தமிழக ஆசிரியர்

SABL - 1 முதல் 4 வகுப்புகளுக்கான கற்றல் அட்டைகள் திருத்தம் செய்தவைகளை வகுப்பறையில் நடைமுறைப்படுத்த உத்தரவு.

noreply@blogger.com (suresh v) — Wed, 19 Jun 2013 10:38:38 PDT

SSA - SABL MODIFICATION CIRCULAR CLICK HERE...

SSA - SABL - 1-4 STD MODIFIED ABL CARDS FOR TAMIL PART - I CLICK HERE...

SSA - SABL - 1-4 STD MODIFIED ABL CARDS FOR TAMIL PART - II CLICK HERE...

SSA - SABL - 1-4 STD MODIFIED ABL CARDS FOR TAMIL PART - III CLICK HERE...

SSA - SABL - 1-4 STD MODIFIED ABL CARDS FOR ENGLISH, MATHS, SCIENCE & SOCIAL SCIENCE CLICK HERE...

தகுதித்தேர்வு விண்ணப்பத்தை எந்த மாவட்ட கல்வி அதிகாரி அலுவலகத்திலும் சமர்ப்பிக்கலாம் ஆசிரியர் தேர்வு வாரிய அதிகாரி அறிவிப்பு

noreply@blogger.com (suresh v) — Wed, 19 Jun 2013 05:49:09 PDT

தகுதித்தேர்வு விண்ணப்பத்தை எங்கு வாங்கியிருந்தாலும் பூர்த்தி செய்த விண்ணப்பத்தை எந்த மாவட்ட கல்வி அதிகாரி அலுவலகத்திலும் சமர்ப்பிக்கலாம் என்று ஆசிரியர் தேர்வு வாரிய உறுப்பினர் அறிவொளி தெரிவித்தார்.

தகுதித்தேர்வு விண்ணப்பம்:
ஆசிரியர் தகுதித்தேர்வுக்கான விண்ணப்ப படிவங்கள் கடந்த 17–ந்தேதி முதல் தமிழகம் முழுவதும் அனைத்து அரசு மேல்நிலைப்பள்ளிகளிலும் வழங்கப்பட்டு வருகின்றன. இடைநிலை ஆசிரியர்களும், பட்டதாரி ஆசிரியர்களும் போட்டிப்போட்டு விண்ணப்பங்களை வாங்கிய வண்ணம் உள்ளனர்.

விண்ணப்ப படிவத்தின் விலை ரூ.50 ஆகும். தேர்வுக் கட்டணம் ரூ.500. ஆதி திராவிடர்கள், பழங்குடியின வகுப்பினர், மாற்றுத்திறனாளிகள் ஆகியோருக்கு ரூ.250 மட்டும். தேர்வு கட்டணத்தை விண்ணப்பத்துடன் கொடுக்கப்படும் செலான் மூலம் பாரத ஸ்டேட் வங்கி கிளையிலோ அல்லது இந்தியன் ஓவர்சீஸ் வங்கியிலோ அல்லது கனரா வங்கியிலோ செலுத்தலாம்.

எந்த அலுவலகத்திலும் கொடுக்கலாமா?

விண்ணப்பத்தை சமர்ப்பிக்க மாவட்ட கல்வி அதிகாரி அலுவலகத்திற்குச் செல்லும்போது விண்ணப்பத்தின் ஜெராக்ஸ் நகலையும் வைத்துக்கொள்ள வேண்டும். கையெழுத்திடப்பட்டு கொடுக்கப்படும் அந்த ஜெராக்ஸ் பிரதி தான் ஒப்புகைச்சீட்டாக கருதப்படும்.

இதற்கிடையே, விண்ணப்பம் வாங்கிய பள்ளியின் அதிகார எல்லைக்குள் உள்ள மாவட்ட கல்வி அதிகாரி அலுவலகத்தில் (டி.இ.ஓ. ஆபீஸ்) மட்டும்தான் பூர்த்தி செய்த விண்ணப்பத்தை சமர்ப்பிக்க வேண்டுமா? அல்லது எந்த டி.இ.ஓ. அலுவலகத்திலும் சமர்ப்பிக்கலாமா? என்ற கேள்வி ஒருசில விண்ணப்பதாரர்கள் மத்தியில் எழுந்துள்ளது.

ஆசிரியர் தேர்வு வாரிய அதிகாரி பதில்:

காரணம் சில விண்ணப்பதாரர்கள் விண்ணப்பத்தை எங்கேயாவது ஒரு பள்ளியில் வாங்கி இருப்பார்கள். அவர்களின் வீடு வேறு மாவட்டத்தில் இருக்கக்கூடும். இதுபோன்ற நிலையில், பூர்த்தி செய்த விண்ணப்பத்தை சமர்ப்பிப்பதற்கென்று விண்ணப்பம் வாங்கிய பள்ளிக்கு உள்பட்ட டி.இ.ஓ. அலுவலகத்திற்கு செல்வதால் அவர்களுக்கு வீண் அலைச்சல் ஏற்படும். தமிழகம் முழுவதும் 66 மாவட்ட கல்வி அதிகாரி அலுவலகங்களில் பெற்றுக்கொள்ளப்படும் அனைத்து விண்ணப்பங்களுமே கடைசியில் சென்னையில் உள்ள ஆசிரியர் தேர்வு வாரிய அலுவலகத்திற்கு தான் வரும்.

இந்த பிரச்சினை குறித்து ஆசிரியர் தேர்வு வாரியத்தின் உறுப்பினர் அறிவொளியிடம் கேட்டபோது, ‘‘தகுதித்தேர்வுக்கான விண்ணப்பத்தை, விண்ணப்பம் வாங்கிய அரசு மேல்நிலைப்பள்ளிக்கு உட்பட்ட டி.இ.ஓ. அலுவலகத்தில்தான் கொடுக்க வேண்டும் என்பதில்லை. வசதிக்கு ஏற்ப எந்த டி.இ.ஓ. அலுவலகத்திலும் சமர்ப்பிக்கலாம். எங்கு வாங்கப்பட்ட விண்ணப்பங்கள் என்றெல்லாம் பார்க்காமல் அனைத்து டி.இ.ஓ. அலுவலகங்களிலும் விண்ணப்பங்களை வாங்கிக்கொள்வார்கள்’’ என்று தெரிவித்தார்.

குழந்தைகளை பள்ளியில் சேர்க்கும் பொழுது பெற்றோர் விரும்பினால் ஜாதி, மதம் குறிப்பிடத் தேவை இல்லை என தொடக்கக் கல்வி இயக்குனர் உத்தரவு

noreply@blogger.com (suresh v) — Wed, 19 Jun 2013 05:47:13 PDT

மாணவர்களுக்கு ஆலோசனை வழங்க மனநல ஆலோசகர்களுக்கு அழைப்பு

noreply@blogger.com (suresh v) — Tue, 18 Jun 2013 17:30:31 PDT

சென்னை மாநகராட்சி பள்ளி மாணவர்களின் மன உளைச்சலை குறைக்கும் பணியில் ஈடுபட மனநல ஆலோசகர்கள் விண்ணப்பிக்கலாம் என்று சென்னை மாநகராட்சி தெரிவித்துள்ளது.

சென்னை மாநகராட்சி பள்ளிகளில் மன உளைச்சலுக்கு உள்ளாகி படிப்பில் கவனம் செலுத்த முடியாத மாணவர்களுக்கு மனநல ஆலோசனை வழங்க நடவடிக்கை எடுக்கப்படும் என்று மாநகராட்சி அதிகாரிகள் தெரிவித்திருந்தனர். இந்த நிலையில், இந்தப் பணிக்கு தகுதியானவர்கள் விண்ணப்பிக்கலாம் என்று தெரிவிக்கப்பட்டுள்ளது.

இது குறித்து அதிகாரிகள் கூறியது:

சென்னை மாநகராட்சி உயர்நிலை மற்றும் மேல் நிலைப்பள்ளியில் குடும்ப மற்றும் சமூக பிரச்னைகளால் உடல் மற்றும் மன ரீதியில் பாதிக்கப்பட்டு மாணவர்களின் கல்வித்திறன் பாதிக்கப்படுகிறது.

அந்த மாணவர்களுக்கு ஆலோசனை வழங்கி உளைச்சலில் இருந்து விடுபட உதவும் வகையில், ஒவ்வொரு மண்டலத்துக்கும் ஒரு மனநல ஆலோசகர் வீதம் நியமிக்கப்படுவார்கள். இதற்கு எம்.ஏ. சைக்காலஜி மற்றும் எம்.எஸ்சி. சைக்காலஜி படிப்பு முடித்தவர்கள் விண்ணப்பிக்கலாம். அவர்களுக்கு தகுந்த ஊதியம் வழங்கப்படும்.

விண்ணப்பங்களை வரும் 30-ஆம் தேதிக்குள் அனுப்பவேண்டும் என்று மாநகராட்சி அதிகாரிகள் தெரிவித்தனர்.

10-ஆம் வகுப்பு மாணவர்களுக்கு இணையதளம் மூலம் வேலைவாய்ப்பு அலுவலகப் பதிவு - dinamani

noreply@blogger.com (suresh v) — Tue, 18 Jun 2013 17:29:51 PDT

பத்தாம் வகுப்பு முடித்த மாணவர்கள் இணையதளம் மூலம் வேலைவாய்ப்பு அலுவலகத்தில் பதிவு செய்ய ஏற்பாடு செய்யப்பட்டுள்ளது என்று சென்னை மாவட்ட ஆட்சியர் தெரிவித்துள்ளார்.

இது குறித்து அவர் செவ்வாய்க்கிழமை வெளியிட்ட செய்திக் குறிப்பு: பத்தாம் வகுப்பு முடித்த மாணவர்களுக்கு மதிப்பெண் சான்றிதழ்கள் வியாழக்கிழமை வழங்கப்படுகின்றன. அதே நாளில் அந்தந்தப் பள்ளிகளில் இணையதளம் மூலம் வேலைவாய்ப்பு அலுவலகத்தில் பதிவு செய்துகொள்ளலாம்.

சான்றிதழ் வழங்கப்படும் வியாழக்கிழமை முதல் 15 நாள்களுக்கு பதிவு செய்யும் மாணவர்களுக்கு ஜூன் 20-ஆம் தேதிக்கான பதிவு மூப்பே வழங்கப்படும். இதற்கு குடும்ப அட்டை, ஜாதிச் சான்றிதழ் உள்ளிட்டவற்றை பள்ளிகளின் தலைமையாசிரியர்களிடம் வழங்க வேண்டும்.

இதன்மூலம், மதிப்பெண் சான்றிதழ் மற்றும் வேலைவாய்ப்பு அடையாள அட்டை ஆகியவற்றை ஒரே நாளில் பெற்றுக்கொள்ளலாம் என்று ஆட்சியர் எ. சுந்தரவல்லி தெரிவித்துள்ளார்.

தனியார் பள்ளிகளுக்கு இணையாக மாநகராட்சிப் பள்ளிகளில் விளையாட்டுப் பூங்காக்கள் - dinamani

noreply@blogger.com (suresh v) — Tue, 18 Jun 2013 17:29:04 PDT

தனியார் பள்ளிகளுக்கு இணையாக மாநகராட்சி தொடக்கப் பள்ளிகள் மற்றும் நடுநிலைப் பள்ளிகளில் விளையாட்டுப் பூங்காக்கள் அமைக்கப்பட்டு வருகின்றன.

