Markaðsmál á mannamáli

Mældu árangur erfiðisins þegar kemur að markaðsstarfinu

noreply@blogger.com (Unknown) — Tue, 14 Apr 2015 15:33:00 +0000

Mælir þú árangurinn af markaðsstarfinu þínu?

Það er klisja: "You can't manage what you can't measure" eða "Ef þú getur ekki mælt það þá geturðu ekki stjórnað því" en klisjur eru klisjur af ástæðu. Og ástæðan er oftar en ekki sú að það er sannleikskorn í þeim.

Hvernig veistu hvort hlutirnir eru að virka eða ekki?
Hefurðu efni á að eyða tíma í hluti sem virka ekki?
Hefurðu efni á að eyða peningum í hluti sem virka ekki?
Er einhver ástæða til að vera að gera hluti sem virka ekki fyrir þig?

Tryggðu að í hvert skipti sem þú gerir eitthvað í markaðstarfinu, eins og að setja upp Facebook síðu, nota Google auglýsingar, setja auglýsingu í blaðið, eða hvað sem þú ert að gera, að þú vitir til hvers þú ert að gera það. Hvað viltu að þessi markaðsaðgerð geri?

Hugsaðu um markaðsferlið - og ef þú þekkir það ekki, þá geturðu lesið um það hér. Ertu að gera þetta til að láta vita af þér, til að vekja áhuga, fá fólki til að lika við þig eða treysta þér, gefa fólki "smakk" af því sem þú hefur upp á að bjóða, ýta við fólki að ganga frá sölunni, fá meiri viðskipti

Smelltu og lestu áfram ;) »

Þolinmæði þrautir vinnur allar - líka í markaðsstarfinu!

noreply@blogger.com (Unknown) — Tue, 07 Apr 2015 15:13:00 +0000

Það er langbest að gera sér bara grein fyrir því strax að markaðsstarf tekur tíma. Og sætta sig við það. Það gerist ekki nokkur skapaður hlutur á einni nóttu. Þetta er ekki spurning um eina risa auglýsingu hér eða boostaðan Facebook póst þar. Fólk þarf að fara í gegnum ákveðið ferli og þú verður að ná til þeirra ansi oft áður en þau eru tilbúin til að kaupa af þér. Ef þú vilt vita meira um markaðsferlið, endilega tjékkaðu á þessum pósti hér.

Skv. sölugúrúnum Brian Tracy tekur það fimm söluheimsóknir áður en viðskiptavinurinn er tilbúinn að kaupa. Það eru heimsóknir og mjög mjög dýr leið til að selja. Þú eyðir tíma dýrs starfsmanns í að fara til viðskiptavinarins og eyða með honum tíma. Þeir eru í sama herberginu, talandi saman augliti til auglitis í nokkrar mínútur a.m.k. Þannig að ef það tekur fimm slíkar heimsóknir að meðaltali, þá geturðu rétt ímyndað þér hversu miklu oftar þú þarft að ná til fólks í gegnum markaðsstarfið áður en það er tilbúið að kaupa. (Þú kannt að halda, byggt á þessu, að markaðsstarfið sé því ekki eins áhrifaríkt og söluheimsóknir, en treystu mér, það er ekki svo. Markaðsstarfið er mun skalanlegra en heimsóknir og getur náð til mun mun fleiri í einu á auðveldari hátt ;)

Mig langar að deila með þér einni af uppáhalds tilvitnunum mínum fyrir markaðsstarfið, sem hittir algjörlega í mark hvað þetta varðar. Hún er frá Thomas Smith:

Fyrst þegar maður lítur á auglýsingu, sér hann hana ekki.
Í annað skiptið tekur hann ekki eftir henni.
Í þriðja skiptið verður hann meðvitaður um að hún er til.
Í fjórða skiptið minnir hann að hann hafi séð hana.
Í fimmta skiptið les hann auglýsinguna.
Í sjötta skiptið lætur hann sem hann sjái hana ekki.
Í sjöunda skiptið les hann hana í gegn og segir, "Oh, þessi!"
Í áttunda skiptið segir hann, "þarna er þessi fjandans auglýsing aftur".
Í níunda skiptið hugsar hann hvort það sé nú eitthvað varið í þetta.
Í tíunda skiptið spyr hann nágrannann hvort hann hafi prufað þetta.
Í ellefta skiptið veltir hann fyrir sér hvernig þetta getur borgað sig fyrir auglýsandann.
Í tólfta skiptið hugsar hann að þetta hljóti nú að vera gott.
Í þrettánda skiptið hugsar hann að það hljóti nú að vera eitthvað virði í þessu.
Í fjórtanda skiptið man hann að hann hefur lengi langað í svona.
Í fimmtánda skiptið kvelur þetta hann eiginlega því hann hefur ekki efni á þessu.
Í sextánda skiptið hugsar hann sem svo að einn daginn muni hann kaupa sér svona.
Í sautjánda skiptið setur hann á minnismiða að fá sér svona.
Í átjánda skiptið bölvar hann fátækt sinni.
Í nítjánda skiptið telur hann peningana sína vandlega.
Í tuttugasta skiptið sem hann sér auglýsinguna kaupir hann vöruna.

Þetta er akkúrat það sem ég er að tala um þegar ég tala um að þú þurfir að endurtaka, endurtaka, endurtaka, endurtaka og endurtaka. Fólk verður að sjá þig ansi oft áður en það er tilbúið að kaupa. Það sem er enn áhugaverðara er að Thomas Smith skrifaði þetta árið 1885!!!! Þetta er ekkert nýtt. Markaðsstarfið tekur tíma. Smith gerði sér grein fyrir þessu fyrir lööööööööööööngu síðan! Þú verður að endurtaka þig, þú verður að halda samræmi í því sem þú gerir og þú verður að tala sífellt um sömu hlutina til að ná í gegn og eignast stað í huga fólks.

Endurtekurðu þig nógu oft - eða gefstu kannski of snemma upp?

Endurtaka, endurtaka, endurtaka...

noreply@blogger.com (Unknown) — Tue, 31 Mar 2015 12:25:00 +0000

Í fyrri pósti hef ég talað um að maður þurfi að finna hvern einasta snertipunkt við brandið og skoða hvernig við getum notað hvern og einn til að byggja það. Við þurfum að tryggja að fólk fái sömu upplifun af okkur hvar sem það kemst í snertingu við okkur. En það er ekki nóg. Þú verður líka að endurtaka, endurtaka, endurtaka, endurtaka og endurtaka enn og aftur...

Það er frábært þegar manni leiðist!

Endurtekning er lykilatriði í markaðsetningu, og ég get lofað þér því að ef þú ert að vinna markaðsstarfið rétt, þá kemur þér til með að leiðast. Þú verður leið(ur) á brand útlitinu; litunum þínum, leturgerðinni, myndunum o.s.frv., þú verður leið(ur) á markaðsefninu; auglýsingunum, skilaboðunum o.s.frv. Þú færð leið á þessu öllu saman. Það er alveg klárt mál! En málið er að þú ert alltaf að vinna með þetta. Þú ert alltaf að horfa á þetta, hugsa um þetta, þú ert alltaf að hrærast í þessu. Það væri hinsvegar fínn árangur ef fólkið sem þú ert að reyna að ná til sæi svona 1% af öllu því sem þú ert að gera. Þú verður að muna að markaðsstarfið snýst ekki um þig. Það snýst um þau. Þér á eftir að leiðast þetta, en þú verður bara að láta þig hafa það og harka af þér!

Ef þú ferð að breyta hlutunum bara af því að þér leiðist; breyta skilaboðunum, breyta útlitinu hvort sem það er á auglýsingum, bæklingum, efni á samfélagsmiðlunum, blogginu eða hverju sem er,
Smelltu og lestu áfram ;) »

Markaðsferlið

noreply@blogger.com (Unknown) — Tue, 24 Mar 2015 15:25:00 +0000

Það er mikilvægt að skilja ferlið sem viðskiptavinurinn þarf að fara í gegnum áður en hann er tilbúinn að kaupa af þér. Ef þú skilur það ferli, þá ertu betur í stakk búinn til að nýta markaðsaðgerðirnar þínar og skilaboðin markvisst til að færa hann í gegnum það og að kaupum.

