虎霆部落格

我們的旅行 blog (台北之旅 2010 updated)

noreply@blogger.com (虎霆) — Wed, 28 Jul 2010 02:42:00 +0000

今年台北之旅 -

http://sites.google.com/site/piggymeowmeow/%E8%B1%AC%E8%B2%93%E9%81%8A%E8%B9%A4/taipei2010

我們的旅行 blog (吉隆坡之旅 2010 updated)

noreply@blogger.com (虎霆) — Fri, 14 May 2010 05:08:00 +0000

好耐冇update 個 blog 啦 ~~ 其實有好多野想寫, 但仲提唔起勁......不如先寫寫旅行 blog 先....

我地今年去吉隆坡旅行 blog, 去睇吓啦 -

http://sites.google.com/site/piggymeowmeow/%E8%B1%AC%E8%B2%93%E9%81%8A%E8%B9%A4/2010

我們的旅行 blog (韓國之旅updated)

noreply@blogger.com (虎霆) — Tue, 01 Sep 2009 08:03:00 +0000

將 blog 重整之後, 而家將我同貓妹旅行嘅 blog 條 link 都放上來, 有興趣可以去右邊嘅 link 去睇下我地啲旅行嘅相, 包括今次去韓國之旅, 一齊去感受一下啦 !!

Blog 之重整

noreply@blogger.com (虎霆) — Mon, 10 Aug 2009 13:57:00 +0000

把 MSN Space delete 了, 因為發覺 maintain 兩個 blog 實在不需要, 現在統一以 Google Blogger 作我個人嘅 blog 啦, 一來可以提高 Blogger 瀏覽人數, 睇下會唔會有 Adsense 收入 :) 二來 Blogger 實在比 MSN Space flexible 得多. 當我有任何 Blogger 嘅 update, 以後 MSN 應該同樣會有提示, 而大家可以係我 MSN profile 裡面我嘅 "What's new with" 搵到我嘅最新 blog 文章.

以後, 請多多指教 !

瑣碎的話 – 2

noreply@blogger.com (虎霆) — Thu, 30 Jul 2009 07:49:00 +0000

- 明天起程去首爾啦, 逗留四天, 印象中每次到首爾不是秋就是冬, 夏天倒是第一次, 希望食人蔘雞不會太熱啦...我本人就食為主, 貓妹就係去血拼了...

- 上一篇所提及工作嘅事情, 停滯不前, 真係唔知啲人諗咩…..會唔會到我地個 services contract 完都未 migrate 呢 ? 呢個真係一個謎...

- o靚模入書展無問題, 問題係貿發局唔應該安排佢地同普通書商一齊, 點解貿發局識將台灣書商放到老遠, 但寫真集就擺正場 ? 咪又係錢作怪...

- 係電視睇到馬家輝講得好好, 佢嘅說話大意係呢啲寫真集已經通過淫審, 如果只係因為意識形態上問題而禁, 咁啲政治不同見解嘅書, 諷刺曾特首, 政府高官嘅書咪全部要禁 ? 仲有咩言論自由 ? 一針見血 !

- 不過都幾好丫, 睇到玉女Stephy本書短短 30頁字, 但就錯咗 109個別字. 勁 !! HA HA HA 咪住 ! 可能我都有噃, 有冇人可以幫我校對 ?

- 之前係戲院睇咗好多電影, 都沒 update 一下我過影視會 blog 潻...希望返黎之後可以啦 !

- 英超八月十五號開鑼啦, 但係阿仙奴做咩賣走哂啲人呀 ?

- Call Of Duty 5 終於都將喪屍模式打出啦, 一個簡簡單單嘅玩法, 居然一玩上癮, 而且都需要有一定嘅戰略先可以 survival, 個人覺得比 Bio Hazard 5 更刺激更好玩, 其實打喪屍真係使咩咁多故事包裝, 做 BH 班人要好好檢討一下...有冇人一齊 Live 打呀 ?

- 收筆, 首爾我來啦 ~~~ Have a nice weekend everybody !!

