නොනිමි අහස (The Unlimited Sky)

ලංකාවේ දැනට භාවිතා වන සිම් හා උපකාරක සේවාවන්

2014-05-15T10:51:00.001+05:30

ඔන්න එදිනෙදා ප්‍රයෝජනයට වැදගත් දෙයක් වෙච්ච සිම් (sim) ගැන පෝස්ටුවක් ලිවුවා.
සිම් (sim) පාවිච්චි කරන අය ඒකෙන් ගන්න පුලුවන් සේවාවන් ගැන වැඩිය දන්නෙ නෑනෙ, ඔන්න ඉතින් අවතාර්‬ කරපු වැඩේ කරුණු ගළපල පෝස්ට් එකක් දැම්මා.
කියවල බලන්න වටින කියන දෙයක් තියෙනවද කියල ඔයාලටත්,

•) Dialog

* සිම් එක කාගෙද - #132#
* තමන්ගෙ නමට තියන වෙනත් සිම් - #132#1#1#
*ගිණුමේ ශේෂය ඉහල දැමීමට - *123*පින් අංකය#
*ගිණුමේ ශේෂය - *#456#
*අමතර අවශ්‍යතා - #107#
*සම්බන්දතාවය ගැන විස්තර #678#

*ණයක් ගන්න - #356#
*කරදරකාර එස් එම් එස් බ්ලොක් කරන්න - BLOCK<space>Block කරන්න ඕනි අංකය තමාගෙම අංකෙට මැසේජ් එක යවන්න

*එස් එම් එස් ඩයිවරට් කරන්න - DVI<space>Divert කරන්න කරන්න ඕනි අංකය තමාගෙම අංකෙට මැසේජ් කරන්න
*Star Points බලාගන්න - #141#
*Call Waiting Activate කරන්න - *#43#
*Missed call Alert Active කරගන්න - **62*0777012012#

*Dialog Mobile BROADBAND ( එස් එම් එස් වලින ඇක්ටිව් කරගන්න )

KBB<SPACE>පැකේජය (20,50,100,200,400) තොරා 678 ට සෙන්ඩ් කරන්න

පෙරගෙවුම් වයිෆයි

පැය 2 - WIFI<space>50

පැය 4 -WIFI<space>100

පැය 12 - WIFI<space>200

පැය 20 WIFI<space>400

පැය 50 - WIFI<space>1000 ලෙස ටයිප් කර 678 ට සෙන්ඩ් කරන්න

ඩයලොග් භාවිතාකල දත්ත ප්‍රමාණය දැනගැනීමට MBB ලෙස ටයිප් කර 678 ට සෙන්ඩ් කරන්න

•) Mobitel

* සිම් එක ගැන විස්තර - #132#
* ශේෂය ඉහල දැමීමට - *102*පින නම්බරය#
* ගිණුමේ ශේෂය බලාගැනීමට - *100#
* ණයක් ගැනීමට - #247#
* ණයක් දෙන්න - *448*අවශ්‍ය අංකය*ණයමුදල#
* GPRS / MMS සෙටින් ලබාගැනීමට -#222#
* M tune ඉවත් කරගැනීමට Unsub ලෙස 777ට එවන්න

* Mobitel Mobile Broadband SMS මගින් ඇක්ටිව් කරගන්න.

දිනක 100 Internet පහසුකම ලබාගැනීමට නම් D25 ලෙස 7678ට SMS කරන්න.( D25, D75, D299 ලෙස යැවීමෙන් 200MB හා 1GB ලෙස ඇක්ටිව් කරගත හැක )

•) Hutch

* සිම් එක ගැන විස්තර #132#
* ගිණුමේ ශේෂය *344#
* Missed Call Alert ඇක්ටිව් කරගන්න - *62*1000#
* Credit නැතිවෙලාවට කොල් එකක් ගන්න කියන්න - යාලුවගෙ අංකය ටයිප් කර 456ට යවන්න
* Sms Free Hutch to Hutch පැකේජය *222#

•) Etisalat

* සිම් එකේ විස්තර දැනගැනීමට #132#
*ගිණුමේ ශේෂය ඉහල දැමීමට *336*පින් නම්බර් ඩයල් කරන්න නැතහොත් #133*pin no# අමතන්න
*ගිණුමේ ශේෂය දැන ගැනීමට #134#
*Missed Call Alert Active කර ගැනීමට *346 Dial කරන්න
*Call A tune සදහා *359 අමතන්න
*සම්බන්දතාවය ගැන දැන ගැනීමට *262 Dial කරන්න
*mobile broadband
දිනක 50Mb ක අන්තර්ජාල පහසුකම සදහා D29
දින 7 ක 150Mb ක අන්තර්ජාල පහසුකම සදහා W49
මාසෙක 1GB ක අන්තර්ජාල පහසුකම සදහා M299 ලෙස ටයිප් කර 2211ට Sms කරන්න
* Etisalat Service - #111#

•) AirTel

* සිම් එක ගැන විස්තර දැනගැනීමට #132# හො *140*6570#

* ගිණුමේ ශේෂය දැන ගැනීමට *555#
* ගිණුමේ ශේෂය ඉහල දැමීමට *567#පින් නම්බර්#
* GPRS/MMS settings ලබා ගැනීමට ALL ලෙස ටයිප් කර 2222ය සෙන්ඩ් කරන්න

පසුගෙවුම් සබදතා සදහා

* Outstanding balance - *555*1#
* Unbilled balance - *555*2#
* Bill Summery - *555*3#
* Payment Status - *555*4#

කාමරේ සිරා කූඩැල්ලා හොයයි | බ්ලොග් කාටුන්

2013-11-20T23:31:00.002+05:30

ඔන්න අපේ කාමරේ සිරා කොලුවා මී මුරේ ගොහින් කූඩැල්ලෙක් රිංගලා ඇඳුම් අස්සට.බැරිම තැන පොඩි ගලකට මුවාවෙලා ලැජ්ජ බය එලියේ දාගෙන කූඩැල්ලා හොයනවලු ඔය.

පලි :කාලෙකින් කියවපු ලස්සන කතාවක්.සෑහෙන වෙලාවක් වැය කරලා සිරාගේ සිරා ගමනක් අපිත් එක්ක බෙදා ගෙන.ඒකට මඩක්ලු මේ ඈ

චෝගම් බඩු මිල | කාටූන් ටොක්ක

2013-11-15T19:45:00.000+05:30

බ්ලොග් කාටූන් | හසරැල්ලක් අලියෙක්ට වඩේ කවයි

2013-11-13T21:28:00.000+05:30

හසරැල්ලක් බ්ලොග් එක ලියන කොලුවා මේ ළඟදී අලියෙක්ට වඩේ එකක් කවන්න ගියාලු.එහෙම කරන්න ගිහින් කාපු පරිප්පුව ඔය ඇඳලා තියෙන්නේ

ඔන්න ඇවිදින් චෝගම් නිවාඩු | කාටූන් ටොක්ක

2013-11-12T07:43:00.004+05:30

විශ්ව විද්‍යාල නිවාඩු දුන්නේ අගනගරයේ තදබදය අඩුකිරීමටයි - ඇමතිවරයෙක්

බලන්න හසන්ත ඒකෙත් හැටි.අපේ රටේ කැම්පස් කොල්ලෝ කැම්පස් එන්නේ කාර් බයික් වලින්.උන් හරි පෝසත්...............

චුයින්ගම් වෙයිද චෝගම්???? කාටුන් ටොක්ක

2013-11-10T22:49:00.001+05:30

එක අතකට බලන විට චුයින්ගම් කියන්නේ ද අමුතුම කෑමකි.කොච්චර කෑවත් බඩ පිරෙන්නේ නැත.ඒ උනත් කම්මැලි වෙලාවට බඩගිනි වෙලාවට ඔහේ හප හපා ඉන්නට නියම කෑමක්ය.චුයින්ගම් එකේ රස ඇති තුරු තලු මර මර හපන්නේය.ටික වෙලාවක් යන්නට මතෙන් රස නැති වී මෙලෝ රහක් නැති කොහොල්ලෑ ගුලියක් බවට පත් වෙන්නේය.ඊට පසු කරන්නේ ඒ කොහොල්ලෑ ගුලිය කොහේ හරි අලවන එකය.අවසානෙට බලන විට ඒ චුයින්ගම් එකෙන් කාපු එකාට පලක් නැත.ඒ අලවපු කොහොල්ලෑ ගුලිය කාගේ හරි ඇඟේ ඇලුනොත් ඌටද කරදරයකි.

කුඹුර,ගොවිතැන සමඟ බැඳුනු මිහිරි අතීතය.....

2013-11-09T18:24:00.001+05:30

මඩ සෝදා ගත් කල ගොවියා රජ කමට සුදුසුය යන කියමන එදාට වඩා අදට මැනවින් ගැලපෙන්නේය.මන්ද අද තරුන පරපුරට වෙලකට බහින්නට කිව්වොත් ප්‍රතික්ෂේප නොකරන්නේ සීමිත පිරිසක් බැවිනි. ගම්බද පරිසරයක හැදීවැඩුනු අයෙකු ලෙසින් මා හට නම් ඇත්තේ කුඹුර,ගොයම,ගොවිතැන සමඟ බද්ධ වූ ළමා කාලයකි.කුඹුර සහ ගොවිතැන කුඩා කලදී අරුමයක් නොවන්නේ පියා ගොවිතැනේ නිරත වීමත් විශාල වෙල් යායකින් සමන්විත වුනු ගමක හැදී වැඩීමත් නිසාවෙනි.දැනට වසර ගණනකින් කුඹුරකට නොබැස්ස නමුත් ගොයම් කැපීම,පැල සිටවීම ආදී බොහෝ දේ එදා මෙන්ම අදටත් කල හැකි යැයි සිතෙන්නේ එදා ලැබූ පලපුරුද්ද නිසා යැයි වරෙක සිතේ.
අප කුඩා කලදී වැඩිහිටියන් සැලකුවේ ගොවිතැනේ යම් තැන් ඉගෙනීම මහා භාරදූර වැඩක් අයුරිනි.මනා පුහුණුවක් නැත්තවුන් ලෙස බොහෝ තැන් වලදී බොහෝ කාර්යයන් වලදී වැඩිහිටියන්ගේ දෝෂාරෝපනයට ලක්වීම එකල සුලබ කරුණකි.කුමන වැරැද්දක් කලද කරන ක්‍රියාව නවතා තමා කුඹුරෙන් ගොඩට ඒමද කල නොහැක්කකි.ඒ නිසා දෝෂාරෝපන උපහාස මැද්දේ කේසේ හෝ ඒ ක්‍රියාවේ පලපුරුදු කාරයෙකු වීමට අපට සිදු විය.ඒ කාලයේ ඇතැම් සිද්ධි මතක් කරන විටදී මුවඟට සිනාවක් නැගෙන්නේ ආයාසයකින් තොරවය.වී ගොවිතැනේ මුලික කරුණක් ලෙස බීජ වැපිරීමේදී කුඩා අප එකල බලාසිටින්නේ උදැල්ලක් අතට ගැනීමට අවසර ලැබෙන කාලය උදාවන තුරුය.එනම් බීජ වැපිරීමට කුඹුර සකස් කිරීමේදී ඇල කැපීමට නම් මනා පලපුරුද්දක් තිබිය යුතුය.වැඩිහිටියන් ඇලවල් කපද්දී,පෝරු ගාද්දි කුඩා අපට ලැබෙන්නේ ඉන්නකි.වර්තමානයේ නොව අප කුඩා කාලයේදී කුඹුර බීජ වැපිරීමට සකස් කල පසු සකස් කල බිම මත එකදු වතුර රඳන වලක් නොතිබිය යුතුය.එමෙන්ම උඩට මතුවු පස් කඳු නොමැතිව සම මට්ටමේ බිමක් තිබිය යුතුය.කාලයෙන් කාලයට ගොවිතැන නවීකරණය වී එවන් දේ අද වන විට ශේෂ වී ඇත.නියමිත් ආකාරයට කුඹුර සකස් කල පසු එකදු තණකොල ගසක්වත් මඩෙන් මතුවී නොපෙනේ.ඒ කුඩා අපගේ ක්‍රියාකාරකමේ ප්‍රතිඵලයන්ය.මන්ද අතට ඉන්නක් හෝ කෝටුවක් ලබා දී අප වෙත පැවරෙන වගකීම නම් මඩෙන් උඩට මතුවී තිබෙන තණකොල ගස් පෑගීමයි.දවස පුරාම මේ කාර්යයේ යෙදී රාත්‍රිය වන විට නින්ද ලබන්නේ දෙපා වල මහත් වූ වේදනාවක් සමඟය.

කුඹුරු වැඩ කිරීම අද කුලීකාරයින් ලවා කරවා ගත්තද එකල එය සිදු උනේ අත්උදව් ක්‍රමයටය.එනම් වෙල් යායේ සියලු දෙනා අදාල ගොවියාගේ කුඹුරු වැඩට සහය දේ.ඒ වෙනුවට ඔහුද අන් සියලු දෙනාගේ කුඹුරු වැඩට සහය දිය යුතු වේ.එනම් අද මෙන් කුඹුරක වැපිරීමකදී,ගොයම් කැපීමකදී දැකිය හැක්කේ පස් හය දෙනෙකුන් යුත් පිරිසක් නොව විසි දෙනෙකුට නොඅඩු පිරිසකි.උදේ දිවා දෙකටම ඇඹුල හැදෙන එදින කුඹුරේ හිමිකරුට විශේෂ දිනයකි.

