TalkOut in Tamil

ஒரு நீண்ட ஓய்வை நோக்கி

2009-10-26T05:30:00.004+05:30

மிக நீண்ட நாட்களாக எனது பதிவுப்பக்கம் வருவதந்கான சந்தர்பம் கிடைக்கவில்லை. கடந்த பலநாட்களாக 15 மணித்தியாலங்களாக மாறிவிட்ட வேலை முறையும் 4 மணித்தியால நித்திரையும் முழுமையாக எந்த பதிவுகளையும் எழுதிமுடிக்க ஏதுவாக இல்லை. இன்று கூட அதிகாலை 5 மணிக்கு வேலை முடித்து, மீண்டும் காலை அலுவலகம் செல்லவேண்டும் என்பதால் இடையில் நித்திரையின்றி இருக்கு இந்த நேரத்திலேயே இந்த பதிவையும் எழுத முடிகிறது.

இவ்வாறான சூழ்நிலை இன்னும் 3-4 மாதங்களுக்கு நீடிக்கும் நிலை இருப்பதால் எனது பதிவுகளில் புதிதாக எதையும் எழுதும் வாய்ப்புக்கள் இல்லை. ஏற்கனவே எழுத ஆரம்பித்து இன்னமும் Draftல் உள்ள இஸ்தான்புல் மற்றும் மலேசிய பயண கட்டுரைகளை மட்டும் அவ்வப்போது எழுதினால் வெளியிடலாம்.

மீண்டும் சந்திக்கலாம்...

அழகு - காதல் - கடவுள் - பணம்

2009-09-16T23:55:00.003+05:30

நான் பதிவு எழுதுவதே அபூர்வம், தொடர்பதிவு எழுதியதே இல்லை. இது தான் நான் முதல் முறையாக வலைப்பதிவில் எழுதும் தொடர் பதிவு. ஆதலால் விதிமுறைகளும் தெரியாது, இந்த தொடர்பதிவின் வரலாறும் தெரியாது. ஏதோ கொடுக்கப்பட்ட தலைப்பை மட்டும் வைத்துக்கொண்டு இதை எழுதுகிறேன்.

அழைத்தவர்:

மயூரேசன் - நன்றி... :-)

அழைப்பது:

யார் ஏற்கனவே அழைக்கப்பட்டிருக்கிறார்கள், யார் அழைக்கப்படவில்லை போன்ற விபரங்கள் தெரியாததால் யாரையும் அழைக்கப்போவதில்லை. - தப்பிச்சிட்டாங்க... :-)

----------------------------------------

அழகு

அக அழகு, புற அழகு, பிற அழகு என்று பல அழகுகள் இருப்பதாக அறிஞர் பெருமக்கள் கூறுவர். ஆனாலும் எனக்கு அது பற்றி பெரிதாக ஒன்றும் தெரியாது. எனக்கு அழகு என்றவுடன் ஞாபகம் வருவது ஓவியங்கள் மற்றும் புகைப்படங்கள். பொதுவாக இயற்கையின் அழகு பிடிக்கும். இது பெண்களையும் சேர்த்து தான்... ;)

அழகியல் சிறப்புள்ள புகைப்படங்களை எடுக்கவேண்டும் என்பது நீண்டநாள் ஆசை, பயிற்சியும் முயற்சியும் இருந்தால் அதுவும் கைகூடலாம். (இதில் Nude photography (NOT erotic photography) போன்றவற்றிலும் ஆர்வம் உண்டு)

காதல்

காதலில் வெற்றியா தோல்வியா என்பதல்ல முக்கியம், காதலித்தவர்கள் வாழ்க்கையில் வெற்றி பெறுகிறார்களா என்பதே முக்கியம் என்பது என் கருத்து. காதலில் எனது அனுபவங்களை தொகுத்து கதை ஒன்று எழுதிக்கொண்டிருக்கிறேன்....(ஆனால் எப்போது எழுதி முடியும் என்பது தெரியாது :) )

கடவுள்

இல்லாத ஒன்றை இல்லை என்று சொல்வது, அந்த இல்லை என்றை கூற்றை தவறாக்கி இல்லை என்று சொல்லப்பட்டது இருக்கிறது என்பதாவ அமையும் என்பது "Nothing means Something" என்ற கூற்றுக்கு நான் கொடுக்கும் விளக்கம். ஆக நான் கடவுள் இல்லை என்று சொல்ல மாட்டேன். (இது ஒரு தெளிவான கூற்று, விளங்காதவர்கள் என்னிடம் தனிப்பட்ட முறையில் கேட்டால் விளக்க முடியும் ;) ).

பணம்

பணம் என்பது நாம் செலவு செய்யும் வரை பெறுமதியற்றது, ஆதலால் பணத்தை செலவு செய்வதே பிடிக்கும். ஆனாலும் குறுகியகாலத்துக்கு சேமித்து மொத்தமாக செலவளிப்பது எனது வழக்கம். செலவு செய்வதற்கு என்பதை தாண்டி பணத்தின் மீது ஆர்வமில்லை. (வேறு எதற்கு தான் என்ற கேள்விக்கு எனக்கு பதில் தெரியாது, எப்போதுமே செலவுசெய்யாமல் தொடர்ந்து சேமிக்கும் யாரிடமாவது கேட்கவும்...)

----------------------------------------

பானையில் அவ்வளவுதான்.... ஆகவே பதிவிலும் அவ்வளவே...

அன்புடன்,
நிமல் (எ) நிமலபிரகாசன்

Tags: அழகு, காதல், கடவுள், பணம், beauty, love, god, money

என் கதை: நான் காதலிக்காத கதை - 01

2009-08-30T16:30:00.015+05:30

'ஹலோ...'
'ஹலோ... யார் கதைக்கிறது...?'
'நீங்க யார் எண்டு முதல்ல சொல்லுங்க...'
'நீங்க பிரகாஷ் தானே...'
'ம்ம்... ஆனா நீங்க...?'
'உங்களுக்கு இண்டைக்கு birthdayயா...?'
'ஆ... அப்பிடியும் சொல்லலாம்... ஆனா நீங்க யாரெண்டு...'
'உண்மையா உங்களுக்கு இண்டைக்கு birthday தானே...?'
'உண்மை தான்...!!!'
'--------'
'ஹலோ...'
'--------'
'ஹலோ...'
'--------'

அவன் தன் பழைய டயறிக் குறிப்புக்களை புரட்டிப் பார்க்கிறான்.

1999: நான் ஒரு சாரணனாக இருந்திருக்கிறேன், பல கூட்டங்களுக்கும் சில சுற்றுலாக்களுக்கும் சென்றிருக்கிறேன். செப்டெம்பர் 25ம் திகதி என் செருப்பு அறுதிருக்கிறது. இவற்றை விட முக்கியமான குறிப்புக்கள் என்று எதுவும் தெரியவில்லை.

2000: மார்ச்: இன்று 10 மணிக்கு கணித வகுப்பு முடிந்து வந்தேன். 11 மணிக்கு யாரோ ஒரு பெண் தொலைபேசியில் அழைத்திருக்கிறாள், யாரென்பது தெரியவில்லை. இன்று எனது பிறந்தநாளா என கேட்டிருக்கிள். நானும் விளையாட்டாக 'ஒம்' என சொல்லியிருக்கிறேன். ஆனால் அது யாராக இருக்கும், எனது தொலைபேசி எண் எப்படி கிடைத்திருக்கும்?

இன்னொரு நாள்:

'ஹலோ...'
'ஹலோ... நான் ####'
'யார்... ####?'
'நான் உங்களோட maths class வாறனான்...'
'ம்ம்ம்....' (யாராயிருக்கும்...)
'நான் தான் உங்களுக்கு போன் பண்ணினனான்'
'சரி' (??)
'உங்களுக்கு என்னை தெரியுமா...?'
'இல்லை தெரியாது'
...
...
...
...
...
'என்ன...?' (??)
'எனக்கு உங்களை பிடிச்சிருக்கு..'
'ஓ...' (இது என்ன விளையாட்டு...)

