ಟೆಕ್‌-ಕನ್ನಡ

ಬ್ಲಾಗನ್ನು Export/Import ಮಾಡುವ ವಿಧಾನ

2011-08-29T09:40:00.000+05:30

ಬ್ಲಾಗರ್'ನಲ್ಲಿರುವ ನಿಮ್ಮ ಬ್ಲಾಗಿನ ಅಷ್ಟೂ ಹೂರಣವನ್ನು ಬೇರೆಡೆಗೆ ಸ್ಥಳಾಂತರಿಸಲು ಸಾಧ್ಯವಿದೆ. ಹಾಗೆಯೇ ನಿಮ್ಮ ಬ್ಲಾಗಿನ ವಿಷಯಗಳನ್ನು ನಿಮ್ಮ ಕಂಪ್ಯೂಟರಿನಲ್ಲಿ ಉಳಿಸಿಕೊಳ್ಳುವುದರಿಂದ ಮುಂದೆಂದಾದರೂ ನಿಮ್ಮ ಬ್ಲಾಗಿನ ಬರಹಗಳು ಅಳಿಸಿಹೋದರೆ, ಅದನ್ನು ಬಳಸಿಕೊಂಡು ಪುನಃ ಮೊದಲಿನ ರೂಪಕ್ಕೇ ತರಬಹುದು. ಅದಕ್ಕಾಗಿ ಮೊದಲು Dashboard--> Settings-->Basic ಇಲ್ಲಿಗೆ ಹೋಗಿ, Export blog ಮೇಲೆ ಕ್ಲಿಕ್ ಮಾಡಿ.

ನಂತರ Download Blog ಒತ್ತಿ.

ನಂತರ Save File ಆರಿಸಿ OK ಒತ್ತಿ. ಎಲ್ಲಿ ಬೇಕೋ ಅಲ್ಲಿ ಸೇವ್ ಮಾಡಿಕೊಳ್ಳಿ.

ಈಗ ನಿಮ್ಮ ಬ್ಲಾಗಿನ ವಿವರಗಳಿರುವ xml ಫೈಲ್ ಕಂಪ್ಯೂಟರ್ನಲ್ಲಿ ಸೇವ್ ಆಗಿರುತ್ತದೆ.

ಈಗ ಅದನ್ನು ಬೇರೆ ಕಡೆ ಬಳಸುವುದು ಹೇಗೆ ಅಥವಾ restore ಮಾಡುವುದು ಹೇಗೆಂದು ನೋಡೋಣ.
Dashboard--> Settings-->Basic ಇಲ್ಲಿಗೆ ಹೋಗಿ, Import blog ಮೇಲೆ ಕ್ಲಿಕ್ ಮಾಡಿ. ನಂತರ ನಿಮ್ಮ ಬ್ಲಾಗಿನ ವಿವಗಳಿರುವ xml ಫೈಲನ್ನು ಓಪನ್ ಮಾಡಿ.

ಸುರಕ್ಷಾ ಸಂಕೇತವನ್ನು ಸರಿಯಾಗಿ ನಮೂದಿಸಿ, ಹಾಗೂ Automatically publish all imported posts ಎಂಬ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ. ಮತ್ತು Import Blog ಒತ್ತಿ.

ನಂತರ ನಿಮ್ಮ ಬ್ಲಾಗನ್ನು ನೋಡಿದರೆ ನೀವು ಮಾಡಿದ ಬದಲಾವಣೆ ಗೋಚರಿಸುತ್ತದೆ.

-ಪ್ರಸನ್ನ.ಎಸ್.ಪಿ

My Documents ಫೋಲ್ಡರಿನ target ಬದಲಿಸುವುದು

2011-07-29T10:14:00.000+05:30

ವಿಂಡೋಸ್ ಉಪಯೋಗಿಸುವ ಕೆಲವರಿಗೆ ತಮ್ಮ ದಾಖಲೆಗಳನ್ನು "My Documents" ಫೋಲ್ಡರಿನಲ್ಲಿ ಸೇವ್ ಮಾಡಿಟ್ಟುಕೊಳ್ಳುವ ಅಭ್ಯಾಸವಿರುತ್ತದೆ. ಈ "My Documents" ಫೋಲ್ಡರ್‍ ವಿಂಡೋಸ್ ಇರುವ ಡ್ರೈವ್‌ನಲ್ಲೇ ಇರುವುದರಿಂದ ವಿಂಡೋಸ್‌ಗೆ ಏನಾದರೂ ಹಾನಿಯಾದರೆ "My Documents" ಫೋಲ್ಡರಿನರುವ ದಾಖಲೆಗಳನ್ನೂ ಕಳೆದುಕೊಳ್ಳುವ ಅಪಾಯವಿರುತ್ತದೆ. ಆದ್ದರಿಂದ ನಿಮಗೆ "My Documents"ನಲ್ಲಿ ದಾಖಲೆಗಳನ್ನು ಉಳಿಸಿಕೊಳ್ಳುವ ಅಭ್ಯಾಸವಿದ್ದರೆ, ಅದರ Target ಬದಲಾಯಿಸಿಕೊಳ್ಳುವುದು ಒಳ್ಳೆಯದು.

ಅದಕ್ಕಾಗಿ ಮೊದಲು "My Documents" ಮೇಲೆ ರೈಟ್ ಕ್ಲಿಕ್ ಮಾಡಿ, Properties ಆರಿಸಿ.

ನಂತರ Target ಎಂಬಲ್ಲಿ ಹೊಸ ವಿಳಾಸ ಕೊಡಿ. ಅದು ಕಷ್ಟವಾದರೆ ಅಲ್ಲೇ ಕೆಳಗಿರುವ "Move" ಬಟನ್ ಒತ್ತಿ. ನಂತರ ಬೇರೆ ಡ್ರೈವ್ ಸೆಲೆಕ್ಟ್ ಮಾಡಿ, ಉದಾಹರಣೆಗೆ D: "Make New Folder" ಒತ್ತಿ.

ಅದಕ್ಕೆ "My Documents" ಅಂತ ಹೆಸರು ಕೊಟ್ಟು "OK" ಬಟನ್ ಒತ್ತಿ.

ಮತ್ತೆ ಕೆಳಗೆ "OK" ಅಥವಾ "Apply" ಬಟನ್ ಒತ್ತಿ. ನಂತರ ಈಗಿರುವ ನಿಮ್ಮ ದಾಖಲೆಗಳನ್ನು ಹೊಸ ಫೋಲ್ಡರಿಗೆ ಕಳುಹಿಸಬೇಕೇ ಎಂದು ಕೇಳುತ್ತದೆ. ಆಗ Yes ಒತ್ತಿ. ನಂತರ ನಿಮ್ಮ ಎಲ್ಲಾ ದಾಖಲೆಗಳನ್ನು ಹೊಸ ಫೋಲ್ಡರಿಗೆ ಸ್ಥಳಾಂತರಿಸುತ್ತದೆ. (ಅಲ್ಲಿರುವ ದಾಖಲೆಗಳ ಗಾತ್ರಕ್ಕನುಗುಣವಾಗಿ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ).

ಈಗ ನೀವು "My Documents" ಸೇವ್ ಮಾಡುವ ಎಲ್ಲಾ ದಾಖಲೆಗಳೂ ಬೇರೆ ಡ್ರೈವ್‌ನಲ್ಲಿರುತ್ತದೆ. ಆದ್ದರಿಂದ ಒಂದು ವೇಳೆ ವಿಂಡೋಸ್ ಕೈಕೊಟ್ಟರೂ ನಿಮ್ಮ ದಾಖಲೆಗಳು ಸುರಕ್ಷಿತವಾಗಿರುತ್ತದೆ.

-ಪ್ರಸನ್ನ.ಎಸ್.ಪಿ

ಲಿನಕ್ಸಿನಲ್ಲಿ Force Quitನ ಉಪಯೋಗ

2011-03-24T14:44:00.000+05:30

ಲಿನಕ್ಸಿನಲ್ಲಿ ಯಾವುದಾದರೂ ಅಪ್ಲಿಕೇಷನ್ ಹ್ಯಾಂಗ್ ಆಗಿದ್ದರೆ ಅಥವಾ ಆ ತಂತ್ರಾಂಶವನ್ನು ಮುಚ್ಚಲು ಆಗದಿರುವ ಸಂದರ್ಭದಲ್ಲಿ Force Quitನ್ನು ಬಳಸಬಹುದು. ಇದು respond ಮಾಡದಿರುವ ತಂತ್ರಾಂಶಗಳನ್ನು ಬಲವಂತವಾಗಿ ಮುಚ್ಚುತ್ತದೆ. Force Quitನ ಶಾರ್ಟ್ ಕಟ್‌ನ್ನು Panelನಲ್ಲಿ ಇಟ್ಟುಕೊಂಡಿರುವುದು ಒಳ್ಳೆಯದು. ಕೆಲವು ಸಂದರ್ಭದಲ್ಲಿ ಅದು ಉಪಯೋಗಕ್ಕೆ ಬರುತ್ತದೆ. ಅದಕ್ಕಾಗಿ ಮೊದಲು ಮೇಲಿನ Panel ಮೇಲೆ ರೈಟ್ ಕ್ಲಿಕ್ ಮಾಡಿ. [ನಾನು Application, System ಇತ್ಯಾದಿ ಇರುವ ಮೇಲಿನ Panelನ್ನೂ ಕೆಳಗೇ ಇಟ್ಟುಕೊಂಡಿದ್ದೇನೆ. ನಿಮಗೆ ಯಾವ Panelನಲ್ಲಿ Force Quitನ ಶಾರ್ಟ್ ಕಟ್ ಇದ್ದರೆ ಸುಲಭವೆನಿಸುತ್ತದೆಯೋ ಅದರ ಮೇಲೆ ರೈಟ್ ಕ್ಲಿಕ್ ಮಾಡಿ] ನಂತರ Add to Panel.. ಮೇಲೆ ಕ್ಲಿಕ್ ಮಾಡಿ.

ಅಲ್ಲಿ ಸ್ವಲ್ಪ ಕೆಳಗೆ Force Quit ಇರುತ್ತದೆ, (ಸಿಗದಿದ್ದರೆ Find an item to add to the panel: ಎನ್ನುವಲ್ಲಿ Force Quit ಎಂದು ಟೈಪ್ ಮಾಡಿ, ಅದು ಹುಡುಕಿಕೊಡುತ್ತದೆ) ಅದರ ಮೇಲೆ ಕ್ಲಿಕ್ ಮಾಡಿ Add ಬಟನ್ ಒತ್ತಿ. ನಂತರ Close ಒತ್ತಿ.

ಈಗ Panelನಲ್ಲಿ Force Quitನ ಶಾರ್ಟ್ ಕಟ್ ಬಂದಿರುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ.

ನಂತರ Click on a windows to force the application to quit. To cancel press <ESC> ಎಂದು ತೋರಿಸುತ್ತದೆ ಮತ್ತು ಕರ್ಸರ್‍ ಪ್ಲಸ್ ಚಿಹ್ನೆಗೆ ಬದಲಾಗುತ್ತದೆ. ಆಗ ನೀವು ಮುಚ್ಚಲು ಬಯಸುವ ಅಪ್ಲಿಕೇಶನ್ ಮೇಲೆ ಕ್ಲಿಕ್ ಮಾಡಿ. (ಅಥವಾ Force Quit ಉಪಯೋಗಿಸುವುದು ಬೇಡ ಅನ್ನಿಸಿದಲ್ಲಿ ಎಸ್ಕೇಪ್ ಬಟನ್ ಒತ್ತಿ.)

ಕೊನೆಯ ಬಾರಿ ದೃಢಪಡಿಸಲು ನಿಮ್ಮ ಅನುಮತಿ ಕೇಳುತ್ತದೆ. ಆಗ Force Quit ಬಟನ್ ಒತ್ತಿ. ಅಲ್ಲಿಗೆ ತೊಂದರೆ ಕೊಡುತ್ತಿರುವ ಅಪ್ಲಿಕೇಶನ್ ಕ್ಲೋಸ್ ಆಗುತ್ತೆ. ಆದರೆ ನೆನಪಿಡಿ, Force Quit ಉಪಯೋಗಿಸಿದರೆ, ಆ ಅಪ್ಲಿಕೇಶನ್‌ನಲ್ಲಿ ನೀವು ಸೇವ್ ಮಾಡಿರದ ಅಷ್ಟೂ ಕಂಟೆಂಟ್‌ನ್ನು ಕಳೆದುಕೊಳ್ಳುತ್ತೀರಿ.

ಧನ್ಯವಾದಗಳೊಂದಿಗೆ,
-ಪ್ರಸನ್ನ.ಎಸ್.ಪಿ

ಡಿಸ್ಕ್ ನ್ನು defragment ಮಾಡುವುದರ ಮೂಲಕ ಕಂಪ್ಯೂಟರ್‍ ಚುರುಕುಗೊಳಿಸಿ!

2011-03-12T16:20:00.000+05:30

ನಿಮ್ಮ ಕಂಪ್ಯೂಟರ್‍ ತುಂಬಾ ನಿಧಾನವಾಗಿ ಕೆಲಸ ಮಾಡುತ್ತಿದೆಯೇ ಹಾಗಾದರೆ ಕೆಲವು ಮುಖ್ಯವಾದ ಡ್ರೈವ್‌ಗಳನ್ನು defragment ಮಾಡುವುದರ ಮೂಲಕ ಕಂಪ್ಯೂಟರ್‌ನ್ನು ಸ್ವಲ್ಪ ಮಟ್ಟಿಗೆ ಚುರುಕುಗೊಳಿಸಬಹುದು. ಅದನ್ನು ಹೇಗೆ ಮಾಡುವುದು ಎಂದು ತಿಳಿದುಕೊಳ್ಳುವ ಮೊದಲು ಒಂದು ಸನ್ನಿವೇಶವನ್ನು ಕಲ್ಪಿಸಿಕೊಳ್ಳಿ. ನಿಮ್ಮ ಟೇಬಲ್ ಮೇಲೆ ಕಡತಗಳೆಲ್ಲಾ ಚೆಲ್ಲಾಪಿಲ್ಲಿಯಾಗಿ ಎಲ್ಲೆಲ್ಲೋ ಬಿದ್ದಿದೆ. ಆಗ ನಿಮಗೆ ಬೇಕಾದ ಕಡತವನ್ನು ಹುಡುಕಿಕೊಂಡು ತೆಗೆಯಬೇಕಾದರೆ ಹೆಚ್ಚು ಸಮಯ ಬೇಕಾಗುತ್ತದಲ್ಲವೇ? ಅದೇ ಕಡತಗಳು ಒಪ್ಪವಾಗಿ ಜೋಡಿಸಿಟ್ಟಿದ್ದರೆ ನಮಗೆ ಬೇಕಾದ ಕಡತಗಳನ್ನು ಕಡಿಮೆ ಸಮಯದಲ್ಲಿ ಸುಲಭವಾಗಿ ಹುಡುಕಬಹುದು ಮತ್ತು ನೀಟಾಗಿ ಇಟ್ಟಿರುವುದರಿಂದ ಹೆಚ್ಚು ಜಾಗವೂ ಸಿಗುತ್ತದೆ ಅಲ್ಲವೇ? ನಾವು defragment ಮಾಡಿದಾಗಲೂ ಡಿಸ್ಕ್‌ನಲ್ಲಿ ಇದೇ ರೀತಿ ಆಗುತ್ತದೆ. ಅಂದರೆ ಎಲ್ಲೆಲ್ಲೋ ಹಂಚಿ ಹೋಗಿರುವ ಕಡತಗಳೆಲ್ಲಾ ನೀಟಾಗಿ ಜೋಡಿಸಲ್ಪಡುತ್ತದೆ. ಇದರಿಂದ ಬೇಕಾದ ಕಡತಗಳನ್ನು ಹೆಕ್ಕಿ ತೆಗೆಯಲೂ ಕಂಪ್ಯೂಟರಿಗೆ ಸುಲಭವಾಗುತ್ತದೆ ಮತ್ತು ಸಮಯವೂ ಉಳಿಯುವುದರಿಂದ ಕೆಲಸ ಬೇಗನೇ ಆಗುತ್ತದೆ. ಅದೂ ಅಲ್ಲದೇ ಒಮ್ಮೆಲೇ ಹೆಚ್ಚು ಖಾಲಿ ಜಾಗ (free space) ದೊರೆಯುತ್ತದೆ. ಹಾಗಾದರೆ defragment ಮಾಡುವುದು ಹೇಗೆಂದು ನೋಡೋಣವೇ?

