The Crimson Tide !!!! రుధిరకెరటం

శ్రీకృష్ణ కమిటీ రిపోర్ట్- First Glance

srikchin@gmail.com (Srikrishna Chintalapati, శ్రీకృష్ణ చింతలపాటి) — Thu, 06 Jan 2011 10:44:49 PST

నా బ్లాగులో ప్రస్తావించిన మూడు (అన్ని) ప్రతిపాదనలూ శ్రీకృష్ణ కమిటీ ప్రతిపాదనల్లో పొందుపరచబడ్డాయి. (ప్రాంతీయ మండలి, కేంద్రపాలితప్రాంతం చేసి రెండు వేర్వేరు రాజధానులు, భౌగోళిక సవరణలతో సంయుక్త రాజధాని)

ప్రతిపాదనలు-
• రాష్ట్రాన్ని సమైక్యంగా ఉంచి, ప్రత్యేక బోర్డుల ఏర్పాటు
• రాష్టాన్ని రెండుగా విభజించడం, హైదరాబాదు కేంద్రపాలిత ప్రాంతంగా చేసి వేర్వేరు రాజధానులు ఏర్పాటు
• రాష్టాన్ని రాయల తెలంగాణ గా ఆంధ్ర గా విడగొట్టడం
• నల్గొండ, హైదరాబాదు, రంగారెడ్డి లతో కేంద్రపాలిత ప్రాంతం ఏర్పాతు చేసి ఉమ్మడి రాజధానిగా కొనసాగించడం
• హైదరాబాదు రాజధానిగా తెలంగాణ రాష్ట్ర ఏర్పాటు (సీమాంధ్ర ప్రజల్లో అనుమానాలు నివృత్తిచేసిన పిమ్మట)
• రాష్ట్రాన్ని సమైక్యంగా ఉంచడం, ప్రాంతాలవారీగా రాజ్యాంగ రక్షణ కల్పించడం

My Analysis-

• 1 మరియు 6 వ సిఫారసులు సమైక్యవాదాన్ని బలపరుస్తాయి
• మిగిలిన అన్ని సిఫారసులు ప్రత్యేకవాదాన్ని బలపరుస్తాయి
• అందరి వాదాలనీ పరిగణన లోకి తీసుకున్నారు
•ఆరుప్రతిపాదనల్లో ఐదుప్రతిపాదనలు హైదరాబాదు ని సీమాంధ్ర తో అనుసంధానిస్తూ హైదరాబాదుని ఎవరికీ పరిమితం చేయలేమని స్పష్టంగా చెప్పారు
• హైదరాబాదుతో సీమాంధ్ర ప్రజలకున్న అనుబంధాన్ని, Dependancy ని స్పష్టంగా గుర్తించారు

ముందుగా ప్రకటించిన విధంగా -- ముందుగా మొదటి సిఫారసు అమలుచేయడానికి ప్రయత్నిస్తారు, సాధ్యంకాకపోతే రెండవది, తర్వాత మూడవది.

కనుక ..

• రాష్ట్రాన్ని సమైక్యంగా ఉంచడం ఇక సాధ్యం కాదు గనుక మొదటి సిఫారసు ఆచరణీయంకాదు
• హైదరాబాదు పై స్పష్టమైన ప్రకటన్ లేకుండా రాష్ట్రాన్ని విభజించడం సాధ్యంకాదు గనుక రెండవదీ సాధ్యంకాదు
• మూడవ ప్రతిపాదన రాయల్ తెలంగాణ వెనుక రాజకీయ ప్రయోజనాలు కనిపిస్తున్నాయి కానీ, అది ఏ రకంగానూ ప్రజాభిప్రాయాన్ని ప్రతిబించడం లేదు
• ఇక ఐదు, ఆరు ప్రతిపాదనలైన సమైక్య రాష్ట్రం, ప్రత్యేకరాష్ట్రం ఏకాభిప్రాయం కుదరదు గనుక ఏ విధంగానూ సాధ్యంకాదు
• సో, నాలుగవ సిఫారసు అయిన , హైదరాబాదు, రంగారెడ్డి, నల్గొండ, మహబూబ్ నగర్ లతో కలిపి కేంద్రపాలిత ప్రాంతం ఏర్పాటు చేయడం అనే సిఫారసు బహుశా ఆచరణ యోగ్యం కావచ్చు, ఈ ప్రతిపాదనకి (రాష్ట్రవిభజనకు మానసికంగా సిద్ధమైన) సీమాంధ్ర నుండీ పెద్ద ప్రతిఘటన ఎదురుకాదు, కానీ ప్రత్యేకవాదులు సంతృప్తి చెందరు.

అందరినీ సంతృప్తి పరచడం సాధ్యంకాదు గనుక, అందరికీ సమానంగా అసంతృప్తి కలిగించే పరిష్కార మార్గం మాత్రమే ముందు కనిపిస్తోంది. ప్రత్యేకరాష్ట్రం కావలంటే ఈ ప్రతిపాదనకి ప్రత్యేకవాదులు దిగిరాక తప్పదు.

కానీ మహబూబ్నగర్, నల్గొండ, హైదరాబాదు, రంగారెడ్డి నాలుగు జిల్లాలు తరలిపోతే తెలంగాణ తీవ్రంగా నష్టపోతుంది, ఆరుజిల్లాలతో కూడిన తెలంగాణ రాష్ట్రంలో రాజకీయ అస్థిరత, నాయకత్వ లేమి, వెరసి ఝార్ఖండ్ లాంటి పరిస్థ్జితి పునరావృతమౌతుంది, అసలే వెనుకబడి ఉన్న ఐదు జిల్లాలతో కుడిన తెలంగాణ రాష్ట్రం మావోయిస్టులకి స్వర్గధామం అవుతుంది, దీర్ఘకాలం లో తెలంగాణ నష్టపోయే సూచనలు ఎక్కువగా కనిపిస్తున్నాయి.

మరోవైపు, కొత్తగా ఏర్పడబోయే వాణిజ్య, ఉపాధి అవకాశాలు. చిన్న రాష్ట్రాల్లో ఉన్న పరిపాలనా సౌలభ్యాలూ, ప్రతిపాదిత కేంద్రపాలిత ప్రాంతంలో Infrastructure Development, అవకాశాలూ, వాణిజ్య పరమైన అభివృద్ధి, ఈ ప్రతిపాదనలోని అనుకూలాంశాలు.

నాకేమీ వద్దు, ఈ ప్రపంచం తగలబడిపోవాలి అంతే !

srikchin@gmail.com (Srikrishna Chintalapati, శ్రీకృష్ణ చింతలపాటి) — Wed, 22 Dec 2010 00:21:16 PST

He can’t be bought, bullied or negotiated with… some people just want to see the world burn.”

— Alfred (Michael Caine) speaking of the Joker, in The Dark Knight (2008)

కొంత మందికి ధనం వద్దు, అధికారం వద్దు, గేలి చేసేదానికి లొంగరు, ఏ రకమైన ఒప్పందాలూ, అoగీకరణలూ వారి ముందు పనిచేయవు. కేవలం ప్రపంచం తగలబడిపోవడం కావాలి అంతే, తగలబడిబోతున్న ప్రపంచాన్ని చూడాలి అంతే అదే వారి కోరిక. They just want to see this world burning !!!

నిజంగా నాకు మాటలు రావట్లేదు ఇవాళ, మనుషుల మధ్య విద్వేషాలు రేకెత్తించడం ఎంత సులభం అయిపోయింది. మా సంస్కృతీ మీ సంస్కృతీ ఒకటికాదంటారు. మా పూర్వీకులు వేరు మీ పూర్వీకులు అంటారు, మా దేవుడు వేరు మీదేవుడు వేరు అంటారు. మాది మాతృస్వామ్యం మీది పితృస్వామ్యం అంటారు. బుర్ర లేని జనాలం ఏది చెప్పినా నమ్మేస్తాం.

పోనీ అలాగే! నమ్మేద్దాం, ఎవరేం చెప్పినా నమ్మేద్దాం! రామాయణం అబద్ధం, రావణాసురుడు నిజం. శ్రీకృష్ణుడు అబద్ధం నరకాసురుడు నిజం, దేవీ భాగవతం అబద్ధం మహిషాసురుడు నిజం. అన్నీ నిజాలే! నమ్మేద్దాం!

కనీసం అప్పుడన్నా శాంతిస్తారా? కావల్సిన ప్రయోజనం చేకూరిందని మిన్నకుంటారా?

లేదు- ఇక్కడ ఇంత పెద్ద ఉద్యమం నడుస్తుంటే ఏమీ ఎరగనట్టు నడివీధిలో కనకదుర్గమ్మ విగ్రహం పెట్టిండ్రు, పోలేరమ్మ, నూకాలమ్మ, కనకదుర్గమ్మ వాళ్ళ దేవతలు, గండి మైసమ్మ, కట్టమైసమ్మ, రేణుకా ఎల్లమ్మ, సమ్మక్క సారలమ్మ మన దేవతలు. జాతర్లకి పోయే భక్తులంతా కొంచెం ‘సోయ’ తో మెలగాలని విఙ్ఞప్తి జేస్తున్నం.

అప్పుడే ఏమయింది? రాజకీయాలు అయినయ్, కులాలు అయినయ్, మతాలయినయ్, ప్రాంతాలయినయ్, మనుషుల ఒంటి రంగయింది, మనుషులు మాట్లాడే భాష అయింది, తినే తిండయింది, పూజించే దేవుళ్ళయినారు, కొలిచే దేవతలయినారు. అన్నిట్లోనూ నువ్వు వేరు నేను వేరు అన్న "సోయ" ని చొప్పించాం, మనుషుల్ని ఒప్పించాం, విద్వేషాలు గుప్పించాం, రావణ కాష్టం రగిలించాం!

ఇక చాలు, రగులుతున్న మంటల్లో చలికాచుకుందాం, యుగాలు కష్టపడి నిర్మించిన ప్రతీ వస్తువు కళ్ళ ముందు ఆహుతి అవుతుంటే-

ఇక ఏ మతమైతే నేమి, ఏ ప్రాంతమైతే నేమి, ఏ కులమైతే నేమి, ఏ భాషైతే నేమి, ఎవడెక్కిరిస్తే మనకేమి, ఎవడు ఏడిస్తే మనకేమి, కోట్లుంటే మనకేమి, కోట్ల ఆశలకి తూట్లు పడితే మనకేమి.

ఈ ప్రపంచం ఇలా ఇరుకు గోడలుగా విడిపోయి, ముక్కచెక్కలైపోయి, తగలబడుతుంటే-

ఏ పురస్కారం, ఏ అధికారం, ఏ అంగీకారం ఇవ్వగలుగుతుంది నాకీ "మజా" ని..

నాకేమీ వద్దు, ఈ ప్రపంచం తగలబడిపోవాలి అంతే.. I just want to see this world burning !!

తెలంగాణా సమస్యకి ఆమోదయోగ్యమైన పరిష్కారాలు 4- భౌగోళిక సవరణలతో సంయుక్త రాజధాని

srikchin@gmail.com (Srikrishna Chintalapati, శ్రీకృష్ణ చింతలపాటి) — Tue, 02 Nov 2010 05:27:51 PDT

పరిష్కారం గురించి ఆలోచించే ముందు ముందుగా కొన్నిముఖ్యమైన వార్తాంశాలని గమనించవలసి వుంటుంది.

1) ప్రత్యేక తెలంగాణ ప్రకటన వచ్చిన మర్నాడు అంటే డిసెంబరు 10,2009 తేదీన, ఆంధ్రభూమి దినపత్రిక లోని మొదటిపేజీలో పేరు పెద్దగా వినిపించని ఒక రాజకీయ నాయకుడిచే రాయబడిన బహిరంగలేఖ- ఈ వ్రాతప్రతి నకలు(copy) కోసం బాగా కష్టపడి వెతికాను, దొరకలేదు మీకెవరికైనా దొరికితే దయచేసి జతపరచండి.
నాకు గుర్తున్నంత వరకూ ఆ బహిరంగలేఖలోని సారాంశం ఇది " తర తరాలుగా దక్షిణ తెలంగాణ ప్రజలు, ఉత్తర తెలంగాణ జిల్లాల (ఆదిలాబాద్, నిజామాబాద్, మెదక్, కరీం నగర్ వగైరా..) ప్రజలచే తీవ్రంగా మోసగించబడినారు, మా యొక్క వనరులు తరాల తరబడి ఉత్తర తెలంగాణ ప్రజలచే దోపిడీకి గురైనవి", ఈ సామజిక అసమానతలని తగ్గించుటకై "హైదరాబాద్, రంగారెడ్డి, నల్గొండ, మహబూబ్ నగర్, ఖమ్మం (వరంగల్ వుందో లేదో గుర్తులేదు) జిల్లాలతో దక్షిణ తెలంగాణ రాష్ట్రం ప్రకటించాలి, ఆ పోరాటానికై ప్రజలు సంసిద్ధులు కావాలి" అని.
___________________________

2) సీమాంధ్ర ఎం పీలు శ్రీకృష్ణ కమిటీకి ఇచ్చిన నివేదికలో కొన్ని అంశాలని ఈ విధంగా ప్రస్తావించడం జరిగింది.(http://www.sakshi.com/main/SportsDetailsNormal.aspx?catid=8506&Categoryid=1&subcatid=33)

a) రాష్ట్రాన్ని విభజించాలనుకుంటే రెండు రాష్ట్రాలతో ఆగదు. గిరిజనులు మన్యసీమను కోరుతున్నారు. ఉత్తరాంధ్ర, రాయలసీమల్లో కూడా ప్రత్యేక రాష్ట్ర డిమాండ్ ఉంది. కాబట్టి రాష్ట్రాన్ని విభజించాలనుకుంటే ఐదుగా విభజించాల్సి వస్తుంది. అది అక్కడితో ఆగదు. రానురాను జిల్లానో రాష్ట్రం చేయాల్సి ఉంటుంది. దేశవ్యాప్తంగా ఇప్పటికే 22 ప్రత్యేక రాష్ట్ర డిమాండ్లు ఉన్నాయి. కానీ ఛత్తీస్గఢ్, జార్ఖండ్, ఉత్తరాఖండ్, నాగాలాండ్, మిజోరాం లాంటి చిన్న రాష్ట్రాల ఏర్పాటు సత్ఫలితాలనివ్వలేదు
b) గత యాభై ఏళ్లలో హైదరాబాద్తో కలుపుకుని తెలంగాణ జనాభా 34 నుంచి 41శాతానికి పెరిగింది. ఒక్క హైదరాబాద్లోనే 1956లో ఏడు లక్షల జనాభా ఉంటే ఇప్పుడు దాదాపు కోటి అయింది. నగరశివార్లలో 3200 శాతం, పాత నగరంలో 70శాతం అభివృద్ధి గత 30 ఏళ్లలోనే జరిగింది. తెలంగాణలో జనాభా పెరుగుదలకు కోస్తాంధ్ర, రాయలసీమల నుంచి వలసలే కారణం. దీని కారణంగానే తెలంగాణ ప్రాంతంలో ఉన్న 13.5 లోక్సభ స్థానాలు 17 అయ్యాయి. ఒక్క విశాఖ స్టీల్ మినహా కేంద్ర ప్రభుత్వ సంస్థలన్నీ హైదరాబాద్ చుట్టుపక్కలే ఉన్నాయి.
c) రాష్ట్రాన్ని విభజించేందుకు ఆత్మగౌరవం శాస్ర్తీయ ప్రాతిపదిక కాదు. భావోద్వేగాలు ఎక్కువ కాలం నిలవవని చరిత్ర చెపుతోంది-గతంలో బ్రహ్మానందరెడ్డి, పి.వి.నరసింహారావులను ముఖ్యమంత్రులుగా తొలగించినప్పుడు ఎగసిన ప్రత్యేక ఉద్యమాలు గాలిబుడగల్లాగా పేలిపోయాయి
d) ప్రత్యేక రాష్ట్ర సెంటిమెంట్ కూడా అన్ని ప్రాం తాల్లో ఒకే విధంగా లేదు. జిల్లాల వారీ గా, దక్షిణ, ఉత్తర తెలంగాణ ప్రాంతా ల మధ్య తేడాలున్నాయి. రాష్ట్రాల విభజనపై ఏర్పాటు చేసిన మొదటి ఎస్సార్సీ కూడా సమైక్యరాష్ట్ర స్ఫూర్తిని సమర్థించింది. అప్పటి ప్రజాప్రతినిధులు, అన్ని వర్గాల ప్రజల ఆమోదంతోనే విలీనం జరిగింది.
e) అన్నిటికన్నా ముఖ్యంగా ఈ క్రింది గణాకాలని పరిశీలించవలసిందిగా మనవి చేస్తున్నాను

___________________________

3) క్రిందటి వారంలో www.thatstelugu.com అనే వెబ్ సైట్ లో చాలా ఉపయోగకరమైన, విలువైన కొన్ని అంశాలు ప్రస్తావించబడ్డాయి. ఒక వెబ్ సైట్ లో ఇంత విలువైన సమాచారం దొరకడం నిజంగా అరుదు, ఇంత మంచి సమాచారమందించిన www.thatstelugu.com నిర్వాహకులకి అభినందనలు తెలియచేస్తూ ఈ క్రింది విషయాలని ప్రస్తావించ దలచాను.(http://thatstelugu.oneindia.in/feature/general/2010/is-there-any-possibility-announce-hyderabad-301010.html)

తెలంగాణవాదులు అంగీకరిస్తారా, లేదా అనే విషయాన్ని పక్కన పెడితే, నల్లగొండ జిల్లాను కలిపి హైదరాబాదును కేంద్ర పాలిత ప్రాంతంగా ప్రకటించడానికి భౌగోళికంగా సాధ్యమయ్యే పనే. అయితే, నల్లగొండ జిల్లా మొత్తం దాంట్లోకి వచ్చే అవకాశం లేదు. హైదరాబాదుకు, కోస్తాంధ్రకు మధ్య తెలంగాణ రాష్ట్రం ఉండకుండా చూడడమే కావాల్సింది. హైదరాబాదు నుంచి రంగారెడ్డి జిల్లాలోని ప్రాంతాలను కలుపుతూ కృష్ణా జిల్లాలోని జగ్గయ్య పేట వరకు, మరో వైపు గుంటూరు జిల్లా సరిహద్దుల వరకు కలిపి హైదరాబాదును కేంద్ర పాలిత ప్రాంతంగా ప్రకటించడానికి వీలవుతుంది. భౌగోళికంగానే కాకుండా సామాజిక, సాంస్కృతిక అంశాలను కూడా పరిగణనలోకి తీసుకుంటే కూడా ఆ వాదనకు బలం చేకూరే అవకాశం ఉంది. నల్లగొండ జిల్లాలోని కోదాడ, మిర్యాలగుడా వంటి ప్రాంతాల్లోకి కోస్తా వలసలు విరివిగా సాగాయి. కోస్తాకు చెందిన పలువురు చాలా కాలం క్రితమే వలస వచ్చి స్థిరపడిపోయారు. సంపన్నులుగా ఎదిగారు. నాగార్జున సాగర్ కాలువ కూడా వస్తుండడంతో మిగతా మెట్టప్రాంతంతో పోలిస్తే ఈ ప్రాంతాలు కాస్తా సస్యశ్యామలంగా ఉంటాయి. హుజూర్ నగర్ ప్రాంతంలో 11 దాకా సిమెంట్ ఫ్యాక్టరీలున్నాయి. చాలా ఫ్యాక్టరీలు కోస్తాంధ్ర పెట్టుబడిదారులకు చెందినవే. ఆ రకంగా ఆ ప్రాంతంలో కోస్తా వాతావరణం ఎక్కువగా ఉంటుంది. అక్కడి సంస్కృతి కూడా కోస్తా ప్రాంత సంస్కృతికి దగ్గరగా ఉంటుంది. అందువల్ల కూడా తెలంగాణ నుంచి నల్లగొండ జిల్లాలోని తూర్పు ప్రాంతాన్ని విడదీయడానికి అవకాశం ఉందనే వాదనను ముందుకు తేవచ్చు.
___________________________

ఈ అన్నివార్తాంశాలూ మనకి అందిస్తున్న స్పష్టమైన సందేశం ఒకటి వుంది.

"ప్రాంతాల వారీగా భావోగ్వేగాలలోనూ, ప్రత్యేక రాష్ట్ర సెంటిమెంట్ యొక్క తీవ్రతలోనూ తేడాలున్నాయి. సీమాంధ్ర ప్రాంతానికి ఆనుకుని వున్న దక్షిణ తెలంగాణ జిల్లాల్లో ప్రత్యేక రాష్ట్రంపై ఎంతో కొంత విముఖత వుంది, పక్కనున్న సీమాంధ్ర జిల్లాలతో భావ సారూప్యతే కాకుండా, సంస్కృతి జీవన విధానం, వారి వారి జీవన స్తితిగతుల్లో రెండో వర్గం వారి ప్రభావం Influence & Dependability ఎక్కువగా వుంది. సీమాంధ్రతో కలిసి వుండడంపై ఎంతో కొంత సానుకూలత వుంది".

___________________________

పరిష్కారం-

తెలంగాణ ప్రజానీకం యొక్క మెజారిటీ అభిప్రాయాన్ని గౌరవిస్తూ "తెలంగాణ రాష్ట్రాన్ని ఏర్పాటు చేయడం", అదే సమయంలో దక్షిణ తెలంగాణ కోస్తా జిల్లాల మధ్య వున్న భావసారూప్యతని గౌరవిస్తూ- నల్గొండ, ఖమ్మం జిల్లాలని సీమాంధ్రలో కలిపి ఒక ప్రత్యేక రాష్టం గా ఏర్పరచాలి. ఆ విధంగా గ్రేటర్ హైదరాబాదు భౌగోళికంగా రెండు రాష్ట్రాల సరిహద్దులకి తేబడుతుంది. ఈనాటి గ్రేటర్ హైదరాబాదు మున్సిపల్ కార్పొరేషన్ పరిధి మొత్తం, చండిఘర్ మాదిరిగా కేంద్రపాలిత ప్రాంతం, మరియు రెండు రాష్ట్రాలకూ సంయుక్త రాజధానిగా వ్యవహరించబడుతుంది.

అనుకూలాంశాలు-
1) ప్రత్యేక తెలంగాణ, సీమంధ్ర రాష్ట్రాల ఏర్పాటుతో మెజారిటీ ప్రజాభిప్రాయాన్ని గౌరవించినట్లౌతుంది.

2) భవిష్యత్తులో తప్పనిసరిగా రాబోతున్న మరొ (ఉత్తర, దక్షిణ తెలంగాణ) వేర్పాటు ఉద్యమం నివారించబడుతుంది,
3) హైదరాబాదు నగరంపై రెండు రాష్ట్రాలకీ సమానహక్కులు కల్పించబడతాయి, ఈ విధమైన సవరణలతో రాష్ట్రవిభజనకి వున్న భౌగోళిక అడ్డంకులు తొలగిపోతాయి.
4) హైదరాబాదు అభివృద్ధిలో, ఉపాధి అవకాశాల్లో రెండు రాష్ట్రాల ప్రజలకూ సముచితమైన స్థానం కల్పించబడుతుంది తద్వారా పరిపాలనా సౌలభ్యం ఏర్పడుతుంది.
5) సైబరాబాద్ అభివృద్ధి, ఇన్ఫర్మేషన్ టెక్నాలజీ రంగాల్లో ఏర్పడిన అపోహలు శాశ్వితంగా తొలగిపోయి రాజకీయ, వాణిజ్య సుస్థిరత ఏర్పడుతుంది.
6) ఖమ్మం కంచుకోటగా భావించే వామపక్ష పార్టీ-CPM సమైక్యాంధ్రకి మద్దతిస్తోంది. ప్రత్యేక రాష్ట్ర వాదనని వ్యతిరేకిస్తోంది.
7) స్థానికత అంశంలోనూ, హైదరాబాద్ ఫ్రీ జోన్ విషయంలోనూ మరింత స్పష్టత ఏర్పరచబడి, ఆదాయ మరియు సహజ వనరుల పంపిణీ అందరికీ ఆమోదయోగ్యమైన రీతిలో పారదర్శకంగా జరిగిన పిమ్మట ఈ పరిష్కారం అందరికీ ఆమోదయోగ్యం కాగలదు.

ప్రతికూలాంశాలు-
1) ముఖ్యంగా కొత్తగా ఏర్పడబోయే ఆంధ్ర రాష్ట్రంలో దక్షిణ తెలంగాణ, సీమాంధ్రల మధ్య మరో వేర్పాటు ఉద్యమం రాదని చెప్పలేం
2) హైదరాబాదుపై సర్వ హక్కులు మావే అంటున్న తెలంగాణ అతివాద ప్రత్యేకవాదులు రాజధానిని పంచుకోవడం అనే విషయం పై ఎంతో కొంత ప్రతిఘటించక మానరు, ఆ ఉద్యమం హింసాత్మకంగా మారే ప్రమాదం ఉంది.
3) ముఖ్యంగా- తెలంగాణ 10 జిల్లాల్లో 2 తగ్గిపోయి, కేవలం 8 జిల్లాలు మిగుల్తాయి. వాటిలో హైదరాబాదు రంగారెడ్డిని మినహాయిస్తే కేవలం 6 జిల్లాలు మిగుల్తాయి. వీటిలో సగం జిల్లాలు అభివృద్ధికి దూరంగావుండగా, హైదరాబాదు వనరులు ఆంధ్ర రాష్ట్రంతో పంచుకోవాల్సిన తరుణంలోఈ జిల్లాలు ఎంత పురోగమిస్తాయో అప్పుడే చెప్పలేం.
4) 6 జిల్లాలతో కూడిన తెలంగాణ రాష్ట్రంలో అప్పటికే విస్తరించి వున్న మావోయిస్టు ఉద్యమం మరింత బలపడే అవకాశం వుంది.
5) హైదరాబాదులో సింహభాగం వున్న మైనారిటీ వర్గాల్లో ఈ నిర్ణయం అపోహలు ఏర్పరచడం ఖాయంగా కనిపిస్తుంది, వారి భవిష్యత్ ప్రయోజనాల పరిరక్షణ కై వారికి ఆమోదయోగ్యమైన ఒక స్పష్టమైన ప్రణాళిక ఏర్పరచడం చారిత్రక అవసరం
6) రెండు అసెంబ్లీలు, రెండు హైకోర్ట్ లు, రెండు రాష్టాలకి సంబంధించిన ఇతర ప్రభుత్వ కార్యాలయాల నిర్వహణ మరియు గవర్నెన్స్, పోలసీ మేకింగ్ మార్పుకి అలవాటుపడని నగరజీవిని కొంతకాలంపాటు అయోమయానికి గురిచేస్తాయి
7) రాష్ట్ర విభజనకి ఒక ముఖ్య కారణంగా చెప్పబడుతున్న నల్గొండ ఫ్లోరోసిస్‌ బాధితుల సమస్యకి ఒక పరిష్కారం వెతకవలసిన అవసరం వుంది.

ముందుగా చెప్పిన విధంగా అందరినీ సంతృప్తి పరచగలిగే పరిష్కారం దొరకనప్పుడు అందరికీ సమానంగా అసంతృప్తి కలగే పరిష్కారాన్ని సూచించడమే మనముందున్న ఏకైక పరిష్కారం.

ఏదైనా ప్రస్తావించ మరచి వుంటే దయచేసి తెలియచేయండి

లలిత కళాతోరణం !!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 22 Oct 2010 13:33:50 PDT

కొద్ది గంటల ముందు చూసిన ఒక వార్త నాకు కొద్దిగా కలత చెందించి కి unrest కి గురిచేసింది.

హైదరాబాదు నడిబొడ్డున వున్న "తెలుగుతల్లి లలిత కళాతోరణం" పేరును మరి కొద్ది రోజుల్లో "రాజీవ్ గాంధీ లలిత కళా తోరణం" గా మార్చవలసినదిగా ప్రభుత్వం ఉత్తరువులు జారీ చేసిందిట.

ఏం న్యాయం అండి ఇది. వ్యక్తి పూజకైనా ఒక లిమిట్ వుండాలి అండి. రాజీవ్ గాంధీ మహానుభావుడే కాదనట్లేదు, కానీ రోడ్లకి, కూడలులకి, విమానాశ్రయాలకీ, బస్ స్టాండ్ లకి, ప్రభుత్వ పధకాలకీ, పాఠశాలలకి, ప్రభుత్వ, పార్టీ భవనాలకి పెట్టడమే కాకుండా .. ఇలా తెలుగు సంస్కృతిని ప్రతిబింబించే లలిత కళా తోరణానికి కూడా వారి పేరేనా? ఆయన ఆంధ్ర ప్రదేశ్ కోసం ప్రత్యేకంగా చేసిందేంటో నాకిప్పటికీ తెలియకపోగా, ఇంచు మించు అదే హోదా లో దేశప్రధానిగా సేవలందించిన, మన తెలుగువాడైన పీ వీ నరసింహారావు గారి పేరు ఒక్కటంటే ఒక్క విషయానికైనా లేదెందుకని?

ఇదేనా తెలుగు జాతికి దక్కే గౌరవం, తెలుగు వారి ఆత్మ గౌరవం అని నినాదాలు లేవదీసే ప్రాంతీయ పార్టీలు, పెద్దమనుషులూ నాయకులు దీని గురించి కనీసం మాట్లాడరే, ఇదేనా వీరికి తెలుగు భాష మీద, జాతి మీద వున్న నిబద్ధత?

1967 లో అనుకుంటా, తమిళనాడులో కరుణానిధి DMK పార్టీ, ఇదే విధంగా "హిందీ భాషని తమపై రుద్దడం అనే విషయానికి విరుద్ధంగా ఉద్రిక్తతతో కూడిన ప్రభుత్వ వ్యతిరేక ఉద్యమం లేవదీసిన దరిమిలా ఆరోజు పడిపోయిన కాంగ్రెస్ ప్రభుత్వం మళ్ళీ ఈరోజుదాకా పుంజుకోలేకపోయింది ఆ రాష్ట్రంలో, ఇవాళే కాదు ఇంకో కొన్ని దశాబ్దాల వరకూ కాంగ్రెస్ ప్రభుత్వం రాదంటే రాదు తమిళనాడులో.

అంత బలం వుంది భాష, సంస్కృతి అన్న రెండు విషయాలకి.

మరి మన ఘనత వహించిన నాయకులకి ఇది ఎప్పటికి అర్ధమయ్యేను.

నా బ్లాగు కొత్త చిరునామా !!!!

srikchin@gmail.com (Srikrishna Chintalapati, శ్రీకృష్ణ చింతలపాటి) — Sun, 17 Oct 2010 02:23:29 PDT

నా బ్లాగు అతిధులందరికీ విజయదశమి శుభాకాంక్షలు.

నా బ్లాగుకి ఇప్పుడే వచ్చిన కొత్త చిరునామా (www.srikchin.in) తో పాటు నాకు నచ్చిన కొత్త డిజైన్ తో కలిపి బ్లాగుని విజయదశమి సందర్భంగా ఆధునీకరించాను.

ఈ కొత్త వెబ్ సైటు మరియు డిజైన్ సహాయంతో తెలుగు బ్లాగింగ్ తో బాటుగా నా క్రికెట్ బ్లాగింగ్, అడ్వర్టిజ్మెంట్ అభిరుచులన్నిటినీ ఒకే ఛత్ర ఛాయ కిందకి తీసుకువచ్చి ప్రెజెంట్ చేయగలుగుతాను.

ఒక టిపికల్ HTML అఙ్ఞాని ఐన నేను ఈ వెబ్ సైట్ మరియు దీని వెనుకున్న టెక్నికల్ హోస్టింగ్ తతంగం మొత్తం నా అంతటనేనుగా చేసుకోవడం చాల పెద్ద వింతే మరి.

శుక్రవారం సాయంత్రం 5.30 గంటలకి మొదలుపెట్టి ఏకధాటిన మరుసటిరోజు ఉదయం 6.30 వరకూ (మధ్యలో హైదరాబాద్ ట్రాఫిక్ కోసం, డిన్నర్ కోసం కేటాయించిన 2 గంటలు మినహా) ఇంచుమించు 11 గంటలు గూగుల్ సెర్చ్ సహాయంతో కష్టబడితే చివరికి ఈరూపం వచ్చింది.

బ్లాగు వీక్షించడంలో గానీ, ఇంటరాక్టివిటీలోగానీ, ఏదైనా టెక్నికల్ ప్రాబ్లెం కనిపిస్తే దయచేసి తెలియచేయండి.
I respectfully thank each of you for your continuous support and encouragement in driving this blog. I hope my writings would meet your expectations, I will spare no effort to stay informative and entertaining as much as I can.

Wish you all happy dasara again :)

ఎక్కడ స్వకీయ సంకుచిత కుడ్యాల మధ్య ప్రపంచం ముక్కచెక్కలవలేదో !!!!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:53:28 PDT

మరికొన్ని గంటల్లో చారిత్రక అయోధ్య తీర్పు వెలువడనుంది. ఇప్పడికే ప్రభుత్వం, నాయకులూ, మీడియా సంయమనం పాటించమనీ, శాంతిభద్రతలు కాపాడమనీ పలుమార్లు విఙ్ఞప్తి చేయడం జరిగింది.

తీర్పు ఎటైనా రావచ్చు! ఒకరికి ఆమోదయొగ్యం గానో, మరికరికి వ్యతిరేకంగానో కావచ్చు. తీర్పు తదనంతర పరిణామాలు అనూహ్యంగా వుండచ్చు. కొట్లాటలు జరగచ్చు, మత ఘర్షణలు జరచ్చు, లేదా ముందుగా చెప్పినట్లే అందరూ సంయమనం పాటించి మత సామరస్యమే సాధ్యపడవచ్చు. శాంతియుత వాతావరణమే నెలకొనవచ్చు.

జరగబోయే ఈఘటనలమీద ఒక సామాన్యుడికి ఏ మాత్రం నియంత్రణ లేదు! ఇది వాస్తవం.
__________________________________

నా కళ్ళముందు పూర్తిగా ఊహాజనితమైన, ఒకదానితో మరొకటి సారూప్యత కలిగివున్న రెండు ఘటనలు కనిపిస్తున్నాయి.( ఈ ఊహ పూర్తిగా అవాస్తవం కావాలని భగవంతుని ప్రార్ధిస్తాను)

1. బహుశా రేపు రాబోయే తీర్పు, ఒక సామాజిక వర్గానికి పూర్తిగా వ్యతిరేకంగా వస్తుంది. దానితో ఆ సామాజిక వర్గంలో జనితమయ్యే క్షణికావేశాలు ఉద్రిక్తతకి దారి తీస్తాయి. ఆ సామాజిక వర్గపు ప్రతినిధులూ, ఇంకా సామజిక వర్గం ముసుగులో అసాంఘిక కార్యకలాపాలు చేయాలనుకునే కొన్ని దుష్టశక్తులూ కలిసి రెండో సామాజిక వర్గంపై దాడులు మొదలుపెడతారు. రెండో సామాజిక వర్గం కొంతసేపు సహిస్తుంది, మరికొంతసేపు సంయమనం పాటిస్తుంది, ఆ తరువాత దాడులని ప్రతిఘటిస్తుంది, చివరిగా ఆ సామాజికవర్గానికి చెందిన వారంతా ప్రాంతాలకతీతంగా ఏకమై శతృవుని ఎదుర్కొంటారు, ఒకరికొకరు తోడై నిలుస్తారు. ఆ విపత్కాలం నుంచీ బయటపడతారు. అయితే కొన్ని అమాయకప్రాణాలు మాత్రం పోతాయి.

ఇక్కడ శతృవు- రెండొ సామాజిక వర్గం వారు, ఉద్విగ్నతలు రెచ్చగొట్టబడటానికి వాడిన ఆయుధం - మతం, ఉద్విగ్నతలు రెచ్చగొట్టిన సాధనం- నాయకులు, జరిగిన నష్టం-- సామాన్యుడికి, జరిగిన లాభం- - ఓటుబాంకు రాజకీయాలు నడిపే నాయకులకీ, ఉద్రిక్తతలనడుమ పబ్బం గడుపుకునే అసాంఘిక శక్తులకీ,
__________________________________

2. డిసెంబరు 31 తర్వాత, శ్రీకృష్ణ కమిటీ నివేదిక వస్తుంది. అది ఒక ప్రాంతపు ప్రజలకి పూర్తిగా ఆమోదయోగ్యమై వుండచ్చు, మరో ప్రాంతపు ప్రజల మనోభావాలకు పూర్తిగా విరుద్ధమైనది కావచ్చు. దానితో ఆ ప్రాంతపు రాజకీయ సామాజిక ప్రతినిధులూ, ఈ ఉద్రిక్తతల నడుమ అసాంఘిక కార్యకలాపాలు చేయాలనుకునే శక్తులూ కలిసి రెండో ప్రాంతం వారిపై దాడులు మొదలుపెడతాయి. రెండొ ప్రాంతపు ప్రజలు మొదట సహిస్తారు, సంయమనం వహిస్తారు. తర్వాత మతాలకతీతంగా ఏకమై శతృవుని ఎదుర్కొంటారు. ఒకరికి ఒకరు తోడై పరస్పరం సహకరించుకుంటారు. ఆ విపత్తునుండీ బయటపడతారు.అయితే కొన్ని అమాయకప్రాణాలు మాత్రం పోతాయి.

ఇక్కడ శతృవు-రెండో ప్రాంతం వారు. ఉద్విగ్నతలు రెచ్చగొట్టడానికి వాడిన ఆయుధం- ప్రాంతం, ఉద్విగ్నతలు రెచ్చగొట్టిన సాధనం- నాయకులు, జరిగిన నష్టం-- సామాన్యుడికి, జరిగిన లాభం- ఓటుబాంకు రాజకీయాలు నడిపే నాయకులకీ, ఉద్రిక్తతలనడుమ పబ్బం గడుపుకునే అసాంఘిక శక్తులకీ,
__________________________________

ఆలోచించండి- మొదటి సన్నివేశంలో మతోన్మాదులని ఎదుర్కోవడంకోసం ప్రాంతాలకతీతంగా ఏకమయ్యాం. ఆపోరాటంలో నీది ఆంధ్రా? తెలంగాణా? అన్న వివక్షతలేదు. లోకల్ నాన్ లోకల్ గొడవలేదు, ముల్కీ నాన్ ముల్కీ రగడలేదు చేయి చేయి కలిపాం- మతోన్మాదులని ఎదుర్కొన్నాం.

