ity amin’ny sehatra marin-toerana kokoa. Hetsika iray entina hampirantiana azy io, mitondra ny lohateny hoe MALAGASY TEAM KALO A CAPELLA ihany, no hotanterahina ny 10 Jolay 2009 ho avy izao eto amin’ny Faribolana Alemà-Malagasy (Cercle Germano-Malagasy).

Tamin’izany taona 1995 izany, na talohaloha keliny, no nandrenesana fipoirana tarika hoe : Boyz II Men, All-4-one, Pow Wow, Poetic Lovers, Bobby Mc Ferrin, Take 6… sy ny mitovitovy karazana aminy maro. Ireo no tarika anisan’ny nisarika ny MALAGASY TEAM KALO A CAPELLA hilona sy hiaina ao anatin’ity A capella ity, ankoatr’ireo tarika Malagasy vitsivitsy izay efa namela ny dian-drangony tamin’ity kolon-tsaina… kolo feo iray ity moa : Salala, Vaovy, Senge, AVM, Ar’ty, etsetra. Hiran’ireo tarika ireo hatrany no nentina nampifanandrifiana tadin-dokanga… jihim-peo, isaky ny misy fihaonana voalohany eo amin’ny samy mpandala azy ity. Nihanivoatra ny zava-drehetra ka raha mpamerina ireo hiran’olona ireo ny MALAGASY TEAM KALO A CAPELLA fahiny, dia saika efa nirona tamin’ny famoronana izy ireo ankehitriny, izany hoe misy làlana mazava tsara nizorana sy nolalovan’ny fivoarany…

Manasa anao àry izy ireo hanatrika sy hanotrona io fampisehoana hotanterahany ny faha-10n’ny volana Jolay io, eto amin’ny Faribolana Alemà-Malagasy (Cercle Germano-Malagasy) ihany, manomboka amin’ny 07 ora hariva. Ilazao ny tapaka sy namana fa tsy matetika ny endri-javatra tahak’izao !!!!

« MALAGASY TEAM KALO A CAPELLA »

1964 : Vao folo taona monja dia nanomboka niakatra an-tsehatra izy ary nanao vakodrazana tao amin’ny tranom-pokonolona Isotry

1971: Nandray anjara tamin’ny fifaninana hira madinika tamin’ny teny frantsay (concours de variété françaises) tao amin'ny Radio Nationale de Madagascar

1972 : Namoaka ny kapila « 45 tours »  voalohany misy ny hira « Nofy ratsy » sy « Endrikao » .
Nanomboka tsy afaka am-bavan’ny malagasy ny hirany  hoe « Tsipolitra » sy « ity hirako ity » sns.

1974 -  1981: Nanomboka nitety an’i madagasikara nanao fampisehoana .Saiky voatetiny avokoa ireo faritany enina sy ireo tanan-dehibe tao aminy

1982 : Nahazo ny loka  Radio France tamin’ilay hira « fananetanana »

1984 : Nahazo fanasana tamin'ny « Festival de printemps de Bourges » ary izy no nanomboka ny fizarana voalohany .Ny fizarana  faharoa dia nadnraisan’ny  namana afrikana anjara.

1991: Nanafana sy nanentana ny hetsika Herivelona tao amin'ny 13 mai.

2001: Tao Vienne,nanohana ny « Festival SOS  Mit Mensch » .

