The Life

रंगरेषा :: एक मेडिटेशन !

मी — Mon, 30 Aug 2010 18:53:24 +0000

… मूर्त पेक्षा अमूर्त रंग-रेषा ही तेवढाच आनंद देतात. चित्र काढताना बाकिचं सगळ विसरलं जातं, रंग-रेषा-मिकचा कागद .. आणि आनंदच आनंद .. एक रंगित मेडिटेशन ! खरच काय बरं संबंध आहे वृत्तींचा आणि रंगांचा ? वृत्तींना रंग असतो का ? रंगाच्या वृत्ती असतात का ? मनाच्या बहिर्मुखतेला अंतरंगात डोकवायला लावायच सामर्थ्य रंगात आहे, म्हणून तर ‘त्या’ला ‘श्रीरंग’ म्हणतात का ?

कलरफुल मेडिटेशन

आजच काढलेलं अजून एक चित्र

स्पिक इन मराठी .. प्लिज !

मी — Sun, 29 Aug 2010 17:48:34 +0000

“मे आय स्पिक तू‌ ‘समेश बारटक’, आय ऍम कॉलिंग ऑन बिहाल्फ ऑफ HSBC …?”
सकाळी सकाळी ०११४७९७४४xx या क्रमांकावरून फोन आला आणि फडाफड इंग्रजी झाडलं गेलं.

“येस, थिस इज सोमेश स्पिकिंग”, मी उत्तरलो.

“वुई हॅव .. “, मी सोमेशच बोलतोय हे समजल्यावर समोरच्या व्यक्तीने पुढिल माहिती सांगायला सुरूवात केली, त्याला तिथेच थांबवून एक विनंती केली‌ :

“तुम्ही कृपया मराठीत बोलाल का ? कॅन यू‌ प्लिज स्पिक इन मराठी ?”, मी.

“नो सर आय कॅन नोट ..”, तिकडून उत्तर.

“सॉरी सर, आय ऍम नॉट इन्टरेस्टेड इन इट इफ यू आर नॉट ऑफरिंग इन मराठी !” , मी.

.. खट्क् .. मी फोन ठेवला.

गेल्या महिनाभरात आज झालेला हा तिसरा प्रसंग. बॅन्केकडून सेवा विकण्याविषयी फोन आला की‌ त्यांना ‘मराठीत सांगा, नाहितर जमणार नाही.’ हा हेका मी‌ धरला आहे, एकदा एकाने मराठीत सगळ सांगितलं. :)

लिहिण्याच कारण :‌ यात आपलं काहिच नुकसान नाही, झाला तर फायदाच, मराठीत सांगा हा हेका धरला तरच मराठी भाषेत व्यावसायिक संवाद उपल्ब्ध होईल, टेलिबॅन्किंग मधे तो पर्याय येईल, या शस्त्राचा वापर आपणही‌ करावा ही विनंती.

ता. क. : हा हट्ट तुम्ही ग्राहक असाल तरच करा, जर तुम्ही सेवा विक्रेते असाल तर मात्र ग्राहकाच्या भाषेतच व्यवहार करा आणि हो तेव्हासुद्ध मराठी हा पर्याय जरूर ठेवा. :)

लव्ह मॅरेज ::‌ आणि एक प्रॉब्लेम !

मी — Sun, 08 Aug 2010 19:18:53 +0000

सोबतच्या चित्रामधे एका लव्ह स्टोरीचा रोडमॅप दाखवलेला आहे. चित्र बऱ्यापैकी सेल्फ एक्सप्लेनेटरी आहे. चित्रात दाखवलेल्या दोघांना एकमेकांशी‌ विवाहबद्ध व्हायच आहे, परंतु शेवटच्या स्टॉपवर मुलीच्या वडिलांनी लाल झेन्डा दाखवलाय, त्यांच्यामते तो दुसऱ्या जातितला असल्याने त्यांना तो चालणार नाही, आणि तरीही तिने त्याच्याशी‌लग्न केल्यास ‘ते स्वत:चं काहिही’ करू‌ शकतात, अशी धमकीदेखील दिलीय. बिचारे बरेच चिंतेत आहेत, या दोघांना ‘आता पुढे काय करायचं ?’ या प्रश्नाचं उत्तर शोधायला तुम्ही‌ कृपया मदत कराल काय ?

