தமிழ்த்தோட்டம்

டிஜிட்டல் ஜர்னலிஸ்ட்டா நீங்க...?

noreply@blogger.com (Yuvaraj) — Thu, 28 Jun 2018 22:03:00 +0000

இணைய ஊடகத்தில் பணியாற்றுவோரில் பெரும்பாலானோர் தங்கள் தகுதிகளை வளர்த்து கொள்கிறார்களா..?
நாள்தோறும் புதிது புதிதாக தொழில்நுட்பங்கள் வருகின்றன. ஊடக துறையில் இந்த மாற்றங்களை, புதிய வரவுகளை வரவேற்க யார் தயாராக இருக்கிறார்கள்? தமிழ் ஊடகங்கள் இதனை பற்றிகொள்கின்றனவா..?

இந்த கேள்விகளை நான் எனக்கே கேட்க வேண்டியதும் கூட.

இணையம் என்ற ஒன்று இன்று நம் வாழ்வில் பின்னிப்பிணைந்தவையாக மாறிவிட்டது.

தேர்வு எழுதினால், முடிவுகளை அறிய இணையம் பயன்படும் என்று எண்ணி இருந்த தலைமுறைகள்தான் இன்று இணைய ஊடகங்களில் சூப்பர் சீனியர்கள். இணையத்தில் ஃபேஸ்புக்கை அதன் பிறப்பில் இருந்தே பற்றிக்கொண்டு வருபவர்கள் சீனியர்கள்.

சூப்பர் சீனியர்களுக்கும், சீனியர்களுக்கும் உள்ள இடைவெளி ஒற்றைபடை எண் அளவு தான் என்றாலும், 90களின் இறுதியில் பிறந்தவர்கள் தான் இன்று இணையத்தில் வாழ்ந்து கொண்டிருக்கும் ஜீவன்கள். இவர்களை நம்பிதான் கிட்டத்தட்ட இணைய ஊடகங்கள் பிழைப்பை நடத்துகின்றன. நடத்திதான் ஆக வேண்டும்.

இணைய ஊடகங்களை பல்வேறு வயதுடையவர்கள் பயன்படுத்தினாலும், இளைய தலைமுறை தான் அதிகம் என்பதால், அவர்களுக்கு அதிகம் தீனி போட வேண்டியுள்ளது. அதற்கான சரக்குகளை தான் இணைய ஊடகங்கள் வழங்க வேண்டியுள்ளது.

அன்றாட செய்தி, அதன் தாக்கம், வாதம், விவாதம் என ட்ரெடிஷனல் மீடியாவுக்கான அத்தனையையும் இணைய ஊடகம் பெற்றிருந்தாலும், கட்டற்ற சுதந்திரத்தால் இணைய ஊடகங்கள் ஒரு படி முன்னே நிற்கின்றன.

பாரம்பரிய செய்தி ஊடகம், இணைய செய்தி ஊடகம், இவையிரண்டும் கலந்த செய்தி ஊடகம் என செய்தி ஊடகங்களை பிரித்து கொள்வோம்.
இதில் முதல் இரண்டும் ஒன்றுக்கு ஒன்று முற்றிலும் வேறுபட்டது. பின் இரண்டு ஊடகங்கள் தான் இன்று வேகமாக வளர்ந்து வரும் செய்தி நிறுவனங்களாக இருக்கின்றன.

நான் இங்கு ’ஊடகத்தில் எழுதும் முறை’ பற்றி சொல்ல வரவில்லை. இணைய ஊடகத்தினருக்கான திறன்மேம்பாடு குறித்து தான் பேசப்போகிறேன்.

இணைய ஊடகத்தில் பணியாற்றுவோருக்கான 23 திறன்களை (டிஜிட்டல் ஸ்கில்ஸ்) சர்வதேச ஊடகவியலாளர்களுக்கான மையம் வகைப்படுத்தியுள்ளது. இதில் 5 திறன்களை மட்டுமே பெரும்பாலான இணைய ஊடகங்களில் பயன்படுத்தப்படுவதாக அந்த மையம் நடத்திய ஆய்வில் தெரிய வருகிறது.

ஆக. முதலில் திறன்கள் மீது கவனம் செலுத்த வேண்டும்.

அதேபோல, சிறப்பு செய்தியாளர், மூத்த பத்திரிகையாளர், சீனியர் சப் எடிட்டர், அது இது என்று வெற்று பதவிகளை ஓரமாக வைத்துவிடுங்கள். டிஜிட்டல் ஸ்கில்ஸ் இல்லை என்றால் நீங்கள் ஒருபோதும் டிஜிட்டல் உலகிற்கு தகுதியாக மாட்டீர்கள்.

செய்தியாக்குதல், அதனை சமூக ஊடகங்களில் பதிவிடுதல் என இவையிரண்டு மட்டுமே இணைய ஊடகங்களின் பணியல்ல. இவையிரண்டுக்கும் இடையில் செய்ய வேண்டியது நிறைய இருக்கின்றன. அதற்காக தான் இணைய ஜாம்பாவான்களான கூகுள், ஃபேஸ்புக், ட்விட்டர் ஆகியன திறன் மேம்பாட்டு பயிற்சி அளிக்கின்றன.

அந்த பயிற்சிகளை இங்கு, இங்கு, இங்கு சென்று படித்து பெறுங்கள்.

(இன்னும் தொடரும்..)

எங்கு காணினும் என் இனத்தான்..!

noreply@blogger.com (Yuvaraj) — Tue, 15 May 2018 16:49:00 +0000

நான் பிழைப்பை கடத்தும் துறையில் நுழைந்தபோது பொறியாளன் என்பதை காட்டிக்கொள்ள தயங்கியதுண்டு.

மிகைதகுதியால் மிகைப்படுத்தல் ஆகி, இருப்பவர்களோடு இடைவெளி கண்டதை களைய பழகுதலை படித்தே படிகளை பற்றினேன்.

அண்மையிலொருநாள்...

கடந்துவிட்ட காலத்தை அசைபோட பொழுதொன்று இடம்கொடுக்க, இணை பிழைப்பாளிகளோ என் இனமடா நீ என்று கோர்வையாக தோளுயர்த்தி சொன்னது தான் எனக்கு சிலிர்ப்பு.

பட்டம் முடித்து பணியின்றி இருக்கும் பொறிஞனுக்கு சமூகம் சுட்டும் சொல் - வளாக நேர்காணல் வாய்க்கவில்லையா ?

பொறியாளன் மட்டும் தான் துறைபாரா நுழைதிறன் உடையான் என்பதை பத்தாண்டு காலத்தில் நான் பார்த்துக்கொண்டிருக்கும் வியப்பு.

ஈட்டும் தொகையில் உள்ள எண்களின் இலக்கங்கள், படித்து பெற்ற மதிப்பு எண்களின் இலக்கங்களுக்கு தொடர்பு உண்டா என்ன?

அந்த மாய எண்களுக்கு தானே துறை எதுவென பாராமல் புரையோடி கிடக்கிறான் பொறியாளன்.

நீருக்கு மன்றாடும் இருநாட்டு மன்னர்களின் மாய எண்களைப் போல் , தான் ஈட்டும் எண்களுக்கும் ஒருநாள் மதிப்பு கூடாதா என்று ஒவ்வொரு இரவையும் கடப்பதைப்போல், இன்றிரவையும் உள்ளபடியே கடப்பான் பொறிபடித்த என் இனத்தான்...

நம்ம ஊரில் கூகுள் !

noreply@blogger.com (Yuvaraj) — Wed, 14 Mar 2018 09:08:00 +0000

கூகுள் என்றாலே பிரம்மாண்டம் தான். அந்த பிரம்மாண்டத்தில் தமிழுக்கு முக்கியத்துவம் எனும் போது கணினித்தமிழ் வளர்ச்சி மேலோங்கி பயணிக்கிறது என்பதில் உள்ளபடியே மகிழ்ச்சி.

தமிழ் சேவையில் கூகுள் ஏற்கனவே காலடி வைத்தாலும் , தமிழ் மண்ணில் இன்று (மார்ச்13) தான் முதன்முறையாக காலடி வைத்திருக்கிறது.

ஆம். வழக்கமாக பெங்களூரு, ஐதராபாத், டெல்லி ஆகிய இடங்களில் நிகழ்ச்சிகளை நடத்திவந்த கூகுள் முதன்முறையாக தமிழகத்தில் #Googleforதமிழ் என்ற பெயரில் நிகழ்ச்சியை நடத்தியுள்ளது.

கடந்த பிப்ரவரி மாதம் கூகுள் விளம்பர சேவையை (Google AdSense) தமிழுக்கும் நீட்டித்தது. இதன் படி, தமிழ் இணையதளங்களுக்கும் வருவாய் ஈட்டித்தரும் பெரும்பாக்கியத்தை கூகுள் வழங்கியிருக்கிறது. இதன் அறிமுகம் நிகழ்ச்சியாகவும், வலைப்பதிவர், இணையதளம் நடத்துவோருடனான சந்திப்பாகவும் கூகுள் ஏற்பாடு செய்தமை வரவேற்கத்தக்கது.

விரைவில் இது போன்ற நிகழ்வுகளை சென்னையில் ஒருங்கிணைக்க திட்டமிட்டுள்ளதாக கூகுள் உறுதியளித்துள்ளது.

இன்றைய நிகழ்வில் நான் உட்பட கணினித்தமிழ் ஆர்வலர்கள், இணையதளம் நடத்துவோர், இணையத்தில் எழுதுவோர், இணைய வடிவமைப்போர் என பலதரப்பட்டவர்கள் கலந்துகொண்டு பயன்பெற்றோம்.

குறைந்தளவே அனுமதிக்கப்பட்டதால் ஆன்லைன் முன்பதிவு குறுகிய நேரத்தில் திறந்து மூடப்பட்டது. இதனால் பலர் பங்கேற முடியாமல் போனது.

