I LOVE SEWING & CRAFTING

استفيدى من علب اللبن الفارغة

noreply@blogger.com (منى أحمد) — Sun, 16 Jun 2013 13:10:00 +0000

شوفى ازاى ممكن تستفيدى من علبة اللبن

الميزة فى علبة اللبن ان الكرتون بتاعها مش بيتأثر بالماية عشان كده ممكن نستغلها فى حاجات كتير

فى موضوعى النهارده انا عملت منها محفظة ( بوك ) ودى صورته

تابعوا معايا الخطوات وان شاء الله تعملوه بكل سهولة

اول حاجة دى علبة اللبن

هنقص الجزء اللى فوق والجزء اللى فى القاعدة

هنفتح العلبة من الجنب بالمقص

هنتنى العلبة 3 طبقات على بعض يعنى بدل مهى 4 جوانب هنخليها 3 جوانب زى الصورة اللى جاية

ونمشى عليها بالمكواة عشان تثبت كويس

هنرسم بالقلم قوس على طرف العلبة كده

بعد كده نقصه بالمقص عشان ده هيبقى الغطاء اللى بيقفل على المحفظة

هنجيب القماشة اللى هنغفل بيها المحفظة و نحطها تحت علبة اللبن وهى مفرودة زى الصورة كده ونرسم علي القماشة نفس الرسمة بس اكبر شوية ونبدأ نلزقها باى لزق عندك انا هنا استخدمت الغراء المنزلى اللى عملته قبل كده هتلاقوا طريقته فى مواضيع المدونة

هنبطنها من جوة كمان بقماشة ممكن تكون نفس لون القماشةاللى برة او تكون بلون مختلف متماشى مع اللون اللى برة انا هنا استخدمت لون تانى واستخدمت مسدس الشمع فى لزقها عشان يبقى اقوى

هنقص قماشتين بالشكل ده

هنلزقهم فى الجوانب ركزوا فى الصورة كويس

وفى النهاية ركبت زرار و جبت شريط تنيته وخيطه فى الخلف عشان اقفل المحفظة بيه ودى النتيجة النهائيه.

اتمنى تعجبكم ان شاء الله واتمنى يكون الشرح واضح

صندوق لحفظ الاشياء من كرتونة

noreply@blogger.com (منى أحمد) — Mon, 29 Apr 2013 18:59:00 +0000

بصراحة الموضوع منقول من احد المدونات الاجنبيه بس عجبنى جدا وقولت انقله هنا فالمدونة عشان تستفيدوا منه وخاصة ان الفكرة جميله جدا وسهلة جدا وكل الادوات متوفرة عندنا يعنى مش هتشتروا حاجه من برة.

والنتيجة طبعا مبهرة وممكن تعملى اكتر من صندوق وتخزنى فيهم العاب الاطفال او حتى تستخدميه لحفظ الملابس الموسم اللى خلص وتعمليله غطاء من القماش باستيك يقفل على الصندوق وانت ابدعاتك بقى

الادوات

كرتونة تكون ماسكة نفسها يعنى جديدة مش قديمة عشان تستحمل فترة طويله

هتدخلى الغطاء بتاعها للداخل زى الصورة يعنى متقطعيهاش، عشان تساهم فى تماسك الكرتونة

ورق مجلات ملفوف زى الصورة وطبعا ورق المجلات مالى البيوت ومش عارفين نوديه فين ولا فين

هنحتاج كميه كبيرة من ورق المجلات الملفوف عشان نقدر نغطى الكرتونة كلها

هنستخدم مسدس الشمع عشان نلزق بيه الورق الملفوف على الكرتونة

وناخد بالنا من ايدينا عشان متتلسعش وتتدعوا عليا :)

صاحبة الموضوع جاتلها الفكرة دى لما شافت الباسكت اللى جاى فى الصورة ده وده كمان معمول من ورق المجلات برضه

وركبت ايدين للصندوق بالطريقة اللى فالصور اللى جاية
ممكن تستخدموا اى حاجه تيجى فى خيالكم مش لازم تتلتزموا بالمواد اللى فالموضوع ، يعنى ممكن تستخدموا شرايط قماش تعملوها ضفيرة وتعملوا ثقوب فى الصندوق وتركبوها وتربطوها من جوة عشان مش تتخلع تانى

بعد كده غلفت الصندوق من الداخل بقماش الخيش وطبعا زى مقولنا انتوا مش ملزمين بالمواد المستخدمة فالموضوع ممكن تستخدموا اى قماشه زايدة عندكوا فالبيت

وكده خلاص الصندوق بقى جاهز للاستخدام
وطبعا الفكرة جميلة وممكن نبتكر ونطلع منها افكار اكتر واكتر

سكر بألوان قوس قزح

noreply@blogger.com (منى أحمد) — Sun, 07 Apr 2013 18:04:00 +0000

السلام عليكم ورحمة الله وبركاته

راح نحوّل اليوم السكر من هذا الشكل

إلى هذا الشكل

يالله على الطريقة

أولا نحتاج مقدار 4 أوكاب متساوية من السكر العادي

وكمية 1 كوب من الماء

نقوم أولا بوضع الماء في قدر على النار وإنتبهوا كل شغلنا على الماء الساخن

بدون مايفور هذي أهم نقطة لازم تنتبهولها..

نضع أولا كوبين من السكر فوق الماء ونقلبهم حتى يذوب السكر

((نعيد ونقول لاتخلي الماء يغلي..))

ثم نبدأ بعد ذلك نضيف الكوبين المتبقيين ونقلبهم حتى يذوب السكر

بعد ها نترك الماء المحلى بالسكر حتى يبرد تماااااما

ثم أضيفي مقدار قارورة كاملة(من القوارير الصغيرة)

من ملونات الطعام إللي تحبيها ونحط القارورة كلها عشان السكر يكون اللون فيه مركز

ونكمل

بعدين تكوني مجهزة برطمان طويل مثل إللي في الصورة وتعقميه تماام وصبي فيه الماء المحلى الملون

طبعا كلكم تعرفوا (حبل او خيط الصوف ) خذي منه وقصي قطعتين بحيث تراعي إن طول هالقطعتين

أطول من طول البرطمان المراد إستخدامه وأربطيها في مصاص أو عود الشوي الخشب مثل

الصورة تمام بحيث تعتمد الفكرة على تسقيط حبال الدبارة بداخل البرطمان وتعليقها بواسطة العود الخشبي

((عشان يمنع سقوط الحبال كلها بالداخل))

ثم بعد ذلك إنتظري تقريبا يوم ويبدأ يتكون عندنا كريستالات مثل الصورة

((متعلقة بالحبل الدبارة))

إعملي نفس المقدار لبقية الألوان حتى تكون عندنا تشكيلة ألوان قوس قزح الرائعه

ثم قومي بتفتيت الكريستال بيدك وضعيه في الهاوند وأطحنيه جيدا بهذا الشكل

وإسكبيه بعد ذلك حسب تفننك وذوقك في البرطمان المعد لحفظ السكر وراح يطلع لنا بهذي النتيجة

بإمكانك رش السكر على الحلويات أو على الدونات أو على الآيس كريم.
الموضوع منقول من أحد المنتديات.

