Þórdís Erla Fannarsdóttir

Ný síða

admin — Wed, 19 Nov 2008 01:41:20 +0000

Sveitaferð…

barbamamma — Sun, 20 May 2007 22:04:54 +0000

Það var sko aldeilis fjör hjá mér á miðvikudaginn seinasta. Þá fór ég ásamt mömmu og pabba og öllum leikskólanum mínum á Hraðastaði sem er sveitabær. Ég missti mig algerlega af gleði þegar við mættum á svæðið og gat sko ekki verið kyrr því ég varð að skoða allt. Fyrst fórum við að klappa hestunum og þar ætlaði einn hesturinn bara að BORÐA mig, eða hann nartaði alla vegana aðeins í peysuna mína en ég lét það nú ekkert trufla mig neitt of mikið. Því næst skoðuðum við litlu kjúklingana og kettlinga og kanínur. Mér bauðst nú að halda á einni kanínu en ég vildi það sko ekkert, vildi bara aðeins skoða hana úr fjarlægð og klappa. Ég heilsaði líka upp á svínið, kálfinn og geit eða kind og kvaddi þau öll með virktum áður en ég hélt lengra. Ég prófaði líka að knúsa lítinn hvolp, fara á hestbak og setjast í traktora og að sjálfsögðu fengum við svo kleinur og kókómjólk svona til að toppa sveitastemminguna. Við héldum svo öll heim á leið, þreytt sæl og angandi af fjósalykt.
kv. Þórdís Erla sveitastelpa

Þórdís, Þórdís, Þórdís Erla símamær…

barbamamma — Sun, 06 May 2007 22:51:28 +0000

Ég er búin að uppgötva töfra símtólsins og vil nú fá að tala í símann í hvert sinn sem hann hringir. Einnig er mjög sniðugt að hringja í pabba ef hann er ekki heima þegar ég fer að lúlla svo ég geti kysst hann í gegnum símann

…aldeilis ekki fædd í gær

prufa

barbamamma — Fri, 09 Mar 2007 13:59:41 +0000

svona kemur þetta

Alltaf í dúkkó/bangsó

barbamamma — Wed, 28 Feb 2007 20:45:54 +0000

Mér finnst rosa gaman að leika mér með dúkkurnar mínar og bangsana. Aðalsportið er að láta þau lúlla og skipta á þeim. Ég geri sko alveg eins og mamma, næ fyrst í bleyjur, blautþurrkur og ruslapoka og geri allt reddí, tek bleyjuna í sundur, reyni að opna pokann og legg dúkkurnar á skiptidýnuna svo set ég bleyjuna á og fíflast svolítið í þeim í leiðinni

Alger krúttumús hehe

Lífið er yndislegt…

barbamamma — Wed, 28 Feb 2007 20:43:34 +0000

Það er sko aldeilis gaman að vera til þessa dagana. Ég er í svo góðu skapi og alltaf rosa fjör í mér. Helst vil ég bara vera uppí rúmi eða sófa með mömmu og pabba og kitla þau og knús og hnoðast og hoppa og henda mér út um allt. Svo hlæ ég bara eins og brjálæðingur af öllu saman og finnst þetta allt saman æðislegt.

Bla Bla Bla

barbamamma — Thu, 25 Jan 2007 12:22:18 +0000

Maður er sko aldeilis farin að spjalla - ætla að skella inn svona því sem ég man í bili sem að ég kann að segja

MEIJA = Meira
dekka = Drekka
Sita = sita
mat = mat
jóga = jógúrt
dús = djús
kes = kex
íþss = ís
bauð = brauð
auja = auga (þýðir líka gleraugu)
eyja = eyra
Háh = hár
munnuð = munnur
nebba = nebbi
kakka = krakkar

húa = húfa
gokka = sokkar/vettlingar
peyþa =peysa
gó = skór

hva’ detta = hvað er þetta?
hve’ detta = hver er þetta?
sjáu = sjáðu
lulla = lúlla
famm = fram
út = út
já = já
nei = nei
jæææja = jæja (segi þetta alltaf þegar við erum komin á áfangastað í bílnum)
hoppa = hoppa
lita = lita
leika = leika
pumppa = pruma
gúga = kúka

bað = bað
Heea = Hera (hundurinn hans Antons frænda)
Alia = Alida besta frænka
Danía = Daníela (litli hvolpurinn hennar ömmu Siggu sem að veiktist og dó greyið :~()
mamma = mamma
pabba = pabbi
amma = amma
ava = afi

Ritarinn man ekki meira í bili - það eru samt einhver fleiri orð

kv. Þórdís blaðurskjóða

Mamma rugludolla :S

barbamamma — Thu, 25 Jan 2007 12:06:29 +0000

..haldiði ekki að moms hafi GLEYMT að setja bleyju á mig í fyrrinótt. Alger sko. Ég veit ekki alveg hvernig hún fór að þessu hehe. Allavegana þá var ég og rúmið mitt og allt tilheyrandi ANSI blautt þegar ég vaknaði!! Maður verður að fylgjast með þessum foreldrum sko, annars fara þau bara að gera einhverjar gloríur

Enn ein veikindafærslan…

barbamamma — Thu, 25 Jan 2007 12:04:46 +0000

Þessi blessuðu rör mín dugðu nú ekki lengi, mér tókst samt að fá eyrnabólgu og annað rörið mitt stíflaðist. Mamma er búin að vera að dæla í mig eyrnadropum til að laga það og vonandi virkar þeir, annars þarf ég örugglega að fá nýtt rör Við förum til doksa eftir viku og sjáum hvernig þetta lítur út þá.

Ég fór í ofnæmispróf (húðpróf) um daginn og það kom ekkert út úr því…sem eru góðar fréttir en það undarlega er að þegar ég fór í blóðprufu fyrir jól vegna gruns um ofnæmi þá kom smá svörun á egg. Reyndar hafa ma&pa aldrei séð nein sérstök viðbrögð hjá eggjum mér þannig að þetta hefur líklega verið eitthvað dúbíus…eða eins og læknirinn sagði þá er möguleiki að ég hafi verið með ofnæmi sem sé farið eða eitthvað.

Mamma er nú samt ekkert að kaupa það að það sé ekkert sérstakt að mér miðað við hvað ég er rosalega oft veik og alltaf full af slími þannig að hún reyndi að fá tíma hjá hómópata fyrir mig og hjá þeim fyrsta sem hún hringdi í, sem okkur langaði mest að fara til, var laus tími í ÁGÚST!! Við eru sko ekki sáttar við svona langan biðtíma þannig við ætlum að leita eitthvað annað.

Vonandi fer ég nú að hressast, það er svooo leiðinlegt að vera alltaf svona slöpp. Ég var reyndar fín á meðan ég var bara heima í jólafríinu, en það er víst alveg eins gott að taka við öllum þessum leikskólapöddum núna eins og að eiga það eftir. Illu er best aflokið

Mér finnst gaman að…

barbamamma — Mon, 01 Jan 2007 23:35:08 +0000

- Syngja og dansa

- Elda á eldavélina mína

- snúa mér í marga marga marga hringi

- hjóla um á þríhjólinu mínu

- setja alls konar poka og ílát (ekki plastpoka samt ) yfir mig og reyna að labba blindandi

- troða mér ofan í ýmiss konar hirslur, töskur og ílát - t.d. hundabúr

- skoða/lesa bækur - sérstaklega dýrabækur og bækur um líkamann

- máta og ganga um í öllum skóm heimilisins, hef meira að segja náð að labba á háhæluðu stígvélunum hennar mömmu - alger skvísa

- teikna

…og fleira skemmtilegt