2002 : 22 Febroary tao Mahamasina dia nandray anjara tamin’ny fanokanana ny Filoha Marc Ravalomanana  tamin’ny « mila namana » sy « Ka tianao va »

Hetsika manaraka handraisany anjara dia ny 11 jolay 2009 any amin’ny Palais des  Congres de l’Est Parisien, Montreuil

Ny raiko dia mpamoron-kira sady nanana Tarika nantsoina hoe “Ny Avoko” tamin’ny fotoan’androny. Mpitarika ny Amboaram-peo tao amin’ny Fiangonana nisy anay koa izy, ka izany no nahatonga ahy niditra tao amin’io antoko mpihira  io dieny mbola kely, nanaraka azy mampianatra hira… Ny reniko dia nihira tao amin’io tarika io, ary ny renibeko (arrière grand mere) dia mpilalao tantara an-tsehatra nanana ny naha izy azy… Tiako hambara koa fa maro ny olona ao amin’ny fianakaviana no manana talenta mihira sy milalao an-tsehatra raha tsy ireo izay voalaza ambony ireo ihany, ary ny fivoriana dia tsy ialàn’ny vetsovetso…

Taona niatombohana nihira , niakarana sehatra ? 

11 folo taona aho no niakatra an-tsehatra voalohany... nihira ny Imaitsoanala (hiran’I Vola sy Noro), ary tsy nahatody hatramin’ny farany fa nitsoaka, satria tera-dranomason’ny henatra sy ny tahotra! Efa efa-polo taona mahery aho izao…

Faniriana hatrizay ve ny hihira ? 

Faniriana? fitiavana angamba, sa talenta efa nitaiza? hoy ny fitenenana hoe “latsaka tao anatin’ny hira aho vao teraka teto an-tany!”

Hira nahafantarana anao voalohany ? 

Lasalasa ambiroa, fony izao tao amin’ny tarika ORO, fa ny hira voalohany noforoniko sy nandraisako anjara tamin’ny fifaninanana “Découvertes RFI 86” dia “Ho an’iza ny masoandro”

Hira eritreretinao hoe nitiavan'ny olona anao ? 

“Avelao… ?

Mpanoratra ny hira ? 

Misy ireo hira , izaho no mamorona ny feonysy ny tonony, fa miara miasa amin’ireo mpanakanto manana talenta manokana ho amin’izany koa aho. Ny anadahiko koa dia mandray anjara be amin’ny famoronanan ny hira sasany hiraiko …

Vetin kevitra fonosin'ny tonokiranao ? zavatra niainanao ve ?

Fitavana amin’ny ankapobeny, fiainana…

Zavatra niainako? indraindray eny, indraindray tsia…

Misy hafatra tianao ampitaina manokana ve aminy hiranao ? 

“…fa ny hira izay hiraiko no ahafantaranao ny amiko

na ny zavatra  tsy tiako, na ny zavatra izay mamiko,

ireny tebitebin-tsaiko, sy ny hafaliam-poko,

Izay rehetra toe-panahiko, ny ahiahiko finoako…”Lalatiana, taona 1987…

Mpanakanto ankafizinao ? malagasy ? vahiny ? lahy ? vavy ? 

Tsy manana anarana manokana ho lazaina aho, fa mankafy izay hira mahasarika ny fitiavako sy ny saiko eo am-pihainoana izany… Mety ho ny tonony nomanohana ahy, mety ny feony, mety ny mpihira, na koa mety izy rehetra mitambatra…Mihaino karazan-kira maro be koa aho, na gasy na avy aty ivelany, fa mamelona ny hevitra famoronana sy ny aigam-panahiko izany…

Ny lalana nodiavina :

Ny azoko ambara :

-     11 taona niakatra an-tsehatra voalohany,

-    Nanafana sehatra maromaro fony mbola vantony, tao amin’ny fokontany sy ny fiangonana, niaraka tamin’ny mpiara-mivavaka, ny mpiray tanàna (tamin’izany no nanomboka nifanerasera tamin’I Tôty ), fa indrindra ny mpiray tampo, nanafàna alim-pandihizana izahay tamin’izany fotoana izany, nanomboka namorona hira koa, ary nankafy ny fiarahana mihira teo an-davarangana…

-     1982:Niditra tao amin’ny Tarika ORO (Tarika nadalovan’ny mpanakanto malaza toa an’i  Nono, Solo Andrianasolo, Arly Rajaobelina, Rolly Andrianjohary, Mamay Ralaivita ary I Toty dia anisan’ny Mptitendry tao…). Tarika namokatra hira toa an’i Lasalasa ambiroa, Avelao any, sady nanafàna fety isan-karazany….