කුඹුරු වැඩ සම්බන්ධව කුඩා කලදීම මා ලැබූ තවත් විශේෂ අත්දැකීම නම් අත් ට්‍රැක්ටරයෙන් සී සෑමට ලැබීමයි.ගමට ඇති එකම අත්ට්‍රැක්ටරයේ හිමිකරු පියාගේ වැඩිමල් සහෝදරයෙක් වූ හෙයින් අවුරුදු දහය පමණ වියේදී අත්ට්‍රැක්ටරයෙන් සීසෑම පටන් ගන්නට හැකි විය.එම අවස්ථාව ලබාගත් අයුරුද එතරම් මිහිරි නැත.මුල් කාලයේදී සිදු වුනේ කුඹුර පුරා හැතැප්ම ගණනක් ගමන් කරන අත්ට්‍රැක්ටරය පිටිපස්සෙන් ඇවිදීමය.අඩි තුන හමාරක් පමණ උසකින් සිටි මා අත් ට්‍රැක්ටරයෙන් සීසෑමෙ එදින අභ්‍යාසය නිමා වන විට හඳුනා ගත නොහැකි තරමට මඩෙන් නැවී ගොස්ය.මේ අකාරායේ ඉගැන්වීමේ දවස් කීපයකින් පසු අත්ට්‍රැක්ටරය මුල්ම වතාවට සීසෑම සඳහා ලබා දුන් මුල් දවස අද දින මෙන් මතකය.අත් ට්‍රැක්ටරයේ හැඬලය මත අත් තබාගෙන ගමන් කලේ මහත් වූ තැති ගැන්මෙන් යුතුවය.මුල්ම දින එලෙස මා අත්ට්‍රැක්ටරය සමඟ ගමන් කලේ රවුම් දෙකක් පමණි.
මේ ආකාරයට දිනෙන් දින ගෙවි යද්දී ටික කලකින්ම අත්ට්‍රැක්ටරයෙන් සීසෑමේ සමතෙකු වීමට මා හට හැකි විය.ඉන් පසු අප ගමේ පමණක් නොව වෙනත් ගම් වලා සීසෑම් සඳහා යනවිටද අයියා මා කැඳවාගෙන යයි.එවන් දවසක අයියා මා හට අත්ට්‍රැක්ටරය ලබා දෙන තුරු මා සිටින්නේ නොඉවසීමකිනි.බොහෝ අවස්තාවන් වල මා සීසාන විටදී වෙල් යායේ වැඩ කරන බොහෝ දෙනා එකිනෙකා හා කතාකරමින් විශ්මයෙන් යුතුව මා දෙස බලා සිටියි.ඔවුන්ගේ විශ්මයට හේතු වන්නේ අත්ට්‍රැක්ටරය තරම් උස ඇති කුඩා කොලූ ගැටයකු පලපුරුදු කාරයෙකු ලෙසින් සී සෑමයි.එවන් අවස්ථාවකදී මා අත්ට්‍රැක්ටරය සමඟ ගමන් කරන්නේ තරමක උජාරුවෙනි.

පහ වසර ශිෂයත්වය සමත් වී නගරයේ පාසලට යොමු වීමත් සමඟ කෙමෙන් කෙමෙන් කලින් තිබූ නිදහස සීමා සහිත විය.කලින් අත්ට්‍රැක්ටරය සමඟ පොරබැදුවාක් මෙන් ඉන් පසුව විබාග,ඇගයීම් සමඟ පොරබදන්නට විය.කෙසේ නමුත් මා අත්ට්‍රැක්ටරයෙන් සීසෑමට සමුදුන්නේ දකුණු කකුලේ කලවයේ කිසිදා නොමැකෙන අඟල් පහක පමණ කැළලක් ඇති කර ගනිමිනි. අධ්‍යාපනයට වැඩි කාලයක් යොමු කිරීමත් පියාගේ ගොවිතැන් කටයුතු ඇන හිටිමත් සමඟ වැඩි කාලයක් නොගොස් කුඹුරට,ගොයමට සමුදෙන්නට මා හට සිදුවිය.වෙල්යාය ඇත්තේ නිවසේ සිට මිටර් කිහිපයක් දුරින් වුවත් අදවන විට සති කීපයකින් මා කුඹුර දෙසට ගොස් නැත.සති අන්තයේ කොළඹ සිට ගෙදර ආ පසු හදිසියේ හෝ වෙල්යායට ගියොත් දැනෙන්නේ කලින් නොදැනුණ ආගන්තුක බවකි.එහෙත් එදා සිට අක්කර සිය ගනණකින් යුතු වෙල් යායේ එහා කෙළවර සිට මෙහා කෙළවරට යන තුරු මගේ පයට නොපෑගුණු බිම් කඩක් නොමැති බව මා හට විශ්වාසය.

දැන් නම් තවත් බෑ මිස් ඉවසන් ඉන්න (කාලෙකට පස්සේ ඇවිත් 18+ එකක්)

2013-10-13T20:12:00.001+05:30

බුකිය පැත්තේ ගියාට පස්සේ මෙහෙම එකක් දැක්කා.ඊට පස්සේ ඔන්න ඔහේ ලියන්න හිතුනා අහසේ.කොටින්ම කියනව නම් මේක 100%ක් උස්සපු එකක් ඈ.නිදහසේ ලියන්න එකක් නැති හින්දා උස්සලා දැම්මේ ඈ.නඩු නම් දාන්න එපා අවතාරයට හොඳේ.

අවතාර් කාලෙකට කලින් නම් මෙහෙම දෙයක් ගැන කයියෙන් ලිව්වා.ඒක නම් අවතාර්ස් ඔරිජිනල් ඈ.ඒක බලන්න පහලින්
බඳින්න හිතෙනවානේ මිස් ඔයාව මට දැකපු ගමන් | විරිඳු සුරල්

එහෙනම් මෙන්න උස්සපු එක

නැමිලා දෙකට ගත්තා ඈ හුණු කොට්ටේ
කලිසම ගිහින් වැදුනා මේසේ ගැට්ටේ
මැද දාරයට හිර වී ඇගේ රතු හැට්ටේ
නටනවා වගේයි තාලෙට වැල එක නැට්ටේ..

මුල්ලට වෙන්න නෙරියේ රැළි ගොඩ ගැහිලා
සත පනහකට වැඩි ලොකු නාභිය ඇරිලා
නොවැදී වැදී යනවිට මා පහුකරලා
නොබලා ඉන්නේ කොහොමද මම ඇස්වහලා..

හිර කර ඇඟිලි තුඩුවට රට හුණු කෑලි
ඉස්සී පහත්වී ලියනා විට පේලී
මතුවන දාරයේ ලස්සන හැඩ බේරී
නොලියා ඉන්නේ කොහොමද මේ කවි කෑලී..

රත් පැහැ දෙතොල ඇයි මේ හැටි වෙහෙසන්නේ
සිහිනෙන් වගේ මොනවද ඈ පවසන්නේ
නැහැ කිසි දෙයක් වෙන මගේ මතකෙට එන්නේ
මේ හැටි ඇයිද පපුවට ගින්දර දෙන්නේ..

මල් සාරියට නම් ඈ හරි හැඩකාර
නොබලන දෑස් ඒ දෙස හරි පව්කාර
නොබලා ඉන්න හැදුවත් ඇස් කීපාර
නවතනු කෙලෙස මේ හිත හිතුවක්කාර..

නැමුනා එක වරම ඇය ගුරු මේසයට
වැල ගෙඩියක් වැටුනා වාගේ බිමට
පැත්තට පේන දර්ශණයේ අසිරියට
ඉවසන දනන් හට ජය කොඩි වෙන කුමට..

දැන් නම් තවත් බෑ මිස් ඉවසන් ඉන්න
හැකිනම් මාව ඔය ඔරැවට නග්ගන්න
හබල අලුත් හන්දා බැහැ දුර යන්න
කෙටි පාරකට පුලුවන් නම් හරවන්න..

පින්කර කියනවා මගේ ඇස් දෙක හොඳට
මතකෙට ගනිමි මම මේ පාඩම අදට
නින්දට කලින් සිහිකර මේ ගැන තිතට
දෙන්නෑ කිසිම නිවනක් අද මම අතට..

සමාවෙලා මේ දේ කියලා දෙන්න
කවුරුද ඔබව මැව්වේ මට පවසන්න
දැන් නම් තවත් බෑ මිස් ඉවසන් ඉන්න
අද නම් මගේ අතට නිවනක් නැහැ ඔන්න ..

මෙන්න අර කොපි රයිටඩ් මෙව්වා එකට අහු නොවෙන්න උස්සපු එකේ ඔරිජිනල් එකේ ලින්ක් එක මෙතනින්

නොනිමි අහසේ ආයෙත් ලියන්න..........

2013-10-08T01:23:00.000+05:30

අවතාර් නමින් නොනිමි අහස කියලා තැනක ලියපු එකෙක්ව මතකද දන්නේ නෑ කස්ටියට නේ?ගොඩක් අයට අමතක ඇති අවසාන පෝස්ට් එක දැම්මෙත් දැනට මාස 6කට කලින්ද කොහෙද.ඒකත් සුනාමි ආවා ගියා වගේ තමා.නිකමට අද ෆ්‍රී එකේ ඉන්න නිසා පරණ ඊ මේල් එකයි පාස්වර්ඩ් එකයි ගහලා බ්ලොගර් ලොග් උනා.(නොනිමි අහසේ මොන වගේද කියලවත් මට මතක නෑ කියහල්ලකෝ )
එහෙම ඇවිත් බලපුවහම බ්ලොගර් අද දවසට පේජ් විව්ස් 50 ක් පෙන්වනවා.ඒ කියන්නේ තාමත් මගේ බ්ලොගට යන එන කට්ටිය ඉන්නවා.
ඔහොම ඇවිත් නොනිමි අහසේ මම ලියපු ඒවම බල බල යන කොට වෙලාව නැති කමින් අතෑරලා දාපු බ්ලොග් එක ආයේ ලියන්න හිතට බල කරන විදිහේ කමෙන්ට් දෙකක් දැක්කා

ඊට පස්සේ මට මතක් උනා ඒ දවස් වල රෑ නිදි මරාගෙන නොනිමි අහසේ පෝස්ට් ලියපු හැටි.එහෙම එකේ වැඩ අසසේ උනත් ඉඳලා හිටලා හරි පෝස්ට් එකක් දානව කියලා හිත හදා ගත්තා.නොනිමි අහස මෙහෙම අතාරින්න වෙයි කියලා නම් හිතුවේ නෑ.ඒත් අවතාර්ගේ ජීවිතේ සිද්ධ උන වෙනස් වීම් එක්ක පොඩ්ඩක් නොනිමි අහසෙන් ඈත් වෙලා ඉන්න උනා.

ඔන්න එහෙනම් අවතාර් ආයෙත් නොනිමි අහසේ කොටන්න පටන් ගන්නව ඈ

දැන් ඉතින් හිතේ තියෙන සේරම කියලා බනින්න තියෙනවනම් ඒවත් එක්ක බැනපල්ලා ඇති වෙන්න :)

ලක්ෂපතියන් බිහිකිරීමේ ප්‍රයන්තය දියත් කල වගයි

2013-04-13T12:32:00.000+05:30

අවතාර් මාස ගානක් බ්ලොග් ලෝකෙන් වහන් වෙලා ඉඳලා සුනාමිය ආවා වගේ එකපාරටම කඩා බිඳගෙන ඇවිත් කස්ටියට පොරොන්දුවක් උනාලු.හැමෝටම මාසෙකට රු 10,000ක් හොයාගන්න තත්වයට පත් කරනවා කියලා.හැමෝම කිව්වට හැමෝටම බෑ මේක.මෙන්න මේ දේවල් තියන අයට විතරයි පුළුවන්
කැපවීම අනිවා ඕනේ
8 වසරේ වගේ ඉංග්‍රීසි දැනුම ප්‍රමාණවත්
නෙට් යන්න පුළුවන් කොම්පියුටරයක්
දවසින් පැය තුනක් පමණ(අවම)
ජාවා/වෙබ් ඩිසයිනින්/PHP දැනුම අනවශ්‍යයයි

ඔන්න ඔය ටික තියනවනම් අවතාර් කියලා දෙනවා කොහොමද ඩොලර් කුට්ටි කඩාගන්නේ කියලා පියවරෙන් පියවර.ඔය ලැප් ඉස්සරහ නිදි මරාගෙන ඇඩ් ක්ලික් කර කර කාලේ නාස්ති කරන උන්දලා ඉන්නවනම් විකාර අතෑරලා දාලා රියල් විදිහට හම්බ කරන්න පටන් ගමු.වැඩි විස්තර මෙතන කියන්න යන්නේ නෑ.සේරම විස්තර අලුතෙන් පටන් ගත්තු බ්ලොගේ ලියවෙනවා.වෙලාව ඇතිවිදිහට නොනිමි අහසේ පුරුදු ලට පට විහිළු තහළු ලියවෙයි.

එහෙනම් යටින් තියෙන පින්තූරේ උඩ කොටලා අලුත් අවුරුද්දට බිස්කට් පෙට්ටියක් එහෙම අරගෙන ගොඩ වෙන්න මගේ අලුත් බ්ලොගට.

හැමෝටම කිරියෙන් පැණියෙන් ඉතිරෙන සුභම සුභ අලුත් අවුරුද්දක් වේවා !!!!