రెండో సన్నివేశంలో, ప్రాంతోన్మాదులని ఎదుర్కోవడం కోసం మతాలకతీతంగా ఏకమయ్యాం. ఆ పోరాటంలో నువ్వు హిందువా, ముస్లిమా అన్న ఆలోచనలేదు, రామజన్మభూమా, బాబ్రీ మసీదా అన్న గొడవలేదు. చేయి చేయికలిపాం, ప్రాంతోన్మాదులని ఎదుర్కొన్నాం.

అక్టోబరు మతఘర్షణల్లో శత్రువే, డిసెంబరు తర్వాత జరగబోయే ప్రాంత ఘర్షణల్లో మిత్రుడవచ్చు.
మతఘర్షణల్లో తోడునిలిచిన మిత్రుడే రేపు డిసెంబరు ప్రాంత ఘర్షణల్లో శతృవు గా మారచ్చు.

అక్టోబర్‌ లో జరిగే హిందూ ముస్లిం గొడవల్లో ఆంధ్రులూ వుంటారు, తెలఘాన్యులూ వుంటారు,

డిసెంబరులో జరిగే ఆంధ్ర, తెలంగాణ గొడవల్లో హిందువులూ వుంటారు, ముస్లిములూ వుంటారు.

2010 అక్టొబరు 1నైనా, 2011 జనవరి 1 నైనా మనలో మనమే శతృవులం, చిందేది మన రక్తమే, పోయేవి మన ప్రాణాలే, రెచ్చగొట్టేది ఆనాయకులే, లాభం వాళ్ళకే, నష్టం మనకే...కొట్టుకోడానికి కలిసిఉన్నవాళ్ళం బతకడానికి కలిసి ఉండలేమా?

__________________________________

చావడంకోసం, చంపడంకోసం, మతంకోసం, కులంకోసం, ప్రాంతంకోసం, ఉద్యోగాలకోసం, నీళ్ళకోసం, మనోభావాలకోసం, రాగద్వేషాలకోసం, సెంటిమెంట్లకోసం, వివక్షతకోసం, ఆ చైర్మన్ ని తొలగించడం కోసం, ఈ జడ్జిని తరలించడం కోసం, ప్రియతమ నాయకులకోసం, అభిమాన తారలకోసం, డీ ఎస్ ఓడిపోవడంకోసం, జగనన్న వూరికి రావడంకోసం.. మనలో మనమే ముక్కలుగా విడిపోతూ, ఒకరితో ఒకరుతలబడుతూ.. GODDDDD..

చిన్నప్పుడు స్కూలు గోడలమీద హెడ్ మాస్టారు వాటర్ కలర్స్ తో రాయించిన వాక్యాలని చదివినప్పుడు వాటి అర్ధమూ తెలీలేదు, ఆ పదాల లోతుల్లోని ప్రాశస్థ్యమూ బోధపడలేదు.

ఈ రోజు అర్ధమైనా కానరాక కళ్ళుచెమరుస్తున్నయ్.. అచరించ అలవికాక గుండెచెమరుస్తోంది.

అవే వాక్యాలు ..

Where the world has not been broken up into fragments by narrow domestic walls;...

Into that heaven of freedom, my Father, let my country awake.

ఎక్కడ స్వకీయ సంకుచిత కుడ్యాల మధ్య ప్రపంచం ముక్కచెక్కలవలేదో

ఆ స్వేచ్ఛాస్వర్గంలోకి, తండ్రీ! నా దేశాన్ని మేల్కొలుపు.

(రబీంద్రనాధ్‌ ఠాగూర్‌, గీతాంజలి-35)

:::::::::::::::::::::::::::::::: Srikrishna Chintalapati

అఙ్ఞాతా! ఇవిగో మీ కొత్త ప్రశ్నలకి సమాధానాలు !!

srikchin@gmail.com (Srikrishna Chintalapati, శ్రీకృష్ణ చింతలపాటి) — Sat, 16 Oct 2010 04:11:24 PDT

ఈ సిరీస్ కి వచ్చిన అనూహ్యస్పందన ఎంత ఆనందాన్నిచ్చిందో అంత కలవరాన్ని కలగచేసింది, పెరుగుతున్న అంచనాలకి దీటుగా ఎంతకాలం మనగలుగుతాం అన్న ఆలోచనతో.

కొంతమంది వహ్వా అన్నారు, కొంత మంది Same Old Stuff అన్నారు. కొంతమంది (I am spreading Hatreds) నేను ఈ బ్లాగు ద్వారా విద్వేషాలు రేకెత్తిస్తున్నాను అన్నారు. కొంత మంది ఇది ఆంధ్రప్రదేష్ లొ ఇంకా ఎక్కువ మందికి చేరగలిగితే బాగుండును అన్నారు. కొంత మంది ఇది నేనే రాశాను అన్నారు, కొంత మంది నేనో భయంకరుణ్ణీ అన్నారు, కొంత మంది ఈ బ్లాగులో రాసినదంతా మిడి మిడి ఙ్ఞానపు పిచ్చికూతలన్నారు, కొంత I am proud of the author of this piece మంది అన్నారు. ఈ వ్యాసం చేరిన 3000 మనసుల నుండీ ఎన్నో బిన్నాభిప్రాయాలు, అనుభూతులు, స్పందనలు..

అన్నిటినీ గౌరవిస్తాను, మనస్ఫూర్తిగా ! I respect all of them, by heart!

ఇది రాసింది శ్రీకృష్ణ కావచ్చు, చాకిరేవు కావచ్చు, బ్లాగు బాబ్జీ కావచ్చు, వెన్నెల రాజ్యం కావచ్చు. ఒక్కరే కావచ్చు, అందరూ కలిసి కావచ్చు. ఎవరు రాశారు అన్నదానికన్నాఈ అక్షరాలుఎంత అర్ధవంతంగా తెలుగువారి మనోభావాలు ప్రతిబింబించగలిగాయన్నది ముఖ్యం.

కానీ ఒక్కమాట మాత్రం చెప్తాను- This kind of a radical approach will be never be a part of my thought process, నా ఆలోచనలలో అతివాదానికి ఎప్పుడూ స్థానం వుండదు.
----------------------------

మిడి మిడి జ్ఞానపు పిచ్చి కూతలకు మూర్ఖులంతా బలే చంకలు గుద్దుకొన్నారు గానీ ... వాస్తవాలు తెలుసుకోండి.పాపం! రెండు రోజులు కష్టపడి తయారుచేసిన సమాధానాలు కూడా "ఇవి నావి" అని చెప్పుకోలేని దౌర్భాగ్యం! అజ్ఞానీ! ముందు నువ్వు తెలుసుకో!

అలాగే ఙ్ఞానీ, తెల్లవారుఝూమున మూడు గంటలవరకూ కష్టపడి తయారుచేసిన కొత్త ప్రశ్నలని నీ పేరుతో నువ్వు ప్రచురించుకోలేని దౌర్భాగ్యపు స్థితి నుండీ మీరు బయటపడిన మరుక్షణమే.

మూర్ఖులదేముంది? తమ స్వార్థం నెరవేరేలా మాట్లాడడానికి చిన్న లగడపాటిగాడిలాంటి దొంగ జిమ్మిక్కులోడు దొరికాడని వాళ్ళు సంతోషపడడంలో ఆశ్చర్యం లేదు. నీ మొదటి అజ్ఞానపు సమాధానం/సందేహం ...

పదిరోజులపాటు దొంగ నిరాహార దీక్షలతో ప్రజలనీ, మీడియానీ, మంత్రులనీ, తెలంగాణ ఉద్యమవీరుల్నీ, చివరికి భారత ప్రభుత్వంతో సహా అందర్నీమసిబూసి ముసుగేసి గుండుగీసి సున్నం రాసి మీ మాయల వెలమ దొర యొక్క బహుప్రాశస్థమైన జిమ్మిక్కుల ముందు మా అల్పసంతోషం ఏ పాటిదిలెండి.

(55 ఏళ్లకి ముందు నిజాం మీ అందర్నీ పువ్వుల్లో పెట్టి చూసుకుంటే. 55 యేళ్ల్ళ నుండీ ఆంధ్రోళ్ళు వచ్చి మిమ్మల్ని దొచేశారు అంతేనా? మరి మీ నిజాం సాయుధపోరాటం లో చనిపోయిన ఆంధ్రుల సంగతి ఏమిటి? అయినా ప్రజాస్వామ్య వ్యవస్థలో వ్యవస్థీకృత దోపిడీకి స్థానం లేదనితెలిసి ఇలా దుష్ప్రచారం చేసేవారినేమనాలి? 55 ఏళ్ళ నుండీ మిమ్మల్ని దోపిడీ చేయడానికి తెలంగాణ ఒక్క నియోజగవర్గంలో కూడా ఆంధ్ర MLA లేరె? 55 ఏళ్ళనుండీ మీ నియోజకవర్గాలకి మీరే ప్రాతినిధ్యం వహిస్తున్నారే. అంటే మిమ్మల్ని పాలించిన ప్రజా ప్రతినిధులు దద్దమ్మలనేగా మీ ఉద్దేశ్యం!

అయినా ఈ దోపిడీ అనేది అన్నిరకాలుగా అబద్ధం అని ఇప్పటికే చాలా సార్లు అంకెలతో సహా నిరూపించబడింది. అందుకే మీ ఘనత వహించిన ఉద్యమ వీరులు కూడా "వెనుకబాటుతనం" అన్న వాదన వదిలేసి "మనోభావాలు, స్వయంపాలన అనే వితండవాదం ఎత్తుకున్నారు. ఇంకా ఎవర్ని ఎవరు దోచేశారని గుండెలుబాదుకుంటున్నారో నాకు అర్ధం కావట్లేదు.)

దీనికి నా సమాధానం : ప్రపంచమంతా ఫ్యూడల్ వ్యవస్థ నుండి ప్రజాస్వామ్య వ్యవస్థకు మారుతుంటే, ఇంకా నిజాం రాచరిక వ్యవస్థలో ఉండడం ఇష్టం లేక అప్పటి మా ప్రజలు నిజాంపై తిరుగుబాటు చేసారు. అంతే కాకుండా భారతీయత అనే ఒక భావన, బంధం మమ్మల్ని నిజాంనుండి విమోచనాన్ని, ఇండియాలో విలీనాన్ని కోరుకొనేలా చేసింది. (ఇప్పటికీ ఆ దేశభక్తి మాలో ఉంది. అందుకే మేం వేరే రాష్ట్రం కోరుతున్నాం గాని, మీ విలనీ బుర్రలు చెబుతున్నట్టు వేరే దేశాన్ని కాదు.)

ఆహా అలాగా! ఇదేదో స్వయంవరం బాపతు వ్యవహారంలా వుందే. ఏదో మీముందు ఓ పాకిస్తాన్ లోనో, ఓ శ్రీలంకలోనో, ఓ ఇండియాలోనో విలీనమయ్యే ఆప్షన్లు వుండగా,మీరు భారత సంస్థానంలో విలీనమయ్యి భారతీయతకి మహోపకారం చేసినట్లుమాట్లాడుతున్నారు. మీకైనా, మీ నిజాముకైనా భారత్ లో విలీనం కాక మరో ఆప్షన్ మిగిలుందా ఆరోజున?
గోదావరి నీళ్ళుతాగి, నిజామాబాద్ బియ్యం తిన్న భారతీయపౌరుడికి భారతీయత కాకుండా పాకిస్థానీయత వుంటుందా?

నిజాం రాచరిక వ్యవస్థ పై తిరుగుబాటు బావుటా ఎగురవేసింది ఆంధ్రమహాసభ పేరు కింద కాదా? అనాటిపోరాట దళాల్లో ఆంధ్రులు లేరా? ఒకవేళ అనుమానం ఏమన్నా వుంటే తెన్నేటిసూరిగారి అద్బుతమైన కవితలు కొన్నున్నాయ్ చదవండి.

మీరు వేరే దేశాన్ని కోరుతున్నారో, రాష్ట్రాన్ని కోరుతున్నారో, రేవంత్ రెడ్డి గార్నడిగితే బాగా చెప్తారనుకుంటా! మహాత్మా గాంధీతో మాకసలు సంబంధమేలేదు, మా పోరాటం వేరు మా స్వాతంత్రయోధులు వేరు ఏదో మనసుల్ని కష్ట పెట్టడం ఇష్టంలేక ఆయన్నీ గౌరవిస్తున్నామని వారు టీవీ ముఖంగా శెలవిచ్చి(August 15కి ముందు) నెలరోజులు మాత్రమే అయింది.
తెలంగాణలో తిరగాలంటే ఓయూ జేయేసీ ఇచ్చే వీసాలు తీసుకోవాలని ఉద్యమస్ఫూర్తితో ప్రకటించి ఇంకా 24 గంటలు కూడా కాలేదు.

అంతే గాని, లేకపోతే నిజాం మమ్మల్ని పువ్వుల్లో పెట్టుకొనే చూసుకొన్నాడు. వాడు మమ్మల్నే కాదు, వాడు పోయాక... మిమ్మల్ని కూడా 50 ఏళ్ళుగా పువ్వుల్లో పెట్టుకొని చూసుకొనే వ్యవస్థను రూపొందించి పోయాడు.

అంత పువ్వుల్లో పెట్టి చూసుకున్నవాడిమీద తిరుగుబాటు, సాయుధపోరాటంచేసి నమ్మకద్రోహం ఎందుకు చేశారు మరి? మేము నిజంగా అఙ్ఞానులం కాబట్టే, నిజాం ఇంత మంచివాడని తెలీక, మాకోసం పరిచిపోయిన పువ్వులని గుర్తించక, మీరు చెప్పే రజాకార్ల కధలనీ, నిజాం అకృత్యాలనీ గుడ్డిగా నమ్మేసి నిజాముని తిట్టుకుంటూ కూర్చున్నాం ఇన్నాళ్ళూ!

నువ్వు నిజాముని తిట్టినా, పొగిడినా, ఇంట్లో పటం పెట్టుకుని పూజించుకున్నా, మాకు కలిగే లాభం నష్టం ఏంటో ఇప్పటిదాకా ఆలోచించకపోతే ఇప్పుడు చించు.

సరే మీగోలమీదిగానీ, మీ నిజాము పువ్వులు పరిచాడో, పిడకలు కొట్టాడో తెలుసుకోవడం కన్నా లారాదత్తా మహేష్ భూపతి నిశ్చితార్ధం నిజంగానే అయ్యిందా లేదా అని ఇన్వెస్టిగేటివ్ జర్నలిజం తో కనిబెడితే కనీసం మా సమయానికి సరైన అన్యాయం చేసినవాళ్ళమవుతాం.

మీరు సిగ్గు లేకుండా, హైద్రాబాదులో 60% వచ్చి చేరాం- అని చెప్పుకొంటున్న వాళ్ళ పిల్లలు వాడు పెట్టిన OU లోనే చదువుకొన్నారు. వాడు పెట్టిన ఉస్మానియా, గాంధీ, NIMS .. ఇలా ఎన్నో హాస్పిటల్స్ ద్వారానే వాడు లేకున్నా... మీకు ప్రాణభిక్ష పెట్టాడు. వాడు కట్టిన గండిపేట్, మంజీర నీటి ప్రాజెక్టులనుండే ఇన్నాళ్ళు మీరు వాడి నీళ్ళు తాగారు. మొన్న మొన్నటి వరకు ప్రైవేట్ బస్సుల్లో (NTR రాక ముందు) తిరిగిన మీరు వాడు పెట్టిన వ్యవస్థీకృత ప్రభుత్వ RTC బస్సులెక్కి ఊరేగారు. హైద్రాబాదులో మీరు 60.. 80% ఉద్యోగాలు కొట్టేసి, వాడు కట్టిన భవనాలలోనే రాజభోగాలననుభవించారు. ఇలా చెప్పుకుంటూ పోతే ... ఎన్ని రోజులైనా తెగదు. ఆ అవకాశాలన్నీ వాడు పూర్తిగా మాకోసం రూపొందిస్తే, తేరగా మీరు దొబ్బి, వాణ్ణె తిట్టడానికి మీకు సిగ్గుందా?

మీరు చెప్పేది ఎలా వుందంటే-

అశొకుడు చెట్లునాటించెను తర్వాత వచ్చిన రాజులంతా ఆ ఫలితాలని తేరగా దొబ్బెను అన్నట్లు.
నిజాము యూనివర్సిటీ, హాస్పిటలూ కట్టించెను తరువాత వచ్చిన ప్రజలంతా వాటిని తేరగా అనుభవించెను, అన్నట్లు.

ఓ యూనివర్సిటీ, ఓ హాస్పిటలూ కట్టించేసి మన హయాం వున్నంతకాలం నడిపించేస్తే చాలా, ఇంక శతాబ్దాల తరబడి అది మనం పెట్టిన భిక్ష అయిపోతుందా? వాటిని నడిపించడానికి, వనరులూ మనుషులూ ఎక్కడినుంచీ వస్తారు? నిజాముగారింటి పెరట్లో చెట్లకి కాశారా?

అయినా అదేదో నిజాం ఫామిలీ స్కీములాగా మాట్లాడుతున్నారు. అవికట్టించింది ఆయన జేబులో డబ్బులతోనా లేక నిజాం ప్రోవిన్సులోని (ఏదీ-కర్ణాటక, మహారాష్ట్రలో కలిపిన జిల్లాలతో కలిపిన) జనాలు కట్టిన కప్పం డబ్బులతోనా? ఒప్పుకుంటాం, మా బాబుసొమ్ముతో కాదు మీ తాతలు కప్పం కట్టిన సొమ్ములతోనే కట్టించారు, ఒప్పుకుంటాం- మరి మాకేమన్నా కేజీ నుండి పీజీదాక నిర్బంధ ఉచిత విద్య దొరికే స్కీమేమన్నా పెట్టిపోయారా? లేదుగా, మా ఫీజులు మేమే కట్టాం, బడైనా, గుడైనా, దవాఖానైనా. అలాగే మా తాతలు కట్టిన సొమ్ములతో బ్రిటీషువాళ్ళు మీకు రైలుమార్గాలు వేశారు, మరి దానిమీదెక్కి తేరగా ఊళ్ళుతిరిగినందుకు మీరు ఎన్ని కేజీలు ఋణం ఆంధ్రోళ్లకి బాకీ వున్నారో లెక్కేసుకోండొసారి

అసలైనా, ఒక ప్రాంతానికి రాచరికం వెలగబెట్టెవాడికి ఆప్రాంతాన్ని అభివృద్ధి చేసే బాధ్యత వుంటుందా వుండదా? ఆ మాత్రంకూడా చేయకపోతే కొన్ని శతాబ్దాలపాటు రాచరికం చేసిన మహానుభావుడు పీకినది ఏంటో?

ఆ అవకాశాలన్నీ మీకోసం రూపొందించాడా? అలాగా? చా వూర్కో! ఎవరైనా వింటే మామూలుగా నవ్వరు.

ఆంధ్రప్రదేశ్ ఏర్పడ్డాక మా కోసం .. పోనీ మీరన్న ఆ 60% ఇక్కడికి చేరి తిష్ఠ వేసిన వారి కోసమైనా .. ఇలాంటి ప్రత్నామ్నాయ సౌకర్యాలు ఏర్పాటు చేసి, అవకాశాలు పెంచారా ? నిజమైన అభివృద్ధి అంటే అది! ఎంత సేపు ఉన్నవాట్లోనే మా అవకాశాలు మీరు దొబ్బారు గాని... మరి దీన్ని దోపిడి అనరా? సిగ్గు, ఎగ్గు లేకుండా ఏం మొకం పెట్టుకొని " మేమ్ 60% " అని గూండాగిరి మాటలు మాట్లాడుతారు?

ఇంతకన్నా హాస్యాస్పదమైన, అసంగతమైన, సిగ్గులేని వ్యాఖ్య మరొకటి వుండదు. హైదరాబాదులో జరిగిన నిజమైన అభివృద్ధి 1956 కి ముందు జరిగిందా, తర్వాత జరిగిందా మీ కంటొన్మెటు శంకర్రావు నడిగినా చెప్తాడు.

ఇంకాసేపుంటే ఇన్ఫోసిస్ విప్రో టీసీఎస్ లో కలిగిన లక్షలాది అవకాశాలక్కూడా నిజామే కారకుడు అనేట్లున్నారు. రెడ్డీస్ లాబ్స్ దగ్గర్నుంచీ, అరబిందో ఫార్మా వరకూ నిజాం బాబాయ్ స్థాపించినదే అన్నా ఆశ్చర్యంలేదు. అయినా ఇక్కడికొచ్చి తిష్టవేయడానికి మేమేమీ మీ ఎస్టేట్ కి చుట్టం చూపుకేం రాలేదు.. మా సొంత రాష్ట్ర రాజధానికి పనిచేసుకోవడానికి వచ్చిన కష్టజీవులం. కష్టపడ్డాం, కండలు కరిగించాం అవకాశాలని అందిపుచ్చుకున్నా, అభివృద్ధి చెందాం.

బెదిరిస్తే చూస్తూ వూరుకోవడానికి మేమేమీ మందిలో మీకన్నా తక్కువ కాము అంటే గూండాగిరీ చేసినట్లా? ఇదే గుండాగిరి అయితే " అడ్డంగా నరుకుతాం, నాలుకలు కోస్తాం, దున్నపోతుల్తో తొక్కిస్తాం, మానవ బాంబులుగా మారతాం" అన్నది గాంధీ గిరి కాబోలు.

మీరు బాబా రాందేవ్ మాదిర్లో సాత్విక పాఠాలు చెబుతుంటే, అచ్చంగా అదేదో బ్లాగులో చెప్పినట్లు ముమయిత్ ఖాన్ మంగళగౌరీ వ్రతం చేసినట్లుంది, ఉదయభాను వేణుమాధవ్‌ లతో తిరుమల బ్రహ్మోత్సవాలకి ప్రత్యక్ష వ్యాఖ్యానం పెట్టించినట్లుంది.

ఒకసారి తిరుగుబాటు మొదలుపెట్టాక yes! నిజాం, అప్పటి మా ప్రజలను అణచివేయడానికి చూసాడు. ఆనాడు రాచరిక వ్యవస్థలో వాడు అణచివేయడంలో ఆస్చర్యమేముంది ? ఇప్పుడు ప్రజాస్వామ్య వ్యవస్థలోనే మా MLAలు, మంత్రులు ఎదిరించినా, మీ పాలకులు ఇప్పుడు పోలిసు జులుంతో మమ్మల్ని అణచి వేయడం లేదా? మా వాళ్ళు చెబితే మీ రాజశెఖరరెడ్డీ, రోశయ్యలు వింటారా ? అందుకే మా MLAలను దద్దమ్మలని మేమే అంటున్నాం. మీరనేదేంటి? ... బోడకాయ !

ఆనాడు నిజాం మాకన్ని చేసినా స్వీయ పాలన కోసం తిరుగుబాటు చేసినప్పుడు, ఈ రోజు మాకు అభివృద్ధి చేయడం కాదు..

స్థూలంగా మీరు నానా విధాలుగా నొక్కి వక్కాణిస్తున్న విషయాలేంటి?

1) 55 యేళ్లకి ముందు మేము దద్దమ్మలం కాబట్టి నిజాం మమ్మల్ని పువ్వుల్లో పెట్టిచూసుకున్నా, ఆయనమీద తిరుగుబాటుచేశాం. ఆయనేమో రాచరికాన్నీ, మా దద్దమ్మ స్వభావాన్ని ఉపయోగించుకుని మమ్మల్ని అణిచేశాడు.
2) 55 యేళ్ల తరువాతా మేము దద్దమ్మలం కాబట్టి మీరేమో దేశముదుర్లు కాబట్టి దద్దమ్మలం అనే సానుభూతి కూడా లేకుండా, మమ్మల్ని అణగదొక్కేశారు.
3) 55 ఏళ్లనుండీ మమ్మల్ని పరిపాలిస్తున్న మా ప్రజాప్రతినిధులంతా పెద్ద దద్దమ్మలు- మేమే చెప్తున్నాం మీరు చెప్పేదేముంది బోడకాయ.
4) మరి 55 యేళ్ళుగా మేము నేర్చుకుంది ఏంటయ్యా- దద్దమ్మలుగా బతుకుతూ, దద్దమ్మలచేత పాలించబడుతూ, దద్దమ్మబతుక్కోసం పోరాడడం.

అదే మేము చెప్తోంది కూడా, ఆ ప్రకారంగా, మీతో కలిసుండడం వల్ల మాకు ఏ రకమైన ఉపయోగం లేదు. మీ ప్రపంచం వేరు, మీ ఆలోచనల కక్ష్య వేరు, మీరు ఒక అడుగు ముందుకేసి నాలుగడుగులు వెనక్కి పోతారు. మీతో కలిసున్నంత కాలం మా అభివృద్ధికి కూడా ముందరి కాళ్ళకి బంధం వేస్తారు. మీ దారిన మిమ్మల్ని వదిలి మా బతుకులు మేము బాగుపడదామన్నా, అదుగో బాగుపడిపోతున్నారు అని ఏడుపు మొదలెడతారు. సోదరభావంతో మిమ్మల్ని కూడా మాతో తీసుకెళ్ళాలనుకునే రోజులు పోయాయి, మాకేంటి అవసరం. మీ ఉద్యమాలు ఉద్రిక్తతల్లో మిమ్మల్నొదిలేసి మేము ముందుకెళ్ళిపోతాం, ఏమైనా కానీ మేము ముందుకే వెళ్తాం, కాల చక్రంలో ఇక వెనక్కి వచ్చే ప్రసక్తే లేదు. జీ వీ కే మాల్ సెక్యూరిటీ గార్డు పస్తుపడుకుంటే మాకేంటి, సుత్తి సుబ్బరావు గౌడ్ ఆరుపోర్షన్లకు గాను, ఐదు ఖాళీ అయిపోయి హోం లోన్ కూడా కట్టలేని పరిస్థితి వస్తే మాత్రం మాకేంటి?

మాకున్నవే 55 ఏళ్ళుగా దోచేస్తే తిరుగుబాటు చేయరా ? మీ మట్టి బుర్రలకు ఈ మాత్రం అర్థం కాదా ? అవునులే .. మిడిమిడి జ్ఞానంతో ఆలోచిస్తే ఎట్లా ఎక్కుతది? పైగా మీ మొకాలకి .. " వర్షాలు పడకపోతే ఆంధ్రోళ్ళు, ఉద్యోగాలు రాకపోతే ఆంధ్రోళ్ళు, రేప్పొద్దున పిల్లలుపుట్టకపోతే ఆంధ్రోళ్ళు అన్నా ఆశ్చర్యంలేదు. " అని వెటకార మొకటి! సిగ్గు లేకపోతే సరి ! ------------------------------------------------ సమయం తెల్లవారుజాము 3 గంలయింది. ఇలాగే మీ మిగితా సమాధానాలకు కూడా తరువాత గడ్డి పెడతాను. అప్పుడె ఆవేశపడకండి. మొత్తం చదివేదాక ఓపిక పట్టండి. ఆ తరువాత ఇంకా ఏమయినా సందేహాలుంటే అడుగండి. తీరుస్తా.

@ మరియు మరికొందరు మూర్ఖులు "ఒకసారి తిరుగుబాటు మొదలుపెట్టాక yes! నిజాం, అప్పటి మా ప్రజలను అణచివేయడానికి చూసాడు. ఆనాడు రాచరిక వ్యవస్థలో వాడు అణచివేయడంలో ఆశ్చర్యమేముంది ? ఇప్పుడు ప్రజాస్వామ్య వ్యవస్థలోనే మా MLAలు, మంత్రులు ఎదిరించినా, మీ పాలకులు ఇప్పుడు పోలిసు జులుంతో మమ్మల్ని అణచి వేయడం లేదా?" అని చెప్పాక కూడ, మళ్ళీ "నిజాం మమ్మల్ని పువ్వుల్లో పెట్టుకొనే చూసుకొన్నాడు మరి రజాకార్లు దేంట్లో పెట్టుకుని చూసుకున్నారు ?" అని రాసారంటే, మీ విషయావగాహన ఏ పాటిదో తెలుస్తోంది. "ఆ అవకాశాలన్నీ వాడు పూర్తిగా మాకోసం రూపొందిస్తే, తేరగా మీరు దొబ్బి, వాణ్ణె తిట్టడానికి మీకు సిగ్గుందా? ఆంధ్రప్రదేశ్ ఏర్పడ్డాక మా కోసం .. పోనీ మీరన్న ఆ 60% ఇక్కడికి చేరి తిష్ఠ వేసిన వారి కోసమైనా .. ఇలాంటి ప్రత్నామ్నాయ సౌకర్యాలు ఏర్పాటు చేసి, అవకాశాలు పెంచారా ? నిజమైన అభివృద్ధి అంటే అది! ఎంత సేపు ఉన్నవాట్లోనే మా అవకాశాలు మీరు దొబ్బారు గాని... మరి దీన్ని దోపిడి అనరా? " అని అడిగితే ... జవాబు చెప్పలేక "వాడు పెట్టిన OU, వాడు పెట్టిన ఉస్మానియా, గాంధీ, NIMS .. వాడి బాబు సొమ్ముతో పెట్టాడు." అనడానికి సిగ్గుందా ? అదేదో మీ బాబుల సొమ్ముతో కట్టినట్టు ... ! "సిగ్గు, ఎగ్గు లేకుండా ఏం మొకం పెట్టుకొని " మేమ్ 60% " అని గూండాగిరి మాటలు మాట్లాడుతారు? " అంటే జవాబు చెప్పలేరు.

ఈ అన్నిప్రశ్నలకీ ఆదిగినదానికన్న ఎక్కువగానే పైన జవాబివ్వడం జరిగింది.

ముందు ’ముల్కి రూల్స్’ ప్రకారమైనా, తరువాత ’ఆరు సూత్రాల పథకం’ ప్రకారమైనా, హైద్రాబాదులో 15% మించగూడని మీ జనాభా 60% అయ్యిందంటేనే ... సిగ్గు, లజ్జ లేకుండా మీరు అన్ని ఒప్పందాలని అతిక్రమించారని ఒప్పుకొన్నట్టే కదా !

అలాగా? ఇది మాకు తెలీదే, అసలు అలాంటి రూలొకటి వుందని. అంటే హైదరాబాదు జనాభాలో 15% కన్నా మించితే ఇంక ఆంద్రోళ్లకి నో ఎంట్రీ అన్నమాట, ఆ సంగతి 50 ఏళ్లకి ముందే లిఖిత పూర్వకంగా సమ్మతించబడింది కాబోలు. గురు సినిమాలో మణిరత్నం చెప్పిన లాజిక్ ఎంతబాగా కట్ పేస్ట్ చేశారు మహానుభావా! మనకి ఉపయోగమున్నంత వరకూ చట్ట ప్రకారమేపోదాం, మనదారికి అడ్డొస్తే చట్టాన్నే మార్చేద్దాం. 60% వున్న సీమాంధ్ర జనాలను వలసవాదులుగా చూపించడానికి 50 ఏళ్లముందటి ముల్కీ నిబంధనలు రాత్రికి రాత్రి తిరగరాశారు. వహ్వా! ప్రజాస్వామ్య దేశంలో ని ఒక అతి సామాన్యమైన రాష్ట్రంలో ఇంత కఠినతరమైన నిబంధనొకటి వుందంటే ఇంక అది ప్రజాస్వామ్యం ఎందుకవుతుంది?

"సరే, ఇంకా గడ్డి మిగిలుందా ?? తొందరపడి ఎక్కడా పెట్టుకోకు" అన్నారు. స్వార్థం కోసం అడ్డమైన గడ్డి తినే మీలాంటి వాళ్ళు ఇంతకన్న బాగా ఎలా మాట్లాడుతారు? "మొత్తం చదివేదాక ఓపిక పట్టండి. ఆ తరువాత ఇంకా ఏమయినా సందేహాలుంటే అడుగండి. తీరుస్తా." అని రాసినా ఉక్రోషం ఆపుకోలేని వెధవలు సౌహార్ద భావంతో కలిసి ఉంటారా ? మీ నోరు మాట్లాడేది ఒకలా.. నొసలు చిట్లేది మరోలా.. అందుకే ఆనాడు తమిళులు మిమ్మల్ని కట్టుబట్టలతో తరిమికొట్టారు.

అంబలి తాగే వాడిదగ్గర మీసాలెత్తేవాడొకడు
అడుక్కుతినేవాడిదగ్గర గీక్కుతినేవాడొకడు
కట్టుబట్టలతో వచ్చి కిందామీదా పడుతున్నోడిమీద పడి ఏడ్చేవాడింకొకడు.

"కేంద్ర నుంచీ కొత్తరకం రబ్బరు బుల్లెట్లు తెప్పిస్తున్నారు. కర్నూలు సింహం అరవిందరావుని డీ ఐ జీ చేశారు, మావోఇస్టులు నరహంతకుడు అనే నరసింహన్ ని గవర్నర్ గా పెట్టారు. ఇంకా అర్ధం కావట్లేదా డిసెంబర్ తర్వాత ఏమి జరుగుతుందో? 20 ప్లాటూన్ల సీ ఆర్ పీ ఎఫ్ కంపెనీలు వస్తున్నాయి, వాళ్ళు కొట్టడం అంటే మామూలు కొట్టుడు కాదు, నెలల తరబడి ఒంటికీ రెంటికీ రాక దిక్కుమాలిన యాతన పడతారు." అని అంటారు. మానవత్వం సిగ్గుతో తల దించుకొనే కామెంట్ కాదా అది ?

మానవబాంబునౌతానని బెదిరించేవాడి దగ్గర మానవత్వమా? దున్నపోతుల్తో తొక్కిస్తామనే వాడి దగ్గర దయాదాక్షిణ్యమా?

ఇలా మాట్లాడిన దుర్యోధనుడు, బ్రిటిష్ వాడు, నిజాం అందరూ చరిత్రలో మట్టి కరిచారు. న్యాయం కోసం పోరాడిన వారు ఎప్పుడూ ఓడిపోలేదు. ఆనాడు రాచరిక వ్యవస్థలో నియంత నిజాం, రజాకార్లు మాట్లాడినట్టు... ఈనాడు ప్రజాస్వామ్య వ్యవస్థలో మీలాంటి సాధారణ పౌరులు ఇంత అహంకారంగా నియంతల్లా మాట్లాడుతున్నారంటె, మీకందరికీ మూడింది.

ఓ యూ జేయేసీ వీసా జారీ చేస్తేనే లగడపాటి, చిరంజీవి చంద్రబాబు తెలంగాణలో తిరగగలరు.
సీమాంధ్ర మంత్రులు తెలంగాణలో అడుగుపెడితే తరిమితరిమి కొడతాం.
డిసెంబరు 31 తర్వాత పరిపాలన స్థంభింపచేస్తాం, ప్రళయాన్ని సృస్టిస్తాం

నాడు నిజాంకు ఘోరి కట్టినట్టె మీకందర్కీ తెలంగాణ ప్రజలు ఘోరి కట్టె రోజులు దగ్గరబడ్డయ్. మీలాంటి నీతి నిజాయితీ లేని వెధవలకు ఎంత చెప్పినా వేస్టే ! ఇక చర్చ అనవసరం. ధర్మో రక్షతి రక్షితః

మా హక్కులకోసం పోరాడడం తెలుసు. మా జీవితాలని నిర్మించుకోవడం తెలుసు. మా భవిష్యత్తులని తీర్చిదిద్దుకోవడం తెలుసు. 1977లో దివిసీమ ఉప్పెన వచ్చినప్పుడు, అంతా అయిపోయిందన్నారు, ఈరోజు కృష్ణా, గుంటూరు, ప్రకాశం, నెల్లూరు, ఒంగోలు కలిస్తే ఇండియా భూభాగంలో సగం మార్కెట్ వాల్యూ ఇచ్చి మరీ కొనగలరు. 2004 లో తుఫాన్ వస్తే తూర్పుగోదావరి మునిగిపోయిందన్నారు, ఈ రోజు దేశం మొత్తానికీ సరిపడే గ్యాస్ నిక్షేపాలని కడుపులో దాచుకుని ప్రపంచం మొత్తం దృష్టినీ తనవైపు తిప్పుకున్నాయ్ గోదావరి జిల్లాలు.
మా బతుకులకి అది అలవాటే, సంవత్సరానికోసారి ఏవో విపత్తులు మా జీవితాల్లోకి వచ్చి సర్వ నాశనం చేస్తాయ్, మళ్ళీ సున్నా నుండీ నిర్మించుకుంటాం. నేను ఇది రాస్తున్నప్పుడు సీమాంధ్ర రక్తంలో సహజసిద్ధంగా వుండే తెగింపు, ఆత్మవిశ్వాసం నా మనసులో నూతనోత్సాహాన్ని కలగచేస్తున్నాయ్, ఆవేశం కట్టలు తెంచుకుంటోంది. మేము బతికేస్తాం, బతికిచ్చుకుంటాం, ఎలాగోలా- సున్నా నుండీ మొదలుపెట్టినా పదేళ్లలో మిమ్మల్ని మించిపొతాం. కానీ మీకు తెలియంది ఒక్కటే, ఏ రోజైతే రాష్ట్రవిభజన జరుగుతుందో. మీ ముందుండే సవాలక్ష సమస్యలతో బాటు 6 కోట్లమంది కొత్త శతృవులు తయారౌతారు. వివక్షత, దురహంకారం అణిచివేత అంటే ఎలా వుంటుదో రాబోయే కొన్నిదశాబ్దాల పాటు రుచి చూపించడానికి.

అఙ్ఞాతా! ఇవిగో మీ ప్రశ్నలకి సమాధానాలు !!

srikchin@gmail.com (Srikrishna Chintalapati, శ్రీకృష్ణ చింతలపాటి) — Sat, 16 Oct 2010 04:06:07 PDT

మొన్న రాత్రి అఙ్ఞాత పేరుతో వచ్చిన ఒక వ్యాఖ్యకి ఒక స్నేహితుడు తను చెప్పదలచిన సమాధానాన్ని నాకు ఈ-మైల్‌ ద్వారా తెలియబరచి, ప్రచురించమని కోరాడు. దానిలో చాలా ఆలోచించదగిన విషయాలున్నాయి కనుకావాటిని యధాతధంగా, ఏమాత్రం మార్పులేకుండా ప్రచురిస్తున్నాను. దయచేసి ఇది నేను రాసిన వ్యాసం కాదని గమనించండి.

