மெய்ப்பொருள் காண்பதறிவு

Hai

2009-12-12T06:39:00.001+05:30

--
-SPSK

This is a test post.

2009-12-12T06:21:00.001+05:30

Hi,
This is a test post.

மன்னிச்சுகோங்க கலாம்! - I

2009-01-10T01:16:00.003+05:30

இந்தியா 2020-இல் வல்லரசு ஆகுமா?

ஒரு ரெண்டு வருஷம் முன்னாடி வரையும் இது தான் ஹாட் டாப்பிக். நானும் பத்தாவது பன்னண்டாவது படிக்கும்போதெல்லாம் உணர்வு பூர்வமாக இதனுடன் ஒன்றி இருந்தேன்...

என்னோட இ-மெயிலின் கடவுச்சொல்லாக (சொற்களாக - Passphrase) நான் ஒரு வருஷமாக வைத்துக் கொண்டிருந்ததாலோ என்னவோ, அந்த intimacy இன்னமும் கிடைத்துக் கொண்டிருக்கிறது...

இப்போது ஒரு நாலைந்து மாதங்களாக இது தான் என்னை பேஜார் பண்ணிக் கொண்டிருக்கிறது.ஒரு மாயையில் சிக்கிக் கொண்ட மாதிரி.

நீங்கள் போட்டு வைத்த கணக்கு உங்கள் கண்முன் வீழ்வதைப் பார்ப்பதே மாயை என்று சுமாராக define பண்ணலாம் என்று எனக்கு இப்போது தோன்றுகிறது...
சோவியத் மாயையைப் பற்றி ஜெயகாந்தன் எழுதியதைப் படிக்க வேண்டும் என்ற ஆர்வம் என்ற ஆசை அவ்வப்போது எழுகிறது...

சில ஏமாற்றங்கள் வாழ்க்கைக்கு சுவை கூட்டுகின்றன... சில வெறுப்பைக் கொடுக்கின்றன... சில ஏமாற்றங்களே நம் வாழ்வின் ஒவ்வொரு அங்கத்தையும் பாதிக்கின்றன...

அப்படிப்பட்ட ஒருவனின் கலப்படமட்ட்ற தேசியத்தையும், அதனைத் தொடர்ந்த ஏமாற்றங்களும் அதன் proof-களுமே தொடர்ந்து வரும் பதிவுகளுக்கு வித்து...

நன்றி...!

ரீ-என்ட்ரி

2009-01-10T01:06:00.002+05:30

நீண்ட நாட்களுக்குப் பிறகு என் வலைப்பூவிற்கு பதிவுகளை அளிக்கத் துவங்கியிருக்கிறேன்... சில சூழ்நிலைகளால் முடியாமல் பொய், இப்போது தான் ரீ-என்ட்ரி கொடுக்க முடிந்தது.

விரதம் முடிக்க, என்னை மீண்டும் வலைப்பதிவிற்கு இழுத்து வந்த விஷயங்களை அடுத்த பதிவிலிருந்து துவங்குகிறேன்...

அன்பர்கள் அனைவருக்கும் 2009 ஒரு மிகச் சிறந்த ஆண்டாகஅமைய வேண்டும்!

அண்டை வீட்டுப் பெரியண்ணா...

2008-05-05T17:21:00.003+05:30

சமீபத்தில் பல வலைத்தளங்களை அணுக முடியவில்லை. என் ISP-யின் பயன்பாட்டு விவரங்கள் தரும் வலைத்தளமும் வெற்றுப் பக்கத்தையே காட்டிக் கொண்டிருக்கிறது. Grievances-இல் புகார் செய்தும் பலனில்லை. நிற்க.

பல மாதங்களாய் அமெரிக்கா முதல் பல மேற்கத்திய நாடுகள், சீனா தங்களின் Network-களை ஊடுருவுவதாக கூறிவரும் குற்றச்சாட்டு வலுப்பெற்று வரும் நிலையில் மன்மோகனும், NSA நாராயணனும், இந்தியாவும், கம்யூனிஸ்ட்களையும், பிரியங்கா-நளினியையும் தாண்டி இன்னும் யோசிக்க வேண்டியது நிறைய இருக்கிறது.

