Myu Hte Mungdan A Matu

Nta ningnan de bai rai saga.

noreply@blogger.com (shanglawt) — Thu, 18 Nov 2010 07:25:09 PST

http://www.hkahpawk.com/

#1 - Miss ING RA 2009 Shingjawng Poi

noreply@blogger.com (shanglawt) — Thu, 21 Oct 2010 10:12:34 PDT

Visit wpsamwi youtube channel!

Kachin Song

noreply@blogger.com (shanglawt) — Sun, 10 Oct 2010 14:37:55 PDT

Grai madat pyaw ai Nor Ni na mahkawn ni hpe mara da ai YouTube Channel re. Embed galaw na ahkang n jaw da ai majaw, Channel hpe sha matsun dat sai. Sa yu hkam sha la ga. :)

http://www.youtube.com/user/wpsamwi

Silent Night iTunes theme & Elegant Dock Theme for Mac

noreply@blogger.com (shanglawt) — Mon, 04 Oct 2010 13:55:08 PDT

Download

Salt

noreply@blogger.com (shanglawt) — Sun, 19 Sep 2010 10:08:25 PDT

X Factor

noreply@blogger.com (shanglawt) — Tue, 07 Sep 2010 12:38:26 PDT

la-phet-tote

noreply@blogger.com (shanglawt) — Sat, 04 Sep 2010 08:19:20 PDT

Dai ni gaw nau lagawn di, la-phet-tote tote sha ai. Sha mayu ai ni sa wa marit. :)

Mani bum lung ai shaloi na sumla ni re.

noreply@blogger.com (shanglawt) — Tue, 24 Aug 2010 06:48:38 PDT

HD quality + Full Screen hte yu yang she yu tsawm na re. N rai yang, sumla quality ni grai n tsawm ai hpe mu lu ai.

My sexy mac desktop :D (click for large view)

noreply@blogger.com (shanglawt) — Fri, 06 Aug 2010 15:06:37 PDT

Ya hte gayet da ai sumla ni.

noreply@blogger.com (shanglawt) — Mon, 02 Aug 2010 19:13:26 PDT

Step by step

My phone on rainy street!  it!

Slug

Click on photos for larger sizes.

Jit chyawm ganoi tat hkra mani kau sai :)))))

noreply@blogger.com (shanglawt) — Sun, 01 Aug 2010 16:02:21 PDT

Yup sana ngu wa, Google Reader jahkring naw hpaw yu na re ngu na, hpaw dat ai n dai sumla yu hkrup di, yup mayu ai pa gara de du mat sai kun pyi n chye mat sai. :DD

Clash of the Titans

noreply@blogger.com (shanglawt) — Sun, 01 Aug 2010 15:32:36 PDT

Dai na gaw, "Clash of the Titans" sumla hkrung yu byin ai. Cinema kaw sa yu ai gaw n re. Ngai sumla hkrung yu yu re 'website' kaw 'HD quality' hte mu dat ai majaw, yu hkrup ai. N dai sumla hkrung pru ai gaw nau n na shi ai. '$125 millions' ting ma hkam n na gayet da ai sumla hkrung rai nga ai. Rai tim, shang gumhpraw gaw, ganoi '$492 millions' bai lu ai majaw, myen hku tsun ga nga yang gaw, 'ကိုက္တယ္' ngu ai hpan rai nga ai :D

N dai sumla hkrung mung 'Avatar' zawn sha 'computer effect' grai law hkra hte gayet da ai sumla hkrung rai nga ai. Hkrak tsun ga nga yang, 'YouTube' kaw 'behinds the scenes clips' ni tam yu chye mat ai kaw na, n dai zawn 'computer effect' grai law ai sumla hkrung ni hpe nau n ra sha chye mat sai.

