vgnews.net

సీఎం సహాయ నిధి చెక్కు అందజేత

VG News — Wed, 16 Sep 2026 13:57:22 +0000

VGన్యూస్: తీవ్ర అనారోగ్యంతో బాధపడుతున్న ఎల్బీనగర్ చెందిన రాసోజు లక్ష్మీనారాయణ చారికి మంజూరైన ముఖ్యమంత్రి సహాయ నిధి (CM Relief Fund) చెక్కును విశ్వకర్మ సంఘం రాష్ట్ర నాయకులు కొండపర్తి బాల బ్రహ్మచారి లబ్ధిదారుడి కుటుంబ సభ్యులకు అందజేశారు. ఈ సందర్భంగా కొండపర్తి బాల బ్రహ్మచారి మాట్లాడుతూ.. ఆపదలో ఉన్న పేద ప్రజలకు సీఎం సహాయ నిధి ఎంతో ఉపయోగపడుతుందన్నారు. రాసోజు లక్ష్మీనారాయణ చారి అనారోగ్య సమస్యను మంత్రి కోమటిరెడ్డి వెంకట్ రెడ్డి దృష్టికి తీసుకెళ్లినట్లు చెప్పారు. తక్షణమే మంత్రి వెంకట్ రెడ్డి స్పందించి .. సంబంధిత అధికారులతో ప్రత్యేకంగా మాట్లాడారని పేర్కొన్నారు. మంత్రి కోమటిరెడ్డికి బాల బ్రహ్మచారి ప్రత్యేక కృతజ్ఞతలు తెలిపారు. అత్యవసర సమయంలో స్పందించి ఈ నిధులు మంజూరయ్యేలా కృషి చేసిన తెలంగాణ రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకటరెడ్డికి లక్ష్మీనారాయణ చారి కుటుంబ సభ్యులు హృదయపూర్వక ధన్యవాదాలు తెలిపారు. అలాగే కొండపర్తి బాల బ్రహ్మచారికి కూడా కృతజ్ఞతలు తెలియజేశారు.

The post సీఎం సహాయ నిధి చెక్కు అందజేత first appeared on vgnews.net.

ఏపీ మాజీ డిప్యూటీ సీఎం ఆళ్ల నాని కన్నుమూత

VG News — Tue, 15 Sep 2026 11:07:01 +0000

VGన్యూస్: ఆంధ్రప్రదేశ్ మాజీ డిప్యూటీ సీఎం, ఏలూరు మాజీ శాసనసభ్యుడు, టీడీపీ నేత ఆళ్ల కాళీకృష్ణ శ్రీనివాస్‌ (నాని) (57) కన్నుమూశారు. విశాఖపట్టణంలో మంగళవారం గుండెపోటుతో ఆయన తుదిశ్వాస విడిచారు. ఆళ్ల నాని మృతి పట్ల ఏపీ సీఎం చంద్రబాబు నాయుడు,మంత్రి నారా లోకేష్, ఏపీ మాజీ సీఎం వైఎస్ జగన్ తీవ్ర దిగ్భ్రాంతి వ్యక్తంచేశారు. వారి కుటుంబ సభ్యులకు తమ ప్రగాఢ సంతాపాన్ని తెలియజేశారు. ఆళ్ల నాని ఏలూరు నుంచి మూడు సార్లు ఎమ్మెల్యే గా గెలిచారు. అలాగే ఒకసారి ఎమ్మెల్సీగా పనిచేశారు. జగన్ హయాంలో డిప్యూటీ సీఎం, వైద్య ఆరోగ్యశాఖ మంత్రిగా బాధ్యతలు నిర్వర్తించారు. ఆ తర్వాత 2025లో ఆళ్ల నాని తెదేపాలో చేరారు.

The post ఏపీ మాజీ డిప్యూటీ సీఎం ఆళ్ల నాని కన్నుమూత first appeared on vgnews.net.

