TV Series සිංහලෙන්

The Magicians Complete Season 01 Sinhala Subtitles

noreply@blogger.com (Anonymous) — Tue, 06 Jun 2017 21:15:00 +0000

ඉතින් ගොඩක් කාලෙකට පස්සේ මේ දෙන්න යන්නේ SyFy නාලිකාවේ විකාශය වෙච්ච The Magicians කියන කතා මාලාවේ පලවෙනි කතා සමයේ සිංහල උපසිරසි. ඔක්කොම උපසිරසි එකවර නිකුත් කරලා තියන නිසා එක දිගට බලන් යන්න පුළුවන්.

මේ කතා මාලාවට පදනම් වෙලා තියන්නේ ලෙව් ග්රොස්මන් කියන ලේඛකයා ලියපු The Magicians කියන නව කතාව. 2015 මැයි වල විකාශය වෙන්න පටන් ගත්ත මේ කතා මාලාව දැනට කතා සමයන් දෙකක් වෙනකම් විකාශය කරලා තියනවා. ඒ වගේම මේ කතා මාලාවේ සාර්ථකත්වය නිසාම SyFy නාලිකාව තුන්වෙනි කතා සමයකුත් ඊළඟ අව්රුද්දෙ විකාශය කරන්න තීරණය කරලා තියනවා. IMDB මීටරේ 7.5 කට කැරකෙච්චි මේ කතා මාලාව Drama, Fantasy, Horror විදියට තමයි වර්ගීකරණය කරලා තියන්නේ. කතා මාලාවේ ගොඩක් කතා PG-14 විදියට තම වර්ග කරලා තියන්නේ. ඒ කියන්නේ ඔයා අවරුදු 14න් පහල කෙනෙක් නම් මේ කතා මාලාව බලන්න සුදුසු නැහැ.

කතාව ගැන කෙටියෙන් කියනවා නම් ක්වන්ටින් කෝල්ඩ්වෝටර් ට පුළුවන් වෙනවා බ්රේක් බිල්ස් මයා පාසලට ඇතුලත් වෙන්න. නමුත් එයාගේ පොඩි කාලේ ඉදන් යාළුවා වුන ජුලියාට පුළුවන් වෙන්නේ නැහැ මේ පාසලට බඳවාගැනීමේ පරීක්ෂණයෙන් සමත් වෙන්න. ඒ නිසා ඇගේ බ්රෙක්බිල් සහ පරීක්ෂණය ගැන මතකයන් මකා දමන්න එයාල තීරණය කරනවා. එත් ජුලියා කොහොම හරි මේ ගැන හෝඩුවාවක් ඉතුරු කරගන්නවා. ඉතින් ඔය විදියට තමයි කතාව පටන් ගන්නේ.

එහෙනම් කතාව බලල හොද නරක comment එකකුත් දාල යන්න. ඊළඟ season එකත් අරන් ඉක්මනින් හමුවෙන්නම්.

ඉතිරිය කියවන්න »

Secret Circle Season 01 Episode 01 to 07 Sinhala Subtitle

noreply@blogger.com (Anonymous) — Fri, 23 Aug 2013 14:08:00 +0000

ඉතින් යාලුවනේ ෆේස් බුක් හරහා සහ මගේ ඊමේල් ලිපිනයට නිතර නිතර ලැබෙන පණිවුඩ නිසා ඔන්න මම තීරණය කළා මේ සීරිස් එකේ ඉතිරි සබ් ටිකත් පුලු පුලුවන් වෙලාවට ඔයාලට ලබාදෙන්න. දැනට පරණ ලින්ක්ස් වැඩ කරන්නේ නැති නිසා මෙතෙක් නිකුත් වූ සියලුම උපසිරසි ගොනු පහත සබැඳියෙන් ගන්න පුලුවන්. අනික් ටිකත් අරන් එනකම් අපිත් එක්ක රැඳී ඉන්න කියලා ආරාධනා කරනවා.

ඉතිරිය කියවන්න »

Assassin's Creed: Lineage Episode 03 Sinhala Subtitle

noreply@blogger.com (Anonymous) — Tue, 31 Jul 2012 23:06:00 +0000

ඇසසියන් ක්‍රීඩ් කතා මාලාවේ අවසන් කතාව තමයි මේක. කලින් කතා බැලුවේ නැත්නම් මෙතනින් පලවෙනි කතාවන් මෙතනින් දෙවෙනි කතාවත් බලන්න පුලුවන්. දෙවෙනි කොටස ඉවර උනේ අර ලියුමේ හොර කොපියක් හදපු තැනින්නේ. එතන ඉඳන් ඉතිරි කතාව තමා මේකේ තියන්නේ. කතාවේ අවසානෙදි ගේම් එකට හොඳ ආරම්භයකුත් දීල තියනවා. ඔයාලම බලන්නකෝ. මීඩියාෆයර් දාල තියන්නේ සිංහල උපසිරසිත් එක්කම. ඉතින් ඩවුන්ලෝඩ් කරන් බලන්න කියලා ආරාධනා කරනවා. දැන් සම්පූර්ණ කතාවම තියනවනේ. බාගන්න ගමන් ක‘මෙන්ට් එකකුත් දාල යන්න අමතක කරන්න එපා.
මම ඉතින් මෙතන පොඩියට ආරම්භ කරපු TV Series වලට සබ් දැමිල්ල දැන් කවුරුත් කරනවා. ඒක නම් හරිම හොඳයි. මටත් පුලුවන්නේ මහන්සියක් නැතුවම ඕවා ඩවුන්ලෝඩ් කරන් බලන්න. තව තව ශක්තිය ධෛර්යය ලැබෙන්න ඕනෙ. හොක් හොක්.
අපේ කට්ටියට ඕනෙ නම් සිංහල හඬ කවපු ටින් ටින් TV Series එක මට පුලුවන් දෙන්න. අර දකුණු අත පැත්තේ කෙලවරේ සිරස ලාංඡනේ එක්ක යූටියුබ් එකේ තියන ලෝ රෙසලුෂන් පට්ට චාටර් වීඩියෝ කෑලි ටික නෙමේ හොඳේ. මෙව්ව ඇවිල්ලා සිරස ලාංඡනේ නැති ඔරිජිනල් ඩුවල් ඕඩියෝ ඩීවීඩී රිප්. හෙහේ.. ඉතින් ඕනෙ නම් කියන්න. සැලකිය යුතු ප්‍රතිචාර ප්‍රමාණයක් තිබ්බොත් දෙන්නම්. මොකද මම නිකම් පණ දාගෙන අප්ලෝඩ් කරලා කවුරුවත් ගන්නේ නැත්නම් වැඩක් නෑනේ.. නේද?
හරි එහෙනම් Secret Circle අටවෙනි කොටසත් ඉක්මනටම දෙන පොරොන්දුව පිට මම යන්නම්.
ඉතිරිය කියවන්න »