ఈ స్పందన చూశాక నేను మరో వ్యాసం ప్రచురించాల్సిన అవసరం లేదనిపించింది. సమయాభావం వల్ల దీని సరిగ్గా ఎడిట్‌ చేయలేకపోతున్నాను, గమనించండి. వ్యాఖ్యాతలు భావోగ్వేగాలకు లోనుకావొద్దు. సుహృద్భావంతో , సంయమనంతో ఆమోదయోగ్యమైనభాషలో వ్యాఖ్యలు రాయండి.దయచేసి సహరించండి

వ్యక్తిగత దూషణలున్నా, అసభ్యకరమైన పదజాలమున్నా ఎప్పటిలాగే ఆ వ్యాఖ్యలని ప్రచురించను.
____________________________________

అది కూడా లేకపోతే సీమాంధ్ర పరిస్థితి ఇంక ఎంత అద్వాన్నంగా వుంటుందో ఎప్పుడైనా ఆలోచించారా? " అనడం కాదు. నిజానికి ఆ పరిస్థితిని మీరే ఆలోచించడం లేదని తెలుసుకోండి.

"నిజంగా రాష్ట్రవిభజన జరిగి హైదరాబాదు మీద సీమాంధ్రకి హక్కులేకుండా చేస్తే ... ఆంధ్రుల కడుపుమీద కొట్టినట్టే. " అన్నారు. అందుకని 55 ఏళ్ళుగా మా కడుపులు కొట్టింది గాక, ఇంకా శాశ్వతంగా మా కడుపులు కొడుతూనే ఉంటారా?

55 ఏళ్లకి ముందు నిజాం మీ అందర్నీ పువ్వుల్లో పెట్టి చూసుకుంటే. 55 యేళ్ల్ళ నుండీ ఆంధ్రోళ్ళు వచ్చి మిమ్మల్ని దొచేశారు అంతేనా? మరి మీ నిజాం సాయుధపోరాటం లో చనిపోయిన ఆంధ్రుల సంగతి ఏమిటి? అయినా ప్రజాస్వామ్య వ్యవస్థలో వ్యవస్థీకృత దోపిడీకి స్థానం లేదనితెలిసి ఇలా దుష్ప్రచారం చేసేవారినేమనాలి? 55 ఏళ్ళ నుండీ మిమ్మల్ని దోపిడీ చేయడానికి తెలంగాణ ఒక్క నియోజగవర్గంలో కూడా ఆంధ్ర MLA లేరె? 55 ఏళ్ళనుండీ మీ నియోజకవర్గాలకి మీరే ప్రాతినిధ్యం వహిస్తున్నారే. అంటే మిమ్మల్ని పాలించిన ప్రజా ప్రతినిధులు దద్దమ్మలనేగా మీ ఉద్దేశ్యం!
అయినా ఈ దోపిడీ అనేది అన్నిరకాలుగా అబద్ధం అని ఇప్పటికే చాలా సార్లు అంకెలతో సహా నిరూపించబడింది. అందుకే మీ ఘనత వహించిన ఉద్యమ వీరులు కూడా "వెనుకబాటుతనం" అన్న వాదన వదిలేసి "మనోభావాలు, స్వయంపాలన అనే వితండవాదం ఎత్తుకున్నారు. ఇంకా ఎవర్ని ఎవరు దోచేశారని గుండెలుబాదుకుంటున్నారో నాకు అర్ధం కావట్లేదు.

" ఏమి మిగులుతుంది సీమాంధ్రలో, వాణిజ్యం ఉపాధికి ఏమాత్రం అవకాశాల్లేవు. మద్రాస్ విషయంలో ఇలాగే మోసగించబడ్డాం. " అంటే ... దానికి బాధ్యులు మీ పెట్టుబడిదారులు కాదా? ఎందుకు పెట్టుబడులు ఆ ప్రాంతాలలో పెట్టి అభివృద్ధి చేయరు?

ఎందుకు చేయరంటే- ఈరోజుదాకా ఇది మావూరే అనుకుని హైదరాబాదులో పెట్టుకున్నాం కనుక. ఇల్లానమ్మకద్రోహం చేస్తారని ఎప్పుడూ అనుకోలేదు కనుక. అందుకే ఇప్పుడూ చాల బిగ్గరగా అరిచి రెండు విషయాలు చెప్తున్నాం-
1) హైదరాబాదు ఎవడి సొత్తూ కాదు, మీకెంత హక్కుందో మాకూ అంతే హక్కుంది. కాదు కుదరదు అంటె చూస్తూ ఎవడు వూరుకోడు. విధ్వంసాలు చేయడం, భూకంపాలు సృష్టించడం, తల్లిపాలు కక్కేదాకా దేహశుద్ధి చేయడం మాక్కూడా వచ్చు. మీరు 40% అయితే మేము 60% ఆ సంగతి గుర్తుంచుకోండి. మా హక్కుల్ని బతిమాలో, భయపెట్టో, పోరాడో ఎలా సాధించుకోవాలో మీకన్నా ఎక్కువగానే మాకు తెలుసు.
2) చారిత్రక తప్పిదాలనుండీ మేము నేర్చుకోబోతున్నాం. అభివృద్ధి అంతా ఒకచోటే వుండడం అన్న చారిత్రక తప్పిదం మరో సారి జరగదు. అందుకే అంతర్జాతీయ విమానాశ్రయం తిరుపతిలోను, ఐ టీ పార్కు వరంగల్ లోనూ రాబోతున్నయ్.

ఇప్పటికీ ఆ పెట్టుబడిదారులకే మీరు వత్తాసు పాడుతున్నారు గాని, కోస్తా, రాయలసీమలో జీవిస్తున్న కోట్లాది ప్రజలు ఎలా బతుకుతున్నారో మీకు పట్టదా? బలిసిన వాళ్ళు హైదరాబాదు NIMS కి రావడమే కావాలి గాని, ఆ ప్రాంతాలలో పేద రోగులు అక్కడె చచ్చిపోతే ఫరవాలేదా? ఇప్పటికైనా వాళ్ళ కొక రాజధాని, వసతులు ఏర్పడే అవకాశం వస్తుంటే, దానికి మీలాంటి వాళ్ళు మోకాలడ్డితే ... మరో 55 ఏళ్ళు వాళ్ళు అలాగే చావాలా ?

కోస్తా, రాయలసీమ ప్రాంతాలలో జీవిస్తున్న కోట్లాది ప్రజల బాగోగులను గాలికి వదలి, కొంత మంది పెట్టుబడిదారులు, మధ్య తరగతి ప్రజల అభద్రతాయుతమైన భావ దారిద్ర్యం కొరకు హైద్రాబాదంటూ వేళ్ళాడుతూ, మమ్మల్ని దోచుకొంటూనే ఉంటారా ? నిజంగా భావ దారిద్ర్యం కాకపోతే హైదరాబాదు వేరే దేశమయిపోతుందా ? రాష్ట్రం శాంతియుతంగా వేరయితే ఈ గొడవలుంటాయా?

మళ్ళి చెప్తున్నా , హైదరాబాదు అందరిదీ. మీకెంత హక్కుందో మాకూ అంతే హక్కుంది. నిజామాబాద్ మధుయాష్కీ గౌడ్ కి ఎంత హక్కుందో, లగడపాటి కీ అంతే హక్కుంది. అసవుద్దెన్ ఒవైసీకి ఎంత హక్కుందో, ఉండవల్లి అరుణ్ కుమార్కీ అంతే హక్కుంది. ఆదిలాబాద్ శివార్లలో దారినపోయే దానయ్యకెంత హక్కుందో, శ్రీకాకుళం నడిబొడ్డున చుట్టలుచుట్టే సూరయ్యకి కూడా అంతే హక్కుంది.

జంతర్ మంతర్ చూమంతర్ అంటే రాజధాని వసతులు వచ్చేస్తాయా? మోకాలడ్డేస్తే ఆగిపోతాయా? దానికి చాలా వనరులు కావాలి, సమయం కావాలి అదొఇ భరించే స్థితిలో రాష్ట్రం లేదు , కేంద్ర లేదు. అసలయినా మా రెక్కల కష్టంతో నిర్మించుకున్న నగరాన్ని మేము ఎందుకు వదలాలి? వదిలే ప్రసక్తే లేదు.

పెట్టుబడిదారులు మనుషులు కారా? శ్రీ చెప్పినట్లు, స్విస్ బాంక్లో దాచుకున్న 50 కోట్లు, జీ వీకే మాల్ సెక్యూరిటీ గార్డ్ కి నెలకి పదివేలు ఇవ్వగలుగుతాయా? మైకోసాఫ్ట్ గచ్చిబౌలి లో వుండకబొతే, కొండాపూర్ లో సుత్తి సుబ్బారావు గౌడ్ తన తాతముత్తతాల కాలం నుండీ వచ్చిన స్థలంలో మూడంతస్థుల భవనం కట్టి, అందులో ఆరుపోర్షన్లేసి ఒక్కోటీ నెలకి 15వేలు అద్దెకిచ్చేవాడా?

అసలయినా, పెట్టూబడిదారులంటే ఆంధ్రోళ్ళు ఆంధ్రోళ్లంటే పెట్టుబడిదారులని మాట్లాడుతున్నారే, మీ దృష్టిలో ముకేష్ అంబానీ సంఘ సంస్కర్తా, తాజ్ ఒబెరాయ్ గ్రూపులు దేశసేవ చేస్తున్నరా? అన్నిటికీ మించి మీ ముక్కుపొడుగు వెలమదొరకున్న రెన్ డు షిప్పులమీద్/నౌకల మీద పెట్టుబడి కాకుండా ఫుకట్ బడి పెట్టాడా? 2004 లో ఎం పీ గా గెలవగానే గంతులేస్తూ కేంద్ర కాబినెట్ లో షిప్పింగ్ శాఖ తీసుకుంది పెట్టిన పెట్టుబళ్ళు రాబట్టుకోవడానిక్కాక, సిద్ధిపేట సివార్లలో ఠాకూర్ అనాధాశ్రమానికి బిల్ గేట్స్ మాదిర్లో విరాళం ఇవ్వడానికా?

పెట్టుబడిదారుల్లో మీరూ వున్నారు, పెట్టుబడిదారులమూలంగా ఎక్కువగా లాభపడిందే హైదరాబాదులో వున్న మీ వాళ్ళు. ఇప్పుడూ గోలచేసి తెలంగాణ తెచ్చేసి జెండాలు పాతేసి మనం ఎక్కువధరకు అమ్మినభుమిని మళ్ళీ వాళ్ళదగ్గరనుండీ ఆక్రమించేద్దామనా? ఏమి ఆలోచనసార్‌. జై కొట్టండి, ఏం సిగ్గుపడుతున్నారా?

తెలంగాణ వాళ్ళు నిజంగా అంత దుర్మార్గులే అయితే మీరిన్నాళ్ళు ఇక్కడ ఇంతగా రెచ్చిపోయేవారా? ఇలా వ్యాప్తి చెందగలిగి ఉండేవారా? నిజంగా అంత భయమే ఉంటే, మీరింకా మాతో కలిసుందా మనగలరా? ఇవి దొంగ మాటలు కావా ? నిజానికి రాష్ట్ర విభజన జరగకపోతేనే ... నిత్య ఘర్షణలతో, ఏ ఆవేశపరుడు ఏం చేస్తాడో తెలియక, మీకు అభద్రత అని గ్రహించండి.

అంత అవసరం లేదు, అదే మాకు నచ్చనిది. మా వూళ్ళో మేము ఉండడానికి మీ అనుమతి ఎప్పటినుండీ కావాలి? మీ దయాద్క్షిణ్యాల మీదా మేము హైదరాబాదు లో బతికేది? అలాగా? ఆ పరిస్థితి ఎప్పటికీ రాదు, ఒక్కడి మీద చేయి పడినా, దాని ఫలితాలు ఎలా వుంటాయో మీరే చూస్తారు. మళ్ళీ చెప్తున్నా, మీరు 4 కోట్లయితే, మేము 6 కోట్లు.

"ఈ రోజు సీమాంధ్ర లో 80% పైగా కుటుంబాలకి హైదరాబాదులో మూలాలున్నాయి" అని ఏమాత్రం సిగ్గుపడకుండా చెప్పారు. ఆ 80% అవకాశాలు ఎవరివో ... వాళ్ళని ఎంతగా దెబ్బ తీసారో ఆలోచించారా? ఎన్నాళ్ళిలా పరాన్నభుక్కులుగా జీవిస్తారు? సిగ్గనిపించడం లేదా?
ఒక పైసా లాభం తక్కువ రావచ్చు గాని, అవే పెట్టుబడులు మీ ప్రాంతాలలో పెట్టి తల ఎత్తుకొని జీవిస్తూ, ఆ ప్రాంత ప్రజలకు మేలు చేస్తే తప్పా?. "మా ప్రాంతంలో అది గొప్ప... మా ప్రాంతంలో ఇది గొప్ప ..." అంటూ ఇక్కడి వాళ్ళను న్యూనపరుస్తూ ఇన్నాళ్ళు అహంకారంగా మాట్లాడి గాయపరచిన వాళ్ళు... వ్యాపారం,అధిక లాభాల కోసం స్వంత ప్రాంతాలను నిర్లక్ష్యం చేయడం క్షమార్హమా?

ఆహా అలాగా, అయితే మరి మహారాష్ట్ర కర్ణాటకలో ఉద్యోగాలు చేసుకునే మీ తెలంగాణ ప్రజానీకం అంతా పరాన్న జీవులు కాదా? దుబాయ్, అమెరికాలు వలసపోయి అక్కడి పౌరుల అవకాశాలు కొల్లగొడుతున్న మీవాళ్ళంతా పరాన్న భుక్కులు కారా? ముందు వాళ్ళందర్నీ వెనక్కి పిలిపించి ఇన్నాళ్ళు పరాన్న జీవులుగా బతికినందుకు ముక్కు నేలకి రాయించండి, మేము వెళ్ళిపోతాం, తెలంగాణని వదిలి, మా వూరైన హైదరాబాదుని వదిలి కాదు.
మీ వాళ్ళు అంతమంది అన్నిరోజుల్నించీ ప్రపంచలోన్ని దేశాలకి చకోరపక్షుల మాదిరి వలసపోయినా ఇంకా మీరు అన్ని రంగాల్లో వెనుకబడి వుండటానికి కారణమేంటి? ఆ డబ్బుల్తో శేరిలింగంపల్లిలో భూముల రేట్లు పెరిగాయా లేక రంగరెడ్డి శివార్లలో గుడుంబావ్యాపారులు దొబ్బేశారా?

స్వంత ఇంట్లో పూచిక పుల్ల కొనుక్కొన్నా గర్వంగా ఉంటుంది. కిరాయి ఇంట్లో ఎన్ని హంగులు ఏర్పర్చుకొన్నా, ఖాళీ చేసేనాడు పీక్కు పోవాల్సిందే! ఈ మాత్రం ఇంగిత జ్ఞానం లేకపోతే ఎలా? నాడు మద్రాసైనా అంతే ! ఇంకా 20 ఏళ్ళకైనా హైద్రాబాదైనా అంతే ! ఎంత ఆలస్యమయితే అప్పుడు మళ్ళీ ZERO నుండి రాజధానిని ప్రారంభించుకోవాలి. ఈ మాట నేను కాదు. బొత్స సత్యనారాయణ అన్నది. ఇలా విజ్ఞతతో చెప్పే వాళ్ళ మాటలు మీ బుర్ర కెక్కవా ? ఎంతసేపు లగడపాటి, కావూరి, టీ.జి. వెంకటేశ్ వంటి స్వార్థపరులైన పెట్టుబడిదారుల మాటలే బుర్రకెక్కుతాయా?

అదే పని మీరు చేయచ్చుగా, మీ గ్రామాలకిపోయి బిందుసేద్యం మొదలుపెట్టండి. కనీసం వచ్చే తరాలైనా కడుపునిండా తింటాయి.

అంటే బొత్స సత్తిబాబు మీకో మేధావి లా కనిపిస్తున్నాడు. "పదేళ్ళ క్రితం అదే ధగుల్భాజీ వోక్స్ వాగన్ నిర్వాకంలో "సొమ్ములు పోనాయి ఏటి సేత్తాం" అని ప్రపంచం మొత్తం ముందు పేకల్లో జోకర్లా సిగ్గొదిలేసి నిలబడ్డాడు. అసలు సంగతి మీ ముక్కుపొడుగోడీ జాతం బాగుండి తెలంగాణ వస్తే, అది ప్రమాణికంగా తీసుకుని కళీంగాంధ్రకోసం లంగోటి బిగించి గోతాం లోకి దిగుతాడు. వాడు మీకో మేధావి. అవునవు కే సే ఆర్ లాంటి "దుబాయ్" చంద్రశేఖరే మీకు జాతిపిత కాగా లేంది ఆయనోలెక్కా.

లగడపాటి పేరెత్తె అర్హత మీకెవరికైనా వుందా? అన్ని రంగాల్లో పైకి వచ్చినవాడు, ఏ వ్యాపారం చేసినా లాభాలు, ఏ రంగంలో దిగినా వ్యాపారదక్షత మీద పైకొచ్చాడు. ఈ రోజుకొచ్చి ఆయన మాట్లాడె ప్రతి మాటా తూటాలా పేల్తుంది, అయినా మీలా సిగ్గువిడిచి చపేస్తాం, నరికేస్తాం అని బజారుకెక్కడు. ఇంకో 5 దశాబ్దాల వరకూ విజయవాడలో ఆయన్ని ఆపే శక్తిలేదు ఎవ్వరికీ, హైదరాబాద్ నడిబొడ్డున కే సీ ఆర్ గారి మోడెరెన్ నిరహార దీక్ష సంగతి సాక్షాలతో సహ ప్రపంచం ముందు బట్టలిప్పేసి నగ్నంగా నిలబెట్టినోడు. ఈ రోజుకొచ్చి దాని ఖండించే సాహసమే చెయ్యలేదు, మొఖం ఎక్కడ పెట్టుకుణ్టావు నాయనా?

మీ పబ్బం మీరు గడుపుకొని దాటేస్తే చాలా ? హైద్రాబాదు ఇంకా ఎంత జనాభాని భరించగలదు ? ఆ తరువాత మా సంగతి సరే ! భావి తరాల మీ ప్రాంత ప్రజలు గోదాట్లో కలిసినా సరేనా? శ్రీకాకుళం, విజయనగరం, అనంతపురం వంటి జిల్లాలలో కనీసం ఒక్కసారైనా హైద్రాబాదు మొహం చూడలేని పేద ప్రజల కష్టాలు మీకు కనిపించవా ? మీకెందుకు ఇంత స్వార్థం ? ఇలా రెండు ప్రాంతాల ప్రజల ఉసురు పోసుకొని మీరేం బావుకొంటారు ?

ఆదిలాబాద్, కరీం నగర్, మెదక్, నిజామాబాద్ లలో పూటకి గతిలేని, హైదరాబాదు మొఖం చూడలేని, నిరుపేదలకోసం మీరే ఓ రాజధాని నిర్మించి ఇవ్వచ్చు కదా. మేము మా పేదలకోసం హైదరాబాదు వదిలేస్తే వాళ్ళకి మూడుపూట్లా తిండి వస్తుంది అంటే అలాగే వదిలేస్తాం. నిజమే హైదరాబాదు భరించలేదు, అలాగే ముంబాయి, బెంగళురు, ఢిల్లీ అందుకే దేశంలోన్ని అన్నిప్రాంతాల నుంచీ అన్ని నగరాల్లోకీ వలసలని ఆపేయమనండి. లేక వాటిక్కూడా ఆంధ్రోళ్లే కారణమంటారా?

ఎంత చండాలమైన ఆలోచనో చూడండి. మా వూళ్ళు అభివృద్ధి చెందకపోతే మా రాజకీయనాకులు వెధవలు. మీ వూళ్ళు అభివృద్ధి చెందకపోయినా మా రాజకీయనాయకులు దోచేశారు కాబట్టి వెధవలు.

మీ అఙ్ఞానం చూస్తుంటే సిగ్గు వేస్తోంది. వర్షాలు పడకపోతే ఆంధ్రోళ్ళు, ఉద్యోగాలు రాకపోతే ఆంధ్రోళ్ళు, రేప్పొద్దున పిల్లలుపుట్టకపోతే ఆంధ్రోళ్ళు అన్నా ఆశ్చర్యంలేదు. ఇంత పనికిమాలిన బుర్రలతో అఘోరిస్తున్నారు కనుకే మీ మీద మీ అమాయకత్వం మీద ఎక్కి తొక్కుతున్నారు మీ రాజకీయనాయకులు.అసలు సమస్య ఏదో చూసుకోకుండా మీకు మీరే అంటించుకుని తగలబడుతుంటే నవాలో ఏద్వాలో కూడా తెలీని పరిస్థితిలో ఆంధ్రోళ్ళున్నారీవాళ.

ఒకటి బాగా అర్ధంచేసుకో- ఈ అబద్ధాలు నమ్మేయడానికి శ్రీకృష్ణ కమిటీ మీలాగా వెర్రిబాగులోళ్ళు కారు. మీ ముక్కుపొడుగోడికిప్పటికే ఆసంగతి అర్ధం అయింది, అందుకే బ్లాక్ మైలింగ్ కి దిగాడు. మొన్న వికారాబాద్ మొన్న వికారాబాద్ సభలో"దిక్కుమాలిన శ్రీకృష్ణ కమిటీ" అన్న రెండంటే రెండే గంటల్లో మాది "దిక్కుమాలిన కమిటీ కాదు దిక్కుచూపించే కమిటీ" అని అచ్చ తెలుగులో చెప్పాడు శ్రీకృష్ణ ఇంకా అర్ధం కాలేదా?

కేంద్ర నుంచీ కొత్తరకం రబ్బరు బుల్లెట్లు తెప్పిస్తున్నారు. కర్నూలు సింహం అరవిందరావుని డీ ఐ జీ చేశారు, మావోఇస్టులు నరహంతకుడు అనే నరసింహన్ ని గవర్నర్ గా పెట్టారు. ఇంకా అర్ధం కావట్లేదా డిసెంబర్ తర్వాత ఏమి జరుగుతుందో? 20 ప్లాటూన్ల సీ ఆర్ పీ ఎఫ్ కంపెనీలు వస్తున్నాయి, వాళ్ళు కొట్టడం అంటే మామూలు కొట్టుడు కాదు, నెలల తరబడి ఒంటికీ రెంటికీ రాక దిక్కుమాలిన యాతన పడతారు. జై ఆంధ్ర ఉద్యమం లో కాకాని వెంకటరత్నం లాగా " మీ నాయకుల్లో ఒకడికి మూడింది, అది హరీష్ రావు కావచ్చు, కే టీ ఆర్ కావచ్చు, మధు యాష్కీ కావచ్చు" కే సీ ఆర్ మాత్రం కాడు. ఆయన పని ఆయన్ సక్రమం గా చేస్తున్నాడు. ఆయన అసైన్మెంట్ తెలుగుదేశం జగన్ తెలంగాణలో భూస్థాపితం కావాలి. అంతే, పోరాడిన సానుభూతితో 2014 ఎన్నికల్లో తెలంగాణలో టీ ఆర్ ఎస్ క్లీన్ స్వీప్ చేయాలి తర్వ్తాత కాంగ్రెస్ కి మద్దతివ్వాలి. కాదు కూడదు అంటే- ఆయన షిప్పులో బొక్కల్నుండీ, బొక్కిసంలో వసూళ్ళదాకా చిదంబర రహస్యాలు బయటికొస్తాయి, అధోగతి పట్టిపోతాడు.
అంతే తప్ప తెలంగాణ పై మనోడికి చిత్తశుద్ధి లేదని అందరికీ తెలుసు. మీకు తప్ప., ఓ పెద్దయన ఎప్పుడొ చెప్పినట్లుగా మొత్తం తెలంగాణ యెర్రగడ్డ పిచ్చాసుపత్రిలా వుంది. మీతో మేమెందుకు కలిసుండాలి. మా వాటా మాకిచ్చేయండి విడిపోతాం .

ఈ మాత్రం నిష్పాక్షికంగా ఆలోచించలేని మీరు అందరికీ ఆమోదయోగ్యమయిన పరిష్కారం చూపుతారని మీకు మీరే అనుకొంటే అంతకన్న హాస్యాస్పదమయిన విషయం మరొకటి ఉండదు.

Sri-This is for you to answer :)

Sachin, For Heaven's Sake !!!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:27:05 PDT

Sachin,

For heaven's sake, please promote Kieron Pollard to No-3 or no-4

I can’t quite understand the strategy behind keeping Pollard to no-6. Do you expect him to slog in the final overs? Man, he can do much more than slogging in the final overs.

Who is the clean hitter of the ball? Ambati rayudu or Kieron Pollard?

Who betters the unorthodox cricket? Juan Pablo Duminy or Kieron Pollard?

Who is the strong striker of the cherry? Sourabh Tiwary or Kieron Pollard?

Finally, if Pollard would have faced those 32 balls which Rayudu played, and could have been at the crease ahead of JP and Sourabh, see what difference it would have made to the score card.

You paid a whopping millions to get him on board, you gotto use him properly my dear friend. ICL is gone, at least look to retain him in the IPL-4 and use him properly. Promote him to no-3 or no4, give him enough room to work his magic. Even in the club stage cricket one cant start hitting from the first ball he faced, I don’t know where you are losing the trick. A player of his caliber needs more opportunities, more time to spend at the crease. One can’t expect him to steer the wonders with hardly 3, 4 overs to end. Oh no. Come on, the traditional copy book cricketing logic doesn’t work in T20 always sir. It simply doesn’t.

Its not the fielding that had lost you the game yesterday, it’s the strategy. It’s just because you haven't used Pollard effectively. One can’t even quite understand why was he not given more overs to bowl? One over during 16,17,18 and 19 instead of Bravo, Ali Murtaza and Zaheer would have seen a different result. I say this not as a fence sitter, but as an ardent follower of the game.

For heaven's sake, use him properly- One Kieron Pollard playing under Dhonis, Rickys and Jayawaradhane's of the world, shall be a destructive force, impregnable! Undoubtedly.

తెలంగాణా సమస్యకి ఆమోదయోగ్యమైన పరిష్కారాలు 3- హైదరాబాదు

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:54:47 PDT

ముందుగా కొన్ని ముఖ్యమైన విషయాలు-

ఈ వ్యాసం ఎక్కడ ప్రచురించబడినది- బిజినెస్ స్టాండర్డ్ ఇండియా లో
ఎవరిచే వ్రాయబడినది- శ్రీ సంజయ్ బరు, ఎడిటర్, బిజినెస్ స్టాండర్డ్ ఇండియా
ఎప్పుడు, ఏ తేదీన ప్రచురించబడినది?- డిసెంబర్ 21, 2009
ఆ నాటి ప్రత్యేకత ఏమిటి?- తెలంగాణా ప్రక్రియ ప్రారంభమవుతుంది అని కేంద్రం ప్రకటించి అప్పటికి 12 రోజులు గడిచింది. సీమాంధ్రలో సమైక్యాంధ్ర ఉద్యమం ఉవ్వెత్తున ఎగసిపడి అప్పటికి 12 రోజులు నిండింది. తెలంగాణా ప్రత్యేకరాష్ట్ర ఏర్పాటు ఏకాభిప్రాయం తర్వాతే అని కేంద్రం ఇంకో ప్రకటన చేయబోవడానికి(Dec 23rd) ఇంకా రెండు రోజులు వ్యవధుంది.

ఆనాటి బిజినెస్ స్టాండర్డ్ ఇండియా దినపత్రికలో ప్రచురించబడిన వ్యాసంలోంచి కొన్ని ముఖ్యమైన అంశాలని, ఆలోచించదగిన కొన్ని అంశాలని, నాకు నచ్చిన మరికొన్ని అంశాలని నేను అర్ధం చేసుకున్న రీతిలో ఇక్కడ ప్రవేశ పెడుతున్నాను.

Sanjaya Baru: Centre, states and India's metropolis

ముంబాయి హైదరాబాదు(లలో జరుగుతున్న పరిణామాలని, వాటి వెనకున్న) రాజకీయాలని క్షుణ్ణంగా పరిశీలిస్తే నగరీకరణ, పట్టణాభివృద్ధి అనేవిషయంలో (ఇప్పటివరకు అనుసరిస్తున్న విధానాలకు భిన్నమైన, సమగ్రమైన) ఒక కొత్త ప్రణాళికని రూపొందించడం ఒక చారిత్రక అవసరంగా గోచరిస్తుంది.

సరిగా తెలంగాణా అంశంపై ఒక అస్పష్టమైన ప్రకటన చేసిన వారం తరువాత ప్రధాని శ్రీ మన్మోహన్ సింగ్ "అర్బన్ ప్లానింగ్ విషంలో ప్రభుత్వం అనుసరిస్తున్న విధానాలు ఒక కొత్త శకానికి నాంది పలకబోతున్నాయి, జవహర్ లాల్ నెహ్రూ నేషనల్ అర్బన్ రెన్యువల్ మిషన్ (JNNURM)) భారదేశపు పట్టణాభివృధిలో సాధించిన ప్రగతిని రాష్ట్ర పరిధిలోను, నగర పరిధిలోను సమీక్షించాల్సిన అవసరం వుంది”, అంటూ మీడియా ముఖంగా గర్వ పడడం జరిగింది.

ఈనాడు భారత్ లో 40% మంది ప్రజలు పట్టణాల్లో నివశిస్తునారు. పార్లమెంటుకు ఎన్నుకోబడిన 542 మంది MP లలో 74 మంది భారత్ లోని వివిధ పట్టణాలు, నగరాలు నుండీ ఎన్నుకోబడుతున్నారు. మెరుగైన జీవనప్రణాలాశిస్తున్న భారత మధ్యతరగతికి భారత్ లోని పట్టణాలు ఈనాడు నగరీకరణ, ఇన్వెస్ట్ మెంట్, జీవనోపాధి, విద్య మున్నగు సౌకర్యాలు సమర్ధవంతంగానే కలగజేయగలుగుతున్నాయి.

5 దశాబ్దాలక్రితం వరకూ ముంబాయి నగరం, సింగపూర్, షాంఘై మరియు హాంగ్ కాంగ్ లతో పోటీ పడగలిగివుండేదేమో, జకర్తా, సియోల్, కౌలాలంపూర్ మున్నగు నగరాలకన్న ముందంజలో వుండేదేమో, కానీ ఈరోజున భారత్ లోని ఏ నగరమూ ఆసియాలోని రాజధాని, వాణిజ్య ప్రధానమైన ఏ ఇతర నగరంతోనూ ఏ కోణం లోనూ పోటీ పడలేదు. కారణం- భారత్ యొక్క రాజకీయ మరియు ఆర్ధిక ప్రయారిటీస్ మధ్య నగరాభివృద్ధి చాల తక్కువ సందర్భాలలో ప్రాధాన్యత సంతరించుకుంటుంది. కలకత్తా ముంబాయి లాంటి నగరాలు ఈ మారుతున్న రాజకీయ పరిస్థితులకి అనుగుణంగా కుదించబడిన అభివృద్ధికి సాక్షీభూతాలైతే ; బెంగళురు, హైదరాబాదు వంటి నగరాలు మారుతున్న వాణిజ్య సామాజిక పరిస్థితుల నేపధ్యంలో ఎంతో కొంత అభివృద్ధి సాధించడం ముదావహం అయినప్పటికీ, అది ఆసియా ఖండంలోని అభివృద్ధి చెందిన మిగతా పట్టణాలకి ఏ విషయంలోను సరితూగలేదు.
తెలంగాణా ప్రత్యేక రాష్ట్ర ప్రతిపత్తి విషయంలో ఏ రాజకీయ పార్టీ కూడా హైదరాబాదు భవిష్యత్తుకి ప్రాధాన్యతనివ్వకపోవడం నిజం గా ఆశ్చర్యకరం. నగరంపై చూపిస్తున్న ప్రేమ, ఆసక్తి, కేవలం స్వప్రయోజనాల పరిరక్షణకంటూ కొన్ని వర్గాల నుండీ వినిపిస్తిన్న వాదన నిజంగా గర్హనీయం. నగరంలో పెట్టుబడిపెట్టిన పెట్టుబడిదారులు కాకపోతే మరి ఇంకెవరు నగర భవిష్యత్తు గురించి ఆలోచిస్తారు? టూరిస్టులా?

ప్రాంతాకతీతంగా ప్రజలు నివశించే మెట్రోపోలిటన్ నగరాలైన "ముంబాయి, హైదరాబాద్, కోల్ కతా, చెన్నై, బెంగళూరు వంటి నగరాల రీ-ఆర్గనైజషన్ అనే విషయంలో ఒక దీర్ఘకాలికమైన ప్రణాళికయొక్క అవసరం వుంది. నగరీకరణవిభాగంలో ప్రభుత్వం పెద్ద పట్టణాలకై ఒకవిధంగాను, (1 మిలియన్ కన్న ఎక్కువ జనాభా గలిగిన), మెట్రో పోలిటన్ నగరాల కై మరోవిధంగాను మరో విధంగానూ ప్రణాళికలని రూపొందించాల్సిన అవసరం వుంది.

1) ముందుగా మెట్రోపోలిటన్ నగరాల అభివృద్ధి అనేవిషయం కేవలం రాష్ట్ర ప్రభుత్వం మీదే వదిలేయడం సమంజసం కాదు- ఎందుకంటే నగర అభివృద్ధికి కావల్సిన ఆర్ధికపరమైన, సామాజికపరమైన వనరుల కల్పనము మరియు వాటి పరిరక్షణ కేవలం రాష్ట్ర ప్రభుత్వంతోనే సాధ్యమయ్యే విషయాలు కావు.
2) మెట్రోపోలిటన్ నగరాల్లో ఉపాధి కల్పన వారసత్వ పరం గానో, ప్రాంతానికి సంబంధించిన వారైతేనో (సన్స్-ఆఫ్-సొయిల్) విధంగానో జరగడం వీలుపడదు.
3) వివిధ భాషలు మాట్లాడే ప్రజలున్న మెట్రోపోలిటన్ నగరాలు కేవల ఏ ఒక్క భాషకో పరిమిత మైపోవడానికి కుదరదు. అన్ని మెట్రోపోలిటన్ నగరాల్లోనూ, సైనేజితో ప్రారంభమై అన్ని వ్యావహారిక అంశాలమీదా, వస్తువుల మీదా, ఆ సంబంధిత ప్రాంతీయ భాషతో పాటుగా హిందీ మరియు ఇంగ్లీషు బోర్డులుండటం తప్పనిసరి.
4) ప్రతీ మెట్రోపోలిటన్ నగరంలోను ధనికుల నుంచీ పేదవారిదాకా అన్నివర్గాలకూ తగిన వారి వారి జీవనప్రమాణాలకి అనుగుణమైన ఆవాసం కలగజేయగలగాలి
5) అంతేకాకుండా ప్రతీ నగరమూ ఈనాటి ప్రపంచీకరణ సంబధితమైన వృత్తుల్లో పనిచేసే నిపుణులు ఆశించగలిగే సాంఘిక, సాంస్కృతిక అవసరాలని తీర్చగలిగి వుండాలి.
6) భారత్ లోని ఏ మెట్రోపోలిటన్ నగరమైనా, భారత్ లోని ఏ ప్రాంతం నుంచైనా ఉపాధి వలసలని, పెట్టుబడులని ఆహ్వానించగలిగే సౌలభ్యత కలిగి వుండాలి.

కేవలం దీని ద్వారానే రాష్ట్రాల పునర్విభజన అనే అంశాన్ని, పట్టణాభివృద్ధి అనే అంశం నుండీ విడదీయగలుగుతాము. తద్వారా వేర్పాటు ఉద్యమాల ప్రభావం, రాష్ట్ర విభజనల ప్రభావం నగర అభివృద్ధిపై ఎక్కువపాలు పడకుండా నిరోధించగలుగుతాము. ఇవన్నీ తెలియజేస్తున్న విషయం ప్రస్ఫుటంగా ఒక్కటే - భారత్ లోని మెట్రోపోలిటన్ నగరాలన్నీ వాటి వాటి సంబంధిత రాష్ట్రాలకి రాజధానులైనప్పటికీ కేంద్రపాలిత ప్రాంతాలవడం తప్పనిసరి.

నా విశ్లేషణ-
నగరీకరణ, అభివృద్ధి మరియు ఒక నగరంతో పెనవేసుకుని పోయిన కొన్ని లక్షల మనొభావాలని, భావోద్వేగ మిళితమైన అనుబంధాలని కాపాడాలంటే ముంబాయి, హైదరాబాదు వంటి అన్ని మెట్రోపోలిటన్ నగరాలనూ కేంద్రపాలిత ప్రాంతంగా ప్రకటించడం ఎంత ఆవశ్యకమో అవి మన ముందుంచే కొత్త ప్రశ్నలని సమర్ధవంతంగా సమాధాన పరచడం కూడా అంతే ముఖ్యం. హైదరాబాదు విషయంలో

1) హైదరాబాదు కేంద్ర పాలిత ప్రాంతంగా ప్రకటించబడిన తదనంతరం సీమాంధ్ర, తెలంగాణ లకు సం యుక్త రాజధాని కాబడుతుందా?
2) ఒకవేళ అవును అయితే ఎన్ని సంవత్సరాల పాటు?
3) ఆ నిర్దిష్ట సమయం ముగిశాక ఏ ప్రాంతానికి శాశ్విత రాజధాని కాబడుతుంది?
4) లేక హైదరాబాదు కేంద్ర పాలిత ప్రాంతంగా వ్యవహరించబడుతూ- సీమాంధ్ర, తెలంగాణ లకు వేరే కొత్త రాజధానులు కల్పించబడతాయా?
5) హైదరాబాదు గవర్నెన్స్ లో ఏరకమైన సంస్థాగత మార్పులు ఏర్పడబోతున్నాయి?
6) హైదరాబాదు నగరంలో అధికభాగమైన మైనారిటీ వర్గాలపై ఈ నిర్ణయం ఎలాంటి ప్రభావం చూపబోతోంది?
7) కేంద్రపాలిత ప్రాంతమైన దరిమిలా కేవలం ఈ ప్రాంతానికే పరిమితమయ్యిన ఉప ప్రాంతీయ పార్టీల మనుగడ ఎలా వుండబోతోంది?

