ಸೋಮಾರಿ ಕಟ್ಟೆ

ಗಾಜಿನ ಲೋಟದಲ್ಲಿ ರಸ್ನಾ

noreply@blogger.com (???? ??????) — Sun, 6 Apr 2014 22:08:00 +0530

ಮಾರ್ಚಿ ತಿಂಗಳ ಶಾಲಾ ಪರೇಕ್ಷೆಗಳು ಮುಗಿದಾಗ ಶುರುವಾಗ್ತಿತ್ತು ನಮ್ಮಗಳ ಅಟ್ಟಹಾಸ. "ನಾಯಿಗೆ ನೆಲೆಯಿಲ್ಲಾ, ನಿಲ್ಲೋಕ್ಕೆ ಹೊತ್ತಿಲ್ಲ" ಅನ್ನೋ ಹಾಗೆ ನಮ್ಮ ಓಡಾಟ. ಪರೀಕ್ಷೆ ಮುಗಿಯುವವರೆಗೆ ಅಪ್ಪ ಅಮ್ಮನ ದಬ್ಬಾಳಿಕೆ ಸಹಿಸಿಕೊಂಡು ಈ ಎರಡು ತಿಂಗಳ ರಜೆಯಲ್ಲಿ ಸಾಕಷ್ಟು ಸೇಡು ತೀರಿಸಿಕೊಳ್ಳುವ ಇರಾದೆ.

ಬೇಸಿಗೆ ರಜೆ ಎಂದರೆ ರಸ್ನಾ ಕಾಲ. ಮನೆಯಲ್ಲಿ ರಸ್ನಾ ತಯಾರು ಮಾಡಿ ಬಾಟಲಲ್ಲಿ ಅದರ Concentrate ತುಂಬಿಡುವುದೆಂದರೆ ಅದೇನೋ ಸಂಭ್ರಮ ನಮಗೆ.

ತಿಂಗಳ ಶುರುವಿನಲ್ಲಿ ಮನೆಯ ದಿನಸಿಯ ಜೊತೆಗೆ ಒಂದು ಪ್ಯಾಕೆಟ್ ರಸ್ನಾ ಇರಲೇ ಬೇಕು. ಅದರಲ್ಲೂ ಈ ಬಾರಿ ಯಾವ ಫ್ಲೇವರ್ ತರುವುದು ಎಂದು ನನ್ನ ಹಾಗು ನನ್ನ ತಮ್ಮನ ಮಧ್ಯೆ ಮಾರಾಮಾರಿ.

ರಸ್ನಾ ಪ್ಯಾಕೆಟ್ ದಿನಸಿ ಜೊತೆ ಬಂದಾಗ, ತಯಾರು ಮಾಡಿ ಬಾಟಲಲ್ಲಿ ತುಂಬಿಡುವ ಕಾರ್ಯ ಅಪ್ಪನದು. ಪ್ರತೀ ಬಾರಿ ಮಾಡುವಾಗಲೂ ಪ್ಯಾಕೆಟ್ ಹಿಂದೆ ಬರೆದಿರುವ "ತಯಾರಿಸುವ ವಿಧಾನ"ವನ್ನು ಅಪ್ಪ ಓದುವುದು, ನಾವುಗಳು ಅದನ್ನು ಗಣಪತಿ ಹಬ್ಬದ "ಶ್ಯಮಂತೋಪಾಖ್ಯಾನ"ಕ್ಕಿಂತಲೂ ಶ್ರದ್ಧೆಯಿಂದ ಕೇಳುವುದು.
ನೀರಿಗೆ ಸಕ್ಕರೆ ಬೆರೆಸಿ, ಅದನ್ನು ಸೋಸಿ, ಅದರಲ್ಲಿ ರಸ್ನಾ ಪ್ಯಾಕೆಟ್ಟಿನಲ್ಲಿ ಕೊಟ್ಟಿರುವ ಪೌಡರ್ ಹಾಗು ಫ್ಲೇವರ್ ರಸವನ್ನು ಬೆರೆಸಿ ಕಲಕುವುದು. ಈ ಕಲಕುವ ಕೆಲಸ ಮಾಡಲು ಮತ್ತೊಮ್ಮೆ ನನ್ನ ಹಾಗು ನನ್ನ ತಮ್ಮನ ನಡುವೆ ಮಾರಾಮಾರಿ.

ಸರಿ, ತಯಾರಾಯ್ತು ರಸ್ನಾ. ಅದನ್ನು ಎರಡು ಬಾಟಲಲ್ಲಿ ತುಂಬಿತ್ತು ದಿನಾಲೂ ರೇಷನ್ ವಿಧಾನದ ಥರ ಕುಡಿಯುವುದು.
ಮಾಮೂಲಾಗಿ ಕುಡಿಯುತ್ತಿದ್ದದ್ದು ಸ್ಟೀಲ್ ಲೋಟದಲ್ಲಿ. ಆದರೆ, ಅದೇನೋ ಧನ್ಯತಾ ಭಾವ ಹಾಗು ಜೀವನದ ಸಾರ್ಥಕತೆ ಸಿಗುತ್ತಿದ್ದದ್ದು ಅಪರೂಪಕ್ಕೆ "ಗಾಜಿನ ಲೋಟದಲ್ಲಿ ರಸ್ನಾ" ಕುಡಿದಾಗಲೇ.

ಈಗ ಬೇಸಿಗೆ ರಜೆ ಇದೆ, ಆದರೆ ಈ ಸಂಭ್ರಮ ಇಲ್ಲಾ ಹಾಗು ಹೀಗೆ ಯಾರೂ ರಸ್ನಾ ಎಂಜಾಯ್ ಮಾಡೋದಿಲ್ಲಾ ಅನ್ಸುತ್ತೆ.

"ಐ ಲವ್ ಯೂ ರಸ್ನಾ"

-----------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಬರೆಯೋ ಧರ್ಮ ನಮ್ಮದು. ಅದರಿಂದ ಮನಸ್ಸಿಗೆ ನೋವಾದ್ರೆ ಅದನ್ನು ಸಹಿಸಿಕೊಳ್ಳಬೇಕು - ಗಿರೀಶ್ ಕಾರ್ನಾಡ್

noreply@blogger.com (???? ??????) — Sun, 22 Sep 2013 19:43:00 +0530

ಬರೆಯೋ ಧರ್ಮ ನಮ್ಮದು. ಅದರಿಂದ ಮನಸ್ಸಿಗೆ ನೋವಾದ್ರೆ ಅದನ್ನು ಸಹಿಸಿಕೊಳ್ಳಬೇಕು - ಹೀಗೆಂದು ಹೇಳಿದವರು ಜ್ಞಾನಪೀಠ ಪ್ರಶಸ್ತಿ ವಿಜೇತ ಬುದ್ಧಿಜೀವಿ, ಸನ್ಮಾನ್ಯ ಗಿರೀಶ್ ಕಾರ್ನಾಡ್ ಅವರು. ಲೇಖಕನಿಗೆ ಅಭಿವ್ಯಕ್ತಿ ಸ್ವಾತಂತ್ರ್ಯವಿದೆ ಎಂದು ಹೇಳುತ್ತಾ, ಹಿಂದೂ ಧರ್ಮದ ಎಲ್ಲಾ ವರ್ಗಗಳ ಜನರ ಪ್ರಿಯನಾದ ಗಣಪತಿಯನ್ನು ಅವಹೇಳನಕಾರಿಯಾಗಿ ಬಿಂಬಿಸಿರುವ "ಡುಂಢಿ"ಯ ಲೇಖಕ ಯೋಗೇಶ್ ಮಾಸ್ಟರ್ ವಿರುದ್ಧ ಇರುವ ಮೊಕದ್ದಮೆಯನ್ನು ವಾಪಸ್ ಪಡೆಯಬೇಕು, ಹಾಗು ನಾವು ಮನಸ್ಸಿಗೆ ನೋವು ಮಾಡುತ್ತೇವಯೇ ಹೊರತು ದೈಹಿಕ ನೋವನ್ನೇನೂ ನೀಡಿಲ್ಲ ಎಂದೂ ಹೇಳಿದ್ದಾರೆ.

