தமிழ் குடில்

பக்தி எப்படி செலுத்தவேண்டும்

2016-06-20T09:10:00.002-07:00

கடவுளுக்கு உருவம் இல்லை. இறைவனின் குணங்களை உருவகித்து ஆதியில் அவனுக்கு அடியார்கள் இட்ட பெயர் சிவன். சிவன் என்றால் மலையில் அமர்ந்து குடும்பம் நடத்திக் கொண்டிருப்பவன் அல்ல. சில தத்துவங்களை புரியவைப்பதற்காக அவ்வாறான சித்தரிப்பு புராணங்களில் காட்டப்படுகின்றது. உண்மையில் அவன் அண்ட சராசரங்களையும் ஆட்டிவைக்கும் ஒருவன். அவன் மேல் பக்தி செய்த 60 அடியார்களின் வரலாற்றை கூறுவது பெரியபுராணம். பக்தி எப்படி செலுத்த வேண்டும் என்பதை இந்த புராணத்தை வைத்து அறியலாம்.

இந்த புராணத்தை எழுதியவர் சுந்தரமூர்த்தி நாயனார்

அவர் அன்னை இசைஞானியார் மற்றும் அவர் தந்தை சடையனார் ஆகியோரை சேர்த்து 63 பேராக நம்பியாண்டார் நம்பி தொகுத்தார்.

கோவிலில் இவர்கள் வரிசையில் இல்லாத மாணிக்கவாசகரும் சேர்த்து 64 பேராக காட்சி அளிப்பார்கள்

இந்த 64 பேரில் அப்பர், சம்பந்தர், சுந்தரர் ஆகிய மூவரும், நாயன்மார் வரிசையில் தனியாக இல்லாத மாணிக்கவாசகர் இந்த நான்கு பேரையும் சந்தானக்குரவர்கள் என்று அழைக்கிறோம்.

'
எண்	பெயர்	குலம்	பூசை நாள்
1	அதிபத்தர்	பரதவர்	ஆவணி ஆயில்யம்
2	அப்பூதியடிகள்	அந்தணர்	தை சதயம்
3	அமர்நீதி நாயனார்	வணிகர்	ஆனி பூரம்
4	அரிவட்டாயர்	வேளாளர்	தை திருவாதிரை
5	ஆனாய நாயனார்	இடையர்	கார்த்திகை ஹஸ்தம்
6	இசைஞானியார்	ஆதி சைவர்	சித்திரை சித்திரை
7	இடங்கழி நாயனார்	வேளிர்^[3]	ஐப்பசி கார்த்திகை
8	இயற்பகை நாயனார்	வணிகர்	மார்கழி உத்திரம்
9	இளையான்குடிமாறார்	வேளாளர்	ஆவணி மகம்
10	உருத்திர பசுபதி நாயனார்	அந்தணர்	புரட்டாசி அசுவினி
11	எறிபத்த நாயனார்	மரபறியார்	மாசி ஹஸ்தம்
12	ஏயர்கோன் கலிகாமர்	வேளாளர்	ஆனி ரேவதி
13	ஏனாதி நாதர்	சான்றார்	புரட்டாசி உத்திராடம்
14	ஐயடிகள் காடவர்கோன்	காடவர்	ஐப்பசி மூலம்
15	கணநாதர்	அந்தணர்	பங்குனி திருவாதிரை
16	கணம்புல்லர்	செங்குந்தர் ^[4]^[5]்	கார்த்திகை கார்த்திகை
17	கண்ணப்பர்	வேடர்	தை மிருகசீருஷம்
18	கலிய நாயனார்	செக்கார்	ஆடி கேட்டை
19	கழறிற்றறிவார்	மரபறியார்-அரசன்	ஆடி சுவாதி
20	கழற்சிங்கர்	மரபறியார்-அரசன்	வைகாசி பரணி
21	காரி நாயனார்	அந்தணர்	மாசி பூராடம்
22	காரைக்கால் அம்மையார்	வணிகர்	பங்குனி சுவாதி
23	குங்கிலியகலையனார்	அந்தணர்	ஆவணி மூலம்
24	குலச்சிறையார்	மரபறியார்	ஆவணி அனுஷம்
25	கூற்றுவர்	களப்பிரர்	ஆடி திருவாதிரை
26	கலிக்கம்ப நாயனார்	வணிகர்	தை ரேவதி
27	கோச்செங்கட் சோழன்	மரபறியார்-அரசன்	மாசி சதயம்
28	கோட்புலி நாயனார்	வேளாளர்	ஆடி கேட்டை
29	சடைய நாயனார்	ஆதி சைவர்	மார்கஇசைழி திருவாதிரை
30	சண்டேஸ்வர நாயனார்	அந்தணர்	தை உத்திரம்
31	சக்தி நாயனார்	வேளாளர்	ஐப்பசி பூரம்
32	சாக்கியர்	வேளாளர்	மார்கழி பூராடம்
33	சிறப்புலி நாயனார்	அந்தணர்	கார்த்திகை பூராடம்
34	சிறுதொண்டர்	மாமாத்திரர்	சித்திரை பரணி
35	சுந்தரமூர்த்தி நாயனார்	ஆதி சைவர்	ஆடிச் சுவாதி
36	செருத்துணை நாயனார்	வேளாளர்	ஆவணி பூசம்
37	சோமசிமாறர்	அந்தணர்	வைகாசி ஆயிலியம்
38	தண்டியடிகள்	செங்குந்தர் ^[6]^[7]	பங்குனி சதயம்
39	திருக்குறிப்புத் தொண்டர்	ஏகாலியர்	சித்திரை சுவாதி
40	திருஞானசம்பந்தமூர்த்தி	அந்தணர்	வைகாசி மூலம்
41	திருநாவுக்கரசர்	வேளாளர்	சித்திரை சதயம்
42	திருநாளை போவார்	புலையர்	புரட்டாசி ரோகிணி
43	திருநீலகண்டர்	குயவர்	தை விசாகம்
44	திருநீலகண்ட யாழ்ப்பாணர்	பாணர்	வைகாசி மூலம்
45	திருநீலநக்க நாயனார்	அந்தணர்	வைகாசி மூலம்
46	திருமூலர்	இடையர்	ஐப்பசி அசுவினி
47	நமிநந்தியடிகள்	அந்தணர்	வைகாசி பூசம்
48	நரசிங்க முனையர்	முனையர்	புரட்டாசி சதயம்
49	நின்றசீர் நெடுமாறன்	அரசர்	ஐப்பசி பரணி
50	நேச நாயனார்	சாலியர்	பங்குனி ரோகிணி
51	புகழ்சோழன்	மரபறியார்-அரசன்	ஆடி கார்த்திகை
52	புகழ்த்துணை நாயனார்	ஆதி சைவர்	ஆனி ஆயிலியம்
53	பூசலார்	அந்தணர்	ஐப்பசி அனுஷம்
54	பெருமிழலைக் குறும்பர்	குறும்பர்	ஆடி சித்திரை
55	மங்கையர்க்கரசியார்	மரபறியார்-அரசர்	சித்திரை ரோகிணி
56	மானக்கஞ்சாற நாயனார்	வேளாளர்	மார்கழி சுவாதி
57	முருக நாயனார்	அந்தணர்	வைகாசி மூலம்
58	முனையடுவார் நாயனார்	வேளாளர்	பங்குனி பூசம்
59	மூர்க்க நாயனார்	வேளாளர்	கார்த்திகை மூலம்
60	மூர்த்தி நாயனார்	வணிகர்	ஆடி கார்த்திகை
61	மெய்ப்பொருள் நாயனார்	வேளாளர்	கார்த்திகை உத்திரம்
62	வாயிலார் நாயனார்	வேளாளர்	மார்கழி ரேவதி
63	விறன்மிண்ட நாயனார்	வேளாளர்	சித்திரை திருவாதிரை

புராணம் என்றாலே கதை தான் அதனால். இந்த 63 பெரும் உண்மையில் இல்லை என்றும் அவை சில 63 சித்திகள் என்றும் அவற்றை அடைய அந்த நட்சத்திரம் முதல் அவற்றில் உள்ள அந்த மறைபொருளை பின்பற்றி அவற்றை அடையலாம் என்றும் கொள்க.

சிவமே சைவம்

2014-09-28T02:28:00.001-07:00

திருசிற்றம்பலம்

சைவ உணவில் தாவரங்கள் ஒரு போதும் துன்புறுத்தப் படுவதில்லை. தாவரங்களின் இலை, கனிகளைப் பறிக்கும் போது அவற்றிற்கு வலி ஏற்படுவதாகவும் அவை துன்புறுவதாகவும் சிலர் கூறுகின்றனர்.
முற்றிலும் தவறான கூற்று இது வலி என்பது மூளை உள்ள பிராணிகளிடம் ஏற்படுவது. உடலின் ஒரு உறுப்பு தரும் அதிர்வுக்கு பதிலாக மூளை உண்டாக்கும்
மறு பதிலே வலி அல்லது இன்பமாக வெளிபடுத்தப்படும். மேலும் இதற்கு முக்கிய கருவியாக மனமே செயல்படும். மனதின் வழியாகவே உயிர்க்கு உணர்வாக அறிவிக்கப்படும். தாவரங்களில் இத்தகைய செயல்பாடு கிடையாது. ஒரு உறுப்பு தரும் அதிர்வை மட்டுமே வலி என்று கூற முடியாது. ஏனெனில் ஒரு கல்லை தட்டினாலும் கூட அதில் அதிர்வு உண்டாகும். அதை வலி என்று நிர்ணயம் செய்ய இயலாது.

மேலும் எந்த உறுப்புகள் துண்டிக்கப்பட்டால் வளர்கின்றனவோ அவை வலியை உண்டாக்காது. பல்லியின் வால். மனிதனுக்கு முடி, நகம் போன்றவை. இதைப் போலவே தாவரங்களுக்கு இலை, காய், கனி, வித்து முதலானவைகளும் எனவே தாவரங்களுக்கு நேரடியான துன்புறுதல் ஏதும் நிகழ்வதில்லை.

சைவ உணவே சைவ நெறியின் அடிப்படை அம்சம்.

கொல்லான் புலாலை மறுத்தானைக் கைகூப்பி
எல்லா உயிருந் தொழும்.

விவசாயத் தகவல் மையம்

2013-11-03T04:52:00.000-08:00

உற்பத்தி முதல் விற்பனை வரை

(எந்த ஒரு வியாபார நோக்கமுமில்லாத சேவை அமைப்பு )

விவசாயத் தகவல் மையம் :

புழுதியிலும் புழுதியாய் உள்ளவர்களின்

வாழ்க்கைத் தரத்தை உயர்த்துவதற்காக....

வானகம், நம்மாழ்வார் உயிர் சூழல் நடுவத்தின் முயற்சி . எனவே அனைவருக்கும் இந்த செய்தியை பகிர்ந்தும், தெரியப் படுத்தியும் ஒத்துழைக்குமாறு
கேட்டுக் கொள்கிறோம்.

நோக்கம் :

வானகம் தகவல்மையத்தின் நோக்கம் தொலைபேசி வாயிலாகவோ அல்லது நேரிலோ உங்களுக்கு வேண்டிய விவசாயம் மற்றும் வாழ்வியலுக்குத் தேவையான அனைத்து தகவலையும் இலவசமாகவே அளித்து இயற்கை வழி வேளாண்மை மூலமாக நல்லதொரு சமூகத்தை உருவாக்க நம்மாழ்வார் ஐயா மற்றும் அனுபவ விவசாயிகளின் துணை கொண்டு சமூக பொறுப்புள்ள இளைஞர்களால் உருவாக்கப் பட்டுள்ளது.

இதில் உற்பத்தி முதல் விற்பனை வரை அனைத்து தகவல்களும் கிடைக்கும் படி உருவாக்கப் பட்டுள்ளது.

உதாரணமாக கீழ் கொடுக்கப் பட்டுள்ள தகவல்கள் :

விதை விதைக்கும் மற்றும் நடமுறைபற்றிய தகவல்கள்
பருவ கால விவசாய முறைகள்
வறட்சியைத் தாங்கி, பூச்சிகளையையும் தாங்கும் பாரம்பரிய விதைகள் கிடைக்குமிடங்கள்
நீர் பாய்ச்சும் முறைகள்
இயற்கை உரங்கள் தயாரிக்கும் முறைகள்
பூச்சிகளை கட்டுப் படுத்தும் எளிய நுட்பங்கள்
பயிர் அறுவடை
உமி நீக்குதல் மற்றும் மர செக்கு போன்ற மதிப்பு கூட்டும் நுட்பங்களும் அதற்கான வழிகாட்டுதல்களும்..
நுகர்வோருக்கோ அல்லது பசுமை அங்காடிகளுக்கோ பொருள்களை விற்பனை செய்யவும் தேவையான தகவல்கள்
எந்த வகையான மரங்கள் நடுவது எதிர்காலத் தேவைக்கு சிறந்தது, மரக்கன்றுகள் கிடைக்குமிடம் மற்றும் மாதிரி பண்ணைகள் போன்ற தகவல்களும்
பண்ணை வடிவமைப்பு, மழை நீர் சேகரிப்பு, ஒருங்கிணைந்த பண்ணை உருவாக்கம் போன்ற தகவல்களும்
அனுபவ விவசாயிகளின் பண்ணைகள்
பயிற்சிகள் மற்றும் விழிப்புணர்வு கூட்டங்கள்
மானியம் & சிறப்புத் திட்டம் போன்ற தகவலுக்கு வேளாண் அலுவலகங்களின் முகவரிகள்
மதிப்புக் கூட்டி பொருள்களை சந்தப் படுத்த
மாடித்தோட்டம் மற்றும் உங்கள் வீடு மற்றும் பொது இடங்களில் மரம் நடுதல் போன்ற பல தகவல்கள் கிடைக்கும்.

வலுப் படுத்த:

மேலும் இந்த விவசாயத் தகவல் மைய சேவையை வலுப்படுத்த நீங்களும் இதில் உறுப்பினராகி உங்கள் பகுதியில் உள்ள விவசாயிகளுக்கு என்ன தேவை என்பதை கூற வேண்டுமென கேட்டுக்கொள்கிறோம்.

மேலும் நீங்கள் அனுபவ விவசாயி அல்லது மற்றவருக்கு இலவச ஆலோசனை அளிக்க விரும்பினாலோ அல்லது உங்களுடைய பொருளை சந்தப் படுத்த வேண்டுமானலோ எங்களுடைய தலைமை தகவல் மையத்தை தொடர்புகொள்ளுங்கள்.

முதல் கட்டமாக 7 மாவட்டங்களில் விவசாயத் தகவல் மையங்கள் தொடங்கப்பட்டுள்ளது. ஆகவே அந்தந்த மாவட்ட மக்கள் அங்குள்ள விவசாயத் தகவல் மையங்களில் உங்களை இணைத்துக் கொள்ள வேண்டுகிறோம்.

மாவட்ட விவசாயத் தகவல் மையங்களின் தொலைபேசி எண்கள் :

1.விருதுநகர் மாவட்டம் , முத்துக்குமார் : 97876 48002 , 94435 75431

2. திருநெல்வேலி மாவட்டம் , எசக்கி : 95517 26956, 94435 75431

3. தூத்துக்குடி மாவட்டம் , ஹரிஹரவயனன் : 90925 79798, 94435 75431

4. இராமநாதபுரம் மாவட்டம் , ஏகாம்பரம் : 90959 74287, 94435 75431

5. பெரம்பலூர் மாவட்டம் , தெய்வசிகாமணி : 81448 93720, 94435 75431

6. விழுப்புரம் ( புதுவை) மாவட்டம் , சரவணன் : 94888 29993, 94435 75431

7. நீலகிரி மாவட்டம் , மகா மகா பெல்லியப்பன் : 90472 65172 . 94435 75431

மற்ற மாவட்டங்கள் & தலைமை விவசாயத் தகவல் மையம்:

ஜெ. கருப்பசாமி : 94435 75431 , ஏங்கல்ஸ் ராஜா : 94421 21473

Email : karuppasamy2k09@gmail.com

(குறை/ நிறைகளை பதிவு செய்யும் படி கேட்டுக்கொள்கிறோம். ஏனெனில் அது சேவையை மேம்படுத்த உதவும்.)

மற்ற மாவட்டங்களிலும் விரைவில் தொடங்கப்படும்.

உங்கள் பகுதிகளிலும் விவசாயத் தகவல் மையங்கள் அமைக்க தலைமை விவசாயத் தகவல் மையத்தை தொடர்பு கொள்ளுங்கள்

வேலைவாய்ப்பு

2013-11-03T01:28:00.000-07:00

தமிழ்குடிலில் பின்வரும் பணியிடங்கள் உள்ளன. திறமை மற்றும் தகுதி உள்ளோர் விண்ணப்பிக்கவும். இதில் கொடுக்கப்பட்டுள்ள ஊதிய விவரம் ஆரம்பநிலை ஊதியம் மட்டுமே. ஊதிய உயர்வு படிப்படியாக அதிகரிக்கப்படும். மேலும் பணி பளு இல்லாதததாகவும் மனநிறைவுடன் செய்யக்கூடியதாகவும் இருக்கும்.

தொடர்புக்கு

8667-514-060

contact@tamilkudil.org

பணி	களப்பணி
நேரம்	ஏதேனும் 3 மணி நேரம்
ஊதியம்	ரூ 15,000
தகுதி	அடிப்படை ஆங்கிலம், சிறந்த பேச்சாற்றல், மலர்ச்சியான அணுகுமுறை

இடம்	தமிழகம் முழுவதும்
பாலினம்	ஆண்கள் மட்டும் விண்ணப்பிக்கவும்

பணி	வரைகலைப்பணியாளர்
நேரம்	காலை 11 மணிமுதல் மாலை 4 வரை
ஊதியம்	ரூ 7500
தகுதி	போட்டோசாப் மற்றும் கோரல்டிராவில் சிறப்பான அறிவு
	போட்டோசாப் மற்றும் கோரல்டிராவில் சிறப்பான அறிவு
இடம்	சென்னையில் மட்டும்
பாலினம்	பெண்கள் மட்டும் விண்ணப்பிக்கவும்

பணி	மென்பொருள் உதவியாளர்
நேரம்	நண்பகல் 1 மணிமுதல் மாலை 4 வரை
ஊதியம்	ரூ 9000
தகுதி	விசுவல் பேசிக் விபி.நெட் மற்றும் எஸ்.க்யூ.எல்லில் சிறப்பான அறிவு

இடம்	சென்னையில் மட்டும்
பாலினம்	ஆண்கள் மட்டும் விண்ணப்பிக்கவும்

பணி	வலைத்தள நிரலாக்கம்
நேரம்	நண்பகல் 1 மணிமுதல் மாலை 4 வரை
ஊதியம்	ரூ 9000
தகுதி	பி.எச்.பி மற்றும் எஸ்.க்யூ.எல்லில் சிறப்பான அறிவு அல்லது பைத்தான்

இடம்	சென்னையில் மட்டும்
பாலினம்	ஆண்கள் மற்றும் பெண்கள்

சிந்துசமவெளி

2013-10-27T23:38:00.001-07:00

சிந்து சமவெளி பற்றிய புதிய கோணம். ஒரு ஆராய்ச்சிக்கட்டுரை. ஒரிசா மாநில ஐ.ஏ.எஸ். அதிகாரி ஆர்.பாலகிருஷ்ணன் அவர்கள் வெளியிட்ட பதிவு.

