Shivshahi news

ओम दूध संकलन व शितकरण केंद्राचा वार्षिक बोनस वाटप सोहळा उत्साहात संपन्न

2026-11-02T14:07:39.132+05:30

दूध उत्पादकांच्या कष्टाचा सन्मान - शिंदेवाडीत वार्षिक बोनस वितरण कार्यक्रम

शिवशाही वृत्तसेवा, सोलापूर प्रतिनिधी

माळशिरस, : ओम दूध संकलन व शितकरण केंद्र, शिंदेवाडी यांच्या वतीने आयोजित वार्षिक बोनस वाटप समारंभ उत्साहपूर्ण वातावरणात पार पडला. दूध उत्पादकांच्या मेहनतीचा गौरव करत त्यांच्या आर्थिक योगदानाची दखल घेण्यासाठी या कार्यक्रमाचे आयोजन करण्यात आले होते.

कार्यक्रमाच्या अध्यक्षस्थानी बार असोसिएशनचे माजी अध्यक्ष तथा माळशिरस तालुका वकील संघटनेचे अध्यक्ष ॲड. शिवाजीराव पिसाळ होते. पंचायत समिती सदस्य बाबासाहेब माने पाटील यांची प्रमुख उपस्थिती होती. तसेच दूध संघाचे पदाधिकारी, मान्यवर, दूध उत्पादक शेतकरी व ग्रामस्थ मोठ्या संख्येने उपस्थित होते.

कार्यक्रमात उपस्थित मान्यवरांच्या हस्ते दूध उत्पादकांना वार्षिक बोनसचे वितरण करण्यात आले. दूध उत्पादक शेतकऱ्यांच्या सातत्यपूर्ण सहकार्यामुळे केंद्राची प्रगती होत असून, ग्रामीण भागातील दुग्ध व्यवसायाला चालना देण्यासाठी अशा उपक्रमांचे महत्त्व अधोरेखित करण्यात आले.

यावेळी प्रमुख उपस्थित मान्यवरांमध्ये सी.ई.ओ. गोविंद मिल्कचे धर्मेंद्र भल्ला, संचालक गोविंद मिल्कचे चंद्रशेखर जगताप, जनरल मॅनेजर गोविंद मिल्कचे डॉ. शांताराम गायकवाड, जनरल मॅनेजर गोविंद मिल्कचे डॉ. गणेश सपकाळ आणि असिस्टंट जनरल मॅनेजर गोविंद मिल्कचे बापूसाहेब हिप्परकर यांचा समावेश होता.

ओम दूध संकलन व शितकरण केंद्राचे संस्थापक व चेअरमन डॉ. अमोल अर्जुन घाडगे यांच्या मार्गदर्शनाखाली कार्यक्रमाचे आयोजन करण्यात आले. दूध उत्पादक शेतकऱ्यांना प्रोत्साहन देणे, त्यांच्या आर्थिक उन्नतीस हातभार लावणे आणि दुग्ध व्यवसाय अधिक सक्षम करणे हा या उपक्रमामागील उद्देश असल्याचे यावेळी नमूद करण्यात आले.

कार्यक्रमाचं नियोजन उपस्थित मान्यवर व दूध उत्पादकांच्या सहभागामुळे सोहळा उत्साहात पार पडला.

दूध उत्पादकांच्या विश्वासाला आणि कष्टाला बोनसच्या माध्यमातून सन्मान देणारा हा उपक्रम शिंदेवाडी परिसरातील दुग्ध व्यवसायासाठी प्रेरणादायी ठरला.

यावेळी सर्व उपस्थितांना आगामी दीपावलीच्या निमित्ताने हार्दिक शुभेच्छा देण्यात आल्या.

कार्यक्रमाचे सूत्रसंचालन वैष्णवी यादव यांनी केले.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

सातारा जिल्हा पोलीस दलात पदोन्नतीचा आनंदोत्सव - ४६ पोलीस अंमलदारांना बढती

2026-11-02T01:40:16.731+05:30

२४ जण श्रेणी पोलीस उपनिरीक्षक, ११ जण सहायक पोलीस उपनिरीक्षक तर ११ जण पोलीस हवालदारपदी पदोन्नत

शिवशाही वृत्तसेवा, सातारा (शुभम कोदे)

सातारा जिल्हा पोलीस दलातील ४६ पोलीस अंमलदारांसाठी आनंदाची बातमी असून, विविध पदांवर कार्यरत असलेल्या कर्मचाऱ्यांना पदोन्नती देण्यात आली आहे. यामध्ये २४ सहायक पोलीस उपनिरीक्षकांना श्रेणी पोलीस उपनिरीक्षकपदी, ११ पोलीस हवालदारांना सहायक पोलीस उपनिरीक्षकपदी, तर ११ पोलीस नाईक व पोलीस शिपायांना पोलीस हवालदारपदी बढती देण्यात आली आहे. पोलीस अधीक्षक निखिल पिंगळे यांनी ३१ ऑक्टोबर २०२६ रोजी यासंदर्भातील आदेश जारी केले.

गृहविभाग तसेच सामान्य प्रशासन विभागाच्या शासन निर्णयांतील तरतुदी आणि वरिष्ठ पोलीस अधिकाऱ्यांनी निश्चित केलेल्या अटींच्या अधीन राहून ही पदोन्नती प्रक्रिया राबविण्यात आली. अनेक वर्षांच्या सेवेनंतर मिळालेल्या या पदोन्नतीमुळे संबंधित पोलीस अंमलदारांच्या सेवाकार्याला प्रोत्साहन मिळाले आहे.

अफसर इमाम इनामदार, प्रकाश व्यंकटराव माने, आनंदराव मधुकर भोईटे, नंदकुमार लक्ष्मण घाटगे, रविकांत श्रीपतराव ढाणे, महेश पांडुरंग कदम, दीपक महादेव जाधव, मनोहर काशिनाथ सुर्वे, हिमेश गंगाराम माने, संजय शिवरात साबळे, संजय यशवंत जाधव, सुनील भिकू गायकवाड, तानाजी शांताराम घोरपडे, प्रकाश विश्वनाथ कदम, महेश दत्तात्रय कमाने, रविंद्र काशिनाथ कदम,

प्रविण प्रतापराव शिंदे, उज्वला लालसिंग कुंभार, कांतीलाल चिमाजीराव नवघणे, जनार्दन रामचंद्र खंडाळे, संजय राजाराम चव्हाण, संजय बबन मदने, दीपक बाळासाहेब बर्गे आणि संजय वामन सपकाळ यांना श्रेणी पोलीस उपनिरीक्षकपदी पदोन्नती देण्यात आली.

आनंदा विठ्ठल कदम, दत्तात्रय दादा लोखंडे, काकासाहेब विश्वास पाटील, संतोष सखाराम शिंदे, प्रतिभा गजानन कर्पे, रियाज कादर शेख, सचिन प्रकाशराव देशमुख, महादेव यशवंत घाडगे, प्रविण नारायण चव्हाण, मल्हारी आनंदा भिसे आणि दादासो हनुमंत यादव यांना सहायक पोलीस उपनिरीक्षकपदी पदोन्नती मिळाली आहे.

संदिप आप्पासो जाधव, हेमंतकुमार नेताजी ढाणे, संदिप शिवाजी इंगळे, ज्ञानेश्वर अर्जुन टिंगरे, राकेश लालासाहेब घाडगे, अनिलकुमार दादासाहेब खाडे, सागर शिवाजी रासकर, संदिप शंकर फणसे, सुधीर मुरलीधर वाघमारे, बाळकृष्ण रमेश नष्टे आणि दत्तात्रय एकनाथ धायगुडे यांना पोलीस हवालदारपदी बढती देण्यात आली आहे.

दरम्यान, पोलीस अधीक्षक निखिल पिंगळे, अपर पोलीस अधीक्षक डॉ. वैशाली कडुकर आणि पोलीस उपअधीक्षक (गृह) कृष्णकुमार जाधव यांनी पदोन्नती मिळालेल्या सर्व पोलीस अंमलदारांचे अभिनंदन करून त्यांना पुढील सेवाकार्यासाठी शुभेच्छा दिल्या. या पदोन्नतीमुळे सातारा जिल्हा पोलीस दलात आनंदाचे वातावरण निर्माण झाले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

वाईच्या भाजी मंडईच्या सुशोभीकरणाला वेग - विक्रेत्यांसाठी पांढरे पट्टे आखण्याचे काम सुरू

2026-11-02T01:23:15.309+05:30

शेड उभारणी पूर्णत्वास; शेडनेटचे काम अंतिम टप्प्यात, मात्र अनामत रक्कम आणि भाड्याबाबत विक्रेत्यांमध्ये संभ्रम

शिवशाही वृत्तसेवा,वाई ( शुभम कोदे )

वाई शहरातील भाजी मंडईच्या सुशोभीकरणाच्या कामाला आता वेग आला असून, भाजी विक्रेत्यांना शिस्तबद्ध पद्धतीने व्यवसाय करता यावा यासाठी मंडई परिसरात पांढरे पट्टे आखण्याचे काम सुरू करण्यात आले आहे. या कामासाठी रविवारी भाजी मंडई बंद ठेवण्याचा निर्णय घेण्यात आला. शेड उभारणीचे काम पूर्ण झाले असून, शेडनेटचे कामही लवकरच पूर्ण होणार असल्याने आधुनिक आणि नियोजनबद्ध भाजी मंडईचे स्वप्न साकार होण्याच्या दिशेने वाटचाल सुरू झाली आहे.

भाजी मंडईच्या सुशोभीकरणाच्या कामाची पाहणी करताना नगराध्यक्ष अनिल सावंत यांनी ही माहिती दिली. यावेळी उपनगराध्यक्ष घनश्याम चक्के, वाई नगरपरिषदेचे नगरसेवक, नगरसेविका तसेच पालिका प्रशासनातील संबंधित अधिकारी उपस्थित होते.

यावेळी बोलताना नगराध्यक्ष अनिल सावंत म्हणाले की, भाजी मंडईतील शेड उभारणीचे काम पूर्ण झाले असून शेडनेटचे कामही लवकरच पूर्ण केले जाईल. मंडई परिसर अधिक स्वच्छ, मोकळा आणि शिस्तबद्ध करण्यासाठी नगरपरिषद प्रयत्नशील आहे. भाजी विक्रेते, व्यापारी, शेतकरी आणि ग्राहकांनी मंडईतील शिस्त पाळून एकमेकांना सहकार्य करावे. सर्वांच्या सहभागातून वाई शहराच्या प्रगतीसाठी प्रयत्न करणे आवश्यक आहे.

दरम्यान, काही शेतकरी आणि व्यापाऱ्यांनी शेडचे काम चांगल्या प्रकारे झाले असले तरी त्यामध्ये काही त्रुटी असल्याचे निदर्शनास आणून दिले. या सूचनांची नगराध्यक्ष, नगरसेवक आणि संबंधित अधिकाऱ्यांनी दखल घेतली.

उपनगराध्यक्ष घनश्याम चक्के म्हणाले की, भाजी मंडईसह वाईकर नागरिकांच्या विविध समस्या सोडविण्यासाठी नगरपरिषद प्रयत्नशील आहे. शहराच्या सर्वांगीण विकासाचे ध्येय डोळ्यासमोर ठेवून विकासकामांची वाटचाल सुरू आहे.

अनामत रक्कम आणि भाड्याबाबत संभ्रम कायम!

एकीकडे भाजी मंडईचे सुशोभीकरण अंतिम टप्प्यात आले असताना दुसरीकडे नव्याने उभारण्यात आलेल्या शेडमध्ये भाजी विक्रीसाठी जागा मिळविताना आकारण्यात येणारी अनामत रक्कम आणि मासिक भाडे याबाबत भाजी विक्रेते, शेतकरी आणि व्यापाऱ्यांमध्ये संभ्रमाचे वातावरण निर्माण झाले आहे. या आर्थिक बाबींबाबत स्पष्टता नसल्याने संबंधितांमध्ये प्रश्न उपस्थित होत आहेत. त्यामुळे नगरपरिषद प्रशासनाने तातडीने बैठक घेऊन अनामत रक्कम व भाड्याबाबत अधिकृत माहिती द्यावी आणि सर्वांना मान्य होईल असा योग्य मार्ग काढावा, अशी मागणी विक्रेते आणि व्यापाऱ्यांकडून होत आहे.

सुंदर आणि आधुनिक भाजी मंडई उभारण्याच्या प्रयत्नांना विक्रेत्यांचे सहकार्य मिळणे जितके महत्त्वाचे आहे, तितकेच त्यांच्या आर्थिक अडचणी आणि शंकांचे निरसन होणेही आवश्यक आहे. त्यामुळे सुशोभीकरणाच्या कामासोबतच विक्रेत्यांच्या प्रश्नांवरही पालिका प्रशासन काय निर्णय घेते, याकडे आता वाईकरांचे लक्ष लागले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

वाई तालुक्यात जिल्हा बँकेच्या निवडणुकीसाठी १०० टक्के मतदान

2026-11-02T01:12:13.649+05:30

राज्याचे मदत व पुनर्वसन मंत्री मकरंद पाटील, राज्यसभा खासदार नितीन पाटील आणि विधानपरिषदेचे आमदार धैर्यशील कदम यांनीही याच मतदान केंद्रावर मतदान केले.