N dai sumla hkrung hpe, 'Avatar' kaw na sumla hkrung shadang hte sha bai gayet da ai rai nga ai. Rai tim, 'director' ni gaw n bung ai. N dai sumla hkrung hpe, 'Avatar' hte manu mana nam chyim shai hkra galaw kau ai gaw, 'story' hte 'plots' ni re.

'Clash of the Titans' a 'story (snr) script' hpe yu dat ga nga jang, 'Avatar' zawn, matai htang ai 'category' hta lawm tim, 'story' hpe 'based' wa galaw da ai kaw, namchyim grai wa shai mat ai. Namchyim shai mat ai ngu ai kaw, n dai 'Clash of the Titans' sumla hkrung gaw, ya anhte myen sumla hkrung ni yu ai zawn sha.... sumla hkrung hpe n nan kachyi mi yu dat ai hte hpa byin na ngu chye taw ai hpan..

Ngut na langai gaw, sumla hkrung shadang hpe, laga du sat du myeng (snr) masha ni hte gasat ai shaloi, a sak hkrung na, 'possibility' dan dan leng leng nan grai ahkaw ahkang jaw da ai hpe mu lu ai. Dai hpe yu yang, ma gasup chyai ai hte she bung mat ai.

Mi yet tsun ai zawn sha, n dai hpan 'computer effect' grai law ai sumla hkrung ni gaw, 'story' kaw namnak ai lachyum lama ma sha n lawm yang gaw, yu na grai lagawn mat sai. YouTube kaw 'behind the scenes' ni yu ngut jang htam grau, 'trailer' pa n kam yu mat ai hpan..

Dai majaw she, Albert Einstein tsun da ai 'quote' ni gaw grai she jaw ai ngu. Shi tsun mat wa ai 'quote' grai law kaw na, n dai hte a ding tawk nan seng ai 'quote langai gaw...

"The secret to creativity is knowing how to hide your sources."

'Secret' rai nga ai, 'sources' hpe yawng yawng hpe madun kau dat yang gaw, dai 'secret' hte galaw da ai 'creativity' gaw hpa namchyim mung n nga mat ai hpan.. Kaja nga yang, n dai hpan sumla hkrung ni gaw 'computer effect' grai law hkra hte galaw da ai re myidi chyip chye tim, gara hku galaw ai ngu n mu lu ai majaw, 'behind the scenes clips' ni n yu ga yang gaw, namchyim loi naw nga ai. 'Behind the scenes clips' ni bai rai yang gaw, yawng yawng hpaw madun kau ai majaw, 'computer effect' grai law ai sumla hkrung ni yu yang, ngai gaw namchyim nau n mu dum mat sai.

Sumla hkrung yu mayu ai ni, n pu kaw bang dat ya ai.

Bat lahkawng bai rai yang gaw jawng bai lung ra sai. Lung sha n ngut hkraw ai jawng ma prat... ok! ya gaw yup sai!

First impression with Canon 550D

noreply@blogger.com (shanglawt) — Thu, 22 Jul 2010 13:57:04 PDT

Lai wa sai bat htet dat ai, Canon slr 550d hpe dai ni sha post kaw na sa htuk la n ngai. Prat prat hta, n dai hpan 'camera' kalang mung n lang ga ai majaw, dai ni tup n dai hte sha a ten shama sai hku re.

N pu kaw mi yet sha shinggan kaw gayet da ai sumla n kau mi mara dat ai. (Grau kaba hkra yu mayu jang sumla kaw dip n htawm mai yu ai hku re)

You're dating? lol. "Asking to the boys who just turned 5 and 10.

