TamilNews விவசாயி

பிரித்தானியாவில் முள்ளிவாய்க்கால் நினைவு

noreply@blogger.com (Editor) — Tue, 19 May 2026 13:48:10 +0100

தமிழினப்படுகொலையின் 17ஆம் ஆண்டு நினைவேந்தலை முன்னிட்டு “தமிழின அழிப்பு நினைவு நாள்” பேரணியும் கவனயீர்ப்பு நிகழ்வும் இன்று (18.05.2026) லண்டன் நகரில் நடைபெற்றது.

“Genocide against Eelam Tamils by the Sri Lankan State” என்ற கருப்பொருளில் நடைபெற்ற இந்த நினைவேந்தல் நிகழ்வு, தமிழ் மக்களுக்கு எதிராக இடம்பெற்ற இனப்படுகொலையை உலக நாடுகளின் கவனத்திற்கு மீண்டும் கொண்டு செல்லும் நோக்கில் ஒழுங்குபடுத்தப்பட்டது.

பிரித்தானியாவில் காருக்குள் சடலம் -தமிழருடையதா ?

noreply@blogger.com (Editor) — Tue, 17 Jun 2025 07:56:00 +0100

சஸெக்ஸ் பகுதியில் பரிதாபமான சம்பவம் ஒன்று கடந்த வெள்ளிக்கிழமை நடந்தது. கார்லி நகரில் உள்ள தொழிற்துறை பகுதியிலுள்ள ஒரு காலியிடப்பட்ட கார் ஒன்றில் ஒரு மர்மமான உடல் இருப்பதாக போலீசாருக்கு தகவல் கிடைத்தது.

உள்ளூர் மக்கள் கூறுகையில், அந்தக் கார் கடந்த எட்டு மாதங்களாக அங்கே நிறுத்தப்பட்டிருந்ததுடன், பல முறை நகர மன்றத்திடம் அது ஒரு கைவிடப்பட்ட வாகனம் என புகார் கொடுத்திருந்தனர். கார்லி போரோக் கவுன்சில் (CBC) கடந்த மே 19ஆம் தேதி, அந்தக் கார் ஏழு நாட்களில் இழுத்து செல்லப்படும் என எச்சரிக்கை சிட்டை ஒன்று ஒட்டியது.

ஆனால், ஜூன் 6 அன்று அந்தக் காரை எடுக்க வந்த ஒரு ரிகவரி டிரைவர், காரில் ஒரு உடல் இருக்கலாம் என்று போலீசாருக்கு தகவல் தெரிவித்தார். இதைத் தொடர்ந்து, forensic (தெளிவுபடுத்தும்) அதிகாரிகள் ஜூன் 14 வெள்ளிக்கிழமை காலை காரை ஆய்வு செய்ய வந்தனர். அதே நேரத்தில் அந்த இடத்தில் காவல் கோடுகளும் வைக்கப்பட்டன. இந்த இடம், கட்ட்விக் விமான நிலையத்திலிருந்து ஒரு மைல் தூரத்தில் உள்ள ஹ்விட்டில் வேயில் அமைந்துள்ளது.

கோவிர்மெண்ட் இணையதள வாகன வரி சோதனை தகவலின்படி, அந்தக் கார் வரி கட்டப்பட்டதாகவும், 2026 ஜனவரி 1 ஆம் தேதி வரை செல்லுபடியாக இருப்பதாகவும் தெரியவந்துள்ளது. அதேபோல், MOT சான்றிதழும் இந்த நவம்பர் 25 வரை செல்லுபடியாகும் எனவும் தெரிவிக்கப்பட்டுள்ளது.

சஸெக்ஸ் போலீசார் சனிக்கிழமை வெளியிட்ட தகவலின்படி, இந்த மரணம் சந்தேகத்திற்கிடமானதல்ல என அவர்கள் கூறியுள்ளனர். மேலும் இது தொடர்பாக கோரோனர் (மரணம் விசாரிக்கும் அதிகாரி) அறிக்கை தயார் செய்யப்படும் எனவும் தெரிவித்துள்ளனர்.

இந்த உடல் எப்போது காரில் வைக்கப்பட்டது என்பது இதுவரை தெரியவில்லை. ஆனால், சமூக ஊடகங்களில் உள்ளூர் மக்கள் எழுதியிருப்பதாவது, அந்த கார் கடந்த அக்டோபரிலிருந்து அங்கேயே உள்ளது என்பதாகும். ஒருவர், “நானும் நான்கு மாதங்களுக்கு முன் புகார் கொடுத்தேன், ஆனா அவர்கள் adesive sticker தான் ஒட்டினாங்க. இது எட்டு மாதமா நிற்குது,” என கூறினார். மற்றொரு நபர், “கிறிஸ்துமஸ் க்கு முன்பே அந்தக் கார் அங்கேயே இருந்தது,” எனக் குறிப்பிட்டார்.

சஸெக்ஸ் போலீஸ் பேச்சாளர் கூறியதாவது:

“ஜூன் 6 வெள்ளிக்கிழமை காலை 10.30 மணியளவில், கார்லி நகரின் நார்த்கேட் பகுதியில் உள்ள ஹ்விட்டில் வேயில் ஒரு வாகனத்தில் இருந்து உடல் மீட்கப்பட்டதாக தகவல் வந்தது. அந்த நபர் யார் என்பதை அடையாளம் காண மற்றும் சம்பவ சூழலை முழுமையாக அறிய விசாரணை நடைபெற்று வருகிறது.”

கிடைக்கப்பட்ட தகவலின்படி காருக்குள் இருந்த உடல் தமிழர் ஒருவருடையது என அறியவருகிறது

தியாகதீபம் அன்னை பூபதி அவர்களின் 37வது ஆண்டு நினைவுநாள் நினைவேந்தல்.

noreply@blogger.com (Editor) — Sun, 20 Apr 2025 21:02:00 +0100

தமிழீழத் தாயக நிலப்பரப்பிற்குள் அமைதிப்படை எனும் பெயரில் அத்துமீறி நுழைந்து எம் மக்களுக்கெதிராக பெரும் அட்டூழியம் புரிந்த இந்திய வல்லாதிக்கப் படையின் கொடூரங்களுக்கெதிராக சாகும்வரையிலான உண்ணாநோன்பிருந்து அகிம்சை வழியிலான போர் தொடுத்து தமிழீழம் எனும் தனிப்பெரும் கனவுடன் தன்னை ஆகுதியாக்கிய தாய் 'தியாகதீபம்' அன்னை பூபதி அவர்களின் 37வது ஆண்டு நினைவுநாள் இன்று லண்டனில் மிக உணர்வுபூர்வமாக முன்னெடுக்கப்பட்டது.

பிரித்தானியாவை தளமாகக் கொண்டு செயற்பட்டுவரும் 'தமிழீழ சுயநிர்ணய அமைப்பு' ஆனது, இந்த நிகழ்வினை ஏனைய பல புலம்பெயர் தமிழ் அமைப்புகளை ஒருங்கிணைத்து 19/04/2025 சனிக்கிழமை காலை 10:00 மணிக்கு ஏற்பாடு செய்திருந்த நிலையில், பெரும் எண்ணிக்கையிலான ஈழ உணர்வாளர்களின் பங்கேற்புடன் அடையாள உண்ணாவிரதப் போராட்டத்தையும் முன்னெடுத்ததோடு, கலை, பண்பாட்டு ரீதியான தேசிய உணர்வெழுச்சி நிகழ்ச்சிகளும் தமிழீழ சுயநிர்ணய அமைப்பின் செயற்பாட்டாளர்களால் மாலை 04:00 மணி வரையில் சிறப்பான முறையில் நிகழ்த்தப்பட்டிருந்தது.

தமிழீழ விடுதலைப் போராட்டத்தின் தவிர்க்க முடியாத ஓர் அங்கமாக ஈழத்தின் வீரத் தமிழ்ப் பெண்களின் பேரெழுச்சியானது வளர்ச்சியடைந்த உலக நாடுகளையே உற்றுநோக்கவைத்த பெருமையை தமதாக்கியிருக்கும் நிலையில், அகிம்சை வழியிலான அறப்போராட்டத்திற்கும் நாம் சற்றும் சளைத்தவர்கள் அல்ல என்பதை அகிம்சையை உலகிற்குப் போதித்ததாகக் கூறிக்கொள்ளும் இந்திய வல்லாதிக்கத்திற்கே அகிம்சை என்றால் என்ன என்பதை செயற்பாட்டு ரீதியில் காட்டிய 'தியாக தீபம்' திலீபன் அவர்களின் வழியில் உணர்த்திய எம் உன்னதத் தாய் அன்னை பூபதி அவர்களை தாயகத்தில் எம் உறவுகள் நினைவேந்துகின்ற சம நேரத்தில், பிரித்தானியாவில் இந்த தேசிய உணர்வெழுச்சி நிகழ்வானது வானிலை சீர்கேட்டுக்கு மத்தியிலும் 'தமிழீழ சுயநிர்ணய அமைப்பினால்' சிறப்பான முறையில் அனுஷ்ட்டிக்கப்பட்டுள்ளது.

எமது தமிழீழத் தாயகமானது, சிங்கள பௌத்த பேரினவாத ஆட்சியாளர்களால் அரச நிர்வாக அலகாக வடக்கு மற்றும் கிழக்கு என இரண்டு மாகாணங்களாக பிரிக்கப்பட்டு எம் தாயக நிலப்பரப்பின் கிழக்கு மாகாணமானது ஒரு பக்கம் சிங்களப் பேரினவாதத்தின் பிடிக்குள் சிக்கி மெல்ல மெல்ல முழுங்கப்பட்டுக்கொண்டிருக்கும் நிலையில், பேரினவாதக் கைக்கூலிகளாகச் செயற்படும் கருணா மற்றும் பிள்ளையான் போன்ற எம் இனத் துரோகிகள் மறுபக்கம் பிரதேசவாதம் பேசிப் பேசி எம் மக்களிடையே குரோதங்களை வளர்த்து அதில் குளிர் காய்ந்துகொண்டிருந்தாலும், துரோகிகளின் மூளைச்சலவைப் பேச்சுக்களைப் புறந்தள்ளி, தமிழ்த் தேசியத் துரோகிகளின் எதிர்பார்ப்புகளில் கரிபூசிவிட்டு, 'தமிழீழம்' எனும் தனித்த தன்னாட்சித் தேசத்தின் எம் தமிழ் உறவுகள் இதுபோன்ற தேசிய உணர்வெழுச்சிச் செயற்பாடுகளில் ஒருமித்துக் கரம்கோர்த்து நிற்பதன் மூலமாக, "தமிழீழம்" எனும் பெருங்கனவை நிச்சயம் ஒன்றுபட்டு வென்றெடுப்போம் என்பதை உலகிற்கு உரக்கக் சொல்லியிருக்கின்றனர் என்பதனையும் 'தமிழீழ சுயநிர்ணய அமைப்பு' இந்த ஊடக அறிக்கையின் மூலம் தெளிவுபடுத்திக்கொள்கின்றது.

தமிழக அரசியலில் புதிய கட்டமைப்பு – பாஜக இரண்டு வழித் திட்டத்தில் பயணம்?

noreply@blogger.com (Editor) — Wed, 9 Apr 2025 17:24:00 +0100

தமிழக அரசியலில் புதிய கட்டமைப்பு – பாஜக இரண்டு வழித் திட்டத்தில் பயணம்?