शिवशाही वृत्तसेवा,वाई ( शुभम कोदे)

सातारा जिल्हा मध्यवर्ती सहकारी बँकेच्या निवडणुकीसाठी वाई तालुक्यातील मतदारांसाठी किसन वीर महाविद्यालयात मतदान केंद्र निश्चित करण्यात आले होते. या केंद्रावर एकूण १४२ मतदारांची नोंद होती. दुपारी साडेचारच्या सुमारास सर्वच्या सर्व १४२ मतदारांनी मतदानाचा हक्क बजावल्याने १०० टक्के मतदानाची नोंद झाली.

राज्याचे मदत व पुनर्वसन मंत्री मकरंद पाटील, राज्यसभा खासदार नितीन पाटील आणि विधानपरिषदेचे आमदार धैर्यशील कदम यांनीही याच मतदान केंद्रावर मतदान केले. सकाळपासूनच मतदारांमध्ये मतदानाबाबत उत्साह दिसून आला.

मतदान प्रक्रिया शांततेत पार पडण्यासाठी प्रशासनाकडून चोख पोलीस बंदोबस्त ठेवण्यात आला होता. यामध्ये एक पोलीस निरीक्षक, दोन सहाय्यक पोलीस निरीक्षक, एक महिला पोलीस उपनिरीक्षक, ४० पोलीस अंमलदार आणि २० होमगार्ड यांचा समावेश होता. कडक पोलीस बंदोबस्तात कोणताही अनुचित प्रकार न घडता मतदान प्रक्रिया शांततेत पार पडली.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

उत्कृष्ट मुख्याध्यापक व शिक्षक पुरस्काराने एमटीईएस मराठी शाळेच्या शिरपेचात मानाचा तुरा

2026-11-02T00:59:14.520+05:30

हा सन्मान एमटीईएस मराठी शाळेसाठी आनंदाची, अभिमानाची आणि प्रेरणादायी बाब ठरला

शिवशाही वृत्तसेवा, सांगली प्रतिनिधी

सांगली- : शैक्षणिक क्षेत्रातील उल्लेखनीय कार्य, समर्पित सेवा आणि विद्यार्थ्यांच्या उज्ज्वल भविष्यासाठी केलेल्या प्रयत्नांचा गौरव करत MAEER’s MIT, पुणे संचलित विश्वशांती गुरुकुल स्कूल अँड ज्युनिअर कॉलेज, सांगली यांच्या वतीने आयोजित उत्कृष्ट शिक्षक व मुख्याध्यापक पुरस्कार सोहळा २०२६ मध्ये एमटीईएस मराठी शाळा, विश्रामबाग, सांगलीच्या तीन मान्यवरांना सन्मानित करण्यात आले.

या सोहळ्यात एमटीईएस मराठी शाळेच्या मुख्याध्यापिका स्वाती महेश कुलकर्णी यांना उत्कृष्ट मुख्याध्यापक पुरस्काराने, तर शिक्षिका रश्मी राजेंद्र कुलकर्णी आणि वर्षा दशरथ सावंत यांना उत्कृष्ट शिक्षक पुरस्काराने गौरविण्यात आले. हा सन्मान शाळेसाठी आनंदाची, अभिमानाची आणि प्रेरणादायी बाब ठरला आहे.

एखादी जबाबदारी स्वीकारल्यानंतर ती केवळ पूर्ण करण्यापुरती मर्यादित न ठेवता, तिचा सातत्याने पाठपुरावा करणे, प्रत्येक बाबीकडे गांभीर्याने लक्ष देणे आणि सोपवलेली जबाबदारी शेवटपर्यंत समर्थपणे पार पाडणे, या कार्यतत्परतेची दखल घेत हा पुरस्कार प्रदान करण्यात आला.

विद्यार्थ्यांच्या हिताला सर्वोच्च प्राधान्य देत कामाप्रती असलेली तळमळ, नियोजनबद्ध कार्यपद्धती, वेळोवेळी घेतलेला पुढाकार आणि प्रत्येक जबाबदारी यशस्वीपणे पूर्ण करण्याची वृत्ती ही या तिन्ही मान्यवरांच्या कार्याची उल्लेखनीय वैशिष्ट्ये आहेत.

मुख्याध्यापिका म्हणून स्वाती महेश कुलकर्णी यांचे नेतृत्व, शाळेच्या प्रगतीसाठी केलेले प्रयत्न आणि शैक्षणिक गुणवत्ता वृद्धिंगत करण्यासाठीची धडपड कौतुकास्पद आहे. त्याचबरोबर रश्मी राजेंद्र कुलकर्णी आणि वर्षा दशरथ सावंत यांनी शिक्षक म्हणून विद्यार्थ्यांच्या शैक्षणिक व सर्वांगीण विकासासाठी केलेले योगदानही निश्चितच प्रेरणादायी आहे.

या पुरस्कारांच्या माध्यमातून त्यांच्या कार्याची सुंदर पोचपावती मिळाली असून, एमटीईएस मराठी शाळा, विश्रामबाग, सांगलीच्या शैक्षणिक वाटचालीत हा सन्मान अभिमानाचा नवा अध्याय ठरला आहे.

या उल्लेखनीय यशाबद्दल तिन्ही मान्यवरांचे शाळेच्या वतीने तसेच सर्व स्तरांतून मनःपूर्वक अभिनंदन करण्यात येत आहे. त्यांच्या कार्याला अशीच नवी उंची मिळत राहो, विद्यार्थ्यांच्या उज्ज्वल भविष्यासाठी त्यांचे योगदान अधिकाधिक प्रभावी ठरो आणि यशाची ही वाटचाल निरंतर सुरू राहो, हीच सदिच्छा!

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

सातारा जिल्हा बँकेच्या निवडणुकीत ९७.९२ टक्के मतदान - आता उत्सुकता निकालाची

2026-11-02T00:40:06.179+05:30

अकराही तालुक्यांत शांततेत मतदान; कोरेगाव, खंडाळा आणि वाईत १०० टक्के मतदानाची नोंद; सहा टेबलवर दोन फेऱ्यांत मतमोजणी, ३ नोव्हेंबरला निकालाचा फैसला.

शिवशाही वृत्तसेवा,सातारा (शुभम कोदे)

सातारा जिल्हा मध्यवर्ती सहकारी बँक मर्यादित, सातारा संचालक मंडळ पंचवार्षिक निवडणूक २०२६ साठी रविवार, दिनांक १ नोव्हेंबर रोजी जिल्ह्यातील अकराही तालुक्यांमध्ये मतदान प्रक्रिया शांततेत आणि सुरळीतपणे पार पडली. सकाळी आठ ते सायंकाळी पाच या निर्धारित वेळेत एकूण २०२१ मतदारांपैकी १९७९ मतदारांनी मतदानाचा हक्क बजावला. त्यामुळे जिल्ह्यात ९७.९२ टक्के मतदानाची नोंद झाली. विशेष म्हणजे कोरेगाव, खंडाळा आणि वाई या तीन तालुक्यांत शंभर टक्के मतदान झाले. आता सर्वांचे लक्ष सोमवार, दिनांक ३ नोव्हेंबर रोजी होणाऱ्या मतमोजणीकडे लागले आहे.

तालुकानिहाय मतदानाची आकडेवारी पुढीलप्रमाणे आहे. सातारा तालुक्यात ४७३ पैकी ४६७ (९८.७३ टक्के), जावली ६९ पैकी ६५ (९४.२० टक्के), महाबळेश्वर ५१ पैकी ४६ (९०.२० टक्के), कराड ३३६ पैकी ३३० (९८.२१ टक्के), पाटण १९९ पैकी १९७ (९८.९९ टक्के), कोरेगाव १२७ पैकी १२७ (१०० टक्के), खटाव १५० पैकी १४५ (९६.६६ टक्के), माण १२३ पैकी ११९ (९६.७४ टक्के), खंडाळा ८८ पैकी ८८ (१०० टक्के), वाई १४२ पैकी १४२ (१०० टक्के) आणि फलटण तालुक्यात २६३ पैकी २५३ (९६.१९ टक्के) मतदान झाले. एकूण मतदान करणाऱ्यांमध्ये १६१ महिला आणि १८१८ पुरुष मतदारांचा समावेश आहे.

पोलीस प्रशासनाचा चोख बंदोबस्त; वरिष्ठ अधिकाऱ्यांचे लक्ष

संपूर्ण निवडणूक प्रक्रिया शांततेत आणि सुरळीत पार पडावी यासाठी जिल्हा पोलीस प्रशासनाने अतिशय चोख बंदोबस्त ठेवला होता. त्यामुळे मतदान प्रक्रियेदरम्यान जिल्ह्यात कुठेही अनुचित प्रकार घडला नाही. जिल्हाधिकारी संतोष पाटील आणि जिल्हा पोलीस अधीक्षक निखिल पिंगळे हे स्वतः संपूर्ण निवडणूक प्रक्रियेवर लक्ष ठेवून होते. निवडणूक निर्णय अधिकारी संजयकुमार सुद्रिक यांनी मतदान प्रक्रियेसाठी चोख व्यवस्था केली होती. सहाय्यक निवडणूक निर्णय अधिकारी अभिमान थोरात आणि राहुल देशमुख यांनी विविध मतदान केंद्रांना भेटी देऊन पाहणी केली. प्रशासनाच्या नियोजनबद्ध व्यवस्थेमुळे मतदान प्रक्रिया कोणत्याही अडथळ्याविना पूर्ण झाली.

मतपेट्या सीसीटीव्हीच्या निगराणीखाली; सुरक्षा कक्षात ठेवणार

अकराही तालुक्यांतील मतदान केंद्रांवरील मतपेट्या सातारा येथे आणून सातारा जिल्हा नागरी सहकारी बँक असोसिएशन लि., जरंडेश्वर नाका, हनुमान मंदिराजवळील मतमोजणी केंद्रावर संकलित करण्यात येणार आहेत. त्यानंतर या मतपेट्या सीसीटीव्हीच्या निगराणीखाली सुरक्षा कक्षात ठेवण्यात येणार असून, या ठिकाणी आवश्यक पोलीस बंदोबस्त तैनात करण्यात आला आहे. मतपेट्यांच्या सुरक्षिततेसाठी प्रशासनाकडून विशेष खबरदारी घेण्यात येत आहे.

३ नोव्हेंबरला सकाळी आठपासून मतमोजणी; सहा टेबलवर दोन फेऱ्या

सोमवार, दिनांक ३ नोव्हेंबर २०२६ रोजी सकाळी आठ वाजता सातारा जिल्हा नागरी सहकारी बँक असोसिएशन लि., सातारा यांच्या सभागृहात मतमोजणी प्रक्रिया पार पडणार आहे. यासाठी आवश्यक अधिकारी आणि कर्मचाऱ्यांची नियुक्ती करण्यात आली आहे. मतमोजणीची प्रक्रिया दोन फेऱ्यांमध्ये पूर्ण करण्यात येणार असून, त्यासाठी सहा टेबलची व्यवस्था करण्यात आली आहे.

सर्वप्रथम निवडणूक लढविणारे उमेदवार आणि त्यांच्या प्रतिनिधींसमोर मतपेट्या उघडण्यात येतील. त्यानंतर मतपेट्यांमधील मतपत्रिका वेगवेगळ्या करून मतदारसंघनिहाय त्यांचे गठ्ठे तयार करण्यात येणार आहेत. प्रथम विविध कार्यकारी सेवा सहकारी संस्था मतदारसंघातील मतपत्रिकांमधील मतांची मोजणी केली जाईल. त्यानंतर राखीव व औद्योगिक मजूर मतदारसंघाची मतमोजणी करण्यात येणार आहे.

मतमोजणी प्रतिनिधींसाठी आठ-अ नमुन्यात अर्ज आवश्यक

मतमोजणी केंद्रावर केवळ निवडणूक लढविणारे उमेदवार आणि त्यांचे अधिकृत मतमोजणी प्रतिनिधी यांनाच प्रवेश दिला जाणार आहे. मतमोजणी प्रतिनिधी नियुक्त करण्यासाठी आठ-अ नमुन्यातील अर्ज मतमोजणी सुरू होण्यापूर्वी दाखल करणे आवश्यक आहे. तसेच उमेदवार आणि त्यांच्या अधिकृत प्रतिनिधींनी मतमोजणी केंद्रात येताना आपले ओळखपत्र सोबत ठेवणे बंधनकारक आहे. मतमोजणीदरम्यान कोणताही अनुचित प्रकार घडू नये, यासाठी प्रशासनाकडून पुरेसा पोलीस बंदोबस्त ठेवण्यात येणार आहे.

अकराही तालुक्यांत उत्स्फूर्त प्रतिसादात पार पडलेले मतदान, ९७.९२ टक्क्यांची नोंद आणि शांततेत पूर्ण झालेली निवडणूक प्रक्रिया यानंतर आता जिल्हा बँकेच्या सत्तेचे गणित कोणाच्या बाजूने झुकणार, याची उत्सुकता शिगेला पोहोचली आहे. त्यामुळे ३ नोव्हेंबरच्या मतमोजणीकडे संपूर्ण जिल्ह्याचे लक्ष लागले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

किकली यात्रेत हरवलेले दोन तोळ्यांचे सोन्याचे मंगळसूत्र पोलिसांच्या तत्परतेने व दोन युवकांच्या प्रामाणिकपणामुळे महिलेला परत

2026-11-02T00:27:17.606+05:30

प्रामाणिकपणाचे व पोलीस प्रशासनाच्या गतिमान कामकाजाचे संपूर्ण परिसर आणि सर्वत्र कौतुक होत आहे.

