உழவன்

இந்தியாவின் பருவமழையை அச்சுறுத்தும் ‘Super El Niño’!! வரலாறு காணாத வெப்பம் ஏற்படுமா?

2026-05-25T07:39:19.813-07:00

சில வாரங்களுக்கு முன்பு, இந்தியப் பிரதமர் ஒரு மேடையில் நின்று 140 கோடி மக்களிடம் ஒரு விஷயத்தைச் சொன்னார். குறைவாக வாகனம் ஓட்டுங்கள், குறைவாகப் பயணம் செய்யுங்கள், தங்கம் வாங்குவதை நிறுத்துங்கள் என்று கூறினார். இப்போது அதைப் பற்றி யோசித்துப் பாருங்கள். அந்தப் பேச்சு வெறும் எண்ணெய், தங்கம் பற்றியது மட்டுமல்ல. பசிபிக் பெருங்கடலில் மற்றொரு நெருக்கடி உருவாகி வருகிறது, விஞ்ஞானிகள் இதை ‘Super El Niño’ சூப்பர் எல் நினோ என்று அழைக்கிறார்கள்.

இதை ஆபத்தானது என்றும் கூறுகிறார்கள் ஏனென்றால் கடைசியாக இது போன்ற நிகழ்வு நடந்தது. தொடர்ந்து இரண்டு ஆண்டுகளுக்கு பருவமழை பொய்த்துப் போனது, பயிர்கள் நாசமாயின, பெரும் பஞ்சத்திற்கும் பங்களித்தது. இந்தியா ஏற்கனவே ஒரு எண்ணெய் நெருக்கடியால் பெரும் பாதிப்புக்கு உள்ளாகிக் கொண்டிருக்கும் நேரத்தில் இந்த நெருக்கடி இந்தியாவைத் தாக்குகிறது. ‘Super El Niño’ இந்தியாவை எவ்வாறு பாதிக்கிறது? அது ஏன் பயிர்ச் சேதங்களையும் உணவுப் பற்றாக்குறையையும் ஏற்படுத்துகிறது? என்று இந்த பதிவில் பார்ப்போம்.

கோடை காலம், குளிர் காலம் போன்று ‘El Niño’ எல் நினோவும் ஒரு இயற்கை காலநிலை மாற்றமாகும். கடலின் மேற்பரப்பு வெப்பம் சராசரிக்கும் அதிகமாக இருந்தால் ‘El Niño’ எல்-நினோ ஏற்படும் என்கிறார்கள். எல் நினோ நிகழ்வுகள் சாதாரணமாக 2 முதல் 7ஆண்டுகளுக்கு ஒருமுறை இது மாறிக்கொண்டே இருக்கும் என்று காலநிலை ஆய்வாளர்கள் கூறுகின்றனர்.

இந்தியாவின் காலநிலை மிகவும் மாறுபட்டது. இது நிலம் மற்றும் நீரின் வெப்பப் பண்புகளால் காற்றின் திசையில் ஏற்படும் மாற்றங்களை அடிப்படையாகக் கொண்டது. பொதுவாக, இந்தியாவில் நான்கு முக்கிய பருவங்கள் நிலவுகின்றன:-

குளிர்காலம் (டிசம்பர் முதல் பிப்ரவரி வரை): தெளிவான வானம், குறைந்த வெப்பநிலை மற்றும் குறைந்த ஈரப்பதம் காணப்படும்.
கோடை காலம் (மார்ச் முதல் மே வரை): நாடெங்கும் அதிக வெப்பநிலை மற்றும் வறண்ட வானிலை நிலவும்.
தென்மேற்கு பருவமழை / மழைக்காலம் (ஜூன் முதல் செப்டம்பர் வரை): இந்தியாவின் முக்கிய மழைப்பொழிவு காலம்.
வடகிழக்கு பருவமழை / பருவமழை பின்வாங்கும் காலம் (அக்டோபர் முதல் நவம்பர் வரை): நிலப்பகுதியிலிருந்து கடல் நோக்கி காற்று வீசும்.

இந்தியா உள்ளிட்ட தெற்காசிய நாடுகளில், ‘El Niño’ எனப்படும் குறைவான மழைப்பொழிவைக் குறிக்கும் காலநிலை மாற்றம் ஏற்படக்கூடும் என்று ‘World Meteorological Organization’ கணித்துள்ளது. இந்த மாற்றம், பருவமழையின் இரண்டாம் பாதியான ஜூன்-செப்டம்பர் மாதங்களில் உருவாகலாம் என எதிர்பார்க்கபடுகிறது. இந்தியாவில் இயல்பை விட குறைவான பருவமழை பெய்யும் என்றும் வானிலை ஆய்வு மையம் கணித்துள்ளது.

இந்தியாவின் பருவமழையில் சூப்பர் எல் நினோவின் தாக்கம்!

இந்தியா தனது விவசாயத்திற்கும் நீர் விநியோகத்திற்கும் தென்மேற்குப் பருவமழையை பெரிதும் சார்ந்துள்ளது. எனவே, அதில் ஏற்படும் எந்தவொரு இடையூறும் கடுமையான சவால்களை உருவாக்குகிறது.

இதன் விளைவாக, ஜூன் முதல் செப்டம்பர் வரை இந்தியாவில் இயல்பை விடக் குறைவான மழைப்பொழிவு ஏற்படும் என்றும் மறுபுறம், இது பெரும்பாலும் வடகிழக்குப் பருவமழையின் போது மழைப்பொழிவை அதிகரிக்கும் என்றும் ஆய்வாளர்கள் கூறுகிறார்கள். இது முக்கியமாக தமிழ்நாடு, ஆந்திரப் பிரதேசம் மற்றும் ஒடிசா போன்ற மாநிலங்களைப் பாதிக்கிறது.

மேலும், ஒரு சூப்பர் எல் நினோ மிகவும் வலுவான தாக்கத்தை ஏற்படுத்துகிறது. இது இந்தியாவின் பல பகுதிகளில் பரவலான வறட்சியை ஏற்படுத்தக்கூடும் என்று கூறுகிறார்கள். கூடுதலாக, விவசாயிகள், உணவு உற்பத்தி மற்றும் நீர்த்தேக்கங்கள் கடுமையான அழுத்தத்தை எதிர்கொள்ள நேரிடும். இதன் விளைவாக, இது ‘Food Inflation’ உணவுப் பணவீக்கம், தண்ணீர் பற்றாக்குறை மற்றும் பொருளாதார மந்தநிலைக்கு வழிவகுக்கக்கூடும்.

எல் நினோ பாதிப்புகள் (History of Super ‘El Niño’ effects):-

1982-1983 ஆண்டுகளில் அவுஸ்ரேலியாவில் ஏற்பட்ட பெரும் வறட்சி, காட்டுத்தீ மற்றும் பெருவில் கனமழை உட்பட பரவலான பேரழிவை ஏற்படுத்தியது.

1997-1998 காலப்பகுதியில் இந்தோனேசியாவில் பெரும் காட்டுத்தீ, பெருவில் கடுமையான வெள்ளப்பெருக்கு மற்றும் உலகெங்கிலும் தீவிர வானிலை ஏற்படுத்தியதாக அங்கீகரிக்கப்பட்டது.

2014-2015 காலப்பகுதியில் மழை குறைவாக காணப்பட்டாலும் வெப்பநிலை அதிகமாக காணப்பட்டது. இதன் காரணமாக கால்நடைகள் இறப்பு, வாழ்வாதாரம் பாதிப்பு, நீர்த்தேக்கம் வற்றல், குடிநீர் தட்டுப்பாடு போன்றவை ஏற்பட்டது.

2015-2016 காலப்பகுதியில் உலக வெப்பநிலை திடீரென உயர்ந்த ஒரு சாதனை ஆண்டாக இது அமைந்தது.கடுமையான வெப்ப அலைகள் மற்றும் வறட்சியை ஏற்படுத்தியது.

கடந்த அரை நூற்றாண்டில் பெரும் வெள்ளம், வறட்சி, காட்டுத் தீ என்பனவற்றை ஏற்படுத்திச் சென்றது குறிப்பிடத்தக்கது.

இந்தியாவில் சூப்பர் எல் நினோவின் பொருளாதாரத் தாக்கங்கள் என்னென்ன?

சூப்பர் எல் நினோ விவசாயம், உணவு உற்பத்தி மற்றும் நீர் வளங்களைப் பாதிக்கிறது. எனவே, இது உணவுப் பணவீக்கம் மற்றும் பொருளாதார மந்தநிலைக்கு வழிவகுக்கக்கூடும்.

இந்தியாவில் எந்தெந்தப் பகுதிகள் சூப்பர் எல் நினோவால் அதிகம் பாதிக்கப்பட்டுள்ளன?

வடமேற்கு மற்றும் மத்திய இந்தியா அதிக வறட்சி அபாயத்தை எதிர்கொள்கின்றன. மேலும், வடகிழக்கு இந்தியாவில் சீரற்ற மழைப்பொழிவு ஏற்படக்கூடும், அதே வேளையில் வடகிழக்குப் பருவமழையின் போது தமிழ்நாட்டில் அதிக மழைப்பொழிவு இருக்கலாம்.

சூப்பர் எல் நினோ இந்தியாவில் வறட்சியை ஏற்படுத்துகிறதா?

சூப்பர் எல் நினோ இந்தியாவில் அடிக்கடி பரவலான வறட்சி நிலைகளை ஏற்படுத்துகிறது. மேலும், இது வெப்ப அலைகள் மற்றும் தண்ணீர் பற்றாக்குறை ஏற்படும் அபாயத்தை அதிகரிக்கிறது.

சூப்பர் எல் நினோ இந்தியாவின் பருவமழையை எவ்வாறு பாதிக்கிறது?

சூப்பர் எல் நினோ இந்தியாவில் தென்மேற்குப் பருவமழையை பலவீனப்படுத்துகிறது. இதன் விளைவாக, நாட்டில் இயல்பை விடக் குறைவான மழைப்பொழிவு ஏற்படுகிறது, இது விவசாயத்தையும் நீர் விநியோகத்தையும் பாதிக்கிறது.

வலுவிழந்து வரும் பருவமழை மற்றும் உரத் தட்டுப்பாடு ஒவ்வொரு காரணியும் மற்றொன்றை மேலும் மோசமாக்குகிறது.

இந்தியாவின் விவசாயிகள் பருவமழையை நம்பியுள்ளனர். இந்த ஆண்டு பருவமழை குறைவாகப் பெய்தால், ‘Food Inflation’ உணவுப் பணவீக்கம் ஏற்படும். உண்மையான கேள்வி, நிலைமை மோசமாகுமா என்பதுதான்?

பலவீனமான பருவமழை ‘Weak monsoon’ மற்றும் ஹார்முஸ் ஜலசந்தி நெருக்கடி ‘Strait of Hormuz crisis’ ஆகியவை 2026-ல் இந்தியாவின் பொருளாதாரக் கண்ணோட்டத்தை மாற்றியமைக்கக்கூடும்.

PPF கணக்கு துவங்கி சேமிப்பு செய்யலாமா? என்ன நன்மைகள்?

2024-10-12T05:53:00.000-07:00

PPF என்று அழைக்கப்படும் Public Provident Fund என்பது தமிழில் பொது வருங்கால வைப்பு நிதி என்று சொல்லப்படுகிறது. இந்த PPF திட்டத்தை மத்திய அரசால் ஆதரிக்கப்படும் வரியில்லா சேமிப்பு திட்டம் என்று சொல்லலாம். இந்த PPF திட்டம் 1968 ஆம் ஆண்டு நிதி அமைச்சகத்தால் கொண்டுவரப்பட்டது. இது இந்தியர்களிடையே சேமிப்புப் பழக்கத்தை வளர்ப்பதற்காகவும், தனியார் பாதுகாப்பில் பணிபுரியும் மக்களுக்கு ஓய்வூதிய பாதுகாப்பை வழங்குவதற்காகவும், அமைப்பு சாரா தொழிலாளர்கள், அல்லாத ஒப்பந்த அடிப்படையில் தனியார் நிறுவனங்களில் வேலை செய்வோர், கடை வைத்து சிறு தொழில் செய்வோர், விவசாயம் செய்வோர், கூலி வேலைக்கு செல்வோர் போன்றவர்களுக்கும் இத்திட்டம் கொண்டுவரப்பட்டது.

நிரந்தர வேலை செய்பவர்களுக்கு எப்படி PF போன்ற திட்டங்கள் வழங்கப்படுகிறதோ அதேபோல தனிநபர்கள் பயன் பெறுவதற்காக இந்திய அரசு இந்த PPF திட்டத்தினை அறிமுகப்படுத்தியது.

இந்த PPF திட்டம் அதிக வட்டி கொடுக்க கூடிய ஒரு திட்டமாகும். இத்திட்டத்தில் ஒவ்வொரு ஆண்டு கணக்கிலும் வட்டி நிர்ணயம் செய்யப்பட்டு, பின் அது இந்திய அரசால் வட்டி தொகை நம் கணக்கில் செலுத்தப்படுகிறது.

யாரெல்லாம் கணக்கு துவங்கலாம்?

இதில் கணக்கு துவங்குவதற்கு இந்திய குடிமகனாக இருக்க வேண்டும். இந்த திட்டத்தில் ஒரு நபருக்கு ஒரு கணக்கு மட்டுமே திறக்க முடியும்.
இதில் 18 வயது குறைவாக உள்ள குழந்தைகளுக்கு Minor Account திறக்கலாம்.
வெளிநாடு வாழும் இந்தியர்களுக்கு (NRI) இந்த PPF Account திறக்க முடியாது. NRI ஆகும் முன்பே துவங்கியவர்கள் தொடரலாம்.
இதில் முதலீடு செய்ய குறைந்தபட்ச மற்றும் அதிகபட்ச வயது வரம்பு கிடையாது. 60 வயதுக்கு மேற்பட்டவர்களும் 18 வயதிற்கு குறைவானவர்களும் இத்திட்டத்தில் சேரலாம்.

இந்த திட்டத்தின் நன்மைகள்?

இது அரசு ஆதரவு செய்யும் திட்டம் என்பதால் இதில் செய்யும் முதலீடு மற்றும் வட்டிக்கு கட்டாயம் பாதுகாப்பு இருக்கும்.
இந்த PPF திட்டத்தில் வட்டி விகிதம் ஒவ்வொரு ஆண்டிற்கு ஒரு முறை கணக்கிடப்படுகிறது.
வருமான வரிச் சட்டம் பிரிவு 80C-ன் கீழ் ஆண்டுக்கு அதிகபட்சமாக 1,50,000 ரூபாய் வரை PPF திட்டத்தில் முதலீடுச் செய்யும் தொகைக்கு வரிக் கழிவு பெறலாம். அதாவது 1,50,000 ரூபாய் வரை PPF திட்டத்தில் செய்யும் முதலீட்டுக்கு வருமான வரி கட்டத் தேவை இல்லை.
மூன்று வருடங்களுக்குப் பிறகு நாம் செலுத்திய PPF தொகை மீது கடன் பெறலாம்.
15 வருடம் கழித்து கிடைக்கும் முழுத் தொகைக்கும் வரியில்லை.
இத்திட்டத்தில் வங்கி சேமிப்பில் கிடைக்கும் வட்டியை விட அதிகமான வட்டி இதில் கிடைக்கும்.

கால அளவு என்ன?

இந்த திட்டத்தில் முதலீடு செய்பவர்கள் 15 வருடங்களுக்கு தொடர்ந்து முதலீடு செய்ய வேண்டும், இடையில் பணத்தை எடுக்க முடியாது.
அப்படி முடியாதவர்கள், ஐந்து ஆண்டுகள் முடிவில் பணத்தை எடுத்துக் கொள்ளலாம். ஆனால், இதற்கான வழிமுறைகள் கடினமானது.
வருடத்திற்கு ஒரே தவனையில் முழு தொகையையோ அல்லது அதிகபட்சம் 12 தவனைகளாகவோ PPF திட்டத்தில் முதலீடு செய்யலாம்.

PPF-ன் பரிந்துரைகள்!

வருடத்திற்கு குறைந்த பட்சம் தொகையாக ₹500 முதல் அதிகப் பட்சம் தொகையாக ₹1,50,000 வரை செலுத்தலாம்.
இதற்கு மேலும் செலுத்தலாம் ஆனால் ₹1,50,000 அதிகமாக செலுத்தும் தொகைக்கு வட்டி கணக்கிடப்படாது.
ஒவ்வொரு மாதத்தின் முதல் 5 தேதிக்குள் பணம் செலுத்துவது நல்லது.
இத்திட்டம் உங்கள் அருகில் உள்ள தபால் நிலையங்களில் கிடைக்கும். (தனியார் மற்றும் அரசு வங்கிகளிலும் துவங்க முடியும்)

டிஸ்கி😃: சேமிப்பைப் பொறுத்தவரை இந்தத் திட்டம் உங்களுக்கு பல்வேறு நன்மைகளை தரும். மாற்று வழிகளுக்கான சிறந்த சேமிப்பில் PPF கணக்கு ஒன்று. எனவே சேமிக்க முயற்சிக்கலாம்.

TN Election 2021 உங்கள் தொகுதி வேட்பாளர்களின் விபரங்களை ஆன்லைனில் தெரிந்து கொள்வது எப்படி?

2021-03-27T04:55:00.005-07:00

தமிழகத்தில் சட்டப்பேரவைக்கான தேர்தல் வரும் ஏப்ரல் 6-ம் தேதி நடைபெற இருக்கிற நிலையில் அனைத்துக் கட்சி வேட்பாளர்களும், சுயேட்சை வேட்பாளர்களும் தங்களது வேட்புமனுவைத் தாக்கல் செய்துள்ளனர். தங்களுடைய தொகுதியில் எந்தெந்த கட்சி எந்தெந்த வேட்பாளர்களை நிறுத்தியிருக்கின்றன? என்றும் சுயேட்சை வேட்பாளர் யார்? அவர்களைப் பற்றிய முழு தகவல்களையும் அறிந்து கொள்ள வேண்டுமா?

இந்தியத் தேர்தல் ஆணையத்தின் அதிகாரப்பூர்வ இணையப் பக்கத்தில் அதனை பற்றி அறிந்து கொள்ளும் வசதி இருக்கிறது இன்று அதை பற்றி தெரிந்து கொள்வோம்.

தேர்தல் ஆணையத்தின் வேட்பாளர்களின் தகவல்கள் பற்றிய இணையதளப் பக்கத்திற்குச் செல்ல இங்கே கிளிக் செய்யுங்கள்.

இந்த இணையதளப் பக்கத்தில், நடைபெறும் தேர்தல், உங்கள் மாநிலம் மற்றும் தொகுதி ஆகியவற்றைத் தேர்ந்தெடுத்து 'Filter' என்ற பட்டனை கிளிக் செய்யுங்கள்.

அதன் கீழே உங்கள் தொகுதியில் எந்தெந்தக் கட்சி சார்பில் யார் யார் போட்டியிடுகிறார்கள் மற்றும் சுயேட்சை யார் யாரெல்லாம் போட்டியிடுகிறார்கள் என்ற முழு விபரம் இருக்கும். நீங்கள் தெரிந்து கொள்ள வேண்டிய வேட்பாளரை view more என்பதை கிளிக் செய்தால், அவர்களைப் பற்றிய விபரங்கள் அனைத்தும் உங்களுக்குக் கிடைக்கும். அவர்கள் தாக்கல் செய்த வேட்புமனு Affidavit Download செய்து கொள்ளலாம். அதில் வேட்பாளர்களின் மொத்த சொத்து விபரங்கள், வேட்பாளரது குடும்பத்தின் மொத்தச் சொத்து விபரங்கள், வேட்பாளர் மேல் உள்ள குற்ற வழக்குகள் விவரம் என அனைத்து விபரங்களையும் தெரிந்து கொள்ளலாம்.

டிஸ்கி😃: உங்கள் தொகுதி வேட்பாளர்களைப் பற்றிய முழுமையான தகவல்களை தெரிந்து கொண்டு சரியான வேட்பாளரைத் தேர்ந்தெடுங்கள்.

மண்டிகளின் விவரம் (MARKET PROFILE-AGMARKNET ), TOP 10 பொருட்களின் விவரம் (NAME OF COMMODITY)-eNAM

2019-02-14T09:00:00.000-08:00

இ-ராஷ்ட்ரிய கிஸான் அக்ரி மண்டி e-RASHTRIYA KISAN AGRI MANDI (e-RAKAM, தேசிய வேளாண் சந்தை (eNAM) NATIONAL AGRICULTURE MARKET PORTAL பற்றியும் முந்தய பதிவில் விரிவாக தெரிந்து கொண்டோம். இதில் விவசாயிகள் தங்களுடைய பெயரைப் பதிவு செய்துகொண்டு தங்களுடைய விளைபொருள்களை விற்பனை செய்யலாம். இதைப்போலவே, வேளாண் பொருள்களை வாங்குபவர்களும் தங்கள் பெயரைப் பதிவு செய்துகொண்டு தேவையான வேளாண் பொருள்களை வாங்கிக்கொள்ளலாம்.

அடுத்து, நமது மாவட்டங்களில் உள்ள மண்டிகள் (MARKET PROFILE) அதில் விற்பனை செய்யும் வியாபார பொருட்களின் விவரம் (NAME OF COMMODITY) மற்றும் குளிர்சாதன பெட்டக வசதி (COLD STORAGE) எங்கு உள்ளது என்பதை பற்றியும் தெரிந்து கொள்வோம்!

முதலில், AGMARKNET மண்டிகளின் விவரம் பற்றி பார்போம். இதில் கீழே உள்ள படத்தில் இருப்பது போல TAMILNADU என்பதை கிளிக் செய்து ,உங்களது மாவட்டத்தை தேர்வு செய்து கொள்ள வேண்டும்.

அடுத்து ஓபன் ஆகும் படத்தில் உங்கள் MARKET முழு விவரத்தையும் தெரிந்து கொள்ளலாம்.

முக்கியமான விவரங்கள் (IMPORTANT POINTS):
- TOP 10 பொருட்களின் விவரம் (NAME OF COMMODITY),
- மொத்த பரப்பளவு (MARKET AREA)
- வசதிகள் மற்றும் சேவைகள் (FACILITIES AND SERVICES)
- போக்குவரத்து முறை (TRANSPORTATION FACILITY)

- முகவரி, தொலைபேசி எல்லாவற்றையும் அறிந்து கொள்ளலாம்.

LIST OF COLD STORAGE IN TAMILNADU:

இதில் மொத்தம் 136 முகவரிகள் உள்ளன.

(eNAM) National Agriculture Market-ல் இதுவரை தமிழ்நாட்டில் 201 இடங்களை உள்ளடக்கியுள்ளது. விவரங்களை தெரிந்துகொள்ள eNAM TOTAL MARKET COVERED இதை கிளிக் செய்து உங்களது ஏரியாக்களை தெரிந்து கொள்ளவும்.

டிஸ்கி😃: கிராமப்புற விவசாயி எளிதாக இ-ராஷ்ட்ரிய கிஸான் அக்ரி மண்டி இணையதளத்தில் பதிவு செய்துகொள்ளலாம் என்று அறிவித்திருந்தாலும், (TAN) டான், (GST) ஜிஎஸ்டி போன்ற பதிவு எண்களைப் பெற்றிருந்தால் மட்டுமே பதிவு செய்து கொள்ள முடியும் என்பதையும் கவனிக்க வேண்டும்.

விவசாயி உற்பத்தி செய்யும் விளைப்பொருட்களை அவரே விற்பனை செய்ய முடியுமா!!! eNAM ஒரு பார்வை!!!

2018-06-24T11:58:00.000-07:00

விவசாயமே இந்தியப் பொருளாதாரத்தின் மிகப் பெரிய தொழிற் களமாக இன்றளவும் இருக்கிறது. இதர பொருளாதாரப் பிரிவுகளில் வேலை செய்யும் தொழிலாளர்களைவிட விவசாயம் செய்யும் தொழிலாளர்களுக்கான வருமானம் என்பது மிகவும் குறைவுதான். அதைப்போல உற்பத்தித்திறன் சார்ந்த ஏற்றத் தாழ்வு, நிலையற்ற விலையாலும், பருவநிலை மாறுதல்களால் ஏற்படும் மாற்றங்களாளும் பாதிக்கப்படுகின்றனர்.

வேளாண் குறித்த அனைத்து பிரிவுகளிலும் விவசாயிகளுக்கு சரியான தகவல் கிடைத்தல் வேண்டும். தகவல் கிடைப்பது என்பது விவசாயிக்கு புதிய தொழில்நுட்பங்கள், புதிய சந்தை வாய்ப்புகள் பற்றிய விவரங்களைத் தெரிவிப்பதாக அமைய வேண்டும். அப்படி பல்வேறு சவால்களை எதிர்கொள்வதற்காக அறிமுகப்படுத்தப்பட்ட ஒரு திட்டத்தை பற்றி தான் இன்றைய பதிவில் பார்க்க இருக்கிறோம்.

