Solsticiu d'iviernu

Más sobre'l solsticiu d'iviernu: Yule

noreply@blogger.com (Solsticiu) — Wed, 22 Dec 2010 11:36:00 +0000

Yule yera la fiesta pagana por escelencia nel solsticiu d'iviernu na Europa xermánica, anque nun ye descartable qu'hubiere llegao a Asturies n'otros tiempos. Esta fiesta sustituyose darréu pola Navidá. La xente baillaba y cantaba al rodiu l'árbol de Yule (güei conocíu como árbol de navidá).

http://cantardeayalga.blogspot.com/2010/12/festividad-de-yule.html

Déxovos un videu perprestosu que fala d'esta fiesta pagana.

Solsticiu d'iviernu 2010

noreply@blogger.com (Solsticiu) — Tue, 21 Dec 2010 13:48:00 +0000

Güei a les 23:39 tien llugar el solsticiu d'iviernu nel hemisferiu norte.

Déxovos un par de semeyes del llagu Ausente d'esti domingu pasáu pa cellebrar el día más cortu del añu.

Sóbrenmos les perres (II)

noreply@blogger.com (Solsticiu) — Thu, 11 Nov 2010 20:05:00 +0000

¿Somos grandones, vamos sobraos ó somos tochos?
La resaca del temporal déxanos ésto:

Galicia:
El BNG pide al Gobierno ayudas para paliar los daños de ´Becky´

El portavoz del BNG en el Congreso, Francisco Jorquera, ha presentado una pregunta parlamentaria y una proposición no de ley en las que solicita al Gobierno la aprobación de una línea de ayudas para los ayuntamientos gallegos afectados por el temporal "Becky".
El BNG informó hoy en un comunicado de la conveniencia de estas ayudas en colaboración con los Ayuntamientos afectados para que puedan hacer frente a la reparación de los "cuantiosos daños materiales" provocados por el fuerte temporal en infraestructuras portuarias, paseos marítimos o playas, y que "no pueden asumir en un periodo de merma de ingresos por el contexto de crisis económica"...

Asturies:
El principado no arbitrará ayudas especiales

Ayer fue el día de la resaca de la borrasca en las localidades de la costa asturiana y algunos municipios comenzaron a hacer cuentas de los daños causados por el viento y la mar arbolada. Muchos ya reclaman ayuda para reparar los destrozos, pero el Principado no arbitrará ayudas especiales...

Si esto pasa en Andalucía diba falta-yos tiempu pa pedir perres

Sóbrenmos les perres

noreply@blogger.com (Solsticiu) — Thu, 11 Nov 2010 19:47:00 +0000

Nestos tiempos nos que tán toles obres entrampiaes, que cada día que pasa hai un nuevu retrasu de la variante y que tá previsto que malpenes apurran perres p'Asturies nel prósimu añu, Cataluña recibe 500 millones gracies al estatut.

La Disposición Adicional Tercera del Estatut establece que durante siete años la inversión del Estado en Cataluña en infraestructuras deberá equipararse al peso de la economía catalana en el PIB del conjunto del Estado, para corregir el déficit de inversión del Gobierno en la comunidad catalana en esta materia

Cada vez que José Blanco abre la bocona ye pa reíse de nós. Y nin gurgutiamos.

Manifestación escontra'l Papa

noreply@blogger.com (Solsticiu) — Mon, 08 Nov 2010 20:11:00 +0000

   Una manifestación escontra la visita del Papa tuvo llugar ayer pela mañana. Ente los convocantes taben Juventudes Socialistas, Mocedá d'IU ó Bloque por Asturies.
   El llema fue "No con mis impuestos". Entrugo yo, ¿Cuántes perres tiraes lleven toos estos años los gobiernos socialistes? ¿Dalguien vio una manifestación d'estos grupos escontra'l marafundiu de Muselones, Metrotrenes, Palaciu Xusticia de Xixón, HUCA, Laboral, TPA,...?

Otra entruga:
Si envede venir el Papa viniera l'imán de Al-Azhar, ¿Tamién diben manifestase?

El Neverón

noreply@blogger.com (Solsticiu) — Thu, 14 Oct 2010 18:41:00 +0000

Les semeyes son del 10/08/2010 y fíceles a pocos metros de la cima de la Torre la Párdida en Los Urrieles. Mirái el compañeru que paez al llau d'esa mole. Nun sé nin cómo echó valor pa baxar ehí... háilos que son como cabres.

