PARTI 1: Diski ġodda li ħarġu dan l-aħħar.

• Karin Duff – Rio
• GinX – Imħabba Vera
• Nicole Cassar feat. Gabe l-Babe – Lonely
• Pete Molinari –The Love That Dares Not Speak Its Name
• Evangelia (w/Miriana Conte & Kiki) – Paréa

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2: X’sibt fl-arkivji tal-Yahoo Mail dil-ġimgħa? Inkomplu fejn bdejna l-ġimgħa l-oħra fl-attentat tiegħi biex nara x’hemm li jista’ jitħassar mill-inbox tal-Yahoo Mail tiegħi. Sibt kwantità kbira ta’ emails b’attachments kbar li huma diversi tracks li rċivejt mingħand mużiċisti u kantanti li jitolbuni nikkunsidra xi ħaġa ġdida tagħhom għal waqt xi edizzjoni ta’ MMI.  U allura llum ukoll – u ċertament li nkompliha darb’ oħra din – qed naqsam magħkom uħud mis-siltiet li sibt jien u nħassar ħafna emails qodma li m’għandix bżonn aktar.  Is-siltiet mużikali qed inżommhom sintendi, flimkien m’uħud mill-aktar emails pertinenti li rċivejt matul is-snin.

• Amber – No Neverland (2017)
• Bark Bark Disco – No One Else (minn The EP from the Sea)
• Chasing Pandora – Tea Time (2024)
• Hooligan – Fuq in-Nisa (2011)
• Hunters Palace – Tal-Metall (10″ – 2011)
• Mikaela [Attard] – Call Me (2010/11)
• Pete Molinari – Since You’ve Been Gone (2011)
• Monroe – Caged (2011)
• South Central – Demons (2011)

PARTI 3: L-album tal-lum huwa Night Walk ta’ Sfera. Dan huwa t-tieni album ta’ dan il-trio Malti. Komunament nikklassifikaw din it-tip ta’ mużika bħala jazz, iżda Paul Giordimaina nsista miegħi li mhux jazz konvenzjonali u allura jitlob li jinstema’ aktar minn darba. Flimkien ma’ Giordimaina fit-trio Sfera nsibu lill-bassista Oliver Degabriele u l-batterista Ġużè Camilleri. Dan l-album ħareġ nhar is-Sibt 25 ta’ April 2026 waqt l-ewwel minn żewġ serati f’Palazzo de la Salle fil-Belt Valletta organizzati mill-Aġenzija Nazzjonali għall-Arti Performattiva (NAPA).  Minnu llum għażilt dawn:

• Night Walk
• Never Again (mal-kitarrista Miles Busuttil)
• Tree House (tkanta Angie Vella Zarba)
• Embracing the Peace

> L-album Night Walk ta’ Sfera għalissa huwa disponibbli biss f’edizzjoni limitata fuq vinyl.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Ġiżimina – Il-Qamar
• Kym Pepe – Settembru
• GinX – Rifless tal-Preżent
• Crain u Relliker – Kanna u Xejn Iżjed
• Aidan – Cowboys Don’t Cry

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2: X’sibt fl-arkivji tal-Yahoo Mail dil-ġimgħa? Bħal kull min juża s-servizz tal-email tal-Yahoo, dan l-aħħar irċivejt messaġġ jgħidli li se jbiddlu l-ammont ta’ spazju disponibbli għall-utenti mingħajr ħlas. Jiena ili nuża s-servizz tal-Yahoo għall-emails personali sa mis-seklu l-ieħor.  Jidhirli li bdejt fl-1998. U allura issa qed indur dan il-kont biex nara x’hemm li jista’ jitħassar. Sibt kwantità kbira ta’ email b’attachments kbar li huma diversi tracks li rċivejt mingħand mużiċisti u kantanti li jitolbuni nikkunsidra xi ħaġa ġdida tagħhom għal waqt xi edizzjoni ta’ MMI.  U allura llum – u forsi anke nkompliha din darb’ oħra – qed naqsam magħkom uħud mis-siltiet li sibt jien u nħassar ħafna emails qodma li m’għandix bżonn aktar.  Is-siltiet mużikali qed inżommhom sintendi, flimkien m’uħud mill-aktar emails pertinenti li rċivejt matul is-snin.