தேசிய வேளாண் சந்தை (eNAM) National Agriculture Market Portal:

வேளாண் விளைபொருட்களுக்கான சந்தை அமைப்புகள் மிகப்பெரிய ஏற்றத் தாழ்வுகளாலும் மண்டி வரி விதிப்புகளாலும் பெரிதும் பாதிக்கப்பட்டு உள்ளன. வேளாண் சந்தை எல்லா மாநிலங்களிலும் வெளிப்படையானதாகவோ ஒரே சீரானதாகவோ இருப்பதில்லை. லாபகரமான விலையை விவசாயிகள் பெறுவதற்கு இவை பெரிய தடைக்கற்களாக உள்ளன. இதனால் ஒவ்வொரு மாநிலமும் பல சந்தை பகுதிகளாக பிரிக்கப்பட்டுள்ளது. இந்த தனித்தனி பகுதிகள் வேளாண்மை தயாரிப்பு விற்பனை குழு (Agricultural Produce Marketing Committee) மூலமாக நிர்வகிக்கப்படுகிறதாம். இந்த சவால்கள் மாநில மற்றும் தேசிய மட்டத்திற்கான ஆன்லைன் வர்த்தக மேடையில் ஒரு ஒருங்கிணைந்த சந்தையை உருவாக்குவதற்கு இந்த eNAM பயன்படுகிறது.

📌National Agriculture Market eNAM: முதலில் இணையதளத்தின் மேலே வலது பக்கத்தில் மொழியை (choose language) தேர்ந்துதெடுக்க வேண்டும். (உங்களது விருப்பம்😄) Approved commodity அங்கீகரிக்கப்பட்ட பொருட்கள்

இந்த வர்த்தகத்தில் இதுவரைக்கும் 72லட்சம் விவசாயிகள் பதிவு செய்திதிருகிறார்கள். இங்கு விவசாயி என்ன என்ன பொருட்கள் விற்பனை செய்யலாம் என ஒரு 90 வகையான (Approved commodity) அங்கீகரிக்கப்பட்ட பொருட்கள் இருக்கிறது. கீழே உள்ள படத்தில் விவரங்கள் இருக்கிறது.

இரண்டாவது தமிழ்நாட்டில் எங்கெங்கு மண்டிகள் இருக்கு என்று தெரிந்து கொள்ள வேண்டும். கீழே உள்ள படத்தில் இருப்பது போல பதிவு செய்யப்பட்ட மண்டிகள் விவரங்கள் இருக்கிறது அதையும் தெரிந்து கொள்ளவேண்டும். அப்போதுதான் நமது பொருட்களை விற்பனை செய்ய எளிமையாக இருக்கும். Enrolled Mandis (பதிவுசெய்யப்பட்ட மண்டிகள்)

இப்போது என்ன என்ன பொருட்கள் விற்கலாம், எந்த எந்த மாவட்டத்தில் மண்டிகள் உள்ளதை தெரிந்து கொண்டோம். அடுத்து இந்த இணையத்தில் எப்படி பதிவு (Register) செய்வது என்று தெரிந்துகொள்வோம். இந்த லிங்க் கிளிக் செய்து அதில் Register என்பதை கிளிக் செய்தால் கீழே உள்ளது போல் ஓபன் ஆகும். அதில் பொருட்களை விற்ப்பவர் (seller) / வாங்குபவர் (Buyer) என இருக்கும் இப்படி ஒவ்வொன்றாக பூர்த்தி செய்து உங்களது வங்கி கணக்கு எண், ஆதர் எண் எல்லாவற்றையும் கொடுத்து Submit செய்தால் உங்களது மொபைல்க்கு ஒரு SMS வரும் அந்த லிங்க்கில் சென்று உங்களது பாஸ்வோர்டு கொடுத்து உறுதி செய்து கொள்ளவும்.
புதிய பதிவு (New Registeration)

இது நிரந்தரமான கணக்கு அல்ல நீங்கள் நிரந்தர கணக்கு உறுதி செய்துகொள்ள அதில் உள்ள Toll Free Number (1800 270 0224) அழைத்து உறுதி செய்யலாம் இல்லைஎன்றால் உங்களது நகரத்தில் eNAM அலுவலகத்திற்கு சென்று செய்துகொள்ளலாம். இனிமேலாவது நாம் உற்பத்தி செய்யும் விளைப்பொருட்களை நாமலே விலையை நிர்ணயம் செய்யனும்.

இதுபோலவே இ-ராஷ்ட்ரிய கிஸான் அக்ரி மண்டி e- RASHTRIYA KISAN AGRI MANDI (e-RAKAM) என்ற வசதியும் உள்ளது இதுவும் மேலே சொன்னது போல நமது விவசாய விளைப்பொருட்களை விற்கவும், வாங்கவும் முடியும். இப்படி செய்வதன் மூலம் சர்வதேச அளவில் நமது கிராமப்புற விவசாயிகள் விற்பனை வாய்ப்புகளைப் பெற வாய்ப்புள்ளது.

நமது நண்பர்கள் மனதில் நினைப்பது என்னவென்று கேட்கிறது ஏன்டா தமிழ்நாட்டில விவசாயம் செய்ய தண்ணியே இல்லயாம் இதுல நீ வேற நாம உற்பத்தி செய்யுற பொருளுக்கு நாமலே விலையை நிர்ணயம் செய்யுறதா போயி வேலைய பாருடா😄😄😄 நமக்கும் காலம் வராமலா போயிடும்!!!!.

டிஸ்கி😃: அடுத்து வரும் பதிவில் நமது மாவட்டங்களில் உள்ள மண்டிகளின் முழு விவரங்களையும் (MARKET PROFILE), குளிர்சாதன பெட்டக வசதி (COLD STORAGE) எங்கெங்கு உள்ளது பற்றியும் விரிவாக தெரிந்துகொள்வோம்.

நிலம் கையகபடுத்துதல் சட்டம் என்பது மக்களுக்கெதிரான மோசடி சட்டமா?

2014-10-27T11:50:00.000-07:00

நிலம் செல்வத்தின் தாய், உழைப்பு அதன் தந்தை” என்று வில்லியம் பெட்டி என்ற பொருளியல் அறிஞர் சொன்னதை காரல் மார்க்ஸ் தனது நூல் ஒன்றில் மேற்கோள் காட்டியிருப்பார். அதாவது இயற்கையின் கொடையான நிலமும், மனிதனின் உழைப்பும் சேரும்போதுதான் உற்பத்தி செய்யப்பட்ட செல்வம் பிறக்கிறது. ஆகவே செல்வத்தின் முக்கியமான கண்ணாக நிலம் திகழ்வதை அறியலாம்.

ஏழை மக்களிடம் இருக்கின்ற சிறு, குறு நிலத்தையும் கையகப்படுத்தி தனியார் நிறுவனங்களுக்கு தாரைவார்த்துக் கொடுக்க வேண்டியே கையகப்படுத்தப்படுகிறது. மேலும், அந்நிறுவனங்களின் தொழில் வளமைக்காக அரசே ‘பொது நோக்கத்திற்கு வேண்டி’ என்ற அடிப்படையில் பெருமளவிளான நிலங்களை கையகப்படுத்தி பெரும்பான்மை மக்களை நாடோடிகளாக மாற்றுகிறது. எனவே, உண்மையில் பொது நோக்கத்திற்காக அரசு நிலத்தைக் கையகப்படுத்தினாலும், அது பெரும்பாலும் தனியார் நிறுவனங்களின் கொள்ளை இலாப வெறிக்கு உரம் சேர்ப்பதற்காகவே செய்யப்படுகிறது. ஆக மொத்தத்தில், நிலம் கையகப்படுத்துதல் என்பதும், அதற்காக இழப்பீடு தருதல் என்பதும் மக்களைப் பொறுத்தவரையில் மிகக் கொடூரமான முறையில் அவர்களின் வாழ்வாதாரத்தைப் பறித்து உயிர் வாழும் உரிமையையே பறிக்கின்ற செயல்பாடாகும்.

தமிழகத்தில் மட்டுமல்ல, இந்தியாவின் பல்வேறு பகுதிகளில் ஏதாவதொரு காரணத்தைச் சொல்லி விவசாய நிலங்களைக் கையகப்படுத்துவது இப்பொழுது சர்வசாதாரணமாக நடந்துவருகிறது. விளைநிலங்களை வலுக்கட்டாயமாகப் பிடுங்கி, அவற்றின் மேல் கொண்டுவரப்பட்டுள்ள விரைவுச் சாலைகள், மேம்பாலங்கள், தகவல்-தொழில்நுட்பப் பூங்காக்கள், சிறப்புப் பொருளாதார மண்டலங்கள், சுரங்கங்கள், புதிய வேலியிடப்பட்ட அடுக்குமாடி குடியிருப்புகள் போன்றவற்றால் நிலத்தை இழந்த விவசாயிகளுக்கு எந்தப் பலனும் கிட்டவில்லை என்பதுதான் உண்மை!

அணுசக்தி சட்டம் 1962, தேசிய நெடுஞ்சாலைகள் சட்டம் 1956, சிறப்பு பொருளாதார மண்டல சட்டம் 2005 போன்ற 16 சட்டங்களை இந்தப் புதிய மசோதா தன் வரையரையிலிருந்து ஒதுக்கி வைக்கிறது. எனவே, சிறப்புப் பொருளாதார மண்டலச் சட்டத்தின் கீழ் நிலம் அபகரிக்கப்படுவது முன் போலவே தொடரும். இதனால் அணுசக்தித் திட்டங்களுக்காகவும், சிறப்புப் பொருளாதார மண்டலங்களுக்காகவும், நெடுஞ்சாலைகளுக்காகவும், தங்களுடைய நிலம் முறையற்று கைப்பற்றப்படுவதை எதிர்த்துப் போராடிவரும் மக்களுக்கு எந்தப் பாதுகாப்பும் கிடைக்காது.

ஏன் இந்த எரிவாயுக் குழாய் திட்டத்தையே எடுத்துக் கொள்ளுங்கள். இத்திட்டம் தொழிற்சாலைகளுக்கு எரிவாயு விநியோகிப்பதற்காகப் போடப்படுகிறது. இந்தத் திட்டத்தால் பலனடையப் போவது பெரும்பாலும் தனியார் முதலாளிகள்தான். நெடுஞ்சாலைகளில் குழாய்களைப் பதிப்பதைத் தேசிய நெடுஞ்சாலை ஆணையம் மறுக்க முடியுமென்றால், தமது விளைநிலங்களில் குழாய்கள் பதிப்பதை விவசாயிகள் மறுக்கக் கூடாதா? ஆனால், இந்த உரிமை விவசாயிகளுக்கு அநியாயமான முறையில் மறுக்கப்படுகிறது. மாறாக, பொது நோக்கத்திற்காகக் கொண்டு வரப்படும் வளர்ச்சித் திட்டங்களுக்கு விவசாயிகள் தங்கள் நிலங்களை விட்டுத் தர வேண்டும் எனக் கட்டாயப்படுத்தப்படுகிறார்கள். மறுத்துப் போராடினால், காவல், வழக்கு, சிறை போன்ற அடக்குமுறைகளைக் கட்டவிழ்த்துவிட்டு, விளைநிலங்களை வலுக்கட்டாயமாக அபகரித்துக் கொள்கிறது அரசு.

அரசியலமைப்புச் சட்டத்தில் முன்னதாக வரையறுக்கப்பட்ட குறிப்பு:
a) முன்னதாக, அரசியலமைப்புச் சட்டத்தின் பிரிவு 31(2)-ன்படி அரசு தனியார் நிலத்தை கையகப்படுத்த முனைந்தால், அதற்கு தனியே சட்டம் இயற்ற வேண்டும் என்றும் கையகப்படுத்துவது பொது நோக்கத்திற்காக இருத்தல் அவசியம் என்றும், உரிய இழப்பீடு வழங்க வேண்டும் என்றும் வரையறுக்கப்பட்டது.

b) அதன்பிறகு அரசியலமைப்புச் சட்டத்தின் 25-ஆவது திருத்தம் 1971-ல் இழப்பீடு என்ற சொல்லாடலை நீக்கி “ஒரு தொகை” வழங்கப்பட வேண்டும் என்று வரையறுத்தது. மேலும் அப்படி வழங்கப்படும் தொகை குறைவாக இருந்தாலும், அதை எந்த நீதிமன்றத்திலும் முறையிட முடியாததாக திருத்தம் செய்யப்பட்டது.

c) அதன்பின், 1978-ல் செய்யப்பட்ட 44-வது திருத்தம் அரசியல் அமைப்புச் சட்டத்தின் பிரிவுகள் 31(2) மற்றும் 19 (1) (க) போன்றவற்றை நீக்கிவிட்டு, அரசு பொது நலனுக்காக கையகப்படுத்தும் நிலங்களுக்கு நில உரிமையாளருக்கு இழப்பீடு தர வேண்டிய அவசியம் இல்லை என்று திருத்தப்பட்டது.

வளர்ச்சி திட்டங்கள்:

a) அனைத்து துறைகளின் வளர்ச்சிக்கும் மின்சாரம் ஆதாரமாகத் திகழ்கிறது. மின் துறையில் மட்டும் ரூ.7.14 லட்சம் கோடி மதிப்பில் 136 திட்டங்கள் நிறுத்தி வைக்கப்பட்டுள்ளன. அடுத்தபடியாக உருக்கு துறையில் 25 திட்டங்கள் (ரூ.3.36 லட்சம் கோடி) நிறைவேற்றப்பட முடியாத நிலையில் உள்ளன.

b) எண்ணெய் மற்றும் எரிவாயு துறையில் நிறுத்தி வைக்கப்பட்டுள்ள விரிவாக்க திட்டங்களின் மதிப்பு ரூ.2.08 லட்சம் கோடியாகும். இதில், கெய்ரன் இந்தியா (ரூ.28,000 கோடி) மற்றும் இந்தியன் ஆயில் கார்ப்பரேஷன் (ரூ.29,777 கோடி) ஆகிய நிறுவனங்களின் திட்டங்களும் அடங்கும்.

c) கடந்த 2005–06–ஆம் நிதி ஆண்டில் உருக்குத் துறையில் ஆர்செலர் மிட்டல் மற்றும் போஸ்கோ ஆகிய நிறுவனங்கள் ரூ.1 லட்சம் கோடிக்கும் அதிகமாக முதலீடு செய்ய திட்டமிட்டிருந்தன. நிலம் கையகப்படுத்துதலில் ஏற்பட்ட பிரச்சினையால் மேற்கண்ட திட்டங்கள் நிறைவேற்றப்படவில்லை. இந்த திட்டங்களையும் சேர்த்தால் நிறுத்தி வைக்கப்பட்ட திட்டங்கள் மதிப்பு மேலும் உயரும்.

d) இவ்வாறு திட்டங்கள் முடங்குவதால் நாட்டின் உற்பத்தி துறையில் பாதிப்பு ஏற்பட்டு பொருளாதார வளர்ச்சி குறையும். சென்ற நிதி ஆண்டில் உற்பத்தி துறையில் 1 சதவீதம் மட்டுமே வளர்ச்சி ஏற்பட்டது. இதன் காரணமாக அந்த நிதி ஆண்டில் 10 ஆண்டுகளில் இல்லாத அளவிற்கு பொருளாதார வளர்ச்சி 5 சதவீதமாக குறைந்தது.

e) உற்பத்தி துறையின் பின்னடைவால் வெளிநாடுகளிலிருந்து கிடைக்கும் ஆர்டர்களுக்கான பொருள்களை உரிய நேரத்தில் டெலிவரி செய்ய முடியாது. இதன் காரணமாக ஏற்றுமதி குறையும். சென்ற நிதி ஆண்டில் நடப்பு கணக்கு பற்றாக்குறை 8,800 கோடி டாலராக உயர்ந்துள்ள நிலையில், மத்திய அரசுக்கு இது சவாலாக உள்ளது.

இவ்வாறாக அனுமதி பெறுவதில் ஏற்படும் கால தாமதம், நிலம் கையகப்படுத்துதல், சுற்றுச்சூழல் பாதுகாப்பு உள்ளிட்ட பல்வேறு பிரச்சினைகளால் ரூ.15 லட்சம் கோடி மதிப்பிலான 319 தொழில்துறை திட்டங்கள் முடங்கியுள்ளன. பிரதம மந்திரியின் திட்ட கண்காணிப்பு குழு வெளியிட்டுள்ள புள்ளி விவரம் வாயிலாக இது தெரிய வந்துள்ளது. இதனால் அதிக இலாபம் ஈட்ட முடியவில்லையே என்று மத்தியில் ஆள்பவர்கள் மிகவும் வருத்தத்தில் உள்ளார்களாம்.

நந்திகிராம், சிங்கூர் டாடா நானோ தொழிற்சாலை, ஒரிசா பாஸ்கோ தொழிற்சாலை, ரிலையன்ஸ் நிறுவனம் அமைக்கவிருந்த சிறப்புப் பொருளாதார மண்டலம் ஆகியவற்றுக்கு எதிரான போராட்டங்கள்:

a) மேற்கு வங்க மாநிலம் சிங்கூரில் டாடாவின் நானோ தொழிற்சாலைக்காக சுமார் 1000 ஏக்கர் விவசாய நிலம் கையகப்படுத்தப்பட்டது. இதில் சுமார் 400 ஏக்கர் நிலம் விவசாயிகளின் எதிர்ப்பை மீறி கையகப்படுத்தப்பட்டது. திரிணாமுல் காங்கிரஸ் தலைவர் மம்தா நடத்திய போராட்டம் காரணமாக நானோ தொழிற்சாலை குஜராத்துக்கு மாறியது. உண்மையில் டாடாவிடம் இப்போதும் அந்த 900 ப்ளஸ் ஏக்கர் நிலம் அப்படியேதான் உள்ளது. காரணம் அந்த நிலங்களுக்கு இன்று வரை குத்தகை செலுத்தியுள்ளது டாடா நிறுவனம். எதிர்காலத்தில் வேறு திட்டங்களுக்கு அவற்றைப் பயன்படுத்தப் போவதாகவும் டாடா கூறியுள்ளது. இந்த நிலத்தை டாடாவிடமிருந்து வாங்கி ரெயில்வேக்கு தரவேண்டும் மம்தா கூறிவந்ததும், அதற்கு மேற்கு வங்க அரசு ஒப்புதல் தெரிவித்ததும் நினைவிருக்கலாம்.

b) தமிழ்நாட்டில் 1990-ல் ஆட்சி செய்த அரசு சென்னையையடுத்து ஃபோர்டு கார் கம்பெனியை நிறுவுவதற்காக, 400 ஏக்கருக்கும் மேற்பட்ட விவசாய நிலங்களை வலுக்கட்டாயமாக பறித்துக் கொடுத்தவர்தான்

c) POHANG STEEL COMPANY (POSCO) என்பதுதான் இதன் சுருக்கம். சுதந்திரம் அடைந்து 60 ஆண்டுகளுக்கு பின்னால் 21 இரும்பு தொழிற்சாலைகளால் 13.5 மில்லியன் டன் இரும்பை மட்டுமே உற்பத்தி செய்ய முடிகிற நிலையில், ஒரு தனி தொழிற்சாலை எவ்வாறு ஆறு வருடங்களில் 12 மில்லியன் டன் இரும்பை உற்பத்தி செய்ய முடியும்? என்ற கேள்வி எல்லோரடைய மனதில் அப்போது இருந்தது.

d) ரிலையன்ஸ் நிறுவனம் அமைக்கவிருந்த சிறப்புப் பொருளாதார மண்டலத்தை ரத்து செய்வதாக அறிவித்துள்ளது மராட்டிய அரசு. இந்த நிலங்களை விவசாயிகள் இனி தாராளமாகப் பயன்படுத்திக் கொள்ளலாம் என மராட்டிய அரசு அறிவித்துள்ளது. மும்பையில் 35,000 ஏக்கர் பரப்பளவில் சிறப்புப் பொருளாதார மண்டம் அமைக்க ரிலையன்ஸ் நிறுவனத்துக்கு மராட்டிய அரசு அனுமதியளித்திருந்தது. 45 கிராமங்கள் இந்த பரப்பளவுக்குள் வந்தன. 2009-ம் ஆண்டுக்குள் இந்தத் திட்டம் நிறைவேற்றப்பட வேண்டும் என நிபந்தனையும் விதிக்கப்பட்டிருந்தது. ஆனால் 2009-டிசம்பர் 31-ம் தேதி வரை இந்தப் பணிகளில் எந்த முன்னேற்றமும் இல்லை. கொடுக்கப்பட்ட அவகாசத்துக்குள் திட்டம் நிறைவு பெறாததால் இந்தத் திட்டத்தை ரத்து செய்வதாகவும், இனி விவசாயிகள் தங்கள் நிலங்களை விருப்பபப்படி பயன்படுத்திக் கொள்ளலாம் என்றும் அறிவிக்கப்பட்டுள்ளது. விவசாயிகளிடம் இந்த திட்டம் குறித்து ஒரு பொது வாக்கெடுப்பு நடத்தியது அரசு. அதிலும் ரிலையன்ஸ் சிறப்புப் பொருளாதார மண்டலம் வேண்டாம் என்றே மக்கள் தீர்ப்பளித்திருந்தனர். இந்த அறிவிப்பு விவசாயிகள் மத்தியில் மகிழ்ச்சியை ஏற்படுத்தியது.

மேலும் இந்த மசோதா நிலத்திற்கான இழப்பீடு பெற சரியான ஆவணங்களை வைத்திருக்க வலியுறுத்துகிறது. அப்படி இல்லாதபட்சத்தில் நிலத்திற்கான இழப்பீட்டை அவர்கள் கோரமுடியாது. நம் நாட்டில் கொஞ்சம் நிலம் வைத்திருப்போர் ஆவணங்களை சரியான முறையில் பராமரிப்பது இல்லை. ஏராளமானவர்கள் வெறுமனே அனுபவ அடிப்படையில்தான் நிலங்களை உரிமையாக்கியுள்ளனர். இத்தகையோருக்கு இழப்பீடு பெறுவதும் குதிரைக்கொம்பாகி விடும்.

நிலத்தைக் கையகப்படுத்த ஒரு தனி நபர் ஒப்புக்கொள்ள மறுத்தாலும் கூட அதை ஏற்றுக்கொண்டு அவருக்கிருக்கின்ற உரிமையை அங்கீகரிப்பதுதான் அரசின் நிலைப்பாடாக இருக்க வேண்டும். இந்த நில அபகரிப்புக்கு எதிராக விவசாயிகள் ஒரு நீண்ட நெடிய போராட்டத்தை நடத்த வேண்டியிருக்கிறது. இந்த நெடிய போராட்டத்தில் சிங்குரிலும், நந்திகிராமிலும், நியம்கிரியிலும், தமிழகத்தின் மேற்கு மாவட்டங்களிலும் விவசாயிகளுக்குக் கிடைத்துள்ள வெற்றிகள் முக்கியமானவை என்ற போதும், அவற்றை தற்காலிகமான வெற்றியே தவிர, இறுதி வெற்றியாகக் கொள்ள முடியாது. உழுபவனுக்கே நிலம் சொந்தம் என்று ஒரு காலத்தில் உரிமைக் குரல் கொடுத்தோம். இந்தச் சட்டத்தில் மாற்றங்கள் கொண்டு வந்து விவசாயிகளைப் பாதுகாக்க வேண்டும் என்று வேண்டுகிறோம்.

குறிப்பு: மேலே குறிப்பிட்டுள்ள சில முக்கியமான குறிப்புகள் அதாவது வளர்ச்சி திட்டங்கள், போராட்டங்கள் ஆகியவை அவ்வபோது செய்திதாள்களில் படித்தது. அதனால் முக்கியாமானவற்றை குறிப்பிட்டுள்ளேன்.

நன்றியுடன்

- P.இராஜா

நியாயமான இழப்பீடு உரிமை-வெளிப்படையான நிலம் கையகப்படுத்தல், மறுவாழ்வு மற்றும் மறுஒப்பந்த சட்டம்

2014-05-11T10:19:00.000-07:00

நிலம் கையகப்படுத்துதல் தொடர்பாக 1894-ம் ஆண்டு ஆங்கிலேயர் ஆட்சியின்போது கொண்டு வரப்பட்ட சட்டம்தான் இன்று வரை அமலில் இருந்து வருகிறது. இந்த சட்டத்தில் நிலம் கையகப்படுத்துதலால் பாதிப்புக்கு ஆளாவோரின் மறுகுடியமர்வு தொடர்பாக ஏதும் குறிப்பிடப்படவில்லை
என்றும் உள்கட்டமைப்புத் திட்டங்கள், தொழில் திட்டங்களில் பல நிலம் கையகப்படுத்துவதில் உள்ள சிக்கலால் நின்று போய்விடுகின்றன. இதை தவிர்க்க 119 ஆண்டுகளுக்கு முந்தைய நில கையகப்படுத்தும் சட்டத்தில் மாற்றம் கொண்டு வந்தது மத்திய அரசு. இந்த மசோதாவுக்கு நியாயமான இழப்பீடு உரிமை-வெளிப்படையான நிலம் கையகப்படுத்தல், மறுவாழ்வு மற்றும் மறுஒப்பந்த சட்டம்' (Right to Fair Compensation and Transparency in Land Acquisition, Rehabilitation and Resettlement Bill) என்று பெயரிடப்படுள்ளது.