¡Vaya cara que tienes!

noreply@blogger.com (Solsticiu) — Thu, 14 Oct 2010 18:25:00 +0000

Areces: Estoy satisfecho de haber sido útil a Asturias

Hai que tener valor pa decir esto...marches dexando una Asturies con una crisis más fondera que cuando llegaste, toles obres entrampiaes... nun cumpliste nengún plazu, empufástemos a toos col Muselón, Huca, Laboral, TPA, Metroten,... Y agora tienes los güevos d'emponderate tú solu.

¡Nun pudiste facelo peor, manín!

Alborecer en Niembru

noreply@blogger.com (Solsticiu) — Sun, 10 Oct 2010 23:00:00 +0000

Vista del Cuera ensín borrina dende'l guapu pueblu llaniscu de Niembru. La semeya fue tomada el 11/09/2010.

El Niemeyer y la pasarela

noreply@blogger.com (Solsticiu) — Sat, 09 Oct 2010 23:00:00 +0000

Podíemos deprender de los errores del pasáu y ser conservadores cola historia que tenemos. ¿Creeis que merez la pena esgociar un edificiu históricu como ye la antigua plaza del pescáu d'Avilés pa montar una pasarela pal Niemeyer, y amás ferruñosa?
Les semeyes amuesen cómo yera enantes y l'esgoncie que ficieron.

Un problema d'identidá

noreply@blogger.com (Solsticiu) — Fri, 08 Oct 2010 18:20:00 +0000

   ¿Y qué ye eso de la identidá? La identidá pue entendese como'l sentimientu de pertenencia qu'un individuu tien hacia sí mesmu o hacia un grupu o colectivu. Por eso aquelles persones qu'afirmen nun tener patria ó que son ciudadanos del mundu pue dicise que la so identidá ye consecuencia de la personalidá y non del entornu. Si perteneces a un colectivu con una identidá fuerte ye fácil que munches de les sos característiques seyan apurríes a ti y lo mesmo con una buena parte la xente d'esi colectivu.

   El pueblu asturianu tien una historia bien bayurosa y unos vezos que lu faen estremau a otros de la redolada y del estáu, pero nun se puede dicir que tenga una identidá fuerte, porque los sos miembros na so mayoría nun actúen baxo les característiques que definen a esti pueblu ó nun ponen en valor los rasgos que lu identifiquen como tal.

   Una forma cenciella de saber si un pueblu tien una identidá fuerte ye mirando si la xente que vien de fuera actúa según les costumes d'ési pueblu. Asina, por exemplu nel País Vascu ye fácil ver que los fíos de los inmigrantes llámense Asier ó Andoni. Si la xente foriata observa que los llariegos respeten, valoren y actúen según les costumes de la comunidá a la que pertenecen y amuesen con arguyu la so condición d'autóctonos, éllos tamién lo van facer. N'Asturies, el pensamientu xeneral cuando dalgún foriatu cuenta les grandeces del sitiu del que provién ye desfacese n'emponderaciones y pensar que lo nuestro ye una llaceria y nun tien importancia nenguna. ¿O nunca vistis a un vascu emponderar la so patria y a un asturianu esbabayase escuchándolu? (Y nun toi falando de grandonismu, toi falando d'identidá).

   Si miramos pa Europa como colectivu podría definise la so identidá como débil. Una Europa amenazada d'una forma clara pol islamismu más radical tendría de atayar el problema pela raíz y nun dar concesiones nesti sentíu. Tán en xuegu miles d'años de construción d'una comunidá avanzada y civilizada. Amás, la xente de los estremaos estaos d'Europa nun tienen una conciencia fuerte d'europeos. Éllos siéntense alemanes, franceses, españoles, asturianos,... Facía falta una conciencia más europeísta.

Xera, un grupu con personalidá

noreply@blogger.com (Solsticiu) — Sun, 22 Aug 2010 20:21:00 +0000

Bien por Xera. Yera hora de ver una evolución nel Folk asturianu. Ensín quitar méritu a toles bandes asturianes que faen perbién recuperando temes tradicionales y componiendo nuevos temes nel difícil mundu de la música, Xera son los que más presten. Arriesgáronse a apurrinos un soníu nuevu, distintu. Unes vegaes futurista, otres con un toque oscuru pero siempre ensín perder los raigaños asturianos. Sinceramente, nun paecen asturianos, sinon que paecen más bien una banda alemana.
Con permisu del mio collaciu Xosé Lluis, apúrrovos un vidiu que fue grabáu cuando los conocimos, nel conciertu de la oficialidá de 2005 n'Uviéu.