-     1984: niditra ho mpihira tao amin’ny Café Théatre Speedy, ary nihira teny an-tsehatra isaky ny zoma sy ny sabotsy alina, tamin’izany no niforonan’ny Tarika Speedy Band, sy Tritra avy eo… Tao no nanombohana nihaino sy nilalao karazan-kira maro toa ny jazz, tao koa no nampirona ny saina tamin’ny fampivadiana ny loko samihafa ao anatin’ny asa famoronana…Vako-jazz, Jazz-fision… Ireo mpitendry nifandraisana sy niaraha-niasa tamin’izany no tena tompo-marika tamin’io (Ndrina, Tôty, Pana, Datita Rabeson, Elysé, Naivo…)

-     1986: Namoronako  ny hira voalohany: Ho an’iza ny masoandro, hira izay nandraisana anjara tamin’ny Fifaninana “Découvertes RFI” ary nahazoako ny loka “Prix des auditeurs”

-     1987: Volana Aprily, niakatra an-tsehatra irery voalohany  nitondra ny anarana Lalatiana, Madagasika sy ivelany……

……dia mbola mitohy izany hatramin’izao…

Tsy dia fanaoko ny manisa fa tsy misy dikany amiko izany amin’ny lafiny kanto

Firy ny isan ny hira ?  

 tsy voaisako…30, 60, 100?

Raki-kira navoaka ? 

2000: Ianao namako, 13 hira, Famahoana  Rija R/LLT

2006: Tsotra ihany, 11 hira, Famahoana  Jejy Mozika

Ny dingana eritreretinao hotratrarina amin ity taona ity , taona manaraka ? album ? 

Ny Famolavolàna ny hamoahana  ny kapila manaraka, no imasoako izao, fa tsy manana daty atolotra aho raha ny hivoahany marina. Toy izany ihany no efa nataoko tamin’ireo teo aloha…

Seho manaraka ? 

-      6 Jona, fampisehoana manokana any Bordeaux,

-      26 juin 2009 à Nogent : Fampisehoana ao anatin’ny fankalazàna ny fetin’ny fahaleovan-tena, sy fandraisana anjara amin’ny fiaraha-miasan’ny faritra Picardie sy Madagasikara,

-     4 jolay: fampisehoana manokana Départemanta 91,

-     12 jolay: fampisehoana manokana any Toulouse,

-     Novambra: fampisehoana any Poitiers…

Inona no mampiavaka ity hetsika ity ? 

Misy lanjany manokana amiko ny manolotra anjara-biriky amin’ny asa fampandrosoana indrindra fa ho an’I  Madagasikara. Raha ny talentako no antsoina ho amin’izany, dia vonona aho. Tsy vao izao izany no nataoko, fa efa hatry ny ela no niantsoana ahy hanantanteraka hetsika toa izany…

Inona ny zava baovao ho an'ny mpakafy anao ? 

Ny fiakàrako an-tsehatra dia zava-baovao foana, satria ny seho rehetra amiko dia samihafa daholo.. Ny zavatra mbola tsy mahazatra ny olona angamba dia ny mozika manaraka ny hirako amin’izao fotoana izao, izay somary nohamaivanina, fa izany no mampisongadina ny aingampanahy vokarin’ireo hira hiraiko. Ny hafanàn’ny hira anefa ao foana, ny hira koa tsy miova…

Raha ny hira hiraina indray dia mazava ho azy fa amin’ny fampisehoana toy izao no hampisehoana izay vaovao…

Misy teny tianao hapitaina amin'ny mpakafy anao ve ? 

