Keep Walking!

கல் தோன்றி, மண் தோன்றா

2022-04-02T16:28:00.001+10:30

“கல் தோன்றி, மண் தோன்றா காலத்தே முன் தோன்றிய மூத்தகுடி தமிழ்க் குடி”

இந்த Punch Dialogue-ஐ சொல்லி ஆரம்பிக்கப்பட்டு, கைதட்டல் வாங்கிய தமிழ்ப் பேச்சுகள் தமிழ் மேடைப் பேச்சு வரலாற்றில் மூவாயிரம் கோடியே முன்னூற்று முப்பத்து மூணு இருக்கும்.

முனைவர் கண்ணபிரான் ரவிசங்கர் (கரச) எழுதிய ‘அறியப்படாத தமிழ்மொழி’ என்னும் புத்தகத்தை படிக்கும்வரை நானும் ஏதோ ஒரு புலவர் பிற்காலத்தில் வரப்போற, ‘ஓங்கி அடிச்சா ஒன்றரை டன்ன்னுடா’க்கு கைதட்டி குதுகலிக்கும் தமிழ் மக்களுக்கு புகழ்ச்சி புடிக்கும்ன்னு இதை எழுதி வைச்சிட்டு போயிட்டாரோன்னு கடந்து போயிருக்கேன்.

அதெப்படி? கல், மண் தோன்றுமுன்னே தமிழ்க் குடிமக்கள் பிறந்து விட்டார்களா? இல்ல, தமிழ் மொழி மற்ற மொழிகளை விட அவ்வளவு பழமையானதா? ன்னு ஆராய்ச்சி செஞ்சு புத்தகத்தின் முதல் கட்டுரையாக எழுதி இருக்கார் கரச (https://twitter.com/kryes)

சரி, எங்கே இருந்து வந்தது இந்த இரண்டு வரிகள்? ஐயனாரிதனர் என்பவர் எழுதிய புறப்பொருள் வெண்பா மாலை என்ற இலக்கண நூலில் வரும் பாடல்தான் அது.

பொய் அகல, நாளும் புகழ் விளைத்தல் என் வியப்பாம்?

வையகம் போர்த்த, வயங்கு ஒலிநீர் கையகலக்

கல்தோன்றி, மண்தோன்றாக் காலத்தே,

வாளோடு முன்தோன்றி மூத்த குடி!

இந்த பாடல் வரும் சூழலும் முக்கியம். தமிழ் ஆதி குடிமக்கள் வெட்சி - ஆநிரைகளைக் கவரும் குழு, கரந்தை - ஆநிரைகளை இழக்காது காக்கும் குழு என இரு வேறு குழுக்களாக பிரிந்து போரிடுகிறார்கள். இது போன்ற நிகழ்வுகளைக் காட்சிப்படுத்திய இயக்குனர் வசந்தபாலனின் 'அரவான்' திரைப்படத்தை சுட்டுகிறார் கரச.

பாடலின் பொருள்: ஆதியில் உலகம் நீர் போர்த்தி இருந்து, பின்பு வாழ்வு துவங்கிற்று. முல்லை/குறிஞ்சி (கல்) தோன்றி, மருத நாகரிகம் (மண், வயல்) தோன்றாத காலத்தே, கையில் வாளோடு வெளிப்பட்டு, வீரமாக ஆநிரை (பசு மாடுகளை) காக்கிறார்களே, கரந்தைத் திணையில்! வாழ்க இந்த ஆதிகுடிகள்!

இதைப் போல நிறைய குழப்பமான விஷயங்களை தெளிவுபடுத்த 14 கட்டுரைகள் எழுதி இருக்காரு. தமிழர்கள் அனைவரும் அவசியம் படிக்க வேண்டிய புத்தகம்.

-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

facebook.com/#ஆஸிதமிழன்

fb.com/#ஆஸிதமிழன்

National Close the Gap Day 2022 - இடைவெளி குறைத்து சமத்துவம் படைப்போம்

2022-03-17T09:10:00.000+10:30

இடைவெளி குறைத்து சமத்துவம் படைப்போம்

நீங்க முன்தெரியாத ஒருத்தரை பார்த்து பழக நினைச்சா, அவங்க பெயர், ஊர், எப்படி இங்க வந்தாங்க, அவங்களின் விருப்பு/வெறுப்புகள் என்னென்னன்னு கேட்பீங்கதானே? இப்படி தொடர் உரையாடல்கள் வழியேதான், அவங்களைப் பத்தி நீங்க புரிஞ்சுக்க முடியும்.

ஒருவரின் வரலாற்றைப் புரிந்துகொள்ளும்போது, அவங்களுக்கும் நமக்குமான இடைவெளி குறையும். இடைவெளி குறையுநதால், நாம் அவங்களை நமக்கு சரிசமமாக நினைப்போம்/நடத்துவோம். பிறகு, இணைந்து ஒன்றாக பயணிக்கலாம்.

நம்ம ஆஸ்திரேலிய பழங்குடி மக்கள் பற்றி ஏற்கனவே கொஞ்சம் தெரிந்திருந்த போதிலும், அலுவலகத்தில் ஏற்பாடு செய்யப்பட்ட விழிப்புணர்வு பட்டறைகள் மூலம், அவர்களின் வரலாறு, வளர்ப்புமுறை, வாழ்வியல், அவர்கள் எவ்வாறு நடத்தப்பட்டார்கள்; இவையெல்லாம் அவர்களின் இன்றைய வாழ்வியலை எவ்வாறு பாதிக்கிறது என்று அவர்கள் நேரடியாக சொல்லக் கேட்டேன்.

தற்போதைய பழங்குடி மக்கள் இன்றும் பல்வேறு துறைகளில் பின்தங்கியுள்ளனர். புகை, மது மற்றும் போதை பொருட்களுக்கு அடிமைப்பட்டு, உடல்நலன் மற்றும் மனநலன் குன்றி சமூகத்தின் விளிம்பு நிலையிலே வாழ்ந்து மடிகிறார்கள். ‘அவங்க அப்படித்தான் பாஸ்’-ன்னு கடந்து போகாமல், ஆஸ்திரேலிய பழங்குடி மக்களின் வரலாற்றோடு, அவர்கள் சந்திக்கும் அன்றாட சிக்கல்களைப் பற்றி நிறைய தெரிந்துகொள்ள வேண்டியுள்ளது.

ஆஸ்திரேலிய பழங்குடியினர் எதிலெல்லாம் பின்தங்கியுள்ளார்கள், அவர்கள் சமத்துவம் அடைய இன்னும் என்னென்ன தேவை என்பதை நினைவுபடுத்த மார்ச் 17, 2022 National Closing the Gap Day கடைபிடிக்கப்படுகிறது.

எடுத்துக்காட்டாக, ஆஸ்திரேலிய பழங்குடியினர் மற்றும் டாரஸ் ஸ்ட்ரெய்ட்ஸ் தீவு மக்களின் சராசரி ஆயுட்காலம், பழங்குடியினர் அல்லாத ஆஸ்திரேலியர்களை விட 10-11 ஆண்டுகள் குறைவு.

அரசு செய்வது இருக்கட்டும். நாம என்ன செய்யலாம்?

கேப்டன் குக் (Captain Cook) வந்தபின் நடந்த வரலாற்றை (White history of Australia) மட்டுமே பள்ளிகளில் படிக்கும் நம் குழந்தைகளுக்கு, அதற்கு முன்னான ஆஸ்திரேலியாவின் முழு வரலாற்றையும் (Black and White history of Australia) கற்பிப்போம்.

சமூக நிகழ்வுகள் மற்றும் ஒன்றுகூடல்களில், ஆஸ்திரேலிய நிலத்தின் உண்மையான பாதுகாவலர்களை நாம் புரிந்து உளமார அங்கீகரிப்பதை (Welcome to Country) உறுதிசெய்வோம். முடிந்தால் அவர்களையும் அழைத்து பேச வைப்போம்.

சமூக ஊடகங்களில், ஆஸ்திரேலிய பழங்குடி மக்களைப்பற்றி அவர்களின் வரலாறு, சமூக கலாச்சாரம் மற்றும் அவர்களின் இன்றைய வாழ்வியல் சிக்கல்கள் பற்றி தெரிந்துகொண்டு உண்மையான கருத்துக்களை பகிர்வோம்.

பழங்குடியின மக்களுக்கு உரிய மரியாதையும், சமவாய்ப்புகளையும் தரும் வலுவான சமூகத்தை உருவாக்குவதற்கு அரசிடம் விண்ணப்பிக்கலாம். https://antar.org.au/closethegappledge

பெரும்பாலான துறைகளில் பின்தங்கியிருக்கும் பழங்குடியினருக்கும், மற்ற சமூகத்திற்கும் உள்ள #இடைவெளி இல்லாமல் செய்தால்தான் ஆஸ்திரேலியா ஒரு முன்னேறிய நாடு என்று சொல்ல முடியும்.

-திரு

மற்ற பதிவுகள் https://www.facebook.com/hashtag/ஆஸிதமிழன்

மேலும் வாசிக்க:

https://www.closingthegap.gov.au/

https://www.pc.gov.au/closing-the-gap-data/dashboard

https://antar.org.au/campaigns/national-close-gap-day

#இடைவெளியைக்குறைப்போம் #ஆஸ்திரேலியசமத்துவம் #அனைவருக்குமானஆஸ்திரேலியா #closethegap #closethegapday #nationalclosethegapday2022 #equalityforallaustralians #indigeneouslivesmatter #firstnationpeople #aboriginalaustralians

Dishwasher #டிஷ்வாஷர்

2021-07-19T17:43:00.001+09:30

ஆஸ்திரேலிய நகரங்களில் உள்ள பெரும்பாலான வீடுகளில், சமைத்த/சாப்பிட்ட பாத்திரங்களை கழுவும் இயந்திரமான டிஷ்வாஷர்(Dishwasher) இருக்கும். ஆனா, நம்ம ஆளுங்க யாரும் அதை உபயோகப்படுத்த மாட்டாங்க. ‘என்ன ரெண்டு, மூணு பாத்திரம்தான, அப்பப்ப கழுவிக்குவேன்’ என்று சிலரும், ‘டிஷ்வாஷர் சரியா பாத்திரத்தை சுத்தம் செய்ய மாட்டேங்குது’ என்று இன்னும் சிலரும், ‘தோ இருக்காரு பாருங்க, இவர்தான் எங்க வீட்டு டிஷ்வாஷர்’ என்று பலரும் புருஷனை கைகாட்டுவார்கள்.

நாங்க வாடகைக்கு இருந்த வீட்டில் டிஷ்வாஷர் ஒரு தடவை யூஸ் பண்ண ஆரம்பிச்சு, நேரத்தையும், தண்ணீரையும் மிச்சப் படுத்துவது பிடிச்சு போய், யூஸ் பண்ண ஆரம்பிச்சோம். அப்புறம், ‘டிஷ்வாஷர் இல்லா வீட்டில் குடியேற வேண்டாம்!’ என்றும் தீர்மானித்தோம்.

இரவு நேரத்தில் எல்லா பாத்திரங்களையும் அடுக்கி வைத்து, டிஷ்வாஷிங் மாத்திரை (dishwashing tablet) ஒன்றை போட்டு, ஆன் செய்தால், ஒண்ணரை மணி நேரத்துல சுத்தம் பண்ணி, காலங்காத்தால நமக்கு எல்லா பாத்திரமும் பளிச்சென்று இருக்கும். நல்ல டிஷ்வாஷிங் மாத்திரை இருந்தால் (CostCo-வில் கிடைக்கும் Cascade Complete Dishwashing Tablets மாதிரி), அடிப்பிடிச்ச பாத்திரத்தை கூட அப்படியே லோட் பண்ணலாம். ஒரு தடவ அலசி போடணுமுன்னு கூட தேவையில்ல.

இப்ப வாடகைக்கு வந்த வீட்டிலும், ஓனர்களிடம் அடம்பிடித்து, சின்னதா TableTop Dishwasher ஒன்றை பொருத்திவிட்டோம்.

மகிழ்ச்சியா வாழ்க்கை போயிட்டுருக்கும்போது, திடீர்னு ஒருநாள் டிஷ்வாஷர் பாத்திரங்களை சரியாக சுத்தம் செய்யாமல் முரண்டு பிடித்தது. சரி, வாங்கிய கம்பெனியிடம் புகார் அளிக்க, Operating Manual, Warranty தரவுகளைத் தேடி எடுத்தேன். ஆனா, புகாரளிச்சு கம்பெனி ஆள் வந்து பாக்க குறைந்தது ரெண்டு வாரங்களாகலாகிற நிலைமை.

சரி, ஏதாவது Easy Fix இருக்குமா என்று இணையத்தை கூகிளினேன் (இவரு பெரிய ரைட்டர் சுஜாதான்னு நினப்பு!!). டிஷ்வாஷர் சரியாக வேலை செய்ய வில்லையெனில் அதற்கு 54 காரணங்கள் இருக்கலாம் (ஸ்விட்ச் போட்டீங்களா, எலெக்ட்ரிஸிட்டி இருந்தாச்சா, தண்ணி கனெக்சன் கொடுத்தீங்களா) என்று விளக்கமாக YouTube-ல் நிறைய பேர் வீடியோ போட்டிருந்தாங்க.

அப்பதான் ஒரு வீடியோல, டிஷ்வாஷர் டேப்லெட் இல்லாம இன்னொரு பொருளும், அப்பப்ப தேவைப்படும்னு சொன்னாங்க. அது என்னென்னா “Rinse Aid”னு ஒரு திரவம். அதை வாங்கி அதை சரியாப் பொருத்தினதும், மறுபடியும் பாத்திரங்கள் எல்லாம் பள, பள பளான்னு சுத்தமாக ஆனது. இந்த Rinse Aid ஒரு மூணு அல்லது ஆறு மாசத்துக்கு ஒருமுறை, பார்த்து போட வேண்டிருக்கும்.

இந்த டிஷ்வாஷரை சரி செய்யும் வீடியோல, இருக்கும் பெரும் ஆதரவுகளை பெற்றுள்ள பின்னூட்டம் “இந்த வீடியோவுக்கு பல திருமணங்களை காப்பாற்றும் சக்தி உள்ளது!”. உண்மைதான்!

https://www.youtube.com/watch?v=Izv9UN3B5ig

-திரு

https://facebook.com/writerthiru

பறவையே, எங்கு இருக்கிறாய்!

2021-04-11T20:34:00.001+09:30

TLDR; If you merely wish for something and do nothing, you may not get it. If you seek with intent, the universe will bring it to you.