Asturies: un turismu de calidá

noreply@blogger.com (Solsticiu) — Sat, 14 Aug 2010 16:04:00 +0000

   Cuando falamos d'atraer turismu a cualisquier preciu podemos tar refiriéndonos al mediterrániu, pero cuando falamos d'atraer a un turismu probetayu, que nun mos va sacar de la ruina y enriba too despreciando lo nuestro tamos falando d'Asturies.
   L'otru día vi nun escaparate d'una turística tienda un cartel onde se lleía "Bollos preñados". Tamién tamos ya mui acostumbraos a les habituales "casadiellas". Y esta mañana escuché na radio un anunciu de la conseyería de mediu rural y pesca onde promocionaben el quesu de "Gamonedo" y decía algo asina como "prueba un trocito". Podemos siguir con una retafila d'exemplos d'esti estilu que mos demuestren el complexu y la vergoña que tenemos hacia lo nuestro.
   Cuando se trata d'traer turismu a costa de nun cuidar lo propio tamién tamos a la cabeza. Les semeyes que pongo mas abaxu de los Bufones de Pría enllenos de basoria y los coches aparcaos xusto per ente ellos son exemplos d'esto.
   Sobre'l conceptu de turismu de calidá que tienen los que mos gobiernen escribe un acertáu artículu el mio collaciu del blog Deploy to Nenyures.

Nota: Les semeyes tán sacaes el día 02/07/2010.

Prohibición de toros en Cataluña

noreply@blogger.com (Solsticiu) — Thu, 29 Jul 2010 14:00:00 +0000

Queda pernidio que la prohibición de toros en Cataluña básase nuna cuestión política (de nacionalismu si queremos ser más concretos). Darréu pongo dellos puntos que me gustaría comentar d'esti procesu chambón.

1. El mesmu partíu que declara los toros Bien d'Interés Cultural n'Andalucía prohíbelos en Cataluña. El maltratu animal ye maltratu en Cataluña y n'Andalucía. Con esto queda claro que nun-yos importen un res los animales, sinon que dependiendo de la tradición que haya nel sitiu ó la tradición qu'éllos quieran imponer, actúen d'una manera o de la contraria

2. En Canarias nun se prohibieron los toros como se tá diciendo perhí. Sacaron una llei de proteción d'animales que nun taba enfotada na prohibición de les corríes, pero fizo que éstes perdieren puxu. Aparte que d'aquella ya nun había muncha afición a esti espectáculu. Que tome nota Cataluña de cómo se pueden facer les coses ensín ser tan drásticos.

3. El "bou embolat" ó toru emboláu, ¿Nun ye maltratu? ¿L'animal nun sal mancáu nin sufre estrés? Xente garrándolu pel rau, el fueu cayéndo-y pel llombu... ¿Nun ye maltratu?

¿Decisión política o defensa del animal? Xulguen vustedes.

Asturies ye un país non caracterizáu pol maltratu a los animales, sinon tolo contrario, l'animal siempre se lu cuidó y valoró enforma por ser parte perimportante del dendolcu rural. Nun conozo yo festexu toda Asturies onde se-y "putee". Bien podíemos dar un pasín alantre pa dir dexando malos vezos, y amás importaos. Anque prefiero l'estilu canariu que'l catalán.

Hasta nunca Tini

noreply@blogger.com (Solsticiu) — Mon, 12 Jul 2010 14:00:00 +0000

Demientres nos años de bayura económica España espoxigaba, Asturies nun lo facía, la mocedá siguió emigrando y Asturies siempre a la cola'l paru. Areces nun solo nun supo facer espolletar les cuenques con toles perres que llegaron d'Europa, sinon que ayudó a empreses-chigre, talu ye'l casu de Venturo XXI, apurriéndo-yos perres asgaya persabiendo que nun yeren rentables. Tamién mos empufó pa munchos años creando sobrecostos en delles obres como El Musel, el HUCA o el Metroten. Subió impuestos, por exemplu l'impuestu de la gasolina fai que n'Asturies seya ésta de les más cares d'España. Y podemos siguir con una retafila de despropósitos y de midíes antisociales, antiasturianes y dalgunes de mui dudosa llegalidá.

