தண்ணீர் குன்னம்

நமது வலைதளம் அறிவிப்பு

noreply@blogger.com (THANNEER KUNNAM) — Fri, 14 Jun 2013 20:33:00 +0000

அன்பார்ந்த தண்ணீர்குன்னம்.நெட் வாசகர்களே நமது வலைதளம் கடந்த நான்கு வருடங்களாக சிறப்பாக செய்திகள் வெளியிட்டு வந்தோம் அதனை கடந்த 15.01.2013 முதல் எந்த முன்னறிவிப்பும் இல்லாமல் நிறுத்தியதற்காக உங்களிடம் முதலில் வருத்தத்தை தெரிவித்துகொள்கிறோம்.இது இன்னும் 3அல்லது 4 மாதங்கள் நீடிக்கலாம்.ஆனால் இடையில் மட்டும் கணிணி சம்மந்தமாகவும் முக்கிய அரசு செய்திகள் இருப்பின் வெளியிடுவோம் என்பதனை தெரியப்படுத்திக்கொள்கிறோம். என்றும் உங்கள் ஆதரவில் தண்ணீர்குன்னம்.நெட் 15/06/13

காம வெறியில் அலையும் இந்திய சிப்பாய் ?

noreply@blogger.com (THANNEER KUNNAM) — Mon, 14 Jan 2013 06:29:00 +0000

நாட்டு குடி மக்களுக்கு பாதுகாப்புக்குத்தான் ராணுவ ம், ஆனால் இங்கு இந்திய ராணுவ (அ)யோக்கியர்க ள் என்ன செய்கிறார்கள் கொஞ்சம் நீங்கள்தான் பாரு ங்களேன். (இந்திய இராணுவ சிப்பாயின் காம வெறி). இது அசாமில் அண்மையில் நடந்த உண்மைச் சம்ப வம். தன்னை பலாத்காரமாக பாலியல் வல்லுறவிற் கு உட்படுத்த முனைந்த இந்திய இராணுவ வெறிய னை மக்கள்
பார்வைக்கு முன்பாகவே கையில் கிடைத்த கற்களைக் கொண்டு தாக்கி விரட்டும் ஒரு அஸ்சாமிய பெண். (வலது புறம் கீழே உள்ள விடியோ வை கிளிக் செய்து பாருங்கள்).

அசாமை ஆக்கிரமித்துள்ள இந்திய அரசால் ஏவிவிடப்பட்டுள்ள இராணுவம் இவ்வாறான பல அப்பாவி மக்கள் மீதான சட்டவிரோத செயல்களை புரிவது இயல்பான ஒன்றே. இராணுவ அடக்கு முறைக்கு எதிராக மக்கள் உணர்வு பூர்வமானபோராட்டத்தை அங்னே முன்னெடுத்து வருகிறார்கள்.

காஸ்மீரில் இந்திய இராணுவத்தால் கற்பழிக்கப்பட்ட பெண்கள் ஏராளம் ஏராளம். அங்கே பெண் ஒருவர் இவ்வாறு கல்லெறிந்தால் லக்ஸர் ஈ தொய்பா அங்கத்தவர் என பயங்கரவாத முத்திரை குத்த தயங்காது இந்திய அரசு.

காஷ்மீரில் தந்தயின் கண்முன்னே ,கணவன் கண்முன்னே மனைவி சகோதரன் கண்முன்னே சகோதரி என்று கற்பழிப்பு நடந்து இருக்கிறது இதை எல்லாம் கோப பட்டு தட்டி கேட்டால் அடுத்தநாள் செய்தில் வருவார்கள் இவர்கள் எப்படி தெரியுமா ? கஷ்மீரில் தீவிரவாதிகள் சுட்டு கொள்ள பட்டனர் என்று மீடியாக்கள் பாராட்டுடன். காம கொடூரர்களின் ஆசைக்கு இணைக்கவில்லை என்றால் அவர்கள் கையில் இருக்கவே இருக்கு முஸ்லிம் தீவிரவாதி என்ற ஆயுதம் அதை பயன்படுத்தி அவர்களை கொலை செய்துவிடுவது இப்படி இறந்தவர்களின் எண்ணிக்கை ஏராளம். இவர்களின் அநியாயங்களுக்கு பெரும்பாலான மீடியாக்கள் துணை போகிறது அவன் அவன் கஷ்டத்தை அவன் அவன் உணரும் வரை தெரியாது வேதனையும் வலியும்.

நமது கேள்வி: டெல்லி மாணவியை பாலியல் பலாத்கார ஆளாக்கப்பட்டதை ஊடகங்கள் ஊதி பெரிதாக்கின, பற்றாக்குறைக்கு நாமளும் அவனை அப்படி செய்ய வேண்டும் இப்படி செய்யவேண்டுமேன்றோம். தினம் நடக்கும் அசாமிலும், காஷ்மீரிலும் இன்னும் பிற மாநிலத்திலும் ராணுவ உடையில் இருந்துகொண்டு அயோக்கிய தனங்கள் செய்யும் இந்திய இராணுவத்திற்கு என்ன தண்டனை கொடுப்பது.?

நன்றி தினக்ஸ்

பிரபல மருத்துவ விஞ்ஞானி மஹ்தி ஹஸன் மறைவு

noreply@blogger.com (THANNEER KUNNAM) — Mon, 14 Jan 2013 03:33:00 +0000

லக்னோ:மருத்துவ துறையில் பல்வேறு சாதனைகளை புரிந்த விஞ்ஞானி மஹ்தி ஹஸன் நேற்று மரணமடைந்தார். உடல் நலக்கோளாறால் பாதிக்கப்பட்டு தனியார் மருத்துவமனையில் அனுமதிக்கப்பட்டிருந்த அவர் மரணத்தை தழுவினார். அவரின் உடல் இன்று லக்னோவில் உள்ள இமாம்பாடா குஃப்ரா மாப் சாஹிப் அடக்கஸ்தலத்தில் நல்லடக்கம் செய்யப்படும் என்று அறிவிக்கப்பட்டு

ள்ளது. 1936 மார்ச் 21-ல் உத்திரப்பிரதேசத்தில் உள்ள கதாயன், அக்பர்பூர் (இப்போதைய அம்பேத்கர் நகர்) என்னும் கிராமத்தில் பிறந்தவர்தான் பத்மஸ்ரீ பேராசிரியர். மஹ்தி ஹஸன்.

மருத்துவப் பணியில்:இந்திய தேசிய விஞ்ஞானக் கழகத்தின்( Indian National Science Academy) கவுரவ விஞ்ஞானியாக இருந்தவர். 1883 யிலிருந்து 87 வரையில் லக்னோவின் ராஜா ஜார்ஜ் மருத்துவப் பல்கலைக்கழகத்தில் (King George’s Medical University) மனித உடற்கூறு பாடப் பிரிவின் கவுரவ பேராசிரியராக பதவி வகித்தார். அதே பல்கலைக்கழகத்தில் முதல்ராகவும், சிறப்பு மேலதிகாரியாகவும் பதவி வகித்தவர். 1992-94 வரை அலிகாரில் உள்ள ஜவஹர்லால் நேரு மெடிகல் காலேஜில் டீனாகவும், 1972-96 வரை பேராசிரியராகவும், 1990-93 வரையில் மனித உடற்கூறு பிரிவின் சேர்மனாகவும் இருந்தவர்.

1991-1992 இன் டாக்டர். பி.சி.ராய் தேசிய விருதை (Dr B.C. Roy National Award) ‘தலை சிறந்த மருத்துவ ஆசிரியர்’ பணிக்காகப் பெற்றவர். இன்றைய உலகில் 12,200க்கும் மேற்பட்ட அவரின் மாணவர்கள் மருத்துவப்பணி ஆற்றிக்கொண்டுள்ளனர்.

‘எஸ்கார்ட்ஸ் இருதய மருத்துவமனை’யின் பத்மஸ்ரீ டாக்டர்.அஷோக் சேத்தும், இதய ரண வைத்தியர் பத்மஸ்ரீ டாக்டர்.நரேஷ் ட்ரெஹானும் பேராசிரியர் ஹசனின் மாணவர்களே என்பது குறிப்பிடத்தக்கது.

மருத்துவ-அறிவியல் உலக சாதனைகள்:பேராசிரியரின் இடைவிடா முயற்சியானது, மருத்துவத்துறையை நவீனப்படுத்தும் முயற்சிகளின் மேலான மருத்துவ ஆராய்ச்சிகளேயாகும். சுற்றுப்புற சூழல் மாசுபடுதல், விவசாயத்தில் உபயோகிக்கப்படும் அதி வீரிய பூச்சி மருந்துகள் குறித்த ஆய்வு, உடல் உறுப்புக்களுக்கும், நரம்புகளுக்கும் மாற்றாக உலோகங்களை உபயோகித்தல் (neurotoxicity), மண்டையோட்டில் நீர் கோர்த்தல்(hydrocephalus), மூப்படையும் மூளை போன்றவை குறித்த ஆய்வுகள் ஆகியவை அவரின் ஆராய்ச்சியின் முக்கிய அம்சங்களாக இருந்தன.

மூளையில் படரக்கூடிய நிறப்படலங்கள்(lipofuscin), எங்கேயிருந்து, எதனால் தோன்றின போன்ற கேள்விகளுக்கு ஒரு அனுமானத்தை 1972இல் பேராசிரியர் ஹசனும், அவருடைய குழுவும் ஆராய்ந்து அறிவித்தது. அதனையே 2002இல் ஸ்காண்டினீவியாவைச் சார்ந்த ஆராய்ச்சிக்குழு(Scandinavian group) பரிசோதனை செய்து உறுதிபடுத்தியது.

மூளையில் துத்தநாகம் இருப்பதை கண்டுபிடிக்கும் புதிய உத்திகளையும் பேராசிரியர் இவ்வுலகிற்கு அறிமுகப்படுத்தியுள்ளார்.