முன்னொரு காலத்துல கிம்ப்பியில் (Gympie, QLD) வாழ்ந்தப்ப, ஒரு நாள் காலங்காத்தால 6 மணிக்கு கொக்கரக்கோன்னு கோழி கூவறதுக்கு முன்னால, அந்த பறவையோட பாடலை முதல் முதலாக் கேட்டேன். குரல் ரொம்ப நல்லாவும், பாட்டு வித்தியாசமாவும் இருந்ததால, என்ன பறவையா இருக்கும்னு தூக்கத்தை மறந்து யோசிச்சேன். அந்தப் பறவை எப்படி இருக்கும்னு பார்க்க ஆசையா வந்துந்துச்சு. (கவிதை மொழியில் யாரோ ஒரு பெண்ணை உருவகப்படுத்தல ப்ரோ; சத்தியமா பறக்கிற பறவையேதான்!)

அப்புறம், காலைப்பசி வந்ததும், ஆர்வம் பறந்துபோய், இன்னொரு நாள் பாத்துக்கலாம்னு, மூக்கு புடிக்க சாப்டுட்டு, ஆபீஸ் போய்ட்டேன். இது சில, பல நாட்கள் தொடர்ந்தது. பாக்காமலே, அந்த பறவை மேல ஒரு ‘இது’. இதுன்னா, ஒரு ஆர்வம்.

ஒரு நாள், அந்தப் பறவையை அடையாளம் காண முடியுமான்னு ஆபீஸ் நண்பரிடம், கேட்டேன்.

‘பார்க்க எப்படி இருந்துச்சு?’ன்னு அவர் கேக்க;

‘பார்க்கவே இல்லையே!’ நான் சொல்ல;

‘குரல் எந்த மாதிரி பேட்டர்ன்’ன்னு திரும்ப அவர் கேட்க,

அடுத்த பதினைந்து நிமிடங்களுக்கு, அந்த பறவையின் ஒலி / பாடலை வார்த்தைகளால், உடல் மொழியால்(!?) விளக்க முயற்சித்தேன், முடியல. விட்டாச்சு!

அப்பப்ப, அந்த பறவையின் குரலை கேட்க நேரும்போது, ‘ச்சே, இந்த பறவைய எப்படியாவது கண்டுபிடிக்கணும், பார்த்துடணும்-னு’, ஆசை மட்டும் அப்பப்ப எட்டிப் பார்க்கும்; சில முறை அந்த பறவையின் குரலை பதிவு செய்யக் கூட முயற்சித்தேன்; ஆனா, அப்ப (இப்பயும்தான்!) என்னிடம் இருந்த ஸ்மார்ட்(!) போன் அந்த பறவையின் குரலைப் பதிவு செய்ய சரியாக உதவவில்லை.

11 ஆண்டுகளுக்கு பின்பு, 2020 நவம்பரின் ஒரு ஞாயிற்றுக்கிழமை, பிரிஸ்பனில் வீட்டருகே, அதிகாலைத் தூக்கத்தில், எப்போதோ கேட்ட அதே (மாதிரி) பறவையின் குரல், திரும்பக் கேட்டது. சடக்கென எழுந்து, மனைவியின் ஐபோனை எடுத்துக்கொண்டு, குரல் வந்த திசை தேடி, தோட்டத்துக்குப் பக்கமாய் ஓடினேன். பக்கத்தில் உள்ள பூங்காவிலிருந்துதான் அந்தக் குரல் கேட்டது. அந்த பக்கம் போய், தோட்ட வேலி அருகே நின்று அந்தப் பறவையின் குரலை பதிவு செய்தேன். ஒலிப்பதிவைக் கேட்டபோது, பறவையின் குரல் தெளிவாக பதிவாகி இருந்தது. மகிழ்ச்சி!

தேவியிடம் ‘இதுவரை நடந்தது என்ன?’ என்று சுருக்கமாய் விளக்கிவிட்டு, 11 வருடத்திற்கு முன்னால் ‘குரல் எப்படி இருக்கும்?’ என்று என்னிடம் கேட்டவரை Facebook-ல் கண்டுபிடித்து, இதை அனுப்பி, ‘இப்ப சொல்லுங்க பாக்கலாம்’ன்னேன். ‘நான் இருக்கிற ஊர்ல சரியான இன்டர்நெட் வசதி இல்ல. சரியா உன்னோட ஃபைல் டவுண்லோட் ஆகல’ன்னு, அவரும் எஸ்கேப் ஆயிட்டாரு. கண்டு பிடிக்க முடியல.

இந்த பறவையின் குரலை, சில பறவை அடையாளம் காண உதவும் குழுமங்களில் (Bird Identification Groups) பதிவிட்டுக் கேட்டும் யாராலும் சொல்ல முடியவில்லை. பெரும்பாலும் பறவையின் படம் போட்டு, ‘இது எந்த பறவை?' என்றால், உடனே பதில் சொல்கிறார்கள்.

எப்படியாவது இந்த தடவை, அந்த பறவையைக் பார்த்துவிட வேண்டும் என்று முடிவு செய்து, தேடலை ஆரம்பித்தேன். தினமும் அந்த பறவை ஒரு நாள் தவறாம பாடி, தூக்கத்திலிருந்து என்னை எழுப்பிவிட்டுவிடும். வீட்டில் மட்டுமல்ல; ஞாயிற்றுக்கிழமை யோகா வகுப்புகளிலும், தியானம் செய்யும்போது அந்தப் பறவையின் பாட்டு கேட்கும். தேவி ‘லைட் ஸ்லீப்பர்’, விடாமல் தொந்தரவு செய்து அவரையும் எழுப்பி விட்டுவிடும். “சீக்கிரம், அந்த பறவைக்கு ஏதாவது ஒரு பெயரை வைச்சு விடு. தினம் வந்து ‘எனக்கு ஒரு பேரு வைக்கிறயா, இல்லியா’-ன்னு வந்து தொல்லை பண்ணுது”, என்பார்.

வழக்கமா நான் தூங்கிக்கொண்டு இருக்கும் இன்னொரு அதிகாலையில், தேவி ‘கண்டேன், உன் பறவையை!’ என என்னை எழுப்பி, 400mm லென்ஸ் வைச்ச DSLR கேமராவைக் கேட்க, கொஞ்ச மாசத்துக்கு முன்னாடி, பரண் மேல் ஏறக்கட்டி வைச்ச கேமரவைத் தூக்கி கொண்டு, தோட்டத்துக்கு ஓடிப்போய் வியூஃபைண்ட்ரில் பார்க்க, ஒரு பெரிய காக்கா மாதிரி மரத்தில் உக்காந்து கொண்டு, சம்மந்தமே இல்லாத ஆழமான குரலில் பாடிக்கொண்டு இருந்தது. பூங்கா தூரமா (ஒரு 500 மீட்டர் தான்!) இருக்கேன்னு, இவ்ளோ நாளா போகாத நான், இத்தன வருடமாக் கண்ணுக்கேட்டாம இருந்த பறவையை கேமராவில் சிறை பிடிக்கலாம்-னு (போதுண்டா, வர்ணனை!), அது பறந்து போகுமுன், போய் ஓரிரு போட்டோ எடுத்தே விட்டேன்.

போட்டோவை Google Reverse Image Search-ல் போட்டதும், கிடைத்தது, இவ்ளோ வருடமா தேடிய பறவையின் பெயர் - பைட் கூராவாங் (Pied Currawong).

நம்ப முடியாத ஆச்சரியம் என்னன்னா, அந்த பறவையின் பெயர் தெரிஞ்ச பின்னாடி, அந்த பறவை வருவதில்லை; கத்துவதில்லை. இல்ல, இல்ல.. அது வந்தாலும் வரும்; கத்தினாலும் கத்தும். ஒருவேளை நாந்தான் கஷ்டப்பட்டு அந்தப் பறவையை தேடிக் கண்டு புடிச்சதால (இதை தேவி படித்தால் கெட்டுச்சு கதை!) நிம்மதியா தூங்கறேன்னு நினைக்கிறேன்!

இதன் மூலம் நான் சொல்லக்கூடிய கருத்து:

நீங்கள் எதையாவது அடைய விரும்பினால், வெறும் விருப்பம் மட்டும் போதாது; அதற்கான விடாமுயற்சி இருந்தால், இந்த உலகம், நீங்கள் விரும்பியதை உங்களிடம் கொண்டு வந்து சேர்க்கும்.

-திரு

https://facebook.com/writerthiru

ஒரு Deadly Story சொல்லட்டுமா

2021-04-01T18:24:00.006+10:30

ஆஸ்திரேலிய அபாரிஜினல்ஸ்தான் (Australian Aboriginals - பழங்குடி மக்கள்) ஆஸ்திரேலிய நாட்டின் உண்மையான மண்ணின் மைந்தர்கள். அபாரிஜினல் பலர், போதைப் பழக்கத்துக்கு அடிமைப்பட்டு இருப்பதை கவனிச்ச ஆஸ்திரேலிய அரசு, போதை எவ்வளவு ஆபத்தானதுன்னு சொல்ல ஒரு விழிப்புணர்வு பிரச்சாரத்தை ஆரம்பிச்சது.

பழங்குடி மக்கள் அதிகமா வாழ்கிற பகுதிகளில், பெரிய பெரிய விளம்பர பலகைகள் வைத்து அவர்களுக்கு புத்தி சொல்ற மாதிரி “DRUGS ARE DEADLY” என்று வாசகங்களை CAPITAL LETTERS-ல் எழுதி, லைட் எல்லாம் போட்டு வைத்தனர். ஆஸ்திரேலிய அரசின் பொறுப்பான இந்தச் செயலை மகிழ்ந்து பாராட்டாமல், இதைப் பார்த்து மிகுந்த எரிச்சலானார்கள், பழங்குடி இனத்தவரின் மூத்த குடிமக்கள். இல்லியா, பின்ன? பழங்குடியின் இளையோர் “deadly” என்ற ஆங்கில வார்த்தையை “excellent”, “cool”, “super” என்ற அர்த்தத்தில் உபயோகிப்பார்கள். உதாரணத்துக்கு சில: “you look deadly, man”, “that’s a deadly idea”. நாம “மரண மாஸ்”, “கொன்னுட்ட போ!” என்று சொல்லுவோமில்ல, அந்த மாதிரி. உள்ளூர் பழங்குடியின சமூகத்துடன் எந்த முன்ஆலோசனையும் செய்யாமல் “Drugs are super cool” என்ற எதிர்கருத்தை விளம்பரம் செய்து மொக்கை வாங்கிய அரசின் நடவடிக்கைதான் Consumer Consultation எவ்வளவு முக்கியம் என்று காண்பித்தது. அபாரிஜினல் நகைச்சுவை பேச்சாளர் (aboriginal standup comedian) கெவின் க்ரோபினேரி (https://www.facebook.com/KevinKropinyeri), ஒரு நிகழ்ச்சியில் சொல்லி, நான் கேட்டது.

ஒருவளை நீங்கள் மெல்பனில் வசித்தால் கெவின் க்ரோபினேரி, வரும் ஏப்ரல் 6 முதல் 18 வரை நடக்கும் மெல்போர்ன் நகைச்சுவை விழாவில் நிகழ்ச்சி நடத்துகிறார். 100% சிரிப்புக்கு நான் கியாரண்டி!

https://www.comedyfestival.com.au/2021/shows/kevin-kropinyeri

-திரு https://facebook.com/writerthiru #தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை #AboriginalComedian #StandupComedy #DeadlyComedy #மரணகாமெடி #காமெடி #ஆஸ்திரேலிய #ஆஸ்திரேலியபழங்குடி

Faith and Miracle - Stories of two moms

2021-03-25T19:10:00.006+10:30

  Image by cynthia_groth from Pixabay

#Faith #Australia

‘Is there a story behind your name?’, I asked. ‘Indeed, there is!’, replied my colleague. 

When my colleague’s mother was pregnant with her, the doctors advised the mother not to proceed with the baby as the baby had ‘some’ complications and may not survive a full-term and it is risky to go ahead with the baby. 

Her mom replied, ‘No, I have faith in my baby and she will survive!’ (By the way, in Australia, it is okay to know the sex of the baby before birth) and went ahead with the baby and delivered a healthy, full-term baby. 

The Australian mom named her baby, “Faith”. 

#Miracle #India

The baby was in a breech (abnormal) position for birth and the chances of a normal delivery seemed remote. As the baby is also a premature one, the doctors informed the mother, that if it is going to be a C-section, it is tricky and they will isolate and observe the baby for few days in a separate room. 

They further added, “Let us wait for a couple of hours and if the baby does not align to a fetal (normal) position, we will do a C-section”.

The mother spoke to the child, ‘my dear baby, please change your position and be ready for normal birth. If not, it is going to be a risky C-section and mom may not be able to touch you, hold you for a few days’. 

Within few hours, as the mother requested, the baby turned 180 degrees and it was a normal birth. The Indian mom named her daughter, “Karishma” (‘Miracle’ in Sanskrit language).

Miracles do happen when you have faith.

Credits to the moms. Any errors and omissions are mine.

-Thiru 
https://www.facebook.com/fbthiru

#mother #birthstories #babybirth #motherhood #momsandbubs #personal

QTM குயீன்ஸ்லாந்தின் முத்தமிழ் விழா

2021-03-19T19:09:00.000+10:30

குயீஸ்லாந்தின் முத்தமிழ் விழா

நன்றி!

‘நீங்க தான் நல்லா எழுதுவீங்கல்ல? இன்றைய நிகழ்ச்சி பற்றி சின்னதா முகநூலில் எழுதி போடுங்களேன்’ என்று நம்பிக் கேட்டுக் கொண்ட திருமதி. டாக்டர் வாசுகி Vasugi Nadarajah Sithirasenan அவர்கள். இதோ எழுதிட்டேன்.  என்ன, எழுதி, வெளியிட, கொஞ்சம்  தாமதமாயிடுச்சு (after all, just 496 days!). மன்னிக்க!

கொஞ்ச நாளைக்கு முன்னாடி காலங்காத்தால ஒரு சந்தேகம். இசைத்தமிழ், நாடகத்தமிழ் தெரியும்: ஆனா இயல் தமிழ்-னா என்னன்னு. அப்புறம் நமக்கெதுக்கு அதெல்லாம் என்று காலைச் சிற்றுண்டி சாப்பிடப் போய் மறந்து போனேன்.

