Tuir komunidade husi Suku Com, Olegario da Costa katak, animal hanesan karau, bibi, kuda inklui ikan sira ne’ebé komunidade sira haki’ak iha kolam susar tebes ba bee tanba kauza husi mudansa klimátika.

“Bee matan sira boot mos menus, entaun afeita ba animal sira baibain uza bee matan sira ne’e halai hotu mai iha bee matan ida dadaun ami uza ne’e, ami iha bee mata barak, balun uza balun abandona i balun ema la uza, maibé ida ami uza ne’e bee matan ida boot ne’e, mais bee matan ki’ik balun ne’ebé dala barak iha tinan barak nia laran la maran agora mos nia maran”, dehan nia iha Com, segunda (18/11).

Nia define, bee matan ne’ebé maran mak iha área atiku, kamanu i ida iha parte ira masi nian mós maran, no bee matan boot mós menus hotu ona, entaun afeita ba iha animal sira ne’ebé baibain konsumu.

“Ita haree ba hirak ne’e mak sai impaktu no iha duut mós mate hotu, ita haree ba ai-horis balun mós mate haree ba maran liu tanba ita haree rai manas los”, nia dehan

Nune’e kompara ba tinan kotuk tinan ida agora manas liu, tanba iha bee kolam balun mós manas los, entaun ikan sira labele augenta atu moris to’o balun mate, ne’e susar tebes ba komunidade sira atu haki’ak ikan iha tempu ida ne’e.

”Ita kompara ba tina hirak liu ba ne’e, ha’u haree tinan ida ne’e aat liu, tanba haree ba rai manas los, depois bee matan balun menus i balun maran liu barak maran”, nia hatete

Bee matan iha parte Com barak, maibé balun uza no balun la uza, tanba ne’e dadaun bee ne’ebé komunidade sira uza hela mak bee matan ida boot, tanba iha bee matan ki’ik barak mak maran ona.

Situasaun ne’e, Xefe Suku Com, Sergio José Cristovão mós akresenta katak, iha tempu bailoron naruk iha animal barak mak susar ba bee, tanba bee matan balun maran ona iha de’it balun, maibé ne’e presiza halo jestaun di’ak se lae susar.

“Diáriamente bailoron naruk susar, komunidade balun compline, maibé ha’u orienta ona ba xefe aldeia sira par hato’o komunidade sira nia problema mai atu ita rezolve tuir ita nia kapasidade no kbiit”, nia afirma

Nia dehan, ba problema bee mos ne’e, bainhira iha parte suku nian rezolve labele, entaun sei hato’o ba iha parte governu atu bele solusiona.

Suku Com kompostu husi Aldeia 6 mak hanesan, Vailovaia, Muapusso, Lohomato, Etepite, Epelipe no Ira-Ono, ne’ebé iha ninia uma ka’in 883 ho abitante 3.871 kompostu husi mane na’in 1.936 no feto 1.906.

Tuir observasaun www.tempotimor.com iha terrenu nota katak, iha área protejida parke nasionál nino koni santana, munisípiu lutém komunidade barak mak halerik hela bee mos no animal balun mos susar atu hetan bee. (*)

Tuir Vendedóra Paulina Soares katak fatin iha ai-mutin ne’ebé antes ne’e sira fa’an roupa obralan ba ne’e aluga, maibé rendimentu sei di’ak liu fali merkadu manleuna.

 “Ami sai husi fatin ai-mutin, tanba governu haruka tenke kopera ho sira hodi sai husi fatin ne’eba (Ai-mutin), entaun ami mós mai iha fatin ne’e (Merkadu Manleuana), maibé la hanesan ho ami fa’an iha ne’eba, tanba iha ne’e fatin la sufsiente fali ba ami”, dehan nia ba www.tempotimor.com iha merkadu manleuana, kuarta (08/05).

Nia dehan, fatin iha merkadu manleuana la dun estratéjiku, tanba iha liu kotuk entaun susar ba ema atu sosa sira nia sasan.

“Sira iha oin ne’eba mak hetan rendimentu liu no ami hetan de’it mak osan restu tanba ami iha kotuk entaun rendimentu la hanesan ho sira”, nia afirma.

Nune’e, sujere ba governu atu aselera lalais fatin ne’ebé daudaun planu ona atu prepara ba negosiante sira, tanba fatin iha merkadu manleuana la sufisiente. (*)

Diretór Rede Distribuisaun Apoiu Konsumidór, Zil Nunes husu ba komunidade sira atu informa lalais ba parte EDTL, bainhira akontese eletrisidade mate, atu buka resolve lalais.