கல்விப் பணியில்:மருத்துவத்துறையைச் சார்ந்த பெயர் பெற்ற, குறிப்பிடத்தகுந்த இதழ்களில் எல்லாம் பேராசிரியரின் கட்டுரைகள் அட்டவணைப்படுத்தப்பட்டுள்ளன. மருத்துவ நூல்களில் புகழ் பெற்ற க்ரே’யின் மனித உடற்கூறு புத்தகம்(Gray’s Anatomy) உட்பட உலகளாவிய தரத்தில் 38 புத்தகங்கள் வரையிலும் அவருடைய ஆராய்ச்சிகள் மேற்கோள்களாக காட்டப்பட்டுள்ளன். பல மருத்துவ கட்டுரைகளிலும், இதழ்களிலுமாக 660க்கும் மேலான குறிப்புகள் இவரின் ஆராய்ச்சிகளிலிருந்து உதாரணங்களை காட்டப்பட்டுள்ளன. கடும் உடல்நலக் குறைவில் இருந்தபோதும் கடந்த வருட டிசம்பர்-2012ல் ஒரு புத்தகம் எழுதி வெளியிட்டார். மருத்துவத்துறையில் அதனுடன் சேர்த்து மொத்தம் ஆறு புத்தகங்கள் அவரால் எழுதப்பட்டுள்ளன என்பது குறிப்பிடத்தக்கது.

மாலியில் பிரான்சிய தாக்குதல் ஆரம்பம் 100 பேர் மரணம்

noreply@blogger.com (THANNEER KUNNAM) — Mon, 14 Jan 2013 03:20:00 +0000

ஆபிரிக்க நாடான மாலியில் பிரான்ஸ் தனது கைவ ரிசையை காட்ட ஆரம்பித்துள்ளது, நேற்று சனி இர வு முதல் மதியம்வரை பிரான்சிய விமானங்கள் நடா த்திய தாக்குதலில் தீவிரவாதிகளும், மாலிப்படைக ளுமாக மொத்தம் 100 பேர்வரை மரணித்துள்ளனர்.இ ந்தத் தாக்குதலில் பிரான்சிய உலங்குவானூர்தி தா க்கதல் பிரிவு போலீசார் ஒருவரும் மரணமடைந்து ள்ளார்.கடந்த சில தினங்களுக்கு முன்னர் மாலியின் மத்திய நகரமான கொனாவை அல்காய்தா
போரா ளிகள் கைப்பற்றியிருந்தனர், அதே நகரத்தில்தான் நேற்று பிரான்சிய விமான த் தாக்குதல்கள் முனைப்பாக நடந்துள்ளன.

பயங்கரவாதிகளை முற்றாக வெளியேற்றுவதற்கான முயற்சிகளை மாலி நாட்டின் அரசுடன் இணைந்து பிரான்சிய படைகள் முன்னெடுக்கும் என்று பிரான்சிய அதிபர் ஒலந் நேற்று தெரிவித்துள்ளார்.

மாலிக்கு புறப்படுவதற்கான இறுதிக்கட்ட பணிகளில் பிரான்சிய தரைப்படையினர் தயாராகிக் கொண்டிருக்கிறார்கள்.

மேலை நாடுகள் மத்திய கிழக்கை முடித்து ஆபிரிக்க சருகுகளை மூட்டி வெளிச்சம் பெற இருப்பது போல ஆபிரிக்காவிற்குள் பிரான்சின் நுழைவு இருக்கிறது.

அதேவேளை பிரான்ஸ்சிய படைகள் சோமாலியாவிற்குள் பணயக்கைதி மீட்பு நடவடிக்கைக்காக பிரவேசித்த முயற்சி தோல்வியடைந்து, ஒரு பிரான்சிய படைவீரர் கொல்லப்பட்டு இன்னொருவர் காணாமல் போயுள்ளார்.

இந்தத் தாக்குதலில் சுமார் 19 பேர் மரணமடைந்ததாக நேற்றைய செய்திகள் தெரிவித்திருந்தன.

கடத்தி வைக்கப்பட்டுள்ள பிரான்சிய உளவாளி என்னவானார் என்று தெரியவில்லை.

மறுபுறம் பிரான்சில் ஓரினச் சேர்க்கைக்கு எதிராக இன்று பாரிய ஆர்பாட்டம் நடைபெற இருக்கிறது.

எட்டு கிறீத்தவ பிஷப்கள் பங்கேற்கிறார்கள், பிரபல அரசியல் தலைவர் ஜீன் பிரான்கோஸ் முக்கிய பாத்திரம் வகிக்கிறார்.

பிரான்சிய அரசு ஓரினச் சேர்க்கைக்கு அனுமதி வழங்கி, ஓரின தம்பதிகள் பிள்ளைகளை தத்தெடுக்கவும் வழி செய்யும் சட்டத்தை அமல் செய்ய இருக்கும் செய்தியறிந்து இந்த ஆர்பாட்டம் இன்று ஞாயிறு பிரான்சிய வீதிகளை ஊடறுத்துப் பாயவுள்ளது.

இந்த வாரம் பிரான்ஸ் உலக அரசியல் அரங்கில் முக்கிய நகர்வுகளை முடுக்கிவிட்டுள்ளது, பிரான்சிய முன்னாள் அதிபர் ஸார்கோஸி தலைமையில் மேலை நாடுகளின் தலைவர்கள் பாPசில் நடாத்திய முக்கிய மாநாட்டின் அதிர்வுகளே இந்த வாரம் வெளிப்படையாக தெரிய ஆரம்பித்துள்ளன.

இனி நடைபெறப் போகும் போர்களில் மேலை நாடுகளின் அணிக்கு பிரான்சே தலைமை தாங்கப்போகிறது என்று லிபிய தாக்குதலுக்கு முன்னர் அமெரிக்கா தெரிவித்திருந்தது.

ஆபிரிக்க நாடுகளில் அடுத்த கட்ட போர்கள் வெடிக்கப் போகிறது என்பதையோ, ஆபிரிக்காவில் காலனித்துவம் செலுத்தியுள்ள பிரான்ஸ் அதற்கு தலைமை தாங்கப் போகிறது என்பதையோ அமெரிக்கா தெரிவிக்கவில்லை.

ஆனால் அந்த மாபெரும் இரகசிய கூட்டத்தின் நகர்வுகள் ஆரம்பித்துவிட்டன…

அமெரிக்க ட்றோனார் விமானங்களை ஆபிரிக்காவிற்குள் நகர்த்த வேண்டுமென நேற்று முன் தினம் ஐ.நா செயலர் கேட்டிருந்தார்.

நேற்று அமெரிக்கா பிரான்சிற்கு தனது ஆதரவை தெரிவித்திருந்தது, அதேவேளை ஸார்கோஸியின் தலைமையில் அந்தப் பணிகளை அமெரிக்கா முன்னெடுக்க விரும்பவில்லை, காரணம் ஸார்கோஸி ஜேர்மனிய சான்சிலர் அஞ்சலா மேர்க்கலுடன் கொண்ட நல்லுறவு அதற்கு தடையாக இருந்தது.

ஆனால் மேர்க்கலுடன் பிரான்சிய ஒலந்திற்கு இடைவெளி இருப்பதால் அமெரிக்க ஆதரவை பிரான்ஸ் பெற வழியிருக்கிறது.

ஆனால் ஒரு விடயம் தெரிகிறது.. உலகப் பயங்கரவாதத்தை அடக்கப் புறப்பட்டுள்ள பிரான்ஸ் தனது மடியில் பயங்கரவாதத்தை இனி சுமக்க விரும்பாது..

11 பேர்களை கொலை செய்து, மனித மாமிசம் விற்ற சீன நபருக்கு மரண தண்டனை

noreply@blogger.com (THANNEER KUNNAM) — Mon, 14 Jan 2013 03:13:00 +0000

தெற்கு சீனாவில் யுன்னான் மாகாணத்தை சேர்ந்தவ ன் ஷங்யாங்மிங் (57). இவன் தொடர்ச்சியாக பலரை கொலை செய்தான். பின்னர் அவர்களின் உடலை வெட்டி மாமிசத்தை நாய்களுக்கு இரையாக்கினான். பலரின் உடலை எரித்தும், புதைத்தும் தடயங்களை அழித்தான். அனைத்துக்கும் மேலாக, தான் கொலை செய்த சிலரின் மாமிசத்தை விற்று பணம் சம்பாதித் தான். நெருப்பு கோழி கறி என ஏமாற்றி மார்க்கெட்டி
ல் பகிரங்கமாக விற்றான். இதுபோன்று 11 பேரை கொலை செய்த ஷங்யாங்
மிங்கை போலீசார் கைது செய்தனர்.

பின்னர் அவன் மீது கோர்ட்டில் வழக்கு தொடரப்பட்டது. வழக்கை விசாரித்த கோர்ட்டு அவனுக்கு மரண தண்டனை விதித்தது. இதைத் தொடர்ந்து இந்த தண்டனை அவனுக்கு நிறைவேற்றப்பட்டது

சிரியா இட்லிப் விமானத்தளம் போராளிகளிடம் விழுந்தது

noreply@blogger.com (THANNEER KUNNAM) — Mon, 14 Jan 2013 03:11:00 +0000

சிரியாவின் மிக முக்கியமான விமானத் தளங்களில் ஒன்றான இட்லிப் இன்று வெள்ளி போராளிகளின் கரங்களில் விழுந்துள்ளது.கடந்த 22 மாத காலப் போ ரில் சிரிய அதிபர் ஆஸாட்டுக்கு ஏற்பட்ட மிகப்பெரி ய தோல்விகளில் இது முக்கியமானதாகும்.ஏராளம் வெடி மருந்துகள், ஆயுதங்கள், வாகனங்கள் போன் றவற்றையும் போராளிகள் கைப்பற்றியுள்ளார்கள். யொப்காற் அல் நசூரா போராளிகளே இந்த வெற்றி யை பெற்றுள்ளனர் ஏராளம் சிரியப் படைகள் கொல் லப்பட்டு பலர் சரணடைந்து

ள்ளனர்.

