Pagsusuri Sa Pelikulang Relasyon (1982)

Mon, 07 Jul 2014 08:53:00 -0400

Sinuri ang pelikula ayon sa ilang elemento nito.

1. ISTORYA

Ang istorya ay tungkol sa babaeng nagngangalang Marilou (Vilma Santos) kung saan sya ay umibig kay Emil (Christopher de Leon) na may asawa na. Ang pelikulang ito ay tumatakbo sa ‘relasyon’ nina Marilou at Emil kung saan gaya ng mga pangkaraniwang relasyon, makakaranas sila ng maraming problema na susubok sa kanilang pagsasamahan. Susubukan din nito ang katatagan ni Marilou bilang isang mistress.

Sa pagsusuri ng pelikulang ito, masasabi ng manunuri na ang istorya ng pelikula ay isang pangkaraniwang problema na maging sa kasalukuyan ay dinaranas ng ilang kababaihan. Isang pangkaraniwang problema na hirap kontrolin lalo pa’t ‘pagmamahal’ ang tinatalakay kaya naman maihahalintulad rin ito ng manunuri sa kahirapan at maging sa pag-ubo sapagkat tulad ng kahirapan at pag-ubo mahirap itong kontrolin o pigilan man lang.

Bilang karagdagan, may ilang eksena namang pumukaw sa pag-iisip ng manunuri. Isa na rito ang usapan nina Marilou at Emil habang nag-aayos sila ng gamit sa bago nilang nilipatang bahay. Ikinukwento ni Marilou ang sinabi ng kanyang mga kaibigan kung kailan raw ito magbubuntis. Sa pagkakataong iyon, iba naman ang nais pag-usapan ni Emil. Sa eksenang iyon, napansin ng manunuri na takot si Emil sa ganong usapin kung kaya’t halata sa kanya ang pag-iwas sa mga isinasambit ni Marilou. Marahil natatakot sya sa responsibilidad na maaari nyang kaharapin lalo pa’t naiipit sya sa gayong kalagayan nya.

Naipakita rin sa eksena ang dalawang buwang pagdadalang tao ni Marilou subalit hindi ito nabigyang emphasis.

2. TAUHAN

Marilou – Siya ang babaeng umibig kay Emil. Sa pagsusuring ginawa ng manunuri, naihalintulad nya si Marilou sa isang katulong. Isang katulong na ginagawa ang lahat para sa kanyang amo (Emil) kung saan kahit na napapagod na ito patuloy nya pa rin itong pinagsisilbihan dahil sa kagustuhan na mapasaya ang kanyang amo at ma-satisfied ito sa kanyang mga ginagawa.

Bukod dito, naihalintulad rin ng manunuri ang katauhan ni Marilou sa isang pulubi, pulubi na namamalimos ng pansin, atensyon at pagmamahal mula sa ibang tao. Kapansin-pansin marahil ang ilang eksena na halos ginawa na nya (Marilou) ang lahat para lang mapansin sya ni Emil ngunit tulad ng maraming tao na nakakakita ng pulubi sa daan, deadma ito.

Emil – Siya naman ang lalaking iniibig ni Marilou. Naging karelasyon nya ito kahit pa ito may asawa na sya. Sa pagsusuring ginawa ng manunuri, masasabi nyang ang karakter ni Emil sa pelikulang ito ay sumasalamin sa pagiging dominante. Dominante sa paraang nakuha nyang pasunurin si Marilou sa mga gusto nya. Naipakita rin sa pelikula ang pagiging malakas ng isang lalaki kaysa babae base na rin sa katauhan na ipinapakita ni Emil. Kung si Marilou ay isang katulong, sya naman ay amo na pilit pinagsisilbihan para lang mapaligaya ito.

Junjun – isa syang malaking palaisipan sa manunuri. Sya ang tauhan na hindi halos makikitaan ng emosyon. Para syang manikin.

Mga kaibigan ni Marilou (Julie, etc.) – Base sa aking pagsusuri, masasabi kong ang kanyang mga kaibigan ay tila konsensya ng isang tao o yung “mga anghel” na bumubulong sa atin. Bakit? Sapagkat meron silang iba’t-ibang opinyon patungkol sa pinagdadaanan ni Marilou. Isa na dito ang eksena na kung saan ay nagpasya si Marilou na makipaghiwalay na muna kay Emil na di nagtagal ay nagkabalikan muli. Sa pagkakataong ito, dalawa sa kanyang mga kaibigan ang may magkaibigang panig. Ang isa (Julie) sinasabi na hindi na dapat nya ito binalikan pang muli matapos ang nagyari sa kanila. At ang isa naman ay sinasabing tama lang ang naging pasya nito dahil kung mahal mo naman talaga ang isang tao iinitindihin mo muna sya. Sa pagsusuring ito, nagkaroon ng tila dalawang anghel na bumulong kay Marilou patungkol sa desisyong kanyang ginawa. Isa pa, maihahalintulad rin marahil ng manunuri na ang mga kaibigan ni Marilou ay parang media kung saan sinasabi na “Media told us what to think about but they didn’t tell us what to think”. (Mula sa ppt presentation ni Ms. Bon Caisip).

3. SINEMATOGRAPIYA at ILAW

Ang ilaw sa pangkabuuang pelikula ay madilim. Ngunit higit na naging kapansin-pansin ang isang maliwanag ng parol sa gitna ng kadiliman. Marahil nangangahulugan ang madilim na paligid sa isang trahedya na nangyari kay Emil at ang maliwanag na parol na iyon ay ang pagtahak ni Marilou sa bagong nyang buhay kung saan sya ay tutungo ng ibang bansa.