தமிழக அரசியல் சூழலில் பெரும் மாற்றத்துக்கான சூழ்நிலை உருவாகி வருகிறது. ஒரு பக்கம் அதிமுக – பாஜக கூட்டணி மீண்டும் உயிர் பெறும் சாத்தியக்கூறுகள் தென்படுகின்றன. இன்னொரு பக்கம், பாஜக – நாம் தமிழர் கூட்டணியை உருவாக்கும் பணி தொடங்கி இருப்பதாகவும் தகவல்கள் கூறுகின்றன.

சமீபத்தில், அமித் ஷா மற்றும் எடப்பாடி பழனிசாமி சந்தித்தது முக்கிய பரபரப்பை ஏற்படுத்தியது. இருவரும் இம்முறையில் சாதகமாகப் பேசியதாகக் கூறப்படுகிறது. எப்போதும் கடுமையாக நடந்து கொள்ளும் அமித் ஷா, இம்முறை இயல்பாக இருப்பது கவனிக்கத்தக்கது.

பேச்சுவார்த்தை முழுக்க முழுக்க அரசியல் குறித்து தான். இதில், எடப்பாடி பேசியதை தம்பிதுரை ஆங்கிலத்தில் அமித் ஷாவுக்கு விளக்கியதாக தகவல்கள் வெளியாகின. முக்கியமாக, "திமுக கூட்டணியை வீழ்த்த அதிமுக பிளவுகள் இல்லாமல் இருக்க வேண்டும். ஓபிஎஸ், சசிகலா, தினகரனை மீண்டும் இணைப்பதில் என்ன தடையாக இருக்கிறது?" என அமித் ஷா கேட்டுள்ளார்.

இதே வேளையில், பாஜக – நாம் தமிழர் கூட்டணி உருவாகும் வாய்ப்புகளும் அதிகரிக்கின்றன. சீமானை முதல்வர் வேட்பாளராக முன்வைத்து, 80 சீட்டுகள் நாம் தமிழருக்கு, 80 பாஜகவிற்கு, மீதமுள்ள 74 சீட்டுகள் மற்ற கட்சிகளுக்கு என்ற வகையில் ஒரு திட்டம் டெல்லியில் விவாதிக்கப்படுகிறது.

தற்போது தமிழக பாஜகவில் இரண்டு லாபிகள் (அல்லது அணி) உள்ளதாக அரசியல் வட்டாரங்கள் கூறுகின்றன.

ஒன்று, அதிமுகவுடன் தொடரவேண்டும் என நினைக்கும் அணியினர்.

மற்றொன்று, அதிமுகவை புறக்கணித்து நாம் தமிழருடன் புதிய கூட்டணி உருவாக்க விரும்பும் அணியினர்.

இருபுறத்திலும் களமிறங்கிய நிலையில், 2026 தேர்தல் நேரமாவது எந்த கூட்டணி வெற்றி பெறும்? எந்த அணியின் திட்டம் நிறைவேறும்? என்பதுதான் பார்க்க வேண்டிய கேள்வி.

இந்நிலையில், மத்திய நிதியமைச்சர் நிர்மலா சீதாராமனை சீமான் சந்தித்ததாகவும், அதிமுக முன்னாள் அமைச்சர் செங்கோட்டையனும் ஒரு மணி நேரம் பேசியதாகவும் செய்திகள் பரவின. ஆனால் சீமான் இதை மறுத்துவிட்டார். இதுவும் பாஜக – நாம் தமிழர் கூட்டணி குறித்து பல்வேறு சந்தேகங்களை ஏற்படுத்தியுள்ளது.

டிரம்பின் வரிவிதிப்பு – உலக சந்தைகளை தளதளத்தவைத்தது! நமக்கு பொருளாதார மந்தம் வரப்போகிறதா?

noreply@blogger.com (Editor) — Mon, 7 Apr 2025 21:51:00 +0100

டிரம்பின் வரிவிதிப்பு – உலக சந்தைகளை தளதளத்தவைத்தது! நமக்கு பொருளாதார மந்தம் வரப்போகிறதா?

அமெரிக்க அதிபர் டொனால்ட் டிரம்ப் அறிவித்துள்ள வரிவிதிப்புகள் உலகளாவிய பங்கு சந்தைகளை மிக மோசமாக பாதித்துள்ளன. ஆனால், பங்கு சந்தையில் சரிவு வந்ததாலேயே பொருளாதாரம் மந்த நிலைக்கு செல்லும் என்று நிச்சயமாகச் சொல்ல முடியுமா?

அப்படியில்லை. பங்கு சந்தை மற்றும் பொருளாதாரம் இரண்டும் வெவ்வேறு விஷயங்கள். பங்குகள் விழுந்தால் அதே நேரத்தில் பொருளாதாரமும் வீழ்வதில்லை. ஆனால் சில சமயங்களில் பங்கு சந்தை ஒரு எச்சரிக்கை அடையாளமாக இருக்கலாம்.

இந்த முறை பங்குகள் கடுமையாக சரிந்திருப்பது, எதிர்கால வருமானங்களின் மீதான நம்பிக்கையைக் குறைத்துவிட்டதாக பொருளாதார வல்லுநர்கள் கூறுகின்றனர். வரிவிதிப்புகள் நிறுவங்களின் செலவுகளை உயர்த்தும், அதனால் அவர்களின் லாபம் குறையும் என்பதுதான் பங்குச் சந்தையின் எண்ணம்.

இதுவே பொருளாதார மந்தத்திற்கு நேரடியான காரணமல்ல, ஆனால் அதன் சாத்தியத்தை அதிகரிக்கிறது.

உதாரணமாக, முந்தைய காலாண்டில் UK பொருளாதாரம் வெறும் 0.1% மட்டுமே வளர்ந்தது. அதன்பின் ஜனவரியில் அந்த அளவு சரிந்துவிட்டது. இது தொடரும் பட்சத்தில், நம்மால் மந்த நிலை உண்டு என்று கூறலாம் – அதாவது, தொடர்ச்சியான இரண்டு காலாண்டுகளில் உள்நாட்டு உற்பத்தி குறைவது.

மேலும், பங்குச் சந்தையை விட ஆபத்தான சிக்னல்கள் காப்பர் மற்றும் எண்ணெய் விலைகளில் உள்ளன. இவை உலக பொருளாதார ஆரோக்கியத்தின் குறியீடுகள். இவை இரண்டும் 15% குறைந்துள்ளன.

வங்கிகள் – HSBC, Standard Chartered போன்றவை – 10% அதிகமாக வீழ்ந்துள்ளன. இது சர்வதேச வர்த்தகத்தில் உள்ள நம்பிக்கையின்மையை காட்டுகிறது.

இது 1930களில் இருந்த பெரும் மந்தம், 2008 நிதி நெருக்கடி, மற்றும் கொரோனா pandemic போன்ற அளவிற்கு செல்லும் வாய்ப்பு குறைவுதான், ஆனால் US, UK, EU போன்ற முக்கிய பொருளாதாரங்களில் மந்தம் வரக்கூடிய சாத்தியம் அதிகமாக இருக்கிறது.

UK நிதியமைச்சர் ராசல் ரீவ்ஸ் மூலதனச் செலவுகளை குறைக்கலாம், ஆனால் வரிவீதிகள் குறைவதால் அரசு வருமானம் பாதிக்கப்படும்.

இதற்கெல்லாம் முடிவாக – வரிவிதிப்பு உலக பொருளாதாரத்தையே குழப்பி விட்டது. இதன் தாக்கங்கள் இன்னும் நீண்ட காலம் தொடரலாம்.

பிரித்தானிய தாயக உறவுகளுக்கு உதவி

noreply@blogger.com (Editor) — Mon, 27 Jan 2025 07:24:00 GMT

நேற்று ஞாயிற்றுக்கிழமை 26/01/2025, டைகோ காசியாவில் (Army Base in Diego Harcia ) 3 வருடங்கள் தடுப்புக்காவலில் வைக்கப்பட்டிருந்து தற்போது பிரித்தானியாவிற்கு இடமாற்றம் செய்யப்பட்டு Gatwick Centre ல் உள்ள எமது தாயக உறவுகளை *இரண்டாவது முறையாக* கண்டு கதைத்து அவர்களுக்கு உணவுவகைகள், காலணிகளை தமிழீழ உணர்வாளர்கள் சுபி, றதூசன் உதவியுடன் தமிழீழ சுயநிர்ணய அமைப்பின் செயற்பாட்டாளர்களான குமரன், ராஜ், சுபி, யோகியினால் வழங்கப்பட்டது.

*We distributed some food and footwear to the Tamil Refugees from Diego Garcia with the help of two of the Tamil Eela supporters and MSDTE's "Help for Tamils" wing on Sunday 26/01/2025 at 3pm at Gatwick Centre.*

Thank you

மேலதிக விபரங்களுக்கு,

தமிழீழ சுயநிர்ணய அமைப்பு

Movement for Self-Determination of Tamil Eelam [MSDTE]

www.msdte.org

admin@msdte.org

கல்வி ஒரு சக்திவாய்ந்த ஆயுதம்

தமிழீழ விடுதலைக்காக உழைத்த புலனாய்வுப் போர்முகம் மேலாளர் விநாயகம் அவர்களுக்கு வீரவணக்கம்

noreply@blogger.com (Editor) — Fri, 7 Jun 2024 11:35:00 +0100

விடுதலைப்புலிகள் அமைப்பின் புலனாய்வுத்துறையில் நீண்ட காலமாக களமாடி 2009 க்கு பின்னர் பிரான்ஸ் நாட்டில் வசித்து வந்த புலனாய்வுத்துறையின் மேலாளர்களில் ஒருவரான விநாயகம் அவர்கள் பிரான்ஸ் நாட்டின் சாவடைந்துள்ளார் . அவரின் இழப்பு குறித்து விடுதலைப்புலிகளின் புலனாய்வுத்துறையினர் துயர்பகிர்வு செய்தி ஒன்றினை வெளியிட்டு உள்ளனர். அந்த செய்திக்குறிப்பினை இங்கே அப்படியே பதிவிடுகின்றோம்

தமக்கான தனியரசை அமைத்துக் கொள்வதற்காகத் தமிழினம் சுமந்து நின்ற விடுதலைப் போராட்டப் பாதையிலே, தமிழீழத் தேசியத் தலைவர் மேதகு.வே.பிரபாகரன் அவர்களின் வழிகாட்டுதலில் பிறப்பெடுத்துக்கொண்ட தமிழீழ விடுதலைப் புலிகள் என்ற மாபெரும் இயக்கத்தின் அச்சாணியாகத் திகழும் புலனாய்வுத்துறையின் இயங்குவிசைத் தளத்திலே இமாலய வெற்றிகளையும், சாதனைகளையும் நிகழ்த்தித் தனக்கென ஓர் அத்தியாயத்தை பதிவு செய்து தமிழீழத் தேசியத் தலைவரின் பாராட்டு- தல்களையும் பெற்று மிக நீண்டகாலமாக தமிழீழ நிலப்பரப்பிலும், தமிழீழ எல்லைக்கு அப்பாற்பட்ட எதிரிகளின் தளங்களிலும் சுழன்று வீசிய புலனாய்வுப்போர்முகம் மேலாளர் விநாயகம் (கதிர்காமசேகரம்பிள்ளை- விநாயகமூர்த்தி) அவர்கள் உடல்நலக்குறைவினால் 04.06.2024 (செவ்வாய்க்கிழமை) அன்று பிரான்சு நாட்டில் சாவை அணைத்துக் கொண்டார்.