அல் நசூரா அமைப்பு மேலை நாடுகளில் தடை செய்யப்பட்ட பயங்கரவாத பட்டியலில் உள்ள அமைப்பென்பது குறிப்பிடத்தக்கது.

பெருந்தொகையான இராணுவ வாகனங்களையும், வெடிமருந்து களஞ்சியம் ஒன்றையும் கைப்பற்றியதாக போராளிகள் அறிவித்துள்ளனர், இரு தரப்பும் தமது இழப்புக்கள் பற்றிய தகவலை வெளியிடவில்லை.

சண்டை நடக்கும்போதே சுமார் 60 உலங்குவானூர்திகள் வேறு இடத்திற்கு அப்புறப்படுத்தப்பட்டதாக சிரிய இராணுவம் கூறியுள்ளது.

சிரிய விவகாரத்தில் ஐ.நாவின் தொடர்பாளராக பணியாற்றும் லக்டர் பக்ராமி இன்று வெளியிட்ட கருத்தில் ஆஸாட்டும் அவர் குடும்பத்தினரும் சிரியாவில் நீண்ட காலம் ஆட்சி செய்துவிட்டார்கள் இது போதும் என்று தெரிவித்துள்ளார்.

ஆஸாட் குடும்பம் சுமார் 40 வருடங்களுக்கு மேல் அந்த நாட்டை தமது கட்டுப்பாட்டில் வைத்திருந்துவிட்டது, ஆஸாட்டின் தந்தை 1970 முதல் 30 வருடங்கள் ஆட்சிக் கட்டிலில் இருந்துள்ளார் என்றும் தெரிவித்துள்ளார்.

பக்ரமியின் இந்த பேச்சுக் குறித்து சிரிய வெளிநாட்டு அமைச்சு தனது ஆச்சரியத்தை வெளியிட்டுள்ளது, முக்கியமான மத்தியஸ்த பாத்திரம் வகிக்கும் ஒருவர் இப்படி பேசலாமா என்றும் கேட்டுள்ளது.

இது சிரிய ஆட்சிக்கும் மக்களுக்கும் எதிரான கருத்து என்றும் தெரிவித்துள்ளது.

இலங்கையின் பிரதம நீதியரசர் ஷிராணியை பதவி நீக்கம் செய்தார் மகிந்த ராஜபக்ச

noreply@blogger.com (THANNEER KUNNAM) — Mon, 14 Jan 2013 03:06:00 +0000

இலங்கையின் பிரதம நீதியரசர் ஷிராணி பண்டாரந யக்கவை பதவி நீக்கம் செய்துள்ளதாக ஜனாதிபதி ம கிந்த ராஜபக்ச அறிவித்துள்ளார்.இது தொடர்பில் ஷி ராணியின் உத்தியோகபூர்வ இல்லத்திற்கு, ராஜபக்ச கையெழுத்திட்ட அறிவித்தல் அனுப்பிவைக்கப்பட் டுள்ளதாக தெரிவிக்கப்படுகிறது. இதனை ஷிராணி யின் சட்ட ஆலோசகரும் உறுதிப்படுத்தியுள்ளார். பி ரதம நீதியரசரை
பதவி நீக்கம் செய்யும் வகையில் நாடாளுமன்றம் கடந்த வெள்ளிக்கிழமை அங்கீகாரம் வழங்கி அதனை ஜனாதி பதிக்கு அனுப்பிவைத்தது. இந்த அங்கீகார ஆவணத்தில் இன்று காலை ஜனா திபதி கையெழுத்திட்டுள்ளார்.

பிரதம நீதியரசரை பதவி நீக்கம் செய்வது தொடர்பில் ஆராய்வதற்கு நாடாளுமன்ற தெரிவுக்குழுவுக்கு அதிகாரம் இல்லை எனவும், நாடாளுமன்றத்தில் நம்பிக்கையில்லா தீர்மானம் கொண்டுவருவது சட்டவிரோதமானது எனவும் உயர் நீதிமன்றம் அறிவித்திருந்த நிலையிலேயே இந்த ஆணை பிறப்பிக்கப்பட்டுள்ளது.

இதனால், தன்னை பதவி நீக்கம் செய்ய முடியாது என ஷிராணி பண்டாரநாயக்க நீதிமன்றத்தில் மேன்முறையீடு செய்ய முடியும் என்பது குறிப்பிடத்தக்கது. ஷிராணிக்கு ஆதரவாக பல்வேறு உயர் நீதிமன்ற நீதிபதிகள் தொடர்ந்து போராட்டம் நடத்தி வருவதுடன், நீதிமன்ற நடவடிக்கைகளையும் புறக்கணித்து வருகின்றனர். மறுமுனையில் சிறிலங்கா அரச ஆதரவாளர்கள் ஒன்றிணைந்து ஷிராணி ஊழல் வாதி என நடத்தப்படும் போராட்டங்களே ஊடகங்களில் பெரும்பாலும் காண்பிக்கப்படுவதாக குற்றச்சாட்டு எழுந்துள்ளது.

ஆபிரிக்கா மாலிக்கு படைகளை அனுப்ப பிரான்ஸ் தயாராகிறது

noreply@blogger.com (THANNEER KUNNAM) — Sat, 12 Jan 2013 05:20:00 +0000

ஆபிரிக்கா கண்டத்தில் உள்ள மாலி நாட்டில் அல் காய்தா அமைப்பின் ஆதரவு பெற்ற ஆயுதக் குழுக் கள் நாட்டின் வடபுலத்தை பெரும்பாலும் கட்டுப் பாட்டில் கொண்டு வந்துவிட்டன.இந்த நிலையில் மாலி நாட்டு அதிபர் டியோன் கவுண்டா தரோற் பிரா ன்சிய படைகளின் உதவியை கோரி அவசர வேண்டு கோள் விடுத்திருந்தார்.இதைத் தொடர்ந்து மாலி நோக்கி பிரான்சிய படைகளை அனுப்புவதற்கான உத்தரவை அதிபர் பிரான்சியோ ஒலந்த விடுத்துள் ளார்.மாலியில் நிலமை

மோசமடைந்து பயங்கரவாத அமைப்பொன்று வெற்றிபெறும் நிலை உருவானதைத் தொடர்ந்து ஐ.நா வின் பாதுகாப்பு சபை சென்ற மாதம் அவசரமாகக் கூடியது தெரிந்ததே.

அதைத் தொடர்ந்து மாலியில் ஏற்படும் நகர்வை தடுக்க ஆகவேண்டிய அனைத்தையும் செய்யும்படி பாதுகாப்பு சபை உத்தரவு வழங்கியிருந்தது.

ஆபிரிக்க தேசிய படைகளை மாலிக்கு அனுப்பலாம் என்ற யோசனையையும் ஐ.நா வழங்கியிருந்தது.

நேற்று வியாழன் சுமார் 1200 பேர் கொண்ட அல் குவைடா படைகள் மொப்ரி நகரை நெருங்கியிருந்தன, இந்த நிலையில் அவர்களை தடுக்க வேண்டிய பொறுப்பு பிரான்சிடம் விழுந்துள்ளது.

ஏற்கெனவே சாட், ஐவரிக்கோஸ்ற், செனகல் போன்ற நாடுகளில் பிரான்சிய படைகள் சில நூற்றுக்கணக்கில் நிலை கொண்டுள்ளமை கவனிக்கத்தக்கது.

மேலும் பிரான்ஸ் ஏற்கெனவே மாலியை தனது காலனித்துவ நாடாக வைத்திருந்த அனுபவங்களை கொண்டுள்ளது.

இருந்தாலும் மாலிக்கு போகும் பிரான்சிய படைகள் அங்குள்ள நிலமையை இலகுவாக சமாளிக்க முடியும் என்று கூற முடியாது, நீண்ட நாட்கள் நிலை கொள்ள நேரிடும் என்றே கருதப்படுகிறது.

மறுபுறம் ஐரோப்பிய ஒன்றியத்தின் இராணுவப் பிரிவொன்று மாலி புறப்பட்டுள்ளது, தீவிரவாதிகளுக்கு எதிராக மாலியின் இராணுவம் போராடக் கூடிய பயிற்சிகளை ஐரோப்பிய ஒன்றியம் வழங்கவுள்ளது.

மாலிக்கு புறப்படும் பிரான்சிய இராணுவம் அயலில் ஏற்பட்டுள்ள சிக்கல்களுக்கும் உதவி வழங்கும் என்று கூறப்படுகிறது.

பிரான்சிற்கு அனைத்து நாடுகளும் உதவி வழங்க வேண்டுமென அமெரிக்கா கேட்டுள்ளது.

பால் தக்கரே பிறந்த தினத்தன்று, பெண்களுக்கு கத்தி வழங்கவுள்ள சிவசேனா

noreply@blogger.com (THANNEER KUNNAM) — Sat, 12 Jan 2013 05:11:00 +0000

கடந்த மாதம் மும்பையில் மறைந்த சிவசேனா கட் சித் தலைவர் பால்தாக்கரேயின் பிறந்த நாளை முன் னிட்டு பெண்களுக்கு கத்தி வழங்கப்படும் என்று சிவ சேனா கட்சி அறிவித்துள்ளது.சிவசேனா கட்சித் த லைவர் பால்தாக்கரேவின் பிறந்தநாள் வரும் ஜனவ ரி 23 ஆம் திகதி வருகிறது. அன்றைய தினம் பெரிய விழா எடுத்துக் கொண்டாட மும்பை தெற்குப்பகுதி சிவசேனா கட்சித் தொண்டர்கள் திட்டமிட்டு வருகி ன்றனர். மேலும் பால்தாக்கரே பிறந்த நாளை ஒட்டி பெண்களுக்கு பாதுகாப்புக்கு

என்று கத்தி ஒன்றை வழங்கவும் அவர்கள் திட்ட மிட்டுளனர்.

