СподелиЗнаење

Сподели знаење, 28.01.2012

2012-01-27T14:55:00.004+01:00

Утре редовно од 12 часот, сподели знаење во КИКА.

На програмата имаме презентација за uWSGI - Best Practise од страна на Дамјан, а останатот време ќе го пополниме со рандом() презентации.

Воедно утре ќе имаме и Open Economics Hack Day по програма која што може да се најде тука : http://piratepad.net/JaFgzk2uN6

Како и секогаш, присуството е задолжително, а кафето бесплатно :)

Се гледаме утре!

ПС: Доколку некој сеуште незнае каде се наоѓа новиот хаклав, мапа:

Кликнете тука за поголема мапа.

Поддржано од

Град Скопје

Програмски вечери - 26.01.2012

2012-01-25T11:40:00.003+01:00

Во четврток на менито за програмски јазици во КИКА имаме :

1. Презентација од страна на Јованка во врска со GNOME Women Outreach Program како и нејзината работа поврзана со GTK и Empathy

2. Гледање на видеа од PyCon 2011, специфично за Advanced Network Architectures With ZeroMQ и Using Coroutines to Create Efficient, High-Concurrency Web Applications

Стандардно од 19 до 21 часот на новата локација

Кликнете тука за поголема мапа.

Поддржано од

Град Скопје

GNU/Linux и Убунту Прва Помош во понеделник, 23.01.2012

2012-01-22T13:10:00.002+01:00

Во понеделник на ГНУ/Линукс и Убунту Прва Помош, освен регуларните активности за решавање на проблеми со ГНУ/Линукс и слободен софтвер, ќе го средуваме и новиот сервер во КИКА.

Новиот сервер ќе биде поставен на место на сегашниот debilan.local кој успешно не опслужуваше последниве 2 години, но му дојде време да се замени. Новиот ПЦ кој ќе биде сервер е со подобра конфигурација и има 2 хард дискови од по 120 GB кој ќе ги подесиме во софтверски RAID.

Името на серверот сеуште се дискутира на ping.mk, утре ќе видеме кој ќе победи.

Како и секогаш, почнуваме од 19 до 21 часот на новата локација :

Кликнете тука за поголема мапа.

Поддржано од

Град Скопје

Сподели знаење за сабота 21.01.2012 почеток од 12 па натаму

2012-01-20T10:29:00.000+01:00

Сподели Знаење Сабота (20.01.2012) од 12 часот

Оваа сабота се се врти околу планирање. Во план ни е исполнето Сподели знаење, и еден обид времето да го распределиме на следниов начин, со различни теми, па ќе можете да си го планирате времето и да дојдете на настанот кој што највеќе ве интересира, ако веќе не можете да присувствувате на целодневниот настан:

Од 12 до 14 часот:

Редовно одржување и затоплување на просториите, дискусии и преглед на изминатите настани од претходната недела, со чашка топло филтер кафе во пријатна атмосфера ви нудиме:

дискусија за имплементирање на rfid читачи и нивна примена во хаклабот
mega upload vs. anonymous vs. us.gov
како да дојдеме до Club mate : имаме понуда, ни треба логистичка компанија, увозник и како да ја решиме дистрибуцијата во самиот хаклаб

Од 14 до 16 часот

Презентација на Views (за Друпал 7) како содржините објавени на вашиот сајт лесно се претвораат во пластелин. (Игор Стаматовски)

[обликување, презентирање, сортирање и ремоделирање на Друпал содржини] заедно со дискусија и интерактивна сесија

Од 16 до 18 часот :

Open Economics Day - Разгледување на теми и дискусија за предлог проекти што би можеле да ги исхакираме за следната сабота 28.01.2012 од Open Knowledge Foundation. http://blog.okfn.org/2012/01/18/open-economics-hack-day-saturday-january-28th-2012/ ( Порака од Баже Петрушев и предлози http://piratepad.net/JaFgzk2uN6 за следната сабота )

Од 18 па натаму:

/b слободни активности и работа на индивидуални проекти

Кика 2.0 се наоѓа на следнава локација:

Кликнете тука за поголема мапа.