காண்க: http://zhakanini.com/google-for-tamil-event-in-chennai/

#GoogleForTamil

வணிகமொழியானது தமிழ்!

noreply@blogger.com (Yuvaraj) — Mon, 12 Feb 2018 07:03:00 +0000

தமிழ் இணையதளங்களும் இனி காசு பார்க்கலாம். ஃபேஸ்புக்கில் எழுதுவதால் என்ன பெருசா பார்த்திருக்க போகிறீர்கள், லைக்குகளைத் தவிர..

மீண்டும் வலைப்பக்கங்களுக்கு வாருங்கள். பிளாகுகள் (Blog) இனி தமிழ்மணம் வீசட்டும்!!! காசு மழை கொட்டட்டும்.

என்னன்னு யோசிக்கிறீங்களா?

இதை படிங்க...

கூகுளின் விளம்பர சேவையான ஆட்சென்ஸ் தற்போது தமிழ் மொழியை ஆதரிக்கிறது.

அதாவது, இணையதளத்தில் எழுதப்பட்டு இருக்கும் ஆங்கில உரைக்கு ஏற்ப அல்லது அதற்கு தொடர்புடைய விளம்பரங்களையே கூகுள் காண்பித்தது. இனி தமிழ் மொழியையும் புரிந்து கொண்டு அதற்கேற்ற விளம்பரங்களை காண்பிக்கும்.

இதனால் தமிழ் இணையதளங்கள் பணம் ஈட்ட வழிவகை செய்திருக்கிறது கூகுள்

AdSense now supports Tamil

Friday, February 09, 2018

Continuing our commitment to support more languages and encourage content creation on the web, we’re excited to announce the addition of Tamil, a language spoken by millions of Indians, to the family of AdSense supported languages.

AdSense provides an easy way for publishers to monetize the content they create in Tamil, and help advertisers looking to connect with a Tamil-speaking audience with relevant ads.

To start monetizing your Tamil content website with Google AdSense:

Check the AdSense program policiesand make sure your website is compliant.
Sign up for an AdSense account
Add the AdSense code to start displaying relevant ads to your users.

Welcome to AdSense! Sign Up now.

Posted by: The AdSense Internationalization Team

இனி லைக் போடுங்கன்னு பிச்சை எடுக்க முடியாது

noreply@blogger.com (Yuvaraj) — Tue, 19 Dec 2017 09:33:00 +0000

உண்மையான தமிழனா இருந்தா இதை லைக் பண்ணுங்க.. ஷேர் பண்ணுங்க....

சனி பெயர்ச்சி உங்களுக்கு சாதகமா இல்லையா..? இந்த காக்கா படத்தை 15 பேருக்கு ஷேர் பண்ணுங்க.. நாளைக்குள் அற்புதம் நடக்கும்..

இந்த பொண்ணு மாதிரி க்யூட்டா மொக்க போடுற பொண்ணுங்க நம்மள சுற்றி நிச்சயம் இருப்பாங்க.. கமெண்ட்ல டேக் பண்ணுங்க..

இப்படி லைக், கமெண்ட் , ஷேர் ஐ பிச்சை எடுக்க முடியாது இனி...

ஃபேஸ்புக்கின் புதிய விதி engagement பிச்சையை தடுக்க போகுது.

மேற்கண்ட மாதிரி பதிவுகள் இருந்தால் அதன் பரவலை மட்டுப்படுத்த ஃபேஸ்புக் புதிய அல்காரிதம் உருவாக்கியுள்ளது.

அதன்படி, லைக் பிச்சை பாத்திரம் ஏந்தி இனி நம்ம டைம்லைன் பக்கம் ஒரு போஸ்ட்டும் வராதுன்னு நம்பலாம்...

ஆக.. போட்டோ போட்டோமா அதோட விட்றனும்.. லைக் போடுறதா வேணாமான்னு நாங்க முடிவு பண்ணிக்கிறோம்..

#Facebook | https://newsroom.fb.com/news/2017/12/news-feed-fyi-fighting-engagement-bait-on-facebook/

வீடியோ தான் இனி... பார்வையாளரை ஈர்ப்பது எப்படி?

noreply@blogger.com (Yuvaraj) — Mon, 18 Dec 2017 17:28:00 +0000

ட்விட்டர் , ஃபேஸ்புக்கை பயன்படுத்துவோரில் செல்பேசி வழி பயன்படுத்துவோர் எண்ணிக்கை 90% மேல் என்பதால் வழமையான பதிவிடலில் இருந்து, புது உத்திகளை கையாள வேண்டிய தருணத்தில் இருக்கிறோம்.

படிப்பதை விடவும், வீடியோவாக பார்த்து கடந்து செல்வதே இணைய வாசகர்களின் விருப்பமாக உள்ளது. அதனாலயே, வீடியோ பதிவுகளின் பரவல் அதிகமாக உள்ளது.

வீடியோக்களை தொடர்ந்து பார்க்கலாமா வேண்டாமா என்பதை முதல் 10 விநாடிகள் தான் தீர்மானிக்கின்றன.

அதுவும் பார்வையாளர்கள், ஒலி இல்லாமல் வெறுமனே காட்சி ஓட்டத்தை வைத்து தான் தொடர்வதை தீர்மானிக்கின்றனர்.

ஆக, அதை நம் வசப்படுத்த Strategy வகுக்க வேண்டும்.

பொதுவாக தேநீர் கடையில், பயணத்தில், பொது இடத்தில், அலுவலகத்தில் இருப்போர் சமூகவலைப்பக்கங்களில் உலவும் போது நம் வீடியோவை காண நேரிட்டால் அதை ஒலி இல்லாமல் தான் காண்பர். அது தான் 99.99% நடக்கும்.

நம் வீடியோ, பேசும் படங்களாக மாற வேண்டும். அப்போது தான் அதனை கடந்து செல்லாமல் பார்வையாளர் தக்க வைக்கப்படுவர்.

இதற்கு சில யோசனைகளையும், நாம் கவனத்தில் கொள்ள வேண்டியது அவசியமாகிறது.

1. வீடியோவின் தொடக்கத்தில் ஈர்க்கக்கூடிய காட்சிகளை காண்பிக்கலாம்
2. வீடியோவில் எழுத்துகளையும் காண்பித்தால் (Caption) கேட்பதற்கு பதில் படித்து கொண்டே பார்ப்பார்கள்.
3. முக்கியமாக Thumbnail படம் கிளிக் செய்ய தூண்டும் படி அமைக்க வேண்டும்.
4. நிறுவனங்கள் தங்கள் Brandஐ நன்கு காணும் படி வைக்க வேண்டும்.

What is happening in Iran? https://t.co/tbjil3ykUc pic.twitter.com/oP0UMu5p6A
— BBC News (World) (@BBCWorld) January 2, 2018

பொழுதுபோக்கு அம்சங்களை தேடிப்போய் பார்த்து விடுவார்கள். வணிக நிறுவனங்கள் தங்கள் பொருட்களை பார்வையாளரிடம் சேர்க்க மேற்கண்ட உத்திகளை முயற்சி செய்யலாம்..

நியூஸ் மீடியாக்கள் நியூ மீடியாவை எப்படி பயன்படுத்தி கொள்ள வேண்டும்..? (1)

noreply@blogger.com (Yuvaraj) — Sat, 11 Nov 2017 15:55:00 +0000

சோசியல் மீடியாவில் எழுதுவது ஒரு கலை...

குறிப்பாக செய்தி ஊடகங்களின் சமூக வலைதளங்களில் எழுதுபவர்கள் வாசகர்களுக்கு செய்தியை உடனுக்குடன் கொண்டு சேர்க்கும் அதே வேளையில் அதை எப்படி வாசகனை ஈர்ப்பது என்பதையும் கவனத்தில் கொள்ள வேண்டும்.

ஒரே செய்தியை எல்லா செய்தி நிறுவனமும் தருகிறது.

அதில் நாம் என்ன வாசகனுக்கு புதிதாக தரப்போகிறோம்.. அல்லது கவனத்தை ஈர்க்கும் வகையில் தரப்போகிறோம் என்பதை தீர்மானித்து எழுத வேண்டும்.

சுருக்கமாக நறுக்கென்று எழுத தொழில்நுட்பமோ, அனுபவமோ தேவையில்லை.. நல்ல வாசகனாக இருக்க பழகிக்கொள்ளுங்கள்..

சோசியல் மீடியாவில் எதையாவது எழுதுபவராக இருக்க வேண்டியது இல்லை.. எதையாவது படித்துக்கொண்டேயிருங்கள்..

நீங்கள் தான் நியூ மீடியா / டிஜிட்டல் மீடியா என்கிற ஊடகத்தின் ராஜா...!!!!

(தொடரும்..)

அடுத்ததடுத்த பதிவுகளில் ஜர்னலிசமோ, மொழியையோ சொல்லி தரப்போவதில்லை.. அது ஆளுக்கொரு விதியாக செயல்பட்டு கொண்டிருப்பதால் தொழில்நுட்பங்களை பகிரலாம் என்று எண்ணுகிறேன்..

என்ன மயிருக்கு கெஞ்சனும்?

noreply@blogger.com (Yuvaraj) — Wed, 12 Apr 2017 03:23:00 +0000

உடுக்கை கழன்று உழவன் போராடும்
அவலம் கண்டு அகம் கொதிக்கிறது...

நீட்சியாகி போன உழவனின் வேதனை..
நீதியின்றி நீத்திட வேண்டுமோ?

கட்சிகள் தோறும் காட்சிக்காக கூவுவது போதும்
ஆட்சி நடத்தி நீங்கள் ஆக்கியதும் போதும்

உயிருக்கு உணவு.. உணவுக்கு உழவன்...
அறிவுத்துறையில் உயர்ந்து என்ன பயன்?

