Vintals

The Great Real Time Food Chain at Ocean in Telugu

2012-02-18T19:39:00.001+05:30

సూర్యుడి పై ఆధార పడి మొక్కలు బ్రతికితే ఆ మొక్కలను తిని మేకలు బ్రతుకుతాయి అటువంటి మేకలను తిని సింహాలు బ్రతుకుతాయి ఈ విషయం మనందరికీ తెలిసిందే కాని ఇదేవిధంగా సముద్రం లోని జీవులు కూడా ఒకదానిపై ఆధారపడి మరొకటి జీవిస్తుంటాయి. అటువంటి సన్నివేశాన్ని సముద్రంలో చిత్రీకరించిన వీడియోనే మీరు ఇప్పుడు చూడబోతున్నారు.

చూశారా చిన్న చేపలు వాటి ఆహారాన్ని చుట్టుముట్టాయి అదే సమయంలో వాటిని పక్షులు చుట్టుముట్టాయి ఈ విధంగా వాటి వాటి ఆహారాన్ని అవి తింటున్నాయి అప్పుడేం విచిత్రం జరిగిందో మీరే చూడండి. అద్భుతమైన దృశ్యాన్ని ఇంకా అద్భుతంగా చిత్రీకరించారు.
ఈ వీడియోని వెంటనే మీ స్నేహితులకి కూడా తెలియజేయండి.

Big natural mirror - Salar de Uyuni details in telugu

2012-02-18T19:16:00.001+05:30

ప్రకృతి సహజంగా ఏర్పడిన అతి పెద్ద అద్దం గురించే మీరిప్పుడు తెలుసుకోబోతున్నారు. నైరుతి బొలీవియా లో ఉన్న ఈ వింత చూడటానికి ప్రపంచం నలు దిక్కులా నుండి యాత్రికులు, ప్రకృతి ప్రేమికులు వస్తుంటారు. మనం భూమి పై ఉన్నామా లేక స్వర్గంలో ఉన్నామా అని సందేహం కలిగే స్థాయిలో ఉంటుంది ఈ అద్భుతం. అతి పెద్ద అద్దం పై మీరు వాహనంలో వెళితే కలిగే అనుభూతే ఇక్కడ మీకు కలుగుతుంది. మీ ప్రతిబింబం చాలా స్పష్టంగా మీకు కనిపిస్తుంది ఇక్కడ, ఇలా మీ ప్రతిబింబం కనిపించటానికి కారణం కొన్ని కిలోమీటర్ల దూరం వరకు ఎటు చూసిన కప్పబడి ఉన్న వానకి తడిసిన ఉప్పు . అవును ఈ ప్రదేశంలో ఒకానొకప్పుడు సముద్రం ఉండేదట, ఆసముద్రంలోని నీరంతా ఏ కారణం చేతో నీరంతా మాయమై కేవలం ఉప్పు మిగిలింది. ఇక్కడ ఉన్నమొత్తం ఉప్పు ఎంతో తెలుసా అక్షరాల 100 కోట్ల టన్నులు. ఈ ప్రాంతాన్ని ఉప్పు ఎడారి అని కూడా అంటారు, ఇక్కడ ఉన్న పట్టణం పేరు "ఉయుని" . ఈ ప్రాంతానికి సంభందించిన మరిన్ని ఫోటోలను కూడా గమనించండి.

ఎలా ఉంది

ఉప్పు గడ్డలనే బల్లలుగా ఉపయోగిస్తున్నారు చూడండి

UFO Hotel

2012-02-18T18:09:00.000+05:30

ఈ విశాల విశ్వంలో భూమి పై మాత్రమే జీవం ఉందా ?
ఇతర గ్రహాలలో కూడా జీవం అనే విషయం పై ఓ ప్రక్క పరిశోధనలు కొనసాగుతుంటే మరోప్రక్క గ్రహాంతరవాసులు భూమి మీదకి వచ్చారని , వారు ప్రయాణానికి ఉపయోగించే వాటిని UFO అంటారని మరికొందరు అంటున్నారు ( U.F.O అంటే Unknown Flying Object అని అర్థం ), వీటినే ఎగిరే పళ్ళాలు (Flying Soccer) అని కూడా అంటారు. ఈ విషయాలన్నీ పక్కన పెడితే ఆ ఎగిరే పళ్ళాల నమూనాలతో అద్బుతమైన సినిమ్మలు తీశారు , టివి ప్రోగ్రాములు చేశారు అంతే కాదు ఏకంగా ఆ నమూనాలతో ఒక అద్భుతమైన హోటల్ ని కూడా నడుపుతున్నారు , పక్క చిత్రం లో మీరు చూస్తున్నది ఆ హోటలే.
స్వీడన్ దేశం లోని హరాడ్స్ ప్రాంతంలోని లూలె నదికి అతి దగ్గరలో ఉంది ఈ ట్రీ హోటల్. ఈ హోటల్`లో 24 గదులు కలవు. 2011 సం!! లో ఈ హోటల్ కి స్వీడిష్ గ్రాండ్ టూరిజం అవార్డు కూడా లభించింది. మరి కొన్ని హోటల్ ఫోటోలను ఇక్కడ గమనించండి.

హోటల్ రూము లోపల ఇలా ఉంటుంది.

ఈ విచిత్రమైనా వార్తలని మీ స్నేహితులతో పంచుకొండి .

