日與夜的記憶 http://www.shizugi.hk 記下生活的點點滴滴 Wed, 22 Feb 2012 21:42:13 +0000 en hourly 1 http://wordpress.org/?v=3.3.1 http://www.feedburner.com/fb/images/pub/fb_pwrd.gifSubscribe with My Yahoo!Subscribe with BloglinesSubscribe with GoogleSubscribe with Live.com 童年記憶-馬豆糕 http://feedproxy.google.com/~r/shizugi/~3/k8WoTPZTF3M/ http://www.shizugi.hk/?p=4220#comments Wed, 22 Feb 2012 21:42:13 +0000 Shizugi http://www.shizugi.hk/?p=4220 我總認為馬豆糕對於七八十後的人黎講，都應該係童年回憶。 不過，姚太同我講"其實，我又唔覺得有乜咁好食，亦唔覺得咁多人鍾意食架喎"，吾… …可能物以類聚，我認識嘅朋友中，好多都鍾意食架喎。

馬豆糕，我印象中，九十年代初，姚爸爸有個同事俾過個食譜佢，佢有整過，因為佢成日都話搵唔番個食譜亦成日都話佢係有整過、好易整，我仲有份食嘅添。

我惟一印象就係我屋企個雪櫃的確曾經出現過自製馬豆糕、我有食過，但我真係記唔起係咪老豆整，定係唔知邊個親戚朋友街坊整完送俾我地。

過年個排去巨B婆婆(舅母)屋企拜年，阿姨媽(我跟表妹叫舅母個家姐做姨媽)見姚太教舅母整芋頭糕整得好開心，就即場示範整馬豆糕(我抄低左個做法)，順便送左底俾我地。

可惜，我都未黎得及影相甚至食，底馬豆糕就俾人清咗，惟有自己蒸。 

姨媽話個食譜係佢新抱上網搵嘅，我搵過，出處好大可能係OPENRICE椰汁馬豆糕，事關份量係一樣。 

我依經驗對個食譜做咗少許改動，雖然功夫會比較多，不過，功夫亦唔係多好多，而且，我嘅份量係蒸兩底嘅份量。

材料: 鷹粟粉170G、花奶160G、椰漿400G、清水1250ML、糖240G、鹽少許、馬豆 隨量(我呢次用咗4兩，大約150G左右)，另備清水煮豆用。

做法:

1. 先將馬豆清淨，用熱水浸30分鐘，瀝乾水。

2. 將馬豆放入煮滾中嘅水煮，大約煮5分鐘左右就會有陣陣草腥味，最好熄火，將馬豆撈起，換過全新嘅熱水繼續再煮。 (呢個方法係舅父教，任何豆類飛水時，都會煮出草腥味，如果唔可以加薑入水中去除草腥味，最好就係煮出草腥味時就換過全新嘅熱水再繼續煮，去除草腥味)

3. 我無計過煮咗幾耐，不過，連埋第一次煮個5分鐘，應該大約煮咗20分鐘左右，總之，煮到冧身即可。 (撈起一粒，用啲力按按粒豆，可以一分為二即可，但又唔需要煮到輕力按都已經散晒咁冧)

4. 將鷹粟粉倒入容器中，邊加入椰漿及少許鹽，邊順時針方向慢慢攪，攪至鷹粟粉溶解成為粉漿，再慢慢加入淡奶繼續攪。 

5. 混合粉漿時，請同一時間將1250ML清水煮滾，將糖倒入水中，煮至糖完成溶解，成為糖水。

6. 將已混合的粉漿加入糖水內，用中火繼續依同一方向一直攪動，直至粉漿煮至有少許泡泡升起的情況下，再將馬豆加入粉漿中，繼續攪拌動以免黏底，煮5-6分鐘，見到粉漿不停有泡泡升起即可。

7. 熄火，將粉漿倒入容器中，待馬豆糕完全放涼後，才放入雪櫃雪凍，完成。

備註:

1. 加鹽嘅目的係為咗引出椰漿嘅香味，不論煮任何食物，只要需要加入椰漿、椰奶，甚至新鮮椰汁，就要加少許鹽，加鹽後立即可以將椰子味道引出，就算放涼之後，依然會離遠都傳來陣陣椰香。 呢個方法，係我個極度愛煮咖哩嘅姚爸爸教(唉，諗起咖哩就傷心，從此都唔知喺邊到可以再食到姚爸爸個種咁好味嘅咖哩)，我問過三舅父，佢話呢個做法係好岩嘅。 