Salíen ayer en La nueva España delles persones destacaes asturianes. Decíen coses como les vienen darréu:

«Creo que una de las características de la personalidad de Areces es su sensatez», opina la catedrática de Lengua Española de la Universidad de Oviedo Josefina Martínez. «Si pensó que había llegado el momento, aplaudo su decisión, apoyándole como he hecho siempre», sostiene. «Creo que su actuación en estos años ha sido muy buena, con más luces que sombras», añade.

«Ha sido, si no el mejor presidente de Asturias, el segundo mejor», matiza la periodista María Teresa Álvarez, sin revelar quién ocupa el lugar más alto del podio. «En Madrid me sentí siempre orgullosa de sus comparecencias públicas», confiesa. «Es un hombre dialogante, no sectario», cuenta.

Xente d'esta talla, con carrera, culturizaos, qu'imparten clases na universidá o que tienen un papel destacáu na opinión pública, ¿Cómo pueden tar tan cegaratos? Puedo entender que te preste el PSOE, o que refugues lo asturiano, o que te preste'l PP, o que combayes colos ecoloxistes, ¿Pero cómo puede una persona d'esta talla ver con buenos güeyos la xestión de Areces? En fin, los resultaos tán ehí y el día qu'esti home pase pelos xulgaos quedará en paz con Asturies.

Boicot Chupa Chups

noreply@blogger.com (Solsticiu) — Mon, 12 Jul 2010 13:55:00 +0000

Boicot Chupa Chups:

* Mentos mints
* Airheads fruit chews
* Frisk mints
* Fruittella chews
* Vigorsol gum
* Vivident gum
* Chlormint gum
* Happydent mint gum
* Golia gum, only sold in Spain
* Alpenliebe caramel chews
* Big Babol gum
* Meller caramel chews
* Brooklyn Chewing Gum
* Center Fresh gum in India
* Chupa Chups
* Smint

Fonte: http://deploytonenyures.blogspot.com/2010/07/boycott-disgusting-candy.html

Asturies nel Financial Times

noreply@blogger.com (Solsticiu) — Wed, 16 Jun 2010 20:42:00 +0000

Asoleya güei el Financial Times un artículu nel que rescampla la evolución d'Asturies d'una dómina industrial a la dómina d'anguaño, "venceyada a les nueves tecnoloxíes". Podéis velu pinchando equí.
Ya entainó l'idepa a tornalu al castellanu y dase autobombu. ¿De verdá piensen que les TIC formen un fitu económicu importante n'Asturies como pa destacalo?
Darreu pongo la tradución del articulu fecha pol Idepa:

