Timor-Leste Open Source Community

Manan Nain Kompetisaun Blog

2018-12-17T07:04:00.001+09:00

Parabenz ba manan nain kompetisaun blog, naran manan nain mak hanesan tuir mai ne'e: 1. David Gomes de Arujo dg-habitek.blogspot.com
2. Quintiliano da Costa Fernandes quintidcf.blogspot.com 3. Elizito dos Santos elhymendes.blogspot.com

Kompetisaun ne'e hetan suporta masimu husi Elovia Solution, likisahost, no visimitra, telkomcel, no Timor Plaza.

Kompetisaun Blog "Sharing Knowledge With TELKOMCEL"

2018-12-08T23:00:00.000+09:00

Iha selebrasaun loron aniversariu Fundasaun Dezenvolvimento Software Livre (FDSL) ba dala 6 ne'ebe monu iha data 17 Dezembru 2018. FDSL serbisu hamutuk ho operadora telekomunikasaun TELKOMCEL no hetan apoiu husi kompania VISIMITRA no Timor Plaza no mos hetan suporta husi Lafaek Blogger Community (LBC) no Females Love Information Technology (FEELIT) sei realiza kompetisaun blog ho tema "Sharing Knowledge With TELKOMCEL".

Kompetisaun ne'e nudar ida husi misaun FDSL ho TELKOMCEL ne'ebe hakarak promove, habelar no haburas konteudu lokal ho lingua tetun iha mundu internet. Atividades ne'e mos nudar apresiasaun husi FDSL ba kompania TELKOMCEL mak durante ne'e sempre fo apoiu no sempre kolabora hamutuk iha atividades mak realizadu husi Fundasaun Dezenvolvimento Software Livre.

Oportunidade diak bodik-ba Blogger Timor-Leste iha ne’ebe deit, imi bele partisipa iha kompetisaun refere no hetan premiu prinsipal husi TELKOMCEL, no premiu seluk husi kompania VISIMITRA & TIMOR PLAZA.

Informasaun kona-ba rejistrasaun no regras kompetisaun bele download iha link kraik ne'e:

DOWNLOAD

Maneira Restabelese Boot Loader GRUB

2017-02-09T08:00:00.000+09:00

GRand Unified Bootloader ou famozu ho sigla GRUB, nudar boot loader mak frekuentemente utilizadu iha sistema operasaun Linux. GRUB permiti utilizador linux bele instala variu sistema operasaun liu husi ida iha dispotivu komputador ou laptop. GRUB mos permiti utilizador para bele determina sistema operasaun ne'ebe mak hakarak utilizador hala'o. Boot loader ne'e fornesidu no dezenvolvidu husi GNU Project ho lisensia GNU GPL version 3. Versaun ikus boot loader GRUB maka GRUB2. Atualmente, maioria distro Linux hanesan Debian, Fedora, Ubuntu, Slackware, OpenSUSE, no seluktan utiliza ona GRUB2 nudar padraun boot loader. Aparensia GRUB bele modifikadu tuir nesesidades, maibe sujestaun husi Autores tenki kuidadu tamba kuandu sala modifika sintaxe GRUB bele fornese impaktu failansu booting ba sistema operasaun iha hard disk laran.

Ezemplu Menu GRUB Iha Linux Ubuntu

As vezes, utilizador konfrontadu ho kondisaun boot loader GRUB lakon ou la mosu wainhira reinstalasaun sistema operasaun Windows ba hard disk mak disponivel ona sistema operasaun Linux no Windows (Dual Boot). Ne'e sigfinika, boot loader GRUB automatikamente troka ona ho boot loader Windows. Ho nune'e, kuandu booting diretamente sei tama ba sistema operasaun Windows.

Ho kondisaun ne'ebe esplika ona iha leten, parsialmente bo'ot utilizador komputador lakohi hanoin naruk, no foti desijaun reinstalasaun fali Linux. Efetivamente disponivel maneira fasil oinsa restabelese boot loader GRUB sem presija reinstalasaun sistema operasaun Linux. Somente utiliza deit Linux Live USB ou Linux Live CD/DVD utilizador bele ona aplika maneira mak Autores esplika iha kraik ne'e.

Notas:
Maneira ne'e teste iha Linux Mint 17.3. Bele mos aplika ba distro Linux seluk hanesan Debian, Ubuntu, Fedora, Manjaro, Mageia, no seluktan maibe ho rekizitu tenki utiliza GRUB nudar boot loader default. Keta haluha mos prepara ona bootable sistema operasaun Linux ho media CD/DVD se lae USB Flashdisk. Maibe iha pratika ne'e Autores utiliza Linux Mint mak hala'o husi USB Flashdisk (Linux Live USB).

Tuir mai maneira oinsa restabelese boot loader GRUB iha Linux Mint:

Boot komputador ou laptop ho Linux Live CD/DVD ou Live USB.

Loke aplikasaun Terminal liu husi menu: System Tools → Terminal, bele mos utiliza kombinasaun butaun keyboard: Ctrl + Alt + T.

Buka lokalizasaun husi partisaun Linux ho komandu tuir mai.

sudo fdisk -l

Rezultadu husi komandu iha leten mais ou menus sei mosu hanesan ezemplu ilustrasaun iha kraik ne'e:

Disk /dev/sda: 465.8 GiB, 500107862016 bytes, 976773168 sectors
Units: sectors of 1 * 512 = 512 bytes
Sector size (logical/physical): 512 bytes / 4096 bytes
I/O size (minimum/optimal): 4096 bytes / 4096 bytes
Disk identifier: 50DC7296-0110-45FC-B7EE-EF1A3412CAB9

Device     Boot      Start        End     Blocks    Id  System
/dev/sda1    *        2048    1026047     512000     7  HPFS/NTFS/exFAT
/dev/sda2          1026048  209717247  104345600     7  HPFS/NTFS/exFAT
/dev/sda3        209717310  976768064  383525377+   82  Linux swap / Solaris
/dev/sda4        976768484  915327023  52353024     83  Linux

Notas:
Partisaun Linux mak eziste ona iha Autores nian hard disk maka /dev/sda4 (hare'e ezemplu ilustrasaun iha leten). Tenki lembradu katak, lokalizasaun tabela partisaun iha kada hard disk as vezes diferente.

Mount partisaun Linux refere
```
sudo mount /dev/sda4 /mnt
```

Kontinua mount virtual filesystem hanesan maneira tuir mai ne'e

sudo mount --bind /dev  /mnt/dev
sudo mount --bind /proc /mnt/proc
sudo mount --bind /sys  /mnt/sys

Login nudar user root utiliza komandu chroot
```
sudo chroot /mnt
```
Depois login ba partisaun Linux, kontinua instala boot loader GRUB ho maneira iha kraik ne'e.
```
grub-install /dev/sda
```
Notas:
Karik instalasaun susesu, sei mosu notifikasaun "Installation Finished. No error reported."

Kontinua atualizasaun lista menu GRUB ho komandu
```
update-grub
```
Sai husi modu chroot
```
exit
```
Reboot komputador ou laptop liu husi Terminal ho maneira
```
sudo reboot
```
Notas:
Keta haluha hasai ou losu bootable CD/DVD ou USB Flashdisk Linux husi dispotivu komputador ou laptop.

Karik buat hotu la'o ho diak, menu GRUB sei mosu fila-fali hanesan inisialmente.

Boa sorte!

Referensia:
https://www.gnu.org/software/grub/
https://en.wikipedia.org/wiki/GNU_GRUB

Kria Linux Live USB ho UNetbootin

2017-02-07T13:05:00.001+09:00

Barak husi utilizador Linux seidauk hatene oinsa hakarak kria bootable sistema operasaun Linux utiliza USB Flashdisk nudar alternativu substitui bootable CD/DVD. Oportunidade ne'e Autores sei fornese maneira oinsa kria bootable Flashdisk utiliza aplikasaun Universal Netboot Installer (UNetbootin).

UNetbootin nudar aplikasaun open source dezenvolvidu husi Geza kovacs utilizadu para kria bootable Linux iha flahsdisk ou famozu liu ho naran Linux Live USB. Aplikasaun cross-platform ne'e bele utilizadu iha variu sistema operasaun hanesan Linux, Windows no MacOS.

Ho UNetbootin ita bele kria Live USB ho diversu file ISO distro Linux hanesan Debian, Ubuntu, Linux Mint, OpenSUSE, Fedora, CentOS, no seluktan.

Notas:
Pratika ne'e Autores teste iha Linux Mint 7.3. File ISO Linux mak utilizadu Ubuntu versaun 16.04. Karik file ISO seidauk disponivel, bele download iha website http://www.distrowatch.com. La haluha mos USB Flashdisk ho kapasidade 2 Gigabyte nudar dispotivo bootable.

Lalaok instalasaun no utilizasaun hanesan tuir mai ne'e:

Konekta Flashdisk ba port USB iha dispotivo komputador ou laptop

Loke aplikasaun Terminal liu husi menu: System Tools → Terminal

Kontinua instala pakote UNetbootin ho maneira:
```
sudo apt-get install unetbootin
```
Depois instalasaun pakote UNetbootin remata, loke aplikasaun refere liu husi menu: System Tools → UNetbootin

Hatama password sistema Linux.

Konfirmasaun Password Sistema Linux
Kuandu susesu hatama password sistema Linux, sei mosu janela aplikasaun UNetbootin hanesan ezemplu ilustrasaun tuir mai ne'e:

Janela Aplikasaun UNetbootin
Karik hakarak kria bootable flashdisk utiliza file ISO, hili "Diskimage" (1), desidi opsaun "ISO" (2), no klik ba butaun "Select disk image file" (3) (hare'e ezemplu ilustrasaun tuir mai).