(ವಿಂಡೋಸ್ ಬಳಕೆದಾರರಿಗೆ)

ಮೊದಲು Disk Defragmenter ಓಪನ್ ಮಾಡಿ (Start-->Programs-->Accessories-->System Tools-->Disk Defragmenter, ಅಥವಾ Start-->Run ಮೇಲೆ ಕ್ಲಿಕ್ ಮಾಡಿ ಮತ್ತು dfrg.msc ಎಂದು ಟೈಪ್ ಮಾಡಿ OK ಒತ್ತಿ).

ನಂತರ ಮೊದಲನೇ ಡ್ರೈವ್ (ಪಾರ್ಟಿಶನ್) ಆರಿಸಿಕೊಂಡು, ಕೆಳಗಿರುವ Analyze ಬಟನ್ ಒತ್ತಿ.

(ಚಿತ್ರಗಳನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಒಂದೆರಡು ಸೆಕೆಂಡ್ ನಂತರ Analyze ಮುಗಿದಿದೆ ಎಂದು ಸಂದೇಶ ಬರುತ್ತದೆ. ಅಲ್ಲಿ You need to defragment this volume ಎಂದು ಬಂದರೆ ಅಲ್ಲೇ ಕೆಳಗಿರುವ Defragment ಬಟನ್ ಒತ್ತಿ. ಇಲ್ಲದಿದ್ದರೆ ಬೇಡ.

ನಂತರದಲ್ಲಿ Defragment ಆಗುತ್ತಿರುವುದನ್ನು ನೋಡಬಹುದು. ಅಲ್ಲದೇ ಎಷ್ಟು ಪ್ರತಿಶತ Defragment ಆಗಿದೆ ಎಂದೂ ತೋರಿಸುತ್ತದೆ.

Defragment ಪೂರ್ಣವಾದ ಸಂದೇಶ ಬಂದ ನಂತರ Close ಒತ್ತಿ.

Estimated disk usage before defragmentation: ಹಾಗೂ Estimated disk usage after defragmentation:ನಲ್ಲಿರುವ ಮಾಹಿತಿಯನ್ನು ಗಮನಿಸಿದರೆ ಏನೇನು ಕೆಲಸ ಆಗಿದೆ ಎಂದು ತಿಳಿಯುತ್ತದೆ.

ಇದೇ ರೀತಿ ಉಳಿದ ಪಾರ್ಟಿಶನ್‌ಗಳನ್ನೂ defragment ಮಾಡಬಹುದು.

ನೀವು ಪ್ರತಿದಿನ ಕಂಪ್ಯೂಟರ್‌ನ್ನು ಉಪಯೋಗಿಸುತ್ತಿದ್ದರೆ ಎರಡು ಮೂರು ವಾರಗಳಿಗೊಮ್ಮೆ defragment ಮಾಡುವುದು ಒಳ್ಳೆಯದು. ಇದೂ ಅಲ್ಲದೇ ಇನ್ನೂ ಅನೇಕ ಮಾರ್ಗಗಳನ್ನು ಅನುಸರಿಸುವುದರಿಂದ ನಿಮ್ಮ ಕಂಪ್ಯೂಟರ್‌ ವೇಗವಾಗಿ ಕೆಲಸ ಮಾಡುವಂತೆ ಮಾಡಬಹುದು.

ಧನ್ಯವಾದಗಳೊಂದಿಗೆ,
-ಪ್ರಸನ್ನ.ಎಸ್.ಪಿ

ಕಲರ್‌ಫುಲ್ ಗ್ರಬ್ ಲೋಡರ್‍ ಬೇಕೆ?

2011-02-05T16:36:00.000+05:30

ಲೈಫ್‌ನಲ್ಲಿ ಎಲ್ಲವೂ ಕಲರ್‌ಫುಲ್ ಆಗಿದ್ರೇನೆ ಚೆಂದ ಅಲ್ಲವೇ? ನಾವು ಈ ಕಲರ್‌ಫುಲ್ ಯುಗದಲ್ಲಿ black and white ಟಿವಿ ನೋಡಲು ಇಷ್ಟಪಡುವುದಿಲ್ಲ ಅಲ್ವಾ? ಇದೇ ರೀತಿ ಗ್ರಬ್ ಲೋಡರ್‌ನಲ್ಲಿ ಅದೇ ಕಪ್ಪು background ಮತ್ತು ಬಿಳಿ ಅಕ್ಷರಗಳನ್ನು ನೋಡಿ, ನೋಡಿ ಬೇಜಾರಾಗಿದೆಯೇ? ಹಾಗಾದರೆ ಗ್ರಬ್ ಕಾನ್ಫಿಗರೇಷನ್ ಫೈಲ್‌ನಲ್ಲಿ ಸ್ವಲ್ಪ ಆಟವಾಡಿ ನೋಡಿ, ಆಮೇಲೆ ಗ್ರಬ್ ಲೋಡರ್‌ನಲ್ಲಿ ಬಣ್ಣ ಬಣ್ಣದ ಅಕ್ಷರಗಳನ್ನು ಕಂಡು ಆನಂದಿಸಿ.

ಮೊದಲಿಗೆ Terminalನಲ್ಲಿ ಕೆಳಗಿನ ಕಮ್ಯಾಂಡ್ ಓಡಿಸಿ,
sudo gedit /boot/grub/grub.cfg

(ಹಳೆಯ ಉಬುಂಟು ಆವೃತ್ತಿ ಇಟ್ಟುಕೊಂಡಿರುವವರು ಇದನ್ನು ರನ್ ಮಾಡಿ,
sudo gedit /boot/grub/menu.lst)

ನಂತರ ಬರುವ ಗ್ರಬ್ ಕಾನ್ಫಿಗರೇಷನ್ ಫೈಲ್‌ನ ಸುಮಾರು 64 ಮತ್ತು 65ನೇ ಸಾಲಿನಲ್ಲಿ
set menu_color_normal=white/black
(ಹಾಗೂ ನಂತರದ ಸಾಲಿನಲ್ಲಿ)
set menu_color_highlighted=black/light-gray ಅಂತ ಇದೆಯೇ ಎಂದು ನೋಡಿ. ಅಲ್ಲಿ ಇಲ್ಲದಿದ್ದರೆ ಸ್ವಲ್ಪ ಮೇಲೆ ಕೆಳಗೆ ಹುಡುಕಿ, ಸಿಗುತ್ತದೆ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಇಲ್ಲಿ ಮೊದಲನೆಯ ಸಾಲಿನಲ್ಲಿ (set menu_color_normal=), ಎರಡು ಬಣ್ಣಗಳ ಹೆಸರು ಇದೆಯಲ್ಲ (white/black), ಅದು ಗ್ರಬ್‌ನಲ್ಲಿ ಫಾಂಟ್ ಬಣ್ಣ ಮತ್ತು ಗ್ರಬ್‌ನ ಹಿಂಬದಿ ಬಣ್ಣವನ್ನು ಸೂಚಿಸುತ್ತದೆ. ಅಂದರೆ ಕಪ್ಪು ಹಿನ್ನಲೆಯಲ್ಲಿ ಬಿಳಿ ಅಕ್ಷರಗಳು. ಈಗ ಅದನ್ನು ನಿಮಗೆ ಬೇಕಾದ ಬಣ್ಣಗಳಿಗೆ ಬದಲಾಯಿಸಿ. ಉದಾಹರಣೆಗೆ: light-blue/black. ಇದು ಕಪ್ಪು ಹಿನ್ನಲೆಯಲ್ಲಿ, ತಿಳಿ ನೀಲಿ ಅಕ್ಷರಗಳನ್ನು ನೂಚಿಸುತ್ತದೆ. ಇಲ್ಲಿ ಇನ್ನೊಂದು ವಿಷಯವನ್ನು ಗಮನಿಸಿ. ಬಣ್ಣಗಳನ್ನು ಸೂಚಿಸುವಾಗ ಸಾಮಾನ್ಯ ಬಳಕೆಯಲ್ಲಿರುವ, ಅಂದರೆ ಕಂಪ್ಯೂಟರ್‌ಗೆ ಸುಲಭವಾಗಿ ಗೊತ್ತಾಗುವ ಬಣ್ಣಗಳನ್ನೇ ಕೊಡಿ. ಅಂದರೆ black, white, red, blue, gray, light-blue, green, yellow ಇತ್ಯಾದಿ. ನೀವು violet, purple, brick-red ಅಂತೆಲ್ಲಾ ಕೊಟ್ಟರೆ ಅದಕ್ಕೆ ಗೊತ್ತಾಗಲ್ಲ! ;-)

ಅದರ ನಂತರದ ಸಾಲು ಇದೆಯಲ್ಲ(set menu_color_highlighted=), ಅದು ಹೈಲೈಟ್ ಆದ entryಯ ಬಣ್ಣವನ್ನು(black/light-gray) ಸೂಚಿಸುತ್ತದೆ. ಅಂದರೆ ಹೈಲೈಟ್ ಆದ ಎಂಟ್ರಿಯ ಹಿನ್ನೆಲೆ ಬಣ್ಣ light-gray ಮತ್ತು ಅಕ್ಷರದ ಬಣ್ಣ ಕಪ್ಪನ್ನು ಸೂಚಿಸುತ್ತದೆ. ಇಲ್ಲಿಯೂ ನಿಮಗೆ ಇಷ್ಟವಾಗುವ ಬಣ್ಣಗಳಿಗೆ ಬದಲಾಯಿಸಿ. ಉದಾಹರಣೆಗೆ: red/yellow ಅಂದರೆ ಹೈಲೈಟ್ ಆದ ಎಂಟ್ರಿಯ ಫಾಂಟ್ ಕಲರ್‍ ಕೆಂಪು, ಮತ್ತು ಹಿನ್ನೆಲೆ ಬಣ್ಣ ಹಳದಿ. ಇಲ್ಲಿಯೂ ಕೂಡ ಬಣ್ಣಗಳನ್ನು ಸೂಚಿಸುವಾಗ ಸ್ವಲ್ಪ ಎಚ್ಚರ ವಹಿಸಿ. ನಂತರ ಫೈಲ್‌ನ್ನು ಸೇವ್ ಮಾಡಿ, ಕಂಪ್ಯೂಟರ್‍ ರೀಸ್ಟಾರ್ಟ್ ಮಾಡಿ. ಈಗ ನೋಡಿದರೆ ಗ್ರಬ್ ಲೋಡರ್‍ ಬಣ್ಣ ಬಣ್ಣದಿಂದ ಕಂಗೊಳಿಸುತ್ತಿರಬೇಕಲ್ಲವೇ? ಮೇಲೆ ಹೈಲೈಟ್ ಆದ ಎಂಟ್ರಿಯ ಬಣ್ಣ ಹಳದಿ ಕೊಟ್ಟಿರುವುದರಿಂದ ಅದು ಮಿನುಗುತ್ತದೆ ಕೂಡಾ.

ಸೂಚನೆ: ಗ್ರಬ್ ಕಾನ್ಫಿಗರೇಷನ್ ಫೈಲ್‌ನಲ್ಲಿ ಏನೇ ಬದಲಾವಣೆ ಮಾಡುವ ಮೊದಲೂ ಸೂಕ್ತ ಎಚ್ಚರಿಕೆ ವಹಿಸಬೇಕು. ಸ್ವಲ್ಪ ಯಡವಟ್ಟಾದರೂ ಆಮೇಲೆ ಲಿನಕ್ಸ್, ವಿಂಡೋಸ್ ಯಾವ್ದೂ ಬೂಟಾಗಲ್ಲ. ಆದ್ರಿಂದ ಮೇಲಿನ ಬದಲಾವಣೆ ಮಾಡುವಾಗ ಸಾಕಷ್ಟು ಎಚ್ಚರಿಕೆ ಅಗತ್ಯ.

ಗೂಗಲ್ ಸರ್ಚ್: ನಿರ್ಧಿಷ್ಟ ತಾಣಕ್ಕೆ ಸೀಮಿತಗೊಳಿಸುವ ವಿಧಾನ

2010-11-17T08:46:00.000+05:30

ನೀವು ಯಾವುದೇ ಒಂದು ನಿರ್ಧಿಷ್ಟ ತಾಣದಲ್ಲಿ ವಿಷಯಗಳನ್ನು ಹುಡುಕಬೇಕಾಗಿರುತ್ತದೆ, ಆದರೆ ಆ ತಾಣದಲ್ಲಿ ಹುಡುಕುವುದಕ್ಕೆ ಯಾವುದೇ ಸೌಲಭ್ಯ ಇರುವುದಿಲ್ಲ. ಆಗ ನೀವು ಯಾವುದೇ ಸರ್ಚ್ ಎಂಜಿನ್‌‌ನಲ್ಲಿ ಆ ವಿಷಯವನ್ನು ಹುಡುಕಲು ಕೊಟ್ಟರೆ ಅದು, ಆ ವಿಷಯವಿರುವ ಎಲ್ಲಾ ತಾಣಗಳನ್ನೂ ತೋರಿಸುತ್ತದೆ. ಅಂತಹ ಸಂದರ್ಭದಲ್ಲಿ ನಿರ್ಧಿಷ್ಟ ತಾಣದಲ್ಲಿ ವಿಷಯಗಳನ್ನು ಹುಡುಕಲು ಗೂಗಲ್‌ನಲ್ಲಿ ಸಾಧ್ಯವಾಗುತ್ತದೆ. ಅದಕ್ಕಾಗಿ ಮೊದಲು ಗೂಗಲ್ ತಾಣಕ್ಕೆ ಹೋಗಬೇಕು. ನಂತರ ಸರ್ಚ್‌ಬಾಕ್ಸ್‌ನಲ್ಲಿ ಮೊದಲು "site:ವೆಬ್‌ಸೈಟ್ ವಿಳಾಸ {ಸ್ಪೇಸ್} ವಿಷಯ" ಈ ರೀತಿ ಕೊಟ್ಟು ನಂತರ ಸರ್ಚ್ ಕೊಡಬೇಕು. ಆಗ ನೀವು ಸೂಚಿಸಿದ ನಿರ್ಧಿಷ್ಟ ತಾಣದಿಂದ ಮಾತ್ರ ಫಲಿತಾಂಶಗಳನ್ನು ಗೂಗಲ್ ತೋರಿಸುತ್ತದೆ.

ಉದಾಹರಣೆಗೆ-- site:sampada.net ಲಿನಕ್ಸಾಯಣ ಎಂದು ಕೊಟ್ಟು ಸರ್ಚ್ ಒತ್ತಿದರೆ ಸಂಪದದಲ್ಲಿ ಮಾತ್ರ ಇರುವ ಲಿನಕ್ಸಾಯಣ ಪುಟಗಳನ್ನು ತೋರಿಸುತ್ತದೆ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಧನ್ಯವಾದಗಳೊಂದಿಗೆ,

-ಪ್ರಸನ್ನ.ಎಸ್.ಪಿ

ಬ್ಲಾಗರ್‍ ಟೆಂಪ್ಲೇಟ್‌ನ್ನು restore ಮಾಡುವ ವಿಧಾನ

2010-11-15T10:34:00.000+05:30

ಬ್ಲಾಗರ್‌ನಲ್ಲಿರುವ ನಿಮ್ಮ ಬ್ಲಾಗ್‌ನಲ್ಲಿ ಏನೇ ಬದಲಾವಣೆ ಮಾಡಬೇಕಾದರೂ ಮೊದಲು ಈಗಿರುವ ಟೆಂಪ್ಲೇಟ್‌ನ್ನು ಸೇವ್ ಮಾಡಿಟ್ಟುಕೊಳ್ಳಿ, ಇದರಿಂದ ಬದಲಾವಣೆ ಮಾಡಿದ ಮೇಲೆ ಏನಾದರೂ ತೊಂದರೆಯಾದರೆ ಮೊದಲಿದ್ದ ರೂಪಕ್ಕೇ ಬ್ಲಾಗನ್ನು ಮರಳಿಸಬಹುದು.