शिवशाही वृत्तसेवा,वाई (शुभम कोदे)

किकली (ता. वाई) येथील प्रसिद्ध यात्रेदरम्यान गर्दीचा फायदा घेत हरवलेले सुमारे दोन तोळे वजनाचे सोन्याचे मंगळसूत्र भुईंज पोलीस ठाण्याच्या तत्परतेमुळे आणि दोन स्थानिक युवकांच्या प्रामाणिकपणामुळे संबंधित महिलेला सुखरूप परत मिळाले आहे. या प्रामाणिकपणाचे व पोलीस प्रशासनाच्या गतिमान कामकाजाचे संपूर्ण परिसर आणि सर्वत्र कौतुक होत आहे.

रविवार दि. १ नोव्हेंबर रोजी दुपारी सुमारे १२:४५ वाजण्याच्या सुमारास मौजे किकली, ता. वाई, जि. सातारा येथे सुरू असलेल्या श्री भैरवनाथ यात्रेदरम्यान सौ. संगीता संजय गोळे, वय ५४ वर्षे, रा. जांब, ता. वाई, जि. सातारा यांचे अंदाजे दोन तोळे वजनाचे सोन्याचे मिनी गंठण (मंगळसूत्र) हरवले होते.

सदर मंगळसूत्र यात्रेदरम्यान शंतनू विष्णू वाघ व पारस दिपक शिंदे, दोघेही रा. जांब, ता. वाई यांना आढळून आले. दोन्ही युवकांनी कोणताही मोह न ठेवता प्रामाणिकपणे याबाबत पोलिसांना माहिती दिली.

मंगळसूत्र हरवल्याची माहिती मिळताच भुईंज पोलीस ठाण्याचे सहाय्यक पोलीस उपनिरीक्षक दत्तात्रय शिंदे यांनी तात्काळ दखल घेत शंतनू वाघ व पारस शिंदे यांच्या मदतीने आवश्यक खातरजमा करून सदर सोन्याचे मंगळसूत्र संबंधित महिलेस सुखरूप परत मिळवून दिले.

या घटनेत दोन्ही युवकांनी दाखविलेला प्रामाणिकपणा तसेच पोलिसांनी दाखविलेली तत्परता व सामाजिक बांधिलकी कौतुकास्पद आहे. या युवकांच्या प्रामाणिकपणाचे व पोलिसांच्या कार्यतत्परतेचे परिसरातून कौतुक होत आहे.

नागरिकांना आवाहन

सध्या विविध गावांमध्ये यात्रा, जत्रा व धार्मिक उत्सव सुरू असून अशा ठिकाणी मोठ्या प्रमाणात गर्दी होत असते. त्यामुळे महिलांनी यात्रेदरम्यान सोन्याचे दागिने, मंगळसूत्र, गंठण व इतर मौल्यवान वस्तू परिधान करताना विशेष काळजी घ्यावी. गर्दीच्या ठिकाणी दागिन्यांची सुरक्षितता राखावी, अनोळखी व्यक्तींपासून सावध राहावे तसेच कोणतीही मौल्यवान वस्तू हरवल्यास तात्काळ जवळच्या पोलीस कर्मचारी किंवा पोलीस ठाण्याशी संपर्क साधावा.असे आवाहन भुईज पोलीस ठाण्याचे सहाय्यक पोलीस निरीक्षक पृथ्वीराज ताटे यांनी केलं आहे.

यात्रा व उत्सव आनंदात साजरे करा, मात्र आपल्या मौल्यवान वस्तूंच्या सुरक्षिततेबाबत सतर्क राहा.

आपले मौल्यवान सोन्याचे मंगळसूत्र परत मिळाल्यानंतर महिलेच्या डोळ्यात आनंदाश्रू उभे राहिले. तिने मंगळसूत्र परत करणाऱ्या दोन्ही युवकांचे आणि भुईंज पोलीस प्रशासनाचे मनापासून आभार मानले. दोन युवकांनी दाखवलेला प्रामाणिकपणा आणि पोलिसांनी दाखवलेली तत्परता यामुळे समाजापुढे एक आदर्श निर्माण झाला असून यात्रेकरूंमधून त्यांचे विशेष कौतुक केले जात आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

मातोश्री यमुनाबाई शिंदे यांच्या प्रेरणेमुळे उद्योजक डॉ.विठ्ठल शिंदे यांना लोकमत आयकॉन्स ऑफ पालघर 2026 पुरस्काराने सन्मानित

2026-11-01T17:26:06.755+05:30

एक कर्तृत्ववान आणि समाजाभिमुख व्यक्तिमत्त्वाचा सन्मान

शिवशाही वृत्तसेवा, पारनेर (सुदाम दरेकर)

पालघर जिल्ह्यातील कर्तृत्ववान आणि समाजाभिमुख उद्योजक तथा ‘श्री स्वामी समर्थ इनविरो कन्सल्टंट प्रा.लि.’चे संस्थापक व संस्थापकीय संचालक डॉ. विठ्ठल शिंदे (मूळ रा. पळवे खुर्द, ता. पारनेर, जि. अहिल्यानगर, हल्ली मुक्काम पालघर, मुंबई) यांना त्यांच्या उत्कृष्ट सामाजिक व व्यावसायिक कार्याची दखल घेऊन प्रतिष्ठित ‘लोकमत आयकॉन्स ऑफ पालघर २०२६’ या पुरस्काराने सन्मानित करण्यात आले आहे. मातोश्री यमुनाबाई शिंदे यांच्या प्रेरणेमुळे मिळालेल्या या यशामुळे पळवे खुर्दसह पालघर आणि अहिल्यानगर परिसरात आनंदाची व अभिमानाची लहर उसळली आहे.

मुंबईत दिमाखदार सोहळा संपन्न
हा विशेष पुरस्कार वितरण सोहळा बुधवार, दि. २८ ऑक्टोबर २०२६ रोजी मुंबईतील हॉटेल प्रेसिडेंट, कफ परेड येथे अत्यंत दिमाखदार वातावरणात पार पडला. या कार्यक्रमात विविध क्षेत्रातील दिग्गज मान्यवरांची विशेष उपस्थिती होती.

प्रमुख उपस्थिती:
श्री. सचिन अहिर (उपसभापती, महाराष्ट्र विधान परिषद)
श्री. प्रताप सरनाईक (परिवहन मंत्री, महाराष्ट्र राज्य)
श्री. योगेश कदम (राज्यमंत्री - गृह, शहर महसूल, ग्रामविकास आणि पंचायत राज, अन्न नागरी पुरवठा व ग्राहक संरक्षण, अन्न व औषध प्रशासन विभाग)
श्री. कुलकर्णी सर (महाराष्ट्र राज्य प्रमुख, लोकमत समूह)
श्री. पंकज राऊत (आदर्श पत्रकार, लोकमत) व श्री. संजोग साळुंके (पत्रकार)
सौ. ज्ञानेश्वरी शिंदे (अध्यक्ष), सौ. ऐश्वर्या शिंदे (संचालिका) आणि श्री. अभिषेक शिंदे (संचालक) यांच्यासह अनेक मान्यवर व नागरिक मोठ्या संख्येने उपस्थित होते.

समाजहितासाठी सदैव तत्पर व्यक्तिमत्त्व
डॉ. विठ्ठल शिंदे हे आपल्या कारјातून सतत समाजहितासाठी झटणारे, सर्वसामान्यांच्या अडीअडचणींना व प्रश्नांना वाचा फोडणारे आणि मदतीसाठी सदैव तत्पर असणारे अभ्यासू व्यक्तिमत्त्व म्हणून ओळखले जातात. त्यांच्या याच बहुमोल सामाजिक आणि पर्यावरणीय कार्याचा गौरव म्हणून ‘लोकमत समूहा’तर्फे त्यांना या मानाच्या पुरस्काराने गौरविण्यात आले. हा पुरस्कार केवळ एका व्यक्तीचा सन्मान नसून त्यांच्या निस्वार्थी कार्यप्रणालीची आणि सकारात्मक दृष्टिकोनाची पावती आहे.

परिवारासह सर्वच स्तरातून अभिनव वर्षाव
पळवे खुर्दसारख्या ग्रामीण भागातून येऊन मुंबई-पालघर सारख्या ठिकाणी उद्योग आणि समाजकारणात मोलाचा ठसा उमटवणाऱ्या डॉ. विठ्ठल शिंदे यांच्या या यशाबद्दल त्यांच्या परिवारात आनंदाचे वातावरण आहे. पळवे खुर्दचे ग्रामस्थ, पारनेर तालुका आणि अहिल्यानगरमधील विविध क्षेत्रातील मान्यवरांनी, मित्रपरिवाराने त्यांचे फोनवरून व प्रत्यक्ष भेटून मनःपूर्वक अभिनंदन केले आहे.

छोट्याशा गावातील सुपुत्राने मिळवलेला हा बहुमान पालघर जिल्ह्यासह संपूर्ण अहिल्यानगर जिल्ह्यासाठी प्रेरणादायी ठरला असून, या यशामुळे परिसरातील तरुणांना एक नवी दिशा मिळणार आहे. डॉ. विठ्ठल शिंदे यांचे सामाजिक व व्यावसायिक कार्य असेच उत्तरोत्तर प्रगतीपथावर राहो आणि ते यशाच्या सर्वोच्च शिखरावर पोहोचोत, अशी सदिच्छा सर्व स्तरातून व्यक्त होत आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

मान्यवरांच्या सदिच्छा भेटी अन् आशीर्वाद - नवनिर्वाचित आमदार कौस्तुभ गावडे यांचा कोल्हापूर जिल्ह्यात आभार दौरा

2026-11-01T17:03:36.398+05:30

विविध क्षेत्रांतील मान्यवरांनी केले अभिनंदन; पाच जिल्ह्यांतील जुनी पेन्शन कृती समितीच्या पदाधिकाऱ्यांकडून सत्कार

शिवशाही वृत्तसेवा, कोल्हापूर प्रतिनिधी

कोल्हापूर : पुणे विभाग शिक्षक मतदारसंघातून मोठ्या मताधिक्याने विजयी झालेले नवनिर्वाचित शिक्षक आमदार कौस्तुभ मुरलीधर गावडे यांनी आज कोल्हापूर जिल्ह्यातील विविध क्षेत्रांतील मान्यवरांच्या सदिच्छा भेटी घेऊन त्यांचे आशीर्वाद व शुभेच्छा स्वीकारल्या. या भेटींच्या माध्यमातून शैक्षणिक, राजकीय, सामाजिक आणि आध्यात्मिक क्षेत्रातील मान्यवरांशी संवाद साधत त्यांनी आपल्या पुढील वाटचालीसाठी मार्गदर्शन घेतले.

या दौऱ्यात श्री सिद्धगिरी क्षेत्र, कणेरी मठ येथील पूज्य अदृश्य काडसिद्धेश्वर स्वामीजी, आमदार विनय कोरे, आमदार हसन मुश्रीफ, नावीद मुश्रीफ, माजी खासदार संजय मंडलिक, आमदार राजेंद्र यड्रावकर, माजी आमदार के. पी. पाटील, भैया माने, संजय घाटगे आणि बाबासाहेब पाटील आसुर्लेकर यांची त्यांनी सदिच्छा भेट घेतली. सर्व मान्यवरांनी आमदार कौस्तुभ गावडे यांचे विजयाबद्दल अभिनंदन करून पुढील सार्वजनिक व शैक्षणिक कार्यासाठी शुभेच्छा दिल्या. पूज्य अदृश्य काडसिद्धेश्वर स्वामीजी यांचे आशीर्वाद व मार्गदर्शनही त्यांना लाभले.

शिक्षकांच्या प्रश्नांना विधान परिषदेत प्रभावीपणे वाचा फोडणे, शिक्षण क्षेत्रातील प्रलंबित प्रश्नांना न्याय मिळवून देणे, शिक्षकांचे हक्क व सन्मान जपणे आणि शैक्षणिक क्षेत्राच्या विकासासाठी विधायक प्रयत्न करणे, या उद्दिष्टांच्या पूर्ततेसाठी विविध क्षेत्रांतील मान्यवरांचे मार्गदर्शन महत्त्वपूर्ण ठरणार आहे.

यावेळी विविध क्षेत्रांतील मान्यवरांच्या शुभेच्छा आणि मार्गदर्शनातून शिक्षकांच्या प्रश्नांसाठी तसेच शैक्षणिक व सामाजिक विकासासाठी अधिक जोमाने कार्य करण्याची प्रेरणा मिळत असल्याची भावना आमदार कौस्तुभ गावडे यांनी व्यक्त केली.

दरम्यान, जुनी पेन्शन कृती समितीच्या पाच जिल्ह्यांतील शिक्षक आणि पदाधिकाऱ्यांनीही नवनिर्वाचित आमदार कौस्तुभ गावडे यांची भेट घेऊन त्यांचा सत्कार केला. यावेळी कृती समितीचे बाबा पाटील, दत्ता पाटील, संदीप पाटील, सुरेश संकपाळ, भीमनवर सर, खेडकर सर, ठोंबरे सर, सुनील भोर, सचिन नलवडे, प्रकाश पाटील आणि श्रीकांत पाटील उपस्थित होते.

निवडणुकीतील विजयानंतर विविध क्षेत्रांतील मान्यवरांच्या भेटीगाठी आणि शिक्षक संघटनांकडून होत असलेले सत्कार यामुळे आमदार कौस्तुभ गावडे यांच्या पुढील विधिमंडळीन कार्याची दिशा आणि शिक्षकांच्या प्रश्नांवरील संवादाला महत्त्व प्राप्त झाले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

शिरूर बसस्थानक परिसरात लग्नाच्या वादातून दोन गट भिडले, तुफान हाणामारीत दगडफेक अन् मिरचीपुडचा वापर!