தமிழீழ விடுதலைப் போராட்டத்தின் அதி உச்சமான தியாகங்களும், தமிழீழ விடுதலைப் புலிகளின் கேந்திர முக்கியத்துவங்கள் மிக்க பகுதியாகவும், விடுதலைப் போராட்ட ஆரம்ப காலங்கள் தொட்டே துலங்கிய தமிழீழத்தின் யாழ்ப்பாண மாவட்டத்தின் தென்மராட்சி வரணியைப்பிறப்பிடமாகக் கொண்ட மேலாளர் விநாயகம் அவர்கள் 1983ஆம் ஆண்டு தனது பத்தொன்பதாவது வயது தொடக்கம் தமிழீழ விடுதலைப் புலிக- ளின் மறைமுகப் போராளிகளுக்கான தகவல் பரிமாற்றம் மற்றும் வழங்கல் உதவியாளராகச் செயற்பட்டுத் தனது முழுமையான நம்பிக்கையினையும், உறுதியையும் நிலைநாட்டினார். பனை, தென்னைகள் நிறைந்த தோப்புகளிலும், நீரேரி கலந்த சதுப்பு நிலங்களிலும் இவர் பாதங்கள் இலட்சியப் பணி தொடர்ந்தன. பின்னர் 1984ஆம் ஆண்டு தன்னை முழுநேரப் போராளியாக மாற்றிக்கொண்டு, தனக்கான அடிப்படைப் பயிற்சியினை தென்மராட்சியிலே நிறைவு செய்து, தென்மராட்சியின் முதற் பொறுப்பாளராக மிகத் துடிப்போடும், மக்களின் நம்பிக்கையாகவும் இருந்த மேஜர் கேடில்ஸ் அவர்களின் பொறுப்பில் ஆர்வம் துடிப்பு. அறச்சீற்றம் விவேகம் விடுதலை இலட்சியம் ஆகிய சிறப்பம்சங்கள் கொண்ட போராளியாகத் தன்னை நிலைநிறுத்தித் தமிழின விடியலுக்காக அயராது உழைத்தார்.

சிறிலங்கா இராணுவக் கொடூரங்கள்கண்டு கொதித்தெழுந்த விடுதலைப் பற்றுமிக்க பல போராளி களைக்கொண்ட யாழ் மாவட்டத்தின் அன்றைய பொறுப்பாளராக இருந்த கேணல் கிட்டு அவர்களின் எதிர்பார்ப்பை நிறைவுசெய்யும் மேஜர் கேடில்ஸ் அவர்களின் தென்மராட்சி அணியில் மேலாளர் விநாயகமும் ஒருவராக செயற்பட்டார். 1987ஆம் ஆண்டு நாவற்குழி இராணுவமுகாம் மீதானதொரு பாரிய தாக்குதலுக்கான திட்டமிடல்கள் நிகழ்ந்துகொண்டிருந்தவேளையில் வெடிபொருள் நிரப்பப்பட்ட நீர்த்தாங்கி வாகனம் தவறுதலாக வெடித்த சம்பவத்தில் லெப்.கேணல்.பொன்னம்மான், மேஜர் கேடில்ஸ் உட்பட பதினொரு போராளிகள் வீரச்சாவைத் தழுவிய சம்பவத்தில் மேலாளர் விநாயகம் அவர்கள் விழுப்புண் அடைந்தார்.

விடுதலைக்கான உழைப்பு என்பதில் கால நேரங்களையோ. கடினங்களையோ சுமையாகக் கொள்ளாது சுகமாக ஏற்று இதயச் சுத்தியோடு கடமைகளை முடிக்கும் பக்குவ நிலையால் மக்கள் மனங்களில் நிறைந்து அழியாப்புகழ் கொண்டவர்களே எங்கள் மாவீரர்கள். அத்தகைய வார்த்தைகளுக்குள்ளும், வரலாறுகளுக்குள்ளும் எப்போதும் நிலைத்து நிற்கும் பெரும் பேறு பெற்றவர் மேலாளர் விநாயகம் என்றால் அது மிகையாகாது. தமிழீழ விடுதலைப் புலிகளின் புலனாய்வுத் துறையின் ஆளுகைப் பரப்பென்பது உள்ளக. வெளியகப் பரப்புக்களால் விரிந்து முகவர் கட்டமைப்புத் தொடக்கம் ஈட்டப்படும் பெரு வெற்றிவரை அது தமிழ்த்தேசிய நிழலரசின் ஆணிவேர்ப் பரப்பைத்தாங்கிநிற்கும் நுண்ணிய உயிர்நாடிப் பொறிமுறையாகும். அவதானித்தல், தகவல்களைச் சேகரித்தல், ஒப்புநோக்கல், செவ்வைபார்த்தல், திட்டமிடல். இலக்கைச் சென்றடைதல், எதிர்பார்ப்பை ஈடுசெய்யும் வெற்றியைப் பெறல், மீண்டும் தளம் திரும்புதல், பகுப்பாய்தல், பொறுப்புக்கூறல்,இப்படியாக நீண்டு செல்லும் ஒவ்வொருகட்டத்திற்கும் தனித்தனியான கடும்பயிற்சியும், தந்திரங்களும், முயற்சியும் இருந்தே ஆகவேண்டும்,

இவற்றுக்கெல்லாம் தனது உடலில் எத்தனை உபாதைகள் இருந்தாலும் அவற்றைத் தாண்டி சாதனை நாயகனாக வலம் வந்தார் மேலாளர் விநாயகம் அவர்கள். பல்வேறு பொறுப்பாளர்களின் பொறுப்பின் கீழ் பல்வேறு தளங்களில் ஓயாது உழைத்த மேலாளர் விநாயகம் அவர்களது வாழ்க்கை வரலாற்றை வெறுமனே ஓர் அறிக்கையின் மூலமாக நிறுவிவிடமுடியாது. அது தமிழ் இலக்கண, இலக்கியக் கோவைகளால் நிரம்பிய எதிர்கால இளம்தலைமுறை படித்துணரவேண்டிய ஒரு சிறந்த நூலாக அமைய வேண்டும், அதனை உலகப் பரப்பெங்கிலும் வாழும் அவரது தோழமை உறவுகளால் காலக் கிரமத்தில் ஈடேற்றப்படுமென நம்புவோம். புலனாய்வுத்துறைப் போராளியாகவே அறியப்பட்ட மேலாளர் விநாயகம் அவர்கள் தமிழீழ விடுதலைக்காகப் பிரசவமாகிய அத்தனை துறைகளோடும், பிரிவுகளோடும் எத்தகைய நல்லுறவைப்பேணினார் என்பதும், தேசநலன் சார்ந்த தெளிவோடும் குறிப்பாக நேர்மையோடும், அறச்சீற்றத்தோடும் கருத்துக்களைப் பகிர்ந்து கொள்வதில் அவர் எப்போதும் பின்னிற்பதில்லை.

தமிழீழத் தேசியத் தலைவரிடம் பல பாராட்டுக்களைப் பெற்றதோடு தமிழீழ புலனாய்வுத்துறைப் பொறுப்பாளரால் எப்போதுமே இவரைப் போராளிகளுக்கு எடுத்துக்காட்டாளனாகப் பயன்படுத்தியமையும் வரலாறு தன்னகத்தே தாங்கிக் கொண்டுள்ளது. எமது தனித்துவமான அரசியல் இலக்கினை அடைந்துகொள்வதற்கான போர் முறைகளின் ஒரு வடிவமே ஆயுதப் பொறிமுறை என்பதாகும். அவ் ஆயுதப் பொறிமுறை மூலமாக நிகழ்த்தப்படும் சமாதானம் நோக்கிய மாற்றங்கள் மறக்கப்பட முடியாதவை. அத்தகைய ஒரு மாற்றமாகவே 2001ஆம் ஆண்டு சிறிலங்கா கட்டுநாயக்கா விமான நிலையம் மீதான தாக்குதலாகும், எந்தவொரு பொது மக்களுக்கும் பாதிப்பை உண்டுபண்ணாத வகையில் திட்டமிடப்பட்ட இத்தாக்குதலானது உலகின் கவனங்களை ஈர்த்துக்கொண்டதோடு சிறிலங்கா அரசை சமாதானப் பேச்சுநோக்கி முன்னகரவும் வைத்துள்ளது. இத்தாக்குதலின் பிரதான பொறுப்பாளர்களில் ஒருவராக மேலாளர் விநாயகம் அவர்கள் இருந்தார் என்பதும் வரலாறே.

முள்ளிவாய்க்கால் பெருவெளியாக விரிந்த நெருப்பாற்று நீச்சலில் நின்றபடியே, தலைமையின் கட்டளைக்கு அமைய ஒரு குறிப்பிட்ட அணியோடு வரலாற்றுத் திருப்புமுனையை ஏற்படுத்தும் சிறப்பு நடவடிக் கையின் நிமித்தம் வாழ்வா? சாவா? எனும் சவால்மிகு தருணத்தை உறுதியோடும், ஓர்மத்தோடும் ஏற்று எதிரியின் குகைக்குள் சென்று கடமையாற்றியமை ஒரு மாபெரும் மயிர்க்கூச்செறியும் வரலாறு. இந்த வரலாற்றுப் பக்கங்களில் அவரோடு களமாடிய சகதோழர்கள் இன்னும் உயிரோடுதான் உள்ளார்கள். ஆனால் அந்தக் காத்திரமான வரலாற்றுப் பக்கங்களைக் கிழித்தெறியவும், இல்லாதொழிக்கவும் அவதூறுகளைப் பரப்பவும் பல நேரடி, மறைமுகத் துரோக முகங்கள் முற்படினும், நிகழ்காலம் பலரை காலமறிந்து அறத்தின்வழியாக கரங்களைக் கட்டிவைத்திருப்பதானது இப்போது துன்பியலாக இருப்பினும் காலம் ஒரு நேர்கோட்டில் அவற்றைத் தெளிவோடு பதிவாக்கி, இந்த மாவீரன் நேசித்த அதே மக்களின் கரங்களில் ஒப்படைக்கும் என்பது திண்ணம்.

பத்தொன்பது வயதில் ஆரம்பித்த விடுதலைப் பணிகளூடாக அறியப்பட்ட இந்த வரலாற்று நாயகன் தனது அறுபதாவது வயதில் விழிமூடிய இந்நாளில் உலகப் பரப்பெங்கிலும் வாழ்ந்துவரும் உறவுகளாகவும், தாயக மக்கள் சார்பாகவும் வீர வணக்கம் செலுத்துவோமாக.

“புலிகளின் தாகம் தமிழீழத் தாயகம்”

புலனாய்வுத்துறை,

தமிழீழ விடுதலைப் புலிகள்,

தமிழீழம்

திருகோணமலையில் நடந்த சிவராத்திரி

noreply@blogger.com (Editor) — Mon, 11 Mar 2024 09:31:00 GMT

திருகோணமலை மாவட்டத்தின் கோமரன்கடவெல (குமரேசன் கடவை) காட்டுப் பகுதியில் மஹா சிவராத்திரி பூசை நிகழ்வு இடம்பெற்றது.

இந்து பௌத்த சங்கத்தின் ஏற்பாட்டில் மஹா சிவராத்திரி பூசை நிகழ்வு வெள்ளிக்கிழமை (08) இடம்பெற்றது.

இதன்போது சுயம்பு லிங்கத்திற்கான அபிஷேகம் மற்றும் பூசை நிகழ்வுகளும் இடம்பெற்றதோடு பொங்கல் நிகழ்வும் இடம்பெற்றது.

அதேவேளை “சுயம்பு லிங்கேஸ்வரர் சிவன் ஆலயம் கி பி 9-13ம் நூற்றாண்டு காலத்திற்கு உரியது என கூறப்படுகின்றமை குறிப்பிடத்தக்கது.