Fyrsta skrefið er einfaldlega að fólk viti að þú ert til - vitund. Það þýðir ekki bara að fólk hafi séð þig einu sinni eða tvisvar, það þarf að hafa virklega tekið eftir þér til að hægt sé að segja að vitund sé til staðar. Það er ansi erfitt að fá einhver til að kaupa af manni sem veit ekki einu sinni að maður er til, ekki satt? ;)

Þó svo að fólk viti að þú ert til, þá er ekki þar með sagt að það hafi áhuga. Og ef fólk hefur ekki áhuga á fyrirtækinu þínu, vörunni eða þjónustunni, þá nær þetta ekki lengra. Þú verður að vekja áhuga þeirra til að fá þau til að vera tilbúin að hlusta og taka til greina það sem þú ert að segja. Það er ekki fyrr
Smelltu og lestu áfram ;) »

Lógóið þitt: Hvernig kaupirðu þér andlit?

noreply@blogger.com (Unknown) — Tue, 10 Mar 2015 17:34:00 +0000

Fyrir mörgum árum síðan sat ég fund með snilldar branding ráðgjafa og forstjóra eins stærsta fyrirtækis landsins. Ráðgjafinn var að kynna þjónustu sína fyrir forstjóranum og hafði sýnt honum frábær dæmi og komið með mjög flottar tillögur að því hvernig stofan hans gæti hjálpað við að færa fyrirtækið upp á hærra plan. Ég man að ég var algjörlega heilluð. Ég hef alltaf elskað branding hliðina á markaðsfræðunum og eftir að hafa setið í gegnum þessa kynningu þá fannst mér hún bara ennþá meira spennandi.

Eftir um klukkustundarlangan fund leit forstjórinn á ráðgjafann og sagði (á ensku): "Svo þú vilt breyta lógóinu okkar?" Ég átti ekki til orð. Ég trúði ekki mínum eigin eyrum. Sú staðreynd að forstjóri eins stærsta fyrirtækis landsins héldi að branding snérist bara um að breyta lógóinu gjörsamlega fríkaði mig út. Ef stóru strákarnir fatta ekki um hvað branding snýst, hvernig er þá hægt að ætlast til að fólk í minni fyrirtækjum skilji það?

Sem betur fer eru ekki allir eins og þessi annars ágæti forstjóri. Það gleður mig að segja að fleiri og fleiri aðilar eru að átta sig á því um hvað branding snýst og að það snýst um svo miklu miklu meira en bara logo. Tjékkaðu á bloggpóstasafninu mínu um branding ef þú vilt vita meira :) Í þessum pósti langar mig hinsvegar að tala aðeins meira um lógóið, vörumerkið sjálft. Því að þó að lógó sé ekki það sama og brand, þá er það mikilvægur hluti af því. Það má segja að lógóið sé andlit brandsins þíns. Það er oft það fyrsta sem fólk sér frá þér og jafnvel lengi vel það eina, og það er því mikilvægt að það komi réttum skilaboðum áleiðis.

Lógó er í rauninni alls ekki einfalt mál

Lógóið þitt er andlit fyrirtækisins þíns, vörunnar eða þjónustunnar. Lógóið þarf að koma réttu skilaboðunum á framfæri. Það verður að vera "on brand". Lógóið er oft lítið tákn eða mynd, og þarf að sýna brandið þitt á einfaldan hátt, jafnvel bara með stöfunum (e. logotype). Það þarf að aðgreina þig á markaði og það þarf að vera auðþekkjanlegt og eitthvað sem fólk tekur eftir.

Lógó þarf að aðlaga sig að ýmsum aðstæðum.
Smelltu og lestu áfram ;) »

Branding: Verum öðruvísi! Verum hugrökk!

noreply@blogger.com (Unknown) — Tue, 24 Feb 2015 13:44:00 +0000

Viltu skjóta samkeppninni ref fyrir rass? Viltu virkilega vera sigurvegarinn á þínum markaði?

Þá verður að hafa það á hreinu af hverju fólk á að kjósa þig fram yfir aðra!

Klassíska svarið þegar spurt er "af hverju ætti ég að kjósa þig fram yfir samkeppnisaðilana þína?" eru svör á borð við:

"Við erum betri"
"Við bjóðum betri þjónustu"
"Við bjóðum betri gæði"

Hvað eiga þessi svör að þýða? Betri samkvæmt hverjum? Hvaða staðla erum við að miða við? Hver vill ekki halda því fram að þeir séu betri, með betri þjónustu og betri gæði? Segir einhver "Ja, við bjóðum bara svona sæmilega þjónustu".

Auðvitað eigum við að leitast við að gera eins vel við viðskiptavini okkar og við mögulega getum innan þess ramma sem við höfum sett okkur m.a. m.t.t. verðs. Ef við ætlum að vera ódýrust á markaðnum, þá bjóðum við að sjálfsögðu ekki upp á lúxus, en við getum leitast við að bjóða bestu gæðin í okkar verðflokki. Það er hinsvegar grundvallargalli fólginn í því að ætla aðgreina sig frá samkeppninni með því að vera "betri".

Í fyrsta lagi er

Smelltu og lestu áfram ;) »

Snertipunktar við brandið

noreply@blogger.com (Unknown) — Tue, 17 Feb 2015 14:17:00 +0000

Það að byggja upp brand er kjarni markaðsstarfsins. Það er það sem aðgreinir þig frá hinum, og, ef vel tekst til, laðar fólk að þér. Eins og ég hef rætt í öðrum póstum, þá verður þú að ákveða hvernig brand þú vilt byggja upp, hvernig þú vilt að það sé og vinna markvisst að því að byggja það upp.

Segjum að þú sért alveg með á hreinu hvernig þú vilt að brandið þitt sé. Þú ert með brand kjarnann á hreinu (í hvaða skúffu þú vilt vera ;) Þú veist hvað þú vilt að komi upp í hugann á fólki og veist hvaða tilfinningar þú vilt vekja. Hvernig tökum við þessar brand tengingar og það sem við viljum vera þekkt fyrir og byggjum þær í hugum og hjörtum fólks?

Það eru tvö lykilatriði í þessu: Annars vegar að nota hvern einasta mögulega (og ómögulega :) snertipunkt við brandið - og við ætlum að ræða það aðeins meira hér. Hinsvegar að endurtaka, endurtaka, endurtaka, endurtaka, endurtaka, endurtaka og endurtaka meira ... og endurtaka aftur ...

Finndu snertipunktana við brandið þitt

Það var þetta með þessa snertipunkta. Við þurfum að finna
Smelltu og lestu áfram ;) »

Brand tengingar

noreply@blogger.com (Unknown) — Wed, 11 Feb 2015 14:22:00 +0000

Í fyrri pósti hef ég talað um mikilvægi þess að fólk geti sett okkur í kassa, eða skúffu í skjalaskápnum í höfðinu. Fólk þarf á mjög auðveldan hátt, og á engum tíma, að vita hver við erum til að þau taki eftir okkur og við eigum sjéns á plássi í minninu. Það, eitt og sér, er hinsvegar ekki nóg.

Þeir sem hafa lesið bókina mína, Marketing Untangled, þekkja markaðsferlið. Markaðsferlið segir okkur að áður en fólk kaupir af okkur þá þarf það ekki bara að vita af okkur, heldur þurfum við líka að vekja áhuga þeirra, þeim þarf að líka við okkur og þau þurfa að treysta okkur. Til þess að ná því þurfum við líka að byggja upp ýmsar tengingar í kollinum á þeim, bæði huglægar tengingar og tilfinningalegar. Öðruvísi komum við ekki til með að geta byggt sterkari tengingu við fólk og skapað trygga viðskiptavini.