පොන්* ඇනෝලගේ ලැජ්ජ නැති වැඩ | හිනා වීමට කැමති අයට

2013-03-31T12:21:00.000+05:30

කාලෙකට පස්සේ ලියන දෙවෙනි පෝස්ට් එක.කස්ටියට අවතාර් කොලුවව අමතක වෙලා කියලා හිතුවට බැලින්නම් සෑහෙන දෙනෙක්ට එහෙම එකෙක් හිටියා කියලා මතකයිනේ.ඒ ගැන අවංකෙන්ම සතුටුයි.හැමදාම අවතාර් එක්ක හිටපු සැමා,DDT,තරුවා,නාඩියා,බංඩා ,කෝරලේ ,රූ අක්කා,රාජ් ...................තව කට්ටිය හිටියා ඈ.සේරටම තෑන්ක්ස් කොල්ලට හොඳ පිළිගැනීමක් දුන්නට.දැං ඉතින් ආයෙත් පෝස්ට් නොලියා ඉන්න පුළුවන් ද?වෙලාව ඇති විදිහට අනිවා ලියනවා.ඒ කොහොම වෙතත් අවතාර් කලින් පෝස්ට් එකේ කිව්වනේ කට්ටිය ගොඩ දාන්න අලුත් වැඩක් පටන් ගන්නවා කියලා.මේ කියන්න යන්නේ නම් ඒක ගැන නෙවේ.අවතාර් ඒකේ වැඩත් පටන් ගනිමින් ඉන්නේ.
මේ පෝස්ට් එක ලියන්නේ හිතේ තරහකුයි ඊට වඩා අනුකම්පාවකුයි එක්ක.කලින් පෝස්ට් එක දාලා දැන් ටිකකට කලින් ඇවිත් බලනකොට කවුද කමෙන්ට් කරලා තියෙන්නේ කියලා මුලින්ම මල පැන්නා.පහලට යනකොට තරහ වෙනුවට හිනා ගියා.පස්සේ අවංකවම දුක හිතුනා ඒ අසරණයා ගැන.බලලා ඉඳිල්ලකෝ මොකද උනේ කියලා.

ගොන් ආතල් එකේ පලවෙනි කොමෙන්ට් එක

වැඩේ හරි ගිය නැති හින්දා දෙවෙනි කොමෙන්ට් එක

තවත් අසරණ උත්සාහයක්

මේකට නම් මොනව උනත් දුක හිතෙනවා

නැට්ටේ ඉඳන් ගොම ගාගත් පසු...............

කෙල්ලෙක් ඇඳුම් නැතුව ඉන්න ෆොටෝ එකක් කමෙන්ට් වලා දාලා ආතල් එකක් ගන්න ගිය පොරකගේ නෝන්ඩි උන වැඩක්.මේ සේරම කලින් පෝස්ට් එකේ එක දිගට වැටුන කමෙන්ට්.බලන්න ඕනේ නම් බලන්න පුළුවන් තාමත් ඇති මම කිසිම එකක් අයින් කලේ නෑ.මෙන්න ලින්ක් එක
මම නොනිමි අහසේ ෆොටෝ දාලා කමෙන්ට් කරන්න පුළුවන් විදිහට හැදුවා කියලා මතක ඇතිනේ.තාමත ඒක පුළුවන් කියලා හිතාගෙන ගත්තු ආතල් එකක් මේක.මට මතක විදිහට නම් බ්ලොග් එකේ කාටවත් මඩ ගහලා ලිව්වෙ නෑ.ඒ හින්දා අවතාර්ට නොනිමි අහස හරහා නම් තරහකාරයෝ නෑ මීට කලිනුත් මේ වගේ වැඩ ඕන තරම් උනා.ඒ ගැන මේව කරන කෙනා දන්නවනේ. එක පාරටම ගියේ කොහේද කියලා ඇහුවනේ.අවතාර් මෙච්චර ආසාවෙන් ලියපු එක එපා වෙන තැනටම වැඩ උන හින්දයි අතෑරියේ.ඒත් ඇනෝ කමෙන්ට් ඩිසේබල් කරන්නේ නෑ.මේ ආතල් එක ගත්තු අසරණයා අවතාර්ව හොඳට ම දන්න හොඳ කමෙන්ට් එහෙමත් දාන කෙනෙක් කියලත් දන්නවා.
කොහොම උනත් ඇනෝ උඹේ මේ වැඩෙන් උදේ පාන්දර මාවත් හිනස්සෝලා දැන් මෙතනින් තව දෙතුන් දෙනෙක්ව හිනස්සෝන එකට උඹට පින්.එක උදව්වක් ඉල්ලන්නම් මොනම තරහක් හරි හිතේ තියනවනම් මට ඊමේල් එකක් හරි දාපන් බැනලා.මෙහෙම කරපුහම උඹ කවුද කියලා මම දන්නේ නෑනේ.

අවතාර් කියලා එකෙක් ව මතකද?

2013-03-29T01:37:00.001+05:30

මේ පෝස්ට් එක කොහොම පටන් ගන්නද කියලා හිතාගන්න බෑ.එකපාරටම අතුරුදහන් වෙලා කාලෙකින් තමා ආයෙත් පෝස්ට් එකක් ලියන්නේ.කේස් එක උනේ පොඩි වැඩ වගයකට අත ගහපු නිසා නොනිමි අහසේ පෝස්ට් එකක් දාන්න වෙලාවක් නැති වුන එක.ලියනවා කියලා විනාඩි පහකින් කුනුහරපයක් ලියලා දාලා යන්න බෑනේ.බොහොම අමාරුවෙන් හිත හදා ගෙන ආයෙත් පෝස්ට් එකක් ලිව්වා ඔන්න.
එහෙම ආයෙත් පෝස්ට් එකක් ලියන්නේ සිංහල බ්ලොග් ලෝකේ අමතක කරන්න බැරි හින්දා.ඒ හින්දා අවතාර් හිතුවා ඉස්සර ලියපු පෝස්ට් යටින් ;) ඔහොම හරි කමෙන්ට් එකක් දාලා ගියපු කොල්ලන්ව කෙල්ලන්ව ගොඩ දාන්න.ඒ කියන්නේ මාසෙකට අඩුම රු.10,000 ක ආදායමක් හදලා දෙන්න.(අවතාර් බයිලා කෙලිනවා කියලා හිතනවනම් දැන්මම වැඩේ අතෑරලා දාන්න.මම සේරම කියලා දෙන්නේ මගේ අත්දැකීමෙන් ඕන කෙනෙකුට මේදේ කරන්න පූළුවන් නිසා).මෙන්න මේ කියන ටික තියනවනම් අර ටාගට් එකට යන්න අවතාර් සපෝට් කරනවා ඒ හැමෝටම.

ලැප්ටොප් හෝ ඩෙස්ක්ටොප් පරිගණකයක්
යමක් කිරීමට ඇති උනන්දුව හා ආසාව
බිල ගෙවමින් සක්‍රියව පවතින අන්තර්ජාල සම්බන්ධතාවයක්
දිනකට අවම වශයෙන් පැය තුනක්(දවසේ ඕනෑම වෙලාවක)

මේ සුදුසුකම් සම්පූර්ණයි නම් කස්ටිය ලෑස්ති වෙලා ඉන්න.වැඩි විස්තර පසුවට.
මුලින් ම බලමු අවතාරයාව මතක එවුන් ඉන්නවද කියලා......

පොලිසිය ගැන මේ ටිකත් දැනගන්න

2013-01-14T20:10:00.001+05:30

ඔබ මේ ගැන දන්නවාද?

1. ඔබ පාරෙ ගමන් කරන විට, තනි පොලිස් නිලධාරියෙක්ට ඔබව නැවැත්වීමට තහනම්. එසේ නැවැත්වීමට උත්සාහ ගතහොත්, නොනවත්වා යාමට ඔබට හැකිය.

2. තනි පොලිස් නිලධාරියෙකුහට ඔබේ රියදුරු බලපත්රය රඳවා ගැනීමට නොහැකිය.

3. ඔබ වාහනයක ගමන් කරන විටකදී, ඔබේ ජාතික හැඳුනුම් පත හැර වෙනත් ලියකියවිලි ඉල්ලා සිටීමට

අයිතිය ඇත්තේ "රථ වාහන පාලක පොලිස් නිලධාරියෙකුට (Traffic Police)" පමණි.

4. තනි රථ වාහන පාලක පොලිස් නිලධාරියෙකුට (Traffic Police) ඔබට දඩ ගැසීමට හෝ චෝදනා කිරීමට නොහැකිය. ඔහුට අනිවාර්යෙන්ම සාක්ෂිකරුවෙකු අවශ්‍ය වේ. සාක්ෂිකරු පොලිස් නිලධාරියෙකුම විය යුතුයි. (එබැවින් සැමවිටම පාරේ රථ වාහන පාලක පොලිස් නිලධාරින් දෙන්නෙක් එකට සිටියි)

5. පොලිසිය යනු සාමය ආරක්ෂා කිරීමට කැපවුන බලකායකි. ආයුධ සම්පන්න බලකායක් නොවේ. ඔවුන්ට

බැටන් පොල්ලක් හැර වෙනත් ආයුධයක් ලඟ තබාගැනීමට නීතියෙන් තහනම් කොට ඇත. (නමුත්, පැවතුන යුධමය තත්වය නිසා, යුද්ධය අවසන් වනතුරු ඔවුන්ට තුවක්කු ලබාදීමට අධිකරණයෙන් නියෝග කර තිබිණි.) එමනිසා පොලිස් නිලධාරියෙක් ඔබට තුවක්කුවක් දිගු කලහොත් ඔහුට විරුද්ධව පැමිණිලි කිරීමට ඔබට අයිතියක් ඇත.

6. පොලිස් නිලධාරියෙකු ඔබට "බීමතින්" රිය පැදවූ බවට චෝදනා කලහොත්, බැලූන් පරීක්ෂාව (Balloon

Test) කිරීමට ඉල්ලා සිටිය හැක. ඒ අවස්ථාවේදී ඔවුන් සතුව බැලූන් නොමැති නම්, ඔබට යාමට අවසර ඇත.

7. මහ මග ගමන් ගන්නා වාහනයක් නැවැත්වීමට අවසර ඇත්තේ රථ වාහන පාලක පොලිස් නිලධාරියෙකුට

(Traffic Police) පමණයි.. (ඒ බැවින් හමුදා මුරපොල check point) වල එක පොලිස් නිලධාරියෙක් හෝ සිටිය යුතුය.)

8. පොලිස් නිලධාරියෙකුට ලිඛිත උසාවි නියෝගයක් නොමැතිව ඔබේ නිවසට හෝ රැකියා ස්ථානයට ඇතුළු

විය නොහැක. ලිඛිත නියෝගය ඉල්ලා සිටීමට ඔබට සියලු අයිතිය ඇත. ඔවුන් බලෙන් ඇතුලු වීමට සැරසෙයිනම් එයට විරුද්ධ වීමට ඔබට අයිතිය ඇත.

9. ඔබ සිදුකල වැරැද්දේ ස්වභාවයත්, දණ්ඩ නීති සංග්‍රහය අනුව අදාල නීති උල්ලංගනය කිරීමත් පිලිබඳව

කියන තුරු රථ වාහන පාලක පොලිස් නිලධාරියෙකුට (Traffic Police) ට ඔබේ රියදුරු බලපත්රය ලබාගත

නොහැකිය. එසේ සඳහන් කිරීමට අපොහොසත් වන්නේ නම් ඔබට යාමට අවසර ඇත.

10.රථ වාහන පාලක පොලිස් නිලධාරියෙකු (Traffic Police) ඔබේ බලපත්‍රය බලෙන් ලබාගෙන, එය නැවත

ලබා ගැනීමට පොලිස් ස්ථානයට එන ලෙස පැවසූ විටක, එලෙස නොගොස් පොලිස් අධිකාරියතුමන්ට

හෝ ප්‍රාදේශිකයට අදාල නියෝජ්ය පොලිස්පතිතුමන්ට පැමිණිලි කිරීමට ඔබට අයිතිය පවතී. එවිට අදාල

නිලධාරියාව, දුරාචාරය සහ නොහික්මුණු හැසිරීම යන වරද මත පදනම්ව සේවයෙන් පහ කරවීමට වුවද

හැකියාව පවතී.

11. කාන්තාවකගෙන්,පොලිස් නිලධාරියෙකු නම, ලිපිනය, හැඳුනුම් පත, දුරකථන අංකය ඉල්ලා සිටී නම් ඒ

ඉල්ලීම ඉටු නොකිරීමට අයිතිය ඇත (ඔහු ඔබට හිරිහැර කිරීමේ අරමුණින් සිටින බව ඔබට හැඟේ නම් පමණක්). ඔහුට ඔබව (කාන්තාව) අත් අඩංගුවට ගැනීමට නොහැක. ඔබට පොලිස් නිලධාරිනියකගේ සහය ඉල්ලා සිටීමට අයිතිය ඇත.

12.පොලිස් නිලධාරියෙකු කාන්තාවක් පරීක්ෂා කිරීමට බව පැවසූ විටක, එය පොලිස් නිලධාරිණියක

ලවා කරවා ගැනීමට ඔබට (කාන්තාව) අයිතිය ඇත. පොලිස් කාන්තාවක් නොමැති නම්, ඔබට එය ප්‍රතික්ෂේප කිරීමට අයිතිය ඇත.