டெல்லி மாணவி மீதான பாலியல் தாக்குதலை தொடர்ந்து பெண்கள் தங்களைத் தாங்களே பாதுகாத்துக் கொள்ள, கத்தி விநியோகம் செய்யப்பட உள்ளது என சிவசேனா தலைவர்களில் ஒருவரான அஜய் சவுத்ரி கூறினார்.

அவர் மேலும் கூறியதாவது, பெண்களை பாதுகாக்க மத்திய, மாநில அரசுகள் தவறிவிட்டன. எனவேதான் நாங்கள் பெண்களுக்கு கத்தி வழங்க நடவடிக்கை எடுத்துள்ளோம். நாங்கள் விநியோகிக்க உள்ள கத்தி சீனாவில் தயாரிக்கப் பட்டது. அந்த சிறு கத்தியை இரண்டாக மடித்து பெண்கள் தங்கள் பர்சுக்குள் வைத்துக் கொள்ளலாம்.

ஆபத்து நேரங்களில் பெண்கள் அந்த கத்தியை எடுத்து பயன்படுத்தலாம். பெண்கள் தங்கள் சுய பாதுகாப்புக்காக அந்த கத்தியைப் பயன்படுத்தினால்,அதற்காக வழக்குகளை சந்திக்க நேரிட்டால் அந்த வழக்குகளை அந்த பெண்கள் சந்திக்க சிவசேனா உதவி செய்யும். 29 ஆம் திகதிக்குப பிறகு மராட்டிய மாநிலம் முழுவதும் சிவசேனா இந்த கத்தியை விநியோகம் செய்ய உள்ளது என்றும் அவர் கூறியுள்ளார்.

ரிசானாவிற்கு மரண தண்டனை நிறைவேற்றிய சவுதிக்கு ஐரோப்பிய ஒன்றியம் கண்டனம்

noreply@blogger.com (THANNEER KUNNAM) — Thu, 10 Jan 2013 11:42:00 +0000

ரிசானா நபீக் சவுதி அரேபியாவில் கழுத்து வெட்டிக் கொலை செய்யப்பட்டு மரண தண்டனைநிறை வேற்றப்பட்டமைக்கு ஐரோப்பிய ஒன்றியம் கண்டம் வெளியிட்டுள்ளது. ரிசானாவை விடுதலை செய்யு மாறு பல தரப்பில் இருந்து கோரிக்கைகள் முன்வை க்கப்பட்ட போதும் சவுதி அரசு மரண தண்டனை நி றைவேற்றியதாக ஐரோப்பிய ஒன்றியம் கண்டித்து ள்ளது. ரிசானாவுக்கு மரண தண்டனை நிறைவேற் றப்பட்ட செய்தியை கேட்டு

தான் உண்மையில் கலக்கமுற்றதாக ஐரோப்பிய ஒன்றியத்தின் வெளிவிவகார பொறுப்பு தலைமை அதிகாரி கெத்தரின் ஏஸ்ட ன் தெரிவித்துள்ளார்.

ரிசானாவை மரண தண்டனையில் இருந்து விடுவிக்குமாறு ஐரோப்பிய ஒன்றியம் பல தடவைகள் சவுதி அரசிடம் கோரிக்கை முன்வைத்ததாக கெத்தரின் ஏஸ்டன் விடுத்துள்ள அறிக்கையில் தெரிவிக்கப்பட்டுள்ளது.

கொலை குற்றம் இடம்பெற்ற வேளையில் ரிசானா ஒரு சிறிய பெண் என அறிக்கையில் சுட்டிக்காட்டப்பட்டுள்ளது.

ரிசானாவின் மரணத்திற்காக அவரது குடும்பத்தினருக்கு, குழந்தையை இழந்த குடும்பத்தினருக்கும் அனுதாபங்களை தெரிவிப்பதாகவும் ரிசானாவின் மரணத்தால் குழந்தையின் பெற்றோரின் இழப்பு குறைக்கப்படும் என தான் நம்பவில்லை எனவும் கெத்தரின் ஏஸ்டன் குறிப்பிட்டுள்ளார்.

மரண தண்டனை விதிக்கப்படுவதை ஐரோப்பிய ஒன்றியம் உலகளாவிய ரீதியில் எதிர்ப்பதோடு, மரண தண்டனை மனித வாழ்வின் ஒரு முடியாத இழப்பை பிரதிபலிப்பதாக ஐரோப்பிய ஒன்றியத்தின் வெளிவிவகார பொறுப்பு தலைமை அதிகாரி கெத்தரின் ஏஸ்டன் சுட்டிக்காட்டியுள்ளார்.

(அத தெரண - தமிழ்)

ரெயில் கட்டணம் அதிரடி உயர்வு!

noreply@blogger.com (THANNEER KUNNAM) — Thu, 10 Jan 2013 05:13:00 +0000

ரெயில் கட்டணம் 20 சதவீதம் வரை அதிரடியாக உயர்த்தி மத்திய அரசு உத்தரவிட்டுள்ளது.இதுகுறித்து மத்திய ரெயில்வே அமைச்சர் பவன்குமார் பன்சால் கூறியதாவது:- மத்திய ரெயில்வே கட்டணம் 2-ம் வகுப்பு கிலோ மீட்டருக்கு 3 பைசாவும், 2-ம் வகுப்பு படுக்கை வசதிக்கு கிலோ மீட்டருக்கு 6 பைசாவும் உயர்த்தப்படும். ஏ.சி. இருக்கை வசதிக்கு கிலோ மீட்டருக்கு 10 பைசா உயரும். எக்ஸ்பிரஸ் ரெயில்களில் 2-ம் வகுப்பு கிலோ மீட்டருக்கு 4 பைசா

உயர்கிறது. இதுதவிர நகர்ப்புற ரெயில்களில் கிலோ மீட்டருக்கு 2 பைசா உயர்த்தப்படும்.

கடந்த 10 ஆண்டுகளாக ரெயில் கட்டணம் உயர்த்தப்படவில்லை. இப்போது ரெயில்வே பாதுகாப்பு மற்றும் சுகாதார வசதி மற்றும் பாதுகாப்பு தரம் உயர்வு ஆகியவற்றை கருத்தில் கொண்டு ரெயில் கட்டணம் உயர்த்தப்படுகிறது. ." இவ்வாறு அவர் கூறினார்.

மேலும் வரும் 21 ஆம் தேதி முதல் இந்த ரெயில்வே கட்டணம் அமுலுக்கு வரும் என்றும் அவர் தெரிவித்தார்.

கடந்த ஆண்டு மத்திய ரெயில்வே பட்ஜெட்டில் பயணிகள் கட்டணம் உயர்த்தப்பட்டது. இதற்கு எதிர்ப்பு தெரிவிக்கப்பட்டதால் கட்டண உயர்வு திரும்ப பெறப்பட்டது குறிப்பிடத் தக்கது.

மஜ்லிஸே இத்திஹாதுல் முஸ்லிமீன்(எம்.ஐ.எம்) அக்பருத்தீன் உவைஸி கைது!

noreply@blogger.com (THANNEER KUNNAM) — Thu, 10 Jan 2013 00:36:00 +0000

ஹைதராபாத்:வன்முறையை தூண்டும் வகையில் பேசியதாக மஜ்லிஸே இத்திஹாதுல் முஸ்லிமீன்(எம்.ஐ.எம்) எம்.எல்.ஏ அக்பருத்தீன் உவைஸி கைது செய்யப்பட்டுள்ளார்.அரசு மருத்துவமனையில் அவருக்கு சோதனை நடத்தப்பட்ட பின்னர் கைது செய்யப்பட்டார். மருத்துவமனையில் இருந்து பலத்த பாதுகாப்புடன் உவைஸி ஆதிலாபாத் மாவட்டத்தில் உள்ள நிர்மலுக்கு

கொண்டு செல்லப்பட்டார்.

லண்டனில் இருந்து நேற்று முன் தினம் உவைஸி ஹைதராபாத்திற்கு வந்தார். 42 வயதான அக்பருத்தீன் உவைஸியை போலீஸார் நீதிமன்றத்தில் ஆஜர்படுத்துவர்.

சார்மினார் அருகே பாக்கியலட்சுமி கோயிலை கட்டும் நடவடிக்கையை கண்டித்து உவைஸி ஆற்றிய உரையில் சில உணர்ச்சியை தூண்டும் விமர்சனங்களை வெளியிட்டதாக போலீஸ் வழக்கு பதிவுச் செய்துள்ளது. ஹைதராபாத் மற்றும் மாநிலத்தின் பல்வேறு பகுதிகளில் போலீஸ் அவர் மீது வழக்கு பதிவுச் செய்துள்ளது.

சிகிட்சையை சுட்டிக்காட்டி போலீஸில் ஆஜராக உவைஸி நான்கு நாட்கள் அவகாசம் கேட்டிருந்தார். போலீசில் ஆஜராகாததால் நிர்மல் போலீஸின் விசாரணை அதிகாரி எ.ரகு அவரை வீட்டில் சென்று சந்தித்தார். உடல் நலக்குறைவு என்று கூறியதால் மருத்துவ பரிசோதனைக்கு உட்படுத்தப்பட்டு பின்னர் அவர் கைது செய்யப்பட்டார். கைதைத் தொடர்ந்து நூற்றுக்கணக்கான எம்.ஐ.எம் தொண்டர்கள் மருத்துவமனையில் திரண்டிருந்தனர். தனக்கு எதிரான வழக்குகளை ரத்துச் செய்யக்கோரி உவைஸி உயர்நீதிமன்றத்தை அணுகியுள்ளார்.