పరిష్కారం-
హైదరాబాదు కనీసం 20 సంవత్సరాలపాటు కేంద్రపాలిత ప్రాంతం గా వ్యవహరించబడాలి. ఈలోపు సీమాంధ్ర, ప్రత్యామ్నాయ రాజధాని నిర్మాణం జరగాలి. సహజ మరియు ఆర్ధిక వనరుల డిస్త్రిబ్యూషన్ ఒక సమగ్రమైన, పారదర్శకమైన పద్ధతిలో జరగాలి. 20 సంవత్సరాల తర్వాత రెండు వేర్వేరు రాజధానులున్న రెండు రాష్ట్రాలుగా విడిపోయే ముందు...

1) ప్రజాభిప్రాయ సేకరణ జరగాలి- ప్రజాభిప్రాయం ప్రకారం అదే పద్ధతిని కొనసాగించడమా? లేక రెండు రాష్ట్రాలుగా విడిపోవడమా అని నిర్ణయించాలి
2) సామాజిక ఆర్ధిక వ్యవస్థీకృత అభివృద్ధిపై సమగ్రమైన పరిగణన జరగాలి. ఆరోజువరకూ జరిగిన అభివృద్ధి విషయంలో రెండు ప్రాంతాలూ ఎలా పురోగమించాయో శ్వేతపత్రం ద్వారా ప్రజలకూ ప్రభుత్వానికీ నిపుణులకూ మీడియాకీ బహిర్గతపరచాలి.
3) రాష్ట్ర విభజన ముందూ తర్వాతా మైనారిటీ హక్కుల పరిరక్షణ ఎలా వ్యవహరించబడుతోందో తెలియబరచాలి, మైనారిటీ వర్గాల మనసుల్లో ప్రత్యేక రాష్ట్రాల్లో వారి వారి హక్కుల, ఇంటెరెస్ట్ ల పట్ల అపోహలని సమూలంగా తొలగించగలగాలి.
4) సీమాంధ్ర తెలంగాణ లని రెండు విభిన్న రాజధానులున్న ప్రత్యేక రాష్ట్రాలుగా విడగొటాడానికి పై అన్ని అంశాలనీ పరిగణనలోకి తీసుకోవాలి

అనుకూలాంశాలు-
1) వాణిజ్య పారిశ్రామిక పరంగా హైదరాబాదు అభివృద్ధికి ఈ నిర్ణయం చాలా దోహదపడుతుంది. హైదరాబాద్ infrastructure, employment త్వరితగతిన అభివృధి చెందుతాయి.
2) హైదరాబాదులోని సీమాంధ్ర ప్రజల ఆస్థుల, వనరుల పరరక్షణకి నమ్మకమైన దీర్ఘకాలికమైన ఒక పరిష్కారం చూపబడుతుంది.
3) స్వయంపాలనాధికారం రెండు ప్రాంతాలకూ కల్పించడం ద్వారా రాజకీయ నిరుద్యోగత సంతృప్తి పరచబడుతుంది.
4) ఆ ప్రకారంగా రాష్ట్ర విభజన అనే విషయానికి శాశ్విత పరిష్కారం చూపబడుతుంది.
5) రాష్ట్రవిభజన అనే విషయాన్ని, వేర్పాటువాద ఉద్యమాల ప్రభావాన్ని. నగరీకరణ, పట్టణాభివృద్ధి అనే అంశాలనుంచీ శాశ్వితంగా వేరుచేయబడుతుంది.
6) ఒక నగరంలో జరిగిన అభివృద్ధి, ఉపాధి అవకాశాలని అనుభవించడం అనే ఉద్దేశ్యంతో జరిగే వేర్పాటువాద ఉద్యమాలని అడ్డుకోవడానికి శాశ్వితమైన పరిష్కారం లభిస్తుంది.

ప్రతికూలాంశాలు
1) హైదరాబాదుతో కూడిన ప్రత్యేకరాష్ట్రం వెంటనే కోరుతున్న వేర్పాటువాదులు ఈ ప్రతిపాదనని అంగీకరించకపోవచ్చు
2) ఈ ప్రతిపాదన కేవలం నగరీకరణ, పట్టణాభివృద్ధి అంశాలని తప్ప ఇతర సహజ వనరుల, ఆస్థుల పంపకం అనే అంశాన్ని పరిగణించదు
3) హైదరాబాదు కేంద్ర పాలిత ప్రాంతం అయిన పిమ్మట సింహభాగం హైదరాబాదుకే పరిమితమైన మజ్లిస్ ప్రాంతీయ పార్టీ గుర్తింపు కోల్పోతుంది. ప్రాంతీయ పార్టీగా మజ్లీస్ ఉనికికే ప్రమాదం ఏర్పడుతుంది.
4) ప్రాంతీయ కాబినెట్ లో, చట్టసభల్లోనూ వారి గొంతు వినిపించే మార్గం తప్పిపోయిన సందర్భంలో మైనారిటీ వర్గాల్లో ఏర్పడే అభద్రతా భావం కారణంగా ఈ ప్రతిపాదనని తీవ్రంగా వ్యతిరేకిస్తారు.
5) అసమానతలతో కూడిన రెండు ప్రాంతాలకు నిర్దిష్టమైన సమయానికై కేంద్రపాలితప్రాంతం గా వ్యవహించబడే వేళలో - గడువు పూర్తయినతరువాతకూడా ఇరుప్రాంతాల మధ్య అసమానతలని తొలగించడం కష్టంగా కనిపిస్తుంది.
6) చిన్న రాష్ట్రాల్లో సహజసిద్ధంగా ఏర్పడే శాంతిభద్రతల సమస్య వల్ల మావోయిస్టు ఉద్యమం రెండు రాష్ట్రాల్లోనూ మరింత ఉధ్రుతమయ్యే అవకాశం వుంది.

నేనేదయినా ప్రస్తావించమరచి వుంటే దయచేసి తెలియజెప్పండి. ఈ పరిష్కారం మీద మీ మీ అభిప్రాయాలని చర్చించడానికి సిద్ధం.

ఎమ్ ఎస్‌ రాజలింగం గారినుండీ మరికొన్ని మంచి మాటలు !!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:55:00 PDT

Thanks to the anonymous friend for his contribution!!

కలసి ఉన్నా.. విడిపోయినా.. విద్వేషం వద్దు

(http://www.andhrabhoomi.net/ka-main-feature/main-384)

కాకతీయ సామ్రాజ్యం ఆంధ్రలోకానికి ఎన్నో పాఠాలు నేర్పింది. సామ్రాజ్య చరిత్రలో విజయంగురించి ఎంత ఘనంగా చెప్పుకున్నామో ఓటనిని గూర్చి కూడా చెప్పుకొని అంత మిక్కుటంగా బాధపడ్డాము. కాకతీయుల చరిత్రలో విజయం, పరాజయం ఒకరి సొత్తుకాదని అది దైవ నిర్ణయంపై ఆధారపడినదని అనుభవము చెప్పుచున్నది. శైవ, వైష్ణవ సాంప్రదాయాల ఘర్షణలు, రెడ్డి, వెలమ పరస్పర వైషమ్యాలు సామ్రాజ్యాన్ని కూల ద్రోశాయి. ఓరుగల్లు, కాకతీయ సామ్రాజ్యానికి రాజధానిగా చెప్పుకొని గర్వించడం మాత్రమే మనకు మిగిలింది. చరిత్ర పుటలు త్రిప్పినప్పుడు సురవరం ప్రతాపరెడ్డి, బూర్గుల రామకృష్ణారావు ఓరుగల్లు ప్రాశస్త్యమును గూర్చి చెప్పినప్పుడు గర్వించని సన్నివేశము లేదు. ఆంధ్ర విద్యాభివర్థనీ సంఘానికి ఉదయరాజు రాజేశ్వరరావు అధ్యక్షులుగాను , నేను కార్యదర్శిగానూ పనిచేశాము. చందా కాంతయ్యఆర్థిక సహాయముతో సంస్థ ఏర్పడ్డది. ఈ సంస్థ ద్వారా ఎ.వి. హైస్కూలు ప్రారంభించబడి క్రమాభివృద్ధి చెందింది. 1950లో ఎ.వి. హైస్కూలు ఉత్సవాలలో బూర్గుల రామకృష్ణారావు చారిత్రకప్రాధాన్యం ఉన్న ఓరుగల్లు ఆంధ్రప్రదేశ్కు రాజధానికాక తప్పదని అన్నారు.

ఫజల్ ఆలీ కమీషన్ వచ్చిన రోజులలో నీటి వసతి లేని కారణంగా ఓరుగల్లు రాజధానిగా సూచించుటకు వెనకా, ముందు అయినాము. 1949-50 సంవత్సరంలో విశాలాంధ్ర మహాసభ ఓరుగల్లులో శ్రీ అయ్యదేవర కాళేశ్వరరావుగారి అధ్యక్షతన జరిగింది. నేను, ఒరిస్సా ప్రాంతమునకు చెందిన ప్రకాశ్ చంద్ర శతపథి కార్యదర్శిలుగా ఉన్నాము. తెలంగాణ నుంచి రామానంద తీర్థ స్వామి, బూర్గుల రామకృష్ణారావు, కె.వి.రంగారెడ్డి, కోదాటి, కాళోజీ, ప్రభృతులు పాల్గొన్నారు. ఆ సమయంలో , చందా కాంతయ్య ఆంధ్రుల ఆధిపత్యమును గూర్చి తెలంగాణ వారికి భయం ఉందన్నారు. ఈ విషయం ఆనాటి మహాసభకు హాజరైన గాడిచర్ల హరిసర్వోత్తమరావు, పాతూరి నాగభూషణం, అయ్యంకి వెంకటరమణయ్య, వావివాల, మాదల వీరభద్రరావు లాంటి పెద్దలకు తెలియజెప్పడం జరిగింది. ఆంధ్రకేసరి శ్రీ ప్రకాశం పంతులు‘‘ నేను బ్రతికుండగా మీకు అన్యాయం జరుగుతుందా?’’ అని ప్రశ్నించారు. దానితో ఆ సమస్య అప్పుడు సమసిపోయింది.

విశాలాంధ్ర మహాసభ హైద్రాబాద్రాజధానిగా విశాలాంధ్ర ఏర్పడాలని ఏకగ్రీవంగా తీర్మానం చేసింది. ఇరు పక్షాలకి భిన్న విశ్వాసాలు ఉన్నా మనసా, వాచా, కర్మణా ఎవరి విశ్వాసాలను వారు ప్రజలవద్దకు తీసుకువెళ్ళారు. పరస్పర దూషణలు, దెబ్బలాటలు లేకుండా ఎవరి భావాలను వారు సభల ద్వారానూ, పత్రికల ద్వారానూ ప్రచారం చేసుకున్నారు. కాని తెలంగాణ, ఆంధ్ర ప్రాంతంవారు ఇరువురూ ఒకరి ప్రాంతానికి మరొకరు రాకూడదని పొరపాటున కూడా అనలేదు.ఆరోజులలోనే ఇల్లెందులో గ్రంథాలయ మహాసభ జరిగింది. ఆ మహాసభకి సురవరం ప్రతాపరెడ్డి (గోల్కొండ పత్రికాధిపతి)గడియారం రామకృష్ణ శర్మ, వానమాముల వరదాచార్యులు, కాళోజీనారాయణరావు, కాళోజీ రామేశ్వరరావు ప్రభృతులు హాజరయ్యారు. ఆ మహాసభలో ఆంధ్రమాత, తెలుగుతల్లి కీర్తనలు ప్రతిధ్వనించాయ..... ప్రాంతీయ భావాలు, విడిపోవాలనే ధోరణులు ఎక్కడా కనపడలేదు. ఇరు ప్రాంతాల వారు కలిసి ఉండాలనే సమైక్యభావములు చల్లపల్లి వెంకటశాస్ర్తీ, దాశరథి రంగాచార్యుల కలాలలో అక్షర రూపం దాల్చాయి. 1946లో ఆంధ్ర సారస్వత పరిషత్ మహాసభ ఓరుగల్లు లో జరిగింది. అక్కడ ఆంధ్ర, తెలంణ కవుల సమ్మేళనం జరిగింది. ఈ సందర్భంలో జాతీయ వ్యతిరేక శక్తులు విచక్షణా రహితంగా నా (ఈ రచయిత) పై దాడి చేశాయ. దెబ్బలు తగిలినవి. ఈ విషయం మహాత్మా గాంధీకి తెలిపాము. గాంధీ- అహింసతో మీరు ఈ ఉద్యమాన్ని ఎదుర్కొన్నారు. సర్మీర్జా ఇస్మాయిల్ త్వరలో హద్రాబాద్ రాష్ట్రానికి ప్రధానిగా వస్తున్నారు. మీరు తొందరపడవద్ద-ని సందేశాన్ని పంపారు.. ఓరుగల్లు కోటలో జాతీయ జెండా ఎగురవేయబడ్డది. ఆ సందర్భంలో జాతీయ వ్యతిరేక శక్తులు కాంగ్రెస్ కార్యకర్త, బలహీన వర్గాలకు చెందిన బత్తిని మొగలయ్యను బహిరంగంగా బల్లెంతో పొడిచి, చంపిరు. ఇట్టి పరిస్థితులలో హంతకుడు కర్నూలులో ఉన్నాడని తెలిసి, ఆనాటి ఆంధ్ర రాష్ట్ర ముఖ్యమంత్రి ప్రకాశం పంతులు ఆ నిందితతుని తరలింపునకు వారంట్ ఇప్పించాఠు. ఆంధ్ర, తెలంగాణ భాషలో యాస వేరైనా అందరి సంస్కృతి ఒక్కటే అని గుర్తించి వ్యవహరించిన రోజులవి. ఇలాంటి ఘట్టాలలో ఆంధ్రా, తెలంగాణ వాదులు ఎవరైనా, వాచా, మనసా, కర్మణా, మానవతా దృష్టితో మాత్రమే వ్యవహరించినందువల్లనే చిక్కులూ విభేదాలు ఆనాడు అవుపడలేదు.ప్రస్తుతం ఆంధ్ర, తెలంగాణ నాయకుల ఆలోచనలలోని ఆంతర్యము తెలుసుకోవడం చాలా కష్టంగా ఉంది. రాజకీయ పరిశీలకులు, గత అనుభవాలు, 50 సంవత్సరాలకు పైగా చూచినవారికి ఈ ఉద్యమాలన్నీ ప్రజలకు దూరం అవుతున్నాయేమో అనిపిస్తున్నది. కాని ఉద్యమ నిర్వాహకులు మాత్రం ప్రజలకు చాలా సన్నిహితంగా ఉన్నామనే భావనలో ఉన్నారు.

సైద్ధాంతిక విభేదాలు తీవ్రంగా ఉన్న రోజులలో కూడా పరస్పరంగా వారివారి సిద్ధాంతాలను ప్రచారం చేసుకున్నారు గాని ఒక పార్టీవారు మరొక పార్టీవారిని తమ ఊరిలోకి రాకూడదని ఎవరూ శాసించలేదు. ఇప్పుడు ఈ హక్కు కేవలం ప్రొఫెసర్ కోదండరాంకే ఉన్నట్లుగా కనపడుచున్నది. సర్వదేవభట్ల రామనాథం సిసలైన కమ్యూనిస్టు నాయకులు. ఆస్తినంతా కమ్యూనిస్టు ఉద్యమానికి ధారపోసిన మహా వ్యక్తి. వారితో 1952 సార్వత్రిక ఎన్నికలో శాసనసభకు కాంగ్రెస్ అభ్యర్థిగా పోటీచేయవలసి వచ్చింది. ఎన్నడూ ద్వేషపూరిత స్వార్ధపూరిత వాతావరణం కనిపించలేదు. పార్టీ ప్రతిష్ఠ, సంస్థల ప్రతిష్ఠలు మాత్రమే ప్రాధాన్యత వహించేది. ఆనాటి నాయకులుగాని, కార్యకర్తలుగాని ఆలోచించేది, చెప్పేది, చేసేది ఒకటిగా ఉండేది. ఆ కారణంగా వైరుధ్యాలు ఉన్న దశలో కూడా పరస్పర విశ్వాసము ఉండేది. సభలు, సమావేశాలు ఉధృతంగా జరిగినాయి. మేము కాంగ్రెస్ వారము, కమ్యూనిస్టులు ఒక టేబుల్ వద్ద కూర్చొని భోజనంచేశాము. ఇది ఆనాటి విద్యాలయాలు గురువులు అభ్యసింపచేసిన పాఠాలు. కాని దీనికి భిన్నంగా ‘‘నేడు విశ్వవిద్యాలయాల అధ్యాపకులు, అధినేతలు కొందరు వ్యవహరించడం చాలా బాధాకరంగా ఉంది.చిల్లంచర్లలో 1957లో శాసనసభకు జరిగిన సార్వత్రిక ఎన్నికలలో కాంగ్రెస్ అభ్యర్థినైన నాకు, కమ్యూనిస్టు అభ్యర్థి గోపాలరావుకు పోటీ జరిగింది. చెట్లముప్పారం గ్రామంలో గోపాలరావు అనుయాయులు మమ్ములను మీటింగ్ పెట్టుకోనివ్వలేదు. ఉద్రిక్త వాతావరణంలో మా కార్యకర్త శ్రీనివాసరావును ముక్కుపై వేటువేస్తే సగం ముక్కు తెగింది. నేను గోపాలరావు వద్దకు వెళ్ళి ఇదేమిటని అడిగా, అతను చాలా బాధపడ్డాడు. అతను ముందుండి మా సమావేశం నడిపాడు. ఆ తరువాత వారి సమావేశం జరిగింది. రెండోరోజు గోపాలరావు నన్ను భోజనానికి పిలిచాడు. వైద్య చికిత్సకు కూడా ఇరువురు కలిసివెళ్ళాం. నిజాం ప్రభుత్వం చేసిన అన్యాయాలను ఎదిరించవలసివస్తే అందరూ కలిసి నిర్వహించే కార్యక్రమాన్ని తలపెట్టి నిర్వహించేవారు.

తెలంగాణ పోరాటం నిర్వహించిన కమ్యూనిస్టు అగ్రనాయకుడు రావి నారాయణరెడ్డి, పోరాటాన్ని ఒక దశలో కాంగ్రెస్ తరపున నడిపిన రేపాల క్యాంప్ అధినేత కోదాటి నారాయణరావు కలిసి కూర్చొని సమీక్షించుకొని తప్పులు దిద్దుకోవటం జరిగేది. వారిరువురి సిద్ధాంతాలకు అఘాతం లేకుండా చూచుకునేవారు. ఇలాంటి వివిధ ఘట్టాలలో కూడా , ఈ ప్రాంతం వారు ఆ ప్రాంతానికి రావద్దని కాని, ఆ ప్రాంతం వారు ఈ ప్రాంతమునకు రావద్దని కాని ఆంక్షలు విధించిన నాయకులు ఆ రోజులు వేరు. ఆ కీర్తి ప్రస్తుతం ప్రొఫెసర్ కోదండరాంవంటి వారికే దక్కింది. బహిష్కరణ ఉద్యమాలు ఎవరు ఎప్పుడు ఏ కారణంవల్ల తలపెట్టినా అందలిలోపాలను అందుకు భిన్నమైన పార్టీలు చూపటం సహజం, సమంజసం. సభలు, సమావేశాలు చేసుకొని ఆ కార్యక్రమంలో ఉన్న లోపాలను ప్రజలకు చెప్పి తమవైపు ఆకట్టుకోవడం న్యాయం. అదే ప్రస్తుతం జై ఆంధ్ర, జై తెలంగాణా నాయకులు చేయవలసిన పని. మృదువైన తీయని మాటలతో, ప్రేమ పూర్వకమైన చర్యలు దేశ సౌభాగ్యానికి ఎంతేని తోడ్పడతాయి. గతంలో ఉద్రిక్త వాతావరణంలో ఆనాటి నాయకులు ఎలా వ్యవహరించారో తెలుసుకొని వారిని ఆదర్శంగా భావించి వారి అడుగుజాడలలో నడువాలని ఆ విధంగా జాతీయ ఐక్యతకు, అభివృద్ధికి తోడ్పడాలని కోరుకుంటున్నాను. తెలంగాణ ప్రజలు నారుూ కోరికను మన్నిస్తారని ఆశిస్తాను. ప్రాంతీయ బహిష్కరణ ఉద్యమాలను ఎవరు చేసినా , ఎప్పుడు చేసినా, ఎందుకు చేసినా వాటిని తెలంగాణ ప్రజలు బహిష్కరించాలి. ---

ఎమ్ ఎస్ రాజలింగం

తెలంగాణా సమస్యకి ఆమోదయోగ్యమైన పరిష్కారాలు 2- ప్రాంతీయ మండలి

srikchin@gmail.com (Srikrishna Chintalapati, శ్రీకృష్ణ చింతలపాటి) — Sat, 16 Oct 2010 04:18:51 PDT

ఈ ప్రతిపాదన ముందుగా వరంగల్ కి చెందిన స్వాతంత్ర సమరయోధులు, 1956 ముందటి హైదరాబాద్ స్టేట్ కి కాబినేట్ మినిస్టర్ అయిన ఎం ఎస్ రాజలింగం గారిచే ప్రతిపాదించబడింది.

ఈ ప్రతిపాదన మరింత విపులంగా, ఆచరణాత్మకంగా, తార్కికంగా "లోక్ సత్తా" పార్టీ శ్రీకృష్ణ కమిటీ కి ఇచ్చిన రిపోర్ట్ లో చర్చించబడింది.

పరిష్కారం- ఆర్టికల్ 371(1) ప్రకారం ప్రాంతీయ మండలాలని(Regional Councils) ఏర్పాటు చేయడం. ఆంధ్ర రాయలసీమ, తెలంగాణ మూడిటికీ మూడు ప్రాంతీయ మండలి, లేదా ఎన్ని ప్రాంతాలకి అవసరమైతే అన్ని ప్రాంతీయ మండలి లను ఏర్పరిచి అవి పూర్తిగా తమ తమ పరిధులమేరకు పనిచేయగలిగే వ్యవస్థ ని రూపొందిచడం, దానికి అనుగుణమైన చట్టాలనీ,పాలసీలనీ కాలయాపనలేకుండా ప్రారంభించి ఆమోదించడం. Making sure that these regional councils are made clear of their powers, responsibilities and accountabilities. Having a governing council to ensure their smooth operation and periodical evaluation- headed by Governor of the state.

ముందుగా శ్రీ రాజలింగం గారిచే వ్రాయబడి సూర్య పత్రికలో ప్రచురితమైన ఈ వ్యాసప్రతిని పరిశీలించండి. (http://www.suryaa.com/main/print_this_page.asp?contentId=28979)

రాజ్యంగ సవరణ ద్వారా ప్రాంతీయ కమిటీ
రాష్ట్రంలో నెలకొన్న ప్రస్తుత సంక్షోభాన్ని పరిష్కరించాలంటే ఏ మాత్రం వీలున్నా తెలంగాణ రీజినల్ కమిటీని పునరుద్ధరించాలి. కానీ 37/బి- ఆర్టికల్ ద్వారా ఈ కమిటీల నియామకాన్ని రద్దు చేశారు. అది మళ్ళీ రద్దయితేగానీ ఇది జరగదు. గతంలో తెలంగాణ రీజినల్ కమిటీకి డబ్బు కేటాయింపే కాక, కొన్ని అంశాలమీద తీర్మానాలు చేసి పంపే అధికారం ఉండేది. తెలంగాణ ఎమ్మెల్యే లందరూ ఈ రీజినల్ కమిటీలో సభ్యులుగా ఉండేవారు. ఈ రీజినల్ కమిటీ డెవెలెప్మెంట్ విషయంలో ఒక కమిటీ వేసింది. చెన్నారెడ్డి డెవెలెప్మెంట్ విషయంలో నివేదిక ఇచ్చారు. ప్రభుత్వం ఆమోదించింది.
సర్వీసెస్ కమిటీలో నేను రాసిన రిపోర్టుపై చెన్నారెడ్డి, పి.వి. నరసింహారావు, గోపాల్ రావు ఎగ్బోటే, అచ్యుత రెడ్డి, బద్దం ఎల్లారెడ్డి సంతకాలు పెట్టారు. దానిని ప్రభుత్వం అంగీకరించింది. 1969లో అది రద్దు చేయడం వల్ల చట్టపరంగా కమిటీకి అధికారాలు లేకుండా పోయాయి. ఇదివరకు 1958 ఫిబ్రవరి 1న జారీ అయిన ఆంధ్రప్రదేశ్ ప్రాంతీయ కమిటీ ఆర్డర్ ఎస్ఆర్ఒ 443 ప్రాంతీయ కమిటీని పునరుద్ధరించింది. వారికి తమ అభిప్రాయాన్ని చట్టబద్ధంగా చెప్పే అధికారం లభించింది. ఈ రీజినల్ కమిటీ ఎపి. అసెంబ్లీలో ఒక భాగం. అది ఉంటే విభజన మాట ఉండదు. ఇప్పటికైనా ఈ రీజినల్ కమిటీని పునరుద్ధరించకపోతే, ఫజలలీ కమిషన్ ప్రకారం రాష్ట్రాలను విభజించుకుంటే ఏ ఇబ్బందీ రాదు. అయితే, అందుకు చాలా సమయం పడుతుంది.
తెలంగాణ ఉద్యోగులకు జరిగిన అన్యాయాలే ప్రత్యేక రాష్ట్ర ఉద్యమానికి ప్రధాన కారణం. కేంద్ర, రాష్ట్ర సలహా సంఘాల సూచనలను ప్రభుత్వం పట్టించుకోలేదు.
ఫలితంగానే రాష్టప్రతి ఉత్తర్వుల మేరకు తెలంగాణ ప్రాంతీయ సంఘం ఏర్పాటైంది. ఈ సంఘం నివేదికను కూడా ముఖ్యమంత్రి నీలం సంజీవరెడ్డి బేఖాతరు చేశారు. నాటినుంచి స్థానిక ఉద్యోగులకు జరుగుతున్న అన్యాయాలను సరిచేసేందుకు ప్రభుత్వం1985లో 610 జివో తెచ్చింది. పాలకుల వైఖరివల్లనే పాక్షిక దృష్టి ఏర్పడింది. చివరికి ప్రస్తుత తెలంగాణ ఉద్యమం మళ్ళీ రాజుకుంది. కనుక1973లో రద్దయిన తెలంగాణ ప్రాంతీయ కమిటీని రాజ్యాంగ సవరణ ద్వారా వెంటనే పునరుద్ధరించడం అవసరం. ఈ కమిటీ ప్రభుత్వానికి సమర్పించే నివేదికలోని సూచనలను గతంలో వలె కాకుండా చిత్తశుద్ధితో అమలు చేయాలి.

ఎం.ఎస్. రాజలింగం

మాజీమంత్రి

లోక్ సత్తా పార్టీ శ్రీకృష్ణ కమిటీకి ఇచ్చిన నివేదికలో పొందుపరిచిన మరికొన్ని అంశాలని గమనించండి.

II. Formation of Regional Councils in AP by restoring Article 371(1):

The Andhra Pradesh State was created under the scheme of States’ reorganization in 1956, effected through the 7th Constitutional Amendment Act (1956). This Act, inter alia, recognized the need for safeguarding the developmental needs, autonomy and aspirations of various regions of Andhra Pradesh (the Telangana region, specifically) and therefore provided for special provision for the State under Article 371 (Part XXI of the Constitution), whose relevant portion is reproduced below:“ 371. Special provision with respect to the States of Andhra Pradesh, Punjab and Bombay. - (1) Notwithstanding anything in this Constitution, the President may, by order made with respect to the State of Andhra Pradesh or Punjab, provide for the constitution and functions of regional committees of the Legislative Assembly of the State, for the modifications to be made in the rules of business of the Government and in the rules of procedure of the Legislative Assembly of the State and for any special responsibility of the Governor in order to secure the proper functioning of the regional committees.

(2) Notwithstanding anything in this Constitution, the President may by order…… ”

విశదీకరిస్తే- రెండురాష్ట్రాలుగా విడగొట్టకుండానే స్థానిక స్వపరిపాలనా సౌలభ్యాన్ని రాష్ట్రంలోని అన్ని ప్రాంతాలకూ కల్పించడం. తద్వారా స్థానిక సంస్థల బలోపేతానికీ, Political Empowerment కీ దోహదపడటం. In many ways its a like the power decentralization by way of making the local governing bodies more accountable and responsibilities of their respective regions. ఆంధ్ర, తెలంగాణ, రాయలసీమ ల్లోని ఏప్రాంతపు గవర్నన్స్ కోసమైన అవసరమైన నిర్ణయాధికారాలు స్థానిక సంస్థలకు అప్పగించడం, తద్వారా ప్రతీ నిర్ణయానికీ, నిధుల కేటాయింపుకీ, అప్రూవల్స్ కీ నేతలు, బ్యూరోక్రాట్స్ హైదరాబాదు వైపు చూడకుండా స్వతంత్రంగా వ్యవహరించే ప్రతిపత్తిని కల్గించడం.

లోక్ సత్తా పార్టీ ఇచ్చిన రిపోర్ట్ లో ఈ ప్రాంతీయ మండలుల క్రియాశీలకత, Operationalization, institutionalization గురించి మరింత విపులంగా ఇవ్వబడింది.

1) తెలంగాణా రీజనల్ కౌన్సిల్(TRC) ఆంధ్రప్రదేశ్ స్టేట్ అస్సెంబ్లీ లో ఒక భాగమై వుంటుంది.
2) ముఖ్యమంత్రి, స్పీకర్ మినహా- మిగతా తెలంగాణా ప్రాంతం నుండీ ఎన్నికైన MLAs ఈ TRC లో సభ్యులై వుంటారు.
3) 1958 (February 1) లో ఇష్యూ చేయబడిన Ministry of Home Affairs, GoI as SRO 443-A, AP Regional Committee (APRC) Order లో సూచించిన విధంగా- స్థానిక పరిపాలన, ప్రజా ఆరోగ్యం, హాస్పిటల్సు, విద్యా సంస్థల పరిపాలన మరియు క్రమబద్ధీకరణ, వ్యవసాయం మరియు వ్యవసాయ భూముల అమ్మకం, కొనుగోలు, మార్కెట్లు, వ్యాపారాలు, కోఆపరేటివ్ సొసైటీలు, రాజ్యాంగానికి లోబడి ఆర్ధిక సంస్కరణలు, యోజనము, మద్య నిషేధం వంటి అన్ని రంగాలూ ఈ TRC పరిధిలోకి తేబడతాయి.
4) పాలసీ మొత్తాన్ని ప్రభావితం చేసేటువంటి విషయాలని మినహాయించుకుని - పైన సూచించబడిన రంగాలలో ఏ ఇతర విషయం మీదనైనా న్యాయపరమైన, చట్ట పరమైన చర్యలకు సిఫారసు చేయబడే హక్కు TRC కి కలిపించబడుతుంది.
5) ద్రవ్య సమంధిత బిల్లులని మినహాయించుకుని ప్రతీ ఇతర తెలంగాణా సంబంధిత బిల్లూ ఈTRC కి విచారణ, మరియు సిఫారసులకై రిఫర్ చేయబడుతుంది
6) TRC నిర్వహణ మరియు గవర్నన్స్ బాధ్యత అధికారం మరియు బాధ్యత రాష్ట్ర గవర్నరుకు కల్పించబడుతుంది..

ఈ ప్రతిపాదనలోని అనుకూలాంశాలు
1) రాష్ట్ర విభజన వంటి క్లిష్టమైన పరిస్థితికన్నా సరళమైన పద్ధతిలో ప్రాంతీయ, సమైక్య వాదాలకి పరిష్కార మార్గం చూపబడడం
2) తెలంగాణా ఉద్యమం యొక్క ఒక ముఖ్యమైన ఆవశ్యకతగా అభివర్ణించబడుతున్న-"స్వయం పాలన" అధికారం తెలంగాణా ప్రజాప్రతినిధులకు కల్పించబడుతుంది.
3) తెలంగాణ ప్రాంత అభివృద్ధి మొత్తానికి TRC బాధ్యత వహించిన పిమ్మట వనరుల దోపిడీకి, వ్యవస్థీకృత Exploitation కీ వీలుండదు
4) ముందు ముందు రాబోయే వేర్పాటువాద ఉద్యమాలని ఎదుర్కోవడానికి కూడా ఒక సమగ్రమైన, ఆచరణయోగ్యమైన ప్రణాళిక, Roadmap కల్పించబడుతుంది.

ఈ ప్రతిపాదనలోని ప్రతికూలాంశాలు
1) ఇది సమస్యకి మూలకారణమైన "రాజకీయ నిరుద్యోగత"ని సంతృప్తిపరచదు.
2) ఈ ప్రతిపాదన ఇప్పటివరకు జరిగిన ప్రాంతీయ అసమానత, వెనుకబాటుతనం వంటి విషయాలని పరిగణించదు
3) ఇప్పటికీ పెచ్చుమీరి వున్న తెలంగాణప్రాంత భావోద్వేగాలు ఈ ప్రతిపాదనకి సానుకూలంగా స్పందించండం కష్టం గా కనిపిస్తుంది.
4) ప్రజాస్వామ్య పాలనా వ్యవస్థలో బ్యూరోక్రాట్లకి అధికారం ఎక్కువైన కొద్దీ అవినీతికీ, రెడ్ టేపిజానికీ ఎక్కువ ఆస్కారం వుంటుంది.

I re-Iterate ఏది యేమైనా- ముందుగా వెల్లడించిన The overarching thought ప్రకారంగా“ when we cant propose a solution that makes everyone happy, we can propose a solution that makes everyone equally unhappy”.

Please add if I had missed out anything !!!

తెలంగాణా సమస్యకి ఆమోదయోగ్యమైన పరిష్కారాలు-1 (కొనసాగింపు...)

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:56:52 PDT

A very healthy Development here !!

ఈ వ్యాసాన్ని చదివి స్పందిచినవారిలో కొందరు నాకన్నా ఎక్కువ రీసెర్చ్ చేసి చాలా మంచి ఆలోచనాత్మకమైన విషయాలనీ వాదనలనీ మన ముందుంచారు. సాధ్యమైనంత ఎక్కువమందికి ఈ విషయాలని తెలియచేయాలన్న ఉద్దేశ్యంతో, వాటిల్లో కొన్నిటిని ఇక్కడ ఒక ప్రత్యేకవ్యాసంగా ప్రచురించదలిచాను. Idea is to make sure that these point of views reaches as many people as possible, with the due credit to their orators.

తెలుగు శూరుడు ఇలా చెప్పారు... (వీరు తన పేరుతో స్పందిచివుంటే చాలా సంతోషించేవాడిని). వీరి వాదనలో తెలుగు జాతి ఇంకా నిజాం, బ్రిటీష్‌ లు అలవాటుచేసిన అనుసరణాత్మక (Reactive Mode of) ఆలోచనా ధోరణిలోనే మగ్గిపోతు ఇంతకాలానిక్కుడా ఒక Common Nationalistic View Point ని అలవరచుకోలేకపోయామే అన్న ఆవేదన కొట్టొచ్చినట్లు కనిపిస్తోంది. Instead of following what ancient thought process has incubated on our mindsets, we all have collectively failed to develop a much needed national, emotional integrity- a feeling called “One India” into our lives across generations.

All this mess indicates how we have failed to develop a nationalistic self viewpoint of our own apart from the one created by the Nizams and British. We are good for nothing.

Let me clarify a little. I am very sad that we, Telugus, are back to square one, to the dark days of alien occupation when we had no nationalistic identity except the foolish loyalty the provinces into which we were artificially divided by the Nizams and British. They had plain contempt and hatred for our Telugu unity and identity. They did not want us grow stronger. The present Indian Republic too does not either, for its own political ends. We, Telugus, are being played with like in soccer in which we too are foolishly taking a part with alacrity. Invaders and imperialists of the old created these regional divisions among us and now, we ourselves are eager to get back to those old divisions again. In the process, we are out to destroy a common Telugu identity which our Andhra & Telangana forefathers assiduously built and left to us as a legacy to guard.

We are pathetically blind to the way the modern world has grown. We remained as parochial idiots as we were centuries ago. Right now, there is no security in any given sense for smaller subordinate entities in the modern setting, be it a corporate body or a political or administative body. Small fish are gobbled up quickly by the big ones. But we are consciously choosing to become somebody's small fish, somebody's prey tomorrow by deciding to split.

Our familial, regional , communal and national imperatives are not the one and same. At times, they might be conflicting. Apparently, some are deliberately confusing these. In their desperate bid to show that the Telugu people have nothing to lose by way of splitting, they are trying to prove that two Telugus living far apart in two opposite corners of the Telugu country are not bonded in their real lives. But the fact is, my heart beats for the news of a Telugu person's success or adversity, even when he lives in New York, quite unrelated to and unmindful of me. It is, however, the national interests which we need to sett;le for ultimately, setting aside the rest of the regional, familial, communal considerations, should we be confronted with a national contingency as this.

As some Telugu intellectual put it on his website, like individuals, societies too will have their own moments of reflection and remorse. Let's hope that wisdom and good counsel will ultimately prevail over our Telugu brothers of Telangana atleast after separation.

But, at the back of my mind, the hope begs for a skeptical query. Is it going to happen ? Or will the flames of regional diatribe which their local leadership has now merrily fanned, be kept afire for ever, as happened in the case of Pakistan ? Will bygones be really bygones with the simple declaration of the Telangana State ? Right now, even the midst of a united Telugu State, they are brazenly spreading many a falsehood with impunity. You will need to perpetuate that hate campaign even after you got separated, should you ward off any future re-merger of the Telugu people. Yes, it happened in the case of Pakistan.

Forgetfulness is God's gift, I deem. Then we have a saying in Telugu "DevuDu varam icchinaa poojaari varam ivvaDu" Likewise, I suspect this sensation-mongering media, these narow-minded intelligensia and these attention-diverting governments might not allow that gift of God to operate and keep these feelings of mutual ill-will and differences alive for a long time to come even after the partition of the Telugu country.
I feel sorry for the fate of this foolish Telugu nation, and pity myself to have been born in to this "yet-to-grow" race.

By the way, I am from the Kakinada industrial area.

SHAAYI ఇలా స్పందించారు- చరిత్రలో నాకు తెలియని ఒక కొత్త విషయాన్ని చాలా డిప్లొమేటిక్‌ గా ASSERTIVE గా చెప్పారు.