noreply@blogger.com (shanglawt) — Wed, 14 Jul 2010 06:32:52 PDT

Macbook Pro hte Ngai

noreply@blogger.com (shanglawt) — Sat, 10 Jul 2010 15:37:38 PDT

Dai ni chyawm e gaw, shata mi daram la dingda kau ai, computer n nan du ra ai. Shata mi daram na mat ai ngu gaw n dai hku law... Apple iMac mari dat ai wa she, Apple computer ni hta wireless rim ai AirPort hardware n lawm wa di, bai n htang shagun kau dat ra ai. N dai hku byin ai, ngai gaw gam kaja dum mat ai. Hpa na ta nga yang, mari dat ai iMac 27'' wa, Apple website kaw yu ai shaloi gaw, dai daram kaba na zawn n san na, n ta du wa yang gaw majoi she kaba taw ai. Computer zawn pyi n nga mat ai. Dai majaw, AirPort built-in n lawm wa di, bai n htang sa kau ra ai wa, grai gam kaja mat ai zawn she rai mat sai. :)

Apple kaw na gumhpraw bai n htang ai hte MacBook Pro mahtang she bai htet dat sai. MacBook Pro gaw laptop re majaw, hpai sa hpai wa loi na matu 13" mahtang lata dat ai. Dai ni du ai hte nan Post kaw sa htuk la sai.

Kaja tsun ga nga yang, iPhone mari ngut ai kaw na Apple products ni hpe grai ra sha mat ai. Apple products ni a User Interface gaw grai tsawm ai hpe mu lu ai. Computer n nan lang ga wa ai kaw na Windows chyu lang wa di kun gaw n chye le i? Masha myi ngu ai mung, a myu hpan langai hpe sha, na na yu nga jang, yu jin wa ai zawn sha rai sam ai. :)

Dai hpawt Post kaw na sa htuk wa ai hte, dai ni tup kajam ai, kajam ai. Kajam n ngut. Hpa na ta nga yang, Apple computers ni gaw Windows hte Operating System n bung ai majaw, ya she Mac lang ga ai ngai na matu gaw, loi jam jau kau ai hku re.

Firefox Sync, Dropbox gang jahkrat, Bookmarks import/export, Application Install/Uninstall, Firefox Addons, Zawgyi Keyboard font/layout... Laga 'sync' ra ai data ni hpe 'sync'.. Dai hte sha lani mi shama kau sai.

Lang yu ai daram gaw, grai lang manu nga ai. Keyboard mung wawp wawp sha nga n htawm grai gayet pyaw nga ai. Display gaw 'excellent' nan re. Apple computer ni gaw 'display' grai tsawm ai majaw mying dan hkung ai kaw lawm ai.

Windows hpe loi pye hkra sha n chye lang da yang gaw, grai jam jau ai hpan re. Windows hte grai rai hkra n shai tim, ram daw gaw shai ai. Ya, dai ni tup kajam ngut ai hpang gaw, loi gaw zeng rai wa re sai. Rai tim, grai naw sharin la ra ai. Ya she lang ga ai, OS re majaw, madu n chye ai tips, tweaks, tricks ni grai naw nga ai. Matut na hpa jam jau ni naw jaw na kun pa n chye ai.

Apple Computer mari na rai yang hpaji jaw mayu ai gaw, Apple Education Store kaw na mari na matu hpaji jaw mayu ai. Apple gaw mungdan law law hta, Online Education Store ni hpaw da lu ai. Ngai gaw Education Store kaw na mari ai majaw, $100 daram hkyam sa mat ai.

N dai mungdan gaw Tax grai law ai majaw, US mungdan hta $1500 sha hkrat ang ai computer wa, n dai mungdan kaw gaw $1900 daram rai mat ai.

Windows a tsawm sha n chye lang, Google hpe a tsawm sha n chye a kyu jashawn ai rai yang gaw, Mac mari na matu n gun n jaw ai. N dai computer dai ni Post kaw na sa la wa ai hte, hpaw na, loi kajam chyam yu ai hte, a dup a grawp kau na zawn nga ai. Dai ni tup 'Googling' ngut ai hte ya chyawm gaw, Windows Vista mara da ai Asus hpe A Nu hpe ap kau na matu jin jin rai sai.. :))

Here's my new computer!!!!!