ஒலிம்பிக் ஜோதியை ஏந்தியதயே 10 தங்கப்பதக்கம் பெற்றதற்கு நிகராய்ப் பெரிதாக்கிய இந்திய அரசு கம்யூனிஸ்ட்களுக்காக பயந்து கொண்டு சீனாவுக்கு தூபம் போடுவதை நிறுத்திவிட்டு தங்களின் பக்கத்து வீட்டுப் பெரியண்ணாவைக் கொஞ்சம் நுணுக்கமாக கவனிக்க ஆரம்பிக்கலாம். திபெத் நமக்கு ஒரு எச்சரிக்கை மணி என்பதை ஏன் அவர்கள் உணரவில்லை? கம்யூனிஸ்ட் என்ற ஒரே அடையாளத்தை மட்டுமே கொண்டு சீனாவை விரும்பும் இவர்கள், traitors!!

"If Left has any future in India, India has no future left", என்று சோ. ராமசாமி சொன்னது நினைவுக்கு வருகிறது. "They don't have any problem with us. They seem to have something with them", என்று அமெரிக்கா-கம்யூனிஸ்ட் உறவைப் பற்றி நம் பிரதமரே சொன்னது அவர்களின் கம்யூனிச commitment-ஜக் காண்பிக்கும். சொந்த தேச நலன் என்பதை எல்லாம் மறந்து விட்டு கம்யூனிச கிறுக்கு பிடித்த இவர்களைப் பற்றிய சோ-வின் comment--really fitting!!

சத்தமே இல்லாமல் சீனா செய்து கொண்டிருக்கும் தாதாயிசம், மற்றும் அதி வேக ராணுவ மற்றும் உட்கட்டுமான புரட்சியில் அமெரிக்காவே அரண்டு போயிருக்கும் நிலையில் நாம் இங்கே பூச்சி பிடித்துக் கொண்டிருந்தால் இந்தியாவின் வட கிழக்கு எல்லாம் அவர்களுக்கே சொந்தமாகிவிடும். அப்புறம் சத்யராஜ் சொன்ன மாதிரி "வாயில் விரல் வைத்துக் கொண்டு போகலாம்".

DRDO முதல் பல முக்கியமான அமைப்புகளும் இன்று மனிதவளம் இல்லாமல் தவித்துக் கொண்டிருக்கும் நிலையில், அவர்கள் கவர்மெண்ட் சார்பில் hacking contest-களை நடத்தி வேல்வோருக்கு இந்தியா முதல் அமெரிக்கா வரை அத்தனை நாடுகளின் முக்கிய வெப்சைட்களையும் hack பண்ணும் வேலை கொடுக்கிறார்கள்...

இன்னும் பல "இங்கும்-அங்கும்" எழுதினாலும் நம்ம ஆட்களின் மண்டைகளில் ஏறப்போவதில்லை. ஒரு புயல் அமைதியாக அங்கே உருவாகிக் கொண்டிருக்கையில், இங்கே தேசியக் கொடிக்கு மரியாதை செய்ய மறந்து நம் மானத்தை மெக்சிகோ வரை பறக்கவிடுகிறோம்.

Really Pathetic!!

"இம்பர்மேஷன் ஈஸ் வெல்த்"#

2008-04-25T18:45:00.019+05:30

அக்டோபர், 2005-இல் அமலுக்கு வந்த தகவல் அறியும் உரிமை சட்டத்தின் impact எல்ல ஊடகங்களின் வாயிலாகவும் தெரிகிறது. மிக சமீபத்தில் தமிழ்நாட்டில் நெடுஞ்சாலை பொறியாளர் ஒருவருக்கு, தகவல் தருவதில் தாமதித்தமைக்காக 25000 ரூபாய் அபராதம் விதிக்கப்பட்டது செய்தியாக வந்தது. இதே சமயத்தில் டெல்லியில் நடந்த முதல்வர்கள் மற்றும் தலைமை நீதிபதிகளின் வருடாந்திர மாநாட்டில் உச்ச நீதிமன்ற தலைமை நீதிபதியின்(CJI) உரையும் கவனத்தைக் கவர்ந்தது. 2 விஷயங்கள் அவருடய பேச்சில் முக்கியத்துவம் பெற்றன:

1. இந்தியாவின் தலைமை நீதிபதியை Right to Information (RTI) கட்டுப்படுத்தாது.

2. நீதித்துறையில் ஊழல் கிடையாது.

RTI பற்றி சொல்லும் போது "The Chief Justice is not a public servant. He is a constitutional authority. RTI does not cover constitutional authorities" என்று சொல்லி இருக்கிறார்.

