By Upa N Thang Za Khen

II Korin 7:1: Kong it lawmte aw pumpi leh lungsim a ninsak theite khempeuh panin kisiansuah I Pasian zahtakna tawh nungta in siangtho sinsen in om ni.

II Khang Tangthu :29:30,34 ah David, Solomon, Hejekiah, Josiahte hunlai a siansuahnate mah siksan in ei Zomite zong lungsung milim satsia gawp in mawhna siangsak ni.

Mangmuhna 1:6 Siampi, Kumpi za To Jesu in hong piakna tawh in kisiansuah tek ni.
Late 66:18 , Ka lungsung ah mawhna kem leng Topa’n ka thu ngailo ding hi.

Paunak 28:13 , A khialhna a iim mipa a dau pailo ding a, a mawhna pulak in a kikhel mipa in hehpihna ngah ding hi.

I John 1:9 Pasian kiangah I mawhnate va pulak lehang Amah citak in thuman ahih manin I mawhnate hong maisak in I hoihlohnate khempeuh hong siangsak ding hi.

Kisiansuahna : Ka pi ka pu, ka nu ka pate uh pan a hamsiatna gui zui a luahsuk ka mawhnate khempeuh uh kisik in kong pulak uh hi. Kong thumna uh hong dawng in. Singlamteh tungah kilhcip in nong phiatmaisak nading in Mate 7:7 siksan in mawhna mai siangsakna Jesu min in kong ngen uh hi. Kong ngetna bang uh a na Khasiangtho a nong sianthosakna lungdam ko in tua ka sianthona uh Jesu min in kip kho tawntung ta hen.
Kha galdona : Hih Khuado pawi ka zat pat pan un ka zawhsiang ma teng un, hih mun hih hun sungin leinuai lam pi tul a thuk vantung lam pi tul a sang, Suah, Tum, Sak, Khang lam pi tul kiimkot, huangsung innsung, vante, nate, kote khempeuh tungah dawihang, kauhang, satan, kha gilo, kha ninte khempeuh aw, ngai un la za un. Thu mang un, buaina, nokkhak, nawngkaina a piansak thei khempeuhte aw, Mathai 4:10, James 4:7 suangin ka Topa uh Nazareth khua mi Jesu min in thu pia in kong hawlkhia uh hi. Pusuak, paikhia, taikhia mengmeng, zekai lo in, a thu manglo teitei na om peuhmah uh leh Mathai 12:29 Pasian thu bangin ka neih uh Nazareth khua mi Jesu min in kong hencip, kong khihcip, kong gakcip uh a, khuamial leinuai thukpi sung, kong khia uh a, Jesu sisan in khuhsuk, tuamsuk in Jesu Singlamteh ka phut kip uh hi.

Thupha piakna : Gamlak Vakna 6:24,25,26, Siampi thuphate:
(i) Topa in note thupha hong pia in hong kem ta hen.
(ii) Topa in note’ tungah Ama’ maitang hong tangsak hen la, note hong hehpih ta hen.
(Hi) Topa in note tungah Ama’ maipha hong pia hen la, note’ tungah nopsakna hong pia
ta hen.

Note leh leitungbup a, Ciimnuai Geltui suan Zomite khempeuh tungah nopna thupha, damna thupha, hauhna thupha, khansauna thupha, pilna thupha, zaliatna thupha, vangliatna thupha, ukzawhna thupha, minthanna thupha leh pahtawina thupha khempeuh in Zomite hong luandim vek ta hen.

II Khang Tangthu 30:12 Pasian in hih thuphate khempeuh tawh Zomi khempeuh lungsim kikhatna hong guan kim tek ta hen. Amen.

Lungdam Kohna la : l. Nuam ung nuam ung Jesu, 2. Ka khutte lamto in 3.Itna sungah pumkhat hi hang.

Deih otpihna: Topa Pasian aw, ko Zomite a kicing gam khat hong pia in. Pau khat, Lai khat, Ngeina khat, Pasian Biakna khat sungah hong gawmkhawm ta in.

Topa Pasian aw, tulaitak Kawlgam uk kumpite – hong tawlnga sak ta in. Topa Pasian aw, Kawlgam ki-ukna – hong kilaihsak ta in. Topa Pasian aw, Kawlgam leh Aung Sang Suu Kyi – hong suakta sak ta in. Topa Pasian aw, Kawlgam ah nakpi a lamdang kha khanlawhna – hong tungsak ta in. Tuabang mah in India leh leimong dong a om Zomite hong suakta sak in.
Pa, Ta, Khasiangtho: Van a Pa aw, Nang kong pahtawi uh hi.

Benediction: Pa Pasian hong itluatna, Topa Jesu hong nak hehpih mahmahna leh Kha Siangtho hong ompihna, tu leh a tawntung in Zomite tawh kilawi nawn kei ta hen.

Lateel tuamte
Nuam ung nuam ung Jesu lung sungah

Nuam ung, nuam ung Jesu (3) Lung sungah.
Nuam ung nuam ung Jesu aw.
Nuam ung, nuam ung Jesu (2) Lung sungah.

Satan kizosak ken (3) Lung sungah.
Satan kizosak ken aw.
Satan kizosak ken (2) Lung sungah.

Satan kizo khin zo (3) Lung sungah.
Satan kizo khin zo aw.
Satan kizo khin zo (2) Lung sungah.

Ka khutte lamto in ka kam tawh hong phat ning.
Ka sinsung lungdamna tawh hong phat ning maw Topa.
Hong phat ning maw Topa (2).
Ka sinsung lungdamna tawh hong phat ning maw Topa.

Itna sungah pumkhat hi hang (2).
Eite’ lungsim leh Pasian a ki-zop khitteh.
Itna sungah pumkhat hi hang.

Tu-in la sakhawm ziahziah ni.
Topa’n hong it zo cih phawk ni.
Khut kilen in I sep khop leh mite’n thei ding.
Itna sungah numkhai hi hang.

Pa, Ta leh Kha Siangtho
Van a Pa aw, nang kong pahtawi uh hi.
Pasian ta aw na min hong liansak ung.
Kha Siangtho lamdai g hehnempa na hi.

Related posts:

1. Khuado Pawi 2008 New Delhi ah Kha Ninte Hemcipna leh Thuapha Piakna Kammalte
2. Delhi Khuado 2009 Program – Hong Siim Un!
3. Delhi Khuado 2009 Slide Show!

1. Sisan taakna a kisapna (The need for the Atonement)

Pasian le mihing te’ kikaal ah kilemkikna kisam hi. Pasian le mihing Eden huan ah kilawmta mahmah kimlai kilamdanna khat ong om vat aa, tua pen mihing’ mawhna le lehdona hang aa, kilangneihna thu ahi hi. Hi thu hangin mihing lam pan’n Pasian kiangah ciah kik theihna dingin hihtheihna  lampi bangmah nei nawn lo hi. Ahi zongin Pasian hehpihna bek mah in kilemkikna lampi ong piang khia thei sak hi. Pasian mahmah in tua kilem kikna ding a pat khiat kei leh mihing lam pang panin patkhiat theihna ding lampi om lo hi. A tomin gen rehang Pasian in a patmasak kei leh kilemkik lo ding cihna hi. Kilemkik theihna om ahih manin Pasian in pan cihna hi. Tua patna pen hehpihna (grace) kici hi. Hehpihna cih pen ngah ding aa kilawm lopi mah ngahsakna pen hehpihna kici hi. Thuciam Lui sungah tua bang aa Pasian tawh kilemkikna pen ganhing sisan taakna tungtawnin kibawl hi. Hi sisan taakna pen a kimangsuak thei sisan taakna hi nai lo hi. Sisan taak theihna dingin ganhing kisam cih hi photphot hi. Banghang hiam cih leh, Pasian’ muhna ah mawhna pen kihuai lua, nasia lua, huai-sia lua mahmah ahih manin kisik kik cih ziau bekte tawh hong piang thei lo-a, sisan taakna a kipiak loh hong phamawh mawk hi. Tua hun lai-in ganhing nuntaakna pan-a mihing taang ding aa sisan taakna in Pasian tawh kilemkikna lampi piangsak hi.