Поддржано од

Град Скопје

Програмски јазици: Пишување на програми во C за визуелизации за 3D лед коцката, 19.01.2012 почеток 19 часот

2012-01-18T15:05:00.001+01:00

По презентациите од минатиот четврток во редовниот термин за Програмски Јазици за дизајнот на 3D коцката (хардверското решение) овој пат, ќе се обидеме да направиме визуелизации за истата (програми напишани во C). Коцката е направена со користење на Arduino Nano и изгледава вака:

Моменталниот софтвер за визуелизациите можете да го најдете на Github, можете да го клонирате или форкате.

Дојдете, напишете ја визуелизацијата и покажете ја во живо!

Во секој случај за најинвентивната визуелизација следува награда.

Стандардни дискусии за програмерски загатки и оптимизациии, како и flame wars помеѓу python/ruby/php/java/.net/ perl?! (немаме ниту еден perl-аш).

Се гледаме утре во 19 часот во хаклабот Кика на следнава локација:

Кликнете тука за поголема мапа.

Поддржано од

Град Скопје

GNU/Linux Убунту Прва Помош (GLUPP), Понеделник, 16.01.2012

2012-01-15T01:00:00.001+01:00

Оваа седмица темата на гну/линукс убунту прва помош ќе биде бекап и стратегии за бекап.

Првиот чекор кон инсталација на гну линукс е бекапирање на тековите податоци, втор чекор е инсталација, третиот чекор треба да биде успешна стратегија за бекап.

Колку често правите бекап? Каде и како?

Јавна тајна е дека сите знаеме дека треба да правиме бекап, но кој всушност и навистина го прави:

Првото излагање ќе биде:

Правење на бекап со backintime

Второто излагање ќе биде стратегии за бекап rsync+ssh и корисна веб апликација базирана на овие технологии.

Дополнително секако дека доколку имате некаков проблем со ГНУ/Линукс на својот компјутер дојдете за да пробаме заеднички да го решиме.

Нормално ако сакате да го su-ате својот андроид телефон повелете, или ако има некои проблеми со андроид можеби ќе се обидеме да ги решиме и нив во рамките на ГЛУПП.

Хаклаб 2.0 се наоѓа на следнава локација:

Кликнете тука за поголема мапа.

Поддржано од

Град Скопје

Сподели Знаење (14.01.2012, 12-18 часот)

2012-01-13T20:54:00.016+01:00

Сподели Знаење во Хаклаб 2.0 и оваа Сабота (14.01.2012) од 12 до 18 часот.

Ќе има 2 презентации за:

Redmine - Систем за менаџирање на проекти (Арангел Ангов)
Arch на Beagle Board (Дамјан Георгиевски)

Покрај презентациите, ќе има и дискусија околу функционирањето на Хаклаб 2.0 и приоритетите за 2012та година вклучувајќи:

Програма
Промоција
Блог редизајн (CSS + HTML)
Инфраструктура
Финансии

Сите заинтересирани што сакаат да допринесат во подобрување на функционирањето на Хаклаб 2.0 се добредојдени.

Хаклаб 2.0 се наоѓа на следнава локација:

Кликнете тука за поголема мапа.

Поддржано од

Град Скопје

Програмски Јазици: Дизајн и визуелизации за 3D коцката

2012-01-10T23:24:00.012+01:00

Овој Четврток во редовниот термин за Програмски Јазици (12.01.2012 во 19 часот) ќе биде презентиран дизајнот на 3D коцката (хардверското решение) и ќе видиме како се прават визуелизации за истата (програми напишани во C). Коцката е направена со користење на Arduino Nano и изгледава вака:

Ќе презентираат:

- Дизајн на 3D коцката (Дамјан Георгиевски)
- Визуелизации за 3D коцката (Александар Лазаров)

Моменталниот софтвер за визуелизациите можете да го најдете на Github, а за наредната недела во план е да се разгледа како истиот може да се прошири со нови можности.