So called ಜಾತ್ಯಾತೀತ ಬುದ್ಧಿಜೀವಿ ಕಾರ್ನಾಡರೇ, ಒಂದು ವೇಳೆ ಯಾರಾದರೂ ನೀವು ಓಲೈಸುವ ಅಲ್ಪಸಂಖ್ಯಾತರ ದೇವರ/ಧರ್ಮದ ವಿರುಧ್ಧ ಬರೆದು, ಅವರ ವಿರುದ್ಧ ಮೊಕದ್ದಮೆ ದಾಖಲಾಗಿದ್ದ ಪಕ್ಷದಲ್ಲಿ ಇದೇ ಮಾತು ಆಡುತ್ತಿದ್ದಿರೇನು ?
ಹೂಸಿದರೆ ಕೆಮ್ಮಿದರೆ ತಪ್ಪು, ಅವರಿಗೆ ಶಿಕ್ಷೆ ಕೊಡಿ ಎಂದು ತೀರ್ಮಾನ ಕೊಡುವ ಧಾರ್ಮಿಕ ಮುಖಂಡರಿಗೂ, ನಿಮಗೂ ಏನು ವ್ಯತ್ಯಾಸವಿದೆ ಸ್ವಾಮಿ?

ಇನ್ನು ನಿಮ್ಮ "ನಾವು ಮನಸ್ಸಿಗೆ ನೋವು ಮಾಡುತ್ತೇವಯೇ ಹೊರತು ದೈಹಿಕ ನೋವನ್ನೇನೂ ನೀಡಿಲ್ಲ" ಎನ್ನುವ ಮಾತಿನ ಅರ್ಥ ಏನು ಕಾರ್ನಾಡರೆ ?
ಮಾಸಲಾಗದಂಥ ಗುರುತು ಹಾಗು ಎಲ್ಲಾ ವರ್ಗದ ಜನರನ್ನೂ ಘಾಸಿಗೊಳಿಸುವುದು ಮನಸ್ಸಿಗೆ ನೋವುಂಟುಮಾಡುವ ಮಾತೇ ಹೊರತು ದೈಹಿಕ ಹೊಡೆತವಲ್ಲ. ನಿಮ್ಮಂಥ ಉತ್ತಮ ಬೌಧ್ಧಿಕ ಮಟ್ಟದ ಲೇಖಕರಿಗೆ ನನ್ನಂಥ ಪಾಮರನೊಬ್ಬ ಈ ವಿಚಾರ ಹೇಳಬಾರದು.

ನಮ್ಮ ದೇಶದಲ್ಲಿ ಈಗ ಕಪಟ ಜಾತ್ಯಾತೀತ (Pseudo Secular) ಜನರು ತೋರಿಕೆಗೋಸ್ಕರ, ಮತ್ತೊಂದು ರಾಜಕೀಯ ಪಕ್ಷದ ಓಲೈಕೆಗೋಸ್ಕರ ಹೀಗೆ ನುಡಿಮುತ್ತುಗಳನ್ನು ಉದುರಿಸುತ್ತಾರೆ. ತಾವು ಹೇಳಿದ ಹಾಗೆ ಬರೀ ಮನಸ್ಸಿಗೆ ನೋವುಂಟು ಮಾಡುವ ಮಾತುಗಳಿಂದಲೇ ವರ್ಷಾನುಗಟ್ಟಲೆ ಮಾಸದ ಹಾಗೆ ಕೋಮು ಸೌಹಾರ್ದತೆ ಮಾಯವಾಗುತ್ತದೆ.

ನಿಮ್ಮಂಥ ಜ್ಞಾನಿಯ ಬಾಯಿಂದ ಈ ತೆರನಾದ ಮಾತುಗಳು ಶೋಭಿಸುವುದಿಲ್ಲಾ !!

-----------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೧೪ - ಆಕಾಶವೆಂಬ ಅಂಗಳದಲ್ಲಿ

noreply@blogger.com (???? ??????) — Wed, 19 Sep 2012 21:20:00 +0530

ಸುಮಾರು ಎರಡು ವಾರಗಳ ಹಿಂದೆ ಆಫೀಸಿನಿಂದ ಮನೆಗೆ ಬರುವ ದಾರಿಯಲ್ಲಿ ಆಡುಗೋಡಿ ಬಳಿ ಕಂಡ ಆಟೋ ಇದು.

ಮನಸ್ಸಿಗೆ ತುಂಬಾ ಮುದ ನೀಡಿದ ಅಣಿಮುತ್ತುಗಳಲ್ಲಿ ಇದೂ ಒಂದು. ನಿಮಗೂ ಇಷ್ಟವಾಗುತ್ತದೆ ಎಂದು ಭಾವಿಸುತ್ತೇನೆ.

ಆಕಾಶವೆಂಬ ಅಂಗಳದಲ್ಲಿ ಹಕ್ಕಿಯಂತೆ ಹಾರಿ,

ಚುಕ್ಕಿಯಂತೆ ಮಿನುಗುವ ಅಕ್ಕರೆಯ

ಪ್ಯಾಸೆಂಜರ್-ಗೆ, ಸಕ್ಕರೆಯ ಶುಭಾಶಯಗಳು...

-------------------------------------------------------------------------------
ನಿಮ್ಮವನು,

ಕಟ್ಟೆ ಶಂಕ್ರ

ಜನರ ಮೊಬೈಲು ಫೋನು, ರಿಂಗ್ ಟೋನ್ ಹಾಗು ಸಂದರ್ಭಗಳು

noreply@blogger.com (???? ??????) — Sun, 16 Sep 2012 21:47:00 +0530

ಮೊಬೈಲು ಫೋನುಗಳ ಆಗಮನದಿಂದ ನಮ್ಮ ಜೀವನದಲ್ಲಿ ನಡೆವ ಆಭಾಸಗಳು ಹಲವಾರು. ಇದರಲ್ಲಿ ಕೇವಲ ಒಂದೇ ಒಂದು ಘಟನೆಯ ವ್ಯಾಖ್ಯೆ ಕೊಡ್ತಾ ಇದ್ದೀನಿ. ಕೆಲವು ಜನರು ಅತೀವ ಭಕ್ತಿಯ (???) ಪ್ರದರ್ಶನಕ್ಕಾಗಿ ತಮ್ಮ ಮೊಬೈಲು ಫೋನುಗಳಲ್ಲಿ ದೇವರ ನಾಮ, ಶ್ಲೋಕ, ಕೀರ್ತನೆಗಳನ್ನು ರಿಂಗ್-ಟೋನಾಗಿ ಅಳವಡಿಸಿಕೊಳ್ತಾರೆ. ಹಲವಾರು ಸಂದರ್ಭಗಳಲ್ಲಿ ಯಾವ ರೀತಿ ಆಭಾಸ ಉಂಟುಮಾಡುತ್ತದೆ ಎಂದರೆ, ಯಪ್ಪಾ!!!

೧. ಶೌಚಾಲಯದಲ್ಲಿ ದೇಹಬಾಧೆ ತೀರಿಸಿಕೊಳ್ಳಬೇಕಾದರೆ "ನಮಃ ಶಿವಾಯ ಓಂ ನಮಃ ಶಿವಾಯ, ಹರಹರ ಬೋಲೋ ನಮಃ ಶಿವಾಯ"

೨. ಬಾರಿನಲ್ಲಿ ಕಂಠಪೂರ್ತಿ ಕುಡಿಯುವಾಗ "ಓಂ ಸಾಯಿ ನಮೋ ನಮಃ, ಜೈ ಜೈ ಸಾಯಿ ನಮೋ ನಮಃ, ಸದ್ಗುರು ಸಾಯಿ ನಮೋ ನಮಃ..."