Keyboard kaw a hpraw hpraw rai taw ai gaw, kata na wan re. Shana rai yang grai tsawm ai :) iPhone rau gayet da ai majaw, sumla quality gaw loi a nya ai.

Ok. Yup sana. Dai ni tup computer shawng kaw chyu dung di, mana mana zawn she nga mat sai. Good night all!

Krung sinwa de kun? Anhte Jinghpaw Wunpawng ni?

noreply@blogger.com (shanglawt) — Thu, 24 Jun 2010 07:49:29 PDT

Ya sha, KNG ni a shiga langai hti hkrup dat ai. Hpa shiga re ta nga yang, Jinghpaw Wunpawng myu sha ni a gawng malai nga n htawm, Pa-Ti shachyaw mai dang gaya bang wa ai, n ru n ra, dum bru dum bra KSPP, Pa-Ti hpe tara shang Pa-Ti langai hku n na masat na masa n sa ai lam shiga re.

N dai ten, anhte ni madung n gun dat shakut ra ai lam gaw, n dai myen asuya a masu n hkun hta n ganip lawm ai sha, mungkan asuya ni hpang de, myen asuya a n hkru n kaja, maw let maw sha di n htawm, gade n na yang galaw hkyen nga sai 'Election' hpe, kaning re 'Election' re ngu ai masha ni chye hkra, shakut ra ai she re.

Nang, dang na n re chye nga ninglen, masu magaw galaw da ai Election langai kaw, shang ginsup taw ai gaw, 'Nang' Jinghpaw Wunpawng myu sha hpe 'hkye' hkyen taw ai n re. Grai si mani ai sat lawat hte sat hkyen taw ai re hpe chye u.

Ya gaw, Lasang Awng Wa hpe she myen asuya gaw Pa-Ti htawng na matu, matsun hkyen taw ai da. Kade mani hpa law? Chye nga ninglen shut ai gaw, n chye di shut ai hta grau sawng ai.

Hum... Langai n sa sa shau ai gaw, KIO/KIA ni jarik sin masing hpe ning dang kau ai lam re. Anhte Jinghpaw Wunpawng myu sha ni galoi mung hkum malap! Anhte a daidaw buga gaw manu mana manu dan dik ai shara hta nga taw ai re.

Anhte, dai masu magaw Election kaw n lawm magang, myen asuya a matu mang hkang kaba magang re. Myen asuya gaw hpa majaw, n dai 'Election' hpe galaw a ta? Mahtai gaw a san sha re. Mungkan mungdan kaba ni a lapran, tara shang asuya langai byin mayu ai re. Myen gaw, UN kaw she lawm taw tim, US, UK hte laga Europe mungdan ni dai ni du hkra, 'Burma' ngu naw shaga ai gaw lachyum nga ai. Myen asuya she, shi hkrai shi 'Myanmar' nga di masat la tim, masha ni gaw, shi hpe tara shang asuya langai zawn n hkap la shi ai majaw, shi masat ai mying hpe kadai n kam lang ai re.

Dai majaw, n dai Election gaw tara n shang ai re hpe, mungkan mungdan ni chye magang, myen asuya a shakut ai lam gaw kaman lila rai magang rai na re.'Hkrap masu su hkyen ai Ma hpe hkum sa adup dat, hkrap na sha re'. Dai majaw, hkum sa adup lawm dat.

Ya yang, anhte a masa gaw, myen hku pyi n nga. 'ပြဲၾကည့္ၿပီးက' nga ai hpan re. KIO/KIA ni hpe yu yu u le. Shanhte poi yu taw ai n mu ai i? Myitkyina de gade she lagat sahka? Dai majaw, J.W myu sha ni hpe 'Nang' n lu woi awn tim n ra ai. Krung sinwa de gaw hkum woi jashang!