Поддржано од

Град Скопје

ГНУ/Линукс прва помош (09.01.2012, 19 - 21 часот)

2012-01-08T11:12:00.007+01:00

Започнуваме со редовни настани во 2012 година со ГНУ/Линукс прва помош во Понеделник (09.01.2012) во 19 часот.

Во овој термин, на програмата ќе бидат следниве две работи:

1. Доколку имате некаков проблем со ГНУ/Линукс на својот компјутер дојдете за да пробаме заеднички да го решиме.

2. Доколку работите на ГНУ/Линукс дистрибуција дојдете да ги презентирате алатките кои ги користите (секој ќе добие по 10 мин на проектор каде ќе може да презентира што користи и зошто). Почнувајќи од стандардни клиенти за комуникација (чет, емаил), преку аудио/видео/графички апликации па се до специфичнa околина за развој, систем администрација или нешто трето. Ќе биде интересно да се научи за некоја нова алатка од прва рака и/или да се споредат различни алатки.

* Доколку не работите на ГНУ/Линукс дистрибуција дојдете за да разгледате алтернативни апликации под друг оперативен систем.

Хаклаб 2.0 се наоѓа на следнава локација:

Кликнете тука за поголема мапа.

Поддржано од

Град Скопје

No nerd left behind - 28c3 @ Хаклаб КИКА

2011-12-24T19:51:00.010+01:00

Останува уште многу малку до крајот на 2011та а како и секоја година така и оваа, при крајот на годината во Берлин се оддржува 28-миот најголем хакерски настан во Европа, Chaos Communication Congress или 28c3. Во периодот од 27ми до 30ти декември во Берлин се собираат хакери од целиот свет кои што се занимаваат со развој на софтвер, хакирање на хардвер, компјутерска безбедност, биоинформатика, политика и активизам, физичка безбедност, ласери и роботи, летечки quad-коптери и што уште не. Овогодинешната тема е „Behind Enemy Lines“.

Конгресниот центар во Берлин, каде што се оддржа 27c3

Минатата година 10тина луѓе од хаклабот КИКА беа во Берлин за 27c3 и се вратија во Скопје со многу нови идеи, мотивација и ентузијазам за да направат нешто повеќе за заедницата и хакерската култура во Македонија.

Оваа година не успеавме да отидеме но ќе се обидеме да организираме No nerd left behind во КИКА. Се работи за настан кој што ќе се оддржува во исто време со 28c3, ќе се обидеме да поставиме 2 live стрима од одбрани презентации од овогодинешниот конгрес во две простории на КИКА. Поентата е да се собереме да се дружиме со кафе, храна и пиво и да бидеме во тек со најновите технолошки достигнувања, хакови и да видиме што од тоа можеме да примениме и во нашата средина со цел да го подобриме општеството во кое што живееме.

Распоред за презентациите што ќе ги стримаме ќе се обидеме да припремиме во текот на утрешниот ден за да знаеме што точно ќе се гледа во која просторија, па потоа ќе го објавивме истиот на блогов.

Датум: 27 до 30 декември
Место: Хаклаб КИКА, Васил Стефановски 8/1
Што е обезбедено: Интернет, кафе, чај
Што ви е потребно: Лаптоп, храна, сок, пиво, грицки и сл.
Што би ни се нашло: WiMax интернет од Неотел, за бекап опција (доколку некој може да донесе нешто вакво, нека не извести во коментарите на постов или на IRC за да го тестираме и да ја пријавиме IP адресата на организаторите на CCC за да добиеме загарантиран стриминг)

Disclamer: Презентациите траат од 12 наутро до 12 навечер, дојдете спремни!

И за крај ве оставам со key note говорникот од минатата година кој што беше еден од луѓето кои барем на мене ми оставија голем впечаток.

Ron Gonggrijp - 27c3 - We come in Peace

Поддржано од

Град Скопје

Сподели знаење утре на 24 декември 2011 година од 13 часот

2011-12-23T10:18:00.005+01:00

Утре редовно Сподели знаење во Хаклаб од 13 до 18 часот.

На лице место ќе се договориме што ќе се работи.

