ठेट पहाडी :)

पहाड़ी शब्दकोष

noreply@blogger.com (vivek joshi) — Sat, 04 Feb 2012 19:29:00 +0000

नमस्कार हो ,

पहाड़ी शब्दकोष लिजी के नयी शब्द :

दाड़ा दाड : भौति ज्यादा रोना [ जसके स्कूल पूजि , वीले घर जाहूं दाड़ा दाड कर दी . ]

धदोड़ : भौति ज्यादा काट देना / नोच देना [ स्कूल पूज बेर वील पत्थर मार दी मुन छतम [bee hive], काल वाल मुनले इतु धदोड़ दी , मुख बानर जे बने दी ]

थेचा थेच : बहुत मारना / [ अब बाजार जे रो छि , वां लड़े हा पड़ी , जा देरम वां थेचा थेच है गे ]

अग्हिल फेर आई बतूल पे हाँ .

घटाकोप है रो

noreply@blogger.com (vivek joshi) — Tue, 20 Dec 2011 16:06:00 +0000

आजकल भौते जाड है रो यार , राति बेर इतु कोहरा है रो ज़डेल हालत खराब है गे । भयर- भितेर

जार्ण भौते difffucult है गो यार ।
अब now-a-days टेम ले change है गो ने , अब आजकल इतु facility है गयीं के ज़रा ठण्ड है ने , हीटर चले दी या ac चले दी .
अब पेली ज हिसाब ले नि होई पे , पेली बती सुविधा के है ने , उस्के जार्डम दिन कटर्ण होई . हाथ खुट दुखन है गयीं हो . नाहूँ लिजी ले सोचर्ण पडूँ यार . अब यार ऑफिस जरन होई पे , अब जस्के तस्के ने लीनु यार .
यस है रो पे .

हालत खराब है गी यार :(

noreply@blogger.com (vivek joshi) — Thu, 15 Dec 2011 16:56:00 +0000

नमस्कार हो , आजकल भौते पीड़ है रे यार पुठं।

अब यार एक दिन दिल्ली मजी hair cut लिजी जए रो छि , अब बाव काट बेर वील काउ कि मसाज ले कर दिनु , पे मेल कौ ठिक छू । अब महाराज मसाज के होई उ , मकं इतु ठेच दी वील अब के बते द्दियु, वीले हाथ - गर्दन इतु मरोड़ दी यार , सारे पुठं इतु दनके दी यार , दाड ए ग छि यार ।

उ दिन बटी आज एक माह है गो , आई ताले पीड ले ठीक नि है रे यार , भल मसाज करी वील यार , मार मार बेर म्येर हालत खराब कर दी यार । पे यार यश मसाज ले के होई यार , हाथ-खुट अमोर दी यार । ठाड़ हूँ मुश्किल है गो यार ।

म्येर गर्दन ज़टके दी यार , इतु पीड है रे हो , कभ्ते - कभ्ते इतु गुस्स ए जां कि मन करां कि कपाव भटके दियुं वीक ।

आज भल लाग रो यार .

noreply@blogger.com (vivek joshi) — Sat, 05 Mar 2011 17:56:00 +0000

अब यार एक महीर्णबाद घर ए रोयीं यार , इतु दिमाग अब है गो छि यार

ऑफिस जार्ण ले बिछी गो यार , राति बर बटी ब्याव ताले , कभ्ते - कभ्ते 1 ले बाज जां यार । इतु काम है रो यार अब के करूँ , अब नि कि काम ले करण होई यार , पे यश है रो ।

पेलि बटी जब ताले स्कूलम ची तब ताले सब भल छि यार , अब सब बिजी है गे पे , अब इतु टैम ले ni हूँ यार ।

अब आज डेली जर्ण छि यार , रिज़रवेसन ले करे राख छि , अब जसके स्टेशन पहुची , वां देख्छी के देख्छी , ताले वां ट्रेन कैंसल है पड़ी , अब के करछी पे , वां बटी गोई बस स्टैंड , इतु भीड़ है रे छि यार , लोग बाग़ इथां उत्हां भाजर्ण छि बसे लिजी , जस है रो है रो । पे म्येर लिजी ले भल है गो हो , किले कि एक दिन आई मिल गो , अब भो जूल ।