Lost Control

noreply@blogger.com (虎霆) — Thu, 23 Jul 2009 13:50:00 +0000

最近工作上見到的事情真係令人哭笑不得 : vendor 那邊希望盡快完成 network migration project, 等佢地可以馬上開始 billing, 就算現今面對一大堆問題, 都想將責任推卸, 用一啲不三不四理由赦責. 而 client 那邊, 因為一路以來都對 vendor 有所不滿, 於是就事件上一面倒指責 vendor 的不是, 就算自己本身有一啲出錯遺漏, 都會話係 vendor 未能配合而引致.

而當有 conference call嘅時候, 一啲有決策性嘅 management 又永遠唔會 show up. 反而久不久會出一封 e-mail, 講一啲所有人都知嘅情況, 比一啲冇意義、官腔式字句, 你呢個 management 在做 meeting minute 嗎 ?? 於是, conference call 上, 雙方都 point fingers to the other, 永無什麼正面作用, 所有事情就好似start from beginning…

之後, vendor會自把自為, 做一啲改動, 測試, 但事前完全唔需要知會 client 方面, 然後就作出一啲結論, 你估 client 會接受咩 ? 我心裡諗 : 你都幾好野, 完全表現出唔專業嘅一面, 你唔通知個客, 萬一測試時出咗問題, 邊個負責 ?

Please act as a professional ! OK ?

目前比我嘅感覺, 兩方面似乎已經開始 lost control, 快要去到一個互相指責嘅地步. 現在, 係等 vendor 去做一啲大家已經同意嘅 action, 希望之後, 真係可以將問題解決.

我本身作為一個 3rd party 嘅人, 而且係快將被遺棄嘅一群, 實在不想 step in 太多, 我地現時責任係 handover 所有事情比 vendor, 所以插手幫忙對我地 team 人工作上係毫無 value add, 而且, client 係要習慣一下 vendor 嘅做事作風, 因為你地以後都有可能遇到同樣情況. 這個係你地 headquarter 選擇, 而我地多年來都有反映過 vendor 嘅問題, but the true is your headquarter pick this vendor services and ignore our comments and kick we out…..curious ……

興趣小玩意

noreply@blogger.com (虎霆) — Wed, 22 Jul 2009 03:53:00 +0000

買咖啡機了 !! 其實係五月底已經買咗啦，不過沒時間寫 blog, 一路都好忙，整個六月都忙到飛起，成日要不定時standby 做野, 一做就會 3, 4 個鐘頭, 而家比較回復正常, 可以 update 一下 blog 啦.

之前係書店買咗兩本關於沖咖啡入門書, 有包括所有不同沖調方法, 工具應用, 咖啡豆, 甚至如何清洗咖啡機都有, 啱哂我呢啲玩咖啡機新手啦

呢部係一部半自動機，全自動係有按鈕控制一杯份量，滿一杯份量就停，而呢部係要自己拍制去控制份量，都ok啦，不過個拍制都幾實下, 要好用力, 唔係幾方便…

試用一兩次後, 發現比起用filter或者即沖分別唔係好大, 於是上Internet 搵下有冇人分享心得, 找到一個專門講咖啡嘅 forum, 發現好多新手都用同一部機, 所以有好多人嘅經驗同遇到嘅問題分享, 好似壓咖啡粉嘅 Tamper, 跟機那個其實不可以用, 因為它跟本不能將咖啡粉壓實, 出來嘅咖啡味係唔得, 從 forum 上發現一個屬於 forum admin 開嘅網上咖啡用品商店, 裡面有合用嘅 Tamper, 所以即時決定買 !

上星期到這間樓上咖啡鋪提貨, 呢個填壓器 Tamper, 非常重手 ! 比起咖啡機 bundle 那個簡直不能相提並論, 咖啡粉可以壓得非常之實 ! 唔 ~~~ 而家出黎啲咖啡味道似樣啦 ~~~

之前都有提及買咗一 set filter 咖啡壺, 不過試過用咖啡機沖調出黎嘅咖啡之後, 個人比較鍾意後者, 經過咖啡機高壓出來既咖啡味道係非常之好 !! 真係似出面 Starbuck 或 Pacific Coffee 啲味道. 什麼三合一, 四合一即溶等等, 簡直不能再入口.

張相影到有啲曝光同out focus....點解N82影近鏡實有問題架 ?