Spáðu bara í hvað margt kemur upp í hugann og hversu miklar tilfinningar vakna þegar við hugsum um sum af þekktustu bröndunum þarna úti. Hér eru tvö vel þekkt dæmi, og nokkrir af þeim hlutum sem líklegt er að komi upp í hugann þegar við hugsum til þeirra:

Disney er hluti af okkur öllum. Það er einfaldlega ekki hægt að komast hjá því að fá ýmislegt upp í kollinn og finna tilfinningarnar innra með okkur þegar við heyrum eða sjáum orðið "Disney". Og hvort sem við elskum eða hötum Lady Gaga, þá er aldrei hægt að saka hana um að vera óáhugaverða og engin hætta á að það komi ekkert upp í hugann - kjötkjóllinn er t.d. mynd sem erfitt er að má úr huganum!

Það eru svona tengingar sem gera brönd áhugaverð, geta fengið fólk til að líka við þau og treysta þeim nægilega mikið til að vilja kaupa af þeim. (Auðvitað aldrei alla - en þá sem eru í markhópnum). Brand tengingar geta komið úr ýmsum áttum og þegar við förum í gegnum branding vinnuna okkar þá eru til hinar ýmsu æfingar til að hjálpa þér að átta þig á þeim brand tengingum sem þú gætir verið að byggja upp fyrir þitt brand. Hverjar sem þær eru, þá verðurðu að vera meðvituð/-aður um þær og tryggja að þær brand tengingar sem skapast hjá fólki séu þær sem þú vilt að séu til staðar og munu leiða til viðskipta.

Brand tengingar geta komið úr ýmsum áttum. T.d. geta þær komið frá vörunni sjálfri eða þjónustunni: Er varan einföld eða fáguð? Ódýr og hressileg? Lúxus? Er brandið tengt ákveðnum stað? Er það t.d. sérstaklega franskt, amerískt, íslenskt eða frá ákveðnum bæ eða landsvæði? Myndrænir hlutir mynda sterkar brand tengingar. Spáðu t.d. í öllum myndunum sem koma upp í hugan þegar þú hugsar um brönd eins og Disney, Apple eða Coca-Cola. Brönd geta haft ýmis tákn. Ekki bara lógó, heldur líka tákn á borð við fólk (Steve Jobs, Richard Branson), hluti eins og kók flöskuna eða Mikka mús eyru, eða jafnvel byggingar eins og Trump Tower. Brönd geta tengst ákveðnum árstímum og tilefnum. Er þetta fyrir sumarið eða veturinn? Ákveðna hátíðisdaga? Hverskonar fólk tengjum við við brandið sem notendur? Hverjir við teljum að noti það sem frá brandinu kemur getur haft mikil áhrif. Viljum við vera hluti af þeim hópi? Brandið hefur ákveðinn persónuleika. Ef brandið væri persóna, hverskonar manneskja væri það? Hvernig er sambandi fólks við brandið? Er brandið meira svona virðulegur ráðgjafi, eða hress félagi?

Við gætum haldið endalaust áfram. Það er svo margt sem hægt er að skoða og kanna til að finna út hvernig þú vilt byggja brandið þitt upp og það er margt af því mjög skemmtilegt :) Vinsæl æfing er að fara í "ef brandið mitt væri ... " og finna hvað lýsir því best hvernig þú vilt að brandið sé. Það getur verið eins og eitthvað dýr, bílategund, drykkur, bíómynd og hitt og þetta. Allir þessi hlutir hjálpa þeim sem koma að uppbyggingu brandsins að fá sem besta mynd af því hvernig við viljum að aðrir upplifi okkur og tryggir þannig að allir séu á sömu blaðsíðu. Þessar æfingar geta líka hjálpað þér að finna hluti sem eiga við brandið þitt sem þú hefðir kannski annars ekki áttað þig á.

Við þurfum að vera meðvituð um hvaða brand tengingar við byggjum, því þær hafa mjög mikil áhrif á hvort fólk tekur eftir brandinu okkar, hvort því líkar við það, treystir því og á endanum, hvort það kaupir af okkur.

Hvað viltu að fólk hugsi og hvaða tilfinningar viltu að vakni hjá fólki þegar það sér fyrirtækið þitt, vöru eða þjónustu?

Markaðssetning er "branding"

noreply@blogger.com (Unknown) — Tue, 03 Feb 2015 14:09:00 +0000

Ein af ástæðunum fyrir því að ég varð ástfangin af markaðsfræðunum er að þegar ég var í MBA náminu þá áttaði ég mig á því að markaðsstarfið er hjartað í öllum fyrirtækjum. (Mundu að markaðsstarfið er ekki bara auglýsingar ;) Án markaðsstarfsins þá eru engin fyrirtæki. Þeir sem eru ekki inni á markaðslínunni þola oft ekki þegar við markaðsnördarnir tölum um að "bissness = marketing". En veistu, það er bara þannig :)

Ég get ekki lagt nógu mikla áherslu á þetta, svo ég ákvað að fá til liðs við mig tvo af uppáhalds gúrúunum mínum úr stjórnunar- og markaðsfræðunum til að koma til skila hversu mikilvæg markaðsmálin eru: Peter Drucker og Al Ries. Þannig að "don't just take my word for it" - þeir geta sko heldur betur sagt þér hvernig þetta er! :)

Peter Drucker segir: "Meginhlutverk fyrirtækisins er að þjóna viðskiptavinunum með því að veita þær vörur og þjónustur sem það var sett á fót til að veita. Hagnaður er ekki aðalmarkmiðið, heldur nauðsynlegt skilyrði fyrir því að fyrirtækið geti haldið áfram að vera til. Aðrar skyldur, svo sem við starfsmenn og samfélagið eru til staðar til að styðja áframhaldandi getu fyrirtækisins til að sinna meginhlutverki sínu."

Þetta er alltaf kjarni markaðsstarfsins. Það þjóna viðskiptavininum. Því þetta þarf alltaf allt að snúast um viðskiptavininn. Þú verður að sjá hlutina með þeirra augum. Þú verður að gera þér grein fyrir því á hverju þeir þurfa að halda og hvað þeir vilja, og það er það sem þú þarft að veita þeim. Það er meginhlutverkið þitt. Ef þú reynir að troða upp á fólk hlutum sem það vill ekki og þarf ekki á að halda, þá ganga hlutirnir aldrei upp.

Peter Drucker sagði líka: "Þar sem að tilgangur fyrirtækisins er að búa til viðskiptavini, þá hefur fyrirtækið tvö, og einungis tvö, grundvallarhlutverk: markaðssetningu og nýsköpun. Markaðssetning og nýsköpun skapa árangur; allt hitt er kostnaður. Markaðsmálin er hið einstaka og aðgreinandi hlutverk fyrirtækisins."

Spáðu aðeins í þetta. Hefur hann rangt fyrir sér? Hvað annað gefur árangur? Þetta er nokkuð skondið, því það er mjög algengt að litið sé á markaðsstarfið sem kostnað í fyrirtækjum, í stað þess að
Smelltu og lestu áfram ;) »

Branding II: Í hvaða skúffu viltu vera?

noreply@blogger.com (Unknown) — Wed, 28 Jan 2015 23:06:00 +0000

Brandið þitt er öflugasta tólið í markaðssetningunni þinni. Ég hef fjallað um í það í fyrri póstum og þá staðreynd að við erum alltaf með brand, hvort sem við ætlum okkur það eða ekki. Ég hef líka talað um að þú þurfir að finna út hvert brandið þitt er, áður en þú getur farið að móta það í það sem þú vilt að það sé. Spurningin er þá, hvernig viltu að brandið þitt sé?