(ಚಿತ್ರಗಳನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಅದಕ್ಕಾಗಿ ಮೊದಲು ನಿಮ್ಮ ಬ್ಲಾಗರ್‍ ಡ್ಯಾಶ್‌ಬೋರ್ಡ್‌ನಲ್ಲಿ Design ಮೇಲೆ ಕ್ಲಿಕ್ ಮಾಡಿ, ನಂತರ Edit HTML ಒತ್ತಿ.

ಅಲ್ಲಿ Backup / Restore Template ಕೆಳಗೆ Download Full Template ಎಂದು ಇರುತ್ತದೆ. ಅದನ್ನು ಕ್ಲಿಕ್ ಮಾಡಿ.

ನಂತರ ಫೈಲ್ ಓಪನ್ ಮಾಡಬೇಕೇ ಅಥವಾ ಸೇವ್ ಮಾಡಬೇಕೆ ಎಂದು ಕೇಳುತ್ತದೆ. ಆಗ Save File ಆಯ್ಕೆಯನ್ನು ಆರಿಸಿ, ನಂತರ Save ಬಟನ್ ಒತ್ತಿ. ಅಲ್ಲಿಗೆ ನಿಮ್ಮ ಕಂಪ್ಯೂಟರ್‌ನಲ್ಲಿ ನಿಮ್ಮ ಬ್ಲಾಗಿನ ಟೆಂಪ್ಲೇಟ್ ಕೋಡ್ ಇರುವ .xml ಫೈಲ್ ಸೇವ್ ಆಗಿರುತ್ತದೆ. ಅದನ್ನು ಜೋಪಾನವಾಗಿ ಇಟ್ಟುಕೊಳ್ಳಿ, ಮುಂದೆಂದಾದರೂ ಬ್ಲಾಗಿನ ಡಿಸೈನ್ ಬದಲಿಸಲು ಹೋಗಿ ತೊಂದರೆಯಾದರೆ ಹಿಂದಿದ್ದ ಟೆಂಪ್ಲೇಟನ್ನೇ restore ಮಾಡಬಹುದು.

ಈಗ ಟೆಂಪ್ಲೇಟ್ restore ಮಾಡುವುದು ಹೇಗೆಂದು ನೋಡೋಣ. ಮೊದಲು ಬ್ಲಾಗರ್‌ನ Dashboard--> Design--> Edit HTMLಗೆ ಹೋಗಿ, ಅಲ್ಲಿ Backup / Restore Template ಎಂಬುದರ ಕೆಳಗೆ Browse.. ಬಟನ್ ಇರುತ್ತದೆ, ಅದನ್ನು ಒತ್ತಿ.

ನಂತರ ನಿಮ್ಮ ಟೆಂಪ್ಲೇಟ್‌ ಕೋಡ್ ಇರುವ .xml ಫೈಲ್‌ನ್ನು ಆರಿಸಿ Open ಒತ್ತಿ.

ಆಮೇಲೆ Browse.. ಪಕ್ಕದಲ್ಲಿರುವ Upload ಬಟನ್ ಒತ್ತಿ.

ಕೊನೆಗೆ ಕೆಳಭಾಗದಲ್ಲಿ SAVE TEMPLATE ಎಂದು ಬರೆದಿರುವ ಕೇಸರಿ ಬಣ್ಣದ ಬಟನ್ ಇರುತ್ತದೆ. ಅದನ್ನು ಒತ್ತಿದರೆ ಆಯಿತು. ನಿಮ್ಮ ಮೊದಲಿದ್ದ ಟೆಂಪ್ಲೇಟ್ restore ಆಗುತ್ತದೆ.

ಧನ್ಯವಾದಗಳೊಂದಿಗೆ,
-ಪ್ರಸನ್ನ.ಎಸ್.ಪಿ

ನುಡಿಯಲ್ಲಿ ಬರೆದಿರುವುದನ್ನು ಯೂನಿಕೋಡ್‌ಗೆ ಪರಿವರ್ತಿಸುವ ವಿಧಾನ

2010-11-08T15:14:00.001+05:30

ನುಡಿ(ANSI)ಯಲ್ಲಿ ಬರೆದಿರುವುದನ್ನು ಯೂನಿಕೋಡ್‌ಗೆ ಪರಿವರ್ತಿಸುವುದು ಹೇಗೆಂದು ತುಂಬಾ ಜನರಿಗೆ ಗೊಂದಲಗಳಿವೆ. ಆದರೆ ಬರಹ ತಂತ್ರಾಂಶದ ಜೊತೆ ಬರುವ Baraha Convert ಸಲಕರಣೆಯ ಸಹಾಯದಿಂದ ನುಡಿಯಲ್ಲಿ ಬರೆದಿರುವುದನ್ನು ಸುಲಭವಾಗಿ ಯೂನಿಕೋಡ್‌ಗೆ ಪರಿವರ್ತಿಸಬಹುದು. ಅದಕ್ಕಾಗಿ ಮೊದಲು ಬರಹ ತಂತ್ರಾಂಶವನ್ನು ಇಲ್ಲಿಂದ (http://baraha.com) ಡೌನ್ಲೋಡ್‌ ಮಾಡಿಕೊಂಡು ನಿಮ್ಮ ಕಂಪ್ಯೂಟರ್‌ನಲ್ಲಿ ಸ್ಥಾಪಿಸಿ (install). (Baraha 7.0 ಆದರೆ ಸುಲಭ)

(ಇಲ್ಲಿರುವ ಚಿತ್ರಗಳನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಮೊದಲು ನೀವು ನುಡಿಯಲ್ಲಿ ಬರೆದಿರುವುದನ್ನು ಕಾಪಿ ಮಾಡಿಕೊಳ್ಳಿ.

ನಂತರ Baraha Convert ಸಲಕರಣೆಯನ್ನು ಚಾಲನೆ ಮಾಡಿ. Start--> All programs--> Baraha--> Baraha convert. (ಬರಹ10.0 ಆದರೆ Start--> All programs--> Baraha Software--> Baraha 10--> Tools--> BarahaConvert). ಬರಹ ಕನ್ವರ್ಟ್ ಸಲಕರಣೆಯ ಬಲಭಾಗದಲ್ಲಿ ANSI: ಎಂಬ ಕೆಳಗೆ ಬಿಳಿ ಬಣ್ಣದ ಬಾಕ್ಸ್ ಇರುತ್ತದೆ. ಅಲ್ಲಿ ನೀವು ನುಡಿ(ANSI)ಯಲ್ಲಿ ಬರೆದಿರುವುದನ್ನು ಪೇಸ್ಟ್ ಮಾಡಿ, ಮತ್ತು ಅದರ ಪಕ್ಕ BRHCODE ಕಡೆಗೆ ಮುಖಮಾಡಿರುವ ಬಾಣದ ಗುರುತನ್ನು ಒತ್ತಿ.

ಮುಂದೆ BRHCODEನಲ್ಲಿ ಒಂದಿಷ್ಟು ಅಕ್ಷರಗಳು ಬರುತ್ತದೆ. ಆಗ BRHCODEನಿಂದ UNICODE ಕಡೆಗೆ ಮುಖ ಮಾಡಿರುವ ಬಾಣದ ಗುರುತನ್ನು ಒತ್ತಿ.

ಅಲ್ಲಿಗೆ ನೀವು ನುಡಿಯಲ್ಲಿ ಬರೆದಿರುವುದು ಯೂನಿಕೋಡ್‌ಗೆ ಪರಿವರ್ತನೆಯಾಗಿರುತ್ತದೆ. ಅದನ್ನು ನೋಡಲು UNICODE ಪಕ್ಕದಲ್ಲಿರುವ View ಬಟನ್ ಒತ್ತಿ.

ಈಗ ಯೂನಿಕೋಡ್‌ಗೆ ಪರಿವರ್ತನೆಯಾಗಿರುವ ಪಠ್ಯವು ನೋಟ್‌ಪ್ಯಾಡ್‌ನಲ್ಲಿ ಓಪನ್ ಆಗುತ್ತದೆ. ಅದನ್ನು ನೀವು ಸೇವ್ ಮಾಡಿಕೊಳ್ಳಬಹುದು.

ಈ ವಿಷಯವಾಗಿ ಏನಾದರೂ ಸಂದೇಹಗಳಿದ್ದರೆ ಪ್ರಶ್ನೆಗಳನ್ನು ಕೇಳಿ, ಪರಿಹರಿಸುವ ಪ್ರಯತ್ನ ಮಾಡುವೆ.

ಧನ್ಯವಾದಗಳೊಂದಿಗೆ,
ಪ್ರಸನ್ನ.ಎಸ್.ಪಿ

ಮೈಕ್ರೋಸಾಫ್ಟ್ ವರ್ಡ್‌‌‌ನಲ್ಲಿ ಪ್ರತ್ಯೇಕ ಪೇಜ್ ಸೆಟ್ಟಿಂಗ್

2010-10-13T13:45:00.000+05:30

ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿ ಬೇರೆ ಬೇರೆ ಪುಟಕ್ಕೆ ಪ್ರತ್ಯೇಕ ಪೇಜ್ ಸೆಟ್ಟಿಂಗ್ ಮಾಡಬಹುದು. ಉದಾಹರಣೆಗೆ ಮೊದಲನೆ ಪುಟ A4, ಎರಡನೆ ಪುಟ Legal ಹಾಗೂ ಮೂರನೆ ಪುಟ 4X6 ಅಳತೆ ಹೊಂದಿರುವಂತೆ ಸೆಟ್ ಮಾಡಬಹುದು. ಅದು ಹೇಗೆಂದು ನೋಡೋಣ,

ಮೊದಲು ನೀವು ಯಾವ ಪುಟದ ವಿನ್ಯಾಸ ಬದಲಿಸಬೇಕೋ ಆ ಪುಟದ ಪ್ರಾರಂಭದಲ್ಲಿ ಕರ್ಸರ್‍ ಕ್ಲಿಕ್ ಮಾಡಿ. ನಂತರ Page Setup ಒತ್ತಿ.(File--> Page Setup.) ಪೇಜ್ ಸೆಟಪ್‌ನಲ್ಲಿ Margins, Paper ಮತ್ತು Layoutಗಳನ್ನು ಬೇಕಾದ ಅಳತೆಗೆ ಬದಲಿಸಿಕೊಂಡ ನಂತರ Paper ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ, ಕೆಳಭಾಗದಲ್ಲಿ Previewನಲ್ಲಿ Apply to: ಎಂದಿರುತ್ತದೆ, ಅಲ್ಲಿ This point forward ಆರಿಸಿ OK ಒತ್ತಿ

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಈಗ ನೋಡಿ ನೀವು ಸೆಟ್ ಮಾಡಿರುವ ಪುಟದ ಅಳತೆ ಹಿಂದಿನ ಪುಟಕ್ಕಿಂತ ಭಿನ್ನವಾಗಿರುತ್ತದೆ.

ಇದೇ ರೀತಿ ವರ್ಡ್ ತಂತ್ರಾಂಶದಲ್ಲಿ ವಿವಿಧ ಪುಟಗಳು ಬೇರೆ ಬೇರೆ ಅಳತೆ ಹೊಂದಿರುವಂತೆ ಮಾಡಬಹುದು.

© ಪ್ರಸನ್ನ ಶಂಕರಪುರ

ಫೀಡ್ ಬರ್ನರ್‍ ಮತ್ತು ಟ್ವಿಟರ್‍

2010-10-07T13:52:00.000+05:30

ಫೀಡ್ ಬರ್ನರ್‌ನ ಹಿಂದಿನ ಸಂಚಿಕೆಯಲ್ಲಿ ಬ್ಲಾಗ್ ಓದುಗರಿಗೆ ನಿಮ್ಮ ಲೇಖನಗಳನ್ನು ಇ-ಮೇಲ್ ಮೂಲಕ ತಲುಪಿಸುವುದು ಹೇಗೆಂದು ತಿಳಿಸಿದ್ದೆ. ಈ ಸಲ, ನೀವು ಬ್ಲಾಗಿನಲ್ಲಿ ಹೊಸ ಬರಹ ಸೇರಿಸಿದಾಗ ಅದರ ಶೀರ್ಷಿಕೆ ತಾನಾಗಿಯೇ ಟ್ವಿಟರ್‌ನಲ್ಲಿ ಬರುವಂತೆ ಮಾಡುವುದು ಹೇಗೆ ಎಂದು ನೋಡೋಣ.(ಇದಕ್ಕೆ ನಿಮ್ಮಲ್ಲಿ ಒಂದು ಟ್ವಿಟರ್‍ ಅಕೌಂಟ್ ಇರಬೇಕು. ಇದರ ಉಪಯೋಗವೆಂದರೆ ನೀವು ನಿಮ್ಮ ಬ್ಲಾಗಿನಲ್ಲಿ ಹೊಸ ಲೇಖನ ಬರೆದಾಗ ಅದರ ಶೀರ್ಷಿಕೆ ಹಾಗೂ ಲೇಖನದ ಒಂದೆರಡು ಸಾಲು ಜೊತೆಗೆ ಆ ಲೇಖನಕ್ಕೆ ಲಿಂಕ್ ಟ್ವಿಟರ್‌ನಲ್ಲಿ ಪ್ರಕಟವಾಗುತ್ತದೆ. ಅದನ್ನು ನೋಡುವ ನಿಮ್ಮ ಟ್ವಿಟರ್‍ ಹಿಂಬಾಲಕರು{Followers} ನಿಮ್ಮ ಬ್ಲಾಗಿಗೆ ಭೇಟಿ ನೀಡಬಹುದು.)

ಈಗ ಅದನ್ನು ಪ್ರಾರಂಭಿಸುವುದು ಹೇಗೆ ನೋಡೋಣ. ಮೊದಲು ಫೀಡ್ ಬರ್ನರ್‍ ತಾಣಕ್ಕೆ ಹೋಗಿ(http://feedburner.com). ಅಲ್ಲಿ ನಿಮ್ಮ ಗೂಗಲ್ ಯೂಸರ್‌ನೇಮ್ ಮತ್ತು ಪಾಸ್‌ವರ್ಡ್ ಕೊಟ್ಟು ಲಾಗಿನ್ ಆಗಿ.

(ಚಿತ್ರಗಳನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ನಂತರ ನಿಮ್ಮ ಫೀಡ್ ಟೈಟಲ್ (FEED TITLE) ಮೇಲೆ ಕ್ಲಿಕ್ ಮಾಡಿ.

ನಂತರ ಬರುವ ವಿಂಡೋನಲ್ಲಿ ಮೇಲ್ಗಡೆ Publicize ಎಂಬ ಟ್ಯಾಬ್ ಇರುತ್ತದೆ. ಅದರ ಮೇಲೆ ಕ್ಲಿಕ್ಕಿಸಿ.

ಈಗ ಎಡಬದಿಯಲ್ಲಿರುವ Socialize ಒತ್ತಿ. Select account ಕೆಳಗೆ ಇರುವ Add a Twitter account ಮೇಲೆ ಕ್ಲಿಕ್ ಮಾಡಿ.

ಈಗ ಒಂದು ಹೊಸ ಟ್ವಿಟರ್‍ ವಿಂಡೋ ತೆರೆಯುತ್ತದೆ. ಅಲ್ಲಿ ನಿಮ್ಮ ಟ್ವಿಟರ್‍ ಯೂಸರ್‍ ನೇಮ್ ಮತ್ತು ಪಾಸ್‌ವರ್ಡ್ ಟೈಪಿಸಿ, Allow ಬಟನ್ ಒತ್ತಿ.