• Eleanor Cassar – Adagio (2013)
• Stefanos [Stefan Mifsud] – Home Is Where the Heart Is (2011)
• TroffaĦamra – In the Streets of Barcelona (2011)
• Alvin Gee feat. Aaron Benjamin – Feel Alive
• Jeremy T feat. Raquela – Loved & Lost (2009)
• John Laus u Rita Farrugia – Għatini Daqsxejn (1973)

PARTI 3: L-album tal-lum huwa Interstate ta’ Melchior Sultana. Dan l-album huwa ppreżentat bħala EP. Aktarx għax fih sitt siltiet biss u mhux minħabba t-tul ta’ ħin totali. F’sens ta’ ħin żgur li nistgħu nqisuh bħala album. Melchior Sultana huwa esponent regolari fuq MMI, u dan għal bosta u bosta snin għax issa ilu attiva għal madwar 20 sena.Dan l-EP jew album inħareġ fuq is-solita tikketta tad-diski ta’ Sultana stess, jiġifieri Profound Sound Music. Minnu llum għażilt dawn:

• It’s Alright
• Fairground
• The Definition

> Isma’ jew niżżel l-EP Interstate ta’ Melchior Sultana fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Andre Camilleri – Midnight on Brunswick Street
• Lighthouse – Crime
• ZÖE – This Restless Mind
• Ira Losco – Kuntenta Kif Jien
• Kaya Gouder Curmi – Sliem (Lil Aurelio Belli)
• Daniel Cauchi – Inħobbok Aurelio

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2: X’ħoss jagħmel l-EP ta’ Keith Anthony? Lil dan il-kantawtur Għawdxi, aktarx li nafuh aktar bħala nofs id-duo Chasing Pandora. Madankollu, dan mhux l-ewwel proġett mużikali ta’ Keith Anthony apparti c-Chasing Pandora. Fit-13 ta’ April 2026 huwa ħareġ EP bl-isem ta’ Under the Surface.  Fil-verità anqas m’hu EP preċiżament, imma aktar mini-album. Dan għax fih hemm 4 siliet u ebda waħda minnhom ma jisimha Under the Surface. L-erbgħa siltiet huma dawn:

• Almost Kept
• Steam
• Applaud
• The Long Way Home

> Isma’ l-mini-album Under the Surface ta’ Keith Anthony fuq Spotify

PARTI 3: L-album tal-lum huwa Victory Street ta’ Ivan Grech. Jidhirli li dan huwa l-album debutt ta’ Ivan Grech mingħajr il-grupp Winter Moods, li daqq u rrekordja magħhom għal kważi 40 sena. M’hemmx xi differenza kbira fl-istil tal-mużika u allura s-segwaċi ta’ dan il-kantant popolari żgur li mhux se jiddiżappuntaw rwieħhom. Fl-istess waqt tajjeb ninnotaw ukoll li xi erba’ mis-siltiet li hemm f’dan l-album diġà nħarġu bħala singles promozzjonali sa mis-sena li għaddiet, anke b’music video magħhom. L-album ħareġ fit-13 t’April u milli nista’ nifhem hemm verjżoni tiegħu fuq CD u vinyl ukoll apparti fuq il-pjattaformi diġitali bħal Spotify. Ivan Grech qed jipprepara wkoll kunċert fis-Sala Temi Żammit tal-Università nhar il-Ġimgħa 8 ta’ Mejju 2026. Minnu llum għażilt dawn:

• Victory Street
• Neverending
• (Let’s Get) High on Love
• Picture on the Wall
• Not My Soul

> Isma’ l-album Victory Street ta’ Ivan Grech fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Kantera – Ir-Reġjun Port
• Glen Vella – Logħob Li Jgħaqqadna (Tema ta’ Malta School Games 2026)
• Karm Debattista – Fields of Praise
• Ivan Grech – Show Me How To Love You
• Luke Chappell – Whitecar

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Tislima lil Aurelio Belli (1976–2026)

Ftit tal-ġranet ilu, propju nhar il-Ħadd 12 ta’ April 2026, tħabbret il-mewt bikrija ta’ Aurelio Belli, li kelli 49 sena. Aurelio Belli kien mużiċist maħbub u rispettat ferm, sew għall-ħidma tiegħu fid-dinja tal-mużika pop, kif ukoll għax-xogħol tiegħu mal-Orkestra Filarmonika ta’ Malta, u anke l-Banda Duke of Connaught’s Own ta’ Birkirkara, li tagħha kien ilu surmast sa mill-2017.