Assassin's Creed: Lineage Episode 02 Sinhala Subtitle

noreply@blogger.com (Anonymous) — Tue, 31 Jul 2012 21:58:00 +0000

මේකේ පලවෙනි කොටස බලන්න ඇතිනේ. බැලුවේ නැති අය ඉන්නවා නම් මෙන්න මෙතනින් ගිහින් බලන්න. මතකනේ, මිලානෝ වල ආදිපාද තුමා ඝාතනය කලා. ඒත් එක්කම කුමන්ත්‍රණය ගැන හෝඩුවාවක් ජොවානිට හම්බුනා. එතනින් තමා කතාව ඉවර උනේ. ඉතින් එතන ඉඳන් කතාව සිංහල උපසිරසිත් එක්ක ඔන්න අද ගෙනත් තියෙනවා. කතාව පුලුවන් තරම් අඩු සයිස් කොපියක් අප්ලෝඩ් කරන්න උත්සාහ ගත්තා මම. ඩවුන්ලෝඩ් කරන්නත් ලේසියිනේ එතකොට.Secret Circle අටවෙනි කොටසත් ඉක්මනටම දෙන්නම්. ඒකේ තව ලයින් 100ක් වගේ තමා දාන්න තියන්නේ. වැඩි කතා ඕනෙ නෑනේ. පළවෙනි කොටස බලපු අය දන්නවා මේක හොඳ විත්තිය. ඔන්න තියනවා ලින්ක් එක. බාගන්නකෝ. බාගන්න ගමන් ක‘මෙන්ට් එකකුත් දාල යන්න අමතක කරන්න එපා.
ඉතිරිය කියවන්න »

Assassin's Creed: Lineage Episode 01 Sinhala Subtitle

noreply@blogger.com (Anonymous) — Fri, 06 Jul 2012 22:25:00 +0000

පහෙලාස්වන සියවසේ ඉතාලිය, පුනරුදය සිදුවූ වකවානුව මිනිස්සු පුනර්ජීවය ලැබූ කාලයක්. කොහොම උනත් කලයුතු නිවැරදි දේ පිළිබඳ දැක්මෙහි වර්ධනයක් වෙමින් තිබුනා. ඒ අතරේ එක්සත් ඉතාලිය විනාශ කිරීමටත්, බලවත් මෙඩිචි රාජවංශය පරාජය කිරීමටත් එක් දූෂිත පවුලක කුමන්ත්‍රණයක් සිදුවෙමින් තිබුනා. ඒත් පුරාණ ඇදහීම් අනුගමනය කරමින් තවමත් යුක්තිය වෙනුවෙන් සටන් කළ පිරිසක් ඉතිරිව හිටියා. ජොවානි ඔඩිටෝරි, අපේ කතාව පටන් ගන්නේ අන්න එතනින්...
ගේම් එක ගහපු ඕනෙ කෙනෙක් දන්නවා ඇතිනේ එත්සියෝ. අන්න එයගේ තාත්තා තමයි ජොවානි ඔඩිටෝරි කියන්නේ. මේ සීරිස් එකේ තියන්නේ එයාගේ කතාව. UBISOFT එකෙන් හදපු එකම ටීවී සීරිස් එක මේක. Assassin's Creed 2 ගේම් එකට පූර්විකාවක් විදියට තමා හදල තියන්නේ.
හ්ම්ම්ම්... ටීවී සීරිස් බල බලා ඉන්නකොට කතා තුනකින් ඉවර කරපු මිනි ටීවී සීරිස් එකක් හම්බුනා. ඉතින් චුට්ටි එකක් නිසා Secret Circle බලන අතරේ මේකටත් සබ් එකක් දාන්න හිතුවා. ඔන්න ඒක තමා මේ. බලන්නකෝ එහෙනම්. සබ් එකත් එක්ක කතාව ඔන්න මීඩියාෆයර් වලට දැම්මා. කට්ටිය කැමතියිනේ මීඩියාෆයර් ගන්න. ආ.. කියන්නත් බැරිඋනානේ.. කවුරුත් දන්නවනේ ෆිල්ම් වගේ දේවල් මීඩියාෆයර් දැම්මම ලින්ක් ඩිලීට් කරනවා. මගෙ ටිකිරි මොලේට කල්පනා උනා ඕකට සෝක් බේතක්. ෆයිල් එකේ නම සිංහලෙන් දැම්මම ඒවා හොයාගන්න බෑ. එතකොට ඩිලීට්වෙන්නේ නෑ. හොක් හොක්. කෝමද වැඩේ?
හරි හරි කතා ඇති. ඔන්න තියනවා ලින්ක් එක. බාගන්නකෝ. බාන ගමන් ඔය පහලින් තියන වීඩියෝ එකත් බලන්ට.
ඉතිරිය කියවන්න »

Secret Circle Season 01 Episode 07 Sinhala Subtitle

noreply@blogger.com (Anonymous) — Mon, 02 Jul 2012 15:54:00 +0000

හුඟක් කාලෙකට පස්සේ නේද? මොනා කරන්නද.. අධ්‍යාපන කටයුතු වලට මුල් තැන දෙන්න එපැයි. හරි ඒක කමක් නෑ. ඔන්න හත්වන කොටසටත් උපසිරසි දැම්මා ඉවරයක් ලැබුන ගමන්ම. කලින් කතා බලපු නැති කවුරුහරි ඉන්නවානම් පලමු කතාව මෙතනිනුත්, දෙවන කතාව මෙතනිනුත්, තුන්වන කතාව මෙතනිනුත් හතරවෙනි කතාව මෙතනිනුත් පස්වෙනි කතාව මෙතනිනුත් හයවෙනි කතාව මෙතනිනුත් බලන්න පුලුවන්.