இந்து பௌத்த சங்கம் சார்பாக கியூல கடவெல பிரதேசத்தில் அமைந்துள்ள கி பி 9-13ம் நூற்றாண்டு காலத்திற்கு உரிய “சுயம்பு லிங்கேஸ்வரர் சிவன் கோயில்” இல் மஹா சிவராத்திரி பூசை மற்றும் நமஸ்காரங்கள் தொல்லியல் திணைக்கள அனுமதியுடன் வெகு சிறப்பாக நடத்தப்பட்டுள்ளது இந்து பௌத்த சங்க உயர்பீட உறுப்பினர்களுடன் இரு மதங்களை சார்ந்த பெரும் அளவிலான மக்கள் பங்கு கொண்டு சிறப்பித்தனர்.

வெடுக்குநாறிமலையில் பதற்றம்

noreply@blogger.com (Editor) — Fri, 8 Mar 2024 13:58:00 GMT

"வனவளத்திணைக்களம் மற்றும் தொல்லியல் சட்டத்தின்படி 6 மணிக்கு பின்னர் தொல்லியல் இடத்தில் பூசை வழிபாடுகளில் ஈடுபட முடியாது. எனவே ஆறு மணிக்கு பின்னர் வெடுக்குநாறிமலை ஆதிசிவன் கோவிலில் இருந்து அனைவரும் வெளியேற வேண்டுமென சிவராத்திரி நிகழ்வில் கலந்து கொண்டவர்களுக்கு காவல்துறையினர் அச்சுறுத்தல் விடுத்துள்ளனர்.

எனினும் சிவராத்திரி தினம் என்பது இரவிரவாக நித்திரை முழிக்கும் ஒரு விரதம் எனவும் எனவே காலை வேளையே தாம் அங்கிருந்து வெளியேறுவோம் என பக்தர்கள் தெரிவித்துள்ளனர்.

அதனால் அப்பகுதிகளில் பரபரப்பு ஏற்பட்டுள்ளதாக தகவல்கள் வெளியாகியுள்ளது.

கதறி அழுத தாயின் துயரம் ஒட்டுமொத்த தமிழர்களினதும் இனவலி!

noreply@blogger.com (Editor) — Sun, 3 Mar 2024 12:46:00 GMT

சாந்தன் அண்ணாவின் உடலைத் தமிழ் நாட்டில் எழுச்சி வரக் கூடாது என அடக்கி வைத்தும் அவரோடு சிறையில் வாழ்ந்தவர்கள் உள்ளிட்ட தமிழ்த் தேசியப் போராளிகள், தமிழ்த் தேசிய அரசியல் கட்சிகள் சில, தமிழினவுணர்வாளர்கள் சிலர் என விமானத்தில் ஏற்றமுன்பு 33 ஆண்டுகள் “இன வலி” சுமந்தது போராடிய ஒரு போராளியாகப் போற்றி *வீர வணக்கம்* செலுத்தி மதிப்பளித்துள்ளனர்!

ஈழத்தில் “வட கிழக்கு தமிழர் தாயகம் எழுச்சியோடு சாந்தன் அண்ணாவிற்கு வீர வணக்கம்! செலுத்த வேண்டும்!” என தமிழக இனவுணர்வாளர்கள் வேண்டுகின்றனர்!

எங்கள் இனத்திற்காக செய்யாத குற்றத்திற்கு சிறை, சித்திரவதை முகாம் என கொடிய இனவலி சுமந்து போராடிய சாந்தன் அண்ணாவிற்கு வீர வணக்கம் செலுத்தி உலகத் தமிழராக மதிப்பளிப்பது தமிழினத்தின் கடமை!

“ஆதிக்க சக்திகள் எழுத முனையும் கதைகள் வரலாறுகள் ஆகாமல் மக்கள் சக்தியின் புரட்சி வரலாறுகள் எழுதப்பட வேண்டும்!”

சாந்தன் அண்ணா அரச வல்லாதிக்கத்தினால் தமிழன் என்பதற்காக வதையுண்டு பலியான அத்தனை போராளிகளினதும் ஒரு குறியீடாக உள்ளார்!

தமிழீழ மண்ணே! உலகத் தமிழினமே! சாந்தன் அண்ணாவிற்கு வீர வணக்கம் செலுத்தி எழுகை கொள்!

அத்தோடு இதர மூன்று அப்பாவித் தமிழரை அவர்களும் கொல்லப்படமுன் விடுதலை செய்யப்பட உறுதியாகக் குரல் கொடுத்துப். போராடுவோம்!

சாந்தன் அண்ணா இன வலி சுமந்து 33 ஆண்டுகள் போராடிய ஒரு மக்கள் போராளி! அவரது சாவும் களச் சாவே!

அவருக்கு எம் வீர வணக்கம்!

பிரித்தானியாவில் இடம்பெற்ற தமிழின அழிப்பு நாள் நினைவு

noreply@blogger.com (Editor) — Fri, 19 May 2023 13:35:00 +0100

ஐரோப்பிய நாடுகளில் அதிகளவான புலம்பெயர் தமிழர்களைக் கொண்ட பிரித்தானியாவில் 18/05/2023 பல நிகழ்வுகள் இடம்பெற்றிருந்தன.

இந்த நிகழ்வுகளில் பிரித்தானிய அரசியல் கட்சி பிரபலங்கள், மனித உரிமை செயற்பாட்டாளர்கள் மற்றும் பொதுமக்கள் எனப் பலர் கலந்து கொண்டிருந்தனர்

லண்டனில் பிரித்தானிய தமிழர் ஒருங்கிணைப்புக்குழு மற்றும் பிரித்தானிய தமிழ் இளையோர் அமைப்பு ஆகியன இணைந்து 18/05/2025 அன்று பிற்பகலில் பேரணியுடன் கூடிய ஒன்றுகூடலை நடத்தியிருந்தன.

இதேபோல பிரித்தானிய தமிழர்பேரவை ட்ரபல்கார் சதுக்கத்தில் 18/05/2023 அன்று மாலை தனது அமைப்பு சார்பான நிகழ்வை நடத்தியிருந்தது.

வலி சுமந்த மாதம்..!

noreply@blogger.com (Editor) — Thu, 18 May 2023 17:49:00 +0100

வலி சுமந்த மாதம்..!

இது வைகாசி மாதம்!
வலி சுமந்த மாதம்!
இரத்த ஆற்றிலே
எம்மினம் மிதந்து
அழிந்திட்ட மாதம்!
இது வைகாசி மாதம்!

உறுதியிழந்த ஓரினத்தின்
ஒப்பாரிகள் வானைப்
பிளந்திட்ட மாதம்!
இறுதிக் களத்திலும்
இறுமாப்புடன் நின்று
போராடிய புலி வீரர்கள்
மௌனித்த மாதம்!
இது வலி சுமந்த மாதம்!

அத்தனை வியூகங்களையும்
மொத்தமாய் வகுத்து
அத்தனை அணிகளையும்
ஒன்றாக நிறுத்தி
உயிர் கொண்ட மண்ணை
பகைவன் வசம் விட்டிடாது
விழ விழ எழுந்து போராடிய
விடுதலை வேங்கைகளை
மண் விதையாக பெற்ற
வலி சுமந்த மாதம்!

தரைவழிப் பாதை
கடல் வந்து சேர
வான் பரப்பில் வல்லாதிக்கம்
வல்லூறாய் வட்டமிட
வலியோடு நின்ற எம்மினம்
வலிமை இழந்து
பலிகளாய்ப் போன
பெரும் வலி சுமந்த மாதம்!

கட்டளைத் தளபதிகள்  
விதையாகி விழ... விழ...
கட்டளையிட எவருமில்லா
தனியொரு போராளியும் 
தமக்குத் தாமே தளபதியாகி 
வீரத்துடன் உயிர் பிரியும் வரை போர்முனையில்
போராடி பேரிழப்பைக் கண்ட
வலி சுமந்த மாதம்!

கொத்துக் குண்டுகளால்
குத்துயிரும் கொலையுயிருமாய்
குருதி ஓட... ஓட... 
எம்மினத்தின் உடல் துண்டங்கள்
முள்ளிவாய்க்கால் முற்றமெங்கும்
சிதறிப்போய்க் கிடந்த அவலத்தின்
வலி சுமந்த மாதம்!

அவலத்தின் உச்சத்தை
அரங்கேற்றிய பின்பும்
அடங்காத சிங்களவன்!
ஓரினம் அழிந்து போவதென்பதை
அறிந்த அண்டை நாடுகளும்
வல்லாதிக்க நாடுகளும்
சிங்களத்தோடு கைகோர்த்து
எம்மினத்தை சிதைத்த
வலி சுமந்த மாதம்!

தலை சிதறி முண்டமான தாயின்
உயிர் பிரிந்ததறியாத சிசு
தாயின் மார்பினில்
பால்குடித்த பரிதாபம்!,
கண்முன்னே குண்டுபட்டு
துடி துடித்து இறந்த
இரத்த உறவுகளைக் கடந்து
சென்றிட முடியாமல்
கதறுகின்ற உறவுகளின்
பரிதாபங்கள் கண்ட
வலி சுமந்த மாதம்!

உடலைத் துளைத்து சிதறடிக்கும்
கொடிய நாசகார குண்டுகளால்
பிழிந்து எறியப்பட்ட எம்மினத்தின்
குருதியால் நந்திக்கடல்
சிவந்துகிடக்க
குற்றுயிராய் கிடந்தவர்களை
வல்லூறுகள் இரையாக்க
பெரும் வலியோடு வலுவிழந்த
வலி சுமந்த மாதம்!

கஞ்சிக்குக் கையேந்தி
காத்திருந்த வேளையிலும்
கண்முன்னே வீழ்ந்த குண்டு
வெடித்த கணப்பொழுதில்
பல உடல்களை
கருக்கிப்போன மாயக்குண்டுகளும்,
நிலத்தின் பசுமையினை அழித்த
நச்சுக் குண்டுகளும்
போரியல் விதிகளை மீறி
எம்மினத்தில் ஏவப்பட்ட
வலி சுமந்த மாதம்!

அவயங்களை இழந்து
அவதியுற்று அழுகின்ற
அழுகைகள் வானையும் 
மண்ணையும் பிளக்க
சரணடைந்தவர்
கைகளும், கண்களும்
கட்டப்பட்டு மண்ணரணுக்குள்
மண்டியிடவைத்து
சுடப்படும் தருணத்தில் எழுந்த
அவலக் குரல்கள் கதறி ஓய்ந்த
வலி சுமந்த மாதம்!

பிரிவின் பெரும்வலியோடு
பிடிபட்டுக்கொண்ட
பிரியமான உடன்பிறப்புகள்
சிங்கள காம வெறியர்களால்
கற்பழிக்கப்பட்டு கசக்கியெறிந்த
வலி சுமந்த மாதம்!

உலகே வேடிக்கை பார்க்க
உன்னத இனமொன்றின் 
குரல் ஊமையாக்கப்பட்டு 
ஐ.நா சபையின் பார்வைகள்
குறுகியே குருடாகி..
எம்மினத்தில் பார்வைகள் படாமல் போக,
இந்திய தேசமும் இரத்தாற்றை கண்டும்
இரக்கமின்றி வேடிக்கை பார்த்த
வலி சுமந்த மாதம்!

சிங்களமே! எமை தோற்கடிக்க
எத்தனை நாடுகள் வந்தன என்ற
உண்மைகள் புலர்ந்தன...
ஈழத்தை வெல்ல உன்னால் முடியாது
என்ற எம் வீரத்தின் தன்மை
உணர்ந்து கொண்ட
வலி சுமந்த மாதமிது!