ಇಷ್ಟು ಮಾಡಿದರೆ ಅರ್ಧ ಕೆಲಸ ಮುಗಿದಂತೆ ಆಯಿತು. ಈಗ ಇನ್ನೊಂದು ವಿಂಡೋನಲ್ಲಿರುವ ಫೀಡ್ ಬರ್ನರ್‌ನ Socialize ಆಯ್ಕೆಗೆ ಬನ್ನಿ. Post content: ಇಲ್ಲಿ ಲೇಖನದ ಶೀರ್ಷಿಕೆ ಮಾತ್ರ ಟ್ವೀಟ್ ಆಗಬೇಕೇ ಅಥವಾ ಶೀರ್ಷಿಕೆಯ ಜೊತೆ ಲೇಖನದ ಒಂದೆರಡು ಸಾಲುಗಳೂ ಸೇರಬೇಕೆ ಎಂದು ಆರಿಸಿ. Include link ಮತ್ತು Leave room for retweets ಸೆಲೆಕ್ಟ್ ಮಾಡಿ. ಉಳಿದ ಆಯ್ಕೆಗಳು ಅಷ್ಟೇನೂ ಮುಖ್ಯವಲ್ಲ, ಬೇಕಿದ್ದರೆ ಅವುಗಳನ್ನು ತುಂಬಿಸಿ.

ನಂತರ ಕೆಳಗೆ Sample Item Preview ನೋಡಿಕೊಳ್ಳಿ. ಎಲ್ಲಾ ಸರಿಯಿದೆ ಎನಿಸಿದರೆ ಕೊನೆಯಲ್ಲಿ Activate ಬಟನ್ ಇರುತ್ತದೆ, ಅದನ್ನು ಒತ್ತಿ.

ಅಲ್ಲಿಗೆ ಎಲ್ಲಾ ಕೆಲಸಗಳು ಮುಗಿದಂತೆ. ಮುಂದಿನ ಸಲ ನೀವು ನಿಮ್ಮ ಬ್ಲಾಗ್‌ನಲ್ಲಿ ಹೊಸ ಬರಹ ಸೇರಿಸಿದಾಗ ಅದರ ಶೀರ್ಷಿಕೆ ಮತ್ತು ಆ ಬರಹಕ್ಕೆ ಲಿಂಕ್ ಟ್ವೀಟಾಗುತ್ತದೆ. ಇದರ ಜೊತೆಗೆ ನೀವು ಫೇಸ್‌‌ಬುಕ್‌ನಲ್ಲಿ ಟ್ವಿಟರ್‍ ಅಪ್ಲಿಕೇಷನ್ ಸೇರಿಸಿದ್ದರೆ ಅಲ್ಲಿಯೂ ಆ ಟ್ವೀಟ್ ನಿಮ್ಮ ಸ್ನೇಹಿತರಿಗೆ ಕಾಣಿಸುತ್ತದೆ. ಆಗ ಅವರು ನಿಮ್ಮ ಬ್ಲಾಗಿಗೆ ಭೇಟಿ ನೀಡಬಹುದು.(ಒಂದೇ ಕಲ್ಲಿಗೆ ಎರಡು ಹಕ್ಕಿ ಹೊಡೆಯುವುದು ಜಾಣತನ ಅಲ್ಲವೇ?) ನಿಮ್ಮಲ್ಲಿ ಟ್ವಿಟರ್‍ ಅಕೌಂಟ್ ಇಲ್ಲದಿದ್ದರೆ ಇನ್ನೂ ಏಕೆ ಕಾಯುತ್ತಿದ್ದೀರ? ಈಗಲೇ ಒಂದು ಅಕೌಂಟ್ ಹೊಂದಿ ಮತ್ತು ನಿಮ್ಮ ಬ್ಲಾಗಿಗೆ ಓದುಗರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳಿ.

ಈ ವಿಧಾನ ಬೇಡ ಎನ್ನುವುದಾದರೆ ನಿಮ್ಮ ಬ್ಲಾಗ್ ಪೋಸ್ಟ್‌‌ನ ಕೆಳಗೆ ಟ್ವೀಟ್ ಬಟನ್ ಇರುತ್ತದೆ. ಅದನ್ನು ಒತ್ತಿ ಟ್ವೀಟಿಸಬಹುದು.

© ಪ್ರಸನ್ನ ಶಂಕರಪುರ

ಟೆಕ್-ಕನ್ನಡದಲ್ಲಿ ಬದಲಾವಣೆಗಳನ್ನು ಗಮನಿಸಿದ್ದೀರಾ?

2010-10-05T08:41:00.000+05:30

ಟೆಕ್-ಕನ್ನಡದಲ್ಲಿ ಒಂದಿಷ್ಟು ಬದಲಾವಣೆಗಳನ್ನು ಮಾಡಿದ್ದೇನೆ ಗಮನಿಸಿದ್ದೀರಾ? Email subscription ಬಂದಿದೆ, ಇಲ್ಲಿ ನಿಮ್ಮ ಇ-ಮೇಲ್ ವಿಳಾಸ ಕೊಟ್ಟರೆ ಹೊಸ ಲೇಖನಗಳು ಪ್ರಕಟವಾದಾಗ ನಿಮಗೆ ಅದು ಇ-ಮೇಲ್ ಮೂಲಕ ತಲುಪುತ್ತದೆ. ಬೇರೆ ಟೆಕ್ ತಾಣಗಳಲ್ಲಿ ಹೊಸ ಲೇಖನಗಳು ಪ್ರಕಟವಾದಾಗ ಇಲ್ಲಿ ಅದಕ್ಕೊಂದು ಲಿಂಕ್ ಸೃಷ್ಟಿಯಾಗಿತ್ತದೆ(Shared items). ಇದರಿಂದ ಬೇರೆ ಬೇರೆ ತಾಣಗಳ ಲೇಖನಗಳನ್ನು ಒಟ್ಟಿಗೆ ಓದಲು ಸಹಾಯವಾಗುತ್ತದೆ. ಲಿಂಕ್‌‌ಗಳು ಕೆಂಪು ಬಣ್ಣದಲ್ಲಿದ್ದು ಗುರುತಿಸಲು ಹೆಚ್ಚು ಸುಲಭವಾಗುತ್ತದೆ. ಎಲ್ಲಕ್ಕೂ ಹೆಚ್ಚಾಗಿ ಹೊಸ ಡಿಸೈನ್ ಓದುಗ ಸ್ನೇಹಿಯಾಗಿದೆ, ಪುಟಗಳು ಬೇಗ ಲೋಡ್ ಆಗುತ್ತದೆ. ಈಗ ಇಂಟರ್ನೆಟ್ ಎಕ್ಸ್‌ಪ್ಲೋರರ್‍ ಸೇರಿದಂತೆ ಬಹುತೇಕ ಎಲ್ಲಾ ಬ್ರೌಸರ್‌ಗಳಲ್ಲಿ ಟೆಕ್-ಕನ್ನಡ ಸರಿಯಾಗಿ ಕಾಣುತ್ತದೆ. ನಿಮ್ಮ ಬ್ರೌಸರ್‌ನಲ್ಲಿ ಟೆಕ್-ಕನ್ನಡ ತಾಣ ನೋಡಲು ಏನಾದರೂ ತೊಂದರೆಯಾಗುತ್ತಿದ್ದರೆ ನಮಗೊಂದು ಇ-ಮೇಲ್ ಕಳುಹಿಸಿ ಅಥವಾ ಪ್ರತಿಕ್ರಿಯೆಯಲ್ಲಿ ಬರೆಯಿರಿ. ಹಾಗೂ ಟೆಕ್-ಕನ್ನಡವನ್ನು ಇನ್ನಷ್ಟು ಉತ್ತಮಪಡಿಸಲು ನಿಮ್ಮಲ್ಲಿ ಸಲಹೆಗಳಿದ್ದರೆ, ಅಥವಾ ಸಹಾಯ ಬೇಕಿದ್ದರೆ ಇ-ಮೇಲ್ ಕಳುಹಿಸಿ ಅಥವಾ ಕಾಮೆಂಟ್ ಬರೆಯಿರಿ.

ಧನ್ಯವಾದಗಳೊಂದಿಗೆ,
-ಟೆಕ್-ಕನ್ನಡ ನಿರ್ವಾಹಕ

ವರ್ಡ್‌ನಲ್ಲಿ ಯೂನಿಕೋಡ್ ಮತ್ತು ಚೌಕಚೌಕ ಅಕ್ಷರಗಳು

2010-09-29T15:47:00.000+05:30

ವರ್ಡ್‌ನಲ್ಲಿ ಯೂನಿಕೋಡ್‌ನಲ್ಲಿ ಟೈಪಿಸುವಾಗ ಅಕ್ಷರಗಳೆಲ್ಲಾ ಚೌಕಚೌಕವಾಗಿ ಬರುತ್ತಿದೆಯೇ? ಒಂದು ಸಣ್ಣ ಬದಲಾವಣೆ ಮಾಡಿಕೊಂಡರೆ ಅದನ್ನು ಸರಿಪಡಿಸಿಕೊಳ್ಳಬಹುದು.

ಮೊದಲು ವರ್ಡ್‌ನಲ್ಲಿ ಒಂದೆರಡು ಅಕ್ಷರಗಳನ್ನು ಟೈಪಿಸಿ.

ಅದನ್ನು ಸೆಲೆಕ್ಟ್ ಮಾಡಿಕೊಂಡು Formatting ಬಾರ್‌ನಲ್ಲಿ (Style) Clear Formatting ಕೊಡಿ.

ಈಗ ನೋಡಿ ಅಕ್ಷರಗಳು ಸರಿಯಾಗಿ ಕಾಣಿಸುತ್ತದೆ. ಮುಂದೆ ಟೈಪಿಸಿದರೆ ಬಾಕ್ಸ್ ಬಾಕ್ಸ್ ಬರುವುದಿಲ್ಲ, ಸರಿಯಾಗಿ ಬರುತ್ತದೆ.

-ಪ್ರಸನ್ನ.ಎಸ್.ಪಿ

ವಿಂಡೋಸ್ ಮತ್ತು ಯೂಸರ್‍ ಅಕೌಂಟ್

2010-09-27T10:09:00.000+05:30

ವಿಂಡೋಸ್ (ಎಕ್ಸ್‌ಪಿ) ಬಳಕೆದಾರರು ಅಡ್ಮಿನಿಸ್ಟ್ರೇಟರ್‍ ಹೆಸರಿನ (Administrator) ಯೂಸರ್‍ ಅಕೌಂಟ್‌ ಉಪಯೊಗಿಸುತ್ತಿದ್ದಾಗ, ಕಂಟ್ರೋಲ್ ಪ್ಯಾನಲ್‌ನ User accounts ಮೂಲಕ ಹೊಸ ಅಕೌಂಟ್ ಸೃಷ್ಠಿ ಮಾಡಿದರೆ, ಮುಂದಿನ ಬಾರಿ ವಿಂಡೋಸ್ ಪ್ರಾರಂಭವಾಗುವಾಗ ವೆಲ್‌ಕಮ್ ಸ್ಕ್ರೀನ್‌ನಲ್ಲಿ ಅಡ್ಮಿನಿಸ್ಟ್ರೇಟರ್‍ ಹೆಸರಿನ ಯೂಸರ್‍ ಅಕೌಂಟ್‌ ತೋರಿಸುವುದಿಲ್ಲ. ಬದಲಾಗಿ ನೀವು ಹೊಸದಾಗಿ ಸೃಷ್ಠಿಸಿದ ಯೂಸರ್‍ ಅಕೌಂಟನ್ನು ತೋರಿಸುತ್ತದೆ ಹಾಗೂ ಅದಕ್ಕೆ ಪಾಸ್‌ವರ್ಡ್ ನೀಡಿರದಿದ್ದರೆ ತಾನಾಗಿಯೇ ಲಾಗಿನ್ ಆಗುತ್ತದೆ. ನೀವು ಮತ್ತೆ ಅಡ್ಮಿನಿಸ್ಟ್ರೇಟರ್‍ ಅಕೌಂಟಿಗೆ ಲಾಗಿನ್ ಆಗಬೇಕಾದರೆ ಕಂಟ್ರೋಲ್ ಪ್ಯಾನಲ್‌ನಲ್ಲಿ ಒಂದಿಷ್ಟು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ. ಆದರೆ ಅಡ್ಮಿನಿಸ್ಟ್ರೇಟರ್‍ ಅಕೌಂಟ್ ಜೊತೆಗೇ ಇನ್ನೊಂದು ಅಕೌಂಟ್ ಸೃಷ್ಠಿಸಲು ಒಂದು ದಾರಿಯಿದೆ.

ಮೊದಲು ಮೈ ಕಂಪ್ಯೂಟರ್‍ ಮೇಲೆ ರೈಟ್ ಕ್ಲಿಕ್ ಮಾಡಿ, ನಂತರ Manage ಆರಿಸಿ.

Computer Managementನ ಕೆಳಗೆ Local Users and Groups ಎಂದಿರುತ್ತದೆ. ಅದನ್ನು ಕ್ಲಿಕ್ ಮಾಡಿ, ನಂತರ ಬಲಬದಿಯಲ್ಲಿ Users ಫೋಲ್ಡರಿನ ಮೇಲೆ ಡಬಲ್ ಕ್ಲಿಕ್ ಮಾಡಿ.

ಆಮೇಲೆ ಬಲಬದಿಯಲ್ಲಿ ರೈಟ್ ಕ್ಲಿಕ್ ಮಾಡಿ, New User... ಆರಿಸಿ.

User name: ಇಲ್ಲಿ ಹೊಸ ಯೂಸರ್‍ ನೇಮ್ ಕೊಡಿ. ಉಳಿದ ವಿವರಗಳು ಹಾಗೂ ಪಾಸ್‌ವರ್ಡ್ ಬೇಕಿದ್ದರೆ ಕೊಟ್ಟು, User must change password at next logon ಸೆಲೆಕ್ಟ್ ಆಗಿದ್ದರೆ ಅದನ್ನು ತೆಗೆದುಹಾಕಿ create ಒತ್ತಿ.

ನಂತರ ಮತ್ತೆ ಅದೇ ವಿಂಡೋ ಬರುತ್ತದೆ. ಆಗ Close ಒತ್ತಿ.

ಈಗ Log Off ಮಾಡಿದರೆ Administratorನ ಜೊತೆ ಹೊಸದಾಗಿ ಸೃಷ್ಠಿಸಿದ ಅಕೌಂಟ್ ಕೂಡಾ ದರ್ಶಿತವಾಗುತ್ತಿರುವುದನ್ನು ನೋಡಬಹುದು.

ಆದರೆ ಈ ವಿಧಾನದ ಒಂದು ಕೊರತೆ ಎಂದರೆ ಹಾಗೆ ಸೃಷ್ಠಿಸಿದ ಅಕೌಂಟ್ "ಕಂಪ್ಯೂಟರ್‍ ಅಡ್ಮಿನಿಸ್ಟ್ರೇಟರ್‍" ಅಕೌಂಟ್ ಆಗಿರುವುದಿಲ್ಲ, ಬದಲಾಗಿ ಲಿಮಿಟೆಡ್ ಅಕೌಂಟ್ ಆಗಿರುತ್ತದೆ.

ಈಗ ವೆಲ್‌ಕಮ್ ಸ್ಕ್ರೀನ್‌ನಲ್ಲಿ Administrator ಅಕೌಂಟ್ ತೋರಿಸುತ್ತಿಲ್ಲವಾದ್ದಲ್ಲಿ, Administrator ಅಕೌಂಟಿಗೆ ಲಾಗಿನ್ ಆಗುವುದು ಹೇಗೆಂದು ನೋಡೋಣ.

ಮೊದಲು ಕಂಟ್ರೋಲ್ ಪ್ಯಾನಲ್‌ಗೆ ಹೋಗಿ(Start-->Control Panel). User Accounts ಓಪನ್ ಮಾಡಿ. Change the way users log on or off ಮೇಲೆ ಕ್ಲಿಕ್ ಮಾಡಿ.