೩. ಹುಡುಗಿ ಜೊತೆ ಚೆಲ್ಲು ಚೆಲ್ಲಾಗಿ ಸಲ್ಲಾಪ ನಡೆಸುವಾಗ "ಗಣನಾಯಕಾಯ ಗಣದೆವತಾಯ ಗಣಾಧ್ಯಕ್ಷಾಯ ಧೀಮಹಿ..."

ಕೇವಲ ಈ ಮೂರು ಸಂದರ್ಭಗಳನ್ನು ಹೇಳಿದ್ದಕ್ಕೆ ಓದುವವರಿಗೆ ಯಾವ ರೀತಿಯಾಗಿ ಮುಜುಗರವಾಗಬಹುದು ಎಂದು ನನಗೆ ಗೊತ್ತು. ಆದರೂ ಕೂಡಾ ಇದನ್ನು ಬರೆಯುತ್ತಿರುವೆ. ನನ್ನ ವಿನಂತಿ ಇಷ್ಟೇ, ದೇವರ ಭಕ್ತಿ ಇರಲಿ. ಭಕ್ತಿ ಮನಸ್ಸಿನಲ್ಲಿ ಇರಬೇಕೆ ಹೊರತು ಇನ್ನೊಬ್ಬರ ಮುಂದೆ ಪ್ರದರ್ಶನಕ್ಕಾಗಿ ಅಲ್ಲ. ದಯವಿಟ್ಟು ದೇವರ ನಾಮ, ಶ್ಲೋಕ ಹಾಡುವ ಕೇಳುವ ಆಸೆ ಇದ್ದಾರೆ ನಿಯಮಬಧ್ಧ ವಾಗಿ ಹಾಡಿ/ಕೇಳಿ. ಊಟದ ತಿಂಡಿ ವಿಚಾರವಾಗಿ ಒಂದು ನಿಯಮ ಅನುಸರಿಸುವ ಜನರು ದೇವರ ನಾಮ/ಹಾಡಿನ ವಿಚಾರದಲ್ಲಿ ಯಾಕೆ ಇಷ್ಟು ಉದಾಸೀನ, ಉಡಾಫೆ ತೋರುತ್ತಾರೋ ಗೊತ್ತಿಲ್ಲ. ಇನ್ನು ಮುಂದಕ್ಕೆ ನಾನು ಬೇರೇನೂ ಹೇಳೋದಿಲ್ಲ.

---------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೧೩ - ಆಟೋನೇ ದೇವರು

noreply@blogger.com (???? ??????) — Fri, 14 Sep 2012 20:53:00 +0530

ನನ್ನ ಚಡ್ಡಿ ದೋಸ್ತ್ ಅರುಣ್ ಎಲ್ಲೋ ಸೆರೆಹಿಡಿದ ಆಟೋ ಅಣಿಮುತ್ತು. ತೆಗೆದ ತಕ್ಷಣ ನಂಗೆ ಮಿಂಚಂಚೆ ಕಳಿಸಿದ.

ಒಂಥರಾ ಚೆನ್ನಾಗಿದೆ ಈ ಅಣಿಮುತ್ತು.

ಆಟೋನೇ ದೇವರು....

"ಶಂಕ್ರಣ್ಣ" ನಮ್ಮ ಗುರು....

ನಿಯತ್ತೇ ನಮ್ಮ ಉಸಿರು...

ಜಾತಿ ಭೇದಾನೇ ಇಲ್ಲಾ ಗುರು...
--------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೧೨ - ಅಖಿರಥ್ ಬ್ಯಾಂಕ್ ???

noreply@blogger.com (???? ??????) — Thu, 13 Sep 2012 19:58:00 +0530

ಹೊಸದೊಂದು ಆಟೋ ಅಣಿಮುತ್ತು ಸುಮಾರು ದಿನಗಳಾಗಿದ್ದವು. ಕೇವಲ ಎರಡು ವರ್ಷಗಳ ಹಿಂದೆ ಹೊಚ್ಚ ಹೊಸ ಅಣಿಮುತ್ತುಗಳು ಕಾಣಸಿಗುತ್ತಿದ್ದವು. ನಾನು ಶೇಖರಿಸಿರುವ ಅಣಿಮುತ್ತುಗಳು ನೂರು ದಾಟಿದ್ದು, ದಾರಿಯಲ್ಲಿ ಆಟೋ ಹಿಂದೆ ಅಣಿಮುತ್ತು ಕಂಡರೆ ಇದು ನನ್ನ ಬಳಿ ಇದೆಯೋ ಇಲ್ವೋ ಅನ್ನೋ ಯೋಚನೆ ಶುರು ಆಗುತ್ತೆ. ಜೊತೆಗೆ ಎಲ್ಲಾ ಆಟೋ ಅಣ್ಣಂದಿರು ಅಣಿಮುತ್ತನ್ನು ಬರೆಸಲು ಶುರು ಮಾಡಿದ್ದಾರೆ. ಹೀಗಾಗಿ ಯಾವುದರ ಫೋಟೋ ತೆಗೆಯೋದು ಬಿಡೋದು ಅನ್ನೋ ದ್ವಂದ್ವ ಕಾಡುತ್ತಿದೆ.

ಇದು ಸುಮಾರು ಮೂರು ತಿಂಗಳ ಹಿಂದೆ ತೆಗೆದ ಚಿತ್ರ. ಇದರ ಅರ್ಥ ಇವತ್ತಿನ ವರೆರ್ಗೆ ನಂಗೆ ಗೊತ್ತಾಗಿಲ್ಲ. ನಿಮಗೆ ಗೊತ್ತಾದಲ್ಲಿ ದಯವಿಟ್ಟು ತಿಳಿಸಿ.

----------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೧೧ - ಮರೆಯಾಗಿ ಹೋದ ಪಾರಿವಾಳ

noreply@blogger.com (???? ??????) — Wed, 27 Jun 2012 23:23:00 +0530

ಬಹಳ ದಿನವಾದ ಮೇಲೆ ಮತ್ತೊಂದು ಅಣಿಮುತ್ತು ಹಾಕ್ತಾ ಇದ್ದೀನಿ. ಈ ಅಣಿಮುತ್ತಿನ ಸಂಖ್ಯೆಗೂ ಈ ಆಟೋ ಅಣ್ಣನ ಹೇಳಿಕೆಗೂ ಎಂಥಾ ಸ್ವಾಮ್ಯ ಇದೆ ಅಲ್ವೇ? ಈ ಫೋಟೋ ತೆಗೆದದ್ದು ಎಲ್ಲಿ ಅಂತಾ ಮರೆತುಹೋಗಿದೆ. ಅದೇನೋ ಬಿಡಿ ಪಾಪ, ಈ ಅಣ್ಣನ ಪಾರಿವಾಳ ಮರೆಯಾಗಿ ಹೋಯ್ತು ಅನ್ನೋ ದುಃಖದಲ್ಲಿ ಈತ ಇದ್ದಾನೆ. ಸುಮ್ನೆ ಕೇಳಿ ಮತ್ತೂ ಬೇಜಾರ್ ಮಾಡೋದು ಬೇಡ

ಕೋಟಿ ಕಣ್ಣುಗಳಿಗೆ ಮರೆಯಾಗಿ ಹೋದ ಪಾರಿವಾಳ

----------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೧೦ - I Feel Perfect

noreply@blogger.com (???? ??????) — Mon, 30 Apr 2012 14:35:00 +0530

ಮೊನ್ನೆ ಮೈಸೂರಿನಲ್ಲಿ ಕಂಡ ಆಟೋ ಇದು. ಈ ಅಣ್ಣನ್ನ ಟ್ರಾಫಿಕ್ ಪೋಲೀಸಿನವ್ರು ರಾತ್ರಿ ಹೊತ್ತು ಸರಿಯಾಗಿ ಕಾಡ್ತಾರೆ ಅನ್ಸುತ್ತೆ. ಅದೆಷ್ಟು ರಾಜಾರೋಷವಾಗಿ ಹಾಕಿದಾನೆ ನೋಡಿ.

