虎霆影視會

2009年自己睇過的首輪電影 – 3

noreply@blogger.com (虎霆) — Tue, 25 Aug 2009 07:48:00 +0000

變形金剛2 狂派再起Transformers : Revenge of the Fallen

萬眾祈待嘅變形金剛2, 當然要去戲院睇啦, 但萬眾期待唔係等如一定好…

又是劇本上出現問題。亦同樣地, 有變成爛片跡象。無可否認, 特技係無械可擊, 但如果只是玩弄特技而莫視劇情進展, 情理上嘅配合, 簡直浪費金錢, 時間。

那一大個吸沙機械人用來幹嗎 ? 破壞金字塔 ? 任何一個狂派都做到啦, 為咩要等佢慢慢過去 ?
人類居然血肉長城咁衝去用槍打狂派增援大軍 ? 上集於城市打兩隻都如斯狼狽, 今集打一大班反而ok ? 而且人類似乎進一步退化, 毫無戰略可言...

上集的特功人員, 他有那麼多秘密在手, 美國政府會輕易放佢出去退休賣豬肉 ?

更離譜是那些長佬機械人鬼魂 (我朋友形容嘅, 非常好 !!), 什麼遠古時代狂派已經存在

本集主角 Fallen, 真係唔講我都唔覺佢出過場, 完全感受唔到佢任何威力, 佢真係狂派之首 ? 點解好似豆腐渣咁弱嘅…

唯一令我注目的一場係柯柏文樹林陣亡一場, 一打三, 的確非常好睇, 但畫面都係好快

票房成績雖然非常, 但今集我覺得接近爛邊緣, 看來第三集應該來一個終結啦。

2009年自己睇過的首輪電影 - 2

noreply@blogger.com (虎霆) — Fri, 21 Aug 2009 03:03:00 +0000

翻生侏羅館 2 Night at the Museum 2 : Escape From the Smithsonian

一套原本期待, 但看了預告後有啲擔心嘅續集。其實第一集整個架構以及結尾都非常完滿, 真係諗唔到再點樣可以重開故事一次, 而在睇過預告之後更擔心, 點解會有星球大戰黑武士係歷史博物館 ? 心想套戲會唔會爛爛地….

電影開首其實還都ok, 至少能夠令人信服, 但當劇情焦點轉移到國家博物館以及新角色上, 就開始好…悶。地方大咗, 人物多咗, 反令劇情鬆散, 而每個新角色不特出, 無個性, 印象含糊, 你叫我再講有咩人都已經唔記得。懷念上集人物鮮明, 3個 secure 叔叔, 總統, 狗恐龍復活島石像等等, 隨口都可以數出, 何等精彩 ! 今集, sorry, 真係無印象…

睇台灣星光大道, 評審常講 – 唔好太貪心, 同一時間放太多嘅野係表演上。今次係其中一次示範啦。其實如我開端所講, 第一集實在太完整, 根本沒需在開第二集, 還好未致於爛, 但電影公司請收手啦, 唔好再開第三集呀 !

2009年自己睇過的首輪電影 - 1

noreply@blogger.com (虎霆) — Sun, 09 Aug 2009 14:49:00 +0000

想講一下今年自己係戲院睇過嘅電影 –

殺人犯

必然要先講這一套, 無可否認, 本來的確係今年港產片話題之作, 但口碑大家有目共睹…..係網上 forum 見到話有人係編劇嘅 facebook 網頁上留下一啲具有人生攻擊字句, 其實又唔需要. 就算一套幾爛嘅戲, 都有人會喜歡, 又何需如此 ?

我個人覺得戲的確拍得很差, 問題主要出在劇本上, 有睇嘅人相信大家都知道何處出問題, 不多講, 我反而認為相當可惜嘅係 – 白白浪費咗頭半段鋪排。其實電影頭半段的鋪排是非常出色, 很欣賞一幕幕帶點血腥暴力的場面, 令人想像到底兇手何以要如此兇殘虐殺受害人, 同男主角有咩血海深仇…..

當謎底解開時, 我記得當時的感覺很突兀, 加上全院大笑嘅氣氛 (我冇笑, 因為好疑惑, 笑唔出….), 腦袋有一下好似以前粵語殘片嘅行電聲 “砰隆轟”....因咩事將自己嘅劇本弄致如此不堪 !