नमस्कार ।

के है ऋ

noreply@blogger.com (vivek joshi) — Tue, 16 Nov 2010 13:27:00 +0000

अब आज मन ठीक जस है रो , आज जादे के काम ले नि छि पे , पर्बेई ऑफिस जए रो छि , अब घर ओं ताले देख छि के देख छि , उ बाट मजी एक कूकुरा पोथिल ले जस कर रॉक ची यार ... इथां कूद उत्हां , औरी कर राख छी यार ।
वील के करो कि एक सून्गर कि पुचड पकड़ बेर दौड़े दी यार , हस्ते हस्ते जस है गो है गो ।

अब आजकल पहाड़ी समझान वाल के कम है गयीं हो , आई पहाड़ फना ले अंग्रेजी मजी बुलानी यार । मौसम clowdy है रो कनि यार, अब के कुं पे।

ऑफिस ले बिछी गो यार अब , भेटे भेटे भांट दुखी गयीं यार , ब्याव ताले आँख फूटहूँ है जानी यार ।

जाड ए गयीं हो

noreply@blogger.com (vivek joshi) — Mon, 15 Nov 2010 13:55:00 +0000

ओ हो महाराज पे लाग ।
आई के नयी जस नि है रो पे , अब आजकल दिन रात बहुते काम है जां हो , अब के करण होई यार , जाडशुरू है गे पे यार , आई ताले ठीक जस है रो , कुमौं मजी भल छू यार , किले के वांक जाड हज़म है जां यार , या भाभर मजी प्राण निकल्हू है जनि यार , अब जाड जए के हूँ यार , मरने काव होई यो ।

अपन कुमौं भल छू यार , अब के करने होई यार , काम काज लिजी भयर जर्ण पड़ने भोई ।

पे अग्हिल आई लिखुल पे हाँ ।

नमस्कार

द्योका ताहाद लाग गयीं हो

noreply@blogger.com (vivek joshi) — Mon, 23 Aug 2010 08:45:00 +0000

ताहड़ लाग़ गयी यार , इतु बारिश है गे औरी काव है रे । आज रति बेर जरा घाम ऐरो छि , ताले देखना जरा देर मजी घटाकोपहै गोई , भर जए रो छि मैं के काम लिजी , सारे कपड भिज गयीं यार । जस है रो है रो , दिल्ली उससे है रो यां हल्द्वानी मजी उससे है रो , अब कथा जर्णहोई यार ।

हमर वां गौला नदी छू हो , इतु पाणि एगो वां , जतु ढुंग छि वां सब पाणि भितेर जर्ण कां गयीं । आई एक जाग पुल बने रॉक छि , यो द्योका तहाड़ ले नयी पुल बगे दी ।

भौते उथल पुथल है गे यार ।

नमस्कार हो

noreply@blogger.com (vivek joshi) — Fri, 09 Jul 2010 03:20:00 +0000

इजा बाबू , नाना तिना, ज़द्ज़ा सबहुन म्यर नमस्कार ।

आज भौते दिन बाद टेम लगौ यार । इतु दिन बटी भौते बिजी है गो छि यार। पे काम ले भौते है जां हो , अब नयी कंपनी भोई , नयी काम ले होई यार , इतु काम है रो अब के करूं । दिमाग ले खराब है गो यार । कभ्ते के काम कभ्ते के , औरी काव है रो यार , अल्ला पल्ला वल्ला सत्ता , पलाना धिम्काना इतु काम है रो यार ।

पे सची पगली जए गोई यार ।

अग्हिल पे आई लिखुल हाँ ।

नमस्कार

पहाडी म हन्तरेन के हूँ कनि ?

noreply@blogger.com (vivek joshi) — Thu, 24 Sep 2009 16:08:00 +0000

अब महाराज , य जो कुमौनी भाषा होई , बड कमाल छू हो य । हर चीजोक नाम होई यार । अब उ पहाड़ फना कुनि की बास चले दी ,, अब पहाडी मजी बास ले कतु किस्मक हनी हो । अब कभ्ते केल कपड भड़े दी , उकं कनि हन्तरेनबास ए रे। किले ki हन्तर कुनि कपड हूँ , ई वजल कपड कभ्ते भडी जां तो बास जए एं उकं कनि हन्तरेन ।

यस होई पे महाराज । किले की पहाडी शब्दकोष भौते जादे छू यार , अब अंग्रेजी म के कौला तुम , जादे जे है गोई , यस कए दिला की स्मेल औरे । अब अंग्रेजी म बास ए गई तब ले उ स्मेल होई , कब्ते केले गन पाद दी उ ले स्मेल होई , कभ्ते केल सेंट लगे दी , उ क ले स्मेल कनि .... अब कतु कान्फुसन होई यार ....