係 forum 上面見到其他人玩得實在非常專業, 甚至有點走火入魔, 什麼磨咖啡豆的粗細, 奶嘅溫度, 咖啡機奶咀改裝等等, 專業得有點令人詫異 ! 就好似玩 PC DIY 一樣……

這樣子玩咖啡機, 令我諗起自己已經好耐沒培養出一啲興趣 (打機呢啲唔係興趣啦), 記得以前小時家裡有養金魚, 養雞仔, 種盆栽, 呢啲咁小小玩意都可以玩得好開心我記得自己曾經種一棵仙人掌, 因為鍾意佢肥嘟嘟, 好得意, 種了多年, 不過最後都因為我打理不善而…連仙人掌咁頑強嘅植物都比我攪到咁…唉…仙人掌, 對唔住 !

我地嘅年代, 有呢啲小玩意已經可以好開心, 因為當時物質唔豐富, 好容易滿足, 而家啲細路, 只要可以一開口, 父母就會給予, 令到佢地覺得所有都係必然, 令到佢地價值觀歪曲, 然後做一啲普通人唔做嘅事情. 可能而家問啲細路你嘅興趣係咩呀 ? 佢地可能會答你 : 啪丸囉 !

唉…上堂都啪丸 ?? Shock !! 而校長居然話一兩個學生吸毒, 問題並不嚴重. Shock !!! 唔係應該一個都不能有咩 ?? OMG !!!!! 連老師校長質數都如此低劣, 試問有邊個可以救救佢地 ?

P.S. 記得有次到曼谷, 約了當地工作上有接觸嘅朋友吃飯, 他的女朋友係一個試酒師(應該無記錯吧 !?), 是專門受託於酒店去試酒, 紅, 白, 都會有, 真係好工. 如果一個人能夠把自己興趣當成工作, 相信應該不錯吧 ! 不過我記得他的女朋友好似不喜歡飲酒 x) 至於我就一定做唔到啦, 有鼻敏感, 點聞酒味呢…

瑣碎的話

noreply@blogger.com (虎霆) — Fri, 15 May 2009 05:54:00 +0000

好耐無 update 個 blog 啦, 不如寫下最近一啲生活點滴啦 !

- H1N1快啲走啦, 仲有快啲限制美國人出入境啦, 今次佢地先係最大嘅輸出國呀 ! 點解無人理架 ?

- 之前四月比較忙, 北京番黎之後就忙足一個月, 但係呢一個月就差不多係做哂全年嘅工作啦,雖然個 project 係有 phase 2, 但都唔係好大嘅 task...... 咁, 跟住何去何從 ?

- 上個月尾入咗 Sony VAIO P15, 真係好輕好細, 細到連 screen 上面啲字都好鬼細, 有啲難睇.......不過 Vista 真係慢到你唔信, 尋晚剛剛重裝 XP 上去, 即刻唔同哂 ! 舒服哂 ! 唔怪得 Window 7 會今年就出啦....

- 睇完無線個品味咖啡, 真係對咖啡興趣大咗, 尤其當你每日都飲住公司附近茶餐廳垃圾咖啡, 就真係想自己炮製, Starbuck 又貴, 一日一杯廿幾三十蚊, 咁個零月嘅洗費都已經可以自己擁有一部咖啡機. 最近買咗咖啡壺同 filter 紙套裝黎玩下, 記得係節目到有個日本咖啡師父話咁先可以保住咖啡嘅味道, 不過味道呢啲野好個人嘅, 反而見佢係用一個長咀水壺沖熱水, 唔…..我都要 ! 不過最終都可能想買一部咖啡機, 有冇人有平野好介紹 ?

- 最近從家中搵到好多唔用唔玩嘅物資, 好似 game 呀, 漫畫呀, 積木呀等等, 掉咗佢又好似好浪費, 於是試下放上網比人 bid 啦, 居然好多都成交咗 ~~ 真係好, 估唔到 Yahoo 交投咁活躍.

- 工作上嘅空閒多咗, 換黎一啲可以讀書嘅時間, 不過點解讀一陣就覺得好眼訓架 ~~~ 唔得, 要飲咖啡提神….

09年的北京

noreply@blogger.com (虎霆) — Sat, 14 Mar 2009 11:22:00 +0000

上次北京之行冇記錯應該在07年尾, 今年有機會再到北京一次, 又是這樣凍的時候, 不過這一次是一個 business trip, 諗番都應該有兩年沒出 trip 啦.......