2. 網站的食譜教將容器先用凍水沖過，以便馬豆糕容易甩出，個人習慣就先喺容器上掃少許橄欖油，再倒入粉漿，同樣可以令馬豆糕輕易甩出。

雖然馬豆糕係冷盆，比較岩夏天消暑時食，不過，偶然喺其他時候食下都唔錯，但依家呢啲濕度咁高嘅天氣，就算放入雪櫃雪，亦要小心好易滋生細菌，最好整起盡快食晒。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4220 0 http://www.shizugi.hk/?p=4220 感謝上天的安排 http://feedproxy.google.com/~r/shizugi/~3/emPMT2YKyl8/ http://www.shizugi.hk/?p=4197#comments Sat, 14 Jan 2012 23:55:13 +0000 Shizugi http://www.shizugi.hk/?p=4197 最近讀畢張德芬的重遇未知的自己-愛上生命中的不完美(簡體版)， 作者在書中說，當我們遇上一些我們認為不好的人與事時，或許，他們就是我們的陰暗面的投射，除了面對這些事外，最重要的是是否有勇氣去臣服於生命中這些課題，真正的接受自己的陰暗面。 

看完之後我好疑惑，何為臣服、何為接受自己的陰暗面。 

我想說個故事(經歷!?)。

昨日，跟朋友去某商場，由於臨近新年，商場有些新年裝飾供人拍照，雖然沒標明要排隊，但好多人都排了一行，等候去拍照。 輪到排在我們前的兩位小姐影，影了兩張，就有位小妹妹衝過去，爬上凳上，迫開了那位在拍照的小姐，她的家長沒阻止，反而馬上替那個妹妹拍照。 

那位小姐不知跟那位太太說了什麼，那位太太就拉開了那位小妹妹一會，到那位小姐下來時，我的朋友上前想坐下，那位太太卻沒意圖去拉開小妹妹去排隊，反而，更讓她大模施樣地坐上凳上扮定姿勢不停拍。

我的朋友說了句"嘩，有無搞錯，唔排隊架"，那位太太的妹妹就馬上不停口地罵，當中夾雜著不少粗口。

然後，我指著排在我前頭的那兩位小姐就"妳可以問下兩位，我地係咪排喺佢地後面"，那兩位小姐答了我們是排在她們後面，那位太太的妹妹就氣沖沖的行到隊後排隊，但繼續不停的罵我們什麼"幾廿歲人都唔讓下d細路"等等，而那位小妹妹跟她的母親其實都是繼續在拍照。 

我朋友開始跟那個女的你一言我一語，最後，那個女的掉下了一句"妳老母臭x"就向我朋友方向衝了過來，由於我拿著我朋友的手機準備拍照，我馬上開了攝影功能影著那個女，免得她對我朋友動手的話，我也有證據可以馬上報警。

那個女見我在影著她，怒啤著我說她有私隱，說什麼我不可以影她，我馬上扮作很害怕的樣子，說是在影我朋友，那個女的父親見狀，馬上拉走那個女的。 

故事說完。

老實說，問我是不是真的害怕呢，其實又不是，商場這麼多人，就算真的對我們動手，我相信一大叫的話，他們拖男帶女，想逃走也不易，如果問我怕不怕被人拍低擺上網的話，我阻止不了這種事。

我不想去評論那個家庭怎樣去教導孩子，甚至，作為父母及長輩為什麼不去紏正孩子的錯誤。

我想說的… …其實我遇到這些事時，我是不懂得處理，我當時真的只想到… …我是否需要馬上報警，說真的，當那個女的衝向我朋友那幾秒間，我的確是有考慮過先影著她還是先報警。  

老實說，我到這刻其實也不知究竟所謂的處理應該是如何? 繼續與那個女的爭辯，爭取到讓對方明白，孩子不懂就需要教，而不是用語言去傷人? 報警? 還是如我當刻的反應，一句也不應她(其實，我真係一句都無應過個女嘅)。 

但其實當刻我心跳得好利害，因此我知道，這是一個上天安排給我的小課題。 

我可能又扯太遠了。 

其實我想說的是張德芬那本書中所說的事。 她說的其實跟吸引力法則所說的有點抵觸。 

如果，以吸引力法則的思考模式去分析這件事，很簡單，我不自覺的發放了一些訊息去告訴宇宙，自己是個被欺凌對象，所以，就遇上了這些事。

如果，以書中所說的，其實這些事的人的行為，往往就是我們內心的陰暗面，我們心底的確曾出現過對方般行為的想法、思想，只是空間差別。

 