நீயும் நானும் கழனியில் உழுதாக வேண்டும்
உழவன் புரட்சி வெடித்தாக வேண்டும்..

என்ன மயிருக்கு கெஞ்சனும்?
உழவே தலை உழவே தலை என
உழவனை கண்டு ஒவ்வொருத்தனும் அஞ்சனும்..!

வறுமை எனும் நிலை மாற ஒன்றிணைய உறுதி ஏற்போம்

noreply@blogger.com (Yuvaraj) — Fri, 01 Jan 2016 20:48:00 +0000

புதிய ஆண்டின் தொடக்கத்திற்கு முதல் நாள்,
மது போதையில் என்ன செய்கிறோம் என்பதில் நிதானம் இல்லாமல் உர்... உர்.. என்று வாகனங்களில் பறக்கும் சாலையில் சில காட்சிகள் என் கண்களை கசியவிட்டன...

அந்த சாலை கடற்கரையை நோக்கி செல்லும் சாலை..

அவ்வழியாக கார்களும், பைக்குகளும் அணிவகுத்து சென்றுக்கொண்டிருந்தன.

நள்ளிரவு நெருங்கும் அதேசமயம், ஊர்ந்து செல்லும் வாகனங்களுக்கிடையே சிறுவர்கள் முகத்தில் சோர்வுடன் குல்லாக்களையும், பலூன்களையும் விற்று கொண்டிருந்தது பார்வைக்குள் ஆழ நுழைந்தது...

அதனை வாங்க யாரும் முன்வராத நேரத்தில் என்னையும் கடந்து சென்ற அந்த காட்சி இன்னமும் ஏதோ சொல்லிக்கொண்டிருக்கிறது.

இதே நேரத்தில்.. மற்றொருபுறம் சொகுசு மது விடுதியின் வாசலில் பிச்சை எடுக்கும் சில வயதான உருவங்கள் கையேந்தி நின்றிருந்தன.

சென்னையின் முக்கிய இடங்களில் நான் கவனிக்க நேர்ந்த அந்த காட்சிகள் மறையாத தருணத்தில்..

விடியற்காலை , சாலையில் நடக்கும் போது நம்மை கடந்து சென்ற மூன்று இளம்பெண்கள் (சிறுமிகள்) ஹான்ஸ் புகையிலையை ஒருவருக்கொருவர் பகிர்ந்துக்கொண்டு சென்றது பேரதிர்ச்சி ஏற்படுத்தியது.

என் கண்கள் அந்த பெண்களின் மீதே இருந்தது.

அவர்கள் விலைமாதர்களாக கூட இருந்தாலும் ஆச்சரியப்படுவதற்கில்லை.

அவர்கள் உருவத்தோற்றத்தில் வறுமை படிந்திருந்தது. பரிதாபத்தை ஏற்படுத்தியது.

இதற்கு மேல் ஆராய்ச்சியில் இறங்க என் மனம் செல்லவில்லை.

மகிழ்ச்சி பொங்கும் மனிதர்கள் புத்தாண்டு கொண்டாட்டங்களால் தங்களை புதுப்பித்துகொள்வதாய் உறுதி மொழிகள் ஏற்றுக்கொள்கிறார்கள்.

நான் கண்ட அந்த காட்சிகள் தினமும் நடப்பதுதான் என்றாலும் என்றாவது ஒருநாள் அது மாற வேண்டும் என்பதுவே எண்ணம்.

வறுமை எனும் நிலை மாற ஒன்றிணைய உறுதி ஏற்போம்.

புத்தாண்டு...!

noreply@blogger.com (Yuvaraj) — Thu, 31 Dec 2015 23:29:00 +0000

புதிய ஆண்டு என்பதெல்லாம்.. கால ஓட்டத்தின் வெறும் அடையாளங்கள் தான்...

கிறித்து பிறப்பு அடிப்படையில் தோன்றிய ஒரு கால அலகினை உலகளாவிய கொண்டாட்டமாய் மக்கள் களித்துக்கொள்கிறார்கள்..

ஓர் ஆய்வு சொல்கிறது... உலகின் மொழிகளை அழிக்கும் கொடுங்கொல்லியாக ஆங்கிலம் இருந்து வருகிறது என்று.

தொழில்நுட்ப வளர்ச்சியில் கண்கூடாகவே நாம் அதை கண்டு வருகிறோம்..

மொழி அழிவு என்பதில் இனத்தின் அழிவையும் நினைவில் கொள்ள வேண்டும்.

இன அழிப்புக்கு போர் மட்டுமல்ல.. மொழி மீதான ஆதிக்கமும் தான் காரணமாகிறது.

கிறித்து சமயத்தவரின் ஆண்டு முறை இன்று உலக மக்களின் தவிர்க்க முடியாத நாட்காட்டியாகிவிட்டது.

ஆனால், தமிழ் சமயம் / சமூகம் தனக்கான அடையாளங்களை இழப்பதையும், இனத்தார் சற்று கருத்தில் கொள்ள வேண்டும் என்ற ஆதங்கம் தற்போது என்னுள் மேலோங்கி இருக்கிறது.

உலக பொதுமறை எழுதிய பொய்யா புலவன் வள்ளுவ பெருந்தகை பிறப்பையொட்டி, சுறவம் (தை) முதற்கொண்டு ஆண்டு பிறப்பையும், தொடர்முறையையும் பின்பற்ற வேண்டும் என தமிழ் அறிஞர் பெருமக்கள் வகுத்தனர்.

ஆனால், தமிழ் மரபு, மாண்பு, பண்பு, அறிவியல் ஆகியவற்றுக்குப் பொருத்தமாகதவையும், பல்லாயிரமாண்டுகளாக வாழ்ந்து வரும் தமிழினத்தின் காலத்தை வரையறுக்க இயலாத ஆண்டுமுறையை பின்பற்றி வருகின்றனர்.

இது போன்ற தமிழர் தம் ஒருமைக்கொள்ளாத சூழலும், நம் இனத்தின் அடையாளங்களை, பண்பாட்டு சுவடுகளை நாமே ஐயத்திற்காளாக்க காரணமாகிறது.

தமிழர் பெருமைகளை பேச தமிழர் திருநாளாம்.. தைப்பொங்கல், தமிழ் புத்தாண்டை சிறப்புற கொண்டாடுவோம்...

யாகாவாராயினும் நாகாக்க... நாகாக்க..

noreply@blogger.com (Yuvaraj) — Sat, 19 Dec 2015 01:45:00 +0000

ராசா...

அப்படி என்ன தான்
உங்க கிட்ட கேட்டாலும்
உங்களுக்கு ஏன் கோபம் வருது...

அறிவு இருக்கா உங்களுக்கு...

நீங்க கேட்ட அதே கேள்வியை நானும் கேட்கிறேன்

அறிவு இருக்கா உங்களுக்கு...

பொது இடத்தில் ஊடகங்கள் முன்னிலையில்
"என் கிட்ட பேச உனக்கு என்ன..."-ன்னு பேசினால்..

உங்க கிட்ட கேட்க என்ன தகுதி வேணும்னு நினைக்கிறீங்க..

இடம் பொருள் ஏவல் வேண்டாமா..

எங்க வந்து என்ன கேட்கிறேன்னு நீங்க கேட்டதும் சரிதான்.

உங்க துறை சார்ந்த சக கலைஞன் பற்றிய சர்ச்சைக்கு
உங்களின் எதிர்வினையை கேட்க முற்பட்ட செய்தியாளன்
கேட்பதில் என்ன தவறாகி விட்டது..

பொதுவாழ்வில் வந்தாச்சு பொதுஜன ஊடகத்தில் இருக்கிறீங்க..
ஒருதுறையின் அடையாளமா உருவாகிட்டீங்க..

நீங்க உயர்ந்த இடத்தில் இருக்கீங்கன்னு
மிதப்பில் இருந்தா..
உங்க மிதப்புக்கு மதிப்பு தரனுமா என்ன..

ஏய் ஊய்ன்னு பேசுறீங்க..

இப்ப பாருங்க வீதியில வெளிப்பட்டு முகம்சுழிக்க வைத்து சிறுமைப்பட்டு போறீங்க..

குப்பையோடு குப்பையா இருந்ததை கிளறி,
அது என்னன்னே தெரியாதவனையெல்லாம் கேட்க தூண்டி,

பாதி பேருக்கு "பீப்"க்குள்ள இருந்த சொல்லுக்கு பொருளே தெரியாது...
மிச்ச பேர் அந்த சொல்லையே இதுவரைக்கும் கேட்டது கிடையாது..

இதை எதிர்க்க ஒரு கூட்டம்..

இருக்குற பிரச்சனைகளை மறைக்க இது தான் இப்ப ஊட்டம்.

கதைநாயகிகளாக
பெண்களை எந்த நோக்கில் வைத்திருக்கிறார்கள்..?

பெண்களை "இழி" பொருளாக தான் திரைப்படங்கள் காட்டுகின்றன.

நாயகனின் இன்பகிழத்தியாகதான் இருக்கிறாள்
நாயகி...

மார்பகங்களும்..
மற்ற பாகங்களும் மிகைப்படுத்தி பார்க்கும் ஆண்களை வசைப்படுத்திட

நாயகிகள் தானே தசையாட்டம் ஆடுகிறார்கள்.

இதையெல்லாம் பெண்கள் கூட்டம்
வீதியிலிறங்கி கண்டித்திருந்தால்

ராசாவுக்கு பீபி ஏற்றிவிட்ட
பீப் எல்லாம் வந்திருக்குமா..?

பீப்பை பாடினவனும் திட்டுவாங்குறான்...