நிலம் கையகப்படுத்துதல் மசோதா என்று மத்திய காங்கிரஸ் கூட்டணி அரசு இது தொடர்பாக புதிதாக ஒரு சட்டத்தை இயற்றி பாராளுமன்றத்தில் நிறைவேற்றியது. இதற்கு ஜனாதிபதி பிரணாப் முகர்ஜி 27.8.13-ந்தேதி ஒப்புதல் வழங்கி விட்டார். ஏற்கனவே, 2007-ஆம் ஆண்டிலும், 07-09-2011 ஆம் ஆண்டிலும் மக்களவையில் அறிமுகம் செய்யப்பட்டு நிறைவேற்றப்படாமல் நிலுவையில் இருந்து வந்தது இச்சட்டம். இப்போது புதிய திருத்தங்களுடன் மக்களவையில் நிறைவேற்றப்பட்டுள்ளது என்பது குறிப்பிடத்தக்கது.

மத்திய அரசு இந்த புதிய சட்டத்தை ஜனவரி 1,2014 முதல் அமல்படுத்த முடிவு எடுத்துள்ளதால், மாநில அளவிலான நிலம் கையகப்படுத்துதல் மறுவாழ்வு மறு குடியமர்த்தல் ஆணையம் உள்ளிட்ட 6 உள் கட்டமைப்புகளை ஏற்படுத்த வேண்டிய தேவை ஏற்பட்டுள்ளது. நிலம் கையகப்படுத்துதல் தொடர்பாக எழுகின்ற பிரச்சினைகளை இந்த ஆணையம் கையாளும் எனவும் தெரிவித்தது.

இந்த நிலம் கையகப்படுத்தும் மசோதாவிற்குப் பெயர்தான் கவர்ச்சிகரமாகச் சூட்டப்பட்டுள்ளதே தவிர, அதற்கும் பிரிட்டிஷ் ஆட்சிக் காலத்தில், 119 ஆண்டுகளுக்கு முன்பு கொண்டுவரப்பட்டு தற்போது வரை நடைமுறையில் இருந்துவரும் பழைய சட்டத்திற்கும் அடிப்படையில் எவ்வித வேறுபாடும் இல்லை. நியாயமான இழப்பீடு உரிமை-வெளிப்படையான நிலம் கையகப்படுத்தல், மறுவாழ்வு மற்றும் மறுஒப்பந்த சட்டம்' (Right to Fair Compensation and Transparency in Land Acquisition, Rehabilitation and Resettlement Bill) என்ற இப்புதிய மசோதா, நஷ்ட ஈட்டைக் கொஞ்சம் கூட்டிக் கொடுத்து விவசாயிகளிடமிருந்து நிலத்தை அபகரித்துக் கொள்வதைத்தான் இச்சட்டத்தில் உள்ளது.

நிலம் கையகப்படுத்துதல் என்றால் என்ன? நிலத்தை எப்படி கையகப்படுத்துகிறார்கள்? வழிமுறைகள் என்ன? என்ன என்பதை தெரிந்து கொள்ள இதற்கு முந்தைய பதிவை படிக்கவும். இப்போது இந்த மசோதாவில் பாதிக்கப்படும் மக்களுக்கு அவர்கள் குறிப்பிட்டுள்ள முக்கிய அம்சங்களையும் இழப்பீடு பற்றி கூறியுள்ளதை பார்போம்.

எவ்வளவு இழப்பீடு கிடைக்கும்?

கையகப்படுத்தும் நிலத்துக்கு நியாயமான இழப்பீட்டை 2 ஆண்டுகளுக்குள் கொடுக்கவேண்டும். இந்த மசோதா நிறைவேறினால் தனியார் நிலத்தை, அரசு கையகப்படுத்தும்போது, ஊரகப் பகுதியில் நிலத்தின் மதிப்பில் 4 மடங்கும், நகர்ப்பகுதியில் 2 மடங்கும் இழப்பீடு கிடைக்கும். 66% பேர் ஒப்புதல் இருந்தால்தான் நிலத்தை எடுக்க முடியும் நிலம் தருவோரில் 66% பேரின் ஒப்புதல் இருந்தால்தான் அவற்றை கையகப்படுத்த முடியும்.

விளைநிலைத்துக்கு தடை!

இம்மசோதா நிறைவேறினால் நீர்ப்பாசனம் மிக்க பயிர் சாகுபடி செய்யும் நிலம் மற்றும் விவசாய நிலத்தைக் கையகப்படுத்த அனுமதிக்காது ஆனால். பொதுத் திட்டத்துக்காக ஆயிரக்கணக்கான ஏக்கர் நிலம் கையகப்படுத்தப்படும் போது அருகில் உள்ள விவசாய நிலம் எனில் அதையும் கையகப்படுத்த வகை செய்கிறது.

முக்கிய அம்சங்கள்:

நிலம் கையகப்படுத்தும் மசோதாவில் இடம் பெற்றுள்ள முக்கிய அம்சங்கள் வருமாறு:

* கையகப்படுத்தும் நிலத்துக்கு நியாயமான இழப்பீட்டை விவசாயிகளுக்கு அளிக்க வேண்டும்.

* பொது நோக்கத்துக்காக நிலத்தை கையகப்படுத்தும்போது அதற்கான சந்தை மதிப்பில் நான்கு மடங்குத் தொகையை ஊரகப் பகுதியிலும், இரண்டு மடங்குத் தொகையை நகர்ப் பகுதியிலும் வழங்க வேண்டும்.

* அரசும் தனியார் நிறுவனமும் இணைந்த திட்டங்களாக இருந்தால், நில உரிமையாளர்களில் 80 சதவீதம் பேரின் சம்மதம் பெற்றிருக்க வேண்டும். தனியார் மட்டுமே செயல்படுத்தும் திட்டங்களுக்காக நிலம் கையகப்படுத்தப்பட்டால் 70 சதவீதம் பேரின் சம்மதம் பெற்றால்தான் நிலத்தைக் கையகப்படுத்த முடியும். என்பது குறிப்பிடத்தக்கது. ஆனால் திட்டங்களில் அதிக எண்ணிக்கையில் இருக்கும் பொதுத் துறை உள்கட்டுமானத் திட்டங்களுக்கு எந்த ஒப்புதலும் முன்கூட்டிப் பெற வேண்டிய அவசியம் இல்லையாம்.

* மறு குடியேற்றத்துக்கான ஏற்பாடும், இழப்பீடும் வழங்கப்பட்ட பின்னர்தான் நிலம் கையகப்படுத்தும் பகுதியில் வசிப்போர் அங்கிருந்து வெளியேற்றப்படுவர்.

* விவசாயப் பகுதிகளில் நிலம் கையகப்படுத்தும்போது, வேளாண்மைக்கு பாதிப்பு ஏற்படாத வகையில் மாநில அரசுகள் கட்டுப்பாடு விதிக்க முடியும்.

* எதற்காக நிலம் கையகப்படுத்தப்பட்டதோ, அந்தத் திட்டம் நிறைவேற்றப்படாமல் இருந்தால், சம்பந்தப்பட்ட உரிமையாளருக்கு நிலத்தை மாநில அரசுகள் திருப்பி அளிக்கலாம்.

* இச்சட்டத்தின் படி, குறைந்தபட்சம் 12 மாதத்திற்கு முன்பாக நிலம் கையகப்படுத்துவதின் தேவையை தெரிவிக்கும் அறிவிப்பு வெளியிட வேண்டும். இச்சட்டத்தின் படி நிலம் கையகப்படுத்தும் காரணத்தையும் அதன் தேவையையும் 12 மாதங்களுக்கு முன்பாக நில உரிமையாளருக்கு தெரிவிக்க வேண்டும்.

இவை அனைத்தும் தான் இந்த மசோதாவில் இடம்பெற்றுள்ள முக்கிய அம்சங்களாகும். இப்படி பல விதிமுறைகள் கோட்பாடுகள் நிறைந்திருந்தாலும் தங்களுடைய நிலங்கள் அபகரிக்கப்படுவதை எதிர்த்துப் போராடுவதற்காக, முழு கிராமங்களும், சமூகங்களும், ஆண்கள், பெண்கள், சிறுவர்கள் என பாதிக்கப்பட்ட மக்கள் அனைவரும் வீதிகளில் இறங்கி வருகிறார்கள் என்பது கடந்த கால அனுபவம் ஆகும். இதன் விளைவாக இப்படி நிலம் கைப்பற்றப்படுவதற்கு எதிரான போராட்டமானது, நாட்டில் நடைபெறும் மிகக் கடுமையான போராட்டங்களில் ஒன்றாக இருந்து வருகிறது. பெருகி வருகின்ற மக்கள் தொகைக்குப் போதுமான உணவை உறுதி செய்யவும் கிராமப்புற மக்களுடைய வாழ்க்கைத் தரம் நிலையாக உயர்வதை உறுதி செய்யவும், வேளாண்மை ஒரு பக்கமும், தொழில்களும் சேவைகளும் மறு பக்கமும் வளர்ச்சி பெறும் தேவையையும் இந்த மசோதா முழுவதுமாக புறக்கணிக்கிறது. முதலாளித்துவ ஏகபோகங்கள் அதிகபட்ச இலாபம் ஈட்டுவதற்காக அவர்களுக்குத் தேவையான நிலங்களைக் கைப்பற்றுவதை உறுதி செய்வதே இந்தப் புதிய மசோதாவின் பின்னணியில் உள்ள நோக்கம் என கருதுகிறேன்.

முன்னதாக, அரசியலமைப்புச் சட்டத்தில் நிலம் கையகப்படுத்துதல் எவ்வாறு வரையறுக்கப்பட்டது என்பதையும், மேற்கு வங்கம் நந்திகிராம், சிங்கூர் டாடா நானோ தொழிற்சாலை, ஒரிசா பாஸ்கோ தொழிற்சாலை ஆகியவற்றுக்கு எதிரான போராட்டங்கள் பற்றியும், இதனால் என்னென்ன திட்டங்கள் முடங்கி கிடக்கிறது என்பதையும் அடுத்த பதிவில் பார்போம். மறந்து கொண்டே இருப்பது மக்களின் இயல்பு அவ்வப்போது அதை நினைவுபடுத்தித் கொண்டே இருப்பது நம்மை போன்றவர்களுடைய கடமை...நீங்கள் உங்கள் கடமையை ஆற்றி செல்லுங்கள் தோழர்களே...

நன்றியுடன்

- P.இராஜா

நிலம் கையகப்படுத்துதல் என்றால் என்ன? நிலத்தை எப்படி கையகப்படுத்துகிறார்கள்? வழிமுறைகள் என்ன?

2013-10-24T21:46:00.003-07:00

இந்தியாவின் நிலம் கையகப்படுத்துதல், புனர்வாழ்வு மற்றும் மீள்குடியேற்றச் சட்டம் (Land Acquisition and Rehabilitation and Resettlement Bill) என்று அறிமுகப்படுத்தப்பட்டது. இச்சட்டம் ஒரு நிலத்தை எப்படி கையப்படுத்த வேண்டும் என்பது, அதன் வரையறை, கையப்படுத்துவதற்கான இழப்பீட்டுத் தொகை நிர்ணயம் ஆகியவற்றை விளக்குகிறது.

சட்டம் பற்றிய முன்னுரை:

பொது உபயோகம் மற்றும் தனியார் நிறுவன பயன்பாட்டிற்காக தனியார் நிலங்களை, பயன்பாடு மற்றும் அதன் மூலம் கிடைக்கும் வருவாய் இழப்பிற்கு தகுந்த இழப்பீடு வழங்கியபின், அரசு கையகபடுத்தலாம். இவ்வாறு அரசால் நிலம் கையகபடுத்துதல் தொடர்பான சட்டங்கள், நிலம் கையகபடுத்துதல் சட்டம்,1984 என அழைக்கப்படுகிறது.

சட்டம் பற்றிய விரிவான தகவல்கள்:

1. முதல் அறிக்கை:

நிலம் மற்றும் சொத்துகளை பொது மக்களிடமிருந்து கையகப்படுத்தும் முன், அவ்வாறு கையகபடுதுவதற்கு தனக்குள்ள ஆர்வம பற்றி அரசாங்கம் கீழ்க்கண்டவற்றில் அறிவிக்க வேண்டும்.

அ. அரசிதழ் ஆணை

ஆ. இரண்டு உள்ளூர் நாளிதழ்கள், அவற்றுள் ஓன்று வட்டார மொழியில் இருக்க வேண்டும்.

இ. நிலம் அமைந்துள்ள பகுதியில், பொதுமக்களுக்கு வசதியான இடங்களில் அறிவிக்கை.

இத்தகைய அறிவிப்புகளில் கடைசியாக வெளியிடப்பட்ட அறிக்கை வெளியான நாள், அறிவிக்கை நாளாக கருதப்படும். அறிக்கை வெளியான நாளன்று நிலம் மற்றும் சொத்தின் சந்தை விலையின் அடிப்படையில் நில உரிமையாளருக்கு இழப்பீடு வழங்கப்பட வேண்டும்.

2. ஆட்சேபணைகளை விசாரணை செய்தல்:

அறிவிக்கப்பட்ட நிலம் மற்றும் சொத்தில் ஆர்வமுடைய அல்லது சம்பந்தப்பட்ட அனைவரும் அறிவிப்பு வெளியான நாளிலிருந்து 30 நாட்களுக்குள் தங்கள் ஆட்சேபணைகளை மாவட்ட ஆட்சியரிடம் தெரிவிக்க வேண்டும்.

நிலம் கையகபடுத்துவதில் பொது நல நோக்கம் இல்லாதது, தேவைக்கு மேல் அதிக நிலம் கையகபடுத்துவது, கையகபடுத்தும் இடம் வரலாற்று முக்கியத்துவம் வாய்ந்தது அல்லது அந்த இடத்தில பொது மக்கள் பயன்பாடு, வழிபாட்டுத்தலம், சமாதிகள் அல்லது மயானங்கள் இருப்பது போன்ற காரணங்களுக்காக நிலம் கையகபடுதுத்வதற்க்கு

ஆட்சேபணை தெரிவிக்கலாம்.

இந்த கட்டத்தில், அறிவிக்கப்பட்ட இடத்திற்க்கு பதில் வேறு மாற்று இடத்தை கையகபடுத்துமாறு மாவட்ட ஆட்சியருக்கு ஆலோசனைகள் கூறலாம். அத்தகைய ஆலோசனைகளுக்கு மதிபளிக்கவிட்டால் மாவட்ட ஆட்சியர் தன்னிச்சையாக முடிவெடுத்ததாக உயர் மன்றத்தில் வாதாடலாம்.

அறிவிக்கைக்கெதிராக ஆட்சேபணை தெரிவித்தோரின் கருத்துகளை மாவட்ட ஆட்சியர் கண்டிப்பாக கேட்க வேண்டும். எனினும் அவசர நேரங்களில் அவ்வாறு அவர் கேட்பதை தவிர்க்கலாம்.

3. கையகபடுத்தும் முடிவை அறிவித்தல்:

கையகபடுத்தும் முடிவை அரசாங்கம் கீழ்க்கண்டவற்றில் மீண்டும் ஒரு முறை அறிவிக்க வேண்டும்

அ. அரசிதழ் ஆணை

இ. நிலம் அமைந்துள்ள பகுதியில், இந்த அறிக்கை அறிவிப்பு வெளியான நாளில் இருந்து 1 வருடத்திற்குள்செய்யப்பட வேண்டும். இதில் கையகபடுத்தப்படும் நிலம் இருக்குமிடம் மற்றும் நிலத்தினை கையகபடுத்தபடும் நோக்கம் ஆகியவற்றை தெளிவாக குறிப்பிடபடவேண்டும்.

4. சம்பந்தபட்ட அனைவருக்கும் அறிவிப்பு கொடுத்தல்:

கையகபடுத்தபடும் நிலத்தில் அல்லது அதன் அருகே மாவட்ட ஆட்சியரால் பொது அறிவிப்பு செய்யப்பட வேண்டும். இழப்பீடு கோருதல் மற்றும் அளவைகளில் உள்ள ஆட்சேபணைகளை

தன்னிடம் குறிப்பிட்ட தேதியில் தெரிவிக்குமாறு, அந்த நிலத்தை பயன்படுத்தும் மற்றும் சம்பந்தபட்ட அனைவருக்கும் தனித்தனியே அறிவிப்பு அனுப்ப வேண்டும். அறிவிப்பு அளித்தபின், கோரிக்கைகளை தெரிவிக்க 15 நாட்கள் கால அவகாசம் தர வேண்டும்

5. மாவட்ட ஆட்சியரின் உறுதி:

சம்பந்தபட்டவர்களின் கோரிக்கைகளை கேட்ட பின் கையகபடுத்தபடும் நிலத்தின் அளவு மற்றும் அதற்கான இழப்பீடு ஆகியவற்றை தெரிவித்து மாவட்ட ஆட்சியரால் உறுதி அளிக்கப்படும். உறுதி அறிக்கை, முதல் அறிவிப்பு வெளியான நாளிலிருந்து 2 வருடத்திற்குள் செய்யப்பட வேண்டும்.

சந்தை மதிப்பு, சந்தை மதிப்பிற்கான 12% விகிதத்தில் கணக்கிடப் பட்ட வட்டி மற்றும் சந்தை மதிப்பின் 30% மதிப்பில் ( கட்டாய கையகப்படுத்துதலுக்கான ஆறுதல் ) ஆறுதல் தொகை ஆகியவை இழப்பீடாக வழங்கப்படும்.

தீர்வுக்கான வழிமுறைகள்:

எந்த சட்டபிரிவுகளின் கீழ் புகார் செய்யலாம்?

சட்டபிரிவு 4: முதல் அறிக்கை

சட்டபிரிவு 6: கையகபடுத்தும் முடிவை அறிவித்தல்:

சட்டபிரிவு 11: விசாரணைகள் மற்றும் மாவட்ட ஆட்சியரின் உறுதி

சட்டபிரிவு 18: நீதிமன்றத்திற்கு பரிந்துரை

சட்டபிரிவு 28A: இழப்பீட்டை மறுமதிப்பீடு செய்தல்

யாரிடம்/எப்போது புகார் செய்யலாம்?

மாவட்ட ஆட்சியரின் முடிவில் சம்பந்தப்பட்டவர்கள் திருப்தியடையாவிட்டால், நீதிமன்றத்திற்கு வழக்கை பரிந்துரை செய்யுமாறு அவர்கள் மாவட்ட ஆசியரை கோரலாம்.

வழக்கை எவ்வாறு பதிவு செய்வது?

சம்பந்தப்பட்டவர்களின் கோரிக்கை அடிப்படையில், ஆட்சியர் வழக்கை மாவட்ட நீதிமன்றத்திற்கு பரிந்துரைப்பர். இதற்கு நீதிமன்ற கட்டணங்கள் செலுத்த தேவையில்லை. இழப்பீட்டை அதிகரித்தோ, அளவீடு மற்றும் பாகபடுதுத்தல் தொடர்பான ஆட்சியரின் உறுதியை மாற்றியோ நீதிமன்றம் தீர்ப்பளிகலாம். என்னினும் இழப்பீட்டு அளவை நீதிமன்றம் குறைக்க முடியாது.

அடுத்தகட்ட நடவடிக்கைகள்:

இழப்பீட்டு தொகையை அதிகரித்து நீதிமன்றம் ஆணையிட்டால் மறுமதிப்பீடு செய்யக் கோரி சம்பந்தப்பட்டவர் ஆட்சியரிடம் மனு அளிக்கலாம். மாவட்ட நீதிமன்ற தீர்ப்பை எதிர்த்து, தீர்பளித்த நாளிலிருந்து 90 நாட்களுக்குள் உயர் நீதிமன்றத்தில் மேல் முறையீடு செய்யலாம். உயர் நீதிமன்ற தீர்ப்பை எதிர்த்து 60 நாட்களுக்குள் உச்ச நீதிமன்றத்தில் மேல் முறையீடு செய்யலாம்.

மாற்று வழிமுறைகள்:

இந்த சட்டத்தின் கீழ் மாற்று வழிமுறைகள் இல்லை என்று இருந்தது.

ஆனால் தற்போது நிலம் கையகப்படுத்துதல் மசோதா என்று மத்திய காங்கிரஸ் கூட்டணி அரசு இது தொடர்பாக புதிதாக ஒரு சட்டத்தை இயற்றி பாராளுமன்றத்தில் நிறைவேற்றியது. இதற்கு ஜனாதிபதி பிரணாப் முகர்ஜி கடந்த மாதம் 27.8.13-ந்தேதி ஒப்புதல் வழங்கி விட்டார். மசோதா பற்றியும், இது பற்றிய தகவல்கள் என்ன என்பதையும் அடுத்த பதிவில் விரிவாக பார்க்கலாம்.

நன்றியுடன்

- P.இராஜா

காசுக்காக தனது சேவையை தாரை வார்த்த (State Bank Of India) பாரத ஸ்டேட் பாங்க்!!

2013-10-03T09:59:00.000-07:00

கோயம்புத்தூரில் உள்ள ஒரு பிரதான கிளை பாரத ஸ்டேட் பாங்க் வங்கியில் தனது உறவினர் பையனுக்கு பணம் போடுவதற்காக வங்கிக்கு சென்றிருந்தேன் பணம் கட்டும் செல்லானை எடுக்க முயன்றபோது அருகில் செக்யூரிட்டி ஏம்பா தம்பி வங்கியில் எவ்வளவு பணம் செலுத்த போகிறாய் என்று கேட்டார் நானும் 3500 ரூபாய் என்று சொன்னேன். அதற்கு உடனே இந்த கிளையில் உங்களுக்கு Account இருக்கா என்று கேட்டார்
நானும் இல்லை என்று சொன்னேன் உடனே அவர் அப்போ நீங்க இங்க பணம் போடமுடியாது என்று கூறினார். உடனே ஏன் என்று கேட்டேன் அதற்கு அவர் இந்த வங்கியில் பணம் போட வேண்டுமென்றால் இந்த கிளையில் உங்களுக்கு Account இருக்க வேண்டும் இல்லை என்றால் 10000 ரூபாய்க்கு மேல் தான் பணம் போட முடியும் என்றார். குறைவாக இருந்தால் எங்கு சென்று போட வேண்டும் என்று கேட்டேன் அதற்கு அவர் வெளியில் பாரத ஸ்டேட் பாங்க் வாடிக்கையாளர் சேவை மையம் இருக்கிறது அங்கு சென்றுதான் போட வேண்டும் என்று சொன்னார் நான் கூட வேலை சுலபமாக முடியதான் இப்படி ஆரம்பித்துள்ளார்கள் என்று நம்பி அங்கு சென்றேன்.அப்போது அங்கு நடந்த கொடுமையான செயலை பற்றித் தான் இன்றைய பதிவு.

வாடிக்கையாளர் சேவை மையத்திற்கு உள்ளே சென்று அங்கு இருந்த ஒரு பெண் அலுவலரிடம் பணம் போட வேண்டும் என்று சொன்னேன் அதற்கு எவ்வளவு அமௌன்ட் என்று கேட்டார்கள் 3500 ருபாய் என்று சொன்னேன். உடனே அவர்கள் 70 ருபாய் எக்ஸ்ட்ரா செலுத்த வேண்டும் என்றார்கள் 70 ருபாய்யாயா எதற்கு என்று கேட்டபோது Transfer charges என்று கூறினார்கள். நான் உடனே வங்கியில் அப்படி ஒன்றும் கேட்பதில்லையே என்று சொன்னேன். அதற்கு இனிமேல் 10000-க்கும் குறைவாக இருந்தால் இது போன்ற வாடிக்கையாளர் சேவை மையத்தில் தான் நீங்கள் பணம் செலுத்த முடியும் என்று கூறினார்கள். உடனே எப்படி 70 ருபாய் கேட்கிறீர்கள் என்று கேட்டேன் அதற்கு அங்கு ஒட்டியிருக்கும் பேப்பரில் பார்த்து தெரிந்து கொள்ளுங்கள்.

ஒன்றும் புரியலையே என்று சொன்னேன் அதற்கு பாரத ஸ்டேட் பாங்க் என்றால் நீங்கள் கட்டும் அமௌன்ட்-ல் 2% என்று கூறினார்கள். உடனே அந்த அலுவலர் நீங்கள் மற்ற வங்கிக்கு கூட நீங்கள் இங்கயே பணம் செலுத்தலாம் என்று சொன்னார் அதற்கு எவ்வளவு என்று கேட்டேன் மற்ற வங்கிகளுக்கு எல்லாம் 1% தான் என்று சொன்னார்கள். எதற்கு ஸ்டேட் பாங்க்கிற்கு மட்டும் 2% என்று கேட்டேன் அதற்கு இது ஸ்டேட் பாங்க் பிக்ஸ் செய்து விட்டது என்று சொன்னார்கள். இதில் எந்தெந்த வங்கிக்கு எல்லாம் பணம் செலுத்த முடியும் என்று கேட்டதற்கு உங்கள் pay slip-ல் பின்னாடி இருக்கும் என்றார்கள். இதில் HDFC, Indian Overseas Bank என்ற இரண்டு வங்கியும் சேராதாம்.