(ஒரிசா மாநில ஐ.ஏ.எஸ். அதிகாரி ஆர்.பாலகிருஷ்ணன். கல்லூரியில் தமிழ் இலக்கியம் பயின்றவர். இவரது வீடு சென்னை பெருங்குடியில் இருக்கிறது. இடப் பெயர்களின் ஆய்வில் 20 ஆண்டுகளாக
ஈடுபட்டிருக்கும் இவர், சிந்துவெளி ஆய்வு பற்றிய தன் கட்டுரையை முதலில் கோவையில் நடந்த செம்மொழி மாநாட்டில் ஐராவதம் மகாதேவன், அஸ்கோ பர்ப்போலா போன்ற அறிஞர்கள் முன்னிலையில் சமர்பித்தார். தனது ஆய்வுகளை முடிப்பதற்காக தன் அரசுப் பணிக்கு 2ஆண்டுகள் விடுமுறை சொல்லிவிட்டு வந்திருக்கிறார்)

1980களில், ஒரிசாவில் நான் பார்த்த ஒரு ஊரின் பெயர்ப் பலகை என்னை தடுத்து நிறுத்தியது. அந்த பெயர் ‘தமிழி’. குவி என்கிற திராவிட மொழி பேசும் பழங்குடிகள் வசிக்கும் அந்த ஊருக்குள் என் கால்கள் என்னையும் அறியாமல் சென்றன. அதிலிருந்து ஊர்ப் பெயர்கள் மீது காதல் கொண்டேன். எங்கு மாறுதலாகிச் சென்றாலும் ஊர்ப் பெயர்கள் அடங்கிய மக்கள்தொகை கணக்கெடுப்புப் புத்தகங்களைத் தூக்கிச் சென்றேன்.

மானுட வரலாறு என்பது பயணங்களால், இடப் பெயர்வுகளால் ஆனது. மனிதன் ஒரு ஊரை விட்டு இடம்பெயரும்போது, அவனது நினைவுகளைச் சுமந்து செல்கிறான். புதிய இடத்தில் குடியேறும்போது, பழைமையுடன் தொடர்புகொள்ளும் விதத்தில் தன் ஊர்ப் பெயரை அங்கே வைக்கிறான். இது ஒரு பாதுகாப்பு உணர்வைத் தருகிற சமூக உளவியல். அப்படி அவன் விட்டுச் சென்ற ஊர்ப்பெயர்களும், சுமந்து சென்ற ஊர்ப் பெயர்களும் சொல்வது மனித குலத்தின் வரலாறு.
ஈரானில் ஒரு குறிப்பிட்ட பகுதியில் உள்ள ஏராளமான ஊர்ப் பெயர்கள், அப்படியே ஒரிசாவில் கொனார்க்கில் உள்ள சூரியக்கோயிலைச் சுற்றியுள்ள ஊர்களில் இருப்பதைக் கண்டேன். இதன் சாத்தியம் என்னை ஆச்சரியப்படுத்தியது.

பின்னர், தமிழ்நாடு – கேரள எல்லையில் உள்ள இடுக்கி, பழனி, குமுளி, தேனி, தேக்கடி, கம்பம், போடி போன்ற ஊர்ப் பெயர்கள், மத்தியப்பிரதேசம் மற்றும் வடமாநிலங்களில் இருப்பதைக் கண்டேன்.

இன்னொரு ஆச்சரியமான விஷயம் – ஒரிசாவுக்கும் நைஜீரியாவுக்கும் உள்ள ஒற்றுமை. ஒரிசா – ஆந்திர எல்லையில் உள்ள கொராபுட் மாவட்டத்தில் உள்ள சுமார் 463 ஊர்களின் பெயர்கள் அப்படியே நைஜீரியாவில் உள்ளன. ஆதிமனிதன் முதன்முதலில் ஆப்பிரிக்காவில் தோன்றினான் என்றும், பின்னர் அங்கிருந்து பிற பகுதிகளுக்கு இடம்பெயர்ந்தான் என்றும் இன்றைக்கு நவீன மரபியல் ஆய்வுகள் சொல்வது, இந்த இடப் பெயர்வுடன் பெரிதும் பொருந்துகிறது. இது பற்றிய எனது கட்டுரை உலக அளவில் பலராலும் எடுத்தாளப்படுகிறது.

சுமார் 9ஆண்டுகளுக்கு முன், ஒரு நாள் இரவு. சிந்து சமவெளி நாகரிகம் கண்டெடுக்கப்பட்ட பகுதியில் (தற்போதைய பாகிஸ்தான், ஆப்கானிஸ்தான், கிழக்கு ஈரான் ஆகியவற்றை உள்ளடக்கிய பகுதியில்) உள்ள பல்வேறு ஊர்களின் பெயர்களை கணினியில் சேமித்து, அவற்றில் தமிழகத்தின் பழங்கால ஊர்ப்பெயர்கள் ஏதேனும் இருக்குமா என்று தேடிக்கொண்டிருந்தேன்.
நான் முதலில் தேடிய பெயர் ‘கொற்கை’. ஆப்கானிஸ்தானிலும், பாகிஸ்தானிலும் ‘கொற்கை’ என்ற பெயரில் ஊர்ப்பெயர் இருக்கிறது என்றது கணினி. முதலில் இதை ஒரு விபத்து என்றே கருதினேன்.
அடுத்து ‘வஞ்சி’ என்ற ஊர்ப்பெயரைத் தேடினேன். அதுவும் அங்கே இருந்தது. எனக்குள் சுவாரஸ்யம் பெருகிற்று.

தொண்டி, முசிறி, மதிரை(மதுரை), பூம்புகார், கோவலன், கண்ணகி, உறை, நாடு, பஃறுளி… என பழந்தமிழ் இலக்கியத்தில் வரும் பெயர்களை உள்ளிட்டுக் கொண்டே இருந்தேன். நூற்றுக்கும் மேற்பட்ட அத்தகைய பெயர்கள் இப்போதும் பாகிஸ்தானில், ஆப்கானிஸ்தானில் இருப்பதை கணினி காட்டிக் கொண்டே இருந்தது…

4 ஆயிரம் ஆண்டுகளுக்கு முன்பாக செழித்து விளங்கி, பின் காணாமல் போன சிந்து சமவெளி நாகரிகம், 1924-ல் மீண்டும் கண்டுபிடிக்கப்பட்டது. அந்த நாகரிகம் விளங்கிய இடத்தில் வாழ்ந்த மக்கள் யார்? அவர்கள் என்ன மொழி பேசினார்கள்? ஏன் அந்த நாகரிகம் மண்ணோடு மண்ணானது? யாருக்கும் தெரியாது. ஆனால், அந்த நாகரிகம் விளங்கிய பகுதிகளில் இருக்கும் ஊர்கள் இன்றும் தமிழ்ப் பெயர்களை தாங்கி நிற்கின்றன.

எனில், சிந்துவெளி நாகரிகம் விட்ட இடமும், சங்கத் தமிழ்ப் பண்பாடு தொட்ட இடமும் ஒன்றுதான். சுமார் 4ஆயிரம் ஆண்டுகளுக்கு முன்னால் சிந்துவெளிப் பண்பாடு அழிந்தது. தமிழகத்தில் கிடைத்துள்ள அகழாராய்வு முடிவில் கி.மு.800 வரையிலான சான்றுகள் கிடைத்துள்ளன. அதற்கு முந்தைய ஒரு 1000 ஆண்டுகள் இடைவெளியை பின்னோக்கி ஆய்வுகள் மூலம் சென்று நிரப்பினால் சிந்துவெளிப் புதிரை அவிழ்த்து விடலாம்.

பசுமையில் இணைய

2013-10-27T01:02:00.001-07:00

நம்மாழ்வார் ஐயாவுடன் சமூக பணியாற்ற...

தன்னார்வலராக விடுமுறை நாட்களிலும் கூட சேவை செய்யலாம். மேலும் படிக்க வசதியில்லாதவர்களுக்கு கூட வானகம் வாழ்வியல் கல்வி அளிக்க தயாராக உள்ளது. தொண்டு செய்ய வருபவர்களுக்கு தங்குமிடமும், உணவும் வழங்குகிறது

" வானகம்" ஒரு 48 ஏக்கரைக் கொண்ட எதற்கும் உதவாத நிலம் என
பலராலும் கைவிடப்பட்ட வறண்ட நிலப்பரப்பாகும். அப்படிப்பட்ட நிலப்பரப்பை தன் வாழ்நாள் அனுபவம் முழுவதையுமே பயன்படுத்தி கடந்த 4 ஆண்டுகளில் விளையும் நிலமாக மாற்றி அதை அனைவருக்கும் கற்றுக் கொடுக்கும் பொறுப்பை சமூக நலன் கொண்டு கற்றுக் கொடுக்கிறார் “நம்மாழ்வார் ஐயா” அவர்கள் .

அவர்களின் நோக்கம் நீடித்த சுய சார்பு வேளாண்மையை அனைவருக்கும் கற்றுக் கொடுத்து நோயால் வாடும் சமூகத்தையும், சமூக பொறுப்பு கொண்ட இளைஞர்களை நல்வழிப்படுத்தி அதன் மூலம் சிதைந்த இயற்கையை உயிர்பிக்கவும் அரும்பாடு பட்டுவருகிறார்.

அதற்குத் துணையாக இன்று பல கணிப்பொறித் துறையில் பணி புரிந்துவரும் பொறியாளர்களும், தன் வாழ்க்கையில் நிம்மதியற்ற நிலையில் வாழும் இளைய சமூகத்தினரும் , பணி ஓய்வு பெற்றவர்களும், பல மருத்துவர்களும் கூட வானகத்தில் தங்கி பயிற்சி பெற்று தன் வாழ்க்கையை மட்டுமல்ல, தன் சுற்றத்தாரின் வாழ்க்கையையும் மேம்படுத்திவருகின்றனர்.

இப்படிப்பட்ட சூழ்நிலையில் வானகம் மேலும் பல விரிவுபடுத்தப் பட்ட ஆராய்ச்சிகளையும், சமூகப் பணிகளையும் கையில் எடுத்து தொண்டாற்ற முனைப்புடன் உள்ளது.

அதற்கு உங்களுக்கு கிடைக்கும் விடுமுறை நாட்களில் வந்து போகலாம் அல்லது வானகத்திலே தங்கியும் தன்னார்வமாக தொண்டாற்றலாம்.

மேலும் நீங்கள் இயற்கை வேளாண் ஆலோசகராக வேண்டுமெனில் குறைந்தது ஆறு மாத காலம் தங்கி உங்கள் அனுபவத்தை வளர்த்துக் கொண்டும் ஆலோசகராக மாறலாம்.

மேலும் படிக்க வசதியில்லாதவர்களுக்கு கூட வானகம் வாழ்வியல் கல்வி அளிக்க உள்ளது. தொண்டு செய்ய வருபவர்களுக்கு தங்குமிடமும், உணவும் வழங்குகிறது

தொண்டுள்ளம் கொண்டவர்கள் தன்னார்வலர்களுக்கான உணவு அளிக்கும் செலவையோ அல்லது பொருள்களையோ அளித்து உதவலாம்.

மேலும் விபரங்களுக்கு தொடர்பு கொள்ளுங்கள் : 98431 27804 , 94435 75431

சிவப்பு அரிசி

2013-10-08T00:18:00.002-07:00

அரிசி வகைகள் ஆயிரம். அவற்றில் மூன்று வகையான அரிசிகள் நிலைத்து நின்றன - சிவப்பு, கறுப்பு, வெள்ளை. இந்த வண்ண அரிசிகளைப் பற்றிய சுவாரசியமான பழங்கதைகள் உண்டு.

ஆயிரக்கணக்கான ஆண்டுகளுக்கு முந்தைய யஜுர் வேதத்தில் மூவண்ண அரிசியின் மகிமை கூறப்படுகிறது. தெய்வங்களுக்குப்
படைக்க வேண்டிய தானியங்களைப் பற்றிக் கூறும்போது, கறுப்பு அரிசியை அக்னி தேவனுக்கும், சிவப்பு அரிசியை மழைக் கடவுளான இந்திரனுக்கும், வெள்ளை அரிசியை சூர்யபகவானுக்கும் படைக்க வேண்டும் என்று சொல்லப்படுகிறது.

இப்போது நாம் பேசப்போவது... சிவப்பு அரிசியைப் பற்றி. சிவப்பு அரிசி ஓர் அற்புதமான அரிய உணவு. இதன் மருத்துவ விசேஷங்களைப் பற்றி கி.மு. 700-ல் சரகரும், கி.மு.400-ல் சுஸ்ருதரும் நிறையக் குறிப்பிட்டுள்ளார்கள். இவர்கள் இந்திய மருத்துவத்தில் ஆயுர்வேதத்தின் முன்னோடிகள். வாதம், பித்தம், கபம் ஆகிய மூன்று நாடிகளில் ஏற்படும் மாற்றங்கள்தான் சகல நோய்களுக்கும் காரணம் என்பது ஆயுர்வேத சித்தாந்தம். இந்த மூன்று நாடிகளின் தோஷங்களையும் அறவே நீக்கும் ஆற்றல்... சிவப்பு அரிசிக்கு உண்டு என்று இவர்கள் கூறியுள்ளார்கள்.

சீனாவில் 3,000 ஆண்டுகளாக செந்நெல் பயிரிடப்படுகிறது. ஜப்பான், கொரியா, பிலிப்பைன்ஸ், இலங்கை, ஆப்பிரிக்கா உள்ளிட்ட நாடுகளிலும் சிவப்பு நெல் பயிராகிறது. கொரியாவில் உள்ள சில புத்தர் சிலைகளின் உள்ளே சிவப்பு நெல் விதைகள் பாதுகாத்து வைக்கப்பட்டுள்ளன.

தமிழ்நாட்டில் மதுரை, திருநெல்வேலி, தஞ்சா வூர் போன்ற மருத நிலங்களில் செந்நெல் அமோகமாக விளைந்தது. 'மாடுகட்டிப் போரடித்தால் மாளாது செந்நெல் என்று, ஆனைகட்டிப் போரடிக்கும் அழகான தென் மதுரை’ என்ற பழம் பாடலே இதற்கு சாட்சி.

சிவப்பு நெல், விவசாய முறையில் மட்டுமின்றி தானாகவே காடுகளிலும் மலைகளிலும் மானாவாரியாக விளைந்தது. ஆகவே, இதை, 'காட்டு அரிசி’ (Wild Rice) என்று சரித்திரக் குறிப்புகள் கூறுகின்றன. அதனால்தானோ என்னவோ, சமுதாயத்தின் கீழ்த்தட்டு மக்களே பெரும்பாலும் இதை உணவாகப் பயன்படுத்தினர். நம் நாட்டில் கர்நாடகா, பீகார், ஒடிசா, மத்தியப் பிரதேசம், வங்காளம் முதலிய மாநிலங்களில் இது பயிரிடப்பட்டாலும், கேரளாவில் இந்த அரிசி மிகவும் பிரசித்தம். இந்த அரிசிக்கு அவர்கள் கொடுத்துள்ள பெயர் - 'மட்ட அரிசி’. ஆனால், அவர்கள் இதை மிகவும் விரும்பிச் சாப்பிடுகிறார்கள் என்பதுதான் உண்மை.

சபரிமலை செல்லும்போது அங்குள்ள ஹோட்டல்களில் சிவப்பு அரிசி சாதம் பரிமாறப்படும். என்னோடு வரும் நண்பர்கள் முகம் சுளித்து, ''வேண்டாம், வேண்டாம்... வொயிட் ரைஸ் போடு...'' என்று சொல்வதையும், பக்கத்து மேஜையில் அமர்ந்திருக்கும் கேரளவாசிகள் பச்சரிசி சாதம் பரிமாறப்பட்டால் முகம் சுளித்து, ''மட்ட அரிசி போடு...'' என்று சொல்வதையும் ஆண்டுதோறும் கண்டு வருகிறேன்.

இமாச்சல பிரதேசத்தில் குலு பள்ளத்தாக்கில் மட்டலி என்ற சிவப்பு நெல் பயிராகிறது. ஆங்கிலேய ஆட்சியில் அங்கிருந்த ஒரு கவர்னர் இந்த அரிசியை மிகவும் விரும்பி சாப்பிட்டதோடு, லண்டனில் உள்ள அவர் வீட்டுக்கு இந்த அரிசியைத் தவறாமல் அனுப்பி வந்தார் என்ற செய்திக் குறிப்புகள் உள்ளன.
நீங்கள் யாரும் இதை இதுவரை சாப்பிடாவிட்டாலும், இப்போது நான் பட்டியலிடப்போகும் சிவப்பு அரிசியின் மருத்துவச் சிறப்புகள், உங்களை அதை நாட வைக்கும்!

பொதுவாக நெல்லில் நான்கு பகுதிகள் உண்டு - வெளியே இருக்கும் உமி (Husk); உள்ளே இருக்கும் தவிடு (Bran), கரு (EMbryo); கடைசியாக வெகு உள்ளே இருக்கும் மாவுப்பொருள் (Starch). இவற்றுள் நல்ல சத்துக்கள் அனைத்தும் வெளிப்பகுதியிலும், வெறும் சக்கை மட்டும் உள்பகுதியிலும் இருக்கின்றன. நாம் சத்துப்பகுதியை மாடுகளுக்குத் தீவனமாகக் கொடுத்துவிட்டு, சக்கையை மட்டுமே சாப்பிடும் விநோதப் பிறவிகள்!

சிவப்பு நெல் மட்டும் இந்த அமைப்பில் விசேஷமானது. இதன் சத்துக்கள் அனைத்தும் மாவுப்பகுதி வரை உட்சென்று சேமிக்கப்படுவதால், இது தீட்டப்பட்ட பின்பும் அதை நாம் பெற முடியும். மேலும் எந்த அரிசியிலும் இல்லாத அளவுக்கு பி-1, பி-3, பி-6 ஆகிய வைட்டமின்கள் - எந்த அரிசியிலும் காணமுடியாத அளவுக்கு இரும்புச் சத்து - ஜிங்க் (Zinc), மாங்கனீஸ், மெக்னீஷியம், செலினியம், பாஸ்பரஸ் போன்ற கனிமங்கள் - மிகுதியான நார்ச்சத்து (Fibre) என சிவப்பரிசியில் அடங்கியிருக்கின்றன. தன்னிடம் இருக்கும் ஆன்டி ஆக்ஸிடென்ட் குணங்களால் இதய வியாதிகளுக்கு அற்புதமான மருந்தாகும் ஆன்த்தோசயனின், பாலிஃபீனால் போன்ற வேதிப்பொருட்களும் இதில் சங்கமித் திருக்கின்றன.