Lady pilot with no Arms inspiration forever

2012-02-15T16:50:00.000+05:30

జెస్సికా కాక్స్ రెండు చేతులూ లేని పైలెట్

ఆ అమ్మాయికి పుట్టినప్పుడే రెండు చేతులు లేవు కాని అన్ని అవయువాలు చక్కగా పనిచేస్తున్న ఎంతో మందికన్నా తను మిన్న. తనకు ఊహ తెలిసాక స్కేటింగ్ నేర్చుకుంది, ఈత నేర్చుకుంది, కంప్యూటర్ నేర్చుకుంది, కార్ డ్రైవింగ్ నేర్చుకుంది, టైక్వాండో లో బ్లాక్ బెల్ట్ కూడా పొందింది.అంతే కాదు ప్రపంచంలోనే లైసెన్సు కలిగిన మొట్ట మొదటి మరియు ఏకైక చేతులు లేని పైలెట్. తన చిన్న నాటి ఫోటోలను చూడండి.

తను చేతులు లేకపోయినా చాలా చాకచక్యంగా విమానం నడపడం చూసి ఆశ్చర్యపోని వారు లేరు అందుకే తనకి పైలెట్ లైసెన్స్ కూడా పొందింది. తను విమానం నడిపే వీడియో ని చూసి ఆనందించండి.

Only place where highway intersects runway

2012-02-15T16:10:00.000+05:30

రన్`వే కి అడ్డంగా హై వే ఉన్న ఎయిర్ పోర్టు.

మీరొక హైవే పై మీ కారులో వేగంగా వెళ్తున్నారు అంతలో ట్రాఫిక్ ఆగింది, ఏమి జరిగిందని మీరు చూస్తే రోడ్డుకి అడ్డంగా గేటు వేశారు " ఓ దేవుడా రైల్వే గెట్ పడింది, ఇంక ఎంత సేపు ఇక్కడ ఉండాలి" అనుకుంటూ ఉంటారు ఇంతలో విచిత్రంగా ఒక విమానం టెక్ ఆఫ్ అయ్యింది మీరు ఆశ్చర్యపోతారు అవును ఇదంతా నిజమే కానీ మీరు Gibraltar Airport దగ్గరున్న హైవేలో ప్రయాణిస్తున్నప్పుడు మాత్రమే ఈ సన్నివేసం జరుగుతుంది.

Honey Badger the fearless animal in the world

2012-02-15T15:38:00.000+05:30

హాని బ్యాడ్`జెర్ (Honey Badger ) భయానికి అర్థం తెలియని జీవి.

తన కన్నా పెద్ద జంతువులను చూసి కూడా ఏ మాత్రము భయపడకుండా తన పని తానూ చేసుకోపోయే దీని పేరు హనీ బ్యాడ్`జెర్. ఆప్రికా , నైరుతి ఆసియా మరియు భారత దేశములో నివసిస్తుంది. ఇవి ఆకలిగా ఉన్న సమయంలో చాలా క్రూరంగా ఉంటాయి వేటిని లెక్క చెయ్యకుండా తన ఆకలి తీర్చుకొనే పనిలోనే ఉంటుంది.

తేనెటీగలు గురించి మీకు ప్రత్యేకముగా వివరించవలసిన అవసరము లేదు వాటి దాడి అలా ఉంటుంది మరి. ఒక్క తేనెటీగని తలచుకుంటేనే ఎంతోమంది భయపడుతారు. అలాంటిది ఈ హనీ బ్యాడ్`జెర్ తేనెటీగల గుంపులోకి జొరబడి తన పని తానూ చేసుకుపోయే ఈ వీడియో చూడండి.

పాములు , ఎలుకలు కావేవి నా ఆకలికి అనర్హము అని ఇవి తినే ఆహారము చూడండి. ఇవి 12 నుండి 16 కిలోలు బరువుతో 68 నుండి 75 సెంటిమీటర్ పొడవు వరకు పెరుగు తాయి.

Boy living Normally even with out Eyes its amazing

2012-02-15T14:44:00.000+05:30

బెన్ ఈ భూమి పై కంటి చూపు లేకపోయినా ( నిజం చెప్పాలంటే అసలు కళ్ళే లేవు ) కేవలం శబ్ద తరంగాలని చిత్రాలుగా మార్చుకుంటూ ఆ చిత్రాల ఆధారంగా తన దినచర్య పూర్తి చేసుకుంటున్న ఏకైక బాలుడు. కంటి చూపు లేకపోతే ఎన్ని ఇబ్బందులు పడవలసి వస్తుందో అందరికి తెలుసు. తను మూడేళ్ళ వయసులో ఒక నయం చేయలేని వ్యాధి కారణంగా కంటి చూపుని కోల్పోయాడు. కానీ అతను కొంత కాలం తరువాత ఈ ప్రపంచంలో శబ్ద తరంగాల ఆధారంగా ఎదుట ఉన్న వస్తువులను , అడ్డంకులను గుర్తిస్తూ అందరిని ఆశ్చర్య పరిచాడు. తను అందరి పిల్లల లాగా సైకిల్ తొక్క గలడు, బాస్కెట్ బాల ఆడగలడు ఇంకా చాలా పనులు సహజంగా చెయ్యగలడు. ప్రస్తుతం ఈ భూమి పైన ఇలా శబ్ద తరంగాలని ఉపయోగించుకుంటూ చూడగలిగిన ఏకైక వ్యక్తీ మన బెన్.

ఈ రోజు సమాజంలో అన్ని విధాలా ఆరోగ్యంగా ఉండి కూడా చాలా మంది నిరాశా నిస్పృహలతో జీవిస్తున్నారు . అస్సలు కంటి చూపు లేకుండా కూడా చాలా హాయిగా జీవిస్తున్న బెన్ లాంటి వారి జీవితం ఎంతో మందికి ఆదర్శ ప్రాయం .

బెన్ కు సంభందించిన వీడియోను ఇక్కడ వీక్షించండి.