Banghang hiam cih leh pumpi nuntakna pen si sungah a om hi. Note’ aading kilemna bawlna dingin note’ aadingin biakna tau tungah tua si ka pia zo hi. Si in nuntaakna ahih manin kilemna a piangsakna ahi hi (Siampi Laibu 17: 11).

Nuntaakna piakkhiatna (sacrifice) pen sisan taakna a pian theihna ding aa Pasian in a na sehh lampi khat ahi hi. Tua ahih manin a nuntaakna a pia khia ding ganhing khat ahi a, mihing khat ahi zongin ii sihna pen a thupi pen hong hi photphot hi.

Thuciam Lui sung mahmah ah zong ganhing bek ii nuntaakna luihkhiatna bek hi lo-in mihing mahmah ii nuntaakna luangkhaamna cih te kimu thei hi. Gentehna, Moses in a mite’ aadinga a nuntaakna luang khaam in a genna ah,  “Ahih hangin tu-in nangmah in amau khialhna mai sak in. Na mai sak kei ding leh, ong thum ingh, nangma gelhsa laibu panin keimah ong phiat mai in,” na ci hi (Paikhiatna 32: 30- 32).

Phinehas kici, Eleazar’ tapa in Israel te aading aa dawibia Moab gam numei a teenpih Israel pa le a zi a thahlupna sisan taakna hangin Pasian mai ah Israel te’ gimna dai pan hi cih kimu thei hi (Gamlak vakna 25: 6-8, 13). Thuciam Lui sungah hi bangin mawhna hangin sihna pen a thaman ahih pahpahna kician mahmah hi (Ezekiel 18: 20), ahih hangin Pasian in a hehpihna hangin ganhing nuntaakna piakkhiatna tawh biakna pen mihing mawh mai theihna ding aa mihing taang aa nuntaakna piakkhiatna sisan luanna bang aa saan dingin na phal hi.

Ahi zongin Thuciam Thak in hih ganhing sisaan taakna tawh mawh maisakna ngetna pen a tawntung aa dingin  kicing zo taktak lo ahihna hong gen hi. Hi Thuciam Lui sung aa ganhing sisan taakna in Khrih ii sisaan taakna tawh Thuciam Thak le Thuciam Lui sung mite a mawhna uh pan’n a tawntung aa kimang paisuak ding mawhmaisakna sisan a kitaak khiatsakna ding lim a na kawkkawk na hi zaw hi.

Thuciamna masa in a huam khak mite, a mawhna panun a suahtaak theihna ding uh ngeina pen a si suak khinta ahih manin, Pasian sap mite in a ciamsa tawntung thupha a ngah theihna dingun Khrih in thuciamna thak a ong vaihawm ahi hi…Hebrews 9: 15)

Tua hi a, bawngtal si le keel si in mawhna siangsak zo ngei lo hi (Hebrews 10: 4).

Tua a hih manin singlamteh pen Thuciam Lui le Thuciam Thak aadingin a thupi mahmah ciaptehna bulpi khat ong suak ta hi. Singlemteh pen a beisa le hong tung ding hun ii kituahna mun le hun ahi hi. Tua Jesuh Singlamteh pen naamsau bangin leitungah ong kiphuh laitak hi-a, Topa Jesuh ong pai kik ciangin Satan le a pawlte khempeuh a vat tum khitna dingin a bul lam pan’n ong dok khia ta ding hi. Hi Jesuh Singlamteh ma aa thu piang peuh mahin Singlamteh mah a na mitsuan hi-a, Singlamteh khit aa thu piang peuh mah in zong hih Jesuh Singlamteh mah siksan-in mitsuan kik hi. (Everything that happened before the cross looks forward to it, and everything after the cross looks back to it. A taktak in ci rehang mihingmawhna hang aa sisan taakna dingin Jesuh sihna hong kisapna pen Lei pian ma pek na ngawn aa, Pasian geelna nana hi khin hi.

Na pu na pa te uh nuntaak zia, bangmahin a kimang lo nuntakna panin a hong suahtaaksakna dingin Pasian in note’ man dingin a piak pen a man a kiam thei ngun le khamte bang hilo a, tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suakta sak ahi hi. Pasian in hih bang dingin leitung pian’ ma pekin Khrih a teelsa hi a, note a hong khualna-in tu hun nunung ciangin Pasian in note kiangah amah a hong lakkhia pan ahi hi (1Peter 1: 18-20).

Tua ahih manin a kigo Tuuno laibu sungah a nungta ding mite’ min, leitung pian’ ma pekin a kikhumna-ah a kihel lo leitung mi khempeuh in tua ganhing bia ding uh hi (Revelation 13: 8).

photo credit: abcdz2000

2. Mawh maisakna ngahna dingaa nuntaakna piakkhiatna tawh kisai kammal te (The words used)

a. Atonement (Sisan taakna)

b. Propitiation (Hehna damsakna hang aa eite’ kilawmna)

c. Reconciliation (Kilemkikna)

d. Ransom and redemption (Kalhna le Tatkhiatna)

a) Sisan taakna (Atonement)

Thuciam Lui sungah kammal Sisan taakna (Atonement) pen mawhna sel sakna tawh kilemkikna ci-in kizang hi (reconciliation by the covering of sin).  Amasa penpen in mawhna pen a kimuh theihna panin a kisel phot kul hi. A kivui phot kul hi (Sin needs to be buried out of sight. Tua ahih man aa Late lai atpa in mawh maisakna hanga thupha ci-in hi bangin na gen hi.

Ama khialna kimaisak a, ama mawhna a kituamcip sak mi, thupha ngah ahi hi. Topa in mawhna a khuksak loh mi, a lungsim ah khemna a om lo mi, thupha ngah ahi hi (Late 32: 1-2).

Tua leh banghang in Pasian in a muh theih nawn lohna dingin ih mawhna pan’n hong kituam kul laizang hiam? Banghang hiam cih leh Pasian in mawhna le ginaat lohna kih mahmah a, tua bang aa mihing te’ gamtat siahuai khempeuh in Pasian piansak na khempeuh lawh mangin a ngei bangsak nawn lo ahih manin Pasian in tua siahuai kihhuai mawhna uih pi panin a ngei a bat kik theihna dingin a siak siang kik phot ong kul ahih man ahi hi. Nehemiah in 9: 17na ah Pasian pen a lungduai mahmah a hih lam ong gen ahi. Ahi zongin Thuciam Lui sung mahmah ah zong Pasian pen a mite ii mawhna le siathuaina ah a hehna le a thangpaih mahmahna thu te zong kicing takin kimu zel hi.

Ahi zongin hehpihna lungsim nei ahih manin amau khialhnate mai sak a, amaute susia lo hi. Amah in a hehna iip zelzel a, a hehna khempeuh phongkhia lo hi (Late 78: 38).