இதையெல்லாம்விட, சிவப்பு அரிசியில் மானோகோலின் - கே (Monacolin K) என்கிற அற்புத வேதிப்பொருள் உள்ளது. இதைத்தான் மருத்துவத்துறையில் இப்போதும் 'லோவாஸ்டேடின்' (Lovastatin) என்ற பெயரில் ரத்தத்தில் கொழுப்பைக் குறைப்பதற்காக உலகெங்கும் கொடுத்து வருகிறோம். செந்நெல்லின் மீது வளரும் ஒரு வகை பூஞ்சணம்தான் (Yeast), இந்த லோவாஸ்டேடினை உற்பத்தி செய்கிறது. அதனால் சீனாவில், செந்நெல் மீது இந்த பூஞ்சணத்தை இவர்களாகவே வளர்க்கிறார்கள். 'சிவப்பு பூஞ்சண அரிசி' (Red yeast rice) என்று இதற்குப் பெயர். இதைத் தவிர, சர்க்கரை நோய், ரத்தக்கொதிப்பு, ஈரல் வியாதிகள், பித்தப்பை கற்கள், ஆஸ்துமா மற்றும் பலவித ஒவ்வாமைக்கும் (Allergy) சிவப்பு அரிசி நல்ல மருந்து.

இவ்வளவு பெருமைகள் வாய்ந்த சிவப்பு அரிசி... இப்போது காணாமல் போன மர்மம் என்ன?

சிவப்பு நெல்லுக்கு உரம் இட்டாலும் சரி, இடாவிட்டாலும் சரி, பூச்சிக்கொல்லி மருந்துகள் எதுவுமே இல்லாமல், பூச்சிகளை அண்டவிடாமல் அமோகமாக வளரும் தன்மை உண்டு. ஆனால், ஆங்கிலேயர்கள், குறிப்பாக அமெரிக்கர்கள், பல சத்துகள் நிறைந்த இந்த அரிசியை களைப்பயிர் (Weed) என்றார்கள். சிவப்பு நெல்லை சிவப்பு அரக்கன் (Red Menace) என்றும், கொழுத்த பிச்சைக் காரர்கள் (Fat beggars) என்றும் அழைத்தார்கள்.

ஏன்..?

ரசாயன உரங்கள் மூலமும், பூச்சிக்கொல்லி மருந்துகள் மூலமும், விவசாயத்துறையில் உலகெங்கும் ஒரு ராட்சத பொருளாதார சாம்ராஜ்யத்தை உருவாக்கியுள்ள அமெரிக்கர்களுக்கு, எந்த உரங்கள், பூச்சிக்கொல்லிகளின் தேவையும் இன்றி வளர்ந்த இந்த செந்நெல் பிடிக்கவில்லை. தங்கள் தொழிலை தக்கவைத்துக் கொள்ள இதை எப்படியாவது அழிக்க வேண்டும் என்றும், சிவப்பு நிறத்தை எப்படியாவது திட்டியே தீர்ப்பதென்றும் முடிவெடுத்தனர். 'பட்டை தீட்டப்பட்ட வெள்ளை அரிசி’ என்ற கவர்ச்சியை மக்களிடம் ஏற்படுத்தினர். நம் ஊர் மக்களும் வெள்ளை அரிசியின் நிறத்திலும், மணத்திலும் சுவையிலும் மயங்கி, சிவப்பு நெல் விவசாயத்தை 1930-க்குப் பிறகு பெருமளவில் கைவிட்டனர்.

தண்ணீர் அதிகம் தேவையில்லாத, உரம் தேவையில்லாத, பூச்சிக்கொல்லிகள் தேவையில்லாத, பல்வேறு அற்புத மருத்துவ குணங்களை உடைய, ருசியான, மலிவான சிவப்பு அரிசிக்கு நாம் ஏன் மாறக்கூடாது?!

தமிழ் தட்டச்சு

2013-10-07T01:00:00.000-07:00

NHM WRITER

என்.எச்.எம் ரைட்டர் ஒரு எளிய மென்பொருள். இதனை பயன்படுத்துவது மிகவும் எளிது.

அனுசரிக்கும் தட்டச்சு முறைகள்

தமிழ் 99
தமிழ் ஒலியியல் தட்டச்சு
பழைய தட்டச்சு தமிழ்
தமிழ் பாமினி
தமிழ் இன்ஸ்கிரிப்ட்

NHM Writer Download

CLICK HERE

NHM Writer Installation

மென்பொருளை நிறுவும் போது language option-ல்
தமிழ் என்பதைத் தேர்ந்தெடுத்து நிறுவவும்.

தமிழ் தட்டச்சு செய்யும் முறை

மென்பொருளை நிறுவி முடிந்தததும் வலது மூலையில் மணியின் படம் ஒன்று இருக்கும். அதனை தேர்ந்தெடுத்தால் பல்வேறு தமிழ் தட்டச்சுமுறைகள் இருக்கும். அதில் தமிழ் ஒலியியல் (Tamil Phonetic) முறையைத் தேர்ந்தெடுக்கவும்.

பிற முறைகள் தட்டச்சு முறை சார்ந்தவை. தமிழ் ஒலியியல் முறை என்பது நாம் சாதாரணமாக ஆங்கிலத்தில் தட்டச்சு செய்தாலேயே தமிழில் வரும். அதிலேயே keymap off என்பதைத் தேர்ந்தெடுத்தால் எழுத்துக்கள் ஆங்கில மொழிக்கு மாறிவிடும்.

Thamil = தமிழ்

ஐந்திணை மஞ்சிகன்

2013-10-07T00:07:00.001-07:00

கி.பி. 8-ஆம் நூற்றாண்டு முதல் 20-ஆம் நூற்றாண்டு வரையிலான காலப்பரப்பில் சொற்பொருள் விளக்கும் கருவி நூல்களான நிகண்டுகள் பல தமிழில் தோன்றியுள்ளன. அவற்றுள் "ஐந்திணை மஞ்சிகன் சிறுநிகண்டு'ம் ஒன்று.

மஞ்சிகன் என்பவரால் எழுதப்பட்டது இந்நூல். இது குறிஞ்சி, முல்லை, மருதம், நெய்தல், பாலை என ஐந்து திணைகளுக்குரிய தாவரங்களைப்
பற்றிக் கூறும் சிறிய நூல். ஆசிரியர், பெயர், ஐந்திணைச் சார்பு, அளவு, சிறுமை ஆகியன பற்றி இந்நூல் ஐந்திணை மஞ்சிகன் சிறுநிகண்டு எனப்பெயர் பெற்றது.

நமக்குக் கிடைக்கிற நூல்கள் அனைத்திலும் கடவுள் வாழ்த்து, குரு வாழ்த்து, அவையடக்கம் போன்றவற்றால் ஏதாவது ஒன்று நூலின் தொடக்கத்தில் அமைந்திருக்கும். நிகண்டு நூல்களுள் இதைக்காண முடிகிறது. இந்நிகண்டில் இவைகளில் ஒன்றும் காணப்படவில்லை.

இந்நூல், எளிதில் மனனம் செய்வதற்கு ஏற்றவாறு 122 ஓரடி நூற்பாக்களைக் கொண்டுள்ளது. மரங்களின் பெயர்களையும் பிற தாவரங்களின் பெயர்களையும் கூறுகிறது. இந்நூலில் 122 மரங்களின் பெயர்கள் குறிப்பிடப்பட்டுள்ளன. ஒவ்வொரு மரத்துக்கும் பெரும்பான்மை 2 பெயர்களும் (தடவம், தணக்கு-56) சிறுபான்மை பெயர்கள் (பிசிதம், மந்தம், வெள்ளறுகு-68) என மூன்று பெயர்கள் வரை சுட்டியுள்ளதைக் காணமுடிகிறது. மேலும், மருத்துவ குணமிக்க மரங்களையும் வாசனைப் பொருள் மிகுந்த மரங்களையும் குறிப்பிடுகிறதேயன்றி, அவற்றின் பயன்பாடு பற்றிக் கூறப்படவில்லை.

பிரம்பு, சிறுமுன்னை, பெருமுன்னை, தென்னை, பனை, வெண்முருங்கை, மூங்கில், தகரை, ஈஞ்சு, நிலவேம்பு, ஆலம், மகிழ், கொன்றை, குரா, செருந்தி, சந்தனம், அரசு, கோங்கம், ஒதியம், புளி, குங்குமம், அனிச்சம், கொய்யா, ஆத்தி, தேறு, இரும்பிலி, தும்பிலி, கடம்பு, பிடா, ஊசிப்பாலை, பெருமரம், கருங்குன்றி ஆகிய மரங்களின் பெயர்களை இந்நூல் பட்டியலிட்டுள்ளது.

செடிகளாகக் குறிப்பிடப்பட்டுள்ளவற்றில் கீரைவகைகள், கொடிவகைகள், மூலிகைகைள் அடங்குகின்றன.

மூலிகை (ஒடதி, ஒடதம்), கருநாகதாளி, அறுகு, சித்திரமூலம், நஞ்சுமுறிச்சான், முடக்கற்றான், பச்சிலை, ஆவிரை, தான்றி, பல்லி, பொருதலை, குதம்பை, தணக்கு, செம்பு, பிரமி, ஈயுணி, வெள்ளறுகு, காக்கணம், கஞ்சாங்கோரை, கொறுக்கை, நன்னாரி, நெடுங்கோரை, கரும் பிரண்டை, திரிதளமூலி, பாற்சொற்றி, சிறுநெல்லி, செந்தூதளை, வெண்தூதளை, கரிசலாங்கண்ணி, நெருஞ்சில், துளசி ஆகிய மூலிகைச் செடிகளின் பெயர்களையும், சிறுகீரை, தொய்யா, கானாங்கீரை, பொன்னாங்கண்ணி ஆகிய கீரை வகைகளும் கூறப்பட்டுள்ளன.

நறுவிலி, கோவை, ஆமணக்கு, பூனைக்காஞ்சொறி, பூனைக்காலி, தகரை, பீநாறி, நீர்மேல்நெருப்பு, பனிதாங்கி, மஞ்சாடி, மாதளை, கூவிளம், விண்டுகாந்தி, சூரியகாந்தி, எலுமிச்சை, வேளை, சின்னி, வேடு, எருக்கம், குதிரைக்குளம்பு, உடுப்பை, குருவி, படலைக்கள்ளி, கஞ்சா, கத்தரி, தும்பை, பசலை, புல்லுருவி, சிறுபுள்ளடை, அச்சங்கரணை, சவண்டல், நாயிறுதிரும்பி, நமை, பீர்க்கு, அவுரி, நொச்சி, மயிர்மாணிக்கம், அவரை, மயிர்ச்சிகை, நாரத்தை, வாகை, மஞ்சல்புல், குறிஞ்சி, தாழை ஆகியனவும், உம்பிலம், கோற்கொடி, வள்ளை, பூசனி ஆகிய கொடிவகைகளின் பெயர்களும் காணப்படுகின்றன.

திவாகரம், பிங்கலம் ஆகிய இரண்டு நிகண்டுகள், மரப்பெயர்கள் பற்றிக் குறிப்பிட்டிருக்கின்றன. ஆனால், இந்நிகண்டு கூறியுள்ள அனைத்தும் அவற்றில் இல்லை. சான்றாக இந்நிகண்டு தென்னையின் பெயரைக் குறிப்பிடும்போது, நாலிநாரி, தெங்கு தென்னை (7) என்கிறது. ஆனால் திவாகரம், நாளிகேரம், தெங்கு தழை என நவில்வர் (திவா.702) என்று குறிப்பிட்டுள்ளது.

இந்நிகண்டினை வேறு நிகண்டுகளின் மரப்பெயர்த் தொகுதிகளோடு ஒப்பிட்டுப் பார்த்தால் புதிய செய்திகள் பல புலப்படும். திவாகரம், பிங்கலம் ஆகியவற்றோடு பொருத்திப் பார்த்ததில் மாறுபட்டும், வேறுபட்டும், புதியதாகவும் இந்நூலின் கருத்துகள் தோன்றியுள்ளதைக் காணமுடிகிறது.

ஒவ்வொரு நூற்பாவும் ஆகும், எனப்படும், எனப்படுமே என்று முடிவதாக அமைந்துள்ளது. இந்நூலில் மரத்தின் பெயர்கள் கொடுக்கப்பட்டுள்ளனவேயன்றி, பொருள் புரிந்து விளங்கிக்கொள்ளும் அளவிற்குரியதான பதிப்புகள் வரவில்லை.

இந்நிகண்டில் கூறியுள்ள பெயர்களைக் கொண்டு இன்று, இப்பெயர்கள் வழக்கில் இல்லை என்பதை அறிய முடிகிறது. உச்சரிப்பு ஒலியனின் வேறுபாட்டால் புதுப்பெயர்கள் அறிமுகமாகின்றன. நிகண்டு வளர்ச்சி வரலாற்றில் மரப்பெயர்களுக்குரிய தொகுதியாக விளங்குவதால் இந்நிகண்டும், நிகண்டு வளர்ச்சி வரலாற்றில் ஒரு பங்கு வகிக்கும் என்பதில் ஐயமில்லை.

மின்சார சாதனங்கள்

2013-07-04T02:03:00.003-07:00

தமிழ் சொற்களை அதிகமாக புழங்குவோம்

மின்சாரத்தில் இயங்கும் பொருட்களுக்கான பொதுவான
படிமம் இதோ

1.இயந்திரம்
2.சாதனம்
3.பொறி
4.கருவி
5.பெட்டி

(இன்னும் சுமார் 150 படிமங்கள் உள்ளன. ஆனால் நாம் முதலில் இதைப் பயன்படுத்த முயற்சிப்போம்)

பயன்படுத்துவது எவ்வாறு

பொருளின் பயன்பாடு
அதன் தன்மை அல்லது பண்பு
காரணம் ஆகியவற்றை முன்னே
சேர்த்து கொள்ள வேண்டியது தான் எளிமையாகச் சொல்ல வேண்டுமானால் அந்த பொருள் என்ன வேலை செய்கிறதோ அதனை முன்னால் சேர்த்துக் கொள்ளுங்கள்

படிமத்தைப் பின்னால் சேர்த்துக்கொள்ளுங்கள்

Television	படப்பெட்டி	தொலைக்காட்சி(x)
Washing Machine	சலவை இயந்திரம்
Iron Box	கணப்புப் பெட்டி	இஸ்திரிப் பெட்டி(x)
Comuter	கணிப் பொறி
Grinder	அரவை இயந்திரம்
Mixie	சிறிய அரவை இயந்திரம்

அடுத்ததாக
6. “இ”
7. “ஆன்”

என்பதை சேர்க்கும் விதம்

heater = சூடாக்கி
fridge = குளிர்விப்பான்
air condition = குளிரூட்டி

இவ்வளவுதான் இந்த 7 படிமங்களே அனைத்து மின்சார சாதனங்களுக்கும் சேர்த்துக் கொள்ளலாம். இன்னும் 150 நுண்ணிய படிமங்கள் உள்ளன. முதலில் இந்த 7 படிமத்தை பயன்படுத்த முயற்சிப்போம்.

Fan = மின்விசிறி என்று சொல்லத்தேவையில்லை
காத்தாடி என்று சொன்னால் போதுமானது

Light என்பதை விளக்கு என்று சொன்னாலே போதுமானது. மின்விளக்கு என்றும் சொல்லலாம்

இவ்வளவுதான் தமிழ்.

தமிழை பேச முடியாதவாறு கடினமாக மொழிமாற்றம் செய்வது. ஆங்கிலத்தில் உள்ளதை அப்படியே தமிழாக்கம் செய்வதெல்லாம் ஆகாத வேலை.

தமிழை பேசுவது மிகவும் எளிது. தமிழில்
தொண்டையை அழுத்துவது
நாக்கை சுழற்றுவது
மூச்சுக் காற்றை விரயம் செய்வது போன்ற வகையில் வார்த்தைகள் இல்லை எளிமையாகவே இருக்கிறது.

தமிழறிவோம் : எக்கணும்

2013-06-30T01:08:00.001-07:00

தமிழ் சொற்களை அதிகமாக புழங்குவோம்

எக்கணும் – எவ்விடமும்

(இன்றைய சொல்வழக்கு : எங்கபாத்தாலும்)

திருப்பூர் எக்கணும் துணிக் கடைகள் தான்.

கல்லூரிகள் எக்கணும் ஆங்கிலபாடங்கள் தான்

சவுதி அரசு தன்னாடு எக்கணும் இருக்கும் இந்தியர்களை துரத்தச் சொல்லியுள்ளது,

தமிழ் தேசம் எக்கணும்
தமிழ் மொழி பிழைகளாகவே காணக்கிடைக்கின்றன

(இன்றைய வழக்கு : னம்ம ஊர்ல எங்க பாத்தாலும் தமிலு தப்புத்தப்பா இருக்கு)

திருப்பூர் முழுவதும் எனபதை விட திருப்பூர் எக்கணும் என்பதே மிகச் சரியான சொல்.

முழுதும் என்பது எல்லாவற்றிற்கும் எக்கணும் என்பது குறிப்பாக இடத்திற்கு.... இடத்தைக் குறிக்க எக்கணும் என்றவார்த்தை

தமிழறிவோம் : நார் (wire)

2013-06-30T00:57:00.002-07:00

தமிழ் சொற்களை அதிகமாக புழங்குவோம்

wire என்ற ஆங்கிலச் சொல்லுக்கு கடத்தி என்று புதிதாக உருவாக்கியுள்ளோம் அது தவறு.

தமிழ் எளிமையானது

உண்மையில் அதன் தமிழாக்கம் ”நார்” என்பது தான்

மரம் விழுந்து கரெண்ட் வையரு அருந்து கிடக்கு (x).

மரம் விழுந்து நார் அறுந்து கிடக்கிறது. (மிகச்சரியான வார்த்தை)

(இந்த வார்த்தையைக் கேட்பவர்
தானாகவே மின்சாரம்பாயும் நார் தான்என்று புரிந்து கொள்ளவேண்டும். presence of mind என்று சொல்லக்கூடிய புரிந்துணர்தல் தமிழில் மிக மிக முக்கியமானது. தமிழை பயன்படுத்தும் போது அந்த அறிவு தானகவே அதிகரிக்கும். இது இடம் பொருள் ஏவல் என்று குறிப்பிடப்படும்)

மரம் விழுந்து மின் நார் அறுந்து கிடக்கிறது
என்று பண்பு அல்லது தன்மையுடன் சொல்லலாம்.

மரம் விழுந்து மின்சாரம் பாயும் நார் அறுந்து கிடக்கிறது

(என்று சற்றே விளக்கமாகவும் சொல்லலாம்)

அல்லது

மரம் விழுந்து நார் அறுந்து கிடக்கிறது. மின்சாரம் பாயும் நார்.

(என்று வார்த்தையை சொல்லிவிட்டு அதன் பின் அதன் பண்பை தெளிவாகச் சொல்லும் பேச்சு உத்திஇது)

ஏனெனில் தமிழ் சொல் சார்ந்த மொழி அல்ல. வாக்கியம் சார்ந்த மொழி.