Raha  mbola omen’ny Nahary tombon’andro aho, ary isaorako Azy izany, dia mbola hihira foana, ary hanandratra izay talenta nomena ahy mba hitondra hafaliana ho anareo mpankafy.. misaotra amin’ny fankasitrahanareo, fa hery lehibe ho ahy izany sady mamporisika ahy handroso foana…

Ireo tanora izay maniry hanaraka ny dianao ? 

Lalàn-davitra no nalehako teo amin’ny sehatry ny mozika, ary tsy voatery ho tsara foana ny zavatra niainako tamin’izany.  Nofikiriko foana anefa ny nofiko, dia ny hanao izay zavatra mahafinaritra ahy …ary tsy mbola niova tamin’izany aho hatramin’izao…  Tsy mahatsiaro ho efa tonga aho na koa ho feno tanteraka fa mbola miezaka mampivelatra izay efa hananako, ka izay rehetra hitako sy henoko dia ampiasaiko avokoa hizorako ho amin’izany….  Maniry aho mba hanana nofy daholo ny rehetra …

tsy lesona omena fa pi-maso kely monja…

Tsikaritra tamin’ny seho niarahana tamin’i Bodo,Poopy,Fara Andriamamonjy,Ndriana Ramamonjy sy ireo mpihira maro hafa fantan-daza tamin’ny vanimpotoana. Efa roapolo taona lasa izay.

Namoaka rakikira 4,teo ambanin’ny fiahian’i,Ndriana Ramamonjy,dadanaivoko, izay  mpandrindra sy mpanoratra ny hirako rehetra.

Anisan’ny mpanankanto nahalafo rakikira maro indrindra teo amin’ny sehatry ny zava-kanto malagasy.

Nanao fampisehoana maro tokoa satria dia isaky asabotsy sy alahady dia feno foana ny fandaharam-potoana nandritry ny 11 taona.Manao fitsidiham-paritany maro,eran’ny nosy,ary koa hatrany am-pita aza.(France,Suisse,Etats-Unis,Afrique)

Nahazo ny « prix revelation gasitsara 1994 »

Voafidy ho « vehivavy mendrika ny taona 1996 »

Lany feo mangan’ny Madagasikara,ary nandritra ny fisehoana tany Etats-Unis ny taona 1997 dia niseho gazety ny vaovao.Naharitra taona maro no reha sy hita matetika tao amin’ny radio sy fahita lavitra ny hiran’i Hantatiana. Tafiditra ny sehatry ny « Top Hit Parade. »

Efa ho sivy taona  no mipetraka aty Suisse,nianatra no nandaozana an’i Madagasikara.Rehefa tapitra izany dia nanambady an’i Njaka(Ingénieur) ary niteraka zaza roa,Tahiana sy Kanto.

Estheticienne no asako ary mpihira rahateo,no sady vady no reny.

Manao seho hira “classique”aty Suisse ary ny hira fiderana sy fitoriana matetika any ivelan’ny Suisse.

Nahazo fangatahina fampisehoana maro ary efa nandritra ny nipetrahana taty Suisse izany saingy efa manambady aman-janaka ankehitriny ary ny fianakaviana no mandeha alohan’ny zava-drehetra,mbola kely ny ankizy dia nahena ny seho.Sady miasa rahateo koa  ny « weekend ».

Ny fampisehoana kasaina atao atsy ho atsy raha sitrapon’Andraiamanitra ,

Ny 27 juin  amin’ny 19h30 ao Toulouse izay atao ao amin’ny :Vieux temple,70 rue Pargaminières, 31000 Toulouse

Ny manaraka dia ny 26 septembre ao Poitiers

Ary ny 1er novembre mbola Toulouse ihany.

Mbola holazaina miandalana eo ny an-tsipirihan’ny fampisehoana manaraka voalaza etsy ambony.

Misy “CD best of” izay ahitana ireo hira taloha nahafantarana an’i Hantatiana ary “VCD.”