ಅಲ್ಲಿ Use the Welcome screen ಎನ್ನುವುದು ಸೆಲೆಕ್ಟ್ ಆಗಿದ್ದರೆ ಅದನ್ನು ತೆಗೆದುಹಾಕಿ Apply Options ಒತ್ತಿ.

ಮುಂದಿನ ಬಾರಿ ವಿಂಡೋಸ್ ಪ್ರಾರಂಭವಾದಾಗ ವೆಲ್‌ಕಮ್ ಸ್ಕ್ರೀನ್ ಬದಲಿಗೆ ಕೆಳಗೆ ತೋರಿಸಿರುವ ವಿಂಡೋ ಬರುತ್ತದೆ. ಅಲ್ಲಿ ಯೂಸರ್‍ ನೇಮ್ Administrator ಎಂದು ಟೈಪಿಸಿ, ಪಾಸ್‌ವರ್ಡ್‌ ಇದ್ದರೆ ಕೊಟ್ಟು OK ಒತ್ತಿರಿ. ಅಷ್ಟೇ! ಈಗ ನೀವು ಅಡ್ಮಿನಿಸ್ಟ್ರೇಟರ್‍ ಅಕೌಂಟಿಗೆ ಲಾಗಿನ್ ಆಗಿರುತ್ತೀರ. :-)

-ಪ್ರಸನ್ನ.ಎಸ್.ಪಿ

ಟೆಸ್ಟ್‌ಡಿಸ್ಕ್ ಎಂಬ ಆಪತ್ಬಾಂಧವ

2010-09-22T18:45:00.000+05:30

ಏನೋ ಪ್ರಯೋಗ ಮಾಡೋಕೆ ಹೋಗಿ ನಿಮ್ಮ ಹಾರ್ಡ್‌ಡಿಸ್ಕ್‌‌ನ ಯಾವುದಾದರೂ ಅಮೂಲ್ಯ ಪಾರ್ಟಿಷನ್‌ ಅಳಿಸಿ ಹೋಗಿದೆಯೇ/ಮಾಯವಾಗಿದೆಯೇ? ಚಿಂತಿಸಬೇಡಿ, ಆ ಪಾರ್ಟಿಷನ್‌ ಮರಳಿ ಪಡೆಯಲು ಒಂದು ಸುಲಭದ ವಿಧಾನವಿದೆ. ಅದೇ ಟೆಸ್ಟ್‌ಡಿಸ್ಕ್ ಎಂಬ ಸಲಕರಣೆ. ಮೊದಲು ಟೆಸ್ಟ್‌ಡಿಸ್ಕ್‌‌ನ್ನು ನಿಮ್ಮ ಆಪರೇಟಿಂಗ್ ಸಿಸ್ಟಮ್‌ಗೆ ಅನುಗುಣವಾಗಿ ಇಲ್ಲಿಂದ ಇಳಿಸಿಕೊಳ್ಳಿ http://www.cgsecurity.org/wiki/TestDisk_Download

ಈಗ ಉಪಯೋಗಿಸುವುದು ಹೇಗೆ ನೋಡೋಣ.
(ಇಲ್ಲಿರುವ ಚಿತ್ರಗಳು ಗಾತ್ರದಲ್ಲಿ ಚಿಕ್ಕದಾಗಿದೆ. ಅದನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ.)

ನನ್ನ ಕಂಪ್ಯೂಟರ್‌ನಲ್ಲಿ Prasanna ಎಂಬ ಪಾರ್ಟಿಷನ್ ಇದೆ.

ಈಗ ಅದನ್ನು ಅಳಿಸಿಹಾಕುತ್ತೇನೆ. ನೋಡಿ Unallocated space ಎಂದು ತೋರಿಸುತ್ತಿದೆ.

ಈಗ ಟೆಸ್ಟ್‌ಡಿಸ್ಕ್ ರನ್ ಮಾಡಿ. Log file ಬೇಕಿದ್ದರೆ Create ಒತ್ತಿರಿ.

ನಂತರ ನಿಮ್ಮ ಹಾರ್ಡ್‌ಡಿಸ್ಕ್‌ನ್ನು ಸೆಲೆಕ್ಟ್ ಮಾಡಿ Proceed ಒತ್ತಿ.

ನಂತರ ನಿಮ್ಮ ಪಾರ್ಟಿಷನ್ ಟೇಬಲ್ ಟೈಪ್ ಯಾವುದು ಎಂದು ನೋಡಿಕೊಂಡು ಎಂಟರ್‍ ಒತ್ತಿರಿ. (ಸಾಮಾನ್ಯವಾಗಿ Intel ಆಗಿರುತ್ತದೆ.)

ಮುಂದೆ Analyse ಒತ್ತಿ.

ನಂತರ ಈಗಿರುವ ಪಾರ್ಟಿಷನ್‌ ವಿನ್ಯಾಸ ತೋರಿಸುತ್ತದೆ. ಕೆಳಗೆ Quick Searchನ್ನು ಆರಿಸಿ ಎಂಟರ್‍ ಒತ್ತಿ.

ಮುಂದಿನ ವಿಂಡೋನಲ್ಲಿ N ಗುಂಡಿ ಒತ್ತಿ.

ಈಗ ಟೆಸ್ಟ್‌ಡಿಸ್ಕ್ ನಿಮ್ಮ ಎಲ್ಲಾ ಪಾರ್ಟಿಷನ್‌ಗಳನ್ನು ತೋರಿಸುತ್ತದೆ. ಅಲ್ಲಿ Primary bootable(ಸಿ ಡ್ರೈವ್) ಎಕ್ಸ್‌ಟೆಂಡೆಡ್ ಹಾಗೂ Logical ಡ್ರೈವ್‌ಗಳನ್ನು ಸರಿಯಾಗಿ ಗುರುತಿಸಿ ಎಂಟರ್‍ ಒತ್ತಿ.

ಈಗ ಎಲ್ಲಾ ಸರಿಯಿದೆಯೇ ಎಂದು ನೋಡಿಕೊಳ್ಳಲು ಕೊನೆಯ ಅವಕಾಶ. ಪರ್ಟಿಷನ್‌ಗಳೆಲ್ಲಾ ಸರಿಯಾಗಿ ತೋರಿಸುತ್ತಿದೆ ಎಂದು ಅನಿಸಿದರೆ ಕೆಳಗೆ Write ಸೆಲೆಕ್ಟ್ ಮಾಡಿ ಎಂಟರ್‍ ಒತ್ತಿ.

Write partition table, confirm? ಎಂದು ಕೇಳುತ್ತದೆ. ಆಗ Y ಒತ್ತಿರಿ.

You will have to reboot for the change to take effect ಎಂದು ಬರುತ್ತದೆ. Ok ಒತ್ತಿ.

ನಂತರ Quit ಒತ್ತಿ.

ಮತ್ತೊಮ್ಮೆ Quit ಒತ್ತಿ, ಆಮೇಲೆ ಸಿಸ್ಟಮ್ reboot ಮಾಡಿ.

ಈಗ ನಿಮ್ಮ ಪಾರ್ಟಿಷನ್‌‌ಗಳೆಲ್ಲಾ ರಿಕವರ್‍ ಆಗಿರುತ್ತದೆ.(ನಾನು ಅಳಿಸಿ ಹಾಕಿದ್ದ ಪಾರ್ಟಿಷನ್ ಮರಳಿ ಬಂದಿದೆ ನೋಡಿ.)

ನಾನು ತಿಳಿಸಿರುವ ಸೆಟ್ಟಿಂಗ್‌ಗಳು ವಿಂಡೋಸ್ ಎಕ್ಸ್‌ಪಿಗೆ ಸಂಬಂಧಿಸಿದಂತೆ ಇದೆ. ಬೇರೆ ಆಪರೇಟಿಂಗ್‌ ಸಿಸ್ಟಮ್‌ಗಳಾದರೆ ಅಲ್ಪ ಸ್ವಲ್ಪ ಬದಲಾವಣೆಗಳಿರುತ್ತದೆ. ಇನ್ನು ಎಲ್ಲಾ ಪಾರ್ಟಿಷನ್‌ಗಳೂ ಮಾಯವಾಗಿ ವಿಂಡೋಸ್‌‌ ಕೂಡ ಬೂಟ್ ಆಗದಿದ್ದರೆ ಲಿನಕ್ಸ್ ಲೈವ್ ಸಿಡಿ ಬಳಸಿ ಪಾರ್ಟಿಷನ್ ರಿಕವರ್‍ ಮಾಡಬಹುದು. ಅದರ ಬಗ್ಗೆ ಓಂಶಿವಪ್ರಕಾಶ್ ಈ ಹಿಂದೆಯೇ ಒಂದು ಲೇಖನ ಬರೆದಿದ್ದಾರೆ, ಅದನ್ನು ಇಲ್ಲಿ ಓದಬಹುದು : http://sampada.net/blog/omshivaprakash/20/10/2008/12811

-ಪ್ರಸನ್ನ.ಎಸ್.ಪಿ
ಅಂತಃಸ್ಫುರಣ

ಫೀಡ್ ಬರ್ನರ್‍ ಮತ್ತು Email Subscription

2010-09-21T21:52:00.000+05:30

ನಿಮ್ಮ ಬ್ಲಾಗ್ ಓದುಗರಿಗೆ ಪ್ರತೀ ಬಾರಿ ನಿಮ್ಮ ಬ್ಲಾಗಿಗೆ ಬಂದು ಹೊಸ ಬರಹಗಳನ್ನು ಓದುವುದಕ್ಕೆ ತೊಂದರೆಯಾಗುತ್ತಿರಬಹುದು. ಅದಕ್ಕಾಗಿ ನೀವು ಅವರಿಗೆ ನಿಮ್ಮ ಹೊಸ ಬರಹಗಳನ್ನು ಇ-ಮೇಲ್ ಮೂಲಕ ತಲುಪಿಸಬಹುದು. ಅದಕ್ಕಾಗಿ ಒಂದಿಷ್ಟು ಸಿದ್ಧತೆಗಳನ್ನು ಮಾಡಿಕೊಳ್ಳಬೇಕು. ಅದನ್ನೀಗ ವಿವರವಾಗಿ ನೋಡೋಣ.

(ಇಲ್ಲಿರುವ ಚಿತ್ರಗಳು ಚಿಕ್ಕದಾಗಿದೆ. ಅವುಗಳನ್ನು ಸ್ಪಷ್ಟವಾಗಿ ನೋಡಲು ಹಾಗೂ ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಮೊದಲಿಗೆ http://feedburner.google.com ತಾಣಕ್ಕೆ ಹೋಗಿ. ಅಲ್ಲಿ ನಿಮ್ಮ ಗೂಗಲ್ ಅಕೌಂಟ್ ಮೂಲಕ ಲಾಗಿನ್ ಆಗಿ.

Type your blog or feed address here: ಎಂದಿರುವಲ್ಲಿ ನಿಮ್ಮ ಬ್ಲಾಗ್ ವಿಳಾಸ ಅಥವಾ ಫೀಡ್ ವಿಳಾಸ ಕೊಡಿ. Next ಬಟನ್ ಒತ್ತಿರಿ.

Identify Feed Source ಕೇಳಿದಾಗ ಫೀಡ್ ಸೋರ್ಸ್ ಆರಿಸಿ (Atom ಅಥವಾ RSS feeds). Next ಬಟನ್ ಒತ್ತಿ.

ಫೀಡ್ ಟೈಟಲ್ ಹಾಗೂ ಫೀಡ್ ಅಡ್ರೆಸ್ ನೀಡಿ. (ಏನೂ ನೀಡದಿದ್ದರೂ ಪರವಾಗಿಲ್ಲ, ಮುಂಚೆಯೇ ಆ ಫೀಲ್ಡ್‌‌ಗಳು ತುಂಬಲ್ಪಟ್ಟಿರುತ್ತದೆ. ಬೇಕಿದ್ದರೆ ಬದಲಾಯಿಸಿಕೊಳ್ಳಬಹುದು.) ನಂತರ Next ಬಟನ್ ಒತ್ತಿ.

ಮುಂದಿನ ವಿಂಡೋನಲ್ಲಿ Skip directly to feed management ಒತ್ತಿ. ಅಥವಾ ನಿಮಗೆ ಇನ್ನಷ್ಟು ಸೌಲಭ್ಯಗಳು ಬೇಕಿದ್ದರೆ Next ಒತ್ತಿ. ಆದರೆ ಆ ಸೌಲಭ್ಯಗಳನ್ನು ನಂತರವೂ ಪಡೆಯಬಹುದು.

ಮುಂದಿನ ವಿಂಡೋನಲ್ಲಿ ಮೇಲೆ ಕಾಣುವ Publicize ಟ್ಯಾಬ್‌ನ್ನು ಒತ್ತಿ. (ಸಹಾಯ ಬೇಕಿದ್ದರೆ Blogger ಹಾಗೂ TypePad ಕೆಳಗೆ ಲಿಂಕ್‌ಗಳು ಇರುತ್ತದೆ. ಅದನ್ನು ಬಳಸಬಹುದು.)

Publicize ಟ್ಯಾಬ್‌ನ ಎಡಬದಿಯಲ್ಲಿ Email Subscriptions ಎಂಬ ಲಿಂಕ್ ಇರುತ್ತದೆ. ಅದನ್ನು ಒತ್ತಿ.

ನಂತರ Email Subscriptionsನಲ್ಲಿ "Activate" ಬಟನ್ ಒತ್ತಿ.

ಮುಂದೆ ಬರುವ Subscription Management ವಿಂಡೋನಲ್ಲಿ "Subscription Form Code" ಇರುತ್ತದೆ. ಅದನ್ನು ಕಾಪಿ ಮಾಡಿಕೊಂಡು ನಿಮ್ಮ ಬ್ಲಾಗ್ ಅಥವಾ ಇತರ ತಾಣದಲ್ಲಿ HTML code support ಮಾಡುವ widgetನಲ್ಲಿ ಪೇಸ್ಟ್ ಮಾಡಿ ಉಪಯೋಗಿಸಬಹುದು. ಅಥವಾ ನೀವು TypePad/Blogger ಉಪಯೋಗಿಸುತ್ತಿದ್ದಲ್ಲಿ ಅದನ್ನು ಆರಿಸಿಕೊಂಡು Go ಬಟನ್ ಒತ್ತಿ.

ನಂತರ ಬ್ಲಾಗ್‌ನ್ನು ಸೆಲೆಕ್ಟ್ ಮಾಡಿ, ಅದಕ್ಕೊಂದು ಹೆಸರು ಕೊಡಿ. ಸಾಮಾನ್ಯವಾಗಿ ಟೈಟಲ್ "Subscribe via email" ಎಂದಿರುತ್ತದೆ. ಅದಾದ ನಂತರ ADD WIDGET ಬಟನ್ ಒತ್ತಿ.

ಅಲ್ಲಿಗೆ Email Subscription Form ಸೇರಿಸಿಯಾಯಿತು. ಅದನ್ನು ನಿಮ್ಮ ಬ್ಲಾಗ್ ಡಿಸೈನ್‌ನಲ್ಲಿ ಎಲ್ಲಿ ಬೇಕೋ ಅಲ್ಲಿ ಇಟ್ಟು ಸೇವ್ ಮಾಡಿಕೊಳ್ಳಿ.

ಈಗ ನಿಮ್ಮ ಬ್ಲಾಗ್ ನೋಡಿದರೆ ಅಲ್ಲಿ Email Subscription Form ಕಾಣಿಸುತ್ತದೆ.

ನಂತರ ಮತ್ತೆ ಫೀಡ್ ಬರ್ನರ್‌ಗೆ ಬನ್ನಿ. Delivery Options ಕ್ಲಿಕ್ ಮಾಡಿ. Select Timezoneನಲ್ಲಿ ನಿಮ್ಮ Timezone ಆರಿಸಿ. Schedule Email Delivery: ಎಂಬಲ್ಲಿ ಚಂದಾದಾರರಿಗೆ ಇ-ಮೇಲ್‌ನ್ನು ಯಾವ ಸಮಯದಲ್ಲಿ ಕಳುಹಿಸಬೇಕು (ನೀವು ನಿಮ್ಮ ಬ್ಲಾಗ್‌ನಲ್ಲಿ ಹೊಸ ಬರಹ ಸೇರಿಸಿದಾಗ ಅದು ಚಂದಾದಾರರಿಗೆ ಆ ದಿನದ ಯಾವ ಸಮಯದಲ್ಲಿ ತಲುಪಬೇಕು) ಎಂದು ಸೆಲೆಕ್ಟ್ ಮಾಡಿ Save ಒತ್ತಿ.