Asturias: chimeneas y granjas dan paso a las Tecnologías de la Información.
Por Victor Mallet
El Principado de Asturias, una de las Comunidades Autónomas de menor extensión de España, es uno de los lugares con mayores contrastes en el paisaje de la Península Ibérica. En un momento se puede estar en una pintoresca villa pesquera que mira al golfo de Vizcaya o bien conduciendo a través de un empinado valle entre lagos montañosos. A continuación, uno se encuentra con una mina de carbón, o una inmensa planta de acero de ArcelorMittal de la que emerge vapor y humo. Asturias, no obstante, es más que una curiosa mezcla de pastos para el ganado e industria pesada. Una muestra de cómo la región está transformando su economía la encontramos en un almacén en el exterior de una planta de acero al norte de Gijón, donde secciones de torres de turbinas eólicas relucen frente al herrumbre de la fábrica mientras esperan su transporte y montaje en los numerosos parques eólicos españoles. Como otras partes del norte industrializado, Asturias, ha reducido de manera constante su dependencia de la industria pesada y la agricultura y ha fomentado la inversión en los sectores más novedosos de las tecnologías de la información y el turismo, así como la promoción de las empresas que aportan valor añadido al acero y carbón, sectores por los que la región es reconocida. Del carbón al ratón es slogan económico de la región. El punto de partida de esta transformación estuvo lejos de ser el ideal. Bajo las políticas autárquicas de Francisco Franco, el anterior dictador, la industria pesada en el Principado estaba bajo el control del Estado y no era competitiva internacionalmente, como quedó demostrado con la entrada de España en la Unión Europea en 1986. “Asturias fue el epítome de la crisis en los 80s y los 90s”, manifiesta Vicente Alvarez Areces, el presidente regional socialista durante los últimos 11 años. “Todos los sectores entraron en crisis al mismo tiempo, minería, construcción naval, agricultura e industria textil. Existía una gran conflictividad social. En 1999 Asturias contaba con la tasa de desempleo más alta de España. El cambio en la actualidad es obvio. Con un 16,6 % sobre la población activa, el desempleo es todavía elevado en relación a los estándares europeos, dato derivado en parte por la última recesión, pero es inferior a la media española, que cuenta con más de un 20%. En la antigua población industrial de Blimea y próximo a la línea de viviendas sociales de ladrillo rojo construídas para los trabajadores de la minería del carbón, se eleva un discordante y moderno edificio de cristal negro y azul donde el Corte Inglés, el gran conglomerado dedicado a la distribución, ha establecido una sede dedicada a su actividad de Tecnologías de la Información.
Allí, los 116 miembros del equipo - con una media de edad inferior a los 30 años- llevan a cabo trabajos de investigación y desarrollo, adaptan software SAP para sus clientes, transforman documentos a formato digital y prestan servicios de alojamiento de datos (hosting). Otra importante presencia en el ambito de las Tecnologías de la Información es CSC (Computer Sciences Corporation) de los EEUU, cuya implantación se asoció en un principio al grupo DuPont – un gran cliente que estableció una extensa planta en los años 90- pero que ahora presta servicio a clientes en toda Europa desde su centro en Asturias. Entre otras funciones, los 380 empleados controlan de forma remota las redes informática de las plantas de Renault. De nuevo, la media de edad es de sólo 32 años. Los inversores aprecian el alto nivel relativo de educación en Asturias, así como la adecuada infraestructura de transporte y comunicaciones y especialmente el bajo índice de rotación de personal. CSC afirma que la tasa de rotación es de aproximadamente un 5%, comparada con el 20% que existe en el sector TIC. El sector de las Tecnologías de la información y la comunicación comprende alrededor de 5.000 puestos de trabajo (más que los existentes en la minería del carbón), mientras que el número de trabajadores de la industria del acero se ha reducido a menos de un tercio de los 30.000 que alcanzó en los años 90. Pero los cambios en la economía no se han producido sólo en el sector servicios. “La industria pesada no ha desaparecido” afirma Graciano Torre González, Consejero de Industria de la región. “ArcelorMittal sigue siendo tremendamente importante”. La clave es desarrollar negocios que puedan utilizar el acero de una forma productiva. Belarmino Feito, fundador de Asturfeito, inició su negocio hace 21 años, en un pequeño taller de 40 m2. Hoy en día emplea a 150 trabajadores en una fábrica de 33.000 m2, centrado en el diseño y la fabricación de sistemas destinados a plantas de energía solar y otras fuentes de energía renovable, incluyendo la energía undimotriz. En la actualidad está construyendo – bajo los extremadamente rigurosas exigencias de los observadores astronómicos- las bases rotatorias y elevadores para un sistema de radio telescopio gigante que será instalado en Chile, el Atacama Large Millimeter Array o ALMA. En los viejos tiempos de la industria estatalizada, indica el Sr. Feito, “no existía especialización y las empresas no competían en el exterior. Sus clientes pertenecía a la misma zona. Pero hubo una gran reconversión industrial en los 80 y los 90”. El Sr. Torre coincide. “Se trata de una economía totalmente diferente”, señala. La crisis global y la recesión española que se han prolongado durante 7 trimestres consecutivos, han tenido un gran efecto aquí, como en el resto del país, ocasionando la pérdida de empleo y la reducción de pedidos y exportaciones. La austeridad presupuestaria significa, además, que los medios de los gobiernos centrales y regionales serán inevitablemente menos generosos que antes con las fondos para la promoción de las inversiones que han ayudado a modernizar la economia asturiana durante la pasada década. Aún así, ejecutivos de las empresas privadas y autoridades regionales aprecian signos esperanzadores, como el aumento en los índices de produción, que sugieren que quizás para la economía real lo peor haya pasado, especialmente para aquellos sectores centrados en los mercados internacionales.