(என் கதை: தொடரும்...)

Tags:

இலங்கை வலைப்பதிவர் சந்திப்பு – ஒரு பிந்திய பதிவு

2009-08-27T10:55:00.003+05:30

கந்தசாமி மாதிரி ஏதாவது படம் வந்தா தான் எல்லாரும் பதிவா போட்டு தாக்குவாங்கள் எண்டு பாத்தா, இந்த பதிவர் சந்திப்பு முடிஞ்சு நாலு நாளுக்குள்ள நாப்பது பதிவுக்கு மேல போட்டுட்டாங்கள். நான் சந்திப்புக்கு வர முன்னமே சொன்னனான் நான் பதிவெழுதுற பதிவரில்ல, பதிவு வச்சிருக்கிற பதிவர் எண்டு. இருந்தாலும் எல்லாரும் எழுதுறாங்கள் நாங்களும் எழுதாலாம் எண்டுதான் இந்த பதிவு...

நாம படிக்கேக்க லெக்சருக்கு அரை மணித்தியாலம் லேட், இப்ப வேலைக்கு ஒரு மணித்தியாலம் லேட். இந்த நிலமையில காலம 4 மணிக்கு படுத்தா எப்பிடி 9 மணி சந்திப்புக்கு வாறது. அதில காலம ஏழுமணிக்கு டயலொக்காரன் எழுப்பி bug ஒண்ட பிடிச்சிட்டன் fix பண்ணித்தா எண்டு அடம்பிடிச்சு அதை செய்து முடிக்கவே 9 மணி ஆகீட்டுது. எண்டாலும் நம்ம ஊர் கூட்டம் தானே எண்டு ஆறுதலா கமராவையும் மூட்டை கட்டிக்கொண்டு வெளிக்கிட்டு ஒரு ஒம்பதரை போல மண்டபத்துக்கு போனா அங்க எல்லாம் தொடங்கி நடந்து கொண்டிருக்கு. நானென்ன பங்சுவாலிட்டி பரமசிவமா, நமக்கு இதெல்லாம் சகஜம் தானே எண்டு உள்ளுக்க போய் படமெடுக்கிற் வேலைய தொடங்கினன்.

நானும் ஏதோ பதிவர் சந்திப்பெண்டா புல்லட் குடுக்கிறதா சொன்ன வடைய சாப்பிட்டு கலந்துகட்டி உரையாடி வாறதெண்டு பாத்தா, அறிவிப்பாளர் எல்லாம் வச்சு பொதுக்கூட்டம் மாதிரி நடந்து கொண்டிருந்திச்சு. நமக்கு அது முக்கியமில்லத விசயம் என்றதால நான் படமெடுக்கிற வேலைய மட்டும் செய்தனான். அங்க இருந்தாக்களுக்குள்ள எனக்கு தெரிஞ்சது ஒரு பத்து பதினஞ்சு பேர்தான், மற்றப்படி எல்லாமெ பது முகங்கள், பலதும் பது பெயர்கள். கௌபாய் மதுவும் ஊரோடி பகீயும் ஒரு லப்டோப்பை வச்சு சுத்தி சுத்தி படம் காட்டிக்கொண்டிருந்தாங்கள், அது சந்திப்ப உலகத்துக்கே நேரடியா காட்டவாம். நல்ல முயற்சி, என்ன கௌபாயின்ட மொபைல் பில் வந்தாப்பிறகு தான் அவரிண்ட நிலமை தெரியும்.

பிறகு திரட்டிகளை பற்றி மருதமூரான் என்ற பதிவர் கதச்சவர். அவரும் ஒரு திரட்டி வச்சிருக்கிறார், அதப்பற்றி கதைக்கப்போய் எல்லாரும் அந்தாள போட்டு வாங்கீட்டாங்கள். பதிவர் சேரன்கிரிஷ் தொழில்நுட்ப விசயங்கள கதைச்சார் பலருக்கும் அது உபயோகமா இருந்தது. நானும் ஒரு திரட்டி வச்சிரு(க்கிறன்)ந்தனான் எண்டு ஆருக்காவது சொல்லோணுமெண்டு நினச்சனான், ஏன் நமக்கு தேவையில்லாத கதை எண்டு விட்டுட்டன்.

பிறகு எப்படி டைப் அடிச்சு தமிழ் வந்தா நல்லம் எண்டு கதச்சவ. எனக்கு நல்ல தமிழ் வாறதே கஷ்டம், இதில அத டைப்பினா என்ன அடிச்சா என்ன. (நான் பாவிக்கிறது தமிழ் 99, பரிந்துரைக்கிறது தமிழ் 99, ஆனா நாம சொல்றத யார் கேக்கிறாங்கள்...).

புல்லட் ஏற்பாட்டில வடை, பற்றீஸ், கேக் எல்லாம் பால்குடி (எ) தனஞ்சி குடுத்தவர், ஆனாலும் கையில் கமரா இருந்ததால கிட்ட வந்தது கைக்கு வராமா போயிட்டுது. அதவிட குடிக்கிறதுக்கு குடுத்தது டீயா கோப்பியா எண்டு பலருக்கும் டவுட் இருந்தது. நாலு கப் குடிச்சு டெஸ்ட் பண்ணி பாத்தனான், கடைசி வரைக்கும் அதுமட்டும் பிடிபடேல்ல.

பிறகு வந்தியத்தேவன் எண்ட ஒரு மூத்தவர் (பதிவுலகில) நன்றியுரைய பின்னூட்டம் எண்ட பேரில சொன்னவர். அது முடிய கூட்டம் கலஞ்சது. பிறகு மிஞ்சின பட்டீஸ சாப்பிட்டுட்டு, ஊரோடி பகியோடையும் வேற சிலரோடையும் கதச்சிட்டு வெளிக்கிட்டு வீட்ட வரேக்க ஒரு மணி தாண்டீட்டுது. வந்து சேர திரும்ப டயலோக்காரன் இன்னொரு bug பிடிச்சிட்டன் எண்டு நிண்டான்... பேந்தென்ன வழமைதான்....

சில குறிப்புக்கள்:

இணையத்தில் நேரலை ஒளிபரப்பு நல்ல முயற்சி, இனிவரும் சந்தர்ப்பங்களில் இன்னமும் சிறப்பாக செய்யலாம்.
சந்திப்பு வழமையான மரபுசார் கூட்டங்கள் போல் நடத்தப்பட்டதாக எண்ணுகிறேன். இனிவரும் காலங்களில் சற்றே இலகுவான சூழலுடன் நடத்தப்படலாம்.
பதிவர்களுக்கிடையில் சந்திப்பில் அதிக ஊடாடல் நிகழ சந்தர்ப்பம் இருக்காததால் இது ஒரு பதிவர் சந்திப்பாகவன்றி கூட்டமாகவே இருந்தது.
கலந்துரையாடல் விவாதப்போருட்களில் செக்குமாடு மாதிரி அதிகம் சுற்றத்தேவையில்லை. தேடலுக்கான முதல்புள்ளியை கொடுப்பதாக இருப்பதே பொதுமானது.
குறித்த நேரத்துக்கு ஆரம்பித்தது நல்ல விடையம். (அப்பதான் நாம நம்மட லேட் மரப மீறாம இருக்கலாம்)

படம் காட்டுதல்:

இந்த பதிவர் சந்திப்பில் நான் செய்த ஒரே உருப்படியான காரியம் ஒரு சில புகைப்படங்களை எடுத்தது தான். மொத்தமாக எடுத்த 110 படங்களில் தேறிய 80 படங்களை என்னுடைய Flickr தளத்தில் இட்டு வைத்திருக்கிறேன். இவற்றை பதிவர்களும் ஏனையவர்களும் பின்வரும் நிபந்தனைகளுக்கு அமைவாக (Creative Commons Attribution-Noncommercial) தங்கள் தேவைகளுக்கு பயன்படுத்தலாம்.

