Sroksrae Post

ដួង ម៉ានិច ស្លៀកសម្លៀកបំពាក់ប្រពៃណីស្អាត យ៉ាងនេះសោះ

2018-05-20T16:31:00.003+07:00

(ភ្នំពេញ)៖ កំពូលតារាសម្ដែង ដួង ម៉ានិច ដែលមានសមត្ថភាព អាចសម្ដែង បានគ្រប់ទម្រង់ មិនថា ស្លូត កាច ឬក៏បែប ស៊ិចស៊ីទេ គឺបានគ្រប់យ៉ាង។ យ៉ាងណាមិញ ចំពោះការងារសិល្បៈសម្ដែងរបស់នាង ក៏មានសន្ទុះយ៉ាងខ្លាំង មិនថាការថតរឿង ឬការសម្ដែងផ្សេងៗ នោះទេ សុទ្ធតែមានការគាំទ្រ ពីទស្សនិកជន។

បើនិយាយដល់ការស្លៀកពាក់ របស់តារាស្រីរូបនេះវិញ ប្រិយមិត្តប្រហែលជា គិតថានាង ប្រាកដជាស្លៀកពាក់ស៊ិចស៊ី ទៀតហើយ។ តែលើកនេះ នាងបានបង្ហោះ នូវរូបភាពជាច្រើន នៅលើគណនីហ្វេសប៊ុកផ្លូវការរបស់នាង បែបប្រពៃណី មើលទៅពិតជា ស្អាត សមជានារីខ្មែរ មែនទែន ។

ជាពិសេស មានអ្នកគាំទ្រយ៉ាងច្រើន បានសរសើរ ពីសម្រស់របស់នាង នៅពេលស្លៀកឈុតសម្លៀកបំពាក់ ប្រពៃណីខ្មែរ យ៉ាងដូច្នេះ៕

កុំឲ្យចាំយូរតោះទៅមើលការស្លៀកពាក់របស់នាង ទាំងអស់គ្នា៖

ដួង ម៉ានិច

សុខ ស្រីនាង ធ្លាប់តែផាត់មុខបែបសុភាពដល់តុបតែងបែបកាចរឹតតែស្អាតប្លែកភ្នែក

2017-10-01T07:06:00.001+07:00

អ្នកនាង សុខ ស្រីនាង ជាតារាស្រីដែលទើបតែចូលផលិតកម្មហង្សមាស ដែលទទួលបានប្រជាប្រិយភាពយ៉ាងខ្លាំងនិង ចេញបទថ្មីជាច្រើនបទ។ ប្រិយមិត្តក៏បានជ្រាបរួចមកហើយថាតារាចម្រៀងអ្នកនាង សុខ ស្រីនាង ដែលតែងតែបកស្រាយបទចម្រៀងបែបមនោសញ្ចេតនា និងការតុបតែងខ្លួនបែបសុភាពៗ តែកាលពីម្សិលមិញអ្នកនាង បានបង្ហោះរូបមួយសន្លឹក ដែលបានផ្លាស់ប្ដូរការតុបតែងខ្លួនបែបកាចវិញម្ដង តាមរយៈរូបនេះក៏ទទួលបានការសរសើរពីទស្សនិកជនជាច្រើនផងដែរ៕ តោះទៅមើលរូបទាំងអស់គ្នា៖

ប្រភព khmernotes.com

អីយ៉ាស់! ក្នុងវគ្គ live show កវីតូច ពេជ្រ ថៃ ច្រៀងបទ “ជិះសុីក្លូ” មធ្យមងំលេងកាយវិការពេញឆាក (មានវីដេអូ)

2017-10-01T07:01:00.001+07:00

កម្មវិធីប្រឡងចម្រៀងលំដាប់ថ្នាក់ពិភពលោក THE VOICE KIDS CAMBODIA រដូវកាលទី 1 វគ្គ LIVE SHOW សប្ដាហ៍ទី 2 កូនក្រុមលោក ព្រាប សុវត្ថិ កុមារា ពេជ្រ ថៃ បានបកស្រាយបទ “ជិះសុីក្លូ” ធ្វើឲ្យអ្នកទស្សនា និងគ្រូបង្វឹកកោតសរសើរខ្លាំងចំពោះកាយវិការដ៍ក្រម៉េចក្រមើុម ទោះបីជាមានកំហុសលើទឹកដមសម្លេងក៏ ពេជ្រ ថៃ នៅតែធ្វើបានយ៉ាងល្អ នៅលើឆាក។ តោះមកមើលវីដេអូនៅខាងក្រោម៖