நல்ல வேலையாக, முத்தமிழ் பற்றியும் தெரியாதவர்களுக்காக இயல் (இயல்பாக நாம் பேச, எழுத பயன்படும் தமிழ்), இசை (பாடுவதற்கு ஏற்ற/ பாடும் தமிழ்) மற்றும் நாடக (இது டிராமா தமிழ் அல்ல… ஆடல் கலையை வளர்க்கும் கூத்து/நடனத்துக்ககான தமிழ்) தமிழ் மொழிகளை விளக்கிச் சொல்லி குயீன்ஸ்லாந்து தமிழ் மன்றத்தின் (Queensland Tamil Mandram) முத்தமிழ் மாநாட்டை தொடங்கி வைத்தார்கள். நன்றிகள்!

பொதுவாக இந்த மாதிரி இலக்கிய விழாக்கள் தொடங்கும்போது, வாத்திய கோஷ்டி ஒன்று வந்து மங்கள இசை பாடி, தாலாட்டி தூங்க வைப்பார்கள் என்று கேள்விப்பட்டிருக்கிறேன். அப்படியெல்லாம் இல்லாமல் ‘Starting with a bang’ என்று தமிழ்த்தாய் வாழ்த்து, QTM தலைவர் வாசுகியின் வரவேற்புரை,  பாரதியாரின் சின்னஞ்சிறு கிளியே பாடல், மன்றத்துடன் குறள் (Kural with QTM) பகுதியில் சிறுவர்- சிறுமியர் வந்து அவர்களுக்குப் பிடித்த திருக்குறள்களை சொன்னார்கள். 

ஒரு நாலு வயசு சிறுவன் வந்து நாலுக்கும் அதிகமான திருக்குறள்களை அதன் பொருளுடன் சொல்லி அசத்தி, ‘எனக்கு எத்தனை குறள் தெரியுமென்று’ எண்ண  வைத்தான். 

பிரிஸ்பன் தமிழ்ப் பாடசாலை மாணவர்கள் வழங்கிய வில்லுப்பாட்டு மிக அருமை. ஆங்கில மொழிச் சூழலில் வளரும் நாம் ஏன் தமிழ்ப்பள்ளி செல்லவேண்டும், தமிழ் படிப்பதால் என்ன பயன் என்று விளக்கி பாடினார்கள். 

இரண்டே வாரத்தில் பயிற்சி செய்து அகத்தியர் நாடகத்தை அரங்கேற்றிய தாய்த் தமிழ்ப்பள்ளி மாணவர்கள், பறை இசை முழங்கிய கலைஞர்கள், கவிதைகள் படித்த கவிஞர்கள், சிலம்பம் விளையாட்டுகள் என்று கண்டு, களிக்க அருமாயான நிகழ்ச்சிகளைக் கொண்டு தொகுத்து இருந்தார்கள். 

பட்டிமன்றம் - தமிழ் வளர்ப்பதில் பெரும் பணி தமிழ்ப்பள்ளிகளுக்கா? அல்லது மற்ற தமிழ் அமைப்புகளுக்கா என்று தலைப்பு. தமிழ்ப்பள்ளிகள் இல்லாததால்தான் Fiji, West Indies போன்ற நாடுகளில், வாழும் தமிழர்களுக்கு,  தமிழ் பற்றிய அறிமுகமே ஏற்படுவதில்லை என்று ஒரு தரப்பு வாதாடினர். ‘அ’ ன,  ‘ஆ’ வன் வேணா தமிழ்ப் பள்ளிகள் சொல்லிக் கொடுக்கலாம், அப்புறம் வாழ்நாள் முழுக்க தமிழ் பழக வாய்ப்புகளை  qtm, taq, 4eb  போன்ற தமிழ் அமைப்புகள்தான் உருவாக்கி  தமிழ் வளர்க்கின்றன என்று இன்னொரு தரப்பு. 

சரி, தமிழ் வளர்ப்பதில், யார் பெரும்பங்கு வகிக்கிறார்கள் என்று முடிவை தெரிந்துகொள்ள,  பட்டிமன்ற நடுவர் திருமதி. லலிதா அவர்களின் உரையை ரொம்ப எதிர்பார்த்தோம். இரண்டு தரப்பு வாதங்களின் சுருக்கங்களையும் சொல்லிப் பாராட்டிவிட்டு, தமிழ் வளர்ப்பதில் பெரும்பங்கு, இங்கு வளரும் குழந்தைகளின் பெற்றோர்களுக்கே என்று எதிர்பாரா திசையில் (Out of the court) பந்தை  திருப்பிவிட்டுக் கைதட்டல்களை அள்ளினார். 

திரு. சங்கர் அவர்கள், நிகழ்ச்சித் தொகுப்பு செய்தார். இரவு உணவும் மலிவான விலையில் தரமாக, சுவையுடன் இருந்தது! 

விழாவுக்கு நேரில் வராத தமிழார்வலர்களுக்காக வீடியோவாக பதிவு செய்து வெளியிட்டால் நல்லா இருக்குமே என்று நினைத்தேன். சித்திரசேனன் (@

J&J studio Lebon Photography Australia)

(https://www.facebook.com/JJ-studio-Lebon-Photography-Australia-951135845084743/) இணைந்து வெளியிட்டுவிட்டனர். 

முத்தமிழ் விழாவை தவற  விட்டிருந்தால், யுட்யூபில் காணொளிகள் உள்ளன. இணைப்புகள்,  இதோ பகுதி வாரியாக.

பாடல் - பிரசிதா கார்த்திக்
குறள் நேரம்
நடனம் - பிறிஸ்பேன் தமிழ்ப் பாடசாலை
நாடகம் - தாய்த் தமிழ்ப் பள்ளி
வில்லுப்பாட்டு - பிறிஸ்பேன் தமிழ்ப் பாடசாலை
பாடல் - லெட்ஸ்மா ஈஸ்வர்
கவிதை - தமிழ்
நடனம் - அதிதி மனோகரன் 
கவிதை - கீழடி
சாதனைத் தமிழர்கள்
நடனம் - வலன்டீனா ரவிராஜ் 
ஐயை - திரை முன்னோட்டம்
சிரிப்போம் சிந்திப்போம் 
சிலம்பம் - தாய்த் தமிழ்ப் பள்ளி
பறையிசை
பட்டிமன்றம் 1
பட்டிமன்றம் 2
பட்டிமன்றம் 3
பட்டிமன்றம் 4
 

QTM நடத்தும் அடுத்த தமிழ்நதி நிகழ்வு மார்ச் 21, 2021 நடை பெற இருக்கிறது. இதைப் படிக்கிற நீங்களும் கலந்துகொள்ள வேண்டுகிறேன்.  

வாழ்க குயீன்ஸ்லாந்து தமிழ் மன்றம்! வளர்க தமிழ்!!!

#QTM #குயீன்ஸ்லாந்து ##QueenslandTamils  #TamilCommunity #தமிழ் ##தமிழ்வளர்ப்போம்  #ஆஸ்திரேலியா

Bitcoins, Dogecoins and other crypto coins: my views

2021-03-10T13:38:00.001+10:30

Meme courtesy via The Crypto Dog

On the Christmas Day 2017, one of my friend was talking about BitCoin, the popular cryptocurrency, and how it costed A$18,000 to buy one. He wished he had bought a BitCoin when it was still trading for $4000. In 2018, BitCoin rose to $23,000 and fell back to $4300 just before Christmas 2018 (surprise!) and I asked him again, if he would buy it this time. He replied, 'No, mate. I will wait until it gets to a further low; who knows what it might be worth in few months time?'. He never bought any and I cant fault him. Nobody knows how low/high a BitCoin can get to. By the way, as of today, buying one BitCoin will set you back $71K!

Based on my own 4-year experience, I share my Crypto learnings here. I am not a financial adviser or Crypto expert and these are my own views. Do your own research before investing.

Crypto currencies = Lottery. In Lottery, it is either an instant win or instant loss. With Crypto, it could be the same, but takes a while. With Crypto, you can cash out if you are clever and not too greedy. Unfortunately, in both cases, many people lose money while some take the 'winnings'.

All crypto currencies including BitCoin(BTC), can technically crash to zero as they are not endorsed, guaranteed by a Government or another agency. For instance, normal paper currency is backed by Government, it will fail only if the Government declares bankruptcy, that is technically possible too. In case, if Government decides to enter Crypto world, they would most likely develop their own crypto currency. After all, they are the governments and they can make the rules to govern it.

It seems that any capable techie can create a new crypto coin. This means that the cryptocoins that are trusted by majority will live and gain traction. BitCoin being one of the first-movers and as a popular one in the market, ever Tom and Harry are betting on it. When crypto market crashes, probably, BitCoin will hit zero, the last. Crypto currencies will live as long as people have trust in crypto.

My approach with Investing in Crypto is that ask yourself 'If you lose the money that you invest, will you be happy and carry on with your life?' Invest only that much money. For me, it is $50 per quarter roughly, it might be $5 or $500 for you. When investing in chunks of $50, I assume I am spending on a restaurant meal and would not see that money ever again. When I invest, I plan to leave it for a long time, at least 10 years or until a point where my I can exit with what I invested.

Next, I do not follow Crypto market/news at all and I do not have time to read and track all the 985+ crypto coins. So, I diversify my little investments. Using the $50, I buy as many newly-listed, bottom-of-the-chain coins that costs less than a dollar. Sometimes, I would my $50 buys 30 different crypto coins (E.g BitCoin, Ethereum, Steem, DogeCoin) or more. I just buy 1 coin each or part of a coin worth $1.

Some of those little-known coins, that I bought have vanished from the market. They basically lost the trust from investors and hence marketplace removed them. There went my $1 and $2 sums of money. I am happy because my investment is only a couple of hundred an year. That's my comfort level for investing in lotteries, sorry, Crypto.

To report success, I bought 5000 DogeCoins (the dog currency) for $30 in March 2018, they were worth $313 in Feb 2020. More on that, later in this article. There is another one, I bought 5 LINK/CHAINLINK coins for $2.9 in Feb 2019 and it is now worth $212. I have no idea how it went up so high.

Here's the most obvious and most important bit of information. You make money when you sell a crypto coin that you bought. With the DogeCoin or LINK, I can cash them now when I feel I have had enough profit/loss. This (when to exit) is something, as an investor, you would learn as you go. What if the DogeCoin hits $30,000 or what if it crashes to zero. As I did not invest large amounts, I am prepared to wait for long time. Of course, when you cash out, you must declare the profit and pay the taxes. Tax office is watching how much you spent and how much got back.

So, the summary: Do NOT not invest your life savings in CryptoCurrencies, definitely, do not borrow to invest in Crypto; when you lose borrowed money, you lose the money twice. Buy fractions of popular coins and/or any coins that are less than $1 and hope they go up in value.

If you think what if your grown-up son/daughter in 2033 would say, 'Mom, I wish you had bought some of the Bitcoin when it was $65k, look now it is $340K', buy a fraction of BTC for the money that you are not afraid to lose now. At the time of writing, $50 buys 0.00074844 BTC. Don't be greedy to buy a whole BTC now at today's price of 65k. The same grown-up son/daughter should not say, 'Dad, I really wish you had not spent that $65K for 1 BitCoin in 2021, for now the BTC is no more and you could have invested that $65K on my Uni degree!'. Assuming 65K can still get a Uni degree in 2033! If you choose to sit on the fence and not bother about Crypto currencies, that's absolutely fine too.

If you want to make quick money in Crypto, follow Elon Musk on Twitter. He seems to influence the crypto market by simply tweeting a Dog picture - the reason why DogeCoin (the dog currency) sky-rocketed in Feb 2020.

One of the main reason why I was able to buy so many diverse coins for such small amounts is because of CoinSpot (referral link in the first comment), the Australian-based currency trading platform. They charge me only 1% commission which means I pay 0.01 if I buy $1 worth of a crypto coin. To compare this with a Share trading platform like CommSec-the Commonweath Bank's Share Trading Platform, when I buy a share with CommSec, they charge me $19.95 commission per transaction and I wouldn't be buying a $1 share and certainly not many such $1 shares. By the way, I talked about CommSec for illustration purpose only, you can not buy Crypto Coin from CommSec.

You may ask what about the 'Bob from UK who forgot his crypto password and so lost his millions of BitCoins', yes, that's a different kind of physical device wallet to store your crypto currencies where no recovery is possible except with the correct password. I did not go that path and neither should you, unless you know what you are doing!. With trading platforms, your crypto coins are in a digital wallet, you can reset the password and Two-Factor Authentication etc.

If you are thinking to invest in Crypto currencies, you can join CoinBase, a digital currency exchange based in SFO California, we’ll both receive A$12.88 in Bitcoin when you buy any digital coins worth A$128.81 or more on Coinbase. https://www.coinbase.com/join/ponnus_7ow

For Australian readers, you can easily register yourself with CoinSpot. If you want a gift of $10 worth of BitCoin, use the following referral we will both receive $10 worth of Bitcoin each when you complete your first AUD deposit. Referral code EW14MT or Invite Link — https://www.coinspot.com.au/join/EW14MT

Thank you for reading! I hope you got some idea on Crypto Currency now. Ask your questions in comments, I am not an expert and will try to answer as best as I can.

P.S:- Do not ask me what will be the price of X crypto coin in 2033, I have no idea :-)

Moustache + November = மொவம்பர்

2020-12-08T11:11:00.003+10:30

நவம்பர் மாதம் வந்தவுடன், பார்ப்பவர்களை பயமுறுத்தும் வகையில் கிடா மீசை வைப்பது வழக்கம். இந்த வருடம் வைக்கலாமா-வேணாமா-வேணாமா-வைக்கலாமா என்று இங்கி-பிங்கி போட்டு பார்த்து வைத்தாகிட்டது (யார்றா அது, அதுக்குள்ள, போட்டோ கேக்கறது? பார்க்க!).

இந்த கிடா மீசையை விட, பயமுறுத்த இன்னும் பயங்கரமான புள்ளி விவரங்கள் உள்ளன.

15–44 வயதுள்ள ஆஸ்திரேலிய ஆண்களின் (தடுக்க முடிகிற) இறப்புகளுக்கான முதன்மை காரணம் - தற்கொலை.

ஆஸ்திரேலியாவில் சராசரியாக, ஒவ்வொரு நாளும் சுமார் 6 ஆண்கள் தற்கொலை செய்து கொண்டு இறக்கின்றனர்.

என்ன காரணம் என்று தெரிய வேண்டுமெனில், ManUp! என்ற டாக்குமென்டரியை பாருங்கள்.