اعملى أحلى عيش فينو

noreply@blogger.com (منى أحمد) — Mon, 01 Apr 2013 11:02:00 +0000

النهارده ان شاء الله هنعمل عيش فينو ولا أجمل من كده

بصراحه وانا بعمله مكنتش متخيله انه هيطلع بالجمال ده وان شاء الله تجربوه

ومش هتبطلوا تعملوه بعد كده ، الجميل فالعجينة دى انك ممكن تعملى بيها

بيتزا أو كرواسون وتحشيه بأى حشوة تعجبك ، نشوف صورة العيش

الأول عشان اشجعكوا

نبدأ مع بعض بقى ونقول المقادير

هنقسم المقادير على جزئين الجزء الأول

2 كوب دقيق
كوب ونصف ماء دافئ
معلقة كبيرة خميرة فورية
2 معلقة كبيرة سكر

هنضيف السكر والخميرة للماية الدافية ونقلب كويس اوى
وبعدين نضيف الماية للدقيق ونقلب كويس جدا ولازم منسيبش اى تجمعات من الدقيق ودى صورة المقادير بعد التقليب

هنسيبها تخمر شوية على جنب وفى الأثناء دى هنحضر الجزء التانى من العجينة
نشوف مقاديره

3 كوب دقيق
ملعقة بيكينج بودر
نص ملعقة ملح
نص كوب زيت

بعد محضرنا مقادير الجزء التانى نجيب بقى الجزء الأول اللى عملناه ونضيف الجزء التانى عليه ،شوفوا الجزء الأول خمرت وعلت اوى ازاى ، بصوا على الصورة اللى قبلها وانتوا تلاحظوا الفرق

هنبدأ بقى نعجن كويس جدا لحد متتكون معانا عجينة طرية و متماسكة و مبتلزقش

لو العجينة ناشفه اوى ضيفيلها شوية ماية ، ولو العجينة لسه بتلزق ضيفيلها شوية دقيق لحد مالعجينة تتظبط فى ايدك وتبقى بالشكل ده

هتحطيها بقى فى مكان دافئ حوالى نص ساعه كده وهتلاقيها خمرت أوى ما شاء الله وبقت كده

هتشكليها بقى زى متحبى انا عملت منها العيش وبيتزا وزى مقولنا ممكن كرواسون كمان .

بالنسبة للعيش هتاخدى قطعة عجين قد الخوخة كده وتفرديها دائرة سمكها يكون رفيع ( ممكن تحشيه او تسيبيه سادة ) وبعدين تلفيها على شكل اسطوانه وتجيبى السكينة وتشرطى الرغيف شرط بسيطة كده لو انت حابه انه يبقى شكله زى اللى انا عملاه ، او ممكن تسيبيه ساده زى مهو ( معلش انا مصورتش الخطوة دى لان ايدى كانت مش نضيفه وكنت هبهدل الموبايل بالعجينة ) وهاتى بيضه وعليها شوية لبن واخلطيهم كويس وادهنى وش العيش بالخليط ده باستخدام فرشة

فى وقت تحضير العجين تكونى مولعه الفرن عشان يسخن كويس

وبعد متجهزى كل حاجه وطى بقى الفرن من تحت خليه واطى اوى على قد متقدرى وخلى الشعلات الجانبيه وسط لا عاليه اوى ولا واطيه اوى

ودخلى بقى الصوانى بتاعتك او الصاج اللى حاطه فيه العيش وخليكى متابعاه فالفرن هيقعد حوالى 15 دقيقه ودى النتيجة

كمان صورة من قريب بقى يامى يام .

يا رب يكون الموضوع عجبكم .

من كرتونة ملابس لحامل دفاتر

noreply@blogger.com (منى أحمد) — Sat, 30 Mar 2013 15:48:00 +0000

انتوا عارفين انى بحب استغل كل حاجه عندى فالبيت وبحب اشيل اى حاجه ممكن استفيد بيها فى اى وقت ، ده حتى انا عملت مكتب مخصوص للحاجات اللى بشيلها عشان كانت عاملالى كركبة جامده والحمد لله المكتب لامم كل حاجة وحطيته جنب ماكينة الخياطة عشان يبقى كل حاجه جنب بعضها ومغلبش واقعد ادور فى كل حته عشان الاقى الحاجه اللى انا عاوزاها، ابطل كلام بقى وادخل فالموضوع بتاعنا النهارده ، كان عندى كراتين من بتاعة الملابس كنت شيلاهم برضه عشان استغلهم فى اى حاجه فعملت بيهم حامل لكراسات المدرسة بتاعة كريم ابنى ، نشوف بقى الطريقة
دى صورة الكرتونة قبل ماعمل فيها اى حاجه

هتجيبى المسطرة وتيجى من الجنب الطويل وتقيسى طوله من عند القاعدة وتاخدى نقطة فالنص وعلى نفس الجنب بس من فوق هتقيسيه بالمسطرة برضه وتحطى نقطة وتسيبى 4 سم من على يمين النقطة ومن على شمالها وتحطى نقطة يمين وشمال وتوصلى النقطة اليمين بالنقطة اللى رسمناها فالقاعدة وتوصلى النقطة الشمال بالنقطة بتاعة القاعده هتلاقى عندك مثلث هتقصيه ونفس الطريقة دى كرريها على الجنب التانى الطويل مش القصير والصورة اللى جايه هتوضح الشرح

هتيجى بقى من نص الكرتونة وتحاولى تتنيها بالتساوى زى الصورة اللى جاية دى

وهتلزقيهم فى بعض بالغراء اللى احنا عملناه قبل كده هتلاقى الطريقة بتاعته هنا
http://ilsac.blogspot.com/2013/03/mod.bodge.html
بعد كده تلزقى برضه بالسيليوتيب عشان تثبت بسرعه

هتيجى بقى من الجوانب المكشوفة دى وتجيبى قطعتين كرتون على مقاسهم عشان تغطيهم ، هنا كانت الكرتونة بتاعتى فيها جوانب زيادة متنيه لجوة ، انا فتحتهم ولزقتهم كده

هتلزقى الكرتون من الناحيتين ولو الكرتونة بتاعتك الوانها حلوة ممكن تسيبيها كده
بدون اى اضافات

