Cara Rosa,
avi quasi du misi  ca ti scrissi dall’ultima vota, ma successero un sacco di cosi.

Non ci travagghio chiù nello bar del Signior Gianni. La nonna seppi ca mischìno le cose non ci javano bono e che io travagghiava nello bar picchì iddu ci vuliva fari un chiacìri a idda. Nonna me lo disse e io lasciai il lavoro, picchì non mi pare giusto che il Signior Gianni mi deve campare a mia. Poi io sugnu giovane e navutru travagghio me lo posso cercare.

Accussì mi pinzava.

A virità è, a sò, ca travagghiari è difficili. Sunnu quasi du misi ca nun fazzu nenti  anche se forse ora l’attrovai. Il Signior Gianni mi fici conoscere il Signior Liborio, un cliente dello bar che abita macari iddu all’Ariniedda, che ci sierbe un picciotto per la sua ferramenta e che ci spiccia le faccende e chi canusci le cosi che vende. Ci devo andare a fine simàna a sò, spiramu!
Ne ’sti du misa fici tanti cosi: cercai travagghio, tuppuliai a un sacco di putìe macari della periferia. Passai da Mondello, Borgo Vecchio, Falsomiele, girai tanto.  Mi fici macari tanti passiàti e mi potti girari l’Ariniedda, mi l’aggiravo per lungo e per largo. Wonderful.
Ci sono poche strade e tanti tanti vicoli. Le strade sono stritti stritti e macari l machini nun ci passano bono.

Mi chiaci u ciavuru dei vicoli dell’Ariniedda.
A tutte l’ore i vicoli smell like bucato e pulito. Chisto picchì  i casi sunno niche e nalle strade, chi poi sono i vicoli, la gente stenni i robi ad asciucàrisi. A tarda matinata si senti u beddu ciavuru della pasta.  Tutti chi cucinano la pasta. Macari sulu chidda. E a sira si senti u ciavuru du pisci arrustutu. Pari chi si mancia sempre pisci, a sò. A pomeriggio passa u sfincionaro con il lapino chi venni u sfinciuni. Chisto è comu na pizza ma chiù vastasa assà. Nun po’ capiri quant’è bona e lu ciavuru chi fa. Cipudda, anciova, caciocavallo. Vastasissima!

Mi chiacino i rumura dei vicoli dell’Ariniedda.
Di jorno nun si sentono i machini nelli strati vicini. I rumura ca si sentino sono chiddi delle mamme chi rimproverano i picciriddi,  chiddi ca chiancino, i picciuttieddi ca iocano u palluni. Tutta a jornata. Poi a matina e pomeriggio passano l’ambulanti. E bannìano tutti, loudly.
Ognuno avi il  modo suo: chiddu del sale, u fruttivendolo, e macari u sfincionaro chi bannìa: “ùara u sfuinnavi, ùara. Chistu è sfinciuni fattu ra bella vìaru”. Troppo bello, a sò.
A sira vicino li vicoli ci sunno i picciuttieddi chi currino cu i motorini. Si addivertono. Ma fanno assai loud, picchì montano i motori, ci canciano candele, marmitte. Io nun ci capiscio nenti e poi sugnu granni pi ghiucari cu ’sti cosi. Ca poi non capiscio picchì si passano il tempo a curriri nella stissa strata tutto il tempo e non si girano la città col motorino.

I vicoli finiscono infacci al mare. U mare chi avi u ciavuru chiù bello ri tutti e ti trasi rintra  a puliziariti i vuriedda di tutti i cosi schifiati ca si arrespirano. U mari chi avi u rumuri chiù bello chi pari ca ti sta parrannu e ti fa stare bene, relaxed.

I vicoli, i rumora u ciavuru e u mare:  Ariniedda.

Love

Frankie

Cara Rosa,

passò chiossai di na simana dall’ultima littra ca ti fici.
Io staiu bono e macari a nonna sta bona assai, anche se nun lo saccio come fa a caminari sula sula, chi manco ci viri! Avantieri nisciemo insiemmola e nun vuliva cha l’abbrazzava, ci l’avia a fari sula.

Duminica a matina went con Signior Gianni a Isola delle Fimmine che ci dovevamo pigghiare i fusti di birra dal magazzino di un amico sò che non ci sirbivano chiù.

E’ a prima vòta chi vado fòra da Ariniedda e mi pari a mia che mi pigliai una vacanza, picchì pi ghiri a Isola took the highway che siamo usciti da Palermo.