“Estamos en un mundo globalizado” declara el Sr. Alvarez, presidente asturiano, al salir precisamente de una reunión con sus consejeros marcada por la ejecución de los planes de austeridad del gobierno central a nivel regional. “Nuestras empresas tienen que estar en China, México y donde quiera que haya negocio hoy en día”.

La política socialista: Déjà vu

noreply@blogger.com (Solsticiu) — Thu, 13 May 2010 20:03:00 +0000

   Que Asturies vive una crisis perpetua dende hai 30 años ya lo sabemos, y que la clase política asturiana vien sepultando el xorrecimientu d'esti país dende cuantayá tamién lo sabemos. Al empar, hai que tener bien afitao que fuera siempre fuimos ésos simpáticos y gayoleros del norte a los que podíen chuliar ensín que mos quexáremos un res. Años pasaron nos que'l socialismu español, más concretamente el "Felipismu", tratomos como ciudadanos de segunda o tercera. Coses que güei, col gobiernu de Zapatero, viénenme a la memoria como si tuviéremos sufriendo el mesmu procesu qu'antaño.


   Falo de coses tan evidentes como tar los últimos de la llista a la hora d'apurrir perres pa infraestructures pa desviales a otres comunidaes como Cataluña o Andalucía. Tampoco el campo asturianu se salva del frayamientu y va morriendo pocu a pocu (últimamente a marches forzaes) dende tiempos de Felipe González. El ex-presidente d'España iguó pa los suyos, esto ye los andaluces, un tratu diferencial respecto a otros, como por exemplu los asturianos. Fue el creador del PER (Plan de Empleo Rural), que tornándolo al nuestru idioma vien a ser una forma llegal de comprar votos. Flacu favor-yos fizo a los suyos, ya que güei el campo andaluz y estremeñu nun son especialmente bayurosos, amás de qu'esti plan siempre favoreció la folgazanería y rescampló la picaresca española no que al tracamudiu de contratos illegales se refier pa poder aprovechase de la sovención. En marzu pasáu, Zapatero firmó ampliar el PER por mor de les inundaciones. Ye la política de yo apurro el dinero, vosotros espurri-y el votu.

   Pero nestos casos cuenten muncho les intenciones y los resultaos. Les intenciones fueron da-y al campo andaluz un tratu favoratible mientres el campo asturianu sigue na más absoluta miseria. Lo que vien a continuación tuvo llugar la selmana pasada:

Decenas de ganaderos del Principado de Asturias protagonizaron hoy una protesta en Villaviciosa por la situación que atraviesan los profesionales del sector lácteo, ante las bajadas "injustificadas" del precio de la leche. Los ganaderos arrojaron a una escombrera 12.000 litros de leche, como señal de protesta ante lo que consideran una situación límite

La Nueva España


   Tocántenes al felipismu y a esa dómina llaceriosa apúrrovos un artículu mui interesante (tá n'inglés): http://deploytonenyures.blogspot.com/2010/05/europe-at-stake.html

Un panorama políticu borrosu

noreply@blogger.com (Solsticiu) — Wed, 05 May 2010 17:56:00 +0000

   Por primer vez n'Asturies toi dándome cuenta d'un fechu que camiento ye un indicador claru de que dalgo pue cambiar nel futuru políticu. Aquelles persones qu'hai escasamente dos años poníen la mano nel fueu y apostaben polos ésitos del gobienru socialista, güei, éses mismes persones son crítiques enforma col gobienru d'Areces y de Zapatero, y mui pesimistes en cuanto a que éstos señores puedan sacanos del furacu.

   Demientres l'asturianismu sigue falando de posibles xuntances, nengún de los voceros de los estremaos partíos se pronuncien al respectu y dende equí tengo la esperanza de que TOLOS partíos d'ámbitu asturianista s'aconceyen pa llegar a unos alcuerdos mínimos y poder facer frente al esfarrapamientu d'Asturies (cuando digo TOOS tamién me refiero a PAS y URAS por si dalgún tien duldies, y por supuesto nun toi metiendo al Bloque).