Í dag eru allir að tala um að hugsa út fyrir kassann og vá hvað ég gæti ekki verið meira sammála um nauðsyn þess! Hinsvegar, þegar kemur að branding, þá þarftu að hugsa um að vera í kassa. Einskonar brand kassa. Fyrsta skrefið í að byggja upp brand er nefnilega að finna kjarnann í því, það sem það snýst allt um - þú gætir kallað það hjartað í brandinu. Það má segja að við þurfum að ákveða í hvaða kassa í huga fólks við viljum að brandið okkar fari.

Við vitum að heimurinn sem við búum í er gríðarlega flókinn. Á hverjum degi dynja á okkur hundruð ef ekki þúsundir skilaboða; auglýsingar, hinar ýmsu vörur og þjónustur, fyrirtæki o.s.frv. Það eru allir að reyna að ná athygli okkar. Til að verða ekki algjörlega ringluð og til að reyna að koma einhverju skikki á þetta, þá reynum við að skipuleggja þetta í huganum með einhverjum hætt. Það mætti segja að við göngum um með skjalaskáp í hausnum, og í hvert skipti sem við tökum eftir einhverju sem okkur finnst þess virði að geyma, þá setjum við það í viðeigandi skúffu í skjalaskápnum.

Sem markaðsfólk þurfum við að ná í gegnum allan þennan hávaða á markaðnum til að
Smelltu og lestu áfram ;) »

Hvað eru markaðsmál?

noreply@blogger.com (Unknown) — Fri, 23 Jan 2015 15:05:00 +0000

Mjög oft þegar ég er í ráðgjöf eða að kenna þá finn ég að hugtakið markaðsmál er á reiki hjá mörgum. Það er ósköp skiljanlegt. Við markaðsfólkið erum svolítið eins og iðnaðarmennirnir og erum ekkert dugleg að markaðssetja okkur sjálf.

Þessvegna setti ég saman þennan litla glærupakka bara svona til að reyna að ná okkur öllum á sömu blaðsíðu - og að hjálpa að bæta ímynd okkar markaðsfólksins - við erum nefnilega ekki með horn og hala og öll eins og við séum að selja lélega notaða bíla ;)

Hvað eru markaðsmál? from Thoranna Jonsdottir

Gleðilegt ár!

noreply@blogger.com (Unknown) — Wed, 31 Dec 2014 10:03:00 +0000

Gleðileg jól!

noreply@blogger.com (Unknown) — Fri, 19 Dec 2014 16:08:00 +0000

Fiðrildin á leið á toppinn...

noreply@blogger.com (Unknown) — Thu, 04 Dec 2014 08:00:00 +0000

Ætlaði að skrifa einhvern rosalega djúpan bloggpóst í dag og eitthvað en veistu, ég er eiginlega bara óvinnufær vegna fiðrildamergðarinnar í maganum á mér! Akkuru? Jú, af því að í dag kemur nýja bókin mín út!

Það er alveg magnað hvað maður getur orðið skíthræddur við að sýna umheiminum það sem maður hefur fram að færa. En veistu, ég er búin að ákveða að segja bara "skítt með það!". Þeim sem líkar bókin, líkar hún, og þeim sem ekki líkar hún, líkar hún ekki. Og það er barasta allt í lagi. Því að maður getur aldrei verið fyrir alla. Sumir eiga eftir að fíla hana í botn og fá mikið gagn út úr henni. Aðrir eiga eftir að hafa einhverjar aðrar skoðanir á henni.

Þá er rosalega gott að muna það sem Don Miguel Ruiz skrifaði í frábærri bók sem heitir "The Four Agreements", og ég mæli eindregið með því að lesa (já, og þakkir til Þórunnar vinkonu minnar fyrir að benda mér á hana :) : "Don't take anything personally". Það er nefnilega þannig að það sem manneskjan hugsar, segir og gerir snýst í rauninni aldrei um aðra, það snýst um hana sjálfa. Fólk sér og dæmir hluti út fá sínum eigin raunveruleika, sinni upplifun og reynslu, engra annarra, og það er eitthvað sem þú getur ekki verið að spá í. Ef fólki líkar ekki það sem ég geri, þá er það barasta þeirra mál en ekki mitt.

Annar góður frasi sem mér finnst gott að minna mig á af og til er: "Þegar fíflunum fjölgar í kringum þig, líttu í eigin barm". Ég stend mig stundum að því að hugsa eitthvað miður gott um annað fólk - við gerum það ábyggilega öll einhvern tímann - en ég er farin að verða nokkuð góð í að stoppa mig af og hugsa "af hverju er ég að hugsa þetta?" og undantekningarlaust hefur ástæðan ekki með viðkomandi að gera, heldur mig. Mig og mitt óöryggi. Og þannig er því eflaust líka varið með aðra.

Góð vinkona mín sagði einu sinni við mig að það sem fólk, sem nyti almennt velgengni væri hræddast við, væri að standa eitt eftir á toppnum. Að þora að skara fram úr. Að skilja hina eftir sem ekki stefni svo hátt. Mig langar að trúa því að við fögnum þeim sem stefna á toppinn og komast þangað. Ég er ótrúlega stolt af mörgum af mínum vinum, fjölskyldu og viðskiptavinum sem hafa og eru að ná frábærum árangri í því sem þau eru að gera. Hér eru nokkur dæmi:

Eyrún vinkona mín í RóRó, sem er núna á Indiegogo með Lúllu dúkkuna sína og gengur rosa vel. Vantar bara herslumuninn að hún nái markmiðinu sínu (endilega leggið henni lið hér). Frábær manneskja með frábæra vöru sem á eftir að breyta lífi margra fjölskyldna í framtíðinni.

Rúna vinkona mín sem gaf út sína bók fyrr í haust, Branding Your X-Factor, og jetsettast um allan heim til að vinna með forsetum, og funda með stjórnendum stórra alþjóðlegra fyrirtækja. Hún er ein af þessum manneskjum sem lyftir öllum í kringum sig upp á hærra plan og er sko ekki feimin við að styðja sitt fólk á toppinn.

Rakel Sölvadóttir, frumkvöðull í Skema og brautryðjandi í forritunarkennslu fyrir börn og unglinga. Það sem hún er að gera hér heima og með reKode úti í Bandaríkjunum er magnað og forréttindi að fá að fylgjast með úr stúkusæti.

Ég gæti haldið áfram að telja upp magnaða einstaklinga að gera ótrúlega flotta hluti en þessi póstur er þegar orðinn ansi langur á persónulegu nótunum ;)

Fögnum þeim sem stefna hátt og ætla sér á toppinn. Það er fólkið sem getur gert heiminn að betri stað.

Ég viðurkenni það alveg að mig langar á toppinn. Mig langar að lifa góðu lífi af því að vinna með fólki sem hefur ástríðu fyrir því sem það er að gera og vill byggja upp spennandi og áhugaverð fyrirtæki sem skipta máli. Mig langar að skrifa bækur, halda námskeið, fyrirlestra og vinnustofur út um allan heim og þessi bók sem kemur út í dag er liður í þeirri vegferð. Ég vona að sem flestir fagni henni, nái sér í eintak og njóti góðs af. Hún er m.a.s. frí á rafrænu formi á Amazon fram á sunnudag - og þú getur fengið Kindle lesara app í öll helstu tæki ;) Þú finnur allar upplýsingar hér: http://thoranna.is/marketinguntangledbook/

P.s. Þú ert líklega að spyrja þig núna "hvað í ósköpunum hefur þetta að gera með markaðsmál?" - ja, þetta var bara svona smá persónuleg tjáning hjá mér á degi þar sem ég á erfitt að einbeita mér vegna spennings, en veistu, þetta hefur nefnilega heilmikið með markaðsmál að gera. Þau fyrirtæki sem ná árangri á markaði, sem ná árangri í markaðsmálunum, það eru fyrirtækin sem eru óhrædd við að standa upp úr, stefna á toppinn og standa fyrir eitthvað. Hugrekki er nefnilega öflugt vopn í markaðsstarfinu, svo þegar maður fer að spá í þetta, þá er þessi póstur barasta akkúrat spot on fyrir markaðsmálin ;)

Megir þú ná á þann topp sem þig langar að ná á - og ef ég get hjálpað þér að komast þangað þá er það barasta ennþá betra!

knús
Þóranna

Þorirðu að vera bleik(ur)?!

noreply@blogger.com (Unknown) — Tue, 25 Nov 2014 16:58:00 +0000

Hefurðu séð nýju bókina mína, Marketing Untangled: The Small Business & Entrepreneur's Map Through the Marketing Jungle? Því verður ekki neitað að hún er bleik :)

Ég var að spjalla við vin minn á Facebook nýlega. Í stað þess að endursegja samtalið, þá ætla ég barasta að pósta því hér:

Vinur minn: "Líst svakalega vel á bókina, kápan alveg SOLID og æsir upp forvitnina í manni. Bara eitt sem kom mér á óvart ... og ég er ennþá að reyna að ná utan um..."