- அபிராமி கவிதன்

பிரித்தானியாவில் நடைபெற்ற முள்ளிவாய்க்கால் நினைவு நாள்

noreply@blogger.com (Editor) — Fri, 20 May 2022 09:13:00 +0100

முள்ளிவாய்க்கால் 13 ம் ஆண்டு நினைவு நாளினை நினைவு கூரும் வகையில், பிரித்தனியத் தமிழ் இளையோர் அமைப்பின் ஒழுங்கமைப்பில், பாராளுமன்ற சதுக்கத்தின் முன்றலில் மதியம் 1 மணியிலிருந்து 2 மணிவரை கவனயீர்ப்புப் போராட்டமும் அதனைத் தொடர்ந்து முள்ளிவாய்க்காலின் 13 ம் ஆண்டு நிகழ்வின் தொடர்ச்சியாக தமிழர் ஒருங்கிணைப்புக் குழு மற்றும் பிரித்தானிய தமிழ் இளையோர் அமைப்பினரும் இணைந்து நிகழ்வை முன்னெடுத்தனர். தமிழர் ஒருங்கிணைப்புக் குழு ஒழுங்கமைப்பில் பிற்பகல் 2:30 மணியளவில் ஒல்ட் பிலேஷ் யாட் ல் இருந்து நீதிக்கானபேரணி ஆரம்பமாகி இல 10 டவுணிங் சாலைக்கு முன்பாக வந்தடைந்தது.

13 வருடங்கள் கடந்து செல்கிறது நீதி எங்கே?

noreply@blogger.com (Editor) — Wed, 18 May 2022 22:50:00 +0100

13 வருடங்கள் கடந்து செல்கிறது நீதி எங்கே?

சட்டம் ஒழுங்கு இல்லாத ஶ்ரீ லங்காத் தீவில் தமிழ் மக்கள் சந்திக்கும் தொடர்ச்சியான ஒடுக்குமுறை, அடக்குமுறை தமிழின அளிப்பு, நில அபகரிப்பு.

தமிழ் மக்கள் பிரிந்துசென்று தமது இறையாண்மையுடன் சுயாட்சியை அமைத்து சுதந்திர தமிழீழத்தில் வாழத் தகுதியுடையவர்கள் என்பது 1948ம் ஆண்டு இலங்கை ஆங்கிலேயரிடம் இருந்து சுதந்திரம் அடைந்தகாலத்தில் இருந்தே தமிழ் மக்களுக்கு எதிராக நடந்த ஒடுக்குமுறைகளும் தமிழின அளிப்பும் சட்டத்தின்பால் நிரூபித்து நிற்கின்றது.

காலம்கடந்து ஞானம் பிறந்தது போன்று இன்று சிங்கள மக்கள் தமது சோத்துச்சண்டையில் தமிழ் மக்களுக்கு ஆதரவுபோன்று குரல் கொடுப்பதைப்பார்த்தால் சிங்கள அரசியல்வாதிகள் தொடக்கம் இராணுவம்வ்ரை பலதடவை நம்பவைத்து தமிழ் மக்களின் கழுத்தை அறுத்த சம்பவங்கள்தான் நினைவுக்கு வருகிறது அப்பொழுதெல்லாம் எந்த சிங்கள மக்களாக இருந்தாலும் சரி அரசியல்வாதியாக இருந்தாலும்சரி 2009 ம் ஆண்டு தமிழ் மக்கள் சந்தித்த கொடூர தமிழின அளிப்பு யுத்தத்தை தடுத்து நிறுத்தவோ, தமிழ் மக்களை பாதுகாக்கவோ எந்தவகையான ஆர்ப்பாட்டத்திலும் ஈடுபடவில்லை சிங்கள மக்களும் புனித இஸ்லாத்தை தழுவிய தமிழ் மக்களும் தமது நாட்டில் ஒரு சகோதர இனம் தமது நாட்டு இராணுவத்தால் இனச்சுத்திகரிப்பு செய்யப்படும்போது அக மகிழ்ந்து வெற்றிவிளா கொண்டாடினார்கள், அக்காலத்தில் தமிழ் பேசும் இசுலாமியரான ரவூக் கஹீம் ஶ்ரீ லங்காவின் நீதி அமைச்சராக இருந்து உள்ள அரபிய நாட்டுக்கெல்லாம் சென்று தன் நலம் கருதி நடந்த தமிழின அளிப்பை மூடிமறைத்து பிரச்சாரம் செய்த வரலாற்று துரோகத்தை உலகத்தமிழ் மக்கள் நன்கு அறிவார்.

தமிழ் மக்கள் நாம் பிரிந்து சென்று தன்னாட்சி அமைக்கும் உரிமை எமக்குண்டு அது ஒற்றை ஆட்சிக்குள் வடக்கு கிழக்கு தமிழ் மக்களின் பாரம்பரிய பூமி தமிழ் மக்கள் தமது பாரம்பரியம் கலாச்சாரம், தமது வழிபாட்டு அடையாளங்கள், விழுமியங்களை கொண்டு பல ஆயிரம் வருடங்கள் வாழ்ந்த வரலாறு உண்டு என்பதை அனைத்து மக்களும் அறிந்து புரிந்து கொள்ள வேண்டிய தேவை உள்ளது, பௌத்தம், இஸ்லாம், கிறிஸ்தவம், இந்துத்துவம் உருவாகும் முன்னரே சைவ வழிபாடு தமிழ் மக்களின் மரபுவழி வழிபாட்டை அடையாளப்படுத்தி உள்ளதை வரலாறு எமக்கு கற்பித்து நிற்க்கிறது.

வரலாற்றில் தமிழ் மக்கள் ஏமாந்து அழிந்து போனது போதும், சமகாலத்தில் தமிழின அளிப்பை செய்த சிங்கள ஆட்சியாளர்கள் தமிழ் மக்களுக்கு செய்த மனித குலத்திற்கு எதிரான இனச்சுத்திகரிப்பை சட்டத்தின் பார்வையில் பார்த்தால் சுயாட்சியை அமைக்கும் தகுதி எமக்கு தமிழ் மக்களுக்கு எல்லாவகையிலும் உண்டு என்பதை சர்வதேச சட்டமும் விடுதலை அடைந்த நாடுகளின் வரலாறும் உறுதிப்படுத்தி நிற்க்கின்றது.

Article I

The Contacting Parties conform that genocide, whether committed in time of peace or in time of war, is a crime under international law which they undertake to prevent and to punish.

சமாதான காலத்திலும் யுத்தகாலத்திலும் சர்வதேச சட்ட விதிமுறைகளையெல்லாம் மீறி மனித குலத்திற்கு எதிரான அத்தனை கொடூரத்தையும் தமிழ் மக்களுக்கு எதிராக ஶ்ரீ லங்கா அரசும் இராணுவமும் செய்தது மட்டுமல்ல சர்வதேச விசாரணையையோ, தலையீட்டை அனுமதிக்கவில்லை.

Article II

In the present Convention, genocide means any of the following acts committed with intent to destroy, in whole or part, a national, ethnical, racial or religious groups, as such: பாதுகாப்பு வலயமென அறிவித்து அந்த இடத்தில் மக்களை இலக்குவைத்து வான் தாக்குதலும், பல்குழல் எறிகணை தாக்குதலும், கொத்தனி குண்டுத தாக்குதலுடன் மட்டும் நிறுத்தவில்லை சர்வதேசத்தால் தடைசெய்யப்பட்ட இரசாயன குண்டுத் தாக்குதலும் நடத்தி மக்களை கொன்றது மட்டுமல்ல மருத்துவமனையும் தாக்கி அளிக்கப்பட்டது.

(a) killing members of the group; வெள்ளை கொடியுடன் சரணடைந்தவர்கள் கிறிஸ்த்தவ பாதிரியார் முதல் பொதுமக்கள் சிறுவர்கள் என்ற பாகுடாடு இல்லாது சட்டத்திற்கு மாறாக சுட்டும் சித்திரவதை செய்தும் படுகொலை செய்யப்பட்டனர்.

(b) causing serious bodily or mental harm to members of the group; சரணடைந்தோர் கைதிகளாக பிடிபட்டோர், சந்தேகத்திற்கு உரியோர் என ஆண்கள் பெண்கள், சிறுவர்கள் என்ற வேறுபாடு இன்றி சட்டத்திற்குப் புறம்பான வகையில் கொடூரமாக சித்திரவை செய்து படுகொலை செய்தது மட்டுமல்ல பாலியல் ரீதியாகவும் கொடுமைப்படுத்தப்பட்டு படுகொலை செய்யப்பட்டார்கள்.

(c) deliberately inflicting on the group conditions of life calculated to being about its physical destruction in whole or in part, பலரை கொடூரமாக சித்திரவதைக்கு உள்ளாக்கி பாலியல் ரீதியாகவும், உடல்ரீதியாகவும் உழவியல் ரீதியாகவும் துன்புறுத்தி பலவீனப்படுத்தி ஆரோக்கியம் அற்றவராக்கியமை மட்டுமல்ல அவர்களின் வாழ்நாட்கள் குறுகியதாக்கி பலர் ஒருசில வருடத்தில் இறந்து போனார்கள்.

(d) imposing measures intended to prevent births within the group; 18/05 2009 ம் ஆண்டு யுத்தம் முடிவடைந்ததும் பலர் வலுக்கட்டாயமாக கற்ப்பத்தடை தடுப்பூசி போடப்பட்டார்கள் அது தமிழர்களின் தாய் நிலத்தில் அவர்களை வீதாசரத்தில் குறைக்கும் நோக்கோடு திட்டமிட்டு நிகழ்த்தப்பட்டது.

(e) possibly transferring children of the group to another group. 2009 ஆண்டில் யுத்தம் முடிந்ததும் யுத்தத்தால் கொல்லப்பட்டு தாய் தந்தையரை இழந்த சிறுவர்கள் கடத்தப்பட்டார்கள் சிலர் தாய் தந்தையர் இருந்தும் கடத்தப்பட்டு அவர்கள் எங்கே என்ன ஆனார்கள் என்று தெரியாமல் இன்றும் பெற்றோர்கள் தேடுகிறார்கள்.

இன்று ஶ்ரீ லங்கா ஆட்சியாளர்கள் தமது சொந்த இனத்தையே சூரையாடி கொலைசெய்யத் துணியும் பௌத்த சிங்கள அரசுடனும் தமிழின அளிப்பை வெற்றிவிழாவாக கொண்டாடிய சிங்கள மக்களுடனும் சேர்ந்து வாழ்ந்து இதுவரை காலமும் தமிழ் மக்கள் சந்தித்த பொருளாதார இழப்புகள், உயிரிழப்புகள், (தமிழின அளிப்பு ) போதும் எதிர்வரும் காலத்திலாவது ஒன்றிணைந்த வடக்கு கிழக்கில் தமிழர்களின் பூர்வீக நிலமான தமிழீழத்தில் அடுத்த சந்ததியை கல்வியிலும், பொருளாதாரத்திலும் முன்னிலைப்படுத்தி தமிழர்கள் நாம் சமத்துவமாக கௌரவமாக ஆட்சி அமைப்பதே சாலச் சிறந்தது அதுவே சிங்கள மக்களை மேலும் அவர்களின் கல்வி பொருளாதாரத்தில் உயர்த்திசெல்லும் என்பதை சமகால நிலமை அனைவருக்கும் உணர்த்தி உள்ளது என்பதை யாராலும் நிராகரிக்க முடியாது.