அதை ஏன்டா என்கிட்ட கேட்கிறேன்னு ராசாவும் திட்டு வாங்குறாரு..

ஆக... யாகாவாராயினும்
நாகாக்க... நாகாக்க..

(Beep) பீப்-க்கு ஒரு காரணம் இருக்கு !

noreply@blogger.com (Yuvaraj) — Sat, 19 Dec 2015 01:43:00 +0000

பீப்-க்கு ஒரு காரணம் இருக்கு !

நல்ல வாயை விட நாற வாய் தான் ஸ்மார்ட்டாம்..!

புரியலையா?

எவன் ஒருத்தன் சாபமிட்டு கண்டபடி திட்டி பேசுறானோ...
அவன் நல்லவாய்களை விட ஸ்மார்ட்டானவர்களாக அண்மைய ஆய்வு சொல்கிறது...

கடுப்பேத்துற சூழலில் ஒருவர் உடனே தன்னை வெளிப்படுத்தி, நாயே, பன்னி, எருமை, ம..., ப.., பி.., பு.., பீப் பீப் பீப் ன்னு குறுகிய நேரத்தில் தன்னிடம் உள்ள சொல்வளத்தை வெளிக்கொட்டுகிறாராம்...

இது எல்லாராலும் முடியாது...

அதனால் தான் சொல்வளம் இல்லாத சிலர் பொறுமைசாலி என்ற போர்வையில் வாயை மூடிக்கொண்டு இருக்கிறார்களாம்...

இங்கதான் கவனிக்கனும்...

பெரும்பாலும் கேவலமான சொல்லைதான் பயன்படுத்துதாகவும், அதுவும் பெண்களை இழிவுபடுத்தும் சொல்லைதான் பயன்படுத்துவதாகவும்... ஆய்வு சொல்கிறது.

இது என்ன கேடுகெட்ட ஆய்வுன்னு நினைக்காதீங்க...

கல்லூரி மாணவர்களிடம் நடத்தப்பட்ட ஆய்வில் தான் இந்த திறமைசாலிகளை அடையாளம் காணப்பட்டுள்ளது.

இதுல முக்கியமா கவனிக்க வேண்டியது..

ஆண்களுக்கு இணையா பெண்களும் பொது இடம் கூட பார்க்காம கண்ட வார்த்தைகளால் திட்டுகிறார்களாம்....

இருந்தாலும் சிம்பு பண்ணது தப்புதானேன்னு சொல்றவங்களுக்கு..

என்ன (பீப்)-க்கு லவ் பண்றன்னு சிம்பு திட்டுற இடமும்..
உனக்கு அறிவு இருக்கான்னு இளையராசா திட்டுற இடமும்..

ஒத்து போகுது..

இரண்டு பேருமே பாதிக்கப்படுறாங்க..

சூழல் வேற.. நபர்கள் வேற..

திட்டுவதுதான் காட்சி..

பயங்கர சொல்வளம் கொண்ட சிம்பு பீப்ன்னு சொன்னாரு..

தயங்குற சொல்வளம் கொண்ட ராசா அறிவு, அறிவுக்கு அறிவுன்னு கடுப்பேறி போனாரு..

வரலாற்றில் இடம்பிடித்த யாஷினிக்கு வாழ்த்துகள் !

noreply@blogger.com (Yuvaraj) — Thu, 05 Nov 2015 20:32:00 +0000

தொடர்வண்டியில் பயணிப்போருக்கு திருநங்கைகள் என்றால் ஒரு புரிதல் இருக்கும்...

தாம்பரத்தில் இருந்து எழும்பூர் வரை பயணிப்பது என்று வைத்துக்கொள்வோம்.. எல்லா நிறுத்தங்களிலிருந்தும், பார்வை மாற்றுத்திறனாளிகள் கைவினை பொருட்கள் அல்லது தின்பண்டம் விற்பது, வயதானோர் பிச்சை எடுப்பது, சிறுவர்கள் வறுத்த நிலக்கடலை விற்பது போன்ற காட்சிகள் காணாமல் சென்று விட முடியாது.

இவர்களுக்கிடையில் திருநங்கைகளையும் யாரும் தவிர்த்திருக்க முடியாது.

மேற்சொன்ன எல்லோரையும், எளிதாக புறக்கணித்திருப்போம்.
ஆனால், திருநங்கைகள் தூரத்தில் தெரியும் போதே, சிலர் தூங்குவது போன்றும், செல்பேசியில் பேசுவது போன்றும், வழி ஓரத்தில் உட்கார்ந்திருப்போர் எழுந்து வாசல் நோக்கி செல்வதும் என அவர்களை தவிர்க்க முயற்சிக்கும் காட்சிகள் சற்று அச்சத்தையும் உருவாக்கி விடுகின்றன.

திருநங்கைகள் பிச்சை எடுப்பது, அவர்களின் வாழ்வாதரத்திற்கான வழி என்றாலும்.. மேனிலை என்பது அவர்கள் வாழ்வில் இனி இருக்கப்போவதில்லை என்று தான் கடந்த காலம் காட்டியிருக்கிறது.

இன்று மேற்படிப்புகள் படித்த, அறிவில் தெளிந்த, சமூகத்தை புரிந்த மனதளவில் யாரையும் எதிர்கொள்கிற பக்குவத்தில் திருநங்கைகள் இருப்பதை காண முடிகிறது,

குறிப்பாக முகநூலில் பலர் தங்கள் துயரங்களை, உரிமைகளை உரக்க பேசுகிறார்கள்.

சிலர் நன்கு படித்து பணியில் இருப்பதும் காண முடிகிறது.

அந்தவகையில், பிரித்திகா யாஷினி காவல்துறையில் பொறுப்புள்ள பதவியில் நியமிக்கப்பட உள்ளார் என்ற செய்தி திருநங்கை சமூகத்தில் ஏற்றமிக்க வழியை உருவாக்கி கொடுக்கப்பட்டுள்ளதாகவே எண்ணுகின்றேன்.

இது யாஷினிக்கு எளிதாக கிடைத்த பதவி அல்ல. கடும் போராட்டங்கள், புறக்கணிப்புகளை தாண்டி நீதித்துறையின் துணையால் கிடைத்த வெற்றி.

இது அடுத்த கட்ட பயணத்திற்கும், திருநங்கையர் மீதான சமூக பார்வையை சீராக்கும் முக்கிய கட்டம் என்றே சொல்லலாம்.

பாலியல் தொழிலாளர்களாகவும், பிச்சை எடுப்போராகவும் இழிஉருவமாக காண்பிக்கப்பட்ட காட்சிகள் யாஷினி போன்ற இளம்திருநங்கையரின் முயற்சியிலும், நோக்கத்திலும் மாற போகிறது என்றே சொல்லலாம்.

திருநங்கைகளை மூன்றாவது பாலினமாக அங்கீகரிக்கத் தேவையான சட்டதிருத்தங்களை கொண்டுவரும்படி, கடந்த 2014 ஆம் ஆண்டு ஏப்ரல் மாதம் 15 ஆம் தேதி உச்சநீதிமன்றம் உத்தரவிட்டிருந்தது.

அதன் தொடர்ச்சியாக, கல்வியிலும் வேலையிலும் திருநங்கையர்களுக்கு உரிய வாய்ப்புகள் கிட்ட தொடங்கியுள்ளன.

ஆனால், அது போராட்டங்களால் மட்டுமே சாத்தியமாகின்ற என்ற நிலை கண்டால் வருத்தமாகவே உள்ளது.

எனினும் தடைகளை தகர்த்து, வரலாற்றில் இடம்பிடித்த யாஷினிக்கு வாழ்த்துகள்.. !

நடிகர்களை மிகைப்படுத்துவது ஊடகமா? ஊர்மக்களா?

noreply@blogger.com (Yuvaraj) — Mon, 19 Oct 2015 09:46:00 +0000

நடிகர்களை ஊடகங்கள் மிகைப்படுத்தியதில் தவறு ஒன்றுமில்லை..

சமூக உளவியலை புரிந்துக்கொள்ள வேண்டும்.

நடிகனும், நடிகையும், திரைப்படங்களும் என் பொழுது போக்காக... மன்னிக்கவும்... களிப்பு கருவிகளாக மாற்றியது யார்?

நான் வாங்கி படிக்கும் பல்சுவை இதழில் அவர்களையே பக்கம் பக்கமாக நிரப்ப அனுமதிப்பது யார்?, அப்படி நிரப்பும் போதெல்லாம் அவை விற்று தீருவதையும் யார் செய்வது..

நான் மகிழ்ந்து கிடக்க சில நூறு செலவானாலும், திரைக்கூடம் செல்ல பணித்தது யார்?

நடிகன் வெறும் நடிகன்...

அவனை கண்டு வியப்பு கொள்வதும், அருகில் வந்தால் நெருங்கி படம் எடுத்து பகிர்வதும் பொதுபுத்தியாகி போனது.

ரசித்தல்.....

நடிகனும், நடிகையும் திரையில் கண்ணுக்கு குளிர்ச்சியாகிறார்கள்...

நான் வாழ முடியாததை, வாழ நினைப்பதை திரையில் வாழ்ந்து காட்டுகிறார்கள்...

உதாரண மனிதர்களாகிறார்கள்...
என் ரசனைக்குரியவராகிறார்கள்....

இவர்கள் திரையில் இப்படியென்றால், நிஜவாழ்க்கையில் எப்படியிருப்பார்கள்...

அவரைப்போல் வாழ நானும் தயாராக மனம் விரும்பி, அவர்களின் சொந்த நடவடிக்கையில் கவனம் கொள்கிறது..

இதற்கு அப்பப்ப தீனிப்போட்ட ஊடகங்களை நான் ஒருநாளும் உதாசீனப்படுத்தியதில்லை..