කලින් කතාව මතක්කරනවා නම් නික්ගේ අයියා ජේක් ආවා, නික් මැරුණට පස්සේ. ජේක් කැසී එක්ක ඇතිකරගන්න යාලුකම ඇඩම්ට අල්ලන්නේ නෑ. ඉතින් ඇඩම් ජේක් එක්ක රණ්ඩු වෙනවා ඒකට. කොහොමින් කොහොම හරි අන්තිමට කතාව ඉවරවෙන්නේ ඩයනා ඇඩම් එක්ක තියන සම්බන්දේ නතර කරලා. ආ.. තව කැසීගේ අත්තම්මා පලිඟුව කැසීට දුන්නනේ. ඒකෙන් වැඩ දාන්න ගිහින් අන්තිමටම සිමොන්වත් මැරෙනවා.

හරි ඒක තමයි කලින් කතාව. ඉතින් මේ කතාවෙදි කැසී හැලෝවීන් උත්සවයක් තියන්න හදන්නේ. හැලෝවීන් කියන්නේ මලවුන්ගේ දවස සමරන එකට. අපේ රටේ නම් එහෙම එකක් නෑ ඉතින්. සැප්තැම්බර් පලවෙනිදා තමයි මම දන්න විදියට ඕක කරන්නේ. එක එක හොල්මන් වගේ ඇඳගෙන වෙස්මූණු දාගෙන මියගිය අය සමරන එක තමයි කරන්නේ. තව ඔය හොල්මන් ෆිල්ම් හෙම බලලා එදාට බය වෙනවලු.

ඉතින් කැසී ඔය උත්සවේ සංවිධානය කරන එකේ යටි අරමුණකුත් තියනවා. ඒත තමයි ඇඩම්වයි ඩයනවයි එකතු කරන එක. කැසීගේ වැඩේ හරියයිද, අන්තිමට වෙන්නේ මොකක්ද කියලා කතාව අරන්ම බලන්නකෝ.

ම්ම්ම්... අද ඉඳන් මම මීඩියාෆයර් අප්ලෝඩ් කරලා තමයි ලින්ක්ස් දෙන්නේ. මොකද අනුන්ගේ ලින්ක්ස් ගත්තම ඒවා හිටි ගමන් නැති වෙනවනේ.. හැක් හැක්. එතකොට කරදරයි. මේක මටත් ලේසියි. ඔයාලටත් ලේසියි. සබ් එකත් ඒකටම අමුනලා තියනවා. ඉතින් මම දෙන ලින්ක් එක ඩවුන්ලෝඩ් කරන අය සබ් එක වෙනම ගන්න ඕනෙත් නෑ.

නිවැරදි පරිවර්තනයක් හදාගන්න උදව් දීපු හෂාන් අයියට බොහොම ස්තුතියි. ඉතින් නිකම්ම උපසිරසිය අරන් යන්නේ නැතුව කමෙන්ට් එකක් දාලා හොඳ නරක අදහස් උදහස් කියලා යන්න කියලා ඉල්ලා හිටිනවා. ඒවා තමයි මට වටින්නේ. ඔයාල දන්නවනේ.

ඉතිරිය කියවන්න »

Fringe Complete Season 01, 02, 03 Download Links

noreply@blogger.com (Anonymous) — Thu, 31 May 2012 14:30:00 +0000

කමෙන්ට් වලදී කරලා තිබුන ඉල්ලීමක් නිසා ඔන්න Fringe සීසන් තුනකට 150MB ලින්ක්ස් අරන් ආවා. මේ ගැන කලින් මම විස්තරයක් ලිව්වනේ. බලපු නැති කෙනෙක් ඉන්නවා නම් මෙන්න මෙතනින් ගිහින් බලන්න. ඩවුන්ලෝඩ් කරගන්න නම් Internet Download Manager පිහිටුවා තියන්න ඕනෙ. Online බලන්නත් පුලුවන්. Season 2 එකේ තියන 11 වෙනි කතාව ඇත්තටම Season 1 එකේ 21 වෙනි කතාව වෙන්න ඕනෙ. ඒක Season 1 එකේදි පෙන්නන්න බැරිවුන නිසා Season 2 එකේදි තමා පෙන්නලා තියන්නේ. එහෙනම් බාගන්නකෝ. Season 4ත් ලඟදිම දෙන්නම්. ගැටලුවක් තියනවා නම් කමෙන්ට් එකක් විදියට දාලා යන්න. 

Season 1

Episod 01 

Episod 02

Episod 03

Episod 04

Episod 05

Episod 06

Episod 07

Episod 08

Episod 09 

Episod 10

Episod 11

Episod 12

Episod 13 

Episod 14

Episod 15

Episod 16

Episod 17

Episod 18

Episod 19

Episod 20

ඉතිරිය කියවන්න »