2026-11-01T01:31:47.953+05:30

जयराज लॉजसमोर घटना, २७ ते ३० जणांविरुद्ध शिरूर पोलीस ठाण्यात गुन्हा दाखल

शिवशाही वृत्तसेवा, शिरूर (फैजल पठाण)

शिरूर शहरातील गजबजलेल्या बसस्थानक परिसरातील जयराज लॉजसमोर लग्नाच्या कारणावरून दोन गटांत जोरदार हाणामारी झाल्याची खळबळजनक घटना उघडकीस आली आहे. या घटनेत दोन्ही गटांनी एकमेकांवर दगडफेक करत मिरचीपुडचा वापर केल्याची माहिती समोर आली आहे. याप्रकरणी शिरूर पोलीस ठाण्यात १९ नामनिर्देशित आरोपींसह इतर ९ ते १० अनोळखी अशा एकूण २७ ते ३० जणांविरुद्ध विविध कलमान्वये गुन्हे दाखल करण्यात आले आहेत.

नेमकी घटना काय?

मिळालेल्या माहितीनुसार, ३० ऑक्टोबर २०२६ रोजी दुपारी ४:०० वाजण्याच्या सुमारास शिरूर बसस्थानकाजवळील जयराज लॉजसमोरील मोकळ्या जागेत ही घटना घडली. गावातील एका लग्नाच्या कारणावरून दोन गटांत जुना वाद होता. या वादाचे रूपांतर थेट हाणामारीत झाले. दोन्ही गटांतील व्यक्ती सार्वजनिक ठिकाणी एकमेकांना अश्लील शिवीगाळ करत मोठमोठ्याने आरडाओरडा करू लागल्या. वाद विकोपाला जाऊन दोन्ही बाजूंच्या लोकांनी एकमेकांना झोंबाझोंबी करत दगडफेक केली तसेच डोळ्यात मिरचीपुड फेकून तुफान मारामारी केली.

पोलीस समोर असतानाही हुज्जत!

विशेष म्हणजे, घटनास्थळी पोलीस कर्मचारी उपस्थित असल्याची पूर्वकल्पना असतानाही आरोपींनी कायद्याचा किंवा पोलिसांचा कोणताही धाक न बाळगता सार्वजनिक शांततेचा भंग केला. बसस्थानकासारख्या वर्दळीच्या ठिकाणी हा प्रकार घडल्याने नागरिकांमध्ये व प्रवाशांमध्ये काही काळ भीतीचे वातावरण निर्माण झाले होते.

पोलीस अंमलदारांच्या फिर्यादीवरून गुन्हा दाखल

या प्रकरणी पोलीस अंमलदार सोनू मुरलीधर तावरे यांनी सरकारतर्फे शिरूर पोलीस ठाण्यात तक्रार (फिर्याद) दिली आहे. या फिर्यादीवरून शिरूर पोलीस ठाण्यात गुन्हा रजिस्टर नंबर ९९४/२०२६ अन्वये:भारतीय न्याय संहिता (BNS): कलम १९४(२), १२५(अ), ११८(१), ११५(२), ३५२, ३५१(२), ३५१(३) महाराष्ट्र पोलीस अधिनियम: कलम ११०, ११२, ११७, ३७(१)(३) आणि १३५ अशा विविध गंभीर कलमांखाली एकूण २७ ते ३० जणांविरुद्ध गुन्हा दाखल करण्यात आला आहे.

सदर प्रकरणाचा पुढील सखोल तपास पोलीस उपनिरीक्षक भागवत हे करत आहेत.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

राष्ट्रीय एकता दिनानिमित्त वाईत - रन फॉर युनिटी - नशा मुक्तीच्या संदेश देत पोलिसांची जनजागृती रॅली

2026-10-31T23:59:44.228+05:30

व्यसनमुक्त आणि निरोगी समाज घडविण्यासाठी जनजागृती करणे हा या उपक्रमाचा मुख्य उद्देश

शिवशाही वृत्तसेवा,सातारा ( शुभम कोदे )

भारताचे लोहपुरुष सरदार वल्लभभाई पटेल यांच्या १५१ व्या जयंतीनिमित्त आणि राष्ट्रीय एकता दिनाचे औचित्य साधून वाई पोलीस ठाण्याच्या वतीने शनिवारी (दि. ३१ ऑक्टोबर) ‘रन फॉर युनिटी’ व ‘वॉक फॉर युनिटी’ उपक्रमाचे आयोजन करण्यात आले. या उपक्रमातून राष्ट्रीय एकात्मता, सामाजिक ऐक्य आणि नशामुक्तीचा प्रभावी संदेश देण्यात आला.

आज शनिवारी सकाळी ७ वा. किसन वीर महाविद्यालय येथून या उपक्रमाला सुरुवात झाली. बसस्थानक मार्गे ही रॅली वाई पोलीस ठाणे येथे पोहोचली. यावेळी सहभागी युवक-युवतींनी धावणे आणि चालण्याच्या माध्यमातून एकतेचा संदेश दिला. त्याचबरोबर नशामुक्त समाजनिर्मितीसाठी जनजागृती करण्यात आली.

या उपक्रमात वाई पोलीस ठाण्यातील पोलीस अधिकारी व कर्मचारी तसेच रॉयल अकॅडमीचे पोलीस भरतीपूर्व प्रशिक्षण घेणारे विद्यार्थी आणि विद्यार्थिनी अशा सुमारे ४० ते ५० जणांनी उत्स्फूर्त सहभाग नोंदवला.राष्ट्रीय एकात्मता बळकट करणे, युवकांमध्ये देशप्रेम व सामाजिक बांधिलकीची भावना निर्माण करणे, तसेच व्यसनमुक्त आणि निरोगी समाज घडविण्यासाठी जनजागृती करणे हा या उपक्रमाचा मुख्य उद्देश होता.

या कार्यक्रमाला पोलीस अधीक्षक निखिल पिंगळे, अपर पोलीस अधीक्षक डॉ. वैशाली कडुकर, उपविभागीय पोलीस अधिकारी सुनील साळुंखे यांचे मार्गदर्शन लाभले. वाई पोलीस ठाण्याचे पोलीस निरीक्षक प्रदीप सूर्यवंशी यांच्या मार्गदर्शनाखाली हा उपक्रम यशस्वीरीत्या पार पडला.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

सातारा जिल्हा बँकेच्या निवडणुकीसाठीBank elections प्रशासन सज्ज - उद्या ११ तालुक्यांत मतदानाचा रणसंग्राम

2026-10-31T23:21:40.644+05:30

सकाळी ८ ते सायंकाळी ५ वाजेपर्यंत मतदान; ११ मतदान केंद्रांवर २,०२१ मतदार बजावणार हक्क

शिवशाही वृत्तसेवा,सातारा (प्रतिनिधी शुभम कोदे)

सातारा जिल्हा मध्यवर्ती सहकारी बँकेच्या (DCC Bank) पंचवार्षिक निवडणुकीसाठी प्रशासकीय यंत्रणा सज्ज झाली आहे. संचालक मंडळाच्या एकूण २१ जागांपैकी ९ जागा आधीच बिनविरोध झाल्या असून, उर्वरित १२ जागांसाठी मतदान प्रक्रिया पार पडत आहे.

रविवार, दिनांक १ नोव्हेंबर रोजी जिल्ह्यातील ११ तालुक्यांमधील ११ मतदान केंद्रांवर सकाळी ८ ते सायंकाळी ५ या वेळेत मतदान होणार आहे. या निवडणुकीत एकूण २,०२१ मतदार आपला मतदानाचा हक्क बजावणार आहेत.

मतदान प्रक्रिया सुरळीत पार पाडण्यासाठी प्रशासनाने तयारी पूर्ण केली असून, ११५ अधिकारी व कर्मचाऱ्यांची नियुक्ती करण्यात आली आहे. उद्या सर्व कर्मचारी त्यांना नेमून दिलेल्या मतदान केंद्रांवर रवाना होणार आहेत.

मतदान केंद्र परिसरात जमावबंदीचे प्रतिबंधात्मक आदेश लागू करण्यात आले आहेत. केंद्रावर केवळ उमेदवार, मतदार आणि निवडणूक कामकाजासाठी नियुक्त अधिकारी व कर्मचाऱ्यांनाच प्रवेश असणार आहे. ओळखपत्राशिवाय कोणालाही प्रवेश दिला जाणार नाही. तसेच मतदान केंद्रांवर सीसीटीव्ही कॅमेऱ्याची नजर राहणार आहे.

तालुकानिहाय मतदारसंख्या : सातारा – ४७३, जावली – ६९, महाबळेश्वर – ५१, कराड – ३३६, पाटण – १९९, कोरेगाव – १२७, खटाव – १५०, माण – १२३, खंडाळा – ८८, वाई – १४२ आणि फलटण – २६३.

एकूण २,०२१ मतदारांच्या मतदानातून जिल्हा बँकेच्या संचालक मंडळाचे भवितव्य निश्चित होणार आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

ज्येष्ठ नेते, तरुण कार्यकर्ते आणि महिलांच्या एकजुटीमुळे विजय शक्य - माजी मंत्री बाळासाहेब पाटील

2026-10-31T07:42:51.367+05:30

हर्षदा जाधव देशमुख यांचे साताऱ्यात जंगी स्वागत!

शिवशाही वृत्तसेवा, सातारा प्रतिनिधी (शुभम कोदे)

पुणे पदवीधर मतदारसंघातून नवनिर्वाचित झालेल्या आमदार हर्षदा जाधव देशमुख यांनी आज सातारा शहरातील राष्ट्रवादी काँग्रेस पार्टीच्या जिल्हा कार्यालयाला भेट दिली. यावेळी राष्ट्रवादी काँग्रेसच्या पदाधिकारी व कार्यकर्त्यांच्या वतीने त्यांचे जल्लोषात आणि जंगी स्वागत करण्यात आले.

यावेळी बोलताना माजी मंत्री बाळासाहेब पाटील म्हणाले की, हर्षदा जाधव देशमुख यांच्या विजयासाठी सातारा जिल्ह्यातील सर्व तालुक्यांमधील ज्येष्ठ नेते, तरुण कार्यकर्ते आणि विशेषतः महिला वर्गाने प्रामाणिकपणे मेहनत घेतली. प्रत्येक गावात, घरोघरी जाऊन तसेच विविध कार्यालयांमध्ये संपर्क साधून कार्यकर्त्यांनी सातत्याने प्रचार केला. सर्वांच्या एकजुटीच्या आणि अथक प्रयत्नांच्या जोरावर आपल्याला हे यश मिळाले आहे.

मतमोजणीच्या पहिल्याच फेरीत विजयाचे चित्र स्पष्ट झाले होते. मात्र, दुसऱ्या फेरीच्या मतमोजणीला वेळ लागल्याने कार्यकर्त्यांमध्ये निकालाबाबत उत्सुकता वाढली होती. तरीही सर्वांनी संयम राखत विजयाची प्रतीक्षा केली.

सातारा जिल्हा हा आदरणीय शरदचंद्र पवार साहेबांच्या विचारांचा परिसर आहे. या निवडणुकीत जिल्ह्यातील सर्व पदाधिकारी आणि कार्यकर्त्यांनी पक्षाच्या उमेदवाराला भक्कम साथ दिली. आता विधान परिषदेच्या माध्यमातून सातारा जिल्ह्यासह पाच जिल्ह्यांतील विविध प्रश्न मार्गी लावण्यासाठी हर्षदा जाधव देशमुख निश्चितच प्रयत्न करतील, असा विश्वासही बाळासाहेब पाटील यांनी व्यक्त केला.

सर्वसामान्यांचे प्रश्न, शेतकऱ्यांच्या समस्या आणि दुष्काळी परिस्थिती यांसारख्या महत्त्वाच्या विषयांवर त्यांनी सभागृहात आवाज उठवून जनतेला न्याय मिळवून द्यावा, अशी अपेक्षा यावेळी व्यक्त करण्यात आली.

हर्षदा जाधव देशमुख यांच्या स्वागतासाठी राष्ट्रवादी काँग्रेसचे पदाधिकारी, ज्येष्ठ नेते व मोठ्या संख्येने कार्यकर्ते उपस्थित होते.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

अतिदुर्गम भागातील ज्ञानाची ज्योत उजळवणार्‍या अर्चना थोरवे यांना राज्यस्तरीय - आयडॉल टीचर - पुरस्कार जाहीर

2026-10-31T01:44:35.200+05:30

थोरवे मॅडमच्या या यशामुळे जिल्हा परिषद शाळांच्या शिरपेचात मानाचा तुरा रोवला गेला.

शिवशाही वृत्तसेवा, सातारा (शुभम कोदे)

वाई - प्रतिकूल परिस्थितीवर मात करत शिक्षणाची गंगा अतिदुर्गम भागात पोहोचवणार्‍या आणि नाविन्यपूर्ण उपक्रमांतून विद्यार्थ्यांचे भवितव्य घडवणार्‍या मुगाव (ता. वाई) येथील जिल्हा परिषद शाळेच्या उपक्रमशील शिक्षिका अर्चना प्रशांत थोरवे यांना राज्य शैक्षणिक संशोधन व प्रशिक्षण परिषद (SCERT), पुणे यांचा सन २०२६-२७ चा मानाचा राज्यस्तरीय ‘आयडॉल टीचर’ पुरस्कार जाहीर झाला आहे.