முதல்கட்டமாக தியாகராயநகர், சைதாப்பேட்டை உள்பட 10 மாநகராட்சிப் பள்ளிகளில் இந்தப் பூங்காக்கள் அமைக்கப்பட்டு வருவதாகவும், இன்னும் ஓரிரு நாள்களில் அப்பணிகள் முழுமையாக நிறைவடையும் எனவும் மாநகராட்சி அதிகாரிகள் தெரிவித்துள்ளனர்.

சென்னை மாநகராட்சியின் கீழ் இயங்கும் 30 தொடக்க மற்றும் நடுநிலைப் பள்ளிகளில் தனியார் பள்ளிகளுக்கு நிகராக விளையாட்டுப் பூங்காக்கள் அமைக்கப்படும் என மாநகராட்சிப் பட்ஜெட்டில் அறிவிக்கப்பட்டது.

அதன்படி பள்ளிக்கு ரூ.2 லட்சம் செலவில், முதல்கட்டமாக 10 பள்ளிகளில் இந்த பூங்காக்கள் அமைக்கப்பட்டுள்ளன. ஜூலை மாத இறுதிக்குள் மீதமுள்ள 20 பள்ளிகளிலும் விளையாட்டுப் பூங்காக்கள் அமைக்கப்படும் என மாநகராட்சி வட்டாரங்கள் தெரிவிக்கின்றன.

இது குறித்து மாநகராட்சி அதிகாரி கூறியது:

மாநகராட்சி பள்ளிகளை தரம் உயர்த்தும் விதத்தில் பல்வேறு நடவடிக்கைகள் மேற்கொள்ளப்பட்டு வருகின்றன. எல்.கே,ஜி, யு.கே.ஜி வகுப்புகள் கொண்ட மாநகராட்சி மழலையர் பள்ளிகளில் தற்போது மாணவர்கள் அதிக அளவில் சேருகின்றனர். சைதாப்பேட்டையில் உள்ள பள்ளியில் இதுவரை 180 பேரும், அயனாவரத்தில் 50 பேரும் சேர்ந்துள்ளனர்.

என்னென்ன விளையாட்டு? மாநகராட்சி தொடக்கப் பள்ளி மற்றும் நடுநிலைப் பள்ளிகளில் விளையாட்டுப் பூங்காக்கள் அமைக்கப்பட்டு வருகின்றன.

தனியார் பள்ளிகளுக்கு நிகராக "சறுக்கு விளையாட்டு', "ரோலர் கிளைடு', "ஊஞ்சல்', "டனல் விளையாட்டு', "ராக் வாக்', "ஸ்கொயர் கிளைம்பர்' உள்ளிட்ட விளையாட்டுகள் அமைக்கப்பட்டுள்ளன.

முதல்கட்டமாக ஜோன்ஸ் சாலை, பிரகாசம் சாலை, கோபாலபுரம், கோட்டூர், திருவான்மியூர் உள்ளிட்ட 10 மாநகராட்சிப் பள்ளிகளில் இந்த விளையாட்டுப் பூங்காக்கள் உருவாக்கப்பட்டுள்ளது என்று தெரிவித்தார் அவர்.

பிளஸ் 2, பத்தாம் வகுப்பு தேர்வுகளில் மாநில ரேங்க் பெற்ற மாணவர்கள் முதல்வருடன் இன்று சந்திப்பு - dinamani

noreply@blogger.com (suresh v) — Tue, 18 Jun 2013 17:28:14 PDT

பிளஸ் 2, பத்தாம் வகுப்பு பொதுத்தேர்வுகளில் மாநில அளவில் ரேங்க் பெற்ற மாணவர்கள் முதல்வர் ஜெயலலிதாவை புதன்கிழமை நேரில் சந்தித்து வாழ்த்துப் பெறுகின்றனர்.

பிளஸ் 2 தேர்வில் முதல் மூன்று ரேங்க் பெற்ற 13 மாணவ, மாணவியர் மற்றும் பத்தாம் வகுப்பில் முதல் ரேங்க் பெற்ற 9 மாணவியருக்கு மட்டும் முதல்வர் ஜெயலலிதா பாராட்டுப் பத்திரத்தையும், ரொக்கப் பரிசையும் வழங்குவார் எனத் தெரிகிறது.

பிளஸ் 2, பத்தாம் வகுப்பு பொதுத்தேர்வுகளில் சிறப்பிடம் பெறும் மாணவ, மாணவியருக்கு முதல்வர் ஜெயலலிதா சான்றிதழ்களையும், ரொக்கப் பரிசையும் வழங்கி வருகிறார்.

இந்த ஆண்டு பத்தாம் வகுப்பு தேர்வில் முதல் மூன்று ரேங்குகளை 198 மாணவ, மாணவியர் பெற்றனர். எனவே, அவர்கள் அத்தனை பேருக்கும் முதல்வரே நேரில் சான்றிதழ்களை வழங்குவது குறித்து முடிவுசெய்யப்படாமல் இருந்தது. இந்த நிலையில், பிளஸ் 2 தேர்வில் முதல் மூன்று ரேங்குகள் பெற்ற 13 மாணவ, மாணவிகள் மற்றும் பத்தாம் வகுப்பில் முதல் ரேங்க் பெற்ற 9 மாணவிகள் மட்டும் முதல்வர் ஜெயலலிதாவை புதன்கிழமை நேரில் சந்திக்க அழைத்துச்செல்லப்பட உள்ளனர். மாநில அளவில் முதல் ரேங்க் பெற்ற மாணவர்களுக்கு ரூ.50 ஆயிரமும், இரண்டாம் இடம் பெற்றவர்களுக்கு ரூ.30 ஆயிரமும், மூன்றாம் இடம் பெற்றவர்களுக்கு ரூ.20 ஆயிரமும் ரொக்கப் பரிசு வழங்கப்படும்.

தமிழகத்தில் 44 டி.இ.ஓ., பணியிடங்கள் காலி

noreply@blogger.com (suresh v) — Tue, 18 Jun 2013 17:26:12 PDT

கோவை: மாநிலம் முழுவதும் 44 மாவட்ட கல்வி அலுவலர்கள் உட்பட 59க்கும் மேற்பட்ட கல்வி அதிகாரிகள் பணியிடங்கள், காலியாக உள்ளன.

மாநில கல்வியியல் ஆராய்ச்சி மற்றும் பயிற்சி நிறுவன இயக்குநர், மெட்ரிக் பள்ளிகள் இயக்குநர் ஆகிய பணியிடங்களும், தேர்வுத்துறை இணை இயக்குநர் (மேல்நிலை) உள்பட மூன்று இணை இயக்குநர் பணியிடங்களும் கடந்த நான்கு மாதங்களாக நிரப்பப்படாமல் உள்ளன.

இதுதவிர, பள்ளிக்கல்வித் துறையின் கீழ், 44 மாவட்ட கல்வி அதிகாரிகள், 10 மாவட்ட முதன்மை கல்வி அதிகாரிகள் பணியிடங்கள் காலியாக உள்ளன. இப்பணியிடங்களை உடனடியாக நிரப்ப வேண்டும் என்று தமிழ்நாடு உயர்நிலை மேல்நிலைப்பள்ளி தலைமையாசிரியர்கள் சங்கம் கோரிக்கை விடுத்துள்ளது.

தமிழ்நாடு உயர்நிலை மேல்நிலைப்பள்ளி தலைமையாசிரியர்கள் சங்க மாநில பொருளாளர் நடராசன் கூறுகையில், "விருதுநகர், சிவகங்கை ஆகிய இரண்டு மாவட்டங்களில் மாவட்ட முதன்மை கல்வி அலுவலர், அனைவருக்கும் கல்வித்திட்ட கூடுதல் மாவட்ட முதன்மை கல்வி அலுவலர் என இரண்டு பணியிடங்களும் காலியாக உள்ளன.

மேலும், திருநெல்வேலி, பெரம்பலூர் உள்ளிட்ட மாவட்டங்களில் மாவட்ட முதன்மை கல்வி அலுவலர் பணி இடங்களும், திருவாரூர், கரூர், செய்யாறு, மத்திய சென்னை, உள்ளிட்ட 44 கல்வி மாவட்டங்களில் மாவட்ட கல்வி அலுவலர் பணியிடங்களும் காலியாக உள்ளன. தற்போது, அதிகாரிகளுக்கு கூடுதல் பொறுப்புகள் மட்டுமே, வழங்கப்பட்டுள்ளது.

இப்பணியிடங்களை நிரப்பும் பட்சத்தில், நலத்திட்டங்களை மாணவர்களிடம் எளிதாக கொண்டு செல்ல இயலும்" என்றார்.

மாவட்ட நிர்வாகங்களை கவனிக்க வேண்டிய இயக்குனர் பணியிடங்களும், பள்ளிகளின் செயல்பாடுகளை சரிசெய்து கொடுக்கவேண்டிய மாவட்ட கல்வி அதிகாரிகளின் பணியிடங்கள் காலியாக இருப்பது, பள்ளிக்கல்வித் துறையின் நிர்வாக செயல்பாடுகளை பாதிக்கும்.

பள்ளிக்கல்வித்துறை முதன்மை செயலர் சபிதா கூறுகையில், "இயக்குநர், இணை இயக்குநர் பணியிடங்களுக்கு தகுதியான நபர்களை நியமிப்பது அவசியம். அதற்கான பணிகள் நடந்து வருகிறது. விரைவில் இந்த பணியிடங்கள் உட்பட அனைத்து கல்வி அதிகாரிகள் பணியிடங்களும் நிரப்பப்படும்" என்றார்.

பொறியியல் கல்லூரி ரேங்க் பட்டியல் வெளியாவதில் கால தாமதம்

noreply@blogger.com (suresh v) — Tue, 18 Jun 2013 17:23:32 PDT

சென்னை: பொறியியல் கல்லூரிகளின் ரேங்க் பட்டியல் வெளியாவதில், கால தாமதம் ஏற்பட்டுள்ளது. எனினும், இன்றோ அல்லது நாளையோ, பட்டியல் வெளியாகலாம் எனவும் கூறப்படுகிறது.

திருப்பூர் மாவட்டத்தைச் சேர்ந்த ஒருவர், சென்னை ஐகோர்ட்டில் தொடர்ந்த வழக்கில், "மாநிலம் முழுவதும் உள்ள பொறியியல் கல்லூரிகளின், 2011-12ம் ஆண்டு தேர்ச்சி சதவீத புள்ளி விவரங்களை, 17ம் தேதிக்குள் வெளியிட வேண்டும்" என அண்ணா பல்கலைக்கு, ஐகோர்ட் உத்தரவிட்டது.

அண்ணா பல்கலையும், கல்லூரிகளின் தேர்ச்சி சதவீத அடிப்படையில், "ரேங்க்" பட்டியலாக வெளியிட நடவடிக்கை எடுத்தது. "17ம் தேதி(நேற்று) காலையில், கல்லூரிகளின் ரேங்க் பட்டியல் வெளியிடப்படும்" என பல்கலை துணைவேந்தர் ராஜாராம் தெரிவித்திருந்தார்.

ஆனால், நேற்றிரவு, 8:00 மணி வரை, பல்கலை இணையதளத்தில், "ரேங்க்" பட்டியல் வெளியாகவில்லை. ஐகோர்ட் உத்தரவு நகல், இன்னும் பல்கலைக்கு கிடைக்கவில்லை என்றும், உத்தரவு நகல் கிடைத்தபின், அதை ஆய்வு செய்த பிறகே, கல்லூரிகளின், "ரேங்க்" பட்டியல் வெளியிடப்படும் என, பல்கலை வட்டாரங்கள் தெரிவித்தன.