செய்தி தயாரிப்பாளர்

த தயீசன்

காலம் தாமதித்தாலும் நீதி வெல்லும்

noreply@blogger.com (Editor) — Sun, 24 Apr 2022 22:10:00 +0100

இன்றய ஶ்ரீலங்கா, காலம் தாமதித்தாலும் நீதி வெல்லும் சத்தியம் தோற்றதாக வரலாறு அரிது.

திரு வேலுப்பிள்ளை பிரபாகரனும் அவர் சார்ந்த தமிழீழ விடுதலைப்புலிகள் இயக்கமும் தமிழ் மக்களும் சிங்கள மக்களையும் ஶ்ரீலங்கா என்ற அண்டை நாட்டை எவ்வளவு நேசித்தார்கள் என்பதை உணர்த்தும் பதிவைத்தான் இச் செய்தியூடாக விளக்குகிறேன்.

இன்றைய ஶ்ரீலங்காவில் ஏற்பட்டுள்ள பொருளாதார நெருக்கடிக்கும் பஞ்சத்திற்கும் காலம்தொட்டு வந்த சுயநலம் பிடித்த சிங்கள ஆட்சியாளர்களும் அதற்கு உறுதுணையாக நின்று போலியான, உண்மைக்குப் புறம்பான, திரைப்படங்களை தயாரித்து சிங்கள இளைஞர்களை ஆயுதம் ஏந்த தூண்டிவிட்டவர்களே முழுப் பொறுப்பையும் ஏற்கவேண்டும்.

அன்று ஒருகாலம் 2002ம் ஆண்டு என்று நினைக்கிறேன் சிங்கள மக்களுக்கு பொருளாதார நெருக்கடி ஏற்பட்டபோது அக்காலப்பகுதியில் சிங்கள கிராமங்களான களுத்துறை, காலி, மாத்தறை, இரத்தினபுரி போன்ற பகுதிக்கு 12 லொறிகளில் உணவுப்பொருட்கள், பால்மா போன்ற பல அத்தியாவசிய பொருட்களுடன் சென்ற தமிழீழ விடுதலைப் புலிகளின் அரசியல் பிரிவு உறுப்பினர்கள் அப்பொருட்களை அந்த மக்களுக்கு பகிர்ந்தளித்த சம்பவம் ஒன்று அன்றைய நாளில் பல சிங்கள ஊடகங்களில் தமிழீழ விடுதலைப் புலிகள் சிங்கள மக்களுக்கு செய்த மனிதனேயத்தொண்டை அகமகிழ்ந்து நன்றியோடு பிரசுரித்த பதிவில் ஒன்றை இச்செய்தியூடாக பிரசுரிக்கின்றேன், அன்று சிங்கள மக்களும் தமிழீழ விடுதலைப் புலிகளின் உறுப்பினர்களை அன்போடு வரவேற்று உபசரித்து சிங்கள ஒளிப்பட தயாரிப்பாளர்கள் கூறுவது போன்று புலிகள் மக்களிலும் விட வேறுபட்டவர்கள் அல்ல, புலிகளின் உறுப்பினர்கள் எம்மைப்போன்ற மனிதர்கள் என்று உணர்ந்து புலிகளின் உறுப்பினர்களின் கையை, முகத்தை தொட்டுப்பார்த்து அவர்களை அரவணைத்தகாலமது. இன்று முன்னாள் சிங்கள இராணுவ சிப்பாய் ஒருவர் 30 வருடமாக வந்த அரசுகள் தம்மை ஏமாற்றி புலிகளுக்கு எதிராகயுத்தம் செய்ய வைத்ததை கூறும்போது தமிழ் மக்கள் சிங்கள மக்களுக்கு நன்றி சொல்ல கடமைப்பட்டு உள்ளார்கள் ஏனெனில் இன்றைய நிலைபோன்று பல பொருளாதார நெருக்கடிகளை 30 வருடங்களாக வலியுடன் சுமந்து கடலால் சூழப்பட்ட இலங்கைத் தீவில் அன்னிய தலையீட்டை ஏற்க மறுத்து தமிழர்கள் வாழும் வடக்கு கிழக்கு பிரதேசத்தில் சுயாட்சியை வேண்டிப் போராடிய இனம் தமிழினம்.

1960 களில் இந்தியாவிற்கும் சீனாவிற்கும் இடையில் நடந்த யுத்தத்தில்க்கூட அண்டைநாடான இந்தியாவிற்கு விரோதமாக சிங்கள ஆட்சியாளர்கள் சீனாவிற்கே தமது ஆதரவை தெரிவித்து இருந்தனர் அதன் பிற்காலத்தில் உருவான தமிழீழ விடுதலைப் புலிகள் அமைப்பு இந்திய ஆதரவுடன் ஒரு தனித்துவமான கொள்கையை கொண்டிருந்தது, இருந்தாலும் கால நேரத்திற்கு ஏற்றவாறு தம்நலம் கருதி ஆட்சிக்கு வரும் போலிச் சிங்கள ஆட்சியாளர்கள் சுற்றிவர கடலால் சூழப்பட்ட தமது சொந்தநாட்டில் உலகநாடுகளால் தயாரிக்கப்படும் கொடிய ஆயுதங்களை அவர்களின் மூளைச்சலவைக்கு அடிபணிந்து சொந்த நாட்டின் மீதும், தமிழ் மக்கள் மீதும் பரிசீலித்து நாட்டையும் ஒட்டுமொத்த மக்களையும் இன்று கொடூரமாக ஆதாள பாதாளத்தில் தள்ளி உள்ளதே இன்றைய அவலத்திற்கான காரணமாகும்.

இவற்றுக்குக்கெல்லாம் புலிகள் சிங்கள மக்களை கொல்ல வருகிறார்கள் போன்று உண்மைக்குப் புறம்பான போலியான திரைப்படங்களை தயாரித்து எமது சிங்கள அப்பவி இளைஞர்கள் யுவதிகளை இராணுவத்தில் இணைத்து போலிப் பிரச்சனைகளை மேற்கொண்டது.நேசக்கரம் நீட்டிய புலிகள் மீதும் தமிழ் மக்கள் மீதும் எல்லாவகையான கொடூரத்தையும் ஒரு தமிழின அழிப்பை நிகழ்த்தியது அதன் பிரதிபலனை இன்று பொருளாதாரரீதியில் பாமர சிங்கள மக்களை சுமக்கவைத்து உள்ளனர் பிழைப்பு தேடிவந்த சிங்கள திரைப்பட இயக்குனர்களும் மனிதனேயம் மனித தர்மம் அற்ற சிங்கள ஆட்சியாளர்களும் இன வாதத்தினையே வெளிப்படையாக உமிழ்ந்தும்வந்தனர்.

நானும் அப்படியான போலித் திரைப்படத்தை பார்த்து வியந்துபோனவன் என்ற வகையிலும், ஒரு மனிதனேயம் உள்ள தமிழனாக தமிழீழ விடுதலைப்புலிகளின் தலைவர் திரு வே பிரபாகரன் அவர்கள் சிங்கள மக்கள் மீதும் அவர்களின் இறையாண்மை மீதும் எவ்வளவு அக்கறைக இருந்துள்ளார் என்பதை பல சந்தர்ப்பங்களில் பலரிடம் இருந்து அறிந்து கொண்டவன் என்ற வகையிலும், அத்தோடு நெருக்கடிகள் வரும்போதெல்லாம் சிங்கள மக்களும், இஸ்லாமிய மக்களும் மேதகு பிரபாகரன் நாமம் உச்சரித்து அவரை தேடுவதையும் 2009ம் ஆண்டின் பின்னர் கண்டறிந்தவன் என்ற வகையிலும் இச்செய்தியை எழுதுவதில் மகிழ்ச்சி அடைகிறேன்.

செய்தித் தொகுப்பாளர்

தயீசன்

சமூக வலைதள தடைநீக்க கரணம் ?

noreply@blogger.com (Editor) — Sun, 3 Apr 2022 12:23:00 +0100

இலங்கையில் அரசுக்கு எதிராக நடைபெற்று வரும் போராட்டங்களை முடக்கும் முகமாக தடை செய்யப்பட்ட சமூக வலைத்தளங்கள் அனைத்தையும் உடனடியாக செயற்பாட்டுக்கு கொண்டு வருமாறு பொது பயன்பாட்டு ஆணைக்குழு, இலங்கை தொலைத் தொடர்புகளை ஒழுங்குப்படுத்தும் ஆணைக்குழு மற்றும் அனைத்து அனைத்து தொலைபேசி நிறுவனங்களும் அறிவித்துள்ளது.

இதனை இலங்கை பொது பயன்பாட்டு ஆணைக்குழுவின் தலைவர் ஜனக்க ரத்நாயக்க உறுதிப்படுத்தியுள்ளார்.

இதனடிப்படையில் முடக்கப்பட்டுள்ள சமூக வலைத்தளங்கள் இன்று பிற்பகல் வழமைக்கு திரும்பும் என தெரிவிக்கப்பட்டுள்ளது.

இலங்கை பாதுகாப்பு அமைச்சின் அறிவுறுத்தலுக்கு அமைய சனிக் கிழமை நள்ளிரவு முதல் சமூக வலைத்தள ஊடகங்கள் முடக்கப்பட்டன.

சமூக வலைத்தளங்கள் முடக்கப்பட்டமை பொது மக்கள் மத்தியில் பெரும் எதிர்ப்பை கிளப்பியுள்ளதுடன் அரசாங்கத்திற்கு எதிரான அவர்களின் எதிர்ப்பை மேலோங்க செய்துள்ளதாக கூறப்படுகிறது. இதனால் சமூக வலைத்தளங்கள் மீதான தடைகளை நீக்கியதாக கூறப்பட்டாலும் ஆனால் காரணம் வேறு என கூறப்படுகிறது.

அதாவது சமூக வலைத்தளத்தை தடை செய்தவுடன் மக்கள் vpn ஐ பாவித்து சமூக வலைத்தளத்தை பாவிக்க தொடங்க பல்வேறு நாடுகளில் #gohomegota போன்ற குறியீடுகள் அந்த நாடுகளில் பிரபல்யம் அடைந்துள்ளன இதனால் உலகெங்கும் அரசுக்கு எதிரான மக்கள் வெளிப்பாடுகள் பரவ தொடங்கியதால் உடனடியாக இந்த தடைகள் எடுக்கப்பட்டுள்ளது.

பேரணிக்கு அணிதிரளுமாறு மக்களிடம் அறைகூவல் விடுக்கின்றோம்: செல்வராசா கஜேந்திரன்

noreply@blogger.com (Editor) — Sun, 13 Mar 2022 10:17:00 GMT

வவுனியா பேரணிக்கு அனைவரையும் அணிதிரளுமாறு அறைகூவல் விடுக்கின்றோம் என நாடாளுமன்ற உறுப்பினர் செல்வராசா கஜேந்திரன் தெரிவித்துள்ளார்.

அவரது நேற்றைய ஊடக அறிக்கையில் அவர் இதனைத் தெரிவித்துள்ளார். அவர் அதில் மேலும் தெரிவிக்கையில்,

''புதிய அரசியல் யாப்பினை நாட்டிற்குக் கொண்டுவருவதற்கான நடவடிக்கைகளைச் சிங்கள பௌத்த பேரினவாத அரசு முன்னெடுத்து வருகின்றது. இலங்கைக்கான நான்காவது அரசியல் யாப்பும் மிக இறுக்கமான சிங்கள பௌத்த ஆதிக்கத்தைக் கொண்ட ஒற்றையாட்சி அரசியல் யாப்பாகவே அமையவுள்ளது.