அது கொஞ்சம் கொஞ்சமாக அதிகரிக்க நானும் அனுமதிக்கிறேன்..

ஒருநாள் அதையே காட்டும் போது என்னடா வம்பாப்போச்சு, அப்பப்ப களிப்பூட்டாமல் அப்படியே திணிக்கிறார்களே...
என்று கோபம் வருகிறது...

இப்ப திட்டி தீர்க்கிறேன்...

அவர்கள் என்ன செய்வார்கள்...

இதுபோன்ற நிகழ்ச்சிகளும், நிகழ்வுகளும் தான் அதிகம் பார்க்கப்படும் பட்டியலில் இருக்கிறது.

இதை பார்த்த நம்மை, பயன்படுத்த தொடங்கிவிட்டார்கள். திட்டினாலும் நம்மக்கள் அதை பார்ப்பார்கள்.. என்றே வணிகம் செய்கிறார்கள்.

ரசிப்பு நமக்கு போதை எனும்போது, நம்ம போதை அவர்களுக்கு போதையோ போதை.

வேறொன்றும் இல்லை இப்ப ரெண்டு பேருக்குமே போதை தலைக்கேறிப்போச்சு.....

என் பொழுதுப்போக்கை தீர்மானிப்பதை வேறொருவருக்கு அகிகாரம் கொடுப்பதை எதிர்க்க வேண்டும்.

மதுக்கடைக்கு எதிராக போராடிய கூட்டம், மதுவை விட மோசமான திரைக்கூத்தை மட்டுப்படுத்த வேண்டும்.
குறைந்த கட்டணத்தில் திரைப்படம் பார்க்க அனுமதிக்க வேண்டும்.

எவ்வளவு கொடுத்தாலும் பார்ப்பேன் என்றால், அது லட்சங்களாகி , அந்த லட்சம் நடிகனுக்கு ஊதியமாகி, அவன் நம்மை லட்சியமற்றவனாக்கி...

புலம்ப வேண்டியதுதான்.

இவர்களை நம்பியே தொலைக்காட்சியில் பிழைப்பு நடத்துபவர்களுக்கு போய் இதை காட்டாதே என்றால்... செய்வார்களா..?

அதுவும் ஞாயிற்றுக்கிழமை விடுமுறை நாள். எல்லோரும் உட்கார்ந்து குடும்பத்தோடு செய்தியா பார்ப்பீங்க.. அதான் பொழுதுப்போக்கு நிகழ்ச்சியை செய்தி தொலைக்காட்சியில் நேரலையில் காட்டிட்டாங்க..

நடிகர்களுக்கு வேண்டும் என்றால் இது தேர்தலாக இருக்கலாம். நமக்கு வித்தியாசமான பொழுது போக்குதானே...

அப்புறம், நீ பார்கிறாய் நான் காண்பிக்கிறேன் என்பார்கள்.
நீ காண்பிப்பதால் நான் பார்க்கிறேன் என்பீர்கள்.

பரஸ்பரம் சண்டை போட்டு, சமூக வலைதளங்கள் என்ற புது எதிரியை, பொழுது போக்கியை உருவாக்கி கொண்டிருக்கிறோம் என்று தெரியாமல்...

- யுவராசன் வெ

சோறும், சொகுசும் என் வாழ்வின் இலக்கு

noreply@blogger.com (Yuvaraj) — Sat, 17 Oct 2015 21:45:00 +0000

சோறும், சொகுசும் என் வாழ்வின் இலக்கு

இது தான் ஒட்டுமொத்த மனித குலமே ஆசை படுகிற வாழ்க்கை முறை...

சோற்றுக்காக...

பணம் வேண்டும்.
பணம் ஈட்ட பணி வேண்டும்..
பணி செய்ய படிப்பு வேண்டும்...

படிக்க (மட்டுமே) வாய்ப்புகள் இருப்பதால்...

வசதிக்கேற்ப எல்லோரும் படிக்கிறோம், படித்த பின் பணிக்கு செல்கிறோம், பணம் ஈட்டுகிறோம், ஏறக்குறைய சொகுசு சேர்க்கிறோம்..
சோறு உண்கிறோம்...

இந்த சொகுசும், சோறும் பெற போய்....

இப்ப உண்மையா மனதுக்கும் உடலுக்கும் சொகுசு தரும் இயற்கையை இழந்து வரோம்...

சோறு போடுற உழவை துறந்தோம்...

பட்டணம் போய் குளிரூட்டப்பட்ட அறையில் பணம் பயிரிட்டுக்கொண்டிருக்கிறோம்..

மழை காலமான புரட்டாசி, ஐப்பசியில் கோடையை உணர்கிறோம்...

விசிறி சுழலில் மூச்சு வாங்குகிறோம்...

கிராமத்தில் கழனிகள் கட்டாந்தரையாகிவிட்டன..
நீர்நிலை இல்லை..
உழைக்க ஆள் இல்லை..

காணுமிடமெல்லாம் கடைசி தலைமுறை உழவர்கள்...

இதை வெம்பி வெட்கமில்லாமல் எழுதி ஆதங்கபடுற என் உள்ளத்தின் இன்னொரு மூலை பணம் ஈட்டு , பணம் ஈட்டு , பணம் ஈட்டு... உழவால் பட்ட கடனை, இழந்த மதிப்பை ஈடுகட்ட பணம் ஈட்டு, பணம் ஈட்டு , பணம் ஈட்டு என்கிறது...

என்ன செய்வது...

உழுதுண்டு வாழ்வாரே வாழ்வார்மற் றெல்லாம்
தொழுதுண்டு பின்செல் பவர்...

என்று சொன்ன வள்ளுவன் தான்,

இல்லாரை எல்லாரும் எள்ளுவர் செல்வரை
எல்லாரும் செய்வர் சிறப்பு...

என்றும் சொல்லி இருக்கான்...

மனித உறவுகள் மேம்படட்டும்

noreply@blogger.com (Yuvaraj) — Sat, 17 Oct 2015 20:34:00 +0000

ஒவ்வொரு மனிதனும் , சகமனிதர்களுடனான உறவை சரிவர மேற்கொள்ளாததால் தான் பொறாமை, வன்மம், ஆணவம், சகிப்பின்மை, அது இதுன்னு மனதில் வைத்துக்கொண்டு பழிவாங்குகிற பேரில் மனிதத்தை தொலைக்கிறார்கள்...

யாரை பார்த்தாலும், முகநூல் பதிவில் மனித உறவுகளில் உள்ள சிக்கல்களை மையமாக கொண்ட பொன்மொழிகளை பகிர்கிறார்கள் அல்லது தாங்களாகவே தத்துவங்களை எழுதி வைக்கிறார்கள்...

குறிப்பாக மனித உறவில் சிக்கல் , காதல், நட்பு ஆகியவற்றை தாண்டி, பணியிடங்களில் தான் அதிகமாக இருக்கிறது.

சக பணியாளர் படிக்கவே , தத்துவ பொன்மொழிகளை பதிந்து விடுவதாக ஆய்வில் தெரியவருகிறது.

அதனை சம்பந்தப்பட்டவர்கள் பார்க்கிறாரோ இல்லையோ, அதே கருத்துடைய வேறொருவர் பார்த்து பகிரப்படும் போது , இந்த உறவு சிக்கல் எவ்வளவு வீரியமாக பரவி கிடக்கிறது என்பது அடையாளப்பட்டு விடுகிறது.

இது சமூக சிக்கலாக்கி விடும் என்பதும் இன்னொரு அதிர்ச்சி...

இருந்தபோதும், சமூக வலைதளங்கள் இத்தகைய உளவியல் சிக்கல்களை கொட்டி தீர்க்கும் இடமாக அமையும் போது ஆறுதலான பகிர்வும், கருத்தும் மனமாற்றத்தை உண்டாக்கும்...

ஆனால் , இது எல்லா சூழலிலும் வேலை செய்யாது...

ஆக, இன்னா செய்யாமையை கடைபிடிக்கும் போது, எந்தஒரு இன்னலும் உறவுகளில் ஏற்படாது...

மனிதம் காக்க மனித உறவுகள் மேம்படட்டும்.. மனிதாபிமானம் மேலோங்கட்டும்.

திரிஷா இல்லைன்னா நயன்தாரா

noreply@blogger.com (Yuvaraj) — Sat, 17 Oct 2015 20:32:00 +0000

அண்மையில் திரிஷா இல்லைன்னா நயன்தாரா திரைப்படத்தினை பார்க்க நேர்ந்தது.

அது அப்படியே இருக்கட்டும்.

கீழ்காண்பதை முதலில் படித்து விட்டு தலைப்புக்கு வருவோம்.

திரைப்படங்கள் பொழுதுப்போக்கு என்று கூறப்பட்டாலும், மக்கள் அதனை வெறும் பொழுதுப்போக்காக மட்டும் நுகர்வதில்லை....

திரைப்படம் - ஓர் ஊடகம்

அது மக்களின் வாழ்வியலை பிரதிபலிக்கும் கண்ணாடி..

அங்கு காட்டப்படும் காட்சிகள் கற்பனைகளாக இருந்தாலும், கதையோட்டம் சிறிதேனும் நடைமுறை வாழ்வியலோடு ஒன்றிகிடக்கும் என்பதில் அய்யமில்லை.

சமகால வாழ்க்கைமுறைகள் ஒரு இடத்தில் இருந்து இன்னொரு இடத்திற்கு பயணப்பட்டு போக திரைப்படங்கள் உதவுகின்றன.

செயல்பாடுகளில், பழக்க வழக்கங்களில் மாற்றங்கள் செய்ய, சீர்த்திருத்திக் கொள்ள, சரியானவற்றை அடையாளங்காண திரைப்படங்கள் உதவுகின்றன.

நாகரிக மாற்றங்களும், திரைப்படங்களோடு சம்பந்தப்பட்டுதான் இருக்கின்றன.

