ӨМНӨГОВЬ ИНФО | Монгол говийн цахим хөгжил

Өмнөговь хэзээ тогтой болохыг Д.Зоригтоос асуу

2012-01-21T03:37:00.000+08:00

Засгийн газрын хуралдаанаар Өмнөговь аймгийн Даланзадгад хотын дулааны цахилгаан станцын найдвартай ажиллагааг хангах талаар авах арга хэмжээний тухай хэлэлцэн шийдвэр гаргалаа. Станцын үндсэн тоноглолд үүссэн доголдлыг арилган хэвийн ажиллуулах, өвлийн их ачааллын үед хэрэглэгчдийн цахилгаан эрчим хүчээр тасралтгүй, найдвартай хангах үүргийг Эрдэс баялаг, эрчим хүчний сайд Д.Зоригтод өгөв. Энэ дагуу станцын турбогенераторт шинээр суурилуулах турбин, генераторын тоноглолыг яаралтай худалдан авч, гуравдугаар сарын 15-ны дотор угсарч дуусгах юм. Импортоор худалдан авах турбин, генераторын тоноглолын Гаалийн болон Нэмэгдсэн өртгийн албан татварт шаардагдах хөрөнгийг Засгийн газрын нөөц сангаас гаргах асуудлыг судалж, шийдвэрлэхийг холбогдох сайд нарт даалгалаа.

Мөн станцын үндсэн тоноглолын ажиллагааг тогтворжуулахад мэргэжил, арга зүйн туслалцаа үзүүлэх зорилгоор төвийн бүсийн эрчим хүчний үйлдвэр, компаниудаас нарийн мэргэжлийн, чадварлаг инженер, техникийн ажилтныг станцад түр хугацаагаар ажиллуулах болов. Хэдийгээр Даланзадгадын дулааны цахилгаан станц “0” зогсолт хийгээгүй ч тоноглолын хүчин чадлаас хамаарч оройн их ачааллын үед эрчим хүчийг 2-2,5 цаг хязгаарлаж байна. Үүний зэрэгцээ Тавантолгой-Даланзадгадын чиглэлийн 110 кВ-ын цахилгаан дамжуулах агаарын шугамын барилга угсралтын ажлыг түргэтгэх зорилгоор гүйцэтгэгч компанийн барилга угсралтын ажлын графикийг шинэчлэн тогтоож, шугамыг тавдугаар сарын 15-ны дотор ашиглалтад оруулахыг салбарын сайдад үүрэг болгов хэмээн Засгийн газрын Хэвлэл, мэдээллийн албанаас мэдээллээ.

noyon.mn

Өмнөговьчуудын 10 жил тэвчээртэй хүлээсэн бухимдал тэсэрлээ

2012-01-13T06:48:00.000+08:00

Даланзадгад хотод энэ сарын 9-ний өдөр иргэдийн жагсаал болно гэсэн “бор шувуу” нисэв. Харин энэ өдөр ямар нэгэн жагсаал цуглаан бус уулзалт боллоо. Аймгийн Үйлдвэрчний эвлэлийн холбооноос Дулааны цахилгаан станцын удирдлагуудыг иргэдтэй уулзуулж станцын өнөөгийн болон ирээдүйн байдлын талаар мэдээлэл хийж, иргэдийн үгийг сонссон юм.

Аймгийн ҮЭХ-ны дарга Э.Мөнх-Эрдэнэ, нарийн бичгийн дарга Ч.Зоригт, Даланзадгадын Дулааны цахилгаан станцын дарга Т.Жаргалсайхан, ерөнхий инженер н.Отгонсүх, Дулаан хангамжийн газрын дарга н.Цэвэг нар уулзалтад оролцов.

Дулааны цахилгаан станцын даргын ажлыг өнгөрсөн оны арванхоёрдугаар сарын 14-нд авсан Т.Жаргалсайхан дарга иргэдэд хандан “Сар хүрэхгүй хугацаанд багагүй бэрхшээлтэй тулгарлаа. Тэр ч бүү хэл, амь насанд заналхийлэн, гэр орны хаалга, цонх тогшдог, улмаар манай ажилчид руу дайрч давшилдаг, урам зоригийг нь мохоодог, өнөөдөр зарим нэг нь ажлаас гарах өргөдлөө бариад ирж байх жишээтэй хэмээн зовлонгоо тоочихдоо юуны төлөө жагсах гээд байгааг ойлгохгүй байна. “Станцын тоног төхөөрөмж муу байна эсвэл ажилчид нь муу ажиллаж байна гэж жагсах гээд байгаа юм уу. Станцын талаар болж бүтэхгүй байгаа зовлон их байна, цаашид хязгаарласаар байх болно. Цагаан сарын шинийн 1, 2-ны өдрүүдэд бүх хэрэглэгчдээ гэрэл цахилгаанаар бүтэн хангах бодол байна” гэв.

Бухимдсан иргэд “Хаана ч зовлон байна. 10 жил гэрэл цахилгааны асуудал хэвийн болно хэмээн тэвчээртэй, итгэлтэй, утаа харж баярлан хүлээсэн. Одоо итгэл алдарч, төр засагтаа аймгийн удирдлагуудад голдоо ортол гомдож байна” гэж хэлэх үгээ олж ядан бухимдлаа илэрхийлсэн. Байгуулагдсан цагаасаа эхлээд өмнөговьчуудыг төдийгүй Засгийн газрыг багагүй зовоосон, Даланзадгадын дуулиант Дулааны цахилгаан станц өнөөдөр ч, хойшид ч ард иргэд хэрэглэгчдээ дааруулсаар, харанхуй орчинд шаналгасаар байх бололтой.

СУРГУУЛИЙН ХИЧЭЭЛ НАР ГАРАХААР ЭХЭЛДЭГ

“Даан ч дээ, арай ч дээ” хэмээн хоолой нь сааралтах иргэдийн сэтгэл шаналж, гомдол нь бухимдал болон дотогшоо уйлж байна. Эрх мэдэлтнүүд, эрхмүүд ээ, ойрын хугацаанд ямар нэгэн гарц олж гэрэл гэгээ бий болгохгүй бол иргэд, ард түмэн чинь эрх нь зөрчигдөж, зүс нь бүрзийн, оюун нь хоосорч, орчлонгоос тасарч гүйцлээ.

Харанхуйгаас үүдэн халдварт шар өвчин тархсан, гэмт хэрэг өсч байгаа, хүүхдийн сурлага муудлаа, иргэд эрүүл мэндээрээ хохирч, иргэд эдийн засгийн уналтад орж байгааг юу гэх вэ. Өмнөговьчуудыг дэндүү тайван, дэндүү хүлээцтэй хүмүүс гэдгийг монголчууд төдийгүй дэлхий мэддэг болж. Уул уурхайн арвин нөөц баялагтай, дэлхийг гайхшруулсан Оюутолгой, Тавантолгойн ордтой, түүнээс гадна цөөн бус уурхайтай хэр нь утаа харж баярлан, лааны гэрэлд бүртэлзэн, тэмтчиж, бусдын доог тохуу болж амьдрах гэж дээ.

Гэрэл цахилгаан тасалдаж, доголдсоноос үүдсэн хохирол хэрээс хэтэрсэн… Сургуулийн өглөөний ээлжийн хүүхдүүд нар гартал хүлээж эхний нэг цагийн хичээл талаар болно. Энэ нь хүүхдийн сурах эрх зөрчигдөж байна. Жижиг дунд үйлдвэрийг дэмжинэ хэмээн төрөөс төрөл бүрийн төсөл, хөтөлбөр хэрэгжүүлдэг хэр нь харанхуй орчинд Өмнөговийн бизнес эрхлэгчид үйлдвэрлэлээ явуулж чадахгүй, гэрэл цахилгаанд боогдон орлого, ашиггүй дампуурахад хүрлээ.

Иргэд эрүүл мэндээ хамгаалуулах эрхтэй. Гэтэл эмнэлэг нь цахилгаан тасарсан оношлогоо хийхгүй, байрны халаалт муугаас гэртээ тав тухгүй атирч байгаа нь өвчлөхгүй байхын аргагүй. “Ланд уначихаад лаа эрээд явж байдаг гэнэ” гэж бусдын инээд болж байгаа нь ч нууц биш. Ингээд тоочиж дуусашгүй…

110 КВТ-ЫН ШУГМЫН АЖЛЫГ ХУГАЦААГ НЬ НААШЛУУЛЪЯ

Улаанбаатар-Мандалговь–Тавантолгой– Оюутолгой чиглэлийн 220 квт-ын шугам Даланзадгадаар дайрч болох байсан. Гэтэл шууд Цогтцэций рүү татсан нь нүүрс рүүгээ л татаж байгаа хэрэг. 2012 оны долоодугаар сард орж ирэх 220 квт-ын шугамыг яаравчлуулах ямар боломж байна. Юун долоон сар. Бид тэр хүртэл энэ чигээрээ байх юм бол тэсэхгүй нь. Тавантолгойгоос Даланзадгад руу 110 квт-ын шугам татна гэсэн.