過往，我好怕遇上這些在言語上爭辯的場面，就算當刻我方佔上風，我亦會馬上有種想立即逃離現場的抗拒心態。

當刻沒有那種想逃離現場的抗拒心態，我明白只是與其共存在同一空間中而已，直至那句"妳老母臭x"的出現，令我驚醒她可能會襲擊我朋友，我需要作出一些保護自己及友人的做法。

那刻我心跳加速得面紅耳熱，事後連好友也問我是不是很害怕，但我知道那刻的感覺並非害怕感，而是震撼感，因為當刻的情況就如一面鏡，反映了自己內心的陰暗面出來。

靜心一想，其實十多年前的我，不是跟那個女的差不多嗎? 當我發生了一些錯誤，而那些錯誤在當刻被人識破帶來尷尬時，就會以惡來掩飾自己的錯誤，甚至，在言語上爭一日之長短，期望當別人講不過我時，錯誤就能推向對方，然後，就能以勝利者姿勢高呼"係佢錯!"。

我現在沒有再這樣做，並不是我已沒有這種思考模式，其實待合適的時間、地點，我同樣會做出相類似的事，因為它一直存在在我心靈裡的陰暗面中，被我遮掩住，忽視它的存在，當遇上合適的空間時，它同樣會流露出來成為我人生中的一點。

我相信排斥、否定，甚至，惡厭內心存在這種想法並不會消除這種想法的存在，只是繼續給它生存的力量。 我接受我內心存在這種想法，因為它是我心靈的其中一部份。

上天安排了這件事出現在我人生之中，我相信是祂想我明白，人是需要接受自己心靈的全部，並非單單接受自己心靈正面的那部份，而且，我亦相信上天是想我記著，善與美是何其重要，只要保持住一顆善良的心，人生所遇到的人和事都是美好的。 

後記: 當那個女的被她父親拉走後，排在我身後的一對情侶，輕聲的跟我們說"唔好理佢啦，可以幫我地影張相嗎? 轉頭我地再幫妳地影丫!"，那刻我的確感謝，感謝那對情侶幫我和好友影相，更感謝上天安排了那對情侶的出現，告訴我，人心的確是善良的。

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4197 0 http://www.shizugi.hk/?p=4197 我的2011 http://feedproxy.google.com/~r/shizugi/~3/ObS8kftOeww/ http://www.shizugi.hk/?p=4188#comments Thu, 29 Dec 2011 20:13:08 +0000 Shizugi http://www.shizugi.hk/?p=4188 臨近年尾，是時候為這個2011年作一個總結。

這個2011年，悲過、痛過，但在悲痛的同時，亦擁有數之不盡的愛緊緊擁抱著我，讓我感恩我擁有的比失去的更多。

不要問我在悲痛中走出來未，因為，我從沒在悲痛中打轉過，這是真的。  

我感恩我有好強的宗教信念，在此事之前，我只是知道生、死是什麼事，但不明白、不了解，此事之後，我明白了、體會了，佛家中所說的生、死是一回什麼樣的事。

每個人來到世上都有他特定的人生功課，不論功課做完未，只要時辰一到就自然要走，這是千載不變的定律。 放下對生死的恐懼與執著，只要真真正正的活在當下，用心去面對和處理眼前的功課就會明白，不止身邊的人，甚至自己，也總有離世的一日，所以，根本不用花時間去恐懼，只要做好要做的事就足夠。 

我到現在依然會為姚爸爸離世而哭泣，只是因為我不能再抱著他向他撒嬌，但我明白化作青煙的不過是具軀殼，他永遠都會在我心底裡、腦海裡，在我需要時給予我支持和鼓勵，甚至在天上，繼續照顧著我，愛護著我，祝福著我，我依然擁有他對我的愛，所以，我擁有的永遠是比失去的多。

但哭泣的同時我亦感恩，我擁有很多很多愛鍚我的朋友，真的，我自己也想像不到原來有這麼多人這麼愛護我。 

感謝每位愛護我的人，讓我在2011年裡，依然能以平和、溫柔，充滿愛的內心去面對所有事。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4188 0 http://www.shizugi.hk/?p=4188 以愛去看世界 http://feedproxy.google.com/~r/shizugi/~3/lemuhtYLb6o/ http://www.shizugi.hk/?p=4179#comments Fri, 25 Nov 2011 23:30:34 +0000 Shizugi http://www.shizugi.hk/?p=4179