ولو الوانها مش حلوة وعليها كتابه ممكن تجلديها من جوة وبرة بجلاد ملون حسب ذوقك، انا هنا عملتها بلونين عشان تشوفوها

وهنا بجلاد نوع مختلف ولون مختلف

اتمنى تجربوها وتقولولى رأيكوا

اصنعى الغراء بنفسك

noreply@blogger.com (منى أحمد) — Fri, 29 Mar 2013 17:48:00 +0000

النهارده ان شاء الله هنتكلم عن طريقة عمل غراء فالبيت هو قريب من الغراء الابيض اللى هو غراء الخشب الابيض اللى بيستخدم فى الاعمال اليدوية
لان أحيانا الواحد بيبقى عاوز يعمل عمل فنى ويبقى من ضمن الادوات غراء ابيض
وممكن يبقى مش متوفر وقتها مثلا او فاضل شوية صغيرين عندك ومش هيكفوا الشغل وقتها بقى ممكن تعملى الغراء المنزلى وهو طريقة سهلة جدا وحتى المكونات متوفرة عندك فالمطبخ يعنى مش هتصرفى فلوس عشان تعمليه يبقى احنا وفرنا فلوس كمان بالاضافه انه آمن وممكن تسيبى اولادك يستخدموه ويعملوا اشغال يدوية وانت مطمنة عليهم
نيجى بقى للمقادير

1 كوب دقيق

1\4 كوب سكر

2\3 كوب ماء

معلقة كبيرة خل ابيض

معلقة زيت

ضيفنا الخل علشان يحمى الغراء من انه يعفن لان احنا عندنا مواد غذائيه مع الماية وده وسط مناسب جدا لنمو الفطريات لكن الخل هيمنع كده ان شاء الله
وطبعا لازم نحط الوصفه فالتلاجة بعد منجهزها
نشوف الطريقة بقى
هنجيب كسارولة ونحط فيها الدقيق والسكر ونضيف الماية ونقلب كويس جدا واهم حاجه ميكونش فيه اى كلاكيع بعد كده نضيف الخل والزيت

نقلب كويس اوى وبعد كده نحطها على النار ، اهم حاجه بقى النار متكونش عاليه خليها وسط كده وقلبى كتير مش تبطلى تقليب وخلى بالك اوعى تغلى منك يادوب تفضل سخنة بس متغليش، وتفضلى تقلبى حوالى 10 دقايق هتلاقيها بدأت تمسك معاكى وتلزق

بعد ال 10 دقايق شيليها من على النار وتسيبيها تبرد خالص
وهاتى برطمان نضيف له غطاء بيقفل باحكام

وفضى الغراء فالبرطمان واقفليه كويس اوى وزى مقولنا لازم تشيليه فالتلاجة عشان الغراء ميبوظش منك

وممكن تستخدميه فلزق الورق او الكراتين ، و تعملى بيه ديكوباج يعنى استخدميه زى مبتستخدمى الغراء الابيض بس هو بياخد وقت اكتر من الغراء الابيض عشان ينشف، اتمنى يكون الشرح واضح واتمنى تجربوه وتقولولى رأيكوا.

تزيين البيض بطرق مختلفة

noreply@blogger.com (منى أحمد) — Thu, 28 Mar 2013 20:01:00 +0000

شم النسيم قرب وناس كتير اوى بتحب تلون البيض وتجيب الفسيخ بقى والرنجة
والبصل ويحلوا بقى بالآيس كريم وكل سنة وانتوا طيبين
انا عارفه ان فى ناس كتير مش بتعترف بيه كعيد وانا منهم، هو يوم زى اى يوم
بس هو يوم اجازة وبنغير فيه جو ده لو غيرنا اصلا عادى يعنى

موضوعى بقى عن تلوين البيض بطريقه جديدة شوفتها على موقع اجنبى قولت اجيبهولك تشوفوه بالعربى

مش شرط طبعا يكون فى شم النسيم بس

انت لو قعدتى فى اى يوم مع اولادك وقعدتوا تزينوا البيض سوا اكيد هيبقوا فى قمة السعاده لان الولاد بتحب تشارك نشاطات ممتعه مع اهلهم وده اكيد بيقرب ما بينكم ويعزز علاقة الصداقه بين الطفل واهله

نيجى بقى للطريقه الجديده بتاعتنا فى تزيين البيض

عارفين المانيكير اللى البنات تعمله على ايديه اللى بيسموه marbled

اللى بيبقى فيه اكتر من لون متداخلين مع بعض هى دى بقى الطريقه اللى هنزين بيها البيض ، نشوف البيض وهو مزين

الطريقه هى نفس الطريقه اللى بنحط بيها المانيكير

هتجيبى المانيكير وتنقطى منه فى وعاء واسع شوية وتكونى حاطه فيه مايه دافيه

وعد كده هتوزعى المانيكير فى الوعاء زى الصورة دى

بعد كده هتمسكى البيضة بصوبعين وتخليها بالوضع الافقى وتغطسيها فالمانيكير والمايه وتستنى ثوانى وبعدين تشيليها وتحطيها فى طبق البيض الورق وسيبيها تنشف

ودى النتيجه النهائيه بعد البيضه منشفت

ايه رأيكوا بقى ؟ تحفه اكيد س ااكدلك انك هتخلصى كل المانيكير اللى عندك ههههههههههه .

------------------------------------------------------------------------

الطريقة التانيه بقى

هنستخدم فيها الوان طعام ودى اكيد أأمن وكمان هنستخدم معاها معجون حلاقه

انا مليش دعوة لو جوزك زعقلك هههههههه

شوفوا الصورة الاول

اول حاجه هتجيبى وعاء واسع وتفضى فيه شوية لا مش شوية ده شويات من معجون الحلاقة وتضيفى الوان الطعام ، هتحطى شوية كده من كل لون وبعد كده تقلبى المعجون بحيث يبقى فيه الالوان متداخله فى بعضها وكل لون واضح

بعد مقلبتى الالوان مع بعض هاتى البيضه وقلبيها من جميع النواحى فى معجون الحلاقة الملون

بعد مخلصتى والبيضه كلها اتلونت طلعى البيضه وحطيها على اى حامل

سيبيها بقى ليله تنشف وتانى يوم هتبصى تلاقيها نشفت ، هاتى مناديل وامسحى المعجون الناشف ده وحاولى تنضفيها كويس