“Sistema iha Dili mós sei manuál ka operasaun manuál, signifika bainhira akontese problema ruma iha tereñu presiza kolaborasaun entre kliénte ho EDTL, tanba até agora EDTL seidauk iha aparellu ruma ne’ebé propriu para iha problema ruma akontese iha kliénte nia fatin, automatikamente iha-ne’e bele hatene ona, tanba ne’e mak presiza kliénte sira-nia ajuda”, dehan nia ba www.tempotimor.com iha kna’ar fatin Kaikoli, kuarta (08/05).

Tanba liña eletrisidade iha Timor-Leste sistema sei utiliza operasaun manuál la hanesan ho nasaun sira seluk ne’ebé halo instalasaun husi rai okos.

“Liña eletrisidade iha Timor geografikamente ita iha ai barak, sistema ita-nia liña distribuisaun iha Dili la'ós hanesan nasaun sira seluk halo instalasaun iha rai okos hotu”, esplika nia.

Haree ba liña eletrisidade sira iha Dili maioria tuan ona, no presiza halo manutensaun ne’ebé tuir planu sei halo iha tinan 2024 nia laran. (*)

Tuir informasaun ne’ebé www.tempotimor.com, asesu iha portal governu, domingo (28/04/2024) katak, Konsellu Ministrus aprova projetu Rezolusaun Governu kona-ba donativu ho valór dolar amerikanu rihun 150 ba Fundasaun Amílcar Cabral de Cabo-Verde, ne’ebé ho intensaun atu apoia organizasaun ba Komemorasaun Sentenáriu Amílcar Cabral nia moris, ne’ebé sei komemora iha loron 12 fulan-setembru tinan 2024. 

Tanba Amílcar Cabral maka líder revolusionáriu ida hosi Giné-Bissau no Cabo-Verde.  Nia nu’udar Fundadór no lider Partidu Afrikanu ba Independénsia Giné no Cabo-Verde (PAIGC, akrónimu iha lian portugés), ne’ebé dezempeña papél importante ida iha organizasaun rezisténsia armada kontra kolonializmu no defeza unifikasaun povu gineense no kabuverdianu sira hodi hetan liberdade no sosiedade ida ne’ebé igualitária.

Ba selebrasaun ne’e, Fundasaun Amílcar Cabral konvida Timor-Leste atu hola parte iha selebrasaun, ne’ebé ko’alia-liu kona-ba lasu amizade, solidariedade no apoiu mútuu entre povu sira.

Hodi rekoñese importánsia legadu husi Amílcar Cabral, Governu Timor-Leste hakarak fó onra ninia memória no ninia kompromisu ba luta kontra kolonializmu, ba liberdade no autodeterminasaun povu nian.

Ho donativu ida-ne’e reflete kompromisu konstitusionál Timor-Leste nian ho prinsípiu independénsia nasionál no direitu povu sira-nian ba autodeterminasaun no independénsia, no ho kooperasaun entre povu sira. (*)

Tuir informasaun ne’ebé www.tempotimor.com, asesu iha portal governu, domingo (28/04/2024) katak, aprovasaun projetu Proposta Lei ba autorizasaun lejizlativa kona-ba fiksasaun limite idade relasiona ho serbisu funsionáriu públiku no ajente administrativu sira nian, ne’ebé aprezenta husi Ministru Prezidénsia Konsellu Ministrus ein ezersísiu, Adérito Hugo da Costa.

Governu nia objetivu ba projetu Proposta Lei ida-ne’e atu Parlamentu Nasionál autoriza hodi fiksa limite idade ne’ebé fó kauza ba sesasaun relasiona ho serbisu iha Administrasaun Públika.

Objetivu hosi projetu Proposta Lei ida-ne’e atu estabelese mekanizmu nesesáriu sira ne’ebé fó-dalan atu promove profisionál joven sira iha Administrasaun Públika nasionál, hodi nune’e bele lori kompeténsia foun ba iha funsionalizmu públiku.

Nune’e mós renovasaun ba kuadru iha Administrasaun Públika ne’e nu’udar medida esensiál ida atu asegura melloria servisu sira ne’ebé presta ba populasaun. (*)

"Antes ne'e ita kontrola di’ak tiha ona, maibé ita timor ne'e hakarak kontrola lorloron, sira haree ita nia prezensa iha terenu la iha ne'e, sira komesa viola fali no halo movimentu livre hodi halo engrafamentu makaas iha Dili laran", dehan nia iha kaikoli, tersa (19/12).