இந்நிலையில் தமிழ்த் தரப்பின் கடமையானது ஒற்றையாட்சியை முற்றாக நிராகரித்து தமிழ்த் தேசம் அங்கீகரிக்கப்பட்ட சமஷ்டி தீர்வை வலியுறுத்துவதாக அமைந்திருக்க வேண்டும்.

அந்த வகையில், வடக்கு கிழக்கிலுள்ள பொதுசன அமைப்புக்களையும், ஒற்றையாட்சியை நிராகரிக்கும் அரசியல் தரப்புக்களையும் இணைத்து - ஒற்றையாட்சி அரசியலமைப்பையும் அதன் கீழான 13ஆம் திருத்தத்தையும் முற்றாக நிராகரித்து இனப்பிரச்சினைக்குத் தீர்வாக, வடக்கு கிழக்கு இணைந்த தாயகம், தமிழ்த் தேசமும் அதன் இறைமையையும், சுயநிர்ணய உரிமையையும் அங்கீகரித்த 'சமஷ்டி' அடிப்படையிலான தீர்வை வலியுறுத்தியும், இனப்படுகொலைக்கான சர்வதேச நீதி கோரியும், வலிந்து காணாமல் ஆக்கப்பட்டோருக்குரிய நீதியை வலியுறுத்தியும், பயங்கரவாதத் தடைச் சட்டத்தை நீக்க வலியுறுத்தியும், அரசியல் கைதிகளினுடைய விடுதலையை வேண்டியும், சிங்கள பௌத்த மயமாக்கலுக்கு எதிராகவும் பிரகடனம் இடம்பெறவுள்ளது.

இப்பிரகடனம் நாளை(ஞாயிற்றுக்கிழமை) பி.ப 2.00 மணியளவில் வவுனியா கச்சேரிக்கு அருகாமையிலுள்ள மாவீரன் பண்டாரவன்னியனின் நினைவுத்தூபியிலிருந்து பேரணியாகச் சென்று தாண்டிக்குளம் ஐயனார் விளையாட்டுக்கழக மைதானத்தில் (தாண்டிக்குளம் புகையிரத நிலையம் முன்பாக) இடம்பெறவுள்ளது.

வவுனியா மாவட்டத்தில் இடம்பெறவுள்ள மேற்படி போராட்டத்திற்கு வலுசேர்க்க, அனைத்து வேறுபாடுகளையும் கடந்து தமிழ் மக்களை அணிதிரண்டு வருமாறு அழைக்கின்றோம்'' இவ்வாறு குறிப்பிட்டுள்ளார்.

தமிழர்களின் கரி நாள்! புலம்பெயர்தேசங்களில் பேரெழுச்சி இடம்பெற்ற நிகழ்வு

noreply@blogger.com (Editor) — Sat, 5 Feb 2022 14:00:00 GMT

சிறிலங்காவின் சுதந்திர தினத்தை முன்னிட்டு தமிழர் தாயகத்தில் நடத்தப்பட்ட கரிநாள் எதிர்ப்பு போராட்டங்களுக்கு சமாந்தரமாக இன்று புலம்பெயர்நாடுகளின் முக்கிய நகரங்களில் எதிர்ப்பு போராட்டங்கள் இடம்பெற்றுள்ளன.

லண்டன் மற்றும் பாரிஸ் ஆகிய நகரங்களில் சிறிலங்கா தூதரகம் அமைந்துள்ள இடத்திற்கு அருகே ஒன்றுகூடிய மக்கள் தமது போராட்டத்தை நடத்தியிருந்தனர்.

பிரித்தானியாவில் தமிழர் ஒருங்கிணைப்புக்குழுவின் ஏற்பாட்டில் இடம்பெற்ற போராட்டத்தில் கலந்துகொண்டவர்கள், சிறிலங்காவின் சுதந்திர நாளுக்கெதிரான பதாதைகளை தாங்கியபடி கண்டனக் கொட்டொலிகளை எழுப்பியிருந்தனர்.

பிரித்தானியாவில் நடைபெற்ற மாவீரர் நினைவு நாள் 2021

noreply@blogger.com (Editor) — Sun, 28 Nov 2021 21:38:00 GMT

பிரித்தானியாவில் நடைபெற்ற மாவீரர் நினைவு நாள் 2021

தமிழீழ விடுதலைப் போரில் தங்கள் இன்னுயிர்களை அர்ப்பணித்த மாவீரர்களை நினைவுகூரும் மாவீரர் நாள் நிகழ்வுகள் பிரித்தானியாவில் சிறப்பாக நடைபெற்றுள்ளது

லண்டன் நடைபெற்ற மாவீரர் நினைவு

ஒஸ்போர்டில் நடைபெற்ற மாவீரர் நினைவு

திலீபனின் நினைவுத் தூபிக்கு அஞ்சலி செலுத்த சென்ற நாடாளுமன்ற உறுப்பினர் கஜேந்திரன் உட்பட மூவர் கைது

noreply@blogger.com (Editor) — Thu, 23 Sep 2021 10:35:00 +0100

நல்லூரில் அமைந்துள்ள தியாக தீபம் திலீபனின் நினைவுத் தூபிக்கு அஞ்சலி செலுத்த சென்ற நாடாளுமன்ற உறுப்பினர் கஜேந்திரன் உட்பட மூவர் கைது செய்யப்பட்டுள்ளதாக தெரிவிக்கப்பட்டுள்ளது.

நாட்டில் தற்போது நடைமுறையில் உள்ள கொவிட்-19 தனிமைப்படுத்தல் சட்டங்களுக்கு அமைய நீதிமன்ற தடை உத்தரவின்றி இந்த நடவடிக்கையை முன்னெடுக்குமாறு காவல்துறையின் உயர் மட்டத்திலிருந்து பணிக்கப்பட்டிருந்ததுடன் யாழ்ப்பாணம் தலைமையக காவல் நிலையத்தைச் சேர்ந்த காவல்துறை பரிசோதகர் உள்ளிட்ட மூவர் கடமைக்கு அமர்த்தப்பட்டிருந்தனர்.

இந்நிலையில் அங்கு அஞ்சலி செலுத்த முயன்ற தமிழ் தேசிய மக்கள் முன்னணி நாடாளுமன்ற உறுப்பினர் கஜேந்திரன் உட்பட மூவரை காவல்துறையினர் கைது செய்துள்ளனர்.

முன்னதாக தியாக தீபம் திலீபனின் நினைவுத் தூபியைச் சுற்றி காவல்துறையினர் கடமைக்கு அமர்த்தப்பட்டிருந்தனர் என்பது குறிப்பிடத்தக்கது.

இந்திய – இலங்கை அரசுகளிடம் நீதி கோரி – 5 அம்ச கோரிக்கைகளை முன்வைத்து, உணவு ஒறுப்பிலிருந்து உயிர்நீத்த தியாக தீபம் திலீபனின் 34ஆவது நினைவேந்தல் நிகழ்வு இன்று உணர்வு பூர்வமாக ஆரம்பமானது.

1987 செப்ரெம்பர் 15ஆம் திகதி நல்லூர் கந்தசுவாமி ஆலய வடக்கு வீதியில், உணவு ஒறுப்பை ஆரம்பித்த தியாக தீபம் திலீபன், 11ஆவது நாளான, செப்ரெம்பர் 26ஆம் திகதி உயிர்நீத்தார்.

அவரது தியாகத்தை நினைவுகூரும் வகையில், உணவு ஒறுப்பை ஆரம்பித்த 34ஆவது ஆண்டு நினைவு வாரம் கடந்த 15ஆம் திகதி நல்லூரில் உள்ள திலீபனின் நினைவிடத்தில் ஆரம்பிக்கப்பட்டது.

இன அழிப்புக்கு நீதி கோரி ஐக்கிய நாடுகள் சபை முன்றலில் ஈழத் தமிழர்களால் ஆர்ப்பாட்டம் மேற்கொள்ளப்பட்டது.

noreply@blogger.com (Editor) — Wed, 22 Sep 2021 18:02:00 +0100

இன அழிப்புக்கு நீதி கோரி ஐக்கிய நாடுகள் சபை முன்றலில் ஈழத் தமிழர்களால் ஆர்ப்பாட்டம் மேற்கொள்ளப்பட்டது.

ஐ.நா.வின் 48வது மனித உரிமைகள் பேரவைக் கூட்டத்தொடர் இடம்பெற்று வருகின்ற நிலையில் இந்தப் போராட்டம் முன்னெடுக்கப்பட்டுள்ளது.

இலங்கையில் இறுதிப்போரில் இராணுவத்தினரால் மேற்கொள்ளப்பட்ட போர்க்குற்றங்கள் மற்றும் இனஅழிப்பு தொடர்பில் விசாரணை நடத்தவேண்டும் என்றும், ஈழத் தமிழர்களுக்கு நீதி வழங்கப்படவேண்டும் எனவும் இந்த ஆர்ப்பாட்டத்தில் கோஷங்கள் எழுப்பப்பட்டன.

இதன்போது ஆர்ப்பாட்டக்காரர்கள் புலிகளின் கொடிகளை ஏந்தியிருந்ததுடன் விடுதலைப்புலிகளின் தலைவர் பிரபாகரன் உருவப்படங்களையும் ஏந்தியிருந்தனர் என்பது குறிப்பிடத்தக்கது.

சேதன பசளை உற்பத்தியினை ஊக்குவிக்கும் முகமான விழிப்புணர்வு நடவடிக்கை

noreply@blogger.com (Editor) — Tue, 14 Sep 2021 16:04:00 +0100

சேதன பசளை உற்பத்தியினை ஊக்குவிக்கும் முகமான விழிப்புணர்வு நடவடிக்கை ஒட்டுசுட்டான் விவசாயா போதனாசிரியர் பிரிவில் வட மாகாண விவசாய திணைக்களத்தின் வழிகாட்டலில் CSIAP திட்டத்தின் அனுசரணையில் பிரதி மாகாண விவசாயப் பணிமனையின் ஆலோசனையில் மாவட்ட விவசாய பயிற்சி நிலையத்தின் ஒழுங்கமைப்பில் இன்று இடம்பெற்றது இவ் நிகழ்வில் வட மாகாண விவசாய பணிப்பாளர் காலநிலைக்கு சீரமைவான நீர்ப்பாசன விவசாய திட்டத்தின் வட மாகாண பிரதி பணிப்பாளர் முல்லைத்தீவு மாவட்ட பிரதி மாகாண விவசாய பணிப்பாளர் பண்ணை முகாமையாளர் விவசாய போதனாசிரியர்கள் கலந்து கொண்டனர் இதில் சேதன பசளை உற்பத்தி சம்பந்தமான தெளிவூட்டல்கள் விவசாயிகளுக்கு வழங்கப்பட்டது

பிரித்தானியா பாராளுமன்ற சதுக்கத்தின் முன் நினைவேந்தப்பட்ட தமிழின அழிப்பு நாள் MAY 18

noreply@blogger.com (Editor) — Fri, 21 May 2021 11:01:00 +0100

முள்ளிவாய்க்கால் 12 ம் ஆண்டு நினைவு நாளினை நினைவு கூரும் வகையில், பிரித்தனிய தமிழ் இளையோர் அமைப்பின் ஒழுங்கமைப்பில், பாராளுமன்ற சதுக்கத்தின் முன்றலில் இளையோர் முள்ளிவாய்க்காலின் 12 ம் ஆண்டு நிகழ்வின் தொடர்ச்சியாக தமிழர் ஒருங்கிணைப்புக் குழு மற்றும் பிரித்தானிய தமிழ் இளையோர் அமைப்பினரும் இணைந்து நிகழ்வை முன்னெடுத்தனர். பிரித்தானிய கொடியினை தமிழ் இளையோர் அமைப்பினைச் சேர்ந்த செல்வி பாபரா ராசன் ஏற்றி வைத்ததை தொடர்ந்து, தமிழீழ தேசிய கொடியினை இம்ரான் படையணி தளபதி மணியரசன் அவர்களின் துணைவியார் ஆரபி ஏற்றி வைத்தார்கள் . முன்னாள் போராளி சாவித்திரி அவர்கள் நினைவு தூபிக்கான மலர் மாலையினை அணிவித்தார்கள்.