Ahih hangh Pasian hehna a veng theihna ding pen mihing te ii sep theih le bawl theih hi lo zel hi. Pasian mahmah in a hehna a dam theihna dingin a sep kul a bawl kul hi. Pasian hehna meikuang pen a thumaan a siangtho hehna hi ci-a ih ngaihsut le ih saan theih ding kisam hi. Tua a siangtho hehna a dam theihna dingin a nin mawhnei mite in semkhia puakhia in damsak zo lo hi. Thuk gen zaw lai rehang tua bang aa Pasian siangtho hehna a damsak thei dingin mawhnei mi in hih zawhna (ability) nei ngiat lo ahih manin Pasian mah bang aa a siangtho a gen bang lo mi kisam hi. Tua hehna a dam sak zo ding le mihing te’ mawhna a puakhia zo ding pen Mihing tapa Jesuh Khrih (the Son of Man) bek om hi. The Son of Man cih tehh thum gawn Pasian sungah Tapa hihna mun le mihing hihna mun a la tawntung ahi, the God-Man Jesus Christ a gen nuam hi zaw-a, Jesuh pen mihing ahi Joseph tapa hi a cihnopna hi lo zaw hi. The Son of Man cih tehh mihing aa ong piang ta ngial Pasian lutang sung pan ta hihna a la tawntung Jesuh Khrih a gen nuam ahi hi.

b) Hehna damsakna/ kilawmsakna (Propitiation)

Hebrews lai aa kigelh masa Thuciam Lui pen Greek lai aa a kitei khiat kik tehh Septuagint kici hi. Hi Hebrews lai bek aa kigelh khia ahi Thuciam Lui pen Greek lai-in kitei khia masa pen aa tua pen ih gensa mah bangin Septuagint ih cihcih pen hi. Hebrews lai-in atonement pen Greek lai-in a kitei ciangh hilasterion ci-in tei khia hi. Tua pen hi Lai Siangtho munte ah kizang hi. Luke 18: 13na ah Siahdongpa’ kammal zat ahi “Pasian aw, kei mi mawh mi khialpa ong hehpih in, [ong khuangaih in na hehpihna tawh ong kilawmsak in]” cih bang daanin kizang hi. (God be propitiated to me, the sinner); Romans 3: 25; Hebrews 2: 17; 9: 5 (the mercy seat is the place of propitiation [hilasterion] ); 1 John 2: 2; 4: 10. Hi Greek kammal hilasterion pen AV le NKJV bangah Manglai in propitiation ci-in kitei khia-a, tua pen the removal of wrath by the offering of a sacrifice—nuntaakna piakkhiatna, nuntaakna kilui khiatna khat tawh hehna damsakna kici hi.

Hi ka gen itna pen eite in Pasian ih itna thu hilo a, Pasian in eite ong it-in, ih mawhna a mai theihna dingin a Tapa a hong paisakna thu ahi hi (1 John 4: 10).

Paul in Pasian’ hehna le thangpaihna pen thumaan lohna le Pasian mi hih lohna khempeuh langpangin vantung panin ong kilaak khia hi ci hi (Romans 1: 18). Tua baanah Paul in Jew le Gentile te Pasian mai ah a kibangin mawhnei mite ahi uh hi cih thu a genna kimu suak thei hi. Khrih in a nuntaakna a piakkhiatna hang bek in Pasian’ siangtho hehna pan’n mawhnei mite tankhia zo bek hi na ci lai hi.

Ahi zongin Pasian in a ong hehpihna hangin Khrih Jesuh tawh ong tatkhiat manin amah tawh ih kipawl thei kik hi. Ama ong sihna hangin mawhna a kimaisak theihna dingin Pasian in Jesuh ong pia a, amah a umte in ih kipawl theihna ding zia ong lahna-in hi bangin Pasian ong gamta ahi hi. Pasian a lungduaina hangin a beisa hunah ih mawhnate ong en khong phot hi (Romans 3: 24-25).

Banghang hiam cih leh leitung mi ih hihna hangin vantung aa Pa kiang panin ih mawhna ong thumsak ding,  palaai ong sepsak ding le ih mawhna panin damna ong pia ding Khrih ih kisam tek hi.

Ka it tate aw, note na khialh lohna ding uh ka deihna-in hih lai a ong gelh ka hi hi. Ahi zongin mi khat peuh a khialh ciangin eite’ aa dingin Pa Pasian kiangah a ong thuum sak dingin a thumaan Jesuh Khrih ih nei hi. Tua Jesuh hangin eite’ mawhna hong kimaisak a, eite’ aading bek hilo-in leitung mi khempeuh mawhna zong a maina ding ahi hi (1 John 2: 1-2).

Thum gawm Pasian lutang sung pan’n a tawntung aa tapa ahihna tawh mihing aa ong suak khia Jesuh Khrih ong kipheikhaamna hang bekin hi thu piang thei ahih nung sang bangzah ta-in ih mawhna lian hiam cih kilang mahmah hi. Tua banah mawhna a mudah Pasian hehna ii a thutanna ih thupi ngaihsut mahmah ding kisam ding hi. Pasian in mihing a piansakin setzouh (robot) bangin bawl lo hi. Ama lim le mel sun aa ong bawl ahih manin mihing in Pasian ih lehdoh ciangin Pasian a hehsuak thei hi. Singkung lopa ganhing te in Pasian hehsak theihna ding le lungdam sak theihna ding (ability) nei lo hi. Pasian hehna pen a piansaksa mihingte’ thu manlohna le lehdona hang ahi hi. Leitung mawhna puakhia Pasian tuuno Khrih sihna in Thuciam Lui sung aa mawh maisakna ding aa tuuno le ganhing te nuntaakna piakkhiatna hang aa sisan taakna cih thu te ong phawk kiksak hi.  Bek tham lo-in hi thu-in Thuciam Lui le Thuciam Thak sung aa sisaan taakna thute a kizom, a kimeemat le a kipum khat ahihna hong lakkhia hi.

c) Kilemkikna (Reconciliation)

Thuciam Thak sungah kilemkikna (reconciliation) cih kammal pen a kisiasa kilawmtaatna le kizopna a thu hoih aa a kheel kik thei, a lemhkik thei muibun nasepna namte ah kizang hi. Gentehna in, mi khat in a lawmpa tawh a kilawmtaatna a botsat thu gina lo khat pen a lawmpa tawh a kilem kik theihna dingin tua thu gina lo pen thu gina in a koih masak phot kul hi.

Tua ahih manin Pasian tungah biakna pia dingin biakna tau mai-ah na om lai takin na sanggamte khat peuh na tungah a lungkim lohna thu na phawk leh, Pasian na biakna ding nate a biakna tau mai-ah nusia photin, pai-in na sanggampa tawh va kilem phot in la, tua khit ciangin ong pai kikin Pasian biakna pia in (Matthew 5: 23-24).

Pasian mahmah ii ong hehpihna in phulum phul nading leikha in ama a pehlet masak bangin mihing tawh kilem kik theihna dingin a Tapa khat neihsun ong piakna tawh ih mawhna te thu a kikhen theih nading le a hong kimai sak theihna dingin lampi ong sial sak hi.

Pasian tawh eite ih kilang neih laitakin ama Tapa sihna hangin amah tawh ong kilemsak ahih leh tu-in Pasian tawh kipawl khinta ih hih manin Khrih’ nuntaakna in eite bangzahin ong honkhia zo zaw kan ding ahi hiam? Tua teng bek hilo lai a, Pasian tawh ong kilemsak ih Topa Jesuh Khrih hangin Pasian tungah ih nuam mahmah hi (Romans 5: 10-11). Ek kaak lai ding munte Romans 11: 15; 2 Corinthians 5: 18-21; Ephesians 2: 16; Colossians 1: 20- 21.

Hih LST munte ih et tehh Pasian mahmah pen mawhnei mite tawh kilemna ding a pan masa ahihna kimu thei hi.

Khrih sihna tawh (by the death of Christ) ong pan masa hi.