وادى النتيجه

ودى شوية صور لافكار تانيه كتير لتزيين البيض

الصورة دى معموله بالديكوباج

ممكن تعملى حيوانات زى الصور دى

او ممكن ترعبوا الولاد وتلونوا البيض بالطريقه دى

او تعملوا حاجات مضحكة زى كده

او حتى تلزقوا عليهم ستيكرز زى دى

او تلزقى الستيكرز وتلونى وبعدين تشيلي الستيكرز تانى زى كده

او حتى تلزقى وردات بارزة زى الصورة دى

او لو انت فاضيه بقى ومش وراكى حاجه اعمليها بالخرز زى دى

او كريستالات

او حتى ترتر

كفايه كده

اتمنى الموضوع يعجبكوا ان شاء الله

بنطلون من بواقى الأقمشة

noreply@blogger.com (منى أحمد) — Tue, 19 Mar 2013 18:40:00 +0000

بنطلون من بواقى الأقمشة

استغلى كل حاجه عندك حتى لو كانت قطعة قماش صغيرة ممكن تضفيها لقماشه تانية وتعملى حاجه باكتر من لون
فى موضوعى ده انا استغليت قطعة قماش كانت باقيه عندى من لبس قديم مش بلبسه مع قماشة تانيه لونهم متماشى مع بعض
وعملت بيهم بنطلون لبنوتى سلمى
نشوف الخطوات بالصور
اولا هاتى القماشة ، هنا القماشة فالصورة متنيه 2

بعد كده اتنيه كمان مرة يعنى هتبقى متنيه 4مرات

حطى عليها بنطلون يكون مقاسه مناسب ، وقصى شكل الباترون وخدى بالك تسيبى 2 سم من كل جنب عشان الخياطة

بعد كده جيبت قماشة لونها أصفر بحيث يكون اللون متماشى مع القماشة دى وقصيت منها شيطين للوسط وشريطين للرجل من تحت وخيتطهم بالشكل ده بس انا ركبت اللى فالرجل وتنيتها مسيبتهاش كده

تابعى باقى خطوات تفصيل بنطلون بكل سهولة على هذا الرابط

http://ilsac.blogspot.com/2013/02/blog-post_771.html

وادى النتيجة النهائيه للبنطلون وسلمى لابساه

و دى صورة كمان

اتمنى الموضوع يعجبكم ومتترددوش لحظة انكوا تعملوا حاجه بايديكوا حتى لو مطلعتش مظبوطة من اول مرة ، المرة اللى بعدها هتكون افضل باذن الله.

اعملى مقلمة من الشنطة الجلد القديمة

noreply@blogger.com (منى أحمد) — Mon, 18 Mar 2013 18:10:00 +0000

مقلمة من الشنطة الجلد القديمة

مترميش حاجه و استغلى كل ما يمكنك استغلاله واعملى حاجات محتاجاها بايديكى هتحسى بسعادة

كان عندى شنطة جلد قديمة مش بلبسها فكرت اعمل بيها ايه فجاتلى فكرة انى ممكن اعملها مقلمة
الشنطة كان لها وش مطرز ومكانش ينفع استخدم فيه المقص لان لو دخلتى فيه المقص هتلاقى الخرز كله وقع فقصيت الوش ده وشيلته على جنب يمكن استغله فى وقت تانى
نيجى بقى للمقلمة اولا كده نشوف النتيجه

ادى الشنطة

قصيت الوش المطرظ وبقت كده

جبت الطرفين على بعضهم وخيتطهم

وبعدين وسطنت قاعدة الشنطة وقصيت من النص بس انا مقصيتش القاعده انا قصيت الناحية اللى قصاد القاعده الصور هتشرح
افضل من الكلام

بعد كده جيبت قماشة وقصيت منها دايرتين كبار وعملتهم وردتين بالطريقه اللى فالصور
فالاول هتتنى الدايرة وتخيطى بغرزة السراجه
بعد متخلصى تشدى الخيط جامد هتطلعلك وردة وعملت وردتين صغيرين قوى وثبت وردة صغيرة فى نص كل ورده كبيرة

وجيبت سوسته الشنطة وخيطت فيها قماشة عشان ادارى الحواف
وهنا كل الحاجات جاهزة

وعملت بطانه للجلد من نفس القماشة

بعد كده خيطت الوردتين واحدة فى كل جانب من الجلد وركبت السوسته فوق وادى النتيجة

ملحوظة :- انا كنت بخيط بالاسود لان الخيط عندى خلص وكنت عاوزة اخلصها بسرعه النهاردة عشان تشوفوها يا رب تكون عجبتكم
والمفروض انزل بكرة اشترى علبة خيط جديدة ان شاء الله.

طريقة عمل شنطة للمكعبات

noreply@blogger.com (منى أحمد) — Sun, 10 Mar 2013 17:11:00 +0000

شنطة سهله للمكعبات

بالتأكيد بعثرة لعب الأطفال فى كل مكان أمر مزعج وخاصة اذا كانت تلك الألعاب حجمها صغير مما يؤدى الى احتمال التعثر بها

او المشى عليها الذى قد يتسبب فى أذية الأطفال ، وهذا ما يحدث كثيرا معى شخصيا مع المكعبات

فقررت ان اصنع شنطة لأطفالى ليجمعوا بها مكعباتهم بعد الانتهاء من اللعب ، فالأطفال يفرحون كثيرا بالأشياء التى تصنعها لهم مهما كانت بساطتها فهى بالنسبة لهم هدية رائعه خاصة انها صنعت امام اعينهم، والآن سأعرض لكم طريقة عمل شنطة للمكعبات

وكما تعرفون انا أفضل استغلال كل ما يمكن استغلاله فى صنع اشياء جديدة لذا استخدمت فى تنفيذ تلك الشنطة لعبة أطفال تالفه

هذه اللعبة من الألعاب التى تملأ بالهواء ولكن كانت تالفة ، قمت بقص الجزء السفلى منها

ثم قمت بقص جزء على شكل مربع منها لكى أضيف جزء آخر من مشمع شفاف

ثم وضعت الجزء المقصوص على المشمع لأقص مثله ولكن نزيد 2سم من كل جانب لللصق

نلصق المشمع على الشنطة من الداخل باستخدام مسدس الشمع

ثم نقص شرايط من بواقى اللعبه للتزيين ونطويهم كما فالصور ونلصق بمسدس الشمع

نقوم بلصق الشرايط السابقه على حدود مربع المشمع ولكن من الخارج كما فالصورة

وبعد ذلك قمت بثنى اطراف الشنطة من الاعلى بماكينة الخياطة لتركيب شريط لقفل وفتح الشنطة

الشريط والقطعه البلاستيك من ملابس قديمة
ثم بعد ذلك نقوم بتركيب الشريط مثل تركيب الاستيك فالبنطلون

والآن وبعد الانتهاء قومى بملئها بالمكعبات انت وأطفالك .