Saw this autorickshaw in Mysore last week. This guy would be pestered by the traffic police a lot for D&D.

-------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೯ - ಮದ್ವೆ ಆಯ್ತದೆ

noreply@blogger.com (???? ??????) — Sat, 17 Mar 2012 10:17:00 +0530

ಹೊರದೇಶಗಳಿಂದ ಕನ್ನಡ ಬರದೆ ಇರುವ ಜನರು ನನ್ನ ಬ್ಲಾಗನ್ನು ನೋಡ್ತಾ ಇದಾರೆ. ಅವರ ಅನುಕೂಲಕ್ಕಾಗಿ ಈ ಬಾರಿಯಿಂದ ಇಂಗ್ಲಿಶ್ ಅವತರಣಿಕೆಯನ್ನು ಹಾಕ್ತಾ ಇದ್ದೀನಿ.

ಎರಡು ವಾರದ ಹಿಂದೆ ಮೈಸೂರಿಗೆ ಹೋಗಿದ್ದಾಗ, ಚಿಕ್ಕ ಮಾರ್ಕೆಟ್ ಸರ್ಕಲ್ಲಿನ ಜಟಕಾ ಸ್ಟಾಂಡ್ ಬಳಿ ರಾತ್ರಿ ಕಂಡ ಆಟೋ ಇದು. ಯಥಾ ಪ್ರಕಾರ, ನನ್ನಾಕೆಗೆ ಕಾರನ್ನು ಅದರ ಕಡೆ ತಿರುಗಿಸಲು ಹೇಳಿ, ಇಳಿದು ಆಟೋ ಅಣ್ಣನ ಅನುಮತಿ ಪಡೆದು ಫೋಟೋ ತೆಗೆದುಕೊಂಡೆ.

ತುಂಬಾ ನೋಡ್ಬೇಡಿ ಲೌ ಆಯ್ತದೆ

ಹೂವ ಕೊಡ್ಬೇಡಿ ಮದ್ವೆ ಆಯ್ತದೆ.

Saw this auto rickshaw in Mysore during my visit two weeks ago. Spotted near the Small Market circle. As usual, I asked my wife to take the car there, stopped, got out and took the photo after getting a nod from the auto driver. Can be better translated as,

Do not look at me so much, there would be love,

Do not give me flower, we might get married.

-----------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ (Shankar)

ಆಟೋ ಅಣಿಮುತ್ತುಗಳು - ೧೦೮ - ಬದುಕುವುದರಲ್ಲಿ ಮಜಾ ಇಲ್ಲದವರು

noreply@blogger.com (???? ??????) — Fri, 13 Jan 2012 18:30:00 +0530

ಸುಮಾರು ದಿನಗಳ ಹಿಂದೆ, ಸೆಂಟ್ ಜಾನ್ಸ್ ಸಿಗ್ನಲ್ ಬಳಿ ಕಂಡ ಆಟೋ ಇದು.
ಈ ಅಣ್ಣ ಹೀಗೇಕೆ ಹೇಳಿದ ಅಂತಾ ಅರ್ಥ ಅಗ್ತಾ ಇಲ್ಲ. ಜೀವನದ ಮೇಲೆ ಆಸೆ ಇಲ್ಲದಿರುವರನ್ನು ಅಂತಾ ಹೇಳಬಹುದಿತ್ತು.
ಈ ಅಣ್ಣ ಕೂಡಾ ಸಿಕ್ಕಾಪಟ್ಟೆ ವೇಗವಾಗಿ ಗಾಡಿ ಓಡಿಸುವರಲ್ಲಿ ಒಬ್ಬನಿರಬೇಕು. ಅದಕ್ಕೆ ಇಲ್ದೆ ಇರೋ ಬಿಲ್ದಪ್ ಕೊಡ್ತಾ ಇದಾನೆ.

ಬದುಕುವುದರಲ್ಲಿ ಯಾವುದೇ ಮಜಾ ಇಲ್ಲಾ ಎಂದು
ಭಾವಿಸುವವರಿಗೆ ವೇಗವಾಗಿ ವಾಹನ ಓಡಿಸುವ ಚಾಲಕರು ಎನ್ನಬಹುದು

---------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೭ - ಅಮ್ಮಾ ಎನ್ನಲು ಕೋಟಿ ಪುಣ್ಯವೋ

noreply@blogger.com (???? ??????) — Tue, 27 Dec 2011 08:55:00 +0530

ತಂದೆ ತಾಯಿ ಆಶೀರ್ವಾದ, ಅಣ್ಣನ ಕಾಣಿಕೆ, ಸ್ನೇಹಿತನ ಪ್ರೋತ್ಸಾಹ... ಇತ್ಯಾದಿ ಅಣಿಮುತ್ತುಗಳನ್ನ ಬಹಳಷ್ಟು ನೋಡಿದೀವಿ.

ಕೆಲವು ದಿನಗಳ ಹಿಂದೆ ನನ್ನ ಕಣ್ಣಿಗೆ ಬಿದ್ದ ಅಣಿಮುತ್ತು ಇದು.

ಪ್ರಾಯಶಃ ತಾಯಿ ಮೇಲೆ ಅಪಾರ ಗೌರವ ಇರುವ ಹಾಗು ಅಣ್ಣಾವ್ರು ಹಾಗು ಶಂಕ್ರಣ್ಣ ನಟಿಸಿರುವ ಅಪೂರ್ವ ಸಂಗಮ ಚಿತ್ರದ

ಹಾಡಿನಿಂದ ಸ್ಫೂರ್ತಿಗೊಂಡಿರುವ ಆಟೋ ಅಣ್ಣ ಅನ್ಸುತ್ತೆ.

ಅಮ್ಮ ಎನ್ನಲು, ಕೋಟಿ ಪುಣ್ಯವೋ

ಅವಳ ತ್ಯಾಗಕೆ, ಸಾಟಿ ಇಲ್ಲವೋ

ಪಕ್ಕದಲ್ಲಿ ಪಾಗಲ್ ಅನ್ನುವ ಸ್ಟಿಕ್ಕರ್ ತೆಗೆದು ಹಾಕಿರುವ ಕುರುಹು ಕಾಣ್ತಾ ಇದೆ, ಪರವಾಗಿಲ್ಲಾ. ಎಲ್ರೂ ಒಂದಲ್ಲಾ ಒಂದು ರೀತಿಯ ಪಾಗಲ್ ಗಳು, ಅಲ್ವೇ?

---------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೬ - ಹೀಗೂ ಉಂಟೇ ?

noreply@blogger.com (???? ??????) — Sun, 4 Dec 2011 21:30:00 +0530

ಬಹಳ ದಿನಗಳಾದ ಮೇಲೆ ಬ್ಲಾಗಿನಲ್ಲಿ ಮತ್ತೊಂದು ಅಣಿಮುತ್ತನ್ನು ಹಾಕ್ತಾ ಇದೀನಿ.

ಇವತ್ತು ನನ್ನ ಆತ್ಮೀಯ ಮಿತ್ರನ ನಿಶ್ಚಿತಾರ್ಥ ಇತ್ತು. ಕಾರನ್ನು ನಿಲ್ಸಿ ಇಳೀತಿದ್ದ ಹಾಗೆ ಎದುರು ನಿಂತ ಆಟೋ ಹಿಂದೆ ಈ ಅಣಿಮುತ್ತು ಕಂಡಿತು. ಇವತ್ತಿನ ವರೆಗೆ ನಾನು ಕಂಡ ಅತ್ಯಂತ ವಿಚಿತ್ರವಾದ ಬೆರಳೇಣಿಕೆಯ ಅಣಿಮುತ್ತುಗಳಲ್ಲಿ ಇದೂ ಒಂದು. ನೀವೇ ನೋಡಿ.