கொஞ்ச நேரம் அங்கேயே நின்று கொன்றிருந்தேன் பிறகு அந்த அலுவலரிடம் சென்று நீங்கள் எப்படி இப்படி நடத்துகிறீர்கள் என்று கேட்டதிற்கு OXIGEN என்ற எங்கள் நிறுவனம் பாரத ஸ்டேட் பாங்க் வங்கியிடம் Tie up வைத்து இருக்கிறோம் என்றார்கள். நீங்கள் மட்டும் தானா இல்லை வேறு யாரேனும் இப்படி வைத்துள்ளார்களா என்றேன் BLAZE மற்றும் ZERO MICRO - FINANCE Saving Support Fountation

என்ற நிறுவனமும் வைத்துள்ளார்கள் என்றனர். விடுமுறை நாட்களில் கூட நீங்கள் பணம் செலுத்தலாம் என்றார்கள். (ரொம்ப முக்கியம் என்று மனதில் நினைத்துகொண்டேன்) வேறு வழி....ஆதலால் இனிமேல் பாரத ஸ்டேட் பாங்க் வங்கிக்கு 10000 குறைவாக கொண்டு சென்றால் அதற்கு உண்டான Transfer Charges Amount -யையும் கொண்டு செல்லுங்கள் நண்பர்களே!!

நன்றியுடன்

- P.இராஜா

ஆன்லைனில் பாஸ்போர்ட் அப்ளை செய்வது எப்படி? அப்பாய்ன்மெண்ட் வாங்குவது எப்படி? வழிமுறைகள் என்ன?

2013-09-14T21:12:00.000-07:00

இணையதளம் மூலம் பாஸ்போர்ட் பெற விண்ணப்பிப்பதற்கான செயல்முறைகளை இந்த பதிவின் மூலம் பார்க்க இருக்கிறோம். http://passportindia.gov.in எனும் பாஸ்போர்ட் இணையத்தளத்தின் மூலமாக பாஸ்போர்ட் விண்ணப்பத்தை பதிவு செய்துக்கொள்ளலாம். உங்கள் பாஸ்போர்ட்டை ஆன்லைனிலேயே நீங்கள் அப்ளை செய்யும் செயல்முறையையும், பதிவு முறை, பாஸ்போர்ட் நியமனம் (Manage Appointment for Passport), போலீஸ் சரிபார்ப்பு (Police Verification),
அப்பாய்ன்மெண்ட் வாங்குவது எப்படி, அப்ளை செய்த பாஸ்போர்ட் என்ன ஸ்டேட்டஸில் இருக்கு என்பதையும் வழிமுறை அனைத்தையும் தெரிந்து கொள்ள போகிறோம்.

பாஸ்போர்ட் அப்ளை செய்ய தேவையான ஆவணங்கள், கட்டணங்கள், விதிமுறைகள் என்ன? எப்படி செய்வது? என்பது பற்றி தெரிந்து கொள்ள இதற்கு முந்தய பதிவை படிக்கவும்..

1) பதிவு முறை:

• இதற்கு மின்னஞ்சல் ஐடி (Email Id) கட்டாயமாக தேவைப்படும்.

• ஆன்லைன் விண்ணப்பம் தாக்கல்" என்ற தலைப்பில் கீழ் ஒரு புதிய பயனர் New Register என "பதிவு" மிகையிணைப்பை கிளிக் செய்க.கீழே உள்ள படத்தில் காட்டப்பட்டுள்ளது போல்.

• பிறகு உங்கள் தனிப்பட்ட விவரங்களை நிரப்ப வேண்டும்.

• வெற்றிகரமாக உங்களை பதிவு செய்த பிறகு, ஒரு "நன்றி" செய்தி பாஸ்போர்ட் சேவா போர்ட்டல் மூலம் ஒரு இணைப்பை பதிவு உங்கள் மின்னஞ்சல் ஐடிக்கு (Email Id) அனுப்பப்படுகிறது. (உங்கள் கணக்கை செயல்படுத்துவதற்கு)

• உங்கள் மின்னஞ்சல் ஐடி அனுப்பப்படும் என்று இணைப்பை கிளிக் செய்து உறுதி படுத்த வேண்டும். (இணைப்பு 7நாட்களுக்கு பிறகு காலாவதியாகிவிடும்.)

• உங்கள் கணக்கு செயல்படுத்தப்பட்டது என்று உறுதி அளிக்கும்.

2) பாஸ்போர்ட் Account Login:

• நான் இப்போது "உள்நுழைவு" மிகையிணைப்பை கிளிக் செய்வதன் மூலம் ஏற்கனவே நீங்கள் கொடுத்த பயனர்பெயர் கொடுத்து உள்நுழையும்.

• உங்கள் கடவுச்சொல் கொடுங்கள்.

• உங்கள் திரையில் காட்டப்படும் தட்டச்சு எழுத்துகளை கொடுத்து கிளிக் செய்யவும்.

3) பாஸ்போர்ட் விண்ணப்பம் (Passport Application):

உடனே புதிய பக்கம் வரும். அதில் நாம் முன்பு சமர்பித்துள்ள படிவத்தின் நிலமையைக் காண (Application Status) ஒரு லிங்க்கும், மற்றொன்று புதிதாக பாஸ்போர்ட் அப்ளை செய்வதற்கும் இருக்கும்.

இரண்டாவதை “Apply for Fresh Passport / Reissue of Passport” கிளிக் செய்யவும்

அதன்பின் இரண்டு ஆப்ஷன்கள் வரும். விண்ணப்பத்தை தரவிறக்கம் செய்து – Print செய்து – பூர்த்தி செய்து ஆன்லைனில் அப்லோடு செய்யலாம். அல்லது அப்படியே ஆன்லைனில் அப்ளை செய்யலாம்.

அடுத்து வரும் புதிய பகுதியில்

முதன்முதலாக எடுப்பதா அல்லது புதிப்பதா என்றும் சாதாரணமான முறையில் வேண்டுமா தட்கல் முறையில் வேண்டுமா என்றும் சாதாரணமாக 36 பக்கங்கள் அல்லது கூடுதல் கண்டத்துடன் 60 பக்கங்கள் உள்ள பாஸ்போர்ட் வேண்டுமா என்று கேள்விகளுக்கு சரியான தேவையைக் கிளிக் செய்யவும்.அதன்பின் மற்றொரு பகுதி வரும்.

அதில் உள்ள உங்களது அனைத்து விசயங்களையும் நிதானமாகப் படித்து எழுத்து பிழை இல்லாமல் விண்ணப்ப படிவத்தை பூர்த்தி செய்து ஒவ்வொரு பக்கம் முடித்த பின்னர் "அடுத்து" என்பதை கிளிக் செய்யவும். நீங்கள் உங்கள் விண்ணப்பத்தை முடிவடையாத விட்டு & அடுத்த நாள் அதை பூர்த்தி தொடர விரும்பினால் "என் விவரங்கள் சேமி" கிளிக் செய்து, நீங்கள் கடைசியாக பூர்த்தி செய்த பக்கத்தை "சமர்ப்பி" என்பதை கிளிக் செய்தால் அது வரை நீங்கள் அடுத்த / முந்தைய பக்கம் இடையே செல்லவும் & உங்கள் விவரங்கள் திருத்த முடியும். கடைசியில் ஒருமுறை நீங்கள் உங்கள் விண்ணப்பத்தை சமர்ப்பித்தால் நீங்கள் எதையும் மாற்ற முடியாது.

• Given Name : உங்களது பெயர்
• Surname: உங்களது இன்சியல் (பொதுவா அப்பாவோட பேரு கல்யாணாம் ஆன பெண் கணவனின் பெயர்)
• உங்களது பெயரை இதற்கு முன்பு மாற்றி இருந்தால் “if you have ever changed your name click the box and indicate Previous Name(s) in full” என்பதை கிளிக் செய்து
• Previous Name : உங்களது முன்பு இருந்த பெயரை எழுதவும்
• Sex: ஆணா, பெண்ணா என்று குறிப்பிடவும்
• Date of Birth: பிறந்த தேதி நாள் மாதம் வருடம் (DD MM YYYY)
• Place of Birth: பிறந்த ஊர்
• District or Country: நீங்கள் இந்தியாவில் பிறந்திருந்தால் பிறந்த மாவட்டதையும் வேறு நாட்டில் பிறந்திருந்தால் அந்நாட்டையிம் குறிப்பிடவும்
• Qualification: உங்களது படிப்பு (SSLC pass என்றால் NOC அப்ளை செய்யலாம்)
• Profession: தொழில்
• Present Address: தற்போதைய முகவரி
• Permanent Address: நிரந்தர முகவரி
• Please give the Date since residing at the Present Address: எவ்வளவு நாட்களாக தற்போதைய முகவரியில் தங்கி உள்ளீர்கள்
• Phone No: தொலைபேசி எண்
• Email Address: இமெயில் முகவரி
• Marital Status: திருமணமான தகவல்
• Spouse’s Name: கணவர்/மனைவியின் பெயர்
• Father’s Name: தந்தை பெயர்
• Mother’s Name: தாயார் பெயர்
• தற்போதைய முகவரியில் கடந்த ஒரு வருடமா வசிக்கவில்லை என்றால் “If you are not residing at the Present Address for the last one year, click on this box and furnish addresses of the other place(s) of residence in the last one year along with the duration(s) of living there.” என்பதை கிளிக் செய்து கீழ் இருக்கும் From: To: Address 1 : எனும் தகவலை குறிப்பிடவும்
• Voter ID, Athaar Card No, PAN Card Number இருந்தால் அதனையும் நிரப்பி விடவும்.
• Is applicant eligible for Non-ECR category? SSLC Pass செய்திருந்தால், வெளிநாட்டில் 3 வருடத்திற்கு மேல் இருந்திருந்தால், 50 வயதைத் தாண்டியிருந்தால் மற்றும்…. NOC கிடைக்கும். அப்போது கிளிக் செய்யவும்.

அனைத்தையும் நிரப்பியவுடன், “Save” என்பதை கிளிக் செய்து அடுத்த பக்கத்திற்கு Next Buttonஐ கிளிக் செய்து செல்லவும், கடைசியாக முக்கியமான ஓன்று அதில் உங்கள் வீட்டு அருகாமையில் உள்ள இருவரது முகவரியும், தொலைபேசி எண்ணும் கேட்கும். அதை தெளிவாக குறிப்பிடவும். ஏனென்றால் போலிஸ் வெரிபிகேஷன் அதான் முக்கியம்.

5) பாஸ்போர்ட் நியமனம் (Manage Appointment for Passport):

பாஸ்போர்ட் ஆபிசுக்கு எந்த தேதியில் செல்ல உங்களால் முடியுமோ அந்த தேதி அல்லது கிடைக்கும் தேதியையும் நேரத்தையம் தேர்ந்தெடுக்கவும். அதனையும் "Save" செய்து பிரிண்ட் எடுத்துக் கொள்ளவும்

1)நியமனம் பக்கம் 5minutes தான் திறந்திருக்கும் அதற்குள் முடித்துவிட வேண்டும்.

2)அதே நாளில் இரண்டாவது முயற்சித்து கொண்டிருக்க முடியாது. அந்த வழக்கில் நீங்கள் 24 மணி நேரம் காத்திருந்து, அடுத்த நாள் தான் முயற்சிக்க வேண்டும்.

3)அதேபோல் அந்த பக்கத்தில் இருக்கும் பொது Reload/Refresh பட்டனை அழுத்தாதிர்கள்.

உங்களுக்கு கொடுக்கப்பட்ட நேரத்தில் அந்த பிரிண்டையும் + பணத்தையம் + சான்றிதழ் ஒரிஜினலையும் காப்பியையும் எடுத்துச் செல்லவும்.

அந்த அலுவலகத்தில் உங்களது சான்றிதழ்கள் (ரேஷன்கார்டு, ஓட்டர் ஐடி, பிறந்த நான் சான்றிதழ் போன்றன) சரிகாணப்பட்டு காப்பியைப் பெற்றுக் கொண்டு பணத்தையும் பெற்றுக் கொள்வார்கள். அதன் பின் உங்களை படம் பிடித்து போட்டு எடுத்துக் கொள்வார்கள். (எனவே போட்டோ கொண்டு செல்ல தேவையில்லை). எல்லாவற்றையும் சரியாக சரிபார்த்த பின் உங்களுக்கு Receipt தருவார்கள். அவ்வளவு தான் உங்களது வேலை

(குறிப்பு நீங்கள் கொடுக்கும் எல்லா ஆவணகளிலும் ஒரே முகவரியும், பிறந்த தேதியும் ஒரே மாதிரி இருக்க வேண்டும்)

6) பாஸ்போர்ட் விண்ணப்ப தகுதி ஆன்லைனில் பார்க்க (View Passport Application Status Online):

நீங்கள் PSK-ல் உள்ள நடைமுறைகள் வெற்றிகரமாக முடிந்த பிறகு, ஒரு கோப்பு எண் பெறுவீர்கள், பிறந்த தேதி இரண்டையும் கொடுத்து "ட்ராக்" பொத்தானை கிளிக் செய்யவும். இப்போது உங்கள் பாஸ்போர்ட் எந்த நிலையில் உள்ளது என்பதை தெரிந்து கொள்ளலாம்.

7) போலீஸ் சரிபார்ப்பு (Police Verification):

சில தினங்களில் போலிஸ் வெரிபிகேஷன் என்ற உங்களது இருப்பிடத்திற்கு சாட்சிக்காக உங்கள் பகுதியைச் சேர்ந்த காவல் துறை சரிபார்க்கும், அப்போது நீங்கள் உங்கள் VAO- Village Asministrative Officer -ரிடம் நீங்கள் இந்த ஊரில் தான் வசித்துவருகிரீர்கள் என்று விண்ணப்பத்தில் எழுதி வாங்க வேண்டும் மற்றும் உங்கள் வீட்டு அருகாமையில் உள்ள இருவரது முகவரி கொடுத்தீர்கள் அல்லவா அவர்களையும் விசாரிப்பார்கள்.

8) Passport Dispatch:

அந்த பணி முடிந்து சில நாட்களில் பாஸ்போர்ட் தயாராக உள்ளது என, உங்கள் மொபைல் இல் அறிவிப்பு எஸ்எம்எஸ் பெறுவீர்கள் மேலும் அனுப்பப்பட்டதும் உங்கள் பாஸ்போர்ட் எண் தேதி குறிப்பிட்டு உங்கள் மின்னஞ்சல் ஐடி ஒரு மின்னஞ்சல் வரும். எனவே, ஒரு சரியான மின்னஞ்சல் ஐடி & தொலைபேசி எண் கொடுப்பது மிகவும் முக்கியமானது. சில நாட்களில் உங்கள் பாஸ்போர்ட் பதிவுத் தபாலில் உங்களது வீட்டிற்கு வந்துவிடும்.

அவ்வளவுதான் முடிந்தது நண்பர்களே...இனி நீங்களும் அப்ளை செய்து பாஸ்போர்ட் பெற்றுக்கொள்ளலாம்..

நன்றியுடன்

- P.இராஜா

பாஸ்போர்ட் அப்ளை செய்ய தேவையான ஆவணங்கள், கட்டணங்கள், விதிமுறைகள் என்ன? எப்படி செய்வது?

2013-08-19T21:34:00.000-07:00

ஒரு நாட்டைக் கடந்து மற்றொரு நாட்டிற்கு செல்கிற எவரும் கடவுச்சீட்டு (Passport) பெற வேண்டியது அவசியமாக உள்ளது. அதனால் பாஸ்போர்ட் நமக்கு தேவை என்றால் முதலில் நாம் அணுகுவது இடை தரகர்களை தான், ஆனால் தற்போது எந்த இடை தரகர்களும் இல்லாமலே நாமே நேரடியாக பாஸ்போர்ட் எடுக்க இந்திய அரசாங்கம் வழிவகை செய்துள்ளது. பாஸ்போர்ட் விண்ணப்பிக்கும் செயல்முறை இப்போது ஆன்லைனில் மாறிவிட்டது. புதியதாக நிறுவப்பட்டுள்ள “பாஸ்போர்ட் சேவக் கேந்திரா” Passport Seva Kendras (PSK) என்கிற செயல்பாட்டின் மூலம், ஆன்லைனில் விண்ணப்பித்து…..
விண்ணப்பித்த 30 நாட்களுக்குள்ளேயே உங்களது பாஸ்போர்ட்டைப் பெற்று விடலாம். அந்த அதிகாரப்பூர்வ இணையதளம் இப்போது டாடா கன்சல்டன்சி சர்வீசஸ் (TATA Consultancy Services) மூலம் பராமரிக்கப்படுகிறது. நம்மில் பலருக்கு நேரடியாக பாஸ்போர்ட் எடுக்க விருப்பம் இருந்தாலும் அதற்கான வழிமுறைகள் தெரியாததால் தரகர்களிடம் சென்று எடுக்கிறோம், இனி அந்த அவசியம் தேவையில்லை. உங்கள் பாஸ்போர்ட்டை ஆன்லைனிலேயே நீங்கள் அப்ளை செய்யும் செயல்முறையையும், பாஸ்போர்ட் எடுக்க என்ன விதிமுறை மற்றும் வழிமுறை அனைத்தையும் தெரிந்து கொள்ள போகிறோம்.

1) பாஸ்போர்ட் எத்தனை வகைப்படும்?

• ஆர்டினரி (Ordinary)

• அப்பிசியல் (Official)

• டிப்ளோமேட்டிக் (Diplomatic)

• ஜம்போ (Jumbo)

என நான்கு விதமான பாஸ்போர்ட்கள் வழங்கப்படுகின்றன. Ordinary பாஸ்போர்ட் சாதாரண குடிமக்களுக்கும், Official பாஸ்போர்ட் அரசாங்க ஊழியர்களுக்கும், Diplomatic பாஸ்போர்ட் முதல்வர், பிரதமர் போன்ற உயர்மட்டத் தலைவர்களுக்கும், Jumbo பாஸ்போர்ட் வியாபார நிமித்தமாக அடிக்கடி வெளிநாடு செல்பவர்களுக்கும் வழங்கப்படுகின்றன.

2) பாஸ்போர்ட் பெறுவதில் எத்தனை முறைகள் உள்ளன?

இரண்டு முறைகள் உள்ளன. ஒன்று ஆர்டினரி (Ordinary), மற்றொன்று தட்கல் (Tatkal).

3) ஒரு முறை வாங்கும் பாஸ்போர்ட்டை எத்தனை வருடங்களுக்குப் பயன்படுத்தலாம்?

ஒரு முறை கொடுத்த பாஸ்போர்ட்டைப் பத்து வருடங்களுக்குப் பயன்படுத்தலாம். மீண்டும் அதை அதற்கான கட்டணத்தைக் கட்டிப் புதுப்பித்துக் கொள்ளலாம். ஒன்பது வருடங்கள் முடிந்தவுடன் எப்போது வேண்டுமானாலும் புதுப்பித்துக் கொள்ளலாம். மீண்டும் 10 வருடங்களுக்கு வழங்கப்படும். இப்படி புதுப்பிக்கும்போது, 15 நாட்களுக்குள் புதிய பாஸ்போர்ட் கிடைத்துவிடும்.

4) பாஸ்போர்ட் விண்ணப்பிக்க தேவையான ஆவணங்கள்?

முக்கியமாக இரண்டு ஆவணங்கள் வேண்டும்.

1. இருப்பிடச் சான்றிதழ் (ஏதாவது இரண்டு)

• ரேசன் கார்டு

• பான் கார்டு

• வாக்காளர் அடையாள அட்டை

• வங்கி கணக்கு புத்தகம் (கடந்த ஒரு வருடமாக பணம் எடுக்கவும் போடவும் செய்து அதை பதிவு செய்திருக்கவேண்டும்)

• தொலைபேசி ரசீது (உங்கள் பெயரில் இருக்க வேண்டும்)

• எரிவாயு இணைப்பிற்கான ரசீது (உங்கள் பெயரில் இருக்க வேண்டும்)

2. பிறப்புச் சான்றிதழ். (ஏதாவது ஓன்று)

• விண்ணப்பதாரர் 26.01.89 அன்றைக்கு பிறந்த அல்லது அதற்குப் பிறகு பிறந்தவராக இருந்தால் மட்டும் நகராட்சி ஆணையாளரால் அல்லது பிறப்பு & இறப்பு பதிவாளர் அலுவலகத்தில் கொடுக்கும் பிறப்பு/இறப்பு சான்றிதல் ஏற்கதக்கதாகும்.என்றால் அரசாங்கத்தால் தரும் பிறப்பு சான்றிதழ்

• பள்ளியில் வழங்கப்படும் சான்றிதழ்

• கெஜட்டடு (நோட்ரி பப்ளிக்) ஆபிசர் மூலம் வாங்கவேண்டும்

வேறு சான்றிதழ்கள்

• 10வது மேல் படித்திருந்தால் ECNR முத்திரை இருக்காது, அதற்காக கடைசியாக எதை படித்து முடித்தீர்களோ அதனை கொண்டுபோகவும்.

• உங்களது பெயரை (மதம் மாறும்போது/ எண்கணித முறையில்) மாற்றி இருந்தால் அதற்கு உண்டான சான்றிதழ்.

• பழைய பாஸ்போர்ட் எடுக்கும் போது திருமணம் ஆகாமல் இருந்து, பழையது முடிந்து ரினிவல் பாஸ்போர்ட் அப்ளை செய்ய போனாலும் மேற்கன்ட அனைத்தையும் கொண்டு போகவேண்டும்,

• மேலும் திருமண சான்றிதழ் இணைக்க வேண்டும் அல்லது மாவட்ட நீதிமன்றத்தில்/ நோட்ரி பப்ளிக் மூலமாக கணவனும் மனைவியும் சென்று வாங்கவேண்டும்.

• பழைய பாஸ்போர்ட்டை கொண்டு செல்ல வேண்டும்.

• எட்டாம் வகுப்புக்கு குறைவாகப் படித்திருந்தால் அல்லது படிக்கவே இல்லை என்றால் நோட்டரி பப்ளிக் மூலம் அபிடவிட் பெற்று விண் ணப் பிக்கலாம். 26.01.1989-ம் ஆண்டுக்குப் பிறகு பிறந்திருந்தால் பிறப்பு சான்றிதழ் கட்டாயம் தேவை.

சிறுவர்-சிறுமியர்

சிறுவர்-சிறுமியர்க்கு (14 வயதுக்கு உட்பட்டவர்) கடவுச்சீட்டு எடுக்க விரும்பினால், பெற்றோர்கள் கடவுச்சீட்டு இருப்பவராக இருந்தால், காவல்துறை அறிக்கை தேவைப்படாது. பெற்றோர்க்கு கடவுச்சீட்டு இல்லாவிட்டால் அவர்தம் விண்ணப்பங்களும் காவல் துறைக்கு அனுப்பி அறிக்கை பெற்ற பின்னரே கடவுச்சீட்டு அளிப்பர்.

5) இணையதளம் மூலம் விண்ணப்பிபதால் என்ன பயன்கள்?

• விண்ணப்பதாரர்கள் வட்டார பாஸ்போர்ட் அலுவலகத்திலுள்ள அதற்குரிய அலுவலரிடம் சமர்ப்பிக்கவேண்டியதற்கான திட்டமிட்ட தேதி, நேரம், தேவையான ஆவணங்கள் மற்றும் கட்டணம் ஆகியவைகளை பெறமுடியும்

• நீண்ட வரிசையில் நிற்க வேண்டிய தேவையில்லை

6) பாஸ்போர்ட் பெறுவதற்க்கான கட்டணம்?

பாஸ்போர்ட் கட்டணம் தெரிந்து கொள்ள : http://passport.gov.in/cpv/FeeStructure.htm

• புதிய மற்றும் புதுபிக்க : 1500 ரூ (சாதரணமான முறை)

• காணாமல் போனால் – சேதமடைந்தால் – 1500 ரூ (பாஸ்போர்டு முடிந்து இருந்தால் – Expired)

• காணாமல் போனால் – சேதமடைந்தால் – 3000 ரூ (பாஸ்போர்டு Expire ஆகவில்லை எனில்)

• 60 பக்கங்கள் வேண்டுமெனில் 500 ரூபாயைச் சேர்த்துக் கொள்ளவும்

• தட்கல் முறையில் பெற 2000 ரூபாயைச் சேர்துக் கொள்ளவும்

7) தொலைந்து போனால்?