某夜零晨，明明在FB忙著收租收菜，姚太亦忙著找周公聊，忽然，她叫我看看化妝檯上那疊用橡筋扎起來的紙，她說執拾姚爸爸的遺物時找到的，不知是什麼。

扎開橡筋，那全都是06年已經退了色的櫃員機提款收據、信用卡收據，有姚爸爸簽名的收據都留下，其他沒什麼個人資料的都掉了。

看到掉在檯上的橡筋，馬上笑了，為什麼看起來會像個心形。 

襯姚太半夜起床去廁所，拿著橡筋跟姚太說"老豆送俾妳架，妳覺得似咩丫?"，姚太答我"似個壽桃囉"，我跟她說"佢送個心俾妳丫"，姚太答我"佢真係丫，仲係咁鍾意玩，送個唔知係壽桃定個心俾我，要我估係壽桃定係個心!"。

我跟姚太忍不住大笑，姚爸爸沒有忘記我們，他在姚太農曆生日的這個夜晚，靜靜地為姚太送上一條既似心又似壽桃的橡筋，默默地祝福姚太。

人生在世，往往忽略了有很多細微的事，但當對人生充滿愛，就算一條細微的橡筋也會為人帶來快樂。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

隨機文章
]]> http://www.shizugi.hk/?feed=rss2&p=4179 0 http://www.shizugi.hk/?p=4179 回憶總是美好的… …ICQ http://feedproxy.google.com/~r/shizugi/~3/C_z0GQ-6u0U/ http://www.shizugi.hk/?p=4160#comments Mon, 21 Nov 2011 23:30:28 +0000 Shizugi http://www.shizugi.hk/?p=4160 ICQ的年代，很單純，愛哭就哭愛笑就笑，愛就愛、恨就恨，不用想太多，因為它就是青春，青春本身就是這樣。 

只是年光流逝，連ICQ也一樣隨時MSN、Twitter、Facebook、google plus等一堆IM出現而從人的生活中流逝，然而，發生過的事永遠都不會從人的腦中的消失，那就是回憶。

近日人人也裝ICQ App，我也高高興興跟風一下，不過，貫徹我一向狠心的做人態度，先將其中一個ICQ內大部份完全無印象的人刪除，留下來的都是我希望我們能再聯繫，或者，根本就是平日都有聯絡的人。

裝了ICQ一星期，我只跟一個舊朋友交換了email address，"準備"在facebook加對方做朋友(吾，我認我完全無左件事要add佢囉)，一個行家留了email address給我叫我保持聯絡，一個send了句message給我說好掛念我，但回覆卻石沉大海。

或者，希望愈大失望愈大。  

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

隨機文章
]]> http://www.shizugi.hk/?feed=rss2&p=4160 0 http://www.shizugi.hk/?p=4160 請在天國裡繼續妳的微笑 http://feedproxy.google.com/~r/shizugi/~3/AnR7VSEdS1w/ http://www.shizugi.hk/?p=4156#comments Sun, 13 Nov 2011 19:44:09 +0000 Shizugi http://www.shizugi.hk/?p=4156 偶然會想起她，一個跟我有著同樣英文名的人。 互聯網之大，可以將不同地方的人聯繫起來，亦可以失去聯絡得渺無音訊。 

收到消息時，心裡一沉，不可能，絕對不可能，在我腦海裡，她是一個樂天、惜福的幸福女孩，上天不可能願意將這天使帶離人間，令人世間失去一位為世間帶來歡笑的天使。

看到那三個字時，心裡更一沉，更不想承認，不不不，不可能是她，她的姓氏不是這個丫，她是姓X的，不是她，是搞錯了吧，我們說的不是同一個人吧。

但心底裡明明是知道的，那根本不是一個姓氏，而是當年大家說說笑的一個玩笑，一個我們拿來相認的玩笑，只是那刻選擇遺忘，將這個名字遺忘掉，換取最後希望，大家說的根本不是同一個人。

雖然消息是證實了的，依然花盡可以想到的keyword搜尋，看到了，親眼的看到了，看到她的朋友所寫的悲傷字句，明白了，她真的是離開了，我們說的都是同一個人… …。

看到gogo娓娓道來那三個字的由來，還有那句"我是大姐啊，三妹還在"的那刻，無言!  關係疏遠之後，沒再提起過這三個字，害怕被遺忘帶來的尷尬，想不到再看到那三個字時，帶來的震撼是如此巨大。

那三個字好像變成了證據，證實人已逝。 

請容許我再次這樣稱呼妳。

"二姐，妳在天國好嗎? 請在天國裡繼續微笑，為天國帶來歡樂! 並請用妳的微笑，祝福大姐健康。"

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

隨機文章
]]> http://www.shizugi.hk/?feed=rss2&p=4156 0 http://www.shizugi.hk/?p=4156 生前死後 之 一 http://feedproxy.google.com/~r/shizugi/~3/tUpRqe5iKyQ/ http://www.shizugi.hk/?p=4120#comments Sun, 25 Sep 2011 09:08:43 +0000 Shizugi http://www.shizugi.hk/?p=4120 姚爸爸離開咗已經一個月，一路都襯得閒就打去唔同嘅部門、機構，通知姚爸爸過咗身、辦轉名嘅事。