Eite ama gal ih hih laitak mah-in (while we were his enemies)

Man nget loh a khawnkhong letsong ahi Pasian tawh kilemkikna thupha ong pia hi (as a free gift)

Ei Christians te zong phulum phulna ding leikha in ama a pehlet masak mah bangin ih veng ih pam tawh kilemkikna dingin ama a petlet masa dingin Pasian in ong deih hi.

d) Kalhna le Tatkhiatna (Ransom and Redemption)

LST in Khrih sung bekah tatkhiatna (redemption) om hi ci-in gen tawntung aa(Romans 3: 24), Jesuh Khrih sungah upna a neite pen ama sisan manpha tawh a tatsa te ahih pahna thu zong na gen hi (1 Peter 1: 18- 19). Matthew 20: 28na bangah mi tampi takte’ aadingin Ama nuntaakna pen mawhnei mite’ aadingin kalhna (ransom)  ahi ding aa a hong piakkhiat ding thu Khrih mahmah in na gen hi. 1 Corinthians 6: 20na ah zong sawltaak (apostles) te in tua bangmah in na gen aa, thu-um mite pen manh (price) tawh hong kilei khinsa te ih hihna na gen uh hi. Hih ih gen kammal ahi, ‘tatkhiatna (redemption) , tankhia (redeemed), kalhna (ransom) le leina (bought) cihte in a manh (price) piakna tawh hotkhiatna picing a piangsak ahihna (idea) lak khia hi. Hih kammal te zat dingin a kigelh hun laitakin zong kalhna le manh ngetna (ransom price) pen gal kisimna pan aa galmat thongkia te a kikhah khiat theihna dingin a kisam kalhna le manh piakna cih thu te tawh a kigenteh den khin na hi-a, tua pen mi kimin a na theih mahmah khitsa le a kizang mahmah khinsa thu khat na hi gige khin hi. Taanglai hun pekin zong, sila te in suahtaakna pen a kingen zah sum a tote tung uh ah piakna tawh suahtaakna (freedom) na ngah thei uh hi. Sila khat peuhpeuh in suahtaakna kisam ahih manin a suahtaak theihna dingin a kikal manh (ransom price) a piak khiat zawh mengmeng nading kisam hi. Sila khat pen ama ut leh ut loh tawh kisai lo-in Pasian in a suahtaak ding lunggulh sak mahmah hi. Mihing te zong  mawhnei mi ih hih lam a kithei lo vive ih hi khin hi. Sila te zong sila ahih lamuh kithei nawn lo phial hi. Mawhna sila ih hihna panin ong kihotkhiat ding zong a ut nawn lo phial kitam mawk hi. Tua mah bangin mi’ gam mi’ lei mi’ khut nuai-ah sila hina panin suahtaakna bang a deih lo zaw mihing kitam mahmah mawk hi. A sila hihna mah a lunggulh zaw kitam mahmah hi. Israel mite mahmah zong Egypt gam pan’n suahtaakna tawh Pasian in a pai khiat pih lai un, lampi panin a sila hihna gam uh Egypt gam mah ah ciah kik nuam in phun mang khin uh hi. Ahi ta zongin Pasian in a mite’ hehpih in a telsa mite khuaphawksak nuam phot hi. A tawptawpna ah Pasian mahmah in a mite a sik loha guat loh ong phamawh ta hi. Hi bang daan mun te ah zat dingin kammal khat ong piang khia a, tua pen tatkhiatna (redemption) kici hi. Tua tatkhiatna (redemption) pen a kikal khia zah manh piakna (payment of a price) tawh piang thei bek-a, tua kalhna (ransom) in kuama kam tamh theih nawn lohna dingin a thu kipsakna tetti ahi hi. A tomin gen rehang manh (price) piakna in suahtaakna hi-a, tua suahtaak theihna ding aa kipia khia van pen kalhna (ransom/ ransom price) kici a,  tua kalhna piak khiat zawhna hang aa suahtaakna thu piang sak pen Jesuh Khrih mahmah hi-in tua thu piang pen tatkhiatna (redemption) kici hi. Tua ahih manin ih suahtaak theihna dingin tatkhiatna kisam hi. Hi thu hangin tatkhiatna thu kihel lo suahtaakna, hotkhiatna le gupkhiatna thu kigen dangdang te zong kicing zo tuan nai lo hi. Tua ahih manin tatkhiatna kisam masa pen hi hangh. Thu nih ngaihsut khop ding om lai hi.

i) Banghangin thu-um mite manh (price) tawh lei kul se hiam? Why is it necessary for believers to be bought with a price?

Kisam hi. Banghang hiam cih leh LST in mawhnei mi hihna pen sila ih hih gige-na khat hi ci-in gen hi. John 8: 34na ah, “A man takin ci rehang, mawhna a bawl mi peuhmah mawhnasila ahi uh hi” ci-in Jesuh in na gen hi. Luke 11: 14-22na ah zong Jesuh in Pasian mahmah in a kaihkhiat kei leh Satan pen a gam sung aa mawhnei mite a mancip a khahkhia vet lo, a tha hat mahmah mipa bangin na genteh hi.  Paul in zong Romans 6: 17na ah ei te pen hun khat lai-in mawhna sila te ih hihi ci-in na gen a, Ephesians 2: 1-3na ah Satan ii ukcipna vangliatna nuai mite ih hi hi na ci hi. Ahi zongin Paul mahmah in tua khuamial vangliatna sung aa sila hihna panin Khrih bekin ong lakhia thei hi ci-in Colossians 1: 12-14na ah na gen hi. Cihnopna ah eite pen Satan’ sila khawi te ih hihna panin hong kilak khiat ding a kisam te ih hihna le Pasian’ sal te ih hih zawk ding cihnopna ahi hi. Sila pan sal (slavery to servanthood) . Hi pen thu baih hi zenzen lo hi. Banghang hiam cih leh Pasian’ sal Pasian nasem te ih hih theihna dingin Ama tapa khat neih sun ii nuntaakna kikal khia hi. Eite tang dingin mawhna ong puak khiatsak ding a gen baang lo mikhat kisam aa, tua pen Jesuh bek in puakhia thei hi. Jesuh in eite’ tang dingin mawhna le thukhenna ong thuak khit sak zo hi. Khanglui te in zawng nek ngau in thal puk a cih te pawl bang daanin Jesuh Khrih mawhna le thukhenna thuak ding a kilawm lo pa in a thuakna hangin mawhna le thukhenna thuak mahmah ding aa za ah za a kilawm eimau mawhnei mite ama sisan taakna manh (price) piakna tawh ong tankhia ahih manin Jesuh Khrih sungah upna bekbek tawh Pasian’ tate cihna za ih ngah ta ngial hi. Tua ahih manin Jesuh Khrih in ama luang phei kham aa ong piaksak manh (price) ii thupiitna le manphatna a tel thei dingin Kha Siangtho in ong lawng ciat lemaw!

ii) Kalhna le manh piakna ih cih in bang hiam? (What is the ransom price?)