கதாபாத்திரங்களின் உடை, நடைகள் யதார்த்த மனிதர்களுக்கு தொற்றிக்கொள்கின்றன.

கற்பனைகள் காட்சியாக்கப்பட்டாலும், மீண்டும் அந்த காட்சி நிஜமாக்கப்படுகிறது என்பதும் மறுக்க இயலாது..

ஆக, இந்த காட்சி ஊடகத்தை கையாளும் கலைஞர்கள் சற்று நடப்பு சமூகவியலின் ஓட்டத்தை கருத்தில் கொண்டு காட்சிப்படுத்த வேண்டும்.

இப்போது நான் தலைப்பில் சொல்ல வந்ததை திரைப்படம் பார்த்தவர்கள் கண்டுபிடித்து இருப்பார்கள்.

இளையோர் காதல் வயப்படுவது, அது ஏற்கபடாமல் அல்லது முறிந்து போவது, மது பழக்கத்திற்கு ஆளாவது..
இதற்கெல்லாம் ஒரு காரணம் இருக்கவே இருக்கின்றன.

இந்த திரைப்படத்தில் பதின்பருவ உணர்வுகளுக்கு தீனி போட்டு இருக்கிறார்கள்.

ஏதோவொரு வடிவில் உடலுறவுக்குள் காதலை அழைத்து செல்வதையே காணமுடிகிறது.

சமயத்தில் பெண்ணுடனான உறவை, குறிப்பாக பதின்பருவத்தில் கட்டுப்பாடுகளை தளர்த்தி, இயல்பானதாகவே கொண்டு செல்கிறார்கள்.

வார்த்தைகளால் நிறைய ஆபாசம் பேசி இருக்கிறார்கள்..

அரங்கில் உள்ள இளைய கூட்டம் ஒலி எழுப்பி, தன் மனதில் உள்ளதை பிரதிபலிப்பதை கண்டு அங்கீகாரம் தேடிக்கொள்கிறார்கள்.

இவற்றிற்கெல்லாம் மேல் நம்முள் எழும் அச்சம்..

ஒரு பெண்ணை காதல் கொண்டு, திருமணம் வரை நீடிக்க, அவளுடன் உறவுகொள்வதை நியாயப்படுத்த முயற்சிக்கிறது இந்த திரைப்படம்..

அதே சமயம், ஓர் ஆணிடம் உறவு கொள்வதும், அவன் பிடிக்கவில்லை என்று உதறிவிட்டாலும், அந்த உறவு ஒரு பொருட்டல்ல என்பதையும் சொல்ல வருகிறது.

நாம் கற்பு என்பதையோ, கலாசாரம் என்பதையோ வலியுறுத்தவில்லை...

பாதையறியா பதின்பருவ உணர்வுகளுக்கு மடை கட்ட தவறும் ஊடகத்தை சீரமைக்க வேண்டும் என்பதுவே எண்ணம்.

மேற்குறிப்பிட்ட படம் வயதுவந்தோருக்கானது என்று சான்றிதழ் பெற்றாலும், குடும்பத்தோடு சிறார்களோடு வந்து படம் பார்த்து சென்றதை காண முடிந்தது திரையரங்கில்..

இது தொலைக்காட்சியிலும் ஒளிபரப்ப எவ்வளவு காலம் ஆகிவிட போகிறது...

தலைநிமிர்வு கொண்டேன்..!

noreply@blogger.com (Yuvaraj) — Sat, 29 Aug 2015 22:16:00 +0000

இரண்டரை ஆண்டு காலம் இருக்கும்...

தலைகுனிவு வாழ்க்கை..
பெரும்பாலும் பொது இடத்தில்
தனிமையில் இருந்தாலே தலைகுனிவு தான்...

தொழில்நுட்ப வளர்ச்சிக்கு ஏற்ப நாமும் வளர வேண்டும் என்ற எண்ணத்தில் ஏற்பட்ட தொடர்பு...
காலத்தின் அவசியம், பணி நிமித்தம்...
தலைகுனிவு நிரந்தரமாகிவிட்டது...

ஜூலை 25, 2015 பகல் 1.30 மணி..
தலைகுனிவுக்கு ஒரு முற்றுப்புள்ளி வரப்போவதை அந்த நொடி வரை அறிந்திருக்கவில்லை...

மாநகர பேருந்து வருகைக்காக காத்திருந்த அந்த பொழுதிலும்..
தொடர்பு நெருக்கமாகவே இருந்தது...

பேருந்து வந்தது..
முதல்படி ஏறும் அந்த கணமும் என் இதயத்தோடுதான் ஒன்றிகிடந்தது...

மூன்று படி ஏறி சமதளத்தில் நின்று
இதயத்தை தடவினேன்....

உறவு அற்றுப்போனது...
அல்ல அல்ல உறவு களவாடப்பட்டது.
தொடர்பு திருடப்பட்டது..

அப்போது தான் இதயத்தை வெகுநேரம் தொட்டப்படியே உணர்ந்துக்கொண்டேன்..
சென்னையில் திருடர்கள் இருப்பதை....

தலை நிமிர்ந்தது...
தலை நிமிர்வு என் சிந்தனைக்கு தீணிப்போட்டது...

அன்றைய நாளிலிருந்து..

பொது இடத்தில் தனிமையில் இருக்கும் போதெல்லாம்...
உலகை கவனித்தது என் கண்கள்..
மூளைக்குள் சிந்தனை, கற்பனை...
கவிதைகள்... அக்கறை கீற்றுகள்...
அசைபோட்டன எண்ணற்ற எண்ணங்கள்...

ஸ்மார்ட்டாக உணர்ந்தேன்...
ஸ்மார்ட்போன் தொலைத்த நிமிடத்தில் இருந்து...

ஸ்மார்ட்போன் தொலைந்ததாலோ, திருடப்பட்டதாலோ என் மனம் பதறவில்லை...
என் மனம் மீண்டது என்பதில் எனக்குள் திருப்தி...

இது எத்தனை காலம் என்பது தான்
எனக்குள் இன்னொரு கேள்வியும்...

ஆனாலும்...
தலைநிமிர்வுக்கொண்டேன்....

இது எத்தனை காலம் என்பது தான்
எனக்குள் மீண்டும் மீண்டும் கேள்வி...

அதுவரையிலும்...
தலைநிமிர்வுக்கொள்வேன்....

இணையமும் தமிழ் செய்தி ஊடகங்களும்

noreply@blogger.com (Yuvaraj) — Sun, 19 Jul 2015 17:00:00 +0000

இணையதளம் இன்று பிரதான செய்தி ஊடகமாகி விட்டது.

இதற்காக தான் கூகுள் தனது முக்கிய திட்டப்பணிகளில் செய்தியாளர் மற்றும் செய்தி இணையதளங்களுக்காக தனி கவனம் செலுத்தி வருகிறது.

இதுமட்டுமல்லாது சமூக வலைதளங்களான முகநூல், டிவிட்டர், கூகுள்+ கூட செய்தி வழங்கும் முக்கிய தளமாகி விட்டன.

அதாவது, மேற்சொன்ன இணையதளங்களின் நோக்கம் தொடக்கத்தில் வேறு. ஆனால், இன்று அவற்றின் பிரதான நோக்கம் செய்தி .

உலகளவில் மிகப்பெரிய அச்சு மற்றும் தொலைக்காட்சி ஊடகங்கள் இணையதளங்களை தனது விளம்பரப்பலகையாக பயன்படுத்தாமல், பிரதான செய்தி வழங்கல் தளமாக்கி விட்டன.

இதில் கணிசமான வருவாயும் ஈட்டுகின்றன அந்த நிறுவனங்கள்.

இந்த தொழில்நுட்பத்தை ஆரம்பகாலத்தில் இருந்து நமது இந்திய ஊடகங்கள் நோட்டமிட்டுக்கொண்டே இருந்தன.

இதன் வரவு எங்கிருந்து வருவாயை பாதிக்குமோ என்ற அச்சத்தில் அச்சு மற்றும் காட்சி ஊடகங்கள இருந்தன.

ஆனால், தகவல் தொழில்நுட்பத்தின் அதீத வளர்ச்சி, அனைவரின் கைகளில் செல்பேசியை கொண்டு சேர்த்தது மட்டுமல்லாமல் இணைய பயன்பாட்டை அதிகரிக்க செய்தது..

இணையதளம் மூலம் சம்பாதிக்க முடியும் என்ற நிலை பிரகாசமானதும்... இணைய இதழ்கள் வரிசை கட்ட தொடங்கின...

இந்த பந்தயத்தில், அச்சும், காட்சியும் களமிறங்கின. .

என்ன... ஒரே போட்டாப்போட்டியாகியுள்ளது இணைய உலகில்...

ஆங்கிலத்தில் என்.டி.டி.வி., இந்தியா டைம்ஸ் உள்ளிட்ட செய்தி நிறுவனங்கள் இணையத்தில் முன்னணியில் உள்ளன.

சரியாக தொழில்நுட்பத்தை பயன்படுத்தும் இந்த நிறுவனங்கள், தேவையான பல தகவல்களை பிரத்யேக குழுவுடன் வழங்குவதால் முன்னணியில் இருக்கின்றன...

இணையதளங்களுக்கென நிதி ஒதுக்க அஞ்சிய தமிழ் ஊடகங்கள் அதனை வெளி நிறுவனங்களின் பராமரிப்பில் வைத்திருந்ததால் முடங்கி கிடந்தன...

அதேசமயம், தமிழ் உள்ளிட்ட ஆங்கிலமல்லாத பிறமொழி பயன்பாடு கணினியில் குறைந்திருந்ததாலும், இந்த தொய்வு பத்தாண்டுகளுக்கு முன் இருந்தது.