अब पहाडी मजी यस नि होई हो..... भौते ज़बरदस्त भाषा होई य

अब अग्हिल पोस्ट मजी आई बतूल पे हाँ ।

नमस्कार ।

नमस्कार हो

noreply@blogger.com (vivek joshi) — Wed, 23 Sep 2009 14:22:00 +0000

नमस्कार हो ददा , बुबू , नाना तिना, सबहूँ म्यर नमस्कार ।

आज कतु दिन है गयीं हो । पे जे है गो हुनल यार , पेलि बटी अप्हीं लिख दिछी । पत् ने जए है गो आजकल ।
कभ्ते सोर पड़ जनी के लिखूं । पे आई ले के समझ नि और्ण लाग रो यार । के करूं पे अब । आई के ले कमेन्ट म लिख राखो , कि जादे लिखी कर , अब करने के होई , कभ्ते के काम पड़ , जां कब्ते के , वल्ला पल्ला , फलाना धिम्काना , के न के लगी रूं ।

पे यार अग्हिल बटी के स्टोरी सुने दियुल पे , म्यर अम सुणों छि यार हमुकें । पे अग्हिल बटी यस्से करूल हो । आजकल एक्जाम ले है ऋ पे ... एक्जाम मजी खून सूख जां हो , इतु मुश्किल पेपर छि यार । अब घर बटी जर्ण होई यार , जसके एक्जाम दिहुं भेटला , खायी पेयी सब सूख जां हो । मुनो पीड है गे यार ।

यस्से है रो पे आजकल .....

नमस्कार हो .....

बाग़ ए गो

noreply@blogger.com (vivek joshi) — Fri, 10 Apr 2009 03:50:00 +0000

दुई तीन दिन है गई , परबेई यां ए पडो बागौक पोथिल ।

वील ले जतु धदोड़ दी , नान ले ठुल ले , बुड ले , जवान ले , गोरु बछा , बकर । सारे गौं फना औरी है गे ।

भ्यार भितेर जार्ण भेद हो गो छि यार । न्नाक कलाट बिलाटले इज बुब परेशान हो गोई । उ त भल होई थुल बाग़ नि आय नतर सबूकं धदोड़ दी छि ।

इथां उत्हां दौड़ लगे बेर , यां बटी वां कूद मार बेर जस कर दी कर दी । पे अब को सक सकने होई यार । पे ब्याव हूँ साँस पडी ताले बड़ी मुश्किलल काबू करो यार ।

यस् हो गो छि यार...

सबहूँ म्यर धन्यवाद .

noreply@blogger.com (vivek joshi) — Sun, 01 Mar 2009 16:46:00 +0000

सबहूँ धन्यवाद कौर्ण लिजी छु य पोस्ट ।

पे यार सबूल इतु भल भल कमेन्ट कर राखीं , भौते भल लागां हो । ब महाराज ठेट पहाडी ब्लॉग पड़ने रेया आई कमेन्ट ले करने रेया । अब आई के है सकने होई यार ।

किले कि सब झ्र्ण जब सहयोग दिला तभ्ते के हौल नतर के फेद। अब अग्हिल फेर जब टेम लागोल तब लिखूल हाँ ।

जय हो महाराज ।
नमस्कार

के है ऋ

noreply@blogger.com (vivek joshi) — Sun, 15 Feb 2009 04:15:00 +0000

हाय ऊइजा आज भौते दिनों बाद टेम लागो हो । अब के करूं आजकल काम ले भौते है जां हो ।
आजकल राति ब्याव भमरी जए गोई यार ।

पे बादम लिखुल हाँ ।

पहाडी शब्दकोष :)

noreply@blogger.com (vivek joshi) — Tue, 02 Sep 2008 15:17:00 +0000

सबहूँ म्यर नमस्कार ,

पहाडी शब्दकोष : - य नई ज़सशुरू कर राखो हो महाराज , किले की कतु लोग हुनी जिनुकं पहाडी नि एं , अब य ले शरमे बात होई यार । अब अपण भाषा ले ज़रूरी होई हो , नतर कि फेद होई ।