ប្រភព khmernotes.com

អ្នកគាំទ្រសឹងតែមិនជឿ ពេលបានឃើញមុខ ពេជ្រ សោភា ពេលអត់ផាត់មុខ

2017-09-30T21:17:00.000+07:00

ភ្នំពេញ៖ កំពូលតារាចម្រៀងល្បីដែលមានប្រជាបិ្រយភាពខ្លាំង អ្នកនាងពេជ្រ សោភា ដែលលេចមុខមាត់នៅក្នុងវិស័យសិល្បៈ អស់ពេលជាយូរណាស់មកហើយ ថែមទាំងទទួលបានការគាំទ្រ ពីសំណាក់អ្នកគាំទ្រកាន់តែខ្លាំងឡើង។

យ៉ាងណាមិញ បើងាកមកមើល សម្រស់តារារូបនេះ ពីមួយថ្ងៃទៅមួយថ្ងៃ កាន់តែស្រស់ស្អាតជាងមុនទៅទៀត រីឯស្ទីលតែងខ្លួនវិញ តែងតែផ្លាស់ប្តូរទៅតាមសម័យ ប្លែកៗមែនទែន ទោះបីជាអ្នកនាង មានអាយុកាន់តែច្រើនយ៉ាងណាក្តី។

ជាក់ស្តែងនៅក្នុងបណ្តាញអ៊ីនស្តាក្រាម របស់អ្នកនាងពេជ្រ សោភាផ្ទាល់បានបញ្ចេញរូបភាពមួយសន្លឹក ធ្វើឲ្យអ្នកគាំទ្រ លាន់មាត់គ្រប់គ្នា ក្រោយពីបាន ឃើញសម្រស់ពេលដែលតារារូបនេះ មិនបានផាត់មុខ។

ក្រោយពីអ្នកគាំទ្របានឃើញសម្រស់ពិតរបស់អ្នកនាង បាននាំគ្នាសរសើរគ្រប់គ្នាថា សម្រស់អ្នកនាងនៅតែស្រស់ស្អាត ទោះបីជាមិនបានផាត់មុខ លាបម្សៅថែមក្រែមក៏ដោយ៕

សូមទស្សនាមុខមាត់អ្នកនាងពេជ្រ សោភាពេលមិនបានផាត់មុខខាងក្រោមនេះទាំងអស់គ្នា៖

រូបភាពអ្នកនាងពេជ្រ សោភាពេលមិនបានផាត់មុខ

រូបភាពអ្នកនាងពេជ្រ សោភាពេលផាត់មុខ

ប្រភព Khmerload.com

បែកធ្លាយ ៣ជំនាន់នៃគ្រួសារ ព្រាប សុវត្ថិសុទ្ធតែជា...

2017-09-30T20:47:00.000+07:00

ភ្នំពេញ៖ កំពូលតារាចម្រៀង ព្រាប សុវត្ថិ និងកូនប្រុសច្បង សុវត្ថិ មុន្នីវណ្ណ បានធ្វើឲ្យមហាជនចាប់អារម្មណ៍ខ្លាំងឡើងពីមួយថ្ងៃទៅមួយថ្ងៃ ព្រោះតែសមត្ថភាពច្រៀង អមនឹងរូបសម្រស់ស្រស់សង្ហា ធ្វើឲ្យទីផ្សារសិល្បៈឳពុកកូននេះ មានហាងឆេងទ្វេដង។

ប្រិយមិត្តអ្នកគាំទ្រ ប្រហែលជាបានជ្រាបច្បាស់ហើយថា ក្រៅពីការងារសិល្បៈលោក ព្រាប សុវត្ថិ និងកូនប្រុស ក៏មានតួនាទីជាមន្ត្រីទាហាន ដែលបម្រើការក្នុងរាជការផងដែរ។