Attribution - http://talkouttamil.blogspot.com/ அல்லது http://www.flickr.com/photos/nimal/ என்ற முழு முகவரிகள் குறிப்பிடப்படல் வேண்டும், அல்லது நிமல் என்ற பெயர் குறிப்பிட்டு மேலுள்ள முகவரிகளில் ஏதாவது ஒன்றிற்கு தொடுப்பு கோடுக்கப்பட வேண்டும்.
Noncommercial - இந்த படங்களை நீங்கள் எந்த வணிக நோக்கிலும் பயன்படுத்தலாகாது.

படங்களை இங்கு பெறலாம்.

கொழும்பில் இலவச வலைமக்கள் குறைகேள் சேவை

2009-08-11T10:30:00.001+05:30

இந்த இலவச சேவை பற்றிய மேலதிக விபரங்களுக்கு:

உங்கள் குறைகளை தெரியப்படுத்த:

லோஷன் : arvloshan@gmail.com
புல்லட் : bullettheblogger@gmail.com
வந்தி : vanthidevan@gmail.com
ஆதிரை : caskaran@gmail.com

பங்குபெறுவோருக்கு வடையும் வாழைப்பழமும் வழங்கப்படும், அல்லது போண்டா அல்லது அல்(ல)வா கொடுக்கப்படும் என்ற இனிப்பான தகவலை ஏற்பாட்டுக்குழுவினர் இன்னமும் தெரிவிக்கவில்லை.

இணையத்தில் திண்ணைப் பேச்சு

2009-08-10T21:15:00.003+05:30

கிராமங்களில் பெருசுகள் வீட்டு திண்ணைகளிலும் மரத்தடிகளிலும் விலாவரியாக வெட்டிக்கதை பேசுவது முன்னர் வழக்கமாக இருந்தது. ஆனாலும் காலவோட்டத்தில் காணமல் போன திண்ணைகளும் மக்களின் பரபர வாழ்க்கை முறையும் இந்த வழக்கத்தை சமூக்த்திலிருந்து காணாமல் செய்ததாகவே எம்மில் பலர் நினைத்திருக்கிறோம்....

ஆனாலும் திண்ணைப்பேச்சு என்பது எமது இனத்தின் பாரம்பரியமாக எமது பரம்பரையலகுகளில் இன்னமும் ஒட்டிக் கொண்டிருக்கிறது. இதற்கு சரியான உதாரணமாக நான் காண்பது இணையத்தில் நான் காண்பது டுவீட்டர் தளத்தை...

நீங்களும் டுவீட்டரில் நடக்கும் திண்ணைப் பேச்சுக்களில் கலந்து கொள்ள இவர்களை பின்தொடருங்கள்...

திண்ணை 1:

எமது அண்ணர் லோஷன்
சுபானு - ("I'm very busy with office work...No time for other work...")
ஆதிரை
புல்லட் - இவரும் இந்த திண்ணையா....? (சின்ன டவுட்டு)

(இது ஒரு இலங்கை திண்ணை, இன்னும் பலர் பரபர டுவீட்டர்களும் இங்கு உண்டு...!)

திண்ணை 2:

சாரல் சயந்தன்
மயூரன்
சாயினி
கானா பிரபா - இவரை இன்னும் பல திண்ணைகளிலும் காணலாம்

(இது ஒரு அரசியல் திண்ணை)

திண்ணை 3:

பரபர எழுத்தாளர் பா.ரா தலை(மை)யில் இயங்கும் வெண்பாம் இயக்கம். @nchokkan, @snapjudge, @icarusprakash, @gchandra, @elavasam இன்னும் பல பிரபல எழுத்தாளர்கள், பரபர பதிவர்கள், முன்னாள் பிரபல பதிவர்களும் இந்த திண்ணையில் அடக்கம்.

இவை போல இன்னும் எண்ணற்ற பல திண்ணைகள் இந்த டுவீட்டரில் இருக்கின்றன. இன்னொரு சந்தர்ப்பத்தில் அவை பற்றிப் பார்க்கலாம். அதுவரை நீங்களும் இந்த திண்ணைகளில் பொழுது போக்கலாம்....!

---

பி.கு:

இது ஒரு நகைச்சுவைப் பதிவு அல்ல, கடும் சீரியஸ் பதிவு ஆகும்.
இது யார் மனதையும் பண்படுத்தும் நோக்குடன் எழுதப்பட்டதல்ல.
இந்த திண்ணைகள் குறித்த இந்த விளம்பர பதிவிற்கு எந்தவித கட்டணமும் அறவிடப்படவில்லை
இந்த பதிவுக்கும் இந்த டுவீட்டுக்கும் எந்த தொடர்புமில்லை...!
நன்றி...!

பக்திவேல் பதிவுலகிலிருந்து விலகல் - திரட்டிஸ்பொட் திட்டம் கைவிடப்பட்டது

2009-07-22T17:32:00.005+05:30

பிரபல புதிய பதிவர் பக்திவேல் பிரபல மூத்த பதிவர்களால் கட்டம் கட்டப்பட்டு பதிவுலகை விட்டு வெளியேறவைக்கப்பட்டதை கண்டித்து புதிதாக ஆரப்பிக்கப்பட இருந்த திரட்டி வழங்கி திட்டமான "திரட்டிஸ்பொட்" திட்டம் காலவரையறையின்றி கைவிடப்பட்டுள்ளது என்பதனை வருத்தத்துடன் தெரிவித்துக்கொள்கிறோம்.

புதிய பதிவரும், வலையுலக புரட்சியாளரும், துப்புதுலக்கி எழுத்தாளருமாகிய (investigative journalist) மதிப்புக்குரிய பக்திவேல் "பிடிக்காத புத்தகங்கள்" என்ற பலராலும் படிக்கப்படும் ஒரு பதிவை எழுதி வந்தது, வலையுலகம் முழுதும் அறிந்த்தே. அண்ணலின் அதீத வளர்ச்சி பொறுக்கா கயவர்கள் தமது எழுத்தால் அண்ணலை எதிர்கொள்ள தீரமற்று பின்னூட்ட கயமைத்தனத்தை பயன்படுத்தி அண்மைக்காலமாக தாக்குதல் நடத்திவந்தனர். மூத்த பதிவர்கள் என்ற முகமூடிக்குள் மறைந்து இந்த நயவஞ்சக நாடகத்தை நடத்திய கபோதிகளின் நடவடிக்கை பொறுக்காமல் அண்ணல் பக்திவேல் பதிவுலகைவிட்டு தான் விலகுவதாக இன்று அறிவித்துள்ளார்.

அண்ணல் பக்திவேலின் விலகலானது, பதிவுலகிற்கு மட்டுமன்றி தமிழ் கூறும் நல்லுலகிற்குமே பேரிழப்பாகும். இத்த செய்திகேட்டு எம் கண்கள் பனித்தன, வயிறு புளித்தது, இதயம் இடித்தது. திரட்டிகளின் வளர்ச்சிக்கு பெரும் உந்துகோலாக இருந்த பக்திவேல் இல்லாத ஒரு வலையுயக சூழலில் "திரட்டிஸ்பொட்" போன்ற திரட்டி வழங்கி பயனற்றது என நாம் கருதுவதால் இந்த திட்டம் காலவரையறையின்றி கைவிடப்பட்டுள்ளது.

நன்றி.
திரட்டிஸ்பொட் - (எதிர்கால) நிர்வாகம்

விரைவில்.... திரட்டி-ஸ்போட்...(ThirattiSpot)

2009-07-16T21:30:00.001+05:30

தமிழ்-பிஷ், நியூஸ்-பூனை, ஈ-த-முள், தமிழ்-பர்ஸ்...!