தமிழ் வலதுபுற மூளை சார்ந்த மொழி. மேலும் இடத்திற்கு ஏற்றவாறு பொருள் கொள்வது தமிழின் தனிச்சிறப்பு

தமிழ் எளிமையானது தான். அதை கடினமான வார்த்தைகளால் நிரப்ப வேண்டாம். எல்லாச் சொற்களுக்கும் நம்மிடம் வார்த்தைகள் உள்ளன

இனி உருவாகப்போகிறவைகளுக்கும் நம்மிடம் வார்த்தைகள் படிமங்களாக(template) உள்ளன.

அந்த வார்த்தைகளுடன் தன்மைகளை அல்லது பண்புகளை சேர்த்து கொள்ள வேண்டியதுதான்.

மேலும் fiber wire என்பதை இழை நார் என்று சொல்லலாம். அல்லது மின் இழை என்று சொல்லலாம். இழை என்று மட்டும் சொன்னாலும் போதுமானது.

fiber-க்கு முக்கியத்துவம் கொடுக்கும் போது.
உதாரணம்

அவர்கள் மின் இழை வழியாக இணையசேவை அளிக்கிறார்கள்.
அல்லது
அவர்கள் இணைய சேவைக்கு இழையாலான நாரை பயன்படுத்துகிறார்கள்
அல்லது
அவர்கள் இணைய சேவை இழை நார் வழி வழங்கப்படுகிறது

பொதுவாகப் பயன்படுத்தும் போது

உதாரணம்

ஒருவர் தமது உதவியாளரிடம் fiber cable-ஐ துண்டிக்கக் சொல்கிறார்.அப்போது...
இந்த இழையை சீய்த்து விடு அல்லது இந்த நாரை வெட்டு

இது போன்றே செப்பு நார், அலுமினிய நார், உலோக நார், கலப்பு நார், கண்ணாடி நார் என்று அதன் தன்மை அல்லது பண்புகளை முன் இணைத்துக் கொள்ளலாம்.

நம்மிடம் தற்போது தமிழில் இருக்கும் வார்த்தைகள் சுமார் இரண்டு லட்சம். தொலைந்து போனவை அதிகம்
எனவே பழைய தமிழ் சொற்களை அதிகமாக புழங்குவோம்.

விமான சாத்திரம்

2013-06-06T00:56:00.002-07:00

குறிப்பு

இது தமிழ்குடிலின் பதிவு அல்ல தமிழ் ஆர்வலர் ஒருவரின் பதிவு. இதிலிருந்த வடமொழிச் சொற்களும் சில வரிகளும் தமிழ்குடிலால் திருத்தப்பட்டது

1895 ஆம் வருடம், உலகின் முதல் விமானம், இரைட் சகோதரர்களால் கிட்டி கவுக் என்ற இடத்தில் பறக்கவிடப்பட்டதாக கூறப்பட்டது ஆனால் முழுமையாக எட்டு ஆண்டுகளுக்கு முன், மும்பாயில் உள்ள சௌபதி கடற்கறையில்...

இதுவரை இந்தியாவில் பழங்காலத்தில் விமானங்கள் இருந்ததாக கூறப்பட்ட கதைகள் வெறும் புனையப்பட்டதாகவும்
கற்பனைகளாகவுமே கருதப்பட்டது.

ஆனால் அன்று மாலை, விமானம் என்றால் என்னவென்று நிகழ் உலகம் அறியா தருணத்தில் அந்த அதிசய நிகழ்வு நடத்திக் காண்பிக்கப்பட்டது.

1895 ஆம் ஆண்டு சிவ்கர் பாபுஜி தால்பேட் (Shivkar Bapuji Talpade) என்ற இந்திய விஞ்ஞானியும், அவரது மனைவியும் இணைந்து, மும்பாயின் சௌபதி கடற்கறையில் ஒரு ஆளில்லா விமானத்தை பறக்கவிட்டு அதிசயித்தனர். இதுவே தற்போதிய காலத்து முதல் விமான கண்டுபிடிப்பு. நான் கூறும் இந்த செய்தி ஏதோ உளறல் போல் தோன்றினால் வலைதளத்தில் தகவல்களைத் தேடவும். மேலும் அக்டோபர் 18, 2004ல் வெளிவந்த டைம்ஸ் ஒஃப் இந்தியா நாளிதழின் செய்தியை இங்கே காணவும்

நாளிதழில் வெளியான செய்தி இணைப்பு

இவர்கள் முழுக்க முழுக்க இந்தியாவின் பழங்கால ரிக் வேதங்களில் தெரிவித்துள்ள முறைப்படி அந்த விமானத்தை வடிவமைத்தனர். விமான சாத்திரம் குறித்து 100 தொகுப்புகளில், 8 பகுதிகளாக, 500 விதிகளில், 3000 வரிகளாக ரிக் வேதம் விளக்குகிறது. இன்றைய அறிவியலுக்கு புலப்படாத பல தகவலகள் அதில் புதைந்துள்ளது என்றும் அவர்கள் குறிப்பிடுகின்றனர், மேலும் இவர்கள் பரத்வாச முனிவரால் இயற்றப்பட்ட விமானம் செய்யும் வழிமுறைகள் அடங்கிய பழங்கால ஏடுகள் மூலம் இதை சாதித்தனர். உலகில் முதல் முதலில் பாதரசத்தை (Mercury) எரிவாயுவாக பயன்படுத்தியது இந்தியர்கள் தான். பாதரசத்தை எரிவாயுவாக பயன்படுத்துவது எவ்வாறு என்று இன்றும் விஞ்ஞானிகள் ஆய்வு செய்து கொண்டு தான் இருக்கின்றனர். இந்த விமானம் முழுக்க முழுக்க பாதரசத்தை பயன்படுத்தும் Mercury Vortex Principle அடிப்படையைக் கொண்டது. இந்த Ion Mercury Vortex Engine ஆனது NASA வின் தீவிர ஆய்வில் உள்ளது.

இதைப்பற்றி தி ஹிஸ்டரி சேனல் (The History Channel) என்ற தனியார் தொலைக்காட்சி நிறுவனம் வெளியிட்ட ஏன்ஸியன்ட் ஏலியன்ஸ் (Ancient Aliens) என்ற ஆவணப்படத்திலும் குறிப்பிடப்பட்டுள்ளது.

இவர் உருவாக்கிய அந்த ஆளில்லா பறக்கும் விமானம் மணிக்கு சுமார் 40000 கிமீ வேகத்தில் 1500 அடி சென்று விண்ணை முட்டி எந்த பாதிப்பும் இல்லாமல் தரையிறங்கியது. பொது மக்களோடு மக்களாக பரோடாவின் மகாராஜர், சர் சயாஜிராவ் கேக்வாட் அவர்களும் ஜஸ்டிஸ் கோவிந்த் ரானடே அவர்களும் அதை கண்டு வியந்தனர். இந்த செய்தி அப்போதிய “கேசரி” நாளிதழிலும் வெளியானது.

இவரது ஆய்வுகளுக்கு முக்கிய காரணமாக விளங்கிய பரத்வாஜ முனியின் பழைய குறிப்புகளை கொடுத்துதவியது பண்டிதர் ஸ்ரீ சுப்பராயர் (Pandit Shri Subbaraya). இவரது தூண்டுதலின் பேரில் தான் தால்பேட் அவர்கள் ஆய்வை தொடங்கினார். தற்போதைய பொறியியல் வரைபடம் போல மிக எளியதாகவும், விமான கட்டுமானத்திற்கு தேவையான வடிவமைப்பு, இயந்திரங்கள், முதலிய அனைத்தின் வரைபடங்கள் மற்றும் விமானிகளின் உடைகள், அவர்களின் உணவு முறைகள் முதற்கொண்டு அதில் அனைத்தும் இடம் பெற்றிருந்ததாகவும் தகவல்கள் தெரிவிக்கின்றன, இது பின் நாளில் திரு ஜோஸ்யர் (Mr. Josyer) மற்றும் திரு டேவிட் ஹேட்சர் சில்ட்ரஸ் ( Mr. David Hatcher Childress) ஆகியவர்களால் ஆங்கிலத்தில் மொழி பெயர்க்கப்பட்டது. தால்பேடுக்கு தேவையான நிதியுதவியை மகாராஜ சயாஜிராவ் வழங்கினார்.

இத்தனை கண்டுபிடிப்புகளுக்கு பின் தால்பேடுக்கு கிடைக்கப்பட்ட வெகுமதி பிரிட்டிஷ் அரசாங்கத்தின் கைது நடவடிக்கை. அவருடன் பண்டிதரும் கைது செய்யப்பட்டார். மகாராஜா ஆங்கில அரசினால் கடுமையாக எச்சரிக்கப்பட்டார். பின் சில நாட்களில் தால்பேடின் மனைவி இறந்த பின் ஆய்வில் இருந்து ஓய்வு கொண்டார் தால்பேட். அவரும் இறந்த பின்னர் அவரது மிக முக்கிய குறிப்புகளை, அதன் மதிப்பறியாமல் சில ஜெர்மானியர்களிடம் விற்றுவிட்டனர் அவரது உறவினர்கள்.

இப்போதும் இதை வெளிப்படுத்த இந்திய அரசாங்கம் தவறிவிட்டது

(பின் குறிப்பு :- பரத்வாஜ முனிவர் வாழ்ந்த காலகட்டம் சுமார் 9000 ஆண்டுகளுக்கு முன்பு என்று நூல்கள் தெரிவிக்கின்றன)

தமிழ் இணைய மாநாடு

2013-06-05T04:06:00.001-07:00

12 ஆவது தமிழ் இணைய மாநாடு - கோலாலம்பூர், மலேசியா
உலகத் தமிழ்த் தகவல் தொழில் நுட்ப மன்றம் (உத்தமம்) அமைப்பு 12ஆவது உலகத் தமிழ் இணைய மாநாட்டை மலேசியாவின் முதன்மைப் பல்கலைக்கழகமான மலாயாப் பல்கலைக் கழகத்துடன் இணைந்து நடத்துகிறது. மலாயாப் பல்கலைக்கழகத்தின் மொழி மொழியியல் புலம்,
தகவல் தொழில்நுட்ப நடுவம் ஆகியவற்றுடன் இணைந்து 'திதியான் டிஜிட்டல்' திட்டத்தின் ஆதரவுடனும் இம்மாநாடு நடைப்பெறுகிறது

கணினி, இணையம் ஆகியன தொடர்பாகத் தமிழின் பயன்பாடுகள் பற்றிய ஆய்வுகள் உலகெங்கும் தமிழர்களிடையே பரவும் வகையில் கடந்த பத்தாண்டுகளுக்கும் மேலாக உத்தமம் அமைப்பு உலகத்தமிழ் மாநாடுகளை நடத்தி வருகிறது. உத்தமம் உலகத்தமிழர்களை இணையத்தின் வாயிலாக இணைப்பதில் வெற்றி கண்டுள்ளது.

இது வரை எட்டு மாநாடுகளை அமெரிக்கா, சிங்கப்பூர், மலேசியா, ஜெர்மனி, இந்தியா ஆகிய நாடுகளில் முன்னணிப் பல்கலைக் கழகங்களோடு இணைந்தும், தமிழகத்தில் மூன்று மாநாடுகளை தமிழக அரசின் முழு ஆதரவோடும் உத்தமம் நடத்தியிருக்கிறது என்பது குறிப்பிடத் தக்கது. இந்த ஆண்டு மலேசியாவின் தலைநகரம் கோலாலம்பூரில் உள்ள மலாயாப் பல்கலைக் கழகத்தின் ஆய்வு மேலாண்மை கண்காணிப்பு நடுவத்தில், வரும் ஆகஸ்டு 15 முதல் 18 வரை “12ஆவது உலகத் தமிழ் இணைய மாநாடு 2013”ஐ நடத்த உத்தமத்தின் செயற்குழு முடிவெடுத்துள்ளது. உத்தமத்தின் தலைவர் சி. ம. இளந்தமிழ் அவர்கள், மாநாட்டின் உள்ளூர்க் குழுவுக்குத் தலைமை தாங்கவிருக்கிறார். உத்தமம் அமைப்பின் மேனாள் தலைவர் திரு மணி மு. மணிவண்ணன் அவர்கள் மாநாட்டின் பன்னாட்டுக் குழுவின் தலைவராகப் பொறுப்பேற்றுள்ளார்.

முந்தைய இணைய மாநாடுகளைப் போலவே வரும் 2013 மாநாடும் கருத்தரங்கு, கண்காட்சி, மக்கள் கூடம் என்று மூன்று முனைகளில் செயல்படும். ஆய்வுக் கருத்தரங்கு மற்றும் பயிலரங்கு ஆகஸ்டு 15, 16, 17 ஆகிய மூன்று நாட்களில் நடக்கவிருக்கிறது. கண்காட்சியும் மக்கள் கூடமும் ஆகஸ்டு 16, 17, 18 ஆகிய மூன்று நாட்களில் நடக்கும். மாநாட்டுக்குப் பதிவு செய்த பேராளர்கள் மட்டுமே கருத்தரங்கு மற்றும் பயிலரங்கில் கலந்து கொள்ளலாம். கண்காட்சியிலும் மக்கள்கூடத்திலும் பொதுமக்கள் பார்வையாளர்களாகப் பங்கேற்கலாம்.

கருத்தரங்குகளில் பல்வேறு ஆய்வாளர்கள் கணினித்தமிழ் குறித்த தங்களின் ஆய்வுகளை ஏனைய ஆய்வாளர்களுடன் பகிர்ந்து கொள்வார்கள். மாநாட்டின் கருத்தரங்கக் குழுவுக்கு முனைவர் பத்ரி சேஷாத்திரிஅவர்கள் தலைமைப் பொறுப்பு ஏற்றுள்ளார். கருத்தரங்குக் குழு மாநாட்டுக்கான ஆய்வுக் கட்டுரைகளைத் தேர்வு செய்வதுடன், கருத்தரங்குகளைச் செவ்வனே நடத்தும் பொறுப்பையும் வகிக்கும். இவ்வாண்டின் கருத்தரங்கிற்கு “கையடக்கக் கணினிகளில் தமிழ்க் கணிமை”என்ற தலைமைக் கருத்தை ஒட்டிய ஆய்வுக்கட்டுரைகளை வரவேற்கிறோம்.

இணைய மாநாடுகள் ஆய்வாளர்களின் கருத்துப் பரிமாற்றத்துக்கு வழிவகுப்பது மட்டுமல்லாமல், மக்கள் கூடத்தின் மூலம் கணித்தமிழ் நுட்பங்களைப் பரப்புதல், கணித்தமிழ் மென்பொருட்கள் மற்றும் கருவிகளைக் கண்காட்சிகள் மூலம் பொதுமக்களுக்கு அறிமுகம் செய்தல் போன்ற பல்வேறு செயல்பாடுகளிலும் ஈடுபட்டு வந்திருக்கின்றன என்பது குறிப்பிடத்தக்கது. இவ்வாண்டு மாநாட்டின் மக்கள் கூடம் மூலம் கணித்தமிழ் நுட்பங்களை இத்துறையின் வல்லுநர்கள் மற்றும் மாணவர்களிடையே பரப்புதல், பயிலரங்குகள் நடத்திக் கணித்தமிழின் நுட்பங்களைப் பயிற்றுவித்தல், கணினி வழியாகக் கற்கும் மற்றும் கற்பிக்கும் பல்வேறு முறைகளை ஆசிரியர்களிடம் பரப்புதல் போன்ற முயற்சிகளை எடுக்கவிருக்கிறோம். கடந்த ஆண்டுகளை போலவே இவ்வாண்டும் கணித்தமிழ்ச் சங்கம் கண்காட்சி அரங்கம் ஏற்பாடுகளில் பெரும்பங்கு வகிக்கும்.

கீழ்க்கண்ட தலைப்புகளில் கட்டுரைகளை வரவேற்கிறோம்:

செல்பேசிகள் மற்றும் பலகைக் கணினிகளில் முக்கியமாக ஐ.ஓ.எஸ், ஆண்டிராய்டு மற்றும் விண்டோஸ் தளங்களில் தமிழைப் படித்தல், தமிழில் எழுதுதல்.
மின் நூல்கள், மின் இதழ்கள் ஆகியவற்றைக் கைக் கருவிகளில் கொண்டுவர உதவும் செயலிகள் மற்றும் தொழில்நுட்பம்.
ஐ.ஓ.எஸ், ஆண்டிராய்டு, விண்டோஸ் மற்றும் எச்.டி.எம்.எல் 5 குறுஞ்செயலிகள் (Apps).
திறவூற்றுத் தமிழ் மென்பொருள்கள், தன்மொழியாக்கல்.
இயன்மொழிப் பகுப்பாய்வு பிழைதிருத்தி, தமிழ் எழுத்துரு பகுப்பி, ஒலி உணர்தல், தேடல்பொறிகள் , இயந்திர மொழிமாற்றம், தகவல் அகழ்தல் போன்றவை.
தமிழ் இணையத்தின் தற்போதைய நிலை: வலைப்பதிவு, சமூக வலைத்தளங்கள், விக்கிப்பீடியா, குரல் வலை போன்றவை.
தமிழ் தரவுத்தளங்கள்.
கணினி வழி தமிழ் கற்றல் மற்றும் கற்பித்தல் குறித்தான ஆய்வுகள்
தமிழ்க் கணினி சொல்லாக்க ஆய்வுகள்.
கணினி வழி தமிழ்மொழி பகுப்பாய்தல் மற்றும் கணினிக்கு தமிழ் மொழியறிவு ஊட்டல் பற்றிய ஆய்வுகள்.

கட்டுரைகள் மின்னஞ்சல் மூலமாக மட்டுமே அனுப்பப்படவேண்டும். ஆய்வுச் சுருக்கங்களும் இறுதிக் கட்டுரையும் திருத்தக்கூடிய வடிவத்தில் மட்டுமே அனுப்பப்படவேண்டும். இவை உரைக் கோப்புகளாக, எச்.டி.எம்.எல் வடிவில், மைக்ரோசாஃப்ட் வேர்ட் அல்லது ஓப்பன் ஆஃபீஸ் கோப்புகளாக இருக்கலாம். பி.டி.எஃப் அல்லது அதுபோன்ற திருத்தமுடியாத வடிவங்கள் ஏற்றுக்கொள்ளப்படா. கட்டுரைகள் ஆங்கிலத்திலோ, தமிழிலோ அல்லது இரு மொழிகளும் கலந்த வகையிலோ இருக்கலாம். தமிழில் அல்லது இருமொழியில் இருந்தால், யூனிகோட் குறியீட்டில் மட்டுமே இருக்கலாம். பிற குறியீடுகளைக் கொண்டு அனுப்பப்படும் கட்டுரைகள் ஏற்றுக்கொள்ளப்படமாட்டா.