Түүнийгээ яаравчлуулж хугацааг нь наашлуулмаар байна. Үнэнийг хэлэхэд, Өмнөговийн иргэдийг бодохгүй, зөвхөн нүүрс л бодож байна шүү дээ. Мандалговиос Даланзадгад руу ирэх боломж байсан. Энэ хурлаас ямар нэгэн шийдэлд хүрмээр байна. Гэтэл бид ний үгийг сонсож, шийдвэрлүүлэх түвшний нэг ч хүн ирээгүй байгааг юу гэж ойлгох вэ. Даланзадгадын иргэдийн хурлын төлөөлөгч, аймгийн ИТХ болон аймгийн удирдлагуудаас нэг ч хүн хуралд ирээгүй байна. Өмнөговийн ард түмний итгэлийг хүлээж сонгогдчихоод бидний төлөө ажилласангүй. Дэндүү хүлээцтэй байлаа, одоо болсон. Увс, Өмнөговь аймгууд гэрэл цахилгааны асуудалтай байсан.

Гэтэл Увс аймаг шийдчихсэн. Манайх хэвээрээ, улс орон даяар элдэв мэдээллийн бай болоод таг харанхуй сууж байна. Цахилгаан станцын ажилчдын хариуцлагагүйгээс болоод Даланзадгадын 20 мянган хүнийг хохироочихоод танай ажилчид ямар хариуцлага хүлээсэн юм. Иргэдийн цөхрөл туйлдаа хүрчихжээ. Түр хугацаанд үзэгдээд өнгөрөх гэрэл цахилгаанд чинь амжиж хоолоо хийж идмээр, ажлаа амжуулах хэрэгтэй биз дээ.

Байгууллага, айл өрх, дэлгүүр, аж ахуйн нэгжүүд бүгд л мотор асаадаг. Хэдий болтол асаах юм бэ” хэмээн иргэд ээлж дараалан үгээ Тавантолгойгоос Даланзадгад руу ирэх 110 квт-ын шугамын ажлыг яаравчлуулж хугацааг нь наашлуулахыг аймаг даяараа хүсч байгаагаа хэлж “сонгууль болно шүү дарга нар аа” хэмээн анхааруулж байлаа.

МЭДЭЭЛЛИЙН ЭРИН ЗУУНТАЙ ХӨЛ НИЙЛҮҮЛЭХИЙН ТУЛД ТЭМЦЭНЭ ГЭДГЭЭ ХЭЛЛЭЭ

Т.Жаргалсайхан дарга иргэдийн асуултад товчхон бүрхэг хариулт өгч байлаа. Тухайлбал, Даланзадгадын дулааны цахилгаан станц хоногт 180 тонн нүүрс, 700 тонн ус ашигладаг. 68 ажилчин 24 цагаар ажилладаг. Иргэд зарим нэг газар гэрэл тасардаггүй гэсний хариуд нэгдүгээр зэргийн хэрэглэгч буюу эмнэлэг, радио станц, гүний ус зэрэг газрыг цахилгаанаар хангаж байх үүрэгтэй.

“Тавантолгой” ХК-наас орж ирж байгаа мөнгийг би мэдэхгүй, алдаа гаргадаггүй хүн гэж байдаггүй, өнөөдрийн энэхүү арга хэмжээ станцын өнөөгийн байдлын талаарх мэдээлэл учраас аймгийн удирдлагуудыг уриагүй. Өнгөрсөн жилд улсаас 1.8 тэрбум төгрөгийн татаас авсан. Бид нарыг хахууль авсан гэж үзэж байгаа бол холбогдох газарт нь шалгуулж болно. Нээлттэй байх үүднээс “Нээлттэй хаалга”-ны өдрийг жил бүр хийж байна хэмээн иргэдийн асуултад хариулт өгсөн. Байнгын доголдолтой явж ирсэн тус станцын талаарх яриа үүгээр дуусахгүй цаашид мэдээллийн эрин XXI зуун тайгаа хөл нийлүүлэн алхахын тулд тэмцэнэ гэдгээ ч иргэд хэлж байсан.

Ж.Сайнжаргал (Өмнөговь)

“Нутгийн хишиг” хөтөлбөрийн 200.000 төгрөг олгогдоно

2012-01-06T20:51:00.007+08:00

Өмнөговь аймгийн Ардчилсан намаас хэрэгжүүлж байгаа томоохон хөтөлбөрийн нэг болох “Нутгийн хишиг” хөтөлбөрийн хүрээнд өнгөрсөн хугацаанд орон нутгийн иргэдэд 100 мянган төгрөг олгоод байгаа. Харин үлдсэн мөнгөн дүнг энэ ондоо багтаан ард иргэдэд олгох юм байна. Хөтөлбөрийн хүрээнд энэ удаад 200.000 төгрөгийг олгохоор төлөвлөжээ. Одоогийн байдлаар орон нутгийн төсвөөс 10 тэрбум төгрөгийг арилжааны банкинд байршуулаад байна. Аймгийн Засаг даргын тамгын газраас “Нутгийн хишиг” хөтөлбөрийг олгох ажлын хэсэг байгуулагдан ажиллаж байгаа бөгөөд орон нутгийн иргэд, хөдөлмөрчдийн дунд шилжилт хөдөлгөөн их байгаа учраас Өмнөговь аймгийн харьяат, байнгын оршин суугч, “Нутгийн хишиг” олгогдох иргэдийн нэрсийг эцсийн байдлаар гаргахаар ажиллаж байна. Хөтөлбөрт хамрагдах иргэдийн бүртгэлийг бүрэн хийж дууссаны дараа энэ сардаа багтаан олгож эхлэх төлөвлөгөөтэй ажиллаж байна.

Эх сурвалж: http://umnugobi.gov.mn

Малчид нь цөхөрч, нинжа нар даварсаар

2011-10-23T04:40:00.001+08:00

Өнөө жил Хонгор нутагт нар хур тэгширсэн, ус гол эргээ халин үерлэсэн дэлгэр сайхан зун айлчилж хүн ардын сэтгэл хангалуун, мал сүргийн зоо нуруу тэнэгэр төв хөдөөгүй сайхан зуншсан. Өнгөрөгч сарын 14-нөөс 2000 оны есдүгээр сарын 16-ныг бодогдуулам их цас ялангуяа Галуут, Баян-Овоо, аймгийн төв, Эрдэнэцогт, Шаргалжуутыг даялан орсон хэдий ч аравдугаар сар гарангуут цаг агаар налайж их цас газар дэлхийдээ шингэлээ.

Энэ нь өвлийг сануулсан байгалийн дохио… Гэтэл манайхан өвөлдөө хэр бэлтгэсэн билээ. Энэ их цасны үеэр зун аргал түлш хатаагүй, орсон борооны улмаас аргал түлшгүй шахам зуссан малчид хамгийн түрүүнд гал алдах шахсан тухай мэдээлэл хаа сайгүй байна. Хөдөө сумдад өнгөрсөн жил хадлан, гар тэжээл чамлахааргүй сайн бэлтгэсэн. Харин өнөө жил тэр хэмжээнд хүрч чадсан уу гэдэг эргэлзээтэй байх шиг.

Бид Баян-Овоо сумын удирдлагуудтай өвс тэжээл бэлтгэсэн хийгээд өвөлжилтөө нутаг бэлчээрийн хувьд хэрхэн зохицуулсан талаар ярилцсан юм. Тус сум 10 га-д хадлан тэжээл тариалснаас 40 тонн өвс, гар тэжээл 32 тонныг хураан авч улсын нөөцөд 10 шахам тонн өвс нөөцөлсөн байна. Харин энэ сумын малчин өрхүүд өөрсдийн нөөц бололцоондоо түшиглэн бололцооныхоо хэрээр хадлан, гар тэжээл, таанан зоодой гэх зэргээр базааж авсан юм. Мал аж ахуйн тухайд энэ сумын 132 мянган толгой мал өвөлжихөөс өөр аймаг сумын нутагт буюу Галуут, Эрдэнэцогт, Архангай аймгийн Цэнхэр, Ихтамир зэрэг сумдад бод, бог нийлсэн 20 шахам мянган мал өвөлжүүлэхээр урьдчилан ярилцаж тохирчээ.