Secret Circle Season 01 Episode 06 Sinhala Subtitle

noreply@blogger.com (Anonymous) — Wed, 30 May 2012 12:30:00 +0000

කලින් කතා බලපු නැති අයට පලමු කතාව මෙතනිනුත්, දෙවන කතාව මෙතනිනුත්, තුන්වන කතාව මෙතනිනුත් හතරවෙනි කතාව මෙතනිනුත් පස්වෙනි කතාව මෙතනිනුත් බලන්න පුලුවන්.
ඉතින් මතකද කතාව? නික් මැරුණනේ. නික්ගේ මළගෙදර ගැන තමයි අද කතාව. නික් වෙනුවෙන් නික්ගේ මළගෙදර පවත්වන එක ඇඩම්ලගෙ ගෙදරින් ඒ කියන්නේ බෝට් හවුස් එකෙන් බාරගන්නවා. ඒත් නික්ගේ අයියා ජේක් තමන්ගේ මල්ලිගේ මළගෙදරට එන එකත් එක්ක හැමදේම කණපිට හැරෙනවා. ඔය අතරේ දැන් නික් වෙනුවට කවයට අයිති වෙන්නේ ජේක් බව කැසී එයාගෙ අත්තම්මගෙන් දැනගන්නවා. කතාවේ අන්තිමේදී ඩයනගේ ජීවිතෙත් අලුත් පිටුවක් පෙරලෙනවා. ඉතින් ජේක්ගේ කතාව සිංහල උපසිරසිත් එක්ක බලලම දැනගන්න කියලා හැමෝටම ආරාධනා කරන්නම්කෝ. ඩවුන්ලෝඩ් වෙන අතරේ ඔය පහල තියන වීඩියෝ එකත් බලන්නකෝ.
වෙනද වගේම ඩිරෙක්ට් ලින්ක් එකටයි ටොරන්ට් ෆයිල් වලටයි වෙන වෙනම උපසිරසි දාල තියන්නේ. මම නිර්දේශ කරන්නේ ඩිරෙක්ට් ලින්ක් එක. මොකද බර අඩුයි. දැනටමත් ටොරන්ට් වලින් කතාව ඩවුන්ලෝඩ් කරලා තියන අයට ඒකට හරියන උපසිරසිත් කියනවා.
උපසිරසි ගන්වද්දි හරිම අපහසුතාවයකට පත් උනේ. ඒ තමයි මරණයකින් පස්සේ පවත්වන wake කියන උත්සවේට සිංහලෙන් වචනයක් හොයාගන්න බැරිවෙච්ච එක. මොකද එහෙම උත්සවයක් අපේ සංස්කෘතියේ නැති නිසා එහෙම වචනෙකුත් නෑ මම දන්න තරමින්. අන්තිමේදි මලගෙය කියලා තමයි පරිවර්තනය කලේ. ඒක හරියන්නේ නෑ තමා. මොකද මළගෙදර නම් මිනිය තියන්න එපැයි. ඒත් wake කියන උත්සවේ තියන්නේ මිනිය වලදැම්මටත් පස්සේ. ඕකට හරියන සිංහල වචනයක් දන්න කෙනෙක් ඉන්නවනම් කියලා යන්න මටත් දැනගන්න එක්ක.
නිවැරදි පරිවර්තනයක් හදාගන්න උදව් දීපු හෂාන් අයියට බොහොම ස්තුතියි. ඉතින් නිකම්ම උපසිරසිය අරන් යන්නේ නැතුව කමෙන්ට් එකක් දාලා හොඳ නරක අදහස් උදහස් කියලා යන්න කියලා ඉල්ලා හිටිනවා. ඒවා තමයි මට වටින්නේ.
ප.ලි. - ඩිරෙක්ට් ලින්ක් ඉවත්කර ඇති බැවින් jumbofiles ලින්ක්ස් වලට යාවත්කාලීන කරන ලදී.
ඉතිරිය කියවන්න »

Secret Circle Season 01 Episode 05 Sinhala Subtitle

noreply@blogger.com (Anonymous) — Sat, 12 May 2012 00:42:00 +0000

කලින් කතා බලපු නැති අයට පලමු කතාව මෙතනිනුත්, දෙවන කතාව මෙතනිනුත්, තුන්වන කතාව මෙතනිනුත් හතරවෙනි කතාව මෙතනිනුත් බලන්න පුලුවන්. කලින් කතාවෙදි කැසී හෙදර් බාන්ස්ව හොයාගෙන ගියපු හැටිත්, හෙදර්ට කරල තිබුන මායාව ඉවත් කරන්න ෆේයි උදව් කරපු හැටිත් කට්ටියටම මතක ඇතිනේ. අන්තිමටම හෙදර් මැරුණා. කතාවේ අන්තිම ටික හොඳට බැලුවා නම් හෙදර්ට ආවේශ වෙලා හිටපු අමනුෂ්‍යයා මෙලීසාට ආවේශ වෙන හැටි බලන්න පුලුවන්. දැක්කෙ නැත්තන් ආයෙත් බලන්ට. ඉතින් එතන ඉඳන් කතාව තමයි පස්වන කොටසේ තියන්නේ.

මෙලීසගෙ හැසීරීම වෙනදට වඩා අමුතු බව මුලින්ම දැනෙන්නේ නික්ට. මොනා උනත් නික් මෙලීසට හැම දේටම උදව් කරනවා. ආදරේ අන්ධයි කියනවනේ. මෙලීසා අරන් එන්නේ අමුතුම ආරංචියක්. ඒ තමයි ඇගේ අඳුරු මායා පොත හම්බුනා කියන එක. ඒ අතරේ ඩයන සහ ඇඩම් එයාලගෙ ඈත් වෙච්ච සම්බන්ධතාවය ආයෙත් ගොඩ නඟාගන්න උත්සාහ කරනවා. අන්තිමටම හැමදේම වෙනස් වෙන්න ගත වෙන්නේ එක මොහොතක් විතරයි. කතාව ඩවුන්ලෝඩ් වෙන අතරේ ඔය පහල තියන වීඩියෝ එකත් බලන්නකෝ.

වෙනද වගේම ඩිරෙක්ට් ලින්ක් එකටයි ටොරන්ට් ෆයිල් දෙකකටයි වෙන වෙනම උපසිරසි දාල තියන්නේ. මම නිර්දේශ කරන්නේ ඩිරෙක්ට් ලින්ක් එක. මොකද බර අඩුයි. දැනටමත් ටොරන්ට් වලින් කතාව ඩවුන්ලෝඩ් කරලා තියන අයට ඒකට හරියන උපසිරසි 2කුත් කියනවා. WEB-DL කොපියට නම් උපසිරසි දැම්මේ නෑ. ඒකේ ටොරන්ට් එකේ සීඩර්ස්ලා නැහැ.