மாநாட்டு இதழ் ஒன்று அச்சு வடிவிலும் மின் வடிவிலும் வெளியிடப்படும். ஏற்றுக்கொள்ளப்பட்டு, மாநாட்டில் நேராகப் படிக்கப்படும் ஆய்வுக் கட்டுரைகள் மட்டுமே மாநாட்டு இதழில் சேர்த்துக்கொள்ளப்படும். கட்டுரைகள் அனுப்புவோர் நேராக மாநாட்டுக்கு வந்து கட்டுரைகளைப் படிக்க ஒப்புக்கொள்கிறார் என்று புரிந்துகொள்ளப்படும்.

(ஏ4 அளவில்) இரு பக்கங்களுக்கு மிகாது கட்டுரைச் சுருக்கங்களை நிகழ்ச்சிகள் குழுவுக்கு cpc@infitt.org என்ற மின்னஞ்சல் முகவரிக்கு அனுப்பிவையுங்கள். கட்டுரை வந்து சேர்ந்தது குறித்து உடனடியாக உங்களுக்கு மின்னஞ்சல் வாயிலாகத் தகவல் தெரிவிக்கப்படும். மேலும் கட்டுரைச் சுருக்கங்களை ti2013.infitt.org என்ற இணைய தளம் மூலமும் சமர்ப்பிக்கலாம். கட்டுரைச் சுருக்கங்களை அனுப்பக் கடைசி தேதி மே 31, 2013 ஆகும்.

பேரா. மு. அனந்த கிருஷ்ணன் ஆய்வுக் கட்டுரைப் போட்டி:
மாநாட்டில் கலந்து கொள்ளும் ஆய்வாளர்களில் நான்கு (4) சிறந்த ஆய்வுக் கட்டுரைகளுக்கு பே.ரா. மு. அனந்த கிருஷ்ணன் விருது வழங்கப்படும்.

தமிழ் குறுஞ்செயலி உலகப் போட்டி:
கையடக்கக் கணினிகளின் தொழில்நுட்பம் வளர்ந்து கொடுப்பதற்கு ஈடாகத் தமிழிலும் குறுஞ்செயலிகள் (Applets or Apps) வளர வேண்டும் என்பதை உணர்ந்தும் மேலும் பல நிரலாளர்களைத் (programmers) கணினித்தமிழுக்கு ஈர்க்க வேண்டும் என்ற நோக்கத்துடனும், தமிழுக்கான சிறந்த குறுஞ்செயலிப் போட்டி ஒன்றை அறிவிக்கிறோம். ஆப்பிள் ஐ-ஓஎஸ், ஆண்டிராய்டு, விண்டோஸ்8 தளங்களுக்கான குறுஞ்செயலிகள் போட்டியில் பங்கேற்கலாம். போட்டியைப் பற்றிய கூடுதல் விவரங்களுக்கு உத்தமத்தின் வலைத்தளம் ti2013.infitt.org அணுகவும்.

மாநாடு குறித்த கூடுதல் விவரங்களுக்குக் கீழ்க்காணும் மின்முகவரிகளில் தொடர்பு கொள்ளவும்: ed@infitt.org மற்றும் chair@infitt.org

சி. ம. இளந்தமிழ்
தலைவர் உத்தமம், மலேசியா
செல்: 0060-12314390
chair@infitt.org

அ. இளங்கோவன்
செயல் இயக்குனர், உத்தமம், சென்னை, இந்தியா
செல்: 0091-98410 23223
ed@infitt.org

நடராஜ தத்துவம்

2013-05-02T04:35:00.001-07:00

உலகின் மிகப் பெரும் இயற்பியல் விஞ்ஞானிகளில் ஒருவர் கார்ல் சகன்.சிறந்த விஞ்ஞான எழுத்தாளராகவும் விளங்கியது இவரது தனிச் சிறப்பு!

பாமரனுக்கும் அறிவியலைக் கொண்டு செல்ல வேண்டும் என்ற அவாவில் இவர் கடுமையாக உழைத்தார். தொலைக்காட்சித் தொடர்களை எளிய முறையில் அமைத்து பெரிய விஞ்ஞான விஷயங்களை
அழகுற எளிமையாக விளக்கினார்.

அமெரிக்காவில் ஒளிபரப்பப்பட்டு உலகெங்கும் உள்ளோர் பார்த்த 'காஸ்மாஸ்' என்ற பிரபஞ்சம் பற்றிய தொடரை எடுக்கும் மாபெரும் பொறுப்பை இவர் மேற்கொண்டார். 13 எபிசோடுகளில் பிரபஞ்சத்தைப் பற்றி விளக்க வேண்டும.

இந்தத் தொடரை ஒரு நல்ல அறிமுக உரையுடன் துவக்க அவர் எண்ணினார். இதற்காக பிரபஞ்சம் பற்றிய அறிவை சரியான முறையில் விஞ்ஞானக் கண்டுபிடிப்பிற்கும் விளக்கத்திற்கும் ஒப்ப எந்த நாகரிகம் கொண்டிருக்கிறது என்று ஆராய ஆரம்பித்தார். உலகின் மிகப் பழம் பெரும் நாகரிகங்களான எகிப்திய, சுமேரிய, கிரேக்க ரோமானிய, பாபிலோனிய நாகரிகங்கள் உள்ளிட்ட அனைத்து நாகரிகங்களையும் ஆராய்ந்தும் அவருக்குத் திருப்தி ஏற்படவில்லை. பல்வேறு நாகரிகங்களையும் அவை சார்ந்த மதங்களையும் ஆராயப் புகுந்தவர் அவற்றின் இதிஹாஸ புராணங்களையும் படிக்க நேர்ந்தது. இறுதியாக அவர் பார்வை இந்திய நாகரிகத்தின் மீது பதிந்தது ஆதிசைவத்தின் அறிவியல் ரீதியான பிரபஞ்சம் பற்றிய கொள்கையைப் படித்துப் பிரமித்து அவர் அசந்தே போனார்.

கார்ல் சகன் தனது காஸ்மாஸ் டி.வி. தொடருக்காக நடராஜரைத் தேடி சிதம்பர ரகசியத்தை அறிய தமிழ்நாடு வந்தார். தமிழ்நாட்டில் ஒரு நாள் காலை ஆறரை மணிக்கு தனது படப்பிடிப்புக் குழுவினர் புடைசூழ நந்தி இருக்கும் இரு கோவில்களுக்கு விஜயம் செய்தார். ஒரு கோவிலின் அருகே தாமரைத் தடாகம் ஒன்று இருந்தது. இவர்கள் வருவதைப் பார்த்த பத்து வயதுச் சிறுவன் ஒருவன் சரேலென தாமரைக் குளத்தில் பாய்ந்து ஒரு அழகிய தாமரை மலரைப் பறித்து வந்து கார்ல் சகனின் மனைவியிடம் தந்து தனது பெயரைச் சொல்லி அறிமுகப்படுத்திக் கொண்டான்.

எளிமையான, ஆனால் உணர்ச்சிபூர்வமான இந்த அன்பளிப்பால் அனைவரும் அசந்து போனார்கள். இதை நினைத்து நினைத்து நெகிழ்ந்து போன கார்ல் சகன் பின்னால் நியூ டைஜஸ்ட் என்ற பத்திரிக்கையின் ஆசிரியரான ப்ளேசிடோ பி.டி.சௌஸா என்பவரிடம் இதைச் சொல்லி தமிழக விஜயம் தனக்கு பல அதிசய அனுபவங்களைத் தந்ததாகக் குறிப்பிட்டார்.

பிரபஞ்சத்தில் எல்லையற்ற காலத்தையும் ஆக்கலையும் அழித்தலையும் சுட்டிக் காட்டும் சிவநடராஜரைப் பற்றி தமிழகத்தில் அறிந்து கொண்டு நடராஜரைத் தன் காஸ்மாஸ் தொடரில் பத்தாவது எபிசோடான 'தி எட்ஜ் ஃபார் எவரில்' (The edge forever) அவர் பயன்படுத்திக் கொண்டார். கலிஃபோர்னியாவில் பாஸடோனா என்ற இடத்தில் உள்ள நடராஜரை அவர் படம் பிடித்தார்.

இதே கால கட்டத்தில் அணுத்துகள் விஞ்ஞானத்தை விளக்க வந்த உலகின் மிகப்பெரும் இயற்பியல் விஞ்ஞானியான டாக்டர் பிரிட்ஜாஃப் காப்ரா சிவ நடராஜாவின் நடனத்தைக் கண்டு அதிசயித்திருந்தார்! ஆஸ்திரியாவில் பிறந்த அமெரிக்க விஞ்ஞானி இவர். "தி டாவோ ஆஃப் பிஸிக்ஸ்' (The Tao of Physics) என்ற இவரது நூல் உலகப் பிரசித்தி பெற்றது. இந்த நூல் 1975ல் வெளிவந்தது. 23 மொழிகளில் 43 பதிப்புகளாக வெளிவந்த இந்த நூலை லட்சக்கணக்கானோர் படித்தனர்; இன்றும் படித்து இன்புறுகின்றனர்!

அதில் அவர் சிவ நடராஜரின் நடனம் பற்றிக் கூறுகிறார்:-"மேலை நாடுகளின் இயந்திரத்தனமான பார்வையை விட கீழை நாடுகளின் பார்வை உயிருள்ள முழுமையான ஒன்று; அது சுற்றுப்புறச் சூழலை ஒட்டியது! கீழை நாட்டு ஞானிகளுக்கு பொருள்கள் எப்போதும் மாறிக் கொண்டே இருக்கும் திரவ வடிவம் போன்ற ஒன்றுதான்! பிரபஞ்சம் எப்போதுமே இயங்கிக் கொண்டிருக்கும் பிரிக்க முடியாத ஒன்றாக அவர்களால் காணப்பட்டது. இந்தக் கருத்தே இன்றைய நவீன பௌதிகத்திலும் உருவாகி வருகிறது. நவீன பௌதிகம் அணுத்துகளை - தொடர்ந்து நடனமாடும் ஒன்றாக - அதிர்ந்து கொண்டே இருக்கும் ஒன்றாகக் கூறுகிறது. கீழை நாட்டு ஞானிகள் உலகைப் பற்றி விவரிப்பது போலவே இது உள்ளது. ஆற்றல் நடனம் அல்லது உலகை உருவாக்கி பின்னர் அழிக்கும் நடனமானது சிவ நடராஜரின் நடனம் போலவே உள்ளது."

அணுத்துகள் விஞ்ஞானம் கற்க விரும்புவோர் நடராஜரின் நடனத்தைப் பற்றி முதலில் சற்று அறிய வேண்டும் என்றார் காப்ரா! அணுவில் உள்ள அசைவை - நடனத்தை - சிவ நடராஜரின் ஆட்டத்தில் கண்ட காப்ரா அதை அப்படியே லாஸ் ஏஞ்சலீஸில் 1977 அக்டோபர் 29ம் தேதி பிஸிக்ஸ் அண்ட் மெடா பிஸிக்ஸ் என்ற கருத்தரங்கத்தில் தான் ஆற்றிய முக்கிய உரையில் உலகத்திற்கு விளக்கினார்:

"நவீன இயற்பியல் விஞ்ஞானிகள் பொருளை அசைவற்ற ஜடமாகக் கருதவில்லை. துடிப்புள்ள தொடர்ந்து நடனமிடும் ஒன்றாகக் கருதுகின்றனர். இந்தியக் கலைஞர்கள் சிவ நடராஜரின் நடனத்தைச் சித்தரிக்கும் அருமையான ஓவியங்களையும் சிற்பங்களையும் படைத்துள்ளனர். இவை பிரபஞ்ச நடனத்தின் பார்வை சித்திரங்களாகும். மேற்கத்திய நவீன உபகரணங்களை உபயோகித்து இப்போது நாம் கண்டறிந்துள்ளவை சிவ நடனத்தின் புதிய பிரதியே. இந்திய சிற்பங்களில் உள்ள பிரம்மாண்டமும் அழகும் இதிலும் உள்ளன என்றே எனக்குத் தோன்றுகிறது. ஆகவே அவை இரண்டையும் இணைத்துள்ளேன்."

நவீன உபகரணங்கள் மூலமாக அணுவில் உள்ளே துகள்கள் நடனமிடும் அற்புதக் காட்சியைப் படம் பிடித்து அதை அப்படியே நடராஜரின் நடனத்துடன் ஒப்பிடும் காட்சியைப் பார்த்த உலக விஞ்ஞானிகள் வியந்தனர்.

விஞ்ஞானிகள் தங்களது நவீன உபகரணங்கள் வாயிலாகக் கண்டதை நம் மெய்ஞானிகள் தமது ஞானத்தின் வழியே இறைவனின் அறிவுறுத்தலாக கண்டனர்.

இதைத் தொடர்ந்து 2004ம் ஆண்டு ஜூன் மாதம் 18ம் தேதி ஐரோப்பிய அணுத்துகள் இயற்பியல் ஆராய்ச்சி மையத்திற்கு இந்திய அரசாங்கம் 2 மீட்டர் (சுமார் ஆறு அடி) உயரமுள்ள நடராஜரின் சிலையை அந்த நிறுவன விஞ்ஞானிகள் இந்தியாவுடன் தொடர்ந்து கொண்டிருக்கும் நல்லுறவைப் போற்றும் வகையில் வழங்கியது.

செர்ன் (CERN) விஞ்ஞானிகள் அணுத்துகள் நடனத்தையும் நடராஜரின் நடனத்தையும் ஒப்பிடுவதைப் போற்றி நன்றி தெரிவிப்பதற்காக இதை வழங்குவதாக நம் அரசு பெருமையுடன் தெரிவித்தது.

திருமுறை பரிசுப் போட்டி

2012-08-12T00:31:00.024-07:00

பொ.தி.ப. அறக்கட்டளையின்

திருமுறை இசை மற்றும் திருமந்திர கட்டுரைப் போட்டி

மொத்த பரிசுத் தொகை ரூ.55,000

திருமுறை இசைப் போட்டி விதிமுறைகள்

போட்டியாளர்கள் தாங்கள் பாடவிரும்பும் பன்னிருதிருமுறைகளிலிருந்து பண் அமைந்த பாடல்களை மட்டுமே தேர்வு செய்யவேண்டும்.
போட்டியில் பங்கேற்கும் அனைவரும் தாங்கள்
தேர்வு செய்த மூன்றுபாடல்களுடன் பெயர், முகவரி, தொடர்பு எண் மற்றும் இதர விவரங்களைநேரிலோ அல்லது தபால் மூலமாக அனுப்பவேண்டும்.
ஓதுவார்கள் பாடசாலை இசைப்பள்ளி மற்றும் இசைக்கல்லூரி மாணவர்கள் தங்களின் அடையாள அட்டை நகலையோ அல்லது அதற்கு இணையான சான்றிதழ் நகலையோ இணைத்து அறக்கட்டளைக்கு அனுப்பவேண்டும்.
பொதுப் பிரிவில் பங்கேற்போர் தாங்கள் தேர்வு செய்து அனுப்பிய மூன்று பாடல்களை மட்டுமே பாடவேண்டும்.
பாடசாலை இசைப்பள்ளி மற்றும் இசைக்கல்லூரி மாணவர்கள் தாங்கள் தேர்வு செய்து அனுப்பிய மூன்று பாடல்களில் போட்டியன்று நடுவர்கள் கூறும் பாடல்களுடன் தாங்கள் விரும்பும் ஏதேனும் ஒரு திருப்புகழ் பாடலையும் பாடவேண்டும்.
ஓதுவார்கள் தாங்கள் தேர்வு செய்த அனுப்பிய மூன்று பாடல்களில் இரண்டு பண்ணுடனும் ஒரு பாடலை விருத்தமாகவும் அதனோடு தாங்கள் விரும்பும் ஏதேனும் ஒரு திருப்புகழ் பாடலையும் பாடவேண்டும்.
போட்டியில் பங்கேற்கும் மூன்று பிரிவினரும் தாங்கள் தேர்வு செய்த பாடலின் பண், இராகம், தாளம் மற்றும் பதிக வரலாற்றைக் குறிப்பிட்ட பின் அப்பாடலைப் பாடி பொருள் விளக்கம் தரவேண்டும்.
போட்டி நடைபெறும் 10 நாட்களுக்கு முன்பாகவே போட்டியாளர் எந்த நாளில் போட்டியில் பங்கேற்க வேண்டும் என்பதனை அறக்கட்டளையினர் தெரிவிப்பர்

திருமந்திரக் கட்டுரைப்போட்டி விதிமுறைகள்

கீழே குறிப்பிட்டுள்ள திருமந்திர தலைப்புகளில் ஏதேனும் 1 அல்லது 2 தலைப்பினைத் தேர்வு செய்து 20 பக்கங்களுக்கு மிகாமல் பாடல் விளக்கம் மற்றும் மேற்கோளுடன் கட்டுரை அமைக்க வேண்டும்.

அரசாட்சி முறை, அறஞ்செயான் திறம், அறஞ்செய்வான் திறம், வேதச்சிறப்பு,திருமூலர் தம் வரலாறு கூறுதல், அன்பு செய்வாரை அறிவன் , சிவன், அன்புடைமை, இளமை நிலையாமை, உபதேசம், செல்வம் நிலையாமை, பிறன்மனை நயவாமை, மகளிர் இழிவு, யாக்கை நிலையாமை, அகத்தியம், அதோமுக தரிசனம், இலிங்கபுராணம், கரு உற்பத்தி, குரு நிந்தை, பெரியாரைத்துணைக்கோடல், மறைப்பு, அட்டமாசித்தி, ஆயுள் பரீட்சை, காயசித்தி உபாயம், தியானம்.