ஐகோர்ட் தீர்ப்பு குறித்து, சட்டத் துறையுடன், உயர்கல்வித் துறை, ஆலோசனை நடத்தி வருவதாக கூறப்படுகிறது. தேர்ச்சி சதவீத அடிப்படையில், பட்டியலை வெளியிடும்போது, அதனால், ஏதாவது பிரச்னைகள் வருமா, ஒரு ஆண்டுக்கான தேர்ச்சி சதவீத பட்டியலை மட்டும் வெளியிடலாமா, அல்லது இரண்டு, மூன்று ஆண்டுகளின் தேர்ச்சி சதவீத விவரங்களை வெளியிடலாமா என்பது குறித்து, உயர்கல்வித் துறை, ஆலோசனை நடத்தி வருவதாக கூறப்படுகிறது.

இதன் காரணமாகவே, "ரேங்க்" பட்டியல் வெளியாவதில், கால தாமதம் ஏற்பட்டுள்ளதாகவும் கூறப்படுகிறது. எனினும், இன்றோ அல்லது நாளையோ, பட்டியல் வெளியாகலாம்.

"அரசு பள்ளிகளில், டி.இ.டி., விண்ணப்பங்களை விற்பனை செய்ய அனுமதித்த கல்வித் துறை, தனியார் பள்ளிகளில், விண்ணப்பங்களை விற்பனை செய்ய நடவடிக்கை எடுக்காதது ஏன்?' என, அரசு பள்ளி ஆசிரியர்கள் கேள்வி

noreply@blogger.com (suresh v) — Tue, 18 Jun 2013 17:22:28 PDT

"அரசு பள்ளிகளில், டி.இ.டி., விண்ணப்பங்களை விற்பனை செய்ய அனுமதித்த கல்வித் துறை, தனியார் பள்ளிகளில், விண்ணப்பங்களை விற்பனை செய்ய நடவடிக்கை எடுக்காதது ஏன்?' என, அரசு பள்ளி ஆசிரியர்கள் கேள்வி எழுப்புகின்றனர்.

மாநிலம் முழுவதும், 2,500 அரசு மேல்நிலைப் பள்ளிகளில், நேற்று முன்தினம் முதல், டி.இ.டி., விண்ணப்பங்கள் விற்பனை துவங்கி உள்ளது. பள்ளி வேலை நாட்களில், விண்ணப்பங்களை விற்பனை செய்வதால், பல்வேறு தொந்தரவுகள் ஏற்படுவதாகவும், கல்விப்பணி பாதிப்பதாகவும், இது குறித்து, பள்ளிக் கல்வித் துறை அமைச்சர் வைகைச்செல்வன் நடவடிக்கை எடுக்காதது ஏன் என்றும், ஆசிரியர்கள் கேள்வி எழுப்புகின்றனர்.

அரசு பள்ளி ஆசிரியர்கள் ஆவேசம்:

காலையில், இரண்டு ஆசிரியர்களையும், மாலையில், இரண்டு ஆசிரியர்களையும், விண்ணப்பங்கள் விற்பனை செய்யும் பணியில் ஈடுபடுத்துவதாகவும், இந்தப் பணியை, தலைமை ஆசிரியர்கள், கவனிக்க வேண்டியிருப்பதாகவும், ஆசிரியர்கள் கூறுகின்றனர்.

இது தொடர்பாக, அரசு பள்ளி ஆசிரியர்கள் சிலர் கூறியதாவது:ஏற்கனவே, இலவச சீருடை வழங்குவது, சைக்கிள் வழங்குவது, பென்சில், காலணி உள்ளிட்ட பல்வேறு இலவச பொருட்களை வழங்கும் வேலை இருக்கிறது. போதாததற்கு, பல்வேறு கணக்கெடுப்பு பணிகளையும் செய்ய வேண்டியுள்ளது. இந்த நிலையில், விண்ணப்பங்கள் விற்பனை செய்யும் வேலையையும், அரசு பள்ளிகளிடம் ஒப்படைப்பது எந்த வகையில் நியாயம்?டி.இ.டி., விண்ணப்பங்களை, தனியார் பள்ளிகளில், விற்பனை செய்ய, கல்வித்துறை நடவடிக்கை எடுக்காதது ஏன்? தனியார் பள்ளிகளில், கல்விப்பணி பாதிக்கப்படக் கூடாது; தனியார் பள்ளி மாணவர்கள், நன்றாக படிக்க வேண்டும். அவர்களின், படிப்பிற்கு, எவ்வித இடையூறும் ஏற்பட்டு விடக் கூடாது என்பது, அமைச்சரின் ஆவலோ... தெரியாது!ஆனால், அரசு பள்ளி மாணவர்கள் என்றால், கல்வித் துறைக்கு, இளக்காரமாகப் போய் விட்டது போலும்! அதுவும், கல்வித்துறையே, இப்படி, அரசுப் பள்ளிகளையும், அரசுப் பள்ளி மாணவர்களையும், மட்டம் தட்டுவது, வேதனையாக உள்ளது.

"ஆன்-லைன்' பதிவு செய்யலாமே!

சாதாரண பள்ளி மாணவர்களுக்கே, தொட்டதற்கு எல்லாம், "ஆன்-லைன்' திட்டங்களை, தேர்வுத் துறை செயல்படுத்துகிறது. மாணவ, மாணவியர், குறிப்பாக, கிராமப்புற மாணவர்கள், இணையதள மையங்களை தேடிச் சென்று, பல நூறு ரூபாய் செலவழித்து, விண்ணப்பிக்கின்றனர்.மாணவர்களுக்கே, இணையதள வழி பதிவை வலியுறுத்தும் கல்வித் துறை, டி.இ.டி., தேர்வை எழுதும் பட்டதாரிகளுக்கு, இணையதள வழி பதிவு திட்டத்தை, அறிவிக்காதது ஏன்?இளங்கலை பட்டம், பி.எட்., படித்தவர்கள், இணைய தளத்தில், பதிவு செய்ய மாட்டார்களா? ஏன், இந்த காலத்திலும், லட்சக்கணக்கில், விண்ணப்பங்களை அச்சடித்து, காசை கரியாக்க வேண்டும்? குறிப்பாக, அரசு பள்ளி ஆசிரியர்களையும், மாணவர்களையும், ஏன் தொந்தரவு செய்கின்றனர்?

அமைச்சருக்கு தெரியாதது ஏன்?

பள்ளி கல்வி அமைச்சர் வைகைச்செல்வனும், முதன்மை செயலர் சபிதாவும், மாதத்திற்கு, 20 கூட்டங்களை நடத்துகின்றனர். குறிப்பிட்ட பொருட்களை மையப்படுத்தி, மாவட்ட அளவிலும், மண்டலஅளவிலும், பின், கல்வி மாவட்ட அளவிலும், மாநில அளவிலும் என, அரைத்த மாவையே, திரும்ப, திரும்ப அரைக்கப்படும் கூட்டங்களுக்கு, முக்கியத்துவம் தரும் அமைச்சரும், செயலரும், இதுபோன்ற உருப்படியான விஷயங்களில் கவனம் செலுத்தாதது ஏன்... டி.ஆர்.பி., தலைவருக்கும் இது, தெரியாதது ஏன்?இவ்வாறு, அரசுப்பள்ளி ஆசிரியர்கள், ஆவேசமாக தெரிவித்தனர்.

டி.ஆர்.பி., தலைவர் மழுப்பல்:

டி.இ.டி., விண்ணப்பங்களை, தனியார் பள்ளிகளில் வழங்காதது ஏன் என்பது குறித்து, டி.ஆர்.பி., தலைவர், சுர்ஜித் கே. சவுத்ரி கூறியதாவது:அரசு பள்ளிகள் தான், அரசின் கட்டுப்பாட்டில் இருக்கின்றன. தனியார்பள்ளிகளிடம் வேலை வாங்க முடியாது. அரசுப் பள்ளிகள், நம்பகத் தன்மைக்கு உரியவை. அவர்களை நம்பி, வேலையை ஒப்படைக்கலாம். வேலையில் ஏதாவது பிரச்னை நடந்தால், சம்பந்தபட்டவர்கள் மீது, நடவடிக்கையும் எடுக்கலாம். இதுபோன்ற நடவடிக்கைகளை, தனியார் பள்ளிகள் மீது எடுக்க முடியாது. அதனால் தான், அரசு பள்ளிகளில், டி.இ.டி., விண்ணப்பங்களை வழங்குகிறோம். விண்ணப்பம் வழங்கும் பணியில், ஆசிரியர்களை ஈடுபடுத்தக்கூடாது என, தெளிவாக கூறியுள்ளோம். "கிளார்க்'குளை மட்டுமே, இந்த பணியில் ஈடுபடுத்த வேண்டும் எனவும், தெரிவித்துள்ளோம்.இவ்வாறு சுர்ஜித் கே. சவுத்ரி கூறினார்.

"ஆன்-லைன்' பதிவு திட்டத்தை ஏன் அமல்படுத்தவில்லை என, கேட்டதற்கு, ""ஆன்-லைன் மூலம் பதிவு செய்யும் திட்டத்தை, படிப்படியாக அமல்படுத்துவோம்,'' என, சவுத்ரி தெரிவித்தார். எந்த தேர்வில் இருந்து, எந்த ஆண்டில் இருந்து, ஆன்-லைன் திட்டம் அமலுக்கு வரும் என, திட்டவட்டமாக கூறாமல், மழுப்பலாக, சவுத்ரி பதிலளித்தார்.

-நமது நிருபர்-

கேள்வி பதில் உதவ முடியுமா.....?Suryadeepan Deepan முன்பு ஜுலை 31 வரை பிறந்த குழந்தைகளை பள்ளியில் சேர்த்தோம். ஆகஸ்ட் என்றால் உதவி தொடக்க கல்வி அலுவலரின் அனுமதி பெற வேண்டும்.

noreply@blogger.com (suresh v) — Tue, 18 Jun 2013 09:16:42 PDT

தற்போது எந்த மாதம் வரை பிறந்த குழந்தைகளை பள்ளியில் சேர்க்கலாம?

ஜுலை 31 க்குப் பின் பிறந்த குழந்தைகளை பள்ளியில் சேர்க்க உயர் அலுவலரின் அனுமதி தேவையா?

பதில்

செப்-30 வரை பிறந்த குழைந்தைகளை பள்ளியில் முதல் வகுப்பில் சேர்த்துக்கொண்டு ஆகஸ்ட்-1முதல் ஆகஸ்ட்_31 வரை பிறந்தவர்கட்கு உதவித்தொடக்ககல்வி அலுவலர் அவவர்களிடமும்,செப்-1 முதல் செப்30 வரை பிறந்த குழண்டைகட்குமாவட்டதொடக்கக்கல்வி அலுவலரிடமும் தவிர்ப்பானை பெறலாம்.விதிகளில் வழிவகை உள்ளது.விதிகளை பிரசுக்கும் முயற்சியில் நமது தமிழ் நாடு ஆசிரியர் கூட்டணி மேற்கொண்டுள்ளது

குறிப்பு:-உயர் அலுவலரால் வழங்கப்படும் வயது தளர்வு தவிர்ப்பு ஆணை உண்மை நகலை மாற்று சான்றிதலோடு இணைத்துவிட வேண்டும். பள்ளி பதிவேடுகளில் ஜெராக்ஸ் காப்பியை இணைத்து வைத்துகொள்ள வேண்டும்.