25 inches boy

noreply@blogger.com (shanglawt) — Wed, 23 Jun 2010 04:53:27 PDT

Google suggestion fails

noreply@blogger.com (shanglawt) — Mon, 21 Jun 2010 12:23:58 PDT

Lani mi, hka yawm 40 daram lu ai Indonesian Ma

noreply@blogger.com (shanglawt) — Fri, 11 Jun 2010 17:18:26 PDT

Internet mungkan hpe kajawng htap lap shangun kau dat ai Ma re. She yu yu ga.

lol.. check out the drummer ! epic win !!

noreply@blogger.com (shanglawt) — Thu, 10 Jun 2010 16:54:00 PDT

4 Chords :)

noreply@blogger.com (shanglawt) — Thu, 10 Jun 2010 16:13:45 PDT

ဟာသ အတိုအထြာ

noreply@blogger.com (shanglawt) — Thu, 10 Jun 2010 10:06:43 PDT

ဟာသ အတိုအထြာ – ၂

Magrau grang ai myit

noreply@blogger.com (shanglawt) — Sun, 06 Jun 2010 11:00:42 PDT

N dai asak a prat hta, n dai zawn masha manu mana man kaw tsap n na, mahkawn hkawn, ka ai ngu ai gaw myit magrau grai grang ra na re. Ngai nga yang, masha hkun, sumshi, shawng kaw sha tsap yang pa, lahput da masin da gari wa wa re. Dai pyi naw gaw, tsap ai sha naw re. Hpa n tsun shi ai. N dai Ma zawn she, mahkawn ma hkawn, ka ma ka nga yang gaw... ha ha.. yup mang kaw pyi naw gaw n gwi na re. :)

N dai Ma gaw hpa majaw dai daram magrau grang a ta ? Ngai na ningmu hku nga yang gaw, 'Education Foundation' hte grai seng ai hku re. Sin-na mungdan de na, jawng ni hta, jawng ma gaw jawng sara hpe hkrit di, ga san n san gwi ai ngu ai lailen n nga ai. Jawng sara ni ma, ga san nau n san ai jawng ma ni hpe 'mark' nau n jaw ai hpe mu lu ai. Ngut jang, ya ngai lung lai wa sai, n dai mungdan kaw na tsang shi jawng hta nga yang, jawng gawk shawng kaw rawt tsap n na, 'presentations' ni jahkring hkring galaw ra ai. Dai majaw, n dai hkan na Ma ni gaw, masha shawng kaw ga shaga yang, gaya ai (snr) hkrit ai ngu ai myit masin nau n nga ai hpe mu lu ai.

Ngai, lai wa sai jawng lung ta kaw, ngai hkrai ngai tsun shadum dum re, ga hkaw langai mi nga ai. Dai gaw...

"Ra n rawng ai kaw, gaya ai hte hkrit ai daram, masha langai a, atsam marai hpe daw jahten kau ya ai hpa n nga ai"

Lahta na 'video clip' hpe yu ai shaloi, Ma dai mahkawn hkawn ngut ai hpang, baw jakrin hte re tara agyi(judge) hte dai Ma lahkawng shaga ai hpe n pu na zawn na lu dat ai.

Judge: Did you write that?

Ma: Yes, Sir.

Judge: You wrote it. You performed it. Your Parents... they've told you.. you are white, right?

Ngai gaw dai hku na dat ai. Jaw kun n jaw kun gaw n chye sai. :) Dai tara agyi wa gaw, kaja nga yang, shala n htawm tsun dat ai rai na re. Shala ai mung hpaji rawng ai hpe mu lu ai. :) America ga kaw, shara shagu shachyang ni hkrai hkrai shara la taw nga sai hpe madun ai ngu, ngai gaw mu lu ai.

Myen asuya, mai dang bai htawng katut sai

noreply@blogger.com (shanglawt) — Tue, 08 Jun 2010 05:36:47 PDT

Miwa mung na Iped

noreply@blogger.com (shanglawt) — Sat, 05 Jun 2010 11:46:20 PDT