Кликни за поголема мапа

Програмски јазици во Хаклаб денеска (22.12.2011) од 19h до 21h

2011-12-21T22:43:00.005+01:00

Вечерва од 19 до 21h редовна вечер за програмски јазици во Хаклаб.

Планот е:
- Бојан ќе направи мини презентација на Сподели Wifi апликацијата за Андроид од кориснички аспект зашто, што се користи.
- Потоа ќе имаме bug-squashing сесија. Ќе поминеме еден цел процес од пријавување на bug, промена на кодот, ажурирање на репозиториумот, компјалирање, правење пакет, инсталација, тестирање, пријава на bug предизвикан од првите промени итн, итн...

Локацијата на Хаклабот не е променета повеќе од месец дена, немаш изговор да не дојдеш и придонесеш.

Гну/Линукс прва помош денеска 19.12.2011 од 19h во Хаклаб

2011-12-19T09:24:00.012+01:00

Редовна понеделничка ГНУ/Линукс прва помош вечерва почнувајќи од 19 часот во Хаклаб.

Ако имаш проблем со твојот компјутер донеси го, ако нема некој што знае да го реши проблемот ќе пробаме заедно да го најдеме решението сама да го решиш проблемот.

Споредна работа ќе биде да продолжиме таму каде што застанавме со Фајлсерверот на OpenIndiana.

Ако уште не знаеш каде е новата локација на Хаклабот види тука.

п.с Хаклабот најверојатно ќе биде отворен порано од ~17h за инфраструктурни активности=чистење. Следи го Твитер профилов да видиш точно кога пред 19h ќе биде отворен.

СподелиЗнаење - 17.12.11

2011-12-17T12:25:00.005+01:00

Стандардно СподелиЗнаење денес од 13ч во КИКА.

Може да ја разгледуваме Zenmap (апликација за мапирање на POI директно во openstreetmap), да ја инсталираме на сите Андроид телефони и да видиме дали може да се искористи за еден OSM маратон понатаму.

Се гледаме во КИКА!

Програмирање во КИКА - 15.10.11

2011-12-15T15:15:00.002+01:00

Денес со почеток од 19ч во хаклабот КИКА стандардно, вечер за програмирање. Python, C, C++, JavaScript и се друго што ќе улета.

Нема некоја официјална агенда, можете да улетате ако сакате да споделите нешто интересно.

Се гледаме вечер!

Сподели знаење, редовно во сабота

2011-12-09T19:20:00.001+01:00

Утре, како и секоја друга сабота од 13 часот сподели знаење во Хаклаб

2011-12-08T18:14:00.001+01:00

После неколку месечно одлагање после првиот ексклузивно женски собир во хаклабот КИКА, најмногу поради привремената неактивност на хаклабот, од вчера официјално ги активиравме планираните среди за состаноци.

Иако разговаравме за многу активности, оваа среда ја посветивме на додавање мала доза женственост во светот на интгралните кола, кондензаторите и сите тие жици - решивме од она кое е означено во кутија ѓубре да направиме нешто корисно, во случајов накит. Никој од нас не е професионалец, ако си имавме една креативна архитектка на гости, учиме низ импровизација. Илина не снабди со ченгелчиња за обетки и некако ни е driving force во однос на идеите, иако ни закасни малку :).

Работата течеше некако вака:
Јованка и Нелка одлемуваа се што ќе ни фатеше око, се уклопија во еден одлемувачки dream team. Одлемија и повеќе од доволно, така имаме еден куп делчиња кои ни останаа за некој следен пат.

Ние лепевме и комбиниравме, секој спои по нешто и на крај излегоа неколку работи (слика десно). Има доста простор за подобрување, секоја нова идеја е добредојдена. Јас ги охрабрувам сите со еколошки мисли и волја да ни се приклучат во некоја од наредните среди ра поработиме заедно: уште повеќе оние кои всушност имаат некое искуство со правење накит да не насочат малку.

При крај имавме еден intruder на гости кој си одигра одлична улога на фотограф, а и како модел кој прв ја проба крацијата на Сандра.

Марија дури позајми наочарчиња за да ни позирка за поавтентичен look со ланчето на кое пишува „HACK“ :).