பாஸ்போர்ட் தொலைந்து போனால் காவல் துறையினரிடம் புகார் செய்து, எஃப்.ஐ.ஆர். பெற வேண்டும். அவர்கள் “Non Traceable” சான்றிதழ் தருவார்கள். அதை ஒப்படைத்தால் டூப்ளி கேட் பாஸ்போர்ட் வழங்கப்படும். இதற்கு ஆர்டினரிக்கு 2500 ரூபாய் மற்றும் தட்கலுக்கு 5000 ரூபாய் கட்டணம்.

தட்கல் திட்டம்:

பொதுவாக, பாஸ்போர்ட் விண்ணப்பங்களை மண்டல பாஸ்போர்ட் அலுவலகத்தில் செலுத்தி 30 நாள்களில் பாஸ்போர்ட் வழங்கப்பட்டு விடுகின்றன. அவசரமாக வெளிநாடு செல்பவர்க்கு உதவியாக விரைந்து பாஸ்போர்ட் பெறவும் வகையிருக்கிறது. இதற்கு “தட்கல் திட்டம்” என்ற புதிய முறை அறிமுகப்படுத்தப்பட்டு உள்ளது. இத்திட்டத்தில் சிறப்புரிமை அடிப்படையில் விரைந்து பாஸ்போர்ட் பெற முடியும்.

தட்கல் திட்டத்தின் கீழ் வழங்கும் அனைத்து பாஸ்போர்ட்களைச் சார்ந்த காவல்துறையின் சரிப்பார்க்கும் பணி பாஸ்போர்ட் வழங்கிய பின் இருக்கும் கீழே சொல்லப்பட்ட பட்டியலிலிருந்து மூன்று ஆவணங்களை சமர்ப்பிப்பதன் மூலம் தட்கால் திட்டத்தின் கீழ் பாஸ்போர்ட் பெறுவதற்கு விண்ணப்பதார்ர் பெறமுடியும். மூன்று ஆவணங்களில் ஒன்று புகைப்படைத்துடன் கூடிய அடையாள அட்டையாக இருக்க வேண்டும்

அவ்வாறு விரைந்து பாஸ்போர்ட் பெற விழைவோர் ரூ.2500/- கட்டணமாக செலுத்த வேண்டும். 3 ஆவணங்கள் கட்டாயமாக சமர்பிக்க வேண்டும்.

கீழ் வரும் ஆவணங்களின் பட்டியலிலிருந்து, பாஸ்போர்ட்-க்காக மூன்றை கண்டிப்பாக சமர்ப்பிக்க வேண்டும்

• வாக்காளர் அடையாள அட்டை

• இரயில்வே அடையாள அட்டைகள்

• வருமான வரி அடையாள (Pan Card) அட்டைகள்

• வங்கி அலுவலக புத்தகம்

• எரிவாயு இணைப்பிற்கான ரசீது

• ஓட்டுனர் உரிமம்

• பிறப்பு சான்றிதழ்கள் (Birth Certificate)

• தாழ்த்தப்பட்ட(எஸ்சி)/பழங்குடியினர் (எஸ்டி)/மிகவும் பிற்படுத்தப்பட்டோர் (ஓபிசி) சான்றிதழ்கள்

• சொத்து ஆவணங்களான பட்டா, பதிவுசெய்யப்பட்ட ஒப்பந்தபத்திரங்கள் இன்னும் பிற குடும்ப அட்டைகள்

• அங்கீகரிக்கப்பட்ட கல்வி நிலையங்களால் வழங்கப்பட்ட மாணவர்களுக்கான புகைப்பட அடையாள அட்டைகள்

• ஓய்வூதிய ஆவணங்களான முன்னாள் இராணுவ வீரரின் ஓய்வூதிய புத்தகம்/ ஓய்வூதியம் செலுத்துவதற்கான ஆணை, முன்னாள் இராணுவ வீரரின் விதவை/சார்ந்தவர்கள் சான்றிதழ்கள், முதியோர் ஓய்வூதிய ஆணை, விதவை ஓய்வூதிய ஆணை

• மத்திய/மாநில அரசுகளால் வழங்கப்பட்ட பணிக்கான புகைப்பட அடையாள அட்டை, பொது நிறுவனங்கள், உள்ளூர் அமைப்புகள் அல்லது பொது வரையறை நிறுவனங்கள்

பாஸ்போர்ட் எப்படி பெறுகிறார்கள் என்பது பற்றிய ஒரு பட முன்னோட்டம்

குறிப்பு: பதிவின் நீளம் கருதி அடுத்த பதிவில் பாஸ்போர்ட் ஆன்லைனில் அப்ளை செய்வது எப்படி, அப்பாய்ன்மெண்ட் வாங்குவது எப்படி, அப்ளை செய்த பாஸ்போர்ட் என்ன ஸ்டேட்டஸில் இருக்கு என்பதையும் பார்க்கலாம்...

நன்றியுடன்

- P.இராஜா

Power of Attorney என்பது என்ன? அது எதற்கெல்லாம் உதவும்?

2013-06-15T21:19:00.000-07:00

ஒருவர் தம்முடைய சொத்தை விற்பதற்கு சார்பதிவாளர் அலுவலகத்திற்குச் சென்று கிரயப் பத்திரத்தில் கையொப்பமிட வேண்டும். தன்னுடைய நிலத்தை வீட்டுமனைகளாக பிரித்து விற்பனை செய்ய அரசாங்கத்தின் பல துறைகளில் ஒப்புதல் பெறவேண்டும்.சில சமயம் அரசாங்க அலுவலகத்திற்கு நேரில் செல்ல வேண்டிய அவசியம் ஏற்படும்.
அரசாங்கத்தில் அங்கீகாரம் பெற்றபின் ஒவ்வொரு வீட்டு மனையை விற்கும் போதும் நில உரிமையாளர் சார்பதிவாளர் அலுவலகம் செல்லவேண்டும்.

அதையெல்லாம் நிலத்தின் உரிமையாளர் செய்ய முடியாத நிலையில் மேற்கண்ட வேலைகளைச் செய்வதற்கு தனது சார்பாக ஒருவரை நியமனம் செய்யலாம். அவரை நியமனம் செய்வதற்கு சார்பதிவாளர் அலுவலகத்தில் (Sub Registration Office) அதிகார பத்திரம் (Power of Attorney) பதிவு செய்ய வேண்டும். அதில் தம்மால் நியமிக்கப்படுபவருக்கு எதற்கெல்லாம் அதிகாரம் (Power) கொடுக்கப்படுகிறது என விபரங்கள் இருக்கும்.

Power of Attorney எதற்கெல்லாம் உதவும்:

1. சொத்துகளை தனது பெயரில் வேறொருவர் மூலமாக வாங்கலாம்.
2. வெளி நாட்டில் அல்லது வெளியூர்களில் தங்கி வேலை பார்க்கும் போது தன்னுடைய (visit) இல்லாமல் இந்த ஆவணங்கள் மூலம் சொத்துகளை வாங்கலாம் அதை கிரையம் செய்து கொள்ளலாம்.
3. சொத்து வாங்க அக்ரிமண்ட் தனது பெயரில் எற்படுத்திக் கொள்ளலாம்.
இந்த ஆவணக்களுக்கு காலவாதி ஆகாது.
4. எழுதி கொடுக்கும் நபர் உயிரோடு இருக்கும் வரை இந்த ஆவணங்கள் செல்லத்தக்கது.

Power of Attorney இரண்டு வகைப்படும்:

1. பொது அதிகார பத்திரம் (General Power of Attorney)

2. தனி அதிகார பத்திரம் (Special Power of Attorney)

1. பொது அதிகார பத்திரம் (General Power of Attorney)

இதில் Power of Attorney யாக நியமிக்கப்படுபவருக்கு சொத்தை விற்க, நிலமாக இருந்தால் மனைப்பிரிவுகளாக பிரிக்க மற்றும் அரசு அலுவலகங்களில் சொத்துதொடர்பான ஆவணங்களில் கையொப்பம் இட முதலிய அனைத்து அதிகாரங்களும் வழங்கப்படும்.

2. தனி அதிகார பத்திரம் (Special Power of Attorney)

இதில் ஒரு குறிப்பிட்ட செயலை செய்வதற்கு மட்டும் அதிகாரம் வழங்கப்படும் (எ.கா) சொத்தை விற்க அல்லது மனைப் பிரிவுகளாக பிரிக்க மட்டும் என்பது போன்ற செயல்கள். மேற்கண்ட செயலைத் தவிர வேறு எதையும் அவரால் செய்யமுடியாது.

மேற்கண்ட இரண்டிலுமே நீங்கள் வாங்க நினைக்கும் சொத்து எந்த சார் பதிவாளர் அலுவலகத்தில் (Sub Registration Office) பதிவு செய்யப்பட்டிருக்கிறதோ அங்குதான் Power of Attorney பதிவு செய்ய வேண்டும் என்ற அவசியம் இல்லை. தமிழகத்தில் எந்த சார்பதிவாளர் அலுவலகத்திலும் பதிவு செய்யலாம். அதனால் வில்லங்க சான்றிதழில் (EC-Encumbrance Certificate எனப்படும் வில்லங்கச்சான்றிதழ் ) இந்த விவரம் (Entry) இருக்காது. இப்படி EC-ல் entry வராத காரணத்தினால் Power of Attorney -யிடம் சொத்து வாங்குபவரால் அது ரத்து செய்யப் பட்டிருக்கிறதா? என்ற விவரத்தை தெரிந்து கொள்ளமுடிவதில்லை. அதற்கு என்ன செய்ய வேண்டும்?

1.நாம் சொத்து வாங்கும் போது நமக்கு அந்த சொத்தை விற்பனை செய்பவர் Power of Attorney-ஆக இருந்தால் எந்த சார்பதிவாளர் அலுவலகத்தில் Power of Attorney பதிவு செய்யப்பட்டிருக்கிறதோ அங்கு நகல் (Copy of Document) விண்ணப்பம் செய்து பெறவேண்டும். அதில் இந்த Power of Attorney ரத்து செய்யப்பட்டிருந்தால் அதனுடைய விவரம் குறிக்கப்பட்டிருக்கும். நகல் பெறுவதற்கு சொத்தின் உரிமையாளர் அல்லது Power of Attorney இருவரில் ஒருவர் தான் விண்ணப்பம் செய்ய முடியும்.

2.சொத்தின் உரிமையாளரிடம் நேரிடையாக பேசி Power of Attorney ரத்து செய்யப்பட்டிருக்கிறதா என உறுதி செய்து கொள்வது மிகவும் நல்லது. உரிமையாளரிடம் பேசாமல் எந்த ஒப்பந்தமும் Power of Attorney-யிடம்செய்யக்கூடாது.

01.11.2009 -லிருந்து Power of Attorney பதிவு செய்யும் புதிய முறை அரசாங்கத்தால் அறிவிக்கப்பட்டது. அதன்படி Power of Attorney தமிழகத்தில் எந்த சார்பதிவாளர் அலுவலகத்தில் பதிவு செய்யப்பட்டிருந்தாலும் அதன் விவரம் முழுவதும் எந்த சார் பதிவாளர் அலுவலகத்தில் (Sub Registration Office) பதிவு செய்யப்பட்டிருக்கிறதோ அந்த சார்பதிவாளருக்கு அனுப்பப்பட வேண்டும். இது பல மோசடிகளை தவிர்க்க உதவும். ஏனென்றால் இதன் விவரம் EC-ல் வந்து விடும்.

Power of Attorney எழுத தேவையான ஆவணங்கள்:

பவர் எழுதி கொடுப்பவர்	பவர் ஏஜன்ட் ( எழுதி வாங்குபவர் )
1. புகைப்பட அடையாள அட்டை (Photo Identity proof)	1. புகைப்பட அடையாள அட்டை (Photo Identity proof)
2. இருப்பிட சான்று (Residence Proof)	2. இருப்பிட சான்று (Residence Proof)
3. பாஸ்போர்ட் சைஸ் புகைப்படம் 2 மட்டும்	3. பாஸ்போர்ட் சைஸ் புகைப்படம் 1 மட்டும்
4. ரூபாய் 20க்கான முத்திரைதாள் (பத்திரம்)	4. இரு அத்தாட்சி (Two witness)

பதிவு செய்யப்படாத அடமானம் மற்றும் கிரைய ஒப்பந்தம் போன்றவை EC-ல் வராத பட்சத்தில் நாம் எப்படி அதை கண்டுபிடிப்பது ?

ஒருவர் சொத்தை அடமானம் செய்யும் போது அது பதிவு செய்யப்படாவிட்டாலும் சொத்தின் Original பத்திரத்தை அடமானம் பெற்றவர் வாங்கி வைத்துக்கொள்வார். அதனால் ஒரு சொத்தை நாம் கிரைய ஒப்பந்தம் செய்யும் போது Xerox copy-யை வைத்து நாம் மற்ற விவரங்களை உறுதி செய்து கொண்டாலும் Original பத்திரத்தை பார்த்த பிறகு தான் கிரைய ஒப்பந்தமே செய்ய வேண்டும். அது மிக முக்கியம். ஆனால் ஏற்கனவே ஒருவரிடம் சொத்தின் உரிமையாளர் கிரைய ஒப்பந்தம் செய்து இருக்கிறாரா என்பதை தெரிந்து கொள்வது அரிது. ஏனெனில் பொதுவாக கிரைய ஒப்பந்தம் செய்பவரிடம் Original பத்திரத்தை சொத்தின் உரிமையாளர் கொடுக்கத் தேவையில்லை.

மேலும் சொத்து சம்பந்தமான பதிவு செய்யப்படாத அடமானம், மற்றும் பதிவுசெய்யப்படாத எந்த நடவடிக்கைகளும் செல்லு படியாகாது என சட்டம் இருந்தால் இது போன்ற மோசடிகள் நடக்காது. சொத்து சம்பந்தமான எல்லா நடவடிக்கைகளுமே பதிவு செய்வது கட்டாயமாக்கப்பட வேண்டும். ஏனென்றால் பதிவு செய்யப்படும் எல்லா விவரங்களுமே EC-ல் வந்து விடுவதால் சொத்து அடமானத்தில் உள்ளதா அல்லது வேறு ஒருவரிடத்தில் கிரைய ஒப்பந்தம் செய்யப்பட்டிருகிறதா என நாம்தெளிவாக அறிந்து கொள்ள முடியும்.

நன்றியுடன்

- P.இராஜா

EC-Encumbrance Certificate எனப்படும் வில்லங்கச்சான்றிதழ் என்றால் என்ன? அது எப்படி இருக்கும்?

2013-03-22T09:09:00.000-07:00

தமிழகம் முழுவதும் பத்திரப் பதிவு அலுவலகங்கள், கம்ப்யூட்டர் மயமாக்கப்பட்டு, சொத்து விபரங்கள் அனைத்தும் கம்ப்யூட்டரில் பதிவு செய்யப்பட்டுள்ளன. இவை அனைத்தும், 1987 ஜன. 1க்கு பிறகு பதிவு செய்யப்பட்டுள்ளன. அதற்கு முந்தைய ஆண்டுகளுக்கு இன்னும் பதிவு செய்யவில்லை.
சொத்துகள் வாங்கும் போதும், விற்கும் போதும், சம்பந்தப்பட்ட சொத்தில் ஏதும் பிரச்னைகள் உள்ளதா என்பதை அறிய, பத்திரப்பதிவு அலுவலகத்தில், குறிப்பிட்ட சில ஆண்டுகளுக்கு வில்லங்க சான்றிதழ் வாங்கவேண்டும். பொதுவாக பலரும், 30 ஆண்டுகள் மற்றும் அதற்கு மேல் தான் வில்லங்க சான்றிதழ் கேட்கின்றனர். பத்திரப்பதிவு அலுவலகங்களில் கம்ப்யூட்டர் பதிவு 26 ஆண்டுகளுக்கு மட்டுமே உள்ளது. அதற்கு மேல் வேண்டும் என்றால், தேடி கைப்பட எழுதித் தான் சான்றிதழ் தர வேண்டும். அதற்கு கால அவகாசம் தேவைப்படும். இதனால், வில்லங்க சான்றிதழ் பெறுவதில், பொதுமக்களுக்கு சிக்கல் ஏற்படுகிறது. வீடு, நிலம் போ‎‎ன்ற அசையா சொத்துக்கள் வாங்கும் போது, அதற்கு சட்ட ரீதியில், முறையான வழிமுறை என்ன என்பதைப் பலரும் அறிந்திருப்பதில்லை. அரைகுறையாகக் கேள்விப்படும் விபரங்களை வைத்தும், பழக்கமானவர்கள் சொல்கிறார்களே என்பதைக் கருத்தில் கொண்டும் சொத்துக்களை வாங்கி விடுகின்றனர். சொத்து சரியான முறையில் பதிவு செய்யப்படாதபோது உரிமையாளர்கள் பல ‏ இன்னல்களுக்கு ஆளாக நேரிடுகிறது. சில சமயம் தமது சொத்துக்களைக் கூட இழக்கும்படி ஆகி விடுகிறது.

நாம் வாங்குகிற சொத்துக்களை உரிய வகையில் பதிவு செய்தல் மிகவும் அவசியம். பொதுமக்களில் பலருக்கு அந்த விழிப்புணர்வு இருப்பதில்லை. பல சொத்துப் பிரச்சினைகளுக்கு இதுவும் ஒரு காரணமாக அமைந்துவிடுகிறது.

EC (Encumbrance Certificate) வில்லங்கச்சான்றிதழ்:

ஒரு குறிப்பிட்ட சொத்தின் பதிவு விவரங்கள் அனைத்தும் இதன் மூலம் நாம் தெரிந்து கொள்ளலாம். அதில் கீழ் கண்ட விவரங்கள் இருக்கும்.

1. சர்வே எண்

2. விற்பவரும் வாங்குபவரும் செய்து கொண்ட ஒப்பந்தம், செய்து கொண்ட தேதி, பதிவு செய்யப்பட்ட தேதி

3. பதிவுத் தன்மை அதாவது Sale Deed, Mortgage Deed, Agreement போன்ற விவரம்

4. சொத்தின் மதிப்பு

5. சொத்தை எழுதிக் கொடுப்பவர் மற்றும் எழுதி வாங்குபவர் பெயர்

6. தொகுதி மற்றும் பக்க எண்

7. பதிவு செய்யப்பட்ட ஆண்டு மற்றும் பதிவு எண்

மேற்கண்ட விவரங்களின் மூலம் ஒரு சொத்து எந்தெந்த வருடம் யாரால் வாங்கப்பட்டிருக்கிறது என்ற முழு விவரங்கள்ம் தெரியும். EC-யை வைத்தே தாய்பத்திரத்தில் இருந்து நாம் யாரிடம் நிலம் வாங்குகிறோமோ அது வரை உள்ள எல்லா பத்திரங்களையும் நாம் சரி பார்த்துக் கொள்ளலாம். மேலும் நாம் வாங்க இருக்கும் சொத்து ஏதேனும் ஒரு வங்கியில் Registered Mortgage (பதிவுசெய்யப்பட்ட அடமானம்) செய்யப்பட்டிருக்கிறதா என்ற விவரமும் இதில் தெரிந்துவிடும். சொத்து சம்பந்தமாக EC-ல் சில தகவல்கள் வர வாய்ப்பில்லை.

1. 01.11.2009-க்கு முன்பு சொத்தின் உரிமையாளர் அந்த சொத்தை விற்பதற்குயாரையாவது Power of attorney-யாக நியமித்து இருந்தால் அது EC-ல் வராது.

Power of attorney-ஐ பதிவு செய்ய புதிய முறையை அரசாங்கம் 01.11.2009-ல் இருந்து அமல்படுத்தியது. அதன்படி Power of attorney பதிவு விவரம் EC-ல்வரும்.

2. சொத்தின் உரிமையாளர் சொத்தை விற்பதற்காக யாரிடமாவது பதிவு செய்யப்படாத ஒப்பந்தம் (Unregistered Agreement) போட்டு இருந்தால் அதுவும் EC-ல்வராது.

3. சொத்தின் உரிமையாளர் சொத்தை விற்பதற்காக யாரிடமாவது பதிவுசெய்யப்படாத அடமானம் (unregistered mortgage) வைத்திருந்தால் அதுவும் EC-ல் வராது.

மேற்கண்ட மூன்று விஷயங்களிலும் நாம் கவனமாக இருக்க வேண்டும். பல மோசடிகள் நடப்பதற்கு இவை மூன்றும் காரணமாகி விடுகிறனது.

கைப்பட எழுதித்தரப்படும் சான்றிதழ்

EC பெறுவது எப்படி?

சொத்து எந்த சார்பதிவாளர் அலுவலகத்தில் பதிவு செய்யப்பட்டிருக்கிறதோ அங்கு வில்லங்கச் சான்றிதழுக்கு விண்ணப்பித்து பெறலாம். 01.01.1987-ல் இருந்து தான் Computer மூலம் EC பெற முடியும். அதற்கு முன்பு Manual ECதான். 01.01.1987-ல் இருந்து EC தேவைப்படும் பட்சத்தில் இணைய தளத்தின் மூலமும் விண்ணப்பம் செய்து பெறலாம் இணைய தளத்தின் முகவரி www.tnreginet.net இந்த வசதி தமிழ் நாட்டில் குறிப்பிட்ட சில இடங்களுக்கு மட்டும் தான் இருக்கிறது. எந்தெந்த இடங்களில் இந்த சேவை இருக்கிறது என்ற விவரம் இணைய தளத்தில் குறிப்பிடப்பட்டிருக்கும் அல்லது சென்னை இராஜாஜி சாலையில் உள்ள அலுவலகத்தில் விண்ணப்பம் செய்து தமிழ்நாட்டில் உள்ள எந்த சொத்திற்கும் EC பெறலாம்.

விண்ணப்பத்தில் விண்ணப்பம் செய்பவரின் பெயர், முகவரி, சொத்து விவரம்மற்றும் கிரையப்பத்திர விவரம் முதலியவைகள் கேட்கப்பட்டிருக்கும்.விண்ணப்பத்தைப் பூர்த்தி செய்து தேவையான கட்டணத்தைச் செலுத்தி விண்ணப்பம்செய்ய வேண்டும். இணைய தளத்தின் மூலம் விண்ணப்பம் செய்பவருக்கு தபால் மூலமோ அல்லது நேரிலோ EC கொடுக்கப்படும். அவ்வாறு கொடுக்கப்படும் போது அதற்குரிய கட்டணங்கள் வசூலிக்கப்படும்.

அதற்கு என்ன செலவாகும்?

பத்து ஆண்டுகளுக்கு என்றால் முதல் ஆண்டிற்கு ரூ.15 ம், பிறகு ஒவ்வொரு ஆண்டிற்கும் ரூ.5 ம் கட்டணமாக வசூலிக்கப்படுகிறது. அத்துடன் விண்ணப்ப கட்டணமாக ரூ.11 வசூலிக்கப்படும்.

கம்ப்யூட்டர் முறையில் எடுத்துதரப்படும் நகல்

பதிவு செய்யப்படாத அதாவது EC-ல் entry வராத, சொத்து சம்பந்தமான நடவடிக்கைகளால் ஏற்படும் விளைவுகள் என்ன?

ஒருவர் தன்னுடைய நிலத்தை விற்பதற்கு மற்றொருவரை Power of Attorney-ஆக 2005-ல் நியமனம் செய்திருந்தார். Power of Attorney-ஆக நியமிக்கப்பட்டவர் சொத்தை விற்பதற்கு காலம் தாழ்த்தவே சொத்தின் உரிமையாளர் அவருக்கு தெரியாமல் Power of Attorney-யை ரத்து செய்துவிட்டார். இதை மறைத்தோ அல்லது தெரியாமலோ Power of Attorney-ஆக நியமிக்கப்பட்டவர் சொத்தை விற்பனை செய்வதற்காக மற்றொருவரிடம் முன் பணம் வாங்கி கிரைய ஒப்பந்தம் (Sale Agreement) செய்து விட்டார். சட்ட ரீதியாக இது செல்லுபடியாகாது. சொத்தின் உரிமையாளர் வேறு ஒருவருக்கு சொத்தை விற்றுவிட்டார்.

நன்றியுடன்

- P.இராஜா

இந்த பதிவு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள். அப்படியே உங்களது ஓட்டுகளையும் பதிவிட்டு செல்லுங்கள் நண்பர்களே..

நிரந்தர கணக்கு அட்டை எனப்படும் பான் கார்டு (PAN Card) என்றால் என்ன?

2013-02-20T07:31:00.000-08:00

நிரந்தர கணக்கு அட்டை எனப்படும் பான் கார்டு (Permanent Account Number-PAN) நம்மில் பலரிடமும் உள்ளது ஆனால், பலருக்கும் இதன் முக்கியத்துவம் பற்றி தெரிவதில்லை. பான்கார்டு பற்றிய விரிவான தகவல்களும் அதனுடைய விளக்கங்களும் பற்றி பார்போம்.

1. PAN CARD என்றால் என்ன?

Permanent Account Number என்பதின் சுருக்கமே.

2. அதன் முக்கியதுவம் என்ன?