கட்டுரையின் விளக்கம் அவரவர் சொந்தகருத்தாக இருத்தல் வேண்டும். கையெழுத்து பிரதியில் முறையான கட்டுரை அமைப்பில் அனுப்புவோருக்கு கூடுதல் மதிப்பெண் வழங்கப்படும்
பெயர், முகவரி, தொடர்பு எண் ஆகியவற்றை கட்டுரையின் முதற்பக்கத்தில் இணைக்கவேண்டும். ஏனைய பக்கங்களில் கூடாது.
ஒருவரிடமிருந்து ஒரு கட்டுரை மட்டுமே ஏற்றுக்கொள்ளப்படும்.
அனுப்பிய கட்டுரைகளை எந்தவித காரணத்திற்காகவும் திருப்பி அனுப்ப இயலாது.
மேலே குறிப்பிட்ட விதிமுறைகள் 20.10.2012 ஆம் தேதிக்குள் மட்டுமே ஏற்றுக் கொள்ளப்படும் மற்றவை நிராகரிக்கப்படும்

இருபோட்டிகளுக்கான பொதுவான விதிமுறைகள்

வயது வரம்பு கிடையாது திருமுறை மற்றும் திருமந்திரத்தில் விருப்பம் உள்ள ஆண் பெண் இருபாலரும் போட்டியில் கலந்துகொள்ளலாம்.
போட்டியாளர்கள் மாற்றுத்திறனாளிகளாக இருப்பின் தங்களது சுயவிவரத்துடன் குறிப்பிடவும்.
திருமுறை இசைப் போட்டியில் பங்கேற்போருக்கும் திருமந்திரக் கட்டுரைப் போட்டியில் தேர்வாகும் அனைவருக்கும் பரிசளிப்பு விழா அன்று சான்றிதழ் வழங்கப்படும். பரிசளிப்பு விழா போட்டியாளர்கள் அனைவருக்கும் அறக்கட்டளை மூலம் பின்னர் தெரிவிக்கப்படும்
நடுவர்கள் தீர்ப்பே இறுதியானது

மேலும் விவரங்களுக்கு : 91 9789197179, 91 9443249518, 0413 2251170

நாள் 2,3,4 நவம்பர் 2012

(வெள்ளி, சனி, ஞாயிறு)

இடம்

வேதபுரீஸ்வரர் கோயில் திருமணமண்டபம்

காந்திவீதி, புதுச்சேரி - 605001

போட்டியில் தமிழ்குடில் தடத்தின் வழி இணைய

கீழே உள்ள தொடர்பில் தங்கள் விவரங்களைப் பதிவு செய்து இணையவழி அனுப்பலாம். தகவல்கள் பொ.தி.ப அறக்கட்டளைக்கு அனுப்பப்படும். கட்டுரைப்போட்டியாளர்கள் தங்கள் கைப்பட எழுதிய கட்டுரைகளை pdf கோப்பாக இணைக்கவும். கட்டுரையின் முதல்பக்கத்திலும் தங்கள் சுய விவரங்களை இணைக்கவும்

சூழ்நிலைத்தகவமைப்பு

2012-06-02T03:07:00.006-07:00

பழங்காலத் தமிழர்கள் பகுத்து வைத்திருந்த பறவைகள் பட்டியலை ஒழுங்குபடுத்தி வெளியிடும் பணியை தமிழ்குடில் செய்து தொண்டிருக்கையில் பட்டியலை ஒழுங்குபடுத்துவதில் சில சிக்கல்களை சந்திக்க நேர்ந்தது. ஏனெனில் பழைய தமிழர்களால் பகுக்கப்பட்டவை
சில தெளிவில்லாத தோராயமான பகுப்புகளாகவும் குழப்பமாக
இருப்பதாகவும் தோற்றமளித்தது. ஆனால் தற்போதைய பகுப்புகள்அந்த முறையிலிருந்து முற்றிலும் வேறுபட்டிருந்ததையும் காண முடிந்தது. நம்முடைய பழைய பட்டியல் பகுப்புகளை தற்போதைய அறிவியல் பகுப்புகளுடன் இணைப்பதில் சில சிக்கல்கள் நேரிட்டது. எனவே தமிழர்கள் பயன்படுத்திய வகைப்பாடுகளின் கட்டமைப்பை நோக்கி ஆய்வு செய்தபோது வியப்பளிக்கும் தகவல்கள் கிடைத்தன. அதாவது தமிழரின் வகைபாடுகள் வலப்புற தொகுப்பு(Lateral categorization) முறையிலும் நவீன பகுப்புகள் தர்க்க ரீதியான பிரிப்பு (logical categorization) முறையிலும் இருப்பதை காணமுடிந்தது. வலப்புற தொகுப்பு முறை பற்றி இனி விரிவாய் காண்போம்.

உலகின் வேறெந்த பகுதியிலும் துல்லியமாக பெயரிடப்படாத சில விசயங்களுக்கு தமிழில் மட்டுமே பெயர்கள் உண்டு. உதாரணமாக உடலுக்கு மேலே நான்கு உடல்கள் உள்ளதாகவும் மொத்தம் ஐந்து உடலுக்கும் ஐந்து வெவ்வேறு பெயர்கள் தமிழில் உண்டு. இது ஒரு நுணுக்கமான பகுப்பு. தனது துணையை விட்டுபிரிந்து இருக்கும் பெண்ணுக்கு உடலில் ஒரு விதமான ஹார்மோன்கள் சுரப்பதும் அதன் காரணமாக சோர்வு உண்டாவதும் மேலும் உடலில் ஒரு மெல்லிய பச்சை நிறம் படர்வதும் போன்ற அறிகுறிகள் தென்படும் அதற்கு தமிழில் பசலை என்று பெயரிட்டு இருப்பதையும் காணலாம். இந்த வகையான நுணுக்கமான பெயரிடல் முறைகள் உலகில் வேறெங்கும் இல்லை. மேலும் இதுபோன்ற நுண்ணிய விசயங்களை இப்போதுதான் விஞ்ஞானம் பொறுமையாக கண்டுபிடித்து கொண்டிருக்கிறது.

பெயர் என்பதற்கே உலகில் எந்த மொழியிலும் பெயரிடாத காலத்தில் தமிழில் அதற்கு பெயர் இருந்திருக்கிறது. தமிழின் பெயர் என்பதைக் குறிக்கும் நாமம் என்ற சொல்லிலிருந்தே Name என்ற ஆங்கிலசொல் உருவாக்கப்பட்டிருக்கிறது. தமிழில் இதே போன்ற நுண்ணிய பகுப்புகள் மற்றும் பெயரிடுதல் முறைகள் இருந்தாலும் சில விசயங்கள் நுண்மையாக பிரிக்கப்படாமல் தோராயமாகவே பிரிக்கப்பட்டிருக்கின்றன. ஆனால் அதற்கும் காரணம் உண்டு ஏனெனில் உண்மையில் அவை வேறு ஒரு அடிப்படையில் பிரிக்கப்பட்டிருக்கின்றன. அதுதான் வலப்புற தொகுப்பு முறை. இந்த வலப்புற தொகுப்பு முறை முறை இயற்கையோடு இணைந்த ஒன்று எனவே முதலில் இயற்கையின் சூழ்நிலைத் தகவமைப்பு முறை பற்றி பார்ப்போம்.

மடகாஸ்கர் தீவுகளில் இருக்கும் பல்வேறு வகையான உயிரினங்களை ஆராய்சியாளர்கள் அறிவியல் பெயரால் பகுத்துக் கொண்டிருக்கின்றனர். இந்த உயிரினங்கள் தோற்றத்தில் ஒருவகையிலும் அதனுடைய நடத்தையில் வேறு இனத்தையும் அதனுடைய இனப்பெருக்க முறையில் மற்றுமொரு இனத்தையும் பிரதிபலிப்பதாக இருக்கின்றன. உதாரணமாக பூனையைப் போன்ற உடலும் பூனையின் நடவடிக்கைகளையும் கொண்ட பூனையைப்போன்றே கத்தக்கூடிய கீரி இனம் ஒன்று இருக்கிறது. எலியைப்போன்று தோற்றமளிக்கும் ஒரு பிராணி கடலுக்குள் மூழ்கி சென்று நண்டுகளை உண்ணக்கூடியதாக இருக்கிறது. மேலும் தோற்றத்தில் தேவாங்கு போலவும், மரம் விட்டு மரம் தாவக்கூடிய குரங்கின் நடத்தையை ஒத்த ஒரு லெமூர் இனமும் இருக்கிறது. லெமூர் எனப்படும் இந்த வகையான இனங்களில் நான்கு மட்டுமே உண்டு என எல்லோரும் கருதிக்கொண்டிருக்க அண்மையில் ஆய்வு செய்த ஆராய்ச்சியாளர் ஒருவர் அவற்றை மரபணு சோதனைகளின் மூலம் 12 இனமாக பகுத்துக் காட்டினார். மேலும் இந்த லெமூர் இனங்கள் இரவில் நடமாடுவதால் ஆய்வாளர்களுக்கு தெளிவாக வகைப்படுத்த முடியவில்லை. இவைகள் எழுப்பும் சத்தம் ஒரேமாதிரியாக இருந்தாலும் ஒலியை பிரித்தறியும் கருவிகளைக் கொண்டே இவை வெவ்வேறு இனமாக பகுக்கப்பட்டிருக்கிறது. ஆனால் இந்த தீவில் காணப்படும் நூற்றுக்கணக்கான உயிரினங்களும் வெறும் நான்கு அல்லது ஐந்து இனங்களில் இருந்தே தோன்றியதாக ஆய்வாளர்கள் குறிப்பிடுகின்றனர்.
சூழ்நிலைத்தகவமைப்பு என்பது எல்லா உயிர்களுக்கும் இயற்கையின் ஒரு வரப்பிரசாதம், இந்த சூழ்நிலைத்தகவமைப்பு வெறும் ஐந்து உயிரினங்களை எப்படி நூறு உயிரினங்களாக மாற்றியது தெரியுமா.

ஆப்பிரிக்காவின் வெப்பமண்டலத்திலிருந்து மடகாஸ்கர் தீவு இயற்கையின் சீற்றத்தால் பல கோடி ஆண்டுகளுக்கு முன்னர் பிரிக்கப்பட்டபோது, அங்கு தோராயமாக வெறும் ஐந்து உயிரினங்கள் மட்டுமே ஒதுக்கப்பட்டன. இந்த உயிரினங்கள் தாங்கள் வாழும் சூழ்நிலைக்கேற்ப தனது வாழ்க்கையை மாற்றிக்கொள்ள ஆரம்பித்தன. உதாரணமாக ஒரே இனம் வெவ்வேறு குழுக்களாக காடுகளிலும் நீர்நிலை அருகிலும் பாலை நிலங்களிலும் மலைப்பகுதிகளிலுமாக காலவெள்ளத்தில் பிரிந்தன. இவை தனது சூழ்நிலையில் கிடைக்கும் உணவுகளை கொண்டே உயிர்வாழும் கட்டாயத்திற்கு தள்ளப்பட்டன. எனவே ஒவ்வொரு குழுக்களும் வெவ்வேறு உணவு, தட்பவெப்பநிலை இருப்பிடம் ஆகியவற்றுக்கேற்றவாறு பரிணாம வளர்ச்சி பெற்றன. உணவுக்காக மரத்தின் உச்சியில் சென்ற லெமூர் இனம் மரம் விட்டு மரம் தாவும் கலையைக் கற்றுக்கொண்டன. நீர்நிலைஅருகில் இருந்த இனம் நீருக்குள் மூழ்கி நீந்தக் கற்றுக்கொண்டன. இளநீரை பிரித்து உண்ணக்கூடிய இனத்திற்கு விரல்களும் நகங்களும் பெரிதாக வளர்ந்தன நாளடைவில் நிறம், தோற்றம், சப்தம், நடவடிக்கை ஆகிய அனைத்திலும் இவை முற்றிலுமாக மாறி பின்பு வேறு இனமாக மாறிவிட்டன.

உதாரணமாக இப்போது நாம் வீடுகளில் வளர்க்கும் பிராணி நாய் ஆனால் பலகோடி ஆண்டுகளுக்கு முன் நாய் என்ற இனம் இல்லை ஓநாய்கள்தான் நாளடைவில் நாய்களாக மாறியது. குகைகளை ஆதி மனிதன் தனக்கு சொந்தமாக்கிக் கொண்டபோது ,அவன் உண்டு எறிந்த மிச்சங்களை திண்பதற்காக ஓநாய்கள் வந்து போயின அவற்றை நாளடைவில் மனிதன் தனது கட்டுப்பாட்டில் கொண்டு வந்து இறுதியில் இந்த ஓநாய்கள் தன்னுடைய இனத்திலிருந்து முற்றிலும் பிரிந்த நாய் என்ற ஒரு இனமாக மாறிவிட்டது. ஒரே தெரு நாய்கள் கூட்டமாக இருப்பதும் அவை மற்ற நாய்களை துரத்துவதும் ஓநாயின் குணத்திலிருந்து வந்ததே. மேலும் நாய் படுப்பதற்கு முன்பு ஒரு சுற்று சுற்றி உட்காருவதும் ஓநாய் குணத்தின் பதிவுகளே. ஏனெனில் ஓநாய்கள் அடர்ந்த புதர்களுக்கு நடுவே படுக்கும்போது ஒரு சுற்று சுற்றி உட்காரும் குணாதிசயத்தை கொண்டிருந்தன. இவ்வாறான சூழ்நிலைதகவமைதலில் இனங்கள் பிரிவதைப் பற்றி டார்வின் கூற்றுகளும் சொல்கின்றன.

தமிழில் வலப்புற தொகுப்பு முறையின் படி பறவைகள் மற்றும் விலங்குகளைப் பிரிக்கும்போது நவீன கால பிரிவுகளை கணக்கில் கொள்ளாமல் அவை எந்த இனமோ அதனையே மையப் பெயராக வைத்து வழங்கி இருக்கிறார்கள் மேலும் அதன் நிறம், தோற்றம், குணாதிசயங்களை அந்த மையப் பெயருடன் சேர்த்துப் பயன்படுத்துவதும் தமிழர்களின் பெயரிடுதல் முறையாக இருந்திருக்கிறது. உதாரணமாக குருவி என்பது இனம். அதிலேயே தவிட்டுகுருவி, சிட்டுகுருவி என்று பிரித்து வழங்கப்பட்டு இருக்கிறது மேலும் பொதுவாக இவைகள் குருவி என்றே வழங்கப்பட்டன. மேலும் கொக்கு, நாரை, குருகு மூன்றும் ஒரே இனத்தின் பிரிவுகளே. எனவே இந்தப் பறவைகளை இலக்கியத்தின் சில இடங்களில் பொதுவாகவே குறிப்பிட்டிருக்கின்றனர். இது ஒரு எளிமையான சிறப்பான வகைப்பாட்டு முறை. இந்த முறை சித்த மருத்துவத்தில் கூட பின்பற்றப் படுகிறது. உதாரணமாக சித்த மருத்துவத்தில் மருந்தை நெல்லிக்காய் அளவு எடுத்துக் கொள்ள வேண்டும் என்பார்கள் இதுவும் ஒரு வலப்புற வகையிலான அளவீட்டு முறை. ஒரு நெல்லிக்காய் எவ்வளவு சிறிய அளவில் இருந்து எவ்வளவு பெரிய அளவில் இருக்குமோ அதற்கு இடைப்பட்ட அளவில் எந்த அளவு வேண்டுமானாலும் எடுத்துக் கொள்ளலாம் என்பது அதன் அர்த்தம் அதிகமாய்ப் போனால் எலுமிச்சை அளவாகிவிடும் குறைவாய்ப் போனால் மிளகு அளவாகிவிடும். எனவே அளவை நிர்ணயிப்பதில் சிரமம் இல்லை. ஆனால் அலோபதி மருந்துகளில் மில்லிகிராம் அளவு அதிகமானாலும் பக்கவிளைவுகள் உண்டு. இதே வலது புற தொகுப்பு சூட்சுமத்தை கொண்டே பழைய பறவை இனங்களையும் அவற்றின் அறிவியல் பெயர் வகைபாடுகளுடன் பழைய இலக்கியங்கள், நாட்டுப்புற வழக்கு ஆகியவற்றின் துணையுடன் பிரித்து ஒழுங்குபடுத்தி வரிசைக்கிரமமான பட்டியல்கள் தமிழ் குடிலால் உங்களுக்கு அளிக்கப்படும்.

48 வகை நீர்நிலைகள்

2012-05-02T05:00:00.005-07:00

01. அகழி - (Moat) கோட்டையின் புறத்தே அகழ்ந்தமைக்கப்பட்ட நீர் அரண்

02. அருவி - (Water fall)மலை முகட்டில் தேங்கிய நீர் குத்திட்டு விழுவது

03. ஆழிக்கிணறு -(Well in Sea-shore)கடலுக்கு அருகே தோண்டி கட்டிய கிணறு

04. ஆறு -(River) - பெருகி ஓடும் நதி

05. இலஞ்சி -(Reservoir for drinking and other purposes)பல வகைக்கும் பயன்படும் நீர் தேக்கம்

06. உறை கிணறு -(Ring Well)மணற்பாங்கான இடத்தில் தோண்டி சுடுமண் வலையமிட்ட கிணறு

07. ஊருணி -(Drinking water tank)மக்கள் பருகும் நீர் நிலை

08.ஊற்று - (Spring) பூமிக்கடியிலிருந்து நீர் ஊறுவது

09. ஏரி -( Irrigation Tank) வேளாண்மை பாசன நீர் தேக்கம்

10. ஓடை -(Brook)அடியிலிருந்து ஊற்று எடுக்கும் நீர் - எப்பொழுதும் வாய்க்கால் வழி ஓடும் நீர்

11. கட்டுந் கிணக்கிணறு(Built-in -well) - சரளை நிலத்தில் வெட்டி, கல், செங்கல் இவைகளால் சுவர்கட்டிய கிணறு

12. கடல் -(Sea) சமுத்திரம்

13. கம்வாய்(கம்மாய்)-(Irrigation Tank) பாண்டிய மண்டலத்தில் ஏரிக்கு வழங்கும் பெயர்

14. கலிங்கு -(Sluice with many Venturis)ஏரி முதலிய பாச்ன நீர் தேக்கம் உடைப்பெடுக்காமல் இருப்பதற்கு முன் எச்சரிக்கையாக கற்களால் உறுதியாக்கப்பட்டு பலகைகளால் அடைத்து திறக்கக்கூடியதாய் உள்ள நீர் செல்லும் அமைப்பு.

15. கால் - (Channel) நீரோடும வழி

16. கால்வாய் -(Suppy channel to a tank )ஏரி, குளம் ஊருணி இவற்றிக்கு நீர் ஊட்டும் வழி

17. குட்டம் - (Large Pond) பெருங் குட்டை

18. குட்டை- (Small Pond) சிறிய குட்டம். மாடு முதலியன் குளிப்பாட்டும் நீர் நிலை

19. குண்டம் -(Small Pool) சிறியதாக அமைந்த குளிக்கும் நீர் நிலை

20. குண்டு - (Pool) குளிப்பதற்கேற்ற ஒரு சிறு குளம்.

21. குமிழி - (Rock cut Well) நிலத்தின் பாறையை குடைந்து அடி ஊற்றை மேலெழுப்பி வரச்செய்த குடை கிணறு

22. குமிழி ஊற்று - (Artesian fountain)-அடி நிலத்து நீர் நிலமட்டத்திற்கு கொப்பளித்து வரும் ஊற்று

23. குளம் -(Bathing tank) ஊர் அருகே உள்ள மக்கள் குளிக்கப்பயன்படும் நீர் நிலை.

24. கூவம் - (Abnormal well) ஒரு ஒழுங்கில் அமையாத கிணறு

25. கூவல் - (Hollow) ஆழமற்ற கிணறு போன்ற பள்ளம்
26.வாளி (stream) ஆற்று நீர் தன் ஊற்று நீரால் நிரப்பி மறுகால்வழி அதிக நீர் வெளிச் செல்லுமாறு அமைந்த அல்லது அமைக்கப்பட்ட நீர்நிலை.

27. கேணி--( large well) அகலமும், ஆழமும் உள்ள ஒரு பெருங் கிணறு

28. சிறை -(Reservoir) தேக்கப்பட்ட பெரிய நீர் நிலை

29. சுனை -(Mountain Pool ) மலையிடத்து இயல்பாயமைந்த நீர் நிலை

30. சேங்கை - (Tank with duck weed) பாசிக்கொடி மண்டிய குளம்

31. தடம் -(Beautifully constructed bathing tank)அழகாக் நாற்பபுறமும் கட்டப்பட்ட குளம்

32. தளிக்குளம் -(tank surrounding a temple) கோயிலின் நாற்புறமும் சூழ்ந்தமைந்த அகழி போன்ற் நீர் நிலை.