Isola delle Fimmine è vicino vicino Palermo ed è proprio in faccia a mare. Ma non hai a pinzari ca è un Isola. Lu paesi si chiama d’accussì picchì in faccia ci sta proprio una isola con una cosa chi pari una turri, ca il Signior Gianni mi dissi chi ‘na vota era un càrzaro sulo pì fimmini. D’infacci si fici u paìsi ca si chiama macari Isola delle Fimmine e nàvutri went duocu allo paisi.

Prima di iri o magazzino, ni ficimo una passiàta sulla spiaggia col Signior Gianni. A spiaggia è bedda, a sò. Lunga lunga lunga e bianca ca non si vidi la fine, arriva a l’avutru paisi, Capaci e continua. Un c’era nuddu, a sò. Macari c’era cavuru e viniva a gana di farisi il bagno a mare. Il Signior Gianni me lo disse di farimi il bagno ma io ci dissi ca l’acqua era fridda. Non ce lo dissi che non saccio nuotare ca mi vriogno, a sò!

Dalla spiaggia si vidino puru i ciminieri di una factory chi ieccano assai fumo nall’aria. Ca poi ci passammo a lato picchì il magazzino è vicino alla factory e mi addunai chi u fumo macari fa feto. A Factory buca la muntagna infacci o paisi e fa cemento. Il Signior Gianni mi dissi che il fumo è pericoloso assai picchì viene cancer a polmoni e ci sunno assai Isolani che si sunno ammalati. Mischìni! Mi dissi che nell’aria trovarono assai Chrome 6 chi ammazza li cristiani! E’ lo istisso del film Erin Brockovich chiddo cu Julia Roberts, ricordi a sò? Ce lo vittimo insiemmola.

Io non capiscio proprio como mai se si sapi ca l’aria ammazza li cristiani, la genti vivi o lato di la Factory e ancora non sinni scappò. E macari non capiscio picchì ancora un chiuièro a Factory chi i governanti sanno tutti i cosi. Nello film i cosi di Cromo 6 si sapirono doppo tempo, chi macari non si sapiva bono la cosa o a vulivano ammucciari, ma ca’ i cosi si sanno, ma nuddu fa nienti.

Ma si mi voto dall’avutra banna e talìo u mari e la spiaggia chi è bedda bedda assai, macari capiscio picchì li cristiani non sinni vuonnu iri, chi grapi l’uocchi e u cori si vuncia.

Love

Frankie

Cara Rosa,

è tardo, quasi menzannotte e non arrinescio a pigghiari sonno, e because mi chiacìo a scrivìriti  l’antra vota,  ti scrivo macari ora e macari poi ancora ti scrivo, e macari poi ancora ancora.

A virità è ca io mi ci devo abbituare a dormiri nalla casa di nonna.  Nall’avutra littra ti lo scrissi ca la stanza è nica assai. Ecco, macari u letto è nico. Arrivo giusto giusto a corcarimi rintra. E’ a castello, e io dormo sutta unni dormieva mamà, cu i linzola chi sunno strazzati, cuciti e ricuciti.

U saccio ca si pinsa ca in Sicilia c’è u suli e fa cavuro cavuro, ma cà è ancora inverno, è li linzola sunno vagnati da humidity. Unbelievable. Humidity unnegghié: nelli linzola, nelli mura, nelli porti, na a tutta la casa. Ca poi la stanza avi la finestra chi duna nalla strada. Nalla strada machini unni passano picchì è like alley e ci possono passari sulo li cristiani, ma quannu chiovi l’acqua sinni trasi rintra i mura. Sutta la finestra ci sta una macchia  nivura ranni ranni  because humidity. La nonna, ca mischina nun lo saccio proprio comu fa, mi retti una stufa elettrica ma io mi scanto ad addumarla a sò, picchì humidity and electric wires è molto molto dangerous. Mi tengo u friddo, macari  nescio malato, macari campo chiù picca, ma campo!

Che sto fatto del friddo nelli casi, mica è solo cosa della nonna. Avantieri sira, ficimo tardi o travagghio e siccomo era tardo assai, minni ivi a manciari nalla casa del Signor Gianni, ca ci parsi mali ca un potti manciari colla nonna. Iddi sunno abbituati a manciari tardo, picchì pari ca capita assai voti che chiùino il Bar doppo i nove di sira. A Signora Ancilina, a mugghieri do Signor Gianni ,chi a matino sta alla cassa dillo bar, priparò una bella minestra di linticchi e poi manciammo na fedda ri pane col caciocavallo bono.