அக்காலக்கட்டத்தில் வெப்உலகம் (தற்போது வெப்துனியா) உள்ளிட்ட தளங்கள் முன்னணியில் இருந்தன.

தமிழ் கணினி, இணையத்தமிழ் வளர்ச்சியால் நாளடைவில் தமிழர்கள் தமிழை இணையத்தில் நன்கு பயன்படுத்த தொடங்கினர். அவர்களுக்கு ஏதுவாக கருவிகள் உருவாகின.

அதே சமயம் இணையத்தின் எதிர்காலத்தை உணர்ந்துக்கொண்ட தினமலர் , தினகரன், தினமணி, தினத்தந்தி, மாலைமலர், நக்கீரன், ஆகிய நிறுவனங்கள் தங்களின் இணையதளத்தை மேம்படுத்தி செய்தி ஊடகமாக இணையத்தில் உலவின.

இதில் தற்போது முன்னணி இடத்தில் தினமலர், மாலைமலர், தினத்தந்தி, தினகரன், தினமணி உள்ளிட்ட செய்தித்தாள்கள் இருக்கின்றன.

குறிப்பாக தினமலர் தனது பிரத்யேக குழுவால், அன்றாட நிகழ்வுக்கு ஏற்றவாறு, வாசகர்களின் பிடித்த செய்திகளோடு வடிவமைப்பிலும், கொண்டு சேர்க்கும் தொழில்நுட்பத்திலும் முந்தி இருக்கின்றன. இத்தனைக்கும் சமூக வலைதளத்தில் தினமலர் அவ்வளவு செயல்பாட்டோடு இல்லாத போதே முதல்நிலையில் உள்ளது. 'பிராண்ட்' எனப்படும் நிறுவனத்தின் பெயர் மட்டுமே இதற்கு காரணமாகி விடாது.

சரி.

தமிழ் சூழலில் தொலைக்காட்சிகள் ஆரம்பத்தில் இணையத்தை கண்டு அஞ்சியது என்றால் அதனை மறுக்க இயலாது.

காரணம் தனது பார்வையாளரை தொலைக்காட்சி பெட்டிக்குள்ளேயே அடக்க முயன்றன.

பிரதான வணிக வாய்ப்பை தொலைக்காட்சிதான் என்றிருந்த இவர்களுக்கு, இணையத்தை விலக்கி வைத்திருருக்கவே தோன்றியது.

முதன்முறையாக தமிழன் தொலைக்காட்சி தனது செய்தித் தொகுப்பை இணையத்தில் கொடுக்க தொடங்கியது.

மற்ற நிறுவன செய்திகளை அல்லது முழு ஒளிபரப்பை பணம் செலுத்தி பார்க்கும் வசதி இருந்தாலும் அதனை நேரடியாக தொலைக்காட்சி நிறுவனங்கள் செய்யவில்லை.

தமிழன் தொலைக்காட்சி இணையதளம் செய்திகளை உடனுக்குடன் வழங்கும் தளமாக மாற்றமானது.

வெறும் அச்சு ஊடகம் மட்டுமே இணையதளத்திலும் செய்திகளை வழங்கி வந்த சூழலில், காட்சி ஊடகம் ஒன்று முதல்முறையாக களமிறங்கியது.

நாளடைவில் கூகுள் செய்திகள் என்ற பக்கத்தில் தமிழ் செய்தியில் தமிழன் தொலைக்காட்சியும் இடம்பெற்றது.

ஆக, காட்சி ஊடக வரலாற்றில் செய்திகளை இணையதளத்தில் வழங்கும் முதல் தொலைக்காட்சி என்ற இடத்தை பிடித்தது.

பின்னாளில், புதிய தலைமுறை தொலைக்காட்சி ஒளிபரப்பு தொடங்கியதும், இணையதளத்தில் தொலைக்காட்சியை இலவசமாக வழங்கியது.

இதற்கான பார்வையாளர்கள் அதிகமானது..

இணையதளத்திலும் செய்திகளை உடனுக்குடன் வழங்கலானார்கள்...

அதிகமான வாசகர்கள் இல்லாவிட்டாலும், காட்சி ஊடகத்தை இணையத்திலும் பார்க்கும் சூழலை ஏற்படுத்தி கொடுத்தார்கள்...

நேரடியாக செய்திகளை பார்க்க வெளிநாடு வாழ் தமிழர்கள் நாட்டம் கொண்டார்கள்...

இவர்களும் அச்சு ஊடகத்தின் இணைய பணிப்போல், சமூக வலைதளங்களிலும் , இணையதளத்திலும் செய்தி சேவை வழங்க பிரத்யேக குழுவுடன் களமிறங்கினர்.

அதேசமயம் தந்தி தொலைக்காட்சியும், சன் தொலைக்காட்சியும் தங்கள் நிறுவனம் சார்ந்த அச்சு ஊடகங்கள் இணையத்தில் கோலோச்சுவதால் காணொளி பதிவுகளுடன் மட்டுமே காட்சியளிக்கின்றன.

இந்த வரிசையில், நியூஸ்7தமிழ் தொலைக்காட்சி தொழில்நுட்ப வளர்ச்சிக்கேற்ப புதிய தோற்றத்தில் களமிறங்கி உளளது.. சமூக வலைதளத்தை தொலைக்காட்சிக்குள் காட்டி, இணையவாசிகளுக்கு அடுத்த களத்தை காட்டி வருகிறது.

விவாத நிகழ்ச்சிகளுக்கு மட்டும் சமூக வலைதள கருத்துகளை புதியதலைமுறை உள்ளிட்ட நிறுவனங்கள் பயன்படுத்தி வரும் நிலையில், ஒவ்வொரு செய்திக்கான சமூக வலைதள தாக்கத்தை பதிவு செய்து வருகிறது நியூஸ் 7 தமிழ்.

அமெரிக்காவில் கேபிள் எனப்படும் கம்பிவட தொலைக்காட்சி சேவை பெரும்பாலும் முடங்கி விட்டதாகவும், அங்குள்ள இளைஞர்கள் டிஜிட்டல் கருவிகளான கணினி, செல்பேசியிலேயே தொலைக்காட்சிகளை பார்ப்பதாக ஆய்வுகள் கூறுகின்றன.

இந்த நிலை நம்ம ஊரில் நிகழ நாட்கள் தொலைவில் இல்லை... காரணம் இணையப் பயன்பாடு நம் நாட்டில் அதிகமாகியிருப்பதே.

இணையதொலைக்காட்சிகளும், யூடியூப் தொலைக்காட்சிகளும் பெருகி வருகின்றன. அதற்கான வணிக வருவாயும் கிடைப்பதால்... இணையம் அடுத்த தலைமுறைக்கான இலக்காகி விட்டது...

நீங்களும் முந்திக்கொள்ளுங்கள்.. இணையத்தில் இடம்பிடிக்க...

இங்கு ரியல் எஸ்டேட் தொல்லை இருக்காது... கட்டுமான கூலி வேண்டுமானால் ”கூட” இருக்கலாம்...

செய்தி இணையதளத்தின் நுனிப்புல் மேய்ச்சலாக தான் மேற்காண்பவை... இது குறித்த மேம்பட்ட தகவல்கள் விரைவில்...

மேலதிகம் படிக்க: thamizhthottam.zhakanini.com

ஆபாசத்தை தேடும் இளைஞர்கள்...

noreply@blogger.com (Yuvaraj) — Sun, 12 Jul 2015 23:00:00 +0000

அறிவுத்தேடலில் இணையம் இன்றியமையா ஒன்றாகி விட்டது இன்றைய காலக்கட்டத்தில்...

இதில் மூழ்கி சின்னாபின்னமானவர்களும் உண்டு, மூழ்கி முத்து எடுத்தவர்களும் உண்டு.

சரி தத்துவங்களுக்கு அப்பால் சில உண்மைகளை உடைப்பதுவே இந்த பதிவின் நோக்கம் என்பதையும் குறிப்பிட விரும்புகிறேன்.

என்னவென்றால், இணையம் என்றால் முக்கிய இடத்தில் இருப்பது “ஆபாசம்”.

இணையத்தில் மூழ்கி முத்தெடுப்பவர்களில் பலர் தன்னந்தனியே என்ன பார்ப்பார்கள் என்பது நான் சொல்ல வேண்டியதில்லை...

ஆனால் ஆபாச இணையதளமே, யாரெல்லாம் ஆபாசங்களை ரசிக்கிறார்கள் என்பதை ஆய்வு செய்துள்ளது.

அதன் முடிவுகள் தற்போது வெளியாகியுள்ளது.

1980 களுக்கு பிறகு பிறந்தவர்களிடம் ( இன்றைய இளைஞர்கள் ) நடத்தப்பட்ட இந்த ஆய்வில், 24 விழுக்காடு பெண்களும், 76 விழுக்காடு ஆண்களும் ஆபாசங்களை பார்ப்பதாக தெரியவந்துள்ளது.

இதில் சுட்டிக்காட்டப்பட்டுள்ள பெண்களின் அளவீடு வழக்கத்தை விட அதிகம் என்கிறது ஆய்வு.

அதாவது, முந்தைய தலைமுறையை விட (35+ வயதினர்) இந்த தலைமுறை இளைஞிகளில் ஆபாசத்தை ரசிப்பவர்கள் அதிகமாம்.

குறிப்பாக இரவு 11 மணிக்கு மேல் ஆபாசத்தை தேடும் இளைஞர்கள், சராசரியாக 9 நிமிடங்கள் ஆபாச இணையதளத்தை பார்ப்பதாக தெரிவிக்கிறது ஆய்வு.

ஸ்மார்ட்போன் காலம் என்பதால், ஆபாசங்களை பார்க்கும் இளைஞர்களில் 60 விழுக்காட்டினர் தங்களது ஸ்மார்ட் போனிலேயே பார்த்துவிடுவதாகவும் ஆய்வு தெளிவுப்படுத்துக்கிறது.