其實有好多誰是兇手嘅說法, 就算妳話係鬼, 我都覺得無問題 (就好似C+偵探咁, 觀眾大家都收貨, 係咪 ? )解開謎底時, 所有事情都變成不合理, 且說服力不足, 就算要報仇, 都應該算係男主角老爸身上, 同男主角跟本無關, (印象中冇提及男主角老爸還係唔係在生, 有錯請見諒), 唔會小時因為一件食泥事件而會部署一生復仇計劃啩 ? 而且當中需要非常多嘅巧合以及運氣, 兇手先可以接近男主角而報仇, 咁, 兇手跟本唔需要有啲咩計劃, 一切都係天嘅安排….

看到一篇倪匡專欄, 提及寫推理小說的問題, 唔….編劇小姐應該看一看, 然後再多看看書本, 廣開眼界及視野, 應該會好一點. 在此特別引述倪匡這篇文章分享一下吧.

08年的喜愛作品之 3 (完結篇)

noreply@blogger.com (虎霆) — Wed, 13 May 2009 07:21:00 +0000

停咗好耐冇寫, 09年都差不多過咗一半啦, 不如一次過簡略咁寫哂所有我喜愛既08年作品啦 !

The Mist 霧地異煞

Steve King 原著小說, 講述一個小鎮突然出現濃霧及怪獸, 一班被困係超市裡面既人所發生的故事, 戲不在於咩特技 (其實裡頭既CG頗爛….), 反而係講述人性既表現令我更深刻, 當時所有既通訊都中斷, 而一部份人情緒開始不穩定, 更有一名宗教狂熱者不時發表末日論, 男主角等人情願離開都不想再留下, 當時就曾經講過一句 – 佢相信人性本來係善良, 但當一切文明消失之後, 人性就變得唔可靠. 呢句說話令我非常深刻, 相信亦都係全套戲既主旨。

觀後感 : 怪物其實很簡單, 牠們主要找人來做食量。人, 卻可以很可怕, 往往為咗自己, 可以講一大堆說話, 來將自己所做既壞事, 變成造福人群既事情。好似之前既香港小學生造炸藥事件, 其校長居然話佢係天才, 簡直豈有此理 !

欣賞媒體 : DVD

Wall-E 太空奇兵

Pixel 一年一度作品, 以環保為題材, 非常精彩, 但明顯, 電影根本唔係以小朋友觀眾, 而係成年人, 小朋友要大人花好大唇舌先會明白。唔明一啲香港影評人 or 觀眾只係針對話小對白, 好悶, 何解你地對王家衛啲戲又會催之若驚 ?

我唔係祟洋, 但人地用咗好多特別手法表達故事, 冇錯, 主角機械人係完全冇對白, 但製作人以周遭環境, 設備來說故事, 好似用一啲大廈外牆電視講述人類為何離開地球, 一啲過去既 video 影像交待等等, 呢啲唔係電影對白嗎 ? 一定要出自主角口中才是對白 ??

觀後感 : 好明顯 Pixel 公司已經有好大話事權同自由度, 如果唔係老板們一定唔會比佢地製作呢套戲, 希望可以一路保持呢種自由度, 題材先會多元化。
我相信好多觀眾心態(主要係小朋友)都係睇完之後大叫不滿, 注意呢套不折不扣係比大人睇既卡通片, 點解所有卡通片一定要打造成小朋友專利 ? 大人既卡通片就只有色情暴力 !?

P.S. Blu-ray 超正 ! 且有好多特別收錄 !

欣賞媒體 : 戲院, Blu-ray

Wanted (殺神特工)

最初都抱不大期望, 因為此俄羅斯導演之前既作品守夜神 Night Watch不太合本人口味, 守日神 Day Watch 更冇睇過, 但當此導演拍上荷利活之後似乎有不錯既化學作用, 影像非常凌厲, 所有事情, 一個字形容 – 型 ! 會轉彎既子彈真係諗都無諗過…..

觀後感 : 睇完此電影之後第一個感覺係電視遊戲Devil May Cry !! 如果要電影化, 請由這位導演操刀, 唔該 !

欣賞媒體 : Blu-ray

我唔係咁崇洋只睇西片既, 去年都有幾套我喜歡既港產片 –

一個好爸爸

張艾嘉導演加上古天樂同劉若英, 古劉二人前作’生日快樂’非常合拍, 非常不錯。反而張艾嘉比我感覺意料之外, 睇之前仲有啲驚會好悶…..