குட்டிக்கதை:------ எதற்கும் கவலை கொள்ளாதே..!----SHORT STORIES

noreply@blogger.com (suresh v) — Tue, 18 Jun 2013 08:59:10 PDT

ஒரு ஊரில் பல ஆண்டுகளாக வயல்களில் ஒரு வயது முதிர்ந்த விவசாயி வேலை செய்து கொண்டிருந்தார். அவர் தனது வீட்டில் ஒரு குதிரையை வளர்த்து வந்தார். ஒரு நாள் அந்த குதிரை எங்கேயோ ஓடி போய்விட்டது. அந்த விஷயத்தை அறிந்த அக்கம் பக்கத்தினர் அவரிடம் சென்று, "என்ன ஒரு கெட்ட அதிர்ஷ்டம்!" என்று கனிவோடு பேசினர். அதற்கு அந்த விவசாயி "இருக்கலாம்" என்று சொன்னார்.

மறுநாள் காலையில் ஓடிப் போன அந்த குதிரை திரும்ப வந்துவிட்டது. ஆனால் வரும் போது மூன்று குதிரைகளோடு வந்தது. அதை அறிந்தவர்கள், அவரிடம் "எவ்வளவு அற்புதம்" என்று ஆச்சரியத்தோடு வந்து பேசினர். அதற்கும் அவர் "இருக்கலாம்" என்று கூறினார்.

அடுத்த நாள் அந்த விவசாயி மகன் அந்த குதிரையின் மீது சவாரி செய்ய ஆசைப்பட்டு, குதிரையின் மீது ஏறினான். ஆனால் அந்த குதிரையோ அவனை கீழே தள்ளிவிட்டது. அதனால் அவனது கால் உடைந்துவிட்டது. உடனே பக்கத்து வீட்டுக்காரர்கள், அவரிடம் மறுபடியும் கனிவோடு இது ஒரு கெட்ட சகுனம் என்று பேசினர். அதற்கும் அவர் "இருக்கலாம்" என்று சொன்னார்.

மறுநாள் இராணுவ அதிகாரிகள் அந்த கிராமத்திற்கு இளைஞர்களை அழைத்து செல்ல வந்தனர். அப்போது கால் உடைந்த அந்த இளைஞனை பார்த்து, சென்றுவிட்டனர். உடனே அக்கம்பக்கத்தினர் அந்த அவரிடம் வந்து "என்ன பாக்கியம் செய்தீர்களோ உங்கள் மகனை விட்டு சென்றுவிட்டனர்" என்று கூறி வாழ்த்துக்களை தெரிவித்தனர். அதற்கும் அந்த விவசாயி "இருக்கலாம்" என்றே கூறினார்.

ஆகவே "எது வேண்டுமானாலும் எப்போது வேண்டுமானாலும் நடக்கும். எனவே எதற்கும் கவலை கொள்ளாமல் எல்லாம் நன்மைக்கே என்று ஏற்று கொள்ள வேண்டும்" என்பது நன்கு இக்கதையின் மூலம் புரிகிறது

AS PER TAMILNADU COMMON SCHOOL EDUCATION CURRICULAM,2009...ALLOCATIONS OF PERIODS FOR PRIMARY AND UPPER PRIMARY AND HIGH AND HIGHER SECONDARY SCHOOLS.

noreply@blogger.com (suresh v) — Wed, 19 Jun 2013 05:37:44 PDT

THANKS TO MR.S. RAVIKUMAR, GRADUATE TEACHER, GHS, ARANGALDHURGAM, VELLORE – 635811
e-mail: sivaravi196310@gmail.com Mobile: 9994453649

பள்ளியில் மாணவர்களை தக்க வைக்க .....

noreply@blogger.com (suresh v) — Tue, 18 Jun 2013 05:15:54 PDT

கணவன் - மனைவி சண்டையை தீர்த்து வைக்க வேண்டியுள்ளது (மனைவி கோவித்துக்கொண்டு போகும் போது குழந்தைகளோடு போய்விடக் கூடாதே)

ரேசன் கார்டிலிருந்து வாக்களர் அட்டை வரை அனைத்தையும் பொறுப்புடன் செய்து தர வேண்டியுள்ளது (இதெல்லாம் வாத்தியார் செய்து கொடுக்கிறாறே என்ற முக தாட்சண்யத்திற்காகவாவது அவர்களின் குழந்தைகளை பள்ளியில் சேர்ப்பார்களே என்ற நப்பாசையில்)

பால்வாடி இல்லாத கிராமங்களில் இரண்டு வயதில் இருந்து குழந்தைகளை பள்ளியில் பரமரிக்க வேண்டிள்ளது

கலரான பஸ் டை சூ போன்ற இத்தனை பகட்டையும் மீறி அரசுப்பள்ளிக்கு குழந்தைகள் வந்துவிட்டார்களே அப்பாடா என்று இருக்க முடியாது. எந்த வகுப்பிலும் எந்த நேரத்திலும் ஓசியாக குழந்தைகளை ஏற்றிச் செல்லும் அரசு உதவி பெறும் பள்ளி வேன்களில் குழந்தைகளை கடத்தும் அபாயம் உள்ளது

அரசு பள்ளிகளில் ஆங்கிலவழிக்கல்வி : கிராமப்புற மாணவர்களுக்கு வரப்பிரசாதமா? dinamalar

noreply@blogger.com (suresh v) — Tue, 18 Jun 2013 05:13:42 PDT

ஏழை மற்றும் நடுத்தர மாணவர்கள் கல்வி பயிலும் வகையில், கிராமப்புற மற்றும் நகர்ப்புறங்களில், அரசுப்பள்ளிகள் செயல்படுகின்றன. மாணவர்களிடையே படிக்கும் ஆர்வத்தை தூண்ட பல்வேறு திட்டங்களையும் அரசு செயல்படுத்தி வருகிறது.

அரசுப்பள்ளிகளில் பயிலும் மாணவர்களுக்கு பொருளாதாரம் ஒரு தடையாக இருக்கக்கூடாது என்ற விதத்தில், இடை நிற்றலை குறைப்பதற்காக சிறப்பு ஊக்கத்தொகை திட்டம்; நான்கு ஜோடி இலவச சீருடைகள், இலவச நோட்டுப்புத்தகங்கள், சிறப்பு கல்வி உபகரணங்கள், புத்தகப்பை, ஜியோமெட்ரி பாக்ஸ் ஆகிய திட்டங்களும் அறிவிக்கப்பட்டுள்ளன.இந்நிலையில், புத்தகங்களை சுமந்து சென்று படிப்பதற்கு பதிலாகவும்; தேர்வு பயத்தினால், பள்ளியில் இடை நிற்றல் அதிகரிப்பதை தவிர்க்கும் வகையிலும், பருவ முறையில் கல்வி கற்பிக்கும் திட்டம் மற்றும் மதிப்பீட்டு முறை அமல்படுத்தி உள்ளது.தனியார் பள்ளிகளுக்கு நிகராக கல்வி முறை மாற்றம், விலையில்லா பொருட்கள் வழங்கினாலும் மாணவர்கள் சேர்க்கை அதிகரிக்கவில்லை. ஏனெனில், குழந்தைகள் ஆங்கிலத்தில் பேசுவதை பெருமையாக நினைக்கும் பெற்றோர்களும் தனியார் பள்ளிகளை நாடி வருவதை கண்கூடாக பார்க்கலாம். ஆங்கில மொழிக்கல்வி என்பது இன்றியமையாததாக மாறியுள்ளது.

இந்நிலையில், அரசுப்பள்ளிகளில் பயிலும் மாணவர்களும் ஆங்கில வழியில் கல்வி பயிலும் வகையில், ஆங்கில வழிக்கல்வியினை கொண்டு வர அரசு திட்டமிட்டு, தற்போது அதை செயல்படுத்தி உள்ளது. அந்தந்த ஒன்றியங்களில் மாணவர்கள் எண்ணிக்கையினை கருத்தில் கொண்டு முதல் வகுப்புகளில் இதைத்துவங்க அறிவுறுத்தப்பட்டுள்ளது.பெற்றோர் மற்றும் மாணவர்கள் விருப்பத்தினை கேட்டு, தமிழ் வழியில் படிக்க விரும்பினால், தமிழ் வழியிலும், ஆங்கில வழியில் படிக்க விரும்பினால் ஆங்கில வழியிலும் படிக்க வைக்கலாம் என அறிவுரைகளும் உதவித்தொடக்க கல்வி அலுவலர்கள் மூலமாக வழங்கப்பட்டுள்ளன.தாய்மொழியான தமிழ்மொழியில் கற்பது நல்லதா? ஆங்கிலத்தில் கற்பது நல்லதா? என பட்டிமன்றமே நடத்தும் நிலை ஏற்பட்டுள்ளது.அரசு தமிழ் மொழிக்கு எதிராக ஆங்கில வழி கல்விமுறையை கொண்டு வந்துள்ளதாக நினைக்க வேண்டாம்; கால மாற்றத்திற்கு ஏற்றாற் போன்று, இம்முடிவை எடுக்க வேண்டிய சூழல் காணப்படுகிறது. வெளி மாநிலங்களில் வேலைக்கு செல்பவர்களுக்கு ஆங்கில மொழி தெரிந்திருப்பது அத்தியாவசியமாகும். தாய்மொழியான தமிழ் தெரிந்திருப்பதுடன் மற்ற மொழியான ஆங்கிலமும் தெரிந்திருப்பது நல்லதுதான் என்கின்றனர் கல்வி ஆர்வலர்கள்.

இக்கல்வி முறை கொண்டு வந்தாலும், அரசுப்பள்ளிகளில் முறையாக இதற்கென தனியாக ஆசிரியர்கள் நியமனம், வகுப்பறை கட்டங்கள் மற்றும் ஆசிரியர்களுக்கு ஆங்கிலத்திறன் மேம்படுத்தும் பயிற்சிகளை வழங்குதல் உள்ளிட்ட அனைத்து வசதிகளும் மேம்படுத்தப்பட வேண்டும். இத்திட்டம் முறையாக செயல்படுகிறதா என கண்காணித்தால் மட்டுமே அரசுப்பள்ளிகளில் இம்முறை வெற்றி பெற செய்ய முடியும் என்பதே கல்வி ஆர்வலர்களின் கருத்தாகும்.

லெனின் பாரதி (தனியார் பொறியியல் கல்லூரி துணைப்பேராசிரியர்) :அரசுப்பள்ளிகளில் ஆங்கிலமும் பயிற்று மொழியாக இருக்கும் என்பது வரவேற்கதக்கது. உலகமயமாக்கப்பட்ட சமூகம், பொருளாதார சூழ்நிலையில் நாம் விரும்பினாலும், விரும்பாவிட்டாலும் ஆங்கிலம் பொதுமொழியாக மாறியுள்ளது. குறிப்பாக உலக தகவல் தொடர்புகள், வாணிபம் அனைத்தும் ஆங்கிலத்தின் மூலம் நடைபெறும் சூழ்நிலையில், இம்மொழி மூலம் பாடங்களை கற்பது அவசியமாகும்.தாய்மொழி மூலம் கல்வி கற்பது என்பது மறுப்பு எதுவும் இல்லை. அதுதான் ஆரோக்கியமான கல்வியாகும் என்பதில் சந்தேகமில்லை. அரசின் இந்த அறிவிப்பு இன்றைய சூழ்நிலையின் பிரதிபலிப்பே அன்றி வேறில்லை. தற்போது அரசு மற்றும் தனியார் உட்பட அனைத்து பள்ளிகளும் தமிழ், ஆங்கிலம் இரண்டையும் மொழியாக பார்க்கும் பார்வை இல்லாமல் வெறும் மதிப்பெண் பெறும் பாடங்களாக மட்டும் பார்ப்பதால் சரியாக கற்க தவறுகின்றனர். இந்த நிலை மாற்றி தாய்மொழி வழியாகவும், ஆங்கிலம் வழியாகவும் சிந்திக்கவும், பேசவும், எழுதவும் திறனுடைய மாணவர்களை உருவாக்கினால் மட்டுமே இத்திட்டம் வெற்றி பெற முடியும். தாய்மொழி நமது அடித்தளம், ஆங்கிலம் நமது எதிர்காலம். அடித்தளத்தை பாதுகாத்துக்கொண்டே நமது எதிர்காலத்தை உருவாக்க வேண்டும். எனவே, ஆங்கில வழி கல்விமுறையை வரவேற்கலாம்.