اعملى قرد لعبة من الشرابات

noreply@blogger.com (منى أحمد) — Sun, 10 Mar 2013 16:43:00 +0000

قرد لعبة جميل من الشرابات

طبعا البيوت كلها مليانة شرابات مش بنستعملها ، ايه رأيكوا نستفيد من الشرابات المركونة دى ونعمل بيها اجمل العاب لاولادنا

تعالوا نشوف الصور مع بعض

دى الصورة النهائيه

هنجيب الشراب وزرارين للعيون وقطعة قماش بيضاء بالشكل اللى فى الصورة وخيط مناسب للون الشراب

اول حاجه نقلب الشراب على ضهره و نكويه

هنرسم الباترون علي الشراب من الخلف
فردة شراب هتبقى لجسم القرد ورجليه والفرده التانيه هتبقى للودان والدراعات وال الديل والجزء اللى فوق ده هنركبه على الوجه

هنخيط حدود الرسمه اللى رسمناها على الشراب وبعدين نقص كل جزء لواحده

بالنسبه للرجلين والجسم هنخيط حدود كل رجل ونقص ونسيب فتحه فالنص من غير خياطه عشلن نقلب الشراب ونحشيه

هنقلب الشراب زى مقولنا من الفتحه اللى سيبناها

هنحشيه فيبر

بعد مخلصنا حشو هنقفل الفتحه اللى كنا سيبينها

نيجى بقى للدراعات

هنحشى كل ناحية بالفايبر

ونقفلها بالطريقه دى

كده الاتنين جاهزين

نيجى للودان هنحشيها فايبر ونقفلها بالابرة والخيط
ونوصل الطرفين ببعض بالابرة والخيط كده

وبالنسبه للديل هنجيب قماشة الفازلين ويكون عرضها 3 مرات عرض الديل ونتنيها 3 مرات ونحشى بيه الديل

وهنا كل حاجه جاهزة على التركيب

هنركب القماشة البيضه كده ونخيطها بالابرة والخيط

ونركب الزراير للعيون

والقطعه دى هنخيطها فالمكان المحدد ونسيب جزء بدون خياطة عشان نحشى منه
بعد منحشى الفيبر هنقفل الجزء اللى كان مفتوح ونعمل زى الخياطة الصفرا اللى على الفم دى

هنركب الودان والديل فى الاماكن المحددة اللى فالصورة

والدراعات نركبها فالمكان بتاعها زى العلامه اللى فالصورة

وهنا خلصنا واللعبه جاهزة

متعبه شوية بس النتيجه النهائيه تستحق التعب .

غيرى التيشيرت بشكل رائع

noreply@blogger.com (منى أحمد) — Sat, 09 Mar 2013 19:01:00 +0000

غيرى التيشيرت بشكل رائع

هنجيب التيشيرت ونشوف لو عندنا تيشيرت لونه او لون تانى مناسب

هنقصه من النص بالمقص من عند الرقبه لحد الديل

ونجيب التيشيرت التانى او قماشه مناسبة ونقص منها شرايط طويلة

ونكشكشها على المكنة ونركبها على التيشيرت بدبابيس وبعدين نخيطها

ودى صورة من قريب

ونجيب شريط صغير عشان نركبه على الكمام

وهنا بعد مركبنا الشرايط المكشكشة على الاكمام

ونجيب زرار كبير ونغلفه بقماشة من التيشيرت ونطرزه

ونركب شريطة صغيرة على الجنب عشان تبقى زى الجيب وممكن احنا نعمل جيب

وهنا بعد مخلصنا التيشيرت وحولناه لجاكيت سيمبل ورقيق

حولى التيشيرت لفستان

noreply@blogger.com (منى أحمد) — Thu, 07 Mar 2013 19:30:00 +0000

أطفالنا بيكبروا بسرعه( ربنا يحميهم دايما) وطبعا لبسهم بيصغر ومش بيناسبهم وطبعا لازم تشترى لبس جديد واكيد ده مكلف كتير

طيب ايه رأيكوا لو نستغل بعض التيشيرتات اللى ممكن نعيد استخدامها ونعمل منها هدوم جديدة ونبقى وفرنا فلوس واستغلينا اللى عندنا , ممكن تستغلى لبس الاخت الكبيرة وتجدديه وتعمليه لاختها الصغيرة وهكذا

يالله نشوف الصور

اول حاجه هنجيب التيشيرت نقطعه كده

نجيب قماشة تانية متناسبه مع لون التيشيرت عشان هنعمل منها النص التانى من الفستان ونخيطها مع الجزء العلوى من التيشيرت

ونجيب شريط من شرايط التيشيرت اللى عملناها ونكشكشها كده

ونركبها على الرقبه

ونعمل ورده من قماش الجزء اللى تحت للفستان

وكده الفستان بقى جاهز

وده فستان بلون تانى

اهم حاجه تناسق الالوان.

حامل اكسسوارات من ورق المجلات

noreply@blogger.com (منى أحمد) — Sun, 03 Mar 2013 19:39:00 +0000

حامل اكسسوارات من ورق المجلات

طبعا كلنا عندنا مجلات كتير اوى مركونة وبنبقى عاوزين نرميها لكن بنسيبها يمكن نستفيد منها فى اى وقت

انا بقى فكرت كتير اعمل منها ايه واستفيد منها ازاى وفجأة جاتلى فكرة انى اعمل منها استاند للاكسسوارات والتوك

تعالوا نشوف الطريقه

الادوات

ورق مجلات

مسدس شمع

2 سى دى

مشرط او (cutter )

سبراى الوان باللون اللى تفضليه

مناديل ورق + غراء ابيض (يمكن الاستغناء عنه)

الطريقة

هنجيب ورق المجلات نلفه على عصاية الشيش طاووك بالشكل ده وبعد منخلص لف الورقه نلزقها بالصمغ

هنعمل عدد كبير و نلزقهم مع بعض بالسليوتيب او نربطهم بالخيط زى انا معملت

وبعدين نلزقها على السى دى

بعد كده هنعمل رولات ورق كمان ونقطعهم صغيرين كده ونلزق كل 5 او 6 مع بعض

ونلزقهم على الستاند كده

وهنا بعد مخلصنا ولزقناهم كلهم ( انا عملت 9 )

هنغطيهم بمناديل ورق مغرقنها فى غرا ابيض مخفف، هنخرجه البلكونة ينشف بس لما جيت تانى يوم اشوفه لقيته مميل
فجيبت رول من بتاع ورق الالمونيوم وقطعت منه جزء دخلت فيه الستاند من تحت وركبتهم فى علبة بلاستيك صغيرة
ولزقتهم على السي دى بالطريقه دى بقت ثابته ومش مميله
انت ممكن من البداية تستعملى رول الورق ده بدل المجلات بس فى ناس معندهاش واحنا هنا برضه عاوزين نستغل ورق المجلات

بعد كده هنرشها بالاسبراي ده

وهنا بعد منشفت

وعشان أدارى الجزء اللى تحت ده ركبت الورده دى

وهنا الحامل وهو عليه الاكسسوارات .