இப்படி நாளோரு வண்ணமும் பொழுதோரு திரட்டியுமாக வளமாக வளர்ந்துவரும் தமிழ்பதிவுலகில் இன்னுமொரு புதுமை முயற்சியாக...

மிக விரைவில்....

திரட்டி-ஸ்போட் (ThirattiSpot)

'உங்கள் திரட்டி 5 நிமிடத்தில்...'

உங்கள் பெயரில், நீங்கள் விரும்பும் பெயரில், உங்கள் வீட்டு பூனைக்குட்டியின் பெயரில் ஒரு திரட்டி தொடங்கவேண்டுமா...?
பிளிக் (Pligg) நிறுவுவதற்கு 10 நிமிடம் இல்லையா...?
பதிவு எழுத சரக்கு இல்லையா...?

நீங்களும் தொடங்கலாம்... உங்கள் திரட்டியை... 5 நிமிடங்களும் ஒரு பெயரும் மாத்திரமே தேவை... முற்றிலும் இலவசம்....!

மேலதிக விபரங்கள் மிக விரைவில்....!!!

(இது எந்த திரட்டிகளுக்கும் போட்டியான திரட்டி அல்ல... இது ஒரு திரட்டி வழங்கி...!)

அன்புடன்,
நிமல் (எ) நிமலபிரகாசன்

Tags: blogs, aggregation, feeds

தகவல்: நீங்களும் உதவலாம்...

2009-07-11T02:16:00.001+05:30

அன்பு நண்பர்களே,

வவுனியா இடைத்தங்கல் முகாம்களில் உயர்தர பரீட்சைக்கு தோற்ற இருக்கும் மாணவர்கள், தங்களுக்கு அடிப்படையாக தேவைப்படும் கற்றல் உபகரணங்கள், கடந்தகால வினாத்தாள் புத்தகங்கள் (Pass Papers Books), மீட்டல் குறிப்புக்கள்(Revision Tutes), என்பன உதவியாக தரும்படி கேட்டுள்ளனர். எனவே உங்களால் முடிந்த உதவிகளை பொருளாகவோ இல்லை பணமாகவோ வரும் 13/07/2009 இற்கு முன்பாக தந்து உதவுமாறு கேட்டு கொள்கிறோம்.

மேலதிக விபரத்திற்கு அழையுங்கள்
Leo Club of Colombo Circle
Leo Mathu - 0772256463
Leo Miru - 0776672043

leocolombocircle@gmail.com

இப்படிக்கு உண்மையுள்ள,
R.Mirunan
கழக செயலாளர் (09 /10)
Leo Club of Colombo Circle

Hope - சுற்றும் காற்றுக்கு சுதந்திரம், நம் சிட்டுக்குருவிக்கு ஏன் இல்லை

2009-05-29T02:30:00.003+05:30

அண்மைக்காலமாக பதிவுகள் எழுத நேரமும் இல்லை, எண்ணமும் இல்லை. ஆனால் நண்பன் சாய் சிவாவின் இந்த பாடலை கேட்டதிலிருந்து இதை பதிவில் பகிரவேண்டும் என்று தோன்றியது. பாடலை கேட்டு, உங்கள் கருத்துக்களை பகிர்ந்துகொள்ளுங்கள்....

பாடல் கேட்பதற்கு...

http://iLike.com/s/96BNM

Artist : Sai Shiva & Vijay
Lyircs : Sai Shiva
Music Produced and Arranged by : Sai Shiva

வரிகள் மீள வாசிப்பதற்கு...

நேற்று உன் தினம்
நாளை சொப்பனம்
நாட்கள் நீளலாம்
காயம் ஆறுமா

எங்கோ பிறந்தோம்
எங்கோ வளர்ந்தோம்
தாய் மண்ணைத் துறந்தே
இன்று தெருவில் அலைந்தோம்

ஆனா(அ) என்றால் அம்மா என்று
மழலை சொல்ல மறுக்கிறது
காயம் கொண்ட நாள் முதலாய்
அகதி என்று சொல்கிறது

விண்ணை மறைக்க
இரு விரல்கள் போதுமே
நம் கண்ணீர் துடைத்தே
அவை தேய்ந்தே போனதே

சுற்றும் காற்றுக்கு சுதந்திரம்
நம் சிட்டுக்குருவிக்கு ஏன் இல்லை
வட்ட நதிகள் தான் வாழ்க்கையே
நம் நம்பிக்கை இழக்கவில்லை

எங்கோ பிறந்தோம்
எங்கோ வளர்ந்தோம்
தாய் மண்ணைத் துறந்தே
இன்று தெருவில் அலைந்தோம்

வீடு வாசல் இருந்தும்
மர நிழலில் சரணடைந்தோம்
ஊர்வன உறைவது போலவே
பூமிக்கடியில் வாழ்ந்திருந்தோம்

அன்னை அணைந்த
கரங்கள் யாவுமே
நம் கவலை துவைத்தே
இன்று தேய்ந்தே போனதே

நம் தேசம் விட்டுப் பிரிகையில்
உன் கரகோஷங்களை மறக்கவில்லை
நம்மவர் உயிரைப் பறிக்கையில்
உன் முகத்தின் ரேகைகளை மறக்கவில்லை

நேற்று உன் தினம்
நாளை சொப்பனம்
நாட்கள் நீளட்டும்
நம் காயம் உலகை ஆளட்டும்

This song is dedicated to all the innocent people who lost there lives in the war.

சாய் சிவாவின் ஏனைய பாடல்களையும் கேட்க...

http://www.facebook.com/pages/saishiva/59074327500

நம்பிக்கை மட்டுமே இனி நம் கையில்...!

---
நிமல்

துருக்கித் தொப்பி யாருக்கு...?

2009-04-30T16:30:00.003+05:30

மேலதிக விபரங்கள்: இங்கே

Tags: ICAMES 2009, Turkey, Competition, Project, Selection

கடை மூடும் Geocities - இணையவெளியில் இன்னொரு கருந்துளை

2009-04-25T15:30:00.000+05:30

நான் முதல் முதலில் இணையத்தில் கட்டிய வீடு Yahoo இலவசமாக வழங்கும் GeoCities தளத்திலேயே இருந்தது, அது 2000-2001 காலப்பகுதி என்று நினைக்கிறேன். அப்போதெல்லாம் மின்னஞ்சல், குழுக்கள், தேடல் என்று அப்போது இணையத்தில் பிரபலமாக இருந்த சேவைகள் அனைத்திலும் Yahoo முன்னணியில் இருந்தது. GeoCities இலவசமாக தனிப்பட்ட இணையத்தளங்களை உருவாக்கக்கூடிய ஒரு வழங்கி சேவையாக இருந்தது. ஆனால் இப்போது Yahoo தனது இலவச GeoCities சேவையை இந்த வருடத்துடன் நிறுத்தவுள்ளதாக அறிவித்துள்ளது.

We have decided to discontinue the process of allowing new customers to sign up for GeoCities accounts as we focus on helping our customers explore and build new relationships online in other ways. We will be closing GeoCities later this year. -Yahoo!

இணையப்பரப்பில் ஏற்பட்டுள்ள மாற்ங்களுக்கு ஈடுகொடுக்க முடியாமையும், வலைப்பதிவுகள், டுவீட்டர் போன்ற சேவைகளை பயனர்கள் நாடுவதும் இதற்கு முக்கிய காரணமாக கருதப்படுகிறது. அத்துடன் Yahoo நிறுவனத்தில் ஏற்பட்டிருக்கும் நிர்வாக நிதிநிலை சிக்கல்களும் இதற்கு ஒரு காரணமாக கூறப்படுகிறது.