लव्ह मॅरेज - मोठ्या चित्रासाठी क्लिक करा

मी माझा धर्म बदलू का ?

मी — Wed, 14 Jul 2010 19:04:38 +0000

दोन वर्ष अमेरिकेत रहात असताना ज्या गोष्टिचा मला विसर पडला होता तो प्रश्न परत डोकं काढायला लागलाय .. माझी जात ! माझ्या वैयक्तित आयुष्यात घडत असणाऱ्या घटनांमधे काही लोकांचे स्टॅन्ड पहाता ‘जात’ शब्दामुळंच मी (आणि ‘ती’ सुद्धा) सध्यातरी प्रचंड वैतागलो आहे, अर्थात जात आणि धर्म यावर बौद्धिक करण्याइतका मी मोठा नसलो तरी असलेल्या सिस्टमचा आणि धर्माच्या नावावर चाललेल्या राडारोड्याचा उबग न येण्याइतका संयमीदेखील नाही.

अशा मनस्थितीत माझी डायरी‌ चाळताना एक जुना विचार-आराखडा समोर आला तो इथे दिलाय. त्यादिवशी स्वत:ला उच्चकुलोत्पन्न समजणाऱ्या एका व्यक्तिशी चर्चा करताना डोकं सुन्न झालं आणि काही‌प्रश्न पडले. अर्थात हे होत असताना माझ्या विचारविश्वावर स्टिव्ह जॉब्ज, मथाई रिकार्ड, दलाई लामा, थिक-नात-हान आदी ‘बुद्धिस्ट’ असलेल्यांचा प्रभाव होता/आहे.

मनातला विचारगुंता पुढील क्रमाने होत गेला :

१. धर्म आणि जात – माझा कोणता ? कसा ? कोणाच्या इच्छेने ?
२. अभ्यास करून एक निवडता येत नाही‌ का ?
३. जगाचा आणि जगण्याचा हा खरच मुलभूत प्रश्न आहे का ?
४. Steve Jobs, Michael Gelb, Matthieu Ricard आदी लोकांप्रमाने आपणदेखील बुद्धिस्ट व्हावे का ?
५. हो / नो : काहिही असेल तर का ? पण अभ्यास-वाचन करायला हरकत नाही.
६. इतर धर्मांचाही विचार करायला हरकत नाही.
७. अध्यात्म, मेडीटेशन आणि तथागत धर्म या दोनही गोष्टींचा खरच संबंध आहे का ?
८. धर्माखेरिज केवळ अध्यात्मिक मूल्यांवर जगणं का असू नये ?
९. वरील येणारे विचार हे केवळ स्मशान वैराग्यासारखे तात्पुरते तर नाहित ना ?
१०. बराच वेळ वरील विचार झाल्यावर, कुठेतरी वाचलेली एक गोष्ट लक्षात आली :‌ जेव्हा युरोपमधे ज्ञानविज्ञानाची क्रान्ती होत होती‌ तेव्हा भारतात सतीच्या चालीवोरुद्ध बंड होत होते आणि असेही‌म्हणातात की इथले तथागत विद्वान ‘सत्यनारायणाच्या पुजेला पावशेराचा रवा असावा की अर्धाशेराचा ?’ यावर चर्चा करत होते. (हे होत असताना शांतपणे )
११. हे सर्व होत असताना मनिष व्यासची ‘सत्त्वा’ ऐकत होतो. डोकं शांन्त झाल्यावर एक गोष्ट लक्शात आली #१-९ मधील विचार हे #१० प्रमाणेच मला भरकटवत तर नाहीत ना ?

अर्थात त्या दिवसानंतर धर्म बदलण्याचं खूळ डोक्यातून निघून गेलं, पण त्या दिवसाची आठवण वहित अजून आहे.

एक बडबडगीत

मी — Sat, 10 Jul 2010 17:54:11 +0000

कोमल आवाजाचा साज चढण्यापूर्वी आणि जगरहाटीच्या गोंधळातून कामनेचा वारा अंगाला झोंबण्यापूर्वी, गमतीगमतीत सुरावट लावून जी बडबड होते, त्यालाच म्हणतात बडबडगीत ! कदाचित सगळ्याच्या अगदी‌ अलिकडे किंवा पलिकडे … असच एक बडबडगीत ..