अब अह्गिल हफ्त बटी पहाडी शब्द लिख बेर वीक मतलब ले बते दियुलपे हाँ ।

नमस्कार ।

गर्मी भौते है रे हो :(

noreply@blogger.com (vivek joshi) — Thu, 28 Aug 2008 14:19:00 +0000

सबहूँ म्यर नमस्कार ।

और के है ऋ पे , नॉएडा मजि इतु गरम है रो यार अब के बते दियुं । औरी काउ है रे यार ,, इतु उमस है रे ,, मरहूँ बटी जा रोयुं । यस्स है गो यार पे । अब यार हल्द्वानी मजि भौते भल है रो बल , किले की बातिश है रे वां , अब यार बारिशल ले भौते नुकसान कर हेलो यार ,, पुल ले टूट गयीं वां ,,, अब के करण होई , कतु बार नैनीताल ज़र्ण वाल रोड ले ख़राब है गे , अब इतु बारिश हौली पे यास हॉल , कतु बार वां भ्यो बग गयीं हो ।

अब मौसम कं को सक सकनेय होई यार ,,, अब यार अति के भल नि होई । म्यर इज ले कौर्ण छि , अति के भल नि हूँ । अब यां नॉएडा मजि गर्मी ले उधेग जे लगे हेलो यार , दिन भर भडंग ग़म है रो ।

आई बादम लिखुल पे हाँ ।

नमस्कार हो ।

जन्माष्टमी ले है गे हो

noreply@blogger.com (vivek joshi) — Tue, 26 Aug 2008 07:59:00 +0000

आज भौते दिना बाद टेम लागो हो । अब जब तला घर होई तब के दिक्कत नि होई , पे भ्यार जए बेर कभ्ते टेम लागूं कभ्ते यससेहै जां

जन्माष्टमी दिन घर फना छि , पे उ दिन भडंग घाम पड़ गो यार , नतर इतु बारिश है गे छि यार ।
सोमवार को मैं ऐ गो छि नॉएडा, यांटी भौते गरम है रो यार , इतु उमस है जां रे , अब के बाते दियुं । भ्यार निकल बेर यससे जां हो ।

जन्माष्टमी दिन पे झांकी देखोहूँ गयीं हो , भौते भल लगार्ण छि यार ।

जय हो पे अब ।

रक्षाबंधन छि बेई :)

noreply@blogger.com (vivek joshi) — Sun, 17 Aug 2008 02:33:00 +0000

पे बेई रक्षाबंधन ले है गो यार । बेई ग्रहण ले छि यार , पे राति बेर नि पेरि राखी ।

दिन भर सित्ये रोई यार , किले कि दिन मजि रक्षा बादर्ण नि होई , पे राति बर नास्ता कर बेर से गोई यार , १२ बाजि ताले नीन खुली ।
सारे दिन भर दयोका तहाड़ ले रो छि , के करछी पे , ब्याव हूँ ज़रा साफ़ हौ मौसम , clowdy तो दिन भर है रो छि ।
अब आज ले ग्रहण छु हो , दिन ताले पुज पाठ के ले नि हॉल । आज ले रति बर बटी तहाड़ लाग रई , रकशि ज गो य दियो।

स्वतंत्रता दिवस मुबारक :)

noreply@blogger.com (vivek joshi) — Fri, 15 Aug 2008 04:52:00 +0000

सबहूँ म्यर नमस्कार । अपहूँ ठुल जे छि उनुकं म्यर पेलाग ।

पे आज भौते ठुल दिन होई हो , किले की आज़क दिन हमर देश आजाद है गो छि यार । पे कतु भल लागां यार ।
पे यो सब हमर होनहार आर्मी छि , जैल कतु मेहनत करी ।
आज घाम ले भौते भल लगारों किला की स्वतंत्रता दिवस होई पे । पे महाराज सब मिल बेर भली भां मनाया हाँ । के उल्ट सिद्ध काम झनकरिया हो । भली भां अपण कामकाज करिया ।

पे आज लीजेंड ऑफ़ भगत सिंह पिक्चर ले और्ण वाल छू यार , पे यार भगत सिंह ले भौते ठुल काम करो यार , इतु नानो नन छि यार । आई और ले कतु जे लोग छि ,के के नि कर उनूल यार ,, अपण जान ले दी दी यार , पे महात्मा गाँधीजी ले भौते भल छि यार , अब मेल त नि देख रखो , पड़ राखो उनर बार्मजी , पे महात्मा कनि उनहूँ , पे के न के हुनल उनूमं । पे यार भौते ठुल आदिम छि यार ।