இணையத்தளங்கள் பிரபலமடைய ஆரம்பித்த காலப்பகுதியில் தனது சேவைகளை தொடங்கிய GeoCities பலருக்கும் தமது தனிப்பட்ட தளங்களை வைத்திருக்கும் இடமாக இருந்தது. GeoCities ஒரு இணையத்தளம் உருவாக்குவதை பயனருக்கு இலகுவாக்கி domain பதிவு HTML போன்றவை இன்றி இலகுவாக தளங்களை உருவாக்குவதில் முன்னோடியான தளமாகவும் இருந்தது. இதன் காரணமாகவே தமிழிலும் பல நூறு தளங்கள் GeoCitieல் அமைக்கப்பட்டன. நான் இதுவரை இணையத்தில் உலாவும் பல சந்தர்ப்பங்களில் பல பயனுள்ள தமிழ் தளங்கள் GeoCitiesல் கண்டிருக்கிறேன்.

ஆனாலும் GeoCities தளங்களில் பலவும் சாதாரண பயனர்களால் உருவாக்கப்பட்டவையே. முக்கியமாக பல தமிழ் GeoCities தளங்கள் பயனுள்ள தகவல்களை கொண்டிருந்தாலும் அவற்றில் பல தற்போது கவனிப்பாரற்றே இருக்கின்றன. இந்த நிலையில் GeoCities தளம் முடப்படும் போது, இந்த தளங்களும், முக்கியமாக அவற்றில் சேமிக்கப்பட்டுள்ள பல ஆயிரங்கள் வரையான கவிதைகள், கட்டுரைகள் என்பனவும் காணாமல் போகும் நிலையே ஏற்படும்.

ஆகவே நண்பர்களே உங்களின், அல்லது உங்களுக்கு தெரிந்தவர்களின் தளங்கள் ஏதும் இருந்தால் அவற்றையும் வேறு இடங்களுக்கு மாற்றிவிடுங்கள். நான் பார்த்தவரையில் பல நூறு தளங்கள் தமிழில் இருக்கின்றன, அவற்றில் சிலவாவது எஞ்சட்டும்.

இணையத்தின் நிலையாமை பற்றிய இந்த பதிவுகளையும் படிக்கவும்:

நேர்முகத் தேர்வு - சில குறிப்புக்கள்

2009-04-16T22:00:00.000+05:30

(இது எனது அனுபவங்களில் இருந்து மட்டும் எழுதப்படவில்லை.)

தயார்ப்படுத்தல்:

உங்கள் சுயவிபரக்கோவை, இதர ஆவணங்கள், அவற்றின் பிரதிகள் என்பவற்றை முன்னரே தயாராக வைத்திருக்கவும். கேட்டால் பார்க்கலாம் என்று இருந்து சங்கடப்படுவதிலும் பார்க்க, கேட்கப்படாது என தெரிந்தாலும் தயாராக செல்வதே நல்லது.
கேட்கப்படலாம் என எதிர்பார்க்கும் பொதுவான வினாக்களுக்கு தயார்ப்படுத்தலுடன் செல்வது நலம்.

ஆராய்ச்சி:

நீங்கள் செல்ல இருக்கும் நிறுவனத்தையும் அவர்களின் செயற்பாடுகள் பற்றியும் அடிப்படையாக தெரிந்து வைத்திருக்கவும். இதற்கு அவர்களின் இணையத்தளம் மற்றும் முக்கியமாக அங்கு ஏற்கனவே பணியில் யாராவது seniors/friends இருந்தால் அவர்களிடம் உரையாடுவது பயன்தரும்.
முக்கியமாக அவர்கள் என்ன பணிக்கு தெரிவுசெய்கிறார்கள், தெரிவு செய்யப்படுபவரிடம் என்ன எதிர்பார்க்கிறார்கள் என்பவற்றை தெரிந்து வைத்திருப்பது எம்மை சரியான முறையில் வெளிப்படுத்த உதவும். அத்தோடு இவ்வாறு நிறுவனத்தை பற்றி தெரிந்து வைத்திருத்தல் நேர்முகத் தேர்வை தன்னம்பிக்கையுடன் அணுகவும் உதவும்.

புறம்:

புறத்தோற்றம் ஒரு முக்கிய காரணி என்பதை நினைவில் நிறுத்தவும். 'என் திறமைக்கு வேலை தந்தால் சரி' என்ற பந்தாவை விடுத்து, பொருத்தமான ஆடை அணியவும்.
அந்த நிறுவனத்தில் வேலைக்கு சாதாரண ஆடை தான்(casual) அணிவதென்றாலும் நேர்முகத்தேர்வுக்கு பொருத்தமான professionally acceptable ஆடை அணிவது நலம்.

அகம்:

மேற்கூறியவற்றை சரியாக செய்திருந்தால், எமக்கு தானாக ஒரு தன்னம்பிக்கை வரும். ஆனாலும் அதையும் தாண்டி மனப்பயம் இருந்தால் அதை அதிகமாக வெளிக்காட்டுவதை தவிர்க்கலாம். ஆனால் அதற்காக over confident என்று act கொடுத்து மாட்டிக்கொள்ள கூடாது.

சுய 'வியாபாரம்':

நேர்முகத்தேர்வை ஒரு வியாபாரமாக பார்க்கவும், உங்களின் திறமைகளையும் அனுபவங்களையும் சரிவர வெளிப்படுத்தவும். உங்கள் அனுபவங்களை கூறும்படி கேட்டால், அந்த நிறுவனத்தில் செயற்பாடுகளுக்கு அவை உதவும் என தோன்றும் வகையில் அவற்றை தெரிவிக்கவும்.
அத்தோடு அவர்கள் "any question you want to ask us?" என்று கேட்டால், "ஏன் நீங்கள் product A ஐ விடுத்து product B யில் அதிகம் கவனம் செலுத்துகிறீர்கள்?" போன்றதான தொடர்புடைய கேள்விகளை கேட்பது உங்களின் தயார்படுதலையும் ஈடுபாட்டையும் வெளிக்காட்டும். (அதற்காக இல்லாத product பெயர் சொல்லி கேட்பது உசிதம் அல்ல)

பின் தொடர்பு:

நேர்முகத் தேர்வு முடிந்தது இனி அவர்களின் பதில் வரும் வரை காத்திருப்போம் என்றிருக்காமல், அவர்களுக்கு உங்களை நேர்முகத் தேர்வு செய்தமைக்கு நன்றி தெரிவித்து ஒரு மின்னஞ்சல் அல்லது கடிதம் அனுப்பலாம். இதில் நேர்முகத் தேர்வில் நடைபெற்ற உரையாடலின் சுருக்கத்தையும் குறிப்பிடுவது உங்களை அவர்களுக்கு மீண்டும் நினைவூட்ட உதவும்.

தொடர் முயற்சி:

முதல் முயற்சி வெற்றியளித்தால் மகிழச்சிதான், இல்லாவிட்டால் அதை ஒரு அனுபவமாக கருதவும். இது உங்களின் அடுத்த நேர்முகத் தேர்வுகளின் இன்னும் தன்னம்பிக்கையுடன் முகம்கொடுக்க உதவும். தொடர் தயார்ப்படுத்தலும் தொடர் முயற்சியும் நிச்சயம் வெற்றியை பெற்றுத்தரும்.

இவை எனது அனுபவங்களிலும், வேறு பல சந்தர்ப்பங்களில் கேட்டவை, படித்தவை மட்டுமே. எனக்கு இதுவரை சரியான ஒரு நேர்முகத் தேர்வு அனுபவம் இல்லை... :-)

வாழ்த்துகள்...!