தொடர்ந்து எழுச்சி நடனம் , கவிதை மற்றும் உரையினை தொடர்ந்து உணவு தவிரப்பு நிகழ்வில் கலந்தவர்களுக்கு பழச்சாறு வழங்கி உணவு தவிர்ப்பை நிறைவு செய்ததை தொடர்ந்து தேசிய கொடிகள் கையேந்த பட்டு ,தமிழீழம் எனும் இலக்கு அடையும் வரை தொடர்ந்து பயணிப்போம் என்ற உறுதியோடு நிகழ்வு நிறைவு பெற்றது.

அதே சமயம் தமிழீழ தேசிய துக்க நாளை(மே18) முன்னிட்டு

*உயிர் கொடுத்தவர்களுக்காய் உதிரம் கொடுப்போம்* எனும் தொனி பொருளில் பிரித்தானியாவில் “Lambeth Town Hall - Brixton”எனும் பகுதியிலும் 16.05.2021(ஞாயிற்றுக் கிழமை) அன்றும் Startford பகுதியிலும் நாடுகடந்த தமிழீழ அரசாங்கத்தால் குருதிக்கொடை வழங்கப்பட்டது.

ரசிகர்களின் கண்ணீர் அஞ்சலியுடன் தொடங்கியது விவேக்கின் இறுதி ஊர்வலம்.. திரளானோர் பங்கேற்பு!

noreply@blogger.com (Editor) — Sat, 17 Apr 2021 12:22:00 +0100

தமிழ் சினிமா நடிகர் விவேக் நேற்று மாரடைப்பு காரணமாக மருத்துவமனையில் அனுமதிக்கப்பட்டார். அவருக்கு ஆஞ்சியோ மற்றும் எக்மோ சிகிசச்சை அளிக்கப்பட்டு வந்தது. இருப்பினும் அரவது உடல்நிலையில் எந்த முன்னேற்றமும் இல்லாததால் 24 மணி நேரத்திற்கு பிறகே சொல்ல முடியும் என அவருக்கு சிகிச்சை அளித்த மருத்துவர்கள் நேற்று மாலை தெரிவித்தனர்.

இந்நிலையில் இன்று காலை நடிகர் விவேக் அவர்கள் சிகிச்சை பலனின்றி காலமானார். அவரது மறைவு தமிழ் ரசிகர்கள் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது. நடிகர் விவேக்கின் உடல் சென்னை விருகம்பாக்கத்தில் உள்ள அவரது வீட்டில் அஞ்சலிக்காக வைக்கப்பட்டது.

அவரது உடலுக்கு பொதுமக்களும் திரைத்துறை பிரபலங்களும் திரண்டு வந்து அஞ்சலி செலுத்தினர். இன்று மாலை 5 மணியளவில் அவரது உடலுக்கு இறுதி சடங்கு செய்யப்பட்டு மேட்டுக்குப்பம் மின் மயானத்தில் தகனம் செய்யப்படவுள்ளதாக தகவல் வெளியானது.

ஆனால் மூன்றரை மணிக்கே விவேக்கின் உடலுக்கு குடும்பத்தினர் இறுதிச்சடங்குகளை தொடங்கினர். இதனை தொடர்ந்து தற்போது நடிகர் விவேக்கின் பூத உடல் ஊர்வலமாக மேட்டுகுப்பம் மின் மயானத்தில் காவல்துறை மரியாதையுடன் தகனம் செய்யப்படவுள்ளது.

விடுதலைப்புலிகள் மீதான தடைநீக்கத்தின் தீர்வு நோக்கிய சட்டப்போராட்டம் தொடர்பாக பிரித்தானிய வாழ் மக்களிடம் வேண்டுகோள் TGTE

noreply@blogger.com (Editor) — Sun, 11 Apr 2021 16:13:00 +0100

தமிழீழ விடுதலைப்புலிகள் மீதான தடைநீக்கத்தின் தீர்வு நோக்கிய சட்டப்போராட்டம் தொடர்பாக பிரித்தானிய வாழ் மக்களிடம் ஒரு அன்பான வேண்டுகோள் ஒன்றினை நாடுகடந்த தமிழீழ அரசாங்கம் விடுத்துள்ளது.

2018ம் ஆண்டு பிரித்தானியாவில் தடை செய்யப்பட்ட அமைப்புகளின் பட்டியலில் இருந்து தமிழீழ விடுதலைப் புலிகளை நீக்கும்படி நாடுகடந்த தமிழீழ அரசாங்கம் மனு மூலம் விண்ணப்பித்திருந்தது. அந்நேரம் துரதிஷ்டவசமாக மேலும் தடையைத் தொடர உள்துறை அமைச்சகம் தீர்மானித்தது.

அதனைத்தொடர்ந்து தடைசெய்யப்பட்ட அமைப்புகளின் மேல்முறையீட்டு ஆணையத்துக்கு நாடுகடந்த தமிழீழ அரசாங்கம் மேல்முறையீடு செய்திருந்தது. அப்போதைய உள்துறை அமைச்சு தமிழீழ விடுதலைப் புலிகளைத் தடைசெய்யப்பட்ட அமைப்புகளின் பட்டியலில் நீடிப்பதற்கு முடிவெடுத்தது. அவ்வேளையில் தடைசெய்யப்பட்ட அமைப்புகள் மேல்முறையீட்டு ஆணையத்தின் வல்லுநர் குழு தடை மீளாய்வு குறித்து முடிவு ஒன்றை எடுத்திருந்தது. அவ்முடிவானது தமிழீழ விடுதலைப் புலிகளின் தடை என்பது அடிப்படை சட்ட வரையறைகளுக்கு முரணானது என்பதை விசேட தீர்ப்பாயம் தீர்ப்பு வழங்கியிருந்தது.

அமைச்சரின் பணிந்துரை கூட்டுப் பயங்கரவாதப் பகுப்பாய்வு மையத்தின் (JTAC) கருத்துகளைத் துல்லியமாகச் சரியாக சுருக்கித் தரவில்லை என்றும் தடைசெய்யப்பட்ட அமைப்புகள் மேல்முறையீட்டு ஆணையம் கண்டறிந்தது. இந்தச் செய்திகள் “மிக துல்லியமாக கவனிக்கப்பட வேண்டியவை” என்று ஆணையம் கருதியது. ஆகவே தமிழீழ விடுதலைப் புலிகளைத் தடைசெய்யப்பட்ட அமைப்புகளின் பட்டியலில் நீடித்து வைத்துக் கொள்ளும் முடிவு பிழையானது என்று தீர்ப்பளித்தது.

நாடுகடந்த தமிழீழ அரசாங்கத்தின் மேல்முறையீடு வெற்றி பெற்றது என்பது உங்களில் பெரும்பாலானவர்கள் அறிந்த விடயமே. இந்த வெற்றி படியின் அடுத்தகட்டமாக, உள்துறை அமைச்சரின் மூல முடிவு நீக்கம் செய்யப்பட்ட போது தடைநீக்க விண்ணப்பத்தை மீளாய்வு செய்யக் கால அவகாசம் தருமாறு அமைச்சர் மேல்முறையீட்டு ஆணையத்தை வேண்டிக் கொண்டார்.

மேல்முறையீட்டு ஆணையம் தமிழீழ விடுதலைப் புலிகளைத் தடைநீக்கம் செய்யக் கோரும் விண்ணப்பத்தை மீளாய்வு செய்வேன் என்ற உள்துறை அமைச்சரின் உறுதிமொழியை feb 18ம் நாள் ஏற்றுக்கொண்டது.

மாண்புமிகு உள்துறை அமைச்சர் பிரீத்தி படேல் அவர்களிடம் தமிழீழ விடுதலைப் புலிகள் மீதான தடையை நீக்குவதற்கான கோரிக்கையை முன் வைப்போம். தீர்ப்பு வழங்கப்பட்டுள்ளது நமக்கான தீர்வு இன்னும் கிடைக்கவில்லை. தீர்வினை நமதாக்கிக்கொள்வது ஒவ்வொரு பிரித்தானிய வாழ் தமிழர்களின் கையில் தான் தங்கியுள்ளது. இதற்கு உங்கள் ஆதரவும் செயல்பாடும் மிகவும் முக்கியமானது.

நீங்கள் செய்ய வேண்டியது என்னவென்றால், தமிழீழ விடுதலைப் புலிகள் மீதான தடையை நீக்குமாறு கோரி உள்துறை அமைச்சுக்கு கடிதம் மூலம் எழுதுமாறு உங்கள் தொகுதி பாராளுமன்ற உறுப்பினர்களுக்கு மின்மடல் மூலமாக தொடர்பு கொண்டு வேண்டுகோள் விடுப்பதற்கு இந்த கீழேயுள்ள இணையப்பொறி முறையினை பயன்படுத்திக்கொள்ளலாம்.

நீங்கள் செய்யவேண்டியது…….

www.lifttheban.uk எனும் இணைப்பினை அழுத்தி “Click Here to Email Your MP” என்ற பட்டினை அழுத்தியவுடன் புதிய திரையின் இறுதிப்பகுதியின் பெட்டியில் உங்கள் முகவரி அஞ்சல் குறியீட்டைப் (UK Residing Address Post Code) பதிவு செய்து “FIND MY MP” என்ற பட்டினை அழுத்தியவுடன் உங்கள் தொகுதி பாராளுமன்ற உறுப்பினருக்கு அனுப்புவதற்கான திரை தோன்றும் அதில் உங்கள் பெயர் மற்றும் மின்னஞ்சல் விபரங்களை பதிவு செய்து Submit என்ற பட்டினை அழுத்தியவுடன் உங்களுடைய மின்னஞ்சல் உங்கள் பாராளுமன்ற உறுப்பினருக்கு அனுப்புவதற்கான மாதிரி காண்பிக்கப்படும் இறுதியாக I agree எனும் பட்டினை அழுத்தி Confirm & Send என்ற பட்டினை அழுத்தியவுடன் உங்களுடைய மின்னஞ்சல் உங்கள் தொகுதி பாராளுமன்ற உறுப்பினர்களுக்கு சென்றடையும்.

இவ்வாறு பிரித்தானிய வாழ் தமிழர்கள் தத்தமது தொகுதி பாராளுமன்ற உறுப்பினர்களுக்கு மின்னஞ்சல் அனுப்புவதன் மூலம் அனைத்து பாராளுமன்ற உறுப்பினர்களுக்கும் கூடுதலான அழுத்தமாக அது மாற்றமடைவதுடன் குறித்த தீர்ப்பினை தீர்வாக மாற்ற பிரித்தானிய அரசிற்கு அழுத்தம் கொடுப்போம்.

மேலதிக உதவி தேவையெனில் எம்மை தொடர்புகொள்ளுங்கள் :

தொலைபேசி எண் – 07926899145 அல்லது மின்னஞ்சல் – adminuk@tgte.org

தமிழர் தலைவிதியை தீர்மானிக்க நீங்கள் செலவிடுவது ஒரு நிமிடம் மட்டுமே