CJI சொல்வது போல் Constituitional Authority, Public Sevant என்ற பாகுபாடு எல்லாம் RTI-இல் கிடையாது. Public Servant என்பதற்கு someone who holds a government position (either by election or appointment) என்று தான் அர்த்தம். "We are here to solve their problems" என்று டாக்டர் கலாம் சொன்னதற்கும் "The Chief Justice is not a public servant" என்ற வாதத்துகுமான வித்தியாசம் தான் "Lack of Accountability".

The Contempt of Courts (Amendment) Act, 2006 இயற்றபடுவதற்கு முன்பு வரை நீதித்துறையின் அங்கம் ஒன்றினைப்பற்றிய ஒருவரின் குற்றச்சாட்டு, உண்மையே ஆயினும் அது நீதிமன்ற அவமதிப்பாகவே கருதப்படும். அருந்ததி ராய் முதல் பலரை இந்த அஸ்திரம் தாக்கி இருக்கின்றது. ஆக, நேற்று வரை implicit dictatorship பண்ணிக் கொண்டிருந்தவர்களை ஒரு சாதரண குடிமகன் கேள்வி கேட்பதா? நியாயம் தானே!!

வரி கட்டுவோரின் பணத்தில் இருந்து சம்பளம் வாங்கினாலே அவர் 'Public Servant' ஆகிவிடுகிறார் என்கிற அடிப்படையான சிந்தனை அப்பொழுது கணம் CJI-குத் தோன்றாமல் போனது துரதிஷ்டவசமே! தான் 'Authority'-ஆக இருக்கும் இந்திய அரசியல் அமைப்பின் 14-ம் பிரிவினை அவர் கொஞ்சம் படித்துப் பார்க்கலாம். இதே நேரத்தில், "I am not questioning the Chief Justice. He is a high constitutional functionary. But since you ask me, I feel we should not keep anything back from people'' என்று திரு. சோம்நாத் சட்டர்ஜி சொல்லி இருப்பது மிகவும் வரவேற்கத்தக்கது.

தேங்கி இருக்கும் வழக்குகளை விரைந்து முடிப்பதற்காக சுப்ரீம் கோர்ட் எக்ஸ்ட்ரா-டைம் பார்க்க வேண்டும் என்ற யோசனையை நிராகரித்த CJI - நீதிபதிகளின் சம்பள உயர்வு பற்றிக் கேட்டபோது "Anyway if there is an increase in salary of other constitutional authorities, our salary will also be increased. Why should we go and bargain for this?” என்று (6th Pay Commission-ஜ மனதில் வைத்துக்கொண்டு) சொன்ன CJI, எப்படி RTI-யின் எல்லைகளை வரையறுக்கலாம்?

அடிப்படையாக, இந்த சட்டத்தின் நோக்கமே "To ensure accountability" (to hold Governments and their instrumentalities accountable to the governed) என்பதுதான். முன்னாள் CJI சபர்வால் மீதான குற்றச்சாட்டுகள் மூலம் நாம் உணர வேண்டியது என்ன?

'இந்தப்பழம் புளிக்கும்' என்று இப்படியே எல்லோரும் கை கழுவி விட்டால் சட்டத்தின் நோக்கமே நிறைவேறாமல் போய்விடும். ஏற்கனவே RTI-யின் பலத்தைக் குறைக்கும் முயற்சிகள் executive level-லில் தொடங்கிவிடிருக்கும் நிலையில், இது போன்ற மதிப்புமிக்க கருத்துக்கள் (சொன்னது CJI அல்லவா?) எவ்விதமான தாக்கத்தை ஏற்படுத்தும் என்பது சிந்திக்கப்படவேன்டியது.

RTI அப்படி என்னத்தான் சொல்கிறது?

தரமற்ற சாலை முதல் பாஸ்போர்ட் தாமதம் முதல் EB பில் முதல் பென்ஷன் பிரச்சனை வரை எதுவாயினும் பத்து ரூபாயுடன் உங்கள் கேள்வியை PIO-விடம் கொடுங்கள். மற்றபடி variable-time-limit எல்லாம் கிடையாது; எந்தத் துறை ஆனாலும் முப்பது நாளில் உங்களுக்குத் தகவல் வந்திருக்க வேண்டும். மீறும் கேஸ்களுக்கு ஆரம்பத்தில் பார்த்து போல் 10000, 20000 என்று அபராதம்... (கவர்மண்ட் பணத்தில் இருந்து அல்ல... சம்பளத்தில் இருந்து பிடித்தம் செய்து கொள்வார்கள்...)