Тус сумынхны ялангуяа малчдын өмнө тулгамдсан асуудал бол нөгөө л алдарт гар аргаар алт олборлогчид хаа сайгүй газрын хэвлийг сүйтгэж малыг бэлчээргүй болгож буй дайсагнал аж. Малчид аймаг сумын удирдлагуудад дээрх нөхдүүдийн талаар дорвитой арга хэмжээ авч зохицуулалт хийж өгөхийг хүсч сууна. Цаг зүтгүүлж, цас зуд нүүрлэчихээгүй л бол өвлийг өнөтэй давчих боломж бий хэмээн ихэнх малчид нь өөдрөг сэтгэл өвөрлөж явна. Алтны төлөө амь бие юугаа ч өгөхөөс буцахааргүй улайрсан нинжа нар л байгалийн гамшгаас дутахааргүй хор хохирол учруулж байна.

Бид байгаль цаг агаараас айхгүй байна. Харин энэ их олон нинжа нарын үйл ажиллагаанаас л айж байна гэсэн олон малчдын цөхрөлийг яалтай. Нийгмийн толь

“САУСГОБИ СЭНДС” ХХК ажилд урьж байна

2011-10-21T03:16:00.000+08:00

Канадад төвтэй Саусгоби Рисорсиз компанийн Монгол дахь салбар “САУСГОБИ СЭНДС” ХХК дараах ажлын байранд ажилтан шалгаруулж авна:

АГУУЛАХЫН МЕНЕЖЕР /Ажлын байрны орон тоо-1/
Тавигдах шаардлага:
1. Бизнесийн удирдлага, Хангамж, Санхүү, Инженерийн чиглэлээр бакалавраас дээш боловсролтой байх
2. Уул уурхай, үйлдвэрлэлийн салбарт агуулах, хангамжийн чиглэлээр /бараа материалын худалдан авалт, хадгалалт, , тээвэрлэлт, бараа материалын хяналт гэх мэт/ 5-аас дээш жил ажилласан туршлага, чадвартай байх.
3. Баг зохион байгуулж удирдан ажиллаж байсан туршлагатай, Харилцааны болоод бичгийн өндөр чадвартай, аливаа асуудлыг шийдэхэд ёс зүйн болоод мэргэжлийн өндөр хэм хэмжээг баримталж аливаа асуудалд анхааралтай хянамгай ханддаг байх.
4. Eclipse, AX зэрэг хангамж, агуулахын удирдлага зохицуулалтын тусгай программын талаар ойлголттой, хэрэглээний программууд дээр маш сайн ажилладаг байх.
5. Англи хэлний аман болон бичгийн чадвартай байх.
6. Хөдөө ажиллах боломжтой

ХАНГАМЖИЙН АЖИЛТАН /Ажлын байрны орон тоо-1/
Тавигдах шаардлага:
1. Бизнесийн удирдлага, Хангамж, Санхүүгийн чиглэлээр бакалавраас дээш боловсролтой
2. Уул уурхай, үйлдвэрлэлийн салбарт агуулах, хангамжийн чиглэлээр /бараа материалын худалдан авалт, хадгалалт, , тээвэрлэлт, бараа материалын хяналт гэх мэт/ ажиллаж байсан бол сайн
3. Англи хэлний мэдлэг сайн
4. Харилцааны соёлтой
5. хангамж, агуулахын удирдлага зохицуулалтын тусгай программын талаар ойлголттой, хэрэглээний программууд дээр маш сайн ажилладаг байх.
6. Хөдөө ажиллах боломжтой

ХАНГАМЖИЙН НЯРАВ /Ажлын байрны орон тоо-1/
Тавигдах шаардлага:
1. Уул уурхайн тоног төхөөрөмж,сэлбэг хэрэгслийн талаар зохих мэдлэгтэй.
2. Агуулахад ажиллаж байсан сайн туршлагатай
3. Хангамжийн ажлийн сайн мэдлэгтэй
4. Англи хэл, Комьютерийн сайн мэдлэгтэй
5. Хөдөө ажиллах боломжтой

ЭЭЛЖИЙН ТОГООЧ /Ажлын байрны орон тоо-1/
Тавигдах шаардлага:
1. Хоолны технологич мэргэжлээр их, дээд сургууль төгссөн эсвэл тогоочийн мэргэжлээр 1,2-р зэрэгтэй байх.
2. 3-аас дээш жил халуун хоол болон нарийн боовны тогоочоор ажилласан туршлагатай.
3. 100 ба түүнээс дээш хүний хоол амтлах; хариуцсан үүргээ аюулгүй, эрүүл ахуйн шаардлагыг хангаж, үр дүнтэйгээр гүйцэтгэх чадвартай.
4. Хөдөө ажиллах боломжтой, багаар ажиллах чадвартай байх

ТЕХНОЛОГИЙН ТУСЛАХ АЖИЛТАН /Ажлын байрны орон тоо-1/
Тавигдах шаардлага:
1. Маркшейдерийн мэргэжил эзэмшсэн
2. Уул уурхайн салбарт ажилласан туршлагатай бол давуу тал гэж үзнэ
3. MS Excel, Autocad гэх мэт шаардагдах программуудыг маш сайн эзэмшсэн
4. Жолооны Б ангиллын хүчинтэй үнэмлэхтэй байх

СУУРИН ТОНОГ ТӨХӨӨРӨМЖИЙН ЦАХИЛГААНЫ АХЛАХ ИНЖЕНЕР
Тавигдах шаардлага:
1. Цахилгааны Инженер мэргэжилээр бакалавр болон түүнээс дээш зэрэгтэй байхын зэрэгцээ Өндөр хүчдэлийн зэрэгтэй байх
2. Уул уурхайн тоног төхөөрөмжийн цахилгааны инженерээр 3-аас доошгүй жил ажилласан туршлагатай байх.
3. Хэрэглээний програмууд дээр чөлөөтэй ажиллах чадвартай, техникийн чиглэлийн зохих төвшний Англи хэлний мэдлэгтэй байх.
4. Багийг зохион байгуулан удирдаж ажиллаж байсан туршлагатай, Харилцааны болоод бичгийн өндөр чадвартай, аливаа асуудлыг шийдэхэд ёс зүйн болоод мэргэжлийн өндөр хэм хэмжээг баримталж аливаа асуудалд анхааралтай хянамгай ханддаг байх.
5. Монгол Улсын жолооны “B” ангилалтай үнэмлэхтэй байх.

СУУРИН ТОНОГ ТӨХӨӨРӨМЖИЙН ЗАСВАРЫН ТӨЛӨВЛӨГЧ
Тавигдах шаардлага:
1. Механик инженерийн мэргэжилтэй.
2. Хөдөлгөөнт болон суурин тоног төхөөрөмжийн чиглэлээр 2-оос доошгүй жил ажилласан туршлагатай
3. Windows-ийн хэрэглээний програмууд болон Adobe, MS Project-ийн зохих мэдлэгтэй
4. Аман болон бичгэн Англи хэлний дундаас дээш түвшний мэдлэгтэй байх. 5. Харилцааны болон бичгээр харилцах өндөр чадвартай байх.

MINE CARE СИСТЕМИЙН ЗОХИЦУУЛАГЧ /Ажлын байрны орон тоо-4/
Тавигдах шаардлага:
1. Механик инженерийн мэргэжилтэй.
2. Хөдөлгөөнт болон суурин тоног төхөөрөмжийн чиглэлээр 2-оос доошгүй жил ажилласан туршлагатай
3. Windows-ийн хэрэглээний програмууд болон Adobe, MS Project-ийн зохих мэдлэгтэй
4. Аман болон бичгэн Англи хэлний дундаас дээш түвшний мэдлэгтэй байх.
5. Харилцааны болон бичгээр харилцах өндөр чадвартай байх.

ЗАСВАРЫН СУРГАГЧ /Ажлын байрны орон тоо-1/
Тавигдах шаардлага:
1. Механик инженерийн мэргэжлээр дээд боловсролтой
2. Механикын чиглэлээр 4-өөс доошгүй жил ажилласан туршлагатай
3. Яриа болон бичгийн англи хэлтэй бол давуу тал болно
4. Багаар ажиллаж, бусдыгаа сургах чадвартай
5. MS Windows болон Data програмуудыг ашиглах шадвартай
6. Судалгааны аргачлалуудыг эзэмшсэн
7. Илтгэх, харилцах чадвар өндөртэй

ЗАСВАРЫН АХЛАХ МЕХАНИК /Ажлын байрны орон тоо-1/
Тавигдах шаардлага:
1. Механик инженерийн мэргэжилээр бакалавр түүнээс дээш зэрэгтэй.
2. Урьд нь энэ чиглэлээр 4-с доошгүй жил ажилласан туршлагатай.
3. Техникийн зураг зүй, гидравлик, хийн болон цахилгааны зураг схемийг ойлгодог.
4. Техникийн Англи хэлний тодорхой мэдлэгтэй.
5. Техник оношлогооны багаж хэрэгсэлтэй харьцах чадвартай.
6. Үг яриа, харилцааны өндөр чадвартай,
7. Баг хамт олон ахалж ажиллаж байсан туршлагатай.