F’dawn l-aħħar snin Belli kien magħruf l-aktar bħala arranġatur tal-mużika popolari, b’mod partikolari meta jidħlu elementi orkestrali fiha.  Hawn aktarx li huwa magħruf l-aktar ix-xogħol tiegħu ma’ Rockestra, jew anke l-arranġament il-ġdid tat-tema tal-maratona ġbir ta’ fondi magħrufa bħala Oħloq Tbissima.

Indubjament li l-aktar drabi li rawh in-nies kien meta dderiġa l-orkestra waqt xi waħda mill-edizzjonijiet tal-festival tal-kanzunetta Maltija, Mużika Mużika. Madankollu, huwa kien idoqq ukoll, ħafna drabi l-ewfonju jew it-trumbun, inkluż mal-Versatile Brass ta’ Paul Borg, kif ukoll f’duo ma’  Jesmond Azzopardi bid-daqq tal-ewfonju.

Aurelio Belli jibqa’ miftakar mill-bosta mużiċisti li ħadmu miegħu matul il-karriera tiegħu għall-ħafna kwalitajiet sbieħ li kellu. In-nuqqas tiegħu se jinħass żgur, u minn hawn nagħtu l-kondoljanzi lill-familja tiegħu, kif ukoll lill-kollaboraturi mużikali kollha tiegħu. Id-dawl ta’ dejjem jiddi fuqu.

• Paul Giordimaina u Qalb (Petra Zammit, Anna Azzopardi, Gloriana Arpa Belli  – Għalxejn
• Duke of Connaught’s Own Band – Is-Surmast il-Ġdid
• Karm Debattista – Oħloq Tbissima
• Aurelio Belli + Jesmond Azzopardi – Czárdás (2008)
• The Travellers + Sarah Bonnici – Marija l-Maltija (minn Mużika Mużika 2026)

PARTI 3: L-album tal-lum huwa Kewkba fl-Univers ta’ Janice Mangion. Dan huwa l-album debutt ta’ din il-kantanta popolari Maltija. Hija magħrufa l-aktar mhux biss għall-kanzunetti tagħha bil-Malti imma wkoll għall-fatt li hija fost l-aktar proponenti ferventi tal-ilsien Malti fil-kuntest tal-Eurovision Song Contest. Għalkemm f’dak il-qasam is-suċċess mixtieq ma wasalx, xorta waħda nħoss li hija rebħet il-qlub ta’ bosta ammiraturi u segwaċi tax-xena mużikali popolari f’Malta. Bil-kanzunetti tagħh. Minn dan l-album illum għażilt li ndoqq dawn:

• Univers
• Għadu Mhux il-Waqt
• Kewkba
• Ġawhra f’Qalbi
• Teżor

> Isma’ l-album Kewkba fl-Univers ta’ Janice Mangion fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• The Busker – Un/Lovable
• Raquela – Sweet Nothings
• Janice Mangion – Ammen
• Mikayla – Wiċċ ta’ Grazzja
• Delirium – The Deceased

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Tislima lil Edmond Zarb (1945–2026)

Edmond Zarb kien figura magħrufa fil-qasam letterarju kif ukoll mużikali Malti, b’mod partikolari fl-aħħar 3 deċenji tas-seklu 20,  Huwa twieled fit-2 ta’ Marzu 1945 u beda l-karriera tiegħu bħala pjanist minn età żgħira, taħt iismu propja: Joseph Zarb. Eventwalment stabbilixxa ruħu bħala pjanista professjonali b’repertorju wiesa’ li kien jinkludi kemm mużika klassika kif ukoll mużika ħafifa. Għal aktar minn tletin sena serva bħala pianista residenti fil-Hilton International Malta u wara daqq ukoll regolarment fil-Westin Dragonara Resort.

Barra mill-mużika, Edmond Zarb kellu mħabba kbira lejn il-lingwa Maltija u l-kitba. Apparti l-kliem tal-biċċa l-kbira tal-kanzunetti tiegħu, huwa kiteb diversi rumanzi, novelli u xogħolijiet oħra. Uħud mill-kitbet tiegħu anke ġew adattati għal radju u televiżjoni, u kien hekk li possibilment jibqa miftakar aktar bħala kittieb milli għall-mużika tiegħu.