姚爸爸係退休公務員，佢生前同我講過好好好多次，佢如果有乜冬瓜豆腐，記得第一時間通知庫房，事關退休公務員有長俸，如果太遲通知庫房，趕唔切停個長俸的話，又要搞一輪手續將多收嘅長俸退番俾政府。 

佢唔係到第二朝我就即刻打去通知庫房，跟住開始將屋企所有係以姚爸爸名登記嘅野轉名。 

服務最好嘅係中電，我打電話去講番個情況，喺電話到已經即刻做咗轉名手續，FAX埋姚太個身份證副本過去，搞掂，個位接電話嘅小姐仲要有禮貌到臨收線時同我講"小姐，妳節哀順變，唔好諗太多丫!"，真係好窩心。

最煩嘅係水費，電話唔可以做轉名，叫佢FAX份表俾我就叫我自己上網下載，仲要填三份表，如果提供唔到當年開戶時個張按金收據，仲要填多份添，而個堆表呢，真係填到我O晒嘴。

其中份表係要求領取番當年姚爸爸俾嘅按金，竟然要搵個見證人簽名，證明姚太申請話係姚爸爸嘅老婆哩個事實係真嘅，兼且依家要拎番個按金，如果唔係手續上要填嘅，嗰廿蚊按金我真係豪俾水務署就算，事關… …明明已經要交埋結婚證書，再搵個見證人黎簽名托咩? 我交過去個張結婚證書係香港政府發架，唔係山卡啦國家發架… …!

最爆嘅係… …我打去水務署到問，轉名會唔會有限期，事關姚爸爸張死亡證唔知幾時先出到，個職員竟然話"如果入境處通到咗我地登記人死咗，但妳地又未轉名嘅，我地會CUT咗個水標，截咗水先，妳地到時就唔係辦轉名，係要重新安排辦過個新水標架啦!"。 

水務署都唔夠勁，要數最勁嘅肯定係P**W。

我屋企有兩個電話，一個eye多媒體、另一個係普通電話線，另外仲有個寬頻，仲有個唔係跟寬頻送，自己另外俾錢買台睇嘅NowTV。 

首先第一日，我打去1000通知要轉名，職員A話佢只係負責電話同NowTV嘅者，我俾晒我爸嘅資料佢，仲要fax埋一疊當時我有喺手，可以證明到姚爸爸過咗身嘅文件、姚爸爸張身份證副本，我媽張身份證副本俾佢，佢話佢會將登記人轉名。 跟住佢將我條線駁咗寬頻個邊，職員B又係叫我fax番個疊文件俾佢。 

結果，隔咗唔夠十分鐘，職員B覆我，話佢同佢上司睇過我FAX過去嘅文件，但佢地從來未見過政府有咁嘅文件，所以，唔可以確定到登記人死咗，仲叫我不如考慮吓唔好申請轉名，繼續用番我爸個名做登記人，只係轉過張信用卡做自動轉帳就算。

我話唔得，無可能我爸唔喺到仲繼續用我爸個名做登記人，哩樣野完全唔合邏輯嘅，跟住職員B就話先幫我停咗喺我爸張信用卡個自動轉帳先，仲叫我記低幾號至幾號去便利店交錢。

我無記錯嗰日係9月5號黎嘅。 

到應該係12/13號個日，個NowTV忽視間睇唔到啲收費台，打電話上去NowTV hotline到問，仲吹脹。 

我一開聲就重覆講多次個情況，我爸死咗，fax晒文件俾佢地嘅職員要求轉名去我媽到，結果，職員C查咗一輪，先查到名係轉咗，但無更新番我有申請收費台，仲話記錄顯示個NowTV係跟寬頻送嘅者。

我真係鬧到佢飛起，事關個NowTV睇咗兩年幾，一直都有俾錢睇收費台，但個寬頻都只係用咗三個月。 搞咗一輪先話要等多半日先可以開番啲收費台俾我。 

跟住，我順便叫佢查埋電話同寬頻。

真係O到唔O嘴，屋企電話竟然只係將個eye多媒體轉咗名，但另一條電話線無轉到名，我俾埋職員A個職員編號職員C，但搵極都搵唔到人，留埋言俾佢，但隔咗三日先覆番我。

寬頻仲勁，完全無記錄過我打過電話上去同埋fax過文件過去。 仆街，係咪人死咗就無私隱，fax過去啲文件就可以當無收過? 嗰疊文件係拎咗去碎定拎咗去貼街招先??