LST in Jesuh pen eite’ hang aa kalhna a thuak pa hi. Jesuh pen kalhna le manh piakna (the ransom price) hi na ci hi. Mark 10: 45na ah Jesuh mahmah in “Mawhnei mi tampi tak te’ mawhna a kimaisak theihna dingin kalhna le manh ahi dingin ka nuntaakna pia dingin a hong pai ka hihi” na ci hi.  Paul in zong thu-um mite ii tatkhiatna pen Jesuh Khrih tungtawn bek aa a khawnkhong Pasian’ hehpihna hi-in tua hehpihna  pen upna tawh Jesuh Khrih ii sisan tungtawn bek mah aa Pa’ hehna a dam theihna ding aa Pasian ong sawl ahi hi na ci hi (Romans 3: 24). Khrih in eite’ hotkhiatna ding in eite’ munah a nuntaakna a hong piak khiatna tawh a hong lei ahi hi. Banghang hiam cih leh Jesuh Khrih pen za ah za Pasian ahih banah amah le amah za ah za mihing a hong suakna tawh eite thuak ding mawhna a hong puak khiatsak zo ding a mah bek gen baang lo ahih man ahi hi. Kammal kalhna (ransom) ih zat ciatciatna thu pen hotkhiatna picing ih ngah theihna ding thu ah tua kalhna (ransom) piak khiat zawh ding pen Pasian tungah a thu phamawh mahmah ahi hi. Bangci bangin Jesuh sungah upna a neite bekin diksakna a ngahna thu ah Pasian pen thumaan thutang hi kici thei ding hiam? Ih mawhna hang aa daantatna ih ngahna ding pan-a kalhna ahi manh ong piaksak thei ding pen Khrih pang pan aa ama sisan manpha eite’ aading aa ong luan khiatna bekin Pasian kalh (ransom) piang sak zo bek hi. Tua pen suahtaakna ih ngah theihna ding aa kuamah in ong piak khiat sak zawh loh Pasian’ sianthona le a thukhaam ii kalh a lian pen man (price) piakna ahi hi.

Jesuh in eite mawhna thaman hang aa ih thuak ding pan aa suahtaakna ding a kisam manh (price) ong piaksakna thu ah theih tel huai kidop ding thu om hi. Kalhna (ransom) ii gen nop thubulpi in hotkhiatna (salvation) pen a lian mahmah mahn (price) piak kul ahihna le mawhna sila ih hihna pan’n ei le ei ih suahtaak zawhna ding tha le ngal le hih zawhna bangmah ih neih lohna hang aa kalhna pen Pasian’ tapa Jesuh mahmah ahihna a gen nop bulpi ahi hi. Tua kalhna (ransom) pen Satan’ tungah Pasian in a tapa Jesuh a piak man aa Satan in tua mawhnei sila te hong khah khia hi hi zenzen lo hi cih zong ih tel ding kisam pha mahmah hi. Tom gen rehang Mawhna sila panin ih suahtaakna dingin Satan tungah manh (price) piak kul hi cih bang daan hi lo hi cih a gen nuam ih hi hi. Tua banah Pasian in a tapa tawh hong tatkhiat masiah eite pen Pasian sila te ih hi kei hi cih thu zong maan tuan lo hi. Tua ahih manin tua kalhna (ransom) pen kua tungah kipia hiam cih thu dotna pen upna moi lai te aadingin a kul masa thu hi lo hi. A taktak in bel Jesuh Khrih ii sisan taakna hang aa manh (price) piakna pen Pasian hehna a damna ding aa kipia hi zawin dawimangpa (Satan) in mawhnei mite a khahkhiatna ding aa kipia manh (price) na hi lo zaw hi. (Ekkaak ding LST munte: 1 Corinthians 1: 30; 7: 23; Galatians 3: 13; 4: 5; Ephesians 1: 7, 14; 4: 30; 1 Timothy 2: 6; Titus 2: 14; 2 Peter 2: 1; Revelation 5: 9; 14: 3-4).

Tua ahih manin,

1.       Khrih pen eite mawhna hang aa Pasian’ hehna a dam sak ih kilawmna ahi hi (Christ is the propitiation for our sins)

2.       Khrih pen eite mawhna pan aa Pasian tawh ih kilemkikna ahi hi (Christ is the reconciliation for our sins)

3.       Khrih pen eite mawhna hang aa kalhna ahi hi (Christ is the ransom for our sins)

Application

Sisan taakna (atonement) hang aa mihing te’ mawhna hong kisel sakna pen eite Pasian mai ah ih kilawmna hong suakin tua kilawmna (propitiation) pen in Pasian hehna damsak hi. Mawhnei eite in tatkhiatna ih ngah theihna dingin Pasian thukhaam ii kalh a pia khia zo khat bek ahi Jesuh Khrih in Singlamteh tungah ama sihna tawh a mite aa dingin tatkhiatnna ong ngah khiat sak hi. Tua Khrih hang aa ih ngah tatkhiatna pen “Topa aw hong kilawm sak in” ci aa ih thu ngetnget pen ahi ih kilawmna (propitiation) ahi hi. Tua propitiation ahi ih kilawmna pen kam dangin gen rehang Khrih in a mite’ mawhna hang aa a thuak ding uh Pasian’ hehna pan’n amah mah in tua thuakna ding khempeuh ong puak khiatsakna hang aa a luangkhia a sisan in eite’ mawhna khempeuh ong sawp siangna pan-in Pasian hehna damsak zo bek-a tua hehna damna pen eite kilawmna (propitiation) kici hi. Hih sihna hang aa Khrih pang pan’n aa luangkhia sisan taakna (atonement) kammal pen Pasian lam aa ding hi ta leh mihing te lam pang pan’n aa ding hi ta leh lang nih huam kim ding aa Khrih sepna ahi hi. He *propitiated (covered over) the wrath of God by taking upon himself the punishment of the sin of his people. Tua hi-a, nuntaakna piakkhiatna nasepna pen a  teelsa a mite’ aa ding aa kisuahsakkikna (regeneration) , mawhmaisakna (forgiveness) ,  kilemkikna (reconciliation) , Kha Singtho saanna (reception of the Holy Spirit), pattahna(adoption) le a tawp dong aa ding hotkhiatna (final salvation) te aadingin Jesuh Khrih ii sisan taak nasepna pen a bulpi ahi hi.

Khrih ii sihna pen taangmisihna *vicarious (substitutionary) ahi hi. Gentehna 1 Peter 3: 18 bangah Jesuh pen mawhnei mite’ mun ah mawh pua in ong si hi ci hi. He died in the place of sinners. Hi pen thukhenzum pan aa thukhen zia tawh zong kibang hi. Khrih in eite’  taang ding aa ong dinna in Pasian thukhaam pen kicing takin zui zo ahih manin Pasian lungkimna piangsak zo hi cih (Romans 10: 4) in gen hi. Khrih mihing-in leitung ah ong om lai-in a nuntaakna tawh Pasian thukhaam genbangna om vetlo in na zui siang zo-a, a sihna le a sisan taakna tawh mawhnei mite tungah Pasian thukhaam ii kalh thu lungkimsak zawhna na piang sak hi (Romans 3: 26).

1. Those which have God in view (Hih sisan taakna tawh kisai thu ah Pasian bulphuh aa ngaihsutna pia pawlte)

(a) Pasian lungkimna piangsak hi a ci Anselm pawlte ngaihsut zia theory (the satisfaction theory of Anselm)

Mihing te in Pasian zahtaak ding aa kilawm bangin zahtaak ih piak lohna tawh mawhna ih piangsak hi. Ahi zongin Khrih sihna in tua zahtaakna Pasian ngah dingin puak kik ahih manin Pasian in Khrih pahtawina pia hi. Ahi zongin Khrih in hih pahtawina kisam lo ahih manin mawhnei mite’ hotkhiatna dingin na pia hi. (Hi theory pen khat veivei Commercial theory kici hi).

(b) The Governmental theory of Grotius

Khrih sihna in mawhna hang aa Pasian hehna ong lak hi. Tua hi leh Pasian pen hi leitungah ahoih, adik le athumaan ahihna kimu thei pan hi.