ប៉ុន្តែអ្នកប្រហែលជា ភ្ញាក់ផ្អើលមិនខានបន្ទាប់ពីដឹងថា នៅក្នុងគ្រួសារលោក មិនមែន មានតែឳពុកកូនទាំងពីរនាក់នេះទេ សូម្បីតែម្ដាយបង្កើតរបស់លោក ព្រាប សុវត្ថិ ក៏ជា ទាហានស្រីមួយរូបទៀតផង នេះបើតាមរូបភាពបង្ហោះឡើង។

សរុបមក ៣ជំនាន់នៃគ្រូសារកំពូលតារាចម្រៀងប្រចាំប្រទេសរូបនេះ សុទ្ធតែជាទាហាន នេះពិតជារឿងដែលគួរឲ្យសរសើរមែន ពីព្រោះកម្រមានគ្រួសារអ្នកសិល្បៈណា ដែលមានឈាមជ័រជាអ្នកស្នេហាជាតិ ដល់ទៅ៣ជំនាន់បែបនេះណាស់៕

កូនប្រុសច្បងលោក ព្រាប សុវត្ថិ សុវត្ថិ មុន្នីវណ្ណ និងលោកយាយ

លោក ព្រាប សុវត្ថិ និងកូនប្រុសច្បង

លោក ព្រាប សុវត្ថិ និងគ្រួសារ

ប្រភព Khmerload.com

កុសុម៉ា រាំបទនេះជាមួយ នីកូ អ្នកគាំទ្រហ៊ោពេញឆាកតែម្ដង!(មានវីដេអូ)

2017-09-30T16:52:00.001+07:00

ភ្នំពេញ៖ តារាស្រីល្បីមានវោហាមិនចេះរីងស្ងួត កញ្ញា សុភ័ក្រ កុសុម៉ា បានចាប់ដៃគូរាំជាមួយលោក នីកូ នៅក្នុងកម្មវិធីសប្បុរសមួយ ដែលធ្វើឲ្យអ្នកគាំទ្រស្រែកហ៊ោពេញ ឆាកតែម្ដង ។

ក្នុងវីដេអូខ្លីដែលហ្វេនរបស់ពួកគេ បានបង្ហោះ បានបង្ហាញពីសកម្មភាពតារាស្រីប្រុសមួយគូនេះ កំពុងរាំលេងយ៉ាងសប្បាយ ជាមួយស្ទីលរាំប្លែកក្នុងបទ«មុនរាំលើក ខោឲ្យកប់» របស់តារាចម្រៀង នីកូ ដែលជាបទកំពុងពេញនិយមកសម្រាប់មិត្តៗយុវវ័យ នាពេលបច្ចុប្បន្ន ។

គ្រាន់តែ កុសុម៉ា និងនីកូ រាំបទនេះ ភ្លាម អ្នកដែលបានទស្សនា ក៏នាំគ្នាលាន់មាត់សរសើរ ពីក្បាច់រំាមួយនេះភ្លែត ព្រោះតែពួកគេពិតជាពូកែរាំខ្លាំងណាស់ ហើយមើលទៅហាក់ស៊ីសង្វាក់គ្នាបានយ៉ាងល្អទៀតផង ។

គួបញ្ជាក់ដែរថា កុសុម៉ា និងនីកូ ជាតារាដែលកំពុងមានប្រជាប្រិយភាពខ្លាំងក្នុងវិស័យសិល្បៈ ប៉ុន្តែគេកម្រឃើញ អ្នកទាំងពីរមានការសម្ដែងរួមគ្នាបែបនេះណាស់៕

ចង់ដឹង តារាស្រីប្រុស មួយគូនេះរាំកូយ៉ាងណា? ទស្សនាវីដេអូខាងក្រោម៖

សុភ័ក្រ កុសុម៉ា រាំជាមួយ លោក នីកូ

ប្រភព Khmerload.com

រឿងនៅមិនទាន់ស្ងប់សោះ ខណៈដែលអតីតមិត្តប្រុស វ៉ាន៉ នីឡា នៅតែ...