अब आई के लिखूं यार , के लिखर्ण जस नि और्ण लाग रो यार । पे सोच सोच म्यर कलेजा गद गद है जां । पे सबहूँ म्यर रिकुएस्ट छु हो , आज दिन सबहूँ याद करिया , किले की जैल वजेल हमुकं आजादी मिली उनर लिजी आई के कर सक्नु हो , पे इतु कर सक्नु की के उल्ट सिद्ध काम नि करुल और भली भां रूल । पे तुम सब ले यस्स करिया हाँ ।

जय हो पे नमस्कार ।
स्वतंत्रता दिवस भौते मुबारक हो ।

कागजात जब्त है गई हो :(

noreply@blogger.com (vivek joshi) — Thu, 14 Aug 2008 15:49:00 +0000

पे महाराज .... अजब गजब है गो रे ,, अब के करुँके करने होई पे अब , आज म्यर गाड़ी क कागजात जब्त है गई हो । अब के करुँ के सम्झम नि और्ण लाग रो यार ।

पे म्यर दगडी जए रो छि म्यर गाड़ी ली बेर , हेलमेट ले नि पेरी होई , आई ल्य्सेंस ले नि छू , वी मली बे तीन भे बेर जए रो छि , रस्त मजि पकड़ दी , अब पुलिस वाल मागर्ण छि ल्य्सेंस , उ ले नि होई , न हेलमेट पेरी होई ,, ब उकं मिल गो मौक , ताले वील फटाफट १५० रुपेक पर्ची काट दी ।

अब के करुँ यार ,,, अब आज बटी तीन दिन ताले छुट्टी होई पे , वी बाद हॉल जए ले हॉल अब ।

पे महाराज हेलमेट पैर बेर गाड़ी चलाया हो , ल्य्सेंस ले धर लिया , किले की कभ्ते के ले है सकूं । पे अपण सुरक्षा ले है ।

नमस्कार हो :)

noreply@blogger.com (vivek joshi) — Tue, 12 Aug 2008 14:26:00 +0000

सभहूं म्यर नमस्कार ।
आज भौते दिन बाद टैम लागो हो । कतु दिना बे के नि लिख राख छि हो । आई भौते बिज्जी है गो छि यार ।
आजकल नॉएडा म रुण लाग रोई यार । किले कि के काम काज ले कर लिनु पे अब । अब इतु ठुल है गोई पे अब ।
अब घर बटी भ्यार जर्ण ले जरूरी होई यार , किले कि घर भे बेर ले के नि है सकूं । पे महाराज घर बटी भ्यार जर्ण के भल नि लागूं , पे के करने होई ।
अब ग्रेजुएट ले है गोई पे , अग्हिल हूँ देखनु पे अब ।

आजकल मैं घर ए गोई यार , किले कि १६ तारिक छू रख्शाबंधन यो ले भौते जरूरी होई यार , और मकं भल बहार्ण मिल गो घर और्ण लिजी ।

पे आई बादम लिखुल पे । नमस्कार ।

आज हय्र्यल छु हो..

noreply@blogger.com (vivek joshi) — Wed, 16 Jul 2008 08:50:00 +0000

ओहो महाराज पे आज हरयल छु पे॥
पर्बेली ताले घर फना हरयल लिजी बीज ली बेर आयीं , पछिल हफ्त बोई पे हरयल , अब आज कतरन होई , पे आज कटु जनाक जनाम्बार ले छु हो।
मैं भूल पड़ी यार, उ त भल होई orkut छु यार, किला की सब ए जांउ माजी... पे य काम त भल कर राखो यार य कंपनी ले,,, के नाम कनि, हो google , pe भल होई यार , कतु काम करनी यार यो ले।

अब ब्याव ताले करूल सबूकं फ़ोन ।
पे अब यां बाटी के है सकूं ,

ठीक छु पे महाराज अब जानुपे अब , घर ले जर्ण छु यार ।

नमस्कार enjoy harela

पे सब भले है रो .