ద్వేషాన్ని వదలి భ్రాతృత్వ భావనతో సందేహాలు తీర్చుకోవాలనుకొనే ఆంధ్ర సోదరులకు స్నేహ భావంతో ఈ వివరాలనందిస్తున్నాను.
మీ అందరి లెక్కలు, హైదరాబాద్ రాష్ట్రం విడిపోయేనాటికి తెలుగు మాట్లాడె జిల్లాల కన్నా, మిగితా జిల్లాలు ఎక్కువ అని చూపే ప్రయత్నంగా కనిపిస్తుంది. కానీ అది తప్పు.
మొత్తం 16 జిల్లాలలో ఆదిలాబాద్, కరీంనగర్, వరంగల్, ఖమ్మం, నల్గొండ, నిజామాబాద్, మెదక్, మహబూబ్ నగర్, హైదరాబాద్ ... మొత్తం 9 జిల్లాలు తెలుగు అత్యధికంగా మాట్లాడె జిల్లాలు. ( హైదరాబాద్ రాజధానీ నగరం వేరు - హైదరాబాద్ జిల్లా వేరు. అదే కొంచెం మార్పులతో తరువాత రంగారెడ్డి జిల్లా అయింది. )
ఔరంగాబాద్, భీడ్, పర్భణి, నాందేడ్, ఉస్మానాబాద్ ... 5 జిల్లాలు మరాఠీ అధికంగా మాట్లాడె జిల్లాలు.
గుల్బర్గా, రాయచూర్, బీదర్ ... 3 జిల్లాలు కన్నడం అధికంగా మాట్లాడె జిల్లాలు.
భాషాపరంగా మరాఠీ, కన్నడం అధికంగా మాట్లాడె జిల్లాలు విడివిడిగా అయినా, కలిపినా, మైనారిటీ కాబట్టి అంతా తెలంగాణమనే అనేవారు. తెలంగాణమంటే ... ’తెలుంగు + ఆణెము’ ( ’ఆణెము’ అంటే అచ్చతెనుగు భాషలో ’దేశము’ అని అర్థం.) ఇది హైదరాబాద్ రాష్ట్రం ఏర్పడక ముందే, ఆసిఫ్ జాహీల పాలన కంటె ముందే, గోల్కొండ ప్రభువుల కాలంలో ఏర్పడ్డ పదం. అప్పటికి ఇంకా ముందే కాకతీయుల కాలంలో( 1000 - 1350 A.D.), పైన పేర్కొన్న16 జిల్లాలు తెలుగు ప్రాంతమే కదా! అలాగే ఆ తరువాత బహుమనీ సుల్తానుల కాలంలో, గోల్కొండ ప్రభువుల కాలంలో, ఆ పైన ఆసిఫ్ జాహీ (నిజాము)ల పాలన తొలినాళ్ళలో ఉత్తర భారతం నుండి, ఇరాన్ నుండి మహమ్మదీయుల అధికంగా వచ్చారు గాని, మరాఠి, కన్నడ భాషీయుల వలస వచ్చిన దాఖలాలు లేవు. కాకపోతే (1850 - 1930 A.D.) కాలంలో వీళ్ళు అధికంగా తమకు దగ్గరగా ఉన్నతెలంగాణ జిల్లాలలో వచ్చి చేరారు. అలా ఆ కాలంలో ఆంధ్ర, రాయలసీమ( నాకు తెలిసి, ఆ కాలంలో రాయల సీమకు ఆ పేరు కూడా పెట్టలేదు) ప్రాంతం నుండి కూడ చాలా మంది వారికి దగ్గరలో ఉన్న జిల్లాలలోకి వలస వచ్చారు. కారణం ఈ ప్రాంతాలలో బ్రిటిష్ పాలన వల్ల విద్యావకాశాలు బాగా ఉండడం .. నిజాం రాష్ట్రంలో ఉద్యోగ, వ్యాపారావకాశాలు చాలా ఉండడం. అలా వచ్చిన వాళ్ళందరిని తెలంగాణ ప్రజలు అక్కున జేర్చుకొన్నారు. అందుకు ప్రతిస్పందనగా కన్నడ, మరాఠీ ప్రజలు కూడ ఇక్కడి ప్రజలతో మమేకమయ్యారు. ఏనాడు తామేదో గొప్ప అని గాని, తెలంగాణ ప్రజలు వెనుకబడ్డవాళ్ళనో, లేక మాతో పోటీ పడడం చేతకాని వాళ్ళనో అవమానించడం గాని, బలవంతంగా వాళ్ళ ధోరణులను, పద్ధతులను రుద్దాలని గాని, లేక ఆధిపత్యం చూపాలని గాని... చూడలేదు. పైగా వాళ్ళె, వాళ్ళ మూలాలని వీడి ’హైదరాబాదీ’ లుగా మారారు. హైదరాబాదులో వ్యాపారాలు చేసుకొన్నారు. అభివృద్ధి చేసారు. అభివృద్ధి చెందారు. ఆంధ్ర ప్రదేశ్ ఏర్పాటు కొరకు వేరయ్యేప్పుడు కూడ "మాకేమిటి ఇబ్బంది? మేము తరతరాలుగా ఇక్కడి వాళ్ళమే. ఇక్కడె ఉంటాం." అని ఏ రభస చేయకుండా సహకరించారు. ఏనాడు "హైదరాబాదును మేమే అభివృద్ధి చేసాం" అని బీరాలు పోలేదు. తాము అధికంగా ఉన్న జిల్లాలు తమ,తమ భాషా ప్రయుక్త రాష్ట్రాలలో చేరినా, అది రాజకీయ నిర్ణయంగా భావించి గౌరవించారు. ఇష్టమున్నవారు ఆయా రాష్ట్రాలకు వెళ్ళిపోయారు. ఇష్టం లేని మరాఠీలు, కన్నడిగులు ఇప్పటికీ హైదరాబాదు, మహబూబ్ నగర్, నిజామాబాద్, ఆదిలాబాదులలో లక్షలాదిమంది తెలంగాణ ప్రజలతో మమేకమై జీవిస్తున్నారు. వాళ్ళ బంధువులు ఆ యా రాష్ట్రాలలో ఉంటే వెళ్ళి వస్తారు. వాళ్ళతో మేము హైదరాబాదీలమని చెప్పుకొని గర్విస్తారు. ఇతర రాష్ట్రాలకు వెళ్ళిపోయిన వాళ్ళు కూడ హైదరాబాదుతో తమ తీయని అనుబంధాన్ని నెమరువేసుకొని ఆనందిస్తుంటారు గాని హైదరాబాదు హక్కుల గురించి ఆనాడు గాని, ఈనాడు గాని నిలదీయలేదు. నిలదీయరు. తెలంగాణలోనే ఉన్న మరాఠీలు, కన్నడిగులు కూడ ఇప్పుడు తెలంగాణ కోసం ఉద్యమిస్తున్నారు.
ఇప్పుడు చెప్పండి. కేవలం 50 ఏళ్ళ అనుబంధం ఉన్నవాళ్ళు ఇంత రభస చేయడం అవసరమా? హైదరాబాదు తెలంగాణ రాజధాని అయితే ఇండియాలో ఉండదా?
ఇప్పుడు హైదరాబాదుతో వందల ఏళ్ళ అనుబంధం ఉన్నవాళ్ళు మాట్లాడకపోయినా, వాళ్ళ హక్కుల గురించి సీమాంధ్ర వాళ్ళు మాట్లాడడం వెనుక ఆంతర్యం ఏంటి? మాకు దక్కని హైదరాబాదు తెలంగాణ వాళ్ళకు కూడ దక్కకూడదన్న కుళ్ళుమోతుతనం కాదా?
తెలంగాణ వాళ్ళ ఆవేదనంతా అదే ... అన్య భాషీయులు చూపిన ఔదార్యం, ప్రేమ .. తమ సోదరులే చూపకపోవడం!
అదే స్వార్థానికి, ప్రేమకు తేడా! రాజకీయ నాయకులు అటువైపైనా, ఇటువైపైనా ఏమైనా వాగనివ్వండి. తెలంగాణ ప్రజల మనసుల్లో ఉన్నది మాత్రం, ’శ్రీకృష్ణ చింతలపాటి’ గారు వ్రాసినట్టు (తెలగాణ్యుల కోణంలో - 4వ అంశం) ... "రాష్ట్ర విభజన ఉత్పాతమేమీ కాదు, రాష్ట్ర విభజన జరిగినంత మాత్రాన జనజీవనం అష్త వ్యస్థం కాబోదు. కర్ణాటక, తమిళనాడుల్లో తెలుగువాళ్ళు ఎలా చూడబడతారో, ఇక్కడ కూడా సీమాంధ్రుల కి సముచిత స్థానం ఇస్తాం, ఇంకా కొంచెం ఎక్కువగానే చూసుకుంటాం." అనే

Shankar చెప్పారు TRS వారి Extremistic dispersion లో వారికి నచ్చని వారు ఒప్పుకోని అంశాలపై ఇలా స్పందించారు.

400 years ga Hyderabad maa capital antunnaru...mari 50 years ga AP capital ..migata prantam vaariki emi hakkulu leva? (50 years not a small period)

Prapancham lo kalisi untam ane samaikhya udyamalu ekkada chudaledu antunnaru --- Mari prapancham lo evarina Capital to saha vere state adugutunnara..ichara?

ikkada cheppe points TRS vaalla gurinchi... telangana prajala gurinchi kadu .. nenu akkadi vadinaite alage feel ayyevadini.. Meeeku seperate state vaste anni problems solve avutaay ani prajalanu influnce cheyyochu.. kaani ela annade samasya..seperate state to unna samasyalu teeravu kaani ..inka ekkuva avutaayi ani naa opinion400 years capital --idi charitra, capital of AP--idi prastutam--- Mari prastutam unna state ni divide cheyyalante andari opinion mukhyame kada.

తెలంగాణా సమస్యకి ఆమోదయోగ్యమైన పరిష్కారాలు-1

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:55:34 PDT

గత పదినెలలుగా ఆంధ్ర ప్రదేశ్ లో జరుగుతున్న పరిణామాల కారణంగానో, తదనుగుణంగా జరిగిన నష్టం కారణంగానో, రేకెత్తించబడిన ఉద్రేకాల కారణంగానో, ప్రకటించబడిన ఉప ఎన్నికల ఫలితాల కారణం గానో, మన కళ్ళ ఎదుటగా జరుగుతున్న అనేకానేక అర్ధరహితమైన, అనవసరమైన సంఘటనల కారణంగానో, చివరికి ఉద్యమాలపేరుతో చిదిమేయ బడుతున్న అమాయక ప్రాణాల కారణంగానో మనం తెలంగాణా ప్రత్యేకరాష్ట్ర ప్రతిపత్తి, సమైక్యాంధ్ర అనే విషయాలని పునఃపరిశీలించుకోవాల్సిన అవసరం వుంది.

గత కొద్ది వారాలుగా ఈ వ్యాసాన్ని చాలసార్లు మొదలుపెట్టి ఆపేస్తూవచ్చాను. కారణం- ఏదో ఈ కార్నర్ లో నేను కూర్చుని రాసే ఈ రాతలు ఏమి ప్రభావం కలగచేయగలుగుతాయి? అసలు ముందు ఈ మనుషులు ఇంతగా నాశనమయిపోయారు, వీళ్ళకి నేను ఏమి చెప్తే ఏమి అర్ధం అవుతుంది? ఎవరికోసం కష్టపడాలి? లాప్ టాప్ ముందు కూర్చుని ఆ రాజకీయాలతో కుస్తీ పడే బదులు ప్రసాద్స్ ఐమాక్స్ ధియేటర్లో రావణ్ సినిమా మార్నింగ్ షో టికెట్ కొనుక్కుని పాప్ కార్న్ చప్పరిస్తూనో లేక ESPN STAR SPORTS లో బంగ్లాదేశ్ జింబాబ్వే టెస్ట్ మాచ్ అడ్వర్టైజ్ మెంటులతో సహా చూసుకుంటొనో గడిపితే తప్పేంటి? అన్న ఆలోచన.

కానీ రాయాలనిపించింది. ఉద్యమం పేరు చెప్పి అనవసరంగా చచ్చిపోతున్న అమాయకుల చూసినప్పుడు, ఇవాళ 11 రేపు 111 అన్న మహానాయకుణ్ణి చూసినప్పుడు, అడ్డంగా నరుకుతాం అన్న మహిళామూర్తిని చూసినప్పుడు, ఈ సహనం ఎనాళ్ళొ అన్న యువనేతని చూసినప్పుడు, అడుగుపెడితే ఖభడ్దార్ అన్న హెచ్చరికలని చూసినప్పుడు-- మనసు తీవ్రంగా కలతచెందింది.

ముఖ్యమైన కొన్ని విషయాలని ఇక్కడ ముందుగా చెప్పదలుచుకున్నాను.

ఈ వ్యాసాలని నేను ఎవరినీ ఇంప్రెస్ చేయడానికో, ఎవరినో కించపరచడానికో వ్రాయడంలేదు- మీరు సమైక్యవాదులైనా వేర్పాటువాదులైనా నా ఈ వ్యాసాలు చదివేముందు మీ మీ భావజాలాన్ని కొంచెం పక్కనపెట్టి ఓపెన్ మైండ్ తో చదవాల్సినదిగా మనవి
నేనేమీ రాజకీయనాయకుణ్ణి కాను, చరిత్ర పరిశోధకుణ్ణి కాను, పాలసీ మేకర్ ని అంతకాన్నా కాను. ఒక అతి సామాన్యుడైన తెలుగువాణ్ణి. సమకాలీన స్థితిగతులని అర్ధం చేసుకుని నాదైన రీతిలో స్పందించగల ఒక క్వాలిఫైడ్ ప్రొఫెషనల్ ఎగ్జిక్యూటివ్ ని.
ఏదో నా మనసులో మాటలని ఇక్కడ నా బ్లాగులో అభిప్రాయాలుగా వ్యక్తపరచబోవట్లేదు. నేను రాసే ప్రతీ వాక్యం వెనకాలా Significant Research వుంది, ప్రతీ ప్రతిపాదన వెనకాలా ఆలోచన వుంది, ప్రతీ క్లైం కూ ఒక సోర్స్ వుంది.
ఇవేమీ నేను సొంతగా ప్రతిపాదించిన పరిష్కారాలు కాదు. నేను గత కొద్దిరోజులుగా చదివిన చదువుతున్న సంభాషిస్తున్నవింటున్న కొన్ని ముఖ్యమైన అంశాల సమాహారం మాత్రమే !!!

Above all ….. all I can assure you is that everything is said with a right frame of mind, with right intentions and with a mind that seeks none other than the peace and tranquility.
తెలంగాణ సమస్య కి అందరికీ ఆమోదయోగ్యమైన మూడు ప్రతిపాదనలని ఇక్కద పొందు పరుస్తున్నాను. ఒకదాని తరువాత ఒకటిగా మూడు భాగాలుగా పూర్తి చేస్తాను. అయితే ఈ మూడు ప్రతిపాదనల వెనుకా ఉన్నది ఒకే థీం, ఒకే ఆలోచన, a single overarching thought.

అందరికీ సంతృప్తి కలిగే పరిష్కారాన్ని ప్రతిపాదించలేనప్పుడు, అందరికీ సమానంగా అసంతృప్తి కలిగే పరిష్కారాన్ని ప్రతిపాదించగలము.

When we can’t propose a solution that makes everyone happy, we can atleast propose a solution that makes everyone equally unhappy.

నా ఉద్దేశ్యం ప్రకారం. ఇంక రాష్ట్ర విభజన అనివార్యం. దశాబ్దాలుగా తెలుగుజాతికి పట్టిన చీడ వదలాలంటే ఈ విషయం అటో ఇటో తేలిపోవాలి. చరిత్ర క్రమంలో మరో సారి, మరో వేర్పాటువాది తెలుగుగడ్డపై ఉద్భవించకూడదు. ఉద్యమం పేరు చెప్పి అమాయకప్రాణాలు బలికాకూడదు. అర్ధరహిత ఓటుబాంకు రాజకీయాలకి ప్రజల బలికాకూడదు. నిజం గా ప్రజాహితం మీద నిబద్ధత వుంటే డిసెంబరు 31 తర్వాత, ప్రభుత్వం ఈ విషయాన్ని పూర్తిగా పరిష్కరించాలి.

నేను సేకరించిన అభిప్రాయాలు కూడా ఇదే విషయాన్నిఋజువుచేస్తూ, నా నమ్మకం బలపడటానికి కారణమౌతున్నాయి. IN MY HUMBLE OPINION రాష్ట్ర విభజనకి ఆంధ్ర ప్రదేశ్ ప్రజలు మానసికంగా సిద్ధమయ్యారు.

వాస్తవంగా ఆలోచిస్తే శ్రీకృష్ణ కమిటీ కారణంగా సమైక్యాంధ్ర తెలంగాణ ఉద్యమాల నేపధ్యంలో రాష్ట స్థితిగతుల్లో ఈ క్రింది మార్పులు వచ్చాయి.

తెలంగాణా రాజకీయనాయుకులు ఆరోపించినట్లుగా కమిటీ వల్ల కాలయాపన జరిగి తెలంగాణా ఉద్యమం వేడి తగ్గలేదు సరికదా- తెలంగాణా వాదాన్ని ఇంకా బలంగా ప్రజలలోకి తీసుకెళ్లడానికి మార్గం సుగమం చేసింది, దానికి తగ్గట్టుగా అనుకూల ప్రజాసంఘాలనీ, కులసంఘాలనీ, విద్యార్ధి సంఘాలనీ, వృత్తి సంఘాలని complete social and financial infrastructure ని సమీకరించుకోవడానికి సమయం ఇచ్చింది.
దానికి విరుద్ధంగా అటు సమైక్యాంధ్ర ఉద్యమం పూర్తిగా కనుమరుగైంది. సీమాంధ్రలో ప్రశాంతత నెలకొంది. రాజకీయనాయకులలో స్థబ్దత ఏర్పడింది. వీటన్నిటి కారణంగా ప్రజల ఆలోచన, కార్యాచరణ తెలంగాణా ఏర్పాటు తర్వాత ప్రత్యామ్నాయ అన్వేషణ వైపు మళ్ళింది-హైదరాబాదు లో నిలిచిపోయిన రియల్ ఎస్టేట్ కట్టడాలు, ఇతర రాష్ట్రాలకి తరలిపోయిన పెట్టుబడులు. చివరికి ఇల్లు కొనబోయి వాయిదా వేసుకున్న సగటు ఉద్యోగులు, రాష్ట్ర విభజన తరువాత కూడా రెండుప్రాంతాల్లోనూ పటిష్టంగా నిలబడేలా వివిధ రాజకీయ పార్టీలు రచిస్తున్న ప్రణాళికలు ఈ పరిణామానికి కాదనలేని సాక్షాలు.
వీటన్నిటినీ గమనిస్తే ఒక విషయం ప్రస్ఫుటంగా అర్ధం అవుతుంది- సగటుమనిషి నుంచీ రాజకీయ నాయకులదాకా, వ్యాపారస్థుడినుంచీ బడిపంతులు దాకా, క్రీడాకారుడినుంచీ కళాకారుడిదాకా- అందరూ డిసెంబరు 31 తర్వాత రాష్ట్రం విడిపోతుందనీ అందుకు అనుగుణంగా ఇప్పటినుంచే తమ తమ ఆస్తులనీ, వనరులనీ, పరిరక్షించుకోవడంలో భవిష్య కార్యాచరణని రూపొందించుకోవడం అనే ప్రయత్నాలలో నిండి వున్నారు. I think almost all of them are now ready with the PLAN-B.

ఇప్పుడు ఆలోచించండి. శ్రీకృష్ణ కమిటీ నిజంగా ఏమి చేసింది? ఎవరు ఉద్యమాన్నీ దాని సంబంధిత భావజాలాన్నీ, రెచ్చగొట్టిన సెంటిమెంట్లనూ సజీవంగా ఉంచగలిగారు?

రెండుప్రాంతాలలోనూ రాష్ట్ర విభజనకి ఆవశ్యకతగా వివిధ వర్గాల నుండీ వినిపిస్తున్న కొన్ని కారణాలు-

సీమాంధ్రుల కోణం లో -

60 యేళ్ళుగా బ్లాక్ మైల్ చేస్తున్నారు. ఇంకా ఎన్నాళ్ళు పడతాం? వదులుకుంటే పోయేదేంటి?
ఉద్యమం పేరు చెప్పి నీళ్ళు ఉద్యోగాల్లో అధిక వాటా కొట్టేస్తున్నారు, పైగా మనల్ని దోపిడీదారులని ప్రచారం చేస్తున్నారు? వాళ్ళ బతుకు వాళ్ళని బతకనిస్తే అప్పుడు నిజాలు బయటికొస్తాయి.
ఎవడేది చెబితే అది నమ్మేస్తున్నారు. రెచ్చగొడితే రెచ్చిపోతున్నారు. 21 శతాబ్దపు మానసిక పరిపక్వత ఏమాత్రం లేదు వీళ్ళకి, మనకే నష్టం వీళ్ళతో కలిసుంటే.
జరగాల్సిన నష్టం ఇప్పటికే జరిగిపోయింది, అర్ధ రహితమైన వ్యాఖ్యలతో మన గుండెలు తీవ్రంగా గాయపరచారు. విడిపోయి చూపిద్దాం, నిజంగా దురహంకారం, సహాయనిరాకరణ అంటూ చూపిస్తే ఎలా వుంటుందో?
చారిత్రక తప్పిదాలనుండీ పాఠాలు నేర్చుకుందాం, మన వూళ్ళని మనం అభివృద్ధి చేసుకుందాం. అదే సమయంలో సమైక్యాంధ్ర ప్రదేశ్‌ లో మన హక్కులని పోరాడి మరీ సాధించుకుందాం.

తెలఘాన్యుల కోణంలో -

కారణమేదయినా గానీ 80% కంటే ఎక్కువమంది ప్రజల ఆశయంలో వాస్తవం వుండకపోదు. కనుక తక్షణమే దానికి అనుగుణంగా స్పందించాలి.
మన ఆత్మగౌరవం కోసం, మన భాష సంస్కృతి కాపాడుకోవడం కోసం, మనల్ని మనం పరిపాలించుకోవాల్సిన అవసరం వుంది.
మన ప్రాంతంలో లభ్యమయ్యే వనరుల పరిరక్షణ, మన ప్రాంత అభివృద్ధికోసం- చాలా బలమైన స్వయం పాలక ప్రతిపత్తికి ఈనాటి చారిత్రక అవసరం.
రాష్ట్ర విభజన ఉత్పాతమేమీ కాదు, రాష్ట్ర విభజన జరిగినంత మాత్రాన జనజీవనం అష్త వ్యస్థం కాబోదు. కర్ణాటక, తమిళనాడుల్లో తెలుగువాళ్ళు ఎలా చూడబడతారో, ఇక్కడ కూడా సీమాంధ్రుల కి సముచిత స్థానం ఇస్తాం, ఇంకా కొంచెం ఎక్కువగానే చూసుకుంటాం.
చారిత్రక తప్పిదాలనుండీ పాఠాలు నేర్చుకుందాం, అదే సమయంలో సమైక్యాంధ్ర ప్రదేష్ లో మన హక్కులని పోరాడి మరీ సాధించుకుందాం.

బహుశా నేను ఇక్కడ పొందుపరచబోతున్న మూడు పరిష్కారాల్లో ఏదో ఒకటి శ్రీకృష్ణ కమిటీ సూచిస్తుంది అన్న నమ్మకం వుంది. అయితే మనసులో ఎక్కడో ఏమూలనో ఇవేమీ కాకుండా రాష్ట్రం ఎప్పుడూ సమైక్యంగానే వుంటే బాగుండనే ఆశ వుంది. అతి కొద్ది రోజుల్లోనే ఈ ప్రతిపాదనలని మీ ముందు ఉంచడానికి ప్రయత్నిస్తాను.
ముగించబోయే ముందు మరొకసారి- ఆ ప్రతిపాదనల వెనుకానున్న Underlying theme ని మరొక్కసారి EMPHASIZE చేస్తాను-

When we can’t propose a solution that makes everyone happy, we can atleast propose a solution that makes everyone equally unhappy.

Stay Tuned ..

::::::::::::::::::::::::::::::::::::::::::::: శ్రీకృష్ణ చింతలపాటి

రాష్ట్ర విభజన అనంతరం !!!!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:55:46 PDT

A great civilization is not conquered from without, until it has destroyed itself from within

ఒక గొప్ప నాగరికతని ఎవరూ జయించలేదు, అంతర్గత విభేదాలతో తనంతతానుగా అదే నాశనం చేసుకునే వరకు.

William James Durant (November 5, 1885 – November 7, 1981)-A prolific American writer, historian, and philosopher

__________________________________________________________________

1) రాత్రికి రాత్రే సగటు మనిషి లక్షాధికారిని కాడు . కానీ పొరాడి సాధించుకున్న హక్కులుంటాయి, ఆ హక్కులని కాపాడాల్సిన బాధ్యత , జవాబుదారీతనం(accountability) రాజకీయ నాయకుల మీదుంటుంది

2) లక్ష ఉద్యోగాలొచ్చి మీదా పడిపోవు- వెంటనే వచ్చేవి- ఒక ముఖ్యమత్రి ఉద్యోగం, ఒక డజను మంది మంత్రులు మాత్రమే. ముఖ్యమంత్రిగా జానారెడ్డి, హోం మంత్రిగా కేకే, ఆర్ధిక మంత్రిగా వీహెచ్, హ్యూమన్ ట్రాఫికింగ్ అదే విదేశీ వ్యవహారాల ప్రత్యేక శాఖలో మధుయాష్కీ గౌడ్. స్పీకర్ గా హరీష్ రావు, మన రాష్త్రంలోని TPA సర్కార్ (UPA సర్కార్ అనుబంధంగా- T For Telangaana, Telangaanaa Progressive Alliance) చైర్ పర్సన్ గా కే సీ ఆర్. వీరి వీరి కాన్వాయిలకీ మైంటెనెన్సుకీ తెలంగాణలో పెట్రోలు ధర ఒకరూపాయి ఎక్కువౌతుంది.

3) ఒకప్పుడు విశాలాంధ్రకి మంత్రులుగా పనిచేసిన వారి వారి పోర్ట్ ఫోలియో లొ సగం తగ్గి ఆంధ్రకో, తెలంగాణకో మంత్రులుగా సద్దుకుంటారు. డీ ఎస్ ఇప్పుడూ తెలంగాణ పీసీసీ అధ్యక్షుడిగా పనిచేస్తాడు. వికారాబాద్ లో పెట్టబోయే శాటిలైట్ సిటీ ప్రోజెక్ట్ లో కాకా వెంకటస్వామి 300 గుడిశెలు వేయిస్తాడు.

4) ఉద్యమానికి విరాళాలిచ్చీ ఇచ్చీ తెలంగాణా NRIల సేవింగ్స్ సగానికి సగం తగ్గిపోతాయి. మళ్ళీ పైసా పైసా కూడబెట్టుకుంటూ బ్రతుకు జట్కా బండి షురూ.

5) హైదరాబాదులో భూముల ,ఆస్థుల రేట్లు విపరీతంగా పడిపోతాయి. కొన్నాళ్ళు స్థబ్దత వుంటుంది, కానీ తర్వాత పుంజుకుంటుంది.

6) ఉస్మానియా జేయేసీ లో సభ్యులై, ఉద్యమంలో కీలకపాత్ర వహించిన విద్యార్ధినాయకులకి తెలంగాణా TPA ప్రభుత్వలోనూ, పార్టీలోను గుర్తింపు వస్తుంది. కొంత మంది వెంటనే యూత్ కాంగ్రెస్, యూత్ టీ ఆర్ ఎస్ విభాగాలకు నాయకులవుతారు, రాబోయే ఎన్నికల్లో వారి వారి నియోజక వర్గాల్లో టికెట్లు లభిస్తాయి.

7) హైదరాబాద్ లో ఉన్న MNC లన్నీ పొలిటికల్ స్టబిలిటీ వచ్చేదాకా ఆల్టర్నేటివ్స్ వెతుక్కుంటాయి. కొంచెం పరిస్థితి ఉపశమించాక విరమించుకుంటాయి.

8) తెలంగాణలో తెలుగుదేశం తుడిచిపెట్టుకు పోతుంది. నాగం జనార్ధన రెడ్డి ,యర్రబెల్లి, కడియం TPA లో చేరిపోతారు. "దేవేందర్ గౌడ్ తెలుగుదేశాన్ని చీల్చి తెలంగాణ దేశం అనే కొత్త పార్టీ పెడతాడు".

9) సీమాంధ్రలో అధికారం కోసం చంద్రబాబు, చిరు, జగన్ మధ్య విపరీతమైన పోటీ నెలకొంటుంది. పొలిటికల్ జోకర్ చిరు ని పులుసులో ముక్కలా తీసిపడేస్తారు. చంద్రబాబు, జగన్ మధ్య అధికారం దోబూచులాడుతుంది. బొత్స, రఘువీరా రెడ్డి, హర్షకుమార్ లాంటి జగన్ వ్యతిరేక వర్గం యొక్క రాజకీయ భవిష్యత్ ముగిసిపోతుంది. జగన్ ముఖ్య మంత్రయితే కొండాసురేఖ హోం మంత్రి అవుతుంది. బాలయ్య తొడలు కొట్టీ కొట్టీ తొడలు వాచిపోయి రిటైరవుతాడు,పార్టీకి ఉపయోగపడినంత కాలం జూనియర్ ఎన్టీఆర్ ప్రాభవం నడుస్తుంది, ఒకవేళ తిరగబడితే చంద్రబాబు రెండే రెండురోజుల్లో నొక్కేస్తాడు.

10) హైటెక్ సిటీ దున్నేస్తామనీ, GMR, GVK లని వెళ్ళగోడతామనీ కొద్దిరోజులు హడావిడి చేసి తర్వాత అందరూ మర్చిపోతారు. తెలంగాణ జిల్లాల్లో వై ఎస్ విగ్రహం ఎక్కడ వున్నా కూల్చేస్తారు.

11) TPA కి ప్రధాన ప్రతిపక్షంగా బీజేపీ ఆవిర్భవిస్తుంది. తెలుగుదేశం కాడర్ లో సగం బీజేపీ లో చేరతారు. ఇది అన్యాయం అక్రమం అని గొడవపెట్టే సుల్తాన్ అసవుద్దీన్ ఒవైసీ కేంద్రం ప్రకటించే ప్రత్యేక పాకేజీని తీసుకుని సైలెంటయిపోతాడు.

12) విశాఖపట్నంలో రామోజీ ఫిల్మ్ సిటీ వెలుస్తుంది, గుంటూరు తెనాలి విజయవాడ బెల్ట్ మొత్తం భయంకరమైన రియల్ ఎస్టేట్ బూం మొదలవుతుంది.

13) లగడపాటి చెప్పిన మాటకి కట్టుబడి రాజకీయ సన్యాసం తీసుకుంటాడు. రోశయ్య రాష్ట్రవిభజన ఫైలు పై సంతకం పెట్టేసి రాజకీయాల నుండీ శాశ్విత విరామం తీసుకుంటాడు- ఆ సాయంత్రం, ఆర్యవైశ్య సంఘం రోశయ్యని రవీంద్రభారతిలో సన్మానిస్తుంది, గిరీష్ సంఘీ ఆ సభకి ప్రధాన అతిధిగా వస్తాడు.

14) కంటోన్మేంట్ శంకర్రావు తెలంగాణా సాధారణ ఎన్నికల్లో టికెట్ దొరక్క ఇండిపేండెంట్ గా పోటీ చేస్తాడు, ఎలక్షన్ ముగిసిన రోజు సాయంత్రం అమెరికాలో వున్న కొడుకో, కూతురి ఇంటికో శాశ్వితంగా వెళ్ళీపోతాడు. ఈటెల రాజేందర్ మంత్రి పదవికోసం లాబీయింగ్ చేసి చేసి సమ్మక్క సారక్క దేవస్తానం (TTD మాదిరిగా SSD) చైర్మన్ గా సెటిలయిపోతాడు.

15) ప్రొఫెసర్ జయశంకర్, ప్రొఫెసర్ కోదండరాం, కెప్టెన్ లక్ష్మీకాంతరెడ్డి కేంద్ర రాష్ట్రాలలోని UPA/TPA ప్రభుత్వంలో ప్రత్యేక సలహాదారులవుతారు.

16) తెలంగాణా పేరు చెప్పి సినిమాలు తీసిన శంకర్, ఆర్ నారాయణమూర్తి, దిల్ రాజు, తెలంగాణా మెగాస్టార్ నితిన్ ల సినీ రంగ భవిషత్ తిరోగమనం మొదలవుతుంది.

17) ఆంధ్ర, తెలంగాణా రెండు రాష్ట్రాలలోనూ విచ్చలవిడిగా మావోయిస్టు ఉద్యమం పెరుగుతుంది. మావోయిస్టు రిక్రూటుమెంటు ఆంధ్రా, ఉస్మానియా యూనివర్సిటీల నడిబొడ్డున మొదలవుతుంది.

18) తెలంగాణా పౌరులూ, వివిధ వివిధ పార్టీల ద్వితీయ శ్రేణి నాయకులూ నెల రోజుల పాటు, ఇద్దరు ముగ్గురు కలిసినప్పుడల్లా దావత్ చేసుకుంటారు. ఇంట్లో డబ్బులు తెచ్చి రోడ్లమీద టపాకాయలు కాలుస్తారు. నెలరోజుల తర్వాత ఎందుకొచ్చిన హడావిడి అని పార్టీ ఫండ్లోంచి ఖర్చుపెడతారు. ఇంకో నెలరోజులతర్వాత తీరిగ్గా దావత్ లో కూర్చుని అసలెందుకిలా హడావిడి చేస్తున్నాం అని ఆత్మవిమర్శ చేసుకుంటారు. ఆ తర్వాత ఇంక సెలబ్రేషన్లు వుండవు. ఆ పొద్దు తెల్లారినాక, మళ్ళీ మొదలు ఝంఝాటం.

19) మీడియా రంగంలో పెనుమార్పులేమీ వుండవుకానీ, టీవీ9 వ్యూవర్ షిప్ ఇటు ఆంధ్రాలోనూ, అటు తెలంగాణాలోనూ పెరుగుతుంది. NTV, Studio N తెలంగాణలో కష్టం. ఈనాడు సాక్షి వారి వారి వ్యాపారదక్షత కారణంగా రెండుప్రాంతాల్లోనూ నిలదొక్కుకుంటాయి.

20) మిగతావన్నీ మాములే, కిలో బియ్యం 35 రూపాయలే, లీటరు పెట్రోలు 60 రూపాయిలే, 2020కి కానీ మెట్రో రాదు. ఆ సమయానికి ఉపయోగమూ వుండదు. వానా కాలంలో వానలూ ఎండాకాలంలో ఎండలూ ఏమీ తప్పవు, హైదరాబాదు లో ట్రాఫిక్ జాములూ తప్పవు, పొల్ల్యూషనూ తప్పదు, నీటి ఎద్దడీ తప్పదు. గండిపేట నీళ్ళూ మారవు, హుస్సేసాగర్ కంపూ మారదు, ఇరానీ చాయ్ రంగూ మారదు పారడైజ్ బిర్యానీ రుచీ మారదు.

మారేది ఒక్కటే-- తెలఘాన్యులపై సీమాంధ్రులకూ, సీమాంధ్రులపై తెలఘాన్యులకూ తర తరాలకీ తరగని ద్వేషం పుడుతుంది. ఈ ఉద్యమాలు పోరాటాలు, అర్దరహితమైన ఆరోపణలూ ఒకరిపై ఒకరికి మనసులో చెరగని ముద్ర వేస్తాయి. తెలుగుజాతి విచ్చిన్నమవుతుంది, తెలుగు గడ్డ ముక్కలవుతుంది. తత్ఫలితంగా చరిత్రలో అగ్రగామి కాగలిగిన ఒక నాగరికత వెనుకబడిపోతుంది. జరగబోయే వినాశనానికి నాంది పడుతుంది.
__________________________________________________________________

A great civilization is not conquered from without, until it has destroyed itself from within
ఒక గొప్ప నాగరికతని ఎవరూ జయించలేదు, అంతర్గత విభేదాలతో తనంతతానుగా అదే నాశనం చేసుకునే వరకు.

William James Durant (November 5, 1885 – November 7, 1981)-A prolific American writer, historian, and philosopher

::::::::::::::::::::::::::::::::::::::::::::: శ్రీకృష్ణ చింతలపాటి

సుసంపన్నమైన, బహువిధమైన...

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:55:57 PDT

సుసంపన్నమైన, బహువిధమైన నాదేశ వారసత్వసంపద నాకు గర్వకారణము. దీనికి అర్హుడనగుటకై సర్వదా నేను కృషి చేయుదును.

సరిగా ఈ వ్యాసం రాసే సమయానికి టీవీలో ఫ్లాష్ న్యూస్ ఇలా వస్తోంది " ముంబాయిలో చెలరేగిపొయిన MNS కార్యకర్తలు రెండు కర్ణాటక బస్సులకి నిప్పు పెట్టారు". ఈ MNS ఎవరో రాజ్ ధాకరే ఎవరో శివ సేన ఎవరో వారి అజెండా ఏమిటో కొత్తగా పరిచయం చేయక్కర్లేదనుకుంటాను. మహారాష్ట్రలో వీళ్ళు, ఆంధ్ర లో తెలంగాణా, పశ్చిమ బెంగాల్ లో గూర్ఖా లాండ్, తమిళనాడులో కృష్ణగిరి వీటన్నిటి మధ్య సారూప్యత ఒక్కటే - వేర్పాటు వాదం. ఎక్కడినుంచో వీళ్ళొచ్చి మా సంపద దోచేసుకుంటున్నారు, వలసవాదులని తరిమి కొట్టాలి.

ఈ జరుగుతున్న పరిణామాలన్నీబెంగళూరులోని "కర్ణాటక పరి రక్షక సమితి" కర్ణాటక పోరాట సమితి గమనిస్తోంది. రేపో మర్నాడో “కర్ణాటక వాలే జాగో బాహర్ వాలే భాగో” అని ఇంకో నినాదం ఎత్తుకోబోతున్నారు చూడండి?

తమ తమ స్వార్ధ ప్రయోజనాలకోసం . వోటు బాంకుల కోసం .. ఈ ఘనత వహించిన జాతీయ పార్టీ లు ఈ వేర్పాటువాద పార్టీలతో కలిసి సాల్సా డాన్స్ మొదలుపెట్టబోతున్నాయి చూడండి.