ನನ್ನ ಗಂಡ ಓಡುಸ್ತಾನೆ ಬಸ್ ನಾ..
ನಾನ್ ಓಡುಸ್ತೀನಿ ಆಕ್ಟೀವ್ ಹೋಂಡಾನಾ..
ನನ್ ಮಗಳು ಓಡುಸ್ಕೊಂಡು ಓದ್ಲು ಆಟೋ ಡ್ರೈವರ್ ನಾ..
ಹೀಗೂ ಉಂಟೇ ?
---------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಮರಿತಿಮ್ಮ !!

noreply@blogger.com (???? ??????) — Sun, 11 Sep 2011 00:47:00 +0530

ಬಹಳ ದಿನಗಳಾದ ಮೇಲೆ ಬ್ಲಾಗಿನ ಒಳಗೆ ಕಾಲು ಇಡ್ತಾ ಇದೀನಿ.

ಇತ್ತೀಚಿಗೆ ಬ್ಲಾಗಿಗೆ ಬಂದು ಬರೆದು ಪ್ರಕಟ ಮಾಡೋದಕ್ಕೆ ಸಮಯ ಸಾಕಾಗುತ್ತಿಲ್ಲಾ.

ಅದು ಬಿಡಿ, ನನ್ನ ಮಿತ್ರ ಸಚಿನ್ ಇಟಲಿಯ ವೆನಿಸ್ ನಗರಕ್ಕೆ ಹೋದಾಗ ಆತನ ಕಣ್ಣಿಗೆ "ಮರಿತಿಮ್ಮ" ಕಂಡ. ಕೂಡಲೆ ಕ್ಲಿಕ್ಕಿಸಿದ, ನನಗೆ ಕಳಿಸಿದ. ಡಿವಿಜಿ ಅಥವಾ ಬೀಚಿ ಇದ್ದಿದ್ದರೆ ಖುಷಿ ಪಡ್ತಿದ್ದರೇನೋ ಏನೋ.. ನೀವೂ ನೋಡಿ ಖುಷಿ ಪಡಿ.

ಹೆಂಗೆ ??

-------------------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೫ - ಲೇ ನಿಧಾನ್ಕಲ್ಲಾ

noreply@blogger.com (???? ??????) — Tue, 28 Jun 2011 14:05:00 +0530

ಇನ್ನೊಂದು ಸಂತೋಷದ ಸುದ್ಧಿ. ಕಳೆದ ವಾರದ ಮಧ್ಯದಲ್ಲಿ ಸೋಮಾರಿ ಕಟ್ಟೆಗೆ ಇವತ್ತಿನ ತನಕ ಭೇಟಿ ಕೊಟ್ಟವರ ಸಂಖ್ಯೆ 70,000 (ಎಪ್ಪತ್ತು ಸಾವಿರ) ದಾಟಿತು. ಕಟ್ಟೆ ಕಟ್ಟಿ, ನೀರೆರೆದು ನೆರವಾದ ಎಲ್ಲರಿಗೂ ಹೃದಯಪೂರ್ವಕ ಧನ್ಯವಾದಗಳು.

ಕೆಲವು ದಿನಗಳ ಹಿಂದೆ ಇಂದಿರಾನಗರದಲ್ಲಿ ಕಂಡ ಆಟೋ ಇದು.
ಮಂಡ್ಯದ ಮಾನವ ಈ ಆಟೋ ಅಣ್ಣ ಅನ್ಸುತ್ತೆ.

ಲೇ.... ನಿಧಾನ್ಕಲ್ಲಾ
-----------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಇನ್ನೊಂದು ರುಪಾಯಿ ಕೊಡಪ್ಪಾ....

noreply@blogger.com (???? ??????) — Mon, 20 Jun 2011 20:39:00 +0530

ನಾನು : ಅಪ್ಪಾ, ಹೆಂಗೂ ಐದು ರುಪಾಯಿ ಕೊಟ್ಟಿದೀಯ, ಇನ್ನೊಂದು ರುಪಾಯಿ ಕೊಡಪ್ಪಾ..

ಅಪ್ಪ : ನಿಂಗೆ ಐದು ರುಪಾಯಿ ಕೊಟ್ಟಿದ್ದೆ ಜಾಸ್ತಿ, ಇನ್ಯಾಕೆ ಇನ್ನೊಂದು ರುಪಾಯಿ ?

ನಾನು : ನೀನು ಎರಡು ರುಪಾಯಿದು ತಗೋ ಅಂದೆ, ಆದ್ರೆ ಮೂರು ರುಪಾಯಿಗೆ ಇನ್ನೂ ಸ್ವಲ್ಪ ಜಾಸ್ತಿ ದೊಡ್ದು ಸಿಗತ್ತೆ. ಎರಡು ರುಪಾಯಿದು ಚಿಕ್ದು ಅಪ್ಪಾ, ಮೂರು ರುಪಾಯ್ದು ತಗೋತೀನಿ.. ಪ್ಲೀಸಪ್ಪಾ

ಅಪ್ಪ : ಸಾಕು ಕಣೋ, ಒಂದು ವಾರ ಉಪಯೋಗುಸ್ತ್ಯಾ ಆಮೇಲೆ ಹರ್ದೊಗತ್ತೆ. ಅದಕ್ಯಾಕೆ ಸುಮ್ನೆ ಒಂದು ರುಪಾಯ್ ವೇಸ್ಟ್ ಮಾಡ್ತೀಯ? ಸಾಕು ಬಿಡೋ.

ಏನೇ ತಿಪ್ಪರಲಾಗ ಹಾಕುದ್ರೂ ನಮ್ಮಪ್ಪನಿಂದ ಒಂದು ರುಪಾಯಿ ಗಿಟ್ಟಿಸೋದು ಅಸಾಧ್ಯ ಅಂತ ಗೊತ್ತಾಗಿ, ಅಮ್ಮನ ಹತ್ರ ಓಡು.

ನಾನು : ಅಮ್ಮಾ, ಇನ್ನೊಂದು ರುಪಾಯಿ ಕೊಡಮ್ಮಾ....

ಅಮ್ಮ : ಇಲ್ಲಾ ನನ್ಹತ್ರಾ, ಸುಮ್ನೆ ತಲೆ ತಿನ್ಬೇಡಾ. ನಿಮ್ಮಪ್ಪ ಕೊಡಲ್ಲ ಅಂದ ತಕ್ಷಣ ಬಂದು ನಂತಲೆ ತಿನ್ನಬೇಡಾ. ಸಾಕು ಐದು ರುಪಾಯಿ, ಸುಮ್ನೆ ಅದರಲ್ಲೇ ತಗೋ ಹೋಗು.

ನಾನು : ಇಲ್ಲಮ್ಮ, ಸಾಕಾಗಲ್ಲ.. ಎರಡು ರುಪಾಯಿಂದು ತುಂಬಾ ಚಿಕ್ದು, ಕೈಲೆ ಹಿಡಿಯೋಕ್ಕೆ ಆಗಲ್ಲ. ಏನೂ ಮಜಾ ಬರಲ್ಲಾ... ಜಾಸ್ತಿ ಅಲ್ಲಮ್ಮ, ಬರೀ ಒಂದು ರುಪಾಯಿ ಕೇಳ್ತಾ ಇದ್ದೀನಿ. ಕೊಡಮ್ಮಾ ಪ್ಲೀಸ್.

ಅಂತೂ ಇಂತೂ ಅಮ್ಮಂಗೆ ಪೂಸಿ ಹೊಡೆದು, ಬೆಣ್ಣೆ ಹಚ್ಚಿ ಇನ್ನೊಂದು ರುಪಾಯಿ ಇಸ್ಕೊಂಡು ಓಡಿದ್ದು ಅಂಗಡಿಗೆ.