2003-ஆம் ஆண்டில், மெல்பர்னில், வழக்கமா பீர் அருந்திக் கொண்டிருந்த இரு தோழர்கள் (Bros), ‘இப்பல்லாம் ஆண்கள் மீசை (Mo - moustache) வளர்ப்பதே இல்லை’ என்று அவர்களுக்குள் கேட்க ஆரம்பித்து, திரும்பவும் முறுக்கு மீசையை ஃபேஷன் ட்ரெண்டாக மாற்ற, ‘மாத்துவோம்-எல்லாத்தையும்-மாத்துவோம்’-னு செய்த முயற்சிதான் மொவம்பர்.

அவர்களுக்குத் தெரிந்தவரின் அம்மா ஒருவர், பெண்களின் மார்பக புற்று நோய்க்கு நிதி திரட்டியதை இன்ஸ்பிரஷனாகக் கொண்டு, ஆண்களின் உடல்நலம், மனவளம் (Physical and Mental wellbeing) மற்றும் புரோஸ்டேட் புற்றுநோய் (Prostrate Cancer) குறித்து விழிப்புணர்வு ஏற்படுத்தவும், அவை தொடர்பான ஆராய்ச்சிகளுக்கு நிதி திரட்டவும் மொவம்பர் (Movember) திட்டத்தை வடிவமைத்தனர். மீசை வளர்க்கும் ஆண் மோ ப்ரோ (Mo Bro); மொவம்பர்க்குல் பங்கேற்கும் பெண் - மோ சிஸ்டா (Mo Sista).

மூவம்பரின் மூன்று முக்கிய விதிகள் (இப்ப அஞ்சாயிடுச்சி!) மற்றும் ஒவ்வொருத்தரும் குறைந்தது பத்து டாலர்கள் வசூலிக்க ஒப்புக்கொள்ள வேண்டும். முதல் வருடத்தில் 30 மோ பிரதர்ஸ் மீசை வளர்த்தார்கள்; சென்ற வருடம் உலகம் முழுவதும் 400,000 மோ பிரதர்ஸ் பங்கேற்று 121 மில்லியன் ஆஸ்திரேலிய டாலர்கள் திரட்டினர்.

முதல் விதி

Movember.com-ல் பதிவுசெய்ததும், சுத்தமான ஷேவ் செய்த முகத்துடன் நவம்பர் முதல் தேதி தொடங்கவேண்டும்.

இரண்டு விதி

மூவ்ம்பர் மாதம் முழுவதும் மீசையை வைத்திருக்க வேண்டும்.

மூன்று விதி

தாடி, கோட்டி (Goatee) மற்றும் போலி (fake stickers) மீசைகள் கணக்கில் வரா.

நான்கு விதி

என்ன புதுசா மீசை வைச்சுருக்கீங்கன்னு கேட்டா (யாராவது கேட்டாதானே!), ஆண்களின் உடல், மன நலன்களைப் பற்றி பேச வேண்டும்.

ஐந்தாம் விதி

ஒவ்வொரு மோ ப்ரோவும் ஒரு சிறந்த ஆணாக (True Genteman) நடந்து கொள்ள வேண்டும்.

மொவம்பர்க்கு நன்கொடை நல்கும் உள்ளங்களுக்கான இணைப்பு. தங்கள் நன்கொடைக்கு நன்றி!

Art of Gardening - எங்க வீட்டுத் தோட்டம்

2020-09-25T15:59:00.000+09:30

TLDR; Gardening is a hobby that offers a holistic, therapeutic, joyful and rewarding experience. If you would like to experience magic, plant a seed, nurture it and see the first flower/fruit get produced.

சுருக்கம்: தோட்டக்கலை என்பது உங்களுக்கு ஒரு மகிழ்ச்சியான, ஆரோக்கியமான அனுபவத்தை வழங்கும் ஒரு பொழுதுபோக்கு. நீங்கள் ஒரு அதிசயத்தைக் காண விரும்பினால், ஒரு விதை யை நட்டு, பராமரித்து, அது செடியாக வளர்ந்து மலர் / பழம் / விளைபொருளாய் உருவாவதைக் காணுங்கள்.

ஆஸ்திரேலியா வந்த புதுசுல இங்கே உள்ள வீட்டுத் தோட்டங்களையெல்லாம் பார்ப்பேன். அழகான பூக்களோ, பறிச்சு சாப்பிட ஒரு பழம், காயோ இல்லாம இருக்கிற செடி, கொடிகளைக் காட்டி, 'பாத்தீங்களா, எங்க தோட்டம் எவ்வளவு அழகா இருக்கு'ன்னு சொல்லுவாங்க, உள்ளூர் ஆஸ்திரேலியர்கள். 'ஏம்மா, இதெல்லாம் ஒரு தோட்டமமா'ன்னு சிரிப்பு வரும். இந்த செடி கொடிகளுக்கா மாங்கு, மாங்கென்று வார இறுதி நாட்களில் உழைக்கிறார்கள் என்று தோணும்.

கொஞ்ச மாதங்களுக்கு முன்னால ஒரு மரப்பண்ணைக்கு (plant nursery) போயிருந்தோம். அங்குதான், இங்கே வளர்கிற, இந்த மண்ணுக்கே உரிய உள்நாட்டு செடிகொடிகள், எப்படி சுற்றுச்சூழலை பாதுகாக்குதுன்னு காமிச்சாங்க. எந்த செடிகளை வச்சா, தேனீ, பட்டாம்பூச்சி, புழுக்கள், மற்றும் பறவைகள் உங்க வீட்டுத் தோட்டத்துக்கு வரும்னெல்லாம் விளக்கமா சொன்னாங்க. ரொம்ப பிரமிப்பா இருந்தது.

உதாரணத்துக்கு, எங்க வீட்டுத் தோட்டத்தில ஒரு தென்னமரம் மாதிரியான ஒரு Palm Tree இருக்கு; அது எப்ப பார்த்தாலும் பாளை விட்டு, கீழே உதிர்த்து கொண்டே இருக்கும். இதனால என்ன உபயோகம் (நமக்கு!) என்று யோசிச்சிருக்கேன். ஆனா, அம்மரம் பூக்கள் பூக்கும் சமயத்தில் மட்டும் ரெயின்போ லோரகீட்ஸ் (Rainbow Lorikeets - பஞ்சவர்ண கிளிகள்) பறவைகள், பூக்களில் தேன் குடிக்க வரும். பார்க்க அவ்ளோ அழகா இருக்கும். அட, இந்த மரத்துக்குள்ளேயும் ஏதோ இருந்திருக்கு பாருங்களேன்.

நமக்குத் தேவையான காய்கறி செடிகள் நட்டாலும், இந்த தேனீக்கள்/பறவைகள் உதவி இல்லாமல் காய் காய்க்காதுன்னு, சின்ன வயசுல அறிவியல் புத்தகத்தில் படிச்சது நினைவுக்கு வந்துச்சு.

தோட்டத்தில் சில ஸுக்கினி (Zucchini) செடிகள் வைச்சோம். அந்த செடியில், ஆண் மலர், பெண் மலர்ன்னு தனித்தனியா மலரும். மகரந்தச் சேர்க்கை நடந்தாதான், அந்தப் பெண் மலர், காய் பிடித்து ஸுக்கினி காய்க்கும். இல்லன்னா அப்படியே பட்டுப் போய்டும். மகரந்தச் சேர்க்கைக்கு தேனீக்கள் வந்து உதவி பண்ணலண்ணா, நீங்களே அந்த பூக்கள் இரண்டையும் சேர்த்து மகரந்தச் சேர்க்கை செய்யணும். ஒரு செடி, இரண்டு செடினா பரவாயில்ல. ஒரு பெரிய தோட்டம் முழுக்க காய்க்க வைக்க இப்படி செய்யணும்னா, எவ்வளவு கஷ்டமான வேலை இல்ல?

என்ன செய்யணும்னா, உங்க தோட்டத்தில லாவண்டெர் (Lavender) செடி வைச்சா போதும், தேனீக்கள் வரும், ஸுக்கினி காய்க்கவும் உதவி செய்யும். அழகான, நறுமணம் வீசும் லாவண்டெர் பூக்களும் கூடுதல் மகிழ்ச்சி தரும்.

நாங்கள் வசிக்கும் வீட்டின் உரிமையாளர் தக்காளி, புதினா, கத்தரி, வெண்டைக்காய், பாகற்காய், கீரைகள் என்று நிறைய செடிகளை தோட்டத்தில் பராமரித்து வந்தாங்க அதுக்கு அப்புறம் இந்த வீட்டுக்கு குடி வந்த ஆஸ்திரேலிய குடும்பம் எந்த செடியும் வைக்கல.

நாங்க குடி வந்த உடனே தேவி தோட்டவேலை ஆரம்பிச்சார் (வீட்டு உரிமையாளர் அனுமதியுடன்தான்!). சென்ற வருட கோடை காலத்தில் செடிகள் சரியாக முளைக்காமல் போக, தோட்டவேலை கொஞ்சம் சுணக்கமாய் இருந்தது. பொங்கலுக்கு அப்புறம் வந்த மழையால், அப்புறம் ஊர்ல இருந்து மாமனார், நிறைய தோண்டி, கொத்தி, களைகளை எடுத்து, பதப்படுத்தி, தினமும் தண்ணீர் விட்டுக்கொண்டு இருந்ததால இப்ப தோட்டம் ரொம்ப சிறப்பா, செழிப்பா இருக்கு.

இப்ப தோட்டத்தில் தக்காளி, கத்தரி, மஞ்சள், வெங்காயம், பாகற்காய், துவரை, லெட்டஸ் (lettuce), உருளை, காளி பிளவர் (cauliflower), சக்கரவள்ளி கிழங்கு, கேள் (kale) கீரை, புதினா, பெஸில் (basil); பூக்கள் - சங்குப்பூ, வாடா மல்லி, சாமந்தி, சூரியகாந்தி இதெல்லாம் நல்லா மகிழ்ச்சியா காய்த்து/பூத்துக் கொண்டு இருக்கின்றன.

கொரோனா காலத்தில், நம்ம வீட்டுத் தோட்டத்துக் காய்களைப் பறித்து சாப்பிடுவது நல்லா இருந்தது. உயிர்கொல்லி போடாம வளர்த்தது இன்னும் மகிழ்ச்சி. காய்கறிகள் சமைக்கும்போது தண்ணீர் விடாமல் சுவையாகவும் இருந்தன.

இந்த வீட்டில் மட்டுமல்ல, இதை விட சின்ன தோட்டங்கள் உள்ள வாடகை வீடுகளிலும் இருந்திருக்கோம். அப்பவும் தேவி, சின்னச்சின்ன தொட்டிகளில் வளர்த்துக்கொண்டுதான் இருந்திருக்கிறார்.

பின்குறிப்பு: ஆமா, உங்க வீட்ல இருக்கவங்க இவ்ளோ பண்றாங்களே, நீ என்ன பண்றேன்னுதானே கேக்கறீங்க? விளைஞ்சத நல்லா சாப்பிட்டுவிட்டு, போட்டோ, வீடியோ எடுத்து உங்களுக்குக் காட்டறனே, அது போதாதா?

-திரு.

#தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை #அறிவியல் #தோட்டம் #தோட்டக்கலை

Queensland Elections 2020 குயின்ஸ்லாந்து மாநில தேர்தலில் போட்டியிடும் தமிழர்

2020-09-25T09:35:00.006+09:30

முன்குறிப்பு: இதை என்னுடைய சொந்த கருத்து மட்டுமே. நான் சார்ந்திருக்கும் நிறுவனங்களின் கருத்து அல்ல.

‘உலகத் தேர்தல்களில் முதன்முறையாக, அமெரிக்க தேர்தலில் ஒரு தமிழர் போட்டி', 'இங்கிலாந்து தேர்தலில் வென்ற தமிழர்' என்று செய்திகள் பார்க்கும்போதெல்லாம் ‘பரவாயில்லையே, தமிழ் நாட்டிலேர்ந்து நம்ம ஆளு ஒருத்தர் போய், அந்த நாட்டுல போட்டி போடறாங்களேன்னு ஒரு நிமிடம் பெருமையா இருக்கும். ஆனா, பக்கத்திலே வெள்ளைக்கார போட்டோவைப் போட்டு 'இவருதான், அவரு'னு இருக்க படத்தை பார்த்தால் 'அடச்சை, இவரயா நினைச்சு பெருமைப்பட்டோம்' என்றாகிவிடும்.

இப்ப ட்ரெண்டிங்-கில் இருக்கும் அமெரிக்க சித்தி கமலா ஹாரிஸ் மிகச்சிறந்த உதாரணம். ம்ம்ம்ம்..இல்லாத ஊருக்கு, இலுப்பை பூ தான் சர்க்கரை.

அக்டோபர் மாதம் 31ம் தேதி நடக்க இருக்கும் குயின்ஸ்லாந்து மாநில சட்டமன்ற தேர்தலில் போட்டியிடும் தமிழர் திரு. பழனிச்சாமி (@PalaniForMaiwar) அவர்கள் தமிழ் நாட்டில், மதுரைக்கு அருகிலுள்ள அருகிலுள்ள புதுக்கோட்டையில் பிறந்து வளர்ந்து, பின் ஆஸ்திரேலியாவுக்கு புலம் பெயர்ந்தவர். தற்போது ஆட்சியில் இருக்கும் தொழிலாளர் (லேபர்) கட்சி சார்பில், மேவார் தொகுதியில் போட்டியிடுகிறார். இதுவரை, மெல்பன் (விக்டோரியா), ஸிட்னி (நியூ சவுத் வேல்ஸ்) பகுதிகளில் தமிழர்கள் தேர்தல் களத்தை சந்தித்துள்ளனர்; இம்முறை குயின்ஸ்லாந்தில்!

நடுகுறிப்பு: மேவார் தொகுதியின் கீழ் வரும் புறநகர் பகுதிகள்: மவுண்ட் கூட்-தா (Mount Coot-Tha), பார்டன் (Bardon), ஆக்கன்ப்ளவர் (Auchenflower), டூவாங் (Toowong), தரிங்கா (Taringa), இந்தூரூபில்லி (Indooroopilly), செயின்ட் லூஷியா (St Lucia) மற்றும் ஃபிக் ட்ரீ பாக்கெட் (Fig Tree Pocket).

தனிப்பட்ட முறையில் எனக்கு அவரை கொஞ்சம்தான் தெரியும்.

திரு. பழனிச்சாமிக்கு கிடைத்திருக்கும் இந்த வாய்ப்பு அவரின் கடுமையான உழைப்புக்கும், அர்ப்பணிப்புக்கும் கிடைத்த பலன் என்பதில் சந்தேகமில்லை.