කතාවේ blood moon එහෙම නැත්නම් රක්ත පුර හඳ කියලා වචනයක් කියවෙනවා. ඇත්තටම රතු පාටට හඳ පායන දවස් තියනවලු. මම නම් ඒක දැනගත්තේ ඔය උපසිරසිය දාන්න ගිහිල්ලම තමයි. කැමති කට්ටිය විකිපීඩියා එකේ බලන්න. blood moon ගැන හොඳ විස්තරයක් ඒකේ තියනවා. ඉතින් නිකම්ම උපසිරසිය අරන් යන්නේ නැතුව හොඳ නරක කියලා කමෙන්ටුවක් දාල යන්න කියලත් ඉල්ලා සිටිනවා. හොඳ නරක ගල් මුල් ඕන දෙයක් බාර ගන්නවා.

ප.ලි. - ඩිරෙක්ට් ලින්ක් ඉවත්කර ඇති බැවින් jumbofiles ලින්ක්ස් වලට යාවත්කාලීන කරන ලදී.
ඉතිරිය කියවන්න »

Secret Circle Season 01 Episode 04 Sinhala Subtitle

noreply@blogger.com (Anonymous) — Sun, 29 Apr 2012 08:10:00 +0000

පහුගිය දවස් ටිකේ ගොඩ ගැහිලා තිබුන වැඩත් එක්ක උපසිරසිය ටිකක් ප්‍රමාද උනා. ගිය සති දෙකේ සයිට් කට ආපු හැමෝම ඒ ගැන සමාවෙන්න ඕනෙ. මොනා උනත් ඒ ඒ වැඩේට වැදගත්කම අනුව මුල් තැන දෙන්න එපැයි. හරි, කලින් කතා බලපු නැති අයට පලමු කතාව මෙතනිනුත්, දෙවන කතාව මෙතනිනුත්, තුන්වන කතාව මෙතනිනුත් බලන්න පුලුවන්. අන්තිමට උනේ මොකද කියලා මතක ඇතිනේ.

බෝට් යාඩ් එකේදි කැසීට සැක්රි ලාසන් කියලා මිනිහෙක් හම්බෙනවා. එයා කැසීගෙ පස්සෙන් පන්නනවා විතරක් නෙවෙයි, කැසීට බරපතල චෝදනාවකුත් කරනවා. ඒ තමයි කැසීගෙ අම්මා තමන්ගෙ පෙම්වතිය වෙන හෙදර් බාන්ස්ට මරණයටත් වඩා නරක දෙයක් කළා කියන එක. අන්තිමේදි කැසීව මරන්න එන සැක්රි ලාසන්ව මායා බලය පාවිච්චි කරලා පාලනය කරගන්න යාලුවො ටිකට පුලුවන් උනාට, හෙදර් බාන්ස්ට තමන්ගෙ අම්මා කරල තියන්නෙ මොකක්ද කියලා කැසීගෙ හිතේ ලොකු ප්‍රශ්ණයකුත් ඉතිරි කරලා තමයි කතාව ඉවර උනේ.

තමන්ගේ අම්මට ඔය වගේ බරපතල චෝදනාවක් කළාම ඉවසන්න පුලුවන් කාටද? ඒ නිසාම කැසී තීරණය කරනවා හෙදර් බාන්ස් හොයන්න. ඉතින් ඒ කතාව තමයි මේ කොටසෙදි දිගහැරෙන්නේ. පල්ලෙහා තියන වීඩියෝ එකත් බලලම ඉන්නකෝ. මේ කොටස ගැන දල අදහසක් ඒකෙන් ගන්න පුලුවන්.

වෙනද වගේම ඩිරෙක්ට් ලින්ක් එකටයි ටොරන්ට් ෆයිල් දෙකකටයි වෙන වෙනම උපසිරසි දාල තියන්නේ. ඒ කියන්නේ කාල දත්ත එකිනෙකට වෙනස් උපසිරසි ගොනු 3 ක් නිකුත් කරලා තියෙනවා. මම නිර්දේශ කරන්නේ ඩිරෙක්ට් ලින්ක් එක. මොකද බර අඩුයි. ටී.වී එකේ බලන අයට නම් ටොරන්ට් ෆයිල් ගන්න එක පහසුයි.

හැමදාම වගේ අදත් පරිවර්තන කටයුතු සාර්ථක කරගන්න බෝඩිමේ හෂාන් අයියගෙන් ලොකු සහයෝගයක් ලැබුනා. ඒ සම්බන්ධව ගොඩක් ස්තුතියි. නිකම්ම උපසිරසිය අරන් යන්නේ නැතුව හොඳ නරක කියලා කමෙන්ටුවක් දාල යන්න කියලත් ඉල්ලා සිටිනවා. ඔයගොල්ලන්ට මේක හදලා දීලා අන්තිමට මට ඉතුරු වෙන්නේ එච්චරයිනේ. හොඳ නරක ගල් මුල් ඕන දෙයක් බාර ගන්නවා.

ප.ලි. - ඩිරෙක්ට් ලින්ක් ඉවත්කර ඇති බැවින් jumbofiles ලින්ක්ස් වලට යාවත්කාලීන කරන ලදී.

ඉතිරිය කියවන්න »

Fringe Complete Season 01 Download Links

noreply@blogger.com (Anonymous) — Thu, 12 Apr 2012 23:30:00 +0000

කණගාටුවෙන් උනත් කියන්න වෙන්නෙ මේ සතියේ අවුරුදු වැඩත් එක්ක උපසිරසියක් දාගන්න වෙලාවක් තිබුනේ නෑ. ඉතින් එහෙමයි කියලා බ්ලොග් එක බලන්න ආපු ඔයාල හිස් අතින් යවන්නත් බැරි නිසා මම තවත් එක සුපිරි කතා මාලාවක Direct Download Links ටිකත් අරන් තමා ආවේ. වෙනද වගෙම තමා. ක්ලික් කරපු ගමන් බෑවෙනවා. ඇඩ් උඩ ක්ලික් කරකර ඉන්නයි, විනාඩි ගනන් බලන් ඉන්නයි අනං මනං මුකුත් නෑ. ඒ වගෙම Resume කරන්නත් පුලුවන්.