அன்புடன்,
நிமல் (எ) பிரகாஷ் (எ) நிமலபிரகாசன்

Tags: job, interview, tips

என் கதை: நான் காதலிக்காத கதை - முன்னுரை

2009-04-14T09:00:00.011+05:30

இதுவரை இந்த வலைப்பதிவில் உருப்படியாக ஒரு பதிவுவேனும் எழுதியதாக இல்லை. ஆதலால் எதாவது 'உருப்படியாக' எழுதலாம் என்று தொடங்குவது தான் இந்தத் தொடர். இது உருப்படியாக வருமா இல்லையா என்பது பற்றி எதுவும் கூறமுடியாவிட்டாலும் இது தொடர்பாக கேட்கப்படக்கூடிய சில கேள்விகளுக்கு என் பதில்கள்.

இது என்ன தொடர் கதையா? சிறுகதையா?
தொடர் தான், ஆனால் கதை சிறியது.
இதற்கு முன்னர் கதை எழுதிய அனுபவம் உண்டா?
அம்புலிமாமாவில் வந்த கதையை பெயர் மாற்றி பாடசாலை சஞ்சிகைக்கு எழுதிய அனுபவம் உண்டு.
ஏன் இந்த விபரீத முயற்சி?
என்னால் முடிந்தது... ;-)
இது கற்பனைக் கதையா? உண்மைக் கதையா?
கதை உண்மையானது, ஆனால் சில சம்பவங்கள் கற்பனையானவையாக இருக்கலாம்.
உண்மை என்றால் யாருடைய கதை?
திரு. நிமலபிரகாசன் என்பவருடையது.
இதில் எந்தெந்த கதாபாத்திரங்கள் உண்மையானவை?
அனேக பாத்திரங்கள் உண்மையானவையாவே இருக்கும், ஆனால் பெயர்கள் கற்பனையானவை.
இதை எழுதும் எண்ணம் ஏன் ஏற்பட்டது?
மறக்க நினைக்கும் சிலவற்றை நினைவில் வைத்திருக்க... ;-)
இதை தொடர்ந்து எழுதும் எண்ணம் இருக்கிறதா?
இப்போதைக்கு எண்ணம் இருக்கிறது. ஆனால் முடியுமா என்பது முடிந்த பின் தான் தெரியும்.
நாங்கள் இதை வாசிக்கத்தான் வேண்டுமா?
என் எழுத்தை வாசிப்பது உங்கள் தலையெழுத்து என்றால் வாசிக்கத்தான் வேண்டும்.
வேறு சந்தேகங்கள் கேள்விகள் இருந்தால் கேட்கலாமா?
கேட்கலாம், ஆனாலும் பதில் கிடைக்கும் என்று உறுதியாக கூறமுடியாது.

முதலாவது பாகத்துடன் விரைவில் சந்திக்கலாம்.

அன்புடன்,
நிமல் (எ) பிரகாஷ் (எ) நிமலபிரகாசன்

Tags: my story

சோதனைப் பதிவு

2009-04-10T20:00:00.004+05:30

மீண்டும் ஒரு அத்திப்பட்டி மக்களை காப்பது எப்படி?
சனநாயகம் மோசம் அழித்திடுவோம்

என்ன செய்யப் போகிறோம்?
ஊறுகாய் வியாபாரம், நீ வருவாய்

இனப்படுகொலையா? அடிமை தாத்தா சீற்றம்
அறிக்கை தேவையில்லை

இது 13. இங்கு இதுவரை 50.

Skandha (அ) அப்பா

2009-03-27T09:00:00.071+05:30

Skandha ஒரு கண்டிப்பான வங்கி மேலாளர், எனக்கு ஓரளவு கண்டிப்பான அப்பா.

Skandha நேற்றோடு வேலையில் இருந்து ஓய்வு பெற்றுவிட்டார், ஏனென்றால் அப்பாவுக்கு இன்று அறுபதாவது பிறந்தநாள்.

அப்பாவுக்கு பிறந்தநாள் வாழ்த்துகள்...!

அன்புடன்,
நிமல்

அரங்கம் - The Arena (ஒரு மீள் பார்வை)

2009-03-05T17:45:00.007+05:30

சரியாக ஒரு வருடத்துக்கு முன்னர் இந்த பதிவில் நான் குறிப்பிட்ட அரங்கம் குறும்படத்தின் ஒரு மீள்பார்வையே இது.

இது பாடசாலை காலத்தில் முற்று முழுதாக பாடசாலை மாணவர்களால் உருவாக்கப்பட்ட ஒரு 30 நிமிட குறும்படம். ஆகவே அதிகம் எதிர்பார்க்க வேண்டாம். கொழும்பு றோயல் கல்லூரி தமிழ் நாடகமன்ற 2004ம் வருட ஆண்டு விழாவினை முன்னிறுத்தி உருவாக்கப்பட்டது. குத்துச்சண்டை போட்டி தொடர்பான ஒரு மர்ம கதை(?). இதுதான் எமது முதல் முயற்சி, ஒரு சிறு முயற்சி.

இங்கு தெரியாவிட்டால் இங்கு காண்க.

இயக்கம் : சுந்தரகுமார்

இயக்குனரும் ஏதாவது காட்சில் தோன்றவேண்டும் என்ற மரபுக்கிணங்க ஒரு காட்சியில் வைத்தியராக தோன்றியிருப்பார். இப்போது இவர் யுனைசஸ் ஸேசஸ் அமேரிக்காவில் ஒரு 'பாடகராகவும்' இருப்பதாக அறியக்கிடைக்கிறது.

எழுத்து : நிஷாந்தனன்

அளவுக்கதிகமாக மேடைநாடகங்களில் நடித்தால் செய்தியாளராக வரும் இவர் ஓவர் ஆக்டிங் செய்ததாக கூறப்பட்டது. அதைவிடவும் இந்த குறுப்படத்தின் கதையை இவர் யாரும் பார்க்காத ஒரு ஆங்கிலப்படத்தில் சுட்டதாக சில விஷமிகள் வதந்திகளையும் பரப்பியிருந்தனர். இப்போது இவர் Nish Neelaloj என்ற பெயரில் இங்கிலாந்தில் 'இருப்பதாக' கூறப்படுகிறது.

படத்தொகுப்பு : கோகுல்

இவர்தான் இந்த படத்தில் போலீஸ். போலீஸ் யுர்னிபோம் கிடைக்காததால் தான் சாதார உடையில் இவர் வந்ததாக நினைப்பது தவறு. இப்போது இவர் Waterlooவில் 'படிப்பதாக' சொல்லிக்கொள்வதாக சொல்லப்படுகிறது.

ஒளிப்பதிவு : தனுஷியன்

இந்த குறுப்படத்தின் ஒளிப்பதிவாளர் என்று சொல்லப்பட்டது. இப்போது இவர் எங்கிருந்தாலும் 'ஸ்டெடியாக' இருப்பதாக கூறுகிறார்கள்.

இசைக்கோர்வை : அருணன், சிந்துஜன்

அருணன் இப்போது பேஸ்ட்ரி சாப்பிடுவதை விட்டு பேகர் 'சாப்பிடுவதாக' அவுஸ்திரேலியாவில் இருந்து வரும் செய்திகள் தெரிவிக்கின்றன. சிந்துஜன் சீனாவில் பாம்புக்கு 'வைத்தியம்' பார்ப்பதாகவும் அறியக்கிடைக்கிறது.

மேலும் ... றோயல் கல்லூரி 2004 குழு தமிழ் மாணவர்கள் ...!

இந்த குழுவில் நானும் இருந்தது மகிழச்சி.

(இது ஆறு மாதங்களுக்கு முன்னரே எழுதி draftல் இருந்தது, so some facts might be outdated by now)

அன்புடன்,
நிமல் (எ) பிரகாஷ் (எ) நிமலபிரகாசன்

Tags: arangam, short film, royal college, drama

ஏழு முட்டாள்களும், ஒரு வீடியோ கமராவும்

2009-03-04T17:25:00.001+05:30

பார்க்க மட்டுமே, சொல்வதற்கு எதுவுமில்லை...!