2017-09-30T14:19:00.001+07:00

ភ្នំពេញ៖ បន្ទាប់ពី ជម្លោះរវាងអតីតមិត្តប្រុស វ៉ាន់ នីឡា និងនាង ត្រូវបានដោះស្រាយ ក្នុងប្រព័ន្ធច្បាប់ គ្រប់ភាគីពាក់ព័ន្ធសង្ឃឹមថា អ្វីៗនឹងប្រសើរឡើងជាក់ជាមិនខាន។

ប៉ុន្តែមនុស្សគិតមិនដូចទេវតាគិតឡើយ បើទោះជាប្អូនស្រីអ្នកនិពន្ធល្បីលោក សុខ ជំនោ រូបនេះបានទទួលយុត្តិធម៌ហើយក្ដីក៏ វ៉ាន់ នីឡា នៅតែជួបបញ្ហាជាមួយអតីតសង្សាខ្លួន រឿយៗ។

មកទល់ពេលនេះម្ចាស់បទ«ស្រលាញ់អ្នកមុនរៀបការអ្នកក្រោយ» កញ្ញា វ៉ាន់ នីឡា និងក្រុមគ្រួសារ ពិសេសបងប្រុសនាង នៅតែមានកង្វល់ជាខ្លាំង ខណៈដែលអតីតមិត្តប្រុសនាង រូបនេះនៅតែព្យាយាមបង្ហាញវត្តមាននៅក្រៅឃុំ លើសពីនេះរូបគេតែងតែទាក់ទងមកនាង តាមរយៈបណ្ដាញសង្គមទៀតផង។

ម្ដងជាពីរដងហើយដែលលោក សុខ ជំនោ តែងបង្ហោះរឿងរ៉ាវពាក់ព័ន្ធ និងប្អូនស្រីនៅលើហ្វេសប៊ុករបស់ខ្លួន ដើម្បីឲ្យមហាជនជួយរកយុត្តិធម៌ ព្រោះលោកពិតជាបារម្ភពីសុវត្ថិភាព នីឡា ជាខ្លាំង៕

ចុះប្រិយមិត្តអ្នកអាន យល់យ៉ាងណា?ចំពោះរឿងរ៉ាងមួយនេះ!

លោក សុខ ជុំនោ បង្ហាញអារម្មណ៍លក្រោយ ដឹងថាអតីតមិត្តប្រុសប្អូនស្រីខ្លួន នៅតែរំខាន នាង

វ៉ាន់ នីឡា និងអតីតមិត្តប្រុស ពេលជាសង្សារនិងគ្នា

តារាចម្រៀង វ៉ាន់ នីឡា

តារាចម្រៀង វ៉ាន់ នីឡាឮ

ប្រភព Khmerload.com

សាហាវបាត់! ឡើងស៊ិចស៊ីមួយទំហឹង! ភិន សុដា លីស លេងតែងខ្លួន ចូលរួមកម្មវិធីមួយនេះ

2017-09-30T12:07:00.001+07:00

ភ្នំពេញ៖ បច្ចុប្បន្នប្រជាប្រិយភាព និងការងារនៅក្នុងសង្គមសិល្បៈរបស់តារាសម្តែងអ្នកនាង ភិន សុដាលីស កំពុងមានការកើនឡើងជាលំដាប់ពីមួយថ្ងៃទៅមួយថ្ងៃ។

ជាពិសេសនោះគឺមានភាពមមាញឹកនៅក្នុងការថតខ្សែភាពយន្តភាគ ឱ្យតាមបណ្តាស្ថានីយទូរទស្សន៍ល្បីៗនៅក្នុងស្រុកជាច្រើនទៀតផងដែរ។

ហើយបើងាកទៅមើលពីសម្រស់របស់តារាសម្តែងស្រីវ័យក្មេងរូបនេះវិញ ក៏មានការប្រែប្រួលយ៉ាងខ្លាំងក្នុងមួយរយៈពេលខ្លីចុងក្រោយនេះ ពិសេសការតុបតែងខ្លួនបានផ្លាស់ប្តូរយ៉ាងច្រើន។

ស្ទាយតុបតែងខ្លួនរបស់តារាសម្តែង ភិន សុដាលីស

ជាក់ស្តែងកាលពីយប់មិញអ្នកនាង ភិន សុដាលីស បានចូលរួមនៅក្នុងកម្មវិធីសម្ពោធទូរទស្សន៍ប៉ុស្តិ៍ Nice TV ដែលទើបតែធ្វើការបង្កើតឡើងថ្មី និងសម្ពោធជាផ្លូវការផងដែរ។