ఆగాఖాన్- V తో సీఎం రేవంత్ రెడ్డి భేటీ

VG News — Tue, 15 Sep 2026 09:55:48 +0000

VGన్యూస్: తాజ్ ఫలక్‌నుమా ప్యాలెస్‌లో ప్రపంచ ప్రఖ్యాత దాత, ఆగాఖాన్ డెవలప్‌మెంట్ నెట్‌వర్క్ (AKDN) ఛైర్మన్ ప్రిన్స్ రహీం ఆగాఖాన్-V తో మంగళవారం ముఖ్యమంత్రి రేవంత్ రెడ్డి భేటీ అయ్యారు. డిసెంబర్ 7, 8, 9 తేదీల్లో భారత్ ఫ్యూచర్ సిటీలో నిర్వహించనున్న ఇన్వెస్ట్ తెలంగాణ గ్లోబల్ సమ్మిట్‌కు హాజరు కావాల్సిందిగా ఆయన్ను సీఎం ఆహ్వానించారు. ఈ సందర్భంగా రాష్ట్ర వారసత్వ సంపద పరిరక్షణ, మూసీ నది పునరుజ్జీవనం, సిటీ కాలేజ్, ఉస్మానియా ఆసుపత్రి భవనాల పునరుద్ధరణకు ఆగాఖాన్ ఫౌండేషన్ సహకారం తదితర అంశాలపై ప్రిన్స్ రహీం ఆగాఖాన్-V తో ముఖ్యమంత్రి చర్చించారు. ఈ భేటీలో మంత్రి మహమ్మద్ అజారుద్దీన్, ప్రభుత్వ ప్రధాన కార్యదర్శి సంజయ్ జాజు, సీఎం సలహాదారు రామకృష్ణారావు, ఉన్నతాధికారులు, AKDN ప్రతినిధులు పాల్గొన్నారు.

The post ఆగాఖాన్- V తో సీఎం రేవంత్ రెడ్డి భేటీ first appeared on vgnews.net.

18 అసెంబ్లీ నియోజకవర్గాలకు ఇంఛార్జ్ లను నియమించిన టీఆర్ఎస్

VG News — Mon, 14 Sep 2026 18:42:59 +0000

VGన్యూస్: టీఆర్ఎస్ పార్టీ మూడో విడత మెదక్ పార్లమెంట్, 18 అసెంబ్లీ నియోజకవర్గాల ఇంఛార్జ్ లను ఆ పార్టీ అధ్యక్షురాలు కల్వకుంట్ల కవిత సోమవారం ప్రకటించారు. అలాగే పలు జిల్లాలకు అధ్యక్షులను, పార్టీ అనుబంధ విభాగాలైన ఎంబీసీ, ట్రేడ్ యూనియన్, విద్యార్థి, సోషల్ మీడియా, రైతు, బంజరా, ముస్లిం మైనార్టీ, న్యాయ, ఎన్ఆర్ఐ, జర్నలిస్ట్, ట్రేడ్ అండ్ కామర్స్ విభాగాలకు రాష్ట్ర అధ్యక్షులను ప్రకటించారు.

The post 18 అసెంబ్లీ నియోజకవర్గాలకు ఇంఛార్జ్ లను నియమించిన టీఆర్ఎస్ first appeared on vgnews.net.

ఖైరతాబాద్ గణేష్‌ను దర్శించుకున్న గవర్నర్

VG News — Mon, 14 Sep 2026 18:16:16 +0000

VGన్యూస్: వినాయక చవితి పర్వదినాన్ని పురస్కరించుకుని తెలంగాణ రాష్ట్ర గవర్నర్ శివ ప్రతాప్ శుక్లా కుటుంబ సమేతంగా ఖైరతాబాద్ మహాగణపతిని దర్శించుకుని తొలి పూజ చేశారు. తొలుత మంత్రి పొన్నం ప్రభాకర్, రాజ్యసభ సభ్యుడు అనిల్ కుమార్ యాదవ్, ఖైరతాబాద్ గణేష్ ఉత్సవ కమిటీ అధ్యక్షులు ఎమ్మెల్యే దానం నాగేందర్, కమిటీ సభ్యులు గవర్నర్ దంపతులకు స్వాగతం పలికి వినాయక విగ్రహం వద్దకు తీసుకువెళ్లారు. అనంతరం అర్చకులు గవర్నర్ దంపతులతో పూజలు చేయించారు.