4. DISENYO

Isa sa mga tinutukoy ng disenyo ay ang kasuotan ng mga tauhan. Kung kaya’t napansin ng manunuri ang kulay asul sa halos lahat ng sinusuot nitong (Marilou) damit kung saan ang asul ay tanda ng pagmamahal, karunungan at kabutihan (Dalumat eJournal, Sir Jeffrey Ancheta). Base sa sinisimbolo ng asul, masasabi ng manunuri na ito marahil ang pagkatao ni Marilou. Pagmamahal. Ipinakita niya ito ng lubos kay Emil kung saan ginawa nya ang lahat para dito. Karunungan at kabutihan. Kitang-kita naman ang taglay na karunungan at kabutihan ni Marilou hindi lang kay emil kundi maging sa mga kaibigan nito.

Bilang karagdagan, napansin din ng manunuri ang paninigarilyong ginagawa ni Marilou. Sa pagkakataong iyon, masasabi ng manunuri na ang sigarilyo ay tila isang panyo na nagsisilbing “security blanket” kung saan ito ang nilalapitan ni Marilou kapag may problema sya o kaya gusto nyang makapag-isip ng mag-isa. Gaya ng panyo, nagagamit natin ito sa maraming emosyon tulad ng pagtawa, iyak, galit t maging sa ilan nating pagkilos tulad ng pagkain.

—

Sa kabuuan, naging malinaw ang pagbuo sa pelikula at ang layunin ng direktor na ipabatid sa ating mga maunuod ang ganitong klaseng problema na kinahaharap ng ating bansa kung saan ang ganitong pangyayari ay patuloy ng lumalaganap. Ang istorya ng pelikula ay pangkaraniwans ublait naging mas maganda ito dahil sa galing ng pag-arte ng mga tauhan. Maayos din ang editing na ginawa at kitang-kita sa pelikula ang pagkaluma nito kung saan nakaayon sa taon ng pagkagawa sa pelikula.

****

Gusto ko lang bigyang halaga ang sinabi ni Emil na syang ikinatuwa ko sapagkat totoo naman. Sa pagmamahal, hayaan mong mahalin ka ng taong mahal mo sa paraang gusto nya hindi sa paraang nais mo at huwag mong susubukang baguhin ang isang tao dahil lang sa mahal mo sya. Kung ano sya nang nakilala mo, tanggapin mo.

BAWANG BILANG PROTEKSYON AT PAGKAKAISA

Tue, 24 Jun 2014 20:42:00 -0400

Photo Courtesy of orangemagazinetv.com

Hindi na lingid marahil sa kaalaman ng marami kung gaano kahalaga ang bawang bilang sangkap sa pagluluto. Ginagamit ito sa maraming putahe. Sa katunayan, ito ay oldest known horticultural crops in the Old World. (Ayon sa artikulo ni Dr. Christopher’s Herbal Legacy kung saan nakapaloob dito ang history of garlic - http://www.herballegacy.com/Motteshard_History.html) Nakasaad din sa artikulong ito ang ilan pang mga impormasyon hinggil sa pinag-uusapan - bawang.

Photo Courtesy of yourepinoyif.wordpress.com

Ipinapakita sa larawan na ito ang estruktura ng bawang na tila pinagsama-sama at pinagkakaisang mga tao.

Ayon sa pagkakalarawan ni Rolando Barthes sa kanyang teoryang semiotika, ito ay isang pagpapaliwanag ng mito na kalaunay pinalitan niya ng salitang konotasyon upanag bigyang taguri ang mgai deolohikal na bagahe na nakapaloob sa isang tanda.

Kaya naman, sa pelikulang Tiktik: The AswangCronicles, ito (bawang) na marahil ang isa sa mga significant sign na aking napansin. Kapansin-pansin ang paggamit ng bawang ng mga tauhan bilang proteksyon. Ginamit ito ng mga tauhan upang itaboy ang mga aswang na nakapaligid sa kanila.

Sa estruktura nito, pinaboran nito ang nakasaad sa itaas na tila ito ay pinagsama-sama at pinagkakaisang mga tao. Bukod sa paggamit nito bilang proteksyon, ito rin ay sumisimbolo sa pagkakaisa at matibay na samahan. Sa pelikulang nabanggit, nasaksihan ko ang pamilyang nagtutulungan sa pagtataboy nila sa mga aswang upang maproteksyonan ang sanggol na dinadala ni Sonia na ginagampanan niLovi Poe at maging ang kanilang mga sarili. Bagamat may mga pagtatalo sila, nagtatapos pa rin ito sa hangarin nilang mapuksa ang mga masasamang nilalang na iyon. Dahil dito, makikita na mas pinatibay nito ang kanilang samahan bilang isang pamilya kung saan nagtapos din naman ang pelikula sa pagkakaayos at muling pagsasama nila Sonia at Makoy na ginagampanan ni Dingdong Dantes.

Kaugnay ng mga ito, sinuportahan ng blogspot (http://frans-free-spells.blogspot.com/2012/03/garlic-protection-and-spell-symbolism.html) na aking nabasa ang mga nakasaad sa itaas, “Garlic has properties of protection, purification and of warding off jealousy there is something about the shape and structure of a head of garlic that appeals to me. It protects and grows its cloves - its goodness - individually. Each part is used and utilized when the time comes. It strikes me as another perfect example of the ingenuity and yet simple efficiency of nature.
It is also symbolic in any spell work that represents the many facets of your personality, the ways in which you have so much stored inside you that you can ‘break out’ and use when needed and I also think can be used for times when you need to strengthen family bonds or group ties.”

Masusing Pananaliksik

Pagsusuri Sa Pelikulang Relasyon (1982)

BAWANG BILANG PROTEKSYON AT PAGKAKAISA