停留嘅時候每天大約6 - 10度吧, 有陽光, 感覺不太冷, 但最後一日天氣開始轉壞, 氣溫急降不特止, 還刮風沙。

奧運過後嘅北京到底有咩改變 ? 從呢個首都城市來看, 金融海嘯似乎並不對其造成好大衝擊, 但從當地接待我嘅徐大哥口中得知, 其實經濟環境開始不太好啦。就以他們公司, 都已經搬遷到較便宜地段, 而從新聞媒體得知他們舊公司的甲級寫字樓, 空置率高達 5 成 !

而事實, 我每天都會經過這甲級寫字樓, 或其商場, 人都好似少了很多, 冷清非常。看來祖國北京都不能獨善其身....

其實今次自己活動時候不多, 仲要辦公時間幫我朋友到銀行存錢 (講到呢次存錢就真係麻煩, 因我唔係本地人, 所以要身份証明, 但一間分行就話回鄉咭唔得要護照, 一間就要回鄉咭唔要護照, 真係間間分行有自己一套.....), 所以只有星期四半日出外走走。

先要多謝徐大哥一下, 他開車接載我整個下午 !! 我們先到鳥巢走一轉, (其實我覺得是徐大哥自己想去多於我.....), 第一個感覺是鳥巢真的好大, 好宏偉 ! 現在只開放一邊出入口, 剛好要走一大圈, 入場券需要RMB 50 其實頗貴, 睇見場內嘅坐椅差不多有 10 分 1 已經拆走了, 從遠處望去, 看臺上一個一個小洞, 就好似打完仗一樣, 滿目瘡痍.....唉, 其實攪奧運真係非常花錢....

徐大哥再車我一轉電腦商場就走啦, 真係唔好意思啦 !! 希望佢接老婆同仔無遲到啦

晚上一人係王府井大街遊蕩, 其實真係覺得街上比上一次時人少了, 電腦商場都一樣, 係真係因為經濟問題, 定或係中央開會原因呢 ?

再一次來過北京之後, 我還是比較喜歡台北。

鳥巢啊, 不過好冷清....

好大風, 吹到眼都開唔到.......

去買入場卷 !

睇到看臺上一點點白色嗎 ? 就係坐椅被拆走咗啦......

Change

noreply@blogger.com (虎霆) — Wed, 21 Jan 2009 09:20:00 +0000

奧巴馬登場了, 看新聞報導發現全世界真的都在注視、希望, 帶來不一樣的氣氛, 可能現在環境真的很差, 所有人都希望如奧巴馬的口號, 能夠改變一下, 總比目前不境氣好吧。但我想從另一角度出發……

其實不應該因為奧巴馬上場而高興, 因大家根本示不知道他未來表現如何, 好壞未知。要高興原因, 應該是布殊下台吧 - 瘟神要走了…….

我有這樣的想法, 全因我們香港的情況 – 想當年, 我們不是要高呼老董下台嗎 ? 當他以腳痛為由退下來, 曾蔭權上場, 當時我們無不歡呼喝采 ? 當時大家多麼冀望好時光來臨了, 誰想到現在曾特首表現差勁不特止, 最近更居然在議事會用上” 狗噏”字句 (發生在09年1月15日, 行政長官答問會上, 可到 Youtube http://www.youtube.com/watch?v=T0TSfLJw80w&eurl 看, 請不要跟我說他用” 鬥噏”一詞, 雖然本人讀書少, 但明顯特首是用上香港粗鄙話 ! ), 看來他也應該差不多腳痛了…..

我不是要潑冷水, 只是作一點準備, 奧巴馬上台是好事, 但可能未必可以改變什麼, 有可能是客觀週遭環境因素影響, 也有可能是他本身出問題。看美電視劇”24” 曾有一季描述正總統被綁架, 副總統要擔當總統職務, 可是副總統差不多馬上發花癲, 因根本不能處理壓力…

最主要慶祝的是布殊退役, 因為我們確定他是 PK ! 無用鬼 ! 你不知將來會如何, 但至少現在其中一個最壞的部份會離我們而去啦 ! Cheers !