Да не ја заборавиме и Сања која ни вети еден куп тастатури за да си играме со зборови ;).
Така помина првиот ден. Сите кои можат да ни донираат некое материјалче, имаат некоја идеја за тоа што можеме да направиме, или пак сакаат да поминат и да направиме нешто заедно, пишете ми или искоментирајте на постот.

Јас можам да ви дадам најмалку 3 причини зошто да ни помогнете:

1. Добро е за околината;

2. Забавно е;

3. Со идните успешни креации планираме да собираме донации, па ете и помагате некому.

Се гледаме во некоја наредна среда!

Global Day of Coderetreat - Белешки од настанот

2011-12-04T12:10:00.011+01:00

Неколку белешки од Global Day of Coderetreat настанот во Скопје (фотки):

Што беше добро?

Скопје се најде на светската мапа (заедно со 90+ градови и 2100+ програмери од целиот свет)
Размена на знаење (Ruby, Python, Javascript, Java и по нешто Erlang на крај)
Направивме директно поврзување со настанот во Барселона (дискусијата за претстоечкото El Clásico беше особено интересна)
3 спонзори (голема благодарност до Atomidata, Siyelo и Ever-Near: маици, пиво и храна за цел Хаклаб)

Што можеше да биде подобро?

Посетеностa (имаше само 3 пара - 6 програмери, да имаше уште 1-2 пара мислам дека ќе беше многу подобро)
Фокусот (малата посетеност беше причина да имаме 4 квалитетни сесии каде фокусирано вежбаме дизајн на софтвер и 2 сесии во слободен стил)
Не успеавме да се поврземе со настанот во Питсбург (имаа некоја промена во распоредот)

Во секој случај, мислам дека беше одлично искуство и добар почеток за нешто посериозно доколу има интерес.

Во извлекувањето награди добија:

Пецо Данајловски - Лиценца на еден продукт од JetBrains
Наум Костовски - Книга од Pragmatic Press

За помалку популарните награди (попуст на членство во првиот месец од CodeSchool и 3 месеци бесплатен период од DNSimple) кои беа наменети за сите учесници - никој не беше посебно заинтересиран. Ако некој се предомислил нека ми прати порака и ќе ви испратам инфо.

Женски собир во КИКА

2011-12-03T16:46:00.003+01:00

На 07.12.2011 (среда) 19:00 часот во КИКА женски собир по повод координација на понатамошните активности и отпочнување на веќе планираните.

- kika-wh@googlegroups.com е листата на која може да се пријави кој сака за да биде во тек и да се вклучи во активностите.

- Оваа среда да ја почнеме да работиме на идејата за накит од стар хардвер: кој што може да донесе нека пријави на листа, ако не ви се наоѓа ништо по дома, доволно е и добра волја и идеја :).

- Исто така разговаравме за настани кои би можеле да ги одржуваме кои би се вртеле околу некои актуелни релевантни теми еднаш месечно или ad hoc како ќе дојде.
Ако имате некоја идеја околу ваквиот вид на настани пишете на листа.

Се гледаме во среда.

Global Day of Coderetreat во Хаклаб 2.0 (03.12.2011, 10 - 17 часот)

2011-11-28T01:08:00.040+01:00

Ако има заинтересирани фирми што сакаат да го спонзорираат настанов нека ја прочитаат статијава до крај. Листата на спонзори за овој настан е затворена, видете кои се спонзори на крајот од статијава. Ако сте задоцниле и сакате да спонзорирате, можете да направите донација директно на Хаклаб-от.

Што е Coderetreat?

Coderetreat е едно-дневен настан на интензивно вежбање развој и дизајн на софтвер. Се прават pair-programming сесии од по 45 минути во кои двајца програмери заедно работат на решавање на одреден проблем. Потоа се брише кодот, се прави кратка пауза и ретроспектива, се ротираат паровите и се почнува од ново. Поентата е преку вежбање на основни принципи на објектно-ориентиран дизајн во различни програмски јазици да се разменат искуства и начини на размислување без било каков притисок дека нешто "мора да се сработи".

Резултат: ефективно подобрување на вештините кај секој што учествува.