noreply@blogger.com (vivek joshi) — Wed, 16 Jul 2008 08:32:00 +0000

पे म्यर नमस्कार सब ब हूँ । पे भौते दिन है गयीं हो , कतु दिन बटी ब्लॉग मजि लिखर्ण भूल गछि ।
अब के करछी यार... इतु दिना बे आई कतु काम ले ए गयीं । किले की मकां पुणे काम ए गो यार , तभ्ते busy है गो छि यार ।
यां पुणे म तमौसम भल छू यार , आई दिल्ली जमौसम नि छु यार... वां जस है है रो हो , दिन भर बादल लाग रयिं , आए के बारिश ले नि होर्ण लाग रे , दिन भर उमस है रे वां , घर भितेर आए तबलेभल छु यार , भ्यार त उदेग ले जार्ण रो ।
अब यान पुणे मजि म्यर पास कंप्यूटर ले नि होई , अब के करूं पे अब भ्यार जे बेर करण पडौल ।

अब आज पेलिदिन छु पुणे म , आए के पत् ले नि छु यार , आई टेम लागल , पे जूल इथां उत्हां , तब्जे के पत् लागल यांक ।

पे बाद मजि लिखूल यार ।

नमस्कार

औरी काऊ हेगे यार :(

noreply@blogger.com (vivek joshi) — Fri, 04 Jul 2008 00:43:00 +0000

काऊ त हेई गो यार , इतु बारिश बबहो , औरी बात हेरे हो ।
परबेई बटीकमाल कर हेलो य बारिशल यार , राति हो ब्याव हो , घर भितेर भेटी-भेटी दिमाग ख़राब है गो यार ।

आई भ्यार भितेर जाण भेद है रो हो । कभ्ते जादे जे हेगेई त भितेर ले water ए जां । भ्यार ले सारी रोड फना पाणि भर बेर यस् है रो अब के बाते दियू । कच्यार है रो सब जाग । पे इतु उदेग जे लाग गो यार । आई बेई दिन मजि भडंग घाम पड़ गो छि ब्याव हूँ आई बरिशक तह्डलाग गो छि । आई म्यर पिल्लू ले परेशां है गो यार , उकं ले भ्यार कशी लीज़र्ण होई । भौते परेशानी है गे यार ।

मौसम ले भौते ख़राब छु यार , दिन भर cloudy है रो ।

मौस्मल ले कमाल कर है लो

noreply@blogger.com (vivek joshi) — Mon, 23 Jun 2008 04:00:00 +0000

बतौर्ण लिजी के छे ने , किले की के ख़ास नि है रो यार , कभ्ते घाम एरो कभ्ते अन्यर्पट है जां , अब के कर्नेये होई ।
कुमौं मजि मौस्मक के नि भे , बारिश जए एगोई त झाड़ पड़ जेँ नतर खोरफोड़ घाम होई ।
बेई जए रो छि मैं नैनीताल , वाँ इतु बारिश है गे अब के बते दियुं , बारिश ख़तम होते ही , भडंग घाम पड़ गो ।

पे दुई तीन दिना बेर तब्ले मणि ठीक छु मौसम , घाम ले ए रो , बारिश ले है जेँ , बेई ताले हल्द्वानी मजि ठीक छि , ब्याओ होते होते हल्कि बारिश है गे छि ।
पे आज राति बर बटीघाम ए रो , ब्याओ ताले जए होऊं पे अब ।

भौते परेशान है गो छि यार

noreply@blogger.com (vivek joshi) — Sun, 22 Jun 2008 16:56:00 +0000

अब के बतों पे ,, परबेई फना मैं जेरो छि दिल्ली , के जरूरी काम ए गो छि यार वां । पे महाराज आई परेशान ले है गो छि यार ।
उ त भल होई कि म्येर ज़द्ज़ा तौजी ले अपण ड्राईवर हूँ के बेर हमुकं छोड़ मांग , नतर हमर फदित है जा छि ।

अब ताले ब्याव हूँ जसके रेलवे स्टेशन पुंजी वां देख्छी के देख्छी , पे महाराज इतु भीड़ हेरे छि , खुट टेकण जाग नि हेरेछी , पे के करछी , पे वां बाटी गोई आनंद विहार बस अड्डा , वां पुंज बेर ले उदेग जे लग गो यार , किले कि जो बस और्ण वाल छि ७ बाजी , उ ए तुमार ९ बाजी,,, भेटी भेटी पटे लाग गई यार ।

पे बस अक टिकट ली बेर उमंभे गयीं यार , पे बस भौते भल छि यार,, किले कि एसी बस छि यार ,, पे जे मणि शान्ति है यार ।

अब मेल सोची हेलो , अग्हिल बटी जबतलक म्येर पास ट्रेनक टिकट नि हळ मेल घर बटी भ्यार खुट नि टेकण छु ।