ದರಪಟ್ಟಿ :

ಚಿಕ್ಕದು - ಎರಡು ರುಪಾಯಿ

ಮೀಡಿಯಂ - ಮೂರು ರುಪಾಯಿ

ದೊಡ್ಡದು - ನಾಲ್ಕು ರುಪಾಯಿ

ಹೆಂಗೂ ಸೆಟ್ ಮಾಡೋದನ್ನ ಕಳೆದ ವರ್ಷ ಕಲ್ತಿದ್ದೆ, ಅದಕ್ಯಾಕೆ ಅಂಗಡಿಯವನಿಗೆ ಐವತ್ತು ಪೈಸೆ ಕೊಡಬೇಕು ? ನಾಲ್ಕು ರುಪಾಯಿಂದನ್ನ ಮೂರುವರೆಗೆ ಚೌಕಾಸಿ ಮಾಡಿ ಮಿಕ್ಕಿದ್ದಕ್ಕೆ ದೊಡ್ಡ ಕಟ್ಟನ್ನ ತಗೊಂಡು ಮನೆಗೆ ಬಂದು ಅಮ್ಮನ ಮುಂದೆ ನನ್ನ ಪಾಂಡಿತ್ಯ ಪ್ರದರ್ಶನ ಮಾಡಿ ಸೆಟ್ ಮಾಡಿದ್ದೆ. ಅಪ್ಪನ ಹಳೆ ಪಂಚೆಯ ಅಂಚಿಗೆ ಮುಕ್ತಿ ತೋರಿಸಿದ್ದಾಯ್ತು. ಹೀಗೆ ಹಾಗೆ ಕೇವಲ ನಾಲ್ಕೈದು ದಿನ ತಗೊಂಡಿದ್ದರ ಆಯಸ್ಸು. ಪುನಃ ಅಪ್ಪನ ಕೈಕಾಲು ಹಿಡಿದು ಮತ್ತೆ ಐದು ರುಪಾಯಿ ವಸೂಲಿ ಮಾಡಿ ಮೊತ್ತೊಂದನ್ನು ಅಂಗಡಿಯಲ್ಲಿ ಕೊಂಡಿದ್ದು.
ಪ್ರತೀಬಾರಿ ಆಷಾಢ ಬಂದಾಗಲೆಲ್ಲಾ ನನ್ನ ಈ ಹಳೆಯ ಪ್ರಸಂಗ ನೆನಪಾಗುತ್ತೆ. ಈ ವರ್ಷ ಸೇರಿಸಿದರೆ, ಗಾಳಿಪಟ ಹಾರಿಸಿದ್ದು ಹದಿನಾರು ವರ್ಷಗಳ ಹಿಂದೆ. ಒಂದಲ್ಲ, ಐದಲ್ಲ... ನೂರು ರುಪಾಯಿ ಕೊಟ್ಟು ಗಾಳಿಪಟ ಕೊಂಡು ಹಾರಿಸೋ ತಾಕತ್ತು ಇದೆ, ಆದ್ರೆ ನಿಜವಾಗಲೂ ಅದನ್ನ ಹಾರಿಸೋ ಯೋಗ್ಯತೆ ಇಲ್ಲಾ.

ಥೂ... ಇದೂ ಒಂದು ಜನ್ಮಾ ನಾ..

ಮತ್ತೆ ಮತ್ತೆ ಕಾಡುತಾವಾ ನೆನಪು.
---------------------------------------------------------------------------
ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೪ - ಮುಟ್ಟಿದ್ರೆ ಬಲಿ

noreply@blogger.com (???? ??????) — Sun, 19 Jun 2011 22:09:00 +0530

ಕಳೆದ ವಾರ ನನ್ನಾಕೆಯ ಜೊತೆ ಜಯನಗರಕ್ಕೆ ಹೋಗುವಾಗ ಬನ್ನೇರುಘಟ್ಟ ರಸ್ತೆಯಲ್ಲಿ ಕಂಡ ಆಟೋ ಇದು.

ಗಾಡಿ ಓಡಿಸುತ್ತಿದ್ದದ್ದು ನಾನು, ಹಾಗಾಗಿ ನನ್ನಾಕೆಯ ಕೈಗೆ ಮೊಬೈಲನ್ನು ಕೊಟ್ಟು ಫೋಟೋ ತೆಗೆಯಲು ಹೇಳಿದೆ. ಹಾಗಾಗಿ ಈ ಫೋಟೋ ತೆಗೆದ ಕೀರ್ತಿ ನನ್ನಾಕೆಗೆ ಸಲ್ಲಬೇಕು, ಆದರೂ ಯಥಾಪ್ರಕಾರ ಇದನ್ನು ಕಂಡದ್ದು ಮೊದಲು ನಾನು.

ದುರ್ಗದ ಹುಲಿ

ಮುಟ್ಟಿದರೆ ಬಲಿ

----------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೩ - ಬಿಸಿರಕ್ತ ಇರುವತನಕ

noreply@blogger.com (???? ??????) — Fri, 10 Jun 2011 09:04:00 +0530

ನಿನ್ನೆ ರಾತ್ರಿ ಆಫೀಸಿಂದ ಮೆನೆಗೆ ಹೋಗುವಾಗ ಸೆಂಟ್ ಜಾನ್ಸ್ ಆಸ್ಪತ್ರೆಯ ಸಿಗ್ನಲ್ಲಿನಲ್ಲಿ ಕಾಯುವಾಗ ನಮ್ಮ ಗಾಡಿಯ ಮುಂದೆ ಈ ಆಟೋ ನಿಲ್ತು.ಇದೇನೋ ಪುನಃ "ಹೊಗೆರಹಿತ ವಾಹನ.." ಅನ್ನೋ ಮಾಮೂಲು ಬರಹ ಅನ್ಕೊಂಡು ಸುಮ್ನಾದೆ. ಆದ್ರೂ ಅದೇನೋಪ್ಪಾ, ಆಟೋ ಹಿಂದೆ ಸುಮ್ನೆ ಯಾವ್ದೋ ಅಡ್ವರ್ಟೈಸ್ಮೆಂಟ್ ಇದ್ರೂ ಕೂಡ ಓದೋ ಚಟ. ಸಕಾಲಕ್ಕೆ ನೋಡಿ ತಕ್ಷಣ ಫೋಟೋ ತೆಕ್ಕೊಂಡೆ. ಒಳ್ಳೆ ಅಣಿಮುತ್ತು ಕೊಟ್ಟಿದಾನೆ ಈ ಆಟೋ ಅಣ್ಣ. ಬಹಳ ದಿನಗಳ ಮೇಲೆ ಒಂದು ಒಳ್ಳೆ ಅಣಿಮುತ್ತು ಸಿಕ್ತು.

ಬಿಸಿರಕ್ತ ಇರುವತನಕ ಆಟ
ಆಮೇಲೆ ತಡಕಾಟ
--------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಬಿರ್ಲಾ ಕಬಾಬ್ ಸೆಂಟರ್

noreply@blogger.com (???? ??????) — Fri, 27 May 2011 09:30:00 +0530

ಪ್ರತಿದಿನ ಆಫೀಸಿಗೆ ಹೋಗುವಾಗ, ಮೈಸೂರು ರಸ್ತೆಯ ಪಂತರಪಾಳ್ಯದಲ್ಲಿ ಈ ಕಬಾಬ್ ಗಾಡಿಯನ್ನು ನೋಡ್ತಿದ್ದೆ. ಪ್ರತೀ ಸಲ ನೋಡಿದಾಗಲೆಲ್ಲಾ, ಫೋಟೋ ತೆಗೆಯಬೇಕೆಂದು ಆಸೆ ಆಗ್ತಾ ಇತ್ತು. ನಾನು ಆಫೀಸಿಗೆ ಹೋಗೋದು ಕಂಪೆನಿ ಕ್ಯಾಬ್ ನಲ್ಲಿ, ಅವರನ್ನು ನಿಲ್ಸಿ ಅಂತಾ ಕೇಳೋಕ್ಕಾಗಲ್ಲ. ಇವತ್ತು ಯಾವುದೊ ಒಂದು ಕಾರಣಕ್ಕೆ ಬೈಕಿನಲ್ಲಿ ಆಫೀಸಿಗೆ ಬಂದೆ, ದಾರಿಯಲ್ಲಿ ಈ ಗಾಡಿಯನ್ನು ಕಂಡ ತಕ್ಷಣ ನನ್ನ ಬೈಕನ್ನು ನಿಲ್ಲಿಸಿ, ಆರಾಮಾಗಿ ಫೋಟೋ ತೆಕ್ಕೊಂಡೆ.
ಈ ಬಿರ್ಲಾ ಕಬಾಬ್ ಸೆಂಟರಿನಲ್ಲಿ, ಪ್ರಾಯಶಃ ಸಂಜೆ ಹೊತ್ತು ಕಬಾಬ್ ಮತ್ತು ಬೆಳಿಗ್ಗೆ ತಿಂಡಿ ಸಿಗುತ್ತೆ. ನಾನು ಫೋಟೋ ತೆಗೆದಾಗ ಅಲ್ಲಿ ಇಡ್ಲಿ ಮತ್ತು ವಡೆ ಕಣ್ಣಿಗೆ ಕಾಣುಸ್ತು.