我直情同職員D講，話職員B當時話無見過政府有哩D文件，職員D竟然問我"咁啲文件係咪真係政府發嘅先?"，我真係一句彈過去"你話呢，要唔要同政府查吓D文件真定假先丫?"。

搞咗一輪，職員C就話另一條電話線因為佢地仲欠我爸百幾蚊，所以唔可以就咁轉名，要我提供埋姚爸爸同姚太張結婚證書，確認姚太有權拎番個百幾蚊先可以轉名，職員C話好可能因為哩個原因，職員A當時先無幫我地辦埋轉哩條電話線。

好彩我屋企有得fax嘅者，唔係淨係落街fax俾佢地都行我十幾廿次丫。

寬頻就真係… …都唔知係乜公司黎嘅，職員D竟然話因為個router入面set咗我爸嘅個人資料入去，要上門換過晒d機先可以轉到名，真係… …俾佢地哩間公司吹到啤幾聲丫。

換啦換啦換啦，最好換埋佢地間公司丫。 

諗住轉埋自動轉帳去我媽張信用卡到，竟然又話未轉名成功唔可以轉信用卡，講講吓又話個eye多媒體都仲未可以更新到個信用卡資料，叫我等多一個星期先再打上去申請過信用卡自動轉帳。

到15號個日，我媽打電話去信用卡中心要求停咗開俾我爸個張副屬卡，我媽講完個人資料之後，就叫個職員同我講，查一查我爸有乜自動轉帳嘅野。

一問… …我真係覺得P**W好X勁。 當初職員B同我講已經取消咗喺我爸張信用卡到做嘅自動轉帳，仲叫我記得自己去便行店交錢，而職員A同我講，電話同NowTV唔會再喺我爸張卡到扣錢，點知15號朝P**W喺信用卡到過咗兩條數，一條係寬頻，一條係NowTV嘅數。 

嘩，如果我唔問吓一早就仆去便利店交錢嘅，咁咪交多一個月錢囉，喂，咁好服務嘅公司，真係唔知交多嗰個月嘅錢會喺幾多年後先退番俾我地喎。

其實，搞哩啲事都唔係太煩，事關都係喺屋企打吓電話、fax吓文件就掂，依家最頭痕就係啲屋，香港哩間反而ok，我同田土廳查咗係長命契，基本上已經將業權自動轉晒去姚太名下，反而大陸間屋呢… …真係又有排搞啦。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4120 0 http://www.shizugi.hk/?p=4120 別了，我最愛的姚爸爸 http://feedproxy.google.com/~r/shizugi/~3/7NpASsTle2Y/ http://www.shizugi.hk/?p=4090#comments Sun, 28 Aug 2011 19:01:47 +0000 Shizugi http://www.shizugi.hk/?p=4090 成件事黎得好突然，2011年8月25日，姚爸爸過咗身。

轉去ICU前，我問佢我係邊個，佢仲識答我，雖然已經細聲到我聽唔到佢把聲，但我睇到佢口形講咩，一個只有我地一家先知，佢特別叫我嘅名；我指住姚太問姚爸爸姚太係邊個，佢做咗一個只有我同佢先知我地形容姚太嘅手勢；峰峰喺ICU門口遇到正準備轉入ICU嘅姚爸爸，峰峰未開聲叫佢，姚爸爸已經同佢揮手，嗰種揮手方式係姚爸爸同峰峰之間嘅一種特別揮手方式，姚爸爸平日只對峰峰做。

再見到姚爸爸時，佢岩岩搶救完，已經無晒意識，任我地點叫點拍佢都無再應我地。

之後我一直企咗喺姚爸爸嘅左邊，因為，我平日我好鍾意企喺佢左邊拖住阿好(姚爸爸隻左手)，然後，喺到扮小朋友聲叫"阿好阿好"，當時，我望住姚爸爸嘅心跳愈來愈慢，直至嗰一下長響嘅聲出現，我知道，姚爸爸，再見了。

那刻我知道以後無人會再需要三更半夜要我扶佢去廁所、無人會再需要我推佢去酒樓陪姚太飲茶、無人會再需要我每晚扶佢上床推佢埋床瞓好，然後，用英文同我講"Good night"，我亦再無得捉住阿好摸住我自己個鼻喺到叫"阿好阿好，r鼻哥丫"、我亦無得再用個額頭頂住另一個人嘅額頭，然後，一齊扮牛叫、我更加再聽唔到嗰把熟悉嘅聲音叫一個只有佢先會叫我嘅名。