13. ඔබට අධික වේගයෙන් වාහනය පැදවීමේ වරදට දඩ ගැසීමට හෝ නඩු දැමීමට සැරසෙයි නම් ඊට ප්රථම

වාහනයේ වේගය මනින ලද මීටරයේ වේගය සටහන් වී ඇති අයුරු තමාට පෙන්වන ලෙස ඉල්ලා සිටීමට අයිතිය ඇත. (බොහොමයක් පොලිසිවල පවතින වේග මීටර අක්රිය අතර ඔවුන් හුදෙක් මීටරය දිගුකර අනුමානයෙන් වරදකරුවන් අසුකරගනී)

14. ඔබ කිසියම් කරුණක් මත අත් අඩංගුවට පත්ව සිටිනම් පොලිසියට ප්රකාශ ඉදිරිපත් කිරීමට ප්රථම

නීතිඥයෙකුගේ උපදෙස් ලබාගැනීමට ඔබට අයිතියක් පවතී. එනිසා එවැනි අවස්ථාවල ඔබට නීතිඥයෙකු

ඉල්ලා සිටීය හැකිය.

ඔබට නීතිමය කරුණක් ගැන තවදුරටත් තොරතුරු

ලබාගැනීමට අවශ්ය නම් නීති ආධාර කොමිෂන්

සභාව ,අංක 129/5,මහාධිකරණ

සංකීර්ණය,අළුත්කඩේ,කොළඔ 12. යන ලිපිනයට

ලිවීමෙන් හෝ 0094-11-2433618,

0094-11-5335329, 0094-11-5335281,

0094-011-2395894 යන අංක වලට ඇමතීමෙන්

තොරතුරු ලබාගත හැකිය.

උපුටා ගැනීම බුකියෙනි

සිත්තර තෑගි ප්‍රශ්නය 2 | හොඳට බලලා උත්තර දෙමු

2013-01-11T12:27:00.000+05:30

මේ සතියේ සිත්තරයක් තෑගි දෙන ප්‍රශ්නය

ඔය උඩ තියන පින්තූරේ මිනිස් මුණු කීයක් පේන්න තියනවද????

හොඳ ඇහැක් තියන අය බලලා උත්තරයක් දෙමු!!

යන්තං ඔන්න 100 යි

2013-01-08T14:33:00.001+05:30

100 ගැන ලියනවද නැද්ද කියලා කල්පනා කරලා ඔන්න ඔහේ ලියන්න හිතුනා.අවතාර් නොනිමි අහස පටන් අරන් අවුරුද්දකුත් මාසයකුත් වෙද්දි යන්තම් පෝස්ට් 100ක් ලියා ගත්තා.
මේ 100 ඇතුලේ අවතාර් පස්සෙන් එන 159ක පිරිසක් ඉන්නවා.පේජ් විව්ස් 42000 ට වැඩියි.ලියපු ලිපි 99 ට ලැබුනු කමෙන්ට්ස් 1556 යි.

නොනිමි අහසට ගොඩවැදුන කමෙන්ට් කරපු කමෙන්ට් නොකලත් තියෙන ඒවා කියවපු ෆලෝ කරපු කස්ටියටම තැන්කියු ඈ........

පලි : හෙට අවතාර්ගේ සුපුරුදු සිත්තර තෑගි ප්‍රශ්නේ දෙනවා ආයෙත්.මේ පාර උත්තර දෙන්න තියෙන්නේ ඇහෙන් .එහෙනම් හෙට හම්බෙමු

අජන්තා වල ලොකු වට්ටක්කා සීගිරියේ මිනි වට්ටක්කා

2013-01-06T17:52:00.001+05:30

කලින් ලියවුනු ඒ ලෙවල් සෙමිනා මතක
සරුවට පොල් කඩන්න තියන ගහෙන් ඇට්ටි කඩනවද ?

මේ කතාව චිත්‍ර සෙමිනා එක ගැන.දැන් අහන්න එපා චිත්‍ර නොකරපු උදවිය චිත්‍ර වලට අහවල් සෙමිනද කියලා.ප්හු ඒවාටත් පාඩම් කරන්න දේවල් එමටයි ඈ.අපේ පන්තියේ චිත්‍ර කරපු කස්ටිය ගැන කිව්වොත් මුල්ම දවස්වල හිටියේ තුන් හතර දෙනයි.පන්තියේ සේරම වගේ හිටියේ සංගීත කාමරේ.ඇයි මුන්දලා හිතන් ඉන්නේ සංගීත තමා ලේසිම විෂයය ඔය රාගයක් එහෙම පාඩම් කරලා ආතල් එකේ හිටියැහැකි කියලා.සංගීතයට බුරුතු පිටින්.මුල් දවස් වල සංගීත කාමරේ ඉඩත් නැහැල්ලු ඉන්න ප්‍රමාණෙට.ඒ උනාට අපේ හිටිය සංගීත සර් පොඩ්ඩක් වත් සැලෙන්නේ නෑ.එතුමා දන්නවා මේ ජනගහනය පවතින්නේ සති දෙකයි එහෙමත් නැත්තම් තුනයි කියලා.
සති දෙකක් විතර යනකොට මෙන්න පොර කකා ගියපු සංගීතඥවරු එකා දෙන්නා අපෙන් අහනවා “ ඒ මචං චිත්‍ර ලේසිද බන් ? “ , “ උඹලට එච්චර කේස් එකක් නැද්ද බන් ? “
උන්ගෙන් ප්‍රශ්න පත්තරයයි.

දැන් අපිට මාර ප්‍රශ්නේ පොරකකා සංගීත හොයන් ගියපු උන්දලාට මොකද එකපාරටම මේක එපා උනේ.බැලින්නම් මේ සති දෙක තුනට දීලා තියෙන නෝට් පොතක් පිරෙන්නත් ලංවෙලා.සංගීත සර් සිලබස් එක ගැන කියන ඒවා අහනකොට සිංදුවක් වත් අහන්න හිතෙන්නේ නැහැල්ලු.ජනගහනය පාලනය කරන්න සර් දියත් කරපු මෙහෙයුමක්ද දන්නේ නෑ .කොහොම හරි චිත්‍ර කාමරේ හිස් වෙලා තිබුන පුටු සේරම ටික දවසකින් පිරෙනවා.ජීවිතේට පින්සලක් අල්ලපු නැති උන් චිත්‍ර කාමරෙන් එලියට එන්නේ ඇඟ පුරා පාට ගාගෙන.
හරි දැන් සෙමිනා එකට යමුකෝ.කොහොමහරි මේ සෙමිනා එකටත් හිටියේ මැදි වයසේ සර් කෙනෙක්.හෝල් එකේ ඉස්සරහින්ම ගුරුවරු ඉන්නවා ඉන් පස්සේ ලමයි.සර් එක එක ඒවා ගැන කතා කරලා සීගිරි චිත්‍ර මාතෘකාවට ආවා.සීගිරි චිත්‍රයක් එහෙම දිගඇරගෙන විස්තර කරලා ළමයින්ට ප්‍රශ්න අහන්න චාන්ස් එක දුන්නා.
ටිකක් ඉස්සරහින් හිටපු එකෙක් නැඟිටලා “ සර් සීගිරි චිත්‍ර වලයි අජන්තා චිත්‍ර වලයි තියෙන්නේ එකම ආභාෂයද ?“

සර් පොඩි හිනාවක් එහෙම දාලා ඇදලා පැදලා
“ කොහෙත්ම නෑ පුතා අජන්තා වල තියෙන්නේ ලොකු වට්ටක්කා සීගිරියේ තියෙන්නේ මිනි වට්ටක්කා.එතනින්ම තේරුම් ගන්න පුළුවන් ඔය දෙකේ වෙනස “
කොල්ලෝ බඩවල් අල්ලගෙන හිනා වෙනවා.ටියුබ් ලයිට් උන සමහරු කටවල් ඇරගෙන බලං ඉන්නවා.සෙමිනා එක ඉවර වෙලා යන ගමන් සමහර ගෑල්ලමයි අහනවා
“ ඒ හලෝ මොකද්ද අර සර් කියපු වට්ටක්කා කතාව ?“

මේ තියෙන්නේ සීගිරි චිත්‍රයි අජන්තා චිත්‍රයි .මොකද කියන්නේ කතාව ඇත්තද?

සරම.. මගේ සරම.. අයියෝ සරම....

2013-01-04T14:02:00.000+05:30

අද එකපාරටම සරම ගැන ලියන්න හිතුනේ මොකද කියා අවතාර්ටම හිතාගන්න බැරිය.අවතාර්ගේ ඇඳුම් අතර නම් සරමට හිමි වන්නේ ප්‍රධාන තැනකි.ඒ අනිත් ඇඳුම් සේරටම වඩා සරම අවතාර්ට සුවර් හින්දාය.සරමේ කතාව කොතනින් පටන් ගන්නද කියා කල්පනා කරන විට අවතාර්ගේ සූටි කාලය මතකයට නැගෙයි.මුලින්ම අවතාර් සරම් ඇන්දේ දහම් පාසල් යන්නටය.ඉස්කෝලේ අඳින නිල් කොට කලිසම ඇඳ එයට උඩින් සරම ඇන්දේ එහෙ මෙහෙ දුවන දිවිල්ලට සරම කැඩෙන බව දන්නා නිසාය.උදේට කිරි සුදු පාටින් දහම් පාසල් යන එකා හවස එද්දී සරම ගලවා බෑග් එකේ දාගෙන එන්නේ ඒ කාලයේ සරම වදයක් උනු නිසාමය.ඉන් පසු නිදාගන්නට යද්දී අවතාර් සරමට හුරු උනේ කලිසමට වඩා සරම සනීප නිසාය.පත සයිස් එකේ සරමක් ඉනෙන් දෙකට නවා සරම අඳිද්දී තව එකෙකුට ඒකට බහින්නටත් ඉඩ තිබුනාය.ඒ දිනවල උදේ නැගිටිනවිට අවතාර්ට තිබුන බලවත් ප්‍රශ්න අතර සරම හොයා ගැනීමේ ප්‍රශ්නයද ප්‍රධාන තැනක් ගත්තාය.කලාතුරකින් වළලුකර හරියේ රැඳෙන සරම බොහෝ අවස්ථාවලදී අහුලාගන්නේ ඇඳ යටින්ය.ඒ දවස් වල පොරවන රෙද්දට පින්සිද්ද වෙන්නට අවතාර්ගේ ලජ්ජා බය වැහී තිබුනාය.

නිදාගද්දී සරම අඳින එකේ වැදගත්කමක් තිබුනත් එය කියන්නට ගියොත් කලිසම් අඳින උන්ගේ දෝශාරෝපනයට අවතාර් අනිවා අහුවෙනවාය.දැන් නම් අවතාර්ට සරම තරම් සුවර් ඇඳුමක් නැත.සරමක් නැතුව කලිසමක් ඇඳගෙන නිදාගත්තොත් හරියට නින්ද යන්නේ නැති තරමට අවතාර් සරමට අබ්බැහි වෙලාය.කොහේ ගියත් අඳින ඇඳුම් අස්සේ සරමක් බෑග් එකට ඔබාගෙන යන්නේ සරමට ඇති ඇල්ම හින්දාය.අවතාර්ට සරමට ඇති සුවර් එක ගැන කියන විට නියම කතාවක් මතක් වෙන්නේය.එක සැරයක් යාපනේ ට්‍රිප් එකක් ගිහින් නවතින්නට ගෙයක් ගත්තේ ගියපු සේරටමය.ගෑණු ලමයි ,බැඳපු අය කාමර වෙන් කරද්දී තනිකඩ කොල්ලෝ ටිකට උනේ කාමර වලින් එලියේ ඉස්තෝප්පුවක් වැනි කොටසේ වැටී නිදන්නටය.එදත් පුරුද්දට මෙන් සරම ඇඳ නිදාගෙන උදේට බලද්දී අනිත් හැම එකාම සරමට ඇති බයෙන් යටට ජොකෙක් ඇන්දලාය.අවතාර් නිව්ටල්ම නිදාගැනීම ගැන උන්ට පුදුම හිතිලාය.ගේ ඇතුලේ සිටි කස්ටියම යන්න ඕනෑ අවතාර්ලා නිදා ගත් තැනෙන්ය.එ වෙලේ කාගේ හෝ සරමක් කැඩී තිබුනානම් උන්ගේ පතිවත එතනම කෙලෙසෙනවාය.

දවසක් බැජාලා සෙට් එකත් එක්ක සරම ගැන කතාවකට වැටුන විට හිටපු එකෙක් ආතල් කතාවක් කිව්වාය.

“ උඹලා සරම ගැන කියනවා යකෝ මම ජීවිතේට සරමක් ඇඳලා තියෙන්නේ එක පාරයි.ඒ ඉස්කෝලේ තිබුන පොළකට ඉන්න පොඩි කාලේ .ඒකත් ටික වෙලාවකින් කඩන් වැටුනනේ බන් “

උගේ කතාවට වටේ හිටපු උන්ට හිනා නොවී ඉන්නට බැරි උනාය.සමහරක්ට සරම එහෙම වාතයක් වෙන විට අද වන විට සරමට ඇති තැන ඉතා ඉහලය.කොටින්ම රටේ ලොක්කා පවා අඳින්නේ සරමය.

අවතාර් කලකට ඉහත ඇන්ද ලොක්කගේ කාටුන් එකක සරම ඇති අයුරු

ලොක්කගේ මේ වැඩෙන් ජීවිතේට සරම් නොඇඳපු මන්තිරී ගොල්ලකට සරමට බහින්නට උන එකනම් මහ අපරාදයක්ය.කොහොම උනත් දැන් දැන් සුද්දෝ පවා සරමට වැඩි කැමැත්තක් පෙන්වන බව දකින්නට තියෙන්නේය.