(c) The Vicarious *Repentance theory of Mcleod Campbell

Mihing te amau le amau kisik theihna kicingtaak a nei uh hi leh amau te-in Jesuh

Kul lo-in a sisan uh taak khin ding uh hi. Ahi zongin Jesuh Khirh sinsan taakna lo tawh Mawhnei mi kuamah in kisik kikna cingtaak piangsak sisan taakna sem thei lo uh hi.

Tua ahih manin Khrih in mawhnei mite taangin a kisiksak dingin dinmun ong la-in taangmi kisikkikna thu ong piaksak hi. Eite’ taangin Khrih in a kicing kisikna ong piak sak hi.

2. Those which have mankind in view (Hi sisan taakna tawh kisai thu ah mihing te bulphuh aa  ngaihsutna pia pawlte)

(a) The Recapitulation theory of Irenaeus

Irenaeus in Khrih in mihing te ii nuntaakna ah a kisam khempeuh a huam pi-in ong sepsakin tua khit ciangin amau te ii lungsim puak zia le gamtaat luheek zia (moral behaviour) khempeuh laih siang sak hi ci hi.

(b) The Moral Influence theory of Peter Abailard

Khrih ii ong sihna in Pasian’ ong itna a kilah sak mah bangin tua ong kilak itna in mihing te lungsim puak zia khempeuh amaan in hong kilaih sak khin ahih manin tua kilaihna in mawhnei mite amau le amau kisik tawm thei sak ta hi cih thu hi. A kisia ih mawhna lungsim pen Khrih sihna in a ngei bangin koih kik khin ahih manin mihing te pen ei le ei a kisikkik thei dingin hong kibawl kik khin ahih manin tatkhiatna pen eimau thuthu hi ta hi, Pasian Kha Siangtho lawnna tawh zong kisai nawn lo hi cih bang dan ahi hi.

(c) The Example theory of the *Socinians (followers of Socinus)

Khrih in mihing te-in bangci bangin Pasian thu mang thei ding cih ama nuntakna le a sihna tawh ong lak hi bek ahih manin mihing te in tua Jesuh ih etteh ding hi ziau hi cih thu hi. Jesuh Khrih ii sep khempeuh pen etteh ding bek hi cihnopna suak hi.

(d) The Mystical theory (Schleiermacher)

Hi theory pen the Moral Influence theory ii thu hilh ahi Khrih sihna in mihing te sungah thakhat aa kikhelna puak hi cih hi. Bangbang hi leh hi Mystical theory ii bulphuh in ahih leh Khrih mihing in ong sunglutna thu hi pen-a, tua bang aa Khrih mihing bang aa ong pianna hangin tua a Pasian hihna (divine life)  pen mihing te nuntaakna a lamto ding le akhel alaih siang ahi hi ci-in gen uh hi.

Hi Mystical theory le Recapitulation theory cih te in Khrih ii Bethlehem khua aa mihingin ong suahna le nuntaak khuasak zia te thupi sak zaw-in Khrih ii Calvary thu le a sihna thu nunun tawntung uh hi. Hi pen incarnation theology kici a, Khrih mihing bang aa ong pian aa kipan mawh nei te etteh taak ding aa ong nungta hih cih thu thupi sak zaw uh hi. A tom in gen rehang Khrih in a sihna le a thawh kikna tawh ong puak khiatsak a thuakna sangin Khrih pen mihing te etteh taak picing a hi ding a mi bang aa ong piang khia hi lel hi cih bulphuh zaw uh hi.

3. Those which have Satan in view (Hi sisan taakna tawh kisai thu ah Satan bulphuh aa ngaihsutna pia pawlte)

(a) Ransom to Satan (Satan’ tungah kalhna kipia hi cihna)

Hi pawlte in Adam ii mawhna hangin mihing khempeuh Satan khut nuai tung khin in Satan gal matsa in om uh aa, tua Satan ii galmat sila hihna pan’n mihing te ong lak kik theihna dingin Khrih in Satan tungah tua kalhna (ransom) a piak theihna dingin Singlamteh tungah a si ahi hi cih thu ahi hi. Hi pen Origen a kici pa thuhilhna ahi hi.

(b) Satan deceived (Satan a kikhim bek hi)

Origen a kici pa’ thu gen ahi Satan pen Khrih Singlamteh tung aa ong sihna in a khim hi bek hi ci-a a gen thu pen Jesuh sihna in Satan khem pak hi cih dan hi. Hi Origen thuhilhna pen Fourth century hun lai aa Cappadocian makai lutang pawlkhat te in na zui in na ciingto uh hi. Bangci gen beh lai uh hiam cih leh Singlamteh tungah Jesuh sihna in Satan pen zusa khat tehlop sungah ih awksak theihna ding aa thaang an tawm ih tah ih khem daan tawh a kibang hi ci uh hi. Jesuh Khrih sihna le sisan taakna pen Satan khem pakna ding bekin gen uh hi. Bangbang hi leh hih bang daan a, gentehna gina lo pen mihing te mahmah in zong a up ding uh hi thei sa tuan sam lo ahih manun, hih thu hilhna pen a si a bei siang hi ta hi.

Theih ding: Eite pen Jesuh sisan taakna hangin sung le pua pailet in midik (righteous) a kisuak hi lo hi (We are not made righteous/ we are not infused). Eite pen Jesuh Khrih min tawh midik (righteous) a tang ih hi bek hi (We are declared righteous because of Christ’s death for our sins/ we are imputed sinners not infused). Eite pen Jesuh sisan tawh hong kisawp siangin Jesuh min tawh hong kitun hong kituam te ih hihi. A Jesuh mahmah a bang pah te ih hi kei hi. Tua ahih manin ih Christian nuntaakna ah thu ummite Jesuh Khrih ni simin ih kisam den hi. Topa Jesuh Khrih aw nang kong kisam tawntung uh hi. Amen!

By Suang Dal

Manila

Related posts:

1. Piakkhiatna
2. Lamdang Na Sa Hiam?
3. A Kileek Kim Tawikhaina

Zomi Siamsin Kipawlna Universities of Myanmar Siamsin Seminar III
Post-2010
A ni : 24-29 Nov 2009
A mun : Khuado Hall, Tedim
Excursion: Rih Tuili
Lutman : Ks. 3000/-
Note: Kawlpi- Tedim lamsap Ks. 5000/- , gawm Ks. 8000/- hi ding hi. Amunmun a om Siamsin makaite tungah
ticket kilei thei ta hi. Zopuan, zanpuan le puanlum hong pua hamtang in.

Siamsin Seminar t-shirt Design

Design pen U Kimpi, hi in, tulaitak lawm Kappu( Cin Suan Kap, president Ygn Siamsin) in a bawl laitak hi in, puan color pen soft blue hi ding hi. A nuai a mante gel pen a nung le a mai hi in, a ban tungah tutung Siamsin Seminar hong pi dinpih Leitungbup Zomi Innkuan Kipawlna(LZI) ahihna tawh kizui in Main sponsor LZI ci kigelh hi.

Puan pen mai nipi khuavakni ah kingahta ding hi. A kingah phet in Ygn a om Siamsin Liapal te le Tangpal te in silh in man hong kizaihpah ding hi. Online tungpan a en masa ding i kingak ding hi ding hi. Kawlpi hong tun ciang zong Kawlpi Siamsin in zong Kawli pan Siamsin Lia le Tang palte zong hong kizaih leuleu in online ah hong ten ding hi. Mipi in i lia i tang te bangci cih na na ngak lai dih un.

Hih Siamsin Seminar ading in huhna pen Leitungbup Zomi Innkuan Kipawlna ah a gamgam a om Zomi Innkuan te tungtawn in ahi zongin, mimal in Siamsin makaite tungah ahi zong in huhna kipia thei lai a, Kawlgam khua hun haksakna tampi kawmkal pan Zosuan teng kikaihkhop theihna ahi Seminar adingin haksatna tampi mah omlai ahimanin Zomi Khangthak lia le tang (khangno Siamsin)te hong vei te in nong huhna ding uh lametna lianpi kinei hi.