ராஜா (தமிழ்நாடு முற்போக்கு எழுத்தாளர் கலைஞர்கள் சங்கம்) :மனிதனின் அறிவு வளர்ச்சிக்கும், புதிய கண்டுபிடிப்புகளுக்கும் தாய் வழிக்கல்வியே சிறந்தது என அறிஞர்கள் சொல்வது மட்டுமல்ல; அனுபவம் உள்ளது. இயற்கைக்கு முரணாக தமிழகத்தில் மாறி மாறி ஆட்சி செய்த இரு திராவிட கட்சிகளும் ஆங்கிலத் திணிப்பிற்கு அதிக முக்கியத்துவம் கொடுத்து தமிழை இரண்டாம் பட்சமாக ஆக்கி வருகின்றனர். ஆங்கிலத்தில் படித்தால் தான் வேலைவாய்ப்பு, மேற்படிப்புகளுக்கும், பிறநாடுகளுக்கு செல்லும் போது தொடர்புக்கு என காரணங்கள் ஆங்கில வழிக்கு காரணமாக சொல்லப்படுகின்றன. ஆனால் இவற்றில் எதுவும் உண்மையில்லை. ஆங்கில அறிவு படைத்த பலர் வேலைவாய்ப்பின்றி உள்ளனர். உலகின் ஒரு சில நாடுகளை தவிர ஏனைய நாடுகளில் ஆங்கிலத்திற்கு வேலையே இல்லை. மொழி என்பது பேச்சு மட்டுமல்ல; நம் மனிதர்களின் பண்பாடு, கலாசாரம் சம்பந்தப்பட்ட செயல். ஒரு மொழியின் அழிவு அந்த இன மக்களின் ஆன்மாவை அழிப்பது என்பதெல்லாம் ஆட்சியாளர்களுக்கு எப்போது புரியப்போகிறது என தெரியவில்லை. தாய்மொழியான தமிழ் வழி கல்வியே சிறந்தது.வெற்றி வேல்செழியன், உடுமலை: தாய் மொழியில் கல்வியே சிறந்ததாகும். தொடர்பு மொழியாக ஆங்கிலம் உள்ளிட்ட எந்தமொழி வேண்டுமென்றாலும் கற்கலாம். ஆனால், தாய்மொழியான தமிழ்மொழியிலேயே கற்றால் தான் சுயமாக சிந்திக்கும் திறன் மேம்படும். இங்கு படித்துச்செல்லும் மாணவர்களும் அமெரிக்கா, கனடா போன்ற நாடுகளுக்கே சென்று பணியாற்ற விரும்புகின்றனர். மற்ற மொழிகளை கற்றாலும், தாய்மொழி வழி கல்வியே சிறந்தது.

சதாசிவம், உடுமலை :அரசுப்பள்ளிகளில் ஆங்கில வழிக்கல்விமுறைக்கு வரவேற்கத்தக்கது. குறிப்பிட்ட பள்ளிகள் மட்டுமின்றி அனைத்து பள்ளிகளிலும் இத்திட்டம் செயல்படுத்த வேண்டும். அரசுப்பள்ளிகளில் பணியாற்றும் ஆசிரியர்கள் தங்களது குழந்தைகளை அரசுப்பள்ளிகளிலேயே படிக்க வைக்க முன்வர வேண்டும்.

கிறிஸ்துராஜ், உடுமலை:அரசுப்பள்ளிகளில் ஆங்கில வழிக்கல்விமுறை வரவேற்கதக்கது. ஏழை மற்றும் நடுத்தர மாணவர்கள் பயிலும் அரசுப்பள்ளிகளில் இம்முறையான கல்வி முறை கொண்டு வந்துள்ளது மகிழ்ச்சி தருவதாக உள்ளது. ஏöனில், மேல்நிலை படிப்பு முடித்து கல்லூரி செல்லும்போது ஆங்கில மொழி அவசியமாகிறது. ஆங்கிலமொழி தெரியாவிட்டால், கல்லூரி படிப்பு படிப்பதில் சிரமம் ஏற்படுகிறது. ஆங்கிலம் கற்பது தற்போது இன்றியமையாததாக மாறி உள்ளது.

வினோதா, கோமங்கலம்புதூர்:பொள்ளாச்சியில் மொத்தம் உள்ள பள்ளிகளில், 20 பள்ளிகளில் மட்டுமே ஆங்கில வழி கற்றல் அறிமுகமாகியுள்ளது. இத்திட்டம் அரசு பள்ளி மாணவர்களுக்கு கிடைத்த வரப்பிரசாதம். தனியார், மெட்ரிக் பள்ளிகளில் பயிலும் மாணவர்களுக்கு நிகராக அரசு பள்ளி மாணவர்களுக்கும் நம்பிக்கையளித்துள்ளது. இது வரவேற்கத்தக்கது.

வைஷ்ணவி, ராசாக்காபாளையம்:ஆங்கில வழிக்கற்றல் முதல் வகுப்புகளில் மட்டுமே துவங்கப்பட்டுள்ளது. அனைத்து வகுப்புகளிலும் விரைவில் துவங்க வேண்டும். முன்னிருந்த ஆர்வத்தை காட்டிலும் தற்போது மாணவர்கள் பள்ளிக்கு செல்ல அதிக விருப்பம் காட்டுகின்றனர். இத்திட்டம் மக்களிடையேயும், மாணவர்களிடத்திலும் நல்ல வரவேற்பை பெற்றுள்ளது. இத்திட்டம் தொடர வேண்டும்.

பிரகாஷ், கிணத்துக்கடவு: ஏழை, எளிய மக்களின் குழந்தைகள் ஆங்கில வழியில் படிக்க முடியாத அளவிற்கு, கட்டணம் வசூலிக்கப்படுவதால், அவர்களுக்கு இது எட்டாக்கனியாகவே இதுவரையிலும் இருந்து வந்தது. தற்போது, அரசு துவக்கப்பள்ளி முதல் அரசு மேல்நிலைப்பள்ளி வரை ஆங்கில வழி கல்வியை தமிழக அரசு துவக்கியுள்ளது வரவேற்கதக்க ஒன்று. கிணத்துக்கடவு பகுதிகளில் உள்ள அனைத்துப்பள்ளிகளிலும் ஆங்கில வழி கல்வியை துவங்க துவக்கப்பள்ளி தலைமை ஆசிரியர்கள் நடவடிக்கை எடுக்க வேண்டும்.

வேலுச்சாமி (உதவிப்பேராசிரியர்) : அரசு கொண்டுவந்துள்ள ஆங்கிலவழிக்கல்வி திட்டத்தினால் ஏழை, எளிய மாணவர்கள் அதிக அளவில் பயன்பெறுவர். இதனால், மேலைநாடுகளில் உயர்பதவிகளை பெறவாய்ப்புள்ளது. குழந்தை பருவம் முதலே இந்த கல்வி முறை செயல்படுத்தப்படுவதால் எதிர்காலத்தில் அவர்களின் வாழ்க்கைத்தரம் முன்னேறும். பிற மாநிலத்தை சேர்ந்த மாணவர்களுக்கு ஆங்கில வழிக்கல்வி மூலம் படிப்பது மிகவும் பயனுள்ளதாக இருக்கும்

அஸ்வதி (கல்லூரிமாணவி):வால்பாறை மலைப்பகுதியில் ஏழை, எளிய மக்கள் அதிக அளவில் வசிக்கின்றனர். குறிப்பாக தமிழக அரசு கொண்டு வந்துள்ள ஆங்கிலவழிக்கல்வி திட்டம் வறுமை கோட்டிற்கு கீழ் உள்ள மாணவர்களுக்கு ஒரு வரபிரசாதமாக அமைந்துள்ளது.மேலும் அரசு பள்ளிகளில் இந்த திட்டம் செயல்படுத்துவதன் மூலம் மாணவர்களின் எண்ணிக்கை அதிகரிப்பதோடு, அவர்களின் கல்வித்தரம் உயரும்.

மனோகரன், மண்ணூர்:அரசுப்பள்ளியில் ஆங்கில வழிக்கல்வி கொண்டு வந்தது மிகவும் வரவேற்கதக்கது. அதிகம் செலவழித்து தனியார் பள்ளியில் பிள்ளைகளை படிக்க வைக்க முடியாதவர்களுக்கு, இது நல்லதொரு வாய்ப்பாக இருக்கும். அரசின் இம்முயற்சி வெற்றிப்பெற, ஆங்கில வழிக்கல்விக்கென தனியாக, ஆங்கிலப்புலமை வாய்ந்த தகுதியான ஆசிரியர்களை பணியமர்த்த வேண்டும். தனியார் பள்ளிக்கு நிகராக, ஆங்கில வழிக்கல்வியில் அரசுப்பள்ளிகளின் தரத்தை மேம்படுத்த வேண்டும். முக்கியமாக, கிராமப்புற மாணவர்கள் மிகுந்த பயனடைவர்.

சுப்பிரமணியன் (ராமச்சந்திராபுரம்): அரசு பள்ளியில் ஆங்கில வழிக் கல்வி முறையை தமிழக அரசு நடைமுறைப்படுத்தியுள்ளது மிகுந்த வரவேற்புக்குரியது. ஏழை, எளியவர்கள் புத்தகம், சீருடை, பள்ளிக் கட்டணம் ஆகியவற்றுக்கு அதிக பணம் செலவழித்து தங்கள் பிள்ளைகளை தனியார் பள்ளிகளில் சேர்க்க முடியாத சூழ்நிலை இருந்து வருகிறது. கிராமப்புறத்தில் உள்ள மாணவர்கள் ஆங்கில வழிக் கல்விக்காக நீண்ட தூரம் பயணம் செய்து நகருக்கு சென்று கொண்டிருந்தனர். அரசின் இந்த அறிவிப்பால் கிராமத்திலேயே ஆங்கில வழிக் கல்வியை பெற முடியும். இதனால், தனியார் பள்ளி மாணவர்களோடு, அரசு பள்ளி மாணவர்கள் போட்டி, போட்டு தங்கள் திறமைகளை வெளிப்படுத்த முடியும்.

பச்சையப்பன்(தாத்தூர்):அரசு பள்ளியில் ஆங்கில வழிக் கல்வி முறையை நடைமுறைப்படுத்தி உள்ளதால், கிராமப்புறம் மற்றும் நகர்புறத்தில் உள்ள ஏழை, எளிய மாணவர்கள் மிகுந்த பயனடைவர். வளர்ந்து வரும் விஞ்ஞான உலகில், கிராமப்புறத்தில் இருந்து வரும் மாணவர்கள் எதிர்காலத்தில் வரும் போட்டியை சமாளிக்கவும், வேலை வாய்ப்பு திண்டாட்டத்தை போக்க முடியும். ஆங்கில வழிக் கல்வி முறையை நடைமுறைப்படுத்தும் போது இக்கல்வி முறைக்கென தனியாக ஆசிரியர்களை நியமித்து கண்காணிப்பு மேற்கொள்ள வேண்டும்.