සරමේ යථාර්තය මෙසේ වෙද්දී අහිංසක අපේ ඇඳුම උන සරමටත් කෙලවෙන ලකුණු දැන් පෙනෙන්ට ඇත්තේය.අපේ ගැමි තාන්තාව ඉස්සර සරම පාවිච්චි කලේ නාන්නට පෙර තන මත්තට අඳින්නටය.දුකට කරුණ නම් ඇඟ වටේ රෙදි එතිය හැකි සියලුම ක්‍රම පාවිච්චි කර ඒවාට විලාසිතා යයි කියන විලාසිතා මවන උන්දලා සරමටත් වැඩේ දීලාය.ඔය යටින් තියෙන්නේ එහෙම සරමෙන් කරපු විලාසිතා ටිකක්ය.

මේවා දකින කොට සරමක් ඇඳගෙන පාරේ බැහැලා යන්න බැරිය.

එක් කක්කා කතාවක් | සිත්තර ඇතුලත්ය

2013-01-02T16:00:00.000+05:30

අවතාරයට පොඩි අවුලක් තියනවා කෑම පැත්තෙන්.කරන ගොන් වැඩ වලටද මන්දා ගොන් කිරි නිෂ්පාදන මොනවත් කටේ තියන්න බෑ.වැරදිලා වත් කෑවොත් දිවට දැනුණ රහ යන්නත් කලින් පස්ස දොරෙන් සේරම එලියට දාන්ඩ ඕනේ.ඒ කියන්නේ අවතාර්ගේ බඩ කිරි වර්ජනය කොරනවා.
ලියන්න යන සීන් එක අවතාර්ගේ සුන්දර ඕ ලෙවල් කාලේ එකක්.හවුස් මීට් එහෙම තිබුන කාලේ තරඟ තිබුන දවසක්.හවුස් මීට් දවසට මාර්ච් එකට එහෙම කස්ටිය තෝරන කොට අවතාර් ඇතුළු කීප දෙනෙක් ලොවෙත් නෑ.පන්ති වලින් එලියට බහින්නේ නෑ.ගිනි ගහන අව්වේ කර වෙවී ආමි කාරයෙක්ගෙන් බැනුම් අහ අහ රූකඩ වගේ ඇවිදින්න කාටද දෙයියෝ පුළුවන්?
ඒ අවාසනාවන්ත දුක්ඛිත දවසෙත් අවතාර් මාර්ච් විරෝදී සෙට් එකත් එක්ක පන්තියට වෙලා කයියක් දාගෙන හිටියා.ටික වෙලාවකින් තමා අවතාර්ගේ කරුමෙට එකෙක් හවුස් එකේ වැඩ වලට ගෙනාපු යෝගට් ටිකක් උස්සගෙන ආවේ.අවතාර් එක්ක ඉන්න එවුන් දන්නවා අවතාර්ට මෙව්වා ඇලජික් විත්තිය.මුන් අවතාර්ට පේන්නම යෝගට් ටික බෙදාගෙන ඒ මදිවට

“ඒ මචන් අවතාර්ගේ එක මම කනවා .ඌට මේවා ඇලජික් නේ “
යකෝ කන්දෝ නොකම්දෝ කියල හිතන්නත් කලින් මේ ගෝතයා මගේ යෝගට් එකට ඇරපු ලස්සන.බඩගින්නයි ආසාවයි හිතේ තද කරගෙන මම වටපිට බලනවා.අර කෑමදාස මගේ යෝගට් එක දිහාට අත යවනවා.මේ වෙලේ අවතාර්ගේ හිත දැඩි උනා කඳ කෙලින් උනා.

“ කෝ මෙහෙට දිය .තොපි හිතන් ඉන්නේ අපි හාවෝ කියලා .යෝගට් එකක් කන්න බැරිවෙන්න මට අහවල් ලෙඩක්ද “

හිතේ තද උන අවංක බඩගින්නයි යෝගට් එක ඉල්ලපු එකා ගැන ඇති වෙච්ච සහෝදර ප්‍රේමයයි එක්ක අවතාර් එක හුස්මට යෝගට් එක කටේ හලා ගත්තා.අනිත් එවුනුත් පාඩුවේ යෝගට් රහ විඳිනවා.විනාඩි තුන හතරක් යන්න ඉස්සර මගේ පියකරු බඩ ගෙඩියත් යෝගට් රහ විඳින බව තේරෙන්න ගත්තා.හීනි කැක්කුමක් වගේ මෙව්වා එකක් එක්ක බඩ කුරු කුරු ගානවා.
“ ඕනෑවට වඩා හිතන්ඩ එපා කොල්ලෝ .වැඩිය හිතන හින්දා තමයි බොගෙ බඩ පොඩ්ඩ ඇත්නම් ඇති.ඒ වෙලාවට වෙන දෙයක් ගැන හිතහන් “

අවතාර්ට එක දවසක් කවුද කිව්ව එකක් මතක් උනා.ඒ එක්කම හුන්ඩං යෝගට් කප් එකකට අවතාර්ගේ පෞරුෂය නැති කරන්ඩ පුළුවන්ද කියලා හිත ධෛර්යමත් කරගෙන වෙනවෙන ඒවා ගැන හිතන්ඩ ගත්තා.මොනව ගැනද හිතන්නේ කලින් දා බලපු මෙව්වා එකක්.යන්තම් ඩීවිඩී ප්ලේයරේට තැටිය දාද්දිම උදරාන්ත කලාපයෙන් ආවා අනතුරු ඇඟවීමක්.වෙලාවේ හැටියට වැසිකිලියක සුව විඳින්න ඕනේ බව දැනගෙන අවතාර් මූණ අකුලගෙන අතින් ලාවට බඩ අල්ලගෙන එලියට බැස්සා.

පන දෙන්න ඉන්න එකෙක්ටවත් අවතාර් ගැන හාන්කවිසියක් නෑ.ඒකත් ජයසිරි මංගලං කියලා අවතාර් හීන් සැරේ එතනින් ලෙස්සුවා.අවතාර් වැසිකිලියේ වෙන දේවල් හිතින් මව මවා දෙයියෝ බලන්නඩ දේවාලෙට යන එකෙක් වගේ බඩත් අල්ලගෙන හැම ඉන්ටර්වල් එකකම පිහිට වෙන ටිකක් දුරින් තිබුන ටොයිලට් එකට ගියා.

සියලු වත් පිලිවෙත් වලට ඉස්සර බොක සම්බන්ධ කර්තව්‍යන්ගේදී ඉස්සර වෙන පුරුද්ද දෙයියනේ කියලා ඉස්සර උනා.ඒ තමා ටැප් එක ඇරලා වතුර තියනවද බලන එක.(ඔන්න වැදගත් දෙයක් අවතාර්ගෙන් ඉගෙන ගන්නවනම්)හුටා වතුර කඳුලක් නෑ.එවෙලේ අවතාර්ගේ අහිංසක මූණත් තහඩුව බොලා දැක්කනං....
දැන් මොන දෙයියන්ට කියන්ඩද?එක්කෝ මේක අවතාර්ගේ කරුමේ නැත්තං ඇඳං හිටපු කලිසමේ කරුමේ.මෙතන වතුර නෑ කියන්නේ ඉස්කෝලේ ටොයිලට් ක්ෂේත්‍රයේ තිබුන මනා දැනුම අනුව යන්න පුළුවන් එක වැසිකිලියයි තියෙන්නේ කියලා අමාරු අස්සෙන් අවතාර්ගේ මොල ගෙඩියේ විද්‍යාමාන උනා.ටැප් වලින් ප්‍රශ්නයක් නැති ඔන්ලයින් පිරෙන ටැංකියක් තිබුන මේ වගේ හදිසි අවස්තාවලදී පාවිච්චි කොරන්ඩ පුළුවන් උසස් පෙල ලැට් එක.මෙතන ඉඳන් එතෙන්ට දුරම කොච්චරක් ද? හිතෙන කොට ඔන් ද වේ තිබුන ඒවත් වේලිලා යන තරං.ආයෙත් බටර් ටිකක් වගේ දිය උන දහිරිය යන්තම් එකතු කරගෙන පුරුස සක්තිය අරගෙන ඇවිද්ද උසස් පෙල පැත්තට.ඇවිද්දා කිව්වට මේක නිකන් දුවනවා වගේ එකක්ද මන්දා.
ටොයිලට් එකට ගිහින් ඇඳගෙන හිටපුවා එච්චර ඉක්මනට ගලෝපු හැටි අවතාර්ට තාමත් පුදුමයි.ඒ මදිවට ඕපන් ඩෝර්.කවුරු හරි ආවනං විලි ලැජ්ජාවයි.තමන්ගේ අතේ න්‍යෂ්ටික බෝම්බයක් තිබිලා ඒක නිෂ්ක්‍රිය උනා වගේ දැනුණ සනීපේ ඒ වෙලාවේ තාමත් දැනෙනවා වගේ.පස්සේ අවසාන වත් පිලිවෙත් ටික ඉෂ්ට කොරලා අවතාර් පන්තියට ගියේ ෆුල් හැපි එකේ.

ආයිබෝං 2012 | කාටුන් ටොක්ක

2012-12-31T14:16:00.000+05:30

ලැම්බොගිනියක යන්න ගමනක්
තියන අවුරුද්දක්
නොසිත තව මොහොතක්
දෙන්න රජ දෑතට සවියක්

සැමට සුබ නව වසරක් වේවා!!!!!!!

හනේ නොදකින් මෙහෙමත් තාත්තලා පුතාලා

2012-12-29T09:48:00.001+05:30

බාර් එකක බොමින් සිටි එකෙක් හොඳටම ඩෝප් වූවාට පසු ළඟම මේසයක සිටි එකෙක් වෙත ගොස් කතාවට වැටුනේය.

ම...චා..න් මම කීප දවසක්...ම ලාවට දැකලා....තියනවා උඹ මෙහෙ ඉන්න....වා.මම ටිකක්........ලාවට කතා කරලා උඹත් එක්ක ෆිට් උනාට ..........අවුලක් නෑනේ

පිස්සුද මචන්............අන්න..........බලපන් කවුරු මොනව කිව්වත් .............බොන එකා ළඟ නෙමෙයිද..........මනුස්සකම තියෙන්නෙ.උඹම ඇහුවා මිසක්........මම මෙතන ඉඳලා ගෙදර යන ටිකට .......එකෙක් ඇවිල්ලා මගෙන් අහයිද.........උඹ ඇහුවා වගේ ෆිට් වෙන්න

ඒ උනාට ..........මචන් මට පොඩි .........ප්‍රශ්නයක් ...........තියනවා.

බොක්...........ක තමා ඉතින් හරි.ඕ......න දෙයක් .......අහපන්

මචන් මට උඹව ඇහෙන්......නේ ලාවට වගේ.පේන්නෙත් ලා..වට වගේ .මට වෙරිද බන්

පිස්....සුද බන් උඹට වෙරි වෙන්න උඹ මොකද බිව්වද .මේ බොක්ක ෆිට් එකට ෆිට් තමයි හරි.යමන් මම උඹව ........ගෙදරට දාන්නම්.නැඟිටපන් හරි .....යමන්

උඹ මාව ගෙදරට දාන්න නැඟිට්ටට.......... උඹවත් විසික් වෙනවනේ බන්........... උඹ බීලද ?

පිස්සුද ඩෝ ..........මේ ඇඟේ අමාරුවට හරි.....යමන්
දෙදෙනාම මේසයක් පෙරලගෙන ඇද වැටෙයි

ගණන් ගන්න එපා මචන්............ මුන් අපිට වෙරිද බලන්න .....යන පාරේ මේස තියලා.නැඟිටපන් .........මම උඹව අල්ල ගන්නම්

අන්න මචන්.....ත්‍රීවිල් එකක්ද කොහෙද....බැරි කමකට එහෙම නෙමේ කියන්නෙ ...අපි වීල් එකකම අදිමුද ගෙදරට.උඹව ගෙදරට දැම්මා ...........මම කැපුනා හරි

හරි යමන් .උඹ ...ඉඳපන් මම ටෝක් කරන්නං .කකුල උස්..සලා අඩිය තියපන්......... කකුල පැටලිලා වැටෙයි .මුන් හිත...යි අපිට වෙරි කියලා.........

මල්ලි මේක හයර් යන්ඩ...... වෙන්ඩ ඇති තියෙන්නේ ?

නැතුව ඉතින් අපි ආසාවට පාර අයිනේ පාක් කරන් ඉන්නවයෑ.කොහෙටද යන්න ඕනේ?

තුන්සිය......හතරෙන් එක .හරස් පාර .සමඟි වත්ත ඇඩ්‍රස් එකටයි යන්ඩ ......ඕනේ

අන්න අන්න මචන් ..........උඹ මට ජෝක් කරනවා .උඹ මොකද මගෙ ගෙදර.....ඇඩ්‍රස් එක කිව්වේ?

යකෝ......ව් ඒ මගේ ගෙදර ඇඩ්‍රස් එක.

එතකොට ..........උඹ කියන්නේ ඔය ඇඩ්‍රස් එක......... උඹෙ ගෙදර ඇඩ්‍රස් එක කියලා

උඹට සුවර් නෑ නෙහ් ?යමන්....මම ගිහිල්ලම පෙන්නන්නං.