Настанот е од глобален карактер и ќе се случува во преку 90тина градови во целиот свет (може ќе имаме комуникација во живо со останати градови или нешто слично). Влезот е слободен и може да се пријави кој сака. Потребно е да дојдете со ваш лаптоп и инсталирани програмски јазици во кои работите за да не се губи време на тоа. За настанот треба да се регистрирате за да планираме колку луѓе ќе дојдат. Mислам дека капацитетот на Хаклабот е 12 луѓе во една просторија, но секако ќе се снајдеме со другите простории ако се пријават повеќе луѓе.

Настанот ќе се случува во Сабота (03.12.2011) од 10.00 - 17.15 часот во Скопје Хаклаб 2.0. Потребно е сите пријавени да дојдат на време. Програмата ќе биде следна:

10.00 - 10:30 - Вовед
10:30 - 11:15 - Сесија 1
11:15 - 11:30 - Ретроспектива 1
11:30 - 12:15 - Сесија 2
12:15 - 12:30 - Ретроспектива 2
12:30 - 13:00 - Ручек (пица или слично)
13:00 - 13:45 - Сесија 3
13:45 - 14:00 - Ретроспектива 3
14:00 - 14:45 - Сесија 4
14:45 - 15:00 - Ретроспектива 4
15:00 - 15:45 - Сесија 5
15:45 - 16:00 - Ретроспектива 5
16:00 - 16:45 - Сесија 6
16:00 - 17:15 - Завршна Ретроспектива
17:15 - xx:xx - Drunkup

Проблемот кој ќе се решава во сите сесии е Conway's Game of Life но секоја сесија е различна бидејќи фокусот е на учење и испробување различни работи како на пример:

The 4 rules of simple design
TDD as if you meant it
Ping-pong pair programming
SOLID design principles
Tell don't ask
Timeboxing
Користење лоша навика: програмирање со мануелно или без никакво тестирање
Замена на код: програмирате со наследен код од друг програмер
"Missing tool" предизвик:
програмирање без маус
програмирање без користење примитиви (основи типови)
програмирање без користење услови
програмирање без користење податочни структури, користење само на објекти
програмирање со забрана на подолги методи од 4 линии
глаголи наместо именки (фокус на однесување, наместо на состојба)
забрана за менување на постоечки код, додавање само на нов

Целта не е да се испрограмира играта, туку да се фокусира на пишување перфектен код и преку вежбање да се разменат и научат нови идеи.

Би било добро да се пријават 1 или 2 фирми ако се заинтересирани да бидат спонзори на настанот. Потребно е само да обезбедат храна за што претпоставувам околу 50 евра би биле доволни. За возврат (како и сите локални спонзори на настанот во други градови) ќе добијат вртење на нивно лого пред најавата и во паузите од сесиите во кои ќе бидат прикажани и глобалните спонзори на настанот. Кога сме кај глобалните спонзори, ќе има некои награди од нив, но сеуште немам информација на кој начин ќе бидат доделени.

Спонзори на настанот се: Ever Near, Atomidata и Siyelo.

Програмски јазици: Машинско учење во Ruby (01.12.2011, 19 час)

2011-11-27T21:36:00.018+01:00

Првата епизода на "Програмски јазици" во Хаклаб 2.0 ја отвараме со ruby.mk состанок во стандардниот термин: Четврток, 19-21 часот. Ова е прв ruby состанок по пауза од неколку месеци, последниот беше во рамките на "Едно лето" проектот кон крајот на летото.