Maneira Determina File ISO Iha UNetbootin
Buka no hili file ISO Linux mak antes ne'e prepara ona iha hard disk laran.

Loke File ISO Iha UNetbootin
Depois hili file ISO, kontinua ho determina opsaun Type ba USB Drive (1), no hili naran husi Drive flashdisk ne'ebe detekta iha sistema Linux (2) (hare'e ilustrasaun), no klik ba butaun "OK" (3).

Determina Lokalizasaun Flashdisk Iha UNetbootin
Prosesu extratu no kopia file ISO ba flashdisk sei mosu hanesan ezemplu ilustrasaun iha kraik ne'e.

Janela Prosesu Transferensia File ISO Ba Flashdisk
Kuandu mosu janela hanesan ilustrasaun tuir mai ne'e, signifika ita susesu ona kria Linux Live USB. Klik deit butaun "Exit" para bele sai husi aplikasaun UNetbootin.

Janela Instalasaun Kompletu UNetbootin

Notas:
Karik kria ona Live USB utiliza aplikasaun UNetbootin, la presija ona uza CD/DVD kuandu hakarak instala sistema operasaun Linux. Alende ne'e mos, nudar solusaun bodik ba Komputador no Laptop mak la disponivel CD/DVD ROM ou dispotivo CD/DVD ROM avariadu hela.

To'o ne'e deit mata-dalan konaba UNetbootin husi Autores. Karik hakarak hatene liutan informasaun konaba aplikasaun UNetbootin, bele tama deit ba sitiu referensia iha kraik ne'e.

Obrigado!

Referensia:
https://unetbootin.github.io/
https://sourceforge.net/projects/unetbootin/
https://en.wikipedia.org/wiki/UNetbootin

Aprende Konaba Partisaun Iha GNU/Linux (Parte 1)

2017-02-06T17:24:00.001+09:00

Konaba Partisaun
Partisaun hanesan maneira ida para hafahe espasu iha hard disk ho metodu logic no la'os ho metodu fiziku, hodi nune'e Ita bele edita no manipula partisaun husi kapasidade hard disk ne'ebe iha tuir nesesidade.

Vantajem husi partisaun:

Fasil para organiza dadus ou dokumentus, ezemplu bele hafahe partisaun ida ba sistema operasaun no partisaun seluk para rai dadus/dokumentus.
Halo seguru dadus ou dokumentus, ezemplu karik partisaun sistema falha, dadus ou dokumentus ne'ebe iha partisaun seluk nafatin seguru.
Bele instala sistema operasaun liu husi ida.
Hasa'e atuasaun tempu asesu ba hard disk ne'ebe lais liutan.

Tipu Partisaun Iha GNU/Linux
Bainhira atu kria partisaun iha hard disk, dahuluk presija hatene tiha lai tipu partisaun ne'ebe iha.
Partisaun iha hard disk fahe ba tipu tolu, ne'e maka Primary, Extended, no Logical.

Tuir mai esplikasaun badak husi tipu hirak ne'e:

Primary
Tipu partisaun ne'e hanesan partisaun Primary iha hard disk, jeralmente bodik ba sistema operasaun. Kada hard disk ida bele kria maksimu partisaun Primary 4 deit karik la iha partisaun Extended, ou maksimu 3 partisaun Primary karik iha partisaun Extended.

Extended
Tipu partisaun ne'e hanesan mos parte husi partisaun Primary no maksimu bele kria ida deit iha hardisk laran, utilizadu para akomoda partisaun Logical. Hanesan esplikasaun konaba tipu partisaun primary ne'ebe limitadu ho kuantidade 4 deit, bainhira atu kria partisaun ne'ebe barak, bele utiliza partisaun Extended.

Logical
Partisaun ne'e bele kria karik iha ona partisaun Extended no utilizadu para rai dadus. La iha limitasaun kuantidade husi partisaun Logical, ne'e signifika iha hard disk ida bele kria partisaun Logical ho kuantidade depende husi nesesidade.

Oinsa Bele Hatene Tipu Partisaun Iha GNU/Linux?
Iha GNU/Linux Ita bele hatene partisaun Primary, Extended no Logical husi numeru ne'ebe iha hanesan ezemplu tuir mai:

Partisaun Primary
komesa husi numeru 1 to'o 4

Ezemplu:
sda1, sda2, sda3, no sda4.

Partisaun Extended
komesa husi numeru 1 to'o 4 depende husi kuantidade partisaun Primary ne'ebe iha.

Ezemplu:
Karik iha hard disk disponivel ona partisaun Primary 2, signifika partisaun Extended bele iha pozisaun sda3 ou sda4.

Partisaun Logical
komesa husi numeru 5 ba leten.

Ezemplu:
sda5, sda6, no seluktan.

Ezemplu Ilustrasaun Husi Tipu Partisaun Iha Hard disk (Linux)

sda1

sda2

sda3

sda4

sda5

sda6

sda7

Notas:

sda

sdb

sdc

Komparasaun Tabela Partisaun Windows & GNU/Linux?
Iha sistema operasaun Windows, partisaun sei identifikadu ho tipu alfabetu la'os numeru hanesan iha GNU/Linux. Aliende ne'e mos, partisaun sei temi ho naran 'Drive'.

Tuir mai ezemplu ilustrasaun tabela partisaun iha sistema operasaun Windows:

Ezemplu Ilustrasaun Tabela Partisaun Ne'ebe Identifikadu Iha Windows

Ilustrasaun husi ezemplu iha leten signifika:

- Partisaun Primary iha 1 (drive C)
- Iha Windows partisaun Extended la definido ho alfabeto
- Partisaun Logical iha 3 (drive D, drive E no drive F)

Karik konvertidu ba tabela partisaun GNU/Linux hanesan tuir mai:

Ezemplu Ilustrasaun Tabela Partisaun Ne'ebe Identifikadu Iha GNU/Linux

- Partisaun Primary iha 1 (sda1)
- Partisaun Extended iha ida deit ne'ebe okupa sda2
- Partisaun Logical iha 3 (sda5, sda6 no sda7)

Alokasaun Partisaun Ba GNU/Linux
Kuandu hakarak halo alokasaun partisaun ba sistema operasaun Linux, presija komprende uluk deskrisaun jeral konaba tipu partisaun ne'ebe mensiona iha leten, hodi nune'e labele halakon dadus ou dokumentus.

Partisaun ne'ebe atu aloka ba instalasaun sistema operasaun Linux, minimu tenser iha partisaun mamuk rua:

1. partisaun / (root)
2. partisaun Swap

Notas:

/	Root hanesan partisaun prinsipal ba Linux, karik iha sistema operasaun Windows maka Drive C. Rekomendasaun kapasidade para instalasaun sistema Linux minimu 4GB.
Swap	Partisaun ne'ebe preparadu nudar Virtual Memory ba Linux, kuandu memoria komputador nakonu parsialmente prosesu serbisu sei desviadu ba partisaun swap. Kapasidade ba partisaun swap tenser 2X bo'ot husi RAM. Ezemplu memoria ou RAM komputador 512MB, kria swap sai 1GB.

Ho partisaun rua ne'ebe iha leten, bele kompleta kriteriu minimu para instala sistema operasaun Linux.

Tuir mai ezemplu ilustrasaun husi tabela partisaun rua ne'ebe mensiona:

Ezemplu Ilustrasaun Kriteriu Minimu Partisaun Ba GNU/Linux

- sda1 no sda2 utiliza tipu partisaun Primary

- Partisaun sda1 ba Swap
- Partisaun sda2 ba / (root)

Aliende ne'e mos iha sistema operasaun Linux, diretorio ne'ebe maka disponivel iha partisaun root bele ita kria ketak tuir utilidade. Hanesan diretorio /home ho fungsaun para rai dadus ou dokumentus husi utilizador ne'ebe sei parte ida hamutuk ho partisaun root kuandu alokadu tuir kriteriu minimu. Maibe karik hakarak impede dadus ou dokumentus labele lakon bainhira akontese buat ne'ebe la espera, hanesan ezemplu halo re-instalasaun Linux, sujestaun husi Autores diak liu kria partisaun /home ketak husi partisaun prinsipal (/).

Notas:

/home

Equivalente ho diretorio "Documents & Settings" karik iha sistema operasaun Windows XP ou "Users" iha Windows 7 ba leten.

Ezemplu ilustrasaun husi alokasaun ketak partisaun /home hanesan iha kraik ne'e:

Ezemplu Ilustrasaun Partisaun /home ne'ebe ketak husi / (root)

Esplikasaun husi ezemplu ilustrasaun iha leten:

- sda1, sda2, sda3 utiliza tipu partisaun Primary
- Partisaun sda1 ba Swap
- Partisaun sda2 ba / (root)
- Partisaun sda3 ba /home

Kria Partisaun GNU/Linux Husi Hard Disk Ne'ebe Ezisti Ona Windows!
Ezemplu iha leten kuandu kondisaun kapasidade hard disk alokadu tomak ba GNU/Linux, maibe oinsa karik atu kria partisaun husi hard disk ne'ebe ezisti ona sistema operasaun Windows?

Resposta husi pergunta refere maka presija kria parsialmente kapasidade hard disk ne'ebe ezisti ona para bele alokadu ba GNU/Linux. Jeralmente komputador ho sistema operasaun Windows konsisti partisaun rua ne'ebe maka drive C no D. Karik partisaun husi D disponivel kapasidade hard disk ho espasu bo'ot, diak liu resize partisaun refere bodik ba GNU/Linux.

