tag:blogger.com,1999:blog-79973469464625755052024-11-06T10:45:02.117+08:00UMNWShttp://www.blogger.com/profile/10053582870267911972noreply@blogger.comBlogger1125tag:blogger.com,1999:blog-7997346946462575505.post-5235359056231619852014-08-06T09:23:00.003+08:002014-08-11T22:54:16.952+08:00<div dir="ltr" style="text-align: left;" trbidi="on"> သဘဴဍုၚ်ကွာန်မ္ဂးဂှ် မၞုံကဵုလက်သန်စှ်ၜါသာ်ဂှ် မဒှ်ဒတုဲမြမောဝ် ကုသတ်တံ ပ္ဍဲလိုက် ပ္ဍဲပလိုက်ဟေၚ်မ္ဂးရ။ ဍုၚ်ကွာန်မသက္ကု လက်သန်စှ်ၜါသာ်ဂှ် ဟွံဒှ်ဒတုဲမြမောဝ် ကုသတ်တံဟေၚ်ရ။<br /> ပ္ဍဲဍုၚ်ကွာန်မဒှ်ဒတုဲမြမောဝ် ကုသတ်တံဂှ်ဟေၚ် မံၚ်တန်တဴအာ ယဝ်သဒှ် သ္ဂောံဒှ်တသိုက်စိုတ် တသိုက်ကာယမာန်ရ။ ပ္ဍဲဍုၚ်ကွာန်မဟွံဒှ်ဒတုဲမြမောဝ် ကုသတ်တံဂှ် မံၚ်တန်တဴအာမ္ဂး<br /> တ္ၚဲမဂွံဒှ်တသိုက်စိုတ် တသိုက်ကာယဂှ် ဟွံမွဲဟေၚ်။ ဟိုတ်ဂှ်ရ ဍုၚ်ကွာန် မၞုံကဵုလက်သန်စှ်ၜါသာ် မဒှ်ဒတုဲမြမောဝ် ကုသတ်တံ ပ္ဍဲလိုက် ပ္ဍဲပလိုက်ဟေၚ်ဂှ် မံၚ်တန်တဴအာညိ။<br /> <br /> <br /> ညးမ္ဂးလက်သန်စှ်ၜါသာ်ဂှ်ရော...<br /> ၁။ က္ဍိုပ်ဍုၚ်ကွာန်<br /> ၂။ ဇိုၚ်ဍုၚ်ကွာန်<br /> ၃။ တဲဍုၚ်ကွာန်<br /> ၄။ မတ်ဍုၚ်ကွာန်<br /> ၅။ ကတောဝ်ဍုၚ်ကွာန်<br /> ၆။ မုဟ်ဍုၚ်ကွာန်<br /> ၇။ ပါၚ်ဍုၚ်ကွာန်<br /> ၈။ ဂၞဴဍုၚ်ကွာန်<br /> ၉။ လမျီုဍုၚ်ကွာန်<br /> ၁၀။ ကြုတ်ဍုၚ်ကွာန်<br /> ၁၁။ ဂြိုဟ်ဍုၚ်ကွာန်<br /> ၁၂။ စိုတ်ဍုၚ်ကွာန် ... ဣဝွံ မ္ဂးလက်သန်ဍုၚ်ကွာန်စှ်ၜါသာ်ရ။<br /> <br /> ပၟိက်အဓိပ္ပဲါလက်သန်စှ်ၜါသာ်ဂှ်တုန်...