සාමාන්‍ය විද්‍යාවෙන් පැහැදිලි කරන්න බැරි සිදුවීමක් හෙවත් අසාමාන්‍ය FBI පරීක්‍ෂණ සම්බන්ධව කටයුතු කරන්නෙ Fringe කලාපය. බ්‍රොයිස්, එයා තමයි Fringe කලාපය භාරව ඉන්නේ. කතාවේ ප්‍රධාන චරිතය එහෙම නැත්නම් Fringe කලාපයේ හොඳම FBI නිලධාරිනිය ඔලීවියා දුනැම්. පරීක්‍ෂණ විසඳන්න හාවර්ඩ් විශ්ව විද්‍යාලයේ මහාචාර්ය වෝල්ටර් බිෂොප්, එයාගෙ පුතා පීටර් බිෂොප්, ඒ වගෙම විද්‍යාගාර සහයක ඇස්ට්‍රිඩ් කියන අයත් සහය වෙනවා. වෝල්ටර් කියන්නේ අමුතු චරිතයක්. ඒ වගේම ඉතා බුද්ධිමත්. ඒ බව ඔයාල කතාව බලනකොට තේරෙයි.

ඔය කිව්ව විදියට දවස ගානෙ සිදුකරන පරීක්‍ෂණ වලට අමතරව තවත් සිත් ඇදගන්නා කතාවක් යටින් යනවා. ඒ අපේ විශ්වයට සමාන්තර තවත් විශ්වයක් ගැන. කතා මාලාවෙ පැහැදිලි කරන විදියට සමාන්තර විශ්වයක් කියන්නෙ ත්‍රිමාණයෙන් ඔබ්බට ගිය තවත් මානයක් ඔස්සේ හරියටම අපේ විශ්වයට සමාන්තරව නිර්මාණය වූ විශ්වයක්. ඒ විශ්ව දෙක භෞතික වශයෙන් බොහෝ දුරට සමාන වෙන්න ඕනෙ. නමුත් ඒවයෙ ජීවත් වෙන මිනිස්සුන්ගේ එකිනෙකට වෙනස් තෝරාගැනීම් නිසා සුලු වෙනස්කම් වෙන්න පුලුවන්. උදාහරණයක් විදියට මමයි සමාන්තර විශ්වයක ඉන්න මගේ සංස්කරණයකුයි කරන්නෙ එකම ස්ථානයේ. නමුත් රැකියාව වෙනස්. ඒ වගේ. කතාවට මුල් වෙලා තියන්නෙ වෝල්ටර් අතින් වෙච්ච වැරැද්දක්. වෝල්ටර් තරුණ කාලේ මේ විශ්ව හරහා ගමන් කරන්න පුලුවන් ක්‍රමයක් නිර්මාණය කරනවා. ඒ එක්තරා යහපත් බලාපොරොත්තුවක් වෙනුවෙන්. නමුත් කරන වැඩේ නිසා විශ්වයේ පවතින ස්වභාවික සමතුලිතතාවය බිඳවැටෙන බව තේරුම් යනකොට වෝල්ටර් පරක්කු වැඩියි. හරියටම කියනවා නම් විශ්වයේ සිදුවන සෑම දෙයක්ම සිදුවෙන්නේ මොකක් හරි හේතුවකට. ස්වභාවිකව සිදුවන ක්‍රියාවලිය වෙනස් කරලා ස්වභාවධර්මයට අභියෝග කරන්න විද්‍යාව යොදාගන්න තැනැත්තට ස්වභාවධර්මයෙන්ම දඩුවම් ලැබෙනවා.

වෝල්ටර්ගේ බිරිඳට මොකද වුනේ? වෝල්ටර් විශ්ව හරහා ගමන් කරන තාක්ෂණයක් නිර්මාණය කරන්නේ ඇයි? පීටර් බිෂොප් කියන්නේ ඇත්තටම කවුද? මැසිව් ඩයිනමික් මඟින් ඔවුන්ට සඟවන රහස කුමක්ද? සමාන්තර විශ්ව අතර යුද්ධයක් ඇතිවුවොත් කුමක් වේද? මේවා දැනගන්න නම් කතාව බලන්නම වෙනවා...

ඉතිරිය කියවන්න »

Secret Circle Season 01 Episode 03 Sinhala Subtitle

noreply@blogger.com (Anonymous) — Fri, 06 Apr 2012 03:59:00 +0000

අද මේ උදේ පාන්දර හදිස්සියට දෙන්න හදන්නේ අපේ කතා මාලාවේ තුන්වන කොටස. ඊයෙ රෑ එලිවෙනකම් පරිවර්තනය කරලා ඔන්න දැන් ටිකකට කලින් තමා ඉවර උනේ. කලින් කොටස් බලපු නැති කවුරුවත් ඉන්නවා නම් පලවෙනි කොටස මෙන්න මෙතනිනුත් දෙවන කොටස මෙන්න මෙතනිනුත් අරන් බලන්න පුලුවන්. ෆේයිගේ අම්මා හෙන්රිව මරලා දාපු හැටිත්, ෆේයි තමන් අතින් වෙන්න ගියපු වැරැද්දෙන් නූලෙන් බේරුන හැටිත්, අවසානයේ සියලුමම දෙනා කවයට බැඳෙන්න එකඟ වුන හැටිත් මතක ඇතිනේ...

කවයට බැඳිච්ච ෆේයි පත්වෙන්නෙ හරිම අපහසුතාවයකට. මේ අතරේ සැක්රි ලාසන් කියන පුද්ගලයත් කැසී පස්සෙ පන්නන්න ගන්නවා. ඉතින් ඒ ගැන වැඩි විස්තර දැනගන්න නම් ඔයාලට මේ කොටසත් බලන්න වෙනවා.