அதே வேளையில், இது பல்லின மக்களிடையே, குறிப்பாக இந்திய, தமிழ் மக்களிடயே உள்ள ஒற்றுமை/இணக்கத்துக்கு வைக்கப்பட்ட ஒரு சவால். இந்த வாய்ப்பை தந்ததின் மூலம், உள்ளூர் அரசியல்வாதிகள் நம்மை உன்னிப்பாகக் கவனிக்கிறார்கள் என்று தெரிகிறது. லேபர் கட்சி, நாட்டின் இரண்டு பெரிய கட்சிகளில் ஒன்று (மற்றொன்று லிபரல் கட்சி).

திரு. பழனி அவர்கள் பெறப்போகும் வாக்குகள், வரும் காலத்தில் உள்ளூர் அரசியல் களத்தில் காலூன்ற நினைக்கும் குயின்ஸ்லாந்துவாழ் பல்லின/இந்திய/தமிழ் மக்கள் அனைவருக்குமான நம்பிக்கை விதைகள்.

திரு. பழனி அவர்கள், இந்த தேர்தலில் மாபெரும் வெற்றிபெற்று, பல்லின மக்களுக்கு ஒரு நல்ல முன்னுதாரணமாக சிறக்க வாழ்த்துகள்.

ஆஸ்திரேலிய குடியுரிமை வாங்கி இருந்தால், தவறாமல் உள்ளூர் அரசியலில் பங்கெடுங்கள்.

பின்குறிப்பு: தமிழர் என்பதற்காக மட்டும் வாக்களிக்க மாட்டீர்கள் என்று தெரியும்; நல்ல சட்டமன்ற உறுப்பினராக திரு. பழனி அவர்கள் வருவாரென்று நீங்கள் நினைத்தால் தங்கள் ஆதரவை அளியுங்கள்.

-திரு

மற்ற பதிவுகள் https://www.facebook.com/hashtag/ஆஸிதமிழன்

facebook.com/#ஆஸிதமிழன்

Anniversary Surprises

2020-07-31T12:28:00.000+09:30

ஆனிவர்ஸரிகளும் யூடியூப் அலப்பறைகளும்

பர்த்டே ஸர்ப்ரைஸ், ஆனிவர்ஸரி ஸர்ப்ரைஸ், ஷாப்பிங் ஹால் (Hall இல்ல Haul!) என்று ஏகப்பட்ட யூடியூப் அலப்பறைகள் (யூடியூப் அலப்பறைகள்- copyrighted).

அன்னைக்கு ஸ்பெஷல் டே என்று ஏற்கனவே தெரியும்; எதிர்பார்ப்பும் இருக்கும்; அப்புறம் என்ன ஸர்ப்ரைஸ்?!!

பத்தாவது திருமண நாள் வருகிறதே என்று செம ஸர்பிரைஸாக ஒரு ரூம் ஹீட்டர் (ஒரு வாரமா பழைய ஹீட்டர் வேலை செய்யல!) வாங்கிக் கொடுத்தேன்.

இன்னும் வீட்டு உபயோக பொருட்கள் என்ன என்ன தேவையோ, அதையெல்லாம் வாங்கிக் கொடுத்து, தினமொரு ஸர்ப்ரைஸ் செய்யலாம் என்று தொடர இருக்கிறேன்.

எங்களை வாழ்த்தலாமே, பிரெண்ட்ஸ்!!

#வாழ்கவளமுடன் #AnniversaryGifts #ஆனிவர்ஸரிஅலப்பறைகள் #WeddingAnniversary #யூடியூப்அலப்பறைகள் #வாழ்கநலமுடன்

அவர்களும், நானும்!

2020-04-07T10:46:00.000+09:30

அவர்கள்: “என்னங்க... உங்க வீட்டு டிவி ரொம்ப சிறுசா இருக்கு?”

நான்: எங்க வீட்ல பெருசா இருக்கிற 170 இன்ச் புத்தக அலமாரி-யை கவனிச்சீங்களா?

அவர்கள்: “XYZ (Private School) பள்ளிக்கூடந்தான் (or ABC டீச்சர்தான்) பெஸ்ட் , என் பொண்ணு அங்கதான் படிக்கிறா..நீங்களும் உங்க பையன அங்க சேத்துடுங்களேன்”

நான்: ஸ்கூல் பீஸ் கட்டறீங்கன்னா, இப்பவே நாங்க ரெடி!

அவர்கள்: “கார் வேற பழசாயிடுச்சு, வேற வாங்கிடுங்களேன்..” நான்: நீங்க எப்ப அனுமதி கொடுப்பீங்கன்னுதான், பணப்பையோட காத்துக்கிட்டிருந்தோம், தோ கிளம்பிட்டோம்!

அவர்கள்: “வாங்கறதுதான் வாங்கறீங்க..புது காராவே வாங்கிடுங்களேன்...”

நான்: நீங்களே ஒண்ணு வாங்கி கொடுத்துடுங்களேன், நன்றியோடு வாங்கிக்கிறோம். கேஷா... கார்டா... ப்ரோ?

அவர்கள்: "வெயிட் குறைக்கிறதெல்லாம் பெரிய மேட்டரே இல்ல ப்ரோ...டெய்லி வெறும் வயித்தில 'ஹாட் வாட்டர் + லெமன் ஜூஸ்' 45 நாள் விடாம குடிங்க.. வேற ஒண்ணும் செய்ய தேவையில்லை...சூப்பர்-ஆ ஸ்லிம் ஆயிடுவீங்க"

நான்: வெயிட் குறைக்கிறதுக்கு டிப்ஸ் கேட்டனா நான்...?

நான்: “உங்க பையனுக்குத் தமிழ் படிக்க சொல்லிக் கொடுங்களேன்”

அவர்கள்: ”ம்ம்க்கும்…(Mainstream) ஸ்கூல் வீட்டுப்பாடம் செய்யவே நேரமில்லை, நீங்க கத்துக் கொடுப்பீங்களா?”

ஆதலால், சொல்ல வந்த கருத்து யாதெனில்: தேவைப்படாமல் ஆலோசனைகளை வழங்க வேண்டாம்! (எனக்கும் சேர்த்தே தான்!)
-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

Zenskar

2020-03-31T13:57:00.001+10:30

Here' is a Tamil version of this post:

At age 42, I am spending at least 9 hours a day (5 days a week) sitting at Work and at (Train) Commute. On a typical day, I spend only 20 minutes of walking to-and-from the train station. No wonder I was feeling tired and letahrgic by the end of each day. By the time, Wednesday arrives, I look forward to the weekend already. A concerned friend invited me to attend Yoga classes and I readily agreed to give it a go.

It's been a good 6 week since we started the group Yoga classes. Two classes a week, delivered via Skype/WhatsApp; Master Jagadeesan, our Yoga instructor, currently holds the world record for the longest Yoga marathon (138 hours). He corrects our mistakes over video and ensures we practise each Yoga pose the right way. At Work, I practise each day in one of the meeting rooms and after changing to PJs.

Zenskar, a martial art similar to Karate, Kung Fu, Judo, Silambam, Thai-Chi, Hitachi, etc. If I had known Zenskar as a martial art, I might have avoided joining the classes. After all, what use would I find for learning a martial art, at this age. But, students in India from the age 6 and above, learn and practise this martial art, it seems. As far as I understand (which is just a little!), Zenskar is the art of preparing our body and mind for a state of mindfulness. Since the COVID-19 virus outbreak, we stay put inside our home mostly so we are glad to learn and practise Yoga from our living room.

Master said that all the yoga exercises that we learnt for the last 6 weeks were just the preliminary exercises for learning Zenskar and asked us how we feel and compare before and after.

Since I started the Yoga, I feel a bit lighter, energetic and no longer feel lethargic. My mind is is a little quieter. At the initial classes, I could not do some yoga poses as my body was not flexible but now I could do them. I have dropped some weight (three kilos!). I am happy and content with these yoga and breathing exercises as of now and I intend to practise them regularly. So, I feel this itself is enough.

‘So, what is the use of learning Zenskar further?’, I asked.

Master replied, ‘What you have tasted is just a drop, an ocean of surprises is coming!’. I am looking forward and taking one day at a time.

ஜென்ஸ்கர்/ஸென்ஸ்கர்/Zenskar

2020-03-31T13:43:00.000+10:30

Here's an English version of this post.

TLDR; உட்கார்ந்த இடத்திலேயே (sedantry work) வேலை செய்பவர்கள், தினமும் கொஞ்ச நேரம் ஒதுக்கி உடற்பயிற்சி, நடை/ஓட்டப் பயிற்சி, யோகா என்று எதையாவது ஒன்றை செய்யுங்கள். நல்ல உடல்நலனை ஒரே நாளில் கொண்டு வரமுடியாது.

வயசு 42 ஆச்சு. வாரத்திற்கு (5 நாள்) 36 மணிநேர கம்ப்யூட்டர் வேலை + நாளுக்கு 2 மணி நேர ரயில் பயணம். ஆக, தினசரி 9 மணி நேரம் இருக்கையில் அமர்ந்தபடி. ரயில் நிலையத்துக்கு நடந்து போகும் 20 நிமிடங்கள் தவிர. புதன்கிழமை வரும்போதே, எப்படா சனி, ஞாயிறு வருமென்று எதிர்பார்த்தே, மந்தமாக போய்க்கொண்டிருந்த போது, என் நலனின் மீது அக்கறை கொண்ட நண்பர் ஒருவர், ‘வாங்க, யோகா செய்யலாம்' என்று அழைத்தார். ‘ஓக்கே, செய்யலாமே’ என்று செய்ய ஆரம்பித்து ஒன்றரை மாதங்கள் ஆகி விட்டது.

வாரத்துக்கு இரண்டு வகுப்புகள்; மாஸ்டர் ஜெகதீசன், ஸ்கைப் / வாட்ஸப் வழியே எடுக்கிறார். ரொம்பவும் கண்டிப்பான வாத்தியார். 360 டிகிரி சுற்ற வைத்து சரியாக செய்கிறோமோ என்று தவறுகளை திருத்துகிறார். தினமும் ஒரு அரை/முக்கால் மணி நேரம், ஆபிசில் மீட்டிங் ரூம் புக் செய்து, உடை மாற்றி பயிற்சி செய்கிறேன். கராத்தே, குங் ஃபூ, வர்மம், ஜூடோ, சிலம்பம், தாய்-சி, ஹிட்டாச்சி போன்றவைகளை உள்ளடக்கிய ஜென்ஸ்கர் (Zenskar martial arts ஸென்ஸ்கர்), சித்தர்கள் உருவாக்கிய ஒரு தற்காப்புக் கலை என்று பின்பு தான் தெரியும். தெரிந்திருந்தால், ஒரு வேளை, ‘இந்த வயசுல நான், யார்கிட்ட, எதுக்கு போய் சண்டை போட போறேன்’னு ஒதுங்கியிருப்பேனோ என்னவோ!

எனக்கு புரிந்தவரை (கொஞ்சமே கொஞ்சம்தான்!) ஜென்ஸ்கர் என்பது ஒரு விழிப்புணர்வு (mindfulness/being in the present) நிலைக்கு நம் உடலையும், மனதையும் தயார்படுத்தும் கலை என்பேன். கடந்த மூன்று வாரங்களாக, கொரோனா பரவலை தடுக்க, அனைவரும் அவரவர் வீட்டிலேயே இருப்பதால், மாஸ்டர் வாட்ஸப்பில் (Group Video Call) வகுப்பு எடுப்பது மிகவும் வசதியாக இருக்கிறது.

‘இந்த ஒன்றரை மாதத்தில் செஞ்சதெல்லாம், ஜென்ஸ்கர்-க்கு உங்களை தயார்படுத்த செய்கிற ஆரம்ப பயிற்சிகள் தான்!’ என்ற மாஸ்டர், ‘இதுவரை உடலில், மனதில் என்ன மாற்றங்களை கண்டீர்கள்?’ என்று கேட்டார்.

‘உடல் இலகுவாகவும், மனசு கொஞ்சம் அமைதியாகவும் இருக்கிறது. தொப்பையை வைத்துகொண்டு, இதெல்லாம் நம்மால் செய்யவே முடியாது என்று நினைத்த சில(!) யோகாசனங்களை, செய்ய முடிகிறது என்றேன். மூன்று கிலோ எடை குறைந்துள்ளது. யோக பயிற்சிகள் மற்றும் தியான பயிற்சிகளே நல்ல பலன்களை கொடுத்து வருகின்றன. இவைகளை தொடர்ந்து பண்ணினாவே போதும் போல இருக்கிறது; மேலும் எதற்கு தற்காப்பு கலை!’ என்று சொன்னேன். ‘இதுவரை, ஜென்ஸ்கரின் ஆரம்ப துளியைதான் பாத்திருக்கீங்க, ஒரு கடலே இருக்கிறது, உங்களை ஆச்சரியப்படுத்த!’ என்றார் மாஸ்டர். பார்க்கலாமே!
-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

எல்லாம்….நம்ம ரெகமெண்டஷன்ல வந்த பயக...

2020-03-17T09:57:00.000+10:30

TLDR; ஆஸ்திரேலிய தமிழர்கள், அந்நியர்களாக வாழ வேண்டியதில்லை. இங்கே நடக்கும் உள்நாட்டு அரசியலை புரிந்துகொள்ளுங்கள். கடமைகளை தவறாமல் செய்யும் நாம், நம் உரிமைகளையும் தெரிந்துகொள்ள வேண்டும். நம் சமூகத்திற்கு என்ன தேவையென்று அறிந்துகொண்டு, கேட்டுப்பெற்றுத் தர முன்வரவேண்டும்!

ஆஸ்திரேலிய தமிழர்கள் நிறைய பேசும் இரு விஷயங்கள் - தமிழ் சினிமா மற்றும் தமிழ்நாட்டு (இந்திய) அரசியல். நீங்கள் ஆஸ்திரேலியாவில் நிரந்தர குடியுரிமை (Permanent Residency/Australian Citizenship) பெற்று விட்டிருந்தால், தமிழ்நாட்டு/இந்திய அரசியல் நிகழ்வுகள் உங்களுக்குத் தேவையில்லா ஆணிகள். இங்கே வரி செலுத்த தொடங்கி விட்டால், இங்கே வசிக்கும்வரை, நீங்களும் ஒரு ஆஸ்திரேலியன்தான்.