انتهى الموضوع ولكن لم ينتهى الابتكار بعد ، مادمتى تبحرين بخيالك فى محيطات الابداع .

غيرى ستايل ال t shirt

noreply@blogger.com (منى أحمد) — Thu, 28 Feb 2013 19:50:00 +0000

غيرى ستايل ال t shirt

أولا ده رابط عليه ملف Pdf فيه 10 طرق لاعادة اسيتخدام التيشيرت

http://www.filesin.com/99CD9354165/download.html

نيجى بقى لموضوعنا
احيانا بنمل من شكل التيشيرت بتاعنا وبنركنه وفى ناس ممكن تركن التيشيرت عشان مبقاش موضه

طيب ليه احنا منغيرش فى ستايل التيشيرت و نغير شكله و نبقى مميزين

تابعوا معايا الخطوات السهلة اللى جاية وهيبقى عندك تيشيرت جديد باستايل مختلف ومميز

اول حاجه بنقص الرقبه وممكن منقصهاش براحتك وبعدين نحدد المكان اللى هنركب فيه الشريط الستان

وبعيد نفرغ فتحات بالمقص فالتيشيرت

نجيب شريط ستان ونتنيه وندخل طرف جوة التيشيرت وطرف من برة التيشيرت

( بندخل الشريط الستان فى فتحات التيشيرت ابتداءا من تحت )

بالطريقه اللى فالصورة لحد فوق عند الكتف وفالاخر نربط الشريط الستان فيونكة
طبعا لكى حرية الاختيار فالالوان يعنى ممكن توفقى جيبه او بنطلون مع التيشيرت بلون الشريط اللى هتركبيه

بس كده .

شنطة من كوفر الأجندة او الكتاب

noreply@blogger.com (منى أحمد) — Wed, 27 Feb 2013 19:23:00 +0000

شنطة من كوفر الكتاب او الأجندة

يا ترى بعد الأجندة مبتخلص بتعملى فيها ايه ؟ طبعا بترمي

طيب ايه رأيكوا نستغل كوفر الكتاب او الاجندة ، قوليلى الاول ايه رأيكوا فالشنطة دى؟

طيب ودى ؟

جميله طبعا ، طيب متيجوا نشوف ازاى نقدر نعمل زيها

اول حاجه هنقطع الجزء ده زى اللى فالصورة

هتقيسى القماشة لمطلوبة لتغليف الكوفر وتضيفى قطعة كرتون فالنص بين الناحية اليمين والشمال

هتحضرى القماش اللى انت عاوزاه حسب المقاسات اللى اخدتيها من الكوفر واكيد بتزودى 2 سم فى كل ناحية عشان الخياطة
زى مانتوا شايفين القماش المستخدم قماش الخيش والقماش الابيض ده اللى هيبقى بطانة الشنطة
القماش هنا متنى يعنى لسه هيتفرد عشان يناسب حجم الكوفر

هنخيط حواف البطانه مع بعض ونسيب ناحية منخيطهاش عشان نقدر ندخل الكوفر جوة البطانه

هنقلب البطانه وندخل كوفر الكتابه جوة

نخيط الطرف اللى كنا سايبينه

نركب اجزاء القماش الخيش بالطريقه دى

نجيب حمالات شنطة ونركب فيها القماشة البيضه دى زى اللى فالصورة او بنفس لون البطانه اللى اخترتيه

هنلزق الحمالات كده ونخيطها

نزين الشنطة بقماش الخيش بالطريقه دى او زى متحبى

بعد منخلص تزيين الشنطة من برة نخيط القماشة الخيش فالبطانه

والنتيجه

وممكن تعملى الكوفر شماعه.

فصلى بنطلون بكل سهولة

noreply@blogger.com (منى أحمد) — Mon, 25 Feb 2013 01:24:00 +0000

طريقة تفصيل البنطلون

فى هذا الموضوع سأعرض لكم طريقة تفصيل بنطلون سهلة جدا لن تستغرق اكثر من نصف ساعه لقص وخياطة البنطلون .

فى هذه الطريقة لن تحتاجى لأخذ مقاسات ولا لرسم بترون كل ما عليكى فعله هو ان تحضرى بنطلون

مقاساته مظبوطة وتبدأى التفصيل

ضعى البنطلون على ورقة جورنال وحددى شكله بالقلم على الورقة كما فالصورة او يمكنك وضعه على القماش مباشرة

قصى رسمة البنطلون ودبسيها على القماشة المراد عمل البنطلون منها ويجب ان تكون القماشة مطوية نصفين

ارسمى الشكل مرتين وقومى بالقص مع ترك مسافة 2سم للخياطة

بعد ذلك افردى القطعتين فوق بعضهما كما فالصورة ثم خيطى القطعتين معا من اعلى القماش الى المكان المشار اليه فالصورة

من الناحية اليمين والناحية اليسار

قومى بسحب القطعتين من بعض من المنتصف ليظهر لكى ملامح البنطلون

ابدأى فى خياطة الارجل من الداخل واثنى الوسط وركبى الأستيك .

لتفصيل هذا البنطلون استعملت قماشة جلباب لا ارتديه ، فانا دائما احب ان استفيد من كل شئ لا يستخدم لاحوله لشئ مفيد .

والآن سأعرض عليكم بعض صور لبنطلونات نفذتها بنفس الطريقة التى شرحتها لكم من ملابس قديمة لا يرتديها أحد.

هذا البنطلون خيطته من أكمام بيجامة .

وهذا البنطلون من جيبة جينز لا ارتديها مع اضافة قماشة اخرى فى جانبب البنطلون

وهذا البنتكور من قميص رجالى

أما هذا البنطلون فقد خيطته من جيبة لا ارتديها .

والآن لا تترددى ابدا فى الاستفادة من قطع الملابس المهمله فى دولابك لتغييريها وتجدديها لتصنعى منها ملابس يمكنك ارتداؤها
والاستفادة منها فكم هو رائع هذ الشعور ان تصنعى لنفسك شئ مفيد.