ព្រមជាមួយនឹងការចូលរួមនៅក្នុងកម្មវិធីនេះជាមួយតារាផ្សេងៗទៀតជាច្រើន គេឃើញអ្នកនាង ភិន សុដាលីស បានតុបតែងខ្លួនយ៉ាងប្លែកជាមួយនឹងការផាត់មុខ ព្រមទាំងស្លៀកឈុតសម្លៀកបំពាក់ពណ៌ស ដែលមានភាពស៊ិចស៊ី និងបញ្ចេញដើមទ្រូងរបស់ខ្លួនយ៉ាងខ្លាំង។

មិនធម្មតាឯណាអ្នកនាង ភិន សុដាលីស លេងស្ទីលតុបតែងខ្លួនមួយឈុតនេះស៊ិចស៊ីសាហាវមិនចាញ់តារាបរទេសប៉ុន្មាននោះទេ។

ទស្សនារូបភាពខាងក្រោម៖

ស្ទាយតុបតែងខ្លួនរបស់តារាសម្តែង ភិន សុដាលីស ក្នុងកម្មវិធីយប់មិញ

តារាសម្តែង ភិន សុដាលីស ក្នុងកម្មវិធីសម្ពោធទូរទស្សន៍ Nice TV

តារាសម្តែងអ្នកនាង ភិន សុដាលីស

ប្រភព khmerload

ប៉ែន ចំរ៉ុង ត្រូវមហាជនជេរប្រទិចស្ទើរងើបមុខមិនរួច ដោយសារសុំក្មួយស្រី ដេននី ក្វាន់ ធ្វើជាកូនធម៌ ខណៈកូនបង្កើតខ្លួនឯងមានអាយុ ១ឆ្នាំ

2017-09-29T21:04:00.002+07:00

(ភ្នំពេញ)៖ កាលពីពេលថ្មីៗនេះ ក្នុងកម្មវិធី «ស៊ីអារម្មណ៍» របស់ស្ថានីយទូរទស្សទ៍ PNN ដែលមានលោក ប៉ែន ចំរ៉ុង ធ្វើជាពិធីករ និងមានក្មួយស្រីតារាសិចស៊ី ដេននី ក្វាន់ ឈ្មោះថា នាង ល្អហួយ ឫគេតែងតែហៅក្រៅថា យ៉ាយ៉ា ទី២ ជាភ្ញៀវកិត្តយស ខណៈថតចប់កម្មវិធី លោក ប៉ែន ចំរ៉ុង បានថតរូបជាច្រើនសន្លឹកជាមួយនឹង នាង ល្អហួស។ អ្វីដែលសំខាន់នោះ គឺលោកបានយករូបទាំងនោះទៅបង្ហោះក្នុង Instagram របស់ខ្លួន ដោយបានសរសេរជាមួយនឹងពាក្យពេចន៍មួយចំនួន បានធ្វើឲ្យទស្សនិកជននាំគ្នាជេរប្រទិចលោកគ្រប់ៗគ្នា។

ក្នុងនោះ លោក ប៉ែន ចំរ៉ុង បានសរសេរថា «ល្អហួស បានក្លាយជាកូនធម៌ខ្ញុំហើយ សប្បាយចិត្តណាស់ ដូចណាស់»។ គេបានសង្កេតឃើញថា ជាមួយនឹងការបង្ហោះសារខាងលើនេះ ពិធីករលោក ប៉ែន ចំរ៉ុង ដែលទស្សនិកជនដឹងថា ជាអតីតស្វាមីរបស់ អ្នកនាង ភិន សុដាលីស ត្រូវបានទស្សនិកជននាំគ្នាជេរប្រទិចយ៉ាងចាស់ដៃ ដោយសារពួកគេគិតថា កូនរបស់ខ្លួនមានហើយ នៅលោភលន់ចង់បានកូនគេមកធ្វើកូនធម៌ទៀត។

សូមបញ្ជាក់ថា កូនស្រីបង្កើតរបស់លោក ប៉ែន ចំរ៉ុង ជាមួយនឹងអ្នកនាង ភិន សុដាលីស មានឈ្មោះថា ភិន សុខេតធើរីណា មានអាយុ ជិត ១ឆ្នាំ និងជាចៅបង្តើតរបស់លោក អ៊ិន សុភិន ដែលជាចាងហ្វាងផលិតកម្មមហាហង្ស៕