但我知道亦相信，他朝我們會再相遇，佢會喺我們再相遇前，默默地祝福我一切安好。

再見了，我最愛的姚爸爸，您教導我嘅所有野，我永遠都會記住，您對我嘅愛，我永遠都唔會忘記，請放心，我會好好照顧阿太，唔會再激佢，因為我知道以後都唔會再有人為我地做中間人，我會將對您嘅愛去愛阿太，我知道您會相信我，亦知道您亦知道我已經長大，不要掛念，請安心上路。 

 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

隨機文章
]]> http://www.shizugi.hk/?feed=rss2&p=4090 2 http://www.shizugi.hk/?p=4090 資生堂保濕專科化妝水 http://feedproxy.google.com/~r/shizugi/~3/w6O7GOC_bNM/ http://www.shizugi.hk/?p=4082#comments Thu, 25 Aug 2011 00:56:56 +0000 Shizugi http://www.shizugi.hk/?p=4082 話說某年(上年?前年?)，好友T去日本旅行前問我有無乜想買，我答佢無，佢叫我上網Search下"資生堂專科"，話佢隻洗面好好用，岩嘅就幫我買枝，不過，後咪我完全無咗件事。

早喺上年年底開始就見台灣唔少Beauty blogger介紹"資生堂保濕專科化妝水"，近來香港都有唔少beauty blogger介紹，個個都話佢保濕一流，而且，有唔少香港嘅beauty blogger寫話抹完之後成張化妝棉黃晒，連老化角質層都抹走埋。 

吾，哩樣啱晒我，我成日都覺得自己塊面好污糟，角質層厚到無得再厚。 有日經過"屈人寺"諗起，即刻衝入去買番枝。 

我真係覺得自己成日都好好運，得番一枝清爽型都俾我買到。 

包裝好簡潔，簡到唔係上網睇過的話都唔知係shiseido嘅產品。 樽身寫住主要含雙重透明質酸、蜂皇槳精華，通過過敏測試，另外注明無香料、無著色，但無寫不含酒精喎，咁即係都有酒精成份?  

質地同好耐之前寫嘅"樂敦製藥肌研極潤化妝水"入面介紹嘅"肌研彈力肌保濕化妝水"差唔多，都係幾杰，倒上手唔會好快流走，但慢慢推開皮膚又好快吸收晒，皮膚完全唔覺得膩。 

第一日用，倒咗大約五毫子份量落化妝棉到抹塊面，抹完，張化妝棉一啲黃色都無，反而，有唔少黑色好似毛頭嘅物體黏住喺化妝棉上面。 

之後成日都喺到諗，唔通份量太少，所以抹唔走啲角質層?

第二日倒多啲，大約一蚊銀嘅份量，抹完依然淨係得啲黑色一粒粒好似啲毛頭喺物體，張化妝棉黃都唔黃。 

第三日醒咗，拎黎抹吓條頸，又OK喎，終於有微微黃色，嗰刻我先發現唔係我落得少，只係我塊面啲角質層比我想像中薄者，跟住拎塊黎抹下對手，依然乜都無，再拎塊黎叫姚太幫我抹背脊，吾… …比條頸黃啲，但同我想像中嘅黃仲有啲距離。

看來3M條"超微細纖維美肌沐浴巾"去角質層真係有效嘅，基本上我無乜點理我背脊，只係日日都用條"美肌沐浴巾"沖涼洗背脊，跟住搽吓Body lotion就算。

第一日用完枝"保濕專科化妝水"後，我無再搽其他護膚品，我屋企全日都開住冷氣，但塊面都keep住唔覺乾，效果ok；第二日照番平時咁搽番精華、保濕、美白，反而覺得有啲膩； 第三日減咗無用保濕產品，效果反而比之前嗰日ok。

用咗一星期，效果幾滿意，只係我依然唔明究竟黏咗喺化妝棉上類似毛頭嘅黑色物體係乜野，雖然一星期過去嗰啲毛頭狀物體愈來愈少，但有啲位依然一抹即刻黏咗唔少喺化妝棉到，究竟… …嗰啲係乜黎既呢?