----------------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೨ - ಗೋವಿಂದನ ಸ್ಮರಣೆ ಮಾಡಿ

noreply@blogger.com (???? ??????) — Thu, 26 May 2011 16:06:00 +0530

ಕಳೆದ ವಾರ ವಿಲ್ಸನ್ ಗಾರ್ಡನ್ ಸ್ಮಶಾಣದ ಬಳಿ ಕಂಡ ಆಟೋ ಇದು. ಬ್ರಿಗೆಡ್ ರಸ್ತೆಯಿಂದ ಇದನ್ನು ಫಾಲೋ ಮಾಡಿ,
ಕೊನೆಗೆ ವಿಲ್ಸನ್ ಗಾರ್ಡನ್ ಸ್ಮಶಾಣದ ಬಳಿ ಇರುವ ಸಿಗ್ನಲ್ಲಿನಲ್ಲಿ ನಿಂತಾಗ ಕ್ಲಿಕ್ಕಿಸಿದ್ದು.
ದಾಸರು ಹೇಳಿದ ಹಾಗೆ ಈ ಆಟೋ ಅಣ್ಣ ಕೂಡಾ "ಹರಿ ಸ್ಮರಣೆ ಮಾಡೋ ನಿರಂತರ" ಎಂದು ಹೇಳ್ತಾ ಇದಾನೆ.

"ಗೋವಿಂದನ ಸ್ಮರಣೆ ಮಾಡಿ"
----------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೧ - ದೂರವಿದ್ದರೆ ನೋಡು

noreply@blogger.com (???? ??????) — Sun, 17 Apr 2011 22:16:00 +0530

ಸೋಮಾರಿ ಕಟ್ಟೆಯ ನೂರೊಂದನೆಯ ಅಣಿಮುತ್ತು. ಇವತ್ತೂ ಕೂಡಾ ಖುಷಿಯಾಗಿದ್ದೀನಿ :)

ಮೊನ್ನೆ ಗುರುವಾರ ಆಫೀಸಿಗೆ ರಜೆ ಇದ್ದ ಕಾರಣ ನಾನು, ನನ್ನಾಕೆ ಹೊರಗೆ ಹೋಗಿದ್ವಿ. ಆರ್.ಟಿ ನಗರದ ಟಿ.ವಿ ಟವರ್ ಬಳಿ ಕಂಡ ಆಟೋ ಇದು. ಜಯಮಹಲ್ ಎಕ್ಸ್ಟೆಂಷನ್ ಪೋಲಿಸ್ ಸ್ಟೇಷನ್ನಿಂದ ಫಾಲೋ ಮಾಡಲು ಶುರು ಮಾಡಿ ಕೊನೆಗೂ ಟಿ.ವಿ ಟವರಿನ ಬಳಿ ಸಿಗ್ನಲ್ಲಲ್ಲಿ ನಿಂತಾಗ ಕ್ಲಿಕ್ಕಿಸಿದ್ದು.

ದೂರವಿದ್ದರೆ ನೋಡು..

ಹತ್ತಿರ ಬಂದರೆ ಮಾತಾನಾಡಿಸು,

ಇಷ್ಟವಿದ್ದರೆ ಪ್ರೀತಿಸು,

ಇಲ್ಲದಿದ್ದರೆ ಕ್ಷಮಿಸು
-----------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೧೦೦ - ಕನ್ನಡಾನ ಬೈಬ್ಯಾಡ

noreply@blogger.com (???? ??????) — Mon, 11 Apr 2011 17:46:00 +0530

ಸೋಮಾರಿ ಕಟ್ಟೆಯ ನೂರನೆಯ ಆಟೋ ಅಣಿಮುತ್ತು ನಿಮ್ಮ ಮುಂದೆ ಇಡ್ತಾ ಇದ್ದೀನಿ. ನೂರನೆಯ ಅಣಿಮುತ್ತು ಬ್ಲಾಗಿನಲ್ಲಿ ಹಾಕಿದ ಮೇಲೆ "ಆಟೋ ಅಣಿಮುತ್ತುಗಳು" ಅನ್ನೋ ಪುಸ್ತಕ ಹೊರತರಬೇಕೆಂಬ ಆಸೆ ಇದೆ. ಇದಕ್ಕೆ ನಿಮ್ಮ ಅನಿಸಿಕೆ ?

ಕಟ್ಟೆ ಬಳಗದ ಸದಸ್ಯರೆ, ನಿಮ್ಮ ಪ್ರೀತಿ ಹಾಗು ಪ್ರೋತ್ಸಾಹ ಹೀಗೆಯೇ ಇರಲಿ.

ಕಳೆದ ಭಾನುವಾರ ಹೊರಗೆ ಹೊರಟಿದ್ದೆ. ಇಂದಿರಾನಗರದ ಬಿ.ಡಿ.ಎ ಕಾಂಪ್ಲೆಕ್ಸ್ ಬಳಿ ಕಂಡ ಆಟೋ ಇದು. 1994 ರಲ್ಲಿ ತೆರೆಕಂಡಿದ್ದ ಟೈಗರ್ ಪ್ರಭಾಕರ್, ವಿನಯಾ ಪ್ರಸಾದ್ ಅಭಿನಯದ "ಕರುಳಿನ ಕೂಗು" ಚಿತ್ರದ ಹಾಡು ಇದು. ಕನ್ನಡಾನ ಬೈಬ್ಯಾಡ ಎಂದು ಹೇಳುತ್ತಾ ಈ ಅಣ್ಣ, ಅಣಿಮುತ್ತನ್ನು ಬರೆಸಿರುವ ಈ ಪರಿ ನೋಡಿ, ಕನ್ನಡಾನ ಸಾಯಿಸ ಬ್ಯಾಡ ಎಂದು ಹೇಳೋಕ್ಕೆ ಹೊರಟೆ. ಮಿಷ್ಟೇಕ್ ಆದರೂ ಪರವಾಗಿಲ್ಲ, ಒಳ್ಳೆ ಸಂದೇಶ ಕೊಡ್ತಾ ಇದಾನೆ ಈ ಅಣ್ಣ ಎಂದುಕೊಂಡು ಸುಮ್ಮನಾದೆ.