ಸಧ್ಯಕ್ಕೆ ಇಷ್ಟು ಸಾಕು ಮುಂದಿನ ಭಾಗದಲ್ಲಿ ಫೀಡ್ ಬರ್ನರ್‌‌ನ ಇನ್ನಷ್ಟು ಸೌಲಭ್ಯಗಳನ್ನು ಪರಿಚಯಿಸುವೆ. ಇದರ ಬಗ್ಗೆ ನಿಮ್ಮ ಅಭಿಪ್ರಾಯ ತಿಳಿಸಿ ಹಾಗೂ ಏನಾದರೂ ಸಂದೇಹಗಳಿದ್ದರೆ ಕೇಳಿ, ಬಗೆಹರಿಸುವ ಪ್ರಯತ್ನ ಮಾಡುವೆ.

-ಪ್ರಸನ್ನ.ಎಸ್.ಪಿ
ಅಂತಃಸ್ಫುರಣ

"ಐ-ಸುಧಾ" - ಒಂದು ಐ-ಫೋನ್ ಅಪ್ಲಿಕೇಶನ್

2010-08-19T08:26:00.000+05:30

ಗೆಳೆಯರೆ,

ಸುಧಾ ಮ್ಯಾಗಝೀನ್ ನಿಮಗೆಲ್ಲ ತಿಳಿದಿರಬಹುದು. ಈ ನನ್ನ ನೆಚ್ಚಿನ ಸುಧಾ ಮ್ಯಾಗಝೀನಿಗೋಸ್ಕರ ಐ-ಸುಧಾ ಎನ್ನುವಂತಹ ಒಂದು ಐ-ಫೋನ್ ಅಪ್ಲಿಕೇಶನ್ ಅನ್ನು ಬರೆದಿದ್ದೇನೆ. ಇಂದಿನಿಂದ ಅದು, Apple App Store ನಿಂದ ಲಭ್ಯವಾಗಲಿದೆ.

ಇದರ ಪ್ರಯೋಜನಗಳು ಇಂತಿವೆ

೧. ಯಾವುದೇ ತಾಂತ್ರಿಕ ಅಡಚಣೆಗಳೂ ನಿಮ್ಮನ್ನು ಕಾಡವು.

೨. ಪ್ರಸ್ತುತ ವಾರದಿಂದ ಹಿಡಿದು ಹಿಂದಿನ ಮೂರು ವರ್ಷಗಳ ತನಕದ ಸುಧಾವನ್ನು ಯಾವುದೇ ಅಡೆತಡೆಗಳಿಲ್ಲದೆ ಸುಲಭವಾಗಿ ಓದಬಹುದು.

೩. ಪುಟಗಳ ನಾವಿಗೇಶನ್ ಅನ್ನು ಸುಲಭವಾಗಿ, ಸ್ಕ್ರಬಿಂಗ್ ಮೂಲಕ ಮಾಡಬಹುದು. ಬಲದಿಂದ ಎಡಕ್ಕೆ ಸ್ಕ್ರಬಿಂಗ್ ಮಾಡಿದರೆ ಮುಂದಿನ ಪುಟ ಮತ್ತು ಎಡದಿಂದ ಬಲಕ್ಕೆ ಸ್ಕ್ರಬಿಂಗ್ ಮಾಡಿದರೆ ಹಿಂದಿನ ಪುಟ ಲೋಡ್ ಆಗುವುದು.

೪. ಯಾವುದೇ ಪುಟದ ಅಕ್ಷರಗಳು ಸರಿಯಾಗಿ ಕಾಣದಿದ್ದಲ್ಲಿ, ಎರಡೇ ಎರಡು ಬೆರಳುಗಳ ನೆರವಿನಿಂದ ಅಕ್ಷರಗಳ ಗಾತ್ರವನ್ನು ಹಿಗ್ಗಿಸಬಹುದು, ಹಾಗೆಯೇ ಕುಗ್ಗಿಸಲೂ ಬಹುದು.

೫. ಈ ಅಪ್ಲಿಕೇಶನ್ನಿನ ಬಹುಮುಖ್ಯ ಉಪಯೋಗವೆಂದರೆ, ಇಂಟರ್ನೆಟ್ ಇಲ್ಲದಿರುವ ಕಡೆಯೂ ಇದರ ಬಳಕೆ. ನೀವು ಒಮ್ಮೆ ಒಂದು ಪುಟವನ್ನು ಓದಿದೆವೆಂದರೆ, ಆ ಪುಟ ಐ-ಪೋನಿನಲ್ಲಿ ಸೇವ್ ಆಗಿರುತ್ತದೆ. ಹಾಗಾಗಿ, ನೀವು ಬಸ್ಸಿನಲ್ಲಿಯೋ, ಆಟೋದಲ್ಲಿಯೂ, ಅಥವಾ ಟ್ರೈನಿನಲ್ಲಿಯೋ ಹೋಗುವಾಗ, ಈಗ ಸುಧಾ ಇದ್ದಿದ್ದರೆ ಚೆನ್ನಾಗಿರುತ್ತಿತ್ತು ಎಂದು ಕೊರಗಬೇಕಿಲ್ಲ. ನಿಮ್ಮ ಫೋನಿನಲ್ಲಿ ನಿಮ್ಮ ನೆಚ್ಚಿನ ಮ್ಯಾಗಝೀನ್ ಅನ್ನು ಯಾವಾಗಲೂ ಓದಬಹುದು.

ಕೆಲವು ಸ್ಕ್ರೀನ್-ಶಾಟ್ಸ್

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ನಿಮಗೆ ಈ ಅಪ್ಲಿಕೇಶನ್ ಇಷ್ಟವಾಯಿತೇ ? ಏನಾದರೂ ಸಲಹೆಗಳಿದ್ದರೆ ತಿಳಿಸಿ, ಇನ್ನೂ ಉತ್ತಮಪಡಿಸುವತ್ತು ಪ್ರಯತ್ನಿಸಬಹುದು.

ನನ್ನಿ.

ಇದರ ಮೂಲ ಲೇಖಕರು: ಸುನಿಲ್ ಜಯಪ್ರಕಾಶ್ ಹಾಗೂ ಈ ಅಪ್ಲಿಕೇಶನ್ನನ್ನು ಬರೆದವರೂ ಅವರೇ. ಸಂಪದದಲ್ಲಿ ಈ ಲೇಖನಕ್ಕಾಗಿ ಇಲ್ಲಿ ಕ್ಲಿಕ್ಕಿಸಿ, ಸಂಪದದಲ್ಲಿ ಈ ಅಪ್ಲಿಕೇಶನ್ನಿನ ಡೆಮೋ ನೋಡಬಹುದು.

ಉಬುಂಟು dual boot

2010-08-10T15:36:00.000+05:30

ವಿಂಡೋಸ್ ಹಾಗೂ ಉಬುಂಟು dual bootನಲ್ಲಿ, ಮೊದಲು ವಿಂಡೋಸ್ ಇನ್ಸ್‌ಟಾಲ್ ಮಾಡಿ ನಂತರ ಉಬುಂಟು ಇನ್ಸ್‌ಟಾಲ್ ಮಾಡಿದ್ದರೆ, ಉಬುಂಟು default ಆಪರೇಟಿಂಗ್ ಸಿಸ್ಟಮ್ ಆಗಿರುತ್ತದೆ. ಹಾಗಾಗಿ ಪ್ರತಿ ಸಲ ಕಂಪ್ಯೂಟರ್‍ ಆನ್ ಮಾಡಿದಾಗ default OS ಆದ ಉಬುಂಟು ಬೂಟ್ ಆಗುತ್ತದೆ. ನಿಮಗೆ ವಿಂಡೋಸ್ ಬೂಟ್ ಆಗಬೇಕೆಂದರೆ, ಉಬುಂಟು ಬೂಟ್ ಆಗುವ ಮೊದಲೇ ವಿಂಡೋಸ್‌‌ನ್ನು ಆಯ್ಕೆ ಮಾಡಬೇಕಾಗುತ್ತದೆ. ಪ್ರತೀ ಸಲ ವಿಂಡೋಸ್‌‌‌ನ್ನು ಸೆಲೆಕ್ಟ್ ಮಾಡುವ ಬದಲು ವಿಂಡೋಸ್‌‌ನ್ನು default OS ಆಗಿ ಸೆಲೆಕ್ಟ್ ಮಾಡಲು menu.lst ಫೈಲ್‌‌ನ್ನು ಎಡಿಟ್ ಮಾಡಬಹುದು. ಆದರೆ ಅದರಲ್ಲಿ ಸ್ವಲ್ಪ ಎಡವಟ್ಟಾದರೂ ಆಮೇಲೆ ಯಾವ ಆಪರೇಟಿಂಗ್ ಸಿಸ್ಟಮ್ ಕೂಡಾ ಬೂಟ್ ಆಗುವುದಿಲ್ಲ. ಹಾಗಾಗಿ ವಿಂಡೋಸ್‌‌ನ್ನು default OS ಆಗಿ ಆರಿಸಲು ಒಂದು ಸರಳ ಹಾಗೂ ಸುರಕ್ಷಿತ ವಿಧಾನವಿದೆ.

ನಿಮ್ಮ ಉಬುಂಟು ಸಿಸ್ಟಮ್‌ನ್ನು ಇಂಟರ್‌‌ನೆಟ್‌‌ಗೆ ಕನೆಕ್ಟ್ ಮಾಡಿ. ನಂತರ ಟರ್ಮಿನಲ್ ಓಪನ್ ಮಾಡಿ ಈ ಕೆಳಗಿನ ಕಮ್ಯಾಂಡನ್ನು ರನ್ ಮಾಡಿ :

$ sudo apt-get install startupmanager

startup manager ಇನ್ಸ್‌ಟಾಲ್ ಆದ ನಂತರ, ಆ ತಂತ್ರಾಂಶವನ್ನು ಉಪಯೋಗಿಸಿ ವಿಂಡೋಸ್‌ನ್ನು default OS ಆಗಿ ಆರಿಸಬಹುದು.

(ಶೀಘ್ರದಲ್ಲೇ ಇದಕ್ಕೆ ಸಂಬಂಧಿಸಿದ ಸ್ಕ್ರೀನ್‌‌ಶಾಟ್‌ಗಳನ್ನು ಹಾಕುವ ಪ್ರಯತ್ನ ಮಾಡುವೆ)

-ಪ್ರಸನ್ನ.ಎಸ್.ಪಿ

ಕಿರುದಾರಿಗಳಿವೆ ಗಮನಿಸಿ!

2010-08-07T18:53:00.017+05:30

ಅ.ರಾ. ಮಿತ್ರರು ತಮ್ಮ ಪ್ರಬಂಧದವೊಂದರಲ್ಲಿ ಕಿರುದಾರಿಗಳ ಬಗ್ಗೆ ಎಚ್ಚರಿಸಿದ್ದಾರೆ (ಕಿರುದಾರಿಗಳಿವೆ ಎಚ್ಚರಿಕೆ). ಆದರೆ ಈಗ ಗಣಕಯಂತ್ರದಲ್ಲಿ ವೇಗವಾಗಿ ಸಾಗಲು ಕಿರುದಾರಿಗಳು ಬೇಕೇ ಬೇಕು.
ಉದಾಹರಣೆಗೆ ವಿಂಡೋಸ್‌ನಲ್ಲಿ ಬರಹ IMEಯನ್ನು ಓಡಿಸ (run/execute) ಬೇಕಾಗಿದೆ. ಅದಕ್ಕೆ ಸಾಧಾರಣವಾಗಿ ಕಡಿಮೆಯಂದರೂ ಮೌಸ್‌ನಿಂದ ೪ ಚಿಟುಕು (click) ಬೇಕು. ಇದಕ್ಕೆ shortcut ಮಾಡಿದರೆ ಕೆಲಸ ಸುಲಭ.

shortcutನ್ನು ಮಾಡುವದಕ್ಕೆ ತುಂಬಾ ವಿಧಾನಗಳಿವೆ. ಅದರಲ್ಲಿ ಇಲ್ಲಿ ಎರಡು ವಿಧಾನಗಳನ್ನು ಕೊಟ್ಟಿದೆ.

ಮೊದಲನೆಯ ವಿಧಾನ:
೧. ಮೆನುವಿನಲ್ಲಿ ನಿಮಗೆ ಬೇಕಾದ application ಮೇಲೆ right click ಮಾಡಿ. ಲಿಸ್ಟ್ ಬರುತ್ತೆ.
ಉದಾ: Start -> All Programs -> BarahaIME 1.0 -> BarahaIME 1.0

೨. ಅದರಲ್ಲಿ “Pin to Start menu”ನ್ನು ಚಿಟುಕಿಸಿ.

೩. Start ಗುಂಡಿಯನ್ನು ಚಿಟುಕಿಸಿ. Recent Programs ಮೇಲುಗಡೆ application ಹೆಸರು ಬಂದಿರುತ್ತೆ.

ಎರಡನೇ ವಿಧಾನ:
೧. ಮೊದಲಿನಂತೆ ಮೆನುವಿನಲ್ಲಿ ನಿಮಗೆ ಬೇಕಾದ application ಮೇಲೆ right click ಮಾಡಿ. ಲಿಸ್ಟ್ ಬರುತ್ತೆ.
ಉದಾ: Start -> All Programs -> BarahaIME 1.0 -> BarahaIME 1.0

೨. ಅದರಲ್ಲಿ Propertiesನ್ನು ಚಿಟುಕಿಸಿ

೩. Properties ಕಿಟಕಿ ಬರುತ್ತೆ.

೪. ಅದರಲ್ಲಿ Shortcut Key: ಎದುರಿನ ಡಬ್ಬಿ(box)ಯನ್ನು ಚಿಟುಕಿಸಿ.

೫. ಈಗ ನಿಮಗೆ ಬೇಕಾದ ಅಕ್ಷರ (key) ಒತ್ತಿ. ಆ ಅಕ್ಷರ CTRL+ALT ಜೊತೆ ಕಾಣಿಸುತ್ತೆ.
ನಾನು B ಒತ್ತಿದಾಗ, ಚಿತ್ರದಲ್ಲಿ ತೋರಿಸಿರುವಂತೆ “CTRL + ALT + B” ಬಂತು.

೬. OK ಒತ್ತಿ.

ಇನ್ನು ಮೇಲೆ ನಿಮಗೆ application ಓಡಿಸಬೇಕಾದರೆ ಈ shortcut key (ಉದಾ: CTRL+ALT+B) ಒತ್ತಿದರೆ ಸಾಕು, application ತಟ್ಟಂತ ಪ್ರತ್ಯಕ್ಷ!

ಕೊ: ನಿಮಗೆ ಬೇರೆ ಸೇರಿಕೆ(combination) , ಉದಾ: CTRL+SHIFT shortcut ಬೇಕಾದರೆ, ಆ ಸೇರಿಕೆ ಒತ್ತಬೇಕು.
ಹಾಗೆ Function keyಗಳನ್ನೂ ಬಳಸಬಹುದು.

ಕೊಕೊ: ಬೇರೆ applicationನ ಸೇರಿಕೆ, ನೀವು ಕೊಟ್ಟ ಸೇರಿಕೆ ಜೊತೆ ಸಂದಿಗ್ಧತೆ ಇರದಂತೆ ಎಚ್ಚರವಹಿಸಿ.