Tuir mai ezemplu ilustrasaun husi tabela partisaun Windows ne'ebe jeralmente disponivel iha komputador:

Ezemplu Ilustrasaun Tabela Partisaun Iha Windows Em Jeral

Depois resize partisaun D no kria fali partisaun foun para alokadu ba sistema operasaun GNU/Linux, tabela partisaun sei konvertidu sai hanesan ezemplu ilustrasaun iha kraik ne'e:

Ezemplu Ilustrasaun Resultadu Husi Resize Partisaun Windows

Esplikasaun husi ezemplu ilustrasaun iha leten:

- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)

Karik hakarak aumenta partisaun /home, tabela partisaun sei sai hanesan tuir mai:

Ezemplu Ilustrasaun Resultadu Husi Aumenta Partisaun /home

- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)
- Partisaun sda8 ba /home

Artiklu "Aprende Konaba Partisaun Iha GNU/Linux" parte dahuluk to'o iha ne'e deit, no sei iha kontinuasaun ba parte daruak.

Nafatin le'e weblog MataDalanLinux!

Referensia:
http://www.wikipedia.com
http://www.tldp.org
http://www.ibm.com

Aprende Konaba Partisaun Iha GNU/Linux (Parte 2)

2017-02-06T17:20:00.003+09:00

Antes aplika saida maka iha mata-dalan ne'e, esperadu backup hotu dadus ou dokumentus importante iha Ita-Bo'ot sira nian komputador ou laptop.

Iha mata-dalan "Aprende Konaba Partisaun Iha GNU/Linux (Parte 1)" esplika ona konaba partisaun, tipu partisaun, komparasaun tabela partisaun entre Windows ho Linux, no seluk-seluktan.

Kontinuasaun husi parte rua ne'e sei foka liu ba pratika, oinsa atu kria no resize partisaun utiliza aplikasaun Gnome Partition Editor (GParted).

Notas:
Pratika ne'e Autores uza Linux Mint 7.1 ne'ebe hala'o husi Live DVD. Default pakote aplikasaun GParted disponivel iha sistema operasaun refere. Jeralmente distro derivadu husi Debian ou Ubuntu iha ona GParted. La haluha mos, hard disk foun ho kapasidade 120 Gigabyte utilizadu para kria mata-dalan ne'e.

Kria Partisaun GNU/Linux
Hanesan ho saida maka Autores mensiona iha mata-dalan parte dahuluk, minimu tenki aloka partisaun rua para instalasaun sistema operasaun Linux:

1. partisaun Swap
2. partisaun / (root)

Atensaun:
Wainhira atu komesa kria no aloka partisaun ba sistema operasaun Linux, Autores fo hanoin para le'e fila-fali referensia husi mata-dalan parte dahuluk.

Lalaok hanesan tuir mai ne'e:

Loke aplikasaun GParted liu husi Menu: Administration → GParted

Hala'o Aplikasaun GParted Husi Mint Menu

Sei mosu janela aplikasaun GParted hanesan ilustrasaun iha kraik ne'e, nomos automatikamente GParted sei detekta hard disk ne'ebe iha.

Janela Prinsipal Aplikasaun GParted

Kria uluk partisaun Swap liu husi menu: Partition → New. Bele mos ho dalan korta, utiliza butaun CTRL + P iha keyboard.

Hahu Kria Partisaun

Hatama numeru "1024" iha New size (MiB) no hili "linux-swap" iha combo box File system. Karik hakarak hanaran partisaun refere, bele ense iha opsaun Label. Kontinua hili butaun Add.

Kria Partisaun Swap

Notas:
Montante minimu kapasidade ne'ebe Autores alokadu ba partisaun Swap total = 1024 Megabyte (MB), signifika hanesan ho 1 Gigabyte (GB). Jeralmente, alokasaun 1024 MB / 1 GB ba partisaun Swap sufisiente ona para bele kumpri kriteria instalasaun sistema operasaun GNU/Linux.

Ho maneira hanesan momentu halo partisaun Swap iha leten, kria partisaun / (root) husi kapasidade hard disk restu ne'ebe iha.

Kria Partisaun / (root)

Depois aloka kapasidade hard disk ba kada partisaun, klik ba butaun "Apply All Operations" para bele aplika mudansa partisaun hirak ne'e permanente.

Aplika Mudansa Partisaun

Sei mosu janela konfirmasaun. Hili butaun "Apply" para kontinua.

Janela Konfirmasaun

Prosesu eskrita ba tabela partisaun komesa la'o.

Prosesu Eskrita Partisaun

Kuandu mosu janela informasaun hanesan ilustrasaun iha kraik ne'e, signifika prosesu kriasaun partisaun la'o ho susesu. Klik butaun "Close" para taka janela refere.

Kompletu Kria Partisaun

Resultadu husi prosesu hotu hanesan ezemplu ilustrasaun tuir mai ne'e.

Resultadu Partisaun

Notas:
Ita bele kria partisaun /home ketak husi partisaun prinsipal (root) ho maneira ne'ebe hanesan wainhira kria partisaun root. Depende hakarak alokasaun montante hira husi kapasidade hard disk ne'ebe iha. Ezemplu ilustrasaun husi resultadu alokasaun ketak partisaun /home hanesan iha kraik ne'e.

Resultadu Partisaun /home Separadu Husi Partisaun / (root)

Kria Partisaun GNU/Linux Husi Hard Disk Ne'ebe Ezisti Ona Windows
Wainihira hakarak instala sistema operasaun GNU/Linux ba iha hard disk ne'ebe ezisti ona sistema operasaun Windows ho nune'e bele disponivel sistema operasaun rua (Dual OS) iha hard disk ida, pasu dahuluk tenki identifika uluk lai partisaun ne'ebe disponivel kapasidade hard disk ho espasu bo'ot (bele uza GParted). Depois bele resize partisaun refere no hahu kria partisaun bodik ba instalasaun sistema operasaun GNU/Linux.

Maneira oinsa resize partisaun hanesan tuir mai ne'e:

Booting Linux Mint 7.1 husi DVD, depois loke aplikasaun GParted.

Hard Disk Ho Partisaun Sistema Operasaun Windows
Notas:
Iha ilustrasaun leten, hard disk refere eziste ona partisaun Windows ho filesystem NTFS. Partisaun ne'ebe disponivel espasu livre no seidauk utilizadu (Unused) husi /dev/sda5 total 86.56 GB. Espasu partisaun /dev/sda5 ne'e ita sei resize no kria sai partisaun bodik ba instalasaun GNU/Linux.

Klik ba iha partisaun /dev/sda5, no hahu resize partisaun liu husi menu: Partition → Resize/Move.

Hahu Resize Partisaun /dev/sda5

Deslizamentu no muda rama tutun husi liman los ba liman karuk ho mouse para hetan espasu livre tuir nesesidades. Iha pratika ne'e Autores sei aloka 31 GB. Bele mos resize partisaun diretamente ho maneira digitandu montante partisaun ba opsaun Free Space Following (MiB). Kontinua klik ba butaun "Resize / Move" para bele aplika mudansa resize partisaun refere.

Resize Partisaun Windows

Ho maneira hanesan momentu kria partisaun GNU/Linux iha inisiu, kria partisaun Swap no / (root) husi kapasidade hard disk ne'ebe resize ona. Ezemplu husi resultadu ilustrasaun kraik ne'e, kapasidade 31 GB ne'ebe hetan husi resultadu resize partisaun /dev/sda5, Autores aloka ba partisaun Swap (1 GB) no / (30 GB).

Resultadu Husi Resize no Kria Partisaun

Notas:
Karik hakarak kria mos partisaun /home, bele aloka espasu husi resultadu resize partisaun /dev/sda5. Ezemplu iha pratika ne'e, Autores aloka partisaun bodik ba Swap (1 GB), / (20 GB) no /home (10 GB) rezultadu tomak hanesan iha ilustrasaun tuir mai ne'e.

Ezemplu Husi Resultadu Kria Partisaun /home Separadu
Wainhira aloka no aplika minimu partisaun hanesan ida husi ezemplu iha leten, signifika partisaun preparadu ona no ita bele instala sistema operasaun GNU/Linux ba iha partisaun refere tuir nesesidade.

Informasaun Adisional:
Kapasidade hard disk iha kada dispotivu hanesan komputador ou laptop talvez diferente, tamba ne'e wainhira atu pratika saida maka iha mata-dalan nee, presija kuidadu no tenki identifika didiak kontidu partisaun iha hard disk ho nune'e labele salah iha implementasaun no afeita ba dadus ou dokumentus ne'ebe iha hard disk laran.

To'o iha ne'e deit artiklu "Aprende Konaba Partisaun Iha GNU/Linux" parte daruak, espera ne'e bele sai nudar referensia bodik ba belun sira mak hakarak hatene konaba maneira kria no resize partisaun utiliza aplikasaun GParted iha sistema operasaun GNU/Linux.

Referensia:
http://matadalanlinux.blogspot.com
http://avancalinux.blogspot.com

12 Distribuisaun Linux Ho Nia Targetu Utilizador

2016-09-13T23:03:00.000+09:00

Barak los mudansa ne'ebe avansadu iha mundu distribuisaun GNU/Linux, komesa husi kompatibilidade hardware, utilizasaun ne'ebe fasil, no suporta ba repositorio software. Ho atributu hirak ne'e hamosu idea-idea husi desenvolvedores atu kria distribuisaun (distro) GNU/Linux ne'ebe uniku no bele responde ba nesesidade utilizador sira. No sai hanesan resultadu, iha nulu ba nulu distribuisaun aktualiza kada fulan, atus ba atus kada tinan, no hadau malu para tama sekuensia leten iha distrowatch.com.

Tuir mai iha 12 distribuisaun GNU/Linux ne'ebe famozu ho nia targetu utilizador sira.