சிரிய 2130 அகதிகளைத் திரும்பப் பெற 48 ஈரானியர்களை சிரிய புரட்சிப்படை விடுதலை செய்துள்ளது.

noreply@blogger.com (THANNEER KUNNAM) — Thu, 10 Jan 2013 00:36:00 +0000

அதிபர் அசாத்தின் அரசால் கைது செய்யப்பட்டிருந்த 2130 சிரிய அகதிகளைத் திரும்பப் பெறுவதற்காக, த னது கட்டுப்பாட்டில் வைத்திருந்த 48 ஈரானியர்க ளை சிரிய புரட்சிப்படை விடுதலை செய்துள்ளது.இ ந்த 48 பேரும் சிரிய கிளர்ச்சிப் படையின் ஆயுததாரி களால் கடந்த வருடம் ஆகஸ்ட் மாதம், சிரிய தலை நகர் டமஸ்கஸ்ஸில் வைத்துக் கைது செய்யப்பட்ட வர்கள்.தற்போது நடைபெற்றுள்ள இக்கைதிகள் பரி மாற்றம் துருக்கி மற்றும் கட்டார் ஆகிய
நாடுகளின் கண்காணிப்புடன் ஒப்பந்த அடிப்படையில் மேற்கொள்ளப் பட்டது. இதன் படி சி ரிய அரசால் விடுதலை செய்யப் பட்ட 2130 கைதிகளில் பல துருக்கி நாட்டவர் களும் அடங்குகின்றனர். துருக்கி மனித உரிமைகள் அமைப்பின் சேர்மென் பு லென்ட் யில்டிரிம் கூறுகையில் இக்கைதிகளின் பரிமாற்றம் புதன்கிழமை டம ஸ்கஸ்ஸின் பல பகுதிகளில் இடம்பெற்றதாகக் கூறினார்.

இதேவேளை சிரிய கிளர்ச்சிப் படையால் கைது செய்யப் பட்டிருந்த 48 ஈரானியர்களும் யாத்திரிகர்கள் என ஈரான் கூறிய போதும் இதை கிளர்ச்சிப்படை மறுத்துள்ளது. மேலும் இந்த ஈரானியர்கள் அனைவரும் சிரியாவில் தங்கியிருந்த இராணுவ அதிகாரிகள் எனவும் அது தெரிவித்துள்ளது. இந்நிலையில் ஜனவரி 8 ஆம் திகதி ஈரானின் வெளிவிவகார அமைச்சின் பேச்சாளர் ராமின் கருத்துத் தெரிவிக்கையில் சிரிய அதிபர் அசாத்தின் சமீபத்திய (ஞாயிற்றுக் கிழமை மும்மொழியப் பட்ட) சமாதானத் திட்டத்தை ஈரான் முற்றிலும் ஆதரிப்பதாகக் கூறியிருந்தார். மேலும் அசாத்தின் சமாதானத் திட்டம் சிரியாவின் யுத்த சூழ்நிலையை மாற்றியமைக்கக் கூடியது எனவும் அவர் தெரிவித்திருந்தார்.

இருந்த போதும் ஐ,நா செயலாளர் பான் கி - மூன் திங்கட்கிழமை இந்த ஒப்பந்தம் குறித்துக் கூறுகையில் அதிபர் அசாத்தின் அண்மைய பேச்சு ஏமாற்றம் அளிப்பதாக உள்ளது எனக் கூறியிருந்தார்.

இலங்கை ரிசானா நபீக்கிற்கு சவுதியில் மரணத் தண்டனை நிறைவேற்றம்

noreply@blogger.com (THANNEER KUNNAM) — Thu, 10 Jan 2013 00:36:00 +0000

சவூதியில் பணிப்பெண்ணாக கடமையாற்றி சிசுவொன் றை கொலை செய்ததாகத் தெரிவித்து மரண தண்டனை விதிக்கப்பட்டிருந்த இலங்கையின் ரிசானா நபிக்கிற்கு மர ணத் தண்டனைநிறைவேற்றப்பட்டுள்ளதாக இலங்கை வெளிவிவகார அமைச்சு சற்றுமுன் அறிவித்தது.2005 ஆ ம் ஆண்டு தனது வேலைதருனர்களின் குழந்தையை கொ லை செய்தார் என்ற குற்றச்சாட்டின் பேரில் மரணதண்ட னை விதித்து தீர்ப்பளிக்கப்பட்டு சவுதி அரேபியாவின் த வாத்மி பிரதேசத்தில் சிறை வாசம் அனுபவித்து வந்த ரி சானாவின் விடுதலைக்காக பல தன்னார்வ
சமூக சேவை நிறுவனங்கள், மனிதஉரிமை அமைப்புகள் ஆர்ப்பாட்டங்களை மேற்கொண்டு கோரிக்கைகளை முன்வைத்த போதும் இன்று காலை ரிசானா நபீக்கிற்கு மர ணத் தண்டனை நிறைவேற்றப்பட்டுள்ளது.

இலங்கை பணிப்பெண் மூதூரை சேர்ந்த ரிசானா நபீக்கை சவூதி அரசாங்கம் மரணதண்டனை செய்துள்ளது. வயது குறைந்த நிலையில் வேலைக்கு அமர்த்தப்பட்ட ரிசானா செய்ததாக சொல்லப்படும் குற்றம் தொடர்பில் தெளிவற்ற தகவல்கள் வெளியாகியுள்ளன. அவரது பராமரிப்பில் இறந்த குழந்தையின் மரணம் ஒரு கொலையா அல்லது விபத்தா என்ற சந்தேகம் உலகம் முழுக்க நிலவுகிறது.என்று சில ஊடகங்கள் சொல்கின்றன தீரவிசாரிக்காமல் மனம்போனபோக்கில் முடிவுசெய்வார்களா என்ன எதுவாக இருப்பினும் இறைவனே அனைத்தையும் அறிந்தவன். வயதுவராத பருவத்தில் செய்யப்பட்ட நிகழ்வை காரணமாக கொண்டு மரண தண்டனை வழங்குவது காட்டுமிராண்டித்தனம் என ஜனநாயக மக்கள் முன்னணி தலைவர் மனோ மனோ கணேசன் தெரிவித்துள்ளார்.

முன்னணியின் ஊடக செயலகம் விடுத்துள்ள அறிக்கையில் மனோ கணேசன் மேலும் கூறியுள்ளதாவது,

சகோதரி ரிசானாவின் படுகொலை செய்தியை கேட்டு நாம் அதிர்ச்சி அடைந்துள்ளோம். அவரது பெற்றோரையும், சகோதரர்களையும் அதிர்ச்சி, துன்பம் ஆகியவற்றில் இருந்து எல்லாம்வல்ல அல்லா காப்பாற்றவேண்டும்.
வயது குறைந்த பராயத்தில் நிகழ்ந்த இந்த சம்பவத்துக்கு சவூதி அரசு வழங்கியுள்ள அதிகபட்ச தண்டனையை நாகரீக சமூகம் ஒருபோதும் ஏற்றுகொள்ள முடியாது. இதன்மூலம் சவூதி அரசு இலங்கை பணிப்பெண் ரிசானா நபீக்கை படுகொலை செய்துள்ளது என்று நாம் குற்றம் சாட்டுகின்றோம்.

நமது நாட்டு பிரஜையான இந்த இளம் பெண்ணை உயிருடன் மீட்டு தருவதற்கு நமது நாட்டு அரசாங்கத்துக்கு முடியாமல் போய் விட்டது. தொடர்ச்சியாக நமது அமைச்சர்களும், அரச அதிகாரிகளும் சொல்லி வந்த உத்தரவாதங்கள் பொய்த்துவிட்டன.

நீண்ட நாள் இழுபறிபட்ட விவகாரம் என்பதால் இது இலங்கை மக்கள் அனைவரது கவனத்தையும் ஈர்த்த விடயமாகும்.

சவூதி அராபியா ஒரு அரபு முஸ்லிம் நாடு. ரிசானா ஒரு முஸ்லிம் இனத்தை சார்ந்த இஸ்லாமிய சகோதரி. இதே நிலைமை சவூதி நாட்டுக்கு செல்லும் ஒரு சிங்கள பெண்ணுக்கு ஏற்பட்டு இருந்தால், அந்த விவகாரமும் இந்த அளவுக்கு இழுபறிப்பட்டு இருந்தால், இந்நேரம் அதை ஒரு காரணமாக கொண்டு இந்நாட்டில் முஸ்லிம் எதிர்ப்பு இனவாத பிரச்சாரத்தை, பேரினவாதிகள் முன்னெடுத்து இருப்பார்கள் என்பதை, முஸ்லிம் மக்கள் மறந்து விடக்கூடாது.

முஸ்லிம் என்பதற்காக முஸ்லிம் நாடுகள் சலுகை காட்டும் என்றும், தமிழர் என்பதற்காக இந்தியா கருணை காட்டும் என்றும் நம்பிக்கொண்டு இருக்கும் பிற்போக்கு சிந்தனைகளை கைவிட வேண்டிய காலம் வந்துவிட்டது.

சிங்கப்பூரில் பாராளுமன்ற சபாநாயகராக இந்திய பெண் தேர்வு

noreply@blogger.com (THANNEER KUNNAM) — Thu, 10 Jan 2013 00:35:00 +0000

சிங்கப்பூர் பாராளுமன்ற சபாநாயகராக இருந்தவர் மைல் கேல் பால்மர். மற்றொரு பெண்ணுடன் செக்ஸ் தொடர்பு வைத்திருந்ததாக எழுந்த புகாரை தொடர்ந்து கடந்த மாத ம் பதவி விலகினார். இதை தொடர்ந்து காலியாக இருக் கும் இப்பதவிக்கு மந்திரியாக இருக்கும் ஹாலிமா ஜோ க்கப் (58) என்பவரை பிரதமர் லீ சின் அறிவித்தார். இந்திய வம்சாவளியைச் சேர்ந்த இவர் ஆளும் மக்கள் செயல் க ட்சியின் எம்.பி. ஆவார். இவருக்கு 5 குழந்தைகள் உள்ள னர். 2001-ம் ஆண்டு தீவிர அரசியலில் புகுந்தார். சிங்கப் பூர் பாராளுமன்றத்தில் ஆளுங்கட்சிக்கு தனி மெஜாரிட்டி உள்ளது. எனவே இவர் வருகிற 14-ந்தேதி இவர் புதிய ச பாநாயகராக பதவி ஏற்கிறார்.