Zomi ading nosuahna thak hong pia le mailam i minam ading kalsuanna thak hong pia Seminar ahih theihna ding in zong mimal in thu hong ngetpih lai un.

Lametna lianpi tawh,

Tg Zam Thuam
Pawllutang
Zomi Siamsin Kipawlna
Universities- Myanmar

Siamsin Website tuamtuamte
http://cvsmagway. ning.com/
http://zingsol. ning.com/
http://siamsin. org/

Related posts:

1. Bang Teng In Zomi Siamsin Kipawlna Thanemsak?
2. Siamsin Seminar 3: Post 2010 Program
3. Siamsin Seminar III Tawh Kisai Ngaihsut Ngetna

Thanksgiving hongpainkhia thu atom in

1620 kum in England gam a biakna lam pawlphut kawikawi a avaak pawl Mayflower temawpi zui in US gam ah hongtaai uhhi.Ahangpeen England kumpi mikheempeuh ama biak inn or pawlpi bek ah kikhawm hamtang ding cihthugeen gen hi. Hih biaknavaai a azinkawikawi mite in amau le amau in atuamvilvel in kikhopna thungetkhopna neinuam uh ahihman asimtham kimukhawm uh-a ahizong in amakaaite kumpipan man veve ahi. Atawpna ah notepeen Indian ten hongdoding hi cihthu tawh kilausak ahihman in khualzin hongkipan khia uh ahihi.

Suakta tak abiakna piaktheinazong ding England gam nusia ding khensatna nei uh a a inn alote uh nusia in alawm agualte u kiang ah MANGPHA MAN NI GUAI AW ci in kikhen uhhi.

Akhualzinna uh lauhuai mahmah in lamkaal ah tuipitung migilo te leh nakhat tai 75 sang a ahatzaw huihpi tezong tuak uh ahihman in anuntaakna uh lauhuaina tawh kidim hi. Tembawpi tung ah mikigaak mahmah in mi 102 atuangsungpan Pasal picing 70 bangleh numeinaupang 32 pha uhhi. Kisilnadin puasawpnading tui omlo I ann ginazong eilo in a ante uhzong pawlkhat hiing sawnsawn hi.

Tua tembawpi in mipi tampitak apuakban ah vangikpipi tui leh ann te a kipan atuhding uh khaicite, suanding singnote, niikten puansilh leh inn leh losaknading vantuamtuam te, temte leh Indians te kiang a azuakding uh khitang te puakawm lailai ahihman in gik mahmah hi.

Tua biakna vaai a ataai mipite in Mikaang te khua anahisa ahi Virginia painuam uh himahleh huihpi bawlsiatna hang in atembaw uh toleen a avotna mahmah neh vuuk sahmahmahna ahi Plymouth acihna khua tung uhhi. Tua bang a khuavot vuuklakpeen tua England gampan a biaknavaai a ataai mite ading in akhatveina ahihman in thuakhak sa mahmah uhhi.Pawlkhat te tembawtung panpaikhia ngamlo in pawlkhatte tuipipaang ah vaakkhia in singkung lopa te phuk in inn lehlo sa uhhi. Khuavotlak vuuklak ah paikhiat hamsa sa mahmah ahihman un vuuk kanma in innlam zozolo uhhi. Akhamkhop uh ann gamsung ah ngahzolo uh ahihman in mipite cina in siziahziah a alangphial bei uhhi.

Nikhat, American gammmi ahi Samoset akici pa tua gaaltaai mite khuasakna ah hongvaakkha a numeinaupang te cihmawhna hamsatna hongmucian gin mikaangpau in nui siusiau kawm in WELCOME ci hi. Tua gaaltaai mite in Samoset thutampitak adotkhit uhciang in zinpaak te pia uhhi. Samoset vaciahkik in alawmpa ahi amahsang mikaangpau asiamzaw Squanto akicipa tawh hongpaikik in Squanto in gamsung annneek tuidon zindanding khuasakzia ding hilh in samatzia, lingmingahte zonzia leh singgam sung a atangte zonzia hilh thuah hi.

Squanto in Adian te vaaimiim tuhzia te hilh hi. Indian te vaaimin atuh uhcian gin aleisung ah ngasa koih sese uhhi. Ahang peen tuangasa te in aleitha khauhsak in vaaimiim kungte hoihsak tuam hi. Tua England gam pan a hongtaai miten nasep hahkat thei mahmah uh a singhiangkeu tetawh ainnding uh sa in a inn te uh innkhat ah inndeikhat ta hipahpah hi. Alum angah theinading un mei cih uh a ainn sung vanzatding te uh hongbawlthei uhhi. Tembaw tung a aken uh khaici te tawh huan hongbawl in mehteh mehgah hongciing uhhi.

Khua hongkhaalciang in tennading inn sagih honglamzo ta uh a adangtam lamsaan uhhi.Ahuante uh mehteh mehgah tawh hongkidim in vaaimiim te hongsang a neekding dawnding hongnei uh in kuamah gilkial dangtaak omnawnlo ahihman in khuakhaal hunpeen amau ading in khuahun hoihpen hongsuak hi.

Khuakhaal leh phalbikikaal peen England gampan biakna vaai a gaaltaaite ann leh tui te hang in honglungnuam mahmah uhhi. Vaaimiim, Maai,Begaap leh Betangte nei ta uh ahihman un Pawipi khaamding geelna hongnei uhhi. Tua mite in Indian mite tua pawipi ah akihelding in sam uh a America gamsuakmi 90 hongkihelthei hi. Amasapeen America gama thanksgiving day pen nithum sung sawt hi.

Tua England gampan a khualal gaaltaai thu ummite leh America gammiten ann ongnekhawm in zukham , laam in kimawltheih tuamtuam te hongkimawl khawm liailiai uhhi. Amaute in alawmthakte uh leh khaigah te hang in lungdamkohna lianpi anei uh ahihi. Tuapan ahongkizom pai tosuak tunidong a ibawl Thanksgiving Day icih hongpiangkhia ahihi.

Khuado Pawi

Zo pau-ah ‘KHUA’ cih in khiatna nam tuamtuam nei hi. Pasian genna in ‘Khuavak’ kizangin, Dawite genna in ‘khuazing’ kizang hi. ‘DO’ I cih in zong khiatna nam tuamtuam mah nei-in, a sia lam leh a hoih lamin kizangkhawm thei hi. I it I ngaih hong zin hong lengla a om ciangin zin do, lengla do ci-in ‘Do’ zatna mun om mah bangin, hong bawlsia thei dawi leh gaalte I sim ciangin zong ‘Do’ ci-in zatna mun mah om veve hi. Zomite in ‘PAWI’ I cih pen Mikangte in ‘Festival/Feast,’ ci-in, Kawlte in ‘Puai’ ci-in, Vaite in ‘Puja’ ci-in leh Mizote in ‘Kuut’ciuhhi.

Hih thute panin Khuado pawi pen thupha hong guan Pasian dona, lungdam kohna leh thupha ngetna pawi ahihi.

A taktak in I Khuadopawi hongkipatkhiatna kanzo hilehang hih USA te Thanksgiving Day tawh kibangkhading in kalam en hi.I pu ipa te ahangkhat tawh tuikaangdungzui in khamtung gamzuanin nataai toto uh-a lamkaal ah hamsatna tampi te thuakban ah neek lehzon hamsatna gilkial dangtaakna tampi naphulkhading in ka um hi.