ХҮНД МЕХАНИЗМИЙН ЗАСВАРЧИН /Ажлын байрны орон тоо-15/
Тавигдах шаардлага:
1. Автын Механик инженер мэргэжлээр бакалавр, түүнээс дээш зэрэгтэй байх.
2. Уул Уурхайн салбарт мэргэжлээрээ 3-аас дээш жил ажилласан туршлагатай байх.
3. Багаар ажиллах чадвартай, Хөдөө ажиллах боломжтой.
4. В болон С ангилалын жолооны үнэмлэхтэй байх.

ХҮНД МЕХАНИЗМ ЦАХИЛГААНЧИН /Ажлын байрны орон тоо-2/
Тавигдах шаардлага:
1. Автын цахилгаан болон Механик инженер мэргэжлээр бакалавр түүнээс дээш зэрэгтэй байх.
2. Уул Уурхай, Үйлдвэрийн тоног төхөөрөмжийн цахилгаанчин, цахилгааны инженерээр 3-аас дээш жил ажилласан туршлагатай байх.
3. Багаар ажиллах чадвартай.
4. Хөдөө ажиллах боломжтой.
5. В болон С ангилалын жолооны үнэмлэхтэй байх

КРАНЫ ОПЕРАТОР /Ажлын байрны орон тоо-2/
Тавигдах шаардлага:
1. Жолооны С ангилалтай. Мэргэжлийн үнэмлэхтэй.
2. 50тн-оос дээш даацын краныг 3-аас дээш жил барьсан туршлагатай. /Liebherr болон бусад автомат кран барьж байсан туршлагатай./
3. Хувийн зохион байгуулалт сайтай.
4. Хөдөө ажиллах боломжтой.

ХӨНГӨН ТЭРЭГНИЙ МЕХАНИК /Ажлын байрны орон тоо-2/
Тавигдах шаардлага:
1. Механик инженерийн боловсролтой бол сайн
2. Тухайн чиглэлээр 3-с доошгүй жил ажилласан туршлагатай
3. Харилцааны чадвар сайтай
4. Багаар ажиллах чадвартай
5. Бие даан ажиллах чадвартай
6. В болон С ангиллын жолооны үнэмлэхтэй

TОКАРЬЧИН /Ажлын байрны орон тоо-2/
Тавигдах шаардлага:
1. Токарийн суурь машины үнэмлэхтэй эсвэл тухайн чиглэлээр боловсрол эзэмшсэн дипломтой бол сайн
2. Тухайн чиглэлээр 3-с доошгүй жил ажилласан туршлагатай
3. Харилцааны болон багаар ажиллах чадвартай
4. Өндөр хариуцлагатай, зааваргүйгээр ажиллах чадвартай
5. Санаачлага сайтай, засварын хэлтсийг суурь машины үйлчилгээгээр найдвартай хангах эрмэлзэлтэй
6. Жолооны В болон С ангиллын үнэмлэхтэй

КРАНЫ ОПЕРАТОР /Ажлын байрны орон тоо-2/
Тавигдах шаардлага:
1. Жолооны С ангилалтай. Мэргэжлийн үнэмлэхтэй.
2. 50тн-оос дээш даацын краныг 3-аас дээш жил барьсан туршлагатай. /Liebherr болон бусад автомат кран барьж байсан туршлагатай./
3. Хувийн зохион байгуулалт сайтай.
4. Хөдөө ажиллах боломжтой.

Ажилд орохыг хүссэн хүмүүс боловсролын үнэмлэх, Сертификат, Иргэний үнэмлэхний хуулбар, сүүлийн 3 сард авахуулсан 1 хувь зурагтай ирж анкет бөглөх буюу өөрийн материалыг И-Мейл хаягаар явуулж болно.
Ажилд орохыг хүссэн материалыг 2011 оны 10 дугаар сарын 27-ны оройн 17 цагаас өмнө хүлээж авна.

Холбоо барих утас: 310775-3418, 99100461
И-Мэйл: munkhbold.byamaa@southgobi.com
“САУСГОБИ СЭНДС” ХХК-нийн Хүний Нөөцийн Газар.
Монгол улс, Даланзадгад сум, 3-р баг Марал худалдааны төв, 2-р давхар

“Архигүй Монголын төлөө хамтдаа" аян Өмнөговь аймагт

2011-10-17T04:52:00.002+08:00

Монгол улсын ерөнхийлөгч Ц.Элбэгдорж 2010-2011 оны шинэ он солигдох мөчид Сүү барин ард түмэнтэйгээ мэндчилж “үүнээс хойш миний баярын ширээнд архигүй байх болно” хэмээн Архи гоо сайханд зохицохгүй, Архи монголын бахархалтай зохицохгүй,
Архи Монголчуудын амжилттай зохицохгүй хэмээн сүүн хундаг өргөсөн үе саяхан билээ. Монгол хүний амжилт бүтээлд архи гэдэг идээ зохицож нийлэхгүй байгаа нь маш олон жишээндээр харагддаг билээ. Одоо орчин цагт Улс орон маань хөгжлийн шинэ үе шатруу ахиж, дэвшиж байгаатай холбогдуулан Залуус бид ард иргэд бид архи хэтрүүлэн хэрэглэж ажилгүй орлоггүй байх нь бид бүхнээс хамааралтай болчихоод байгаа энэ цаг үед Монгол улсын Ерөнхийлөгчийн тамгын газраас санаачилан, “Архигүй Монголын төлөө хамтдаа” аянг 1 сарын хугацаатай 10 аймагт хэрэгжүүлэн ажиллаж байна.
Манай аймгийн хувьд Уул уурхайн салбар эрчимтэй хөгжиж түүнийг дагасан эерэг ба сөрөг нөлөөллүүд гарсантай холбогдуулан Ерөнхийлөгчийн Хүний эрх, иргэний оролцооны зөвлөх Ч.Сосормаа, Архигүй Монгол хөдөлгөөний тэргүүн Г.Чинбат, Стресс тайлах төвийн тэргүүн Б.Батмөнх гэсэн хүмүүсийн бүрэлдэхүүнтэй баг ажиллаад буцлаа. Өмнөговь аймгийн Засаг даргын Тамгын газрын үйл ажиллагаатай танилцаад,
Архидан согтуурах талаар идэвхитэй үйл ажиллагаа явуулж байгааг сайшаагаад Улсын хэмжээнд ховор байх Сэтгэц наркологийн тасгийг танай аймагт байхийг олж харлаа хэмээн Аймгийн удирдлагуудтай уулзаж яарилцаж, мөн дараагаар нь Ард иргэд хүүхэд багачуудтай уулзаж архины хор хөнөөлийн талаар сонирхолтой лекц уншиж ард иргэдийн санал хүсэлтийг хүлээн авч байлаа. Ингээд аймагдээр ажиллаад Уул уурхай томоохон төсөл хэрэгжиж буй мөн хүн ам ихээр төвлөрч буй Цогтцэций, Ханбогд сумдаар 2 хоног ажиилаад ирлээ.
Уул уурхайн бүтээн байгуулалт төсөл хөтөлбөр дагасан иргэдийн бөөгнөрөл, тэдгээрийн нийгмийн асуудал сум орон нутагт хор хөнөөлтэй байгаа асуудлын талаар иргэд олон нийттэй, нээлттэй хэлэлцэж тодорхой шийдвэр чиглэл гарган, ажиллахаар болоод буцлаа. Аймаг орон нутгийн иргэд талархалтайгаар хүлээн авч байлаа.

Мэдээ: www.umnugobi.gov.mn

Архигүй Монголын төлөө хамтдаа аян Өмнөговь аймагт

2011-10-17T04:52:00.000+08:00

Монгол хүний амжилт бүтээлд архи гэдэг идээ зохицож нийлэхгүй байгаа нь маш олон жишээндээр харагддаг билээ. Одоо орчин цагт Улс орон маань хөгжлийн шинэ үе шатруу ахиж, дэвшиж байгаатай холбогдуулан Залуус бид ард иргэд бид архи хэтрүүлэн хэрэглэж ажилгүй орлоггүй байх нь бид бүхнээс хамааралтай болчихоод байгаа энэ цаг үед Монгол улсын Ерөнхийлөгчийн тамгын газраас санаачилан, “Архигүй Монголын төлөө хамтдаа” аянг 1 сарын хугацаатай 10 аймагт хэрэгжүүлэн ажиллаж байна.