இன்னொரு சுவாரசியமான தகவல் என்னவென்றால், வாரத்தில் சனிக்கிழமை அன்று ஆபாசம் பார்ப்போர் எண்ணிக்கை குறைவாம், திங்கட்கிழமை தான் எண்ணிக்கையில் கூடுதலாக இருக்கிறதாம்.

குறிப்பு: இது நம்ம ஊரில் நடத்தப்பட்டதல்ல... அமெரிக்காவின் குறிப்பிட்ட இணையதளம் தனது பார்வையாளர்களை நோட்டம் விட்டதில் கண்டறிந்தது.

குடிப்பவனிடம் அறிவுரை கூறுவது....

noreply@blogger.com (Yuvaraj) — Thu, 09 Jul 2015 18:00:00 +0000

குடிபோதைக்கு அடிமையாகி விட்டவனைத் திருத்த அறிவுரை கூறுவதும், தண்ணீருக்குள் மூழ்கிவிட்டவனைத் தேடிக்கண்டுபிடிக்கத் தீப்பந்தம் கொளுத்திக் கொண்டு செல்வதும் ஒன்றுதான்.

இதை நான் சொல்லலைங்க...

நம்ம வள்ளுவர் ஈராயிரம் ஆண்டுகளுக்கு முன் அனுபவித்து எழுதி இருக்கிறார்...

களித்தானைக் காரணம் காட்டுதல் கீழ்நீர்க்

குளித்தானைத் தீத்துரீஇ அற்று.

கோயம்பேடு பேருந்து நிலையம்

noreply@blogger.com (Yuvaraj) — Wed, 08 Jul 2015 19:00:00 +0000

ஊருக்கு பேருந்தும் கிடைக்கும்.. உறவுக்கு பெண்ணும் கிடைக்கும்...

வேறெங்குமில்லை, 24 மணி நேரமும் இயங்கிக்கொண்டிருக்கும் சென்னையின் முக்கிய இடமான கோயம்பேடு புறநகர் பேருந்து நிலையம்
தான்.

இங்கு வெளியூர் செல்வோர் கணிசமாக நடமாடுவது நாம் அறிவோம்...

ஆனால், இங்கேயே குடித்தனம் நடத்துவோரை அறிவோமா...?

சொந்த ஊர் செல்ல வாரந்தோறும் கோயம்பேடு பேருந்து நிலையம் சென்று தான் பேருந்து பிடித்து செல்வேன்..

ஒவ்வொருமுறையும் புதுப்புது காட்சிகள் கண்களில் தென்படும்...

அதனை பட்டியலிட்டால் பக்கங்கள் நீளும்..

இருந்தாலும், இன்றைய காட்சிகளையாவது பட்டியலிட்டு விடுகிறேன்..

பேருந்து நிலையம் நுழைந்ததும் அகன்ற அரங்கம் நம்மை வரவேற்கும்.
இரவில் அங்கு பெருங்கூட்டம் படுத்து கிடக்கும்.. அதில் பாதி கடைசி பேருந்தை தவற விட்டதும், மீதி வீடே இதுவென வாழ்ந்து கிடப்பதுமாக இருக்கும்...

இங்கு அமர மட்டுமே அனுமதி . ஆனால், கூட்டம் மிகுதியானால் விதிகளுக்கும் ஓய்வு வழங்கப்படும்.

சில நேரம் அந்த அரங்கம் வெறிச்சோடி இருக்கும்.. சுற்றி பார்த்தால் சில காவல் தெய்வங்கள் கொம்புகளால் தரையை தட்டிக்கொண்டிருக்கும்.

ஆனாலும், மேற்சொன்ன காட்சி அப்படியே இருக்கும் வெறொரு அரங்கில்..

இருக்கவே இருக்கு மாநகர பேருந்து நிலையம்..

புல்வெளியிலும், நடைமேடையிலும் படுத்துக்கிடக்கும் காட்சிகள் என் புகைப்பட கருவியில் சிக்கிக்கொண்டது இன்று...

சரி. இது ஒரு காட்சி என்றால்...

மங்கிய வெளியில் மங்களகரமாக , முகத்தில் மாவும், தலையில் பூவும் சூடி ,
மயக்கும் உடையில், தயக்கம் இன்றி அழைக்கும் மங்கைகளும், திரு நங்கைகளும் வாடிக்கை இங்கு...

கழிவறைக்குள் சென்றால் அங்கேயே ஒரு உருவம் உலவிக்கொண்டிருக்கும்... சற்று பேச்சுக்கொடுத்தால் புக்கிங்கும் நடக்கும்...

நண்பர்களே..
சோற்றுக்கே திண்டாடுவோரும், வீடற்று கிடப்போரும், சென்னையில் இருப்பதை அன்றாடம் கண்டிராதோர் இல்லை.

காசுக்காக பகலில் பிச்சைகொள்வோரையும், இரவில் இச்சைக்கொள்வோரையும் அறிந்திடாதோர் இல்லை..

இதெல்லாம் மாற வேண்டும் என்றுதான் ஆசை...

முகநூலில் மாரடித்து என்ன பயன்?

வாழ்க தா(போ)லி !

noreply@blogger.com (Yuvaraj) — Tue, 07 Jul 2015 20:30:00 +0000

தாலி என்பது இந்து சமயத்தை பின்பற்றுகிற பெண் ஒருவருக்கு, ஒருங்கே இல்லறம் ஏற்கும் ஆண் அணிவிக்கும் கயிறு என்பதை யாவரும் அறிவர்.

அது அண்மையில் கேலி கூத்தான கதை ஊரறிந்ததே..

சரி. விடயத்துக்கு வருகிறேன்.

சென்னை மாநகர பேருந்தில், பயணித்துக்கொண்டிருந்தேன்.

பின் இருக்கையில் இருந்ததால், முன்னோக்கி என் பார்வை இருப்பதும் இயல்பே...

சட்டென என் கண்ணில் பட்டது ஒரு இளம்பெண்ணின் தாலி...

அது அசாதாரணமாக முதுகில் தொங்கிக்கொண்டிருந்தது.

ஒரு வேளை சங்கிலி பறிப்புக்கு இலக்காகி, பின்னர் முயற்சி தோல்வியடைந்ததால் தப்பித்த தாலியோ எண்ணிக்கொண்டேன்...

இது நடந்து நாட்களானது...

அண்மையில் அதேபோல் காண நேர்ந்தது, வேறொரு சூழலில்...

பின்னர் தான் தெரிந்தது , பெரும்பாலான இளம்பெண்கள் தங்கள் தாலியை கழுத்தில் இருப்பதை அசிங்கமான அடையாளமாக கருதுவது...

அதை ஆடைக்குள் மறைத்துக்கொள்கிறார்கள்.

சில சமயம் அது வெளியே வந்து காட்டிக்கொடுத்துவிடுகிறது..

தெளிவான புரிதல் என்ன்வென்றால்..

பெண்கள் தாலியை விரும்புகிறார்களோ இல்லையோ...

அது வெறும் கயிறாக இல்லாமல், தங்கத்தால் ஆனதென்றால் சமூகத்தில் மற்றவர் முன் மதிப்பாக உணருகிறார்கள் என்பதை உணர முடிகிறது...

வாழ்க தா(போ)லி !

டிஜிட்டல் அம்னீசியா தெரியுமா உங்களுக்கு...?

noreply@blogger.com (Yuvaraj) — Tue, 07 Jul 2015 20:00:00 +0000

ஸ்மார்ட் ஃபோனை சதா கட்டி அழும் நண்பர்களே..!

டிஜிட்டல் அம்னீசியா தெரியுமா உங்களுக்கு...?

ஞாபக மறதியில் இது ஒரு வகையாம்.

ஸ்மார்ட்ஃபோனையும், இண்டெர்நெட்டையும் எந்த நேரமும் கட்டி அழும் நம்மள மாதிரி ஆளுங்களை இந்த நோய் தாக்குமாம்...

நாம நம்ம மூளையை கூகுளிடம் தாரை வார்த்து கிடப்பதையே அறியாமல் இருக்கிறோமே...

இது தான் இந்த நோய்க்கான முதல் அறிகுறி...

எதையும் ஞாபக வச்சுக்காம , ஒன்னு கூகுளை தட்டனும், இல்ல ஃபோனை தட்டனும்...

இது தான் நம்ம நாலேஜ் என்றால்...

நமக்கு வந்திருக்கும் நோய்க்கு பேர் டிஜிட்டல் அம்னீசியா..

பத்து ஃபோன் நம்பர் கூட... நம்மால ஞாபகத்துல வச்சுக்க வக்கில்லனா

நமக்கு வந்திருக்கும் நோய்க்கு பேர் டிஜிட்டல் அம்னீசியா..

அமெரிக்கக்காரனுக்கு இந்த பாதிப்பு அதிகமா வந்துவிட்டதாம்.

உஷார் நண்பர்களே...

ஸ்மார்ட்ஃபோன் ஹாலிடே ன்னு ஒரு நாள் அனுசரிக்க வச்சுடாதீங்க..

இரவில் செய்தி வழங்கும் தொலைக்காட்சிகள்

noreply@blogger.com (Yuvaraj) — Mon, 06 Jul 2015 23:05:00 +0000

தந்தி தொலைக்காட்சியும், புதிய தலைமுறை தொலைக்காட்சியும் இரவிலும் செய்திகளை நேரலையாக தொகுத்து வழங்குகின்றன.

இருநிறுவனத்தின் சேவைக்கும், ' போட்டி 'க்கும் வாழ்த்துகள்...

(தந்தி தொலைக்காட்சி)

(புதிய தலைமுறை தொலைக்காட்சி)