உங்களில் எத்தனை பேருக்கு உங்கள் கவுன்சிலர் பெயர் தெரியும்? சந்தித்து பேசி இருக்கிறீர்களா? ஒரு பகுதிக்கு புதியதாக விடு மாறிப் போகும்போது, உங்களுக்கு உள்ளூர் அரசியல்வாதிகள் கடிதங்கள் அனுப்பி இருப்பார்கள் - கவனித்திருக்கிறீர்களா? ஏதாவது உள்ளூர் சிக்கலைத் தீர்க்க, புகார்/மனு கொடுத்து இருக்கிறீர்களா?

இந்நாட்டின் கடந்த 300 வருட வரலாற்றைப் படித்தால் ஒன்று புரியும். ஆஸ்திரேலிய வளர்ச்சிக்கு, பல்லினச் சமூகங்களின் (Multicultural Communities) உழைப்பும் பங்களிப்புகளும் ஏராளம். இச்சமூகங்களில், சட்டத் திட்டங்களுக்கு மதிப்புக் கொடுத்து, சண்டை சச்சரவுக்குப் போகாமல், அமைதியாக, கிடைத்ததை வைத்துக்கொண்டு “கடமை-கண்ணியம்-கட்டுப்பாடு" என வாழ்வதில் நமக்கு (இந்தியர்கள்/தமிழர்கள்) இணை யாருமில்லை.

இதனால்தான், அரசியல்வாதிகள் பொங்கல்/தீபாவளி போன்ற விழாக்களுக்கு அழைக்கும்போது நீங்கள் தவறாமல் வருகிறார்கள்; தமிழ் அமைப்புகளை பல்லின ஒருங்கிணைப்பு (Multicultural get-togethers) கூட்டங்களுக்கு தவறாமல் அழைக்கிறார்கள். நாமும் அவர்களோடு போட்டோ எடுத்துக்கொண்டு, பேஸ்புக், வாட்ஸப்பில் போட்டு அவர்களை இன்னும் பிரபலப்படுத்தவதோடு மறந்துவிடுகிறோம்.

இங்க எல்லாமே நல்லாதான் இருக்கு; குறை ஒன்றுமே இல்லையே என்கிறீர்களா? தமிழ்ச்சமூகத்திற்கு என்ன தேவை என்று கூடி பேசி பாருங்கள். மற்ற சமூகங்கள் என்ன உரிமையை கேட்டுப்பெறுகிறார்கள் என்று தெரிந்துகொண்டால் உங்களுக்குப் புரியும். உங்கள் சமூகத்தின் தேவைகளை மட்டுமல்ல, உள்ளூர் தேவைகளுக்கும் மற்ற சமூகத்தினரோடு தோளோடு தோள் நிற்போம்.

இங்கே நாம் நடத்தும் தமிழ்ப்பள்ளிகளுக்கு நிதி உதவி தேவை எனில், தயங்காமல் மாநில/மத்திய அரசுகளைக கேட்கலாம்; எல்லாமே நம் வரிப்பணம்தான். நம்மின கலை விழாக்கள் கொண்டாட, நம் பிரச்சனைகளை முறையிட, நேரடி அரசியலில் பங்கேற்க தமிழர்கள் முன்வரவேண்டும்.

குயின்ஸ்லாந்தின் அடுத்த உள்ளூராட்சி தேர்தல் 2020 மார்ச் 28 சனிக்கிழமையன்று நடைபெற இருக்கிறது. குயின்ஸ்லாந்தின் 77 கவுன்சில்களில் மேயர்கள் மற்றும் கவுன்சிலர்கள் தேர்ந்தெடுக்க நல்ல வாய்ப்பு. உங்களுக்கு குடியுரிமை (Citizenship) இருப்பின், நேரம் ஒதுக்கி வேட்பாளர்களைப் பற்றி தெரிந்துகொண்டபின் ஓட்டு போடுங்கள்!

-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

ஆப்பிள் & திராட்சை திருவிழா

2020-03-02T14:59:00.001+10:30

இரண்டாண்டுகளுக்கு ஒருமுறை (ஆஸ்திரேலிய) குயீன்ஸ்லாந்து மாநிலத்தில் உள்ள ஸ்டான்ந்தார்ப் (Stanthorpe) என்ற சிறிய ஊரில் நடைபெறும் விழா, தற்போது நடைபெற்றுக்கொண்டிருக்கிறது.

ஒரு மாதத்திற்கு முன்பு ஸ்டான்ந்தார்ப் (Stanthorpe), ஆப்பிள்தார்ப் (Applethorpe) சிறுநகரங்கள் , தண்ணீர் தீர்ந்து, வண்டிகள் மூலம் நீர் விநியோகித்தன. இப்போது மழை பெய்து பச்சை பசலேன்று, ஆறு, நீர்வீழ்ச்சிகளில் நீரோடி பார்க்க நன்றாக இருக்கிறது. 2019 டிசம்பர் மாத காட்டுத்தீயால் (bushfire) பாதிக்கப்பட்ட மரங்களெல்லாம் துளிர்த்துள்ளதை பார்த்தது மகிழ்ச்சி.

ஆப்பிள்களை மரங்களில் பார்ப்பது இதுவே முதல் முறை என்பதால், கூடுதல் மகிழ்ச்சி. ஆப்பிள் விளைவிக்க மழை தண்ணீரே போதும், வறட்சியான தட்பவெப்பத்தில்தான் சுவைமிக்க ஆப்பிள்கள் விளையும் என்று பூச்சிக்கொல்லி பயன்படுத்தாமல் இயற்கைமுறை விவசாயம் செய்யும் டெனிஸ் ஏஞ்சலினோ (Dennis Angelino, Gran Elly Orchard) சொன்னார்.

ஒயின் பிரியர்கள் (wine lovers) எனில், இங்கு நிறைய திராட்சை தோட்டங்கள் (vineyards), தொழிற்சாலைகளில் (wineries) சுவை பார்க்க, சாம்பிள் கொடுக்கிறார்கள் (ரொம்ப கசப்பு!). பிடித்தால் நிறைய வாங்கி வரலாம்.

இப்ஸ்விச் (Ipswich) பகுதியிலிருந்து இரண்டரை மணி நேரப்பயணம்தான். வரும் (March 6,7,8) வார இறுதியில் தெரு அணிவகுப்பு, திராட்சை மிதித்தல் போன்ற நிகழ்வுகள் நடக்க இருக்கின்றன!

'அங்க எல்லாம் தண்ணி பஞ்சமாமே, நாம எதுக்கு போய்க்கிட்டு', என்று வீட்டில் உட்காராமல், ஒரு சிற்றுலா (Picnic) போய் வந்தால் உங்களுக்கும் புத்துணர்வு; வறட்சியால் பாதிக்கப்பட்டு, சுற்றுலாப் பயணிகளை எதிர்நோக்கி காத்திருக்கும் உள்ளூர் வணிக நிறுவனங்களுக்கும் புத்துணர்வு. WIN -WIN.

#ஆஸ்திரேலியா #ஆப்பிள் #திராட்சை #சுற்றுலா #ஆஸிதமிழன் #குயீன்ஸ்லாந்து #குயீன்ஸ்லாண்ட்

Australia Day

2020-02-19T09:57:00.001+10:30

Australia Day

TL:DR - In Australia, we help each other even if they are strangers. Mateship is ingrained in our Australian culture.

This happened on an Australia Day, few years ago. It was supposed to be a short drive on the beach at sunset. 8 people from 3 family with few children went on two vehicles (an Ute and an All Wheel Drive). The plan was to get-off the road, onto this remote, almost-empty beach and drive for few kilometres and get back home for dinner.

After driving into the beach sand for few hundred metres, the Ute that went in front of us did not move any further and its wheels started spinning. Without a proper grip on the soft beach sand, the wheels of the Ute spun so fast and the vehicle dug itself to the ground within few seconds.

Wheels of our car, began spinning too. But, I asked my friend, who was driving it, to stop accelerating and get out of the vehicle. We released air from the tubes (reduced the tyre pressure to half) and started the car. Now, the wheels of our car climbed up and we were safe. I was taught this tip in a 4WD driving course that I attended previously. We still had to rescue the Ute.

The chasis of the Ute had touched the ground and at this stage, the vehicle would not come out without some external help. We could not call the Roadside Assistance, as we were not supposed to drive our hire-cars Off-Road (based on our rental conditions). As it was a long weekend, our friends were not in town either. The beach was looking deserted already. Though it was a hot summer day, as soon as the sun went down, we felt the cold winds at the beach.

At a distance, there was a group of locals who were packing up their picnic tents, fishing gear and we requested their help to pull our Ute out. One of them volunteered and had appropriate gear, ropes and a 4WD that was powerful enough. The gentleman came and tied the ute to his 4WD and started pulling. Alas! his 4WD struggled and dug itself to the beach sand in no time. Now, the sky had turned almost black with a thin twilight on the horizon.

By this time, the friends of the gentleman arrived and looked at the mess that we were in; teased him with typical Aussie crude humour. Another one rescued his 4WD and asked, ‘now, do you wish to have another go and redeem your face, in front of them?’.

This time, that gentleman successfully rescued our Ute and we thanked all of them for saving our day. They shrugged their shoulders and said ‘any time, happy to help, good luck mates!’.

At times of need, as Australians, we trust and help upon each other. Seek help if you need it; Offer help to those who seek. I think this is what Australian mateship is.

Happy Australia Day!

#Aussie #AustraliaDay #HelpEachOther #SeekHelp #OfferHelp

ஆஸ்திரேலிய தினம்

2020-01-26T07:34:00.000+10:30

TL;DR (சுருக்கம்) - தேவைப்படும் நேரங்களில் உதவி கேட்டால், முன்பின் தெரியாதவராய் இருந்தாலும் ஓடோடி வந்து உதவி செய்பவர்கள் ஆஸ்திரேலியர்கள். தேவைப்பட்டால் தயக்கமின்றி உதவி கேளுங்கள்; உதவி கேட்பவர்களுக்கு நீங்களும் உதவி வழங்குங்கள். இதுதான் Mateship (நட்புணர்வு) எனப்படும் ஆஸ்திரேலிய பண்பாடு.

ஒரு சில ஆண்டுகளுக்கு முன்பு, ஒரு ஆஸ்திரேலிய தினம். வெயில் தாழும் மாலை நேரத்தில் கிளம்பி, குழந்தைகள், குடும்பமாக 8 பேர், இரண்டு வாகனங்களில் (ஒரு யூட் - Ute மற்றும் ஒரு ஆல் வீல் டிரைவ் - All Wheel Drive), அருகில் இருந்த கடற்கரைக்குச் சென்று வரலாமென்று கிளம்பினோம். சாலையிலிருந்து இறங்கி கடற்கரை மணலில், ஒரு சுற்று போய் விட்டு வீட்டுக்குப் போவதென்று திட்டம்.

சில நூறு மீட்டர் கடற்கரை மணலுக்குள் ஓடியபின், எங்களுக்கு முன்னால் சென்ற Ute வண்டி முன்செல்லாமல், நிலையாய் நின்று, அதன் சக்கரங்கள் மட்டும் வேகமாய்ச் சுழல ஆரம்பித்தன. மென்மையான கடற்கரை மணலில் சரியான பிடிப்பு இல்லாமல், சக்கரங்கள் வேகமாய் பள்ளம் தோண்ட, சில நொடிகளில் அந்த Ute வண்டி மணலில் மாட்டிக்கொண்டது.

பின் சென்ற எங்கள் காரின் சக்கரங்களும், மணலில் சுழன்று, குழி பறிக்க ஆரம்பித்தன. சுதாரித்துக்கொண்ட நான், அதை ஓட்டி வந்த என் நண்பரிடம், காரை நிறுத்திவிட்டு வாகனத்திலிருந்து எல்லோரையும் வெளியேறச் சொல்லி விட்டு, வண்டி ட்யூப்களின் காற்றை வெளியேற்றி, டயர் அழுத்தத்தை பாதியாகக் குறைத்து, காரை உயிர்ப்பித்தோம். வண்டி மெதுவாக பள்ளத்தில் இருந்து மேலேறியது.

'கம்ப்யூட்டரில் குப்பை கொட்டும் உனக்கு இவ்வளவு அறிவா' என்று அதிர்ச்சியடைய வேண்டாம்.கொஞ்ச நாள் முன்னாடிதான் நான் வேலை பார்த்த கம்பெனி என்னை ஒரு ஸ்பெஷல் பயிற்சிக்கு (4WD Training) அனுப்பி இதெயெல்லாம் கற்கச் சொல்லிருந்தார்கள். அந்த கதை மற்றோர் நாள் எழுதுகிறேன்!. ஆனாலும், முதல் வண்டி ரொம்ப ஆழமாக, பள்ளம் பறித்துப் படுத்து விட்டதால், அந்த குறிப்பு உதவவில்லை. வண்டியின் அடிப்பகுதி தரையைத் தொட்டிருந்தது.

(Pic courtesy - https://www.4wdingaustralia.com/)

இந்த மாதிரி மாட்டிக்கொண்டால், ஆஸ்திரேலியாவில் உதவிக்கு Roadside Assistance எனும் சாலை உதவி வாகனத்தை அழைக்கலாம் (கட்டணச் சேவைதான்!). ஆனாலும் எங்களால் முடியவில்லை; ஏனெனில், சட்டப்படி (எங்கள் வாடகை கம்பெனி விதிகள் அப்படி!) வாடகைக் கார்களை சாலையில்லா இடங்களில் (Off-Road), கடற்கரை மணலில் ஓட்டயிருக்கவே கூடாது.

இன்னொரு வாகனம் வந்து இழுத்தால்தான் வண்டி வெளியே வரும். கடற்கரை ஏற்கனவே வெறிச்சோடி காணப்பட்டது. நீண்ட வாரயிறுதியானதால், அழைப்பதற்குத் தெரிந்த நண்பர்களும் ஊரில் இல்லை. சூரியன் முழுவதும் மறைந்து, அந்தி நேர வெளிச்சமும், இருளும் சூழ ஆரம்பித்திருந்தன. நல்ல உக்கிரமான வெயில் அடித்திருந்தும், சூரியன் மறைந்துவிட்டதால், நல்ல குளிர்ந்த கடற்கரை காற்று வீச ஆரம்பித்திருந்தது. யாருக்குத் தெரியும், 'இப்படி நட்ட நடுபீச்சில் வந்து மாட்டிக்கொள்வோம்' என்று.