33. தாங்கல் - (Irrigation tank) இப்பெயர் தொண்ட மண்டலத்தை ஒட்டிய பகுதியில் ஏரியை குறிக்கும்

34. திருக்குளம் - (Temple tank) கோயிலின் அணித்தே அமைந்த நீராடும் குளம். இது புட்கரணி எனவும் பெயர் பெறும்

35. தெப்பக்குளம் -(Temple tank with inside pathway along parapet wall)ஆளோடியுடன் கூடிய, தெப்பம் சுற்றி வரும் குளம்

36. தொடு கிணறு -(Dig well) ஆற்றில் அவ்வொப்பொழுது மணலைத்தோண்டி நீர் கொள்ளும் இடம்

37. நடை கேணி - (Large well with steps on one side) இறங்கிச் செல்லும் படிக்கட்டமைந்த பெருங் கிணறு

38. நீராவி -(Bigger tank with center Mantapam) மைய மண்டபத்துடன் கூடிய பெருங் குளம். ஆவி என்றும் கூறப்படும்

39. பிள்ளைக்கிணறு -(Well in middle of a tank) குளம் ஏரியின் நடுவே அமைந்த கிணறு.

40. பொங்கு கிணறு -(Well with bubbling spring) ஊற்றுக்கால் கொப்பளித்துக்கொண்டே இருக்கும் கிணறு

41. பொய்கை -(Lake) தாமரை முதலியன மண்டிக்கிடக்கும் இயற்கையாய் அமைந்த நீண்டதொரு நீர் நிலை

42. மடு -(Deep place in a river) ஆற்றிடையுடைய அபாயமான பள்ளம்

43. மடை -(Small sluice with single venturi) ஒரு கண்ணே உள்ள சிறு மதகு

44. மதகு -(Sluice with many venturis) பல கண்ணுள்ள ஏரி நீர் வெளிப்படும் பெரிய மடை அடைப்பும் திறப்பும் உள்ளது

45. மறு கால் -(Surplus water channel) அதிக நீர் கழிக்கப்படும் பெரிய வாய்க்கால்

46. வலயம் -(Round tank) வட்டமாய் அமைந்த குளம்

47 வாய்ககால் -(Small water course) ஏரி முதலிய நீர் நிலைக

ஆய கலைகள் 64

2012-04-30T05:32:00.005-07:00

01. எழுத்திலக்கணம் (அக்கரவிலக்கணம்)
02. எழுத்தாற்றல் (லிகிதம்)
03. கணிதம்
04. மறைநூல் (வேதம்)
05. தொன்மம் (புராணம்)
06. இலக்கணம் (வியாகரணம்)
07. நயனூல் (நீதி சாத்திரம்)
08. கணியம் (சோதிட சாத்திரம்)
09. அறநூல் (தரும சாத்திரம்)
10. ஓகநூல் (யோக சாத்திரம்)
11. மந்திர நூல் (மந்திர சாத்திரம்)
12. நிமித்திக நூல் (சகுன சாத்திரம்)

13. கம்மிய நூல் (சிற்ப சாத்திரம்)
14. மருத்துவ நூல் ( வைத்திய சாத்திரம்)
15. உறுப்பமைவு நூல் (உருவ சாத்திரம்)
16. மறவனப்பு (இதிகாசம்)
17. வனப்பு
18. அணிநூல் (அலங்காரம்)
19. மதுரமொழிவு (மதுரபாடணம்)
20. நாடகம்
21. நடம்
22. ஒலிநுட்ப அறிவு (சத்தப் பிரமம்)
23. யாழ் (வீணை)
24. குழல்
25. மதங்கம் (மிருதங்கம்)
26. தாளம்
27. விற்பயிற்சி (அத்திரவித்தை)
28. பொன் நோட்டம் (கனக பரீட்சை)
29. தேர்ப்பயிற்சி (ரத ப்ரீட்சை)
30. யானையேற்றம் (கச பரீட்சை)
31. குதிரையேற்றம் (அசுவ பரீட்சை)
32. மணிநோட்டம் (ரத்தின பரீட்சை)
33. நிலத்து நூல்/மண்ணியல் (பூமி பரீட்சை)
34. போர்ப்பயிற்சி (சங்கிராமவிலக்கணம்)
35. மல்லம் (மல்ல யுத்தம்)
36. கவர்ச்சி (ஆகருடணம்)
37. ஓட்டுகை (உச்சாடணம்)
38. நட்புப் பிரிப்பு (வித்துவேடணம்)
39. காமநூல் (மதன சாத்திரம்)
40. மயக்குநூல் (மோகனம்)
41. வசியம் (வசீகரணம்)
42. இதளியம் (ரசவாதம்)
43. இன்னிசைப் பயிற்சி (காந்தருவ வாதம்)
44. பிறவுயிர் மொழியறிகை (பைபீல வாதம்)
45. மகிழுறுத்தம் (கவுத்துக வாதம்)
46. நாடிப்பயிற்சி (தாது வாதம்)
47. கலுழம் (காருடம்)
48. இழப்பறிகை (நட்டம்)
49. மறைத்ததையறிதல் (முஷ்டி)
50. வான்புகவு (ஆகாயப் பிரவேசம்)
51. வான்செலவு (ஆகாய கமனம்)
52. கூடுவிட்டுக் கூடுபாய்தல் (பரகாயப் பிரவேசம்)
53. தன்னுருக் கரத்தல் (அதிருசியம்)
54. மாயச்செய்கை (இந்திரசாலம்);
55. பெருமாயச்செய்கை (மகேந்திரசாலம்)
56. அழற்கட்டு (அக்கினித் தம்பனம்)
57. நீர்க்கட்டு (சலத்தம்பனம்)
58. வளிக்கட்டு (வாயுத்தம்பனம்)
59. கண்கட்டு (திருட்டித்தம்பனம்)
60. நாவுக்கட்டு (வாக்குத்தம்பனம்)
61. விந்துக்கட்டு (சுக்கிலத்தம்பனம்)
62. புதையற்கட்டு (கனனத்தம்பனம்)
63. வாட்கட்டு (கட்கத்தம்பனம்)
64. சூனியம் (அவத்தைப் பிரயோகம்)

பொருட்பதம் : சான்றோர்

2012-02-26T03:41:00.021-08:00

சொல்லை பிரித்தால் சான்று என்றும் ஓர் என்றும் பிரியும். இதுதான் வாழ்வியல் நெறி என மக்களுக்கு ஓர் சான்றாக வாழ்வோரைத் தான் சான்றோர் என்கிறது தமிழ். மதி நிறைந்தவர்கள். பொய் வேடமில்லாத ஆன்மிகத்தை தனக்குள் கொண்டவர்கள். மக்களுக்கு தனது வாழ்க்கையையே எடுத்துகாட்டாக வாழ்ந்து காட்டுவோர்கள். உலகியலின் நன்மை தீமை என்ற அத்தனை விதிகளையும் அறிந்தவர்கள். தன்னால் எந்த உயிருக்கும் துன்பம் நேராதவாறு எச்சரிக்கையாய் வாழ்பவர்கள். கவலை பயம் நோய் சஞ்சலம் சினம் போன்ற அத்தனை எதிர்மறை எண்ணங்களும் தோன்றாத வகையில் அந்த உணர்வுகளை வென்று புன்முறுவலுடன் காட்சி அளிப்போர்கள். மேலும் முக்கியமான ஒரு அர்த்தமும் உண்டு அதாவது பெண்ணுக்கு கற்பு என்ற வார்த்தை எவ்வாறோ அதே போன்றே ஆணுக்கு சான்றாண்மை என்ற வார்த்தையும் பொருந்தும் அதாவது கற்புடைய ஆண் எனலாம். திருமணம் ஆன ஆண் ஒரே மனைவியுடனும் திருமணமாகாத ஆண் பிரமச்சரிய ஒழுக்கத்திலும் மனதால் தவறாது நிற்பதையும் உள்ளே அடக்கியது சான்றாண்மை என்ற இச்சொல். இவ்வளவு அர்த்தங்களையும் கொண்டது தான் இந்த வார்த்தை இந்த வார்த்தைக்கு நிகராக இதே அர்த்தங்களை குறிக்கும் பொருளுடன் ஒரு வார்த்தை எந்த மொழியிலும் இல்லை எனலாம். இது தான் தமிழின் சிறப்பு.

மேலும் எண்ணிலா சான்றோர்களையும் கண்டதும் நமது தமிழ் மண்தான். அமெரிக்க ஐரோப்பிய கண்டங்களில் ஆயிரம் ஆண்டு கால வரலாற்றை ஆராய்ந்தால் சான்றோர் என யாரையாவது தேடித்தான் சொல்லவேண்டியிருக்கும். இது தான் நம் தமிழ் மண்ணின் சிறப்பு. சான்றோர்கள் இப்படி தான் இருப்பார்கள் என சான்றோருக்கு உரிய குணங்களை நமது தமிழ் நூல்கள் பலவும் நமக்கு அள்ளிக்கொடுத்துவிட்டு போய் இருக்கின்றன. நாமும் அவைகளை பின்பற்றி மேல் நிலை நோக்கி நகர்ந்து நமக்கும் பிறருக்கும் நன்மையையும் இன்பத்தையும் அளிக்கும் வாழ்கையை வாழ முயற்சி செய்யலாம். நாம் சான்றோர் தானா என்று நம்மை நாமே கேட்டுகொண்டால் இல்லையென்ற பதில் பளிச் என்று வரும். நாம் ஒருவேளை சான்றோர் ஆகலாம் அல்லது ஆகாமலும் போகலாம் ஆனால் அந்த நிலையை நோக்கி நமது பயணத்தை தொடர்வதில் தவறில்லையே. நம் இலட்சியத்தை மரத்தின் உச்சியாக வைத்தால் நமது பயணம் புழுவை போன்று மெதுவாக இருக்கும். ஆனால் நம் இலட்சியத்தை வானமாக வைத்தால் நமது பயணம் கழுகை போன்று விரைவாக இருக்கும். வானத்தை அடையாவிடிலும் மலை உச்சியை எட்டும் சாத்தியம் உண்டு.

பொருட்பதம் எல்லாம் புரிந்து மேலோங்க
அருட்பதம் அளித்த அருட்பெருஞ்சோதி

பொருட்பதம் : மதி

2012-01-31T23:12:00.002-08:00

மதி என்ற சொல்லுக்கு இரு பொருள் உண்டு ஒன்று நிலா மற்றொன்று மூளையின் திறன். மூளையின் திறனுக்கு ஏன் நிலவை குறிக்கும் சொல்லை தமிழில் பதிலிட்டிருக்கிறார்கள் என்று ஆய்வோம்.

நிலவின் தன்மை எவை

தேய்வதும் வளர்வதும் (உண்மையில் தேய்வதோ மறைவதோ இல்லை)
வெளிச்சமாயும் மங்கலாயும் தெரிவதும்
மேகங்களால் மறைக்கப்பட்டிருப்பதும் அவை விலகினால் பிரகாசிப்பதும்

இவை தான் நிலவின் இயல்புகள். இதே போன்று தான் நமது பிராணசக்தியின் நிலைப்பாட்டுக்கு ஏற்ப நமது மதியின் செயல்பாடு அதிகரிப்பதையும் தேய்வதையும் காணலாம்.

அதிக வேலை, பசி, சோர்வு, கவலை ஆகிய நேரங்களில் நம் மதியின் செயல் திறன் மங்கியும் அதே போன்று அதிகாலை விழிப்பு, உற்சாகம், ஒழுக்கம் இவை ஓங்கியிருக்கும் காலங்களில் நமது மதியின் செயல்பாடு பிரகாசமாயும் இருப்பதையும் காணலாம்.

மேலும் கோபம், காமம், வெகுளி, அழுக்காறு, பயம் ஆகிய உணர்வுகள் எனும் மேகங்கள் முற்றிலுமாய் நம் மதியின் செயல்பாட்டை மறைத்துவிடுவதையும் இந்த உணர்வுகள் நீங்கிய காலம் மீண்டும் மதியின் செயல்பாடு பிரகாசிப்பதையும் காணலாம். மதி என்ற நிலவை குறிக்கும் சொல்லையே நம் ஞானத்தை குறிக்கவும் பயன்படுத்தப்பட்டதன் காரணம் இதுவே.

இங்கு மதி என்ற சொல்லில் உள்ள ஆழமும் பொருண்மையும் இதற்கு நிகரான Knowledge, Wise போன்ற சொற்களில் இல்லை. உதாரணமாக Knowledge எனும் சொல் வெறும் தெரிந்து கொள்ளுதல் என்ற பொருளை மட்டுமே குறிக்கும். அதாவது அதிகப்படியான நூல்களை படிப்பது விஷயங்களை குப்பைபோல் ஏற்றிகொள்வது என்றுதான் பொருள். அதேசமயம் Knowledge என்ற சொல் மூளையின் திறனை நல்ல செயல்களுக்காக மட்டுமே பயன்படுத்துவதை குறிக்கும் என்று சொல்லமுடியாது. கெட்ட செயலுக்கு மூளையின் திறனை பயன்படுத்தினாலும் Knowledge என்ற சொல்லை பிரதியிடலாம். ஆனால் மதி என்ற சொல் மேலே விவரிக்கப்பட்ட அத்தனை பொருண்மைகளையும் உள்ளடக்கியது மேலும் மதி என்பது நுட்பமான செயல்பாட்டையும் நல்ல செயல்களுக்காக மட்டுமே மூளையின் திறனை வெளிப்படுத்துவதையும் குறிக்கும். ஏனெனில் கெட்ட செயல்களுக்கு மூளையின் திறனை பயன்படுத்தினால் அதற்கு வேறு சொற்கள் உண்டு அவை கபடம், சூது போன்றவை. இதை போன்ற நுண்ணிய பகுப்புகள் தமிழில் தான் உண்டு.

பொருட்பதம் : ஆலயம்

2012-01-31T05:06:00.001-08:00

ஆலயம் என்பது ஆ என்றும் லயம் என்றும் பிரியும். ஆ என்றால் இரு பொருள் உண்டு ஒன்று பசு இன்னொன்று ஆன்மா. ஆன்மாவுக்கும் பசுவுக்கும் என்ன தொடர்பு. பசு என்பது குடியானவனின் உடைமையாகவும் அதே சமயம் பெரும்பாலும் கயிற்றால் பிணைக்கப்பட்டும் இருக்கும். அதே போல இந்த ஆத்மாவானதும் மனம் என்னும் குடியானவனிடம் பாசம் என்னும் தளையால் பிணைக்கப்படிருப்பதாக நமது புராதன மெய் இலக்கியங்கள் சொல்கின்றன. இந்த பாசம் என்பதை ஆணவம், கன்மம், மாயை என்று பிரிப்பதுண்டு தேவர் திருவள்ளுவர் இதனை முறையே இருள், வினை, மருள் என்று குறிப்பார். இந்த மூன்றையும் விரித்தால் அது நீளும். அன்மாவுக்கு அதிகாரி இறைவனே இதனால் தான் இறைவனுக்கு பசுபதி என்ற பெயரும் உண்டு. ஆக இந்த ஆன்மாவை லயப்படுத்தும் இடத்தை ஆலயம் என்கிறோம். ஐம்புலன்களும் அதனால் உணரக் கூடியவைகளையும் ஆன்மாவே அறிகிறது. ஆலயத்தில் ஒளியால் கண்களையும் வாசனை பொருட்களால் மூக்கையும் அங்கு வழங்கப்படும் உணவுபொருட்களால் வாயையும் அங்கு நிலவும் அதிர்வுகளால் உடம்பையும் பாடல் மற்றும் தோத்திரங்களால் செவியையும் லயப்படுத்தி அதன் வழியாக ஐம்புலங்களின் தோற்றுவாயான ஆன்மாவை லயப்படுத்துவதே நோக்கம் இதற்காகவே ஆலயங்கள் உருவாக்கப்பட்டன. ஆன்மா மட்டுமே இறைவனை அறியும் என்றும் அந்த உணர்வை சிறிதளவாவது ஏற்படுத்தவேண்டும் என்ற அடிப்படையிலேயே ஆலயங்கள் ஏற்படுத்தப்பட்டன. அந்த நோக்கத்தை தெளிவாக உணர்த்துவதற்காகவே தமிழில் அதற்கு ஆலயம் என்று பெயரும் சூட்டப்பட்டிருக்கிறது. ஆனால் இன்றைய நிலையில் ஆன்மா லயப்படுகிறதா தெரியவில்லை தேவாலயம் பள்ளிவாசல் ஆகியவற்றின் நோக்கமும் இதுவே.

பொருட்பதம் எல்லாம் புரிந்து மேலோங்க
அருட்பதம் அளித்த அருட்பெருஞ்சோதி

பொருட்பதம் : முன்னுரை

2012-01-31T03:07:00.000-08:00

தமிழ் மொழியை வடிவமைத்த போது அகத்திய முனிவர் வேறெந்த மொழிகளுக்கும் இல்லாத சிறப்பு தன்மைகளுடன் வடிவமைத்தார். அதில் ஒன்று பொருட்பதம். பொருட்பதத்திற்கு பல பரிமாணங்கள் இருக்கின்றன.ஒவ்வொரு பரிமாணத்தையும் விரிவாய் காண்போம். முதலாவது ஒரு சொல் பல் பொருள் ஒரு பொருள் பல் சொல் எனும் பரிமாணம். இந்த வடிவமைப்பு எல்லா மொழிகளிலும் உள்ளது தானே என்று கருதலாம் ஆனால் தமிழ் மொழிக்கு வேறு ஒரு சிறப்பும் இருக்கிறது அகம் புறம் எனும் வாழ்வியல் ஒழுக்கங்களும் சூட்சுமங்களும் சொற்களில் பொதித்து வைக்கப்பட்டிருக்கும் அவற்றை அறிந்து பயன்படுத்துவது நலம். அவற்றை பற்றி நமது வலைப்பூவின் பொருட்பதம் எனும் பகுதியில் காண்போம்.

வருணாசிரம விளக்கம்

2011-12-27T02:36:00.000-08:00

முன்குறிப்பு : இந்த கட்டுரையின் நோக்கம் உண்மையை உரைப்பதேயன்றி தனிப்பட்ட முறையில் எந்த பிரிவினரையும் புண்படுத்துவது அல்ல.