Манай аймгийн хувьд Уул уурхайн салбар эрчимтэй хөгжиж түүнийг дагасан эерэг ба сөрөг нөлөөллүүд гарсантай холбогдуулан Ерөнхийлөгчийн Хүний эрх, иргэний оролцооны зөвлөх Ч.Сосормаа, Архигүй Монгол хөдөлгөөний тэргүүн Г.Чинбат, Стресс тайлах төвийн тэргүүн Б.Батмөнх гэсэн хүмүүсийн бүрэлдэхүүнтэй баг ажиллаад буцлаа. Өмнөговь аймгийн Засаг даргын Тамгын газрын үйл ажиллагаатай танилцаад, Архидан согтуурах талаар идэвхитэй үйл ажиллагаа явуулж байгааг сайшаагаад Улсын хэмжээнд ховор байх Сэтгэц наркологийн тасгийг танай аймагт байхийг олж харлаа хэмээн Аймгийн удирдлагуудтай уулзаж яарилцаж, мөн дараагаар нь Ард иргэд хүүхэд багачуудтай уулзаж архины хор хөнөөлийн талаар сонирхолтой лекц уншиж ард иргэдийн санал хүсэлтийг хүлээн авч байлаа.

Ингээд аймагдээр ажиллаад Уул уурхай томоохон төсөл хэрэгжиж буй мөн хүн ам ихээр төвлөрч буй Цогтцэций, Ханбогд сумдаар 2 хоног ажиилаад ирлээ. Уул уурхайн бүтээн байгуулалт төсөл хөтөлбөр дагасан иргэдийн бөөгнөрөл, тэдгээрийн нийгмийн асуудал сум орон нутагт хор хөнөөлтэй байгаа асуудлын талаар иргэд олон нийттэй, нээлттэй хэлэлцэж тодорхой шийдвэр чиглэл гарган, ажиллахаар болоод буцлаа. Аймаг орон нутгийн иргэд талархалтайгаар хүлээн авч байлаа.

Мэдээ: www.umnugobi.gov.mn

Ханбогд сум Засаг даргын тамгын газрын шинэ байрандаа орлоо

2011-10-17T04:48:00.001+08:00

Өмөнговь аймгийн Ханбогд сумын хувьд Оюу Толгой уул уурхайн компани үйл ажиллагаа явуулдаг. Монголын болоод дэлхийд томоохон тооцогдож байгаа компани байрладаг гэдэг утгаараа чухал байршил, чухал сумдын нэг болоод байгаа билээ.

Аймаг орон нутгийн зүгээс сумынхаа ирээдүйн хот төлөвлөлтийг гаргаж цаашид ямар чиглэлээр хөгжиж уул уурхайн бүс нутаг болж хөгжих, сум орон нутгийн өөрөө удирдах ажлыг явуулахад ая тухтай, иргэд олон нийтийн оролцоог нэмэгдүүлэх түргэн шуурхай хүргэх иргэний танхим, сум орон нутгийн захиргааны байгууллагын тулгуур бүтцыг сайжруулах мөн аймгийн Засаг даргын мөрийн хөтөлбөрт тусгагдсаны дагуу аймгийн ИТХурлын шийдвэрээр, Аймгийн засаг даргын захирамжиин дагуу орон нутгийн нөөц санг зарцуулах захирамж гарган орон нутгийн төсвөөс 327.000.000 сая төгрөгийн хөрөнгө оруулалт гарганУлаанбаатар хотын “Орсдос” ХХК-р 2010-2011 онд гүйцэтгэгчээр ажиллаж энэ сарын билэгт сайн өдөр 2011-оны 11-р сарын 14-нд Ханбогдчууд шинэ Засаг даргын тамгын газрынхаа байранд нүүн орлоо. Үе үеийн Ханбогдчуудын хөгжил цэцэглэлт, орон нутаг, ард иргэдийн шийдвэр гаргаж нутаг орны захиргаа, удирдлагын бүхий л шийдвэр энэ л ордноос зөвхөн ханбогдчуудын төлөө гарж, үйл хэрэг нь бүтэмж сайн, ажил үйлс нь өөдрөг шинэ хот цэцэглэн хөгжихийг ирсэн зочид төлөөлөгчид ерөөж байлаа.

Уг ордны хувьд 2 давхар Заал, контор нийлсэн 18 өрөөтэй 620 м² талбай бүхий шинэ байр ашиглалтынд орлоо. Ордны төлөвлөлтийн талаар Засаг дарга, Тамгын газраас хуваарь гаргаж одоо бид бүхний ажиллах л үлдлээ гэж сэтгэл хангамжтай байлаа.

Мэдээ: www.umngobi.gov.mn

Ухаа худаг - Гашуунсухайтын замыг хүлээн авчээ

2011-10-17T03:38:00.000+08:00

Ухаа худаг-Гашуунсухайт чиглэлийн 245 км замыг “Энержи Ресурс” компани есдүгээр сарын сүүлээр буюу Цахилгаан станцын нээлтийн ёслолоос ердөө гуравхан хоногийн өмнө ашиглалтад оруулжээ. Уг замыг Улсын комисс албан ёсоор хүлээж авсан байна.

“Энержи Ресурс” компанийн зам ашиглалтад орсноор Тавантолгойн шороон замаар нүүрс тээвэрлэдэг автомашинуудын талаас илүү хувь нь хатуу хучилттай замаар явах боломжтой болж байгаа юм. Мөн тээвэрлэлтийн явцад байнга тохиолддог тоосжилт, аваар осол, машины эвдрэл, зардал зэрэг нь багасна. Шинэ замаар жилдээ 15 сая тонн ачаа тээвэрлэх боломжтой гэдэг. Ойрын 3-4 жилд Тавантолгойн зөвхөн Зүүн Цанхиас гэхэд жилд 15 сая тонн нүүрс экспортлохоор төлөвлөж байгаа. “Эрдэнэс Тавантолгой” ХК нь “Энержи Ресурс”-ийн замаар нүүрсээ тээвэрлэх гэрээ байгуулсан тухай холбогдох албан тушаалтан мэдэгдэж байв.

Эх сурвалж: www.news.mn

АТГ-ынхан Өмнөговьд ажиллав

2011-10-13T00:24:00.001+08:00

Авлигатай тэмцэх газрынхан Өмнөговь аймагт ажиллаа. Тэд өчигдөр Даланзадгад суманд “Хариуцлагатай уул уурхай, ил тод байдлыг хангах нь” сэдэвт өдөрлөг зохион байгуулсан байна. Өмнөговь аймгийн Засаг дарга Б.Бадраа энэ үеэр “Авлигын хорт үзэгдлийг таягдан хаях хэрэгтэй. Ингэж улс орноо авлигаас ангижруулан, нийгмээрээ цэвэр тунгалаг, санаа амар, уур бухимдалгүй аж төрөх сайхан цагийг аль болох хурдан цогцлооно. Аймгаа тогтвортой хөгжүүлэн ард түмнээ амаржуулан жаргаах үйлст бүх нийтээрээ эв эеийг хичээн нэгтгэн зүтгэж, хувь нэмрээ оруулья” хэмээн уриалсан байна.

А.Зул /www.news.mn/

Тендерийн урилга ӨМ2011/80

2011-10-11T03:42:00.000+08:00

Огноо: 2011.10.11
Тендер шалгаруулалтын нэр: Өмнөговь аймгийн “Цогтцэций сумын 10/0,4 квын ЦДАШ-ын өргөтгөлийн ажил”
Тендер шалгаруулалтын дугаар: ӨМ2011/80

Өмнөговь аймгийн Засаг даргын Тамгын газар нь “Цогтцэций сумын 10/0,4 квын ЦДАШ-ын өргөтгөлийн ажил”-ыг 2 багцтай зарлаж байгаа тул эрх бүхий тендерт оролцогчдоос битүүмжилсэн тендер ирүүлэхийг урьж байна.
- 1-р багц Цагаан-Овоо хороолол ӨМ2011/80-1
- 2-р багц Цэций-Уул хороолол ӨМ2011/80-2

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр материалыг 120000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2011 оны 11 сарын 10-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 11 сарын 10-ны өдрийн 11 цаг 00 минутад нээнэ. Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 98080588, 93017536

Даланзадгадад нэг хүүхдийн хоолыг гурван хүүхэд идэж байна

2011-09-30T04:31:00.000+08:00

Єнєєгийн дэлхий нийтийн чиг хандлага мэдлэг боловсролтой иргэнийг тєлєвшvvлэн бий болгоход чиглэж байна. Ийм иргэнийг тєлєвшvvлэхэд сургуулийн ємнєх боловсрол чухал vvрэгтэй.