បន្ទាប់ពីការរិះគន់ពេញទំហឹង តារាស៊ិចស៊ីរូបនេះបកស្រាយថា នាងស្លៀកច្រឡំបញ្ច្រាស់មុខ-ក្រោយ

2017-09-29T19:50:00.001+07:00

តារាស្រីស៊ិចស៊ីដ៏ល្បីឈ្មោះម្នាក់របស់ថៃ គឺកញ្ញា Cherry Samkhok បានចេញមុខបកស្រាយចំពោះពាក្យរិះគន់របស់ទស្សនិកជនទាក់ទងនឹងឈុតសម្លៀកបំពាក់ ដែលនាងបានស្លៀកចូលរួមក្នុងកម្មវិធីមួយ កាលពីថ្ងៃអាទិត្យកន្លងទៅនេះ។ នាងបានអះអាងថា ឈុតនោះមើលទៅស៊ិចស៊ីខ្លាំង ដោយសារនាងបានពាក់វាបញ្ច្រាស់មុខ-ក្រោយដោយអចេតនា។

តារាស៊ិចស៊ីរូបនេះបានបង្ហោះពាក្យពេចន៍មួយចំនួនចូលទៅក្នុងគណនីបណ្តាញសង្គមរបស់នាង បន្ទាប់ពីមានសារព័ត៌មានក្នុងស្រុកមួយចំនួន បានចុះផ្សាយអំពីការស្លៀកពាក់ដែលស៊ិចស៊ីខ្លាំងហួសពីការគិតនេះ។

កញ្ញា Cherry Samkhok បានចេញមុខបកស្រាយ ទៅលើពាក្យរិះគន់របស់ទស្សនិក ទាក់ទងនឹងឈុតសម្លៀកបំពាក់របស់នាង

កញ្ញាបានសរសេរថា៖

“ខ្ញុំពិតជាល្ងង់ខ្លាំងណាស់។ តាមពិតឈុតដែលខ្ញុំស្លៀកកាលពីយប់មិញនោះ គឺបញ្ច្រាស់មុខ-ក្រោយ។ ខ្ញុំទើបតែដឹងខ្លួន នៅពេលដែលខ្ញុំបានអានការបញ្ចេញមតិរបស់អ្នកគាំទ្រនៅក្នុងបណ្តាញសង្គម អំពីការស្លៀកពាក់ និងការសម្តែងរបស់ខ្ញុំ។”

ការសម្តែងដ៏ស៊ិចស៊ីនេះត្រូវបានធ្វើឡើងនៅទីតាំង Capsule Pub ភាគខាងត្បូងខេត្ត Yala ប្រទេសថៃ ហើយពេលនោះ កញ្ញា Cherry ច្រៀងបាន២-៣ បទដែរ។

កញ្ញាបានបន្ថែមថា កញ្ញាដាក់សញ្ញាបញ្ជាក់យ៉ាងច្បាស់ថា វីដេអូទាំងនោះ មិនអនុញ្ញាតឲ្យក្មេងមិនគ្រប់អាយុទស្សនាទេ។

“ការសម្តែងនោះ ត្រូវបានធ្វើឡើងនៅក្នុងក្លឹបរាត្រី ហើយខ្ញុំសុទ្ធតែដាក់ថា ២០+ (២០ឆ្នាំឡើងទើបអាចទស្សនាបាន) រាល់វីដេអូដែលខ្ញុំបានបង្ហោះ។ ក្មេងៗមិនគួរយកគម្រូតាមខ្ញុំនោះទេ។ ការសម្តែងស៊ិចស៊ី តម្រូវឲ្យមានការស្លៀកពាក់ស៊ិចស៊ីដែរ។ ខ្ញុំគ្រាន់តែសម្តែងប៉ុណ្ណោះ ខ្ញុំមិនមែនទៅលក់ស្អីផ្សេងឯណា។”

ចង់ដឹងថាការស្លៀកពាក់របស់តារាថៃកញ្ញា Cherry Samkhok ពិតជាស៊ិចស៊ីដល់ថ្នាក់ណា សូមទស្សនារូបភាពខាងក្រោម៖

ឈុតដ៏ស៊ិចស៊ីរបស់ កញ្ញា Cherry Samkhok ដែលទទួលរងការរិះគន់ខ្លាំង

តាមពិតឈុតដ៏ស៊ិចស៊ីនោះ ត្រូវស្លៀកបែបនេះ ទើបត្រឹមត្រូវ

ម៉ារី លេងមួយឈុតនេះ អ្នកគាំទ្រ ប្រហោងពោះជំនួស!