अर्चना थोरवे यांनी यापूर्वी बलकवडी, धनगरवस्ती जोर यांसारख्या अतिदुर्गम आणि शेंदुरजणे भागांत अत्यंत प्रतिकूल परिस्थितीत ज्ञानदानाचे पवित्र कार्य केले आहे. केवळ पारंपरिक अध्यापनावर भर न देता, विविध शैक्षणिक उपक्रमांच्या माध्यमातून दुर्गम भागातील विद्यार्थ्यांना मुख्य प्रवाहात आणण्यात त्यांचा मोठा वाटा राहिला आहे. त्यांच्या या उल्लेखनीय आणि समर्पित शैक्षणिक कार्याची दखल घेऊनच राज्य पातळीवर या पुरस्काराने त्यांचा गौरव करण्यात येत आहे.

सर्व स्तरांतून अभिनंदनाचा वर्षाव

अर्चना थोरवे यांच्या या दैदीप्यमान यशाबद्दल शिक्षण क्षेत्रात व वाई तालुक्यात आनंदाचे वातावरण पसरले आहे. या यशाबद्दल:

लोकप्रतिनिधी व पदाधिकारी: जिल्हा परिषद सदस्य बापूसाहेब शिंदे, सभापती विक्रांत डोंगरे, उपसभापती वर्षाताई जगताप, सदस्य स्वप्निल गायकवाड, आनंद चिरगुटे.

प्रशासकीय अधिकारी: गटशिक्षणाधिकारी हर्षवर्धन मोरे, विस्तार अधिकारी साईनाथ वाळेकर, केंद्रप्रमुख प्रशांत भोसले व निर्मला भांगरे.

शिक्षक व ग्रामस्थ: एकसर शाळेच्या मुख्याध्यापिका प्रभावती थोरवे, दत्तात्रय पडळकर यांच्यासह मुगाव व व्याहळी गावचे सरपंच, उपसरपंच, सर्व ग्रामपंचायत सदस्य, शाळा व्यवस्थापन समिती आणि पालकवर्ग यांनी थोरवे मॅडमचे मनापासून अभिनंदन केले असून पुढील वाटचालीस शुभेच्छा दिल्या आहेत.

थोरवे यांच्या या यशामुळे वाई तालुक्याच्या आणि विशेषतः जिल्हा परिषद शाळांच्या शिरपेचात मानाचा तुरा रोवला गेला आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

सैनिक स्कूलमध्ये २६ नोव्हेंबरला होणाऱ्या भव्य एअर शोचे काटेकोर नियोजन करावे - जिल्हाधिकारी संतोष पाटील

2026-10-31T01:17:20.543+05:30

सोहळा निर्विघ्न पार पाडावा असे निर्देश दिले.

शिवशाही वृत्तसेवा,सातारा ( शुभम कोदे)

सैनिक स्कूलच्या प्रांगणात २६ नोव्हेंबर रोजी सकाळी ११ ते दुपारी १ या वेळेत सूर्यकिरण या नऊ एअरक्राफ्टद्वारे चित्तथरारक एअर शोचे आयोजन करण्यात आले आहे. या एअर शोचे कोटकोरपणे नियोजन करावे, असे निर्देश जिल्हाधिकारी संतोष पाटील यांनी दिले.

एअर शोच्या नियोजनासंदर्भात जिल्हाधिकारी कार्यालयातील परिषद सभागृहात बैठकीचे आयोजन करण्यात आले होते. या बैठकीला सार्वजनिक बांधकाम विभाग, जिल्हा परिषद शिक्षण विभाग, जिल्हा क्रीडा अधिकारी, परिवहन विभाग आणि नगरपालिका यांसह विविध यंत्रणांचे प्रमुख अधिकारी उपस्थित होते.

एअर शो पाहण्यासाठी २० हजार प्रेक्षक क्षमतेची बैठक व्यवस्था करण्यात यावी, असे निर्देश देऊन जिल्हाधिकारी संतोष पाटील म्हणाले, कार्यक्रमादरम्यान कोणत्याही प्रकारची आपत्कालीन अथवा आपत्तीजनक परिस्थिती निर्माण होऊ नये, यासाठी विशेष काळजी घेण्यात यावी. सुरक्षेचा उपाय म्हणून कार्यक्रमस्थळी दोन ॲम्बुलन्स आणि एका छोटेखानी रुग्णालयाची व्यवस्था निर्माण करावी.

वाहनांचे पार्किंग, अल्पोपहार, स्वच्छ पिण्याचे पाणी, फिरते शौचालय व्यवस्था करावी. तसेच संबंधित विभागांच्या प्रमुखांनी प्रत्यक्ष स्थळ पाहणी करून आपापल्या विभागाचा नियोजन आराखडा त्वरित तयार करावा आणि सोहळा निर्विघ्न पार पाडावा. सार्वजनिक बांधकाम विभागाने अग्रेसर राहून सर्व नियोजनाचा सर्वसमावेशक आराखडा तयार करावा, असेही निर्देश जिल्हाधिकारी संतोष पाटील यांनी दिले.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

जिल्हा बँकेच्या विकासासाठी सर्वपक्षीय एकजूट गरजेची – ना. शिवेंद्रसिंहराजे भोसले

2026-10-31T01:02:05.234+05:30

ना. मकरंद पाटील यांचा पक्षविरहित, सक्षम कारभाराचा निर्धार, वाई-खंडाळा-महाबळेश्वरमधील सभासदांचा महायुती मेळावा उत्साहात

शिवशाही वृत्तसेवा, सातारा (शुभम कोदे)

सातारा जिल्हा मध्यवर्ती सहकारी बँक ही शेतकऱ्यांची आर्थिक वाहिनी असून, सहकार क्षेत्रातील दिग्गजांच्या योगदानातून बँकेने आर्थिक सक्षमतेसह राज्य आणि देशपातळीवर लौकिक मिळवला आहे. या बँकेचा विकास अधिक व्यापक करण्यासाठी राजकीय मतभेद बाजूला ठेवून सर्वपक्षीय नेत्यांनी एकत्रितपणे काम करणे आवश्यक आहे, असे प्रतिपादन सार्वजनिक बांधकाम मंत्री ना. शिवेंद्रसिंहराजे भोसले यांनी केले.

सातारा जिल्हा मध्यवर्ती सहकारी बँकेच्या पंचवार्षिक निवडणूक २०२६ च्या पार्श्वभूमीवर भाजप, राष्ट्रवादी काँग्रेस आणि शिवसेना महायुतीच्या प्रचारार्थ वाई, खंडाळा व महाबळेश्वर तालुक्यांतील सभासद आणि कार्यकर्त्यांचा मेळावा आयोजित करण्यात आला होता. यावेळी ना. शिवेंद्रसिंहराजे भोसले आणि मदत व पुनर्वसन मंत्री ना. मकरंद पाटील यांनी उपस्थितांना मार्गदर्शन केले.

ना. शिवेंद्रसिंहराजे म्हणाले, जिल्हा बँक शेतकऱ्यांना विविध माध्यमांतून कर्जपुरवठा करून आर्थिक आधार देत आहे. विशेष म्हणजे जिल्ह्यातील वैद्यकीय शिक्षण घेणाऱ्या विद्यार्थ्यांनाही बँकेने शून्य टक्के व्याजदराने शैक्षणिक कर्ज उपलब्ध करून आर्थिक मदतीचा हात दिला आहे. बँकेमध्ये अनेक मान्यवरांनी मोलाचे योगदान दिल्याने ती आर्थिकदृष्ट्या सक्षम बनली आहे. शेतकऱ्यांच्या आर्थिक उन्नतीत या बँकेची भूमिका अत्यंत महत्त्वाची आहे.

राज्यातील प्रमुख तीन पक्षांच्या नेतृत्वाने एकत्र येऊन जिल्हा बँकेची निवडणूक लढविण्याचा निर्णय घेतला आहे. मकरंद आबांना सहकार क्षेत्राचा चांगला अनुभव असून, अडचणीत असलेले दोन्ही साखर कारखाने ते समर्थपणे चालवत आहेत. त्यांच्या अनुभवाचा बँकेच्या भविष्यातील विकासासाठी निश्चितच फायदा होईल. त्यामुळे सर्वांनी आपापसांतील मतभेद बाजूला ठेवून एकजुटीने काम करावे आणि विविध प्रवर्गांतील उमेदवारांना विजयी करण्यासाठी प्रयत्न करावेत, असे आवाहन त्यांनी केले.

मदत व पुनर्वसन मंत्री ना. मकरंद पाटील म्हणाले, कै. यशवंतराव चव्हाण यांच्या मार्गदर्शनाखाली कै. आबासाहेब वीर यांनी जिल्हा बँकेची स्थापना करून सहकार क्षेत्रात महत्त्वपूर्ण योगदान दिले. या बँकेच्या माध्यमातून अनेकांना रोजगाराच्या संधी उपलब्ध झाल्या. दादासाहेब राजे खर्डेकर, रामराजे नाईक-निंबाळकर, अभयसिंहराजे भोसले यांच्यासारख्या दिग्गजांनी बँकेच्या प्रगतीसाठी मोलाचे योगदान दिले. त्यांच्या कार्यामुळे जिल्हा बँकेचा नावलौकिक केवळ महाराष्ट्रातच नव्हे, तर देशपातळीवर पोहोचला आहे.

जिल्ह्यातील सर्व नेतेमंडळींच्या सहकार्यामुळे आपण बिनविरोध निवडून आलो आहोत. लक्ष्मणराव तात्या, सुरेश आण्णा यांच्यासह अनेक ज्येष्ठ नेत्यांनी बँकेला वैभवशाली परंपरा मिळवून दिली आहे. बँकेने तीन लाख रुपयांपर्यंत शून्य टक्के व्याजदराने कर्जपुरवठा करण्याचा महत्त्वपूर्ण निर्णय घेतला असून, उच्च शिक्षणासाठीही शून्य टक्के व्याजदराने शैक्षणिक कर्ज देण्याची योजना राबवली आहे. हे निर्णय सहकार क्षेत्रासाठी दिशादर्शक आहेत. नाबार्डसह राज्य आणि राष्ट्रीय स्तरावरील विविध पुरस्कारांनी बँकेचा गौरव झाला आहे.

ना. शिवेंद्रसिंहराजे भोसले आणि खा. नितीन पाटील यांनीही आपल्या कार्यातून बँकेच्या लौकिकात भर घातली आहे. आगामी काळात कोणताही पक्षीय भेदभाव न करता सर्वांना विश्वासात घेऊन बँकेचा कारभार अधिक सक्षमपणे करण्याचा माझा प्रयत्न राहील. बँकेच्या हिताला सर्वोच्च प्राधान्य देऊन सर्वांना सोबत घेऊन काम करणार असल्याचा निर्धारही ना. पाटील यांनी व्यक्त केला.

वाई, खंडाळा आणि महाबळेश्वर या तीन तालुक्यांतील सभासद व कार्यकर्त्यांना जिल्हा बँकेच्या निवडणूक प्रक्रियेची माहिती मिळावी तसेच मतदान कसे करावे, याबाबत मार्गदर्शन व्हावे, या उद्देशाने मेळाव्याचे आयोजन करण्यात आल्याची माहिती किसनवीर सहकारी साखर कारखान्याचे उपाध्यक्ष प्रमोद शिंदे यांनी दिली. या मेळाव्याला तिन्ही तालुक्यांतील सभासद आणि कार्यकर्त्यांचा उत्स्फूर्त प्रतिसाद मिळाला.

दरम्यान, सत्यजित वीर यांची बिनविरोध निवड झाली आहे. या मेळाव्यास आ. धैर्यशील कदम, बाळासाहेब सोळसकर, प्रतापराव पवार, माजी जिल्हाध्यक्ष उदय कुबुले, रमेश धायगुडे, दत्तात्रय ढमाळ, महादेव मस्कर, मदन भोसले, मोहनराव जाधव, बाळासाहेब चिरगुटे, शशिकांत पवार, दिलीप पिसाळ, संजय गायकवाड, अजित शिंदे, मयूर चव्हाण, किरण काळोखे, भारत खामकर, प्रमोद शिंदे, विक्रांत डोंगरे, वर्षा जगताप, ऋषाली चव्हाण यांच्यासह विविध पदाधिकारी, सभासद आणि कार्यकर्ते मोठ्या संख्येने उपस्थित होते.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

किसन वीर साखर कारखान्याचे अध्यक्ष व संचालक मंडळ शब्दाला जागले - सभासदांना दिवाळीसाठी साखर वाटप

2026-10-31T00:43:51.208+05:30

सभासदांची दिवाळी गोड, कारखान्याला एकजुटीने साथ देण्याचा सभासदांनी केला निर्धार

शिवशाही वृत्तसेवा, सातारा (शुभम कोदे)

वाई - किसन वीर सहकारी साखर कारखान्याच्या मेणवली गट पश्चिम भागातील सभासदांसाठी साखर वाटपाचा प्रारंभ शुक्रवारी (दि. ३०) मेणवली विकास सेवा सोसायटी येथे अत्यंत उत्साहात पार पडला. सोसायटीचे चेअरमन मधुकर चौधरी यांच्या शुभहस्ते श्रीफळ वाढवून या साखर वाटपाचा औपचारिक शुभारंभ करण्यात आला.

दिवाळीच्या ऐन सणात कारखान्याच्या संचालक मंडळाने दिलेला साखर वाटपाचा शब्द पाळल्याने सभासदांमध्ये आनंदाचे आणि समाधानाचे वातावरण पाहायला मिळाले. ऊस उत्पादक शेतकऱ्यांची दिवाळी गोड केल्याबद्दल सर्व सभासदांनी चेअरमन, व्हाईस चेअरमन व संपूर्ण संचालक मंडळाचे मनःपूर्वक आभार मानले.