Bazeia ba despaixu konjunta husi Ministériu Interiór (MI) ho Ministeriu Transporte no Telekomunikasaun iha lei númeru 1/MI/MTC/9/2022 hatete kontrola transporte lezadu sira liuliu kontetór.

"Iha ne'eba ko'alia momoos katak artigu númeru 3 ne'e bandu kontetór sira atu halo sira nia sirkulasaun husi tuku 7:00 dader ba to’o tuku 7:00 kalan, depois de tuku 7:00 kalan to’o iha tuku 6:59 dader sira bele halo sirkulasaun,

Maibé realidade iha kapital Dili engrafamentu kontinua makaas ne’ebé kauza husi kontentor nia movimentu, tanba sira viola despaixu konjunta fó sai.

Nune'e apela ba maluk kontetór sira atu kumpri regras hotu, tanba PNTL liu husi seksaun tránzitu munisípiu Dili dadaun hahú fali halo kontrolu ba iha movimentasaun kontetór, bainhira kontra regra sei selu multa husi USD$15 to’o USD$75.

Tanba iha lei kodigu estrada númeru 4 artigu 10 katak, kuandu identifika sira kontra regra mak PNTL sei prende hodi halo aproximasaun ba lei kodigu estrada bazeia ba despaixu ne’ebé iha.

Aleinde ne’e, iha kontetór balun halo movimentu iha oras ne'ebé lei bandu, ne’e tanba sira halo pedidiu mai iha komandu Jerál no Tránzitu nasional hodi halo aproximasaun atu sira nia kontetor tula sasan ba mai.

"Ezemplu hanesan ministériu saúde (MS), sira nia kontetór atu tula sasan, ne’e sira halo pedidu mai iha komdante jeral depois mai iha tránzitu nasional, inklui ho ministériu sira seluk, ne’e normalmente kontentór husi ministériu ne’ebé de’it bele halo movimentasaun iha loron, tenke halo pedidu mais restante ne’e bandu". (*)

"Lori komandu komponente naval nia naran husu deskulpa ba inan no aman laivai, liuliu FC Laivai ho juventude laivai tomak, ha’u hakruuk ba ita boot sira. Asaun ne’ebé ha’u nia forsa sira halo ne’e la’os ordem komandu nian, maibé ne’e oknum ida rua ne’ebé hakarak mai estraga prestiju forsa nian no ami nunka hanorin ida ne’e ba ami nia forsa", dehan Komandante Komponente Naval, Komodoro Higino das Neves bainhira hasoru malu ho reprezentante jogador FC Laivai iha Quartel Jeneral Fatuhada, Segunda (18/12).

Tuir nia, FC laivai sira fuan boot banati tuir uluk sira terus subar falintil, tanba ne’e fiar-malu to’o mai hasoru malu hodi lakohi halo foer FDTL nia naran.

"Kopa naval ne’e eziste ho objetivu atu halibur juventude timor laran tomak hodi idaidak bele partisipa no atu kria relasaun amizade entre juventude sira hotu ho FFDTL sira", nia dehan.

Tanba kada tinan laiha problema, maibé tinan ida ne’e iha problema ituan tanba deit oknum ida rua ne’ebé la respeita komandu naval nia ordem i estraga prestizu Komponente Naval iha publiku.

"Maibé ha’u agradese ba laivai oan sira, tanba sira nafatin respeita no fiar komandu hodi ohin mai hasoru malu solusiona ba problema ida ne'e", nia esklarese.

Kopa ne’e naval realiza kada tinan, signifika naval mak atu asegura bainhira isidente ruma iha sira bele hakalma, la’os sira mak halo fali asaun.

"Tanba ne'e komandu sei la tolera no foti desizaun regirozu ba iha situasuan ida ne’e ultimatur mak nia asaun deskontroladu mak nia sei aruma nia farda", fó xamada.

Komandante komponente naval, simu ona informasaun katak, iha membru hamutuk na’in-5 mak deskonfia liman kona Domingos dos Santos iha kampu laran.

"Agora sei investiga hela atu haree, konforma informasaun hatete, iha rua ka to’o lima, mais ha’u seidauk hatene loloos, so investigasaun mak bele hatene, tanba ha’u labele jeneraliza ema hotu, iha balun bele tama no balun atu ba sori, maibé desizaun iha ona investigasaun, para depois haree”, nia hatete.