யுத்த சூழ்நிலை : ஒரு மில்லியன் சிரிய அகதிகளுக்கு உணவு கொண்டு செல்வதில் சிக்கல்

noreply@blogger.com (THANNEER KUNNAM) — Wed, 09 Jan 2013 05:19:00 +0000

சிரியாவில் பட்டினியால் வாடும் ஒரு மில்லியன் அ கதிகளுக்கு தம்மால் உணவு கொண்டு சென்று கொ டுக்க முடியாதவாறு பாதைகள் தடைபட்டிருப்பதாக உலக உணவு அமைப்பு கவலை வெளியிட்டுள்ளது. உலக உணவு அமைப்பான WFP இது குறித்து தெரிவி க்கையில் சுமார் 1.5 மில்லியன் சிரிய அகதிகளுக்குத் தன்னால் உதவி செய்ய முடியும் என்ற போதும் இ டைவிடாத சண்டையும் டார்ட்டுஸ் துறைமுகத்தை பாவிக்க முடியாத சூழ்நிலையும் இணைந்து பல்லா யிரக் கணக்கான மக்களுக்கு உணவு உதவி சென்று சேர்வதற்கானnவழியை அடைத்துள்ளதாகவும் இத னால் அவர்கள் பட்டினிச் சாவை எதிர் நோக்கியிரு

ப்பதாகவும் தெரிவித்துள்ளது.

கடந்த 2011 மார்ச் மாதம் தொடர்ந்து 22 மாதங்களாக முற்றியுள்ள சிரிய வன்முறையினால் இதுவரை 60 000 பேர் வரை கொல்லப் பட்டிருப்பதாக ஐ.நா கணிப்பிட்டுள்ளது. மேலும் கடும் முயற்சிக்குப் பின்னர் இப்போதுதான் சிரிய கிளர்ச்சிப் படை வடக்கு சிரியாவின் ஸ்வாத்தெஸ் உட்பட சில பாகங்களைக் கைப்பற்றியிருப்பதாகக் கூறப்படுகின்றது. எனினும் மிகப் பயங்கரமான சூழ்நிலை நிலவுவதால் சிரியாவின் முக்கிய பாகங்களான ஹோம்ஸ்,அலெப்போ,டார்ட்டுஸ் மற்றும் கமிஸ்லி ஆகியவற்றில் அமைந்துள்ள அலுவலகங்களில் இருந்து தமது ஊழியர்களை WFP மீள அழைத்து விட்டதாகத் தெரிவித்துள்ளது.

மேலும் 2012 ஆம் ஆண்டு WFP ஊழியர்கள் மீதும் வாகனங்கள் மீதும் அரச படைகள் தாக்குதல் நடத்தியதாகவும் இதை விட பிரயாணங்களை மேற்கொள்ள எரிபொருள் இல்லாத தன்மை ஏற்பட்டதாகவும் தெரிவிக்கப்பட்டுள்ளது. இந்நிலையில் கடந்த மாதம் மட்டும் சுமார் 1 இலட்சம் சிரிய அகதிகள் என்ணிக்கையில் அதிகரித்துள்ளனர். சிரியாவின் உள்ளேயும் அதன் அயல் நாடுகளிலும் சுமார் 4 மில்லியன் பேருக்கு மனிதாபிமான அடிப்படையிலான உதவி தேவைப்படுவதாக ஐ.நா அறிவித்துள்ளது.

இதேவேளை சிரிய கிளர்ச்சிப் படை தலைநகர் டமஸ்கஸ் உட்பட முக்கிய பகுதிகளைக் கைப்பற்ற முயன்றால் அரச படைகளின் மூலம் மிகக் கொடூரமான வான்வெளித் தாக்குதலை எதிர்நோக்க நேரிடும் என அறிவிக்கப் பட்டுள்ளது. மேலும் இஸ்ரேலின் புலனாய்வு சிரிய அரச படைகள் மக்களின் நரம்பு மண்டலத்தைத் தாக்கி உயிரைப் பறிக்கவல்லக் இரசாயனம் அடங்கிய 500 பவுண்ட்ஸ் எடையுடைய குண்டுகளை விமானங்கள் மூலம் மக்கள் செறிந்த பகுதிகளில் வீசுவதற்குத் திட்டமிட்டுள்ளதாகத் தெரிவித்துள்ளது. சிரிய அதிபர் அசாத் ஏற்கனவே தன் சொந்த மக்கள் மீதே இரசாயன ஆயுதங்கள் பாவிப்பது தொடர்பாக மேற்குலக நாடுகளின் கடும் கண்டனத்தைச் சம்பாதித்திருந்தார் என்பது குறிப்பிடத்தக்கது.

பால்வெளி அண்டத்தில் பூமியின் அளவுடைய 1700 கோடி கிரகங்கள் இருக்கலாம்

noreply@blogger.com (THANNEER KUNNAM) — Wed, 09 Jan 2013 05:15:00 +0000

பால்வெளி அண்டத்தில் மட்டுமே நமது பூமியின் அ ளவுடைய 1700 கோடி கிரகங்கள் இருக்கலாம் என்ப தற்கான ஆதாரங்கள் கிடைத்துள்ளதாக விண்ணிய லாளர்கள் கூறுகின்றனர்.நமது சூரியனைப் போன்ற அளவு கொண்ட நட்சத்திரங்களை நாசாவின் கெப்ள ர் விண்வெளி தொலைநோக்கி ஆராய்ந்தது.அப்படி யான நட்சத்திரங்களில் ஆறில் ஒன்றில் பூமியின் அளவுகொண்ட கிரகங்கள் இருப்பதற்கான அறிகுறி களை விஞ்ஞானிகள் கண்டறிந்துள்ளனர்.கலிஃபோ ர்னியாவில் உள்ள அமெரிக்க

விண்ணியல் ஆராய்ச்சிக் குழுமத்தின் முன்பு இ ந்த ஆய்வு சமர்ப்பிக்கப்பட்டுள்ளது.

பூமியை ஒத்த அளவில் ஏராளமான கிரகங்கள் இருந்தாலும், இவற்றில் பெரும்பான்மையானவை உயிர்கள் வாழ முடியாத அளவுக்கு அதிக வெப்பம் கொண்டவையாக இருக்கும் என்பதை விஞ்ஞானிகள் சுட்டிக்காட்டினர்.

ஒரு கோளத்தில் உயிர்கள் வாழ்வதற்கு, திரவ வடிவில் நீர் வேண்டும்.

ஆனாலும் ஆயிரங்கோடிக் கணக்கில் பூமியை ஒத்த கிரகங்கள் இருக்கின்றபடியால், பூமியைப் போல உயிர்கள் வாழ்வதற்கு ஏற்ற அம்சங்களைக் கொண்ட கிரகம் ஒன்றை விண்ணியல் நிபுணர்கள் நிச்சயம் கண்டறிவார்கள் என்று பிபிசியிக் அறிவியில் துறை செய்தியாளர் கூறுகிறார்.

கர்நாடகா துணை முதல்வர் ஈஸ்வரப்பா லோகாயுக்தா போலீஸ் முன்பு ஆஜர்!

noreply@blogger.com (THANNEER KUNNAM) — Wed, 09 Jan 2013 05:11:00 +0000

லோகாயுக்தா நீதிமன்ற உத்தரவை அடுத்து கர்நாட க துணைமுதல்வர் ஈஸ்வரப்பா, தனது மகன் மற்று ம் மருமகளுடன் லோகாயுக்தா போலீஸ் முன்பு நே ற்று ஆஜரானார்கள்.வருவாய்க்கு அதிகமாக சொத் து சேர்த்த விவகாரத்தில், கர்நாடக துணை முதல்வ ர் எடியூரப்பா, மற்றும் மகன் கந்தேஷ், மருமகள் ஷா லினி ஆகியோர் மீது லோகாயுக்தா நீதி மன்றத்தில் வினோத் என்பவர் கொடுத்த புகாரின்பேரில் வழக்கு ப் பதிவானது.லோகாயுக்தா நீதி மன்றம் இந்த வழக் கை விசாரிக்க லோகாயுக்தா
காவல்துறைக்கு உத்த விட்டது. இதைத் தொடர்ந்து கடந்த வாரம் ஈஸ்வரப்பா வீட்டில் போலீசார் சோ தனை நடத்தினர். இதுத் தொடர்பாக ஈஸ்வரப்பா எந்த நேரமும் கைதாகலாம் என்று செய்தி பரவிய நிலையில், லோகாயுக்தா நீதி மன்றம் எடியூரப்பாவுக்கு நிபந்தனை முன் ஜாமீன் வழங்கியது.

அதன்படி ஈஸ்வரப்பா தொடர்ந்து 10 நாட்களுக்கு லோகயுக்தா நீதி மன்றத்தில் மகன், மற்றும் மருமகளுடன் கையெழுத்து போடவேண்டும் என உத்தரவிடப்பட்டது. அதன் படி மூவரும் வந்து கையெழுத்திட்டனர் என்பது குறிப்பிடத் தக்கது.

ஆஸாத் தேவையற்ற பேச்சு வேண்டாம் பதவி விலகு

noreply@blogger.com (THANNEER KUNNAM) — Tue, 08 Jan 2013 11:36:00 +0000

நேற்று மறுபடியும் ஊடகங்களில் பேசிய சிரிய சர் வாதிகாரியான ஆஸாட் ஏறத்தாழ முன்னாள் சிறீல ங்கா ஜனாதிபதி ஜே.ஆர்.ஜெயவர்தனே யூலைக்கல வரம் நடந்த இரவு பேசும்போது போர் என்றால் போர் சமாதானம் என்றால் சமாதானம் என்று பேசியது போல மடைத்தனமான உரையொன்றை நிகழ்த்தியு ள்ளார்.இவ்வளவு நடந்த பிறகும் போராளிகள் ஆயுத ங்களை போட்டால் பேச்சுக்களை ஆரம்பிக்கலாம் என்று கூறிய அவர் ஒன்றுபட்ட சிரியாவிற்கு தானே தொடர்ந்தும் வழமைபோல

தலைவராக தொடர்வேன் என்ற சாத்தியமற்ற கற் பனையில் பேசியுள்ளதாக நோக்கர்கள் குறை கூறியுள்ளார்கள்.