1. Debian
Debian distribuisaun GNU/Linux ne'ebe estavel, no apropriadu ba sistema servidor. Debian mos sai hanesan inan husi distribuisaun hanesan Ubuntu, Kali, no seluktan. Iha mais ou menus 37.500 pakote software ne'ebe suporta Debian no utiliza tool APT ou APTITUDE para atu instala ou renova software.

Debian hanesan sistema operasaun ne'ebe la'os ba utilizador baziku, maibe ba Sistema Administrator no utilizador avansadu. Debian disponivel ba arsitektura (Processor) hanesan Intel, ARM, MIPS, PowerPC, s390, HP-PA no seluktan.

Download ISO Images husi Debian: Klik Iha Ne'e
Manual Utilizasaun: Klik Iha Ne'e

Linux Debian

2. Gentoo
Maluk sira mak gosta ho aktividade afina ou kompilar (compile) sistema, parece sei gosta distribuisaun hanesan Linux Gentoo ne'ebe atu instala aplikasaun ita presija halo kompilar kodigu fontes (source code) uluk lai. Aktividade kompilar ne'e to'o ikus sei hetan sistema Linux ne'ebe forte no optimal duni. Pasu dahuluk bainhira atu utiliza Gentoo ita tenser komprende lai aspektu iha Linux, tuir hanesan liafuan iha slogan Gentoo "If you learn a Linux distro you learn that distro, if you learn Gentoo you learn Linux".

Gentoo hanesan sistema operasaun Linux ba utilizador sira ne'ebe hatene ona saida maka Linux ne'e.

Download ISO Images no manual utilizasaun Gentoo: Klik Iha Ne'e

Linux Gentoo

3. Red Hat Enterprise Linux (RHEL)
Distribuisaun Linux dahuluk ho targetu ba merkadu komersial. Lansa ho versaun ba servidor no disponivel ba arsitektura prosesor x86 inklui x86_64. Red Hat fornese treinamentu ba sertifikadu sistema admin liu husi kursu RHCSA / RHCE. Iha nivel global 80% total lukru hetan husi servico apoio no 20% husi formasaun no sertifikasaun.

Sistema operasaun nivel kompania ne'ebe flexibilidade, efisiensia, kontroladu, Red Hat Enterprise Linux sai hanesan solusaun bainhira ita hakarak iha sistema ne'ebe estavel no seguransa sai prioridade primeiru. Desde RHEL lansa komersial, la disponivel gratuita ona, maibe ita sei bele download Beta-Release ba objektivu edukasaun.

Download ISO Beta DVD Images husi RHEL: Klik Iha Ne'e
Manual Utilizasaun: Klik Iha Ne'e

Red Hat Enterprise Linux

4. Ubuntu
Ubuntu distribuisaun Linux derivadu husi Debian no hanesan sistema operasaun livre ne'ebe famozu tebes. Ubuntu sai hanesan solusaun ba utilizador tomak ne'ebe hakarak uza sistema Ubuntu iha area komputasaun desktop, ba servidor, cloud computing no mos ekipamentus mobile maka suporta atu hala'o Linux Ubuntu. Hanesan mos Debian, iha Linux Ubuntu bainhira atu instala no renova software nafatin utiliza tool APT. Naran Ubuntu mai husi filosofia nasaun Africa do Sul ne'ebe signifika hanesan "Humanidade ba Ema Seluk". Projetu Ubuntu ofisialmente hetan apoiu husi kompania Canonical Ltd. ho nain maka Mark Shuttleworth.

Lansa primeiru Ubuntu iha 20 Outobru 2004, no versaun-versaun foun Ubuntu sei lansa kada fulan 6 dalan ida para bele renova sistema seguransa no atualiza pakote aplikasaun. Ubuntu mai ho pakote software ne'ebe kompletu ona, disponivel livre, no hetan apoiu diak husi komunidade barak iha mundu tomak.

Download ISO Images husi Ubuntu: Klik Iha Ne'e
Manual Utilizasaun: Klik Iha Ne'e

Linux Ubuntu

5. Mageia
Mageia hanesan distribuisaun Linux ne'ebe dezenvolve husi eis fungsionariu Mandriva S.A (kompania ne'ebe kria Linux Mandriva). Mageia dezenvolvidu nudar projetu komunidade (hanesan Debian) no hetan apoiu husi organizasaun non-profit ho membru inklui kontribuidores ne'ebe eleitu husi komunidade Mageia.org.

Lansa versaun dahuluk husi Mageia iha 1 Junu 2011. Tuir siklu dezenvolvementu, Mageia sei lansa kada fulan 9, ho apoio kada versaun foun maka fulan 18.

Mageia la'os deit fornese sistema operasaun ne'ebe estavel no seguru, maibe oferese mos inovasaun teknolojia ne'ebe atual iha mundu Open Source. Iha fungsaun barak ne'ebe importante tebes iha Mageia, hanesan ida maka Mageia Control Center, aplikasaun para konfigura sistema Mageia komesa husi hardware to'o software. Aliende ne'e mos, kuandu hakarak instala no renova software bele utiliza aplikasaun URPMI no RPMDrake.

Download ISO Images husi Mageia: Klik Iha Ne'e
Manual Utilizasaun: Klik Iha Ne'e

Linux Mageia

6. CentOS
Karik hakarak utiliza sistema operasaun hanesan Red Hat Enterprise Linux (RHEL) maibe lakohi atu hasai osan barak, bele uza deit CentOS (Community ENTerprise Operating System). Nudar distribuisaun Linux ne'ebe dezenvolvidu husi fontes gratuita RHEL, CentOS hanesan projetu independente ho objektivu oferese distribuisaun GNU/Linux ne'ebe estavel ba institusaun ou individual no bele uza iha sistema Desktop ou Servidor maibe identiku nafatin hanesan RHEL. CentOS utiliza YUM nudar jestaun pakote software bainhira atu instala ou atualiza.

CentOS disponivel gratuitamente, suporta tekniku prinsipal fornesidu husi utilizador liu husi milis, forum web, no mos chat. Projetu CentOS la afiliadu ho Red Hat, hodi nune'e projetu CentOS la'o sem hetan ajuda saida deit husi Red Hat. Konaba apoiu finanseiru, CentOS bazeia husi donasaun ne'ebe utilizador sira no mos patrosinador/sponsor fo'o.

Download ISO Images husi CentOS: Klik Iha Ne'e
Manual Utilizasaun: Klik Iha Ne'e

Linux CentOS

7. Slackware
Slackware distribuisaun GNU/Linux ne'ebe jeridu no dezenvolvidu husi Patrick Volkerding, no lansa ba publiku iha 17 Julu 1993. Slackware sai hanesan distro Linux dahuluk ne'ebe famozu tebes iha nia tempo bainhira ema foin hatene konaba Linux. Diferente ho distribuisaun GNU/Linux seluk, Slackware bazeia ba prinsipiu KISS (Keep It Simple Stupid). Ne'e signifika katak Slackware mai ho aspeitu dejeinu sistema ne'ebe simples, no la fasil para utiliza. Jestaun pakote software ne'ebe la komplexu tebes hanesan RPM ou DPKG sai mos hanesan aspeitu seluk maka halo Slackware diferente, no propriadu ho prinsipiu KISS. Pakote aplikasaun iha Slackware maka TARBALLS ne'ebe ho ekstensaun tgz no .txz. Kontidu husi pakote inklui ona script instalasaun no deskripsaun husi pakote mensionadu.

Slackware destinadu ba utilizador Linux seniores no mos ema ne'ebe gosta ho dezafiu atu hakarak sai hanesan Linuxer (Utilizador Linux) konfiavel.

Download ISO Images husi Slackware: Klik Iha Ne'e
Manual Utilizasaun: Klik Iha Ne'e

Linux Slackware

8. OpenSUSE

OpenSUSE hanesan distro GNU/Linux ne'ebe dezenvolvidu ho apoiu komunidade liu OpenSUSE Project ne'ebe hetan tulun husi SUSE. Depois Novell halo aquisisaun ba SUSE Linux iha fula Janeiru 2014, Novell desidi para husik produtu SUSE Linux Profesional hanesan projetu open source. Iha tinan 2011 The Attachmate Group halo aquisisaun ba Novell no fahe Novell no SUSE sai kompania ne'ebe hamrik ketak-ketak. SUSE oferese produtu no servico iha area SUSE Linux Enterprise ne'ebe dezenvolvidu husi OpenSUSE.

Lansamentu dahuluk projetu komunidade OpenSUSE maka versaun beta husi SUSE Linux 10.0. Versaun foun husi OpenSUSE sei lansa kada fulan 18.

OpenSUSE mai ho jestaun pakote software ho naran YaST bainhira atu hakarak instala, hamos, ou atualiza pakote aplikasaun ne'ebe iha. Aliende ne'e mos, fungsaun Yast Setup wizard bele hodi konfigurasaun e-mail, LDAP, ou servidor web ho fasil.

Download ISO Images husi OpenSUSE: Klik Iha Ne'e
Manual Utilizasaun: Klik Iha Ne'e

Linux OpenSUSE

9. Linux Mint
Linux Mint nudar distro Linux ne'ebe famozu tebes bazeia husi klasifikasaun iha sitiu distrowatch.com. Linux Mint kunyesidu tamba fasil, apropriadu tebes ba se deit maka foin atu migrasaun ba Linux. Sistema operasaun Linux Mint derivadu husi Ubuntu, ho nune'e aplikasaun ne'ebe la'o iha Ubuntu bele mos la'o iha Linux Mint. Entretantu derivadu husi Ubuntu, Linux Mint fornese desktop ne'ebe elegantes no diferente husi Ubuntu.