ಭಾರತೀಯರಿಗಾಗಿ ಭಾರತೀಯ ಬ್ರೌಸರ್

2010-08-04T15:40:00.001+05:30

"ಭಾರತೀಯರಿಗಾಗಿ ಭಾರತೀಯ ಬ್ರೌಸರ್‍" ಎಂಬ ಸ್ಲೋಗನ್‌‌ನೊಂದಿಗೆ ಬಂದಿದೆ ಎಪಿಕ್ ಬ್ರೌಸರ್‍. ಮೊಝಿಲ್ಲ ಫೈರ್‌‌ಫಾಕ್ಸ್‌‌ನ ಪ್ಲಾಟ್‌‌ಫಾರ್ಮ್‌‌ನಲ್ಲಿಯೇ ನಿರ್ಮಿತವಾಗಿದ್ದರೂ ಫೈರ್‌‌‌ಫಾಕ್ಸ್‌ಗಿಂತ ಸಾಕಷ್ಟು ಭಿನ್ನವಾಗಿದೆ. Anti-virus ಹೊಂದಿರುವುದು ಇದರ ವಿಶೇಷ. 1500ಕ್ಕೂ ಹೆಚ್ಚು ಥೀಮ್ ಹಾಗೂ ವಾಲ್‌ಪೇಪರ್‌‌ಗಳನ್ನು ಆರಿಸಿಕೊಳ್ಳುವ ಅವಕಾಶವಿದೆ. ಇದರಲ್ಲಿ ಸಾಕಷ್ಟು ಉಪಯುಕ್ತ ಸೌಲಭ್ಯಗಳಿವೆ. ಸೈಡ್‌‌ಬಾರ್‍ ಅಪ್ಲಿಕೇಷನ್‌‌ಗಳನ್ನು ಹೊಂದಿದ ಮೊದಲ ಬ್ರೌಸರ್‍ ಇದು. ಯಾವುದೇ ತಂತ್ರಾಂಶದ ಸಹಾಯವಿಲ್ಲದೆ ಈ ಬ್ರೌಸರ್‌‌ನ ಮೂಲಕ ಎಲ್ಲಾ ಭಾರತೀಯ ಭಾಷೆಗಳಲ್ಲಿ ಬರೆಯಬಹುದು. ನಿಮ್ಮ ಕಂಪ್ಯೂಟರ್‌‌ನ್ನು ಈ ಬ್ರೌಸರ್‌‌ ಮೂಲಕವೇ ಜಾಲಾಡಬಹುದು. to do list, alerts, stopwatch ಮುಂತಾದ ಸಲಕರಣೆಗಳಿವೆ. ಟ್ವಿಟರ್‍, ಫೇಸ್‌‌ಬುಕ್, ಆರ್ಕುಟ್, ಮುಂತಾದ 1500ಕ್ಕು ಹೆಚ್ಚು ಅಪ್ಲಿಕೇಷನ್‌ಗಳಿವೆ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಎಪಿಕ್ ಬ್ರೌಸರ್‌‌‌‌ನ್ನು ಇಲ್ಲಿಂದ ಇಳಿಸಿಕೊಳ್ಳಬಹುದು(ಫೈಲ್ ಸುಮಾರು 10.6 ಎಂಬಿ ಇರುತ್ತದೆ). ಹೆಚ್ಚಿನ ಮಾಹಿತಿ ಇಲ್ಲಿ ದೊರೆಯುತ್ತದೆ.

-ಪ್ರಸನ್ನ.ಎಸ್.ಪಿ

ಟೆಕ್-ಕನ್ನಡಕ್ಕೆ ನಿಮ್ಮ ಸಲಹೆ ಸೂಚನೆಗಳನ್ನು ತಿಳಿಸಿ

2010-08-02T10:56:00.002+05:30

ಟೆಕ್-ಕನ್ನಡಕ್ಕೆ ಸಲಹೆ ಸೂಚನೆಗಳು ಹಾಗೂ ಟೆಕ್-ಕನ್ನಡವನ್ನು ಯಾವ ರೀತಿ ಉತ್ತಮಪಡಿಸಬೇಕು ಎಂಬ ನಿಮ್ಮ ಅಭಿಪ್ರಾಯವನ್ನು ಪ್ರತಿಕ್ರಿಯೆಗಳ ಮೂಲಕ ತಿಳಿಸಿ. ಅಥವಾ techkannada(at)gmail(dot)com ಗೆ ಒಂದು ಇ-ಅಂಚೆ ಕಳುಹಿಸಿ. ನಾವು ಅದನ್ನು ಪರಿಶೀಲಿಸುತ್ತೇವೆ.

ಧನ್ಯವಾದಗಳೊಂದಿಗೆ,
ಟೆಕ್-ಕನ್ನಡ ಬಳಗ

MP3 ಕಡತಗಳನ್ನು ಜೋಡಿಸುವುದು ಹೇಗೆ?

2010-08-01T10:57:00.000+05:30

MP3 ಕಡತಗಳನ್ನು ತುಂಡರಿಸುವುದು ಹೇಗೆ ಅಂತ ಮಿಶ್ರಿಕೋಟಿಯವರ ಬರಹ ನೋಡಿದರೂ, ಉಬುಂಟುವನ್ನು ೧೦.೦೪ಗೆ ಅಪ್‌ಡೇಟ್ ಮಾಡಿದ ಮೇಲೆಯೇ ಪ್ರಯೋಗ ಮಾಡೋಣ ಎಂದುಕೊಂಡಿದ್ದೆ. ಮೊನ್ನೆ ಅದಕ್ಕೂ ಸಮಯ ಕೂಡಿ ಬಂತು.

ನಿಜಕ್ಕೂ Mp3splt-gtk audio splitter ತುಂಬ ಸರಳವಾದ ತಂತ್ರಾಂಶ. ಅದರಿಂದ ಒಂದೆರಡು ಹಾಡುಗಳನ್ನು ತುಂಡರಿಸಿದ್ದಾಯ್ತು. ಈಗ ನಮಗೆ ಬೇಕಾದ ಭಾಗಗಳನ್ನಷ್ಟೆ ಕೂಡಿಸಲು ಬರುತ್ತದೆಯೆ ಎನ್ನುವ ಯೋಚನೆ ಬಂತು.

ಉದಾಹರಣೆಗೆ ಒಂದು ಹಾಡಿನ ಸಾಹಿತ್ಯ ಮತ್ತು ಮತ್ತು ಸಂಗೀತ ಬೇರೆ ಬೇರೆಯಾಗಿ ತುಂಡರಿಸುತ್ತೇನೆ. ಹಾಡಿನಲ್ಲಿಯ ಸಂಗೀತ ಬಿಟ್ಟು, ಬರಿ ಸಾಹಿತ್ಯದ ಭಾಗವನ್ನಷ್ಟೆ(ಅಥವಾ vice-versa) ಜೋಡಿಸಬೇಕಾದರೆ?

ಅದಕ್ಕೂ ಉಬುಂಟುನಲ್ಲಿ ಏನಾದರೂ ತಂತ್ರಾಂಶವಿದೆಯೇ ಎಂದು ಗೂಗಲಿಸಿದೆ. ಗೂಗಲ್ ತೋರಿಸಿದ ಫಲಿತಾಂಶದಲ್ಲಿ, ಕೆಲವು ಉಚಿತ ಮತ್ತು ಕೆಲವು ಖರೀದಿಸಬೇಕಾದ ತಂತ್ರಾಶಗಳು ಇದ್ದವು. ಆದರೆ ಒಂದು ಅಚ್ಚರಿಯ ಫಲಿತಾಂಶ ಇತ್ತು.

ಯುನಿಕ್ಸ್/ಲಿನುಕ್ಸ್‌ನಲ್ಲಿ cat ಅಂತ ಒಂದು command ಇದೆ. ಇದರಿಂದ ನಿಮ್ಮ ಕಡತವನ್ನು ನೋಡಬಹುದು (dosನ type commandನಂತೆ). ಅಲ್ಲದೇ ಬೇರೆ ಬೇರೆ ಕಡತಗಳನ್ನು ಜೋಡಿಸಲೂ ಬಹುದು.

ಈಗ a.mp3 ಮತ್ತು b.mp3 ಅಂತ ಎರಡು ಕಡತಗಳಿವೆ. ಅವೆರಡನ್ನೂ ಜೋಡಿಸಬೇಕಾದರೆ,
cat a.mp3 b.mp3 > z.mp3
ಅಷ್ಟೆ! ಗಮನಿಸಿ, DOS ನಲ್ಲಿ ಇದೇ ತರದ command (copy) ಇದ್ದರೂ, ಅದರಿಂದ ಬರೀ text ಕಡತಗಳನ್ನಷ್ಟೇ ಜೋಡಿಸಬಹುದು.

ಆಯ್ತು, ಈಗ ಮೂರು ಕಡತಗಳನ್ನು ಜೋಡಿಸಬೇಕಾದರೆ?
cat a.mp3 b.mp3 c.mp3 > z.mp3

ಇನ್ನೂ ಜಾಸ್ತಿ ಕಡತಗಳಿಗೆ? ಇನ್ನೂ ಸುಲಭ. ಎಲ್ಲ ಕಡತಗಳನ್ನು ಒಂದು folderಗೆ ವರ್ಗಾಯಿಸಿ. ಕೆಳಗಿನ command ಓಡಿಸಿ.
cat *.mp3 final.mp3

folderನಲ್ಲಿದ್ದ ಎಲ್ಲ ಕಡತಗಳು ಸೇರಿ, final.mp3 ಎಂಬ ಒಂದೇ ಕಡತವಾಗಿರುತ್ತದೆ.

(ಈ ಲೇಖನವನ್ನು ಬರೆದವರು ಸ್ನೇಹಿತರಾದ ಶ್ರೀನಿವಾಸ ವೀ. ಬ೦ಗೋಡಿ ಅವರು. ಅವರ ಅನುಮತಿಯ ಮೇರೆಗೆ ಈ ಲೇಖನವನ್ನು ಟೆಕ್-ಕನ್ನಡದಲ್ಲಿ ಪ್ರಕಟಿಸಲಾಗಿದೆ. ಪ್ರಸ್ತುತ ಲೇಖನವು ಸಂಪದದಲ್ಲಿ ಪ್ರಕಟವಾಗಿದೆ.)

ಜಿಮೇಲ್‌ನಿಂದ SMS ಪಡೆಯುವದು

2010-08-01T10:55:00.002+05:30

ಹಾಟ್‌ಮೇಲ್ ಅಥವಾ ಲೈವ್‌‌ಮೇಲ್ ಉಪಯೋಗಿಸುತ್ತಿದ್ದಲ್ಲಿ ನೀವು ನಿಮಗೆ ಬರುವ ಮೇಲ್‌ಗಳನ್ನು ನಿಮ್ಮ ಮೊಬೈಲ್‌ನ ಮುಖಾಂತರ ಹೇಗೆ ನೋಡಬಹುದು ಎಂದು ಪ್ರಸನ್ನ ಅವರು ಇಲ್ಲಿ ವಿವರಿಸಿದ್ದಾರೆ. ಈ ಸೌಲಭ್ಯ ಜಿಮೇಲ್‌ನಲ್ಲಿ ಇಲ್ಲ. ಆದರೆ ಇದನ್ನು ಎರಡು ರೀತಿಯಿಂದ ಮಾಡಬಹುದು. ಇದಕ್ಕೆ ನಿಮಗೆ ಹಾಟ್‌ಮೇಲ್ ಮತ್ತು ಜಿಮೇಲ್‌ನ ಎರಡೂ ಅಕೌಂಟ್ ಇರಬೇಕು.

ಮೊದಲನೇ ರೀತಿ: ಜಿಮೇಲ್‌ನ Forwarding ಆಯ್ಕೆಯಿಂದ ಇದನ್ನು ಪಡಿಬಹುದು

೧. ಮೊದಲು ಪ್ರಸನ್ನ ಅವರು ಇಲ್ಲಿ ವಿವರಿಸಿದ ಹಾಗೆ ಮಾಡಿ. ಆಮೇಲೆ ನಿಮ್ಮ ಜಿಮೇಲ್‌ನ ಅಕೌಂಟ್‌ಗೆ ಲಾಗಿನ್ ಆಗಿ.

೨. ಕೆಳಗಿನ ಚಿತ್ರದಲ್ಲಿ ತೋರಿಸಿರುವ ಹಾಗೆ, Settingsಗೆ ಹೋಗಿ, Forwarding and POP/IMAPನ್ನು ಚಿಟುಕಿಸಿ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

೩. ಬಂದ dialog boxನಲ್ಲಿ ನಿಮ್ಮ ಹಾಟ್‌ಮೇಲ್‌ನ ವಿಳಾಸ ಕೊಡಿ.

೪. Next ಚಿಟುಕಿಸಿ, confirmation ಕಿಡಕಿ ಬರುತ್ತದೆ.

೫. OK ಚಿಟುಕಿಸಿ, ಹಾಟ್‌ಮೇಲ್‌ಗೆ ಹೋಗಿ. ಜಿಮೇಲ್‌ನಿಂದ ಮೇಲ್ ಬಂದಿರುತ್ತದೆ. ಅದರಲ್ಲಿಯ confirmation code ಕಾಪಿ ಮಾಡಿ, ಮತ್ತೆ ಜಿಮೇಲ್‌ಗೆ ಬನ್ನಿ. ಕೆಳಗೆ ಕಾಣಿಸುವ ಕಿಡಕಿಯಲ್ಲಿ codeನ್ನು ಸೇರಿಸಿ Verify ಗುಂಡಿ ಒತ್ತಿ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

೬. ಈಗ Forward a copy of incoming mail to ಗುಂಡಿ ಆಯ್ಕೆ ಮಾಡಿ, ಅದರ ಮುಂದಿರೋ drop-down boxನಲ್ಲಿ ನಿಮ್ಮ ಹಾಟ್‌ಮೇಲ್ ವಿಳಾಸ ಆಯ್ದುಕೊಳ್ಳಿ.

(ಚಿತ್ರವನ್ನು ಹಿರಿದಾಗಿಸಲು ಅದರ ಮೇಲೆ ಕ್ಲಿಕ್ಕಿಸಿ)

ಇನ್ನು ಮುಂದೆ ನಿಮ್ಮ ಜಿಮೇಲ್‌ಗೆ ಬಂದ ಪ್ರತಿಯೊಂದು ಅಂಚೆಯನ್ನು ಜಿಮೇಲ್, ಹಾಟ್‌ಮೇಲ್‌ಗೆ ಕಳುಹಿಸುತ್ತದೆ (ಜಿಮೇಲ್‌ನಲ್ಲೂ ಒಂದು copy ಇರುತ್ತದೆ). ಹಾಟ್‌ಮೇಲ್‌ನಿಂದ ನಿಮಗೆ SMS ಬರುತ್ತದೆ.

ಎರಡನೇ ರೀತಿ: ಹಾಟ್‌ಮೇಲ್‌ಗೆ ಜಿಮೇಲ್‌ನ ಖಾತೆ ಸೇರಿಸುವದರಿಂದ.

ಹಾಟ್‌ಮೇಲ್‌ಗೆ ಜಿಮೇಲ್‌ನ ಖಾತೆ ಹೇಗೆ ಸೇರಿಸಬೇಕು ಎಂದು ಪ್ರಸನ್ನ ಅವರು ಇಲ್ಲಿ ಹೇಳಿದ್ದಾರೆ.

ಇದರಿಂದ ನಿಮ್ಮ ಜಿಮೇಲ್‌ಗೆ ಬಂದ ಪ್ರತಿಯೊಂದು ಅಂಚೆ ಹಾಟ್‌ಮೇಲ್‌ಗೆ ಬರುತ್ತದೆ ಮತ್ತು ಹಾಟ್‌ಮೇಲ್‌ನಿಂದ ನಿಮಗೆ SMS ಬರುತ್ತದೆ.

ನೆನಪಿಡಿ, ಎರಡನೆಯ ರೀತಿಗಿಂತ ಮೊದಲನೆಯ ರೀತಿ ಸುರಕ್ಷಿತ.