ஈஸ்வரன்; கல்விக்குழு உறுப்பினர் அனுப்பர்பாளையம் துவக்கப்பள்ளி;அரசு பள்ளிகளில் ஆங்கில வழி கல்வி அறிமுகமானது வரவேற்கத்தக்கது. அரசு பள்ளிகளில் பணிபுரியும் ஆசிரியர்களில் பலரும் திறமையானவர்களாக இருப்பார்களா என்பது சந்தேகமாக உள்ளது. தற்போது டி.இ.டி., தேர்வு வாயிலாக தேர்வு செய்யப்படும் ஆசிரியர்கள் திறமையானவர்களாக இருப்பார்கள். இந்த ஆசிரியர்கள் மாணவர்களை ஊக்குவித்து கல்வி கற்பிக்க வேண்டும். இதன் மூலம் தனியாருக்கு நிகராக அரசு பள்ளிகளின் தரம் உயரும். இதனால் பெற்றோரும் ஆர்வத்துடன் பள்ளிகளில் குழந்தைகளை சேர்க்க வேண்டும்.

கிருஷ்ணகுமார்; தகவல் தொழில் நுட்ப த்துறை மாணவர் : பொதுவாக நம் மாணவர்களுக்கு கம்யூனிக்கேஷன் ஸ்கில் குறைவாக உள்ளது. அதனால் திறமையிருந்தும் நம் மாணவர்களால் சாதிக்க முடியாமல் கடும் சிரமத்துக்குள்ளாகின்றனர். திறமையையும், மொழியாற்றலையும் கொண்டுவருவதற்காக இத்திட்டம் கொண்டுவரப்பட்டது. இது வரவேற்கத்தக்கது. இதே போல் இந்தி மொழியையும் உட்புகுத்த வேண்டும். அப்போது தமிழகம் தன்னிகரில்லா மாநிலமாக உயரும்.

ஆனந்தி, மண்ணூர்:அரசுப்பள்ளியில் ஆங்கிலக்கல்வியின் வருகையால், இனி மாணவர்களின் எண்ணிக்கை அதிகமாகும். அடித்தட்டு மக்கள் கூட, தங்களுடைய பிள்ளைகளை ஆங்கில வழிக்கல்வியில் அரசுப்பள்ளியில் சேர்ப்பர். வருமானத்தில் பெரும்பங்கை, பிள்ளைகளின் கல்விக்கே ஒதுக்க வேண்டியுள்ளது. இந்நிலையில், அரசு ஆங்கில வழிக்கல்வியை கொண்டு வந்ததால், வீட்டின் பொருளாதாரமும் சற்று மேம்படும்.

பிளஸ் 2 சிறப்புத் துணைத்தேர்வுக்கு 98 ஆயிரத்து 500 மாணவர்கள் விண்ணப்பித்துள்ளனர்.

noreply@blogger.com (suresh v) — Tue, 18 Jun 2013 05:12:12 PDT

பிளஸ் 2 தேர்வு முடிவுகள் மே 9-ஆம் தேதி வெளியிடப்பட்டன. இந்தத் தேர்வில் பள்ளிகளின் மூலமாக தேர்வு எழுதியவர்களில் 95 ஆயிரத்துக்கும் அதிகமான மாணவர்கள் தேர்ச்சி பெறவில்லை. பிளஸ் 2 தேர்வில் தேர்ச்சி பெறாத மாணவர்களுக்காக உடனடி சிறப்புத் துணைத்தேர்வு ஜூன் 19 முதல் ஜூலை 1 வரை நடைபெற உள்ளது.

இந்தத் தேர்வுக்கான ஹால் டிக்கெட் விநியோகம் தமிழகம் முழுவதும் திங்கள்கிழமை தொடங்கியது. 96 ஆயிரம் மாணவர்களுக்காக அனைத்துக் கல்வி மாவட்டங்களிலும் ஹால் டிக்கெட் விநியோக மையங்கள் அமைக்கப்பட்டிருந்தன. தத்கல் முறையில் விண்ணப்பித்தவர்களுக்கு கடந்த வெள்ளி, சனிக்கிழமைகளில் ஹால் டிக்கெட் விநியோகிக்கப்பட்டது.

சென்னையில் கூட்டம்: சென்னையில் உள்ள அனைத்துக் கல்வி மாவட்டங்களையும் சேர்ந்த தனித்தேர்வர்கள் சென்னை அண்ணா சாலையில் உள்ள மதரஸா-இ-ஆசாம் பள்ளியில் ஹால் டிக்கெட்டை தேர்வர்கள் பெற்றுக் கொள்ளலாம் என அறிவிக்கப்பட்டது.

இதையடுத்து, சுமார் 3 ஆயிரத்துக்கும் மேற்பட்ட மாணவர்கள் இந்தப் பள்ளியில் திங்கள்கிழமை காலை குவிந்தனர். ஆனால், இவர்களுக்கு ஹால் டிக்கெட் விநியோகிக்க போதுமான கவுன்ட்டர்கள் திறக்கப்படவில்லை என மாணவர்கள் புகார் தெரிவித்தனர்.

தேர்வுக்கு முன்னதாகவும் ஹால் டிக்கெட் பெறலாம்: மார்ச் மாதம் நடைபெறும் பொதுத்தேர்வுக்குத்தான் தேர்வு நடைபெறுவதற்கு முன்னதாக அனைவருக்கும் ஹால் டிக்கெட் விநியோகம் செய்யப்படும். இது சிறப்புத் துணைத்தேர்வு மட்டுமே. எனவே, அனைத்து மாணவர்களும் ஒரே நாளில் ஹால் டிக்கெட் பெற வேண்டியதில்லை. அவர்கள் தேர்ச்சி பெறாத பாடங்களுக்கான தேர்வுகளுக்கு இரண்டு நாள்கள் முன்னதாகச் சென்றாலும் அவர்களுக்கு ஹால் டிக்கெட் விநியோகம் செய்யப்படும் என தேர்வுத்துறை வட்டாரங்கள் தெரிவித்தன.

பள்ளி மாணவர்களிடையே உலக சுற்றுச்சூழல் தின விழிப்புணர்வினை ஏற்படுத்தவும், அவர்கள் மூலமாக சமுதாயத்தில் விழிப்புணர்வினை ஏற்படுத்தவும் சுற்றுச்சூழல் விழிப்புணர்வு நிகழ்வுகள் நடத்தும்படி செயல்முறை:

noreply@blogger.com (suresh v) — Mon, 17 Jun 2013 08:27:57 PDT

TAMIL NADU GOVT SCHOOLS COMPENSATORY SATURDAYS ANNOUNCED....

noreply@blogger.com (suresh v) — Mon, 17 Jun 2013 05:05:29 PDT

COMPENSATORY SATURDAYS ANNOUNCED.

21.9.13

30.11.13

14.12.13

18.1.14

1.3.14

5.4.14

12.4.14.

Quarterly holiday 22/9/13 - 2/10/13

Half yearly holidays 24/12/13 - 1/1/13

TNTET 2012 - 2013 Application Sales Centre List | ஆசிரியர் தகுதி தேர்வு - அனைத்து மாவட்ட வாரியான விண்ணப்ப விற்பனை மையங்களின் பட்டியல்

noreply@blogger.com (suresh v) — Sun, 16 Jun 2013 18:26:40 PDT

Application for Tamil Nadu Teachers Eligibility Test Examination are sold in the following schoolsfrom 17.06.2013 to 01.07.2013. Filled in application should be submitted at District Educational Officesonly after obtaining proper acknowledgement:

Vellore

Kanyakumari

Tirunelveli

Tuticorin

Ramanathapuram

Sivagangai

Virudhunagar

Theni

Madurai

Dindigul

Nilgiris

Coimbatore

Erode

Salem

Namakkal

Dharmapuri

Pudukkottai

Karur

Perambalur

Tiruchirapalli

Nagapattinam

Thiruvarur

Thanjavur

Villupuram

Cuddalore

Thiruvannamalai

Kancheepuram

Chennai

Krishnagiri

Ariyalur

Tiruppur

15,000 பணி இடங்களை நிரப்ப ஆசிரியர் தகுதி தேர்வு விண்ணப்பம் இன்று முதல் விநியோகம் ஆரம்பம் - தினகரன்

noreply@blogger.com (suresh v) — Sun, 16 Jun 2013 18:25:37 PDT

தமிழகத்தில் காலியாக உள்ள சுமார் 15,000 ஆசிரியர் பணி இடங்களை நிரப்ப தகுதி தேர்வுக்கான விண்ணப்பங்கள் விநியோகம் இன்று தொடங்குகிறது.

ஆகஸ்டு 17 மற்றும் 18ம் தேதிகளில் ஆசிரியர் தகுதி தேர்வு நடைபெறும் என கடந்த 22ம் தேதி டிஆர்பி அறிவித்தது. இதன் மூலம் சுமார் 15,000 காலி பணி இடங்கள் நிரப்ப வாய்ப்புள்ளதாக கூறப்படுகிறது.

இத்தேர்வுக்கான விண்ணப்பங்கள் விநியோகம் இன்று (17ம் தேதி) தொடங்குகிறது. இந்த ஆண்டு 7 லட்சம் பேர் தகுதி தேர்வு எழுதுவார்கள் என எதிர்பார்க்கப்படுகிறது. எனவே கூட்ட நெரிசலை தவிர்ப்பதற்காக தமிழகத்தில் உள்ள அனைத்து அரசு மேல்நிலைப் பள்ளிகளிலும் விண்ணப்பங்களை பெற்றுக் கொள்ளலாம் என தெரிவிக்கப்பட்டுள்ளது. விண்ணப்பங்கள் ஏற்கனவே அரசு மேல்நிலை பள்ளிகளுக்கு அனுப்பப் பட்டு தயார் நிலை யில் வைக்கப்பட்டுள்ளன.

ஜூலை 1ம் தேதி மாலைக்குள் பூர்த்தி செய்யப்பட்ட விண்ணப்பங்களை சம்பந்தப்பட்ட மாவட்ட கல்வி அதிகாரி (டிஇஓ) அலுவலகத்தில் சமர்ப்பிக்க வேண்டும். விண்ணப்பத்தின் விலை ஸீ50, தேர்வுக் கட்டணம் ஸீ500 ஆகும். ஆதி திராவிடர், பழங்குடியினர் மற்றும் மாற்றுத் திறனாளிகள் விண்ணப்ப கட்டணமாக ஸீ250 செலுத்தினால் போதும்.

பணி நியமனத்துக்கு இந்த ஆண்டு புதிய முறை அமல்படுத்தப்படுகிறது. முதலில் தகுதி தேர்வு நடத்தப்பட்டு அதில் வெற்றி பெற்றவர்களின் சான்றிதழ் சரிபார்க்கப்படும். அதன்பிறகு தகுதியான நபர்களுக்கு சான்றிதழ் வழங்கப்படும். தொடர்ந்து காலி இடங்கள் பற்றிய அறிவிப்பு வெளியிடப்படும்.

பட்டதாரி ஆசிரியர்களை பொறுத்தவரை தகுதி தேர்வு மதிப்பெண் மற்றும் பிளஸ் 2, டிகிரி, பிஎட்., மதிப்பெண் அடிப்படையில் மெரிட் பட்டியல் தயார் செய்யப்பட்டு பணிக்கு தேர்வு செய்யப்படுவார். இடைநிலை ஆசிரியர்கள் உச்சநீதிமன்ற தீர்ப்புக்கு உட்பட்டு மாநில அளவிலான பதிவு மூப்பு அடிப்படையில் தேர்வு செய்யப்படுவர்.