Objektivu husi Linux Mint maka oferese sistema operasaun desktop ba utilizador ho gratuita, efisensia, fasil, elegantes no konfortavel para uza. Linux Mint mos mai ho apoiu codec multimedia ne'ebe kompletu, no aplikasaun hanesan Java, Adobe Flash no seluk-seluktan.

Download ISO Images husi Linux Mint: Klik Iha Ne'e
Manual Utilizasaun: Klik Iha Ne'e

Linux Mint

10. Kali Linux
Komesa fulan Marsu 2013, BackTrack ofisialmente troka naran ba Kali Linux, no versaun BackTrack 5.3 sai hanesan versaun ikus husi BackTrack. Kali Linux nudar distribuisaun ne'ebe kontinuasaun husi projetu BackTrack Linux, derivadu husi Debian ho objektivu para forense digital no teste penetrasaun seguransa sistema. Kali Linux dezenvolvidu no finansia husi Offensive Security. Kali Linux fornese koleksaun software ne'ebe relasionadu ho seguransa, inklui port scanner no password cracker.

Kali Linux apoiu sinkronizasaun ho repositorio Debian, fornese atualiza pakote aplikasaun ne'ebe up-to-date, no fasil atu instala ou renova pakote sira ne'ebe iha liu husi jestaun pakote APT.

Download ISO Images husi Kali Linux: Klik Iha Ne'e
Manual Utilizasaun: Klik Iha Ne'e

Kali Linux

11. Fedora
Fedora hanesan distribuisaun Linux dezenvolvidu husi Fedora Project no hetan apoiu husi Red Hat. Fedora iha komunidade nivel mundu ne'ebe bo'ot tebes no sai nudar distro ne'ebe Linux Torvalds uza. Visaun prinsipal husi Fedora maka sai hanesan teknolojia sistema operasaun ne'ebe avansadu no gratuita ho lisensa software open source. Fedora hanesan projetu pilotu husi Red Hat para produs distro Red Hat Enterprise Linux (RHEL) ne'ebe estavel, no lansamentu husi RHEL dezenvolvidu husi versaun Fedora. Sistema operasaun Fedora bele hetan 100% gratuita no livre atu distribui ba ema hotu.

Atu instala, hamos, renova aplikasaun iha Fedora bele uza jestaun pakote YUM, no APT-RPM hanesan alternativu.

Download ISO Images husi Fedora: Klik Iha Ne'e
Manual Utilizasaun: Klik Iha Ne'e

Linux Fedora

12. Arch Linux
Judd Vinet komesa hala'o projetu Arch Linux iha fulan Marsu 2002. Vinet lidera projetu ne'e to'o 1 Outobru 2007 depois entrega ba Aaron Griffin. Arch Linux hanesan distribuisaun Linux ho dejeinu sistema ne'ebe kaman no simples. Nudar sistema operasaun ba arsitektura i686 no x86_64, Arch Linux bele modifikadu tuir nesesidade. Arch Linux la determina orariu lansamentu hanesan distro seluk ezemplu Debian, Fedora no Ubuntu, maibe utiliza sistema "Rolling Release". Ho liafuan seluk, atu renova sistema Arch Linux, utilizador presija deit renova pakote-pakote ne'ebe iha nia sistema laran deit. Arch Linux mai ho jestaun pakote PACMAN ne'ebe kaman no lais bainhira utilizadu hodi upgrade sistema.

Download ISO Images husi Arch Linux: Klik Iha Ne'e
Manual Utilizasaun: Klik Iha Ne'e

Arch Linux

Mak ne'e deit artiklu konaba "12 Distribuisaun Linux Ho Nia Targetu Utilizador" husi Autores. Iha barak los distro Linux ne'ebe iha, maibe Autores labele atu hakerek hotu iha ne'e.

Referensia:
http://www.distrowatch.com
http://www.wikipedia.com

Istoria Konaba Sistema Operasaun Android Husi Tempo Ba Tempo

2016-09-13T22:55:00.000+09:00

Ikus-ikus ne'e Android sai nudar sistema operasaun ne'ebe ho popularidade diak tebes iha mundu. Hanesan mos iha Timor-Leste, utilizador gadget barak mak hatene ona konaba sistema operasaun ida ne'e. Android hadau ona atensaun parsialmente bo'ot komunidade mundial. Kompania gadget no telemovel kompete para kria dispotivu ho sistema operasaun Android. Kuaze kada loron ita hare gadget-gadget foun sirkula iha merkadu. Maibe se'e mak hatene istoria konaba sistema operasaun Android ne'e? Iha artiklu ne'e, Autores sei rezumu istoria badak konaba Android no transformasaun Android husi tempo ba tempo.

Android nudar sistema operasaun bazeadu Linux bodik ba selular hanesan telefone matenek (Smartphone) no komputador tableta. Android dahuluk dezenvolvidu iha tinan 2003 husi kompania Android Inc. Hari'i iha Palo Alto, California, Americano fulan Outobru 2003 husi Andy Rubin, Rich Miner, Nick Sears, no Chris White.

Fundador Android Inc.

Desde tempo ne'eba Google komesa interesadu hakarak dezenvole negosiu iha merkadu Smartphone. Tinan 2005 Google ofisialmente sosa kompania Android Inc. Depois ho objektivu hakarak dezenvolve Android, finalmente Google hari'i Open Handset Alliance (OHA), konsorsiu husi 34 liu kompania hardware, software, no telekomunikasaun, inklui mos Intel, HTC, Motorola, Samsung, Qualcomm, Nvidia no T-Mobile.

Lista Konsorsiu Open Handset Alliance (OHA)

Fila-fali ba kotuk, bodik ba utilizador Android, barak mak sei iha pergunta oinsa Android bele la'o nudar aplikasaun ou sistema operasaun. Klaru aplikasun mak konstruidu bele hala'o perfeitamente kuandu kumpri ona aspeitu ne'ebe determinadu ona husi dezenvolvedor. Android disponivel fungsaun arsitektura ho elementus ne'ebe interligadu.

Tuir mai, esplikasaun badak konaba layer mak sai hanesan arsitektura sistema android:

Arsitektura Sistema Android

Applications : Android sei kombina aplikasaun core inklui email client, programa mensajem, kalendariu, mapa, browser, kontaktu, no seluk-seluktan.
Application Framework : Fornese plataforma dezenvolvimentu ne'ebe nakloke, dezenvolvedor Android oferese abilidade bodik ba hari'i aplikasaun mak riku ho funsionalidades ne'ebe inovativu tebes.
Libraries : Anroid inklui ona pakote livraria C/C++ ne'ebe utilizadu husi varius komponente sistema Android.
Android Runtime : Android inklui pakote ida library core ne'ebe fornese parsialmente bo'ot fungsaun husi lingua programasaun Java.
Linux Kernel : Android depende ba kernel Linux versaun 2.6 ne'ebe oferese sistema atendementu prinsipal hanesan seguransa, jestaun memori, jestaun prosesu, network stack, no modelu kontrolador. Kernel mos nudar revestimentu abstrasaun entre hardware no software tomak.

Agora dadaun iha tipu rua distribuidor sistema operasaun Android iha mundu. Dahuluk ne'ebe hetan suporta tomak husi Google ou Google Mail Services (GMS) no daruak ne'ebe livre distribui sem hetan suporta direitamente husi Google ou famozu liu ho naran Open Handset Distribution (OHD). Sistema operasaun Android nakloke ba dezenvolvedor tomak para bele dezenvolve software ne'e ho Android SDK (Software Development Kit), ne'ebe iha SDK fornese ona Tool no API bodik ba hahu dezenvolve aplikasaun iha plataforma Android utiliza lingua programasaun Java.

Iha termos ne'e oportunidade nakloke ba komunidade open source para involve iha dezenvolvimentu sistema operasaun Android. Depois komesa mosu varius komunidade ne'ebe dezenvolve no distribui sistema Android bazeadu ba firmware ho adaptasaun no funsionalidades adisional, hanesan FLAC lossless audio no abilidade bodik ba salva aplikasaun ne'ebe download ba microSD card no seluk-seluktan. Sira sempre atualizasaun pakote-pakote firmware no kombina elementu-elementus Android ne'ebe seidauk ofisialmente lansa ba iha firmware ne'ebe sira dezenvolve.

Iha fulan Setembru 2007 Google hahu submete direitu patente aplikasaun telefone selular. Depois iha tinan 2008, kompania HTC ofisialmente lansa dispotivu selular Android dahuluk ho denominasaun HTC dream. Dispotivu ne'e utiliza sistema operasaun versaun dahuluk Android 1.0.

Smartphone HTC Dream

Ho prezensa smartphone HTC Dream reforsa kompania-kompania hardware seluk mos tuir utiliza sistema operasaun Android.

Atualmente sistema operasaun Android sai opsaun mak rentavel tebes bodik ba vendedores smarphone tamba disponivel kustu lisensa ne'ebe baratu liu no open source, klaru mos Android bele suporta funsionalidades husi Google.

Tuir mai revizaun badak konaba versaun-versaun husi sistema operasaun Android. Pontu-pontu importante deit maka Autores hakerek iha revizaun ne'e, no karik informasaun balun la disponivel, Autores sujere para vizita ba link sitiu referensia ne'ebe iha artiklu ne'e.

Disponivel kategoria rua husi sistema operasaun Android, dahuluk Pre-Commercial Release no daruak Commercial Release Version. Maioria ema seidauk hatene konaba ketegoria ne'e. Alende ne'e mos, barak utilizador somente hatene uituan deit versaun Android ne'ebe eziste.