The post ఖైరతాబాద్ గణేష్‌ను దర్శించుకున్న గవర్నర్ first appeared on vgnews.net.

గణపతి పూజలో పాల్గొన్న సీఎం రేవంత్ రెడ్డి

VG News — Mon, 14 Sep 2026 17:44:22 +0000

VGన్యూస్: రాష్ట్ర ప్రజలందరికీ సీఎం రేవంత్ రెడ్డి వినాయక చవితి శుభాకాంక్షలు తెలియజేశారు. విఘ్నాలను తొలగించి.. విజయాలను అందించే విఘ్నేశ్వరుని ఆశీస్సులు ప్రతి ఒక్కరిపై ఉండాలని ఆకాంక్షించారు. జూబ్లీహిల్స్‌ లోని తన నివాసంలో ఏర్పాటు చేసిన వినాయక విగ్రహం వద్ద ముఖ్యమంత్రి రేవంత్ రెడ్డి కుటుంబ సమేతంగా గణపతి పూజ నిర్వహించారు. ఈ సందర్భంగా విఘ్నేశ్వరుని దివ్య ఆశీస్సులతో ప్రజల జీవితాల్లోని విఘ్నాలన్నీ తొలగిపోయి, ప్రతి కుటుంబానికి ఆయురారోగ్యాలు, సుఖసంతోషాలు కలగాలని ప్రార్థించారు.

The post గణపతి పూజలో పాల్గొన్న సీఎం రేవంత్ రెడ్డి first appeared on vgnews.net.

ఆన్‌లైన్ నుంచి 22-A ఆంక్షలను వెంటనే తొలగించాలి: హరీష్ రావు

VG News — Wed, 19 Aug 2026 20:38:21 +0000

VGన్యూస్: 22-A పేరుతో ఇబ్బందులు పడుతున్న బాధితులెవరూ ఆందోళన చెందవద్దు అని మాజీ మంత్రి,బీఆర్ఎస్ నేత హరీష్ అన్నారు. బీఆర్ఎస్ పార్టీ మీకు అన్ని వేళలా అండగా ఉంటుందన్నారు. బుధవారం తెలంగాణ భవన్‌లో 22-A నిషేధిత భూముల వల్ల తీవ్రంగా నష్టపోయిన బాధితులతో సమావేశం నిర్వహించారు. ఈ సందర్భంగా హరీష్ రావు మాట్లాడుతూ.. హూడా, హెచ్‌ఎమ్‌డీఏ అప్రూవ్‌డ్ లేఅవుట్లలో, 30 ఏళ్ల క్రితం కొనుక్కున్న ఇళ్లను కూడా ఇప్పుడు 22-A లో పెట్టారంటే.. దీని వెనుక ఎంత పెద్ద కమీషన్ల దందా నడుస్తోందో అర్థమవుతోందన్నారు. యాదాద్రి జిల్లాలో 40 వేల ఎకరాలను 22-Aలో పెట్టారని నాలుగు నెలల క్రితమే స్వయంగా మంత్రి కోమటిరెడ్డి వెంకటరెడ్డి ముఖ్యమంత్రికి చెప్పినా రేవంత్ రెడ్డి ఎందుకు సైలెంట్‌గా ఉన్నారని ప్రశ్నించారు. మంత్రి పొంగులేటి శ్రీనివాసరెడ్డి 10 రోజుల క్రితమేమో ఒక్క ఎకరం కూడా 22-A లో పెట్టలేదు అన్నారు.. నిన్ననేమో అధికారులు పొరపాటు చేశారు సారీ అంటున్నారు.. ఎంత డూప్లికేట్ మాటలు మాట్లాడుతున్నారని మండిపడ్డారు. చిన్న చిన్న విషయాలకే సీఐడీ, విజిలెన్స్ విచారణలు వేసే సీఎం రేవంత్ రెడ్డి.. లక్షలాది మంది జీవితాలతో ఆడుకున్న ఈ 22-A కుంభకోణంపై సీఐడీ ఎంక్వైరీ ఎందుకు వేయడం లేదని ప్రశ్నించారు. ముఖ్యమంత్రి రేవంత్ రెడ్డికి ఈ దందాతో సంబంధం లేకపోతే.. తక్షణమే మంత్రి పొంగులేటి శ్రీనివాస్ రెడ్డిని కేబినెట్ నుంచి బర్తరఫ్ చేయాలని హరీష్ రావు డిమాండ్ చేశారు. 22-A బాధితులకు అన్ని రకాలుగా ఉచిత న్యాయ సహాయం అందించేందుకు తెలంగాణ భవన్‌లో 10 మంది న్యాయవాదులతో లీగల్ సెల్ ఏర్పాటు చేస్తున్నామని హరీష్ రావు తెలిపారు. లీగల్ సెల్ సపోర్ట్‌తో పాటు ఎమ్మెల్యేలుగా తాము కూడా అధికారులతో, కలెక్టర్లతో మాట్లాడి సమస్యలు పరిష్కారమయ్యే వరకు మీ వెంటే ఉంటామని భరోసా కల్పించారు. ఎవ్వరూ భయపడి తక్కువ ధరలకు ఆస్తులు అమ్ముకోవద్దని సూచించారు. ఎంతటి పోరాటానికైనా సిద్ధపడి మీ ఆస్తులను రక్షించే బాధ్యత బీఆర్ఎస్ తీసుకుంటుందని తెలిపారు. ప్రజలను మీసేవలు, ప్రభుత్వ ఆఫీసుల చుట్టూ తిప్పకుండా.. ప్రభుత్వం చేసిన తప్పును ప్రభుత్వమే సుమోటోగా స్వీకరించి ఆన్‌లైన్ నుంచి 22-A ఆంక్షలను వెంటనే తొలగించాలన్నారు. ఒకటి రెండు రోజులు చూస్తాం.. ప్రభుత్వం తక్షణమే స్పందించకపోతే బాధితులతో కలిసి పెద్ద ఎత్తున సీఎం ఇల్లు ముట్టడికి సిద్ధమవుతామని హరీష్ రావు హెచ్చరించారు.