Bainhira ema ruma mak prepara mai iha F-FDT atu hafoer ka estraga forsas armadas nia naran mak sei simu konsekuensia.

Asaun membru F-FDTL husi komponente naval halo hasoru ofisial FC Laivai nian ne’e, bainhira ekipa rua hanesan FC Naval ho FC Laiva jogu kontra malu iha estadiu Dili hodi hadau manan na’in dahuluk, iha sabadu (16/12). (*)

"Sim, Prezidente Repúblika, José Ramos Horta apoiu maka'as ba estudu viabilidade foun ba projetu grater sunrise", dehan reprezentante espesial greater sunrise, Steve Barcks Steve Barcks, hafoin PR Horta iha palasiu prezidente, Bairo-Pite, tersa (12/12).

Nune’e, sira iha esperansa katak, meiadu tinan oin bele iha ona rezultadu hodi avansa ba oin.

"Seidauk iha resposta pozitiva liu husi enkontru hirak ne'e, maibé espera liu husi estudu konseitu ne'ebe la'o dadaun, meadu tinan oin ita bele iha ona resposta foun kona-ba dezenvolvimentu Greater Sunrise", nia espresa.

Kona-ba estudu ne'ebé la'o dadaun, parte Australia hein rezultadu husi konseitu estudu foun ne'e, bainhira rezultadu sai mak sei bele foti desizaun.

Australia prefere estudu foun, tanba antes ne’e la nesesita ona ho situasaun atual.

"Agora iha buat barak ne'ebé iha mudansa, tanba ne'e estudu antes ne'e la hanesan ho ida agora. Hanesan iha Australia mekanizmu foun oinsa atu kuidadu no haree planta LNG, merkadu mos foun no iha akordu oioin ne'ebé envolve iha projetu mina no gas nia, entaun Australia hein rezultadu ne'ebe hala’o dadaun ne’e tuir tempu ida agora". dehan nia

Projetu Bayu-undang nia besik remata ona, tanba ne'e projetu petrolíferu foun ne'e, importante tebes atu dezenvolve projetu greater sunrise nia, importante ba Timor atu kontinua hetan rendimentu ne'ebé sei ajuda ekonomia.

Australia iha esperansa katak, estudu foun ne'e sei remata iha tinan oin, tanba ne'e sira nia ekipa dadaun servisu makaas hodi kontinua la’o ba oin, tanba parte rua ne'e iha interese atu projetu ne’e tenke dezenvolve. (*)

"Depois hakilar, ko'alia demais iha parlamentu la hatudu respeitu ba lider nasional, maun boot Xanana", dehan Horta iha mandarin, kuarta (13/12).

PR Konsidera la respeita, tanba durante sesaun intervensaun iha diskusaun ba Orsamentu Jerál Estadu (OJE) tinan 2024 iha parlamentu nasional, deputada ne’e konsidera PM Xanana partidariza rezultadu negosiasaun fronteira marítima iha tinan 2018.

Nune'e mós kona-ba gastu orsamentu lubuk ida husi fundu petrolíferu ba projetu insusesu barak durante Xanana nia ukun inklui ho projetu greater sunrise ne'ebé sei halo fali estudu viabilidade foun.

Tanba ne’e, PM, Xanana Gusmão klarifika katak, nia la partidariza asuntu fronteira marítima, tanba momentu ne’eba Sekretariu Jeral FRETILIN, Marí Akatiri mós partisipa iha konsellu fronteira marítima.

Diskusaun manas iha parlamentu, PM Xanan hasai liafuan estupida ba deputada Maria Angelica Rangel, nune’e deputada ne’e mós hatan ho hakilar katak, labele hasai liafuan estupida no tenke respeita orgaun estadu parlamentu nasional ba PM Xanana.

Asaun husi deputada Rangel ne’e maka, Prezidente Repúblika konsidera laiha respeita ba Xanana Gusmão.

"Povu mak hili deputadu sira ne’e, ita hili ema depois ho nia konsekuensia se mak o hili, balun kuitadu partidu kadeira haat no lima de’it mais ko’alia no hakilar hanesan kadeira 20. Povu hili sira iha direitu atu ko’alia, maibé depois iha konsekuensia polítika, maibé tenke respeita ita nia lider nasional sira". (*)