මල්ලි........ඒ ඇඩ්‍රස් එකට යන්න තමුසෙගේ ගාන කීයද

සමඟි වත්ත නේ.එකසිය පනහක්වත් ඕනේ

රුපියල් එකසිය පනහක් .............හිටු තොට මම......

හිටපන් යකෝ,කලබල වෙන්ඩ එපා හරි මල්ලි ත් කලබල වෙන්ඩ එපා.මල්ලි එහෙම කරන එක..හරි නෑ නේද?

එකසිය පනහ තමා ගාන ඊට වඩා නම් සතයක් වත් එහෙ මෙහෙ කරන්න බෑ මොකද කියන්නේ යනවද නැද්ද

අයින් වෙයන් ඕකට ...දෙකක් අයින්ඩ මට....

පිස්සුද යකෝ.......... පොඩ්ඩක් හිටපන්කෝ .මල්ලි ,මල්ලි හිතන්ඩ එපා ..........අපි මීට කලින් මේ පාරේ ගිහින් නෑ කියලා.අපි හැමදාම ගියේ .....දෙසීයට .මල්ලි විතරක් මොකද........ මේ එකසිය පනහක් ගැන කතා කරන්නේ.ගාන දෙසීයයි කැමතිද.......නැත්තං අපි වෙන එකක් බලන්නද......

අපිත් මෙහෙ තමා ඩෝ හරි.එකසි..ය පනහ...ට යන්ඩ

ත්‍රීවිල් රියදුරු හිතමින් ‘‘මුන් දෙන්නට මෝල්ද එකසිය පනහයි කිව්වම බෑ දෙසීයට යන් කියන්නේ.කොහොම උනත් දෙන්නම ඉන්නේ නෑති වෙන්න ගහලා .මුන්ගේ මොල දෙකත් වෙරි වෙලාද කොහෙද“

හරි යමු මට පොඩ්ඩක් අමතක උනා

මට පෙන්නේ.....මල්ලි උදේ පා...න්දර බීලා වගේ.බොන්න එපා මල්ලි ඔය ජහ ජරාව .මොලේ...විකාර කොරනවා ඕවගෙන්

හ්ම් හ්ම් ඒ බව පේනවා නගිනවලකෝ එහෙනං.නඟින්න පුළුවන් නේ

ඇයි තමුසේ හිතුවද ....අපි අබ්බගාතයෝ කියලා.අපිට....නඟින්ඩත් පුළුවන් නග්ග...වන්ඩත් පුළුවන් හරි.ඩෝ...... උඹ නැඟපන් ඉස්සරලා

ඒ මචන් .....මට පොඩි .....ප්‍රශ්නයක් තියනව බන්.මේකේ අල්ලන පොල්ල....නෑනේ බන්

සුවර් එකටම..... මේකාගේ හුචැක්කුවේ....... ඕක නැතුව ඇති.එක...සිය පනහට ගෙනියන්න හදපු එකානේ

මේ තියෙන්නේ ඕයි ,මට පවු නොදී නගිනවලකෝ

හරි හරි...... ඉතින් මල්ලි කලබල වෙනවනේ.......... මල්ලි.මේ තියෙන්නේ මචෝ.......ව් මගේ නේත්තරා වලට මිස් උන පොල්ල

උඹේ තුන් සක රියේ පොල්ල..... හින්දා උඹ බේරුනා ඩෝ........ නැත්තම් දෙනවා පොල්ලක් කඩාගෙන .එකසිය.... පනහට ගෙනියන්ඩ අපිව

හරි හරි උඹ.......... කලබල වෙන්න එපා......... හරි මල්ලි...... යමන් .ඔන්න ගියා....... ඕ........න් ගියා ඕ..........න්න ගියා

හරි මචන් පරිස්...සමින් බැහැපන් .එහෙනම් මල්ලි...... පරිස්සමින් ගිහි.....න් එන්න හරි අපි ගියා බා....යි

මම කොහෙ යන්නද අයිසේ සල්ලි නැතුව .මට සල්ලි දෙනව යන්න

හිටු.... මම දෙන්.....න තොට

ඉඳපන් පොඩ්.......ඩක් අපිනේ හයර් එකක් ආ.....වේ.ආ මල්ලි. සොරි....... හොඳේ මට මතක......... මල්ලි අපිට සල්ලි දෙන්ඩ ඕන කියලා හයර් එකට

මුන් දෙන්නගේ මොලේ ජොයින්ට් ගිහිල්ලද කොහෙද

මෙන්න බලපන් ෆිට් එක නොම්බරේ..... මගේ ගෙදර තුන්.....සිය හතරෙන් එක හරි.උඹට සුවර්.........තිබ්බෙම නෑ නෙහ්

ඒ උනාට බොක්......ක මේ......ක මගෙත් ගේනේ

ඔන්....න උඹට තා....ම සුවර් නෑ.වරෙන් බත් ටිකක් කා....ලා යන්ඩ ආපු එකේ.අපේ පවුලට රහට උයන්ඩ පුළුවන් වරෙ..න්

ස්ස්සූ උඹ පොඩ්ඩ..ක් මෙතන හිටපන්.බීලා ආ..වත් ගෙදර මිනිහා කෙලින් ඉන්ඩ ඕනා...... ගෙදරට ආ...පුහම.මෙන්න මේ වගේ පපුව ඉස්සරහට දාගෙන.මටත් කොල්ලෙක් ඉන්නවා...බන් අපි උන්ට ආදර්ශයක් වෙන්ඩ....... එපැයි

සුදූ...........මයෙ මැණි....කේ මම ආවා රත්...තරන් මේ දොර අරින්ඩ

ආ මැණිකේ මෙන්න මම .....මගේ හොඳ...ම යාළුවෙකුත් එක්ක ආවා .අපි දෙන්න....ටම අද මැණිකේගේ අතින් උයාපු කෑ...ම කන්ඩ ඕනේ.දෙන්නටම බත් දෙකක් බෙදලා දෙන්ඩ මැණි....කේ

හනේ නොදකින් මෙහෙමත් තාත්තලා පුතාලා .අදත් බීලා එකටම ගෙදර ඇවිල්ලනේ

එතකොට කවුද අවතාර්ට කියලා මඩ ගා ගත්තේ ???

2012-12-27T15:53:00.000+05:30

මඩ කියලා දැක්ක ගමන් කස්ටිය බලන්න ඇති ඒ පාර අවතාරයත් කාට හරි මඩක් ගහලද කියලා නෙහ්.මේ කියන්න යන්නේ අවතාර්ගේ සිත්තර තෑගි ප්‍රශ්නේ ජයග්‍රාහකයෝ ගැන.අවතාර් අහපු ප්‍රශ්නේ මතකයිනේ .

අවතාර් ඉදිරිපත් කල ප්‍රශ්නය

අවතාර් බලාපොරොත්තු වූ පිළිතුර

මම විමලගේ පහේ කාසිය වැටෙන තැන දැක්කා.එයා යනකම් මම ඒක කකුලෙන් පාගගෙන හිටියා සර් .

දැන් කවුද එතකොට ජයග්‍රාහකයෝ ??

---------------------------------------------------------------------------------

බලාපොරොත්තු උන උත්තරේ නම් කවුරුවත් දුන්නේ නෑ.හැබැයි අවතාර් ප්‍රශ්නේ අහද්දි කිව්වා ළඟින් ගියත් ඒ කියන්නේ ගිනි ගිනි වගේ නම් අවතාර් තෑගි දෙනවා කියලා .

එතකොට කවුරු හරි ළඟින් ගියාද ???

ගියා නේන්නම් .මේ තියෙන්නේ ගියපු හැටි

ඒ විදිහට සිත්තර තෑගි ප්‍රශ්නෙට උත්තර දීලා අවතාර්ගෙන් සිත්තරයක් තෑගි ගන්නේ

පහන් යාය ලියන සයුරි අක්කා

ඇවිද්ද පය ලියන රාජකාරි ගවේෂකයා සුදීක අයියා

ඊළඟට අවතාර්ට ආවා ප්‍රශ්නයක් .මොනවද මේ දෙන්නට දෙන තෑගි?අවතාර් කොහොමත් දෙන්නේ සිත්තරනේ.නිකන්ම නිකන් සිත්තර නෙවේ හීනියට ගහන මල් මඩක්.(හා නැත්තම් අහපල්ලකෝ මඩිස්සලේ නිශානයගෙන්, අඩවි රජා ගෙන් , තරියගෙන් එහෙම)වැඩේ කියන්නේ මම මේ දෙන්නගෙම බ්ලොග් වලට ගොඩ වදින්න පටන් ගත්තේ ළඟක ඉඳන්.අඳින්න කෝ බොල එහෙම පෝස්ට්.එහෙම එකක් හොයාගෙන අවතාර් මේ බ්ලොග් දෙකේ ගැඹුරටම ගියා හරියට නිකන් කැමරන් ලොක්කා මරියානා අගාධේ ගැඹුරට ගියා වගේ.එතකොට තමා හොඳ හොඳ පෝසට් ටික දැක්කේ ඒවායේ .සෑහෙන්න කියෙව්වා දෙන්නගෙම.කමෙන්ට් කරන්න නම් වෙලා මදි උනා ඈ.

සුදීක අයියා ඒ කාලේ ඒ කියන්නේ ඒ ලෙවල් කොරන කාලේ පන්තියක කාඩ් කපන අක්කෙක්ව ඇඬෙව්වා.

පව් අසරණී ඔය ඉන්නේ කොටි වලිගේ අල්ලගෙන අතාරින්න බැරුව වගේ කොරගන්න දෙයක් නැතුව කටත් ඇරගෙන.වැඩි විස්තර මගෙන් අහන්න එපා ගිහින්ම බලහල්ලකෝ කොරලා තියෙන හරිය.

සයුරි අක්කා උයන පිහින වැඩ වලට දස්සයි ලු.අලුත් අලුත් කෑම එහෙම හදලා බලනවා.දවසක් හැදුවා ඇපල් කේක් එකක්.

දැන් මේක බලන අයට අවතාර්ගෙන් ප්‍රශ්න දෙකක් අහන එක තහනම්
1.අවන් එකෙන් දුම් දාන්නේ කේක් එක බේක් වෙලා ඉවරද?
2.සයුරි අක්කා ගිනි නිවන සිලින්ඩරයක් අතේ තියාගෙන ඉන්නේ ඇයි?

ඔන්න පොරොන්දු උන විදිහටම අවතාර් තෑගි දුන්නා දිනපු අයට.එකක් නෙවෙයි දෙකක්ම.ඒ කියන්නේ දිනපු අයගේ බ්ලොග් වල ලින්ක් අහසේ උඩින්ම එල්ලෙනවා අහසට එන අයට දකින්න.ඊළඟ සිත්තර තෑඟි ප්‍රශ්නේ ජයග්‍රාහකයෝ තෝරනකල්.

නත්තල් සීයේ අත්තටගේ සර්ට පින්සිද්ද වෙන්ට විද්‍යාව ගොඩ ( කාටූන් ටොක්ක)

2012-12-25T11:06:00.002+05:30

ආගම් බේදයක් නැතුව අද අනිත් හැමෝටම වඩා සතුටෙන් ඉන්න පිරිසක් ඇත.ඒ ඕලෙවල් ලියපු ලමයිනුත් ඒ අයගේ අම්මලාත්ය.තම තමන්ගේ පේපර් වල මුල් ප්‍රශ්න පත්තරයේ ප්‍රශ්න දහනවයකට ලකුණු දැනටමත් ලැබී ඇත.ප්‍රශ්න වලට අත තියාවත් නැති උනත් මේ ප්‍රශ්න 19යේ ලකුණු විබාගේ ලියපු සේරටම ලැබෙන්නේ අද එක උත්තමයෙක් නිසාය.ඒ අත් වැරදීමකින් ප්‍රශ්න ඉස්සරහින් එතුමාගේ මූණ දක්වමින් හෙම්බිරිස්සාව වදින්නම නාගත් සම්පත් අත්තටගේ සර් නිසාය.ඒ කොහොම වෙතත් පේපර් එක පැන්නුවා කියමින් උන්දගේ පලු ඇරි ගම්පහින් බැහැර ඕලෙවල් ලියූ ළමයින්ගේ අම්මලා මේ වන විට සම්පත් සර්ට පින් දෙනවා නිසැකය.මේ ලැබුනු චාන්ස් එක ඕන ඔලමොට්ටයෙක්ට ගොඩ යන්නට හොඳටම ප්‍රමාණවත්ය.මේ සැරේ ඕලෙවල් ලියපු උන්ගෙන් වැඩි දෙනා දැන් කන්නන්ගර මහත්තයට වඩා අත්තටගේ අදහනවා නිසැකය.