The post ఆన్‌లైన్ నుంచి 22-A ఆంక్షలను వెంటనే తొలగించాలి: హరీష్ రావు first appeared on vgnews.net.

‘నిర్మాణ పనుల్లో నాణ్యతా ప్రమాణాలను తప్పనిసరిగా పాటించాలి’

VG News — Wed, 19 Aug 2026 20:00:35 +0000

VGన్యూస్: అచ్చంపేట నియోజకవర్గంలోని వంగూర్ మండలంలో బుధవారం తెలంగాణ విద్యా కమిషన్ సభ్యులు డాక్టర్ చారకొండ వెంకటేష్ పర్యటించారు. ప్రభుత్వ పాఠశాలల్లో కొనసాగుతున్న అభివృద్ధి పనులు, విద్యార్థులకు అందుతున్న సౌకర్యాలను క్షేత్రస్థాయిలో పరిశీలించారు. అలాగే వంగూర్ మండలంలో నిర్మాణంలో ఉన్న తెలంగాణ పబ్లిక్ స్కూల్ పనులను సంబంధిత శాఖల అధికారులతో కలిసి పరిశీలించారు. అనంతరం నిర్మాణ పనుల పురోగతిపై అధికారులతో సమగ్రంగా సమీక్షించారు. ఈ సందర్భంగా చారకొండ వెంకటేష్ మాట్లాడుతూ.. తెలంగాణ పబ్లిక్ స్కూల్ నిర్మాణ పనులను వేగవంతం చేసి త్వరితగతిన పూర్తి చేయాలని అధికారులకు సూచించారు. నిర్మాణ పనుల్లో నాణ్యతా ప్రమాణాలను తప్పనిసరిగా పాటించాలని స్పష్టం చేశారు. నాణ్యత విషయంలో ఎలాంటి రాజీ ఉండకూడదు. ప్రతి పనిని పూర్తి బాధ్యతతో చేపట్టాలన్నారు.

The post ‘నిర్మాణ పనుల్లో నాణ్యతా ప్రమాణాలను తప్పనిసరిగా పాటించాలి’ first appeared on vgnews.net.