తర్వాత మొదలవుతుంది అసలు కధ. వేర్పాటువాద పార్టీలకో కేడర్లూ, MLA, MP సీట్లూ, ఐక్య కార్యాచరణ సమితులూ, NRI ఫండింగ్ యూనిట్లూ, సానుభూతిపరులూ, సిద్ధాంత కర్తలూ, ప్రజా సంఘాలూ, కుల సంఘాలూ, అనుబంధ విద్యార్ధి సంఘాలూ, అనుకూల టీవీ చానల్సూ, వార్తా పత్రికలూ, న్యాయవాదుల సంఘాలూ, ఉధ్యమ సంఘాలూ, కళాకారులూ, ఉద్యమ గీతాలూ, కొంచెం ముదిరాక- ప్రత్యేక మనోభావాలూ, ప్రత్యేక సంస్కృతులూ, ప్రత్యేక పిండివంటలూ, ప్రత్యేక వేష భాషలూ, ప్రత్యేక సినిమాలూ ఇంకొంచెం ముదిరి పాకాన పడ్డాక - భౌతిక దాడులూ, ఆత్మహత్యలూ, ఆత్మ బలిదానాలూ, అమరవీరులూ, శవాల మీద ప్రమాణాలూ, శవయాత్రలూ, మన్నూ మశాణం.

చెప్పండి, ఎక్కడ స్థిరపడగలము ?? ఈ వూరు మావూరు అని ఎప్పుడు చెప్పుకోగలం? నిశ్చింతగా కంటి నిండా నిద్ర ఎప్పుడుపోగలం? . కనీసం నా దేశం లోని మరో ప్రాంతంలో ప్రశాంతంగా ఎప్పుడు తిరగ గలము?
______________________
వరంగల్ యాత్రకి జగన్ ని వెళ్ళద్దనీ, రాళ్ళు వేయించి ఆపిన ఆ అధిష్టానమే 4th ఫిబ్రవరి 2010 రోజు శివ సేన ముంబాయి లో అడుగుపెట్టద్దని వార్నింగ్ ఇచ్చిన మర్నాడే మందీ మార్బలం ఇచ్చి మహారాష్ట్రా పోలిస్ యంత్రంగాన్నంతా మోహరించి మరీ రాహుల్ గాంధీ తో ముంబాయి లోకల్ ట్రైన్ ప్రయాణం పూర్తి చేయించింది. కనీసం జగన్ వరంగల్ వెళ్ళడానికి ఓదార్పు అనే ఒక కారణం వుంది, రాహుల్ ఏ కారణం లేకుండా కేవలం శివ సేన అహం అణచడానికోసం అంత ఖర్చుపెట్టాడు, అంత ప్రభుత్వాస్తి దుర్వినియోగం చేసాడు. ఆయన్ని అడ్డుకోవడానికీ లోకల్ ట్రైన్లలో తిరగకుండా నిలువరించడానికీ శివ సేన పడరాని పాట్లు పడి నిస్సహాయంగా మరుసటిరోజు సామ్నా పేపర్లో " ముంబాయి సైనిక పాలనలో వుంది అనే ఒక అర్ధం వచ్చేలా సంపాదకీయం" రాసింది.

రాహుల్ రాకతో ముంబాయి లో కర్ఫ్యూ లాంటి వాతావరణం ఏర్పడింది అని తెలియచెప్పే ఈ లింక్ చూడండి - http://www.thaindian.com/newsportal/politics/virtual-curfew-as-rahul-arrives-in-mumbai-lead_100315075.html

రాహుల్ గాంధీకేముంది పార్టీ నే ఆయనది .. ఆయనకిష్టమొచ్చినప్పుడు ఎక్కడికైనా వెళ్తాడు. ఆయన మందీ మార్బలంతో హడావిడిగా వెళ్ళీనా వార్తే, ఎవరూ లేక ఒక్కడిగా వెళ్ళినా వార్తే .. ఆయన తలిచిందే ప్రజాహితం. సోనియమ్మ మా అమ్మ .. రాజీవుడు మా నాన్న రాహుల్ గాంధీ ఈ భారద్దేశం మొత్తానికీ దత్తపుత్రుడు.

సుసంపన్నమైన, బహువిధమైన నాదేశ వారసత్వసంపద వారికి గర్వకారణము. దీనికి అర్హత పొందడానికి వారు పెద్దగా కృషి చేయాల్సిన అవసరంలేదు.

______________________
నా తండ్రి పోతూ పోతూ నాకొక పెద్ద కుటుంబం ఇచ్చి మరీ పోయారు. మిమ్మల్ని పరిపాలించే గురుతర బాధ్యతతో సహా!
జగనూ..నువ్వు కుటుంబ వారసుడవి మాత్రమే.. మేము రాజకీయ వారసులం ..
వూరుకో బొత్సన్నా మరీ చెప్తావు .. మనందరి లక్ష్యం ఒక్కటే రాహుల్ గాంధీ ని వీళ్ళందరికీ నాయకుడిని చేసి మనం సంతృప్తిగా విశ్రాంతి తీసుకుందాం ..
పోవోయ్ హనుమంతు, ఈ దేశమే వారిది, మళ్ళీ మనం కొత్తగా వారిని నాయకులని చేయాలా ..
ఈ సంగతి సరే గానీ కంటొన్మెంటు శంకరమామా.. "ఎప్పటికైనా మా బావ చంద్రబాబు నాకు పార్టీ పగ్గాలిస్తాడంటావా?"
చాలే బాలయ్యా చోద్యం .. బావేమో రాష్ట్రంలో, అక్కేమో కేంద్రలో, తండ్రేమో ఏకంగా జనాల గుండెల్లోనే పాతుకుపోయారు నీకు. నా గొడవంతా నా కొడుకు వినోద్ బాబు గురించె.. నేనా రాష్ట్రపతి కానీకుండా ఆపెద్దాయన అడ్డుపడ్డాడు, నేను పోయాక ఎలా బతుకుతాడో ..

సుసంపన్నమైన, బహువిధమైన నాదేశ వారసత్వసంపద వారికి గర్వకారణము.. దీనికి అర్హత పొందడానికి వారు పెద్దగా కృషి చేయాల్సిన అవసరంలేదు.

______________________
తాతేమో బొబ్బిలిపులి, కొడుకేమో సమరసింహా రెడ్డి, అబ్బాయేమో సింహాద్రీ, యమదొంగ ఇంకా కాబోయే దాన వీర శూర కర్ణ
నాన్నేమో వేటగాళ్ళకి వేటగాడు, పెద్దకొడుకు బజారు రౌడీ, చిన్నకొడుకు ప్రిన్సు, రాజకుమారుడు, పోకిరి,
నాన్నేమో దసరాబుల్లోడు, కొడుకేమో జానకిరాముడు, మన్మధుడు, పెద్ద మనుమడికి జోష్ ఎక్కువ, చిన్న మనుమడు సిసింద్రీ, మేనల్లుడు యువకుడు,
గాంగ్ లీడర్ కొణిదల సింహం గారికి గాద్ ఫాథర్లు ఎవరూ లేరు, కుబేరుడిలాంటి బావ తప్ప, కొడుకేమో మగధీర, మేనల్లుడు దేశముదురు, తమ్ముడు ఏకంగా కొమరం పులి.

సుసంపన్నమైన, బహువిధమైన నాదేశ వారసత్వసంపద వారికి గర్వకారణము.. దీనికి అర్హత పొందడానికి వారు పెద్దగా కృషి చేయాల్సిన అవసరంలేదు

______________________
శివసేన బాలా సాహెబ్ తరవాత ఆయన కుమారుడు ముందుకి తీసుకెళ్తాడు. అటు ఇటు అయితే వారి సోదరుడి కుమారుడైన మహారాష్ట్ర నవనిర్మాణ్ సమితి అధినేత రాజా సాహెబ్ వుండనే వున్నారు. వేర్పాటు వాదం. సజీవంగా వుంటుంది.

తెలంగాణా జాతిపిత గారు హైలెవెల్లో లాబీయింగ్ చేస్తారు, ఉద్రెకాలు రెచ్చ గొడతారు. వారి కుమారుదు ప్రభుత్వొద్యోగులనీ, ప్రజా సంఘాలనీ, పార్టీ అంతర్గత వ్యవహారాలనీ చూస్తూ వుంటారు, వారి మేనల్లుడేమో ఆందోళనలూ అవీ చేస్తూ, రాష్ట్రంలో ఎక్కడైన తెలంగాణకి విరుద్ధంగా చీమ చిటుక్కుమంటే ఖండిస్తూ వుంటారు, ఎక్కడ అవకాశమొచ్చినా ఇద్దరు ముగ్గురు ఆంధ్రోళ్ళని పట్టుకొచ్చి మీడియా ముఖంగా ఇరగదీస్తూ వుంటారు, తెలంగాణకి వ్యతిరేకంగా మాట్లాడె వాళ్ళ ఇళ్ళ మీద దాడికి సరంజామా హడావిడీ అదీ ఇదీ చేస్తూ వుంటారు. వారి పుత్రిక ఏమో జాగృతి అని ఒకటి పెట్టి "జాగో జాగో అని జనాలని నిద్ర లేపుతూ వుంటుంది. సమకాలీన సినిమాల్లోనో, సంఘటనల్లోనూ ఎవడు ఎక్కడ తెలంగాణ గురించి వారికి నచ్చనివిధంగా ప్రస్తావించినా వారి గురించి కోర్టులనీ, పోలీసులనీ, మానవ వనరుల శాఖలనీ అప్రమత్తం చేస్తూ వుంటుంది. ఎప్పుడైనా ఖాళీ దొరికితే ఆంధ్రోళ్ళ కొత్త సినిమాలేమన్న విడుదలవుతున్నాయేమో అడ్డుకుని తెలంగాణ ప్రజల్లో చైతన్యం తేవడానికి కృషి చేస్తుంటారు-- పరవాల్లేదు మా కోసం ఇంత కష్టపడే కుటుంబం వున్నప్పుడు పరిపాలన వారికప్పగించి హాయిగా గుండెల మీద చేయేసుకుని నిద్రపోతాం ..

సుసంపన్నమైన, బహువిధమైన నాదేశ వారసత్వసంపద వారికి గర్వకారణం. దీనికి అర్హత పొందడానికి వారు పెద్దగా కృషి చేయాల్సిన అవసరంలేదు.

______________________

దేనికి నేను వారసుణ్ణి? నాది అనుకున్న ఏదీ నాది కాదాయె. ఏదీ మా వూరు కాదు! నేను తిన్నానా లేచానా ఏ ఘనత వహించిన పార్టీకీ అవసరం లేదు! పరిపాలనకో వారసుడు, రాజకీయానికో వారసుడు, నటనకో వారసుడు, వుండే వూరికో వారసుడు, పేటకో వారసుడు, నాకోసం అని పనిచేసే గవర్నమెంటు ఉద్యోగికో వారసుడు, నేనే దేవుణ్ణనే వ్యాపారికో వారసుడు, నాకోసమే నడపబడే బాంకులకో వారసుడు, నాకోసమే తీయబడే సినిమాకో వారసుడు, నా భూమిలోంచి ఖనిజాలు తీసే గాలిదొరలకో వారసుడు, నా నీళ్ళలోంచి పెట్రోలు తీసే అంబానీలకో వారసుడు. గోదావరి నీళ్ళకో వారసుడు, గాంధీకో వారసుడు, నెహ్రూకో వారసుడు, చివరికి పొద్దస్తమానూ మీటీవీ మీటీవీ అని చెప్పే ఈటీవీ కో వారసుడు...

ఎక్కడుంది ఆ సుసంపన్నమైన బహువిధమైన నా వారసత్వ సంపద?

దేన్ని చూసి గర్వపడాలి? దేనికి అర్హుడనగుటకై కృషి చేయాలి?

::::::::::::::::::::::::::::::::::::::::::::: శ్రీకృష్ణ చింతలపాటి

కిష్టిగాడు కృష్ణవేణి 5- ఉపసంహారం -PODCAST

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:07:21 PDT

ఎందుకు రాసాను? ఎలా అనుభూతి చెందాను?

హెడ్ ఫోన్స్ వున్నవాళ్ళు ఇక్కడ క్లిక్ చేసి నా పోడ్ కాస్ట్ వినగలరు.
హెడ్ ఫోన్స్ లేనివాళ్ళు క్రింద చదువుకోవచ్చు.
______________________

నాలుగు ఎపిసోడ్ లు
నాలుగు వారాలు ..
1500 విజిట్లు ... సగటున ప్రతీ ఎపిసోడ్ చేరిన 400 కంప్యూటర్లు ..
50 పైగా కామెంట్లు .. ఇంచు మించు అదే సంఖ్యలో ఫోన్ కాల్స్..
20 మందికి పైగా కొత్త బ్లాగు మిత్రులు ..
And Over 15 girls who blushed after reading this .. quietly thinking that “I am this Krishnaveni”
డైరెక్ట్ గా వచ్చి మొహమ్మీదే అడిగేసిన మరో ఇద్దరు..

అన్నీ కలిస్తే

ఓ కిష్టిగాడు ఓ కృష్ణవేణి .. ఓ ఆకాశగంగ

ఎందుకు రాసాను?

ఒక 10-11 సంవత్సరాలు వెనక్కి వెళ్దాం..
మీకు గుర్తుందా? రమణ గోగుల మొదటి పాప్ ఆల్బం .. “Mistry Rhythms “
అందులో ఈ పాట ..”eye laila tu lagti hein lovely” ఆ ట్యూన్ ..
http://www.dishant.com/jukebox.php?songid=46102
Satyabhaamaa dheere chal naa .. sun lit era dil ke dhadkan ..
ఈ పాట వీడియో కోసం భయంకరంగా వెతికాను, కనీ దొరకలా ..
మీకెవరికైనా ఈ ఆల్బం వీడియో కాపీ మార్కెట్ లో దొరికితె .. get a copy of it and watch this song ..
దేనికోసమూ కాకపోయినా .. కనీసం ఆ సత్యభామ లా నటించిన అమ్మాయికోసమైనా చూడండి.
ఒకటి మాత్రం నిజం .. ఆ పిల్ల చూపు ఆ రూపు మనసులో ఒక Impression Create చేయడం మాత్రం ఖాయం.
One this is for sure .. she is so beautiful that you will never forget that face and expression again ..

మరి ఎంత వరకు నిజమో నాకైతే తెలీదు కానీ -

ఈ పాట చేయడానికి రమణ గోగులకి ఒక ఇన్స్పిరేషన్ వుందని ఎక్కడో ఎవరో చెప్పగా విన్నాను.
ఒకరోజు ఆయన కాలేజ్ కాంటీన్ లో కూర్చుని వుండగా .. మెరుపుతీగలా వచ్చి మరునిముషంలో మాయమయిపోయిన ఒక అమ్మాయి గుర్తుగా ఈ పాట రాసారని .. ఇంచు మించు అదే పోలికలతో వున్న మరో అమ్మాయిని ఏరి కోరి మరీ ఈ పాటలో సత్యభామ గా నటింపచేసారనీను ..

నిజమేంటో నాకైతే తెలీదు .. నేను అదే నిజమని నమ్మాను..

కొద్ది రోజులకి ఇదే ట్యూన్ తో పవన్ కల్యాణ్ తమ్ముడు సినీమాలో "హే పిల్లా నీ పేరు లవ్ లీ" అనే పాట చిత్రీకరించారు .. ఆల్బం పాట ఎంత అందం గా వుంటుందో .. సినీమాలో అంత చండాలంగా వుంది .. అదితి గొయిత్రికర్ అసలు మాచ్ అవలేదు ఆ కారెక్టర్ కి అనుకోండి అది వేరే విషయం ..

Ok ok What is the Moral of the story –
Here it is .. కనిపించి మాయమైన ఒక మెరుపుతీగ కి ఇంత అందమైన బహుమతి ఇచ్చిన మా గురువు గారు రమణ గోగుల గారి ప్రేరణతో ..

మనసు, గుండె, కళ్ళు, తనువు, ఫీలింగ్స్.. చివరికి కిష్టిగాడి శరీరంలో ని ప్రతీ నరాన్ని మెలితిప్పి వదిలేసిన ఒక కృష్ణవేణి కి .......... అంకితం ..

వాన సినిమాతో ఏమి సంబంధం?

నిజం గా చెప్పాలంటే ..ఏమీ లేదు ..
మీలో ఎంత మంది వాన సినిమా చూశారో లేదో తెలీదు కానీ .. ఒకవేళ చూడకపోతే తప్పక చూడాలి .. వాన సినిమా కన్నా దాని కన్నడ మాతృక "ముంగారు మలె" సినిమా చూడగలిగితే మరీ సంతోషం .. మా కన్నడ మిత్రుడు ఒకడు చెప్పినట్లు .. కన్నడ సినిమా ఇండస్ట్రీలోనే ఒక ట్రెండ్ సెట్టర్ ఆ సినిమా ..
People call it as the Post "Mungaru male" era for Kannada film industry today..
ఆ సినిమా ఒక దృశ్య కావ్యం లా వుంటుంది, ప్రతీ ఫ్రేములోను కనిపించి తడిపించే వాన evergreen, fresh గా అనిపిస్తుంది .. దానికి తగ్గట్టూ సంభాషణలు పాత్రలు ఒకదానికి ఒకటి సరిగ్గ అతికి నట్లు అద్భుతంగా మనని కధలో Involve చేసేస్తాయి.
కన్నడ మాతృక కూ తెలుగు వెర్షన్ కీ తేడా ముఖ్యం గా .. "హీరో హీరోఇన్ పాత్ర ధారులు" కన్నడంలో గణేష్ ఎంత ఈజ్ గా పాత్ర పోషించగలిగాడో, తెలుగులో హీరో అంత తడబడ్డాడు. సంజన గాంధీ అనే ఆ పంజాబీ పిల్ల అచ్చమైన కన్నడ అమ్మయిలా ఎలా కనిపించగలిగిందో తెలుగులో మీరాచోప్రా అంత unnatural గా అగుపించింది.
దీనికి తగ్గట్టు, చాలా కాలం తర్వాత తెలుగులో అంత మధురమైన రిచ్ సాహిత్యం తో వచ్చిన సినిమాగా చెప్పుకోవచ్చు. కొన్ని వాక్యాలు "నిజం లాంటి ఈ స్వప్నం .. కనుబొమ్మ విల్లెత్తి.. వరం లాంటి శాపమేదో సొంతమైందిలా" వంటివి, సాహిత్యం మీద గౌరవం అనేది K విశ్వనాధ్ గారిలోనే కాక కొద్దో గొప్పో మిగతావాళ్ళలో కూడా ఇంకా మిగిలి వుందని నమ్మకం కలిగించాయి. దానికి తగ్గట్టు, కార్తిక్ గొంతు కొన్ని కొన్ని సంధర్భాల్లో కన్నడ మాతృకలో పాడిన సోనూ నిగం Dominate చేయగల్గింది.
అంత మంచి సినిమాకూ అందులో నాకు నచ్చిన కొన్ని కొన్ని Items కీ ప్రాముఖ్యత ఇవ్వలనుకున్నాను. ఇక్కడ నేను ఫేస్ చేసిన మరో చాలెంజ్ యూ ట్యూబ్ లో కొన్ని సెలెక్టివ్ క్లిప్పింగ్స్ మాత్రమే వున్నాయి, వాటిని కధకు తగ్గట్లు customize చేయాలంటే దానికి ఒక వీడియో ఎడిటింగ్ సాఫ్ట్ వేరు ఇంకా చాలా ఓపిక కావాలి అన్నిటికీ మించి adequate Time కావాలి.. అవి ఏమీ మనకి లేకపోయె.. సో అందుబాటులో వున్న క్లిప్పింగ్స్ ని ఒకటికి నాలుగు సార్లు చూసి దానికి తగ్గట్లు కొన్ని డైలాగులూ అవీ మార్చి రాసుకున్నాను. మన స్క్రీంప్లే టాలెంట్ తో కొన్ని సందర్భాలు లొకేషన్లూ ..దుర్గమ్మ చెరువు, బీరు బాటిలు, హుస్సేన్ సాగరు బుద్ధుడు వంటివి పొందు పరచాను.
సో రామన్నయ్యా .. అదీ నీ ప్రశ్నకి సమాధానం .."వాన సినీమా ముందా నా కధ ముందా"
ఒకటి మాత్రం నిజం..
ఉన్న క్లిప్పింగ్స్ కి అనుగుణంగా కధని మౌల్డ్ చేయడానికి మాత్రం చాలా కష్ట పడాను.

Now the next question .. ఈ కిష్టిగాడు ఎవరు?

నన్ను personal గా తెలిసిన వాళ్ళకి ఇప్పటికే అర్ధం అయిపోయుంటుంది ..
ఆ sensitivity .. Indecisiveness .. ability to empathize with the others’ feelings more than the extent they deserve దగ్గర నుండీ .. తన మీద తనకి అతి నమ్మకం దగ్గరి నుండీ.. Jumping into extremities more than often దగ్గరి నుండీ .. ఆరంకెల సంపాదన నుండీ.. ఫోర్డ్ ఐకాన్ కార్లో నెక్లెస్ రోడ్ చుట్టూ గమ్యంలేని తిరుగుళ్ళ సాక్షిగా జానీ వాకర్ బెస్ట్ ఫ్రెండ్ దగ్గర నుండీ .. ఆప్ మే ఔర్ బాగ్ పైపర్ సహచర్యం నుండీ ..…. కోరమీసం కోనసీమ దాకా …. Its none other than ……. డాష్ డాష్ .

Ok we reached a state of conclusion now .. But the question still unanswered ..

ఇంక చివరి ప్రశ్న .. కృష్ణవేణి ఎవరు?

కృష్ణవేణి ఒక మెరుపుతీగ, ఒక తొణకని కుండ, అ Contemporary Quintessential Woman, ఒక అందం .. ఒక ఆత్మవిశ్వాసం .. ఒక గాంభీర్యం .. ఒక మాధుర్యం .. ఒక chirunavvu.. చిరునవ్వు .. నిశ్చలమైన చూపు .. ఒక కోటి భావాలొలించే స్పందన .. ఒక ఔన్నత్యం .ఒక ఎంపతీ .. ఒక కంపాషన్.. పవిత్రమైన స్పర్శ, పదిలమైన అనుభూతి .. మరువలేని అనుభవం .. ఒక గాలి మోసుకొచ్చే సువాసన .. ఒక అభినయం .. ఒక్ కంఫర్ట్ .. ఒక నిర్మలమైన ఆకాశం .. ఒక బరువైన మేఘం .. ఒక లోతైన ఆలోచన .. సాయం సంధ్యలో ప్రవహించే గోదావరి, ఉదయ సంధ్యలో వినిపించే భూపాలం, ఒక ఉత్తేజితమైన సుర్యోదయం.. ఒక నిశ్శబ్దమైన సూర్యాస్తమయం .. ఒక నిరంతరాయంగా వర్షించే ఆకాశగంగ……..ఇంకా ఇంకా ఇంకా ఈ ప్రపంచంలో నాకు ఇష్టమైన అన్నీ అన్నీ

అన్నిటికీ మించి ...

ఒక అందమైన ఙ్ఞాపకం ..

Thats all my friends ..... Signing off here ..

::::::::::::::::::::::::::::::::::::::::::::: శ్రీకృష్ణ చింతలపాటి

పీవీ గుర్తున్నారా? నేడు 90వ జయంతి

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:56:46 PDT

ఇది నా వ్యాసం ఎంత మాత్రం కాదు. ఆంధ్రజ్యోతి నుండీ సేకరించిన సమాచార ప్రతిని ఇక్కడ యధాతధం గా ప్రచురిస్తున్నాను. ఇది చదివిన నాకు మాత్రం కళ్ళు చెమ్మగిలాయి. ఈ వార్త నీ దీని వెనుక దాగున్న తెలుగువాడి ఆత్మక్షోభ నీ వీలైనంత ఎక్కువమందికి తెలియపరచాలనే చిన్ని ప్రయత్నం.
ఎంత చెత్త రాతలు రాసినా, అప్పుడప్పుడు ఇలాంటి మంచి పనులు చేస్తే వార్తా పత్రికల విశ్వసనీయత తగ్గకుండా వుంటుంది. సెహ్ బాష్ అంధ్రజ్యోతి ..

Here is the source link- http://www.andhrajyothy.com/mainnewsshow.asp?qry=2010/jun/28/main/28main18&more=2010/jun/28/main/main&date=6/28/2010

కాంగ్రెస్ పెద్దలు మరిచిపోయారు
పాపాల భైరవుడిగా మార్చేశారు
'బాబ్రీ నుంచి భోపాల్' దాకా అన్నీ ఆయన మీదే
ఢిల్లీలో స్మారకం లేని ఏకైక దివంగత ప్రధాని

నేడు సోమవారం (28 జూన్) పీవీ నరసింహరావు 90వ జయంతి. కానీ, దివంగతుడైన ఈ మాజీ ప్రధాని పుట్టిన రోజును కేంద్ర ప్రభుత్వం అధికారికంగా జరపదు. కాంగ్రెస్ అధిష్ఠానమూ పెద్దగా పట్టించుకోదు. ప్రధాని మన్మోహన్ సింగ్ మాత్రం పీవీ ఫొటోకు దండవేసి, దండం పెట్టి వెళ్లిపోతారు. అదికూడా... వ్యక్తిగత హోదాలో! ఎక్కడో ఉన్న తనను ఆర్థిక మంత్రిని చేసి, తర్వాత ప్రధాన మంత్రి అయ్యేందుకు పరోక్షంగా సహకరించారనే కృతజ్ఞతతో!

అసలు ఢిల్లీలో పీవీ జయంతి లేదా వర్ధంతి జరిపేందుకు చోటెక్కడుంది? దేశ రాజధానిలో ఒక స్మారకమంటూ లేని ఏకైక దివంగత ప్రధాని పీవీయే! ఆ మహానేత భౌతికకాయన్ని ఏఐసీసీ కార్యాలయంలో కాసేపు ఉంచడానికే కాంగ్రెస్ పెద్దలకు మనస్కరించలేదు. ఇక... ఢిల్లీలో ఆయనకు స్మారకం ఏర్పాటు చేసేంత పెద్ద మనసు వారికెక్కడిది?

పాపాలన్నీ ఆయనవేనా?

పీవీ బహుభాషా కోవిదుడు. తెలుగు, ఉర్దూ, మలయాళం, కన్నడ, తమిళం, ఒరియా వంటి భారతీయ భాషలే కాదు.. ఇంగ్లిష్, స్పానిష్, ఫ్రెంచ్, జర్మన్, అరబిక్, లాటిన్, గ్రీక్, పర్షియన్ వంటి 16 భాషలను అనర్ఘళంగా మాట్లాడగలరు. ఇన్ని భాషలు వచ్చినప్పటికీ... 'రాళ్లను కరిగించవచ్చు కానీ, పీవీ చేత ఒక్కమాట మాట్లాడించలేం' అనే అభిప్రాయం ఉంది. ప్రధానిగా ఉన్న ఐదేళ్లలో ఆయన ఎన్నడూ తన వ్యక్తిగత అభిప్రాయాలు చెప్పలేదు. పరిమితికి మించి ఒక్క మాట కూడా అనవసరంగా మాట్లాడలేదు.

అంతకుముందు దేశాన్ని పాలించిన వారి విషయాలు ఎన్నో తెలిసినప్పటికీ... ఆయన పెదవి విప్పలేదు. కానీ... పీవీ నరసింహరావు మరణించింది మొదలు ఆయనపై నిందలు వేస్తూనే ఉన్నారు. బాబ్రీ మసీదు విధ్వంసం ఆయన హయాంలో జరిగిన విషయం నిజమే. దానికి అసలు కారణమెవరు? ఉత్తరప్రదేశ్ ప్రభుత్వం బాధ్యత ఎంత? అనే విషయాలను మాత్రం విస్మరించారు. శిలాన్యాస్‌కు అనుమతించి వివాదాన్ని పెద్దది చేసింది రాజీవ్ గాంధీయే అనే సంగతిని 'చరిత్ర'లో కలిపేశారు.

జస్టిస్ లిబర్హాన్ కమిషన్ ఈ విషయంలో పీవీని వేలెత్తి చూపలేదనే విషయం ఎక్కడా బయటికి చెప్పరు. భోపాల్ గ్యాస్ లీక్ సమయంలో పీవీ కేంద్ర హోంమంత్రిగా ఉన్నారు. ప్రధానిగా ఉన్న రాజీవ్‌ను, విదేశాంగ శాఖను, మధ్యప్రదేశ్ ప్రభుత్వాన్ని కాదని... పీవీయే ఆండర్సన్‌ను తప్పించినట్లుగా ప్రచారం జరుగుతుండటం విషాదకరం. నిజానికి... అప్పటిదాకా పెరిగి పెద్దవైన పాపాలెన్నో పీవీ హయాంలో బద్దలయ్యాయి. ఆయన చేసిన మంచి పనులు మాత్రం ఇతరుల ఖాతాలో పడిపోయాయి.

దేశ అణుభద్రత, క్షిపణి కార్యక్రమాన్ని వేగిరం చేసింది ఆయనే. పీవీ హయాంలో ఉగ్రవాదులు పలు విమానాలను హైజాక్ చేశారు. అనేక కిడ్నాప్‌లకు పాల్పడ్డారు. కానీ... ఆయన ఎప్పుడూ టెర్రరిస్టుల డిమాండ్లకు తలొగ్గలేదు. పంజాబ్‌లో ఉగ్రవాదం అంతమైంది కూడా పీవీ హయాంలోనే. 1993లో కాశ్మీర్‌లోని హజ్రత్‌బాల్ మందిరం దెబ్బతినకుండా... దానిని ఉగ్రవాదుల చెర నుంచి విడిపించారు. రాజకీయంగా ఆయన అపర చాణక్యుడిగా పేరొందారు.

మైనారిటీ ప్రభుత్వాన్ని ఐదేళ్లపాటు విజయవంతంగా నడిపారు. సీఎంగా భూసంస్కరణలను విజయవంతంగా అమలు చేశారు. చెప్పుకుంటూ పోతే పీవీ ప్రత్యేకతలు ఎన్నో! ఆయన తీసుకున్న నిర్ణయాలన్నీ పార్టీ కోసమే. కానీ... మంచి నిర్ణయాలను మాత్రం పార్టీ తన ఖాతాలో వేసుకుంది. లేని చెడ్డను పీవీకి వ్యక్తిగతంగా ఆపాదిస్తోంది

If this had moved your heart, I request each of you to at least pay two minutes of tribute irrespective of your region.
ప్రాంతాలకతీతంగా ఒక్క రెండు నిముషాలు ఆయనకి శ్రద్ధాంజలి ఘటించండి. తెలంగాణ వాడైతే నేమి- యావత్ తెలుగు జాతికే గర్వ కారణం ఆయన.
He belongs to Andhra as much as he belongs to Telangana,
పీవీజీ మనవాడు, మన మనిషి మన ఆత్మ గౌరవానికి ప్రతీక, ఎంత మంది ఎన్ని అభాండాలు వేసినా ఆయన మన జీవితాలకు ఆర్ధిక సంస్కరణలతో చేసిన ఉపకారం మరువలేనిది,

His vision empowered us, he is truly in our lives..

కాదంటారా?
::::::::::::::::::::::::::::::::::::::::::::::::::::::::::::::::::::::::::: శ్రీకృష్ణ చింతలపాటి

కిష్టిగాడు కృష్ణవేణి 4- ప్రేమ మధురం! త్యాగం అమరం!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:08:18 PDT

టైమొక పెద్ద ఫోర్ట్వొంటీ అనీ, నిన్ను చూడగానే నా టైము బాగుందనుకున్నాననీ, నువ్వు దీపంలా నా ఇంట్లో వుండేదానివి కాదు అనీ నీతో గడిపిన ఈ ఐదురోజుల ఙ్ఞాపకాలతో జీవితాంతం గడిపేస్తాననీ, నువ్వు ఎక్కడికిపోయినా ఏమయిపోయినా నీ మీద నాప్రేమ చావదనీ, ఈ ప్రపంచం మొత్తం వెతికినా నా అంతగా ప్రేమించేవాడు ఇంకొకడు దొరకడనీ, చివరగా నిండా మునిగిన నాకు గొడుగు పట్టొద్దనీ, ఈ వర్షం లేకపోతే నా కన్నీళ్ళు నీకు కనిపించేస్తాయనీ కిష్టిగాడేవేవో పెద్ద పెద్ద డైలాగులుచెప్పేసి గుండెల్ని గట్టిగా పిండేసి.. ఢమాలున పడిపోయాడు.

లేచి చూసే సరికి వాడి ఫ్లాట్ లో వున్నాడు. సమయం పగలు 12 దాటింది, అంటే ఇంచుమించు 18 గంటలుగా తను జానీవాకర్ పక్కసీట్లో స్టక్ అయ్యిపోయాను అన్న విషయం అప్పుడు తెలిసింది. లేచి నిలబడే ప్రయత్నం చేసి వున్నపళంగా కూలబడిపోయాడు, అప్పుడు ఇంకో విషయం అర్ధమైంది కడుపులోకి ఏదో ఒకటి పంపించి 24 గంటలు పైనైంది అని.

అసలెలా వచ్చాను రా బాబూ ...
ఓహ్ కృష్ణవేణి తీసుకొచ్చిందన్నమాట.
అయితే నన్ను తన చేతులతో పట్టుకుని నడిపించుకుంటూ ..
చీ డాష్ డాష్ జీవితం ఆ మధురమైన క్షణంలో స్పృహలో వుంటే ఎంత బాగుండేది .. దేవుడా ఎందుకు నేనంటే నీకంత కసి ..

తినడానికేముందా అని చుట్టూ చూసాడు. పెద్ద శ్రమలేకుండానే బెడ్ పక్కనే దొరికింది, నిన్న పొద్దున్న దాస్ గాడిచ్చిన చాక్లెట్ల బొకే, దానిచేతిలోకి తీసుకున్న మరుక్షణం అమాయక దాస్ గాడి ముఖం గుర్తొచ్చింది-
" సార్ తియ్యటి చాక్లేట్లిచ్చుకుని తియ్యటి మాట చెప్పండి" ..

కిష్టిగాడి కళ్ళలో రివ్వున తిరిగాయి కన్నీళ్ళు, లేదురా దాస్ గా .. కిష్టిగాడికంత అదృష్టం లేదురా ..

చెమ్మగిల్లిన కళ్ళకి ఆ చాక్లెట్ బొకే మధ్యలో ఎదో ఒక కాగితం కనిపించింది. అధీనంలొ లేని మనసు, మాటవినని చేతులు, భారమైన కళ్ళు ఇవేమీ కూడా ఆ కాగితాన్ని విప్పిచూడటం మరువలేదు. ..

"ప్రేమ మధురం! త్యాగం అమరం !"

..... కృష్ణవేణి

కిష్టిగాడి మనసు ముక్కలయింది, గుండె లయ తప్పింది, కళ్ళు ప్రపంచాన్ని చూడనన్నాయి.. లొకం చీకటయ్యింది.
__________________________________
సమయం సాయంత్రం ఏడు గంటలు, టాంక్ బండ్, హుస్సేన్ సాగర్ మధ్యలో ప్రశాంతంగా తధాగతుడు, మబ్బుల చాటున జిల్లున వెలిగి మాయమయ్యే మెరుపులు, పడమటి అంచుకి కనుమరుగౌతూ సూర్యుడు, ఏక్షణానైనా వర్షించడానికి సిద్ధంగా ఆకాశగంగ. మట్టి వాసన మోసుకొచ్చే బరువెక్కిన గాలి, కృష్ణవేణిని వదలలేక బరువెక్కిన గుండె. చివరి మజిలీ వైపు నిరాశగా చూస్తూ కిష్టిగాడు

అయిపోయిందిరా .. నా కృష్ణవేణి .ఇంక ఈ జన్మకి .....ఇంక ఎవరికోసం బతకాలి రా .. చివరి చివరి ఆశకూడా పోయింది.. I lost the very purpose of my existence in this world…
సరే అయితే ముగించేయడానికే నిర్ణయించుకున్నావన్నమాట
అవును
సరే నీ ఇష్టం .. నీతో పాటు నన్నూ తీసుకెళ్ళే ముందు ఒక చిన్న ప్రశ్నకి సమాధానమివ్వు.

ఆ శుక్రవారం రోజు కాంటీన్లో నీకు కృష్ణవేణి కనిపించి ఉండకపోతే ఏమి జరిగేది. ..
తెలీదు ..
పోనీ జగన్ గాడితో పాటు మీటింగ్ కి వెళ్ళిపోయి వుంటే?
---
పోనీ నువ్వు పంపించిన మైల్ బౌన్స్ అయివుంటే?, బుధవారం మధాహ్నం బాసు ఫోన్ చేసి ఆఫీసుకి రప్పించకుండా వుంటే? క్రికెట్ గ్రౌండ్ కి వెళ్ళకుండా వుంటే? గౌరవ్ గాడు ఇంకో పానీ పూరీ కావాలనకుండా వుంటే? దాస్ గాడు చాక్లెట్లు ఇవ్వకుండా వుంటే?

తెలీదురా అది అలా జరిగిపోయింది అంతే .. నాకు కృష్ణవేణి దక్కలేదు ..

ఓరి పిచ్చోడా .. అసలు ఆ పిల్లనే వదిలిచ్చుకుండామని పడరాని పాట్లు పడ్డావు కదరా .. ఏం మూడేళ్ళనుండీ లేనిది ఆ రెండు నిముషాల్లో వచ్చేసిందా? తన నీడనే ఫేస్ చేయలేనన్నవాడివి తన సీట్ దగ్గరకే పోయి మాట్లాడావా? మళ్ళీ ఆ రాక్షసి ముఖం చూడకూడనుకున్నవాడివి కళ్ళతో కాంటీన్ని స్కాన్ చేసేసావా?
నిజమే అనుకో ..

కర్మణ్యే వాధికారస్తే మాఫలేషు కదాచన.. .. మర్చిపోయావా ..
You are empowered to do ONLY the Karma .. the result is not parked for you my dear friend.
నువ్వు ఏ పని అయితే చేయాల్సి వుందో అది చేసావు, దాని ఫలితం నీచేతిలో లేదు .. అది ఎలా వచ్చినా అనుభవించాల్సిన బాధ్యత మాత్రమే నీ పైన వుంది. ఈ బాధ్యత నుండీ నువ్వు ఇలా తప్పించుకోలేవు..
మరి ఏమి చేయను తన ఙ్ఞాపకాలతో ఇలా జీవచ్చవంలా బతకాల్సిందేనా?