Riċentement tħabbret il-mewt tiegħu, propju fit-2 ta’ April 2026.u biex insellmulu minn hawn għażilt dawn il-kanzunetti tiegħu:

• Edmond Zarb – Rajtek (verżjoni bil-pjanu biss minn Lingering Memories of Love – 2011)
• Joe Cutajar + Incorvaja Twins – X’Fettillek Tlaqt (1977)
• Helen Micallef – Mat-Tnegħid Tal-Mewġ (1992)
• Renato – Rajtek

> Isma’ ll-album Lingering Memories of Love ta’ Edmond Zarb fuq Soundcloud 

PARTI 3: L-album tal-lum huwa Perelejżer-Perelejżer ta’ Brodu. Dan huwa l-ħames album ta’ dan il-grupp Malti tant maħbub, jekk tgħodd ukoll il-mini album Bambinella tal-2021  allura jiġu sitta. L-album fih 11-il silta ġdida u ħareġ fl-1 ta’ April 2026. Wara li fl-edizzjoni ta’ qabel din ta’ MMI inkludejt is-single promozzjonali minn Kollox Jgħaddi, llum għażilt li ndoqq dawn:

• Perelejżer-Perelejżer
• Il-Kaċċatur
• Lura d-Dar
• Xenqiet Tropikali

> Isma’ jew niżżel l-album Perelejżer-Perelejżer ta’ Brodu fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Kersten Graham – Kulur
• Brodu – Kollox Jgħaddi
• Rossann – Isa Binti
• Motherknives – Zero
• ElPaletti – Thought is the Enemy of Flow

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Qatt iltqajt ma’ Man of Galilee ta’ Frank O’Neill? Man Of Galilee hija Kantata tal-Għid miktuba lejn tmiem is-snin 70 minn Frank O’Neill meta kien għalliem tal-Arti u d-Drama fil-Kulleġġ Stella Maris fil-Gżira. Il-kanzunetti inġebru minn diversi pageants ta’ żmien ir-Randan li kienu ppreżentati fl-iskejjel tal-Freres matul is-snin sebgħin. Ix-xogħol inħadem ma’ grupp ta’ żgħażagħ studenti tal-kulleġġ u kien irrekordjat fl-istudios tal-BFBS fil-Furjana fl-1978.

Ix-xogħol inħareġ bħala album fuq diska bit-33 dawra fil-minuta fuq it-tikketta tad-diski Centre.  L-arranġamenti mużikali saru minn Paul Abela u ndaqqu mill-Young People’s Ensemble li akkumpanja kor ta’ studenti mill-Kulleġġ ta’ Stella Maris. Helen De Gabriele, li dak iż-żmien kienet l-għalliema tal-mużika f’dik l-iskola organizzat kemm l-orkestra kif ukoll il-kor. Dan l-album ġie rimasterizzat diġitalment fl-2004 u nħareġ bħala CD.

Fl-2019, f’għeluq l-40 sena mir-recording originali, saret produzzjoni ġdida sħiħa ta’ din il-kantata mill-istudenti tal-ħames sena tal-iskola primarja ta’ Stella Maris flimkien ma’ Ivan Degabriele, anke jekk uħud mill-kanzunetti kien għadhom jintużaw regolarment għall-pageants tal-Għid fil-kulleġġ.

Mir-recording originali għażilt dawn:

• The Giver of Life
• They Forgot
• In Gethsemani
• Veronika

> Isma’ l-verżjoni oriġinali tal-album Man of Galilee ta’ Frank O’Neill fuq YouTube 

PARTI 3: L-album tal-lum huwa Man of Galilee (Re-Imagined) ta’ Frank O’Neill. Din is-sena inħarġet verżjoni ġdid tal-album li tkellimna dwaru fit-tieni parti ta’ MMI llum. Dan ix-xogħol inħadem mill-ġdid u nħareġ fuq Spotify u pjattaformi diġitali oħra. Il-verżjoni l-ġdid tal-album ħarġet fl-25 ta’ Frar 2026. Fl-album insibu ko-produzzjoni ta’ Frank O’Neill uf ħuħ Kevin bl-użu tat-teknoloġija tal-intelliġenza artifiċjali. Ir-riżultat huwa tassew interessanti, fil-fehma tiegħu, u permezz tiegħu nistgħu napprezzaw ix-xogħol originali ta’ Frank O’Neill f’kuntest kontemporanju. Minnu għażilt li ndoqq l-istess siltiet li kellna fit-tieni parti:

• The Giver of Life
• They Forgot
• In Gethsemani
• Veronika

> Isma’ l-album Man of Galilee (Re-Imagined) ta’ Frank O’Neill fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• The Travellers – Now That I’m With You

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Singles li spikkaw fl-ewwel tlett xhur tal-2026.