Sistema operasaun Android mos sempre fornese supreza naran ne'ebe uniku tebes iha kada lansamentu versaun foun. Hahu husi versaun Android 1.5 ba leten, naran-naran kodigu versaun Android utiliza naran husi sobremeza ne'ebe reguladu alfabetikamente.

Pre-Commercial Release (2007-2008)

Android 1.0 Alpha
Versaun dahuluk sistema operasaun Android. Lansa iha fulan Novembru 2007 husi Google no OHA. Versaun Alpha ne'e sei utiliza tela 320×480 HVGA no dahuluk testadu husi vendedor HTC.
Android 1.0 Beta
Android 1.0 Beta, lansa iha 5 Novembru 2007, no versaun SDK (Software Developer Kit) beta lansa iha 12 Novembru 2007. Portantu data 5 Novembru sai nudar loron "aniversariu" sistema operasaun Android.
Android 1.0
Android versaun 1.0 nudar versaun software Android komersial dahuluk, lansa 23 Setembru 2008. No dispotivu selular dahuluk mak utiliza no introdus Android 1.0 mak telemovel HTC Dream (G1).

Android 1.1

Commercial Release Version

Android 1.5 (Cupcake)

Cupcake

Picasa

Android 1.6 (Donut)
Android versaun 1.6, naran kodigu "Donut", lansa iha 15 setembru 2009. Mudansa barak aplika ba versaun ne'e hanesan renovasaun failansu reboot, integrasaun galeria, kamera, no gravador video ho funsaun asesu ne'ebe lais. Renovasaun funsaun teknologia CDMA/EVDO, 802.1x, VPN nomos atualizasaun suporta resolusaun tela WVGA.

Android 2.0 - 2.1 (Eclair)
Mai ho naran kodigu "Eclair" Android 2.0 lansa iha data 26 Outobru 2009, bazeadu kernel Linux 2.6.29. Alterasun iha versaun ne'e maka, suporta Bluetooth 2.1, suporta email Microsoft Exchange, aumenta funsaun flash kamera, atualizasaun Google Maps 3.1.2 no optimizasaun velosisade aplikasaun. Alende ne'e, Android "Eclair" sei disponivel mos versaun seluk hanesan 2.0.1 no 2.1.

Android 2.2 - 2.2.3 (Froyo)
20 Maiu 2010, lansa foun Android versaun 2.2 ho naran kodigu "Froyo" (sigla husi Frozen Yogurt). Funsionalidades ne'ebe aumenta iha versaun ne'e maka suporta ba Android Cloud to Device Messaging (C2DM), suporta ona Adobe Flash, disponivel opsaun para hamate asesu dadus iha rede selular, aumenta USB Tethering no Hotspot Wi-Fi, suporta instalasaun aplikasun ba memoria externa no seluktan.

Android 2.3 - 2.3.7 (Gingerbread)
Bazeadu kernel Linux 2.6.35, Android 2.3 ho naran kodigu "Gingerbread" lansa 6 Desemberu 2010. Mai ho dezeinu User Interface (UI) ne'ebe lais no simples, Android 2.3 Gingerbread aumenta mos suporta ba resolusaun no dimensaun tela extra bo'ot (WXGA ba leten), suporta ona Session Initiation Protocol (SIP) bodik ba teknologia VOIP. Alende ne'e, Gingerbread apoiu ona multi kamera oin no kotuk, suporta formatu video WebM/VP8, no audio AAC.

Android 3.0 - 3.2 (Honeycomb)
Dahuluk renovasaun Android ne'ebe enderesadu somente bodik ba komputador tableta maka Android versaun 3.0 ho kodigu "Honeycomb", lansa iha data 22 Fevereiru 2011. Dispotivu dahuluk ne'ebe utiliza versaun ne'e maka tableta Motorola Xoom. Honeycomb Suporta ona prosesadores (processor) multi-core, abilidade para enkriptasaun dadus utilizador, apoiu aselerasaun hardware, suporta konversa video utiliza aplikasaun Google Talk, konektividade bodik ba asesoriu USB.

Android 4.0 – 4.0.4 (Ice Cream Sandwich)
Android 4.0 "Ice Cream Sandwich", bazeadu kernel Linux 3.0.1, lansa 19 Outobru 2011. Hanesan ho versaun sira seluk, Android versaun ne'e mos sei iha update husi versaun 4.0 ba 4.0.2, 4.0.3, no 4.0.4. Atualizasaun iha versaun ne'e inklui Wi-Fi Direct, fasil kriasaun folder ou diretoriu ho metodu drag-and-drop, disponivel aplikasaun padraun edita foto, suporta formatu imagem WebP, koreksaun bug no optimizasaun funsionalidades grafiku, koreksaun ortografia no seluk-seluktan.

Android 4.1 – 4.3 (Jelly Bean)
Iha konferensia Google I/O 27 Junhu 2012, Google ofisialmente anunsiu Android versaun 4.1 "Jelly Bean". Bazeadu kernel Linux 3.0.31, Jelly Bean halo atualizasaun importante ne'ebe ho objetivu para hasa'e funsaun no optimalizasaun User Inteface (UI). Atualizasaun ne'e inklui triple buffering, ekstensaun tempo vsync, no aumenta frame rate ate 60 fps para bele kria UI ne'ebe kaber liu. Dahuluk dispotivu ne'ebe utiliza sistema operasaun Android 4.1 maka tableta Nexus 7. Alende optimalizasaun UI, versaun 4.1 mos disponivel funsionalidades seluk hanesan Miracast, SELinux, Group Messaging, adisional gamepad no joystick Bluetooth ne'ebe suporta HID.

Android 4.4 (KitKat)
3 Setembru 2013, Google anunsiu sistema operasaun Android 4.4, ho permisaun husi Nestlé no Hershey finalmente konsege utiliza naran "KitKat" nudar naran kodigu bodik ba versaun Android 4.4. lansamentu ne'e ho atualizasaun ba Interface status bar no navegasaun ne'ebe transparante iha tela oin, grava atividades tela mak integradu, sensor batching, step detector, counter API, funsaun WebViews bazeadu Chromium, no suporta Bluetooth Message Access Profile (MAP).

Android 5.0 – 5.1.1 (Lollipop)
"Lollipop" nudar naran kodigu husi versaun sistema operasaun Android 5.0 ofisialmente lansa 12 Novembru 2014. Google adisionadu tena funsaun foun ba sistema operasaun Android 5.0 Lollipop hanesan ART Runtime, Project Volta ne'ebe bele aumenta vitalidade bateria 30% duravel liu no UI Material. Lollipop ne'e mos suporta tena asitektura 64-bit ne'ebe permiti dispotivu bele utiliza memoria RAM liu husi 4GB. Disponivel mos funsionalidade seguransa 'factory reset protection', ho funsaun ne'e bele proteja smartphone kuandu lakon, no wainhira reset tenki hatama id google no password.

Android 6.0 (Marshmallow)
Android 6.0 "Marshmallow" dahuluk introduzidu fulan Maiu 2015 iha konferensia Google I/O, no ofisialmente lansa 5 Outobru 2015. Marshmallow introdus arsitektura permisaun foun, API foun, funsionalidade jestaun enerjia ho naran "Doze", inklui ona aplikasaun Google Now ho nune'e bele fornese variedade informasaun liu husi instrusaun lian. Alende ne'e mos, Android 6.0 suporta ona karegamentu bateria ne'ebe lais, maibe funsaun ne'e presija konektor ho naran USB Type-C. Disponivel mos funsaun auto backup, ho ne'e permiti dispotivu bele salva dadus utilizador no konfigurasan husi aplikasaun ou game ba Google Drive.

Ilustrasaun Versaun & Naran Kodigu Android

Sistema operasaun Android agora dadauk utilizadu liu husi bilaun ida dispotivus, no relatoriu husi International Data Corporation (IDC) konaba "Smartphone OS Market Share" tinan 2015, 82% liu husi smartphone ne'ebe circula iha merkadu bazeadu sistema operasaun Android. Alende smartphone, dispotivu seluk kompostu husi:

Tablets
Wearables
TV / Media Suite Devices
Car related systems
Home security systems
Cameras
Refrigerators
Video Game Consoles
Mini PCs

Relatoriu Husi IDC - Smartphone OS Market Share 2015

To'o ne'e deit istoria no revizaun badak dezenvolvimentu sistema operasaun Android husi tempo ba tempo. Ekspektativa bo'ot husi Autores, espera artiklu ne'e bele fornese informasaun ne'ebe prestativu, nomos bele aumenta konhesimentu konaba teknologia sistema operasaun Android.

Obrigadu...

Fontes:
http://www.wikipedia.org
https://www.android.com
http://www.androidcentral.com/android-history
http://techacute.com/the-history-of-android-os
http://www.idc.com

Kompetisaun Game Tux Math 2015

2015-06-21T20:31:00.001+09:00

Kompetisaun Game Urban Terror 2015

2015-06-21T07:40:00.000+09:00

Info Workshop: Treinamentu Dezenhu Grafiku ho Software Livre

2014-03-31T09:00:00.000+09:00

Info Workshop: Treinamentu Sertifikadu Linux & Software Livre

2014-01-13T16:24:00.002+09:00

Impede Asesu ba Sitiu Negativu ho DNS Ne'ebe Iha Content Filtering

2013-10-04T12:53:00.001+09:00

Browsing iha internet bele dehan aktividade ne'ebe diak tebes, informasaun saida deit bele ita hetan ho fasil. Maibe presija mos maluk sira tenser hatene katak iha mos amiasa husi rihun ba rihun website ho Malware ne'ebe prontu atu halo infeksaun ba komputador. Aliende ne'e mos iha milaun website pornografia ne'ebe bele hetan asesu ho fasil husi ita nia oan ou alin sira ne'ebe sei ki'ik.