Ég: "Aha - hvað?"

Vinur minn: "Kápan er svo rosalega BLEIK á litinn ... var það planið? :) "

Ég: "Óóóóóóóóóóóóóóó já :) "

Vinur minn: "Ó ... Hélt 'etta væri kannski mistök í prentsmiðjunni... djóóóóóók :) "

Ég: "Eins og ég - big, bold and unapologetic ;) "

Vinur minn: "Samfella í öllum skilaboðum frá þér. Þóranna ... bleika brandið!"

Ég: "Fer ekki framhjá neinum og fælir frá þá sem myndu aldrei fíla mig hvort eð er og ég nenni ekki að vinna með ;) "

Vinur minn: "Ha ha ha ... gott að sía það lið út strax á fyrsta degi!"

Ég: "Yep - eitt það dýrmætasta sem ég hef lært í business er að þekkja þá sem eru ekki "good business" og fæla þá strax frá. Það fer svo mikill tími og orka í að tala við þau. "I don't mean to be evil or anything" :) Nei, en grínlaust, það fer allt of mikill tími í fólk sem ekki er rétt fyrir mann og með því að koma bara með hlutina út strax þá sparar maður öllum tíma og hausverk :) "

Vinur minn: "Ég er alveg sammála þér."

Ég: "Ehaggi ... þetta er tricky og eitthvað sem er bara hægt að læra - maður getur ekkert séð þetta nógu vel fyrir."

Vinur minn: "Ég er að læra að þekkja merkin á svona "tirekickers"... sumir gefa frá sér svona "ætli ég þurfi ekki að skoða þessi mál eitthvað" vibe... það vekur ekki upp tiltrú að viðkomandi setji sig í gírinn og komi einhverju markvissu í verk."

Ég: "Ég þoli einmitt ekki "tire kickers"."

Þó að margir séu ekki tilbúnir að segja það upphátt, þá eru margir sem skilja nákvæmlega hvað við eigum við í þessu samtali. Ég er mjög oft spurð af hverju ég valdi þennan sterka bleika lit, og hvort ég hafi ekki áhyggjur af því að það fæli fólk frá - og jafnvel hvort ég hafi ekki áhyggjur af því að hann verði til þess að karlmenn vilji ekki eiga viðskipti við mig. Mitt svar er einfalt: Ef bleiki liturinn er vandamál fyrir fólk þá kem ég til með að vera vandamál fyrir fólk. Því fólki á ég eftir að finnast ég of "in your face", of orkumikil og of lífleg. Ástæðan fyrir því að ég valdi þennan lit er sú að hann er algjörlega táknrænn fyrir mig og gefur frá sér réttu merkin til fólks þannig að það fær strax á tilfinninguna hvernig ég er.

Hver ert þú og hvernig kemur þú því til skila til umheimsins þannig að þú laðir að þér fólkið sem þú vilt eiga viðskipti við og látir hina vita bara strax að þið passið ekki saman - og sparar þér og þeim þannig tíma? :)

Mig langar að kenna heiminum markaðssetningu ;)

noreply@blogger.com (Unknown) — Tue, 18 Nov 2014 12:28:00 +0000

Það er alveg að koma að þeim árstíma sem ég verð að fara að sjá eina af uppáhalds auglýsingunum mínum - þú manst eftir henni ;) Kók auglýsingin þar sem þau standa öll á hæðinni og syngja um hvernig þau vilja kenna heiminum að syngja "in perfect harmony" :) Ég elska þessa auglýsingu. Það koma ekki jólin fyrr en ég er búin að sjá hana :)

Ég er söngkona (jahá, þú vissir það ekki, er það? Hver veit, kannski leyfi ég þér einhvern tímann að heyra í mér ha ha ha :) ... en mig langar ekkert að kenna heiminum að syngja. Það er fullt af góðu fólki út um allt að gera það. Mig langar hinsvegar að kenna heiminum markaðsfræðin. Sérstaklega þeim sem reka lítil og meðalstór fyrirtæki þar sem fyrirtækið er ekki bara fyrirtæki heldur stór partur af lífinu og tilverunni. Mig langar að kenna þeim markaðsfræðin sem stofna fyrirtæki af því að þá dreymir stóra drauma. Hverjir sem þessir draumar eru. Fyrir suma snýst þetta um frelsi, um að vera sinn eigin herra, að hjálpa fólki, og fyrir suma fyrst og fremst um peninga - það er svo margt sem liggur að baki. En það er semsagt það sem ég brenn fyrir. Mig langar að hjálpa til við að byggja upp fyrirtæki sem fólk elskar - sem fólk elskar að eiga viðskipti við en ekki síður fyrirtæki sem eigendurnir elska að reka. Syndin er að allt allt of mörg frábær fyrirtæki deyja vegna þess að það skortir þekkingu á markaðsmálunum. Og það viljum við ekki!

Markaðsmálin eru hinsvegar orðinn þokkalegur frumskógur! Ég er markaðsnörd. Ég nördast í markaðsmálunum allan daginn og ég verð m.a.s. stundum ringluð. Eftir að í bættist netið, samfélagsmiðlarnir, snjallsímar o.s.frv. o.s.frv. - eru möguleikarnir endalausir, tækifærin endalaus, og endalausir hlutir sem hægt er að klúðra. Svo ég tók mig til og skrifaði bók! Er það ekki það sem maður gerir þegar mann langar að kenna einhverjum eitthvað? ;)

Ég vona að þessi bók gefi þeim sem ekki eru sérfræðingar í markaðsmálunum góðan grunn sem þeir geta byggt markaðsstarfið á og hjálpi fólki að átta sig á þessu öllu saman. Það virðist bara hafa tekist nokkuð vel - ég hef a.m.k. fengið mjög góðar viðtökur hjá þeim sem hafa fengið að lesa bókina nú þegar og þú getur séð ummæli frá sumum þeirra hér (þar sem þú getur líka náð þér í sýnishorn úr bókinni ;) http://thoranna.is/marketinguntangledfree/

Í bókinni er farið yfir þau fimm atriði sem liggja til grundvallar öflugu markaðsstarfi: markhópana, samkeppnina, brandið, markaðssamskipti (aðgerðirnar) og markaðskerfið. Svo er planið að kafa dýpra í hvert og eitt þessara fimm atriða í bókum sem koma út í framhaldinu og gefa þér þannig allt sem þú þarft til að taka þetta markaðsdót allt saman í nefið! :)

Ég vona að þú grípir þér eintak af sýnishorninu. Um leið og bókin kemur út þá læt ég þig vita og þá gætirðu nælt þér í hana frítt fyrstu dagana eftir að hún kemur út á Amazon. Gríptu sýnishornið, og fylgstu svo vel með tölvupóstinum þínum til að grípa frítt eintak! Ekkert nema gróði! ;)

Já og þeir sem næla sér í sýnishorn eru svo velkomnir í Marketing Untangled Series hópinn á Facebook þar sem við ræðum markaðsmálin. Ég kíki reglulega inn og tek þátt í umræðum og svara spurningum. Endilega komdu og vertu með!