උපසිරසියේ පේලි 700කට අධික සංඛ්‍යාවක් තිබුනා. අනික මේ අඩු සයිස් කොපියට හරියන උපසිරසියකුත් අන්තර්ජාලෙට තවමත් එක් කරලා තිබුනේ නෑ. ඉතින් ඊට ලඟින් යන උපසිරසියක් අරන් කාල දත්ත මුල ඉඳලම ආයෙත් හැදුවා. සතියක් ඇතුලත උපසිරසිය සම්පූර්ණ කරගන්න ඇත්තටම ලොකු කට්ටක් කන්න උනා. මේ සැරේ අනෙකුත් පිටපත් වලට (350MB කොපියට) උපසිරසි නිකුත් කරන්න බැරි වුනෙත් ඒකයි. වෙලාව තියන විදියට පස්සේ ඒකත් යාවත්කාලීන කරන්න බලන්නම්.

මේ සැරේ ඩිරෙක්ට් ලින්ක් එකෙයි ටොරන්ට් එකෙයි තියන්නේ එකම කොපිය. ටොරන්ට් එකේ පලවෙනි කොටසේ ඉඳන් පස්වන කොටස දක්වා ඔක්කොම තියනවා. තුන්වත කොටස පමණක් තෝරලා බාගන්න. මම නම් නිර්දේශ කරන්නේ ඩිරෙක්ට් ලින්ක් එකෙන් බාගන්න. කිසි කරදරයක් නෑ. ක්ලික් කර ගමන් බෑවෙනවා. නතර කරකර බාන්නත් පුලුවනි.

වැඩේ සාර්ථකව ඉවර කරගන්න බෝඩිමේ හෂාන් අයියගෙනුත් ලොකු සහයක් ලැබුනා. ඒ සම්බන්ධයෙන් ගොඩක් ස්තුතියි. නිකම්ම උපසිරසිය අරන් යන්නේ නැතුව හොඳ නරක කියලා කමෙන්ටුවක් දාල යන්න කියලත් ඉල්ලා සිටිනවා. මොකද ඉතින් මේ දේ සතියක් මහන්සි වෙලා කලයි කියලා මට ලැබෙන එකම දේ ඔයාලගෙ කමෙන්ට් එක විතරයි. ලබන සිකුරාදා නම් මට අවුරුදු නිවාඩු හේතුවෙන් ගෙදර යන්න වෙන හින්ද උපසිරසියක් නිකුත් කරන්න වෙන්නේ නෑ කියලා කණගාටුවෙන් උනත් කියන්න වෙනවා. ඒ වෙනුවට Fringe පලමු කතා මාලාවේ කොටස් 22ටම Direct Links දෙන්න බලාපොරොත්තු වෙනවා. එහෙනම් ඊලඟ සිකුරාදා හම්බෙමු. හැමෝටම සුභම සුභ අලුත් අවුරුද්දක්.

ඉතිරිය කියවන්න »

Secret Circle Season 01 Episode 02 Sinhala Subtitle

noreply@blogger.com (Anonymous) — Thu, 29 Mar 2012 22:15:00 +0000

කලින් කොටස මතක ඇතිනේ. බැලුවෙ නැත්නම් මෙන්න මෙතනින් අරගෙන බලන්න. කැසී බ්ලේක්ගේ අම්මගේ මරණයෙන් පස්සෙ ඇය තමන්ගෙ ආච්චි අම්මගේ ගෙදර පදිංචියට එනවා. අලුත් ඉස්කෝලෙදි ඩයනා, ඇඩම්, ෆේයි වගේ අලුත් යාලුවො හම්බෙනවා වගේම තමනුත් තමන්ගෙ යාලුවොත් අනෙක් අයගෙන් වෙනස් කියලත් කැසී දැනගන්නවා. ඒ වෙනස තමයි ඇය මායා කවයකට අයිති බව. ඇගේ තාත්තාගේ මරණයට හේතුවත් මේ අතරෙ ටිකෙන් ටික එලි වෙනවා. ඉතින් කලින් කතාවෙදි ෆේයි ඇතිකරපු කුණාටුව නතර කරගන්න බැරුව කැසී උදව් කරපු හැටිත්, කවයට බැඳෙන්න ඩයනා කරන ඉල්ලීමට කැසී අකමැති වුන හැටිත් මතක ඇකිනේ. කැසී තමන්ගෙ පවුලට අයිති මායා පොත හොයා ගන්න තැනින් තමයි කලින් කතාව ඉවර උනේ...

ඔන්න කතා මාලාවේ දෙවන කොටසත් සිංහල උපසිරසිත් එක්කම අරන් ආවා. ඇඩම්ගෙයි ඩයනගෙයි යාලුකමට ඩයනා මොන විදියට ප්‍රතිචාර දක්වයිද? ඉස්කෝලෙ විදුහල්පති, එහෙම නැත්නම් ෆේයිගේ අම්මා මොන වගේ කෙනෙක්ද? ඇඩම්ගේ තාත්තා කැසීට කියන්න හදන්නේ මොනවද? කැසී කවයට බැඳෙන්න කැමති වෙයිද? මේවට උත්තර හොයා ගන්න නම් කතාව බලන්නම වෙනවා.

ඩිරෙක්ට් ලින්ක් එකේ 150MB කොපියත් ටොරන්ට් ලින්ක් එකේ 350MB කොපියත් තියෙනවා. ඒ දෙකට වෙන වෙනම සබ් ෆයිල් දෙකකුත් නිකුත් කරලයි තියන්නේ. අමතර කට්ටක් උනත් සමහර ඩිරෙක්ට් ලින්ක් ටික කාලෙකින් නැතිවෙන හින්ද වැඩිපුරම සීඩ් තිබ්බ ටොරන්ට් කොපියටත් සබ් එක ආයෙත් හැදුවා. කොපි දෙකේම කොලිටියෙ නම් වෙනසක් නෑ.