Энэ хичээлийн жилд улсын хэмжээнд цэцэрлэгт 170 мянга гаруй хvvхэд хvмvvжиж байгаа. Нийслэлд улсын нийт цэцэрлэгийн 30, vндсэн багш нарын 42, цэцэрлэгийн нийт ажилтны 41 хувь нь тєвлєрчээ. Харин сум, орон нутаг, хєдєєгийн боловсролд багш боловсон хvчний хvрэлцээ хангалттай эсэх, ямар мэдлэг боловсролтой багш хvvхдэд хичээл зааж, хэр чанартай боловсролыг олгож байна гэдэг нь орхигдсон асуудал болсон байна.

Сургуулийн ємнєх боловсролыг олгодог цэцэрлэг, яслийн хvрэлцээний тухай жил бvр ярьдаг ч шийдэгдэхгvй хойшилсоор. Яг энэ асуудал Ємнєговь аймгийн тєв болон зарим сумдад хvндхэн сэдэв болж яригдлаа. Аймгийн хэмжээнд нийт дєрвєн цэцэрлэгтэй. Гэвч цэцэрлэгийн хvрэлцээ хангалтгvй байна.

Ємнєговь аймагт нийт 63.5 мянган хvн тоологдсны 52.3 мянга нь байнгын оршин суугч. 16.1 мянган єрхтэйгєєс 5.6 мянга нь малчин єрх байна гэсэн тооцоог 2010 оны хvн ам, орон сууцны тооллогоор гаргажээ. Хvн амын тоо єсєхийн хэрээр нийгмийн салбаруудын хэрэгцээ шаардлага нэмэгдэх нь зайлшгvй. Энэ нь нэг талдаа эцэг эхчvvд хvvхдийнхээ боловсролд анхаарах нийгэм, цаг vеийн шаардлага тулгарсан. Нєгєє талдаа гурван жилийн ємнєєс тєрєєс зардлыг дааж эхэлсэн учраас цэцэрлэгт хамрагдах хvvхдийн тоо нийслэл, хєдєє орон нутагт ч эрс нэмэгдсэн. Ингэхээр аавын хvvг алаг vзэлгvй цэцэрлэгт авах зайлшгvй нєхцєл гарч байна.

Єнгєрсєн жил Даланзадгад хотод 175 хvvхдийн цэцэрлэг байгуулахаар БСШУЯ тендер зарласан ч тодорхой бус шалтгаанаар одоо болтол ашиглалтад єгєєгvй байгаа аж. Аймгийн тєвийн 24 дvгээр цэцэрлэг ачааллаа даахаа больжээ. Єнгєрсєн жил 185 хvvхдийг сургуулийн ємнєх боловсролд хамруулсан бол энэ жил 210 хvvхэд хамруулахаас 310 болж нэмэгджээ.

Цэцэрлэгийн барилга хуучирч муудан таазнаасаа дусаал гоожиж, хана нь цуурч, дулаанаа алддаг учраас хvvхдvvд хєгжиж боловсроход хэцvv болжээ. Хажуу хавирганаасаа жиндэж суудаг гэхэд хилсдэхгvй. Таван жилийн ємнє тендерээр цэцэрлэгийн барилгыг засварласан боловч євєл болоод цонх нь цантахаараа хагарчихдаг гэнэ. Тендерт шалгарсан компани ирээд засвар хийж байгаа нь энэ гээд нvглийн нvдийг гурилаар хуурна гэдэг шиг л юм болжээ. Энэ євлийг яаж давна даа гэмээр зутруухан дvр зураг харагдсан.

Vvнээс гадна хvvхдийн хоолны 1100 тєгрєгийг тухайн цэцэрлэгийн авах ёстой хvvхдийн тоогоор улсаас бодож єгдєг. Гэтэл хvvхдийн тоо норм хэмжээнээсээ 100 гаруй хvvхдээр давжээ. Єєрєєр хэлбэл нэг хvvхдийн идэх ёстой хоолыг гурван хvvхэд хувааж идэж байгаа юм. Єнгєрсєн жил 185 хvvхдийн хоолонд зориулж дєрвєн сая тєгрєг тєсєвлєсєн бол энэ жил хvvхдийн тоо 210 болчихсон. Уг нь таван сая тєгрєг олгох ёстой байтал гурван сая тєгрєгийн тєсєв олгожээ. Ингэхээр жилдээ 10 гаруй сая тєгрєгийн алдагдал гардгийн дээр ажилчдын цалин мєнгє хvрэлцдэггvй гэнэ.

Тус цэцэрлэг зургаан сарын сvvлчээр сая гаруй тєгрєгийн хоолны єртэй гарсан. Vvнийгээ “хойд хормойгоороо урд хормойгоо нєхнє” гэгчээр тогтмол зардлаасаа тєлєєд vлдсэн хэдэн тєгрєгєєр нь л болгодог ажээ. Аймгийн тєсвийн мэргэжилтэн нь хэлэхдээ “БСШУЯ-наас дутуу олгож байгаа мєнгийг энэ жилийн тєсвийн тодотголд оруулсан. Тэгэхээр арван сараас нєхєн олгох байх” гэв.

Цэцэрлэгт их засвар хийхэд 184 сая тєгрєг шаардлагатай гэсэн тооцоо гарчээ. Заавал тєр засгаас дэмжинэ гэж харалгvй болж бvтэхээрээ хєгжиж дэвжвэл яасан юм бэ? Ємнєговийг бусад аймгуудтай харьцуулвал єєрсдийн дотоод асуудлуудаа шийдвэрлэхэд орон нутгийн хєрєнгє, орлого боломжийн гэгддэг. Дvн євлийн хvйтнээр энхрий жаахан vрс даарч, євчин эмгэг тусвал хэн хариуцах вэ? Сэтгэл дутвал ухаан дутна гэдэг дээ.

Орон нутгийн боловсролын олон алдаа дутагдлыг єгvvлж болох ч нэг цэцэрлэгийн нєхцєл байдал ийм байна. Нутгийн удирдлагууд нь уул уурхай гэж хошуурч жирийн иргэд, хvvхдvvдээ мартсан бололтой. Тухайн орон нутгийн хєгжил удирдлагаасаа шалтгаалдаг.

Монгол Улсын хєгжлийн загвар аймаг болох зорилт тавьсан Ємнєговь аймгийн хаяа тойрсон хэцvvхэн асуудлууд ундарсаар. Ирээдvйнхээ тєлєє ахиц дэвшилтэй дорвитойхон зvйл хийх цаг нь болсон юм биш vv хэмээн аймгийн удирдлагуудаас асуумаар санагдана.

Ц.Жаргал

Эх сурвалж: www.olloo.mn

"Eergy resurces" ххк- "Нүүрс баяжуулах үйлдвэр"

2011-06-10T17:44:00.000+08:00

Сайн байна уу. Та бүхэнд энэ өдрийн мэнд хүргэе.
Цогт-цэций сумын "Eergy resurces" ххк-ны Ухаа худаг төслийн
Нүүрс баяжуулах үйлдвэрийн нээлттэй холбоотойгоор 200 гаруй
төр засгийн томоохон зочид 2011.06.11-нд айлчлан ирэхээр болсон билээ.
2011.06.11-ны өдөр Галерэй кэмпийн 2 давхрын зааланд хүлээн авалт болно.

"Eergy resurces" ххк-ийн "Нүүрс баяжуулах үйлдвэр"

Веб серверийн асуудал

2011-05-28T17:46:00.001+08:00

Сайн байна уу?

Та бүхэндээ энэ өдрийн мэнд хүргэе. Веб серверийн асуудлаас шалтгаалан манай вебсайт бүрэн ажиллахгүй байгаа бөгөөд бид аль болох богино хугацаанд хэвийн ажиллагаанд оруулахаар ажиллаж байна.

Хүндэтгэсэн: Өмнөговь Инфо

Өмнөговь аймагт “Ойн алба” үүсгэн байгуулагдаж сарын ажлаа тайлагнав

2011-05-21T00:30:00.001+08:00

Өмнөговь аймгийн нутагт ойн зохион байгуулалт хийх төлөвлөгөө гарган ажиллаж тархалт, нас, нөөц , заган ойн өөрчлөлтийг тогтоох, заган ойг хамгаалах, нөхөн сэргээх зөвлөмжийг багтаасан ой зохион байгуулалтын ажлын тайлан гаргаж мөн заган ойн тархалтын зургийг сансарын зураглал, ажлын зураглал ашиглан боловсруулж нэгтгэн гаргасан, мөн Аймгийн МСҮТөвд “Ойн төсөл-онцгой дадлага” төслийн хүрээнд Уул уурхайн нөхөн сэргээлтийн 2 ангийн нийт 38 сурагчдад “Чацаргана тариалах, сэдэвт танин мэдэхүйн хичээлийг Ойн мэргэжилтэн Н.Мөнхгэрэл зааж, дарга Ц.Алтангэрэл хийж буй сургалтууд ажиллах чиглэл гээд олон талт мэдээллээр ард иргэдийг хангаж ажиллаа.