यावेळी उपस्थित सभासदांनी कारखान्याला बळ देण्याचा ठाम निर्धार व्यक्त केला. अडचणीच्या काळात कारखान्याला पुन्हा उभारी देण्यासाठी सर्व सभासद एकजुटीने पाठीशी उभे राहतील आणि यापुढे आपला संपूर्ण ऊस केवळ 'किसन वीर' कारखान्यालाच घालतील, अशी ग्वाही शेतकऱ्यांनी दिली. तसेच, कारखान्याच्या प्रगतीसाठी सर्वतोपरी सहकार्य करण्याचे आश्वासनही त्यांनी दिले. साखर वाटपाच्या उपक्रमासाठी जागा उपलब्ध करून दिल्याबद्दल मेणवली विकास सेवा सोसायटीचे आभार मानण्यात आले.

या प्रसंगी साहेबराव चौधरी, मधुकर चौधरी, जयसिंग पोळ, अरविंद हेरकळ, अक्षय निंबाळकर, श्रीरंग येवले, दिनकर निंबाळकर, शंकर सणस, शरद कोचळे, जगन्नाथ काटे, महादेव येवले यांच्यासह परिसरातील विविध गावांतील सभासद आणि कार्यकर्ते मोठ्या संख्येने उपस्थित होते.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

अज्ञात वाहनाची दुचाकीला जोरदार धडक - २३ वर्षीय तरुणाचा मृत्यू

2026-10-31T00:41:46.681+05:30

अपघातानंतर चालक घटनास्थळावरून पसार, अज्ञात वाहनचालकाविरोधात पोलिसांत तक्रार

शिवशाही वृत्तसेवा,वाई (प्रतिनिधी शुभम कोदे)

वाई तालुक्यातील शेंदुरजणे येथे अज्ञात वाहनाने दुचाकीला जोरदार धडक दिल्याने झालेल्या भीषण अपघातात २३ वर्षीय तरुणाचा मृत्यू झाला. अपघातानंतर संबंधित वाहनचालक जखमी तरुणाला मदत न करता घटनास्थळावरून पसार झाल्याचा आरोप नातेवाइकांनी केला आहे. या प्रकरणी अज्ञात वाहनचालकाविरोधात वाई पोलिसांकडे तक्रार देण्यात आली आहे.

मिळालेल्या माहितीनुसार, विनायक विष्णू हरणे (वय २३, रा. कडेगाव, ता. वाई, जि. सातारा) हा गरवारे कंपनीत कामाला होता. शुक्रवार, दि. ३० ऑक्टोबर २०२६ रोजी दुपारी सुमारे १.४५ वाजण्याच्या सुमारास तो आपल्या दुचाकीवरून गरवारे कंपनीकडे कामावर जात होता. यावेळी शेंदुरजणे गावच्या हद्दीत मारुती सुझुकी शोरूमजवळ शेंदुरजणे ते एमआयडीसीकडे जाणाऱ्या रस्त्यावर एका अज्ञात वाहनावरील चालकाने भरधाव वेगाने विनायक याच्या दुचाकीला जोरदार धडक दिली. या धडकेत विनायक रस्त्यावर पडून त्याच्या डोक्याला गंभीर दुखापत झाली. अपघातात तो गंभीर जखमी झाला.

अपघातानंतर संबंधित वाहनचालकाने जखमी तरुणाला उपचारासाठी रुग्णालयात दाखल न करता तसेच पोलिसांना कोणतीही माहिती न देता घटनास्थळावरून पलायन केल्याचा आरोप तक्रारीत करण्यात आला आहे. दरम्यान, घटनास्थळी जमलेल्या नागरिकांच्या मदतीने विनायक याला ग्रामीण रुग्णालय, वाई येथे नेण्यात आले. मात्र, डॉक्टरांनी तपासणी केल्यानंतर त्याचा मृत्यू झाल्याचे घोषित केले.

या घटनेमुळे कुटुंबीयांवर दुःखाचा डोंगर कोसळला असून, अपघातास कारणीभूत ठरलेल्या अज्ञात वाहनचालकाचा शोध घेऊन त्याच्यावर कठोर कारवाई करावी, अशी मागणी नातेवाइकांनी केली आहे.

या प्रकरणी सुरज जगन्नाथ टिके यांनी वाई पोलिसांकडे लेखी तक्रार दिली असून, अज्ञात वाहनचालकाविरोधात तक्रार नोंदविण्यात आली आहे. पोलिसांकडून पुढील तपास करण्यात येत आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

शिरूर नगरपालिकेत राजकीय भूकंप, अजित पवार गटाचे नगराध्यक्ष व ८ नगरसेवकांवर अपात्रतेची टांगती तलवार!

2026-10-31T00:32:20.370+05:30

अविश्वासाच्या ठरावावरून शरद पवार गटाचा कायदेशीर इशारा, आमदारांनी काढलेला व्हिप बेकायदेशीर असल्याचा दावा

शिवशाही वृत्तसेवा, शिरूर (फैजल पठाण)

शिरूर नगरपरिषदेच्या राजकारणात मोठा राजकीय भूकंप झाला असून, राष्ट्रवादी काँग्रेस पार्टी शरद पवार गटाच्या नगरसेवकांनी अजित पवार गटाच्या नगराध्यक्ष सौ. ऐश्वर्या पाचर्णे यांच्यासह ८ नगरसेवकांना पक्षांतराच्या व पक्षविरोधी कारवायांच्या कायदेशीर मुद्द्यांवरून थेट अपात्रतेची (Disqualification) नोटीस/सूचनापत्र बजावले आहे. तसेच, भाजपसोबत हातमिळवणी करून उपनगराध्यक्ष मितेश गादीया यांच्याविरोधात आणलेला अविश्वास ठराव आणि जारी केलेला व्हिप कायदेशीरदृष्ट्या बेकायदेशीर असल्याचा घणाघाती आरोप करण्यात आला आहे.

काय आहे संपूर्ण प्रकरण?

मिळालेल्या माहितीनुसार, शिरूर नगरपरिषदेची पंचवार्षिक निवडणूक २ डिसेंबर २०२५ रोजी पार पडली. यामध्ये सौ. ऐश्वर्या अभिजीत पाचर्णे या थेट जनतेतून नगराध्यक्ष म्हणून निवडून आल्या, तर त्यांचे इतर ८ सहकारी 'घड्याळ' चिन्हावर नगरसेवक म्हणून निवडून आले.

निवडणुकीनंतर ४ जानेवारी २०२६ रोजी शरद पवार गटाच्या ५ नगरसेवकांनी (स्वप्नाली जामदार, सुनीता पोटे, चारुशिला कोळपकर, मितेश गादीया, रवी उर्फ शाम ढोबळे) माजी आमदार अशोक पवार यांच्या नेतृत्वाखाली स्वतंत्र गटाची नोंदणी ५ जानेवारी २०२६ रोजी जिल्हाधिकाऱ्यांकडे केली. त्यानंतर अजित पवार गटानेही ७ ते ९ जानेवारी दरम्यान स्वतःच्या स्वतंत्र गटाची नोंदणी केली.

भाजपला रोखण्यासाठी झाली होती आघाडी

भारतीय जनता पार्टीचे ११ नगरसेवक निवडून आल्याने, सत्तास्थापनेत भाजपला रोखण्यासाठी आणि उपनगराध्यक्षपद तसेच विविध विषय समित्यांवर बहुमत मिळवण्यासाठी दोन्ही राष्ट्रवादी गटांनी एकत्र येत १६ जानेवारी २०२६ रोजी जिल्हाधिकाऱ्यांकडे संयुक्त गटाचा प्रस्ताव सादर केला होता.

कायद्याचा भंग आणि अपात्रतेचा दावा

महाराष्ट्र स्थानिक स्वराज्य संस्था अन्हार्यता कायदा, १९८६ मधील तरतुदींनुसार निवडणुकीनंतर अशा प्रकारे नवीन गट किंवा आघाडी करणे कायदेशीरदृष्ट्या वर्जित आहे. त्यामुळे अजित पवार गटाच्या सर्व नगरसेवकांनी स्वतःहून पक्षाचा त्याग केल्याचे सिद्ध होत असून ते कायद्यानुसार अपात्र ठरतात, असा दावा शरद पवार गटाने केला आहे.

अविश्वास ठरावावरून वाद पेटला

सध्या शिरूर नगरपरिषदेच्या उपनगराध्यक्षपदी शरद पवार गटाचे मितेश गादीया कार्यरत आहेत. मात्र, गेल्या काही दिवसांपासून अजित पवार गटाने भाजपाशी अनैतिक हातमिळवणी करून गादीया यांच्याविरोधात अविश्वासाचा ठराव दाखल केला आहे. या कृत्यामुळे त्यांनी पक्षविरोधी कारवाई केल्याचा ठपका ठेवण्यात आला आहे.

आमदारांचा व्हिप कायदेशीरदृष्ट्या अवैध?

आमदार ज्ञानेश्वर कटके यांनी २७ ऑक्टोबर २०२६ रोजी पक्षाची कोणतीही बैठक न घेता किंवा चर्चा न करता अविश्वास ठरावाच्या बाजूने मतदानासाठी बजावलेला 'व्हिप' (प्रतोद) पूर्णपणे बेकायदेशीर आहे. शरद पवार गटाच्या नगरसेवकांवर केवळ माजी आमदार अशोक पवार यांचाच व्हिप लागू होतो, असे स्पष्ट करत हा बेकायदेशीर व्हिप त्वरित मागे घेण्याची मागणी करण्यात आली आहे.

३० ऑक्टोबरच्या सभेपूर्वी अंतिम इशारा

३० ऑक्टोबर २०२६ रोजी होणाऱ्या विशेष सभेमध्ये अजित पवार गट आणि भाजपने कोणतीही पक्षविरोधी कारवाई किंवा मतदान करू नये, अन्यथा ऐच्छिकरीत्या पक्ष सोडल्याचा ठपका ठेवून सर्वांवर कायदेशीर अपात्रतेची कठोर कारवाई करण्यात येईल, असा अंतिम इशारा शरद पवार गटाच्या नगरसेवकांनी (सूचनापत्र देणारे - स्वप्नाली जामदार, सुनीता पोटे, चारुशिला कोळपकर, मितेश गादीया व रवी ढोबळे) दिला आहे.

अपात्रतेची नोटीस बजावण्यात आलेल्यांची नावे:
1. श्री. ज्ञानेश्वर पंढरीनाथ कटके (आमदार)

2. सौ. ऐश्वर्या अभिजीत पाचर्णे (नगराध्यक्ष)
3. सौ. संगिता महेंद्र मल्लाव (नगरसेवक)

4. श्री. नीलेश केरू गाडेकर (नगरसेवक)
5. श्री. एजाज अन्सार बागवान (नगरसेवक)

6. श्री. सुनील शंकर जाधव (नगरसेवक)
7. श्री. दिनेशकुमार विश्वनाथ मांगडंगे (नगरसेवक)

8. सौ. सविता सचिन राजापुरे (नगरसेवक)
9. सौ. स्वाती चेतन साठे (नगरसेवक)

10. सौ. आयेशा कलीम सय्यद (नगरसेवक)

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

भीमाच्या सभासदांना साखरेची गोड भेट -२० किलो साखर सवलतीत आणि ५ किलो मोफत, कामगारांनाही १० किलो मोफत

2026-10-31T00:21:05.089+05:30

जिल्ह्यात प्रथमच भीमाचा गोड निर्णय;सभासदांना २० किलो साखर सवलतीत अन् ५ किलो मोफत; कामगारांना १० किलो मोफत!

शिवशाही वृत्तसेवा, सोलापूर (प्रतिनिधी वैभव कुलकर्णी)

भीमा सहकारी साखर कारखाना लि., टाकळी सिकंदरच्या वतीने यंदा दिवाळीनिमित्त कारखान्याच्या सर्व सभासदांना आणि कामगारांना साखरेची गोड भेट देण्याचा निर्णय घेण्यात आला आहे. जिल्ह्यात प्रथमच अशा प्रकारचा उपक्रम राबविण्यात येत असल्याचा दावा करण्यात येत असून, यानुसार प्रत्येक सभासदाला ३० रुपये प्रतिकिलो दराने २० किलो साखर आणि ५ किलो साखर मोफत, अशी एकूण २५ किलो साखर मिळणार आहे. तसेच कारखान्यातील कामगारांना १० किलो साखर मोफत देण्यात येणार आहे.

खा. धनंजय भिमराव महाडिक यांच्या मार्गदर्शनाखाली आणि कारखान्याचे चेअरमन विश्वराज धनंजय महाडिक यांच्या नेतृत्वाखाली हा निर्णय घेण्यात आला आहे.

सभासदांसाठी साखर वाटपाचे वेळापत्रक : २ नोव्हेंबर ते ५ नोव्हेंबर २०२६ या कालावधीत संबंधित गट ऑफिसवर सभासदांना साखरेचे वाटप करण्यात येणार आहे.

कामगारांसाठी साखर वाटपाचे वेळापत्रक : ६ नोव्हेंबर ते ८ नोव्हेंबर २०२६ या कालावधीत कारखाना कार्यस्थळावर कामगारांना साखरेचे वाटप करण्यात येणार आहे.

दिवाळीच्या सणानिमित्त सभासद आणि कामगारांच्या आनंदात भर घालण्याच्या उद्देशाने कारखाना व्यवस्थापनाने हा निर्णय घेतला आहे. सभासद आणि कामगार हे कारखान्याच्या प्रगतीचे महत्त्वाचे घटक असून, त्यांच्या हिताला प्राधान्य देण्याची भूमिका कारखाना व्यवस्थापनाने घेतली आहे. या निर्णयामुळे सभासद आणि कामगारांमध्ये समाधानाचे व आनंदाचे वातावरण निर्माण झाले आहे.