தொலைவில், உள்ளூர்வாசிகள் (Aussies) சிலர் தங்கள் சுற்றுலா கூடாரங்கள், மீன்பிடி உபகரணங்கள் (fishing gear) ஆகியவற்றைக் மூட்டை கட்டிக்கொண்டு, வீடு கிளம்பிக் கொண்டிருந்தனர். எங்கள் Ute வண்டியை வெளியே இழுக்க அவர்களின் உதவியைக் கோரினோம். அவர்களில் ஒருவர் தானாக முன்வந்தார்; வண்டி இழுக்கப் பொருத்தமான கொக்கி, கயிறுகள் மற்றும் சக்தி வாய்ந்த Four Wheel Drive (4WD) வண்டி வைத்திருந்தார். அவர் வந்து தனது 4WD உடன் எங்கள் Ute வண்டியைக் கட்டி இழுக்க ஆரம்பித்தார். அவரது 4WD இழுக்க முடியாமல் திணறி, தானும் பள்ளம் பறித்துப்படுத்துவிட்டது. இப்போது வானம் கிட்டத்தட்ட கருப்பு நிறமாக மாறியிருந்தது.

அதற்குள், எங்கள் உதவிக்கு வந்த நபரின் நண்பர்கள் வந்து, அவரை, எள்ளி நகையாடிவிட்டு (வழக்கமான ஆஸி நகைச்சுவை!), மாட்டிக்கொண்ட அவரது 4WD வண்டியை முதலில் இழுத்துக் காப்பாற்றினர். ‘இப்போது உனக்கு மறுவாய்ப்பு! உதவி கேட்டவர்களைக் காப்பாற்றி, நீயே உன் மானத்தை காப்பாற்றி கொள்கிறாயா...இல்லை..' என்று இழுத்தனர்.

இம்முறை, அவர் வெற்றிகரமாக, எங்கள் Ute வண்டியை மீட்டார். நாங்கள் மிக்க மகிழ்ச்சியாய் அவர்களுக்கு கைகுலுக்கி நன்றி தெரிவித்தோம். அவர்கள் தோள்களைக் குலுக்கி , ‘எந்த நேரத்திலும், உங்களுக்கு உதவுவது மகிழ்ச்சிதான் தோழர்களே!’ என்று சொல்லி விட்டு கிளம்பி போனார்கள். நாங்களும், வீட்டுக்கு வந்து சேர்ந்து, இரவு உணவு முடித்து, ஆஸ்திரேலியதின வாணவேடிக்கை (Fireworks) பார்த்து, அந்த நாளைக் கொண்டாடினோம்.

தேவைப்படும் நேரங்களில் உதவி கேட்டால், முன்பின் தெரியாதவராய் இருந்தாலும் ஓடோடி வந்து உதவி செய்பவர்கள் ஆஸ்திரேலியர்கள். தேவைப்பட்டால் தயக்கமின்றி உதவி கேளுங்கள்; உதவி கேட்பவர்களுக்கு நீங்களும் உதவி வழங்குங்கள்.

இதுதான் Mateship (நட்புணர்வு) எனப்படும் ஆஸ்திரேலிய பண்பாடு.

ஆஸ்திரேலிய தின வாழ்த்துகள்!

#தமிழ் #தமிழ்ப்பதிவு #ஆஸ்ட்ரேலியா #ஆஸ்திரேலியா #ஆஸ்திரேலியவாழ்க்கை #ஆஸிதமிழன்

வெளிய இங்கிலீஷ், உள்ள பஞ்சாபி !

2020-01-26T07:15:00.000+10:30

சனிக்கிழமைகளில் நடக்கும் சந்தையில் (Farmers Market), ஒரு பஞ்சாபி அம்மணியைச் சந்தித்து பேசிக்கொண்டிருந்தோம் (இங்கிலீஷில்தான்!). துணைவிதான் பேசிக்கொண்டிருந்தார். நான் சும்மா கேட்டுக்கொண்டிருந்தேன்!

அவர்களின் பொண்ணு, பையனுக்கு முறையே 5 மற்றும் 8 வயசிருக்கும். பேச்சு வாக்கில், ‘எப்படி, உங்க குழந்தைங்க இவ்ளோ நல்லா பஞ்சாபி மொழி பேசறாங்க’ன்னு கேட்டோம். “ரெண்டு பெரும் இங்கேயேதான் பிறந்தாங்க. காப்பகம் (Day Care), ஆரம்பப்பள்ளி (Prep) போகுமுன் அவங்களுக்குத் தெரிஞ்ச ஒரே மொழி பஞ்சாபி, ஆனா, காப்பகம் போக ஆரம்பித்த கொஞ்ச நாளில் இங்கிலீஷில் மட்டுமே பேசத் தொடங்கிவிட்டனர்”, என்றார்.

‘என்னடா, இது வம்பா போச்சு’ என்று 'எனக்கு இங்கிலிஷ்லாம் வராது.. பஞ்சாபி மட்டும்தான் தெரியும்.. என் கூட பேசணும்னா, வீட்டில எல்லாருமே பஞ்சாபி மொழி மட்டும் தான் பேசவேண்டும்' என்று உறுதியாக சொல்லி இருக்கிறார்! ஆரம்பத்தில், ‘வெளியில மட்டும் மத்தவங்ககிட்ட இங்கிலிஷ்ல பேசறீங்க, ஏன் வீட்ல மட்டும் பஞ்சாபி பேசச்சொல்லி, எங்களைக் கஷ்டப்படுப்படுத்தறீங்க’ன்னு முரண்டு பிடிக்க.. 'அம்மாவுக்கு வீட்டுக்கு வந்தா, இங்கிலிஷ் மறந்து போவுது கண்ணுங்களா' என்று சொல்லி சமாளித்து, “வீட்டுக்குள்ளே பஞ்சாபி மட்டும்” என்கிற விதியை செயல்படுத்துவதாகச் சொன்னார்.

‘இன்னும் ஒரு வருஷமோ, ரெண்டு வருஷமோ, நான் சொல்றது பொய்னு தெரிஞ்சுடும். ஆனா, அதுக்குள்ளே பஞ்சாபிய மறக்க முடியாத அளவுக்குப் பேச பழகிடுவாங்க; அதுக்கப்புறம் மறக்கறது கஷ்டம்!’ என்றபடி நகர்ந்தார்! தமிழ் பேசாச்சூழலில் வளரும் உங்க குழந்தைங்களை தமிழ் மொழியை பேசவைக்க, நீங்க என்ன செய்யறீங்க/செய்யப்போறீங்க?

-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸ்திரேலியா #ஆஸ்திரேலியவாழ்க்கை #ஆஸிதமிழன்

அனஸ்டேஷீய பேலஷே

2019-11-06T19:10:00.002+10:30

சென்ற மாதம் க்வீன்ஸ்லாண்ட் மாநில முதல்வர் (Premier) அனஸ்டேஷீய பேலஷே (Annastacia Palaszczuk MP), பிரிஸ்பனில் இருக்கும் இந்திய சமூக அமைப்புகளை விருந்துக்கு (Indian Community Reception) அழைத்திருந்தார். அனைவரையும் அழைத்து, ஒருங்கிணைத்தது குயின்ஸ்லாந்தின் இந்திய சமூகங்களின் கூட்டமைப்புக்கு (Federation of Indian Communities of Queensland (FICQ) |...) நன்றி.

ஏறத்தாழ 500 பேர் கலந்து கொண்ட நிகழ்ச்சியில் தாய்த் தமிழ்ப் பள்ளியின் (Thaai Tamil School Inc ) சார்பாக முதல்வரையும், பல்லினக் கலாச்சார அமைச்சர் (Multicultural Minister) ஸ்டிர்லிங் ஹின்ச்கிலிஃப் (Stirling Hinchliffe MP)-யும் சந்தித்தோம். முதல்வருக்கு காலில் அடிபட்டிருந்ததால் அவரால் ரொம்ப நேரம் இருக்க முடியாது என்று அமைச்சர் சொன்னார். மயில்-கழுத்து வண்ண பட்டுப்புடவையை அழகாய் உடுத்தி வந்திருந்தார் முதல்வர்.

க்வீன்ஸ்லாண்ட் அரசு பல்லினக் கலாச்சாரத்தை (Multiculturalism) ஒரு முக்கிய பலமாக பார்ப்பதை வலியுறுத்தினார். க்வீன்ஸ்லாண்டில் ஒவ்வொரு இனக்குழுவும் தம் சொந்தக் கலாச்சார அடையாளங்களையும் கொண்டிருக்க, அவரவர் மொழிகளை, வளர்க்கத் தடை ஏதுமில்லை என்றார். அனைவரும் சமுதாய நல்லிணக்கத்தோடு, க்வீன்ஸ்லாண்ட்-ஐ சிறந்த மாநிலமாக மாற்றுவதற்கு இதுவரை தந்துவரும், இனி தரப்போகும் உழைப்புக்கு நன்றிகள் சொன்னார்.

முதல்வரோட படம் எடுத்துக்கொள்ள ஒரு குழுவுக்கு அரை நிமிடம், குறைந்தது நான்கு பேர் இருக்க வேண்டும் என்று கண்டிப்பாய்ச்சொல்லி இருந்தார்கள். நாங்களோ மூன்று பேர். நாங்கள் கொண்டு சென்ற நினைவுப்பரிசு முதல்வரை கவர்ந்ததாலோ, என்னவோ வெறுங்கையோடு வந்தவர்களை போல அவசர, அவசரமாய் தள்ளாமல், உதவியாளர்கள் கொஞ்ச நேரம் கொடுத்து படம் எடுக்க உதவினர்.

முதல்வரின் பெயரை தமிழ் எழுத்துக்களில் எழுதிய நினைவுப் பரிசை வழங்கினோம். மிகவும் ஆச்சரியத்துடன் பார்த்துவிட்டு 'இதுவா என் பெயர்? தமிழ்-ல எழுதினா கூட ரொம்ப நீளமா இருக்கே' என்று சுய எள்ளல் செய்து சிரித்து, எங்களையும் சிரிக்க வைத்தார்.

அப்போதுதான் கற்றுக்கொண்ட "நன்றி" என்னும் வார்த்தையை சொல்லி வழி அனுப்பினார் அமைச்சர்! பல்லினக் கலாச்சார அமைச்சர்-னா சும்மாவா? அவரை மட்டும் மறுபடி தனியாக பார்த்து தமிழ்ப்பள்ளிக்கு வர வேண்டும் என்று கேட்டுக்கொண்டோம். வருவதாக உறுதியளித்துள்ளார், பார்க்கலாம்!

பின் வருவது எனக்கு மட்டுமான குறிப்பு: இப்படி வருடத்திற்கு ஒரு முறை, ஆஸ்திரேலிய அரசியல்வாதிகளைப் பார்த்து போட்டோ எடுத்து பேஸ்புக், வாட்ஸப்பில் பீற்றிக்கொள்வதோடு நிறுத்தாமல், உள்ளூர் அரசியலைத் தெரிந்துகொண்டு, ஈடுபாட்டோடு பங்காற்ற வேண்டும்!

-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

கிளிக்கு முளைத்த றெக்க - 2

2019-09-19T08:12:00.001+09:30

6-ஆம் வகுப்பு வரும்போதே, கற்றுக்கொடுக்கும் பயிற்சியாளரிடம் சொல்லிவிட்டேன், 'நான் ட்ரைவிங் டெஸ்ட் புக் செய்துள்ளேன்' என்று. 'ஆனால், நீ இன்னும் ரெடி ஆகவில்லை. உன்னால் பாஸ் பண்ண முடியாது. இன்னும் ஒரு கூடுதலாக 10 வகுப்பு ஆகலாம்' என்றார். 'நான் ட்ரை பண்றேன். பாஸ் பண்ணிட்டா நான் தனியாவே கார் ஓட்டக் கற்றுக்கொள்வேன்' என்றேன். ‘என்னது..? பாஸ் பண்ணிட்டு, கத்துக்கப் போறீயா?' என்று அதிர்ச்சி அடைந்தார் அப்பெண்.

அப்போது முப்பது டாலர்தான் ஓட்டுநர் தேர்வுக்கு கட்டணம். ஐம்பதுக்கு (x 10), முப்பது பரவாயில்லை, அதனால், ரிஸ்க் எடுப்பது சரி என்றே பட்டது! ஓட்டுநர் தேர்வில், இரண்டு வகை தவறுகளால் நீங்கள் தோல்வியடைய வாய்ப்பு உண்டு. தனக்கோ, மற்றவர்க்கோ பாதிப்பு ஏற்பட வாய்ப்பு இருந்தால் அது பெரிய தவறு - உடனடி ஃபெயில். உங்களை மேற்கொண்டு கார் ஓட்ட அனுமதிக்க மாட்டார்கள். எனக்குத் தெரிந்த நண்பன், இந்தியாவில் நீண்ட நாளாக சொந்த கார் ஓட்டிக் கொண்டிருந்தவன், இப்படி ஒரு டிரைவிங் டெஸ்டில் தவறு செய்ய, காரை (இங்கேயும் சொந்த கார் தான்) பக்கத்தில் நிறுத்திவிட்டு, டாக்ஸி பிடித்து வந்த கதை உண்டு.

‘பாதிப்பு இல்லை இன்னும் கொஞ்சம் பயிற்சி இருந்தா நல்லா ஓட்டலாம்’ அது சிறிய தவறு. எட்டு சிறிய தவறுகளை அனுமதிப்பார்கள் (உ.தா: 50 km வேகப் பகுதியில் 35-ல் மெதுவாகப் போவது, அடிக்கடி, தேவையில்லாமல் பிரேக் போடுவது). நான் எட்டுக்கு ஏழு தவறு செய்து விளிம்பில் தேர்வானேன். டிரைவிங் லைஸன்ஸ்தானே கேட்டிங்க, இந்தாங்கோ என்று ஆபீஸில் கொடுத்தாயிற்று.

பிறகு, இன்னும் மூன்று மாதம் பயிற்சி நண்பர்களுடன். ஒரு 2000 டாலர் போட்டு, கார் ஓட்டிப் பழக ஒரு பழைய 1999 Mitsubishi Magna v6 காரை வாங்கினேன். விடுமுறை நாட்களில் ஆளில்லா கார் பார்க், ட்ராபிக் இல்லாத ரோடு என்று ஓட்டி பழகினேன். தனியாக ஓட்டும்போதே, என்னால் கூடுதல் கவனத்துடன் (பார்த்துச் சரி செய்ய யாருமில்லையே!) பாதுகாப்பாகவும், வேகமாகவும் கற்றுக்கொள்ள முடிந்தது.

லைஸன்ஸ் மற்றும் கார் இருந்த முதல் நாள் இவ்ளோ பெரிய்ய ஆஸ்ட்ரேலியாவே ரொம்பச் சின்னதாய் தோன்றியது. உண்மையாகவே றெக்க (இறகுகள்) முளைத்தன. அது உணரவேண்டிய விஷயம்! போக்குவரத்து வசதிகள் இல்லா ஊரில் ஒரு வருடம் வாழ்ந்தபின், அடுத்தவரைச் சார்ந்தே இருந்த என்னுடைய பயணங்கள் சட்டென விரிவடைந்தன.