Come on BOSS.. own your actions .. BE A MANNNNNNNNNN ..

కిష్టిగాడు ఆగిపోయాడు.
ఆలోచించాడు ..
ఆలోచించాడు ..
ఒక నిర్ణయానికి వచ్చాడు .. మరొకసారి ధ్రువీకరించుకున్నాడు .. వెనుతిరిగాడు ..
ఇప్పుడు ఆ మోములో నూతనోత్సాహం వుంది .. కళ్ళలో ఆత్మవిశ్వాసం తొణికిసలాడుతోంది ..పెదవులపై చిరుదరహాసం నాట్యంచేస్తోంది ..
__________________________________
సమయం ఉదయం 9 గంటలు .. కాంపస్ కివెళ్ళే బస్ రావడానికి ఇంకా 5 నిముషాలు టైముంది ..
కృష్ణవేణి బస్ స్టాప్ లో బస్ కోసం ఎదురుచూస్తున్న వాళ్ళతో సందడిగా వుంది .. అరడజను అదే బస్ కోసం ఎదురుచూస్తున్న అమ్మాయిల మధ్యలో కృష్ణవేణి .. చుట్టూ వున్న పరిసరాలతో తనకే సంబంధం లేదన్నట్లు నిస్తేజంగా శూన్యంలోకి చూస్తూ ఆలోచిస్తోంది .. She is desperately missing some one అని చెప్పడానికి పెద్ద మేధావే కానక్కర్లేదు
ఆ బస్ స్టాప్ కి ఒక 100 అడుగుల దూరంలో కిష్టిగాడు. కృష్ణవేణి భావాలని మౌనంగా గమనిస్తూ. కృష్ణవేణి కళ్ళని మౌనంగా ఆరాధిస్తూ, .. కృష్ణవేని హృదయస్పందనలని మౌనంగా ఆలకిస్తూ .. కృష్ణవేణి అనుభూతులని మౌనంగా అవలోకిస్తూ ..........

కధ అయిపోయిందండీ ..

ముగింపు -- కిష్టిగాడి ముందు మూడు మార్గాలున్నాయి .. 1) వెను తిరిగి హుస్సైన్ సాగర్ చేరటం 2) ముందు కెళ్ళి కృష్ణవేణి తో చేయి కలపడం 3) కృష్ణవేణి ప్రేమనీ, తన ఙ్ఞాపకాలనీ, ఆ అనుభూతులనీ గుండెలో పదిలపరుచుకుని జీవితం తనకి నిర్దేశించిన మార్గంలో పురోగమించడం.

కొన్ని సంవత్సరాల తర్వాత ..
ప్రతీ సంవత్సరం అదేరోజున కిష్టిగాడు టాంక్ బండ్ పైన అదే ప్లేస్ కి..

కృష్ణవేణి ఙ్ఞాపకాలతో ఒంటరిగానో

లేదా కృష్ణవేణి చేయిపట్టి కలిసి జంటగానో

అనుబంధం వదలలేని ఆత్మగానో .....

....... వస్తాడు, మళ్ళి అదే భంగిమలో నుంచుంటాడు .. , హుస్సేన్ సాగర్ మధ్యలో ప్రశాంతంగా నుంచున్న తధాగతుణ్ణీ, మబ్బుల చాటున జిల్లున వెలిగి మాయమయ్యే మెరుపుల్నీ, పడమటి అంచుకి కనుమరుగౌతున్న సూర్యుణ్ణీ, , ఏక్షణానైనా వర్షించడానికి సిద్ధంగా ఉన్నఆకాశగంగనీ. మట్టి వాసన మోసుకొచ్చే బరువెక్కిన గాలినీ, బరువైన అనుభూతులనీ క్షణం వదలకుండా అనుభవిస్తాడు. ఆ అనుభూతుల మధ్య నిరంతరంగా నాట్యం చేసే చిరుమందహాసాన్ని పొరపాట్నకూడా తొణకనివ్వడు. వెనుతిరిగి వెళ్తూ....
........ " మనసు ముక్కలైన, గుండె లయ తప్పిన, కళ్ళూ ప్రపంచాన్ని చూడనన్న, లోకం చీకటైన ఆ రోజుని తలుచుకుని" మనసారా నవ్వుకుంటాడు ..

కానీ..

కృష్ణవేణి నవ్వుతో, ఆ కళ్లతో, ఆ సిగ్గుతో, ఆ నవ్వుతో, ఆ వయసుతో, ఆ గజ్జెల శబ్దంతో ఆ అనుభూతులతో మధురమైన ఆ ఐదురోజుల ఙ్ఞాపకాలతో…

"ఆ ప్రయాణం సాగుతూనే వుంటుంది"

ప్రేమ మధురం .. త్యాగం అమరం ..

సమాప్తం

::::::::::::::::::::::::::::::::::::::::::::::::::::::::::::::::::::::::::: శ్రీకృష్ణ చింతలపాటి

అతిత్వరలో ఇదే పేజీలో అసలీ కిష్టిగాడు ఎవరు, కృష్ణవేణి ఎవరు, ఈ కధ ఏంటి? అసలు నేను ఈ కధ ఎందుకు రాసాను, ఎవరికోసం రాసాను .. అన్ని విషయాలూ PODCAST ద్వారా తెలియచేస్తాను.

ధర్మో రక్షతి రక్షిత:

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 15:56:16 PDT

ఈ రాష్ట్రానికి ప్రాతినిధ్యం వహిస్తున్న ఒక MP ని ఇదే రాష్టంలోని మరో చోటికి పంపించలేకున్నామంటే పరిస్తితి ఎంత చేయి జారిపోయిందో చూడండి. ఇలా అల్లరిమూకల్ని రెచ్చగొట్టి భయాందోళనలు కల్గించి ఎలా మనుషుల మధ్య విద్వేషాలు రెచ్చగొడుతున్నారో? ఈ అసమర్ధపు ప్రభుత్వానికి ప్రాతినిధ్యం వహిస్తూ ఇలాంటి అరాచకాలని నిరోధించలేక చరిత్ర హీనులు కావడం కంటే గద్దె దిగిపోయి నీ శేష జీవితాన్ని మనుమలు మనుమరాండ్రతో ఆనందంగా గడుపుకో రోశయ్యా. ఈ గడ్డ మీద పుట్టి నువ్వుచేసిన ద్రోహం నిన్ను వదిలిపెట్టదు చూసుకో.

యేదయినా అడుగు నాకు తెలియదు నాకు సమాచారం లేదు. అని తప్ప వేరే సమాధానం రాదు. జగన్ యాత్రపై నీకు సమాచారం వుండదు, కాళహస్తిలో కూలిన రాజగోపురంపై నీకు సమాచారం వుండదు. కర్ణాటక నీళ్ళొదిలి కర్నూలుని వరదల్లో ముంచెత్తుతుంటే నీకు తెలియదు. మాక్కొపమొస్తే విధ్వంసం చేస్తాం, తర్వాత నీదే బాధ్యత అంటే సరే అలాగే అని తలూపుతావు. అల్లరిమూకల ని నిరోధించలేక జనజీవన్నాని అస్తవ్యస్తం చేస్తావు. ఎవడొ ఎక్కడో ఎదో జరిగిందని రేపు బంద్ అంటే అదే తడవుగా బస్సులూ రైళ్ళూ అన్నీ ఆపేసి మంత్రులతొ మీడియాతో అన్నీ మూయించి ఆ బంద్ విజయవంతమవ్వడానికి శాశక్తులా కృషిచేస్తావు. ఎందుకీ బతుకు, ఇంచు మించు ఇదే వయసులో పీ వీకి కూడా ఒక అవకాశం ఇచ్చాడు దేవుడు, ఆయన పోయేలోపు తన గుర్తు గాయేదో ఒకటి చేసి మరీ పోయాడు. నువ్వు మాత్రం నీ చేతకాని తనంతో చరిత్రహీనుడిగా మిగిలిపోతున్నావు.

నువ్వు చేసిన పనుల మూలంగా రేపు నీ కుటుంబం ఆంధ్రప్రదేశ్ చరిత్రలో అంటరానిదిగా మిగిలిపోవడం ఖాయం. గట్టిగా ఎదిరిస్తే ఎమి జరుగుతుంది, మరో హెలికాప్టర్ ప్రమాదం అంతేగా, 80 యేళ్ళు ప్రపంచాన్ని చూసిన నీకు అది ఏమన్న గొప్ప విషయమా? ధర్మో రక్షతి రక్షిత: ధర్మాని రక్షించాను అన్న ఆనందంతో వచ్చే చావు నువ్వు ఎన్నికోట్లు ఖర్చుపెట్టినా రాదు.

అసలు సమస్య మనలో వుంది. ఇన్నిటిని భరిస్తూ కూడా ఇంకా సహనాన్ని పాటిస్తాము. ప్రకాశం జిల్లాలో వున్న ఈ మహానుభావుడ్ని అడ్డగించి సమైక్యాంధ్రపై నీ అభిప్రాయం ఎంటో చెప్పు అని ఎవరూ గట్టిగా నిలదీయరు.

సోదరభావంతో కేసీఆర్ ని సాదరంగా ఆహ్వానిస్తాం, మన ఇంటికి వస్తే షామియానాలు వేసి రకరకాల ఆంధ్రా వంటకాలతో భోజనం పెడతాము, కొసరి కొసరి మరీ చిలకపలుకుల్లాగా ఒకటికి పదిసార్లు అనిపించుకుని వింటాము. ఆంధ్రావలే భాగో .. మీరు కుక్కలు దొంగలు,కలుగులో దూరిన ఎలుకలు, వలస వాదులు, మీ నాలుకలు కోయాలి, మిమ్మల్ని మావైపు రానివ్వం. మీ బతుకులే అంత, తెలుగుతల్లి ఎవడితల్లి ఎవడికి తల్లి, మీరు పెట్టుబడిదారుల తొత్తులు, వాళ్ళ షూపాలిష్ చేసేవాళ్ళు. మీరు మావంక కన్నెత్తిచూస్తే కర్ర కాల్చి వాత పెడతాం, రక్తం ఏరుల్లా పారిస్తాం, భయంకరమైన పోరాటం జరుపుతాం, అంతర్యుఢానికి వెనుకాడం, మీ ఆస్తులు లాక్కుంటాం, మెడపట్టి గెంటుతాం,

ఇంత చేసినా ఇంక మన బతుకులింతే ఇలా మాటలు పడడానికే బతుకుతున్నాం. వరదలొచ్చి మన జీవితాలు నాశనం చేసిన తుఫాన్లతో మన ఆశలు తుడిచిపెట్టుకు పోయినా అది మన పాపాలకి ప్రతిఫలం. పొద్దున్న 5 గంటలకి లేచి హైదరాబాదు ఇలా అభివృద్ధిచేసి లక్షలకి లక్షలు ఇంకం టాక్స్ లు కట్టి వలసవాదులనీ సెటిలర్స్ అనీ ముద్రలేయించుకుని మరీ వేర్పాటువాదులకి పువ్వుల్లో పెట్టి మరీ అందిస్తాం.

అంతే కాని ధర్మమేంటి, నిజమేంటి అని మాత్రం ఆలోచించం. మన బతుకుల్లో ధర్మం వుండాలంటే మనం దాన్ని కాపాడాలన్ని చిన్న సుత్రాన్ని మర్చిపోతాం. ఎప్పుడో ఎక్కడినుంచో మెరుపులా వచ్చి నరకకూపంలోంచి మనల్ని బయటపడేసి మనకోసం స్వర్గద్వారాలని చిటికెనవేలితో తెరిచే ఆఒక్కడి కోసం ఎదురుచూస్తూవుంటాం.

కుక్కల్లా, దొంగల్లా , కలుగులో దూరిన ఎలుకల్లా,

వలసవాదుల్లా ..

కిష్టిగాడు కృష్ణవేణి 3- టైమొక పెద్ద ఫోర్ట్వొంటీ

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:08:05 PDT

సమయం .. గురువారం అర్ధరాత్రి ..సెకండ్ షో వదలడానికి ఇకా అరగంట టైముంది ..
దుర్గమ్మ చెరువు, వర్షం .. నిశ్శబ్దం.. పచ్చిక .. కిష్టిగాడు .. చేతిలో సీసా ..,.. అప్పుడప్పుడూ పలకిరించి పోయే పిల్ల తెమ్మెరలు ..

వెయ్యి నక్షత్రాలు .. బానేవుంది
సంతొషం .. అనుభూతి .. ఇంకా బాగుంది ..
ఎదుట నిలిచింది చూడు .. వినసొంపు గా వుంది ..
కానీ మై డియర్ ఫ్రెండ్ .. ఒక్క నవ్వుతో అంతా అయిపోతుందా?
ఆఫ్టర్ ఆల్, ఒక్క నవ్వు నవ్వితే నీ ప్రేమని అంగీకరించేసినట్లేనా?
కాదు.. కాదు తెలుసు ..
మరి ..
ఒప్పుకోలేదు సరే.. అలాగని తిరస్కరించలేదు కూడా కదా .. మరి ఆ నవ్వు ఎందుకు ?? అసలు ఆ నవ్వుకర్ధం ఏంటి?
ఏదో ఒక నవ్వు నవ్వింది కదా అని నువ్విలా అర్ధరాత్రి దుర్గమ్మ చెరువు ఒడ్డున బీర్లు మీద బీర్లు కొడుతూ అంత బ్రైన్ స్టార్మింగ్ చేయాలా బెదరూ?
నిజమే ..
అందులోనూ ఇంకో 24 గంటల్లో ఈ కంపెనీ నే కాదు ఈ వూరినే వదిలి పొతూ..
ఏంటి ఏంటి ..
24 గంటలు ..24 గంటలా... నిజమే ..
ఇంకో 24 గంటల తర్వాత ..
నా కృష్ణవేణి, ఆ కళ్ళు, ఆ సిగ్గు, ఆ నవ్వు, ఆ వయసు, ఆ గజ్జెల శబ్దం
నా జీవితం.. నా ప్రాణం.. నా సర్వం ....
దేవుడా ..
__________________________________

సమయం .. ఉదయం 9 గంటలు ..శుక్ర వారం .
కిష్టిగాడి జీవితంలో అతిముఖ్యమైన రోజు ..

చూస్తుండగానే నాలుగురోజులు గడిచిపోయాయి .. .. ఇంక మిగిలింది ఒకే ఒక్క రోజు .. కొన్ని గంటలు .. ఈ కాలం అసలు ఆగదా.. ఈ టైం కి అసలు బ్రేకులే పడవా?
నా కృష్ణవేణి నవ్వు చూసాను అన్న సంతోషంతో కొన్ని గంటలు కూడా గడపకముందే అప్పుడే తయారయిపోయింది ఇంకో రోజు రూపంలో
ఈరోజు ఏమి జరగనుందో .. I don’t know what this relentless TIME is up to today..
One thing is for sure, I will fight against this goddamn TIME to win my love!

సార్ !!!!
అన్న పిలుపుతో కిష్టిగాడి ఆలోచనలకి బ్రేక్ పడింది.
మళ్ళి అదే భీమవరం కుర్రోడి చాక్లెట్ షాప్ ఎదురుగా !
ఏంట్రా దాసూ?
ఇవాళ మీ చివరి రొజు కదండీ,
అవున్రా ..
మీకివడానికి చాక్లెట్లు రెడీ చేసేనండి..
ఎందుకురా ఇవన్నీ ..
తీసుకోండీ .. తియ్యటి చాక్లెట్లిచ్చుకుని తియ్యటి మాట చెప్పండి ..
క్రిష్ణవేణా?
ఆయ్ .
నేను ఈ ఆఫీస్ లో చాలా మందిని చూస్తూవుంటానండీ, మిమ్మల్ని మూడెళ్లనుంచీ చూస్తున్నాను, పోయిన శుక్రవారం చూసాను, శుక్రవారం తర్వాతా చూస్తున్నాను, అనుకున్నది జరగలేదు అని మాత్రం అర్ధమౌతోందండి.
ఏంచేస్తాం రా ..పోనీలే నువ్వైనా అర్ధం చేసుకున్నావు..
నాకెందుకో మీరు గెలుస్తారనిపిస్తోందండీ .. మళ్ళోసారి ప్రయత్నిచండి ..
తల పంకించి..ముందుకు కదిలాడు కిష్టిగాడు,
సార్ .....వెనుకనించీ దాసు గాడు..
ఏంట్రా !
TIME చాలా తక్కువుందండీ ..
____________________________________

సీట్లోకెళ్ళి కూర్చున్నాడు కిష్టిగాడు,
ఇన్ బాక్స్ లో రెడీ గా వుంది .. చెక్ లిస్ట్ ఫర్ టుడే
వర్క్ ట్రాన్సిషన్ రిపోర్ట్ రాసి, పెండింగ్ మైల్స్ కి జవాబిచ్చి, రీప్లేస్మెంట్ కి బ్రష్ అప్ ఇచ్చి, ఎగ్జిట్ ఇంటర్వ్యూ ఫినిష్ చేసి, లాప్ టాప్ హాండోవర్ చేసి, ఫైనల్ డాక్యుమెంటేషన్ ముగించాడు ..
TIME మధ్యాహ్నం 1.30. ఇంకా ఐదు గంటలే వుంది. TIME ఇంకా తక్కువైపోయింది. కృష్ణవేణి ని వెతకాలి.
Hey Man
Come and Join the farewell Lunch man .. బాసు ఆఙ్ఞ
అదీ అదీ
Nothing doing man .,..
ఫేర్ వెల్ లంచ్ ముగిసే సరికి TIME 2. 30 ..
Good man .. We had a great TIME working with you . .. Wish you best of luck for the TIME ahead ..
TIME,, TIME .. TIME .. TIME running out .. only 4 more hours ..
____________________________________

అసలు కృష్ణవేణి ఎక్కడుందో .. ఏమి చేస్తోందో .. ఇవాళే నా చివరి రోజని తనకి తెలియను కూడా తెలీదు ..
ఇంక చాలు .. వెతకాలి .. తన దగ్గరకి వెళ్ళాలి .. తనతో మాట్లాడాలి .. తన నిర్ణయం తెలుసుకోవాలి .. TIME లేదు ..
కిష్టిగాడి లో ఉత్కంఠతో కూడిన ధైర్యం వచ్చేసింది ..
నేరుగా కృష్ణవేణి డెస్క్ దగ్గరకి వెళ్ళాడు ..

కృష్ణవేణీ ..
కృష్ణవేణి తలెత్తి చూసింది ..
వాడిరాక ముందుగానే వూహించినట్లుగా ఏమాత్రం ఆశ్చర్యం లేదు తన ముఖం లో ..
నిశ్చలం గా వున్నాయి ఆకళ్ళు
కృష్ణవేణీ ..
I want to talk to you ……..
---------
Please let me talk to you .. Please ..
తనలో కదలిక …
కిష్టిగాడి ముఖం చూడలేనన్నట్లుగా కను రెప్పలు కిందికి దిగిపోయాయి ..
నీతో మాట్లాడాలి కృష్ణవేణీ .. దయచేసి ఒక్క రెండు నిముషాలు నాకు సమయమిస్తావా ?
సమాధానం లేదు ..
కృష్ణవేణీ ప్లీజ్ JUST, FOR GOD SAKE, GIVE ME TWO GODDAMN Minutes … కృష్ణవేణీ ! కిష్టిగాడి స్వరంలో తీవ్రత వాడికి తెలియకుండానే ఎక్కువైంది
పక్క క్యుబికల్ నుండీ పనిగట్టుకుని చోద్యం చూస్తున్న ఇద్దరు వెధవలు సీన్లోకి ఎంటరైపోయారు ..
Any Problem??
వాళ్ళకీ కృష్ణవేణి మౌనమే సమాధానమైంది.
బయటికి నడవక తప్పలేదు కిష్టిగాడికి .
వెనుక నుంచీ వినిపించాయి .. నవ్వులూ.. వెక్కిరింతలూ .. వెధవలు TIME వేస్ట్ చేయడానికి వస్తారండీ .
TIME… TIME… TIME .. అయిపోతోందిరా .. ఏదో ఒకటి చేయాలిరా కిష్టిగా ..
____________________________________

కిష్టిగాడు నీరసంగా కూలబడ్డాడు .. ఆట్ట్రియం లోని సొఫాలో ..
ఎలా అయిపోయావు కిష్టిగా .. తన డెస్క్ దగ్గరకు వెళ్ళి మరీ అడుక్కునేంతగా ..
ఏమి చేస్తాము మరి .. కృష్ణవేణి రా .. తనులేకపోతే జీవితానికి అర్ధం లేదురా ..
ఐతే మాత్రం సభ్యతా సంస్కారం వుండక్కర్లా .. ఇంత చదువు చదివావు .. చివరికి ఇదా ..
నిండా మునిగాక చలేంట్రా .. సభ్యతా .. సంస్కారం .. ఏదీ కృష్ణవేణిని గెలవనివ్వదు..
పక్కనే నడుచుకుంటూ వెళ్తున్న ఒక సాఫ్ట్ ప్రొఫెషనల్ ఎవడ్నో తిట్టేస్తున్నాడు .. 'డొంట్ వేస్ట్ మై TIME మాన్..
____________________________________

ట్రింగ్ ట్రింగ్ ట్రింగ్ ట్రింగ్ . .. కృష్ణవేణి ఫోన్ మోగుతుంది ..
హలో!
కృష్ణవేణీ!
యస్!
I want to talk to you ..
--------
నీతో మాట్లాడాలి కృష్ణవేణీ .. .. Just Two minutes .. రెండే రెండు నిముషాలు.
---------
నా మైల్ అందిందా .. అవునా కాదా ఇవేమీ కాదు .. నిన్ను ఒకే ఒక్క ప్రశ్న అడగాలి.
-------
ఎప్పుడు వస్తావో .. ఎలా వస్తావో .. నాకు తెలీదు ..ఎందుకు రావాలి అని నువ్వడిగితే.. నాదగ్గర సమాధానం లేదు .. కానీ నీతో గడిపే రెండునిముషాలకోసం .. యుగాలుగా గడిచే ఈ నిముషాలు లెక్కపెట్టుకుంటూ కార్ పార్కింగ్ దగ్గర ఎదురు చూస్తాను.
------- లైన్ కట్ అవుతుంది.
____________________________________

సమయం. శుక్రవారం సాయంత్రం. కాంపస్ నుండీ బస్సులు బయల్దేరటానికి ఇంకా అరగంట టైం వుంది
దుర్గమ్మ చెరువు, వర్షం .. నిశ్శబ్దం.. పచ్చిక .. కిష్టిగాడు .. చేతిలో సీసా ..,.. అప్పుడప్పుడూ పలకిరించి పోయే పిల్ల తెమ్మెరలు .. ……………… ఇంకా .. …………........ కృష్ణవేణి ..

కృష్ణవేణీ .. నా ప్రేమ నీ దగ్గరకి చేరకుండా ఏది అడ్డుపడుతోందొ తెలుసుకోవచ్చా?
-------
కృష్ణవేణీ .. Tell me... What the fu*k on this world preventing my hand from reaching you????
TIME ……
What??
Yes – Its that TIME .. సమయం …. You are too late ….. సమయం మించిపోయింది కృష్ణా ....
సమయమా .. ఎలా ? and How ?
దానికి సమాధానం నా దగ్గర లేదు .. నేను చెప్పలేను ..
ఒక్కమాట చెప్పు ..డు యు లవ్ మి ..Do you love me?
-----------

కిష్టిగాడి కళ్ళల్లో నీళ్ళు .. గంభీరంగా వర్షిస్తున్న ఆకాశగంగ ... నిర్లిప్తంగా నిస్తేజంగా కృష్ణవేణి .. ఉద్విగ్నతల మధ్య తొణకని కుండలా నిశ్శబ్దం ..
అవ్యక్తమైన ఈ అనుభూతుల కొనసాగింపుని ఈ వీడియోలో చూసి ఆస్వాదించండి.

::::::::::::::::::::::::::::::::::::::::::::::::::::::::::::::::::::::::::: శ్రీకృష్ణ చింతలపాటి

My Ideas to Chris Gayle

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:27:14 PDT

When I started scribbling this piece, West Indies (Windies) have lost to Sri Lanka in the first game of the T20 world cup Super-8. But now, it was just after the same team beaten India in the second of their super-8 game and kept their chances alive for the tournament.

However, I am gonna keep my suggestions and views intact despite their astounding performance today.

I strongly think there is a problem with the Windies batting order; somehow this Windies cricket team resembles me of Indian cricket team of 2000s. They rely heavily on the three heavy weights on top- Chris Gayle, Shivnarine Chanderpaul and Ramnaresh Sarwan, as much as the Indian Cricket team used to do on Sachin, Sourav and Dravid in 2000s.I feel that three main players on top is not a good idea in the shorter version of the game.

1) In the pursuit of quick runs on board if any two of the three fall, that is going to put on extra bit of unwarranted pressure on the youngsters to follow through.
2) Losing their most senior batsmen upfront takes experience out of the middle and lower middle order of windies and hence making them vulnerable in dealing with pressure situations.
3) And more importantly, neither Shivnarine chanderpaul nor Ramnaresh Sarwan batting style really helps them exploit the first six over’s fielding restrictions.

Instead of keeping three of your most experienced batsmen right on top and running with a risk of losing them early and exposing the considerably in-experienced middle order to pressure, may be it’s a good idea to spread this experience across the batting order and help them steer through the innings to the end.

I propose Chris Gayle may look at some bit of reshuffling in the batting order to leverage the experience and the technique of these two veterans.

To start with- Chanderpaul is not the right option to take on the fresh ball along with Chris Gayle, I don’t know what the idea behind it was, is he expected to play a sheet anchor role keeping the world's most destructive batsman on the other end. It’s a bad idea! You are forgetting those precious first six overs and most importantly to get a flashy and healthy start. You consider bringing back Adrian Barath or Andre Fletcher to the opening slot even looking at William Perkins considering his Champions League T20 performance is also a thought of worth.

One more serious mistake Windies has been doing is Keeping Kieron Pollard to the end of the innings. Mumbai Indians have done exactly the same mistake. Having Kieron Pollard on your side is only the half, while using him well will be the second half. Remember what happened in the IPL final, by time Pollard started pulling strings back it way too late, Pollard at crease instead of Ambati Rayudu, or Sourabh Tiwary or JP Duminy would have made a difference to the IPL final. Remember- majority of the SMS respondents had faith in Kieron Pollard that he can steer Mumbai to the victory even in the 18th over of the IPL Finals. The Audience, opponents, analysts and virtually everybody around the field seem to have confidence in Pollard except his captain.

Pollard should be in with at least 10 over’s to spare to work his magic-which makes him my obvious choice for 3, 4 or 5 numbers.

I see no place for Wavell Hinds in the team and also look at Darren Sammy only as a bowling all rounder. Replace Wavell Hinds with the next best specialist batsman/ batting all rounder in the domestic season perhaps somebody like, Darren Bravo- who is showing a lot of promise at the international level.

My proposed batting order for first 8 positions.

1) Chris Gayle
2) Adrian Barath or Andre Fletcher or William Perkins
3) Ramnaresh Sarwan or Kieron Pollard
4) Kieron Pollard or Ramnaresh Sarwan
5) Dwayne Bravo
6) Shivnarine chanderpaul
7) Darren Bravo or Wavell Hinds or any other specialist batsmen/batting all rounder
8) William Perkins or Dinesh Ramdin

Chanderpaul at no-6 adds a lot of depth and experience to the inexperienced lower order. Remember, Chanderpaul is also good at building formidable partnerships with lower order batsmen in the other versions of game. Sarwan being a genuine no-3 player may be used interchangeably with Pollard based on the situation.

All said and done- if Windies need to get going the big guns need to fire. Looking at their considerably weak and ineffective bowling attack, they need to lay more emphasis always on putting a healthy total on board and build pressure. I see absolutely no point in keeping players like Adrian Barath and William Perkins who are proven players at the international circuit and also played and performed against most of these folks at the CLT20, so bring them back as soon as possible.

::::::::::::::::::::::::::::::: Srikrishna Chintalapati

కిష్టిగాడు కృష్ణవేణి 2- నిజం లాంటి ఈ స్వప్నం

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:07:54 PDT

ఓకే, సరే
కృష్ణవేణి సమాధానం చెప్పలేదు ..

అలా శుక్రవారం సాయంతం ఆఫీసు నుండీ ఇంటికి వచ్చిన కిష్టిగాడికి నిముషమో యుగం గా గడవసాగింది. ముందుచూస్తే పలకరించి వెక్కించే వీకెండ్, వెనుకచూస్తే కవ్వించి సమాధానమివ్వని కృష్ణవేణి. జీవితం అంతా ఒక డెడ్ లాక్ లా వుంది. ఎటు పోతోందో తెలియట్లేదు.

ఇంకా వారం మాత్రమే వుంది ఈలోపు తన నుంచి సమాధానం రాకపోతే ..
ఇంకొక్క వారం మాత్రమే వుంది ఈలోపు సమాధానం రాకపోతే???

సమయం- 10 గంటలు..సోమవారం ..

కిష్టిగాడు ఆఫీసులోకి అడుగుపెట్టి సరిగ్గా ఐదు నిముషాలయింది. అసలయితే మనోడు ఎప్పటిలాగానే సూటిగా వాడి సీటులోకి వెళ్ళీపోయి కూర్చోవాలి, కానీ వాడిముందున్న సవాలక్ష రాచకార్యాల మధ్యలో ఇప్పుడు మరి .. అంటే ..

నేరుగా కార్ పార్క్ చేసి కాంటీన్ కి వెళ్ళాడు. మనసులో అంతా గుబులుగా వుంది. వీకెండ్ రెండ్రోజులూ కంపెనీ ఇచ్చిన జానీ వాకర్ పుణ్యమా అని అడుగులు తడబడుతున్నాయి. కళ్ళు మసక మసగా వున్నాయి

రవ్వదోశ ఆర్డరిచ్చి వచ్చి కూర్చున్నాడు.

ఏదో యధాలాపంగా చుట్టూ చూసాడు. సరిగ్గా రెండు నిముషాల ముందు తాను నడిచివచ్చిన దారిలోనే ఎవరో వస్తున్నారు, ఎవరో అమ్మాయిలా వుంది, రెడ్ కలర్ చుడీదార్ లో వుంది,ఎక్కడో చూసినట్లుందే, ఆరే కొంపతీసి క్రిష్ణవేణి కాదు కదా ..
నీ మొఖం కొంప తీయకుండానే క్రిష్ణవేణి రా ..
ఓరి నాయనో .. ఈ వారంలో ఎప్పటికోప్పటికి కనిపిస్తుందని తెలుసు కానీ మరీ ఇంత తొందరగా అని తెలీదు రా ..
సో .. ఇంత కష్టపడి వీకెండ్ గడిపాక ఆఫీస్కొచ్చి చూసిన మొట్ట మొదటి మనిషి తనేనంటే..
ఇటే వస్తోంది రా .. దగ్గరకి వస్తోందిరా .. ఇంకో నిముషంలో చూసేయడం ఖాయం...
తన కళ్ళలో కళ్ళూ పెట్టి చూసే ధైర్యం నీకు ఉందా ..
లేదురా బాబూ ..
మరి ఇంకెందుకాలస్యం .. జంప్ జిలానీ ..
టూ లేట్-- వచ్చేసింది ... అడుగు దూరం లోకి వచ్చేసింది ..

ఒక్కసారి తలెత్తి చూసాడు కిష్టిగాడు, చూపులు ఎంత వద్దనుకునా ఆ ఎన్నో భావాలొలికించే ఆ కళ్ళ మీద పడ్డాయి.

తీక్షణం గా వున్నాయి ఆ కళ్ళు, వాడి వంకే చూస్తున్నాయి- ఒకే ఒక్క క్షణం ఆ కళ్ళు అటు తిరిగి పోయాయి .. కృష్ణవేణి వాణ్ణి దాటుకుని వెళ్ళిపోయింది ..

ఏమీ మాట్లాడలేదు, కిష్టిగాడి గుండెలో భయంకరమైన నిశ్శబ్దం ..

ఒకటి మాత్రం అర్ధమైంది ..

ఆ కళ్ళలో ఇది వరకటి ఆరాధనా భావం కనిపించడం లేదు ఇప్పుడు ..

కిష్టిగాడు లేచాడు, నడుస్తున్నాడు .. ఎక్కడికో తెలీదు ..

పొరపడ్డానా ..
త్వరపడ్డానా ..
నేను చేసింది సరైన పనేనా ..
తన మనోభావాలు దెబ్బతీసానా ?
అసలు నా లేఖ తనకి అందిందా?
పెద్ద అందగత్తెనని పొగరా?
నేనంటే నిజంగానే ఇష్టం లేదా?
కృష్ణవేణీ ఎందుకిలా ఏడిపిస్తున్నావు .. ఒక్క సమాధానం చెప్పు .. ప్లీజ్

సమయం .. మద్యాహ్నం 2 గంటలు .. బుధవారం ..

కిష్టిగాడు ఆఫీస్ కి వెళ్ళక మూడురోజులు ..

సెల్ ఫోన్ మోగుతుంది .. కిష్టిగాడి బాసు లైన్ లో .. " బాబూ .. వర్క్ ట్రాన్సిషన్ చేయవా, నువ్వెళ్ళిపోతున్నావు సరే .. మరి నీ రీప్లేస్మెంట్ కి ట్రైనింగ్ ఎవరిస్తారు" ..

అదీ ఇదీ చెప్పి తప్పించుకోచూసాడు .. వల్ల కాలేదు .. ఆఫీస్ కి వెళ్ళక తప్పేట్లు లేదు ,.
వెళ్తే వెళ్తాను .. కానీ ఆ రాక్షసి కనిపించే కాంటీన్ కి కారిడార్ కి మాత్రం చస్తే వెళ్లను.

సాయంత్రం 6 గంటలు.. బుధవారం ..
ఫరాజ్ గాడు .. జోస్ గాడు వద్దన్నా వినకుండా .. క్రికెట్ గ్రౌండ్ కి తీసుకుపోయారు కిష్టిగాణ్ణి .. మాచ్ స్టార్ట్ అయ్యింది . ఏమాత్రం ప్రాముఖ్యత లేని థర్డ్ మాన్ లో ఫీల్డింగ్ చేస్తున్నాడు.

నిజానికి అటు వైపు బాట్ తిరగలేదు ...బాల్ వెళ్ళలేదు .... ఏ శబ్దం రాలేదు .. అసలేమీ జరగలేదు .. నిజానికి ...
కానీ ఎందుకో తలతిప్పి అటే చూశాడు కిష్టిగాడు..

మళ్ళీ అక్కడే ..

ముగ్గురు ఫ్రెండ్స్ మధ్యలో యెల్లో చుడీదార్ లో క్రిష్ణవేణి ..
నడుచుకుని వెళ్ళిపోతున్నారు .. సరిగా వాళ్ళ వెనుకాల కిష్టిగాడు .. తలవెనక్కి తిప్పి చూస్తే కానీ కృష్ణవేణికి తెలీదు కిష్టిగాడున్నాడని ..

దేవుడా ఎందుకు నేనంటే నీకింత పగ .. ఎందుకి ఈ పిల్ల ని మళ్ళీ నాముందుకి తెచ్చావు ..
కృష్ణవేణీ ..ఒక్క సారి ఇటు చూడు .. నీ నవ్వుని ఒక్క సారి చూడాలని వుంది .. ఒక్క సారి నీ గొంతు వినాలని వుంది ..ఒక్కసారి.. నీ కళ్ళలో ఏదో ఒక మూల నేను పోగొట్టుకున్న సంతోషం దొరుకుతుందేమో అని ఆశగా వుంది .. ఒక్క క్షణం .. నీ నవ్వుని కళ్ళారా చూడాలని వుంది .. ఆ ఒక్క క్షణం చాలు ఈ పిచ్చి వాణ్ణి ఇంకో రెండు రొజులు బతికించేయడానికి .. ప్లీజ్ .. ఒక్కసారి వెనక్కి తిరిగి నావంక చూడు ,,

సమయం ..రాత్రి 8 గంటలు .. బుధవారం
హైదరాబాద్ టాంక్ బండ్, నెక్లెస్ రోడ్ చుట్టూ పదో రౌండ్ తిరుగుతోంది కిష్టిగాడి కారు ..
చ .. ఏం బతుకురా నీది కిష్టిగా .. చెప్పుకోడానికి కూడా ఎవరు లేరు .. కనీసం ఎవడు ఫోన్ కూడా చేయడేంట్రాబాబూ..

రేడియో మిర్చీ 98.3 FM లో పాట మొదలైంది ..

పిల్లా లేదు పెళ్లీ లేదు పిల్లనిచ్చి పెళ్లి చేసే మావా లేడు.... ఏక్‌ నిరంజన్‌

కిష్టిగాడు కసి అంతా కార్ యాక్సెలరేటర్ మీద చూపిద్దాం అనుకున్న సమయం లో చిన్నప్పుడెప్పుడో బ్లాక్ అండ్ వైట్ టీవీలో చూసిన శత్రుఘ్న్ సిన్ హా యాడ్ గుర్తొచ్చింది .. "కష్ట సమయాల్లో మంచి మిత్రులు.. మీరు నేను మరియు బాగ్ పైపర్" ..

సమయం . సాయంత్రం .5 గంటలు .. గురువారం ..

కిష్టిగాడు గౌరవ్ గాడూ కాంటీన్లో పానీ పూరీ తినడానికి నిలబడి వున్నారు. కిష్టిగాడు బాగ్ పైపర్ పుణ్యమా అని తేలికపడ్డ మనసుతో గౌరవ్ గాడి జోక్స్ కి నవ్వుతూ .. నిరంతరాయంగా తన కళ్ళతో కంటీన్ మొత్తాన్ని స్కాన్ చేసేస్తున్నాడు ..