Jæja - eigum við ekki að fara að rokka þessi markaðsmál?!

xo

Þóranna

p.s. hér er hlekkurinn aftur, bara svona til öryggis ;) http://thoranna.is/marketinguntangledfree/

Branding I: Hvað er brandið þitt?

noreply@blogger.com (Unknown) — Tue, 11 Nov 2014 14:23:00 +0000

Alveg sama hvað þú gerir eða gerir ekki í markaðsmálunum, hvort sem þér líkar það betur eða verr, hvort sem þú áttar þig á því eða ekki, og hvort sem þú tekur meðvitaðar ákvarðanir um að skapa það og stýra því eða ekki - þú ert alltaf með brand.

Ef þú ert ekki með á hreinu hvað brand er, þá er gott að smella hér og tjékka á því, en í grundvallaratriðum er brand það sem kemur upp í huga fólks og þær tilfinningar sem vakna þegar það sér eða heyrir af einhverju, hvort sem það er fyrirtæki, vara, þjónusta eða persóna. Brand er alltaf til staðar, vegna þess að bara að nefna eitthvað einu orði mun alltaf kveikja einhverjar hugsanir og tilfinniningar, alveg sama hversu lítið eða mikið fólk veit um það.

Spáðu í það. M.a.s. bara að heyra eitthvað nafn kveikir strax eitthvað. Nafn sem jafnvel er bara þrír stafir. Hver hefur ekki einhvern tímann sagt, eða heyrt einhvern segja, "Hann bara lítur ekki út eins og Jói" eða, "Jófríður - það hljómar eins og gömul kona!". Jafnvel abstrakt orð kveikja hugsanir og tilfinningar. Þó það séu bara hljóð sem hafa enga vitræna þýðingu eins og hljóðlíkingarorð. Þau vekja samt hugsanir og tilfinningar. Þess vegna er alveg sama hversu mikið eða lítið fólk veit, sér eða heyrir af fyrirtækinu þínu, vöru, þjónustu eða bara þér sjálfri/sjálfum, það kvikna alltaf einhverjar hugsanir og tilfinningar.

Ætlarðu að treysta bara á guð og lukkuna?

Spurningin er þá: Ætlar þú bara að krossleggja fingurnar og vona að brandið sem vaknar hjá fólki sé brand sem að hjálpi þér og verði til þess að þau kaupi af þér? Eða viltu taka stjórnina og gera allt sem í þínu valdi stendur til að tryggja að brandið fái þau til að vilja kaupa af þér - og bara þér - og byggi þannig upp viðskiptatryggð sem verður til þess að viðskiptavinirnir fari ekki annað?

Hvað er brandið ÞITT?

Veistu hvert brandið þitt er?
Smelltu og lestu áfram ;) »

Hvað er brand?

noreply@blogger.com (Unknown) — Tue, 04 Nov 2014 15:18:00 +0000

Oft þegar ég ræði við frumkvöðla og eigendur lítilla fyrirtækja verð ég vör við að hugtakið "brand" er svolítið á reiki. Það er sosum alls ekkert skrýtið. Þetta er einn af þessum hlutum sem markaðssérfræðingum hefur tekist að gera leyndardóms- og dularfullt með því að nota allskonar skrýtin orð og tala í hringi og rukka svo grilljónir fyrir þróun brand stefnu, uppbyggingu brandsins (helst með rándýrum auglýsingum), hönnun á brandútliti og allskonar svona fínerí. "Brand" er líka eitt af þessum hlutum sem við tengjum jafnan við stórfyrirtæki eins og Nike, Apple og Google en finnst kannski ekki eiga við okkur sem erum smærri í sniðum.

Ég ætla að ljóstra upp um hernaðarleyndarmál og segja þér að brand er ekki bara eitthvað fyrir stór fyrirtæki, heldur er sterkt brand það öflugasta markaðstól sem þú getur byggt upp fyrir fyrirtækið þitt, af hvaða stærð og gerð sem það er. Seth Godin gekk m.a.s. svo langt að segja að fyrirtæki sem byggir brandið sitt rétt upp þurfi ekki að eyða meiru fé í markaðsstarfið!

Hvað er brand?

Allt í lagi - en hvað er þá þetta "brand"?

Smelltu og lestu áfram ;) »

Hvernig fylgist þú með samkeppninni þinni?

noreply@blogger.com (Unknown) — Tue, 28 Oct 2014 14:23:00 +0000

Í fyrri pósti held ég að mér hafi tekist að sannfæra fólk um nauðsyn þess að fylgjast með samkeppninni - eða hvað? ;) En það er ekki nóg að rannsaka þá bara með smásjá einu sinni og svo ekkert meira. Hlutirnir breytast og þróast hratt í nútímaheimi og þú þarft alltaf að vera með puttann á púlsinum.

Það er mjög misjafnt hvað þú ert að skoða hjá samkeppninni eftir því í hvaða bransa þú ert, en það eru alltaf ákveðin kjarnaatriði á borð við:

Hvað eru þeir að gera í markaðssetningu?
Hvert virðast þeir stefna?
Hvaða markhópum eru þeir að einbeita sér að?
Hversu stórir eru þeir (starfsmannafjöldi, velta, markaðshlutdeild)?

Það er fullt fleira og ýmislegt sem á sérstaklega við hjá þér og þessir hlutir munu breytast. Ef eitthvað er öruggt í þessu lífi þá er það að hlutirnir breytast ;)

Hér eru nokkrar leiðir til að fylgjast með samkeppninni til að passa að þeir taki ekki fram úr þér ;)

Smelltu og lestu áfram ;) »

Af hverju þarftu að vita eitthvað um samkeppnina þína?!

noreply@blogger.com (Unknown) — Tue, 21 Oct 2014 14:55:00 +0000

Nýlega átti ég fund með forystumanni íslensks sprotafyrirtækis sem stefnir hátt og lofar góðu. Þegar ég spurði hann hvernig samkeppnisaðilar þeirra gerðu hlutina sagði hann að honum væri alveg sama um samkeppnina, þau vildu bara einbeita sér að því sem þau væru að gera. Ég skil það alveg. Ekki eyða of mikilli orku í hina.

Vandamálið er hinsvegar að þú ert að reyna að fá fólk til að kaupa af þér frekar en einhverjum öðrum. Ef þú veist ekki hvaða valmöguleikum fólk stendur frammi fyrir og hvaða kosti það er að bera saman, hvernig geturðu mögulega fengið fólk til að skilja að það sem þú býður sé málið? Ef þú þekkir ekki samkeppnina, hvernig ætlar þú að svara þegar þú ert spurð(ur): "Af hverju ætti ég að kaupa af þér frekar en þeim?"

Smelltu og lestu áfram ;) »

Stundum verður maður bara að reka viðskiptavinina!

noreply@blogger.com (Unknown) — Tue, 14 Oct 2014 11:23:00 +0000

Það er mikilvægt að finna rétta markhópinn fyrir þig, fólkið sem þú átt að vera að selja til. Ein besta leiðin til þess er að finna draumaviðskiptavininn. Þetta fólk sem þú algjörlega elskar að vinna með og fyrir. Hefurðu hinsvegar nokkurn tímann hugsað út í hversu mikilvægt það er að vita hverjum maður vill ekki vinna með eða fyrir? Það er jafn mikilvægt í markaðssetningu að fæla frá þá viðskiptavini sem þú vilt ekki, eins og að draga að þá sem þú vilt fá. Og það getur þýtt að þú þurfir hreinlega að reka viðskiptavini!