“भीमा सहकारी साखर कारखान्याने नेहमीच सभासदांच्या हिताला प्राधान्य दिले आहे. यंदाही सर्व शेतकरी सभासदांची दिवाळी गोड व्हावी, या उद्देशाने जिल्ह्यात अत्यंत सवलतीच्या दरात २० किलो साखर आणि ५ किलो मोफत साखर देण्याचे धोरण आखले आहे. तसेच कारखान्यातील कामगारांनाही १० किलो साखर मोफत देण्यात येणार आहे. या निर्णयामुळे सभासद आणि कामगारांची दिवाळी आनंदाने व उत्साहात साजरी होईल, असा विश्वास आहे.”
— विश्वराज महाडिक चेअरमन, भीमा सहकारी साखर कारखाना लि., टाकळी सिकंदर

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

भैरवनाथ यात्रेच्या पार्श्वभूमीवर किकलीत १० जणांना प्रवेशबंदी - वाई तहसीलदारांचा प्रतिबंधात्मक आदेश

2026-10-31T00:06:31.653+05:30

भैरवनाथ यात्रा शांततेत आणि निर्विघ्नपणे पार पडावी हा उद्देश

शिवशाही वृत्तसेवा, वाई (प्रतिनिधी शूभम कोदे )

वाई तालुक्यातील किकली येथे होणाऱ्या भैरवनाथ यात्रेच्या पार्श्वभूमीवर कायदा व सुव्यवस्था अबाधित राखण्यासाठी प्रशासनाने प्रतिबंधात्मक कारवाईचा बडगा उगारला आहे. यात्रेदरम्यान कोणताही अनुचित प्रकार घडू नये, यासाठी किकली परिसरातील दहा जणांना गावाच्या हद्दीत प्रवेश करण्यास बंदी घालण्यात आली आहे.

वाईचे तहसीलदार तथा तालुका कार्यकारी दंडाधिकारी सोनाली मेटकरी यांनी ३० ऑक्टोबर २०२६ रोजी यासंदर्भातील आदेश जारी केला आहे. भारतीय नागरिक सुरक्षा संहिता, २०२३ मधील कलम १६३ (२) अन्वये हा आदेश देण्यात आला आहे. भुईंज पोलीस ठाण्याचे सहाय्यक पोलीस निरीक्षक यांनी सादर केलेल्या प्रस्तावानुसार संबंधित व्यक्तींवर प्रतिबंधात्मक कारवाई करण्यात आली आहे.

प्रशासनाच्या आदेशानुसार, ३१ ऑक्टोबर २०२६ रोजी मध्यरात्री १२ वाजल्यापासून ४ नोव्हेंबर २०२६ रोजी रात्री १२ वाजेपर्यंत संबंधित दहा व्यक्तींना किकली गावाच्या हद्दीत प्रवेश करण्यास मनाई करण्यात आली आहे.

या आदेशात साईल आदेश बाबर, यश आदेश बाबर, आदित्य जितेंद्र बाबर, तुषार भुजंग बाबर, संकेत राजेंद्र बाबर, निखिल भरत बाबर, विजय कृष्णराव बाबर, गणेश अरुण बाबर, कुलदीप दिलीप बाबर आणि अक्षय विजय बाबर यांचा समावेश आहे.

भैरवनाथ यात्रा शांततेत आणि निर्विघ्नपणे पार पडावी, तसेच सार्वजनिक शांतता व सुव्यवस्था राखली जावी, हा या प्रतिबंधात्मक कारवाईमागील उद्देश असल्याचे आदेशात नमूद करण्यात आले आहे. आदेशाचे उल्लंघन केल्यास संबंधितांवर कायद्यानुसार कारवाई करण्यात येणार आहे.

यात्रेच्या पार्श्वभूमीवर प्रशासन आणि पोलीस यंत्रणा सतर्क झाली असून, नागरिकांनी शांतता राखून प्रशासनाला सहकार्य करावे, असे आवाहन करण्यात येत आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

अजून इतिहास घडला नाही, पुढील सहा वर्षांत इतिहास घडवून दाखवीन! - नवनिर्वाचित शिक्षक आमदार कौस्तुभ गावडे

2026-10-30T23:21:25.855+05:30

हजारो शिक्षक-कार्यकर्त्यांच्या उपस्थितीत विजयी मेळावा उत्साहात संपन्न, भव्य मिरवणूक, मान्यवरांकडून सत्कार आणि अभिनंदनाचा वर्षाव

शिवशाही वृत्तसेवा, कोल्हापूर

“एकूण ३० उमेदवार निवडणुकीच्या रिंगणात होते. त्यापैकी २९ उमेदवार मला हरवण्यासाठी प्रयत्न करत होते, तर मी केवळ विजयी होण्यासाठी लढत होतो. इतिहास घडला नसून, पुढील सहा वर्षांत इतिहास घडवून दाखवीन,” असा ठाम निर्धार पुणे विभाग शिक्षक मतदारसंघाचे नवनिर्वाचित आमदार शिक्षकमित्र कौस्तुभ मुरलीधर गावडे यांनी व्यक्त केला. त्यांच्या विजयानिमित्त आयोजित भव्य विजयी मेळावा हजारो शिक्षक, शिक्षकेतर कर्मचारी, संस्थाचालक, कार्यकर्ते आणि समर्थकांच्या उत्स्फूर्त उपस्थितीत जल्लोषात संपन्न झाला.

महाराष्ट्राच्या इतिहासातील विधान परिषदेतील सर्वात तरुण आमदार म्हणून कौस्तुभ गावडे यांच्या निवडीची विशेष चर्चा या मेळाव्यात झाली. त्यांच्या विजयाबद्दल विविध क्षेत्रांतील मान्यवरांनी सत्कार करून अभिनंदन केले. भव्य मिरवणूक, उत्साही घोषणा आणि कार्यकर्त्यांचा जल्लोष यांमुळे संपूर्ण परिसर उत्साहाने भारावून गेला.

मेळाव्याची सुरुवात महाराणी ताराराणी आणि लोकराजा राजर्षी छत्रपती शाहू महाराज यांच्या पुतळ्यांना पुष्पहार अर्पण करून अभिवादनाने झाली. त्यानंतर कावळा नाका, दसरा चौक ते श्री स्वामी विवेकानंद शिक्षण संस्थेतील शिक्षणमहर्षी डॉ. बापूजी साळुंखे आणि संस्थामाता सुशीलादेवी साळुंखे यांच्या समाधिस्थळापर्यंत भव्य विजयी मिरवणूक काढण्यात आली. हजारो शिक्षक आणि कार्यकर्त्यांच्या सहभागामुळे मिरवणुकीला उत्स्फूर्त प्रतिसाद मिळाला. घोषणांच्या गजरात आणि जल्लोषपूर्ण वातावरणात शिक्षकांच्या विश्वासातून मिळालेल्या विजयाचा आनंद साजरा करण्यात आला.

विजयी मेळाव्यात मनोगत व्यक्त करताना आमदार कौस्तुभ गावडे म्हणाले, “या निवडणुकीत ३० उमेदवार होते. त्यापैकी २९ जण मला पराभूत करण्यासाठी प्रयत्न करत होते, तर मी विजयी होण्यासाठी लढत होतो. एका आजी आणि एका माजी आमदाराला हरवून मी विजयी झालो आहे. हा विजय शिक्षकांनी दाखवलेल्या विश्वासाचा आहे. शिक्षकांच्या प्रश्नांना निश्चितपणे न्याय मिळवून देईन.”

मतमोजणीच्या प्रदीर्घ प्रक्रियेचा उल्लेख करत ते म्हणाले, “मतमोजणीच्या काळात मी ४० तास झोपलो नव्हतो; मात्र आता पुढील सहा वर्षे न झोपता काम करून दाखवीन. इतिहास घडला असे म्हणण्यापेक्षा पुढील सहा वर्षांत शिक्षकांच्या प्रश्नांवर ठोस काम करून इतिहास घडवून दाखवीन.” त्यांच्या या निर्धाराला उपस्थितांनी उत्स्फूर्त प्रतिसाद दिला.

या विजयी मेळाव्यात आमदार अशोकराव माने (बापू), श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे, कोजिमाशिचे तज्ज्ञ संचालक दादासाहेब लाड, टीडीएफचे मा. काटकर सर, विद्यासमितीचे अध्यक्ष डॉ. श्रीराम साळुंखे, प्रभारी प्राचार्य डॉ. महेश गायकवाड, प्राचार्या डॉ. शैलजा साळुंखे, प्राचार्या डॉ. श्रुती जोशी, भाजपचे मा. तोरस्कर, कृती समितीचे बाबा पाटील, कृती समितीचे दत्ता पाटील, प्रसिद्ध वक्ते प्रा. मधुकर पाटील, प्रा. गीतांजली साळुंखे तसेच कौस्तुभ गावडे यांच्या सुविद्य पत्नी सौ. मयुरी गावडे यांनी मनोगते व्यक्त केली.

यावेळी विविध क्षेत्रांतील

मान्यवर, पदाधिकारी आणि शिक्षक संघटनांच्या प्रतिनिधींनी कौस्तुभ गावडे यांचा सत्कार करून अभिनंदन केले. शिक्षकांच्या प्रश्नांची जाण असलेले नेतृत्व विधान परिषदेत पोहोचल्याने शिक्षण क्षेत्रातील प्रलंबित प्रश्नांना प्रभावी व्यासपीठ मिळेल, अशी अपेक्षा यावेळी व्यक्त करण्यात आली.

शिक्षक आणि शिक्षकेतर कर्मचाऱ्यांचे प्रश्न, त्यांचे हक्क व सन्मान, शिक्षण क्षेत्रातील प्रलंबित मागण्या आणि शैक्षणिक व्यवस्थेतील विविध समस्यांवर सातत्याने आवाज उठवण्याची अपेक्षा मान्यवरांनी व्यक्त केली. शिक्षकांनी दाखवलेल्या विश्वासाला कृतीतून उत्तर देण्याची जबाबदारी नवनिर्वाचित आमदारांवर असल्याचेही यावेळी नमूद करण्यात आले.

या मेळाव्यास मुरलीधर गावडे, आजीव सेवक अजित देसाई, प्राचार्य डॉ. मिलिंद हुजरे, अनिल कामत, संस्थेचे पदाधिकारी, प्राचार्य, मुख्याध्यापक, पाच जिल्ह्यांतून आलेले शिक्षक, विविध शिक्षक संघटनांचे पदाधिकारी व कार्यकर्ते, संस्थाचालक आणि शिक्षकेतर कर्मचारी मोठ्या संख्येने उपस्थित होते.

शिक्षकांच्या विश्वासातून मिळालेला विजय, कार्यकर्त्यांच्या परिश्रमांना मिळालेले यश आणि शिक्षण क्षेत्रासाठी नव्या नेतृत्वाची सुरुवात, अशा उत्साहपूर्ण वातावरणात विजयी मेळावा संपन्न झाला. भव्य मिरवणूक, मान्यवरांकडून झालेला सत्कार आणि अभिनंदनाचा वर्षाव यांमुळे हा सोहळा विशेष ठरला.

“इतिहास घडला नसून, पुढील सहा वर्षांत इतिहास घडवून दाखवीन,” या कौस्तुभ गावडे यांच्या निर्धाराने मेळाव्याची सांगता झाली. आता शिक्षकांच्या अपेक्षा पूर्ण करण्यासाठी आणि त्यांच्या प्रश्नांना न्याय मिळवून देण्यासाठी ते आपल्या कार्यकाळात कोणती ठोस पावले उचलतात, याकडे संपूर्ण शिक्षण क्षेत्राचे लक्ष लागले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

वाई शहरात मद्यपींविरुद्ध पोलिसांची धडक मोहीम - सात गुन्हे दाखल

2026-10-29T21:51:58.212+05:30

गणपती घाट, पसरणी घाट, परखंदी रोडसह स्मशानभूमी परिसरात छापे, नागरिकांना त्रास देणाऱ्यांवर कारवाई

शिवशाही वृत्तसेवा, सातारा (शुभम कोदे)

वाई शहरातील सार्वजनिक ठिकाणी मद्यपान करून गोंधळ घालणाऱ्या आणि नागरिकांना त्रास देणाऱ्यांविरुद्ध वाई पोलिसांनी धडक मोहीम राबवली. या कारवाईत पोलिसांनी मद्यधुंद अवस्थेत गोंधळ घालणाऱ्या व्यक्तींना ताब्यात घेतले असून, महाराष्ट्र दारूबंदी कायद्यान्वये सात गुन्हे दाखल करण्यात आले आहेत. शहरातील सार्वजनिक ठिकाणी कायदा व सुव्यवस्था अबाधित राखण्यासाठी पोलिसांनी ही मोहीम हाती घेतली.

वाईचे उपविभागीय पोलीस अधिकारी सुनील साळुंखे यांच्या मार्गदर्शनाखाली आणि पोलीस निरीक्षक प्रदीप सूर्यवंशी यांच्या नेतृत्वाखाली रविवार, दि. २५ ऑक्टोबर रोजी ही कारवाई करण्यात आली. वाई शहरातील गणपती घाट, पसरणी घाट, परखंदी रोड तसेच विविध ठिकाणच्या स्मशानभूमी परिसरात पोलिसांच्या विशेष पथकांनी छापे टाकले.