வங்கி கணக்கு தொடங்குவதற்கும்,மியூச்சுவல் ஃபண்டுகள், பங்குச்சந்தையில் முதிலீடு செய்வதற்க்கும் அடிப்படைத் தேவை ஆகிவிட்டது பான் எண். நிரந்தர கணக்கு அட்டை எனப்படும் பான் கார்டு (PAN Card) எண் இல்லாமல் இனி ஒருவர் தான் பணிபுரியும் நிறுவனத்தில் சம்பளம்கூட வாங்க முடியாது என்ற நிலையும் உள்ளது.

3. யாரெல்லாம் விண்ணப்பிக்கலாம்?

இந்திய குடிமகன்கள் அனைவருமே பான் கார்டுக்கு விண்ணப்பிக்க முடியும்.

4. அதற்கு என்ன செலவாகும்?

இதற்காக ரூபாய் 94/- NRI களுக்கு ரூபாய் 744/- மட்டுமே

செலவாகும். புரோக்கர் மூலமாக ரூபாய் 250/-முதல் செலவாகும்.

5. PAN CARD - ன் அவசியம்:

1) ரூ.5 லட்சம் அதற்கு மேல் அசையா சொத்துகள் வாங்கும் போது அல்லது விற்கும் போது அவசியம்.
2) வாகனம் அல்லது மோட்டார் வாகனத்தின் கொள்முதல் அல்லது விற்பனையின் போது (இரு சக்கர வாகனம் மற்றும் அவற்றுடன் இணைக்கப்பட்ட ஊர்தி நீங்கலாக)
3) ரூ.50,000/-க்கு மேல் வங்கியில் Fixed Deposit செய்யும் போது அவசியம்.
4) அஞ்சலக சேமிப்பு வங்கி கணக்கில் வைக்கப்படும் Fixed Deposit ரூ.50,000 தாண்டும் போது அவசியம்.
5) ஒப்பந்த மதிப்பு ரூ.1லட்சம் மிகும் போது செய்யப்படும் பிணையங்களின் கொள்முதல் அல்லது விற்பனையின் போது அவசியம்.
6) வங்கி கணக்கு துவங்கும் போது.
7) தொலைபேசி, செல்போன் இணைப்பு பெற விண்ணப்பிக்கும் போது.
8) தங்கும் விடுதி மற்றும் உணவு விடுதிக்கு செலுத்தும் கட்டணம் ரூ. 25,000/- மிகும் போது அவசியம்.
9) ஒரு நாளில் வங்கியில் பெறப்படும் DD/Pay Order அல்லது வங்கி காசோலையின் மொத்த தொகை ரூ.50,000/- க்கு அதிகமாக செலுத்தும் போது அவசியம்.
10) வருமான வரி ரிட்டன தாக்கல் செய்ய அவசியம்.
11) சேவை வரி மற்றும் வணிக வரிதுறையில் பதிவு சான்று பெற Pan Card கட்டயமாகும்.
12) முன்பு, மியூச்சுவல் ஃபண்டில் ரூ.50,000 மற்றும் அதற்கும் அதிகமான தொகையை முதலீடு செய்யும் போதுதான் பான்கார்டு அவசியமிருந்தது. ஆனால், தற்போது எவ்வளவு குறைந்த பணத்தை முதலீடு செய்தாலும் பான்கார்டு எண்ணை குறிப்பிட வேண்டும்.
மேலும், மைனர் பெயரில் மியூச்சுவல் ஃபண்டில் முதலீடு செய்யும் போது, பான் கார்டு எண்ணை சமர்ப்பிக்க வேண்டும். இதற்காக, தற்போது மைனர்களுக்கும் பான் கார்டு வழங்கப்படுகிறது.

இதனால் அனைவரும் அவசர அவசரமாக பான்கார்டு பெறும் முயற்சியில் இறங்கியுள்ளனர். பான் கார்டு பெறுவது என்பது கடினமான காரியமாகச் சிலர் நினைக்கின்றனர். சிலர் இந்தச் சந்தர்ப்பத்தைப் பயன்படுத்திக் கொண்டு, பான் கார்டு வாங்கித் தருவதாகக் கூறி குறிப்பிட்ட தொகையைவிட அதிகமான கட்டணத்தை வசூலித்து கொள்ளை லாபம் அடித்தும் வருகின்றனர்.

"மத்திய அரசு 2007 ஜனவரி முதல் தேதிக்குப் பிறகு வருமான வரித்துறையில் தாக்கல் செய்யப்படும் அனைத்து ரிட்டன்களுக்கும், மியூச்சுவல் ஃபண்டு முதலீடுகளுக்கும் பான் கார்டு எண்ணைச் சமர்ப்பிப்பது கட்டாயமாக்கியுள்ளது.

மேலும், இந்தக் கார்டை வாங்கினால் அரசுக்கு ஆண்டுதோறும் வருமான வரி செலுத்த வேண்டியிருக்குமோ என்ற ஒருவித அச்சமும் மக்கள் மனதில் எழுந்துள்ளது. உண்மையில், பான் கார்டு வாங்குவதால் வருமான வரி கட்ட வேண்டிய அவசியம் கிடையாது. அனைவரையும் வருமான வரம்புக்குள் கொண்டு வருவதற்காகவே இந்த பான் கார்டு கட்டாயமாக்கப்பட்டுள்ளது.

பான் கார்டு பெறுவதற்கான நடைமுறைகள் தற்போது மிகவும் எளிதாக்கப்பட்டுள்ளது.

பான்கார்டு பெற விரும்புவோர் வருமான வரித்துறையின் Form49-ஏ என்ற படிவத்தைப் பூர்த்தி செய்ய வேண்டும். இந்த விண்ணப்பத்துடன் முகவரிக்கான சான்றிதழை இணைக்க வேண்டும்.

இந்த விண்ணப்பப் படிவத்தை http://www.utitsl.co.in/pan (or) www.tin-nsdl.com (or) www.incometaxindia.gov.in, ஆகிய இணையத்தளங்களின் டவுன்லோட் செய்து கொள்ளலாம். மேலும் வருமான வரித்துறையின் ஐடி பான் சர்வீசஸ் மையத்திலும், டிஐஎன் மையங்களிலும் இதைப் பெறலாம். அப்ளை செய்யப்பட்ட கார்டி-ன் Status அறிய

இதற்கு கீழ்கண்ட அடையாள சான்றிதழ்களில் சில அவசியம்.	விலாசம் தொடர்பாக கீழ்கண்ட சான்றிதழ்களில் சிலவும் அவசியம்.
1. பள்ளி டிசி	1. மின் கட்டண ரசீது
2. பிளஸ் டூ சான்றிதழ்	2. தொலைபேசி கட்டண ரசீது
3. கல்லூரி் சான்றிதழ்	3. வங்கிக் கணக்கு விவரம்
4. வங்கிக் கணக்கு விவரம்	4. வீட்டு வாடகை ரசீது
5. வாட்டர் பில்	5. பாஸ்போர்ட்
6. ரேசன் கார்டு	6. ரேசன் கார்டு
7. வீட்டு வரி ரசீது	7. வாக்காளர் அடையாள அட்டை
8. பாஸ்போர்ட்	8. வீட்டு வரி ரசீது
9. வாக்காளர் அட்டை	9. ஓட்டுனர் உரிமம்
10. ஓட்டுனர் உரிமம்	10.பணியாற்றும் நிறுவனத்திடம் பெறும் கடிதம்

விண்ணப்பிப்பவர் 18 வயதுக்குக் குறைவான மைனராக இருந்தால், அவரது பெற்றோர் அல்லது கார்டியனின் சான்றிதழ்களே போதுமானவை.

உங்களிடம் பான் கார்ட் இருந்து அது குறித்த மேலும் விவரங்களைப் பெற என்ற இணையத்தளத்தை நாடலாம்.

சிலருக்கு வருமான வரித்துறை தானாகவே இந்த அட்டையை வழங்கும்.

ஒரு தனிப்பட்ட நபர் வரி செலுத்தினாரா, வரிப் பிடித்தம் நடந்ததா, அவரது வங்கிக் கணக்கில் நடந்த பரிமாற்றம் உள்ளிட்ட விவரங்களை வருமான வரித்துறை பெற பான்கார்ட் உதவுகிறது.

பான் கார்டில் உள்ள எண்-எழுத்துக்கள் ஒவ்வொன்றும் ஒரு குறியீடாகும். அதைத் தெரிந்து கொள்வோம். உதாரணத்துக்கு பான் கார்ட் எண் ACHPL456B என்று வைத்துக்கொள்வோம்.

முதல் 3 எழுத்துக்கள் வரிசை எண்களாகும். 4வது எழுத்து தனிப்பட்ட நபரின் கார்டா அல்லது ஒரு தொழில் நிறுவனத்தின் கார்டா என்பதை குறிக்கிறது.

C - Company

P - Person

H - HUF(Hindu Undivided Family)

F - Firm

A - Association of Persons (AOP)

T - AOP (Trust)

B - Body of Individuals (BOI)

L - Local Authority

J - Artificial Juridical Person

G - Government

5வது எழுத்து பான் அட்டை வைத்திருப்பவரின் கடைசி பெயரின் முதல் எழுத்தாகும். அடுத்து வரும் எண்கள் வரிசை எண்களாகும். இது 0001ல் ஆரம்பித்து 9999 வரை செல்லும். கடைசி எழுத்தும் வரிசை எண் தொடர்புடையது தான்.

மத்திய வருமான வரித்துறை அலுவலகம் மூலம், 2003 ஜூலை முதல் தேதிக்கு முன்பு வரை விநியோகிக்கப்பட்ட பான்கார்டுகளை தற்போதும் பயன்படுத்தலாம். எனவே, புதிதாக விண்ணப்பிக்க வேண்டிய அவசியமில்லை. கலர் ஃபோட்டோவுடன் கூடிய புதிய லேமினேட் கார்டை பெற வேண்டும் என விரும்பினால் மட்டும் புதிதாக விண்ணப்பித்து பெற்றுக் கொள்ளலாம். இவ்வாறு பெறும் போது, ஏற்கனவே இருந்த எண்தான் ஒதுக்கப்படும். இதேபோல், பான் கார்டு தொலைந்து போனாலோ அல்லது ஏதாவது சேதமுற்றாலோ கூட விண்ணப்பித்து புதிய கார்டைப் பெற்றுக் கொள்ளலாம்.

இனி வரும் காலங்களில் எத்தகைய நடவடிக்கைகளுக்கும் பான் கார்டு என்பது அத்தியாவசியமான ஒன்றாகி விட்டது. எனவே, அதை இப்போதே வாங்கி வைத்துக் கொள்வது புத்திசாலித்தனம்

நன்றியுடன்

- P.இராஜா

டிஸ்கி : இந்த பதிவு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள்....அப்படியே உங்களது ஓட்டுகளையும் பதிவிட்டு செல்லுங்கள் நண்பர்களே..

உங்களது நில உரிமையின் நகலை பார்வையிடுவது எப்படி?

2012-09-08T20:44:00.002-07:00

தமிழ் நாட்டிலுள்ள விவசாய நிலங்களின் நில உரிமை (பட்டா / சிட்டா) விவரங்கள் மற்றும் அ-பதிவேட்டின் படி நில விவரங்களை இங்கு காணலாம். முன்னர், நில உரிமை பட்டா விவரங்கள், அரசின் பதிவேடு விவரங்கள் பற்றி தெரிந்து கொள்ள வேண்டுமானால், நீங்கள் வட்டார தாலுகா அலுவலகத்திற்கு சென்றுதான் பார்க்க முடியும். ஆனால் இப்போதோ அந்த வசதிகள் இணையத்திலே இருக்கிறது.

அதாவது நீங்கள் சொந்த ஊரிலிருந்து வெளியூர் அல்லது வெளிநாடுகளில் பணியில் இருக்கலாம். நமக்கு சொந்தமான வீடு, நிலம், தோட்டம் ஆகியவை உங்கள் சொந்த ஊரில் இருக்கும். நீங்கள் வரும் சமயத்தில் தான் அதை நேரில் சென்று பார்க்க முடியும். அப்படி இருக்கும் பட்சத்தில் நீங்கள் இருக்கும் இடத்திலிருந்தே அந்த இடத்திற்கு நீங்கள் தான் அதிகாரபூர்வமான உரிமையாளர் என பார்ப்பது பற்றிய தகவலை தான் இன்று பார்க்க இருக்கிறோம். அதற்க்கு முதலில் நாம் செய்ய வேண்டியது உங்களது நிலம் அமைந்துள்ள மாவட்டம், வட்டம், கிராமம், முதலிய விவரங்களை குறித்து கொண்டு அடுத்ததாக உங்கள் வசம் இருக்கும் உங்களது நிலத்தின் பத்திரத்தில் உள்ள பட்டா எண், சர்வே எண், சர்வே உட்புல எண் அனைத்தையும் குறித்து கொள்ளுங்கள்.

தற்போது நில உரிமை நகல் பார்வையிட இந்த சுட்டியை கிளிக் செய்து அந்த இணையத்தளத்தில் சென்று படத்தில் காட்டியுள்ளது போல செய்தால் கீழே காட்டப்பட்டிருப்பது போல் தோன்றும்...

பின்னர் உங்களிடம் உள்ள தகவல்களை அதற்குரிய காலங்களில் சரியாக பதிவிட்டு சமர்பித்தால் கீழே இருப்பது போல் விண்டோ ஓபன் ஆகும்.

அவ்வளவுதான். அதில் உங்களது நில உரிமையின் பட்டா சிட்டா விவரங்கள், உங்களது நிலத்தின் உரிமையாளர் பெயர் உறவுமுறை ஆகியவையும் உங்கள் நிலத்தின் பரப்பும் எவ்வளவு என்பதும் வரும் அவ்வபோதே சரியாக உள்ளதா என்பதை நீங்கள் பார்த்து கொள்ளலாம்..

நன்றியுடன்

- P.இராஜா

‘என்றென்றும் வைரம்’ - வைரத்தின் வரலாறு

2012-09-01T07:31:00.006-07:00

வைரம் இந்த பெயரை சொன்னாலே பலருக்கு ஆச்சரியம், மரியாதை, வியப்பு, சிலிர்ப்பு இப்படி பல வகையான பிரதிபலிப்புகள் ஏற்படும். உலகிலேயே முதன் முதலாக இந்தியாவில் தான் வைரங்கள் கண்டெடுக்கபட்டன. ஆந்திராவில் உள்ள கோல்கொண்டாவில் என்னுமிடத்திற்கு அருகில் உள்ள வஜ்ரகரூர் என்னும் இடத்தில தான் வைரங்கள் கிடைத்தது.
இங்கிருந்து தான் வைரம், அந்த காலத்தில் கி.மு.எட்டாம் நூற்றாண்டில் அதாவது 2800 ஆண்டுகளுக்கு முன்னே இந்தியாவிலிருந்து கலிங்க நாடு ( இன்றைய ஒரிசா ) வழியாக பாரசீக வளைகுடா, அலெக்சாண்டிரியா, ரோம், அரேபியா நாடுகளுக்கு ஏற்றுமதி செய்யப்பட்டது. வெனிஸ் அப்போது ஐரோப்பியாவின் ஒரு முக்கிய வர்த்தக மையமாக விளங்கியது. இந்திய வைரங்கள் பட்டை தீட்டபடாத இயல்பு நிலையில் வெனிஸ்க்கு அனுப்பப்பட்டன. இவ்வைரங்கள் அருகிலிருந்த சிறு சிறு ஐரோப்பிய நகரங்களில் பட்டை தீட்டப்பட்டன. அதுபோன்ற சிறுநகரங்களில் ஒன்றுதான் இன்று உலகின் வைரம் பட்டை தீட்டும் தொழிலில் முதன்மையாக விளங்கும் பெல்ஜியத்தின் ஆண்ட்வெர்ப் (Antwerp) நகரம். இந்தனைக்கும் வைரம் பட்டை தீட்டும் தொழில்நுட்பம் இந்தியர்களிடமிருந்துதான் பிற நாடுகளுக்கு சென்றது. ஆனால் இத்தொழில்நுட்பம் ஆண்ட்வெர்ப் நகரத்தில் நவீன கருவிகளின் உதவியால் பன்மடங்கு நுணுக்கப்பட்டது. வைரங்கள் பட்டை தீட்டும் முறையும் இந்தியர்கள் தான் முதன் முதலில் கண்டு பிடித்தனர். இந்தியாவிலிருந்து தான் வைரத்தை “வைரத்தை வைரத்தால் தான் அறுக்க முடியும்” என்ற பழமொழியும் வந்தது.

வைரம் எப்படி உருவாகிறது?

பூமியின் மேற்பரப்பில் இருந்து 150-200 கிலோமீட்டர் ஆழத்தில் 1200 முதல் 1800 டிகிரி சென்ட் கிரேடு வெப்பம் தொடர்ச்சியாக இருந்து கொண்டிருக்கும் போது தான் சுத்தமான கார்பன் மூலக்கூறுகளால் வைரம் உருவாகிறது.

வைரம் உருவாக எத்தனை ஆண்டுகள் ஆகும்?

இன்றைக்கு நாம் உபயோகிக்கும் வைரங்களில் மிகவும் வயது குறைந்த வைரம் 30 ஆண்டுகளுக்கு முன்பு உருவானதாக 1977-ல் மேற்கொண்ட ஒரு ஆராய்ச்சி கூறுகிறது.

வைரம் என் இவ்வளவு ஜொலிக்கிறது?

வைரம் மட்டுமே தன்னுள் பாய்கின்ற வெளிச்சத்தில் 85 % ஒளியை பல கோணங்களில் பிரதிபலித்து திருப்பி வெளியிலேயே அனுப்பிவிடும். வேறு எந்த ரத்தினதுக்கும் இந்த தன்மை கிடையாது. இதனை ஆங்கிலத்தில் Total Internal Reflection (TLR) முழுமையான உல்பிரதிபலிப்பு என்பர். அதனால் தான் இதனை அடம்பிடிக்கும் ஜொலிப்பு (Adamantine Luster) என்று ஆங்கிலத்தில் அழைப்பார்கள்.

வைரத்தின் ஆங்கில பெயர் Admas என்பதாகும். இந்த வார்த்தை மருவி Dimond என்று வழக்கத்தில் ஆகிவிட்டது.

வைரத்தை ஏன் காரட் (Carat) முறையில் எடைபோடுகிறார்கள்?

இந்தியாவிற்கு பிறகு, 1870 லிருந்து தென் ஆப்பிரிக்காவில் வைரங்கள் கண்டெடுக்கபட்டது. இங்கு, எடை அளவுகள் நிர்ணயிக்கப்படாத காலகட்டத்தில் (Carob Seeds) என்ற விதைகளையே எடையாக பயன்படுத்தினர். ஏன்னென்றால் இந்த விதைகள் அனைத்தும் அநேகமாக ஒரே அளவு எடை உடையவை. இந்த கார்ப் என்ற பெயர் மருவி, காலபோக்கில் காரட் என்றாகி விட்டது. ஒவ்வொரு கார்ப்விதையும் 200 மில்லி கிராம் எடை கொண்டது. ஆகவே ஒரு காரட் வைரத்தின் எடை 200 மில்லி கிராம். அதாவது 5 காரட் 1 கிராம் எடை.

சென்ட் என்பது எந்த எடையை குறிக்கும்?

ஒரு காரட் என்பது நூறு பாகங்களாக பிரிக்கப்பட்டு ஒவ்வொரு பாகமும் 1 சென்ட் எனப்படும். ஒரு காரட் வைரம் 100 சென்ட்கள்.

உதாரணம். 10 சென்ட் கற்கள் 10 எண்ணிக்கை 1 காரட்.

ப்ளூ ஜாகர் ( Blue Jager ) என்றால் என்ன?

தென் ஆப்பிரிக்காவில் ஜாகர் பவுண்டன் ( Jager Fontein ) என்ற இடத்தில ஒரு வைரசுரங்கம் இருந்தது. அங்கிருந்து எடுக்கப்பட்ட வைரங்கள் வெண்மையோடு சேர்ந்த ஒரு நீலநிற ஒரு நீல நிற ஒளியை கொடுக்கும். அதனால் தான் அந்த வைரங்களுக்கு Blue Jager என்று பெயர். ஆனால் இப்போது இந்த சுரங்கம் உபயோகத்தில் இல்லை.

வைரத்திற்கு இவ்வளவு விலை ஏன்?

ஒரு காரட் வைரம் தோண்டி எடுக்க வேண்டும் என்றால் குறைந்த 350 டன் (35/40 லாரி லோடு) பூமியை தோண்டி எடுக்க வேண்டும். அதிலும் நிச்சயமாய் கிடைக்கும் என்று சொல்ல முடியாது. இதற்காகும் செலவு, பட்டை தீட்டும்போது ஏற்படும் சேதம், சந்தைபடுத்துதல், (மார்க்கெட்டிங்), இதில் செய்யும் முதலீடு, தரம் பிரித்தல் மற்றும் சில செலவுகள் சேரும்போது விலை கூடுகிறது.

இந்தியாவில் வைரம் எங்கு கிடைக்கிறது?

இந்தியாவில் மத்தியபிரதேசத்தில் பன்னா [ Panna ] என்னும் இடத்தில உள்ள வைரசுரங்கதிலுருந்து தினமும் வைரம் தோண்டி எடுக்கிறார்கள். இங்கிருந்து இன்றும் நல்ல தரமான வைரங்கள் கிடைக்கிறது. ஆனால் ஆப்பிரிக்காவை ஒப்பிட்டால், மிகவும் குறைந்த அளவே இங்கு கிடைக்கிறது.

பெல்ஜியம் கட்டிங் என்றால் என்ன?

முதல் முதலில் இந்திய வல்லுநர்கள் பட்டை தீடியதை இன்னும் மேம்படுத்தி, பெல்ஜியம் நாட்டை சேர்ந்த லோடெவிஜ்க் வேன் பெர்க்காம் என்ற வல்லுநர் 58 பட்டைகளோடு மிகவும் நன்றாக ஜொலிக்கும் முறையில் வைரத்தை பட்டை தீட்டினார். இதற்கு [ Round Brilliant Cut ] என்று பெயர். இதுதான் பெல்ஜியம் கட்டிங்.

வைரம் உலகிலேயே மிகவும் கடினமானது என்கிறார்களே அதனை விளக்கவும்?

வைரத்தை வெட்டவோ பட்டை தீட்டவோ செய்வதற்கு வைரத்தால் மட்டுமே செய்ய முடியும். ஆனால் வைரத்தை வைத்து எல்லா ரத்தின கற்களையும் பட்டை தீட்டலாம். ஆனால் வைரத்தை பட்டை தீட்ட வைரத்தால் மட்டுமே முடியும். பட்டை தீட்டிய வைர கல்லில் உலகில் உள்ள எந்த பொருளை வைத்து உரசினாலும் அதில் கீறல் விழாது. இதைத்தான் வைரத்தின் கடினத்தன்மை Hardness என்கிறோம்.

வைரத்தில் தோஷம் என்றால் என்ன?

அடிப்படையில் வைரம், நன்றாக ஒருகிணைந்த கார்பன் மூலகூறுகளால் ஆனது. ஒரு வைரம் உருவாகும் போது, சில சமயம் இயற்கையில் முழுமையான கட்டமைப்பு இல்லாத கார்பன் மூலகூறுகளின் அணுக்கள் வைரத்தின் உள்புகுந்து இணைந்து அதனோடு வளர்ந்து விடும். இவை கருப்பு கொண்டவை. இதற்கு மற்றொரு வேதியல் பெயர் கிராபைட்.

வைரம் பட்டை தீட்டியதும் இது உள்ளே கருப்பாக காணப்படும். இதற்கு ஆங்கிலத்தில் Black Pique / Black Spot என்பார்கள். நாம் நாட்டில் இதற்கு தோஷம் என்று பெயர் வைத்துவிட்டார்கள்.

வைரம் என்னென்ன நிறங்களில் கிடைக்கிறது?

வெள்ளை (நிறமற்றது), மஞ்சள், பிரவுன், கிரே பச்சை, ஆரஞ்சு, பிங்க், வெளிர்பச்சை, வயலட், கலர்களில் கிடைக்கிறது. முழுக்கருப்பிலும் காணபடுகிறது.

பட்டை தீட்டப்பட்ட வைரக்கல் எப்படி இருக்கும்?

பட்டை தீட்டப்பட்ட வைரக்கல் மேலே 33 பக்கங்களும் கீழே 24 பக்கங்களும் கொண்டுள்ளது. இந்த வடிவ வைரக்கல் மிகவும் ஒளிமயமானது. இந்த வடிவம், உலகில் பெரும்பாலும் ஏற்றுக்கொள்ளப்பட்டது.

இந்தியாவில் கிடைத்த மிகபெரிய வைரம் எது?

கோல்கொண்டாவில் கிடைத்த கோகினூர் வைரம் தான் மிகப்பெரியது. இதன் எடை 105.80 காரட்டுகள். இன்று இங்கிலாந்தில் Tower of London என்னும் இடத்தில் அரச பரம்பரை நகைகள் மகுடத்தில் சூட்டப்பட்டு காட்சியளிக்கிறது.