22/ఎ సమస్యకు ఫాస్ట్‌ట్రాక్ పరిష్కారం: మంత్రి పొంగులేటి

VG News — Wed, 19 Aug 2026 19:41:18 +0000

VGన్యూస్: 22/ఎ నిషేధిత జాబితాలో ఉన్న భూములకు సంబంధించి ప్రజల్లో నెలకొన్న గందరగోళానికి త్వరితగతిన తెరదించేందుకు రాష్ట్ర ప్రభుత్వం ఫాస్ట్‌ట్రాక్ విధానంలో చర్యలు చేపట్టిందని రెవెన్యూ, హౌసింగ్, సమాచార పౌర సంబంధాల శాఖ మంత్రి పొంగులేటి శ్రీనివాసరెడ్డి తెలిపారు. 22/A జాబితాలో భూమి ఉందనే ఒక్క కారణంతోనే రిజిస్ట్రేషన్ దరఖాస్తులను తిరస్కరించవద్దని, ప్రతి కేసును సమగ్రంగా పరిశీలించి అర్హులైన వారికి ఎలాంటి జాప్యం లేకుండా న్యాయం చేయాలని అధికారులను ఆదేశించారు.
బుధవారం ఖమ్మం జిల్లా పర్యటనలో ఉన్న మంత్రి పొంగులేటి అధికారులతో టెలికాన్ఫరెన్స్‌ నిర్వహించారు. ఈ సందర్భంగా మంత్రి మాట్లాడుతూ.22/ఎ జాబితాలో భూమి ఉందనే కారణంతో మాత్రమే రిజిస్ట్రేషన్‌ను నిలిపివేయడం లేదా తిరస్కరించడం చేయవద్దని ప్రతి కేసును సమగ్రంగా పరిశీలించాల‌ని ఆదేశించారు. సంబంధిత భూమి 22/ఎ నిషేధిత జాబితాలోకి ఎందుకు వచ్చింది? అందుకు సంబంధించిన రికార్డులు ఏమి చెబుతున్నాయి? ప్రస్తుతం భూమి వాస్తవ పరిస్థితి ఏమిటి? హక్కుదారుడి వద్ద ఉన్న పత్రాలు ఏమిటి? గతంలో జరిగిన రిజిస్ట్రేషన్లు, ప్రభుత్వ రికార్డుల్లోని వివరాలు ఏమిటి? వంటి అన్ని అంశాలను సమగ్రంగా పరిశీలించిన తర్వాతే తుది నిర్ణయం తీసుకోవాలని సూచించారు.
రిజిస్ట్రేషన్‌కు అవకాశం లేని వాటికి రిజిస్ట్రేషన్ ఎందుకు సాధ్యం కాదో దరఖాస్తుదారులకు స్పష్టంగా తెలియజేయాలని, నిబంధనల ప్రకారం ముందుగా చెల్లించిన రిజిస్ట్రేషన్ ఫీజును తిరిగి చెల్లించేలా చర్యలు తీసుకోవాలని ఆదేశించారు. 22/ఎభూముల విషయంలో ప్రజలు ఎలాంటి అపోహలకు, ఆందోళనలకు గురికావాల్సిన అవసరం లేదని మంత్రి పొంగులేటి శ్రీనివాసరెడ్డి స్పష్టం చేశారు. ప్రజల హక్కులను కాపాడుతూనే ప్రభుత్వ భూములను కూడా పరిరక్షిస్తూ, ప్రతి కేసును చట్టబద్ధంగా, పారదర్శకంగా పరిష్కరించడమే ప్రభుత్వ లక్ష్యమని తెలిపారు.

The post 22/ఎ సమస్యకు ఫాస్ట్‌ట్రాక్ పరిష్కారం: మంత్రి పొంగులేటి first appeared on vgnews.net.