<br /> ၁။ က္ဍိုပ်ဍုၚ်ကွာန်မ္ဂးဂှ် ပူဂဵုမၞုံကဵုပညာ မဆိုက်ဗဒက် ပ္ဍဲဝတ်ပိပြကာ မတွံဂးဓမ္မဝတ် ရာဇာဝတ် လောကဝတ်တံဂှ် မဒှ်က္ဍိုပ်ဍုၚ် ကွာန်ရ။<br /> <br /> ၂။ ဇိုၚ်ဍုၚ်ကွာန်မ္ဂးဂှ် ပူဂဵုမၞုံကုသဒ္ဓသဒ္ဓါ မပြာပ်အာ ရှ်ေသှ်ေရဴဂဴ ရတ်ပိပြကာ မအာပ္တုဲဒါန သဳလ ဘာဝနာ လၟိုန်ကာလဂှ် မဒှ်ဇိုၚ်ဍုၚ်ကွာန်ရ။<br /> <br /> ၃။ တဲဍုၚ်ကွာန်မ္ဂးဂှ် ပူဂဵုမၞုံကဵုလွဳပရာ မကၠောန်ၜိုတ် ကေၚ်ကာဓဝ်ကုသဵု ပ္ဍဲကဵုထာန်ရတ်ပိပြကာ မပ္တုဲတဴဝတ် လၟိုန်ကာလဂှ် မဒှ်တဲဍုၚ်ကွာန်ရ။<br /> <br /> ၄။ မတ်ဍုၚ်ကွာန်မ္ဂးဂှ် ပူဂဵုမလေပ်ပြကိုဟ် ဗိုတ်ပိ ဗေဒၚ်ပန် မတီအန္တရာဲဍုၚ်ကွာန် ပၞာန်ဒမၠ ကၞောဝ်ဗယဵု ဓိကဵု ယဲဘဲ မက္တဵုဒှ်တံဂှ် မဒှ်မတ်ဍုၚ်ကွာန်ရ။<br /> <br /> ၅။ ကတောဝ်ဍုၚ်ကွာန်မ္ဂးဂှ် ပူဂဵုမၞုံကုပညာ မဂွံလဝ်ဂလာန်ဂုန်ဒုဟ် အပ္ဍဲပြကိုဟ်လောကဳ လောကုတ္တဵု သီုၜါသာ်တံဂှ်တုဲ ဒၞဲါမပတုဲ ကေတ်စမွဲမွဲ မဗစာရဏာကေတ်၊ မပဗက် ပ္ဍဲကဵုဂလာန်အစာတံဂှ်တုဲ ဟမွဲကဵုအန္တရာဲ သီုလိုက် သီုပလိုက်တံဂှ် မဒှ်ကတောဝ်ဍုၚ်ကွာန်ရ။<br /> <br /> ၆။ မုဟ်ဍုၚ်ကွာန်မ္ဂးဂှ် ပူဂဵုမၞုံကဵုစလဳစလး ကသပ်ဂၞန် ညာန်ပညာ ကာလဒဒိုက်သၞာမွဲမွဲ မက္တဵုဒှ် ပ္ဍဲဍုၚ်ကွာန်တံဂှ် ညးမဂွံယဵုသာ မလေပ်ဍံၚ်သွာ မပြာကဵုဒဒိုက်သၞာညး၊ ဟွံရန်ကဵုဂုန် ပ္ဍဲပစ္စုပန်၊ မရန်ကဵုမက်ဖဵု ပ္ဍဲကဵုအနာဂတ်ဂတတံဂှ် မဒှ်မုဟ်ဍုၚ်ကွာန်ရ။<br /> <br /> ၇။ ပါၚ်ဍုၚ်ကွာန်မ္ဂးဂှ် ပူဂဵုမၞုံကဵုဂလာန်သုဘာသိုတ် ဒၞဲါမၜိုတ်ဟီုကဵုတံဂှ် မဒှ်ဒတုဲမြမောဝ် ပ္ဍဲလိုက် ပ္ဍဲပလိုက် ပၠေၚ်ကၠေံ ဒဒိုက်စိုတ်အိုတ်ကာယညးတုဲ မဇိုန်ကဵု တသိုက်စိုတ်ကာယညးတံဂှ် မဒှ်မုဟ်ဍုၚ်ကွာန်ရ။<br /> <br /> ၈။ ဂၞဴဍုၚ်ကွာန်မ္ဂးဂှ် ပ္ဍဲကဵုထာန်ဒေသဍုၚ်ကွာန်ဂှ် မၞုံကဵုတိဂူ ခံက်ဗ္ၚ သြောံသ္ၚု ဇွောံမ ကၠံသွဝ် သတ်တံဟွံဒးကၠောဝ်ဗျဵု၊ ဒၞဲါဒၞဲါမကၠောန် ကေၚ်ကာဝါနိဇ္ဇမွဲမွဲတံဂှ် ဗွဲမသွာ ဍေံမက္တဵုဒှ်ကုသတ်တံဂှ်။ ဣဝွံ မ္ဂးဂၞဴဍုၚ်ကွာန်ရ။<br /> <br /> ၉။ လမျီုဍုၚ်ကွာန်မ္ဂးဂှ် မၞုံကဵုသတ်ဟောရာ ညးမတီရောဂနဳဒါန်၊ ပ္ဍဲသန်ထာန်သတ္တံ မက္တဵုဒှ်ယဲမွဲမွဲတံဂှ် ညးမလေပ်ပၠးကဵု၊ မဟဂံၚ်ဝဵုစဏာဲ မဟွံရန်ကဵုပူဇဴသ္ကာ၊ မရန်ကဵုမက်ဖဵုတံဂှ်။ ဣဝွံ မ္ဂးလမျီုဍုၚ်ကွာန်ရ။<br /> <br /> ၁၀။ ကြုတ်ဍုၚ်ကွာန်မ္ဂးဂှ် ညးမတီ သဘဴဓဝ် သၞောဝ်ဓမ္မသာတ် မလေပ်စဳရေၚ်ဂဗုတ်ဂလာန် ဗဗွဲဓဝ် မဂွံဝေၚ်ကၠေံဓဝ်ဂတိပန်၊ ဟွံရန်ကသပ်ဂၞန်ညးတံဂှ် မဒှ်ကြုတ်ဍုၚ်ကွာန်ရ။<br /> <br /> ၁၁။ ဂြိုဟ်ဍုၚ်ကွာန်မ္ဂးဂှ် ညးမဒှ်ဒွါအ္စာဇၞော်ဇလိၚ်သၟိၚ်တၠ ပ္ဍဲဍုၚ်ကွာန်တံဂှ် ဟဂံၚ်လီလှေက်ပေက်၊ ဆီစဒြပ်ညး၊ ဟွံဂွံပလီုကၠေံခေါန်ပဝေဏဳညးတမၠာတမၠာ၊ မလေပ်ရာန်သ္ကိုတ်ကၠေံ သတြုကမၠတ်ဒမၠ မပၠေၚ်ကၠေံပူဂဵုမလိၚ်လေက်စညး၊ မဇိုန်ကဵုတသိုက်ညးမတဴပ္ဍဲဍုၚ်ကွာန်ဇကုတံဂှ် မဒှ်ဂြိုဟ်ဍုၚ်ကွာန်ရ။<br /> <br /> ၁၂။ စိုတ်ဍုၚ်ကွာန်မ္ဂးဂှ် ညးမဒှ်ဂမဳဗၞး ညးမၞုံကဵုပညာ ညးမတီဒတုဲဖဵုလလေၚ်ဖဵု ညးမပ္တုဲဓဝ်ကုသဵု နကဵုသဒ္ဓသဒ္ဓါ၊ ဂလာန်မဒှ် ပ္ဍဲသာသနာပါၚ်ကျာ်တံဂှ် မဟီုတွံဒလောံဗတောန်တဴညး လၟိုန်ကာလ၊ ကာလမပ္တုဲဓဝ်ကုသဵု ကဵုညးမပတုဲဝတ် ၅ ပြကာကၠာတုဲ မကဵုသှ်ပတဴ ဓဝ်သဳလဟေၚ်ရ၊ သှ်ပတဴဓဝ်သဳလတုဲ မကဵုညးပတုဲဒါန် ညံၚ်ကဵုဂလာန်ပါၚ်ကျာ်မတွံလဝ် ပ္ဍဲကဵုဓဝ်သုဒ္ဓသုဒ္ဓါတံဂှ် မဒှ်ဒတုဲဖဵုမဇၞော်ဂှ် မဒှ်စိုတ်ဍုၚ်ကွာန်ရ။<br /> <br /> ပ္ဍဲလက်သန်မြမောဝ်ဍုၚ်ကွာန်ပ္ဍဲလိုက်ပ္ဍဲပလိုက်စှ်ၜါသာ်ဝွံဂှ် ကျာ်တြဲ မတွံလဝ် ပ္ဍဲကဵုရာဇလက္ခဏတေံရ။</div> UMNWShttp://www.blogger.com/profile/10053582870267911972noreply@blogger.com