Misy “Single” ahitana hira roa vaovao koa,”Lokon’ny lanitra” sy “Vers toi mon Dieu” izay afaka azo mandritra ny fampisehoana raha ny tokony ho izy.

Hisy koa ny rakikira vaovao amin’ny heritaona izay ahitana ireo hira roa ireo.

“Voninahitra ho an’Andriamanitra irery ihany,fitaovana fotsiny aho fa Izy no miasa!”

“Misaotra anareo namaky ary misaotra an’ireo mankafy ny hirako.Efa tsy handry ny hifankahitana aminareo.”

Teraka tao Sambava (Faritany Avaratra-atsinanan'i Madagascar), ary izay no nahatonga azy nitondra io anarana io. Fony mbola kely izy dia efa niaina tao anatin'ny mozika. Niantomboka tamin'ny filalaovana guitare, ary lasa mpihira tamin'ny tanora tao am-piangonana.Tonga teto Frantsa izy tamin'ny taona valopolo (80),ary niorim-ponenana  taoToulon.

Nanomboka niaka-tsehatra maro samihafa :mihira, mitendry guitare sy synthétiseur,niaraka tamin'ny tarika mpanakanto samy hafa koa teto an-toerana.Nandritra izay fotoana izay dia niverina tao an-tsainy ny mozika izay mampiavakaan'i Madagascar izay niainana taloha; ary nafangarony ny mozika izay avy eto Frantsa dia tanteraka soa aman-tsara antsakany sy andavany ary nankafizin'ny maro.

Tamin'ny taona 2003 no niforona ny tarika mpanakantony izay mitondra anarana hoe « NONO SAMBAVA »,izay miisa telo lahy (3) ny mpilalao ao, ary efa za-draharaha daholo no sady zanak'i Madagascar avy izy ireo. 

Ny tarika NONO SAMBAVA dia mampiseho sy manambara  ny mozika feno ary mirakitra ny zava-boary avy amin'ny nosin'i Madagascar. Raha ny fialamboly no resahina dia mahafinaritra sy mahafaka sorisory ary azo lazaina hoe: « mpanjakan'ny rotsirotsy ».

Tamin'ny faran'ny taona 2002, no nivoaka ny sangan'asa voalohany izay mitondra ny anarana hoe :"SUCC'SIAKA".

Nivoaka ny taona 2009, ny sangan'asa faharoa izay nantsoina hoe:"RO MAZAVA",izay mirakitra hira miisa 16,ary misokajy fomba fandihizana maro samihafa,tahaka ny:Sega, Zouk, Salegy, Reggae, Slow, Chacha, Malesa….

Ny groupe NONO SAMBAVA dia efa nanao fampisehoana matetika tamin'ny toerana lehibe tahaka ny ato amin'ny Zénith Oméga de Toulon, hetsika lehibe ary  fampisehoana isan-karazany amin'ny toerana fialamboly, fampandihizana,amin'ny fanambadiana sy toerana fisakafoanana.

Indro ny takelaka hahalalana bebe kokoa an’i NONO SAMBAVA : www.nonosambava.com

- Samy Andriamanoro izay mpitendry “piano” mpanaraka ahy efa ho 20 taona mahery izao

- Rado Rakotorahalahy izay manan-talenta maro noho izy sady mpamoron-kira no mpihira no mpandrindra ary “batteur”.
- Joel Rabesolo, mpitendry gitara izay nahazo ny faneva tamin’ny fifaninana nampanaovin’ny Radio Lazan’Iarivo taona 2007
- Nins mpitendry “batteur” anisan’ny ikoizana
- Haja Rakotonimanga : mpitendry « piano » efa ela nitendrena « jazz »

Ireo mpitendry nandray anjara kosa, ao anatin’io rakikira io, dia ireo voatonona rehetra ireo ihany miampy an’i Nicolas Vatomanga eo amin’ny « saxophone » sy « flute », Miora eo amin’ny « batterie » sy « basse » sasantsasany ary Kim’s eo amin’ny basse sasantsasany koa.