RTI-யின் சிற்பி(கள்) சத்தியமாக அம்பேத்கரைவிட நுட்பமாய் செய்திருக்கிறார்கள். Great! பத்ம அவார்டு பரிந்துரைக்கிறேன்.

Loopholes மிகவும் குறைவாக உள்ள இதன் strong features:
1. கண்ட டிப்பார்ட்மென்டை எல்லாம் 'Exception List'-இல் கொண்டு வர முடியாது:
"The Central Government may, by notification in the Official Gazette, amend the Schedule by including therein any other intelligence or security organisation established by that Government or omitting therefrom any organisation already specified therein and on the publication of such notification, such organisation shall be deemed to be included in or, as the case may be, omitted from the Schedule."

2. குறிப்பிட்ட நாட்களுக்கு மேல் தகவல் கொடுக்காமல் இருப்பது தகவல் மறுப்பதற்கு சமம்.
"If the Central Public Information Officer or State Public Information Officer, as the case may be, fails to give decision on the request for information within the period specified under sub-section (1), the Central Public Information Officer or State Public Information Officer, as the case may be, shall be deemed to have refused the request."

3. எதற்காக தகவல் கேட்கிறீர்கள் என்று சொல்லத் தேவை இல்லை.
"An applicant making request for information shall not be required to give any reason for requesting the information or any other personal details except those that may be necessary for contacting him."

இதன் ஒவ்வொரு ஷரத்தும் "People is the king in the monarchy called Democracy" என்று வலியுறுத்துகின்றது.

சும்மா இருக்கும் போதும், சீரழிந்த சாலைகளை உங்கள் ஏரியாவில் பார்க்கும்போதும் ஒரு பத்து ரூபாய் செலவிடுங்கள்.வேலை நடக்கவில்லை என்றால் திட்டாதீர்கள்; ஒரு RTI-விண்ணப்பம் எழுதுங்கள்.
ஒவ்வொரு பத்து ரூபாயும் ஒரு investment...

முடியவில்லை என்றால், "பென்ஷன் கிரெடிட் ஆகவில்லை" என்று புலம்பும் பக்கத்து வீட்டுப் பாட்டியிடம், இப்படி ஒரு விஷயம் இருப்பதையாவது சொல்லுங்கள்.

'வளர்ந்த-இந்தியா' என்ற கனவுக்கு நீங்கள் இப்படியும் contribute பண்ணலாமே...

மற்றபடி "நான் பெருசு... நீ சின்னது..." என்றெல்லாம் bureaucracy-இல் வித்தியாசம் பார்பவர்களுக்கு சமீபத்தில் ரிலீஸ் ஆகியிருக்கும் அஞ்சாதே படத்தின் "அப்ப நீங்க கண்டுபுடிங்க... கண்டுபுடுசிட்டு வந்து சஸ்பெண்ட் பண்ணுங்க சார்" scene-ஜப் பரிந்துரைக்கிறேன்...

#தலைப்பு - நன்றி:சுஜாதா

இவற்றையும் பாருங்கள்:

ரிசர்வ் வங்கியின் இந்த முயற்சி போல எல்ல அரசுத் துறை அமைப்புகளும் முயற்சி செய்யலாமே...
http://www.parivartan.com/
http://timesofindia.indiatimes.com/File_SC_evasive_on_asset_declaration_by_judges/articleshow/2949631.cms
http://hrwpaper.blogspot.com/2007/06/cross-examination-of-chief-justice-of.html
http://www.hinduonnet.com/2005/10/07/stories/2005100703631000.htm
http://righttoinformation.gov.in

அகர முதல எழுத்து

2008-04-24T12:47:00.006+05:30

அன்பர்களுக்கு வணக்கம்...
நீண்ட நாட்களாகவே blogspot.com-இன் தீவிர வாசிப்பாளனாய் இருந்தாலும் இப்பொழுது தான் எழுதுகிறேன்.
இது போன்ற blogging தளங்களில் பல விஷயங்கள் தெரிகின்றன. சில: இணையத்தில் தமிழின் பரவல், தமிழர்களின் வாசிப்புத்தன்மை, இன்றைய அச்சு இதழ்களிலும் காண முடியாத இலக்கியம், மற்றும் நல்ல விமரிசனகள்.
Transliteration மென்பொருட்களின் எளிமையும், உருபடாததும் என்னை எழுதத் தூண்டின.
இரண்டிற்கும் நன்றி.
முடிந்த வரை வாழ்வின் எதார்த்தத்தை எழுத்தில் கொண்டு வர முயற்சிக்கிறேன்.
நன்றி.