தற்போது சிரியாவில் போராடுவோர் வெளிநாடுகளை பின்னணியாகக் கொண்டவர்கள், அல்குவைடா பயங்கரவாத அமைப்பை சேர்ந்தவர்கள் என்று குற்றம் சுமத்திய ஆஸாட் தானே நடுநாயகமானவன் என்ற நிலையை இத்தருணத்திலும் மாற்றவில்லை.

ஆயுதங்களை கைவிட்டால் ஒரு மேலான ஆயத்தை அமைத்து, புதிய அரசியலமைப்பை ஏற்படுத்தி, ஜனநாயக ரீதியான தேர்தலை நடாத்துவேன் என்றும் கூறியுள்ளார்.

குரங்கு அப்பம் நிறுத்த கதைபோல நாடகமாடியுள்ள இவரை உண்மைகளை மறைத்து நாடகமாடும் ஒரு வேடதாரி என்று பிரிட்டன் கண்டித்துள்ளது.

நான் அதிபராக வந்தால் பராக் ஒபாமாவுக்கு உப அதிபர் பதவி வழங்குவேன் என்று 2004ம் ஆண்டு கிளரி கிளின்டன் கூறியது போன்ற உரையை ஆஸாட் வழங்கியுள்ளார்.

தேவையற்ற பேச்சுக்களை பேசி காலத்தைக் கடத்தாமல் உடனடியாக பதவியை விட்டு ஆஸாட் வெளியேற வேண்டுமென்று ஐரோப்பிய ஒன்றியத்தின் அரசியல் பிரிவு பொறுப்பாளர் கத்தரினா அஸ்ற்கொன் கேட்டுள்ளார்.

டேனிஸ் வெளிநாட்டு அமைச்சர் வில்லி சுவிண்டால் கூறும்போது ஆஸாட் பதவியை விட்டு விலகி அதை வெற்றிடமாக்கி புதியவர்கள் வர இடம்விட வேண்டும் என்று கூறினார்.

போராளிகள் தரப்பும் ஆஸாட்டின் உரை கேலிக்கிடமானது என்று புறந்தள்ளியுள்ளது.

பாலஸ்தீனம் தனிநாடு கடவுச்சீட்டு அடையாள அட்டை ரெடி

noreply@blogger.com (THANNEER KUNNAM) — Tue, 08 Jan 2013 05:19:00 +0000

பாலஸ்தீனம் ஐ.நாவில் வெறும் பார்வையாளர் அந் தஸ்த்து பெற்றால் அதனால் என்ன பயன் என்று சப் பைக்கட்டு கட்டியவர்களுக்கு இப்போது பாலஸ்தீன த்தில் நடக்கும் சம்பவங்கள் முதுகுத்தோல் உரித்து துடிக்கத் துடிக்க உப்புத்தடவ ஆரம்பித்துள்ளன.பால ஸ்தீனம் இனி தனிநாடு என்று பிரகடனம் செய்த அ திபர் முகமட் அபாஸ் அந்த நாட்டின் குடிமக்களுக்கு பாலஸ்தீன கடவுச்சீட்டு, அடையாள அட்டை, சாரதி அனுமதிப்பத்திரம் ஆகியவைகளை வழங்க ஆரம்பி க்கும்படி பணித்துள்ளார்.

சர்வதேச நாடுகளின் விமான நிலையங்கள் பாலஸ்தீன தனியரசின் கடவுச்சீட்டுக்களை முறைப்படி ஏற்க வேண்டிய நிலை இப்போது உருவாகியுள்ளது.

ஒரு தனிநாடு என்னென்ன காரியங்களை செய்ய வேண்டுமோ அத்தனை காரியங்களையும் பாலஸ்தீனம் செய்ய அடியெடுத்து வைத்திருப்பது நாடற்ற இனங்களுக்கு புது நம்பிக்கை தரும் நிகழ்வாகும்.

அதேவேளை அமெரிக்க அதிபர் தனது புதிய பாதுகாப்பு அமைச்சராக றிப்பப்ளிக்கன் செனட்டர் சவுக்கேகலை நியமித்துள்ளார்.

தமது கட்சியல்லாதவரும் தம்மை கடுமையாக விமர்சனம் செய்தவருமான சவுக்கேகலை பாதுகாப்பு அமைச்சராக்குவதில் முக்கிய காரணங்கள் இருக்கின்றன.

அடுத்து நடக்கவுள்ள இஸ்ரேலிய – ஈரான் நடவடிக்கைகளை றிப்பப்ளிக்கன் விமர்சனம் செய்யாமல் வாய் மூடியிருக்க இந்த நியமனம் உதவும்.

அதைவிட முக்கியம் இவர் இஸ்ரேல் ஆதரவாளர் அல்ல, மேலும் ஈரான் விடயத்திலும் போர் அவசியமற்றது பேசித் தீர்க்கலாம் என்ற கொள்கையுடையவராகும்.

பராக் ஒபாமாவின் அடுத்த வெளிநாட்டுக் கொள்கைகள் எப்படி அமையப் போகிறது என்பதற்கு இவருடைய நியமனமே நல்ல உதாரணமாகும்.

இது இவ்விதமிருக்க சமீபத்தில் தனிநாடாக பிரகடனம் செய்த கொசோவாவிற்குள் அதன் எதிர் நாடான சேர்பியாவின் அதிபர் வரக்கூடாது என்று கொசோவா உப அதிபர் கைர்டீன் குசி தெரிவித்துள்ளார்.

சேர்பிய அதிபர் ரொமிஸ்லேவ் நிக்கொலக் தமது நாடு வந்து, அங்குள்ள சேர்பிய சிறுபான்மை மக்களை பார்வையிட விரும்பினால் அதேபோல சேர்பியாவில் உள்ள சிறுபான்மை அல்பேனிய இனத்தவரை தான் சென்று பார்க்க அனுமதிக்க வேண்டும் என்றும் நிபந்தனை விதித்துள்ளார்.

ஆக சிறுபான்மை இனத்தவரின் உரிமைகளை மழுங்கடிக்க முயலும் கல்லுளி மங்கர்களுக்கு இதுபோல துன்பங்கள் தொடரும் என்று மேற்கண்ட இரு நிகழ்வுகளும் திடமாக எடுத்துரைக்கின்றன.

இதுபோல வரும் மார்ச் நடைபெறவுள்ள ஐ.நாவின் மனித உரிமை மாநாடு, அதற்காக வெளிவரவுள்ள சனல் 4 புதிய ஆவணப்படம் போன்றன சிறீலங்கா இனவாத அரசை சிப்பிலிக்கூத்தாட வைக்கப்போவதையும் உணர முடிகிறது.

ஆஸ்திரேலிய வரலாற்றில் மிக மோசமான காட்டுத் தீ - 100 பேர் மாயம்

noreply@blogger.com (THANNEER KUNNAM) — Tue, 08 Jan 2013 05:11:00 +0000

அவுஸ்திரேலியாவின் டஸ்மானியா தீவுகளில் கட ந்த வெள்ளிக்கிழமை தொடக்கம் பரவியுள்ள காட்டு த்தீயினால் 100க்குமேற்பட்டோர் காணாமல் போயி ருப்பதாக தெரிவிக்கப்படுகிறது. மேலும் இக்காட்டு த்தீ மற்றும் கடும் வெயில் காரணமாக அப்பகுதியில் வெப்ப நிலை 41 பாகை சென்டிகிரேட்டுக்கும் அதிக மாக திகழ்கின்றது.அவுஸ்திரேலியாவின் அனர்த்த வரலாற்றிலேயே மிக மோசமான காட்டுத்தீயாக இ து பதிவு
செய்யப்பட்டுள்ளது.மேலும் இக்காட்டுத் தீ யினால் டஸ்மானியாவின் 50 ஆயிரம் ஏக்கர் வனப் பகுதியும் பண்ணைகளும் எரிந்து சாம்பலாகியுள்ளன. இதன் மூலம் டஸ்மானியாத் தீவுகளில் உள்ள 100 இற்கும் அதிகமான வீடுகள் அழிக்கப் பட்டதுடன் சேதமடைந்த வீடுகளுக்கு ள்ளே இறந்தவர்களின் உடல்களைத் தேடும் பணியில் தீயணைப்புப் படையி னரும் போலிசாரும் தீவிரமாக ஈடுபட்டு வருகின்றனர்.

இந்த கோரக் காட்டுத் தீ அனர்த்தத்தின் தீவிரத்தையும் முர்டுன்னா எனும் நகரை அது அழிப்பதையும் அவுஸ்திரேலியாவின் செவென் நெட்வர்க் நேரடியாக ஒளிபரப்பியது. மேலும் அவுஸ்திரேலிய பிரதமர் ஜூலியா கில்லார்ட் சம்பவ இடத்துக்கு நேற்று திங்கட்கிழமை நேரடியாகச் சென்று அதிகாரிகளையும் பாதிக்கப் பட்ட மக்களையும் பார்வையிட்டார். இந்நிலையில் தெற்கேயுள்ள நியூ சவுத் வேல்ஸின் வக்கா வக்கா நகருக்குக் காட்டுத் தீ கட்டுப்படுத்த முடியாதவாறு பரவி வருவதாகவும் 12 மைல் தூரத்துக்கு இது தொடர்ச்சியாக எரிந்து வருவதால் வரலாற்றில் இதுவரை இல்லாதளவு தீயை அணைக்க வீரர்கள் கடும் பிரேயத்தனத்துடன் போராடி வருவதாகக் கூறப்பட்டுள்ளது.