   Per otru llau, el PP asturianu sigue a uves. Nun-yos basta con qu'equí, nel norte los desfases y sobrecostos seyan inda más alarmantes que nel ya fediondu Mediterráneo. Nun-yos val con que'l casu del Palma Arena de J. Matas seya una caxigalina comparáu colos sobrecostos asturianos (Musel, HUCA, Metrotren,...). Éllos siguen con enguedeyos internos, que si a favor de Cascos o en contra. Talamente paecen del PSOE. Tá perclaro que a la xente de la cai nun-yos importa un res les sos maturrangues internes y que la mayoría votaría a Cascos enantes que a cualisquier otru de los qu'agora se baraxen.
Personalmente, ensín tener almiración nenguna por Cascos, sí que creo que pue dar una bocanada d'aire frescu al gobienru, y amás tengo la esperanza de qu'ayude a esmantelar esti chigre socialista pa que a la fin Areces y compañía pasen pelos xulgaos.

   Tornando al tema del entamu, lo que sí se güel ye que la xente tá mentalizándose de que'l PSOE nun ye la solución a los problemes. Mentantu, vamos esfrutar d'esta selmana de les lletres y reivindicar una vez más la oficialidá.

La estrella na bandera asturiana

noreply@blogger.com (Solsticiu) — Wed, 14 Apr 2010 17:45:00 +0000

   Siempre m'entrugo qué sentíu tien la estrella collorada que dalgunos colectivos y persones del ámbitu asturianu ponen dacuando na esquina superior izquierda de la bandera d'Asturies. La estrella collorada ye símbolu de socialismu dende que Engels y Marx la usaren na so simboloxía particular. Nel ámbitu asturianu, amás de representar a la izquierda, paez tener una connotación de "nacionalista". Y tá dafechamente estendío el nomatu de Asturina pente la xente que la reconoz.
   Lo que nun sé ye por qué a la bandera hai que da-y un sentíu políticu, como si la condición de nacionaliegu, asturianista, patriota asturianu o llámese como se quiera llamar fuese incompatible cola bandera asturiana de tola vida. Amás, a la asturina quitáron-y los símbolos de alfa y omega, que tan guapos me paecen. Pue entendese qu'otros movimientos como el galleguista caltengan una estrella pola ruindá de la so bandera, o que'l catalán tamién la tenga por aquello de que nun la vayan confundir cola bandera española. Lo que nun veo ye a la ikurriña con estrella bermeya. ¿Quier dicir esto que tolos vascos son nacionaliegos y nun fai falta inventar una bandera pa diferenciase ó que tienen más personalidá que'l movimientu nacionaliegu asturianu?
   En cualisquier casu queda claro que nun me presta la estrella na bandera asturiana porque nun mete nel mesmu sacu a toos aquellos que mos consideramos asturianistes. Y onde somos pocos, pa qué dividise.

Los artistes y los manifiestos

noreply@blogger.com (Solsticiu) — Wed, 17 Mar 2010 23:31:00 +0000

   El mundu del espectáculu en xeneral, y más en particular los agora nomaos "artistes" tán garrando puxu nesto de declarase "pro" y "anti". Lo cierto ye que tienen repercusión abondo nos medios, y éllos bien gayasperos acollechen confianza pa facer esa xera, que nun ye más que firmar un papelín o facer unes declaraciones dacuando, y de paso que influyen a una parte perimportante de la población, da-yos la publicidá que necesiten p'alendar.

   Lo que tá sintiéndose estos díes pelos medios son les declaraciones a favor y en contra de Cuba a consecuencia de la muerte de Orlando Zapata. El que abrió la espita fue Willy Toledo coles famoses declaraciones que veníen a dicir que Orlando yera un "delincuente común", y echándo-y de pasu un gabitu a la política internacional del país comunista. Ayeri enterámonos que Almodóvar, Víctor Manuel y Ana Belén ente otros firmen un manifiestu col envís de refugar la política cubana. A esti manifiestu súmense tamién dellos escritores y intelectuales españoles y latinoamericanos.

   Otru exemplu de salvadores de la patria y de autobombu protagonícenlu Buenafuente, Melendi o El Follonero ente otros cola campaña estosololoarreglamosentretodos.org onde-y echen un gabitu al gobienru y que mos vienen a dicir que toos somos responsables de solucionar la crisis. Y digo yo: ¿Entós pa que tá el gobienru? Amás, ¿Qué dirá toda esa xente empufada hasta las ceyes pa pagar un pisu y pa enriba tando en paru?