(ಈ ಲೇಖನವನ್ನು ಬರೆದವರು ಸ್ನೇಹಿತರಾದ ಶ್ರೀನಿವಾಸ ವೀ. ಬ೦ಗೋಡಿ ಅವರು. ಅವರ ಅನುಮತಿಯ ಮೇರೆಗೆ ಈ ಲೇಖನವನ್ನು ಟೆಕ್-ಕನ್ನಡದಲ್ಲಿ ಪ್ರಕಟಿಸಲಾಗಿದೆ. ಪ್ರಸ್ತುತ ಲೇಖನವು ಸಂಪದದಲ್ಲಿ ಪ್ರಕಟವಾಗಿದೆ.)

ಬ್ಲಾಗ್‌ಗಳನ್ನು ಫಾಲೋ ಮಾಡುವ ವಿಧಾನ

2010-07-30T15:30:00.000+05:30

ನಿಮಗೆ ಇಷ್ಟವಾದ ಬ್ಲಾಗ್‌ಗಳನ್ನು ಫಾಲೋ ಮಾಡಬೇಕೆ? ಹಾಗಾದರೆ ಈ ರೀತಿ ಮಾಡಿ. ಮೊದಲು ನಿಮ್ಮ ಬ್ಲಾಗರ್‍ ಅಕೌಂಟಿಗೆ ಲಾಗಿನ್ ಆಗಿ. ಡ್ಯಾಷ್‌‌ಬೋರ್ಡ್‌ನಲ್ಲಿ ಕೆಳಗಡೆ Reading List ಎಂದು ಇರುತ್ತದೆ. ಅಲ್ಲಿ Blogs I'm Following ಎಂಬ ಆಯ್ಕೆಯ ಕೆಳಗೆ ADD ಎಂಬ ಬಟನ್ ಇರುತ್ತದೆ. ಅದನ್ನು ಕ್ಲಿಕ್ಕಿಸಿ.

ನಂತರ Add from URL ಎಂಬಲ್ಲಿ ನೀವು ಫಾಲೋ ಮಾಡಬೇಕಾದ ತಾಣದ ವಿಳಾಸ ನೀಡಿ, NEXT ಬಟನ್ ಒತ್ತಿರಿ.

ಅಲ್ಲಿ Follow publicly as (ನಿಮ್ಮ ಹೆಸರು) ಅಥವಾ Follow anonymously ಎಂಬ ಎರಡು ಆಯ್ಕೆ ಇರುತ್ತದೆ. ಅನಾಮಿಕರಾಗಿ ಫಾಲೋ ಮಾಡಬೇಕಿದ್ದರೆ Follow anonymously ಎಂಬುದನ್ನು ಆರಿಸಿ. ಇಲ್ಲದಿದ್ದರೆ Follow publicly as ನ್ನು ಆರಿಸಿ Follow ಒತ್ತಿರಿ.

ನಂತರ ನಿಮ್ಮ ಡ್ಯಾಷ್‌‌ಬೋರ್ಡ್‌ನಲ್ಲಿ ಆ ಬ್ಲಾಗ್‌ನ ಹೊಸ ಪೋಸ್ಟ್‌ಗಳ ಒಂದೆರಡು ಸಾಲು ಕಂಡುಬರುತ್ತದೆ. ಪೂರ್ತಿ ಲೇಖನ ಓದಬೇಕೆಂದರೆ ಆ ಲೇಖನದ ಶೀರ್ಷಿಕೆಯ ಮೇಲೆ ಕ್ಲಿಕ್ ಮಾಡಿ ಓದಬಹುದು.

ಅಥವಾ ಇನ್ನೊಂದು ವಿಧಾನದಲ್ಲಿ ಬ್ಲಾಗ್‌‌ಗಳನ್ನು ಫಾಲೋ ಮಾಡಬಹುದು. ನೀವು ಫಾಲೋ ಮಾಡಬೇಕಾದ ಬ್ಲಾಗ್‌ಗೆ ಭೇಟಿ ಕೊಡಿ. ಅಲ್ಲಿ ಕಂಡುಬರುವ Follow ಬಟನ್ ಒತ್ತಿರಿ.

ನಂತರ ಅಲ್ಲಿ ಗೂಗಲ್ ಅಥವಾ ನಿಮ್ಮ ಇತರ ಅಕೌಂಟ್ ಇರುವ ಚಿತ್ರದ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಯೂಸರ್‍ ನೇಮ್ ಹಾಗೂ ಪಾಸ್‌‌ವರ್ಡ್ ನೀಡಿ ಲಾಗಿನ್ ಆಗಿ.

ನಂತರ Follow publicly as (ನಿಮ್ಮ ಹೆಸರು) ಅಥವಾ Follow anonymously ಎಂಬ ಆಯ್ಕೆಯಲ್ಲಿ ಒಂದನ್ನು ಆರಿಸಿ Follow ಬಟನ್ ಕ್ಲಿಕ್ ಮಾಡಿ.

-ಪ್ರಸನ್ನ.ಎಸ್.ಪಿ

ಟೆಕ್‌-ಕನ್ನಡ ತಾಣದ ಬಗ್ಗೆ ಮಾಹಿತಿ

2010-07-25T18:20:00.020+05:30

ಕನ್ನಡ ಭಾಷೆಯಲ್ಲಿ ಜನರಿಗೆ ಸರಳವಾಗಿ ತಂತ್ರಜ್ಞಾನದ ಬಗ್ಗೆ ಮಾಹಿತಿ ನೀಡಲು ಹಾಗೂ ಲೇಖನಗಳನ್ನು ಬರೆಯಲು ಟೆಕ್-ಕನ್ನಡ (http://techkannada.blogspot.com) ಎಂಬ ತಾಣವನ್ನು ಪ್ರಾರಂಭಿಸಿದ್ದೇವೆ. ಇದರಲ್ಲಿ ವಿಜ್ಞಾನ-ತಂತ್ರಜ್ಞಾನದ ಬಗೆಗಿನ ಲೇಖನಗಳನ್ನು ಪ್ರಕಟಿಸುವ ಉದ್ದೇಶವಿದೆ. ಹಾಗೂ ಅಂತರ್ಜಾಲದಲ್ಲಿ ತಂತ್ರಜ್ಞಾನದ ಬಗ್ಗೆ ಕನ್ನಡದಲ್ಲಿ ಮಾಹಿತಿ ನೀಡುವ ತಾಣಗಳ ಲಿಂಕ್‌ನ್ನು ಟೆಕ್-ಕನ್ನಡದಲ್ಲಿ ನೀಡಲಾಗುವುದು. ನೀವೂ ಕೂಡ ಈ ತಾಣದಲ್ಲಿ ಲೇಖನಗಳನ್ನು ಬರೆಯಬಹುದು. ಅದಕ್ಕಾಗಿ techkannada(at)gmail(dot)com ಗೆ ಒಂದು ಇ-ಅಂಚೆ ಕಳುಹಿಸಿಕೊಡಿ. ನಂತರ ನಿಮ್ಮನ್ನು ಲೇಖಕರನ್ನಾಗಿ ಸೇರಿಸಿಕೊಳ್ಳಲಾಗುವುದು. (ನೂರು ಜನರಿಗೆ authorಗಳಾಗುವ ಅವಕಾಶವಿದೆ. ಎಲ್ಲರಿಗೂ ಅವಕಾಶ ನೀಡುವ ಉದ್ದೇಶದಿಂದ ಹೆಚ್ಚು ಕ್ರಿಯಾಶೀಲರಾಗಿರುವವರನ್ನು ಉಳಿಸಿಕೊಳ್ಳಲಾಗುವುದು. ಹೆಚ್ಚಿನ ಮಾಹಿತಿಗೆ techkannada[at]gmail[dot]com ಸಂಪರ್ಕಿಸಿ.) ಅಥವಾ ನೀವು ಅನುಮತಿ ನೀಡಿದರೆ ನಿಮ್ಮ ಲೇಖನಗಳನ್ನು ನಿಮ್ಮ ಹೆಸರಿನ ಜೊತೆ ಟೆಕ್-ಕನ್ನಡದಲ್ಲಿ ಪ್ರಕಟಿಸಲಾಗುವುದು. (ಲೇಖಕರಿಗಾಗಿ ಸೂಚನೆಗಳನ್ನು ಇಲ್ಲಿ ಓದಬಹುದು). ಹಾಗೂ ಈ ತಾಣವನ್ನು ನಿರ್ವಹಿಸುವಲ್ಲಿ ಆಸಕ್ತಿ ಹೊಂದಿದ್ದರೆ ಅಂತಹವರನ್ನು Adminಗಳಾಗಿ ಸೇರಿಸಲಾಗುವುದು. ನೀವು Adminಗಳಾಗಲು ಬಯಸಿದಲ್ಲಿ ಅದನ್ನು ನಿಮ್ಮ ಇ-ಅಂಚೆಯಲ್ಲಿ ಸ್ಪಷ್ಟವಾಗಿ ತಿಳಿಸಬೇಕು. ಹಾಗೂ ಟೆಕ್-ಕನ್ನಡೇತರ Adminಗಳು ಕೆಲವೊಂದು ನಿಯಮಗಳನ್ನು ಪಾಲಿಸಬೇಕು. ನಿಯಮಗಳನ್ನು ಇಲ್ಲಿ ಓದಿಕೊಳ್ಳಬೇಕು.

ಇದರ ಮೊದಲ ಪ್ರಯತ್ನವಾಗಿ ಸದಸ್ಯರೊಬ್ಬರು ಸಂಪದದಲ್ಲಿ ಪ್ರಕಟಿಸಿರುವ ತಂತ್ರಜ್ಞಾನ ಸಂಬಂಧಿ ಲೇಖನಗಳನ್ನು ಅವರ ಅನುಮತಿಯೊಂದಿಗೆ ಟೆಕ್-ಕನ್ನಡದಲ್ಲಿ ಹಾಕಲಾಗಿದೆ ಹಾಗೂ ಕೆಲವು ಕನ್ನಡ ತಾಣಗಳಿಗೆ ಲಿಂಕ್ ನೀಡಲಾಗಿದೆ. ಇದರ ಯಶಸ್ಸಿಗೆ ನಿಮ್ಮೆಲ್ಲರ ಸಹಕಾರ ಅತಿ ಮುಖ್ಯ. ನೀವೂ ಈ ಪ್ರಯತ್ನದಲ್ಲಿ ಭಾಗವಹಿಸಿ ಹಾಗೂ ನಿಮ್ಮ ಸ್ನೇಹಿತರನ್ನೂ ಟೆಕ್-ಕನ್ನಡಕ್ಕೆ ಕರೆತನ್ನಿ. ಕನ್ನಡದಲ್ಲಿ ತಂತ್ರಜ್ಞಾನದ ಬಗ್ಗೆ ಮಾಹಿತಿ ನೀಡುವ ಇತರ ತಾಣಗಳು ನಿಮಗೆ ಗೊತ್ತಿದ್ದರೆ ಅದರ ವಿಳಾಸ (URL) ತಿಳಿಸಿ. ಆ ತಾಣಕ್ಕೆ ಟೆಕ್-ಕನ್ನಡದಲ್ಲಿ ಒಂದು ಲಿಂಕ್ ಕೊಡಲಾಗುವುದು.

ಟೆಕ್-ಕನ್ನಡಕ್ಕೆ ನಿಮ್ಮಿಂದ ಈ ಸಹಾಯಗಳು ದೊರೆಯಬಹುದೇ:

ಈ ತಾಣಕ್ಕೆ ನಿರ್ವಾಹಕರಾಗಿ
ಈ ತಾಣಕ್ಕೆ ಲೇಖಕರಾಗಿ
ಈ ತಾಣವನ್ನು ನಿಮ್ಮ ಸ್ನೇಹಿತರಿಗೆ ತಿಳಿಸಿ
ಕನ್ನಡದ ಇತರ ತಾಣಗಳ ವಿಳಾಸ ತಿಳಿಸಿ
ಈ ತಾಣವನ್ನು Follow ಮಾಡಬಹುದು

ಟೆಕ್‌-ಕನ್ನಡದ ಇನ್ನೊಂದು ವಿಳಾಸ: http://techkannada.co.nr

ಟೆಕ್-ಕನ್ನಡ ಇತರ ತಾಣಗಳಲ್ಲಿ:
ಸಂಪದದಲ್ಲಿ ಟೆಕ್-ಕನ್ನಡ ಪ್ರೊಫೈಲ್
ಟ್ವಿಟರ್‌ನಲ್ಲಿ
ಫೇಸ್‌‌ಬುಕ್‌‌ನಲ್ಲಿ
ಆರ್ಕುಟ್‌‌ನಲ್ಲಿ

ಧನ್ಯವಾದಗಳೊಂದಿಗೆ,
-ಟೆಕ್-ಕನ್ನಡ ಬಳಗ.

ವರ್ಡ್‌ನಲ್ಲಿ ತಮಾಷೆಯಾದ ಫೀಚರ್‍

2010-07-24T21:02:00.000+05:30

ಮೈಕ್ರೋಸಾಫ್ಟ್ ವರ್ಡ್ ಹಾಗೂ ಓಪನ್ ಆಫೀಸ್ ರೈಟರ್‌‌ನಲ್ಲಿ ಸುಲಭವಾಗಿ ಟೇಬಲ್ ಡ್ರಾ ಮಾಡಲು ಒಂದು ತಮಾಷೆಯಾದ ಫೀಚರ್‍ ಇದೆ. ಸುಮ್ಮನೆ +-+-+-+-+-+ ಅಂತ ಕೊಟ್ಟು ಎಂಟರ್‍ ಒತ್ತಿದ್ರೆ ಆಯ್ತು ಟೇಬಲ್ ರೆಡಿ.

ಆಮೇಲೆ ಕೊನೆಯ ಬಾಕ್ಸ್‌ನಲ್ಲಿ ಕರ್ಸರ್‍ ಕ್ಲಿಕ್ ಮಾಡಿ ಟ್ಯಾಬ್ ಒತ್ತುತ್ತಾ ಹೋದ್ರೆ ಎಷ್ಟು ಬೇಕೋ ಅಷ್ಟು rowಗಳು ಬರುತ್ತಾ ಹೋಗುತ್ತದೆ. ಇಲ್ಲಿ ನೀವು ಎಷ್ಟು - ಗಳನ್ನು ಬಳಸುತ್ತೀರೋ ಅಷ್ಟು ಕಾಲಂಗಳನ್ನು ಪಡೆಯಬಹುದು. ಉದಾಹರಣೆಗೆ +--+--+--+ ಎಂದು ಕೊಟ್ಟರೆ ಮೂರು ಕಾಲಂಗಳು ಹಾಗೂ +--+--+--+--+ ಎಂದು ಕೊಟ್ಟರೆ ನಾಲ್ಕು ಕಾಲಂಗಳು ಬರುತ್ತವೆ. ಅಲ್ಲದೇ ಎರಡು + ಗಳ ನಡುವಿನ ಮಧ್ಯದಲ್ಲಿ - ಗಳ ಸಂಖ್ಯೆ ಹೆಚ್ಚಾದಷ್ಟೂ ಕಾಲಂನ ಅಗಲ ಹೆಚ್ಚಾಗುತ್ತದೆ. ಮೊದಲನೆಯ ಕಾಲಂ ಕಡಿಮೆ ಅಗಲ, ಎರಡನೆಯ ಕಾಲಂ ಸ್ವಲ್ಪ ದೊಡ್ಡದು ಹಾಗೂ ಮೂರನೆಯ ಕಾಲಂ ದೊಡ್ಡದಾಗಿ ಬೇಕಿದ್ದರೆ ಹೀಗೆ ಕೊಡಬಹುದು: +--+-----+--------+

-ಪ್ರಸನ್ನ.ಶಂಕರಪುರ

ಮೇಲಿನ ಲೇಖನ ಈ ಮೊದಲೇ ಸಂಪದದಲ್ಲಿ ಪ್ರಕಟಗೊಂಡಿದೆ. ಆ ಲೇಖನ ಹಾಗೂ ಪ್ರತಿಕ್ರಿಯೆಗಳನ್ನು ಇಲ್ಲಿ ಓದಬಹುದು.

http://sampada.net/blog/prasannasp/22/07/2010/26976