Ойн газраас тус аймгийн Булган, Баяндалай, Хүрмэн сумдад 30 га газарт Салхинаас хамгаалах Ойн зурвас байгуулах гэрээний асуудлыг БОАЖЯ-ны дэд сайдын хүрээнд шийдүүлж, сумын засаг дарга нарт Ойн газартай гэрээ байгуулахыг үүрэг болгон ажиллаж байгаа гээд олон ажлыг хийж гүйцэтгэсэн эдний хамт олонд цаашид хийж гүйцэтгэх ажил их ажээ. Сүүлийн жилүүдэд эрчимтэй цөлжилт явагдаж, байгаа аймаг орон нутгийнхаа байгал орчинд онцгойлон анхаарч ажиллах, нөхөн сэргээлт, байгалын тэнцвэрт байдлыг хангаж ажиллах чиглэлээр Цогт-Овоо, Мандал-Овоо, Ноён, Баяндалай, Булган, Хүрмэн, Номгон, Баян-Овоо, Манлай, Ханбогдсумдын нутагт орших заг бүхий нутагт 522.9 га талбайдойн зохион байгуулалтын хээрийн судалгааны ажлыг 45 хоногийн хугацаатай хийхээр төлөвлөн ажилдаа ороод байгаа юм байна.

Дэлхий нийтээрээ байгаль орчин доо мод тарих, дэлхийн дулаарал, цөлжилттэй тэмцэхийн тулд өргөн хүрээтэйгээр ААНэгж, хувь хүн, ТББайгууллагууд ажиллаж байхад аймаг орон нутгаас дэмжээд Засаг дарга нь захирамж гарган ажиллаж байгаа нь сайшаалтай. Мод тарих, байгал орчиноо хайрлан хамгаалах их үйл хэрэг нь дэлгэрэх болтугай.

ТЗУХэлтэс Мэдээлэл хариуцсан мэрэгжилтэн Ч.Сумъяахүү

Эх сурвалж: http://www.umnugobi.gov.mn

Тендерийн урилга ӨМ2011/46

2011-05-16T00:24:00.000+08:00

Огноо: 2011.05.16

Тендер шалгаруулалтын нэр: Өмнөговь аймгийн “Түүхийн 4 боть ном хэвлүүлэх”

Тендер шалгаруулалтын дугаар: ӨМ2011/46

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Өмнөговь аймгийн түүхийн 4 боть ном хэвлүүлэх ажил ”-ыг гүйцэтгэх тухай битүүмжилсэн тендер ирүүлэхийг урьж байна. Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр иж бүрдэл бүрийг 80000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2011 оны 05 сарын 30-ны өдрийн 11 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 05 сарын 30-ны өдрийн 12 цаг 00 минутад нээнэ. Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 23632, 99538306

Аймгийн аварга шалгаруулах шагайн харвааны тэмцээн

2011-05-15T02:48:00.001+08:00

Аймгийн аварга шалгаруулах шагайн харвааны тэмцээн Аймгийн спорт хорооны зааланд өнөөдөр болж байна. Энэхүү тэмцээнд Ханхонгор сумын баг, 48-р Радио холбооны баг, ШШГАлбаны баг, Аймгийн Шүүхийн баг, Прокурорын баг, Ахмадуудын баг, Өсвөр наснийханы баг зэрэг баг тамирчид авхаалж самбаа онч мэргэнээ сорин өрсөлдөж байна. Тэмцээнд түрүүлсэн багт алт, мөнгө, хүрэл медалийн шагналтай юм байна. Энэхүү тэмцээн нь 2 өдөр үргэлжилж дүнгээ гаргах юм.

Өмнөговь аймгийн бүх дунд сургууль өнөөдөр хонхны баяраа тэмдэглэж эхэллээ

2011-05-15T02:45:00.005+08:00

Өмнөговь аймгийн 1, 2, 3, 4-р дунд сургуулийн 1-ээс -11-р ангиа төгсөж байгаа хүүхэд багачууд маань өнөөдөр өглөө мөнгөн хонхныхоо баярыг тэмдэглээд баяр хөөрөөр дүрэн аав, ээж, ах, эгч, найз, нөхөдтэйгээ сайхан баярлаж байна. Ингээд www.umnugobi.info -вэб сайтын хамт олноос мөнгөн хонхныхоо баярыг тэмдэглэж байгаа нийт хүүхэд багачууддаа болон багш сурган хүмүүжүүлэгч нартаа мөнгөн хонхны баярын мэндийг хүргэж байна.

Тендерийн урилга ӨМ2011/45

2011-05-14T00:20:00.000+08:00

Огноо: 2011.05.13

Тендер шалгаруулалтын нэр: Өмнөговь аймгийн “Ерөнхий боловсролын 1 дүгээр сургуулийн барилгын засварын ажил”

Тендер шалгаруулалтын дугаар: ӨМ2011/45

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Ерөнхий боловсролын 1 дүгээр сургуулийн барилгын засварын ажил”-ыг гүйцэтгэх тухай битүүмжилсэн тендер ирүүлэхийг урьж байна. Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр иж бүрдэл бүрийг 100000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2011 оны 06 сарын 15-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 06 сарын 15-ны өдрийн 11 цаг 00 минутад нээнэ. Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 23632, 99538306

Өмнөговь аймгаас хувилгаан төрлөө ...

2011-05-13T02:58:00.000+08:00

Говь түшээ гүний их хувилгаан Баригри Дамцагдорж гэгээнтэний анхны дүр одоогоос 230 жилийн өмнө буюу 1781 онд мэндэлсэн байна. Тэрээр Халхын 5, 6-р богд, Түвдийн Ванчин богдын номын багш байсан учир түүхэнд 2 богдын номын багш байсан цорын ганц хүнээр тэмдэглэгдэж “Ёнзен” цол хүртсэн байна. Их хувилгаантны 4-р дүрийг тодруулах ажлыг Дундговь аймгийн нутгийн зөвлөл дэд тэргүүн Ц.Ганхүү, МБШашинтны төв Гандан тэгчилэн хийдийн дэргэдэх “Шашны их сургуулийн” доктор, Гавж Сонинбаяр болон нутгийн иргэд санаачлан 2001 оноос эхлүүлжээ. 4-р дүрийн гэгээнтэнээр Өмнөговь аймгийн Цогтцэций сумын иргэн Үйтүмэнгийн отгон хүү 10 настай морь жилтэй Мөнхсүхийг Далай багшийн айлдвараар өргөмжиллөө. Хувилгаантны 4-р дүрээр тодорсон Үйтүмэнгийн Мөнхсүх нь Цогтцэций сумын сургуулийн 3-р ангид сурдаг. Аав ээж, эгч ахынхаа хамт амьдардаг айлын отгон хүү юм. Аав ээж нь хүүгээ том хувилгааны хойд дүрээр тодорч их номын хүн болох хувьтай төрсөнд нь баярлан суугаа ч нялх үрээ холын оронд олон жил явуулах болсон гэнэтийн явдалд балмагдан нулимс унагаж байлаа Гэгээнтэнийг гэрээс нь залж Дундговь аймгийн Сайхан-Овоо сумын нутагт байх анхны хувилгааны барьж байгуулсан “Онгийн хийд “ - ийн суудалд нь залах ёслол үйлдлээ.
Гэгээнтэний сэвлэгийг нь үргээж , угаал үйлдсэний дараагаар хувцасыг нь өмсгөн сэнтийд нь залсан нь юм. Энэ үеэр сүсэгтэн олон түмэн олноор цугларч адис аван залбирч байлаа. Говь нутгаас төрсөн их хувилгааны хойд дүрээр тодорсон гэгээнтэнийг төрсөн нутгаасаа гарах замд хурмаст тэнгэр хур бороо хайрласанд нутгийн зон олон бүүр ч ихээр билэгшээн гэгээнтэнийхээ эрдэм номын их замд сайн сайхныг хүсч байсан. 4-р дүрийн гэгээнтэн 8 сараас Өмнөд Энэтхэгийн нутагт байрлах Сэра дацанд 16 жил суралцаж, төгс гэгээрээд нутагтаа ирж буян номын үйлд хүчин зүтгэх юм байна.