මේ කතා මාලාව ඉවර වෙනකම් සබ් දාන්න කියලා මාව දිරිගන්වපු විකියා සහෝටත් බොහොම ස්තුතියි. තව දෙයක්, මේ දේ කරන්නෙ අන්තර්ජාලයට ගුණාත්මක යමක් එකතු කරලා සිංහල යුනිකේත සහ සිංහල භාෂාවට තැනක් ලබාදෙන හැඟීමෙන්. ඉතින් ඒ වෙන මහන්සිය සාර්ථකද කියලා වචනයක් දෙකක් සටහන් කරලා යන්නත් අමතක කරන්න එපා.

ඉතිරිය කියවන්න »

Secret Circle Season 01 Episode 01 Sinhala Subtitle

noreply@blogger.com (Anonymous) — Sun, 18 Mar 2012 19:18:00 +0000

දෛවයෙන් පලා යන්න ලේසි නැහැ. කැසී බ්ලේක්, පොඩි කාලෙදිම අනතුරක් නිසා ඇගේ තාත්ත නැති වෙලා. අවාසනාවන්ත විදියට එක්තරා දවසක ඇයට ඇගේ අම්මත් නැති වෙනවා. ඇය ඇගේ අත්තම්ම ලඟට යන්න තීරණය කරනවා. හැමදෙයක්ම වෙනස් වෙන්නෙ එතනින්.

TV Series බලන ඕනෙම කෙනෙක් Vampier Diaries නම් අනිවාර්යයෙන්ම බලලා ඇති. මොකද ඒක ඒ තරම්ම ලස්සන කතාවක්. Secret Circle කියන්නේ ඒ අයගෙ ඊලඟ නිර්මාණය. Vampier Diaries වගේම මේ කතා මාලාවත් ඉතාමත් විශිෂ්ඨ ගණයේ නිර්මාණයක් කිව්වොත් නිවැරදියි. ඒක ඔයාලට මේ කතා මාලාවේ පලවෙනි කතාංගය බලනකොටම තේරෙයි.

ඉතින් මේ කතා මාලාවටත් සිංහල උපසිරසි දෙන්න ඕන කියල හිතුවේ ඒ නිසා. මේ දීල තියෙන ලින්ක්ස් ඩිරෙක්ට් ලින්ක්ස්. Resume කරන්නත් පුලුවන් කිසි කරදරයක් නැතුවම. හැමෝටම ඩවුන්ලෝඩ් කරගෙන බලන්න කියලා ආරාධනා කරනවා. වැඩේ හොඳ නරක කියලා කමෙන්ට් එකක් දාලා යන්න අමතක කරන්න එපා.

ඉතිරිය කියවන්න »

Fringe Season 03 Episode 01 Sinhala Subtitle

noreply@blogger.com (Anonymous) — Sun, 18 Sep 2011 19:52:00 +0000

මගේ පලවෙනි උපසිරසි යෙදුම. එහෙම කිව්වට මේක පලවෙනි එකමත් නෙවෙයි. මීට කලින් මම Harry Potter 4 වෙනි කොටසට සිංහල උපසිරසි දැම්මා. ඒකත් පස්සෙ වෙලාවක පෝස්ට් එකක් දාන්න බැරියැ.

අද මේ පෝස්ට් එකෙන් ඔයාලට දෙන්නෙ Fringe තුන්වන කතා මාලාවේ පලවෙනි කතාංගය. මේ කතා මාලාව ලෝකයේ ඉතා ජනප්‍රිය වෙච්ච ඉහල Ratings ලබාගත්ත සුපිරි විද්‍යා ප්‍රබන්ධයක් කිව්වොත් නිවැරදියි. ජාතික රූපවාහිනියේ විකාශය වුන කවුරුත් ආසාවෙන් බලපු Spell Binder කතා මාලාව ඔයාලට මතක ඇතිනේ. අන්න ඒ කතා මාලාවේ වගේම මේකෙත් කතා කරන්නේ සමාන්තර විශ්ව ගැන. හැබැයි ඊට වඩා ගොඩක් ගැඹුරු විදියට.

මේ කතා මාලාවේ මුල් කතා මාලා දෙක බලලා තියෙන කෙනෙකුට නම් මේක තේරුම් ගන්න පහසුයි. ඒවා බාගන්න ලින්ක්ස් මම පස්සේ වෙනම පෝස්ට් එකකින් දෙන්නම්. වැඩි විස්තර නැතුව Download Links දෙන්නම්. වැඩේ හොඳ නරක කියලා කමෙන්ට් එකක් දාලා යන්න අමතක කරන්න එපා.

ඉතිරිය කියවන්න »

සිංහල උපසිරැසි FAQ

noreply@blogger.com (Anonymous) — Wed, 14 Sep 2011 06:06:00 +0000

සබ්ටයිටල් ෆයිල් එකක් කියන්නේ මොකක්ද?

සබ්ටයිටල් ෆයිල් එකක් කියන්නේ ඊට අදාල යම්කිසි වීඩියෝ පටයක් එක්ක සමකාලීනව ධාවනය වීමට සකසන ලද කාල දත්ත සහ උපසිරැසි දත්ත අඩංගු ගොනුවක්.

මේ උපසිරැසි ගොනු වල srt, ass, ssa, sub, txt, ttxt, aqt, dat, asc වගේ extension එකක් බොහෝ විට දකින්න ලැබෙනවා. මේවායිනුත් බොහෝ විට භාවිතා වෙන්නේ srt කියන extension එක තමයි. ඒකට හේතුව Sub Rip ගොනු හෙවත් srt ගොනු සරලයි. ගොඩක් player වල ධාවනය කරන්න පුලුවන්. srt ගොනුවකට වැය වෙන ඉඩ ප්‍රමාණය අඩුයි. ඒ වගේම Substation Alpha හෙවත් ssa ගොනුත් ටිකක් වැඩිපුර භාවිතා වෙනවා.

ඉතිරිය කියවන්න »