పానీ పూరీ ప్లేట్ తీసేసుకుని ఇవతలకి వచ్చేసారు..ఒక పానీ పూరీ ప్లేట్ తినడం పూర్తయిపోయింది .. ఇంతలో వర్షం మొదలైంది ..
గౌరవ్ గాడి మైండ్ లో ఒక ఆలోచన ఫ్లాష్ అయ్యింది .. వర్షం లో తడుస్తూ ఇంకో ప్లేట్ పానీ పూరీ తింటే ..
తలతిప్పి చూసాడు .. పెద్ద లైనుంది పానీ పూరీ దగ్గర ...
వద్దులే మామా .. ఇంక చిన్నగా ఇంటికి పోదాము అనుకుంటూ ఆ లైనుని దాటి కార్ పార్క్ వైపు వెళ్ళపోయాడు కిష్టిగాడు..
నిరంతరాయం గా స్కాన్ చేస్తున్న కళ్ళు ఒక్కచోట ఆగిపోయాయి ..
అవే కళ్ళు, బ్లాక్ చుడీదార్లొ కృష్ణవేణి .. వాడివంకే చూస్తోంది ..
కానీ ఈసారి ఆ కళ్ళు నవ్వుతున్నాయి .. పలకరింపుగా .. యస్ ..అదే నవ్వు .. నాకోసమే ఆ నవ్వు .. OOH MY GOD ...
ఒక్క క్షణంలో ఆ కనురెప్పలు పైకి లేచాయి .. మరింత అందమైన పలకరింపుగా ..ఆ పెదవుల్లోంచి తనకి మాత్రమే కని వినిపించేలా ..... HAI ..

యస్ ఈ పలకరింపు నాకోసమే .. నాకే చెప్తోంది ఈ HAI...

కిష్టిగాడి నోటినుండీ అప్రయత్నంగా అసంకల్పితంగా ..HAI ..

ఒక్క సారి వెయ్యి నక్షత్రాలు కంటి ముందు నిల్చున్నంత వెలుతురుగా వుంది ఈ ప్రపంచం .. చుట్టూ వున్న ప్రతివస్తువూ ఎంతో అందం గా కనిపిస్తోంది .. ఆ వర్షం లో తనివితీరా తడవాలనుంది ..

అలాగే వున్నాయి ఆ కళ్ళు .. నిశ్చలంగా, ప్రశాంతంగా, ఆరాధనగా .. ఈ రెండు క్షణాల్లో ఎన్ని భావాలు ఎక్స్ చేంజ్ అయ్యాయో నాకే తెలీదు ..

మనసు తేలిగ్గా వుంది .. ఇంక ఈ క్షణం తో నా జీవితం ఆగిపోతే బాగుండుననిపిస్తోంది .. ఇంక సమయం ఇంతకి మించి ముందుకి కదలొద్దనిపిస్తోంది .. ఈ సంతోషం నా నుండి దూరం అవ్వకూడదని అనిపిస్తోంది .. ఈ అనుభూతిని ఇలాగే మనసులో పదిలపరుచుకోవాలని ఆశగా వుంది ..

మా అంజి గాడి టీ స్టాల్ లోని రేడియో మిర్చీ 98.3 FM లో శ్రావ్యబద్ధంగా వినిపిస్తోంది ..

నిజం లాంటి ఈ స్వప్నం ఎలా పట్టి ఆపాలి
కలే ఐతే ఆ నిజం ఎలా తట్టుకోవాలి
అవునో కాదో అడగకంది నా మౌనం
చెలివో శిలవో తెలియకుంది నీ రూపం
చెలిమి బంధమల్లుకుందే జన్మ ఖైదులా

కిష్టిగాడి మనసులో అవ్యక్తమైన ఈ అనుభూతిని కళ్ళారా చూసి ఆస్వాదించండి ..

::::::::::::::::::::::::::::::::::::::::::::::::::::::::::::::::::::::::::: శ్రీకృష్ణ చింతలపాటి

కిష్టిగాడు కృష్ణవేణి 1- ఆకాశగంగా !!!

srikchin@gmail.com (Srikrishna Chintalapati, శ్రీకృష్ణ చింతలపాటి) — Fri, 15 Oct 2010 16:07:03 PDT

ఇది నా అనుభవం కాక పోవచ్చు..

బహుశా ఈ మాటలు నా మనసులోంచి రాకపోవచ్చు..

ఈ సంఘటనలో వున్న పాత్రలు కల్పితాలయితే అయ్యివుండొచ్చు ..

అసలు ఇది నిజమే కాకపోవచ్చు ..

కానీ ఈ బ్లాగు నిజం .. ఈ అనుభూతి నిజం ..

చదువుకుని నవ్వుకోండి .. నచ్చితే ముచ్చటపడండి .. నచ్చలేదూ .. అయినా నవ్వుకోండి ..
నచ్చినా నచ్చకపోయినా నవ్వుని మాత్రం ఆపకండి .. జంధ్యాల వారి సాక్షిగా నవ్వలేకపోవడం ఒక "డాష్ డాష్ .."

శుక్రవారం- పొద్దు పొద్దున్నే ఇంట్లో బయల్దేరి హైదరాబాదు ట్రాఫిక్ సముద్రంలో గంటకి పైగా ఈదీ ఈదీ ఆఫీస్ చేరాడు కిష్టి గాడు ,చూస్తే పార్కింగ్ మొత్తం ఫుల్లు.. మూడో బిల్డింగ్ ముందున్న MLCP..అంటే మల్టీ లెవెల్ కార్ పార్క్ లో పెట్టాలి, అక్కడినుండీ మళ్ళి వాడి ఆఫిస్ కి కాంపస్ కొండల్లొంచి గుట్టల్లోంచి కిలోమీటర్ నడవాలి. ఎలాగైనా ఇవాళ సూర్యుడి కంట పడగూడదనుకుని బయల్దేరాడు, కానీ ప్లాను రివర్స్ అయ్యింది. అప్పడికే సమయం 11 సూర్యుడు ఇంచు మించు నడినెత్తినున్నాడు. అలాగే నడుచుకుంటూ ఆఫిస్ వున్న భవనం చేరుకున్నాడు.. 1130 కి మీటింగ్, శుక్రవారం అంటే ఇదే గొడవ, ఎక్కడలేని మీటింగ్లూను.

అంత విశాలమైన్ కాంపస్ లో ఠీవిగా నుంచున్న వాడి ఆఫీస్ భవనాన్ని చూసి నిట్టూర్చాడు. ఇంకో వారం రోజుల్లో వీడికీ ఈ ఆఫీస్ కీ ఋణం తీరిపోబోతోంది. సరిగ్గా వచ్చే శుక్రవారం ఇదే సమయానికి వాడి వీడ్కోలు జరుగుతూ వుంటుంది. ఇంచు మించు మూడేళ్ళు గా కొనసాగుతున్న బంధం, మరికొన్ని రోజుల్లో ... ప్చ్..

మీటింగ్ జరగబొయే రూం వద్దకి వచ్చేసాడు ... సరిగా ఎడమవైపుకి తిరిగితే మీటింగ్ జరిగే రూము, కుడి వైపుకి తిరిగితే కాంటీను, దాని ముందు ఇవాళే మొదలెట్టిన ఎగ్జిబిషన్ బుక్స్ షాపు. లంచ్ అవర్ కి ఇంకా గంట పైనే టైముంది, సొ అంత పెద్ద కాంపస్ కూడా నిర్మానుష్యం గా వుంది. కానీ భీమవరం కుర్రొడి చాక్లెట్ షాపుకి అభిముఖం గా వున్న బుక్ స్టాల్ దగ్గర ..

కృష్ణవేణి ..

రెండేళ్ళనుంచీ... బస్సు దగ్గర, కాంటీన్లో, క్రికెట్ గ్రౌండ్లో, కార్ పార్క్ దగ్గర, లైబ్రరీ దగ్గర, రెఫ్రెష్మెంట్ ఏరియా దగ్గర, కాఫీ మెషీన్ దగ్గర. ఆట్ట్రియంలో, రిసెప్షన్లో, ఏం పీ ఆర్ దగ్గర, బిల్లియర్డ్స్ బోర్డ్ దగర ..

కనిపిచ్చినప్పుడల్లా కళ్లలో కళ్ళుపెట్టి ఒక చూపు, ఆ చూపులో .. ఆ చూపులో .. ఆ కళ్ళలొ ..
ఏంటో వాడికి తెలీదు కానే ఏదో భావం .. ఏదో అర్ధం ..
ఏదో చెప్పాలని .. మాట్లాడాలని,
తనకోసమే పుట్టిందా అన్నట్లు ఉంటుంది.
ఎప్పుడొ బాగా పరిచయం వున్న ముఖం లా అనిపిస్తుంది .. కానీ ఏమీ గుర్తు రాదు .. వీడికెందుకో తనతో మాట్లాడాలని కబుర్లు చెప్పాలని, ఆ నవ్వుని, ఆ కళ్లనీ ఎప్పటికైనా సొంతం చేసుకోవాలని ...,. తన చేతిని తన చేతిలోకి తీసుకుని మనిద్దరం కలిసి బతుకుదామా అని అడగాలని ..

రెండేళ్లనుంచీ ఇదే వరస ..

వెళ్ళి మాట్లాడేద్దామా?
మాట్లాడేయెహె . పోయేదేముంది ? ఇంకో వారం రోజుల తర్వాత నువ్వెవరో తనెవ్వరో ..
మరి ఆ అమ్మాయేమన్నా అనుకుంటే?
సరే అలాగయితే వెనక్కి తిరిగి మీటింగ్ రూం లోకి .. 'ఏక్ నిరంజన్ '..
అహ్హ .. వద్దు వద్దు ..
మరి ..
వెళ్ళి మాట్లాడేస్తా ..
ఏమని ..
నీకెందుకెహె .. ఎక్కువ ప్రిపరేషన్లూ, ఎక్స్ పెక్టేషన్లూ వద్దు ..
NJOY మాడి ..

అంతలో ఫ్రెండ్లీ జగన్ గాడు .. ఎక్కడినుంచి వచ్చాడో తెలీదు వీడు ..
ఏరా కిష్టిగా! మీటింగ్ కి రావా?

11.30 కి కదా... వచ్చేస్తాను ..

అది కాదు కార్ MLCP లో పెట్తావా?

బాబాయ్, మీటింగ్ 11.30 కే కదా .. వచ్చేస్తా ..

అది కాదురా ..

ఓకే ఓకే .. సీయూ ..

వెళ్దామా వద్దా.. వెళ్దామా వద్దా? అని వీడిలో వీడు మధన పడుతూండగానే కృష్ణవేణి లేచింది.
తను మెల్లగా తన ఆఫీస్ వైపు అడుగులు వేస్తోంది .. వాడి ముందు నుండీ వెళ్తోంది .. పక్కకి తిరిగి వాడి వంక .. మళ్ళీ అదే చూపు .. అదే పలకరింపు .. అదే భావం ..

వీడి మనసులో భావాలకి నిశ్శబ్ద సాక్షిలా ఆ కళ్ళు.

అరేయ్ వెళ్ళిపోతోంది రా .. ఏమైనా చెయ్ రా కిష్టిగా ..

ఊప్స్ .. వల్ల కాదు .. యేదయితే అదయింది, ఇవాళ ఏదో ఒకటి తేలిపోవాలి.
రెండు అంగల్లో ఆమె ముందుకెళ్ళి నిలబడ్డాడు

Hi ..
Hi ..:)
It appears as If I have seen you somewhere...
Yeah I have been seeing you in the campus for the last three years..
Oh is it ?? (*##*^%$#) but this is the first time I am seeing you here??.. (అబద్ధం అబద్ధం)

తన పేరు తెలుసు, తన టీం ఏమిటో తెలుసు అయినా మళ్ళీ అడుగుతాడు. కలువరేకుల్లాంటి కనుబొమ్మలు రెపరెప లాడిస్తూ తను చెప్తుంది.
రెండు నిముషాలు గడుస్తుంది. ఇద్దరి మనసుల్లోను ఇంకా కాసేపు మాట్లాడుకోవాలని వుంటుంది. కానీ ఏమి మాట్లాడాలో తెలీదు. ఇంకా ఎక్కువసేపు సంభాషణ పొడిగిస్తే సభ్యత వుండదేమో అని బెరుకు.

చివరికి ఈ మానసిక సంఘర్షణ కి కృష్ణవేణి బ్రేక్ పెడుతుంది.

సరే మరి మళ్ళీ కలుద్దాం .. బై ..
కిష్టిగాడి ఆనందం ఆవిరైపోయింది. ఏమనాలో తెలీలేదు... ఓకే బై .

కృష్ణవేణి మరో రెండడుగులు ముందుకేస్తుంది.
ఈసారి కిష్టిగాడి అంతరాత్మ కిష్టిగాడి నోరు నొక్కుతుంది ..

"నీకేమి తక్కువ బే .. నిర్ణయం సినీమాలో నాగార్జున లాగా "ఇంత అందమైన, తెలివైన, మంచి ఉద్యోగం వున్న, కోరమీసమున్న, కొంటె వయసు కుర్రోణ్ణి ఏ అమ్మాయైనా వదులుకుంటుందా?"
మరో రెండడుగులు ముందుకేసి ఆమె పక్క కెళ్లి నిలబడతాడు.

కృష్ణవేణీ ..

చెప్పండి.. ఏమన్నా మాట్లాడాలా ?

అవునండీ ,, అంటే .. మీతో ఒక విషయం చెప్పాలని రెండేళ్ళనుండీ అనుకుంటున్నాను.

చెప్పండి..

ఇక్కడ కాదు మీరు మీ సీట్ లోకి వెళ్ళాక ఈమైల్ చేస్తాను. మీరు కొంచెం ఓపెన్ మైండెడ్ గా ఆలోచించి ఒక నిర్ణయం చెప్తారా?

సరే ..

11.30 అయిపోయింది. మీటింగ్ కి వెళ్లాలి.

పోనీయెహె .. కంపెనీనే వదిలేస్తుంటే ఇంకా మీటింగ్ ఏంటి? ముందు ఈ విషయం చూడాలి.
సీట్లోకెళ్ళి కూర్చుంటాడు.

తను ఆన్ లైన్ లో వుందా లేదా చూశాడు. యెస్, ఆన్ లైన్ లోనే వుంది. తను ఇప్పుడు ఈమైల్ చేస్తే వెంటనే చూసుకోగలుగుతుంది.

ఒక్కసారి కళ్ళుమూసుకుని దేవుడ్ని ధ్యానించుకుని మొదలుపెట్టాడు.
డియర్ వేణీ..
ఇలా పిలిచినందుకు ఏమీ అనుకోవద్దు. కానీ ఏరొజుకైనా నిన్ను ఇలా పిలిచేంతగా దగ్గరవ్వాలని నాకోరిక.
ఎందుకో తెలీదు వేణీ .. నువ్వంటే నాకు చాలా ఇష్టం. ఈ ఇష్టం ఎమిటో తెలుసుకోవాలని . ఇన్నాళ్ళు ఆగాను. రోజు రోజుకీ ఈ ఇష్టం పెరుగుతోందెందుకో తెలీదు వేణీ.. నీతో కలిసి నడవాలనుకుంటున్నాను. నీతో కలిసి బతకాలనుకుంటున్నాను.
జీవితాంతం నీకో మంచి స్నేహితుడనవుతాను. నీకు దుఖం కలిగినరోజు నేను నిన్ను సంతోషపరచలేకపోవచ్చు కానే నీదుఖ్ఖాన్ని నేనూ పంచుకుంటాను. నీకు ఎవరితోనూ మాట్లాడకూడదు అనిపించినప్పుడు, నేను నీతోనే వుండు గాక, కానీ నా ప్రేమ సాక్షిగా సైలెంట్ గా వుంటాను. నీకు చివరికి ఈ ప్రపంచాన్నే వదిలిపోవాలనిపించినప్పుడు, నేను నిన్ను ఆపను, కానీ నేను కూడా నీతో వచ్చేస్తాను.

చివరిగా, నేను ఏ ధైర్యంతో నిన్ను ఇలా అడుగుతున్నానో వివరిస్తాను. నేను ఏమీ చెడ్డవాణ్ణి కాను, నాకు ఎలాంటి దురలవాట్లూ లేవు, కాస్తో కూస్తో అందగాణ్ణి , నెలకి లక్ష రూపాయలు జీతం, మీనాన్న నిన్ను ఇప్పటిదాకా ఎలా చూసుకున్నాడో అంత కన్న ఎక్కువగానే నేను నిన్ను చూసుకోగలను. ఇంకా ఏమి చెప్పాలో నాకు అర్ధం కావట్లేదు, కమ్యూనికేషన్స్ మేనేజర్ని అయిన నేను మొదటి సారిగా పదాలు వెతుక్కుంటున్నాను.
ఐ వాంట్ టు గ్రో అప్ విత్ యూ వేణీ, ప్లీజ్ లవ్ మి, ప్లీ ఈ జ్ లవ్ మి..Pleeeeeease love me ...

లవ్ యూ ఫరెవెర్
కిష్టిగాడు,

నాగార్జున అన్నయ్యకి కృతఙ్ఞతలు చెప్పుకుని .. సెండ్ బటన్ నొక్కేస్తాడు కిష్టిగాడు...

సమయం 12 గంటలు. వెళ్ళి మీటింగ్ లో కూర్చున్నాడు. మనసంతా కకావికలంగా వుంది. తను ఈ పాటికి మైల్ చదివేవుంటుంది. రిప్లై ఇచ్చిందా? ఏమని ఇచ్చిందో? ఒకవేళ నెగెటివ్ అయితే ..అమ్మ బాబోయ్, సరే బ్లాక్ బెర్రీ ఒపెన్ చేసి మైల్ చెక్ చేద్దామా? వద్దు వద్దు . ఎలా మరి . మధాహ్నం ..లంచ్ అయిపోయాక సీట్లోకి వెళ్ళి, అప్పుడు చూద్దాము.

ఇంతలో లంచ్, సహోద్యోగులందరితో కలిసి కాంటీన్ కి వెళ్ళాడు కిష్టిగాడు.

అమ్మో ఇక్కడ ఎక్కడన్నా తను కనిపిస్తే, ఆ కళ్లను ఎలా ఫేస్ చేయాలి, ఎలా ఎదుర్కోవాలి. అబ్బా.. మైల్ రాయకుండా వున్నా బాగుండేది ..

కానీ కిష్టిగాడి కంత అదృష్టం లేదు, కాంటీన్లో ఎక్కడా కృష్ణవేణి కనిపించలేదు.

సమయం 2.30, కిష్టిగాడు తిరిగి సీట్ లోకి వెళ్ళికూర్చోవాలి. కానీ కుర్చోవాలనిపించడం లేదు. కాలు కాలిన పిల్లిలా ఆఫీస్ అంత కలియతిరుగుతాడు కానీ వాడి సీట్ కి మాత్రం వెళ్ళడు.

సమయం 3.30, కిష్టిగాడికి ఉత్కంఠ తో ముచ్చెమట్లు పోస్తున్నాయి. తన గుండె చప్పుడు తనకే తెలుస్తోంది. అటు ఇటూ తిరుగాడుతున్న వాడి బాస్ అప్పుడే రెండు మూడు సీరియస్ లుక్స్ ఇచ్చాడు. కానీ వీడేమీ అవి పట్టించుకునే స్థితిలో లేడు.

సమయం 4.30, బయట కొంచెం చల్ల బడింది. గ్రౌండ్ కి పోయి క్రికెట్ ఆడుకుంటాడు కిష్టిగాడు .
సమయం 5.30 ఏమన్నా తిని పోదామని కాంటీన్ కి వెళ్ళాడు, సాంబారు వడ తీసుకుని కూర్చుందామని చుట్టూ చూస్తాడు.

అక్కడ ............

తన ముగ్గురు ఫ్రెండ్స్ మధ్యలో కృష్ణవేణి.

ఇంకా వాణ్ణి గమనించలా, పోనీ గమనించే గమ్మునుందా? తెలీదు, పోనీ మనమే ఆమె ముందు అటు ఇటూ ఓ రెండు సార్లు తిరుగాడితేపోలా ..
ఎందుకులే .. ఇక్కడ కూర్చుందాం, ఎలాగూ తను వెళ్ళేటప్పుడు ఇలాగే కదా రావాలి.
తను లేచింది, వస్తోంది, ఇటే వస్తోంది, యెస్, చూసింది. మనం మాత్రం ఏమీ ఎరగనట్లు టీవీ చూద్దాం. ఆ కళ్ళు ఎలా వున్నాయో చూడాలని వుంది, కళ్ళలో భావం చదవాలని వుంది. కానీ ధైర్యం చాలట్లేదు.

తను వెళ్ళిపోయింది. ఇంక ఆలస్యం చేయకూడదు. వెంటనే వెళ్ళి మైల్ చూసుకోవాలి తన రియాక్షన్ తెలుస్కోవాలి. ఆట్టే సమయం లేదు. 6.30 అయితే తను వెళ్ళిపోతుంది.

వడిగా లేచాడు, వడివడిగా నడిచాడు, పడుతూ లేస్తూ చేరాడు సీట్ దగ్గరకు.
ముందు గా కృష్ణవేణి ఆన్ లైన్ లో వుందా లేదా చూసాడు, లేదు బహుశా ఇంకా తన సీట్ దగ్గరకి చేరి వుండదు.
భయం భయం గా ఈమైల్ ఓపెన్ చేసాడు, ఆశ్చర్యం .. ఒక్క కొత్త మైల్ కూడా లేదు, అంటే కృష్ణవేణి ఇంకా రిప్లై ఇవ్వలేదు. ఎందుకని? తనకి కొంచెం సమయం కావాలా, మరి అదే మాట చెప్పచ్చుగా? ఏమో ..

సమయం 6, కృష్ణవేణి ఇంకా సీట్ లోకి రాలేదు, పోనీ వచ్చే తను ఇన్ విజిబుల్ మోడ్ లో వుందేమో తెలీదు. ఏదయినా సరే తన వద్దనుండీ ఏదో ఒక కబురు వచ్చేవరకు నేను మాత్రం ముందడుగు వేయను.

సమయం 6.15, వచ్చింది, కృష్ణవేణి ఆన్ లైన్ లోకి వచ్చింది. కిష్టిగాడి గుండె చప్పుడు వాడికే స్పష్టంగా వినిపిస్తోంది, వాడి రక్తప్రసరణ వేగం ఇంచుమించు రెట్టింపైంది. ఇంకాసేపు ఆగితే ఏ నరం ముందు తెగిపోతుందో తెలీదు.

ఈ పరిస్థితిని కిష్టిగాడు భరించ లేకపోతున్నాడు. ఇంక ఉండబట్టలేక సీట్ నుండీ లేచి కాఫీ మషీన్ దగ్గరకి వచ్చాడు. వేడి కాఫీ గొంతులో పడ్డాక ఆలోచించాడు. ఏది ఏమయినా కానీ ఈ పరిస్థితి అంత మంచిది కాదు. నరాలు తెగిపోయే ఉత్కంఠతో నేను ఇప్పుడు వుండలేను, నాక్కావలసినది తన నిర్ణయం, అది ఎలా వచ్చినా సరే, నేను తట్టుకోవాలి, భగవంతుడిచ్చిన ఈ జీవితాన్ని వృధా కానివ్వను,కష్టపడి తెచ్చుకున్న ఈ హోదా ని అంత తేలిగ్గా వదులుకోను, ఆఫ్టర్ ఆల్, ఇది నా జీవితం ..వెంటనే సీట్ దగ్గరకి తిరిగి వెళ్ళి అసలు తన ఉద్దేశ్యమేమిటో కనుక్కోవాలి.

సీట్ లోకి తిరిగి వెళ్తాడు, కృష్ణవేణి ఆన్ లైన్ లోనే వుంది కానీ తన సీట్ లో లేనట్లుంది.
ఏది ఏమయినా సరే తను వచ్చే వరకూ వేచివుండి తన నిర్ణయం ఏమిటో అడగాలి.

అవున్నిజమే 6.30 కి తను వెళ్ళిపోతుంది కదా .. మరి ఆలోపు రాకపోతే ..
లేదు లేదు .. వస్తుంది .. తప్పకుండా వస్తుంది .. నా సంకల్పానికి బలముంటే ఇవాళ తను తప్పక నాతో మాట్లాడుతుంది ..
సరే ఓకే .. ఒకవేళ ఇవాళ కాకపోతే మళ్ళి సోమవారం దాక తను దొరకదు .. ఇంకో వారం ఆగితే అదికూడా లేదు ..
తెలుసు బాబూ తెలుసు ..

సమయం 6.20 కృష్ణవేణి ఇంకా రాలేదు ..

6.25 .. మెల్లిగా కిష్టిగాడికి ఆశలు క్షీణిస్తున్నాయి. ఎందుకో తెలీని నిస్తేజం ఆవహిస్తోంది.
6.28 .. ఇంకా రాలేదు ..
6.30 .. తన జాడ కూడా కనిపించట్లేదు ,, అసలు ఆఫీస్ లో వుందో వెళ్ళిపోయిందో ..
6.34 .. చివరికి ..కృష్ణవేణి లాగ్ ఆఫ్ అయింది ... సో.... తను ఆఫీస్ వదిలి ఇంటికి వెళ్ళిపోయిందన్న మాట ..

కిష్టిగాడు లేచాడు ..నీరసం గా నిస్సత్తువగా .. శరీరంలో రక్తం అంతా ఎవడో తోడేసినట్లుగా పాలిపోయిందామొఖం .

7.00 ఇంక వల్ల కాదు అని బిల్లియర్డ్స్ బోర్డ్ వదిలేసి కార్ పార్కింగ్ వైపు నడిచాడు. నడుస్తున్నంతసేపూ అదే ఆలోచన .. తను ఎక్కడైనా ఎదురైతే బాగుండు .. ఒక్క సారి నన్ను చూసి నవ్వితే చాలు .. ఒక్క సారి ..

7.15 ..గచ్చిబౌలి ట్రాఫిక్ ని దాటుకుని కూకట్ పల్లి వైపు పరుగు తీస్తోంది కిష్టిగాడి కారు .. కార్ స్టీరియోలోంచి శ్రావ్యబద్ధం గా వినిపిస్తోంది .

కనుబొమ్మ విల్లెత్తి.. ఓ నవ్వు విసిరావే

చిలకమ్మ గొంతెత్తి .. తీయంగ కసిరావే ..

చిటపటలాడీ .. వెలసిన వాన ..

మెరుపుల దాడి .. కనుమరుగైనా .
నా గుండె లయలోనేనా ఈ అలికిడి ..
ఆకాశగంగా .. ఆకాశగంగా ..

కిష్టిగాడి మనసులో అవ్యక్తమైన ఈ అనుభూతిని కళ్ళారా చూసి ఆస్వాదించండి ..

::::::::::::::::::::::::::::::::::::::::::::::::::::::::::::::::::::::::::: శ్రీకృష్ణ చింతలపాటి

సావిరహే-6- శాంతికపోతపు కుత్తుక తెంచిన రక్తపు "సింధూరం"

srikchin@gmail.com (Srikrishna Chintalapati, శ్రీకృష్ణ చింతలపాటి) — Sat, 16 Oct 2010 04:35:17 PDT

ఉద్విగ్నత భావుకత కలబోసి రాజమండ్రి గురించి వర్ణిద్దాము అనుకున్నాను, కానీ సమయాభావం.. కుదర్లట్లేదు ..

అందుకే ఎప్పటినుంచో చేయాలనుకున్న ఒక పని ఈ బ్లాగులో చేసేస్తాను.

నేను ఇంజినీరింగ్ చదివే రోజుల్లో నేను, మమ్ము గాడు, వాసు గాడు ఒక వేసవికాలపు రాత్రి విజయవాడ జయరాం టాకీసులో సింధూరం సినిమాకి సెకండ్ షో కి వెళ్ళాము. ఆ సినిమా మీలో ఎంత మంది చూసారో, నాకు తెలీదు కానీ .. . ఒకవేళ చూసి వుండకపోతే తప్పనిసరిగా చూడండి. నాకెప్పుడైనా మావూరి మీద బాగా బెంగొచ్చేసినప్పుడు ఆ సినిమా పెట్టుకుని చూసెస్తాను.

మా గ్రామాల్లోని జీవనవిధానాన్ని కళ్ళకు కట్టినట్లు చూపిస్తుంది ఆసినిమా. కొంచెం ముందూ వెనుకగా మావూళ్ళూ మనుషులూ అన్నీ అలాగే ఆసినిమాలో చూపించనట్లే వుంటాయి.

ఆ తర్వాత నేనూ.. మా గడ్డం జగదీష్ గాడూ ఆ సినిమా గురించీ, ఆసినిమాలో రవితేజా ("అయ్ బాబోయ్") యాక్షను గురించీ కాలేజీ మానేసి నెలలతరబడి క్రిష్ణానది ఒడ్డున సీరియస్ గా డిస్కస్ చేసేసుకుని పొట్టచెక్కలయ్యేలా నవ్వుకునే వాళ్ళం.

లాగిక్ లూ గీజిక్ లూ ఆలోచించకుండా ..ఒక్కసారి చిన్న పిల్లలమైపోయి ఆ సినిమాలో కొన్ని డైలాగ్ లు గుర్తుచేసుకుందాము.

చంద్రా .. మార్పు అంతతొందరగారాదు .. ఇది వంద సంవత్సరాల యుద్ధం ..

ఏరా చంటీ-- రేపు పెద్దపండగైపోయేకా బేబిన్నీకిచ్చి కట్టబెట్టెత్తాన్రా .. నువ్వు నాకు అల్లుడైపోయిల్లరికం వచ్చేద్దూగానీ..ఇద్దరం కలిసి కుమ్మేస్కుందాం .. అలాగలాగే కుమ్మేస్కుందాం కుమ్మేస్కుందాం

ఏం మిగిల్చావ్ కుమ్ముకోడానికీ ..దిగరా సచ్చినోడా దిగు .. గుడ్లగూబలాగ్గూర్చున్నాడు సచ్చినోడు ..

ఏరా చంటీ ..కొత్త డ్రెసేట్రా .. అయిటే మరి బేబికిచూపించావా? అబ్బనియ్యబ్బ బేబి ..

ఏట్రోయ్ బుల్రాజు ..పోలీస్ స్టేషన్ కెల్తానంటావేట్రా.. అక్కడెం జరగదు రా ..

చంద్రా.. మనోడే .. యస్సైని స్వామిని చంపేసాడు .. చంద్రా ..వరంగల్ ఇంజినీరింగ్ కాలేజ్ టాపరు

అర్ధరాత్రిపూటీ మద్దెలదరువేట్రా బాబూ..రేపు భోగిరా.. బోగిమంటెక్కడైయ్యాలో చూడండిరా ..

కష్టాలు కన్నీళ్లకేంలే వస్తూనే వుంటాయిలే

యేడుమల్లెలెత్తు సుకుమారికి ..ఎంతకష్టమొచ్చింది నాయనో ..భోగిపళ్ళుపోయాలి బేబికి ..

అన్నిటికీ మించి .. ఈ పాట ..ఆగొంతు ..అందించిన మా సిరివెన్నెల కలం.. ఈ పదాలు.. ఏదో తెలియని సమ్మోహనశక్తితో నా మనసుని ఆలోచనలని కట్టిపడెస్తాయి .. ఒక్కసారి ఈ పాటలో ప్రతీ వాక్యం కనిపింపచేసే దృశ్యాన్ని మనోఫలకంలో వీక్షిస్తూ మరోసారి చదవండి ..

కేవలం తెలుగువాడికి మాత్రమే సొంతమైన అనుభూతులని ఉద్దీపిస్తూ ..అనుభవాల్ని ఆలాపిస్తూ
తెలుగుభాషలోని మాధుర్యాన్ని రంగరిస్తూ .. తెలుగుపడుచు పరికిణీలోని వయ్యారాన్ని వొలకబోస్తూ ..
తెలుగువాడి గుండెల్లో నాటుకుని .. మనసుల్లో పాతుకుని ..
కన్నులను మెరిపిస్తూ ..కంటతడి పెట్టిస్తూ ..
గొండెలోతుల్లోంచి, గొంతుపొరల్లోంచి ..
భావభరితంగా.. రాగయుక్తంగా ..

హాయ్ రే హాయ్ జాంపండురోయ్ హాయ్ రే హాయ్ జాంపండురోయ్

కళ్ళ ముందు కదులుతొంది రొయ్ ముద్దుగా

ఏం రూపు రా ఏం రంగు రా ఏం రూపు రా ఏం రంగు రా

సొంత మైతె అంత కన్న నా అయ్య బాబోయ్

హాయ్ రే హాయ్ జాంపండురోయ్ హాయ్ రే హాయ్ జాంపండురోయ్

చూడ గానె నోరూరెరో తీయ్యగా

ఏం రూపు రా ఏం రంగు రా ఏం రూపు రా ఏం రంగు రా

సొంత మైతె అంత కన్న నా అయ్య బాబోయ్

అందమైన కొన సీమ కొబ్బరాకు లా

తెల్లవారి వెలుగు లోన తులసి మొక్క లా

పెరటిలోన పెంచుకున్న ముద్దబంతి లా

పెరుగులోన నంజుకున్న ఆవకాయ లా

బుట్ట బొమ్మ లా పాల పిట్ట లా గట్టు దాటు గోదారి లా

యెయ్యెయ్యె ........................

హొయ్ తేనె చుక్క లా వాన చినుకులా మామ్మ గారి ముక్కు పుడక లా వుంది పిల్ల

పాత తెలుగు సినీమాలో సావిత్రి లా

ఆలయాన వెలుగుతున్న చిన్ని దివ్వె లా

తామరాకు వొంటి పైన నీటి బొట్టు లా

వాకిలంత నిండి వున్న రంగు ముగ్గులా

చేప పిల్ల లా చందమామ లా ముద్దు ముద్దు మల్లె మొగ్గ లా

యెయ్యెయ్యె ........................
హొయ్ చెరుకు పంట లా భోగి మంట లా

పసుపు రంగు ఇంటి గడపలా వుంది పిల్ల.

కొబ్బరాకు అందం కోనసీమలోనే చూడాలని..తెలతెలవారుతున్న తేల్లటి వెలుగులో పచ్చని తులసిరేకుల అందాన్ని కళ్ళారా ఆస్వాదించాలని..ఎర్రటి ఆవకాయని కమ్మటి గడ్డపెరుగులో నంజుకుని జుర్రుకుని తినాలని.. జిలు జిల్లని పడుతున్న వానచినుకులతో గోదావరి ఒడ్డుమీద నిలబడి ఆడాలని , బోసినవ్వులబామ్మ ముక్కుపుడకలోని సాంప్రదాయాన్ని చూసి ముచ్చటపడాలని..

మహానటి సావిత్రి అందం, కొండెక్కీఎక్కకుండా రెపరెపలాడే ఆలయంలో దీపం.. గిరుగిర్రునతిరిగే తామరాకు మీద నీటిబొట్టు, అమ్మ ఇష్టపడి అలికిన గడప గుమ్మం, కష్టపడి వేసిన రంగుముగ్గు, పచ్చని చెరుకుపంట, వెచ్చని భోగిమంట ..

ఈ అనుభవాల నడుమ .. ఆలోచనల కడన ..

ప్రతీ తెలుగు వాడి మనసులోనూ, ఒక గర్వం.. అడగకుండానే ఇవన్నీ ఇచ్చిన తెలుగు తల్లిపై ఒక గౌరవం

కట్ కట్ కట్ కట్ కట్ కట్ కట్ కట్ .... ఇది .. మార్చ్ 2010 అండీ బాబూ ………

మా భాషని కించపరుస్తున్నరు, మా సంస్కృతిని గేలిచేస్తున్నరు, మా నీటిని కాజేస్తున్నరు, మా ఉద్యోగాలు కొల్లగొడుతున్నరు, ..

మా భాష మాగ్గొప్ప, మా సంస్కృతి మాగ్గొప్ప కాదంటే బ్రతకనివ్వం ..
మీరంతా కుక్కలు, కలుగులో దూరిన ఎలుకలు, మోసగాళ్ళు, భాగో..
మా సంకల్ప సాధనకోసం తలలు నఱుక్కుంటాం .. ఆత్మబలిదానానికి సిద్ధం
మా ప్రయత్నానికడ్డొస్తే తరిమి తరిమి కొడతాం, దున్నపోతులతో తొక్కిస్తాం, అడ్డంగా నరుకుతాం

ఈవూరు మాది కాదంటే నాలుకలు తెగ్గోస్తాం, మానవబాంబుల్లా మారతాం ..

మిత్రమా .. ఏమిటిది? ఎందుకిది?

మనది ఒకే భాష రా? ఒకే సంస్కృతి రా?

మహానటి సావిత్రి సాక్షిగా, కమ్మటి ఆవకాయ సాక్షిగా, రెపరెపలాడే చిరుదివ్వె సాక్షిగా, గలగలపారే గోదారి సాక్షిగా..చల్లనిచూపుల తెలుగు తల్లి సాక్షిగా..మనమంతా ఒక్కటే రా ..

కాదు కాదు .. గోదావరి మాది .. గోదావరి నీళ్ళు మావి,

ఇడ్లి సాంబార్ గో బాక్, ఆవకాయ గొ బాక్,

సావిత్రి వద్దురా..కత్రినా కైఫ్ ముద్దురా,

తెలుగు తల్లా? ఎవని తల్లి? ఎవనికి తల్లి?

Hmmmmmmmmmmmm ..

అర్ధ శతాబ్దపు అజ్ఞానాన్నే స్వతంత్రమందామా.. స్వర్ణోత్సవాలు చేద్దామా…

ఆత్మవినాశపు అరాచకాన్నే స్వరాజ్యమందామా… దానికి సలాము చేద్దామా…

నిజాన్ని నడివీధిలో నగ్నంగా నిలబెట్టే సిరివెన్నెల కలమా .. .. సా..వి.. ర..హే ..

::::::::::::::::::::::::::::::::::::::::::::: శ్రీకృష్ణ చింతలపాటి

I am tempted to post it here having seen quite a few comments around this :)

ఎప్పుడొ చిన్నప్పుడు చదివిన ఒక గేయమాలిక గుర్తొస్తోంది. ఎవరు రాసారో సరిగా గుర్తులేదు. (శంకరంబాడి సుందరాచార్యులు గారనుకుంటా, మాతెలుగుతల్లికీ మల్లెపూదండలో ..తప్పయితే క్షమించండి) సి నా రే గారి రచించిన మాతెలుగుతల్లికీ మల్లెపూదండ లోనిదైన

మహాభారతంపుట్టింది రాణ్మహేంద్రవరంలో!

భాగవతం పుట్టింది ఏకశిలానగరంలో!

ఈ రెంటిలోన ఏదికాదన్నా .. ఇన్నాళ్ళ సంస్కృతి నిండుసున్న ..

అలాగే ఆవకాయనీ మహానటిసావిత్రి నీ కాదని ఇన్నాళ్ళ ప్రాభవాన్ని భ్రష్టు పట్టిద్దామా? తెలుగుతల్లి చరిత్రపై మాయని మచ్చవేద్దామా?