Seven Ordinary men,
Four Ordinary Digital Cameras,
One Ordinary Video Camera,
Two Disastrous Days on the Road...!

Fools are not Made,
They are Born...!

மீண்டும் சந்திக்கலாம்...

அன்புடன்,
நிமல் (எ) பிரகாஷ் (எ) நிமலபிரகாசன்

Tags: video, trip, camera

விட்டு விலகியது...

2009-03-03T09:15:00.005+05:30

அந்த சம்பவம் முதலில் நடந்தது பதினோராம் வகுப்பில் படிக்கும் காலத்திலென்று நினைக்கிறேன். அதுவரை இல்லாத பொறுப்பு வந்ததோ இல்லையோ,வெறுப்பு மட்டும் வரவர கூடிக்கொண்டே வந்தது. ஓருவாறாக என்னவேன்றே புரிந்து கொள்வதற்கு முன்பே எல்லாம் நடந்து முடிந்துவிடிருந்தது. பின்னர் பன்னிரெண்டாம் வகுப்புக்கு வந்ததுடன் எல்லாம் முடிந்தது போல் இருந்தது.

அதுவும் ஒரு வருடத்தில் தலைகீழாக மாறி அதே எண்ணங்கள், அதே பயங்கள், அதே வெறுப்புக்கள். ஒரே வித்தியாசம் இந்தமுறை உள்ளூர சிறியளவு விருப்பமும் இருந்தது. முடிவு எப்படியிருந்தாலும் முயற்சித்து பார்க்கும் எண்ணம் வந்திருந்தது. மாதங்கள் வருடங்களாக அதுவும் நடந்து வாழ்க்கையும் அடுத்த கட்டத்துக்கு நகர்ந்தது. அப்போது ஆசைப்பட்டது, கிடைக்காது என்று நினைத்தது, கிடைத்த போது மகிழச்சி எல்லை கடந்த நிலையில் இருந்தேன். ஆனால் இதுவும் குறுகியகாலத்திற்கு தான் என்பதை அப்போது நான் உணர்ந்திருக்கிவில்லை.

சில மாதங்களிலேயே மீண்டும் அதே அதே எண்ணங்களும் சம்பவங்களும். ஆனால் இப்போது அவை பழகிவிட்டிருந்தன. அதன் பின்னரான அண்மைய காலங்களில் இந்த சம்பவங்கள் சாதாரண நிகழ்வுகளாகிப்போயின. முடிவுகள் எவ்வாறான போதும் முயற்சிக்கும் மனப்பக்குவும் வந்திருந்தது. இவ்வாறாக சில பல படிகளை தாண்டி இன்றய நிலைக்கு வந்திருக்கிறேன். இப்போதைக்கு எல்லாம் விட்டு விலகியது போல் உணர்கிறேன்.

பார்க்கலாம்... இனி வாழ்க்கை காட்டும் பாதையை...!

அன்புடன்,
நிமல் (எ) பிரகாஷ் (எ) நிமலபிரகாசன்

Tags: பரீட்சை, exams, "all my final semester exams are over...!"

நான், நீ - காதல், கதை - ஆம், இல்லை

2009-02-13T21:00:00.020+05:30

0
நீ என்னை காதலிக்கிறாய்.
நானும் உன்னை காதலிக்கிறேன்.
[ஒரு வருடம்]

1
நான் உன்னை காதலிக்கவில்லை.
நீ என்னை காதலிக்கிறாய்.
[நான்கு வருடங்கள்]

5
நீ இன்னமும் என்னை காதலிக்கிறாய்.
நான் உன்னை காதலிக்கலாம்...(?)
நான் உன்னை காதலிக்கிறேன்.
[இரண்டு வருடங்கள்]

7
நான் உன்னை காதலிக்கிறேன்.
இன்னொருவன் உன்னை காதலிக்கிறான்.
நீ ...?
நான் உன்னை காதலிக்கிறேன்.
நீ இன்னொருவனை காதலிக்கிறாய்.
[ஒரு வருடம்]

8
நீ இன்னொருவனை காதலிக்கிறாய்.
நான் ...?
[ஒரு வருடம்]

9
~~நான் இதை~~ வலைப்பதிவில் ~~எழுதுகிறேன்~~.
நீ இதை வாசிக்கலாம்...(?)

அன்புடன்,
நிமல்

பி.கு.:

இது கதையோ, கவிதையோ அல்ல.
இது முற்று முழுதான 'கற்பனை'.

Tags: love, success, failure, story, poem, experience (?), me, who.

ஆடுகளின் கதை - 2

2009-02-01T21:00:00.010+05:30

இரு காடுகளிலும் ஆடுகளின் நிலை இவ்வாறிருக்க...

சிறிய காட்டிலே ஆடுகளின் நிலை இன்னமும் மோசமாகி வந்தது. தினமும் இருபது, முப்பது என ஆடுகள் வேட்டையாடப்படுவது அதிகரித்து வந்தது. ஆனாலும் இந்த செய்தி எதுவும் மற்ற காடுகளுக்கு பரவாத படி நரி ராசாவும் அதன் கூட்டமும் அவதானமாய் இருந்தன. அவை தாம் ஆடுகளுக்கு எந்த தீங்கும் செய்வதில்லை என்றும், ஆட்டிறச்சி தமக்கு ஒவ்வாமை தரும் என்றும், ஆடுகளும் நரிகளும் சகோதரர்களாகவே வாழ்வதாகவும் கூறித்திரிந்தன.

சிறிய காட்டு ஆடுகளின் நிலை பெரிய காட்டு ஆடுகளுக்கு படிப்படியாக தெரிய ஆரம்பித்தது. அழிவிலிருந்து அவற்றை காப்பாற்ற இந்த ஆடுகளும் தம்மாலான அனைத்து முயற்சிகளையும் எடுத்தன. தமது செவிட்டு தலைவருக்கும் ராசாவுக்கும் புரியவைப்பதற்காக அவற்றில் சில மஞ்சள் தண்ணீரில் குளித்து தம்மை வெளிக்காட்ட முயன்றன. ஆனாலும் அந்த ராசாக்களோ தாம் மேஞ்ச்சலுக்கு செல்லும் போது காலில் கல் தடக்கி காயமானதாக கூறி, குணமாகும் வரை ஓய்வெடுப்பதாக அறிவித்தன.

மற்ற இதர காடுகளில் இருந்த சில ஆடுகளும் அந்தந்த காட்டு ராசாக்களிடம் தமது காட்டு ஆடுகளை காப்பாற்றும் படிகேட்டன. ஆனாலும் தமக்கு தேவையான எந்த உணவோ 'பானமோ' இந்த சிறிய காட்டில் கிடைக்காது என்பதால் தாம் உதவுவதால் தமக்கு எந்த பயனும் இல்லை என்றன.

இவ்வாறாக மற்ற காடுகளிலிருந்து உதவிவரும் என நம்பி நம்பியே சிறிய காட்டு ஆடுகள் அழிவுப்பாதையில் பயணிக்க தொடங்கின.

(தொடருமா...?)

பி.கு. 1: பெப்ரவரி இறுதி வரை இந்த கதையின் அடுத்த பகுதி எழுதும் எண்ணம் இல்லை. எனக்கு இந்த ஆடுகளின் கதையைவிட எனது சொந்த வேலைகள் தான் முக்கியம்.

பி.கு. 2: மாடு வேடமிட்ட சில ஆடுகளால் நரி ராசாவின் பெயர் குறித்து கதைக்க முடியும். ஆனாலும் சொந்த பெயர் சொல்லும் ஆடுகளால் அது முடியாது.

அன்புடன்,
நிமல் (எ) பிரகாஷ் (எ) நிமலபிரகாசன்

Tags: genocide, fire, solution, exam, university, anonymous, ?