නමුත් ප්‍රශ්නය ඒක නෙවේය.ලොකු දේසපාලු අත්තක හයිය තියෙන එතුමා ලබන වසරේ එලියට එන්නේය.ඒ වෙනුවට වෙනින් එකෙක් ආණ්ඩුවෙන් දෙන පින්බත් කනු ඇත.කරුමෙටවත් ඒ දේසපාලු අත්තට වෙඩි තියපුවා වගේ පරණ යාලුවොත් අමතක වෙලා තිබුනොත් නම් සම්පත් අත්තටගේට දෙයියන්ගේම පිහිටය.එය එසේ නොවන බව මේ සිරි ලංකාවේ පොඩි එකා පවා දන්නවාය.විභාග ප්‍රතිඵල අවුරුද්දෙන් අවුරුද්ද චාටර් වෙන ලාංකීය අධ්‍යාපන ක්‍රමයේ ප්‍රතිඵල ඉහල දමන්නට මේ ක්‍රමය අත්හදා බැලිය හැක.එය එච්චර අමාරු නොවන කාර්යයකි.ලංකාවේ නැඟී එන ඕලෙවල් ටියුෂන් ගුරුවරු ටිකක් සොයා උන්දලා මාර්ගයෙන් හිනා මූණු ආදර්ශ ප්‍රශ්න පත්තරයක් ගැස්සෙව්වා නම් වැඩේ ගොඩය.සති දෙකක් උගෙන් ප්‍රශ්න කර නිදහස් කල විට ඊට පස්සේ උන්දගේ පන්තිවලට ළමයි සූ ගාලා එනවාය.ඒ හින්දා කතා කලොත් මේ වැඩේට අකමැති වෙන ගුරුවරයෙක් මේ සිරි ලංකාවේ නැත.
ඒ කොහොම වෙතත් නත්තල් උදා වෙන්නත් කලින් මේ නිවුස් එක දීපු එක නම් පින්අතේ වැඩකි.ගණිතය පේපර් එක ගැනද ලාවට එක එක ඒවා ඇහෙන්නේය.විබාගේ ලියපු නංඟියේ මල්ලියේ මේ සිරි ලංකාවේ අධ්‍යාපන රටාව මහ අමුතු එකකි.විශ්වාසේ තියන් ඉඳපල්ලා.හෙට අනිද්දට තව හිනා මූනූ පේපර් දෙක තුනක් එලියට ආවොත් උඹල ගොඩ.

පලි :-
තෑගි ප්‍රශ්නෙට උත්තර දීලා සිත්තරයක් ඇඳගන්න තවම චාන්ස් එක තියනවා.මෙතනින් ගිහින් උත්තරයක් ගෙස් කරලා එමු.

සුභ නත්තලක් හැමෝටම !!

උත්තර දීලා සිත්තරයක් තෑගි ගමු (අවතාර්ගේ සිත්තර තෑගි ප්‍රශ්නය 01)

2012-12-23T08:54:00.002+05:30

අවතාර් කලින් සිංහල බොලොක්ක වලට සිත්තර ඇන්දා කියලා කවුරුත් දන්නව ඇතිනේ .දන්නේ නැත්තන් රජාගෙන්, නිශානයගෙන් සිරාගෙන් එහෙම අහලා බලහල්ලකෝ.ආසාවෙන් මතක් කරයි.ඒ දවස් වල සිත්තර ඇන්දේ අහසේ කමෙන්ට් ලිස්ට් එකට.ඊට පස්සේ අවතාර් හිතුවා බ්ලොග් ලෝකේ හැමෝටම චාන්ස් එකක් දෙන්න තමන්ගේ ලස්සනම පෝස්ට් එකකට අවතාර්ට කියලා සිත්තරයක් ඇඳගන්න.(ලස්සන = කුජීතම වෙන්න පුළුවන් ඈ)ඔන්න එහෙනම් අවතාර් වැඩ පටන් ගත්තා.මේ අහන්න යන්නේ කැල්කියුලේටර් අතට අරගෙන ආවර්තිතා වගු දිගෑරගෙන උත්තර දෙන ප්‍රශ්න නෙමේ.ගෙස් කරලා උත්තරයක් දෙමු එහෙනම් .අවතාර් හිතන් ඉන්න උත්තරේ ළඟින් යන උත්තරයක් දෙන දෙනේනෙකුට අවතාර් සිත්තරයක් තෑගි දෙනවා.

මෙන්න ඔබට ලැබෙන ප්‍රශ්නය .ප්‍රශ්නය අසන දිනයේ සිට දවස් තුනක් යන තුරු ලැබෙන පිළිතුරු තරඟය සඳහා වලංගු වේ.උපකාරක අවස්ථා නැත.

විමලයි කමලයි කියන්නේ හොඳ යාළුවෝ.හරියට නිකන් භාතිය සන්තුෂ් වගේ රොමේෂ් ලක්ෂාන් වගේ ( ලක්ෂාන් නෑනේ දැන් රොමේෂ් විතරයි)හරි කොහොම උනත් කමක් නෑ මේ දෙක මාර ෆිට්.ඉස්කෝලේ යන්නේ එකට . ඔය එව්වා මෙව්වා ගොඩක් කරන්නේ එකට.මේ දෙන්නගේ ඉස්කොලේ තියෙන්නේ ගෙවල් වල ඉඳලා ටිකක් දුරින්.පයින් තමා යන්න තියෙන්නේ.දවසක් විමලා ඉස්කෝලෙට යන්නේ දවල් වෙලා.පන්තියට යද්දි සර් උගන්නනවා.

සර් - විමලා දැන්ද එන්නේ ?ඇයි අද පරක්කු උනේ?
විමලා- සර් මම කැන්ටිමෙන් ටොෆි කන්න ගෙනාපු රුපියල් පහේ කාසිය මඟදි නැති උනා.ඒක හොයන්න ගිහිනුයි වෙලා ගියේ.
සර් - දැන් කාසිය හොයා ගත්තද?
විමලා- නෑ සර් හොයලා හොයලා නැති තැන මම ආවා
සර් - හ්ම් ගිහින් ඉඳ ගන්නවා

ඒ වෙලාවෙම විමලාගේ අතිජාත යාළුවා වෙච්ච කමලත් එනවා.විමලගේ කමලගේ ෆිට් එක ගැන දන්න සර්
“ විමලා කාසියක් හොයන්න ගියාලු.දැන් තමුන් මොකද පරක්කු උනේ කමලා???“

ප්‍රශ්නය
කමලා සර්ට දෙන උත්තරේ මොකද්ද??

විමලා ෆිට් එකේ හිටියට කමලා එහෙම නොවෙන්නත් පුළුවන් ඈ.හිතට එකපාරටම එන උත්තරේ නැතුව පොඩ්ඩක් හිතල බලලා උත්තර දෙමු.තව ලේසි කරනවනම් කමලා දෙන්නේ ආතල් උත්තරයක්.එනෙම් උත්තර දෙමු.අපි ගියා

සරුවට පොල් කඩන්න තියන ගහෙන් ඇට්ටි කඩනවද? 16++

2012-12-20T15:50:00.000+05:30

දවස් ෙදක තුනක ෙවෙලේ ඉඳන් කොමා ලෙඩ දෙන්න ගත්තා.ගලවලා බැලින්නම් ඇතුලේ කෑලි බෑලි ටිකක් දාන්න වෙලා.කොහෙද මේවා පට්ට ගගහා වැඩ ගත්තට රෙපෙයාර් එකක් දෙන්නවත් ගලවල බලන එකක්යැ.කම්මැලිකමේ උනත් කොමා හදාගන්න ටවුන් එකට ගිහින් එහාට මෙහෙට ඇවිදිද්දි පරණ යාලුවෙක් හමුබුනා අවතාර්ට.ළඟට ගිහින් කතා කරපුවහම මේකා කන්න වගේ මගෙ දිහා බලන් ඉන්නවා.බැලින්නම් මූට මාව අඳුරගන්න බැරි වෙලා.දැනට කවුරුවත් කියලා නැති මූ මට කියනවා.මම මහත් වෙලාලු.අර කැන්ටිමේ රුපියල් තිස් පහේ බත් එකට වෙන්නැති . ගෙදර ඇවිල්ලා කල්පනා කර කර ඉද්දි මතක් උනා ඕලෙවල් කාලේ නියම සිද්දි ටිකක්.කස්ටියටම බලන්න එහෙනම් දැම්මා අහසේ.
ඕලෙවල් කිට්ටු වෙනකොට අපිට ඉස්කෝලෙන් සෙමිනා ලෑස්ති කලා.කෙල්ලෝ කෙසේ වෙතත් කොල්ලෝ නම් බලන් ඉන්නේ ඔය දවස එනකම්.අපේ ඉස්කෝලේ පැත්තේ තිබුන ටිකක් ලොකු ඉස්කෝලයක් හින්දා වටේපිටේ තියන ගම්බද ඉස්කෝලවලින් ලමයි එනවා අපේ සෙමිනා එකට.දැන් ඉතින් ඒවයෙන් එන ගෑනූ ලමයි ටික දිහා තමා කොල්ලෝ ටික වැඩර්ලා වගේ ඇහැ දාගෙන හිටියේ.මොනව උනත් ගණන් විද්‍යාව සෙමිනා නම් තාමත් මතක් වෙද්දි විකාර වගේ.එදාට වැඩිපුරම කරේ නිදා ගන්න එක සෙමිනා එකේ.

ඔන්න සෙමිනා එක එක තියලා බලාගෙන හිටපු දවස උදා උනා.සෞඛ්‍ය සෙමිනා එක.කස්ටියම රත් වෙලා හිටියේ සෙමිනා එක කරන්න මිස් කෙනෙක් එහෙම ආවොත් කියලා.ඇත්තටම කියනවනම් ඕලෙවල් වලට පෙනී හිටින්න හිටපු ශිෂ්‍යයෝ හැටියට අපිට සෞඛ්‍ය සෙමිනා එක මාර වැදගත්.ඇයි ඉතින් උගන්නන සර්ගෙන් අහන්න බැරි ප්‍රශ්න ගොඩක් ඒකාලේ අපිට තිබුනා ඈ.පහලට කියවගෙන යද්දි තේරේවි මොනවද ඒ ප්‍රශ්න කියලා ඈ.බලන් හිටපු විදිහටම දෙයියනේ කියලා සෙමිනා එකට ආවේ වැඩිය වයස නැති සර් කෙනෙක්.අපේ එවුන්ගේ කට කනේ ඉතින්.සෙමිනා එක පටන් ගන්න වෙලාවට කස්ටිය මේන් හෝල් එකට ගියේ දුවගෙන වගේ.අනිත් සෙමිනා වලට ලමයිව ගන්නේ සර්ලගේ දැඩි තර්ජන හමුවේ.මේන් හෝල් එකේ ඉස්සරහම ගුරුවරු ටික .ඊට පස්සේ පිට ඉස්කෝල වලින් ආපු ලමයි.ඊට පස්සේ අපි.කාන්තා පාර්ශවය එක පැත්තක පිරිමි පාර්ශවය තව පැත්තක.ටික වෙලාවකින් සර් වැඩේ පටන් ගත්තා.නැඟලා යනවා දැන් සෙමිනා එක.කෙල්ලෝ කොල්ලෝ කට ඇරගෙන ස්ටේජ් එක දිහා බලගෙන ඉන්නවා.ටිකක් වෙලා යද්දි සර් කිව්වා දැන් ළමයිට තියන ප්‍රශ්න කොල කෑල්ලක ලියලා ඉස්සරහට එවන්න කියලා.
ඔන්න බලාගෙන හිටපු වෙලාව ආවා.අපි ඔය දේට කලින්ම ලෑස්තිවෙලා ගියේ.වෙනම කොල අරගෙන චිට් ලියන්නම.තත්පර ගානකින් පලවෙනි චිට් එක සර්ගේ අතට පත්වුනා.සර් වතුර ටිකක් එහෙම බීලා චිට් එක අරගෙන කියවලා බලලා හිනා උනා.

“මම බලාපොරොත්තු උන විදිහටම පලවෙනි ප්‍රශ්නේ ආවා.මම මේ වෙන කල් තියපු හැම සෙමිනා එකකම පලවෙනි ප්‍රශ්නෙට ආවේ මේක තමා එක පාසලක ඇර “
( හෑහ් මොකද්ද යකෝ ඒ ඉස්කෝලේ බාලිකාවක් වෙන්නැති )
ඔන්න ඔහොම සර් උත්තර දෙන්න පටන් ගත්තා .ප්‍රශ්නේ විදිහට යොමුවෙලා තිබුනේ තරුණයින් අතර දැවෙන ප්‍රශ්නයක් උන සොයං විද්‍යාව.සොයං විද්‍යාව ඇඟට හොඳ නැද්ද ඒක හින්දා ඇඟ කෙට්ටු වෙනවද ඔය වගේ ගොඩක් දේවල් වලට උත්තර දෙන්නයි හදන්නේ සර්.
“ මම දන්නවා මේ ළමයින්ගේ වයස වෙනකොට ගොඩක් ලමයි මේ දේකරනවා.පිරිමි ලමයි විතරක් නෙවේ ගැහැණු ලමයිනුත් ඇතුළුව.( සමහර කෙලේලෝ බිම බලාගෙන එවෙලේ ) මේ ක්‍රියාව කාටවත් කරදරයක් නැති අහින්සක ක්‍රියාවක්.ඒ වගේම තමා මේක හින්දා ඇඟ කෙට්ටු වෙනවා කියන එක බොරුවක් .එහෙම උනානම් මෙතන ඉන්න පුතාලා කෝටු කෑලි වගේ ඉන්න එපැයි නේද? “
ගත් කටටම සර් කිව්වේ .විලි ලැජ්ජාව කන් දෙකෙන් බේරෙනවා.ඇයි යකෝ අපි සර්ලා මිස්ලාගේ මූණවල් දිහා බලන්නේ කොහොමද?අහින්සක අපිට මේ සර් කියන කතා.
සර් සෑහෙන විස්තරයක් කරගෙන යනවා.ඇත්තටම ඒකනම් පට්ටටම වැදගත්.මේ වෙද්දි ගොඩක් ඒවා මතක නෑ .නැත්තම් මෙතනම දානවා ඒ ටික.ඒ තරම් වැදගත් .කොහෙද ඉතින් මතක හිටින්නේ හොඳම ටික විතරයිනේ.දැන් කොල්ලෝ ටිනට මාරම සැටිස්.සමහර කෙල්ලන්ටත් සැටිස් වෙන්නැති .අපි දන්නවයෑ ඕවා.ඔය අතරේ තව නියම සිද්දියක් මතක් උනා ඒකත් කියලම යන්නං මෙහෙමම.දවසක් කට ටිකක් හොඳ නැති කොල්ලෙක් කෙල්ලෙක්ට අත් බෝම්බ ගැන කියලා.කෙල්ලට එවෙලේ ඉඳන් මාර කුතුහලේලු.මේකි ගිහින් අහපි නැතෑ පන්ති භාර මැඩම්ගෙන් අත් බෝම්බ කියන්නේ මොනවද කියලා.මැඩම් නොදන්න කමටද උක්කර දෙන්න බැරි කමටද කොහෙද ප්‍රශ්නෙන් මඟ ඇරලා .ඔහොම ගෑණු පරානත් හිටියා කියමුකෝ අපේ පන්තිවල.