மத்திய அரசு ஊழியர் ஓய்வு வயதுஉயர்த்தப்படாது என அறிவிப்பு

noreply@blogger.com (suresh v) — Sun, 16 Jun 2013 18:15:34 PDT

:"மத்திய அரசு ஊழியர்கள் ஒய்வு பெறும் வயதை, 62 ஆக அதிகரிக்கும் திட்டம் ஏதும் தற்போதைய அரசில் இல்லை' என, அரசு வட்டாரங்கள் தெரிவித்தன. மத்திய அரசு ஊழியர்கள் தொடர்பான, நல விவகாரங்களை கவனிக்கும் பொறுப்பு, மத்தியப் பணியாளர் நலத் துறை வசம் உள்ளது. ஊழியர்களின் தனிப்பட்ட புகார்கள், பென்ஷன் தாரர்களின் கோரிக்கைள் ஆகியவற்றை இந்த துறை தான் கவனித்து வருகிறது. மத்திய அரசு ஊழியர்களின் ஓய்வு பெறும் வயது, 60 ஆக உள்ளது.

இதை, 62 ஆக மாற்றப்பட வேண்டும் என்ற கோரிக்கை இருந்து வருகிறது.இந்நிலையில், மத்திய பணியாளர் நலத் துறை அமைச்சகம், அரசு ஊழியர்களின் ஓய்வு பெறும் வயதை, 62 ஆக உயர்த்தும்படி, பிரதமருக்கு அனுப்பியுள்ளதாகச் செய்திகள் வெளியாயின.இது குறித்து, மத்திய பணியாளர் நலத் துறை அமைச்சக மூத்த அதிகாரி ஒருவர் கூறுகையில், "அரசு ஊழியர்களின் ஓய்வு பெறும் வயதை அதிகரிக்கும் திட்டம் ஏதும் இப்போது இல்லை. இது பற்றி, எவ்வித குறிப்பும், பிரதமருக்கு அனுப்பப்படவில்லை; அப்படியொரு திட்டம் ஏதும் அமைச்சகத்திடம் இல்லை' என்றார்.மத்திய அரசின் பல்வேறு துறைகளில், 50 லட்சத்திற்கும் மேற்பட்ட ஊழியர்கள் பணியாற்றுகின்றனர். ஓய்வு பெறும் வயதை உயர்த்துவது என்றால், பல்வேறு துறைகளிடும் நிதி அமைச்சகம் ஆலோசனை நடத்த வேண்டும். மேலும், நிதி அமைச்சகத்தின் ஆலோசனை இல்லாமல் இந்த திட்டத்தைச் செயல்படுத்த முடியாது. நிதி பற்றாக்குறையை சமாளிக்க, பல்வேறு பொருளாதார சிக்கன நடவடிக்கைகளை நிதி அமைச்சகம் எடுத்துவரும் நிலையில், இது சாத்தியம் இல்லை என்று கூறப்படுகிறது.

ஆசிரியர் கோரிக்கைகள் சார்பான, அனைத்து ஆசிரியர் சங்கங்களையும் வருகிற 19 தேதிக்கு பதிலாக 20ஆம் தேதி மாலை 5.30மணிக்கு தமிழ்நாடு பாடநூல் கழக கூட்டரங்கில் நடைபெறும் கூட்டத்தில் பங்கேற்க தமிழக அரசு அழைப்பு - asiriyar kural

noreply@blogger.com (suresh v) — Sun, 16 Jun 2013 18:11:10 PDT

தொடக்கக் கல்வி இயக்குநர் அவர்களின் செயல்முறைகள் ந.க.எண். 14321 / இ1 / 2013, நாள்.15.06.2013ன் படி மாண்புமிகு பள்ளிக்கல்வி மற்றும் விளையாட்டு, இளைஞர் நலத்துறை அமைச்சர் அவர்களால் 20.06.2013 வியாழக்கிழமை மாலை 5.30மணிக்கு, சென்னை - 6 தமிழ்நாடு பாடநூல் கழக கூட்டரங்கில் ஆசிரியர்கள் கோரிக்கைகள் சார்பாக, ஆசிரியர் சங்க பிரதிநிதிகளுடன் கூட்டம் நடத்திட பார்வையில் காணும் அரசு கடித எண்.18000/ GE(2) / 2013-1, நாள்.12.06.2013ல் உத்தரவிடப்பட்டது.

அந்தந்த ஆசிரியர் சங்கங்களின் தலைவர் மற்றும் 2 மாநில பிரதிநிதிகள் கூட்டத்தில் தங்கள் கோரிக்கைகள் சார்ந்து விவாதிக்கும் வகையில் பங்கேற்குமாறு கேட்டுகொள்ளப்படுகிறார்கள். மேலும் இக்கூட்டத்திற்கு வரும் பொழுது தங்கள் சார்பான கோரிக்கைகள் 2 பிரதிகள் கொண்டுவருமாறு கனிவுடன் கேட்டுகொள்ளப்படுகிறார்கள்.

அரசு பள்ளிகளில் டி.இ.டி., விண்ணப்ப விற்பனைக்கு தலைமை ஆசிரியர்கள் எதிர்ப்பு

noreply@blogger.com (suresh v) — Sun, 16 Jun 2013 17:55:41 PDT

மாநிலம் முழுவதும், 2,500 அரசு மேல்நிலைப் பள்ளிகளில், நாளை (17ம் தேதி) முதல், டி.இ.டி., விண்ணப்பங்கள் விற்பனை செய்யப்படுகின்றன. விண்ணப்பம் விற்பனை மையமாக, பள்ளிகளை பயன்படுத்துவதை, உடனே நிறுத்த வேண்டும் என்றும், இதனால், கல்விப்பணி கடுமையாக பாதிக்கும் என்றும், தலைமை ஆசிரியர்கள், எதிர்ப்பு தெரிவித்துள்ளனர்.

மூன்றாவது டி.இ.டி., தேர்வை, வரும் ஆகஸ்ட், 17, 18ம் தேதிகளில், டி.ஆர்.பி., நடத்துகிறது. அரசு பள்ளிகளில், இடைநிலை ஆசிரியர் மற்றும் பட்டதாரி ஆசிரியர் பணியில் சேர வேண்டும் என்றாலும், தனியார் பள்ளிகளில், இந்த வேலையில் சேர வேண்டும் என்றாலும், டி.இ.டி., தேர்வில், தேர்ச்சி பெற்றிருக்க வேண்டும்.

இதனால், அரசுப் பணியை மட்டுமில்லாமல், தனியார் பள்ளிகளில், பணியை எதிர்பார்ப்பவர்களும், டி.இ.டி., தேர்வை எழுதுவர். அத்துடன், ஏற்கனவே பணியில் சேர்ந்த ஆசிரியர்கள், ஐந்து ஆண்டுகளுக்குள், டி.இ.டி., தேர்வில், தேர்ச்சி பெற வேண்டும் என்ற நிபந்தனையும் விதிக்கப்பட்டுள்ளது.

எனவே, ஆசிரியர் பணியில் உள்ளவர்களும், இந்த தேர்வை எழுதுவர். மூன்று தரப்பினரும், இந்த தேர்வுக்கு விண்ணப்பிப்பர் என்பதால், 7 லட்சம் பேர் வரை, விண்ணப்பிக்கலாம் என, டி.ஆர்.பி., எதிர்பார்க்கிறது. ஏற்கனவே நடந்த இரு தேர்வுகளை, 6 லட்சத்திற்கும் மேற்பட்டோர் எழுதினர் என்பது குறிப்பிடத்தக்கது. இதனால், 14 லட்சம் விண்ணப்பங்களை, டி.ஆர்.பி., அச்சிட்டு, வினியோக மையங்களுக்கு அனுப்பியுள்ளது.

நாளை, 17ம் தேதி முதல், ஜூலை, 1ம் தேதி வரை, மாநிலம் முழுவதும் உள்ள, 2,500 அரசு மேல்நிலைப் பள்ளிகளிலும், டி.இ.டி., விண்ணப்பங்கள் வழங்கப்பட உள்ளன. பள்ளிகளின் அமைவிடத்திற்கு தகுந்தாற் போல், விண்ணப்பங்கள், பகிர்ந்து அனுப்பப்பட்டுள்ளன.

கடந்த முறை, மாவட்ட கல்வி அலுவலகங்களில், விண்ணப்பங்கள் விற்பனை செய்யப்பட்டபோது, தர்மபுரி உள்ளிட்ட சில மாவட்டங்களில், அடிதடி நடந்தது. கூட்டம், அளவுக்கு அதிகமாக கூடியதால், போலீசார், தடியடி நடத்தினர். இந்த முறை, 2,500 பள்ளிகளில், விண்ணப்பம் வழங்குவதால், கடந்த முறை நடந்த பிரச்னை, இப்போது ஏற்படாது என, டி.ஆர்.பி., கருதுகிறது.

ஆனால், பள்ளிகளில், விண்ணப்பம் விற்பனை செய்வதற்கு, தலைமை ஆசிரியர்கள் மத்தியில், கடும் எதிர்ப்பு கிளம்பியுள்ளது. "பள்ளியில், விண்ணப்பங்களை விற்பனை செய்தால், தேவையில்லாமல், கூட்டம் கூடும்; இதனால், பல்வேறு தொந்தரவுகள் ஏற்படும்; மொத்தத்தில், கல்விப்பணி பாதிக்கும்" என தலைமை ஆசிரியர்கள் தெரிவிக்கின்றனர்.

தமிழ்நாடு அரசு உயர்நிலை, மேல்நிலைப் பள்ளி தலைமை ஆசிரியர் சங்கத்தின் பொதுச்செயலர் சாமி சத்தியமூர்த்தி கூறியதாவது: பள்ளி வளாகத்தை, விண்ணப்பம் விற்பனை மையமாக மாற்றுவது தவறு. நகரங்களில் உள்ள பள்ளிகளில், கூட்டம், அளவுக்கு அதிகமாக வரும். பல, "கவுன்டர்களை" திறந்து, அதற்கென, சில பணியாளர்களையோ, பணியாளர்கள் இல்லாவிட்டால், ஆசிரியர்களையோ நியமித்து, விண்ணப்பங்களை வழங்க வேண்டும்.

விண்ணப்பம் வழங்கும் பணியில், ஆசிரியர் ஈடுபட்டால், அவர், வகுப்பிற்கு, பாடம் எடுக்க செல்ல மாட்டார். இதனால், கல்விப்பணி, கண்டிப்பாக பாதிக்கும். பள்ளிகளில், விண்ணப்பம் வினியோகிக்கின்ற முறையை ரத்து செய்ய வேண்டும். எதுவாக இருந்தாலும், டி.இ.ஓ., அலுவலகங்களிலோ அல்லது சி.இ.ஓ., அலுவலகங்களிலோ வழங்கலாம். அல்லது, தபால் அலுவலகங்கள் மூலமாக கூட, விண்ணப்பங்களை வழங்கலாம். இவ்வாறு, சாமி சத்தியமூர்த்தி கூறினார்.

ஏற்கனவே, வெயில் காரணமாக, பள்ளிகள், ஒரு வாரம் கால தாமதமாக திறக்கப்பட்டன. இந்நிலையில், இரண்டு வாரம், விண்ணப்பம் வழங்கும் பணி நடந்தால், மாணவர்கள், மேலும் பாதிக்கப்படுவர்.

தொடக்கக் கல்வி - கூட்டம் - மாண்புமிகு பள்ளிக்கல்வித் துறை விளையாட்டு மற்றும் இளைஞர் நலத்துறை அமைச்சர் அவர்கள் ஆசிரியர் சங்க பிரதிநிதிகளுடன் 20.06.2013 அன்று கோரிக்கைகள் குறித்து கூட்டம் நடத்துதல்...

noreply@blogger.com (suresh v) — Sun, 16 Jun 2013 17:54:45 PDT

ஆசிரியர்களுக்கு காத்திருக்கும் பணிகள்

noreply@blogger.com (suresh v) — Sun, 16 Jun 2013 07:41:10 PDT

2013 – 2014 ஆம் கல்வியாண்டு துவங்கியுள்ள இந்நேரத்தில்ஆசிரியர்களுக்கு காத்திருக்கும் பணிகளை மற்றவர்களும் தெரிந்துகொள்ள நாம் இங்கு பட்டியலிட்டுள்ளோம்.