Ќе презентираме прототип апликација "агрегатор на новости" кој работи со неколку странски медиуми. Целта на презентацијата е вовед во основните концепти на машинско учење од кои може да произлезат разни идеи за правење интересни апликации. Во прототип имплементацијата (кодот може да го видите тука) ќе разгледаме неколку компоненти:

поставување тренинг податоци
собирање новости од неколку медиуми
парсирање на RSS/HTML текстови
класификација со статистичка метода
креирање кластер со статистичка метода

Алатки преку кои ќе бидат разгледани концептите:

Програмски јазик: Ruby 1.9.2
Стандардни библиотеки: open-uri, net/http, rss (rss/2.0), json
Други библиотеки: Sintara, Redis, Haml, Sass, Nokogiri
База на податоци: Redis

Цел на презентацијата:

агрегатор на новости како концепт и реализација
краток вовед во користените алатки со акцент на Redis и во какви сценарија може да се користи
дискусија на други алгоритми за класификација и кластерификација на текстови (Bayes, Latent Semantic Analysis, K-means
дискусија на архитектура за поголеми апликациии од овој тип (couchdb/mongodb, парсирање и анализа на македонски текстови)
разгледување идеи за апликации од овој вид во Македонија

Кликнете тука за поголема мапа.

GNU/Linux прва помош во новиот Хаклаб

2011-11-27T21:26:00.003+01:00

Овој понеделник (28.11.2011) од 19h почнуваме повторно со редовната активност GNU/Linux Прва помош каде секој во Македонија што има некаков проблем со GNU/Linux на својот компјутер доаѓа во Хаклаб за да пробаме заеднички да го решиме и да научиме нешто ново.

Споредни активности:
- Ќе правиме Occupy „GNU/Linux Прва помош“ бидејќи ќе му инсталираме OpenIndiana на Rapture (to be file server компјутер во хаклабот)
- Random. (Софтверот за LED коцката е во изработка, Бесконечното огледало не е закачено на ѕид, CNC машината е во изработка, итн итн...)

Кликнете тука за поголема мапа

Сподели Знаење 26.11.2011

2011-11-25T16:25:00.002+01:00

Си продолжуваме со редовните термини во Хаклабот. Оваа сабота на гости ќе ни е Лука од Албанија со кој ја изработуваме CNC машината, така да воглавно ќе се работи хардвер.

Се разбира дека останатите 2 соби ќе се слободни па паралелно ќе се хакира и нешто друго :)

Присуството е пожелно, почнуваме од 13 часот.

Хаклаб 2.0 официјално отварање

2011-11-21T13:27:00.005+01:00

„Скопје го доби првиот хаклаб!“ беше насловот објавен во Нова Македонија и на IT.com.mk некаде пред околу 2 години. Идејата иницирана од членовите на 2с.мк и луѓе од пошироката заедница во Македонија беше да се создаде слободна технолшка зона, отворен простор каде што ќе може да дојде секој и да учествува во разни проекти поврзани со програмирање, мрежи, систем администрација, слободен софтвер и слободна култура и сл.

Од тогаш се случија многу работи, научивме многу, многу нови луѓе и се приклучија на локалната заедница и почнаа да придонесуваат со правење на многу кул ствари и она што можеби е најбитно од се за иднината, најдовме нов и поголем простор со подобри услови каде што ќе можеме да продолжиме да работиме на сето она што го правевме во последните 2 години.

На 24ти ноември во 18:30ч организираме собир (мини-журче) на кој што се поканети сите заинтересирани. Поводот е отворањето на новиот скопски хаклаб. Принципот е „bring and share your own booze“. Ние ќе се погрижиме за греењето и музиката. :)

Локација:

Кликнете тука за поголема мапа

Добра прилика за сите заинтересирани кои што досега не ја посетиле КИКА да видат каде е местото, на кои активности работиме и секако можност да се видиме и да се запознаеме подобро, да се дружиме и да соработуваме во иднина.

Се гледаме во четврток!

ЈМП епизода #7: Драконски закони

2011-11-19T19:33:00.001+01:00

Утре (20.11.2011 14ч), тема на новата епизода на ЈМП ќе биде Stop Online Piracy Act контроверзата. Обидите да се истуркаат строги закони во САД а кои никако не им помагаат на крајните корисници мобилизираше значајни актери (организации и компании) да се побунат.

На оваа тема ќе зборуваат Новица, Дамјан и Миша.

Музиката е спонзорирана од Jamendo.
http://www.jamendo.com/en/artist/Emerald_Park
http://www.jamendo.com/en/artist/Tobias_Borelius

Podcast-от од емисијата достапен на: http://podcast.spodeli.org/