రైతులను విద్యుత్ ఉత్పత్తిదారులుగా తీర్చిదిద్దాలి: డా. గోపి

VG News — Wed, 19 Aug 2026 19:23:11 +0000

VGన్యూస్: వ్యవసాయ రంగంలో నీటి వినియోగాన్ని, తద్వారా వ్యవసాయ విద్యుత్ వినియోగాన్ని తగ్గించేందుకు పంటల వైవిధ్యీకరణ, సూక్ష్మ నీటిపారుదల, వ్యవసాయ సౌర విద్యుదీకరణ వంటి చర్యలను సమన్వయంతో ముందుకు తీసుకెళ్లాల్సిన అవసరం ఉందని వ్యవసాయ శాఖ డైరెక్టర్ డా. బి. గోపి ఐఏఎస్ పేర్కొన్నారు. హైదరాబాద్‌లో జరుగుతున్న ఇండియా ఎనర్జీ సమ్మిట్ & ఎక్స్‌పో–2026 లో భాగంగా బుధవారం నిర్వహించిన గ్రామీణ భారతదేశానికి విద్యుత్ పునరుత్పాదక ఇంధనం, విశ్వసనీయ విద్యుత్ మరియు సమ్మిళిత అభివృద్ధి అంశంపై జరిగిన ప్యానెల్ చర్చలో డా. బి. గోపి ఐఏఎస్ పాల్గొన్నారు.
ఈ సందర్భంగా గోపి ఐఏఎస్ మాట్లాడుతూ.. వివిధ పంటలకు నీటి అవసరం భిన్నంగా ఉంటుందని, తద్వారా నీటిని ఎత్తిపోసేందుకు అవసరమయ్యే విద్యుత్ వినియోగం కూడా పంటను బట్టి మారుతుందని తెలిపారు. ప్రస్తుతం అధికంగా ఒకే రకమైన పంట విధానం (Monocropping Pattern)వైపు వ్యవసాయం సాగుతుండటం ఆందోళన కలిగించే అంశమన్నారు. ఈ నేపథ్యంలో రాష్ట్ర ప్రభుత్వం పంటల వైవిధ్యీకరణను (Crop Diversification) ప్రధాన ప్రాధాన్యతగా తీసుకుందని తెలిపారు. రైతులకు ప్రత్యామ్నాయ పంటలుగా పప్పుధాన్యాలు, నూనెగింజలు, కూరగాయలు, ముఖ్యంగా ఆయిల్‌పామ్ సాగును ప్రోత్సహించేందుకు ప్రభుత్వం పలు చర్యలు చేపడుతోందన్నారు. తక్కువ నీటి అవసరమున్న, రైతులకు లాభదాయకమైన పంటలను ప్రోత్సహించడం ద్వారా నీటిపై, వ్యవసాయ విద్యుత్‌పై ఆధారపడటాన్ని తగ్గించవచ్చని వివరించారు.
వ్యవసాయ విద్యుత్ వినియోగాన్ని తగ్గించే దిశగా వ్యవసాయ రంగంలో సౌర విద్యుదీకరణ (Solarisation)ను విస్తృతంగా చేపట్టాల్సిన అవసరం ఉందని డా. గోపి అన్నారు. రైతులు కేవలం విద్యుత్ వినియోగదారులుగా కాకుండా, భవిష్యత్తులో విద్యుత్ ఉత్పత్తిదారులుగా కూడా మారేలా చర్యలు చేపట్టాల్సిన అవసరం ఉందన్నారు. ఈ దిశగా అవసరమైన మూలధన పెట్టుబడికి సహకారం అందించడంతో పాటు, రైతులకు అనుకూలమైన విధానాలను రూపొందించి సమర్థవంతమైన వ్యవస్థను ప్రభుత్వం చర్యలు చేపడుతుందని సూచించారు. రైతు ఉత్పత్తిదారుల సంస్థలు (FPOs), ప్రాథమిక వ్యవసాయ సహకార సంఘాలు (PACS) వంటి సంస్థలను సౌర విద్యుదీకరణ కార్యక్రమంలో భాగస్వాములను చేయడం ద్వారా రైతులే విద్యుత్ ఉత్పత్తి చేసే విధానాన్ని అభివృద్ధి చేయవచ్చని డా. గోపి పేర్కొన్నారు.

The post రైతులను విద్యుత్ ఉత్పత్తిదారులుగా తీర్చిదిద్దాలి: డా. గోపి first appeared on vgnews.net.