Nú hugsarðu kannski: "Jæja, nú er hún endanlega orðin rugluð!" - og já já, það er ég ábyggilega að mörgu leyti - en ekki þegar kemur að þessu! Viðskiptavinur er ekki það sama og viðskiptavinur. Það eru ekki öll viðskipti góð viðskipti!

20% gott og 20% slæmt

Þumalputtareglan er að þú ættir að reka u.þ.b. 20% af viðskiptavinunum þínum. Bíddu aðeins áður en þú afskrifar mig alveg og hættir að lesa ;)

Smelltu og lestu áfram ;) »

Hverjir eru þetta? Skilgreindu markhópana með meira en bara tölum og hörðum skilgreiningum!

noreply@blogger.com (Unknown) — Tue, 07 Oct 2014 11:51:00 +0000

Í fyrri póstum höfum við skoðað af hverju þú getur ekki selt öllum og hvernig þú getur fundið drauma viðskiptavininn þinn, og þar með besta markhópinn eða bestu markhópana fyrir þig að einbeita þér að. En hvernig skilgreinum við svo þessa markhópa?

Klassíska leiðin er að skilgreina þá lýðfræðilega og landfræðilega, eftir hlutum eins og aldri, kyni, tekjum, menntunarstigi o.s.frv. Í sumum tilfellum á þetta algjörlega við, en í öðrum skiptir þetta bara alls engu máli! Hvort sem lýðfræði eða landafræði á við hjá þér eða ekki, þá muntu alltaf þurfa að fara dýpra og læra meira um þá sem þú ert að markaðssetja til.
Smelltu og lestu áfram ;) »

Draumaviðskiptavinurinn - finndu besta markhópinn fyrir þig!

noreply@blogger.com (Unknown) — Tue, 30 Sep 2014 12:19:00 +0000

Það getur verið að við séum fyllilega búin að gera okkur grein fyrir því hversu mikilvægt er að reyna ekki að markaðssetja til allra. Vandmálið hinsvegar er þá oft, hvernig í ósköpunum eigum við að vita hvað er besta fólkið fyrir okkur að markaðssetja til? Hvernig í ósköpunum átt þú að finna út hvað er besti markhópurinn fyrir fyrirtækið þitt?! - engjar áhyggjur - ég ætla að hjálpa þér að finna út úr því ;)

Stærsta vísbendingin um hver besti markhópurinn þinn er liggur í núverandi viðskiptavinum þínum. Hugsaðu þig vel um. Hverjir eru bestu viðskiptavinirnir þínir í dag? Hvaða viðskiptavinum elskarðu að vinna með og fyrir? Almennt gildir sú regla að 20% viðskiptavinanna þinna eru draumaviðskiptavinri og þessir 20% gefa af sér 80% af tekjunum þínum. Væri þá ekki vit að finna fleiri svoleiðis?

Smelltu og lestu áfram ;) »

Þú getur ekki selt öllum - finndu markhópinn þinn!

noreply@blogger.com (Unknown) — Tue, 23 Sep 2014 12:01:00 +0000

Þegar eigendur minni fyrirtækja eru spurðir um markhópinn sinn, þá eru enn ansi margir sem svara því til að þeir selji barasta öllum. Sem er mjög skiljanlegt. Hver vill ekki að sem allra flestir kaupi vörurnar þeirra eða þjónustu? Ég skil þetta barasta ósköp vel. Stundum langar mann bara að standa úti á torgi og hrópa yfir allan heiminn hvað maður hefur að bjóða. Ég sjálf á það til að taka bara smá kast og hugsa - æi, ég hendi þessu bara þarna út á alla. Vandamálið er bara að það virkar ekki. Af hverju ekki?

Spáðu aðeins í þessu. Það dúndrast á okkur hundruð ef ekki þúsundir markaðsskilaboða á hverjum degi. Það er í viðbót við öll önnur skilaboð eins og símtöl, tölvupósta, fréttirnar og bara svona almenn dagleg samskipti við heiminn og fólkið í kringum þig. Við verðum stöðugt að vera að sía úr og velja hverju við eigum að veita athygli og hvað við eigum að loka úti. Ef einhver er ekki að tala beint til okkar - og helst bara okkar - þá erum við ekkert að fara að hlusta.

Þegar kemur að því að tala við fólk um vörur og þjónustu þá er fólk ekkert að fara að hlusta ef því finnst hlutirnir ekki eiga við sig. Ef fólk hefur ekki áhuga, eða telur sig ekki hafa þörf fyrir vöruna eða þjónustuna (jafnvel þó að við vitum að þau þurfa hana ;) þá munu þau bara loka augum og eyrum fyrir okkur og velja að nýta þau til að hlusta og horfa á eitthvað annað sem þeim finnst eiga betur við sig. Það er þessvegna mjög mikilvægt bæði að skipta máli fyrir viðkomandi og að vera áhugaverður. Og maður getur einfaldlega ekki skipt alla máli eða verið þannig að allir finnist maður áhugaverður.

Það er líka ferlega dýrt að ætla að reyna að vera alls staðar og tala við alla. Með því ertu að eyða óskaplega miklu af tíma, orku og peningum í að koma áfram skilaboðum sem fólk einfaldlega skellir skollaeyrum við. Sem frumkvöðull eða fyrirtækjaeigandi, hefurðu efni á að eyða tíma, orku og peningum á þann hátt? Ég veit að ég hef það ekki.

Þess vegna verðurðu að velja og fókusera. Þú verður að finna þann hóp, eða þá hópa, fólks sem er tilbúinn til að hlusta á þig og er tilbúinn að kaupa vöruna þína eða þjónustu - markhópana þína. Og þú þarft svo að stúdera þá út í gegn.

Finndu út hvernig best er að ná til þeirra. Hvaða skilaboð eru sterkust og ná í gegn? Hugsaðu bara um þitt daglega líf og hvernig þú þarft að sníða skilaboðin að mismunandi aðilum, þó að þú sért að segja í grunninn sama hlutinn. Ef ég ætla að fá táningsson minn til að koma með mér upp í sumarbústað þá þarf ég að selja það ansi mikið öðruvísi heldur en þessi sem er 6 ára, eða gagnvart vinafólki mínu, ekki satt? Það þarf líklega að tala unglinginn svolítið til, 6 ára guttinn flippar af spenningi um leið og orðið "sumarbústaður" er nefnt og þegar ég býð vinafólki mínu skemmir ekkert fyrir að minnast á nautasteikina sem verður á grillinu eða góða rauðvínið sem verður með henni ;)

Stendurðu nokkuð enn á kassa á Lækjartorgi og reynir að garga yfir allan heiminn? Veistu hver markhópurinn þinn er, eða markhóparnir? Segðu mér frá hér fyrir neðan :)

Tíminn flýgur hratt á gervihnattaöld - hvernig getum við fengið meira af honum?!

noreply@blogger.com (Unknown) — Tue, 16 Sep 2014 11:00:00 +0000

Við þekkjum þetta öll - það eru einfaldlega ekki nógu margir tímar í sólarhringnum. Hinsvegar vitum við líka að þetta er ekkert líf. Endalaust stress, alltaf að flýta sér, aldrei að geta verið í núinu og - það sem getur drepið reksturinn okkar - að geta aldrei sinnt því mikilvæga því að við erum á haus að slökkva elda og sinna þessu áríðandi.