Hahagaga ihany ny hira sasany satria mety heverina ho mivaona amin’izay nahazatra ny mpihaino tamiko, kanefa na izany aza dia sahiko ny milaza fa izaho mihitsy ihany no fototr’izay renesina ao

Amin’ny 17 jona no hentina an-tsehatra io rakikira io, kanefa mbola ho lalaovina hatrany ireo hira efa nankafizin’ny olona hatrizay. Amin’io fotoana io ihany koa no hakana sarimihetsika izay mitranga eo an-tsehatra ka havoaka ho DVD amin’ny faran’ny taona any ho any.

Mazava ho azy, tsy voatery ho marina tanteraka ny tononkira satria ny mpikambana ihany no mampiditra hira.

1. Inona no ato amin'ny takelaka tononkira.serasera.org ?
   
   Ny takelaka tononkira.serasera.org dia takelaka vokarin'ny serasera.org ahitana tonokira, mpihira ary tondrom-peo Malagasy.
   
   
2. Inona izany tondrom-peo ?
   
   Tondrom-peo no iantsoana ny marika anehoana ny feon-gitara aseho eto amin'ny tononkira. Tablatures no iantsoana azy amin'ny teny frantsay.
   
   
3. Ahoana no fampidirana tondrom-peo ?
   
   Ny tondrom-peo dia miaraka amin'ny tononkira. Raha manana tondrom-peon'ny hira iray ianao dia mandehana ao amin'ilay tononkira, dia jereo fa misy hoe Hampiditra tondrom-peo ao.
   
4. Aiza no mangataka ny tononkira mbola tsy ato ?
   
   Raha misy tononkira tadiavinao kanefa tsy ato dia azonao angatahina ao amin'ny forum momba ny Artista sy Hira. Tsindrio ny rohy eto ambany.
   http://forum.serasera.org/?rub=dinika/topic&topid=t3e9ac48646e2e
   Aza mandefa hafatra aty aminay satria tsy manana tononkira hafa izahay.
   
   
5. Ahoana no hampidirana hira ?
   
   Ny namana serasera ihany no afaka mampiditra hira ato amin'ny tononkira. Raha mbola tsy namana ianao dia mila misoratra anarana eto.
   Raha efa namana ianao dia mandehana etsy amin'ny hoe Tononkira - Hampiditra tononkira. Ampidiro ny lohateny, fidio ao anaty lisitra ny mpihira dia apetraho ny tononkira. Raha tsy ao anaty lisitra ny mpihira tompon'ilay tononkira dia mila mampiditra mpihira indray aloha ianao.
   Fanamarihana Tononkira malagasy ihany no horaisina eto.
   
   
6. Azo antoka ve ny tononkira eto amin'ny tononkira.serasera.org ?
   
   Ny tononkira eto amin'ny tononkira.serasera.org dia averimberina ihany fa tononkira ampidirin'ireo mpikambana namana ato ihany. Noho izany mety hisy hadisoana. Raha mahita hadisoana ianao dia mandefasa fanitsiana ao amin'ny mpandrindra.
   
   
7. Ahoana ny fipetraky ny zon'ny mpamorona ?
   
   Ny serasera.org dia manaja tanteraka ny zon'ny mpamorona. Ny tanjona dia ny hampahafantatra hatrany ny tononkira malagasy. Raha toa anefa ka misy mpanakanto milaza aminay ny tsy hamoahana ny tononkirany dia voatery hoesorina ny tononkirany rehetra.

Raha mbola misy fanontaniana dia apetraho eto ambany.

Maniry ny hiara-miasa sy hifarimbona aminareo izahay hampahalalana ny hakanton'ny mozika malagasy

Manoratà amin'ny haja@serasera.org raha mila fanazavana fanampiny

« Tsiky dia ampy »