இந்திய பாரம்பரியத்தின் சனாதன தர்மம் உயர்ந்த கருத்துக்களை கொண்டது அதே சமயம் பல குழப்பங்களையும் கொண்டது. இப்படிப்பட்ட குழப்பமான விசயங்களைத்தான் நாத்திகர்கள் உள்ளிட்ட ஏனையவர்கள் சாடுவதும் வசைபாடுவதும் ஏளனமும் செய்வதுண்டு. அதில் ஒன்றுதான் இந்த வருணாசிரமம் எனும் சாதிப்பாகுபாடு. அதாவது சனாதன தர்மத்தில் மனிதனுக்கு அவனவன் பிரிவுக்கு தக்கவாறு நடத்தை வரையறை செய்யப்பட்டிருக்கிறது. சனாதன தர்மம் என்பது இந்து மதத்தில் வலியுறுத்தப்படும் ஒட்டு மொத்த அறங்களின் தொகுப்பு. அதியற்புதமான கருத்துகளை கொண்ட சனாதன தர்மத்தில் ஏன் இதனைப் போன்ற மட்ட ரகமான கருத்துக்கள் இருக்கவேண்டும் மேலும் கிருஷ்ண பரமாத்வே கீதையில் வருணாசிரமப்படி ஒழுக்கத்தை வலியுறுத்துகிறார். ஏன் இப்படி என்று ஆராய்ந்தபோது ஒருவிஷயம் புலப்பட்டது. அதாவது சனாதன தர்மத்தின் கருத்துகளை புரிந்துகொண்டவர்கள் தவறாக புரிந்துகொண்டு இருக்கிறார்கள் மேலும் விளக்கத்தையும் தவறாக அளிக்கிறார்கள் என்பது தான். மேலும் ஒரு உண்மை என்னவெனில் வருணாசிரமம் என்பது பிறப்பால் வகுக்கப்படுவது அல்ல என்பதுதான் அடிப்படையான உண்மைக் கருத்து. வருணாசிரமம் மனிதனை நான்காகப்பிரிக்கிறது. அதாவது

பிராமணன் - துறவி
சத்திரியன் - அரசாள்வோன்
வைசியன் - வணிகன்
சூத்திரன் - சேவையாளன்

பிராமணன் என்பவன் யார். அந்த பதத்தின் பொருள் என்ன என்று பார்த்தால் பிரமத்தை அறிந்தவன் பிராமணன். பிரமத்தை அடைய தனது வாழ்நாளில் முயற்சிசெய்பவன் பிராமணன். பிரமத்தை அடைந்தவன் பிராமணன். பிரமத்தை பற்றிய பிரக்ஞையே இல்லாதவன் எப்படி பிராமணன் ஆகமுடியும். தனது வாழ்நாளை உலக சுகங்களுக்கு மட்டுமே பயன்படுத்துபவன் எப்படி பிராமணன் ஆகமுடியும். அதாவது ஒரு மனிதன் இவ்வுலகவாழ்கையில் நன்கு பக்குவம் அடைந்தபின் இறைவனை பற்றியும் இறைஉலகை பற்றியும் சிந்திக்க ஆரம்பிக்கிறான். பின் அதனை நோக்கிய பயணத்தை ஆரம்பிக்கிறான். இங்கு அவனது பயணத்தை செவ்வனே நிறைவேற்ற முன்பே இறைவனை அறிந்த யோகிகளும் முனிவர்களும் அவனுக்கு உரிய வாழ்க்கை முறைகள், உணவுமுறைகள், ஒழுக்கங்கள், பயிற்சிமுறைகள் ஆகியவற்றை வரையறை செய்துவைக்கிறார்கள் இவற்றை அவன் பின்பற்ற ஆரம்பிக்கும் கட்டத்தில் தான் அவனை பிராமணன் என்று அழைத்திருக்கிறார்கள். இதை உறுதிப்படுத்தும் ஒரு செய்தியையும் காண்போம் அதாவது மந்திரங்களில் தலையாய மந்திரமாக கருதப்படுவது காயத்திரி மந்திரம் அந்த மந்திரத்தை பிறப்பால் பிராமணர் அல்லாதவர்களுக்கு உபதேசிப்பதில்லை என்ற கொள்கையும் நிலவுகிறது. ஆனால் காயத்திரி மந்திரத்தை அறிந்து வெளிப்படுத்தியவர் விசுவாமித்திர மகரிஷி. அவர் பிறப்பால் பிராமணனா என்று பார்த்தால் இல்லவே இல்லை அவர் ஒரு சத்திரியர். கௌசிகர் எனப்படும் பேரரசனாக இருந்தவர் வசிஷ்ட முனிவரிடம் உண்டாகிய பிரச்சனைக்குப்பின் கடுந்தவ வலிமையால் பிராமணனாக அறியப்பட்டவர். இதிலிருந்தே வருணாசிரமம் பிறப்பால் அமைக்கப்படவில்லை என்று நாம் அறியமுடிகிறது. பின்பு ஏன் அது பிறப்பை மையமாகக்கொண்ட வலிமையான கொள்கையாக உருமாறியது என்று சிந்தனை செய்தால் சத்திரியர்கள் எனப்படும் பிரிவை சேர்ந்தவர்கள் மட்டுமே தலைமுறை தலைமுறையாக பிறப்பை மையமாக கொண்ட இனமாக இருந்திருக்கின்றனர். ஏனெனில் அவர்கள் சந்ததியினரே அரசாளும் உரிமை கொண்டிருந்ததினால் இந்த நிலைமை நிலவியது. இந்த ஒரு பிரிவின் ஆதிக்கம் மற்ற மூன்று பிரிவினர்களிடமும் பிரதிபலித்திருக்கிறது. அதாவது விருப்பத்தின் பேரில் பிராமணனாக மாறியவர்கள் தன் குழந்தைகள் மேல் இருந்த பற்றின் காரணமாக அவர்களுக்கும் வலுக்கட்டாயமாக கொள்கைகளை திணித்திருக்கிறார்கள். குரு சிஷ்யனாக பின்பற்றப்பட்டு வந்த பிராமண ஒழுக்கம் தந்தை மகன் என்ற சங்கிலித்தொடருக்கு மாறியது. இதே விசயமே மற்ற பிற பிரிவுகளுக்கும் பிரதிபலித்திருக்கிறது. காலவெள்ளத்தில் அது பிறப்பையே அடிப்படையாக கொண்ட பாகுபாடாக மாறியிருக்கிறது. அது மட்டுமின்றி நிலம் மொழி ஆகிய பிரிவுகளுடனும் இணைந்து இன்று ஏகப்பட்ட சாதிகளாக வடிவெடுத்திருக்கின்றது. தமிழில் பிராமணர்களை பார்பான் என்று அழைப்பார்கள் சரம்பார்ப்பான் என்பது அதன் முழுச்சொல் அதாவது ஒருவனின் நாடி நடையை ஆராய்ந்து பார்க்கும் வல்லமை கொண்டவன் என்றுபொருள். ஒரு இல்லறத்தான் தான் தொடங்க இருக்கும் விவசாயம் செய்வது கல்விகற்பது போன்ற செயலை எந்த காலத்தில் ஆரம்பிக்கவேண்டும் என்று அறிய துறவின் ஆரம்ப கட்டத்தில் இருக்கும் பார்ப்பனர்களை நாடிசென்றார்கள். அவர்கள் நாடியின் நடையே செயல்களின் வீரியத்திற்கு காரணம் என்று அறிந்திருந்தனர். ஒருவனின் நாடிகள் செயல்படும் காலங்களையும் அறிந்திருந்தனர். எனவே அவர்களால் இல்லறத்தில் இருந்தவர்களுக்கு உதவ முடிந்தது. இதுபோன்று இல்லறவாசிகளும் துறவு மேற்கொள்வோரும் ஒருவருக்கொருவர் உதவி வாழ்ந்திருகின்றனர் இதைத்தான் தேவர் திருவள்ளுவ நாயனார் துறவிகளின் கடமை இல்லறத்தானை பேணுவது மற்றும் இல்லறத்தானின் கடமை துறவிகளை பேணுவது என்று அழகாய் நவின்றிருகிறார். மேலும் முப்புரிநூல் எனப்படும் பூணூலும் முக்கியமான மூன்று நாடிகளை குறிக்கும் தத்துவமே தவிர வேறில்லை. ஆக இதிலிருந்து நாம் அறிவது என்னவெனில்

பிராமணன் என்பது இறைவனை தேடுபவர்களை குறிப்பது. இவர்கள் எவ்வுயிருக்கும் தீங்கு செய்யாது இறைதேடுதலை நோக்கி பயணம் செய்வது மட்டுமே இவர்களின் தர்மம்.

சத்திரியன் என்பது நாட்டை அரசு செய்யும் பதவிகளில் இருக்கும் முதன்மை மற்றும் துணை பதவி வகிப்பவர்களை குறிப்பது. அரசாங்கத்தின் விதிமுறைகளை பின்பற்றுவது இவர்களின் முக்கிய தர்மம் அதைவிட மக்களுக்கு நலம் செய்வதே இவர்களின் தலையாய தர்மமாக இருக்கவேண்டும்.

வைசியன் என்பது பணத்தை முதலாகப் போட்டு வணிகம் செய்வோரை குறிப்பது. இவர்களின் கடமை மக்களுக்கு தரமான பொருட்கள் அல்லது சேவையை வழங்குவது சரியான விலை நிர்ணயம் செய்து தொழில் செய்வது இவர்கள் பின்பற்றவேண்டிய தர்மம்.

சூத்திரன் என்பது அனைத்து தொழிலாளர்களையும் குறிப்பது தனது தொழிலை செம்மையாக செய்வது தரமாக செய்வது இவர்கள் தர்மம். மேலும் இந்த நான்கு வருணத்தாருக்கும் பொதுவான கடமைகளாக குறிப்பிடப்பட்டுள்ள திருடாமை, கொல்லாமை போன்ற தர்மங்களையும் முதன்மையாக கடைபிடிப்பது. இவைதான் சனாதன தர்மம் குறிப்பிடும் வருணாசிரமத்தின் ஒட்டுமொத்த சாராம்சம்.

இன்றைய சூழ்நிலையில் ஒரு மனிதனே சிலநேரங்களில் வைசியனாகவும் சிலநேரங்களில் சூத்திரனாகவும் நடக்கவேண்டி இருக்கும் அவன் இருக்கும் நிலையை பொருத்து அதற்குரிய தர்மத்தை கடைபிடிக்கவேண்டியதுதான். ஆனால் பிராமணன் அதாவது இறைதேடும் துறவிகள் பிராமண தர்மத்தை தான் கடைபிடிக்கவேண்டும் இதுதான் கீதையின் சாராம்சம்.

மற்ற சாதிப்பாகுபாடுகள் எல்லாம் பிதற்றல்களே தவிர வேறு இல்லை. மேலும் மதம் மாறும் சிலர் சாதிகளை மட்டும் வைத்துகொண்டிருப்பதையும் காண்கிறோம். மதம் முதன்மை பிரிவு சாதி துணைபிரிவு மதமே மாறிவிட்டபின்பு சாதியை பிடித்துகொண்டிருப்பது அறியாமையே. சாதிகள் எல்லாம் பொய் தோற்றங்களே.

சாதியும் மதமும் சமயமும் காணா
ஆதி அனாதியாம் அருட்பெருஞ்சோதி

தமிழும் மதமும் உண்மை

2011-11-18T07:05:00.000-08:00

தமிழ் சுமார் 20,000ஆண்டுகளுக்கு முற்பட்டது. தற்போது நம்மிடம் இருக்கும் தமிழ் நூல்களின் காலம் 5000 ஆண்டுகளுக்கு முன்பிருந்து ஆரம்பிக்கிறது. ஆனால் தேவமைந்தன் இயேசுநாதரின் மார்க்கமோ அல்லது இறைதூதர் நபிகள் நாயகம் அவரது கொள்கைகளோ இந்தியாவுக்கு சில நூற்றாண்டுகளுக்கு முன்னர் தான் வந்தது. எனவே தமிழில் கிறித்துவ இசுலாமிய நூல்கள் சில நூற்றாண்டுகளுக்கு முன்பிருந்து தான் கிடைகின்றன. ஆதிகாலத்தில் இருந்து பின்பற்றப்பட்ட சமயம் சார்ந்தே பல தமிழ் நூல்கள் இருப்பதால் நாமும் நமது கலாசாரம் பண்பாட்டு கூறுகளை வெளியிடும் போது சமயம் சார்ந்தே சில விடயங்கள் அமைகின்றன. ஆனால் வீரமாமுனிவர் போன்ற புலவர்கள் பழங்காலத் தமிழுக்கு நிகரான கிறித்துவ நூல்களையும் மகாயோகியான குணங்குடி மஸ்தான் சாகிபு போன்றோர் தமிழ் செய்யுளாக திருப்பாடற்றிரட்டு போன்ற இசுலாமிய நூல்களையும் இயற்றி இருந்தாலும் பிற மத நூல்களின் எண்ணிக்கை மிகவும் குறைவாக உள்ளன. மேலும் நமது இசுலாமிய சகோதரர்கள் யாரும் அல்லாவின் திருப்பெயரால் பாடல்களோ காவியங்களோ இயற்றவில்லை என்பதும் வருத்தமே. அப்படியே நூல்கள் வெளியிட்டாலும் அவையும் அராபிய சொற்களை கொண்டே இருக்கிறது. இதனால் மற்ற சமயத்தோர்க்கு இசுலாமியத்தை முழுமையாக புரிந்து கொள்ள இயலாமை ஏற்படுகிறது. கிறித்துவ சகோதரர்களும் அப்படியே. உண்மையில் இசுலாமிய கொள்கைகள் தமிழ் சொற்களில் இன்றுவரை வெளிப்படுத்தப்படவில்லை. கிறித்துவ நூல்கள் பல தமிழில் இருப்பினும் தமிழ் இலக்கியத்தன்மையுடன் வெளிவரவில்லை. எனவே ஒருவன் தமிழ் சார்ந்து பேசினாலே மதம் சார்ந்து பேசுவது போன்ற மாயத்தோற்றமும் ஏற்படுகிறது. மிக சிறந்த பாடகரான நாகூர் ஹனீபாவின் பாடல்கள் பத்து வருடங்களுக்கு மேலாக எல்லா மதம் சார்ந்தவர்களையும் இசையால் கட்டி வைத்திருக்கும் காரணம் அதில் இருக்கும் தமிழ் சொற்களே. புத்த சமண சமயங்கள் இங்கு கோலோச்சிய காலங்களில் அச்சமயத்தவர் தமிழில் எண்ணற்ற நூல்கள் இயற்றி இருந்தனர். நம்முடைய ஐம்பெருங்காப்பியங்களும் முக்கிய இலக்கண விளக்க நூலான யாப்பருங்கலக்காரிகை போன்ற நூல்களும் புத்த சமண சமயத்தோர் கொடைகளே. இதிலிருந்தே தமிழ் எப்போதும் பிற மதங்களை ஏற்றுகொள்ளும் தன்மையுடனே இருக்கிறது என்று அறியலாம்.புத்த சமண சமயங்கள் முழுக்க முழுக்க அக ஒழுக்கம் சார்ந்த சமயங்களாக இருந்ததால் அவர்களால் இலக்கியத்தமிழை பாங்குற இயற்ற முடிந்தது. ஆனால் கிறித்துவ இசுலாமிய சமயங்கள் புற ஒழுக்கம் சார்ந்து கொள்கைகள் அதிகமாக இருப்பதால் அவை சார்ந்து இலக்கிய தமிழில் நூல்களை இயற்றவில்லையா என்று தெரியவில்லை. அப்படியே இருந்தாலும் தமிழை மதம் சார்ந்த மொழியாகவே உருவகித்து குறைகூறிக்கொண்டு இருக்கிறார்களே தவிர அவர்கள் தமிழில் தங்கள் நெறிகள் மார்கங்கள் கலை அறிவியல் ஆகிய நூல்களை இலக்கியம் சார்ந்து இயற்ற முன்வரவில்லை என்பதே உண்மை. சைவநெறி அகம் புறம் என இரண்டு ஒழுக்கங்களையும் போதித்தது. எனவே மெய்கண்ட ஞானிகளால் இன்றுவரை தமிழ் இலக்கிய நூல்கள் வந்துகொண்டே இருக்கின்றன. உரைநடை நூல்கள் ஆயிரம் வந்தாலும் இலக்கிய நூல்களே காலத்தை கடந்து நிற்கும் என்பதே உண்மை. மேலும் தமிழ் என்பது பிறப்பு சார்ந்ததும் இனம் சார்ந்ததும் அல்ல. உதாரணமாக நமது தமிழ் தாய் வாழ்த்து இயற்றிய மனோன்மணீயம் சுந்தரனார் ஒரு கேரள மாநிலம் சார்ந்த மலையாளத்தவர். தமிழ் இசைக்கான கர்நாடக சங்கீத கீர்த்தனங்களில் பெரும்பாலானவை தியாகராசர் பாடிய தெலுங்கு பாடல்களே. கான்ஸ்டான்டியூஸ் ஜோசப் பெஸ்கி அவர்களை அழகு தமிழில் வீரமாமுனிவர் என்று ஏற்றுகொண்டோம். இரண்டாம் போப் ஆண்டவரை தமிழராகவே உருவகிக்கிறோம். ஆக தமிழ் மொழியின் தொன்மையான வாழ்வியல் நெறிகள், பழக்கவழக்கங்கள், அறிவியல் கலைகள், பண்பாடு, ஆன்மீக கருத்துகள், வைத்தியம் ஆகியவற்றை தற்காலத்தில் பயன்படுத்த விழையும் தமிழால் இணையும் யாவரும் தமிழர்களே. யாதும் ஊரே யாவரும் கேளிர். ஆனால் அற்ப விடயங்களுக்காய் ஒரு மொழியை நிராகரித்தோம் எனில் அதில் இருக்கும் கருவூலங்கள் பயன்கள் அனைத்தையும் இழக்கிறோம் என்பதே உண்மை. எனவே தமிழை வாழ்வியலுக்கு பயன்படுத்தும் யாவரும் தமிழரே. தமிழை குறை சொல்லி அழிக்கும் புல்லுருவிகள் பிறப்பால் தமிழர் எனினும் அவர் அந்நியரே. நாம் அனைவரும் மதம் இனம் மொழி கடந்து தமிழால் இணைந்திருக்கிறோம் அதனை மேலும் வலுப்படுத்தும் செயல்களில் ஈடுபடுவோம். நமக்குள் பிரிவினை ஏன். இந்துவோ இசுலாமியனோ கிறித்துவனோ நாம் ஒன்றாய் பிறந்தோம் நாம் ஒற்றுமையாகவே வாழ்ந்தோம் ஒற்றுமைக்கு எடுத்துக்காட்டும் இளைய சமுதாயமாக வாழ்ந்து காட்டுவோம்.

பொருள் : தமிழ் மற்ற மதங்களை நிராகரிக்கவில்லை பிற மதங்கள் தான் தமிழை நிராகரிகின்றன.

வேண்டுகோள் : ஏனைய மதம் சார்ந்த நண்பர்கள் தமிழை குறை சொல்வதை விட்டு தமிழ் இலக்கியம் சார்ந்து நூல்களை வெளியிடும் முயற்சியில் இறங்கவும். தமிழ் இலக்கிய நயத்துடன் பிற மத நூல்களை தமிழில் எதிர்பார்கிறோம்.

ஒன்றுபட்டால் உண்டு வாழ்வு