2017-09-29T19:47:00.002+07:00

ភ្នំពេញ៖ តារាសម្តែងស្រី កញ្ញា ម៉ារី ដែលភាគច្រើនគេស្គាល់តាមរយៈ ការសម្តែងវីដេអូបទចម្រៀង និងឈុតកំប្លែងខ្លីៗ ត្រូវបានប្រិយមិត្តចាត់ទុកថា នាងក៏ជាតារាសម្តែងស្រីម្នាក់ ដែលមានរូបរាងស្រស់ស្អាត និងចូលចិត្តលេងខ្លួនបែបស៊ិចស៊ី បញ្ចេញសាច់មិនធម្មតាផងដែរ។

ជាក់ស្តែង គឺដូចម៉ូតរ៉ូបដែល កញ្ញា ម៉ារី បានស្លៀកកាលពីថ្មីៗនេះដូច្នោះដែរ ដោយនាងបានស្លៀកនូវរ៉ូបពណ៌ទឹកមាសយ៉ាងស៊ិចស៊ី ដោយផ្នែកខាងលើ បញ្ចេញសាច់ទ្រូងយ៉ាងសខ្ចី រីឯផ្នែកខាងក្រោមវិញឆែកវែង បញ្ចេញជើងយ៉ាងវែងតែម្តង។

តែក្នុងនោះ ក៏មានអ្នកគាំទ្រ មានការប្រហោងពោះ និងព្រួយបារម្ភផងដែរ ព្រោះមើលទៅ រ៉ូបរបស់នាង លក្ខណៈរលុង ត្រង់ផ្នែកដើមទ្រូង។ ប៉ុន្តែទោះបីជាយ៉ាងណា ក៏មានអ្នកផ្សេង បានសរសើរនាងដែរថា ពិតជាស្រស់ស្អាត និងសាកសមជាមួយនឹងរ៉ូបមួយឈុតនេះមែនទែន៕

ចុះប្រិយមិត្តវិញយល់យ៉ាងណាដែរ?

រ៉ូបរបស់ម៉ារី

តារាសម្តែងស្រី ម៉ារី

Sroksrae Post

ដួង ម៉ានិច ស្លៀកសម្លៀកបំពាក់ប្រពៃណីស្អាត យ៉ាងនេះសោះ

សុខ ស្រីនាង ធ្លាប់តែផាត់មុខបែបសុភាពដល់តុបតែងបែបកាចរឹតតែស្អាតប្លែកភ្នែក

អីយ៉ាស់! ក្នុងវគ្គ live show កវីតូច ពេជ្រ ថៃ ច្រៀងបទ “ជិះសុីក្លូ” មធ្យមងំលេងកាយវិការពេញឆាក (មានវីដេអូ)

អ្នកគាំទ្រសឹងតែមិនជឿ ពេលបានឃើញមុខ ពេជ្រ សោភា ពេលអត់ផាត់មុខ

បែកធ្លាយ ៣ជំនាន់នៃគ្រួសារ ព្រាប សុវត្ថិសុទ្ធតែជា...

កុសុម៉ា រាំបទនេះជាមួយ នីកូ អ្នកគាំទ្រហ៊ោពេញឆាកតែម្ដង!(មានវីដេអូ)

រឿងនៅមិនទាន់ស្ងប់សោះ ខណៈដែលអតីតមិត្តប្រុស វ៉ាន៉ នីឡា នៅតែ...

សាហាវបាត់! ឡើងស៊ិចស៊ីមួយទំហឹង! ភិន សុដា លីស លេងតែងខ្លួន ចូលរួមកម្មវិធីមួយនេះ

បន្ទាប់ពីការរិះគន់ពេញទំហឹង តារាស៊ិចស៊ីរូបនេះបកស្រាយថា នាងស្លៀកច្រឡំបញ្ច្រាស់មុខ-ក្រោយ

ម៉ារី លេងមួយឈុតនេះ អ្នកគាំទ្រ ប្រហោងពោះជំនួស!​

ម៉ារី លេងមួយឈុតនេះ អ្នកគាំទ្រ ប្រហោងពោះជំនួស!