ನನ್ನಂದ್ರು ಪರವಗಿಲ್ಲ

ನನ್ನ ಕೊಂದ್ರು ಚಿಂತೆಯಿಲ್ಲ

ಕನ್ನಡನ ಬೈಬ್ಯಾಡ ಕಟ್ಕೊಂಡ

ಹೆಂಡತಿನ ಬಿಡಬ್ಯಾಡ

------------------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೯ - ದುಡ್ಡೇ ದೊಡ್ಡಪ್ಪ ಅಲ್ಲ

noreply@blogger.com (???? ??????) — Tue, 5 Apr 2011 13:26:00 +0530

ಕಳೆದ ವಾರ ನನ್ನಾಕೆಯ ಜೊತೆ ಎಂ.ಜಿ. ರಸ್ತೆಗೆ ಹೋಗಿ ಮನೆಗೆ ಹಿಂದಿರುಗುತ್ತಿದ್ದಾಗ, ಹಲಸೂರಿನ ಲಿಡೋ ಮಾಲ್ ಎದುರು ಕಂದ ಆಟೋ ಇದು. ಕಂಡ ಕೂಡಲೇ ಬೈಕನ್ನು ಸೈಡಿಗೆ ಹಾಕಿದೆ, ತಕ್ಷಣ ನನ್ನಾಕೆ "ಗೊತ್ತಾಯ್ತು, ಅಷ್ಟೊಂದು ಎಕ್ಸೈಟ್ ಆಗೋದು ಬೇಡಾ, ಆ ಆಟೋ ಇಲ್ಲೇ ನಿಲ್ತಾ ಇದೆ, ಆರಾಮಾಗಿ ಫೋಟೋ ತೆಗೀಬೋದು" ಎಂದಳು. ನನ್ನ ಈ ಹುಚ್ಚನ್ನು ಸರಿಯಾಗಿ ಅರ್ಥ ಮಾಡ್ಕೊಂಡು ಒಪ್ಕೊಂಡಿದಾಳೆ ಅಂದ್ಕೊಂಡು ನಗುತ್ತಾ ಫೋಟೋ ತೆಕ್ಕೊಂಡೆ.

ದುಡ್ಡಿನ ಹಿಂದೆ ಹೋಗಿ ಮನುಷ್ಯತ್ವ ಮರೆವ ಜನರಿಗೆ ಈ ಆಟೋ ಅಣ್ಣ ಹೇಳೋ ಪಾಠ ಅರ್ಥ ಆಗಲಿ.

ದುಡ್ಡೇ ದೊಡ್ಡಪ್ಪ ಅಲ್ಲ ಮನುಷ್ಯತ್ವ ಅವರಪ್ಪ
---------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೮ - ನಾನು ಅವನಲ್ಲ

noreply@blogger.com (???? ??????) — Tue, 29 Mar 2011 20:00:00 +0530

2009ರ ಆಗಸ್ಟ್ ತಿಂಗಳಲ್ಲಿ ಮಿತ್ರ ಗೌತಮ್ ಕಳಿಸಿದ್ದ ಚಿತ್ರ ಇದು. ರಾಮಮೂರ್ತಿನಗರದ ಮೇಲ್ಸೇತುವೆ ಬಳಿ ಕಂಡಿದ್ದಂತೆ.

ಈ ಚಿತ್ರ, ಇಷ್ಟು ದಿನ ನನ್ನ ಈ-ಮೇಲಿನ ಯಾವುದೋ ಮೂಲೆಯಲ್ಲಿ ಕುಳಿತಿತ್ತು. ಇವತ್ತು ನೋಡೋವಾಗ ಕಣ್ಣಿಗೆ ಕಂಡಿದ್ದು, ಹಾಗೆ ಹಾಕ್ತಾ ಇದೀನಿ. ಗೌತಮ್, ಥ್ಯಾಂಕ್ಸ್ ಕಣೋ.

ಈ ಆಟೋ ಅಣ್ಣ ಕೂಡಾ ಉಪೇಂದ್ರಾಭಿಮಾನಿ. ನಾನು ಅವನಲ್ಲ ಎನ್ನುತ್ತಲೇ ಪ್ರೀತಿ ಮಾಡಿದ್ರೆ ಹೆಂಗೆ, ಕೈ ಕೊಟ್ರೆ ಹೆಂಗೆ ಅನ್ನೋದನ್ನ ಹೇಳಿದ್ದಾನೆ. ನೋಡಿ.

ನಾನು ಅವನಲ್ಲ ???

ಲವ್ ಮಾಡಿದರೆ ಲವ್ ಸ್ಟೋರಿ

ಕೈ ಕೊಟ್ಟರೆ ದೇವದಾಸು ಸ್ಟೋರಿ

-----------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಆಟೋ ಅಣಿಮುತ್ತುಗಳು - ೯೭ - ಮೂರು ಚಕ್ರ ಜೀವನಚಕ್ರ

noreply@blogger.com (???? ??????) — Wed, 9 Mar 2011 22:08:00 +0530

ಮೊನ್ನೆ ಸೋಮವಾರ ಕಸ್ತೂರಬಾ ರಸ್ತೆಯಲ್ಲಿ ಬೈಕಿನಲ್ಲಿ ಹೋಗುತ್ತಿದ್ದಾಗ ಕಂಡ ಆಟೋ ಇದು.

ಆರಾಮಾಗಿ ಗುಡುಗುಡುಗುಡು ಎಂದು ಹೋಗುತ್ತಿದ್ದ ಈ ಆಟೋವನ್ನು ಅದರ ವೇಗದಲ್ಲೇ ಹಿಂಬಾಲಿಸಿ, ಯು.ಬಿ ಸಿಟಿ ಸಿಗ್ನಲ್ಲಿನ್ನಲ್ಲಿ ನಿಂತಾಗ ಲಕ್ಕನೆ ಮೊಬೈಲು ಹೊರತೆಗೆದು ಛಕ್ಕನೆ ಕ್ಲಿಕ್ಕಿಸಿದೆ.

ಬಹಳ ದಿನಗಳಾದ ಮೇಲೆ ಮತ್ತೊಂದು ಆಟೋ ಅಣಿಮುತ್ತನ್ನು ಹಾಕ್ತಾ ಇದೀನಿ, ಪರಾಂಬರಿಸಿ.

ಇದಕ್ಕಿರುವುದು ಮೂರು ಚಕ್ರ

ಇದೇ ನನ್ನ ಜೀವನ ಚಕ್ರ

--------------------------------------------------------------------

ನಿಮ್ಮವನು,

ಕಟ್ಟೆ ಶಂಕ್ರ

ಹೇಳಲೇ ಬೇಕು !!

noreply@blogger.com (???? ??????) — Tue, 8 Mar 2011 15:47:00 +0530

ಆಕೆ : ನನಗೆ ಹೇಳು

ಆತ : ನಾನಾಗ್ಲೇ ಹೇಳಾಯ್ತು

ಆಕೆ : ಇದು ಬೇರೆ

ಆತ : ನಂಗೆ ಇನ್ನೇನು ಗೊತ್ತಿಲ್ಲಾ

ಆಕೆ : ನಿಂಗೆ ಗೊತ್ತಿರಲೇ ಬೇಕು

ಆತ : ಇಲ್ಲ, ನಂಗೆ ಗೊತ್ತಿಲ್ಲ.. ಸುಮ್ನೆ ನನ್ನ ಹೀಗೆ ಕೇಳಬೇಡ

ಆಕೆ : ನಿನಗಲ್ಲದೆ ಇನ್ಯಾರಿಗೆ ಗೊತ್ತು ?

ಆತ : ಪ್ಲೀಸ್.. ನಂಗೆ ಗೊತ್ತಿದ್ದೆಲ್ಲಾ ಹೇಳಾಯ್ತು... ಇನ್ನು ನನ್ನ ಕೈಲಿ ಆಗಲ್ಲ, ನಂಗೆ ಹೋಗೋಕ್ಕೆ ಬಿಡು

ಆಕೆ : ಪ್ಲೀಸ್, ಪ್ಲೀಸ್.. ಇನ್ನೊಂದು ಡ್ರೆಸ್ ಟ್ರೈ ಮಾಡ್ತೀನಿ, ಹೆಂಗಿದೆ ಅಂತ ಹೇಳು !!
(ಬಟ್ಟೆ ಅಂಗಡಿಯ ಟ್ರಯಲ್ ರೂಮಿನ ಬಳಿ ಆಕೆ ಮತ್ತೆ ಆತನ ನಡುವೆ ನಡೆದ ಸಂಭಾಷಣೆ )
-----------------------------------------------------------------
ನಿಮ್ಮವನು,
ಕಟ್ಟೆ ಶಂಕ್ರ