• Glen u Amber – Issa Naraw
• The JoyGivers – Qalbi
• Jamie Cardona – Għall-Ħarġa
• Michael Azzopardi – Annimali
• Sean Borg – Annimal
• Kapitlu Tlettax – Sakemm Ġejt Int
• Kevin Borg – Għażiż Missier
• Kayati – Uninvited
• The Busker – Bored at the Supermarket
• Matthew James – Too Much
• Destiny – I Promise
• Gaia Cauchi – Tama
• Ivan Grech – Show Me How To Love You
• Dav.Jr – My Fault
• Red Electric – Now That I’m With You
• Moira Stafrace – Blinked
• Motherknives – Brothers
• Bila – Skin Eaters

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 3: Albums li spikkaw fl-ewwel tlett xhur tal-2026.

• Peklektru – Għadna Għaddejjin
• Clintess – Ejja
• Demis Fenech – Post Consolidation
• Manwel T – Equanimity
• Ray Agius – Supernova

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Red Electric – Now That I’m With You
• Kayati – Uninvited
• Destiny – I Promise
• The Cosmics –Evolution
• Melchior Sultana – It’s Allright

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Doqtha l-Pudina tas-Sajf ta’ Alien Montesin? Xi ftit tal-jiem ilu rajt li diġà għaddej il-bejgħ tal-biljetti għall-Earth Garden ta’ din is-sena, avolja fadallu diversi xhur biex jasal. Fl-istess waqt tfaċċat ukoll il-Pudina tas-Sajf li għadda ta’ Alien Montesin fuq Soundcloud…però din issa jidher li sparixxiet. Tal-anqas hekk tista’ tisma’ parti minnha b’tifkira ta’ dak li kien is-sena l-oħra (jekk kont hemm) jew biex forsi titħajjar tmur l-Earth Garden din is-sena.

• Alien Montesin – Pudina tas-Sajf  (Earth Garden ’25)

> Isma’ aktar mingħand Alien Montesin fuq Soundcloud.

PARTI 3: L-album tal-lum huwa Greetings From Bluesville ta’ Andre Camilleri. U hekk hu li għandna l-ewwel album t’Andre Camilleri għall-2026. Propjament dan ħareġ fl-28 ta’ Jannar 2026 u diġà kellna ċans nisimgħu t-title track minnu xi ftit tal-ġimgħa ilu. Għalkemm Camilleri jipprova jvarja xi ftit l-istil tiegħu minn album għall-ieħor, il-ħoss distintiv tiegħu jibqa’ dejjem hemm, anke minħabba l-vuci relattivament distinta tiegħu. Dan huwa t-92 album ta’ dan il-kantawtur ibbażat fl-Awstralja u llum minnu għażilt dawn:

• Greetings From Bluesville
• Hard Times
• You Keep Me Sane
• It’s Over

> Isma’ jew niżżel l-album Greetings from Bluesville ta’ Andre Camilleri fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Matthew James – Too Much
• Outbound – Livin’ A Lie
• Motherknives – Brothers
• Stephen Spiteri – Persian Crossing
• Glen u Amber – Issa Naraw
• Dolphsun, Dana McKeon, José Pisa – On My Mind
• Jewel Kid – Emission

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  Min miet s’issa fl-2026? Forsi din istoqsija xi ftit tetra, imma min isegwi MMI regolarment jaf li regolarment insellmu lil mużiċisti u kantanti mix-xena lokali li jmutu. U din is-sena diġà ħallewna numru sew ta’ persuni li jidħlu f’din il-kategorija, imma s’issa ftit li xejn kellna referenzi għalihom. Is-sena mill-ewwel ftaħniha b’mużiċist meta ħalliena fl-età ta’ 98 sena l-perkussjonista Malti Tony Carr (ismu propja: George Caruana) li għal dawn l-aħħar sittin sena għex u ħadem fir-Renju Unit. Filwaqt li qabel tmiem l-ewwel ġimgħa ta’ din is-sena miet ukoll l-ewwel leader tal-Orkestra Filarmonika ta’ Malta George Spiteri, li kellu 90 sena. Ix-xahar li għadda tħabbret il-mewt ta’ Helen Micallef fl-età ta’ 75, fil-5 ta’ Frar 2026, l-istess ġurnata li fiha miet Philip Farrugia Randon. Il-qawl Malti jgħid “Frar Fawwar jimla l-bjar.” U f’dan il-kuntest fi Frar ta’ din is-sena mietu wkoll l-arpista Esmeralda Galea Camilleri fl-età ta’ 37 sena u l-kantant veteran Mario Bonnici. Qabel tmiem ix-xahar, fl-Awstralja tħabbret ukoll il-mewt ta’ mużiċist u folklorista prominenti Manuel Casha, oriġinarjament mill-Kalkara u li għex għal 81 sena.