Artiklu ne'e atu fo hatene ba maluk sira oinsa atu proteja ita nia an rasik no familia husi buat hirak ne'ebe editor mensiona iha leten ho uza deit Domain Name System (DNS) ne'ebe ho fungsaun hanesan content filtering. Iha DNS publiku hirak ne'e hetan suporta hus vendedor internasional no bele utiliza ho livre.

Tuir mai hanesan lista husi DNS ne'ebe iha ona fungsaun content filtering:

COMODO SECURE
DNS Comodo hanesan kompania seguransa ne'ebe foka iha area sertifikadu digital, produtu antivirus, backup no seluktan. Comodo Secure DNS bele impede asesu ba website-website ne'ebe iha malware no ameasa ba siguransa sistema komputador.

Primary: 8.26.56.26
Secondary: 156.154.70.22

DNS NAWALA
DNS Nawala fornese servico DNS Filter ne'ebe livre atu utiliza ba se deit maka presija atu proteja husi website internet negativu. DNS Nawala ajuda utilizador internet atu impede kontidu website hanesan pornografia no website malware. DNS Nawala hetan suporta husi vendedor komunikasaun iha Indonesia hanesan Telkom, Biznet, asosiasaun hanesan AWARI, APJII no seluktan.

Primary : 108.131.144.144
Secondary : 108.131.145.145

NORTON ConnectSafe
NORTON ConnectSafe hanesan produtu husi vendedor Norton para proteja ita husi website ne'ebe perigoju. Ezemplu, website ne'ebe vizita bainhira iha spyware sei hetan blokeadu direita husi Norton ConnectSafe. Hanesan mos ba website ne'ebe iha kontidu pornografia. Norton ConnectSafe mai ho opsaun DNS hirak kedas para bele utiliza hanesan iha kraik ne'e:

Security only
Atu proteja husi malware, phishing no scam sitiu.
Primary : 198.153.192.40
Secondary : 198.153.194.40

Security + pornography
Inklui ona atu impede asesu ba sitiu pornografia.
Primary : 198.153.192.50
Secondary : 198.153.194.50

Security + pornography + non-family friendly
Atu proteja husi kontidu negativu hanesan: pornografia, krimi, aimoruk at, violensia no seluk-seluk tan.
Primary : 198.153.192.60
Secondary : 198.153.192.60

Tuir mai hanesan mata dalan fasil oinsa atu uza ou troka DNS iha Linux:

Notas:
Maneira ne'e teste iha Linux Mint 15, no ba maluk sira ne'ebe uza sistema operasaun seluk, ezemplu Windows ou MacOS bele buka deit nia mata dalan troka DNS iha google ;)

Loke Terminal husi menu Application -> Accessories -> Terminal
Hatama komando hanesan iha kraik:

sudo pluma /etc/resolv.conf

Notas:
Karik maluk sira uza Linux Ubuntu entaun troka aplikasaun editor textu pluma ho gedit

Depois hatama kodigu hanesan iha ezemplu kraik ne'e:

nameserver 180.131.144.144
nameserver 180.131.145.145

Save no depois taka editor textu pluma / gedit

Loke aplikasaun browser (Firefox ou Chrome), depois koko asesu ba sitiu pornografia hanesan www.playboy.com.

Espera katak artiklu ne'e bele ajuda maluk sira hotu.

Referensia:

http://www.comodo.com/secure-dns/

http://nawala.org

https://dns.norton.com/

http://avancalinux.blogspot.com/2010/08/blokir-konten-pornografi-dengan-dns.html

Maneira Atu Detekta Modem USB Alcatel Iha Linux

2013-09-25T10:01:00.000+09:00

Durante ne'e utilizador Linux sira barak maka husu oinsa modem Alcatel bele detekta iha sistema operasaun Linux?

Iha oportunidade ida ne'e, editor atu fahe deit maneira oinsa Modem USB ho marka Alcatel (tipu saida deit) la'o ho diak iha Linux nia laran.

Maneira ne'e teste ona iha Linux Mint 13 ho modem Alcatel tipu X300 sosa husi operadora telekomunikasaun ne'ebe fa'an nia servico pakote internet hamutuk ho modem Alcatel.

Etapa hanesan tuir mai:

Loke Terminal husi menu Application -> Accessories -> Terminal
Hatama komando hanesan iha kraik:

sudo pluma /etc/modules

Notas:
Karik maluk sira uza Linux Ubuntu entaun troka aplikasaun editor textu pluma ho gedit

Depois iha file modules laran, hatama sintaks hanesan iha kraik:

usbserial
option

Save no depois taka editor textu pluma
Reboot komputador/laptop no depois koko liga fali modem Alcatel ba Linux ne'ebe iha.

Espera katak modem Alcatel bele detekta no la'o diak iha Linux Mint.

Report: TOSC fo Treinamentu Free Open Source Software ba Centru Treinamentu Canosiana Manatuto

2013-09-24T08:24:00.000+09:00

Manatuto, 21-22 de Setembro 2013: Equipa Timor-Leste Open Source Community (TOSC) hetan konvite husi Centru Treinamentu / Formasaun Canosiana Manatuto atu fahe matenek kona ba area Informasaun no Teknologia (IT) liu-liu Software Livre (FOSS) ba estudantes iha Centru treinamentu refere.

Materia ba treinamentu mak hanesan tuir mai ne'e:
1. Instalasaun Linux
2. Aplikasaun Multimedia
3. Aplikasaun Rede/Networking

Mak ne'e deit informasaun badak husi Aktividades nebe Timor-Leste Open Source Community (TOSC) sosializa atu Software alternativus hanesan Linux ho distro sira seluk-seluktan bele kuinecidu iha Timor-Leste no sei iha utilizador barak liu tan atu nune'e ita hotu bele hamenus kusto ba sosa sistema operasaun no aplikasaun sira nebe ita uza iha komputador. Ho Software Livre bele hadook mos ita husi Virus, Trojan, no seluk-seluktan nebe bele estraga ita nia komputador.

PARABENS ba Centru Canosiana Manatuto nebe uza ona Software Livre....Obrigado

Oinsa Install ou Aumenta Brush iha GIMP

2013-09-14T11:20:00.000+09:00

Bemis - Gimp hanesan apikasaun famozu iha area Designu Grafiku ne’ebe ita bee dehan nia toos no nia funsaun hanesan Photoshop no ba futuru sei Iiu Photoshop. Iha ne’e hau la koalia barak konaba deskripsaun GIMP maibe hau sei fahe ba ita hotu topiku importante ida “Oinsa Install ou Aumenta Brush iha GIMP “. Se mak lahatene brush?? Brush ne’e mak tools ida atu uza ba painting ou pinta iha GIMP, iha internet iha tipu brush oi-oin no ita bele download , file brush ne’e nia formatu mak *.abr .

Iha ne’e hau sei hatudu oinsa install ou aumenta Brush iha GIMP tuir nia etapa iha Linux Mint 13 (Maya) ho versaun GIMP 2.6 :

ETAPA 1

Download Brush ne’ebe hakarak install
Copy brush ne’e ba iha brush folder ( folder ne’e ita bele hetan iha Home depois buti CTRL+H, buka folder Gimp 2.6 loke depois buka fali Brushes paste iha nia laran)

Molok taka Home ne’e buti fai CTR+H

ETAPA 2

Loke GIMP 2.6 ba iha Brush Window/Tab depois Klik Butaun Resfresh Brush (hatudu iha imagen kraik) iha versaun GIMP tuan sira ita buti Shift+Ctrl+B para loke brush window/tab ne’e

Agora ita bele hili no uza brush ne’e ona : )

Report: TOSC fo Treinamentu Software Livre ba Centru Juventude Bidau

2013-08-14T16:16:00.001+09:00

Dili, 10 de Agosto 2013 Timor-Leste Open Source Community (TOSC) fo treinamentu gratuita kona ba Free & Open Source Software (FOSS) ba Centru Juventude Bidau. Juventude nebe kompostu maioria husi Estudantes nebe iha area Bidau hetan vizita husi Team TOSC nebe oferece treinamentu Linux ho ninia aplikasaun sira seluk ba Juventude sira.

Materia ba treinamentu mak hanesan tuir mai ne'e:

1. Instalasaun Linux

2. Aplikasaun Multimedia

3. Aplikasaun Rede/Networking

Juventude sira orgulho no interese teb-tebes atu aprende liutan Linux ho ninia distro sira seluk tuir ida-idak nia hakarak, sira mos husu atu treinamentu ne'e sei la para maibe bebeik atu Juventude sira bele kapacita sira nia-an ho matenek oin-oin kona ba Sistema Operasaun iha Komputador.

Mak ne'e deit informasaun badak husi Aktividades nebe Timor-Leste Open Source Commuinity (TOSC) sosializa atu Software alternativus hanesan Linux ho distro sira seluk-seluktan bele kuinecidu iha Timor-Leste no sei iha utilizador barak liu tan atu nune'e ita hotu bele hamenus kusto ba sosa sistema operasaun no aplikasaun sira nebe ita uza iha komputador. Ho Software Livre bele hadook mos ita husi Virus, Trojan, no seluk-seluktan nebe bele estraga ita nia komputador.

PARABENS ba Maluk Sira nebe uza ona Software Livre....Obrigado

Report: TOSC fo Treinamento Software Livre (FOSS) ba Conselho Nacional Juventude Timor-Leste (CNJTL)

2013-08-02T16:44:00.002+09:00

Dili, 30 de Julho - 02 de Agosto 2013, Timor-Leste Open Source Community (TOSC) Servisu hamutuk ho Conselho Nacional Juventude Timor-Leste (CNJTL) oferece treinamentu loron 2 ba Juventude sira.