1. தொடக்கப் பள்ளிகளிலிருந்தும், நடுநிலைப் பள்ளிகளிலிருந்தும், உயர்நிலைப் பள்ளிகளிலிருந்தும் 6, 9மற்றும் 11 ஆம் வகுப்பில் வந்து சேர உள்ள புதியமாணவர்களைச் சேர்த்தல்.

2. இயல்பாகவே புதிய பள்ளிச் சூழ்நிலை அவர்களுக்கு ஒருவித அச்சத்தையும், தயக்கத்தையும், கலவரத்தையும் ஏற்படுத்தும். (சிலரால் நமக்கே ஏற்படும் என்பதும் உண்மை!) அதைத் தவிர்க்க ஆவன செய்தல்.

3. விலையில்லா புத்தகங்கள், நோட்டுகள், சீருடைகள்,வரைபடநூல்கள், புத்தகப்பைகள், காலணிகள்,வரைபடப்பெட்டிகள், சைக்கிள்கள், மடிக்கணினிகள், . . . . . போன்றவற்றை மாணவ, மாணவிகளுக்கு வழங்க உதவிடுதல்.

4. வருங்கால சமுதாயத்தின் ஓர் அங்கமாகப் போகும் இன்றைய மாணவ, மாணவிகளை ஒழுக்கத்தோடும்,நல்சிந்தனையோடும், பொதுநல நோக்கோடும் செயல்படஅவர்களுக்குத் தேவையானவற்றை நயமாக நல்கிடவும்,அழகாக அறிவுறுத்திக் கூறவும், அல்வழி போகாதிருக்க நல்வழி காட்டிடவும் என்னென்ன செய்யலாம் என்பது குறித்து சக ஆசிரியர்களுடன் ஆசிரியர்களையும் கலந்தாலோசித்து நன்கு திட்டமிட்டுக்கொள்ளுதல்.

5. வருங்கால வலிமையான, சிந்தனை வலிமை மிக்க, திறன் மிகுந்த, அறிவு வளமிக்க, பொறுப்புள்ள, சமூக அக்கறையுள்ள, இரக்க குணம் நிரம்பிய, தேவையானவர்களுக்கு உதவியை உரிய நேரத்தில் செய்யும் கருணை உள்ளம் மிக்க, மிகச்சிறந்த சமுதாயத்தை உருவாக்க மாணவ, மாணவிகளைத் தயார்படுத்த வேண்டியது நாமே! நம் பொறுப்பே!!அவற்றைச் செவ்வனே செய்ய திட்டம் வகுத்துக் கொள்ளுதல்.

6. இத்தகைய இமாலயப் பணியில் சக ஆசிரியர்களை உரிய வகையில் தூண்டி, ஆர்வத்தோடு ஈடுபடவும், ஒத்துழைப்பு நல்கிடவும் அவர்களையும் இணைத்துக் கொள்ளுதல்.

7. தங்களுக்கு ஒதுக்கப்பட்ட பாடங்களையும், வகுப்பாசிரியர் பொறுப்பையும் செவ்வனே செய்ய திட்டம் வகுத்துக் கொள்ளுதல்.

8. முகமறியா நம் கடின உழைப்பால் ஈட்டித் தந்த வெற்றியை பலர் கொண்டாடிக் கொண்டிருந்தாலும், வருத்தம் மிகப்படாமல், அடுத்த வெற்றிக்கு அடித்தமிட்டுக் கொண்டிருக்கும் “என் கடன் பணி செய்து கிடப்பதே!” என உழைத்துக் கொண்டிருக்கும் சக ஆசிரியர்களை மனதாரப் பாராட்டுதல்.

9. ஆறு முதல் ஒன்பதாம் வகுப்பு வரையுள்ள மாணவ,மாணவிகளுக்குத் தேவையான தொடர் மற்றும் முழுமையான மதிப்பீட்டிற்கான படிவங்கள் மற்றும் பதிவேடுகளைத் தயார் நிலையில் வைத்துக் கொள்ளுதல்.

10. தமக்கு வழங்கப்பட்ட கால அட்டவணை அதிருப்தி இருந்தாலும், மாணவ, மாணவியர் நலனைக் கருத்தில் கொண்டு, ஏற்றுக்கொள்ளுதல்.

11. மாணவ, மாணவியர் நலனைக் கருத்தில் கொண்டும், மற்றதைப் புறந்தள்ளி தம் பணியில் வெற்றிநடை போடத் தயாராகிக் கொள்ளுதல்.

12. வகுப்பறையில் வாய்ப்பு கிடைக்கும் போதெல்லாம், சென்ற ஆண்டு அரசுப் பொதுத்தேர்வில் மாநில அளவில், மாவட்ட அளவில், நம் பள்ளி அளவில், முதல் மூன்று இடங்களைப் பெற்ற மாணவ, மாணவிகளையும் பாராட்டுதல்.

13. வகுப்பின் வருகைப் பதிவேட்டில், இனவாரியாக மாணவ,மாணவியர் எண்ணிக்கையை குறித்து வைத்துக்கொள்ளுதல்.

14. மாற்றுத்திறனாளிகள், தந்தையை இழந்தவர்கள்,பெற்றொரை இழந்தவர்கள்,... போன்றவர்களின் பட்டியலைத் தயாரித்தல்.

15. சென்ற ஆண்டுப் பொதுத்தேர்வு தேர்ச்சி விழுக்காடு குறித்து ஆலோசனை செய்து, இவ்வாண்டு அரசுப் பொதுத்தேர்வு எழுதவுள்ள மாணவ, மாணவிகளின் தேர்ச்சி விழுக்காடு உயர என்ன செய்யலாம் என திட்டம் தீட்டிக் கொள்ளுதல்.

16. சாரண இயக்கம், செஞ்சிலுவைச் சங்கம், செஞ்சுருள் சங்கம், பசுமைப்படை, சுற்றுச்சூழல் மன்றம், நுகர்வோர் இயக்கம், . . . போன்றவற்றில் ஏதேனும் ஒன்றின் பொறுப்பினை ஏற்றுக்கொண்டு செவ்வனே செயல்படுதல்.

17. பள்ளி விழாக்கள், இலக்கிய மன்றக் கூட்டங்கள், பாட இணைச் செயல்பாடுகள், விளையாட்டு விழாக்கள், ஆண்டு விழா, அறிவியல் கண்காட்சி, பள்ளி அளவிலான போட்டிகள், . . . போன்றவற்றின் செயல்பாடுகளுக்குஒத்துழைப்பு நல்கி, வெற்றிகரமாக நடத்த திட்டம் தீட்டிக்கொள்ளுதல்.

18. மாணவ, மாணவிகளின் பிறந்த நாள், பள்ளியில் கொண்டாட வேண்டிய கல்வி வளர்ச்சி நாள், சுதந்திர தினம், குடியரசு தினம், மத நல்லிணக்க நாள், . . . போன்ற முக்கிய நாட்களைப் பட்டியலிட்டுக் கொண்டு, அவற்றின் முக்கியத்துவத்தை எடுத்துக் கூறி, அவற்றைக் கொண்டாடவழிகாட்ட, திட்டம் தீட்டிக்கொள்ளுதல்.

19. நீங்கள் விடுப்பில் செல்ல உள்ளதை, சக ஆசிரியர்களுக்கு தெரிவித்து, மாணவ, மாணவிகளை வேலை வாங்க அல்லது கற்பிக்க திட்டம் வகுத்துக் கொள்ள உதவிடுதல்.

20. ஒவ்வொரு வகுப்பிலும் மாணவ, மாணவிகளை சிறு குழுக்களாகப் பிரித்து, குழுத்தலைவரை நியமிக்கச் செய்து,பட்டியலிடுக் கொள்ளுங்கள். CCE செயல்பாடுகளுக்கு உதவியாக இருக்கும்.

21. மாணவ, மாணவிகளின் குழுக்களுக்கு அழகான பெயர் சூட்டி பட்டியலிட்டு வைத்துக் கொள்ளுதல்.

22. ஒவ்வொரு வகுப்பிலும் உள்ள மாணவ, மாணவிகளைதமிழ், ஆங்கிலம் பார்த்து படிக்கவும், வேகமாக வாசிக்கவும், மௌனமாக வாசிக்கவும் பயிற்சி அளிக்க நன்கு திட்டமிட்டுக் கொள்ளுதல். மாணவர் வாசிக்கத் தொடங்கிவிட்டால் கல்வி கற்பது எளிமையாகிவிடும்.

23. ஒவ்வொரு வகுப்பிலும் உள்ள, மெல்ல கற்கும் மாணவர்கள், தெளிவாகப் படிக்கத் தெரியாதவர்கள் பட்டியலையும் தயார் செய்தல்.

24. அரசுப் பொதுத்தேர்வு எழுதவுள்ள மாணவ, மாணவிகளை, மீத்திறன் பெற்றோர், ஓரளவு கவனம் செலுத்த வேண்டியவர்கள், அதிக கவனம் செலுத்த வேண்டியவர்கள், 100 க்கு 100 எடுக்கத் திறமை பெற்ற சிறப்பு கவனம் செலுத்த வேண்டியவர்கள் என அவர்களைப் பிரித்து, அவர்களுக்குத் தக்கவாறு கல்வி கற்பிக்கவும், பயிற்சி வழங்கவும் முன்னேற்பாடு செய்து கொள்ளுதல்.

25. பாடவாரியான மதிப்பெண் பட்டியலும், தொகுப்பு மதிப்பெண் பட்டியலும், மாணவ, மாணவிகளுக்கு வழங்க மாணவர் தேர்ச்சி முன்னேற்ற அறிக்கையயும்தலைமையாசிரியரிடமிருந்து பெறுதல்.

26. மாணவ, மாணவிகளை கூர்ந்து கவனித்து, அவர்களுக்கு உள்ள பிரச்சனைகளைத் தீர்க்க ஆலோசனை வழங்குதல்.

27. சென்ற வருடம் நடந்த சுகமான மற்றும் கசப்பான நிகழ்வுகளையும் மீண்டும் அசைபோட்டு நல்லனவற்றை ஏற்றுக்கொள்ளுதல். அல்லனவற்றைத் தள்ளுதல்.

28. சக பணியாளர்களின் பிறந்த நாள், மணநாள் ஆகியவற்றைத் திரட்டி வைத்துக்கொண்டு, அந்நாட்களில் அவர்களை வாழ்த்த மறக்காதீர்கள்.

29. சக ஆசிரியர்களிடமும், மாணவ, மாணவிகளிடமும் மனம் விட்டுப் பேசி பள்ளிச் சூழலை கலகலப்பாக்கிக் கொண்டால், எல்லா பணியும், முழுமையாகவும், நிறைவாகவும் வெற்றியடையும்.

30. சமுதாய அவலங்களைச் சீர்செய்யவும், சமதர்ம சமுதாயத்தை உருவாக்கவும், மனிதாபிமான சமுதாயம் மலரச்செய்யவும் நல்ல உள்ளங்களை உருவாக்கவேண்டிய செயலை நாமே முன்னின்று செயல்படுத்துவோம். வாருங்கள்! வெற்றி நமதே!! வாழ்க ஆசிரியரினம்!!!

Listed By Mr. S. Ravikumar,

B.T. Asst., GHS., Arangaldurgam