Mimmo e Caterina sunno li figghi sò. Mimmo è ranni e va all’università e Caterina, ca è chiu nica, va a High school Liceo scintifico. Iddi parlano italiano bono e mi addumannarono un sacco di cosi sulla Mirica. Mi addumannarono cosi chi macari manco saccio io. Iddi non sintivano friddo picchì sunno abbituati, ma io si.

Un faciva u friddo ri casa da Nonna, ma chiossai ri 15 gradi un facivano (sta cosa dilli gradi, poi, mi ci appi ad abbituari, sunno quasi 60 °F).  Avivano a stufa in livingroom  e faciva nanticchia chiù cavuru ma pi mia unn’abbastava, era sempri friddo.

Mi dissero che è accussì na tutti li casi antichi e chi in quelli chiù moderni ci sunno li termosifoni ma la genti li tiene often astutati pirchì nall’inverno è normali ca nun c’è cavuro nalli casi e macari pi risparmiari.
Sta cosa è strana assai, a sò. A Palermo nalli casi c’è friddo. Macari chiù friddo che di fora.

Cu mi l’avia a diri ca d’inverno a Palermo c’è tutto stu friddo?

Love

Frankie

Cara Rosa,

oramai è un mese che arrivai in Palermo e mi addicidivo a scrivìriti, io mi spero ca mamà sta bona e papà si ripigliò chi lassavo hardware shop.
Tu stai beni, a sò? Tutto a posto? Io staiu bono.

Cà a Palermo tutto è nico. Strate, machine, palazzi, li casi. Tutto nico. A cosa chiù strana di tutti, sunno li machine. Cinnè una chi si chiama Smart che è nica assai chi ci trasino stritte stritte due pirsone. La cosa granni granni, invece è il mare. Chisto mare ca granni accussì non l’ho visto mai. Forse picchì l’avutri cosi sunno nichi, e pari ancora chiù granni.

Casa di Nonna è puro nica. Ma assai assai! C’è living room, salone, cucina, bathroom, stanza da letto nica, stanza da letto granni. Nonna dormi nalla stanza granni, io dormo nalla stanza che era di mamma e di zia, chidda chiù nica. Ma como facivano t’anno a dormire rintra a na stanza accussì nica? A cucina poi è quella antica che non saccio como fa a funzionari ancora.

A casa è vecchia, ci sunno old electric wires e quanno ho un poco di tempo mi ci metto a travagghiari a bona che ce lo giusto io alla nonna, che ci pò fare short-circuit e pò esseri periculoso.

A Nonna passa li jornati a casa e ogni ghiorno scinni che si va fari a passiàta. Viene a trovare la comari , una amica sò. Non ho caputo picchì, la comari non vieni mai nella casa della nonna. Idda rici che la comari non si pò moviri picchì sola non pò nesciri, e nesci da casa quando c’è suo marito. A nonna inveci, nesci sola.
Nesci macari quanno chiove. Avantieri chiuvìa e la nonna vosi nesciri. E non vuoli che la compagno. Idda rice ca sola stetti vinti anni e sola pò campari nantri vinti.

A Nonna mi trovò macari il travagghio al Bar della chiazza, quello del Signior Gianni ca canusci a nonna bono e s’arricorda di mamà, di quanno era nica. Il travagghio è pisante. Lavo in terra, aiuto al bancone, e porto le comande ai clienti nelli casi e nelle putìe. Le mance non sunno bone, ma mi dissero che all’inizio è così, ti devono canusciri prima. Travagghio assai, a sò, ma i picciuli l’è buscari picchì a pensione della nonna non abbasta pi campari. Travagghio tutti li jorna except Lunedì.

Lunedì joco u palluni coi picciotti della zona, joco a calcio che è different from US football, e chiù divertente assai. I picciotti mi pigliarono a simpatia e mi chiamano Flipper u miricano, accussì Frankie Lipper addiventò Flipper chi beni a diri macari Pinball machine e si addivertono pirchì che quanno joco o palluni schizzo como a pinball ball.

Ci sunno un sacco di cosi chi tè contari, e macari ti scrivo navutra littra. Palermo è bedda assai, ma ci sunno cosi che non mi chiacino pì nenti.

Love

Frankie