平日慣咗用"菜瓜水"開"綠豆粉"，開完再當化妝水黎用，夏天的確ok，油光減少勁多，但到冬天就厭"菜瓜水"唔夠力，看來日後冬天會長用"保濕專科化妝水"，一來保濕效果keep得幾長時間，二來價錢好抵，$88已經有200ml。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4082 1 http://www.shizugi.hk/?p=4082 油拔法的親身經驗 http://feedproxy.google.com/~r/shizugi/~3/9WO10feMC4I/ http://www.shizugi.hk/?p=4064#comments Thu, 04 Aug 2011 19:42:16 +0000 Shizugi http://www.shizugi.hk/?p=4064 上月中睇嚴浩喺專欄"半畝田"一連幾日介紹"油拔法"。 睇完，再上網搵一吓有關oil pulling(油拔法)嘅資料，搵到有個英文網站(www.oilpulling.com)有詳細介紹油拔法。 

睇完晒覺得可以試下，就去超市買精煉葵花籽油(Refined sunflower oil)，行完大細"百雞"都搵唔到，後咪喺"惠康"左搵右搵先見到首選牌葵花籽油樽身後面有寫住"精煉"兩個字。

買咗未得閒試，就患上重感冒，睇過中醫兩三日就退燒，不過，左右耳都先後出現耳塞耳嗚問題。 中醫話耳塞係鼻水流咗入耳，耳嗚就係耳塞引起，總之，感冒清晒，過多一星期左右就自然無事。  

又要講下故，我十幾年前去旅行，一落機就耳塞，可以用嘅方法當時都試過，甚至打埋長途電話返香港搵我爸搵人求救，搵方法通耳仔，結果，去5日旅行就塞足3半日耳，所以，我絕對覺得唔止一個星期咁快就會通番。(當年同自己講過，如果搵唔到個有效對符耳塞既方法，唔會再搭飛機去旅行，依家good囉，12年後終於俾我搵到，我可以開始儲錢去下旅行啦!)

嗰日無啦啦坐喺到望見枝油，心諗既然耳鼻口相通，話唔定油拔法有用喎。

詳細內容就簡略，總之，第一日用完油拔法後無幾多個鐘，對耳開始傳黎啲"啪、啪聲"，啪足幾個鐘後，左耳通番，右耳耳嗚亦好番，不過，右耳耳塞未好番晒。 

啪足一日一夜，第二日繼續油拔法，跟住幾個鐘後右耳終於通埋。 

跟住第三、四、五、六日後，鼻水止晒、咳都無埋，甚至，連我無為意嘅疹都無晒。 一句講晒，好番晒。

由第一日開始油拔法後，一直中西藥都無食過，所以，可能係我身型夠壯，自我修復能力高，感冒自然好番。 

我要講講我啲疹，身體問題，近年出疹後一星期左右就會發燒，啲疹謝咗都好，啲印痕久久不退，哩次啲疹喺不知不覺間謝晒，仲要連印痕都無，所以，真係唔話係油拔法嘅功效真係唔得。

我試完，照住專欄下個email address寫咗封email俾嚴浩，報告一下俾佢知佢介紹嘅油拔法原來有醫感冒嘅特別效果，不過，我見其他專欄作家個email address好多都係哩個，所以，都唔知封email寄唔寄去到俾嚴浩。 

早幾日睇到蔣芸喺專欄"無為有時"寫咗篇"這就對了"，講嚴浩介紹哩個油拔法，話煙民用過油拔法後，效果一定會喜出望外。 睇到嗰日，我已經開始咗油拔法唔知三日定四日，即刻入廁所照下鏡望吓啲牙。

咖啡、茶、煙漬唔係話去洗牙洗幾次就會洗得甩，始終，除非完全戒晒有色嘅野，唔係，洗完再積，始終洗極都喺到。 而且，我都好似成兩年無洗過牙啦，不過，唔知係心理作用定乜，真係覺得啲牙白咗，係明顯白咗，而唔係白咗啲啲嗰種。

姚太見我試咗幾日，連耳塞都通番，佢就肯開始試吓，佢試咗三日，第四日朝無啦啦同我講"我隻牙明明鬆鬆地，牙肉開始有啲痛，唔知係咪心理作用呢，哩兩日好似無咁痛啦"。 

對油拔法有興趣嘅朋友可以去嚴浩專欄搵番12-17/07/2011、19-20/07/2011、25/07/2011、01/08/2011嘅文章黎睇。 

(惠康顯示首選牌葵花籽油2lb要近二百元一枝，我喺門市買，同樣係2lb裝，買嘅時候係五十五蚊內，我無為意當時佢係咪特價緊，但online買一定會貴過門市，而且，唔係咩太特別嘅油，2lb裝最多都係$110以下。)

都係嗰句，得唔得因人體質而言，而且，所有嘢都係要長期使用先會見效。 

FacebookPlurkTwitterGoogle ReaderTechnorati FavoritesFunPGoogle GmailWordPressGoogle BookmarksShare/Bookmark

相關文章
]]> http://www.shizugi.hk/?feed=rss2&p=4064 0 http://www.shizugi.hk/?p=4064