• Helen Micallef w/Freddie Mizzi Band – Prayer to My Mother
• Esmeralda Galea Camilleri – A Time for Us
• Mario Bonnici – Mumenti Sbieħ
• Manuel Casha – Prejjem Blues

> Lista sħiħa ta’nies Maltin li mietu matul l-2026 issibhom permezz tal-Wikipedija.

PARTI 3: L-album tal-lum huwa Ejja ta’ Clintess. Propjament dan EP jew mini-album għax fih biss sitt kanzunetti ta’ madwar 3 minuti kull waħda. Il-kanzunetti bil-Malti li fih huma dokument tassew sabiħ mingħand Clintess, li twassal stil ta’ kitba li huwa partikolari ħafna għax-xena mużikali lokali biex ma ngħidx uniku. Jiena nemmen li minn jaf japprezza dan it-tip ta’ materjal, żgur li se jsib minjiera ta’ mumenti mill-isbaħ f’din il-ġabra l-ġdida ta’ kanzunetti ta’ Clintess.  L-EP ħareġ fl-20 ta’ Frar u minn għażilt dawn:

• Ejja
• Int Tħobbni Kif Jien
• Kamra Minsija
• Sforz

> Isma’ l-EP Ejja ta’ Clintess fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

PARTI 1: Diski ġodda li ħarġu dan l-aħħar.

• Janvil & DJ Kreny – Eye 2 Eye
• Luke Chappell – Hamratia
• Luke Vella – Don’t Call Me Baby
• Andre Camilleri – Greetings From Bluesville
• Poġġi – Sirda
• Moira Stafrace –Blinked
• That bb – Olli

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  X’hemm fil-Qagħqa? Le, mhux qed nirreferi għal xi qagħqa tal-appostli li hija tant popolari f’dawn il-granet tar-randan, speċjalment aktar ma nersqu lejn iċ-ċelebrazzjoni tal-Għid il-Kbir.  Il-Qagħqa li qed nirreferi għaliha hija album li ħareġ fit-22 t’Ottubru 2025. Inħareġ bħala album vinyl f’edizzjoni limitata. U tant hi limitata din l-edizzjoni li anqas verżjoni diġitali sħiħa tagħha ma nħarġet mal-LP. Fil-verità din hija kollaborazzjoni bejn 4 tikketti tad-diski Maltin, li għażlu li jippreżentaw 12 il-silta ta’ mużika alternattiva minn Malta.  It-tikketti tad-diski huma KEWN Records, Ultralow Music, 141 Records, u AISO Records; din tal-aħħar ngħid id-dritt li ma tantx jien familjari magħha daqs kemm jien mat-tlieta l-oħra. Għax m’għandix il-kopja tiegħi ta’ dan l-album u wisq anqas m’għandna biex indoqquh waqt MMI, anke kieku għandi, illum qed indoqq is-siltiet minnu li hemm fuq il-Bandcamp biex jippromovuh.

• Beesqueeze – Peas Louise
• The Areola Treat – Merry Go Stop
• Dalam – Barbershop Orchestra

> L-album Qagħqa fuq Bandcamp.

PARTI 3: L-album tal-lum huwa Astra Nomina ta’ Johann Caruana. Dan huwa album ta’ mużika elettronika mingħand xi ħadd li, ngħid għalija, s’issa m’assoċjajtux daqstant ma’ dan il-ġeneru ta’ mużika.  Kellna l-opportunità nisimgħu l-mużika tiegħu diversi drabi fl-aħħar sena, bejn wieħed u ieħor, u allura llum huwa pass naturali li nisimgħu siltiet mill-album tiegħu li ħareġ fil-31 ta’ Jannar 2026. Hemm ukoll vidoes għal dawn is-siltiet fuq YouTube għal min jippreferi jisma’ din il-mużika b’dak il-mod. Minn dan l-album illum għażilt dawn:

• Luminous Skies
• Slow Collapse of Time
• The Last Emperor’s Dream
• Beyond the Horizon

> Isma’ l-album Astra Nomina ta’ Johann Caruana fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.