   ¿Vós de verdá pensáis que la política de la firma y el manifiestu val pa dalgo? Hasta que nun se faiga una política seria y atrevida dudo que por muncho que faigamos los ciudadanos valga pa daqué.

Saquemos tayada de la presión llingüística

noreply@blogger.com (Solsticiu) — Wed, 10 Mar 2010 23:04:00 +0000

   Depués de la buena noticia mos dio el TC col autu que mos da el drechu a dirixinos n'asturianu a la alministración gracies al recursu de Xurde Blanco, y de les declaraciones de Ana Cano pidiendo la oficialidá de la nuestra llingua, nun taría de más que l'únicu grupu nel gobienru asturianu que diz pedir abiertamente la oficialidá se manifestare nesti sen pa exercer la presión necesaria aprovechando esta oportunidá.

   D'una vez por toes, IU, dexaivos de medies tintes y tener personalidá o a lo menos un mínimu de respetu pa con toos aquellos que vos votaron.

Ensín pallabres...

noreply@blogger.com (Solsticiu) — Wed, 10 Mar 2010 22:33:00 +0000

IU sofita a Willy Toledo

   Aquelles declaraciones que'l perconocíu y polifacéticu "artista" Willy Toledo facía hai unos díes nes que dicía: "Orlando Zapata era un delincuente común" fueron sofitaes güei por IU en Xixón. Pamidea que s'aburren. ¿Nun tán meyor cola boca zarrada? Claro, ye que los viaxes de Churruca al país del dictador dan pa munchu y entós tienen que salir a combayar. Ye ablucante cómo cambien d'opinión según de que llau venga la dictadura... ¿Por qué nun gurgutien contra l'abellugu de terroristes d'ETA en Venezuela?
   Tamién aprovechen pa defender a Garzón, que tién enriba la mesa unes cuantes acusaciones por prevaricación...

   Lo dicho, Churruca & Cia tais meyor calladinos.

L'únicu país del mundu

noreply@blogger.com (Solsticiu) — Mon, 08 Mar 2010 23:03:00 +0000

L'únicu país del mundu onde...
... nun solo nun se promueve la cultura propia, sinon que se fai puxu a la ayena y desprestíxase la propia.
... la oposición nel gobienru nun solo nun gurgutia sinon que ye cómpliz de la dramática situación del país.
... desapaecen 250 millones d'euros y nun pasa nada y naide dimite (El Musel).

En cualisquier democracia del mundu, por muncho menos que robar 250 millones d'euros ya habríen xulgao, empezando por Areces y finando por Iglesias y Ovidio, a tolos miembros del gobienru. Pero n'Asturies tovía puén pasease como si nada glayando al altulalleva tolos llogros.

España al debalu nel control d'internet

noreply@blogger.com (Solsticiu) — Thu, 25 Feb 2010 23:04:00 +0000

Un gobienru que cede ante'l chantaxe y combaya colos nomaos "artistes" inorando la presión popular (ó presión social, que tantu-yos presta decir, anque nesti casu nun-yos convién). Porque ésos que s'enfoten en que son más artistes qu'un pintor, un escultor o un arquitectu son los que manden n'España. En manos de quién tamos...

Afálovos a lleer esti artículu pa que sepais de lo que toi falando:

http://bandaancha.eu/articulo/7124/deriva-extremista-presidencia-espanola-hacia-control-internet

P.D.: La semeya tá esbillada de cesargaliano.blogspot.com

Los sindicatos xueguen al despiste

noreply@blogger.com (Solsticiu) — Wed, 24 Feb 2010 18:57:00 +0000

UGT/CCOO/PSOE/IU salieron a la cai. ¿Imaxinais al PSOE glayando contra la so propia xestión? Home, abúltame un poquiñín retorcío pero ún siempre tien un migayín d'esperanza. Anque más bien lo que se vio reflexao fue el pactu que díes antes ficieron sindicatos y gobienru, que vien a ser como la omertá o pactu del silenciu. Nun protestaron pol paru. Lo que surdió fue una protesta polo qu'ellos llamen "el pensionazo". Debe ser que pol momentu, casi 5 millones de paraos tovía son pocos como pa manifestalo.

Como ye vezu, el llema principal taba en castellán. Tratándose del psoe encubiertu, ¿Qué esperabais?