ஆடுகளின் கதை - 0.1

2009-01-31T09:30:00.062+05:30

இரு காடுகளிலும் ஆடுகளின் நிலை இவ்வாறிருக்க...

(எனக்கு கதை எழுதி பழக்கமில்லாததால் 2ம் பாகம் எப்படி தொடரும் என்று தெரியவில்லை. அது எவ்வாறு தொடரும் என்று தெரியும் வரை பழங்கதை...
இது பாகம் 0.1)

இன்னும் சில வருடங்களுக்கு முன்...

அந்த காலத்திலேயே சிறிய காட்டு ஆடுகள் நரிகளால் வேட்டையாடப்படுவது தொடங்கியிருந்தது. அந்த சிறிய காட்டு ஆடுகளிலும் கொம்புகள் உள்ள, கொம்புகள் இல்லாத, தாடி உள்ள, தாடி இல்லாத என பல வகையான ஆடுகள் பல அளவுகளில் இருந்தன. சில ஆடுகள் கறுப்பு நிறத்தின, இன்னும் சில வெள்ளை நிறத்தின, இன்னும் பல கலப்பு நிறத்தின.

இவற்றில் அனேக ஆடுகள் இந்த காடு தமக்கும் சொந்தம் என்றன, சில நரிகளுக்குத்தான் என்றன. நரிகளின் அட்டூழியம் அதிகரிக்கவே சில ஆடுகள் அந்த காட்டில் நரிகளின் பகுதிகளில் குடியேறி, குள்ளநரி வேடமிட்டு தமது உயிரை காப்பாற்றிக்கொண்டன. இன்னும் பல ஆடுகள் வேறு காடுகளுக்கு தப்பிச் சென்றன. தப்பிச்சென்ற சிறிய காட்டு ஆடுகளில் பல மற்றைய காடுகளில் மகிழச்சியாக வாழத்தொடங்கின. குள்ளநரி வேடமிட்ட ஆடுகளில் சில காலப்போக்கில் குள்ளநரிகளாகவே மாறின. 'இந்த காடு நமக்கும் சொந்தம்' என்று சொல்லிய பல ஆடுகள் சொல்வதோடு மட்டும் நிறுத்திக்கொண்டன. அவையும் என்ன செய்தும், சாதாரண ஆடுகளுக்கு முடிந்தது அவ்வளவு தானே...!

இன்னும் அந்த காட்டில் எஞ்சிய ஆடுகள் மட்டும் பாவம், உயிர் காக்க ஒளிந்து மறைந்து தப்பி ஓடி வாழ்ந்து வந்தன. நரிகளுக்கு இந்த ஆடுகளில் இளம் ஆடுகள் மீது தான் ஆர்வம். ஆதலால் இளம் ஆடுகளின் நிலை இன்னமும் மோசமானது. இவற்றில் பல ஆடுகள் தம் உயிர்காக்க வேறுகாட்டுக்கு தப்பி ஓடுவதையே குறிக்கோளாக வைத்து வாழ்ந்து வந்தன. ஒரு சில ஆடுகள் மட்டும் இது எங்கள் காடு, நாம் இதை விட்டு வராமாட்டோம் என எஞ்சி நின்றன.

இதே கால்பகுதியல் பெரிய காட்டிலே...

(தொடருமோ தெரியாது... ஏனென்றால் எனக்கு தொடர தெரியாது...)

பி.கு: இது ஒரு கற்பனை கதை.

அன்புடன்,
நிமல் (எ) பிரகாஷ் (எ) நிமலபிரகாசன்

Tags: ~~selfish~~, myslef, nimal, me, escape, forign, refugee, asylum

ஆடுகளின் கதை - 1

2009-01-29T20:25:00.005+05:30

ஒரு காலத்தில் இரண்டு காடுகள் இருந்தன. ஒரு காடு சிறியது, அந்த காட்டில் நரிகள் அதிகமாகவும் ஆடுகள் குறைவாகவும் இருந்தன. மற்றய விசாலமான காட்டில் ஆடுகள் உட்பட பல வகை மிருகங்களும் இருந்தன. சிறிய காட்டில் இருந்த நரி ராசா தனது கூட்டத்தோடு சேர்ந்து அங்கிருந்த ஆடுகளை வேட்டையாட அழிக்க தொடங்கியது.

இதை அறிந்த பெரிய காட்டு ஆடுகள் தங்கள் ஆட்டு கூட்ட தலைவருக்கு இது தொடர்பில் தங்கள் காட்டு ராசா மூலம் ஏதாவது உதவிசெய்யும் படி கேட்டன. ஆனால் அந்த ஆட்டு ராசாவுக்கும் காட்டு ராசாவுக்கும் காது கேட்காத குறைபாடு இருந்ததால் இவை சொன்ன எதும் தங்களுக்கு கேட்காது என்றனர். என்றாலும் மனம் தளராத ஆடுகள் தங்களால் இயன்றளவு சத்தம் போட்டு தங்கள் கருத்தை தெரிவித்தன. ஆனாலும் தமது காது கேட்கவே கேட்காது என்றன ராசாக்கள். எல்லாம் நன்றே நடக்கும் என 'கவிதை' பாடியது ஆட்டு ராசா.

இது இவ்வாறிருக்க சிறிய காட்டு ஆடுகள் படிப்படியாக அழிந்து வந்தன. இதை தடுக்க பெரிய காட்டு ஆடுகள் எடுத்த முயற்சிகளும் அவர்களின் செவிட்டு ராசா காரணமாக பயனற்று போயின. சில ஆடுகள் தாங்கள் மேய்ச்சலுக்கு போக மாட்டொம் என்றன. அதனால் எமக்கு என்ன என்றனர் ராசாக்கள்.

இரு காடுகளிலும் ஆடுகளின் நிலை இவ்வாறிருக்க...

(தொடருமோ தெரியாது...)

அன்புடன்,
நிமல் (எ) பிரகாஷ் (எ) நிமலபிரகாசன்

Tags: Sri Lanka, India

அன்புள்ள அனானி (Dear Annonymous)

2009-01-26T22:15:00.001+05:30

எச்சரிக்கை: இது வெட்டியாக இருந்த ஒரே காரணத்தினால் எழுதப்பட்ட பதிவு. (வேலை இருக்கு, இருந்தாலும் நாம வெட்டிதான்...!)

இப்ப ஒரு ரெண்டு நாளா யாரொ ஒரு மலேசிய மாமேதை இந்த வலைப்பதிவில ஒரு ரெண்டு பதிவை சுத்தி சுத்தி வட்டமடிக்குது. ஏனெண்டு எனக்கிண்டா விளங்கேல்லை. வெள்ளவத்தை, புரூஸ்லீ - இந்த ரெண்டு வெத்து வேட்டு போஸ்ட்டுகள மட்டும் இந்த அனானி ஒரு மணித்தியாலத்துக்கு கிட்ட வாசிச்சிருக்கு (45 + 8+ 3). அப்பிடி என்னதான் அதில இருக்கு எண்டு எனக்கே விளங்கேல்லை...!

எண்டாலும் என்னில இவ்வளவு அன்பு வச்சு வாற இந்த அன்புள்ள அனானிக்கு எனட இதயபூர்வமான நன்றிகள்...!

அன்புடன்,
நிமல் (எ) பிரகாஷ் (எ) நிமலபிரகாசன்

Tags: blog, annonymous, Tamil, Malaysia

எயார்டெல் விளம்பரம் - மாறிவிட்டகுமார் சங்ககார

2009-01-26T18:00:00.003+05:30

ஹலோ சிறீலங்கா
அடேயப்பா... நான் மாறிவிட்டேன்...

"பசித்திருப்பவர்கள் இனி சிரித்திருக்கலாம்"
- (ஒரு சிங்கள பாடல் வரி)

Tags: Sri Lanka, Airtel, Mobile, Change, Kumar, Sangakara