Abertura treinamentu loke husi Sr. Leovijildo Hornai nudar Presidente CNJTL iha ninia deskursu ba jovens sira katak aproveita didiak treinamentu nebe oferece husi TOSC no iha tinan barak nia foin maka hasoru grupu ida nebe ho komitmentu no espiritu makaas atu dezemvolve software alternativus hanesan Sistema Operasaun Linux iha Timor-Leste no espera katak Jovens sira bele aprende buat ruma husi treinamentu ne'e, no ba futuro sei iha planu mos atu fo treinamentu ba membrus parlamentu foin sae sira.

Tuir fali apresentasaun badak husi Presidente TOSC Sr. Eligio Moniz do Rego iha ninia diskursu foka liu ba benefisiu atu utiliza Software alternativu Linux no halo komparasaun entre Linux ho Microsoft Windows.

Treinamentu ba Juventude sira nebe iha CNJTL durante loron 4 nian laran fahe ba klase 2 no kapasita jovens sira ho aplikasaun oin-oin no interesante nebe iha Linux nian laran.

Distro no Aplikasaun sira nebe maka oferece iha treinamentu ne'e maka hanesan:

1. Instalasaun LinuxMint

2. Aplikasaun Multimedia (Imagination, Gimp, Inkscape, no seluk-seluk tan),

3. Aplikasaun Programming no Web Design

Husi treinamentu ne'e jovens sira sente interesante teb-tebes no sira promete atu fahe ba sira nia kolegas no mos Centru treinamentu balun husu atu TOSC bele too iha sira nia fatin.

Mak ne'e deit informasaun badak husi aktividade TOSC espera katak le'e nain sira akompanha nafatin informasaun husi TOSC.

Obrigado

Report: Fun & Easy With Open Source Software

2013-07-22T17:04:00.004+09:00

Timor Plaza- iha Dia 20-21 de Julho 2013 Timor-Leste Open Source Community (TOSC) organiza eventu ho topiku "FUN & EASY WITH OPEN SOURCE SOFTWARE". Eventu ne'e hetan suporta husi parseiru Sentinel Group Unip Lda no Timor Plaza.

Partisipantes hamutuk estudantes besik 50 mai husi univesidades no institutos iha Dili laran no Universidade paralel Baucau ho Centro treinamentu Info Timor Baucau. Durante loron 2 partisipantes sira hetan kuinecementu oinsa halo instalasaun Linux Mint 13 (hanesan Distro ida husi Linux) no aplikasaun sira seluk nebe interesante tebes-tebes ba partisipantes sira.

Treinador sira esplika benefisiu no halo komparasaun ba aplikasaun sira iha Linux ho Windows no ninia benefisiu liu-liu aplikasaun sira nebe bain-bain ema utiliza hanesan: OpenShot, Imagination, no seluk-seluktan. Aplikasaun sira ne'e ita bele hetan gratuita husi internet fasil atu uza no livre atu

dezemvolve fali tuir ida-idak nia hakarak.

Ba sesaun ikus partisipantes sira hetan oportunidade atu hakerek iha blog kona ba Linux no manda ba TOSC nia email, no ba sira nebe hetan valor diak sei hetan premiu tuir Presidente TOSC nia promete no mos artiklu ne'ebe sira halo sei publika iha TOSC nia weblog.

Mak ne'e deit update informasaun ba aktividade nebe TOSC organiza iha fulan oin sei iha fali eventu hanesan kompetisaun Game iha Timor Plaza, hein katak maluk sira bele partisipa nafatin aktividade nebe TOSC organiza atu aumenta no kapasita maluk sira iha area Informasaun no Teknologia.

Obrigado

Easy & Fun With Open Source Software

2013-07-10T16:30:00.001+09:00

Report: TOSC fo treinamentu Internet ho Multimedia ba Rede ONG Distrito Liquica

2013-06-29T14:55:00.001+09:00

Liquica, Julho 2013: Timor-Leste Open Source Community (TOSC) servisu hamutuk ho Instituto Marquês de Valle Flôr (IMVF) ofrece treinamentu ho topiku Internet no Multimedia ba Rede ONG Distritu Liquica.

Durante loron 5 hahu husi dia 24 – 28 de Julho 2013, Partisipantes 20 resin composto husi ONG no Centro Juventude no Centro Treinamentu nebe iha Sub Distrito 3 mak hanesan Sub Distrito Liquica, Sub Distritu Maubara no Sub Distritu Bazartete.

Partisipantes sira sente kontente tebes tamba durante ne’e sira durante ne’e seidauk hetan kurso ou treinamentu hanesan ne’e sira mos agradece teb-tebes ba equipa TOSC no espera katak sei iha servisu hamutuk nafatin iha futuro atu oferece tan kursu sira seluk nebe relasiona ho Informasaun no Teknologia. Obrigado

Info Klaru bele hare iha:

# www.tosc.tl

# www.imvf.org

Report: Open Source Goes 2 Campus

2013-06-03T11:37:00.003+09:00

TIMOR-LESTE OPEN SOURCE COMMUNITY- Iha dia 4-5 de Maiu 2013, TOSC hato'o Seminariu "Open Source Goes 2 Campus" nebe organiza husi Estudantes Universitarius Universidade Oriental (UNITAL) ho Institute of Business (IOB) Paralel Distritu Baucau. Materia nebe maka hato'o iha seminariu ne'e maka hanesan: Introdusaun Linux & Open Source, Wireless Hacking, Mikrotik, VOIP ho Seluk-seluktan. orador sira husi Divisaun TOSC nian maka hanesan Divisaun Networking, Divisaun Programming no Divisaun Multimedia. Seminariu ne'e rasik hetan antuziasmu makaas husi estudantes sira no estudantes besik 50 resin maka partisipa. Espera katak saida mk maluk sira hetan (Kona ba Open Source) sira sei la rai dt iha sira nia An, maibe sei hatutan mos ba maluk sira seluk nebe seidauk hatene kona ba OS e liu-liu ba maluk sira nebe mak sedauk konhece liu kona ba Teknolojia, tenik Charlez Lopes nudar Chefe Divisaun Multimedia. Mak ne'e deit relatoriu badak husi aktividade TOSC ba programa Open Source Goes 2 Campus iha Distrito Baucau__Obrigado

National Seminal: Open Your Mind With Wireless Technology

2013-03-07T18:06:00.000+09:00

Wireless Hacking Competition

2013-03-04T15:08:00.000+09:00

Komputador 606 Unit Iha M.E Uja Software Livre (LINUX)

2013-01-25T07:55:00.000+09:00

DILI – Ministerio Edukasaun sei distribui komputador 606 unit, Printer ida, Scanner ida ho wireless Access Point ida no sei halo instalasaun rede lokal ba iha kada centru ensino baziku total 202 iha teritorio Timor laran tomak nebe nia sistema operasaun uja software livre (LINUX - Edubuntu). Objectivo fahe komputador nee atu hadia servisu profesores sira nian iha centro no kada centro ida sei hetan komputador tolu. Komputador tolu nee fasilita ba Direitor Eskola, Vice Direitor no parte Administrasaun nian.

Komputador 606 unit nebe oras nee dadaun rai hela iha armagen Ministerio da Edukasaun nian sei distribui ba iha Centro Ensino Baziku para atu hadia profesores sira nia servisu iha kada eskola ensino baziku iha teritorio Timor laran tomak nunee mos atu implementasaun ICT iha kada eskola, Chefe departementu IT Azildo Almeida kasu lia hirak nee iha nia knar fatin Ministerio da Edukasaun Vilaverde Dili, 23-01-2013.

Tuir Chefe departementu IT Azildo Almeida katak, atu implementa ICT iha kada eskola maibe sei hadia uluk enviromentu ICT iha kada eskola. “Agora dadauk iha ona planu atu halo instalasaun rede lokal iha centro, tamba iha distrito anivel distrital iha tinan kotuk ba la'o tiha ona I oras nee fokus fali ba kada centro ensino baziku. I iha tinan kotuk ba iha kada eskola tekniko profesionais sira kada rede loka iha ona maibe hau hanoin nee sedauk masimu persija suporta nafatin,” dehan Azildo.

Azildo Almeida hateten, komputador nebe mak sei distribui ba kada centro ensino baziku 13 distritos iha teritorio Timor laran tomak hamutuk 202 centro ensino baziku, kada centro ida hetan komputador tolu no komputador tolu nee atu fasilita ba Direitor da Eskola, Vice Direitor no parte Administrasaun nian.

Entretantu komputador 606 unit nebe atu distribui ba iha kada centro ensino baziku iha 13 distritos nee uja sistema operasaun software livre (LINUX – Edubuntu). Rajaun uja sistema software livre (LINUX) nee tamba livre husi virus no hamenus custo orsamentu, tamba nia aplikasaun ita la hasai osan lori sosa maibe bele download deit iha internet gratuita, dehan Azildo. Aleinde nee sira mos sei fo treinamentu ba utilizador komputador sira nee kona ba oinsa atu uja sistema Linux hodi servisu tamba durante nee profesores sira konhese liu mak sitema Microsoft Windows no kona ba Linux sira sedauk iha konhesementu, Azildo afirma. Nia hatutan tan katak rekurso umanu nebe oras nee dadauk M.E iha total nain 6 deit iha departementu IT nian no sira prontu atu servisu hodi halo instalasaun rede lokal no fo treinamentu ba profesores sira iha kada centro ensino baziku iha teritorio Timor laran tomak. Treinamentu nee sei hahu husi distrito Lautem hafoin sei remata iha distrito Oe-Cusse, Azildo akresenta.(Charlez)