සෙමිනා එක කරන සර් අපේ ප්‍රශ්නෙට උත්තර දෙන එක ඉවර කෙරුවා හිනාවක් එහෙම දාලා නියම උපදේශකින්.අද වගේ මතකයි ඒක.

“ මොනා කලත් කමක් නෑ ළමයි හැබැයි හොඳට පොල් කඩන්න තියන ගහෙන් ඇට්ටි කඩලා පොල් ඵලදාව අඩුකරගන්නවා එහෙම නෙවෙයි හරිද ? “

ඕන් කාට කාටත් වැදගත් වෙයි ඈ.

පලි : ඊට පස්සෙත් විෂය ගැන උනන්දු උනු ලමයි ගෙන් එක දිගටම ප්‍රශ්න සර්ට.අවසානේ නවත්වන්න බැරිම තැන ප්‍රශ්න ගියේ අපේ සර් කෙනෙක් හරහා සර්ගේ අතට.අපේ එවුන්ට සෞඛ්‍ය ගැන කොච්චර උනන්දුක් තියනවද කියලා හිතුනා අපේ ඉස්කොලේ සර් අර සර්ට නොදී බලලා බිම දාලා තිබුන කොල කෑලි ගොඩ දැක්කහම.
කස්ටිය තරහා නැතුව ඔය යටින් තියන ලයික් බටන් එකෙන් ලයික් එකකුත් දාගෙනම යමුද අවතාර්ට කරන උදව්වක් විදිහට.

අනේ පින්ඇති අයියේ අක්කේ .......පින වචනෙට ද???

2012-12-15T10:00:00.000+05:30

අගනුවර සිට කොළඹ හලාවත පාරේ ඉදිරියට ඇදෙන ලේලන්ඩ් බස් රථය මධ්‍යහ්න වෙලාව නිසා දෝ වැඩි මඟීන්ගෙන් පිරී නොතිබුනි.ප්‍රධාන මාර්ගයද මගීන්ගෙන් පිරී නොතුබුන නිසා කාර්යාල වෙලාවේදී මෙන් නොව රියදුරු බස් නැවතුම්පල වල සිටි මඟීන් එකා දෙන්නා අහුලා ගනිමින් මන්දගාමී අයුරින් රථය පදවන්නට විය.
කොටුව බස් නැවතුම් පලෙන් බසයට ගොඩවී පිටුපසම සීට් එකෙහි වාඩි වී සිටි අවතාර් එවෙලේ පටන්ම ජංගම දුරකථනයට හෙඩ්සෙට් එක සම්බන්ධ කර කනේ රුවාගෙන සිටියේය.ධාවනය වන ගීතයේ තාලයට මෙන් විටක තම කලවා වලට තට්ටු කර ගනිමින් බසයේ ගමන ආරම්භයේ දී මහත් ප්‍රබෝධයෙන් සිටි ඔහු මඳ දුරක් යනවිට නිදිබර ගතියෙන් යුතුව ජනේලයෙන් එපිට බලමින් බස් රියේ මන්දගාමී ගමනට අනුගත වූවාක් මෙන් ගමන් කරන්නට විය.බස් රථය මීගමුව පොලිස් ස්ථානය පසු කරමින් ගමන් කරමින් තිබුනි.පැය දෙකක් පමණ මෙතෙක් පටන් ගමනේදී මඟීන් කීප දෙනෙක් පිටුපස අසුනේ වාඩි වෙමින් නැවතත් තම ගමනාන්ත වලින් බසිමින් යන ගමනේදී ඒ ගැන වැඩි සැලකිල්ලක් නොදැක්වූ අවතාර් මඳක් හිස හරවා බැලුවේ පිටුපස අසුනේ සිටි මඟීන් දෙසය.

තරමක් තරබාරු තරුණයෙක් ඔහුට පසෙකින් වාඩි වී තරමක් නුවුමනාවෙන් යුතුව බසයේ ඉදිරි වීදුරුව දෙස බලා සිටියේය.තමන් මෙන්ම ඔහුත් බස් රියේ වේගය ගැන සෑහීමට පත්වී නැතැයි ඔහු ජංගම දුරකථනයේ නැඟුනු ඉංග්‍රීසි ගීතයේ පද අතරින් කල්පනා කලේය.අසුන් ගණනට මඟීන් සිටි බසය මාරිස්ටෙලා විදුහල ඉදිරියේ සංඥා එලි වාහන තදබදයේ නතර විණි.
එකෙනෙහිම බස් රථයේ ඉදිරිපස දොරටුවෙන් කඩිමුඩියේ රථයට ගොඩ වූයේ වයස අවුරුදු විසි පහක පමණ තරුණයෙකි.අත් දිග කමිසයක් ඇඳ කලිසමට යටකර කලු සපත්තු යුගලක් දමාගෙන සිටි ඔහු බැලූ බැල්මට වැදගත් පෙනුමක් ගත්තේය.බසයේ සිටි පිරිස දෙස අනුකම්පා උපදවන බැල්මක් හෙලූ තරුණයා යමක් කියන්නට මෙන් සැරසුනේය.මෙතෙක් වෙලා ගීතවලට සවන් දුන් අවතාර් තම සවන්හි පැවති හෑන්ඩ්ස්ෆ්‍රී යුගලය ඉවත් කලේ එම තරුණයාගේ කතාවට සවන් දීම පිණිසය.

“ පින්වත් අයියේ අක්කේ අම්මේ තාත්තේ අද කාලේ හැටියට මම වගේ කොල්ලෙක් බස් එකකට ගොඩ වෙන්නේ එක්කෝ චේන් එකක් කඩන්න පර්ස් එකක් හොරකම් කරන්න නැත්තම් මොනව හරි කියලා අරක්කු බොන්න කුඩු ගහන්න සල්ලි ඉල්ලගන්න.මම කොළඹ ****** ඉස්කෝලේ ඒලෙවල් කලේ.මම ඒ දවස් වල රගර් ටීම් එකට බැඳිලා රගර් සෙල්ලම් කලා.මම සමස්ත ලංකා තරඟ වලට පවා ගිහින් තියනවා.මටත් ලස්සන හීන තිබුනා අම්මේ තාත්තේ රගර් ක්‍රීඩාවෙන් ඉස්සරහට ගිහිල්ලා ලොකු අනාගතයක් හදාගන්න.ඒත් අම්මේ තාත්තේ මට මගේ දෛවය හරස් උනා.එක දවසක මැච් එකක් මැදදි මට සිහි නැති උනා.පස්සේ ඩොක්ටර්ස්ලා කිව්වේ මගේ හදවතේ එක කපාටයක් අස්වාභාවික ලෙස පිහිටලා තියනවා ඒ හින්දයි මට මේ විදිහට අමාරුවෙන්නේ.අවුරුදු කීපයක් ඇතුලත ඔපරේෂන් එකකින් ඒ පිහිටීම සාමාන්‍ය තත්වයට හැදුවේනැත්තම් මගේ ජීවිතේට අනතුරක් තියනවා .ඒ ඔපරේෂන් එකට රුපියල් ලක්ෂ ***** යනවා.මට ජනාධිපති අරමුදලෙන් රුපියල් **** ලැබෙනවා.ඉතුරු මුදල හොයාගන්න අම්මේ තාත්තේ මගෙ අම්ම තාත්තට වත්කමක් නෑ.ඒ නිසා මම අමාරුවෙන් උනත් මෙහෙම බස් එකක් බස් එකක් ගානේ නැඟලා ඔයගොල්ලෝ ළඟට ඇවිල්ලා මගේ ජීවිතේ මරුවා පරද්දන්න සටන් කරන්නේ.ඔයගොල්ල හිතනවනම් මට ආධාරයක් දීලා මගේ ජීවිතේ රැකගන්න උදවු වෙන්න ඒ හැමෝටම මගේ අහින්සක ස්තූතිය දෙනවා.ස්තූතියි.“

හුස්ම අල්ලාගෙන එක දිගට තම දුක් ගැනවිල්ල ඔහු ඉදිරිපත් කලේ කලින් දා රාත්‍රියේ කට පාඩම් කර කතාවක් කරන්නාක් සේය.කතාව අවසානයේ ඔහු මඳක් අමාරු බව පෙන්වමින් තම පපුව අත ගා ගත්තේය.ඉදිරිපස සිට අසුන් වල සිට මඟීන්ගෙන් මුදල් එකතු කර ගනිමින් ඔහු දහයේ විස්සේ නෝට්ටු තම අතේ පිලිවෙලට තබා ගත්තේය.අවතාර්ද බෑගයට අතදමා උඩ සාක්කුවේ තිබූ පසුම්බිය ඇද ගෙන විස්සේ නෝට්ටුවක් එලියට ඇද ගත්තේ ඔහුගේ ජීවිතය බේරා ගැනීමට තමාද හවුල් වීමේ අදහසිනි.මෙතෙක් වෙලා මුවට මඳ සිනාවක් නඟා ගෙන අවතාර්ගේ ක්‍රියාව දෙස බලා සිටි පසෙක උන් දේහදාරී තරුණයා අසුනට තම අත මුවා කරමින් අවතාර්ට යන් කලේ මුදල් නොදෙන ලෙසය.මුදල් නෝට්ටුව අතට ගෙන දෙලොවක තනි වූ අවතාර් නැවතත් එය පසුම්බියට දා ගත්තේ බලාපොරොත්තු සුන් උන අදහසිනි.මුදල් එකතු කරමින් පිටුපස දොර ළඟට පැමිණි තරුණයා බස් රථය බස් නැවතුමක නතර කර නිසාදෝ පිටුපස අසුන දෙසවත් නොබලාම කඩුමුඩියේ බසයෙන් බැස ගත්තේය.

මෙතෙක් වෙලා අවතාර් කර ගන්නට ගිය දානමය පුණ්‍ය කර්මය වැලැක්වූ පුද්ගලයා අවඥා සහගත හිනාවක් පා අවතාර් දෙසට හැරී කතාවට මුල පිරීය.
“ ඕකා බොරු කියන්නේ මල්ලි.ඕකට ඇති ලෙඩක් නෑ කුඩු ගහන්න ඔය සල්ලි හොයන්නේ.ඩීසන් බැස්සහම කාටවත් සැක හිතෙන්නේ නෑනේ.මගේ යාළුවෙක්ගේ බයික් එකක් අල්ලලා දවසක් මීගමුව පොලිසියට යනකොට ඔය පොර කූඩුවට දාන්න හිටියා.මට හොඳට මිනිහව නෝට් බස් වලින් දැකලම .මම නිතරම මේ පාරේ යනවනේ.මම එතන හිටපු පොලිස්කාරයෙක්ගෙන් අහල බැලුවහම මූව ගෙනල්ලා තියෙන්නේ කුඩු ගහලා අහුවෙලා.අමු කුඩ්ඩෙක්ලු.එවෙලෙම මම ගැහුවා ඕකගේ කනට කුඩු පවර් බහින්න.මමත් ඕකට පනහක් දුන්නා දවසක් ගොනාට ඇඳලා.මූ බස් එකට නැග්ගට පස්සේ පිටිපස්ස බලද්දි මාව දැකලා හොල්මන් උනා දුක්කද?.මල්ලි සල්ලි දෙන්න දික් කරත් ඌ මෙතෙන්ට සල්ලි ගන්න එන්නේ නෑ ෂුවර්.හොඳට සල්ලි තියන පවුලක එකෙක්.පස්සේ කුඩු වලට ඇබ්බැහි වෙලා.“
අත් දිග කමිසයට කලු සපත්තු දෙකට යට උනු ඇත්ත අවතාර්ට ඒ වදන් වලින් තේරුම් ගත හැකි විය.ඇත්ත එය නම් බසයෙන් වැඩි දෙනෙක් දැනටමත් ඔහුගේ කුඩු වේලට දායකත්වය සපයා හමාරය.

----------------------------------------------------------------------------------------------------------
අවතාර් හිටපු නැති කාලෙදි ගොඩක් අලුත් අය අහසට ඇවිල්ලා කමෙන්ට් කරලා ෆලෝ කරලා තිබුනා.අවතාර් සින්ඩි පාවිච්චියත් ටිකක් අඩු හින්දා ඒ අයව මඟ ඇරෙන්න පුළුවන්.ඒ හින්දා කමෙන්ට් එක එක්ක ලින්ක් එකකුත් දාගෙනම යං අහසට අලුත් අය ඔය පැත්තෙත් ගොඩ වෙලා බලන්න අවතාර්ට.