இதுவரை உலகில் கிடைத்த மிக பெரிய வைரம் எது?

தென் ஆப்பிரிக்காவில் கண்டெடுக்கப்பட்ட Golden Jubilee தான் மிக பெரியது. இதன் எடை 545.67 காரட்டுகள். தாய்லாந்து அரசிடம் இது உள்ளது. உலகின் மிக பெரிய வைரம் தென்னாபிரிக்காவில் கிடைத்திருந்தாலும் 1866-ஆம் ஆண்டு வரை உலகின் ஒரே வைர கிடங்கு இந்தியா மட்டுமே. கி.மு 296-இல் எழுதப்பட்ட அர்த்தசாஸ்திரத்தில் வைரத்தை பற்றிய குறிப்புகள் இருகின்றன.

மேலும் வைரத்தை அன்பின் அடையாளமாக உருவகப்படுத்திய A.N.அயர் நிறுவனம் அன்பு நிலைத்திருப்பது போலவே ஒருவர் பரிசாகப் பெற்ற வைரமும் கடைசி வரை அவருடனே இருக்க வேண்டும் என்ற ரீதியில் வைரத்திற்கு நெடுநாளைய உணர்வுபூர்வ மதிப்பைத் தன்னுடைய ‘என்றென்றும் வைரம்’ (Diamond Forever) என்ற வரலாற்றுப் புகழ் வாய்ந்த விளம்பரத்தின் மூலம் தேடித்தந்தது. இதனால் மக்கள் வைரத்தை மறு விற்பனை செய்வது என்ற பேச்சிற்கே இடமில்லாமல் போனதால் வைரத்திற்கான இரண்டாம் சந்தை (Secondary market) இல்லாமலே போனது. இதனால் விற்பனையில் எப்போதுமே புதிய வைரங்களே புழங்கி வந்தன. இவ்வாறு வைரம் ஒரு ஆடம்பரப் பொருளாகவும், கெளரவம் மற்றும் செல்வாக்கின் சின்னமாகவும் மக்கள் மனதில் பதிந்து கொண்டே வருகிறது.

டிஸ்கி : இந்த பதிவு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள்....அப்படியே உங்களது ஓட்டுகளையும் பதிவிட்டு செல்லுங்கள் நண்பர்களே..

Employment - ஆன்லைனில் பதிவு செய்வது எப்படி?

2012-08-17T08:24:00.002-07:00

தமிழகம் முழுவதும் அனைத்து மாவட்ட வேலை வாய்ப்பு அலுவலகங்களும் கம்ப்யூட்டர் மயமாக்கப்பட்டு ஆன்லைனில் இணைக்கப்பட்டுள்ளன. முதுகலை பட்டப்படிப்புகள், பொறியியல், மருத்துவம், உயர் தொழில்நுட்ப கல்வித்தகுதிகளை பதிவு செய்ய ஆன்லைன் பதிவு முறை 2001 ல் கொண்டுவரப்பட்டுள்ளது. மாநிலம் முழுவதும் பதிவு செய்துள்ள அனைத்து கல்வித்தகுதிகளையும் கொண்ட பதிவுதாரர்களை இணைக்கும் புதிய ஆன் லைன் சாப்ட்வேர் "சுசி லினக்ஸ்” என்ற பெயரைக்கொண்ட இப்புதிய சாப்ட்வேரை எல்காட் நிறுவனம் உருவாக்கி கொடுத்துள்ளது.

தமிழகத்தில் இதுவரை வேலைவாய்ப்பு அலுவலகங்களுக்கு நேரில் சென்றுதான் கல்வித் தகுதியைப் பதிவு செய்ய முடியும் என்ற நிலை இருந்து வந்த நிலையில், தற்போது அனைத்துப் பணிகளையும் வீட்டிலிருந்தபடியே ஆன்லைனில் செய்து கொள்ள முடியும். ஏற்கெனவே வேலை வாய்ப்பு அலுவலகங்களில் பதிவு செய்தவர்கள், இந்த இணைய தளத்தில் தங்களது பதிவு எண்ணை உள்ளிட்டு தங்களது கல்வி விவரங்களை சரிபார்த்துக் கொள்ள முடியும்.

இன்று நாம் புதியதாக ஆன்லைனில் பதிவு செய்வது எப்படி என்று பார்ப்போம். இதற்கு குடும்ப அட்டை, சாதி சான்றிதழ், 10th (or) 12th மதிப்பெண் அட்டை கண்டிப்பாக கையில் வைத்திருத்தல் வேண்டும். முதலில் இணையதள முகவரி www.tnvelaivaaippu.gov.in என்ற இணையதளத்திற்கு சென்று

click here for new user ID registration என்று இருக்கும் ( உதாரணத்திற்கு மேலே உள்ள படத்தை பார்க்கவும்) அதை கிளிக் செய்தால் ஒரு விண்டோ ஓபன் ஆகும் அதில் I agree என்று சொடுக்கி அடுத்து வரும் பக்கத்தில்

பதிவு செய்யும் விண்ணப்பதாரரின் பெயர், ஈமெயில் முகவரி, user id என்ற இடத்தில் புதியதாக ஒரு ID கொடுக்கவும், பின்பு அப்பா பெயர், பிறந்த தேதி, குடும்ப அட்டை எண்ணையும் Image Code என்ற இடத்தில் கீழே கொடுக்கப்பட்டிருக்கும் codeஐ கொடுத்து Save செய்தால் உங்களுகென்று ஒரு ID Create ஆகி விடும். அடுத்து வரும் பக்கத்தில்

உங்களது Personal detail, Contact detail, Qualification detail, Technical detail ஆகியவற்றை பூர்த்தி செய்து Save செய்தால் உங்களது Register Number Create ஆகிவிடும்.

குறிப்பு 1 : Qualification detail பூர்த்தி செய்தவுடன் add என்று பட்டன் இருக்கும் அதை கிளிக் செய்தால் ஒரு சின்ன விண்டோ ஓபன் ஆகும் அதில் கிளிக் செய்து Save கொடுக்கவும். இதே போன்று Technical Detailம் செய்ய வேண்டும்.

குறிப்பு 2 : மேலே சொன்ன அனைத்தும் முடிவடைந்தவுடன் Home பகுதிக்கு சென்று பார்த்தால் Print ID Card என்று இருக்கும் அதை கிளிக் செய்து பிரிண்ட் எடுத்து கொள்ளலாம்.

குறிப்பு 3 : ஏதேனும் தவறாக செய்திருந்தால் Home பகுதியில் Modify Contact இருக்கும் அதில் சென்று மாற்றி கொள்ளலாம்.

குறிப்பு 4 : Update Profileல் சென்று Renewal செய்து கொள்ளலாம்.

Renewal செய்வதற்கான குறிப்பு :

உதாரணத்திற்கு Register Number இப்படித்தான் இருக்கும்.

வேலைவாய்ப்பு அலுலகத்தின் குறியீட்டு எண்: ARD - என்பது ( வேலைவாய்ப்பு அலுவலகம், அரியலூர் )

பதிவு செய்த ஆண்டு : 2012

ஆண் / பெண் : M

பதிவு எண் : 7502

பதிவு எண் என்பது 8 இலக்க எண்ணாக இருத்தல் வேண்டும், அப்படி இல்லாமல் 4 இலக்க எண்ணாக இருந்தால் முன்னதாக 4 பூஜ்ஜியங்களை சேர்த்துக்கொள்ளவும்.

User ID : ARD2012M00007502

Password : dd / mm / yyyy

கடவு சொல்லில் உங்களது பிறந்த தேதியை கொடுக்கவும்.
உங்களது ID CARD இப்படிதான் இருக்கும்..

அவ்வளவு தான் நண்பர்களே.. இனி கால விரையமுமின்றி வீட்டில் இருந்தபடியே ஆன்லைனில் பதிவு செய்து கொள்ளலாம். பதிவில் ஏதேனும் தவறுகள் இருப்பின் சுட்டிக்காட்டுங்கள் திருத்தம் செய்து கொள்கிறேன்..

நன்றியுடன்

- P.இராஜா

டிஸ்கி : இந்த பதிவு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள்....

அறிமுகம் ஆகிறது - பத்திர பதிவிற்கு வருமான வரி செலான்!!

2012-07-21T21:35:00.001-07:00

நடப்பு ஆண்டு அக்டோபர் மாதத்திலிருந்து பத்திர பதிவிற்கு வருமான வரி செலானை சமர்பிக்க வேண்டும்.

வீடு அல்லது நிலம் வாங்குபவர்கள் பத்திரத்தை பதிவு செய்யும் பொது வருமான வரியை ஏற்கனவே பிடித்தம் செய்ததற்கான செலானை கட்டாயம் சமர்பிக்க வேண்டும்.

என்ற புதிய சட்டத்தை அமலாக்குவது குறித்து மத்திய நிதி அமைச்சகம் தீவிரமாக பரிசீலனை செய்து வருகிறது. இது இவ்வாண்டு அக்டோபர் மாதம் முதல் அமலுக்கு வரும் என்று தெரிகிறது.

பெரிய நகரங்கள்:

ஒருவர் வீடு அல்லது நிலம் ஆகிய சொத்தின் மதிப்பு பெரிய நகரங்களை பொறுத்தமட்டில் ரூ.50 லட்சம் மற்றும் இதர நகரங்களில் ரூ.20 லட்சத்திற்கு அதிகமாக இருந்தால், அதனை வாங்குபவர்கள் சொத்தின் மதிப்பில் 1 சதவீதத்தை விற்பனை செயபவர்களிடமிருந்து அப்போதே பிடித்தம் செய்ய வேண்டும் என்று அண்மையில் தாக்கல் செய்யப்பட்ட மத்திய பட்ஜெட்டில் தெரிவிக்கப்பட்டுள்ளது.

இவ்வாறு பிடித்தம் செய்யப்பட்ட தொகையை வருமான வரி துறைக்கு செலுத்த வேண்டும். இதனை நடைமுறைப் படுத்தும் வகையில் இவ்வாறு பிடித்தம் செய்யப்பட்ட தொகைக்கான ரசீதை சமர்பித்தால் மட்டுமே பத்திர பதிவு செய்யபடும் என்பதை சட்டமாக அரசு முடிவு செய்துள்ளது. முத்திரைக் கட்டணம் செலுத்துவதற்காக சொத்தின் மதிப்பு எவ்வாறு கணகிடப்படுகிறதோ அதன் அடிப்படையில் இந்த பதிப்பு கணக்கிடப்படும்.

சொத்தை விற்பனை செய்பவர்கள், அவர்களுக்கு தகுதி இருக்கும் பட்சத்தில் இவ்வாறு பிடித்தம் செய்யப்பட்ட தொகையை வருமான வரி துறையிடமிருந்து திரும்ப பெற்று கொள்ளலாம். இதற்கான தனி விண்ணப்ப படிவம் வருமான வரி துறையால் விரைவில் தயாரிக்கபட உள்ளது.

கருப்பு பணம்:

வீடு மற்றும் நிலம் விற்பனையில் அதிக அளவில் பணம் புழங்குகிறது. மேற்கண்ட நடவடிக்கையில் வருமான வரித்துறை இந்த பரிவர்த்தனை பற்றிய முழு விவரங்களையும் தெரிந்து கொள்ளலாம் என மதிய அரசின் உயர் அதிகாரி ஒருவர் தெரிவித்தார்.

கருப்பு பண புழக்கத்தை கட்டு படுத்தும் வகையில் அரசு இந்த முடிவை எடுத்துள்ளதாக தெரிகிறது. நிலம் மற்றும் வீடுகள் விற்பனையில் ரொக்க பரிவர்த்தனையின் அளவு 60 சதவீதத்திற்கு அதிகமாக உள்ளது. இந்த சட்டம் நடைமுறையில் சாத்தியபடுமா என்ற கேள்வியும் எழுந்துள்ளது.

நன்றி: கொடிசியா

நன்றியுடன்

- P.ராஜா

இந்த பதிவு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள்....

குடும்ப அட்டை பெறுவது பற்றிய தகவலை பெற தகவல் அறியும் உரிமை சட்டத்திற்கு எவ்வாறு விண்ணப்பிக்கலாம்?

2012-05-27T23:16:00.001-07:00

"தகவல் அறியும் சட்டம் 2005 ஒரு பார்வை"

அரசு துறைகள் மற்றும் அரசு சார்ந்த நிறுவனங்களிடம் இருந்து நமக்கு தேவையான விவரங்களை தகவல் பெரும் சட்டத்தின் கீழ்பெறுவது எப்படி? என்கிற கேள்வி பலருக்கும் பதில் தெரியவில்லை. அனைவருக்கும் பயன்அளிக்கும் வகையிலான இந்த சட்டத்தை எந்த வகையில் பயன்படுத்துவது என்பது குறித்த சில கேள்விகளும் பதில்களும் பற்றி பார்போம்.

யார் தகவல் கேட்கலாம்?

எந்த ஒரு இந்திய குடிமகனும் தகவல் பெறலாம்.

யாரிடம் தகவல் பெறலாம்?

அரசு நிறுவனங்கள், அரசு சார்ந்த நிறுவனங்கள், அரசு உதவி பெறும் அமைப்புகள் போன்றவைகளிடம் தகவல் கேட்கலாம்.

தகவல் அளிக்க யாருக்கெல்லாம் விலக்கு?

தகவல் அளிப்பதிலிருந்து ஒரு சில அமைப்புகளுக்கு விலக்கு அளிக்கப்பட்டுள்ளது. ஒரு நாட்டின் பாதுகாப்பு, இறையான்மை, ஒருமைப்பாடு, ராணுவம் சார்ந்த தொழில் நுட்பம் போன்ற தகவல்களை தகவல் பெறும் சட்டத்தின் கீழ் அளிக்க தேவையில்லை. நீதிமன்றத்தால் தடை செய்யப்பட்ட தகவல், தனி நபர் மூன்றாம் நபர் தகவல்கள், காவல் புலனாய்வு போன்ற தகவல் தெரிவிக்க வேண்டியதில்லை.

தகவல் அளிப்பவர் யார்?

அனைத்து நரசு துறைகளும் போது தகவல் அலுவலரை நியமித்து அது குறித்த தகவல்களை பொது மக்கள் அறியும் வகையில் வெளியிடவேண்டும்.

கட்டணம் எவ்வளவு?

தகவல் பெற கட்டணம் ரூ.10 இதை ரொக்கமாகவோ, நீதி மன்ற வில்லையகவோ ஒட்டுவதன் மூலமாகவோ, வங்கி வரைவோலை, இந்திய போஸ்டல் ஆர்டர் மூலமாகவோ செலுத்த முடியும். ரயில்வே துறையில் தகவல் பெற ரூ.10 ஒவ்வொரு நிமிடத்துக்கு ரூ.5 கட்டணம் செலுத்த வேண்டும்.

கேட்க கூடிய தகவல் அதிக பக்கங்களை கொண்டதாக இருக்கும் பொது தகவல் கேட்பவர் பக்கத்துக்கு ரூ.2 செலுத்த வேண்டியிருக்கும்.

தகவல்களை சி.டி., பிளாப்பி வடிவில் நகல எடுத்தது பெறுவதற்கு ரூ.50 செலுத்த வேண்டியிருக்கும். வறுமை கோட்டிற்குகீழ் இருப்பவர்கள் விண்ணப்பிக்க கட்டணம் செலுத்த வேண்டியதில்லை.

குடும்ப அட்டை பெறுவதில் சிக்கலா?

தகவல் அறியும் உரிமைச்சட்டம் மாதிரி கடிதம்

உங்களுக்கு குடும்ப அட்டை பெறுவதில் சிக்கலா? குடும்ப அட்டை வேண்டி விண்ணப்பிக்கும் வழிமுறை தெரியவில்லை? தகவல் பெறும் உரிமைச்சட்டம் 2005ன் கீழ் உங்கள் அனைத்து சிக்கலும் தீர்வு காண முடியும். பின்வரும் மாதிரி விண்ணப்பத்தில் உங்களுக்கு தேவையான மாற்றங்களை செய்து பயன்படுத்துங்கள். சந்தேகங்களை கேட்டறியுங்கள்.

தகவல் அறியும் உரிமைச்சட்ட விண்ணப்பம்

(ஒப்புகை அட்டையுடன் கூடிய பதிவு அஞ்சல்)

அனுப்புநர்:

தங்கள் முழு முகவரி

பெறுநர்:

பொது தகவல் அலுவலர் அவர்கள் ,

மாவட்ட வட்ட வழங்கல் அலுவலகம்,

................மாவட்டம்.

வணக்கம்,

பொருள்: தகவல் பெறும் உரிமை சட்டம் 2005ன் கீழ் தகவல் பெறுவது சம்பந்தமாக

1) புதிய குடும்ப அட்டை வாங்க ஒருவர் எந்த அலுவலகத்தில், யாரை அணுக வேண்டும் என்பதை தெரிவிக்கவும்.

2) குடும்ப அட்டைக்கு விண்ணபிப்பதற்கான விண்ணப்பத்தை எந்த அலுவலகத்தில், எந்த அலுவலரிடம் பெற வேண்டும்? அதற்க்கு கட்டணம் ஏதேனும் உள்ளதா? இருந்தால் அது எவளவு என்று தெரிவிக்கவும்

3) குடும்ப அட்டை பெற விண்ணபிக்கும்போது என்னென்ன ஆவணங்களை விண்ணபத்துடன் இணைக்க வேண்டும் என்ற விவரம் தெரிவிக்கவும்.

4) குடும்ப அட்டைக்கு விண்ணப்பித்தால் எத்தனை நாட்களுக்குள் குடும்பத்தை வழங்கப்படும்? அரசு நிர்ணயித்துள்ள நாட்களுக்குள் வழங்கபடவில்லைஎன்றால் அதற்க்கு முழு பொறுப்பு யார் என்ற விவரத்தை தெரிவிக்கவும்.

5) குடும்ப அட்டை அச்சிடப்பட்ட அலுவலகத்திற்கு வந்திருப்பதை விண்ணப்பதாரருக்கு எவ்வாறு தெரிவிக்க படும் ( எழுத்து மூலமாகவா அல்லது வாய்மொழி மூலமாகவா) என்ற விவரம் தெரிவிக்கவும்.

6) குடும்ப அட்டை வழங்க தாமதமாக்கும் அரசு அலுவலர்கள் மீது அரசு என்னென்ன நடவடிக்கை எடுக்கும் என்ற விவரம் தெரிவிக்கவும். இது அரசின் எந்த சட்டத்தின் கீழ் வரும் என்ற விவரமும் தெரிவிக்கவும்.

7) ஒருவர் தனது குடும்ப அட்டையை தொலைத்துவிட்டால் (நகல் ஏதும் இல்லை என்றால்) புதிய குடும்பட்டை பெற எந்த அலுவலகத்தில் எந்த அலுவலகத்தில் விண்ணபிக்க வேண்டும்? அப்படி விண்ணபித்தால் எத்தனை நாட்களுக்குள் புதிய குடும்பட்டை கிடைக்கும். அது பற்றி தகவல் தரவும்.

8) ஒரு ஆண்(அ) பெண் தன்னுடைய பெயரை குடும்ப அட்டையிலுருந்து நீக்கம் செய்து பெயர் நீக்க சான்று பெற எந்த அலுவலகத்தில் விண்ணப்பிக்க வேண்டும்? இதனோடு என்னென்ன ஆவணங்கள் சமர்பிக்க வேண்டும்?

9) ஒருவருக்கு நியாய விலை கடையில் பொருள்கள் கிடைக்கவில்லை என்றால் எந்த அலுவலரிடம் புகார் கொடுக்க வேண்டும்? அப்புகார் மீது நடவடிக்கை எடுகாதபட்சதில் மேல் முறையீடு செய்ய வேண்டிய அலுவலர் முகவரி தெரிவிக்கவும்.

10) எடையில் குறைபாடு, தேவையற்ற பொருள்களை திணித்தல் ஆகிய புகார்களுக்கு யாரை அணுக வேண்டும் என்ற விவரம் தெரிவிக்கவும்.

11) நுகர்வோர் புகார் கூறியும், எந்த அலுவலரும் நடவடிக்கை எடுக்காத பட்சத்தில் அந்த குறிப்பிட்ட அலுவலர் மீது நீதிமன்றத்தில் வழக்கு தொடர முடியுமா என்ற விவரம் தெரிவிக்கவும். முடியும் என்றால் எந்த பிரிவின்கீழ் வழக்கு தொடர முடியும் என்றும் தெரிவிக்கவும்.

12) எத்தனை விதமான குடும்ப அட்டைகள் தற்போது தமிழ்நாட்டில் உள்ளன. அவை வருமானத்தின் அடிப்படையில் உள்ளதா அல்லாஹ்டு மக்கள் தொகையின் அடிப்படையில் உள்ளனவா என்ற விவரம் தெரிவிக்கவும்.

நான் மேலே கூறிய தகவல்கள் தங்கள் அலுவலகத்தில் இல்லை எனில் தகவல் தொடர்புடைய அலுவலகத்திற்கு அனுப்பி வைக்குமாறு கேட்டுகொள்கின்றேன். இந்த விண்ணப்பத்திற்கான கட்டணமாக 10 ரூபாய் மதிப்புள்ள நீதிமன்ற கட்டண வில்லையை ஒட்டியுள்ளேன். மேலும் தகவலுக்கு பணம் செலுத்த வேண்டியுரிப்பின், எத்தனை பக்கங்கள், அதற்க்கு பணம், எந்த தலைப்பில் செல்லுத்த வேண்டும் என்று தெரிவித்ததால், அதை நான் செலுத்த தயாராக உள்ளேன்.

இவ்வாறு தகவல் அறியும் உரிமை சட்டத்திற்கு விண்ணப்பித்து குடும்ப

அட்டை பெறுவதற்கான தகவலை அறிந்து கொள்ளலாம்...