या कारवाईदरम्यान सार्वजनिक ठिकाणी मद्यपान करून नागरिकांना त्रास देणाऱ्या तसेच शिवीगाळ करून गोंधळ घालणाऱ्या व्यक्तींना पोलिसांनी ताब्यात घेतले. त्यांना वाई पोलीस ठाण्यात आणून वैद्यकीय तपासणी करण्यात आली. त्यानंतर संबंधितांविरुद्ध कायदेशीर कारवाई करण्यात आली.

या मोहिमेदरम्यान महाराष्ट्र दारूबंदी कायद्याच्या अन्वये गुन्हा एकूण सात गुन्हे दाखल करण्यात आले आहेत.

वाई शहरातील सार्वजनिक ठिकाणी मद्यपान करून गोंधळ घालणे, धूम्रपान करणे तसेच मद्यपान करून वाहन चालविणे टाळावे, असे आवाहन पोलिसांनी नागरिकांना केले आहे. अशा प्रकारचे कृत्य करताना आढळल्यास संबंधितांविरुद्ध कायदेशीर कारवाई करण्यात येईल, असा इशाराही पोलिसांनी दिला आहे.

ही कारवाई पोलीस अधीक्षक निखिल पिंगळे, अपर पोलीस अधीक्षक डॉ. वैशाली कडकर आणि उपविभागीय पोलीस अधिकारी सुनील साळुंखे यांच्या मार्गदर्शनाखाली करण्यात आली. यामध्ये वाई पोलीस ठाण्याचे प्रभारी अधिकारी प्रदीप सूर्यवंशी, सहायक पोलीस निरीक्षक राहुल लाड तसेच पोलीस कर्मचारी विक्रम धोत्रे, धीरज भोसले, हेमंत शिंदे, सोमनाथ टिके, रुपेश जाधव, गोरख दाभाडे आणि महिला पोलीस कर्मचारी पूजा गोळे यांनी सहभाग घेतला.

सार्वजनिक ठिकाणी शांतता राखण्यासाठी पोलिसांची ही मोहीम महत्त्वाची मानली जात असून, अशा प्रकारच्या गैरवर्तनाविरुद्ध कारवाई सुरू ठेवण्याचा पोलिसांचा इशारा आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

चंद्रभागा वाळवंट स्वच्छता अभियान उत्साहात संपन्न, ७ ते २८ ऑक्टोबरदरम्यान ८५ टन कचरा संकलित

2026-10-29T21:32:35.346+05:30

स्वच्छता अभियानात 1000 जणांचा सहभाग, आजच्या श्रमदानातून २६ टन कचरा जमा

शिवशाही वृत्तसेवा, पंढरपूर (मनिषा कुलकर्णी)

पंढरपूर शहरातील चंद्रभागा वाळवंट परिसर स्वच्छ, सुंदर आणि निर्मळ ठेवण्याच्या उद्देशाने पंढरपूर नगरपरिषदेच्या पुढाकारातून राबविण्यात आलेले विशेष स्वच्छता अभियान उत्साहात संपन्न झाले. दि. ७ ते २८ ऑक्टोबर या कालावधीत एकूण ८५ टन कचरा संकलित करण्यात आला यामध्ये नागरिकांनी नदीपात्रात अर्पण केलेले वस्त्रे, धार्मिक साहित्य, निर्माल्य व इतर कचरा संकलित करण्यात आला असून आहे.आजच्या स्वच्छता मोहिमेत तब्बल २६ टन कचरा संकलित करण्यात आला. अशी माहिती मुख्याधिकारी महेश रोकडे यांनी दिली.

पंढरपूर नगरपरिषदेसह विविध सामाजिक, धार्मिक आणि शैक्षणिक संस्थांच्या संयुक्त विद्यमाने हे अभियान राबविण्यात आले. यामध्ये इंडियन मेडिकल असोसिएशन, उपजिल्हा रुग्णालय पंढरपूर, देशमुख जिम कट्टा ग्रुप, गुजराथी रुखी समाज बहुउद्देशीय सामाजिक संस्था, अनुलोम सामाजिक संस्था, आपटे उपलप प्रशाला, श्री विठ्ठल वारकरी शिक्षण संस्था, श्री जोग महाराज वारकरी शिक्षण संस्था आणि जोगदंड महाराज वारकरी शिक्षण संस्था अशा एकूण एक हजार जणांनी सहभाग घेतला होता.

या अभियानात ह.भ.प. रामभाऊ महाराज राऊत, ह.भ.प. डॉ. जयवंत महाराज बोधले, ह.भ.प. राणा महाराज वासकर, ह.भ.प. विष्णू महाराज कबीर, ह.भ.प. ठाकूरबुवा महाराज, ह.भ.प. उखळीकर महाराज, ह.भ.प. भागवत महाराज कबीर, ह.भ.प. ज्ञानेश्वर जोगदंड महाराज आणि ह.भ.प. रामकृष्ण महाराज वीर यांच्यासह विविध संस्थांचे पदाधिकारी, स्वयंसेवक, विद्यार्थी आणि नागरिकांनी श्रमदान केले.

नगरपरिषदेच्या विविध विभागातील अधिकारी आणि कर्मचाऱ्यांनीही या उपक्रमात सक्रिय सहभाग नोंदविला. नगरसेवक ओंकार जोशी यांच्यासह अनेक नागरिकांनी स्वच्छता मोहिमेत योगदान दिले. समाजमाध्यमांवरून या उपक्रमाची माहिती मिळाल्यानंतर कल्याण येथील स्वच्छतादूत केतन वाकडे यांनीही स्वयंस्फूर्तीने सहभागी होत श्रमदान केले.

चंद्रभागा वाळवंट परिसरातील कचरा, प्लास्टिक आणि इतर घनकचरा संकलित करून परिसर स्वच्छ करण्यात आला. संकलित कचऱ्याची योग्य पद्धतीने विल्हेवाट लावण्यासाठी व्यवस्था करण्यात आली. या उपक्रमातून सार्वजनिक स्वच्छता, कचरा व्यवस्थापन, प्लास्टिकमुक्त परिसर आणि पर्यावरण संवर्धनाबाबत नागरिकांमध्ये जनजागृती करण्यात आली असल्याचे ह. भ .प. रामभाऊ महाराज राऊत यांनी सांगितले.

पंढरपूर हे महाराष्ट्रातील प्रमुख तीर्थक्षेत्र असून, श्री विठ्ठल-रुक्मिणीच्या दर्शनासाठी दरवर्षी मोठ्या संख्येने भाविक येथे येतात. चंद्रभागा नदी आणि वाळवंट परिसराला धार्मिक व सांस्कृतिक महत्त्व असल्याने हा परिसर स्वच्छ व निर्मळ ठेवणे ही प्रत्येक नागरिकाची आणि भाविकाची सामूहिक जबाबदारी आहे. ‘स्वच्छता हीच विठ्ठल सेवा’, ‘श्रमदानातून भक्ती’ आणि ‘सहभागातून स्वच्छता’ या संदेशांतून स्वच्छतेचे महत्त्व अधोरेखित करण्यात आले असल्याचे ह भ प जयवंत महाराज बोधले यांनी सांगितले.

दर बुधवारी श्रमदान अभियान
पंढरपूर शहर अधिक स्वच्छ, सुंदर आणि निर्मळ करण्यासाठी नगरपरिषदेच्या वतीने दर बुधवारी सकाळी ७.३० वाजता स्वच्छता व श्रमदान अभियान आयोजित करण्यात येते. आजचे श्रमदान हे या अभियानातील चौथे श्रमदान होते.

या अभियानात सामाजिक संस्था, स्वयंसेवी संस्था, शैक्षणिक संस्था, विविध मंडळे आणि नागरिकांनी मोठ्या संख्येने सहभागी व्हावे, असे आवाहन नगरपरिषदेच्या वतीने करण्यात आले आहे. इच्छुक संस्थांनी पंढरपूर नगरपरिषदेच्या आरोग्य विभागाशी संपर्क साधून नोंदणी करावी, असेही आवाहनही मुख्याधिकारी श्री रोकडे यांनी केले आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा

मदत व पुनर्वसन मंत्री मकरंद पाटील यांचा वाढदिवस सेवाभावातून, वाई ग्रामीण रुग्णालयातील रुग्णांना फळवाटप

2026-10-29T21:00:57.633+05:30

वाढदिवसाचा जल्लोष टाळून रुग्णसेवेचा वसा! मकरंद आबांच्या आवाहनाला वाईत प्रतिसाद

शिवशाही वृत्तसेवा, सातारा (शुभम कोदे)

लोकनेते अजितदादा पवार यांच्या स्मृती आणि नैसर्गिक संकटांमुळे अडचणीत सापडलेल्या शेतकरी बांधवांच्या वेदनांची जाणीव ठेवून राज्याचे मदत व पुनर्वसन मंत्री मकरंद आबा पाटील यांनी यंदा आपला वाढदिवस साजरा न करण्याचा निर्णय घेतला.

वाढदिवसानिमित्त सत्कार, हारतुरे आणि अनावश्यक खर्च टाळून गरजू नागरिकांना मदत करावी, तसेच समाजोपयोगी उपक्रम राबवावेत, असे आवाहन त्यांनी कार्यकर्ते व हितचिंतकांना केले होते. या आवाहनाला प्रतिसाद देत वाई तालुका व शहर राष्ट्रवादी काँग्रेसच्या पदाधिकारी आणि कार्यकर्त्यांनी गुरुवारी (दि. २९) वाई ग्रामीण रुग्णालयात रुग्णांना फळवाटप करून सामाजिक बांधिलकी जपली.

मकरंद आबा पाटील यांच्या वाढदिवसानिमित्त सत्कार, हारतुरे आणि अनावश्यक खर्च टाळून समाजोपयोगी उपक्रम राबविण्याच्या आवाहनाला प्रतिसाद देत राष्ट्रवादी काँग्रेसच्या पदाधिकारी व कार्यकर्त्यांनी वाई ग्रामीण रुग्णालयातील रुग्णांना फळवाटप केले. राष्ट्रवादी काँग्रेसचे वाई तालुकाध्यक्ष तथा किसन वीर सहकारी साखर कारखान्याचे उपाध्यक्ष प्रमोद शिंदे, पंचायत समिती सभापती पै. विक्रांत डोंगरे आणि माजी नगरसेवक चरण गायकवाड यांच्या पुढाकाराने हा उपक्रम राबविण्यात आला. वाढदिवसाचा आनंद गरजू रुग्णांसोबत वाटून घेत सामाजिक बांधिलकी जपण्याचा आणि अजितदादांच्या लोकसेवेचा विचार पुढे नेण्याचा संदेश या उपक्रमातून देण्यात आला.

राज्यातील दुष्काळी परिस्थिती आणि नैसर्गिक संकटांमुळे अनेक शेतकरी बांधव अडचणींचा सामना करीत आहेत. अशा वेळी वाढदिवसाचा जल्लोष करण्याऐवजी संकटग्रस्तांच्या दुःखात सहभागी होणे, त्यांना शक्य ती मदत करणे आणि गरजूंच्या पाठीशी उभे राहणे हीच खरी सामाजिक बांधिलकी असल्याचे त्यांनी स्पष्ट केले. वाढदिवसानिमित्त शुभेच्छा देण्यासाठी येणाऱ्यांनी सत्कार व हारतुरे टाळून समाजोपयोगी कार्याला प्राधान्य द्यावे, असे ना. मकरंद पाटील यांनी आवाहन केले होते.

मकरंद पाटील यांच्या आवाहनानुसार वाई तालुका व शहर राष्ट्रवादी काँग्रेसच्या पदाधिकारी व कार्यकर्त्यांनी वाई ग्रामीण रुग्णालयात दाखल रुग्णांना फळांचे वाटप केले. वाढदिवसाच्या निमित्ताने अनावश्यक खर्च टाळून रुग्णांच्या चेहऱ्यावर समाधान निर्माण करण्याचा हा उपक्रम सामाजिक बांधिलकीचे उदाहरण ठरला.

या वेळी राष्ट्रवादी काँग्रेसचे वाई तालुकाध्यक्ष तथा किसन वीर सहकारी साखर कारखान्याचे उपाध्यक्ष प्रमोद शिंदे, पंचायत समिती सभापती पै. विक्रांत डोंगरे, माजी नगरसेवक चरण गायकवाड यांच्यासह पोपट जगताप, महेंद्र पुजारी, प्रमोद वारागडे, महादेव वाडकर, नाना चिकणे, यश गाढवे, संदीप खोपडे, सागर बाबर, रवी जाधव, उमेश भिसे, कृष्णदेव वाडकर आणि पदाधिकारी, कार्यकर्ते उपस्थित होते.

ग्रामीण रुग्णालयाचे वैद्यकीय अधीक्षक डॉ. सौरभ निंबाळकर, डॉ. खान, डॉ. कोमडे तसेच रुग्णालयातील कर्मचारी व परिचारिका यांनीही या उपक्रमात सहभाग घेतला.

अजितदादांच्या लोकसेवेचा विचार आणि सर्वसामान्यांच्या हितासाठी काम करण्याचा वारसा पुढे नेणे, हीच त्यांना खरी श्रद्धांजली ठरेल, असा संदेश या उपक्रमातून देण्यात आला आहे.

-----------------

----------------

----------

----------------------------

गूगल न्यूज वर शिवशाही फॉलो करा

इथे क्लिक करून करून शिवशाही न्यूज टेलीग्राम चॅनल सबस्क्राईब करा

व्हाट्सअप ग्रुप जॉईन करण्यासाठी इथे क्लिक करा