قراقيش بالعجوة

noreply@blogger.com (منى أحمد) — Mon, 25 Feb 2013 00:33:00 +0000

قراقيش بالعجوة

المقادير:-

- 3 كوب دقيق

- 1\2 كوب سكر بودرة

- ملعقة بيكينج بودر

- 1\4 كوب زيت

- 1\4 كوب سمنة

- كوب لبن دافى

- بيضة وفانيليا

- نص كيلو عجوة مهروسة بالزيت والقرفه

الطريقة :-

نضيف (سكر + دقيق +بيكينج بودر + فانيليا ) ونقلبهم معا جيدا

ثم نضيف ( الزيت والسمن ) ونقلب

ثم نضيف ( اللبن )حتى تتكون عجينة متماسكة

بعد ذلك نفرد العجينة على شكل شرايط ونحشيها عجوة ونغطيها بشرايط عجين أخرى ونقطعها حسب الشكل المراد

مثلثات او مربعات او اى شكل آخر

وندهن الوجه بالبيض وندخلها فرن متوسط الحرارة حتى يحمر الوجه تقريبا تستغرق 20 دقيقة

بس ابقوا تابعوها فالفرن . وبالهنا والشف

روائع من القنينات الزجاجية

noreply@blogger.com (منى أحمد) — Sun, 24 Feb 2013 01:24:00 +0000

ديكورات رائعه من القنينات الزجاجية

ان كان لديك بعض القنينات الزجاجية فيمكنك اجراء بعض الزينه عليها لتحصلى على تحفة فنيه رائعة الجمال

وتوفرى على نفسك عبئ شراء التحف الفنيه باهظة الثمن ، واليكى بعض الطرق المختلفة لتزيين القنينات الزجاجية

لتعطيكى أشكال مختلفه وديكورات متنوعه

أولا التزيين بالخيوط

فما عليكى الا ان تضعى الغراء على الزجاجة وتلفى الخيوط عليها سوا كانت الوانها متعددة كما فالصورة التاليه

أو ان يكون خيط او حبل بلون واحد كهذه الصورة

ثانيا التزيين بالألوان

وذلك برش القنينة باسبراى باللون المطلوب او طلائها بالوان مناسبة للزجاج.

وللحصول على قنينة بالشكل المبين فى الصورة

قومى بلف بعض الحبال على القنينة بالشكل الذى تحبيه او يمكنك كتابة كلمة على ورقه وقصها ولصقها على القنينة بعد ذلك ضعى الزجاجة فى كرتونة لتحافظى على نظافة المكان من حولك

وضعيها فى مكان جيد التهوية وقومى برشها بالاسبراى ذو اللون المناسب ثم بعد ان تجف ازيلى الحبال من على القنينة و ستظهر لكى بهذا المنظر الرائع .

ويمكنك أيضا طلاء أكثر من زجاجة بأحجام مختلفة وبدرجات مختلفة من اللون الذي تفضلينه، ثم ترتيب وضعهم في مجموعة لطيفة فوق إحدى الطاولات، أو في أحد الأركان لإعطاء لمسة ديكورية جميلة لمنزلك.

ثلاثا التزيين بالاضاءة

يمكنك استخدام الزجاجة كوحدة اضاءة رائعه فى الحجرة لتضفى أجواء رومانسية رائعه.

والطريقه سهله جدا ،احضرى لمبات الاضاءة الصغيرة جدا (baby lights) وضعيها بداخل الزجاجة ثم أطفئ اضاءة الغرفه واضيئى انوار زجاجتك

وانعمى بجو رائع من الرومانسية والاسترخاء ( بس المهم الولاد يكونوا نايمين عشان مش هيبطلوا لعب فيها )

وأخيرا وليس آخرا يمكنك استخدام القنينات الزجاجيه كديكور رائع لمنزلك حتى من دون ان تضفى عليها اى تغييرات

كل ما عليك فعله هو تعليقها على احد التابلوهات الفارغه وضعى فيها قليلا من الزهور كما فالصور وستحصلين على منظرا رائعا

مميزا وخاصا بك .

انتهى الموضوع ولكن لم تنتهى الأفكار بعد ، ما دمتى تتركين مخيلتك تبحر فى محيطات الابداع.

جداريات ولوحات رائعه من أغطية الزجاجات

noreply@blogger.com (منى أحمد) — Sat, 23 Feb 2013 02:22:00 +0000

روائع من أغطية الزجاجات

يمكنك عمل جداريات ولوحات رائعة من أغطية الزجاجات بكل سهولة ، كل ما عليك فعله هو رسم الشكل المراد تنفيذه اولا وتحديد لون كل منطقة من الرسمة ثم بعد ذلك قم بتثبيت أغطية الزجاجات على الرسمه كل حسب لونه سواء بمسدس الشمع او بالمسامير وستحصل على ديكور رائع من تصميمك الخاص .

تعالوا لنتابع معا اشكال مختلفة من تلك الروائع الفنية

جدارية على شكل منظر طبيعى.

جدارية على شكل فراشه و زهور

وفى الصور القادمة جداريات استخدمت كواجهة للمكان بتعليقها على الباب او على حوائط المكان الخارجية .

ومن الرائع ان نتشارك مع الأطفال لعمل لوحات رائعه لتنمى مواهبهم الفكرية و العملية

وبامكانك أيضا استخدام أغطية الزجاجات لعمل ألعاب تعليمية للأطفال ككتابة الأحرف على الأغطية
وتكوين كلمات بوضع الأغطية جنبا الى جنب.

اكسسوارات من الزجاجات البلاستيك

noreply@blogger.com (منى أحمد) — Sat, 23 Feb 2013 01:45:00 +0000

اعملى أسورة من الزجاجة البلاستيك

بطريقة سهلة جدا يمكنك عمل اساور كثيرة ومتعددة الالوان من الزجاجات البلاستيك كل ما عليك فعله هو اتباع الخطوات البسيطة القادمة و بعدها لن تتوقفى عن عمل الأساور من الزجاجات البلاستيك
أحضر الزاجاجة البلاستيك ونظفيها من الملصقات

قطعيها كما بالشكل

زينيها كما تشائين

اشكال أخرى رائعه

ويمكنك الابداع والابتكار و التغيير لتحصلى على تصميماتك الخاصه من هذه الأساور الجميلة والبسيطة وسهلة التنفيذ .

اعمال متنوعه من الزجاجات البلاستيك

noreply@blogger.com (منى أحمد) — Sat, 23 Feb 2013 01:13:00 +0000

فازة من زجاجة بلاستيك

ستارة من الزجاجات البلاستيك

ورود وفراشات من الزجاجات البلاستيك

اضاءة من الزجاجات البلاستيك

لعب أطفال من البلاستيك

زراعة النباتات فالزجاجات البلاستيك

او ري النباتات بالزجاجات البلاستيك

أو نعملها مركب ونركبها فكرة حلوة :) .

ديكور المنارة من زجاجة بلاستيك

noreply@blogger.com (منى أحمد) — Sat, 23 Feb 2013 00:44:00 +0000

منارة من زجاجة بلاستيك

ديكور سهل جدا لن يأخذ من وقتك أكثر من نصف ساعه

الأدوات:-

زجاجة - كشاف اضاءة

الطريقة:-

قم بقطع الزجاجة ولصق الكشاف كما هو موضح فالصورة

قم بعمل فتحة صغيرة فالزجاجة أمام مفتاح الكشاف

بعد ذلك الصق نصفين الزجاجة معا مرة أخرى وقم بطلائها مع مراعاة ترك جزء بدون طلاء ليشع منها الضوء وزينها كما تشاء .