சீனாவில் பொருள்களை மலிவு விலைக்கு எவ்வாறு "விற்கப்படுகிறது" - [பகுதி 2]

2012-05-13T19:31:00.000-07:00

இன்று நம் நாட்டில் விலைவாசி உயர்வு என்பது பஸ் டிக்கெட்டில் துவங்கி பெட்ரோல்,டீசல் என்று உயர்ந்து கடைசியில் உணவுப்பொருட்கள் வரை பரவியிருக்கிறது இந்த விலைவாசி உயர்வு என்கிற‌ விஷம். ஆனால் சீனாவில் மட்டும் இது எப்படி சாத்தியமாகிறது. கடந்த பகுதியில் சீனாவில் பொருள்களை மலிவு விலைக்கு எவ்வாறு "விற்கப்படுகிறது"
- என்பது பற்றி முதல் பத்து இனங்களை [பகுதி - 1] ல் பார்த்தோம். தற்போது மீதமுள்ள 10 இனங்களை பற்றி [பகுதி 2] பார்ப்போம். என்னுடைய முந்தய பதிவு சீனாவில் பொருள்களை மலிவு விலைக்கு எவ்வாறு "விற்கப்படுகிறது" - [பகுதி 1]

எண்	இனம்	சீனாவில்	இந்தியாவில்
11	வெளிநாட்டு தொழில்நுட்பம்	மக்களின் சொத்தாக பராமரிக்க பட்டு அனைத்து தொழிற்சாலைகளுக்கும் இலவசமாக தரபடுகிறது	ஒரு நிறுவனத்தின் தொழில் நுட்பம் மற்றவர்களுக்கு தரபடுவதில்லை
12	கூடுதல் நேர வேலை சம்பளம்	எவ்வளவு நேரம் கூடுதலாக வேலை செய்தாலும் ஓவர் டைம் கூடுதல் சம்பளம் கிடையாது	அங்கீகரிக்கப்பட்ட வேலை நேர்த்திக்கு மேல் சில நிமிடங்கள் வேலை செய்தாலும் 2 மடங்கு கூலி கொடுக்க வேண்டும்
13	தொழிலாளர் நல சட்டம்	தொழிலாளியின் உற்பத்தி திறன் குறைவாக இருந்தாலே வேலையைவிட்டு நீக்கி விடலாம். இதனால் தொழிலாளர் உற்பத்தி திறன் திறமை உயர்வாக இருக்கிறது.	பெரிய தவறுகள் செய்தாலே வேலையை விட்டு நீக்குதல் கடினம். தொழிலாளர் உற்பத்தி திறனை அதிகரிக்கவே முடியாத நிலை. தொழிலாளர் நஷ்டப்பட்டு தொழிற்சாலைகளை மூடும் நிலை ஏற்பட்டாலும் உரிமையாளர் தனது பூர்வீக சொத்துகளை விற்றாவது தொழிலாளர்களுக்கு நஷ்டஈடு கொடுக்க வேண்டிய பரிதாப நிலைமை
14	குறைந்த பட்ச சம்பளம்	இப்படியொரு சட்டமே கிடையாது வேலை திறனுற்கேற்ப சம்பளம் தான்	தொழிலாளர் மிக குறைந்த அளவு உற்பத்தி செய்பவராக இருந்தாலும் கூடுதலாக நிர்ணயிக்கபட்டுள்ளன
15	தொழிற்சங்கங்கள்	தொழிற்சங்கங்கள் கிடையாது. எனவே ஸ்ட்ரைக் ஆர்பாட்டம் கொடி பிடித்தல் எதுவும் கிடையாது. ஆகவே சுமுகமாக தொழில் உறவு	அரசியல் மற்றும் வேறு துறையில் லீடராக உள்ளவர்கள் யூனியன் லீடராக இருந்து தொழிலாளர் சம்பந்தப்பட்ட சிறு பிரச்சனைகளை கூட பெரிதாக்கி விடுவார்கள். அது மட்டுமல்ல சொந்த பிரச்னை கூட ஸ்ட்ரைக் ஆர்பாட்டம் கிளர்ச்சி என ஈடுபடுவதால் உற்பத்தித்திறன் உற்பத்தி அளவு மிகவும் பாதிப்பு
16	சரக்கு போக்குவரத்து துறை	பொருட்களை டெலிவரி செய்வதற்கு நல்ல ரோடுகள் இடையூறு இல்லாத போக்குவரத்து 800 கி.மீ தூரத்திலுள்ள தொழிற்சாலைகள் 8 மணி நேரத்தில் சரக்கு டெலிவரி	ரோடுகள் மிகவும் மோசம் மும்பையிலிருந்து 800 கி.மீ தூரத்தில் உள்ள ராஜ்கோர்ட்டுக்கு டெலிவரி செய்ய குறைந்த பட்சம் 2 நாள்கள கூட ஆகிறது. விற்பனைவரி செய்ய முடியும். சோதனை சாவடிகள் தமிழ்நாட்டில் மட்டும் தான் எடுக்கப்பட்டு விட்டன மற்றும் பல சோதனை சாவடிகளில் காக்க வைத்தல் எதற்கெடுத்தாலும் சாலை மறியல் வாகனங்கள் எரிப்பு குடும்ப சண்டைகளுக்கு கூட போக்குவரத்து நிருத்தப்படுதல், வாகனங்கள் செதபடுத்துதல்.
17	மின்சாரம்	ஏற்ற இறக்கம் இல்லாத தொடர்ச்சியான மின் சப்ளை யூனிட் 1க்கு ரூ2.00க்கு கிடைக்கிறது	ஏற்ற இறக்கம் இல்லாத அதிலும் இறக்கம் உள்ள அடிக்கடி தடை படுகின்ற தரம் குறைந்த மின்சாரத்தின் விலை தமிழ்நாட்டில் யூனிட் 1க்கு ரூ4 ஆகிறது
18	அரசு இயந்திரம்	தொழிற்சாலைகள் குறைந்த அரசு துறைகளின் கட்டுப்பாட்டின் கீழ் இயங்குகின்றன ஒற்றை சாரள முறை செயல்படுகிறது. அரசு அதிகாரிகள் தொழிற்சாலைகளுக்கு ஊக்கமளிக்கும் விதத்தில் செயல் படுகின்றன	மத்திய சிறுதொழில் இணையமைச்சர் திருமதி. வசுந்தராஜே ஒரு கருத்தரங்கில் கூறியிருப்பது “ ஒரே நபர பணிபுரியும் சிறு தொழில் அமைப்பில் கூட வரி வசுலுக்கு 37 வகையானஆய்வுகள் மேற்கொள்ளபடுகின்றன. இதற்கு 57 சட்டங்கள் பொருந்துமாறு செய்யபடுகின்றன இவற்றின் அடிப்படையில் 116 படிவங்களும் பதிவேடுகளும் பராமரிக்கபட்டாக வேண்டும் இத்தைகைய நிர்வாக காட்டுக்குள் திக்கு தெரியாமல் சிக்க விட்ட குழந்தை போல சிறு தொழில் துறை ஆபத்தான நிலையில் தள்ளாடி கொண்டிருக்கிறது
19	லஞ்ச ஊழல்	லஞ்சம் சரியான தண்டனைக்குள்ளாகிறது. சமீபத்தில் கூட பல லஞ்ச ஊழல அரசு அதிகாரிகளின் சொத்துகள் பறிமுதல் செய்யப்பட்டுள்ளன	சட்ட விதிகளை அரசு அதிகாரிகள் அவர்கள் இஷ்டத்திற்கு வியாக்கியானம் செய்து தொழிலதிபர்களை துன்புறுத்தி பணம் பண்ணுவதிலேயே கண்ணும் கருத்துமாக உள்ளனர். அரசு அதிகாரிகள் வேண்டுமென்றே தவறான விளக்கம் கொடுத்ததாக தெரிந்தாலும் அவர்கள் மேல் நடவடிக்கை எடுக்க படுவதில்லை. அதிகார துஷ்பிரயோகம் எந்த மட்டத்திலும் கட்டுபடுதபடுவதில்லை
20	துறைமுகங்களின் செயல்பாடுகள்	சுங்கவரி இலாகாவும் துறைமுக நிர்வாகமும் வருடத்தில் 365 நாள்களும் செயல்படுகின்றன. இறக்குமதியான பொருள்களை 24 மணி நேரத்திற்குள் கிளீயர் செய்து விடலாம் சராசரியாக ஏற்றுமதிக்கும் அதே நேரம் தான் அதிகபட்சம்	இந்தியாவில் இவை 250 நாட்களே செயல்படுகின்றன. இறக்குமதியான பொருள்களை கிளீயர் செய்யவே 20 நாட்கள் ஆகின்றன. ஏற்றுமதிக்கு சராசரியாக 10 நாட்கள் ஆகின்றன.

இப்படி நம் நாட்டவர் செய்யும் கொடுமைக்கு அளவே இல்லை...
நன்றி: கொடிசியா

இந்த பதிவு உங்களுக்கு பிடித்திருந்தால் சமூக வலைதளங்களில் பகிர்ந்து கொள்ளுங்கள்..நண்பர்களே..

சீனாவில் பொருள்களை மலிவு விலைக்கு எவ்வாறு "விற்கப்படுகிறது" - பகுதி 1

2012-05-03T23:44:00.000-07:00

எண்	இனம்	சீனாவில்	இந்தியாவில்
1	தொழிலாளர் உற்பத்தி திறன்	இந்தியாவைவிட 3 முதல் 4 மடங்கு அதிகம்	ஏனோதானோ என்ற மற்றும் எண்ணம்
2	தொழிலாளருக்கு சலுகை	உணவு, உடை, வீடு, ஆகியவற்றில் அரசு மான்யம் கிடைக்கிறது. எனவே தொழிற்சாலைகள் அதிக சம்பளம் தர வேண்டியதில்லை	அரசின் உதவிகள் அரசு இல்லை கெடுபிடிகள் தான் அதிகம்
3	இடு பொருள்களின் விலை	அ) இயந்திரங்கள் இறக்குமதிகளுக்கு 5%க்கும் குறைவான சுங்க வரி ஆ) மூலபொருள்கள் இறக்குமதி	அ) இயந்திரங்கள் இறக்குமதி சுங்க வரி 22.45%
4	வங்கி வட்டிகள்	அ) வங்கி வட்டி விகிதம் 4.6% ஆ) திரும்ப செலுத்தபடாத கடனுக்கு வட்டி சரியாக செலுத்தினால் மூலதன பங்காக மாற்றும் வசதி	அ)வட்டி 14முதல்18 % ஆ)கடன் திரும்ப செலுத்தாத நிறுவனத்தை வங்கிகள் மற்றும் அரசு நிதி நிறுவனங்கள் முற்றுகையிட்டு விரைவில் மூடபடுதல்
5	உற்பத்தி கொள்கை	குறைந்த லாபம் அதிக அளவு உற்பத்தி	குறைந்த உற்பத்தி அதிக அரசு வரிகள் கட்டணங்கள் உற்பத்தி அதிகரிப்புகள் விரிவாகதிற்க்கு உரிமங்கள் கிடைப்பதில் மிகுந்த கால தாமதம். பல சந்தர்பங்களில் கிடைப்பதில்லை
6	பொருள் விலை	மிக உயர்ந்த அல்ல. ஆனால் போட்டியாளரை விட மிக குறைந்த 10% விலை	சரியான கொள்கை இல்லை
7	தர முன்னுரிமை	OEM சப்ளையில் பத்து லட்சம் பொருள்களுக்கு ஒன்று தான் reject செய்யப்படும். ஸ்பேர் மார்க்கட்டில் குறைந்த விலை	நடைமுறையில் இல்லை
8	ஏற்றுமதி ஊக்குவிப்பு	கண்காட்சிகள் சிறப்பாக நடத்தப்படுகின்றன. L.C இருந்தால் ஒரு மாதத்தில் சப்ளை முடியும்	கண்காட்சிகள் ஏனோதானோ? வங்கிகளின் அசட்டையால் குறைந்த பட்சம் 3 மாதம் அவகாசம் தேவை
9	வெளிநாட்டு அரசாங்க சப்ளைக்கு சலுகை	வட்டியில்லா கடனில் அரசு அனுமதிக்கிறது	வசதி இல்லை. அதுமட்டுமில்லை உள்நாட்டில் அரசுதுறைகள் அரசு சார்பு நிறுவனங்கள் சிறு குருந்தொழில்களிடம் இருந்து உற்பத்தி பொருள்கள் வாங்குவதற்கு முன்னுரிமை அளிக்க வேண்டும் என்ற அரசு ஆணை காற்றில் பறக்க விடப்படுகிறது. அப்படியே வங்கி விட்டாலும் ஆண்டு கணக்கில் பணம் நிலுவை.
10	உற்பத்தி அளவு( நல்ல மற்றும் தரம் குறைந்த பொருள்கள் )	மிக சிறந்த பொருள்கள் உயர்தரத்தில் உலக சந்தையில் வருகிறது. அதே தொழிற்சாலையில் தரம் குறைந்த பொருள்கள்	ஒரு போதும் சாத்தியமில்லை

கொசுறு: இந்த பதிவில் மீதம் உள்ள வெளிநாட்டு தொழில்நுட்பம்,கூடுதல் நேர வேலை சம்பளம், தொழிலாளர் நல சட்டம், குறைந்த பட்ச சம்பளம், தொழிற்சங்கங்கள், சரக்கு போக்குவரத்து துறை, மின்சாரம், அரசு இயந்திரம்

லஞ்ச ஊழல், துறைமுகங்களின் செயல்பாடுகள் ஆகியவற்றை அடுத்த பதிவில் பார்க்கலாம்...

நன்றி: கொடிசியா

உங்களது PF-பிராவிடண்ட் பண்ட்டில் எவ்வளவு பணம் இருக்கு?

2012-04-27T09:58:00.002-07:00

வருங்கால வைப்பு நிதி அமைப்பில் பணம் செலுத்தும் அனைத்து அரசு, தனியார் நிறுவன ஊழியர்களின் கணக்கு விவரங்களை இணையதளத்திலேயே பார்க்க முடியும். இதற்கு முன்னால் உங்கள் PF கணக்கில் எவ்வளவு பணம் இருக்கிறது என்பதை தெரிந்துகொள்ள முடியாது. ஆனால் தற்போது அது எவ்வளவு என்பதை அவ்வபோதே தெரிந்து கொள்ளலாம்.
இந்த விவரத்தை தற்போது பார்போம்.

இணைய சுட்டி...இதனை கிளிக் செய்து அந்த இணைய தளத்தில் சென்று படத்தில் காட்டியுள்ளது போல் செய்தால் உங்களது விவரங்கள் தெரியும்..

அதில் know your EPF balance என்பதை கிளிக் செய்தால் கீழே உள்ளதுபோல் விண்டோ ஓபன் ஆகும்.

அதில் Click Here என்பதை கிளிக் செய்து பின்பு வரும் விண்டோவில் படத்தில் சுட்டி காட்டிய இடத்தில் தங்களது மாநிலத்தை தேர்வு செய்தால் படத்தில் காட்டியுள்ளதுபோல் தோன்றும் அதில் உங்களது EPFO OFFICE-யை தேர்வு செய்தால்

மேலே உள்ளது போல் தோன்றும் அதில் சுட்டி காட்டப்பட்ட இடத்தில் தங்களது விவரங்களையும் (முக்கியமாக தொலைபேசி எண்ணை தர வேண்டும்) கொடுத்து submit செய்தால் இணையத்தில் காட்டாது உங்கள் பணத்தின் விவரம் உங்களது தொலைபேசிக்கு ஒரு செய்தி(SMS)ஆக வரும். அதில் உங்களது தொகையின் விவரம் தெரிந்துவிடும்...அவ்வளவுதான் நண்பர்களே..

கொசுறு:பணியிலிருந்து ஓய்வு பெறுவோர் தங்களது PF பிராவிடண்ட் பண்ட் பணத்தை வாங்குவதற்கு பல விதிமுறைகளைச் சொல்லி அலையோ அலை என்று அலைய விட்டு உயிரை எடுப்பார்கள்.. ஆனால், சில வருடங்களாக நிலைமை மாறிவிட்டது. பணியிலிருந்து ஓய்வு பெற்ற ஒருவர் தனது PF பிராவிடண்ட் பண்ட் பணத்தைக் தர கோரி விண்ணப்பம் தாக்கல் செய்தால், விண்ணப்பம் தாக்கல் செய்த 30 நாட்களுக்குள் அவருக்கு பணம் போய் சேர வேண்டும் என்பது கட்டாயமாகி விட்டது.

இந்த பதிவு உங்களுக்கு பயனுள்ளதாக இருந்தால் சமூக வலைதளங்களில் பகிர்ந்து தெரியாதவர்களுக்கு தெரியபடுத்தவும்..

உங்கள் மாவட்டங்களில் எந்தெந்த மருத்துவமனைகளில் மருத்துவ காப்பீட்டு திட்டம் உள்ளது

2012-04-16T22:22:00.001-07:00

தமிழக முதல்வர் அவர்கள் 11.1.2012 அன்று முதலமைச்சரின் விரிவான மருத்துவ காப்பீட்டு திட்டத்தை தொடங்கி வைத்து பயனாளிகளுக்கு மருத்துவ சிகிச்சை மேற்கொள்வதற்கான ஒப்புகை கடிதங்களை வழங்கினார்கள். மருத்துவ காப்பீட்டு திட்டம் நல்ல பயனளிக்கும் திட்டம் ஆகும்.
பிறந்த குழந்தை முதல் முதியோர் வரை இந்த திட்டத்தை பயன்படுத்தி வாழலாம். ஒவ்வொரு மாவட்டத்திலும் இத்திட்டம் எந்தெந்த மருத்துவமனைகளில் செயல்படுகிறது என்பதையும் அந்த மருத்துவமனைகளில் எந்த நோய்களுக்கு சிகிச்சை அளிக்க படுக்கிறது என்பதையும் தமிழக அரசு அறிவித்துள்ளது. ஆனால் இது பற்றிய விபரங்கள் பாமர மக்களிடம் சரிவர சென்றடைய வில்லை. அதனை பற்றிய விவரங்களை இந்த பதிவில் பார்போம் .....

இணைய சுட்டி

மேலே உள்ள சுட்டியை கிளிக் செய்து அந்த இணையத்தளத்தில் சென்று படத்தில் காட்டியுள்ளது போல செய்தால் கிழே காட்டப்பட்டிருப்பது போல் தோன்றும்...

அதில் வட்டமிட்டு காட்டப்பட்டிருக்கும் இடத்தில் உங்களது மாவட்டத்தின் பெயர்களை கொடுத்தால் உங்களது மாவட்டத்தில் உள்ள மருத்துவமனைகளின் பெயர்களை காட்டும்..

பின்பு நான் வட்டமிட்டு காட்டப்பட்டிருப்பது போல் அந்த இடத்தில் கிளிக் செய்தால் ஒரு சிறிய விண்டோ ஓபன் ஆகும் அதில் அந்த மருத்துவமனையின் முகவரியும், அந்த மருத்துவ மனையில் குணபடுத்தபடும் நோய்கள பற்றியும் இருக்கும்.அதேபோல் ஒவ்வொரு மருத்துவமனையும் மேலே கிளிக் செய்தால் அதே போல் தோன்றும்.. இவ்வாறு தமிழகத்தில் உள்ள அனைத்து மாவட்டகளிலும் உள்ள மக்கள் இதனை தெரிந்து கொண்டு பயனடையலாம்...

டிஸ்கி: எனது அலுவலகத்தில் பணிபுரியும் நண்பர் ஒருவர் கேட்டதால் இந்த பதிவை எழுதினேன்.

இந்த பதிவு உங்களுக்கு பிடித்திருந்தால் சமூக வலைதளங்களில் பகிர்ந்து தெரியாதவர்களுக்கு தெரியபடுத்தவும்..

தமிழ் உறவுகளுக்கு....

2012-04-12T06:00:00.003-07:00

உலகெங்கும் வேர்பரப்பி

வாழும் தமிழ் கொஞ்சும்

உள்ளங்களுக்கும்,

தமிழை நேசித்து

தமிழால் சுவாசிக்கும்

மறத்தமிழ் உறவுகளுக்கும்,

துயரங்கள் விலகி

இன்பங்கள் பொங்கிட

வாழ்க்கை செழிக்கட்டும்!

உள்ளம் நிறைந்த தமிழ்

புத்தாண்டு வாழ்த்துக்கள்

உறவுகளே!

பல வியாதிகளை குணப்படுத்தும் தண்ணீர்

2012-03-28T11:27:00.009-07:00

தினமும் அதிகாலையில் தூக்கத்தில் இருந்து எழுந்ததும் வெறும் வயிற்றில் தண்ணீர் அருந்துவது இப்போது பிரபலமாகி வருகிறது.

ஆனால் இம் முறையை நம் முன்னோர்கள் பல நூறு ஆண்டுகளுக்கு முன்பாக பின்பற்றி வந்துள்ளார்கள்.

அவர்கள் தண்ணீருக்குப் பதிலாக பழந்தண்ணீரை (சோற்றுப் பானைக்குள் எஞ்சிய சோற்றிக்குள் விட்டு வைத்த நீர்) குடித்துவிட்டு தோட்டத்திற்கும் , வேறு தொழில்களுக்கும் செல்வார்கள். அதனால் அவர்கள் ஆரோக்கியமாக வாழ்ந்தார்கள். ஆனால் தற்பொழுது நாகரீக உலகில் அவையெல்லாம் அநாகரிகமாக கணிக்கப்பெற்று கட்டிலில் தேநீர் அருந்தும் வழக்கம் முன்னெடுக்கப் பெற்று நாம் எல்லாம் நோயாளிகளாகி வருகின்றோம்.

நாம் நித்திரையில் இருக்கும்போது வாய்மூலம் உடலினுள் புகும் நோய் கிருமிகளை அழிப்பதற்காக வாயினுள் பல நோய் எதிப்பு சுரப்பிகள் சுரப்பதாகவும், அவை நாம் நித்திரை விட்டெழுந்ததும் வாய் கழுவாது நீர் பருக்கும் போது உடலினுள் சென்று பல நோய்களை குணப்படுத்தும் மருந்தாக மாறுகின்றன எனவும் அறிய முடிகின்றது. வாய் கழுவாது காலையில் நீர் குடிப்பவர்கள் கட்டாயம் நித்திரைக்குச் செல்லும்போது பல் துலக்கி வாயை சுத்தமாக வைத்திருத்தல் அவசியமாகின்றது.

மருத்துவமுறை:

1. காலையில் எழுந்ததும் பல் துலக்கும் முன்பே 4x160மிலி டம்ளர் தண்ணீர் அருந்துங்கள்.

2. பல் துலக்கி வாய் அலம்பிய பின் 45 நிமிடங்களுக்கு உணவோ, நீராகாரம் எதுவாயினும் உட்கொள்ள கூடாது.

3. 45 நிமிடங்களுக்கு பின் வழமையான உங்கள் உணவை உட்கொள்ளலாம்.

4. காலை உணவின் பின் 15 நிமிடங்களுக்கும், மதிய மற்றும் இரவு உணவின் பொது 2 மணி நேரங்களுக்கு எதுவும் உட்கொள்ள வேண்டாம்.

5. முதியோர், நோயாளிகள் மற்றும் 4 டம்ளர் நீரை எடுத்த எடுப்பிலேயே அருந்த முடியாதவர்கள் ஆரம்பத்தில் கொஞ்சம் கொஞ்சமாக நீர் உட்கொண்டு நாளடைவில் 4 டம்ளர் அளவு நீர் அருந்தி பழகலாம்.

மேற்குறிப்பிட்ட முறையை பின்பற்றும் நோயாளிகள் தமது நோய் நீங்கி சுகமடையலாம். மற்றவர்கள் ஆரோக்கியமான வாழ்கையை சந்தோஷிக்கலாம். எந்த நோய்க்கு எத்தனை நாள்கள இந்த முறையை பின்பற்ற வேண்டும் என்ற விபரங்கள் பின்வருமாறு:

* உயர் ரத்த அழுத்தம் - 30 நாட்கள்

* வாய்வு கோளாறுகள் - 10 நாட்கள்

* சர்க்கரை வியாதி - 30 நாட்கள்

* புற்று நோய் - 180 நாட்கள்

* காசநோய் - 90 நாட்கள்

பக்க விளைவுகள் எதுவுமில்லாத மருத்துவமுறை இது, எனினும் நீர் அதிகமாக உட்கொள்வதால் அடிக்கடி சிறுநீர் கழிக்க வேண்டி வரும். ஆனாலும் இந்த முறையை நமது அன்றாட கடமைகளில் ஒன்றாகப் பின்பற்றுவது மிகவும் நன்மை தரும் என்றே சொல்ல வேண்டும்.

"நீரின்றி அமையாது உலகு" என வள்ளுவப்பெருந்தகை சொன்னதுக்கு இதுவும் ஒரு காரணமாக அமையலாம்.நீர் அருந்தி ஆரோக்கியமாகவும் சுறுசுறுப்பாகவும் இருங்கள்...

ஜில் ஜில் கூல் வாட்டர் வேண்டாமே:

இப்போதெல்லாம் கிராமத்திலும், நகரபுறங்களிலும் பிரிட்ஜ் பயன்படுதுத்வோர் எண்ணிக்கை அதிமாகிவிட்டது. அதனால் குளிர்ச்சியான தண்ணீர் குடிப்போரின் எண்ணிக்கையும் உயர்ந்துவிட்டது. காலை உணவானாலும் சரி இரவு உணவானாலும் சரி இந்த குளிர்ச்சியான தண்ணீர் தான் பலரது தாகத்தை தணிக்கிறது.

இது மிகவும் ஆபத்தான செயல் என்றும் எச்சரிக்கிறார்கள் மருத்துவர்கள். அவர்கள் தரும் விளக்கம் இதுதான் சாப்பிட்டு முடித்தவுடன் குளிர்ச்சியான தண்ணீரை குடித்தால், அது நாம் சாப்பிட உணவில் உள்ள எண்ணெய் துகள்களை கெட்டியாகி விடுகிறது.

இதனால் சாப்பிட்ட உணவு செரிமானம் ஆவதில் சிக்கல் ஏற்படுகிறது. அதுமட்டுமின்றி உடலில் இருக்கும் கொழுப்பின் அளவு அதிகரிக்கவும் அது காரணமாகிவிடுகிறது. இந்த நிலை தொடர்ந்து நீடித்தால் இதயம், சிறுநீரகம் சம்பந்தப்பட்ட பல பிரச்னை வரலாம். என்று எச்சரிக்கிறார்கள் டாக்டர்கள்.

இதய நோயாளிகள் சாப்பிடும் போது கூல் வாட்டரை தொடவே கூடாது என்றும் அவர்கள் அறிவுறுத்துகிறார்கள். டாக்டர்களின் இந்த எச்சரிக்கை உன்மைதான? என்பதை நீங்கள் ஆய்வுசெய்து நிருபித்து கொள்ளலாம். நீங்கள் அடிக்கடி அல்வா சாப்பிடும் பழக்கம் உள்ளவர் என்றால், அதில் சிறு பகுதியை எடுத்து பிரிட்ஜ்ல் வைத்து விடுங்கள்.சில மணி நேரம் கழித்து அதை எடுத்து பாருங்கள் அல்வா கெட்டியாகி இருக்கும். ஏற்கனவே அதில் இருந்த எண்ணெய் பசை சுத்தமாக காணாமல் போய் இருப்பது போல் தோன்றும். ஆனால் அந்த எண்ணெய் அல்வாவில் அப்படியே ஆங்காங்கே படிந்து திண்ணமாக வெள்ளை நிறத்தில் மாறியிருக்கும்.

உங்கள் விரலை அதில் வைத்தால் உடனே அது உருகிவிடும். சாப்பிட்டு முடிந்ததும் நம் உடலுக்குள் ஜூஸ் வாட்டர் சென்றால் எண்ணெய் துகள்கள் இது போன்று தான் மாறி சிக்கலை ஏற்படுத்திவிடுகின்றன....