Khua akidociang in inkhat leh innkhat sa kikholh, kisiim in zaanhak in nekhawmdawnkhawm in kilaam hi. Khuakhal khaipawi hunsung peen akoikoi ah kialhun hi-a annneek tuidawn kihamsa ciat in mikhempeuh nakiseem in khat leh khatzong kimuh hun tutkhop hun kinei meello hi. I ann ciinte honggah hongkhangcing in mehteh mehgah te huansung ah honggah zihziah a ann tawh kuamah buainawn lo gilkialdaangtaak ki om nawnlo I khai te sengkhit phitphet khitciang ki awl mahmah in khat leh khat zong kileengla in khual gamla pan kihawh kilawmta ban ah ikhawhsa tetung ah kilungdam lua mahmah ahihman in hih khuadopawi akikham ahihi. Thu khat ah kumkhat ikhawhsa te laakkhit hun ahihman in kumkhen pawi zong kici thei veve hi.

Khua, Do, Pawi akhiatna peen J Thang Lian Pau gelh akilasawn ahihi.

Thang Khawm Pau Zomi, USA

Related posts:

1. Vaphual Editorial – Khuado Pawi
2. Khuado Pawi 2009 Florida Zomite Program
3. Zomi USA Cup leh Khuado Pawi Sapna [invitation]

American kumpi te sung neihlelam akikanna ah US Secretary of the State, Hillary Clintonin US $ 21.5 million nei a, President Obama in US $ 3.7 million nei in, Hillary Clinton pen Obama sang hauzaw hi cih The Straights Times ten pulak hi.

Tua a kikanna ah Vice President JoeBiden in US $ 27000 bek nei a, gam makai Upa 44% pen millionier vive hi a,
California gamke Republican makai khat a hau pen hi in, US $ 251 million nei hi ci uh hi.

Source: Siamsin Awging 15 Nov 2009 issue download theih!

Related posts:

1. Obama in Nobel Peace Prize Ngah
2. Barack Obama – Inaugural Part 2
3. Sang Leh Lai Tawh Kipattahna Panin

By Tg Langh Do Lian

Sinlai lungsung
Hong phawng zo den
Tong kuppihloh vang ngaih zolia
Zo tangbang na dam maw

Nihngel kal ah
Amual aguam
A tui te in gibang khen zong
Itna tang khau
Simcing bang gil hi e.

Melmuhloh hang
Itna tong khum
Taksinthu te
Anglai awhkhi bang
Selung vom ding
Tang lungzuang in
Lailung muangin na hei ing e.

Zanglei kuampan
Zolen mualdung galkhua donin
Melmuh kik ding
Hai bang ngak sa’n
Mualdawn vangkhua
Vang ngaihno siang
“Siam bang sinna
Sang hong kik ding”
Siamsil laileng
Na tong hong luan ve aw…

Source: Siamsin Awging 15 Nov 2009 issue download ve!

Related posts:

1. 12 Zo Folksongs Inspired by & Composed for Daw Aung San Suu Kyi
2. Zo La Dawng 25
3. Zomite La-pau/La-kam leh a Khiatna

I nek mehteh mehgahte tawm taleh tam taleh ei mahmah in huanbawlna i ciin ngiat pen tampi takin cidamna ding hoihzaw hi ci in Researcher ten mukhia uh hi.

Lei sung pan bacteria namkhat pen i pumpi sungah i nek khak na aihkeileh, i dikkhakna hangin mihing thuakzawhna tha hatsa mahmah hi cih Researcher ten gen uh hi.

Amau genna ah leitham thau (soil) lak a, a om datnam tuamtuamte in singkung lopa mehteh mehgah a hoihsak, a gah
phasak bek hilo a, ei a ne mihing ganhingte cidamna dingin zong a kisam leh a thupi mahmah hi ci uh hi. Lungnoza zanglo in eima huansung a, i ciin sa-te mah nekna pen cidamna tawh kituakzaw hi cih hong hanthawn uh hi.

Ref: Psychology Today Magazine,USA
by: Khaitawng (TU)
Source: Siamsing Awging 15 Nov 2009 issue

Related posts:

1. ZYA: Pumpi Cidamna tawh kisai pumpi kepzia ding hilhcianna om ding
2. Khuado Pawi VS US Thanksgiving Day
3. Zo Pau Eima Pau

American gam zum tampite ah zum nasemte a tamzaw amau Computer ciatzang in, 60% bangin sun tawh zan tawh a Computer uh honsa in koih tan ahimanin meitha tampi bei hi ci in kiummawh hi.

Zat hun tawh zatloh hun laitak zong honsain a koihna hangin meipiakna phualpite in kumsimin 14.4 million ton bang a pha ding Carbondioxide pen akisam zah zatna val ah hong piang ahimanin bang ci in hih Carbondioxide khiam thei ding cih a lim ngaihsut mahmah laitak ahi hi. (Ref: World Watch, USA)

Related posts:

1. Blog Bangci Bawl Ding?
2. Vaphualnet Memberte Theih Ding
3. New Testament Zolai PDF Download Theih

Zoology
1. Lia Zen San Niang
2. Lia Zen Sian Huai
3. Lia Cing San Ciin
4. Lia Ning San Lun
5. Lia Dim San Huai
6. Lia Cing Sian Nem
Geology
1. Tg Thang Khan Suan
2. Tg Thawng Cin Pau
Philosophy
1. Tg Pau Cin Khai
2. Tg Lang Go Sut
3. Lia Vung Hau Lun
4. Lia Dim Sian Huai
Physics
1. Lia Vung Muan Cing
2. Lia Zam Ngaih Lian Cing
3. Lia Niang Lawh Nuam
4. Lia Niang Man
5. Lia Thawn Hau Cing
6. Lia Pau Neih Then
7. Lia Cing Khawm Kim
Chemistry
1. Lia Sian Lam Niang
2. Lia Nuam Lian Mang
3. Lia Niang Lun Mang
Geography
1. Tg Nang Pum Tuang
Maths
1. Lia Ngoih San Nuam
Source: Siamsin Awging 15 November 2009 issue – na download na maw?

Related posts:

1. Zomi B Tech leh BE Qualified 2009 – Technological University (Kalay) Pan
2. Bang Teng In Zomi Siamsin Kipawlna Thanemsak?
3. Zomi BE Siamsin Khempeuh ME Qualify lut

Kawlpi: Technological University Kalay pan 2008-09 kum BE Siamsin mi 15 pha a, avekpi un ME qualify lut uh hi. Technological University Kalay pan BE Siamsin khempeuh ME qualify alut tukum bek hipan hi. ME a kahtheihna dingin
2010 January kha sungin entrance vuan(exam) ding uh hi.

ME kah ding Siamsin teng:
1. Tg Dal Sian Kam Civil
2. Lia Lian Lam Man Civil
3. Tg Thang Kim Muang EC
4. Tg Pau Kim Sing EC
5. Tg Thang Ngin Khual EC
6. Lia Ciin Huai Lun EC
7. Lia Go Siam Cing EC
8. Tg Mang Sian Deih Piang EP
9. Tg Thang Thawn Khai EP
10. Tg Go Lam Tuang EP
11. Lia Vung Sian Nuam EP
12. Tg Thang Suan Mung Mech
13. Tg Lo Lam Mung Mech
14. Tg Kam Khan Cin Mech
15. Tg Thawng Cin Thang Mech

Source: Siamsin Awging 15 November 2009 issue – na download na maw?

Related posts:

1. Kalay University pan Honours Lut Zomi Siamsin teng
2. Zomi Siamsin Kipawlnate’ Album Music World Ah
3. Zomi B Tech leh BE Qualified 2009 – Technological University (Kalay) Pan