كرسى من الزجاجات البلاستيك

noreply@blogger.com (منى أحمد) — Sat, 23 Feb 2013 00:27:00 +0000

كرسى من الزجاجات البلاستيك

الأدوات :-

زجاجات بلاستيك - شريط لاصق- قطعة كرتون مقوى - غراء ابيض - ورق جرائد

الطريقة :-

نقوم بلصق الزجاجات معا بالشريط اللاصق ونضع فوقها قطعه من الكرتون المقوى ثم نلصق عليها ورق الجرائد بالغراء الابيض

نتركها لتجف ثم نقوم بطلائها والرسم عليها

أو نغلفها بالاسفنج والقماش.

وهذا عمل آخر (أريكة من الزجاجات البلاستيك )ولكن يحتاج الى صبر كثير.

ديكور قاع البحر من زجاجة بلاستيك .

noreply@blogger.com (منى أحمد) — Fri, 22 Feb 2013 23:54:00 +0000

تحفه فنيه سهله جدا من زجاجة بلاستيك

يمكنك عمل تحفة فنية وكأنها قاع البحر من زجاجة بلاستيك .

الأدوات:-

زجاجة بلاستيك - مياه - زيت - حبر أو اى صبغة او اى مادة ملونة باللون الازرق تذوب فالماء- قمع - قواقع وأصداف ويمكنك وضع قليلا من الرمل .

الطريقة:-

قم باضافة قليلا من الحبر الازرق ليعطى الماء اللون الازرق الفاتح

ثم قم باضافة القواقع والأصداف والرمل وأخير قم بصب الزيت

ثم ضع الزجاجة مقلوبة على جانبها لتعطيك هذا المنظر الرائع .

I LOVE SEWING & CRAFTING

استفيدى من علب اللبن الفارغة

شوفى ازاى ممكن تستفيدى من علبة اللبن

الميزة فى علبة اللبن ان الكرتون بتاعها مش بيتأثر بالماية عشان كده ممكن نستغلها فى حاجات كتير

فى موضوعى النهارده انا عملت منها محفظة ( بوك ) ودى صورته

تابعوا معايا الخطوات وان شاء الله تعملوه بكل سهولة

اول حاجة دى علبة اللبن

هنقص الجزء اللى فوق والجزء اللى فى القاعدة

هنفتح العلبة من الجنب بالمقص

هنتنى العلبة 3 طبقات على بعض يعنى بدل مهى 4 جوانب هنخليها 3 جوانب زى الصورة اللى جاية

ونمشى عليها بالمكواة عشان تثبت كويس

هنرسم بالقلم قوس على طرف العلبة كده

بعد كده نقصه بالمقص عشان ده هيبقى الغطاء اللى بيقفل على المحفظة

هنقص قماشتين بالشكل ده

هنلزقهم فى الجوانب ركزوا فى الصورة كويس

صندوق لحفظ الاشياء من كرتونة

سكر بألوان قوس قزح

اعملى أحلى عيش فينو

من كرتونة ملابس لحامل دفاتر

اصنعى الغراء بنفسك

تزيين البيض بطرق مختلفة

بنطلون من بواقى الأقمشة

بنطلون من بواقى الأقمشة

بعد كده اتنيه كمان مرة يعنى هتبقى متنيه 4مرات

حطى عليها بنطلون يكون مقاسه مناسب ، وقصى شكل الباترون وخدى بالك تسيبى 2 سم من كل جنب عشان الخياطة

تابعى باقى خطوات تفصيل بنطلون بكل سهولة على هذا الرابط

وادى النتيجة النهائيه للبنطلون وسلمى لابساه

و دى صورة كمان

اتمنى الموضوع يعجبكم ومتترددوش لحظة انكوا تعملوا حاجه بايديكوا حتى لو مطلعتش مظبوطة من اول مرة ، المرة اللى بعدها هتكون افضل باذن الله.

اعملى مقلمة من الشنطة الجلد القديمة

مقلمة من الشنطة الجلد القديمة

طريقة عمل شنطة للمكعبات

شنطة سهله للمكعبات

اعملى قرد لعبة من الشرابات

قرد لعبة جميل من الشرابات

غيرى التيشيرت بشكل رائع

غيرى التيشيرت بشكل رائع

حولى التيشيرت لفستان

حامل اكسسوارات من ورق المجلات

حامل اكسسوارات من ورق المجلات

الادوات

الطريقة

غيرى ستايل ال t shirt

غيرى ستايل ال t shirt

شنطة من كوفر الأجندة او الكتاب

شنطة من كوفر الكتاب او الأجندة

فصلى بنطلون بكل سهولة

طريقة تفصيل البنطلون

قراقيش بالعجوة

قراقيش بالعجوة

المقادير:-

الطريقة :-

روائع من القنينات الزجاجية

ديكورات رائعه من القنينات الزجاجية

أولا التزيين بالخيوط

ثانيا التزيين بالألوان

ثلاثا التزيين بالاضاءة

جداريات ولوحات رائعه من أغطية الزجاجات

روائع من أغطية الزجاجات

تعالوا لنتابع معا اشكال مختلفة من تلك الروائع الفنية

جدارية على شكل منظر طبيعى.

جدارية على شكل فراشه و زهور

وفى الصور القادمة جداريات استخدمت كواجهة للمكان بتعليقها على الباب او على حوائط المكان الخارجية .

ومن الرائع ان نتشارك مع الأطفال لعمل لوحات رائعه لتنمى مواهبهم الفكرية و العملية

وبامكانك أيضا استخدام أغطية الزجاجات لعمل ألعاب تعليمية للأطفال ككتابة الأحرف على الأغطيةوتكوين كلمات بوضع الأغطية جنبا الى جنب.

اكسسوارات من الزجاجات البلاستيك

اعملى أسورة من الزجاجة البلاستيك

اشكال أخرى رائعه

اعمال متنوعه من الزجاجات البلاستيك

فازة من زجاجة بلاستيك

ستارة من الزجاجات البلاستيك

ورود وفراشات من الزجاجات البلاستيك

اضاءة من الزجاجات البلاستيك

لعب أطفال من البلاستيك

زراعة النباتات فالزجاجات البلاستيك

او ري النباتات بالزجاجات البلاستيك

أو نعملها مركب ونركبها فكرة حلوة :) .

ديكور المنارة من زجاجة بلاستيك

منارة من زجاجة بلاستيك

الأدوات:-

وبامكانك أيضا استخدام أغطية الزجاجات لعمل ألعاب تعليمية للأطفال ككتابة الأحرف على الأغطية
وتكوين كلمات بوضع الأغطية جنبا الى جنب.