欣賞媒體 : 戲院

文雀

好多人話唔好, 但我又覺得幾好睇, 意境同表達手法係有啲另類, 有人可能覺得悶, 不過唔覺得好大問題, 唔係啲戲有強烈聲效, 大場面先叫好戲, 好似赤壁真係不敢恭稚……
個人很喜歡盧海鵬戲中表現, 原來佢都可以好奸, 真係老戲骨 ! 不過戲中最後一段係上環既觀塘卓球室就真係有啲突兀….

欣賞媒體 : 戲院

証人

最近金像獎前剛剛看 DVD, 發現真係唔錯, 最後一幕劇情串聯整個故事, 真係一流 ! 其實我覺得謝霆峰表現更出色, 至少冇咗以前既作狀同浮誇。好睇 !

欣賞媒體 : DVD

葉問

原來係08年出品, 唔使講, 我要打十個 ! 我一定唔會睇王家衛版本 !!

欣賞媒體 : Blu-ray

09年暫時好似未有咩特出既電影, 等緊 Transformer 2 ! Terminator 4 ! Let's See ^_^

08年的喜愛作品之 2 - Cloverfield 末世凶煞

noreply@blogger.com (虎霆) — Fri, 30 Jan 2009 06:47:00 +0000

先要指出我把標題由'驚喜'改為'喜愛', 因為太多驚喜會變得沒意思…

回到今次主題上, 最初看平面廣告時, 其實並不打算到戲院觀看, 因為 :
1. 怕會被搵笨, 可能根本不會有怪獸出現
2. 怕會頭暈, 聽說鏡頭是搖晃得很厲害模仿走難情況 (其實不用怕這一點, 打機時玩第一身射擊時都OK呀)
3. 怕因為係'Lost' 嘅監製, 會唔會好似套電視劇咁 lost 咗方向…

但當看到電視宣傳片時, 一幕自由女神頭像的片段似乎非常有趣, 於是決定一看。
初頭15分鐘, 確實是有點沉悶, 但之後發現它的作用是要帶出男女主角嘅關係, 以及當災難發生後, 都是男主角如何自責, 如何堅持去營救女友, 曾看過一些影評說這其實是一套愛情片......

至於戲肉怪獸襲擊紐約部份, 個人覺得真的不錯, 災難感及真實感十足, 可能有人投訴根本看不清怪物模樣, 但試想想, 如果有日睇到如此巨大怪物在銅鑼灣出現, 你會揸住Video Cam追住怪獸來拍嗎 ? 一定會拚命走啦, 又何來可以正面見到怪物容貌。

但其實一路從男主角路途中, 觀眾們都可窺探到怪物造型, 而且我確實比它的體型比例嚇一跳, 實在非常巨大, 似乎比美國哥斯拉更龐大....

再者, 很欣賞製作人用了很多網絡媒體來宣傳, 如Youtube (有日本海上設施被襲), Facebook (男女主角 account) 等等, 所有都係電影以外的情節, 實在很花心思。

觀後感 : 其實不太喜歡此類模仿寫實Video Cam拍攝手法的電影, 因為每每電影都係突然完結, 沒有下文, 令人若有所失的感覺, 不太好。所以若然要拍第二集, 不妨轉回第三身角度來描述故事, 不過又可能過份單調呢…..

欣賞媒體 : 戲院, DVD

08年的驚喜作品之 1 - Vantage point 絕點緝兇

noreply@blogger.com (虎霆) — Wed, 07 Jan 2009 08:48:00 +0000

原先對此片期望不大, 以為係一套好普通動作片種, 睇完後卻是絕對驚嘆。全片主線簡單 – 美國總統在西班牙出訪時被暗殺 (美國總統真係幾辛苦喎, 成日係電影情節中被殺...), 而特別於這一段刺殺的場面, 會在電影中重複八次 (其實好似多過….), 但卻唔會令我有感情節重複又或者故事薄弱, 反而讚嘆導演、編劇的功力以及心思, 利用周邊人物事情去串連刺殺原因及過程, 所有段落連貫且明快, 角色的故事一個緊接一個出場, 一路推進沒停下來, 連接著刺殺後嘅一段故事, 厲害 !

觀後感 : 不知何解, 看過此片後, 會聯想起港產片嘅 "PTU" 及 "非常突然", 兩套都係杜琪峰和韋家輝作品。可能, 這三套戲有一個共同點 : 比我一種超越預期, 一種似乎不經意地高手露兩招的感覺, 比較拍一套大制作時更揮灑自如。值得推薦 !

欣賞媒體 : Blu-ray