Sl. sumar gerði ég tvær kannanir þar sem kom berlega í ljós að stærstu hindranirnar fyrir því að fólk tæki markaðsmálin sín föstum tökum eru tími og peningar. Ég veit að ég get tæklað þetta með peningana - markaðsstarfið þarf nefnilega ekki á svo miklum svoleiðis að halda og ég get kennt fólki hvernig það getur náð árangri í markaðsstarfinu með litla sem enga peninga. Ég get líka hjálpað fólki að setja hlutina þannig upp að markaðsstarfið taki ekki meiri tíma en nauðsynlegt er - en það tekur alltaf einhvern tíma - og til að koma hlutunum þannig að fyrir að það þurfi sem minnstan tíma, þá þarf tíma til að koma því þannig fyrir :) Og ekki má gleyma að tími er jú, réttilega, peningar) - svo ég ákvað að fara á stúfana og reyna að finna út úr því hvernig ég gæti búið til meiri tíma fyrir mig, og vonandi þig í leiðinni ;)

Ég fékk astoðarkonuna mína (það er einmitt einn liður í því að búa til meiri tíma fyrir sig ;) til að taka saman fyrir mig bestu ráðin sem hún gat fundið til að nýta tímann betur og koma meiru í verk. Svo fór ég í gegnum þau og valdi þau sem mér leist best á. Það er úr mörgu að velja og til að þessi póstur verði ekki of langur þá ætla ég að fara yfir þrjú þeirra hér. Ég mun svo klárlega koma með fleiri þegar fram líða stundir - sérstaklega þegar ég finn hluti sem virka fyrir mig og gætu því mögulega virkað fyrir þig ;)

1 - Ekki láta aðra stjórna!

Byrjum á þessu. Ég nefnilega þegar farin að nota þetta og það svínvirkar.

Þegar þú byrjar að vinna á morgnana, ekki opna tölvupóstinn eða Facebook eða neitt slíkt sem kemur þér í samband við umheiminn. Byrjaðu bara einfaldlega á einhverju þeirra mikilvægu verkefna sem fyrir liggja og krefjast þess að þú getir einbeitt þér að þeim í svolítinn tíma. Ef þú mögulega getur, slökktu líka á símanum og láttu bara talhólfið sjá um málið. Ekki skoða neitt af þessu fyrr en um hádegi. Segjum að þú byrjir að vinna kl. 9 - eða jafnvel 10 - þetta gefur þér ótruflaðan tíma til að vinna, fersk(ur) í morgunsárið í 2-3 og jafnvel 4 tíma ef þú byrjar kl. 8. Ég lærði þetta af Tim Ferriss með 4-hour work week og mér finnst frábært að minna mig á að með þessu þá ræð ég deginum mínum, í stað þess að leyfa öðrum að gera það með því að ég bregðist við þessu emaili, svari þessum Facebook skilaboðum o.s.frv.

Taktu svo smá tíma áður en þú ferð í mat og tjékkaðu á pósti (og Facebook, ef starfið þitt er þess eðlis að þú þurfir að svara fyrirspurnum eða öðru þar - annars - slepptu því!!!). Með því að gera það áður en þú ferð í mat þá ertu heldur ekkert að dúlla þér í því of lengi því garnirnar eru farnar að gaula ;) Láttu svo póstinn aftur algjörlega vera þar til síðast áður en þú hættir að vinna. Hvort það er korteri, hálftíma eða klukkutíma áður fer eftir því hvað þú færð venjulega mikið af pósti, en pælingin er sú sama og áður. Að fá ótruflaðan tíma til að vinna.

Takk Tim Ferriss :)

2- Hættu þessu endalausa fundastandi!

Það verður að segjast eins og er. Fundir eru tímaþjófar. Það eru yfirleitt fleiri á þeim en þurfa að vera. Þeir eru yfirleitt lengri en þeir eiga að vera og tíminn á fundum er gegnumgangandi illa nýttur í blaður. Hversu oft hefur þú ekki komið út af fundi án þess að það sé nein skýr útkoma og skýr næstu skref?

Gerðu allt sem þú mögulega getur til að komast hjá því að sitja fundi. Ef þú þarft að sitja fundi, farðu þá fram á að fá skýra dagskrá fyrirfram og þar á að koma skýrt fram hvað þarf að koma út úr fundinum. Gerðu allt sem þú getur til að fundarmenn haldi sig við þá dagskrá - ef það felur í sér að taka að sér fundarstjórn, gerðu það! Ef á að taka mörg mál fyrir, biddu um að fá að vera fyrst(ur) með það sem snýr að þér því þú þurfir að fara að sinna öðrum erindum - og farðu svo!

Ég er að verða betri í þessu, en gæti orðið mun betri. Er samt orðin grimm í því að verja tímann minn og bóka fundi bara á ákveðnum dögum og tímum, þar sem ég skelli þeim saman, því að einn fundur hér og einn fundur þar tætir allt í sundur og það verður ekkert úr deginum. Búandi í sveitinni er ég líka hörð á að taka ekki fundi í Reykjavík nema á ákvöenum dögum og þá hrúga ég nokkrum saman og nýti daginn vel í kaupstaðarferðinni. Það þýðir að fólk sem vill hitta mig augliti til auglitis og er ekki tilbúið í sveitaferð þarf stundum að bíða í dágóðan tíma - en hey, þá líka detta út þeir sem þurfa í rauninni ekkert að hitta mig og þeir verða eftir sem vit er í ;) Ég er auðveldari með Google Hangout fundi (og Skype ef ég neyðist til ;) en reyni líka eftir bestu getu að raða þeim saman þannig að ég tæti ekki daginn í sundur og vil hafa skýra dagskrá.

Takk aftur, Tim Ferris - og hann lumar á mörgum fleiri góðum ráðum :)

Hann Gunnar Jónatans hjá IBT er assgoti góður bæði í þessu með tölvupóstinn og fundarstjórnina og hann er einmitt með námskeið sem hjálpar þér að temja tölvupóstinn á næstunni, í samstarfi við Dokkuna. Smelltu hér til að fá frekari upplýsingar.

3 - Sestu aftur á skólabekk

Aha - þetta hljómar eins og tóm vitleysa, ekki satt? Hver hefur tíma til að setjast aftur á skólabekk? Og til að læra hvað? Jú, það er margt sem gott er að læra og sem getur kennt þér að nýta tímann þinn betur. Ég hef áður fjallað um hvað það sparar mikinn tíma að vera með markaðsmálin á hreinu. En það er ekki það sem ég er að tala um núna.

Hraðari lestur. Það er það sem ég er að tala um. Við þurfum öll að lesa alveg ógrynni af hlutum. Við lesum tölvupósta, við þurfum oft að lesa eitthvað vegna vinnunar, og ef við ætlum að verða betri í hlutum (sem við verðum þá oft fljótari í líka) þá þurfum við að lesa meira og hraðar. Ég les mjög mikið, hvort sem það eru bækur tengdar markaðsfræðunum eða mér til skemmtunar, en ég les líka ógrynni af tölvupóstum og bloggum. Og mikið væri nú gott að vera fljótari að því.

Ég er búin að vera á leið á hraðlestrarnámskeið í háa herrans tíð. Ég á satt best að segja voða erfitt með að gera hluti sem krefjast þess að ég sé á ákveðnum stað á ákveðnum tíma og þess vegna hefur ekkert orðið af því. En nú skal þessu breytt. Ég keypti mér um daginn námskeið á útsölu hjá Udemy sem heitir Become a SuperLearner: Learn Speed Reading and Advanced Memory Techniques. Nú ætla ég að fara að drullast til að fara í gegnum það (það kostar $199, en ef þú skellir þér á póstlista hjá Udemy þá láta þeir þig vita af næstu útsölu og þú gætir fengið það mun mun hagstæðara - held að ég hafi borgað $10 eða $20). Pat Flynn á Smartpassiveincome.com bloggaði líka um hraðlestur mjög nýlega og bendir þar á góð frí YouTube vídeó sem hjálpuðu honum að hraða verulega á lestrinum, bæta skilninginn og minnið!

Ég ætla að byrja á þessum þremur atriðum yfir næstu vikurnar (hraðlesturinn gæti tekið smá tíma að mastera;) og svo ætla ég að fara aftur í gögnin mín og finna næstu þrjú atriði - og deila þeim með þér :)

Hvað af þessu líst þér best á? Hvað ætlar þú að taka og gera núna strax í dag? Segðu mér og láttu mig svo vita hvernig gengur - mig langar að fylgjast með ;)