ТЗУХэлтэс Мэдээлэл хариуцсан мэрэгжилтэн Ч.Сумъяахүү

Эх сурвалж: http://www.umnugobi.gov.mn

Тендерийн урилга ӨМ2011/44

2011-05-13T00:18:00.000+08:00

Огноо: 2011.05.13

Тендер шалгаруулалтын нэр: Өмнөговь аймагт “Морь барианы талбайн барилга байгууламж барих ажил”

Тендер шалгаруулалтын дугаар: ӨМ2011/44

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Морь барианы талбайн барилга байгууламж барих ажил”-ыг гүйцэтгэх тухай битүүмжилсэн тендер ирүүлэхийг урьж байна. Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр иж бүрдэл бүрийг 80000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2011 оны 06 сарын 13-ны өдрийн 11 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 06 сарын 13-ны өдрийн 12 цаг 00 минутад нээнэ. Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг: Өмнөговь аймгийн Засаг даргын Тамгын газар

Өрөөний дугаар: 213 тоот

Утас 23632,99538306

Таван Эрдэнэ дэлгүүр шинээр нээгдлээ

2011-05-11T20:12:00.000+08:00

Аривжих говын урд байрлах Таван Эрдэнэ дэлгүүр шинээр үүд хаалгаа нээлээ энэхүү дэлгүүрт хүнсний бараа, сүү цагаан идээ, мод модон эдлэл зарж байна модон эдлэлдээ захиалга авч байгаа гэсээн иргэд та бүхэн өргөнөөр ирж үйлчлүүлээрэй Таван Эрдэнэ дэлгүүр.

Тендерийн урилга ӨМ2011/26

2011-05-11T00:22:00.001+08:00

Огноо: 2011.05.11

Тендер шалгаруулалтын нэр: Өмнөговь аймгийн “Автовокзалны барилгын зураг төсөв зохиох ажил”

Тендер шалгаруулалтын дугаар: ӨМ2011/26

Өмнөговь аймгийн Засаг даргын Тамгын газар нь эрх бүхий тендерт оролцогчдоос Өмнөговь аймгийн төвийн “автовокзалын барилгын зураг төсөв зохиох ажил”-ыг гүйцэтгэх тухай зөвлөх үйлчилгээний тендерийг дахин хугацаа сунган зарлаж байна. Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр иж бүрдэл бүрийг 80000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2011 оны 05 сарын 27-ны өдрийн 16 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 05 сарын 27-ны өдрийн 17 цаг 00 минутад нээнэ. Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 23632, 99538306

Даланзадгадад бүсийн оношлогооны төв байгуулахаар боллоо

2011-05-10T20:47:00.001+08:00

Өмнөговь, Дундговь, Дорноговь аймгийн иргэдэд эрүүл мэндийн тусламж, үйлчилгээ үзүүлэх Бүсийн оношлогоо, эмчилгээний нэгдсэн төвийг Өмнөговь аймгийн нэгдсэн эмнэлгийн хүний нөөц, материаллаг баазад тулгуурлан Даланзадгад суманд байгуулахаар Засгийн газрын хуралдаанаас шийдвэрлэлээ.

Төвийн зургийн даалгаврыг боловсруулан зураг, төсөл хийж, төвийн барилгыг засварлах, шинээр барих, тоног төхөөрөмжөөр хангах зардлыг ирэх оны төсөвт тусгахыг Эрүүл мэндийн болон Сангийн сайдад үүрэг болгов. Бүсийн оношлогоо, эмчилгээний төвд шаардлагатай хүний нөөцийн хэрэгцээг тооцож, эмч, сувилагч, мэргэжилтнээр хангах, тэднийг давтан сургах, мэргэшүүлэхийг салбарын сайд, аймгийн Засаг дарга нарт даалгалаа.

Статистикийн тоо баримтаас харахад говийн бүс нутагт шилжин ирэх хүний тоо тогтмол өсч байгаатай уялдан өвчлөл ч нэмэгдэж байна. Өргөн уудам нутаг дэвсгэртэй учир зарим газар эрүүл мэндийн үйлчилгээ хүргэх гэж талдаа 200 гаруй км явдаг зэрэг хүндрэл бэрхшээл ч багагүй байна. Энэ нь хугацаа алдах, тухайн хүний өвчин хүндэрч дараагийн шатандаа орох зэрэг сөрөг үр дагавартай тул Засгийн газар бүс нутагт төрөлжсөн нарийн мэргэжлийн тусламжийг цогцоор нь үзүүлдэг оношлогоо, эмчилгээний төв байгуулах шийдвэр гаргажээ.

Эх сурвалж: http://www.inet.mn

Даланзадгад суманд Бизнес хөгжлийн төв нээгдлээ

2011-05-07T20:55:00.004+08:00

Оюу Толгой ХХК Өмнөговь аймгийн төв Даланзадгад хотноо Бизнес хөгжлийн төвийн үйл ажиллагааг албан ёсоор эхлүүлснээ өнөөдөр мэдэгдлээ. Уг төв нь Оюу Толгойн ханган нийлүүлэгч болох хүсэлтэй орон нутгийн бизнес эрхлэгчдэд сургалт явуулах, дэмжлэг үзүүлэх үндсэн чиг үүрэгтэй юм.

Оюу Толгой ХХК уурхайн үйл ажиллагаанд шаардлагатай бараа үйлчилгээг дотоодоос худалдан авах, Өмнийн говийн бүсийн тогтвортой хөгжилд хувь нэмрээ оруулахад анхаарч ажиллаж байна. Бизнес хөгжлийн төв үйл ажиллагаагаа эхэлснээр орон нутгийн иргэд нэг доороос бүх төрлийн үйлчилгээг авах бололцоотой болохын зэрэгцээ Оюу Толгой ХХК болон Хас Банкны хамтран хэрэгжүүлж буй нийт 1 сая ам.долларын жижиг зээлийн хөтөлбөрт хэрхэн хамрагдах тухай тусгайлсан бизнес сургалтанд хамрагдах боломжийг нээж өгч байна. Бизнес хөгжлийн төв олон зориулалтын гал тогоо, оёдлын цех, хурлын танхим, компьютер сургалтын өрөө зэргээс бүрдэх юм. Түүнчлэн хэрхэн Оюу Толгойн ханган нийлүүлэгч болох, компанийн хангамж худалдан авалтын бодлогыг танилцуулах үйл ажиллагаа байнга явагдана.

Мөн орон нутгийн иргэдийн бараа бүтээгдэхүүнийг хадгалах, тээвэрлэх хэсгүүд ажиллана. Бизнес хөгжлийн төвийн барилгын ажил 2010 оны 11 дүгээр сард эхэлсэн бөгөөд Оюу Толгой ХХК-ийн зүгээс уг төсөлд 700,000 ам.доллар зарцуулсан байна. Барилгын ажлыг Даланзадгад сумын найман компани гэрээлэн гүйцэтгэсэн бөгөөд цахилгаан, интернет, цэвэр бохир ус, дохиоллоор тоногложээ. Харин барилгын ерөнхий гүйцэтгэгчээр Улаанбаатар хотын "Измон" ХХК ажиллажээ. Ажлын гүйцэтгэлд Монгол улсын барилгын салбарт баригдаж буй стандарт, Оюу Толгойн эрүүл мэнд, аюулгүй ажиллагааны журмыг баримталж ажилласан.

Цаашид Ханбогд сум болон Улаанбаатар хотноо Бизнес хөгжлийн төвүүдийг 2011, 2012 онд тус тус ашиглалтанд оруулахаар төлөвлөж байна. Оюу Толгой ХХК-ийн Ерөнхийлөгч бөгөөд Гүйцэтгэх Ерөнхий Захирал Камерон МакРей " Бизнес хөгжлийн төв өнөөдөр үүд хаалгаа нээж буйд бид их баяртай байна. Энэ төв орон нутгийн бизнес эрхлэгчид манай ханган нийлүүлэгч болоход дэмжлэг үзүүлэх гол түлхүүр болно гэдэгт итгэлтэй байна. Төвийн үйл ажиллагааг эхлүүлэхэд хувь нэмрээ оруулсан бүх хүмүүст талархлаа илэрхийлье" хэмээн нээлтийн үеэр хэлсэн үгэндээ онцлон дурдсан байна.

Одоогоор Даланзадгад, Ханбогд сумдын 103 бизнес эрхлэгч Оюу Толгойд бүтээгдэхүүн, үйлчилгээ нийлүүлж байгаа бөгөөд нийт 1.5 сая ам.долларын гэрээ хийгээд байна.

Эх сурвалж: http://www.inet.mn