மெல்பனா.. நாலு மணி நேரம், அடிலெய்டா..ஐந்தரை மணி நேரம்தான்..பெர்த் போக வேண்டுமா..வெறும் முப்பத்துமூன்று மணி நேரம்தான் என்று பின்னிப் பெடலெடுத்து ஊர் சுற்றினேன். ஆபீஸ் 5-மணிக்கு முடிந்தவுடன், தோன்றிய திசைகளில் காரை ஓட்டிச் செல்வேன், எங்கு வேண்டுமானாலும் நிறுத்தி படங்கள் எடுப்பேன். அற்புதமான நாட்கள், அவை! அப்ப, இப்ப அழகான நாட்களா இல்லயான்னு கேக்கக்கூடாது. குடும்பமும், என்னைப் போலவே பயணங்களை விரும்புவதால், அவ்வப்போது நீண்ட பயணங்கள் செய்கிறோம். படங்கள் எடுப்பதற்காகவே அழகான இடங்களைத் தேடிப்போய் பார்ப்போம்.

இதுவரை நான் செய்ததில் சிறந்த சாலைப் பயணங்கள் கீழே. பெரும்பாலான இப்பயணங்கள் நண்பர்களோடு செய்ததுதான். லைஸன்ஸ் வாங்கும்முன், சும்மா உக்காந்தே சுற்றியது.

1. அடிலைட் - ஒல்லங்காங் - ஸிட்னி - (Adelaide - Wollongong - Sydney)

2. ஹாமில்டன் - போர்ட் ஃபேரி - கிரேட் ஓஷியன் ரோட்ஃ - டிவெல் அபோஸல்ஸ் - அப்பல்லோ பே (Hamilton - Port Fairy - Great Ocean Road - Twelve Apostles - Apollo Bay)

3. பிரிஸ்பன் - காஃப்ஸ் ஹார்பர் - போர்ட் மெகொயிரி - ஸிட்னி (Brisbane - Coffs Harbour - Port Macquarie - Sydney)

4. பிரிஸ்பன் - க்ளாஸ் ஹவுஸ் மௌன்டைன்ஸ் - மேப்பில்டன் - மெலனி - மாண்ட்வில் - நேம்பூர் (Brisbane - Glass House Mountains - Mapleton - Maleny - Montville - Nambour)

5. ஹார்வி பே - பண்டாபர்க் - டௌன் ஆஃப் செவென்டீன் செவென்ட்டி (Town of 1770) - கிளாட்ஸ்டன் (Hervey Bay - Bundaberg - Town of 1770 - Gladstone)

6. கிம்ப்பி - - டின் கேன் பே - ரெயின்போ பீச் - நூஸா - ஸன்ஷைன் கோஸ்ட் (Gympie - Tin Can Bay - Rainbow Beach - Noosa - Sunshine Coast)

7. பெர்த் -ஜெரால்ட்டன் - கல்பாரி - ஷார்க் பே - மங்க்கீ மையா (Perth - Geraldton - Kalbarri - Shark Bay - Monkey Mia)

8. பெர்த் - மார்கரெட் ரிவர் - பஸ்ஸல்ட்டன் - அல்பெனி (Perth - Margaret River - Busselton - Albany)

9. பெர்த் - ஊபின் -பெரெஞ்சோறி - மொறவா - முளைவா (Perth - Wubin - Perenjori - Morawa - Mullewa)

10. மெல்பன் - பேலரட் - ஹாமில்ட்டன் - க்ராம்பியன்ஸ் - ஹால்ஸ் கேப் (Melbourne - Ballarat - Hamilton - Grampians - Halls Gap)

இன்னும் ஆஸ்ட்ரேலியாவில் பார்க்கவேண்டியவை 90% மீதம் இருக்கு. பார்த்ததில் அடியேனே பிடித்த 100 படங்கள் சின்னச் சின்னதாய் இங்கே. பெரியதாய் பார்க்க வேண்டுமெனில் Awesome Australia photo album பிலிக்கர் லிங்க் https://www.flickr.com/photos/thiru/albums/72157666442221084

கூட பயணித்து அவஸ்தைப்பட்டவர்களுக்கு நன்றிகள்

இதனால் கூற வந்த கருத்து - கார் ஓட்டக் கற்றுக்கொள்ளுங்கள்; பயணப்பட்டு கிராமப்புற (regional) ஆஸ்ட்ரேலியாவை சுற்றிப் பாருங்கள். -திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

*கிளிக்கு முளைத்த றெக்க - 1

2019-09-17T09:19:00.003+09:30

tldr; கார் ஓட்டத் தெரியாம, ஆஸ்ட்ரேலிய சிட்டிகளில் வேணா காலம் தள்ளலாம். ரீஜியனல் ஏரியாவில் நாள்கூட தள்ளமுடியாது. so, learn to drive as soon as you come to Australia, if not before.

முதல் வேலை கொடுக்கும்போது கார் ஓட்ட லைஸன்ஸ் கண்டிப்பாய்த் தேவை என்று சொல்லிவிட்டார்கள். பேப்பர் செய்யத் தேவையான மரங்களை விளைவிக்கும் வனவியல் (Forestry) நிறுவனம் என்பதால் இந்த கூடுதல் விதிமுறை. என்னுடைய வேலை என்னமோ அலுவலகத்தின்தான்; ஆனால், ஆறு மாதத்தில் கார் ஓட்டக் கற்றுக்கொள்ள வேண்டிய அவசியம்.

அடிலைடில் (Adelaide) இருந்த வரை பஸ், ட்ரெய்ன் மற்றும் நண்பர்களின் கார்கள் என்று சொகுசாய் பயணித்துவிட்டு மேற்கு விக்டோரியாவில் (South-western Victoria) இருக்கும் ஹேமில்ட்டன் (Hamilton) சென்று சேர்ந்தபோது, டாக்ஸி மட்டுமே போக்குவரத்துக்கு வழி என்ற நிலைமை. காடு மாடு தெரியாமல் ஓடியாடி, புல், பூ, கங்காரு என்று படம் பிடிக்கும் கலைஞனைக் (!), கூண்டில் அடைத்த காலத்தின் கோலத்தை எப்படிச் சொல்வேன்!

ஆஸ்ட்ரேலியர்கள் அவர்களின் வாழ்நாளில் 75%-ஐ காரில் கழிப்பார்கள் (Car is a moving home!) என்பது என் கணிப்பு. கார் ஓட்ட கொஞ்சமும் சளைக்க மாட்டார்கள். பரந்து விரிந்த ஆஸ்ட்ரேலிய நாட்டில், நாள், வாரக் கணக்கில் பயணம் செய்துகொண்டேஏஏஏஏஏஏ இருந்தால்தான் அக்கரையைப் பார்க்க முடியும்!

Travelling in Australia

அப்போது கார் ஓட்டக் கற்றுக்கொடுக்க மணிக்கு 50 டாலர்கள்; அதில் பாதிதான் என் ஒரு மணி நேர வருமானம். 500 டாலர் பட்ஜெட் - 10 மணி நேரப் பாடங்களில் - கற்றுக்கொள்ளவேண்டும் என்பது குறிக்கோள். முதல் 3 வகுப்புகளில் (வாரம் ஒரு வகுப்பு!), காரின் சகல கண்ட்ரோல்களையும் தெரிந்துகொண்டேன். கூட வேலை பார்க்கும் அவ்வப்போது நச்சரித்து, அவர்களின் கார்களை வாங்கி, அவர்களைப் பக்கத்தில் உட்கார வைத்துக் கொண்டு (இந்த ஆஸிகளுக்குத்தான், எவ்ளோ துணிச்சல்!) வாய்ப்பு கிடைக்கும் போதெல்லாம் பழகினேன்.

ஒரு மணி நேர வகுப்பென்றால், குறைந்தது 5 மணி நேரம், மற்றவர்களிடம் பயிற்சி. இதனால், பல பேரிடமிருந்து பாதுகாப்பாய்க் கார் ஓட்டும் நுணுக்கங்களைத் தெரிந்துகொண்டேன். பிராந்திய பகுதியில் வசிக்கும் ஆஸ்ட்ரேலியர்கள் அவர்களின் வாழ்நாளில் 75%-ஐ காரில் கழிப்பார்கள் என்பது என் கணிப்பு. கார் ஓட்ட கொஞ்சமும் சளைக்க மாட்டார்கள். பரந்து விரிந்த ஆஸ்ட்ரேலிய நாட்டில் நீங்கள் பயணம் செய்துகொண்டேஏஏஏஏஏஏ இருக்கலாம்.

*இப்பதிவின் இரண்டாம் பகுதி (ஆமா..பெரிய பொன்னியின் செல்வன் மாதிரிதான்!) மிக விரைவில்..*

-திரு

#தமிழ் #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

மற்ற பதிவுகள் https://www.facebook.com/hashtag/ஆஸிதமிழன்

தாய்த் தமிழ்ப் பள்ளியின் 8-ஆம் ஆண்டு கலை விழா

2019-09-02T13:28:00.000+09:30

Thaai Tamil School - Dance Practice

தமிழ்ச் சூழலில் வளர்ந்த நாம், ஆங்கிலம் கற்றுக்கொள்ள பட்ட கஷ்டமெல்லாம் கொஞ்சமே! அங்கேயாவது ஆங்கிலம், பள்ளியில் ஒரு பாடமாக நமக்கு இருந்தது. ஆஸ்ட்ரேலியாவில் தமிழ் மொழி கற்பது என்பது 'கங்காரு வாலில் சடை பின்னுவது' மாதிரி (ச்சும்மா சொல்லி வைப்போம்...கங்காரு வந்து சண்டை போடப்போகுதா, என்ன?!). ரொம்ப, ரொம்பக் கஷ்டம். தன்னார்வலர்களால் நடத்தப்படுத்தும் பகுதி நேர தமிழ்ப் பள்ளிகள் (தாய்த்தமிழ்ப்பள்ளி, பிரிஸ்பன் தமிழ்ப் பள்ளி) இருப்பதால், எங்கள் குழந்தைகள் தமிழ்க் கற்க உதவியாய் இருக்கிறது.

ஆங்கிலச் சூழலில் வாழும் இவர்களுக்கு, வீட்டுக்கு வெளியே தமிழ் பேச/கற்க வாய்ப்புகள் வெகு சொற்பம். நாங்கள் பேசுவதைக் கேட்பது, எங்களிடம்/தமிழ் நண்பர்களிடம் பேசுவது மூலம் கற்றுக்கொள்கிறான், விஷ்ணு. பெரும்பாலான தமிழ்ப் படங்களின் வன்முறை, சிறுகுழந்தைகளுக்கு ஏற்றதல்ல என்பதால் நாங்கள் விஷ்ணுவுக்கு தமிழ்ப் படங்களைக் காண்பிப்பதில்லை. காரில் (நல்ல) தமிழ்ப் பாடல்கள் கேட்பது உண்டு; காதில் கேட்கும் வார்த்தைகளைக் கற்றுக்கொள்வான்.

முதலில் எங்களின் விருப்பத்தாலும், வற்புறுத்தலாலும் தமிழ்ப்பள்ளிக்கு சென்று, பின் அவனாகவே ஆர்வத்துடன் தமிழ் வகுப்புக்கு செல்ல தொடங்கினான். வார இறுதியின் இரண்டு நாட்களில், அரை நாளை அர்ப்பணிப்பு செய்தல் பெரிய செயல். எங்கள் குழந்தைகள், செய்கிறார்கள்; நாங்களும்தான், செய்றோம்! ஆனா, அவங்க அரைநாள் விளையாட்டைத் தியாகம் செய்து, சலிக்காமல் வருகிறார்களே!!. தாய்த் தமிழ்ப் பள்ளியின் ஆண்டு விழா அக்டோபர் 19-ம் தேதி நடைபெற உள்ளது. ஆடல், பாடல், பேச்சு, நாடகம் என்று பல திறமைகளை வெளிப்படுத்த குழைந்தைகள் தயாராகி வருகிறார்கள்.

தமிழ்நாட்டில், தமிழ் மீடியத்தில் படித்த என்னையெல்லாம் 'ஆங்கில ட்ராமாவில் நடிக்க வா' என்று யாராவது அழைத்திருந்தால், சிக்கன் குனியா, மட்டன் குனியா என்று ஆண்டு விழா முடியும் வரை ஸ்கூலுக்கு மட்டம் போட்டிருப்பேன். இவர்கள் துணிச்சலாக பயிற்சி எடுத்து, பார்வையாளர்கள் கூடிப் பார்க்க, லைவ்-ஆக மேடையில் ஏறி, பேசி நடிக்க இருக்கிறார்கள். நீங்களும் வந்து பார்த்து, கை தட்டி உற்சாகப்படுத்துங்கள்

அதிலும் டான்ஸ் பயிற்சி/ரிகர்ஸலில் இந்த வாண்டுகள் பண்ணும் அட்டகாஸம் இருக்கே... டான்ஸ் மாஸ்டர்களின் நிலை...ரொம்பவே பரிதாபம்ப்பா! சினிமா பாட்டுக்கு டான்ஸ் ஆடறதுதானே, என்ன பிரமாதம் என்று யாரவது சொல்லட்டும்..எங்க பள்ளியில ஒரு வாண்டு குரூப்பை தருகிறோம்...ஒரு ஸ்டெப் எல்லாரையும் சேர்ந்து பண்ண சொல்லி குடுத்து ஆட வைங்களேன் பார்ப்போம்!

-திரு

மற்ற பதிவுகள் https://www.facebook.com/hashtag/ஆஸிதமிழன்

#தாய்த்தமிழ்ப்பள்ளி #தமிழ்ப்பதிவு #ஆஸ்ட்ரேலியா #ஆஸிதமிழன் #ஆஸ்திரேலியா #ஆஸ்திரேலியவாழ்க்கை

Aussie Kids vs Tamil Kids

2019-08-19T18:29:00.002+09:30

Aussie Kids vs Tamil Kids

Aussie Kids vs Tamil Kids

-திரு

#தமிழ் #தமிழ்ப்பதிவு #ஆஸ்ட்ரேலியா#ஆஸிதமிழன் #ஆஸ்திரேலியா#ஆஸ்திரேலியவாழ்க்கை

மற்ற பதிவுகள்
https://www.facebook.com/hashtag/ஆஸிதமிழன்