突然想起一件事情 - 去年到IFC 看戲時, 遇見董伯伯跟他孫仔一起睇戲, 見到他似乎真的很開心, 而當時亦有很多人見到他, 但無甚麼大反應或手指指動作(香港人抵讚 !)。就我而言, 其實當時並無什麼反感或憤怒, 因我覺得他已經是一個普通的退休老人家, 在跟孫仔享清福, 看見他這樣子, 似乎什麼怨氣都走了…..很奇怪, 似乎我已經寬恕他了…..

小小電影迷

noreply@blogger.com (虎霆) — Wed, 07 Jan 2009 08:57:00 +0000

小時並不常入戲院觀賞電影,大部份都從影視會租借而接觸,由港產電影開始,到現在好萊塢,
由VHS年代開始,到LD,VCD,DVD演變成現在高清Blu-ray時代,每個周末總會在家看一兩套電影,其實我們一家人看電影嘅數量可能不比影評人少。
我並不是要寫影評, 根本無資格。不是長篇大論, 只想將自己觀後感所想寫下。

請從右邊連結進入虎霆影視會

黃金時代

noreply@blogger.com (虎霆) — Tue, 04 Nov 2008 03:23:00 +0000

最近從網站看了一些香港舊照片, 有一點概嘆……

這些照片主要集中七、八十年代, 看見當時的年代, 當日的環境, 真令人有一點點懷念以前的日子。同時驚覺香港轉變得很快……..

1992年, 我剛剛踏入社會不久。那時, 人與人之間既距離, 比較接近, 記得以前住係公屋既時候, 家家戶戶都會打開大門乘涼, 聊天。現在, 家家戶戶大門緊閉, 躲在冷氣下上網 MSN, 可能碰面都不會打招呼....不知何時開始, 環境因素令人的距離變得遙遠了….

那時, 你的工作跟回報成正比的。經濟起飛, 藍領工種為主, 多勞多得, 大部份人都很勤力工作, 開心無悔。現在, 時代進步, 商機營運既改變, 很多工廠的工種幾近絕跡, 北上遷移。而很多人的工作時間長得不合理, 多勞不會再多得。你不做嗎 ? 我請平價的外籍勞工, 老板們可以搾多一點錢…..(所以我覺得自己工作歷程上其實算是很幸運...)

那時, 香港環境不那麼商業化。大廈建築很樸素, 我自己覺得比較舒適的。現在, 一幢幢玻璃幕牆大廈, 一幢幢高入雲宵的大廈, 一幢幢外觀現代化的建築物, 感覺很冰冷……

時代進步無可厚非, 但真的需要淘汰所有舊有事物 ? 以前小型既雜貨店, 現在都已經被惠康, 百佳取締了。以前的士多, 辦館, 都變成7-11, OK 了。便利店超市的確放便得多, 但不同之處在於少了一份街坊親切的感覺。為何要把所有商業業務都交給大財團經營 ? 一般的小商戶真的沒有生存空間 ?

七、八十年代, 以致九十年代初, 都是香港的黃金時代。不過當愈接近九七年, 一切就開始改變….移民潮, 股災, 回歸等等, 一切的改變造就成現在的環境。

香港的黃金時代, 一切都俱往矣, 我們只能從一些舊照片來懷緬一番。雖然當時大家都覺得九龍城機場的飛機聲音在頭頂上經過很吵耳, 但我相信現在有多人都很懷念這種聲音, 亦不介意它在九龍城上空再一次響起的。

P.S. 1 – 有興趣可到此網站看看香港黃金時代 :
http://www.pbase.com/anubis_photo/hong_kong_70s__80s

P.S. 2 – 在此網站看到一張銅鑼灣利園的照片, 發現百樂酒家今日還在啊 ~~

舊居中的記憶

noreply@blogger.com (虎霆) — Tue, 30 Sep 2008 07:10:00 +0000

早陣子從雜誌上一幅照片, 赫然發現是以前長大屋邨的快餐店。於是一晚到網上找一找, 原來是一個攝影比賽得獎人作品, 而且已經是07年的事了.…

哈哈…相片中快餐店, 外觀裝修還是一樣, 名字都沒有變, 但從相片看到所有的員工已經不一樣啦。記得以前老媽要返夜班 (她一個人好辛苦養大我們幾兄弟…. +_+), 日頭要睡覺, 所以我們經常要買飯盒, 這快餐店就是我們的飯堂。當時有一個員工, 時時好似滿不在乎, 我們 order 餐蛋飯, 佢會話 : 唔煎蛋啦, 又要起爐又盛, 要其他唔使整果d啦 ! 當時我們年紀細, 聽佢講…到我們長大一點之後就沒有這樣事情發生啦…真係, 咁既服務態度都得…..