அமெரிக்காவில் வீட்டின் மீது விமானம் விழுந்து நொறுங்கியது: 3 பேர் சாவு

noreply@blogger.com (THANNEER KUNNAM) — Mon, 07 Jan 2013 00:35:00 +0000

அமெரிக்காவின் புளோரிடா விமானத்தில் தரையி றங்க முயன்ற சிறிய விமானம், வீட்டின் மீது விழு ந்து நொறுங்கியதில் 3 பேர் பலியாகினர். பீச்கிராப்ட் எச்35 என்ற அந்த சிறு விமானம் போர்ட் பியர்சில் இ ருந்து நோக்ஸ்வில்லே பகுதிக்குச் சென்றது. புறப்ப ட்ட சிறிது நேரத்தில் எந்திரத்தில் கோளாறு ஏற்பட்ட து. என்ஜின் குலுங்குவதாகவும், தீப்பற்றுவதாகவும் கட்டுப்பாட்டு அறைக்கு பைலட் தெரிவித்தார். அதே சமயம் மோசமான வானிலையும் நிலவியது. இந்நி லையில், பைலட் எச்சரித்த
சில நிமிடங்களில் அந்த விமானம் பிளாக்லர் கவுண்டி விமான நிலையத்தின் கிழக்கில் உள்ள ஒரு வீட்டின்
மீது மோதி தீப்பிடித்தது. இதில் வீடும் தீப்பிடித்து எரிந்தது.

விமானத்தில் இருந்த 3 பேர் பலியானார்கள். வீட்டு உரிமையாளர் சூசன் கிராக்கட் வெளியில் சென்றிருந்ததால் அதிர்ஷ்டவசமாக உயிர்தப்பினார்.

அமெரிக்காவில் மீண்டும் துப்பாக்கிச்சூடு சம்பவம் : நால்வர் பலி

noreply@blogger.com (THANNEER KUNNAM) — Mon, 07 Jan 2013 00:35:00 +0000

அமெரிக்காவின் கொலொராடோ மாநிலத்தில் இன் று நடைபெற்ற துப்பாக்கிச்சூட்டு சம்பவத்தில் நால் வர் பலியாகியுள்ளனர்.கடந்த வருடம் துப்பாக்கிச்சூ ட்டு சம்பவம் நடந்த ஔராரா சினி திரையரங்கிற்கு அருகிலேயே தற்போதைய சம்பவமும் நடந்துள்ள து.வீடொன்றில் நடந்த இத் துப்பாக்கிச்சூட்டில் மூவர் பலியானதை அடுத்து தப்பிக்க முனைந்த துப்பாக்கி தாரி மீது காவல்துறையினர் பதில்
துப்பாக்கிச்சூடு நடத்தியதில் அவர் உயிரிழந்தார்.மேலும் ஒருவர் அவ்வீட்டிலிருந்து அதிஷ் டவசமாக தப்பியுள்ளார்.

கடந்த 2012 ஜூலை மாதம் ஔராரா சினி திரையரங்கில் பேட்மேன் திரைப்படத்தை பார்க்க வந்த பொதுமக்கள் மீது துப்பாக்கி தாரி நடத்திய தாக்குதலில் 12 பேர் கொல்லப்பட்டதுடன் 58 பேர் காயமடைந்தனர். கடந்த மாதம கனெக்டிக்கட்டின் சிறுவர் பள்ளியில் நடந்த துப்பாக்கிச்சூட்டு தாக்குதலில் 20 பள்ளிக்குழந்தைகள் பலியானதுடன், ஆறு ஆசிரியர்களும் கொல்லப்பட்டிருந்தனர்.

இதையடுத்து அமெரிக்காவில் தனிநபர்கள் துப்பாக்கி வைத்திருக்கும் சட்டத்தில் திருத்தம் கொண்டுவர ஒபாமா தலைமையிலான அமெரிக்க அரசு தீவிர ஆலோசனையில் ஈடுபட்டுள்ள நிலையில் இன்றைய துப்பாக்கிச்சூட்டு தாக்குதல் நடைபெற்றுள்ளது.

இந்திய பாகிஸ்தான் துருப்பினர் இடையே துப்பாக்கி மோதல்

noreply@blogger.com (THANNEER KUNNAM) — Mon, 07 Jan 2013 00:35:00 +0000

இந்தியாவுக்கும் பாகிஸ்தானுக்கும் இடையிலான தக ராற்றுக்குரிய காஷ்மீர கட்டுப்பாட்டு எல்லையில் இரு நாட்டுத் துருப்புகளுக்கும் இடையே ஞாயிறன்று மோத ல் வெடித்துள்ளது. எல்லையின் குறுக்காக இருதரப்பும் ஒருவர் மீது மற்றவர் துப்பாக்கியால் சுட்டிருந்தனர். இ தில் பாகிஸ்தானிய சிப்பாய் ஒருவர் கொல்லப்பட்டுள் ளார்.கட்டுபாட்டு எல்லையை தாண்டி வந்து ஹாஜி பிர் வட்டகையிலுள்ள பாகிஸ்தானிய இராணுவ நிலை ஒ றை இந்திய இராணுவம் தாக்கியதாக கூறப்படுகின்ற கு ற்றச்சாட்டை இந்தியா மறுத்துள்ளது.கடைப்பிடிக்கப்ப ட்டுவரும் போர்நிறுத்தத்தை பாகிஸ்தானிய துருப்புகள் மீறியதால்தான்
தமதுதுருப்பினர் பதிலுக்கு சுட நேர்ந்தது என இந்திய இராணு வம் சார்பாகப் பேசவல்லவர் கூறியுள்ளார்.

காஷ்மீரம் தொடர்பில் இவ்விருநாடுகளும் இதற்கு முன் இரண்டு முறை யுத்தத்துக்குச் சென்றுள்ளன என்பது இங்கே நினைவுகூரத்தக்கது.

இந்தக் கட்டுப்பாட்டு எல்லையின் குறுக்காக குண்டுப் பரிமாற்றம் என்பது அவ்வப்போது நடக்கின்ற ஒரு விடயம்தான் என்றாலும், உயிரிழப்பு ஏற்படுவதென்பது அரிதாகத்தான் நிகழும்.

எய்ட்ஸ் நோயைக் கட்டுப்படுத்த புதிய தடுப்பூசி! : ஸ்பெயின் விஞ்ஞானிகள் கண்டுபிடிப்பு

noreply@blogger.com (THANNEER KUNNAM) — Mon, 07 Jan 2013 00:34:00 +0000

ஸ்பெயின் நாட்டில் உள்ள பாரசிலோனா பல்கலைக் கழக பேராசிரியர் பெலிப் கார்சியோ தலைமையிலா ன விஞ்ஞானிகள், எயிட்ஸ் நோயை தற்காலிகமாக கட்டுப்படுத்த புதிய தடுப்பூசி ஒன்றை கண்டுபிடித்து ள்ளனர்.உலகம் முழுவதும் தற்போது, 3 கோடியே 40 லட்சம் எய்ட்ஸ் நோயாளிகள் உள்ளனர் என்று கண க்கெடுப்பு சொல்கிறது. இந்த எய்ட்ஸ் நோய்க்கு இன் னமும் மருந்து கண்டுபிடிக்கப் படவில்லை என்றா லும், எய்ட்ஸ் நோயை ஓரளவுக்கு கட்டுப் படுத்தும் மருந்துகளை தற்போது எய்ட்ஸ்
நோயாளிகள் உப யோகித்து வருகின்றனர்.

இந்நிலையில் எய்ட்ஸ் நோய்க்கான புதிய தடுப்பூசி ஒன்றை ஸ்பெயின் நாட்டு விஞ்ஞானிகள் கண்டுபிடித்துள்ளனர். எய்ட்ஸ் நோயின் தாக்கம் உள்ளவர்கள் இந்த தடுப்பூசியைப் போட்டுக் கொண்டால் எய்ட்ஸ் கிருமிகள் வளர்வது தற்காலிகமாக கட்டுப்படுத்தப்படும் எனவும் இதனால் அவர்கள் நீண்ட நாட்கள் உயிர்வாழ முடியும் எனவும் அவர்கள் தெரிவித்துள்ளனர். மேலும் வெவ்வேறு நோய் தாக்கத்தில் இருந்து தப்பிக்க முடியும் எனவும் கூறுகின்றனர்.

எய்ட்ஸ் நோயாளிகள் தினமும் நோய் எதிர்ப்புத் திறன் மருந்துகளை சாப்பிட்டுக் கொண்டே இருக்க வேண்டும். ஆனால் இந்த தடுப்பூசியைப் போட்டுக் கொண்டால், குறிப்பிட்ட காலம் வரை எய்ட்ஸ் நோய் கிருமிகள் வளர்வதை தடுத்து நிறுத்தி வைக்க முடியும் எனவும், அதற்குப் பின்னர் மீண்டும் இந்த தடுப்பூசியைப் போட்டுக் கொள்ளலாம் எனவும் தெரிவிக்கப்படுக்கிறது.

எய்ட்ஸ் கிருமிகள் உடலின் எதிர்ப்பு சக்தியைத்தான் பாதிக்கும். ஆனால் இந்த தடுப்பூசி எய்ட்ஸ் நோய் கிருமிகளுக்கு எதிர்ப்பு சக்தியாக விளங்கும். எனவே நோயாளிகள் அவதிப்படுவது தடுக்கப் படும். 32 எய்ட்ஸ் நோயாளிகளுக்கு இந்த சோதனை செய்யப்பட்டு வெற்றியடைந்து விட்ட நிலையில் , விரைவில் இந்த தடுப்பூசி பயன்பாட்டுக்கு வரும் என்றும் அறிவிப்பு வெளியாகி உள்ளது.