雖然是2007年的攝影比賽, 但我相信照片係拍攝左一段時間的, 因為屋村已經重建多年, 而作品主人都因為屋村的重建至所以拍照留念。非常懷念呢, 快餐店裝修幾乎沒有改變, 連飯盒設計都沒變, 睇得出連飯餸款式都一樣, 但似乎比以前乾淨呢。

以前覺得他們的飯餸很難食, 所有餸菜都係日日如是, 兼且並未用心機去做……但現在卻好想再吃一次呢 ~~~

有時侯人總要到失去了先會懂得珍惜……如果覺得眼前所有一切都那麼平凡, 相信一切都是必然的話, 其實並不如此。一旦當你失去的時候, 可能已經太遲了……..

之前我換左俱備較高階攝影工能嘅N82 手機, 本來希望影低一啲生活點滴, 所見所聞, 可是卻遲遲未有任何行動, 看見這位舊街坊朋友, 感到相當慚愧呢…

多謝你 !! 舊街坊 !! 也恭喜你得到這個獎項 !! 多謝你帶比我呢個回憶 !!! 多謝你令到這舊居屋村留下一點光彩 !!!

快餐店正門

飯餸款式, 其實不多, 所以有時想食餐蛋飯囉

這個應是炸魚柳加白汁, 有茄汁同黑椒汁選擇架 !

P.S. 得獎作品集在此 : http://www.epson.com.hk/files/minisite/cic2007/cia/cia07/p_ja2.htm

這世界已瘋癲 !

noreply@blogger.com (虎霆) — Tue, 23 Sep 2008 06:31:00 +0000

毒奶粉事件….看見文章標題相信都知道我嘅感受…

由什麼時候開始, 人變成這樣毫無責任心、良心, 可以變成利益大於一切, 賺錢最重要 ?

作為一家大型食品品牌, 擁有一級認證, 奧運讚助商, 太空人話飲, 而主要顧客對象係嬰兒嘅牛奶產品, 居然係毒藥, 非常非常諷刺。他們想毒殺所有人下一代, 減少人口增長嗎 ? 真想知道公司有無提供免費奶粉給其員工 ? 他們的嬰兒有受影響嗎 ? 請不要同我講幾間生產商高中層當中無人知情 ! 國家免檢, 公司內部自己就不檢啦 ? 不會要求生產品質報告 ? 當幫供應商買牛奶來做自己產品原料, 也不隨機抽驗一下 ? 當然啦, 有利益自然唔會驗, 唔過問啦 !

事件愈鬧愈大, 連帶一啲大人飲用嘅咖啡, 奶品都受影響, 到底我們服用毒藥幾耐時間 ? 什麼孔雀石綠魚, 毒雞蛋, 假大閘蟹, 黑心棉被等等, 對大陸食與用的東西, 似乎都完全失去信心….

記得睇Supernatural 狙魔人 (捉鬼兩兄弟那套電視劇啦), 其中一集大哥說的話, 大意係 – 妖魔鬼怪唔係最恐怖, 因為佢地諗法做事方式來去如是。人先係最恐怖, 永遠無辦法知道人在想什麼, 會做什麼。套用在呢次事件上真係恰到好處, 相信無人會想像到嬰兒食用既奶粉, 國家超級大品牌, 居然會人為落毒, 而所為的, 只不過是一點利益。

這世界越來越瘋癲了 ~~

Finding New Blog !

noreply@blogger.com (虎霆) — Tue, 16 Sep 2008 03:42:00 +0000

Google blog 改左叫做 Sites, 其實係提供一個 web site 比你, 咁你寫 blog, 放相點都得啦, 而且可以post一啲emotion icon潻, 選項又比Microsoft Space 來得多, 一於試下佢嘅 feature 得唔得先。

但係原來Sites係develop web site為主, 寫blog就真係一般啦, 之後再發現 Google 有另一個叫 Blogger, 於是再試試佢...

現階段仍在實驗性質中, 用嘅時候會同 Microsoft Space 比較一下功能, 可能之後係度寫一篇比拚文章。