Wai Hin

Memo (19-8-2021)

noreply@blogger.com (WaiHin) — Thu, 19 Aug 2021 14:27:00 +0000

ဘလော့ထဲ မဝင်ဖြစ်တာနဲ့ မရေးဖြစ်တာအခုဆိုရင် ( ၁၄ နှစ် )တောင်ရှိပြီပဲ။

ဒီနေ့တော့ Covid ကြောင့် Quarantine ဝင်နေရပြီး ပျင်းပျင်းရှိတာနဲ့၊ ငါရဲ့ Blog လေးရှိသေးလားဆိုပြီး ဝင်ကြည့်ဖြစ်တယ်။

Template အတွက် Free Hosting မှာတင်ထားတဲ့ Image တွေမရှိတော့ဘူး။Blog က Image တွေမရှိတော့ စာကလွဲလို့ ဘာမှ မရှိတော့ဘူး။

ဇော်ဂျီနဲ့ ရေးခဲ့တာတွေအကုန်လုံး Browser က Auto Convert လုပ်ပေးနေလို့ မြင်ရသေးပေမယ့် Post တစ်ချို့ကို Unicode ပြောင်းပေးခဲ့တယ်။

စိတ်ရှိနေသေးတာနဲ့ Template အသစ်လေးပါချိန်းထားခဲ့တယ်။

အခုTemplate လေးကတော့ Mobile Phone ခေတ်နဲ့ လျော်ညီစွာ Mobile Menu နဲ့ Social Menu တွေ အရံသင့်ပါလာနေတယ်။ Phone, Tablet, Computer ဘာနဲ့ ဝင်ကြည့်ကြည့်အဆင်ပြေနေပါတယ်။

ဒါနဲ့ ပြင်ဦးလွင်မှာ မိုးတွေဆက်တိုက်ရွာနေတာ ဒီနေ့နဲ့ဆို (၃)ရက်ရှိပြီ။

WaiHin

19-8-2021 (9:05 PM)

Pyin Oo Lwin (May Myo)

Love

noreply@blogger.com (WaiHin) — Wed, 13 Jun 2007 22:26:00 +0000

"တစ်ကယ်လို့ တစ်ယောက်ယောက်က ကိုယ့်ကို နှစ်နှစ်ကာကာ ချစ်တယ်ဆိုရင် ကိုယ်ကလည်း သူ့ကို အကြွင်းမဲ့ ပြန်ချစ်လိုက်စမ်းပါ။ ကိုယ့်ကို ချစ်ဖော်ရလို့ ပြန်ချစ်တာ မဟုတ်ဘူးနော်။ သူက ကိုယ့်ကို ချစ်တတ်အောင်သင်ပေးလို့။ အရာရာကို ချစ်ခင်စိတ်လေးနဲ့ နှလုံးသွင်းနိုင်အောင် ကိုယ့်နှလုံးသားနဲ့ ကိုယ့်မျက်လုံးတွေကို ဖွင့်ပေးလို့ ပြန်ချစ်ပါလို့ပြောရတာပဲ။"

Selectable Post Font Size

noreply@blogger.com (WaiHin) — Mon, 11 Jun 2007 00:37:00 +0000

မိမိWebPageကို လာရောက် လည်ပတ်တဲ့ Visitor များအနေနဲ့ ၄င်းတို့စိတ်ကြိုက် ဖောင့်အရွယ်အစားကို ချိန်ဆပြီးတော့ မိမိရဲ့Pageကို ဖတ်ရှုနိုင်အောင် ပြုလုပ်ပေးနိုင်တဲ့ Script ပါ။ ကျွန်တော့် ဘလော့ဆိုဒ်ဘားရဲ့ ထိပဆုံးမှာ နမူနာ စမ်းပြီးတော့ သုံးထားကြည့်ပါတယ်။ ပထမဆုံးအနေနဲ့ကတော့ အောက်က ကုဒ်တွေကို မိမိဝဘ်ပေ့ချရဲ့</head> မတိုင်ခင် ထည့်ပေးပါ။

<script type='text/javascript'> function FontZoom(size) { var element = document.getElementsByTagName("div"); var components = new Array(); for(i = 0, j = 0; i < element.length; i++) { attribute = element[i].getAttribute("id"); if(attribute == "main-wrapper") { components[j] = element[i]; j++; } } for (i = 0; i < components.length; i++) components[i].style.fontSize = size+'px'; } </script>

Note: < အစား (&+lt;)ကိုသုံးရပါမယ်။ [ကုဒ်ရေးသွင်းသည့် အခါတွင် ကွင်းစကွင်းပိတ်နှင့် + တို့ကို ထည့်သွင်းရေးသားရန်မလိုပါ။]

ဒုတိယ အနေနဲ့အောက်ကကုဒ်ကို Sidebar သို့မဟုတ် header-wrapper မိမိထားလိုတဲ့နေရာမှာထားနိုင်ပါတယ်။

<a href="javascript:FontZoom(14)">+</a> <a href="javascript:FontZoom(13)">Normal</a> <a href="javascript:FontZoom(12)">-</a>

ဖောင့်ဆိုဒ်များကိုတော့ မိမိကြိုက်နှစ်သက်တဲ့ အရွယ်အစားကို သတ်မှတ်ပေးလို့ ရပါတယ်။ ဒါ့ထက် ကောင်းမွန်တဲ့နည်းလမ်း ကောင်းလေးများရှိရင်လည်း ပြောဆိုနိုင်ပါတယ်။

Integral Blogger Beta Template

noreply@blogger.com (WaiHin) — Fri, 08 Jun 2007 21:21:00 +0000

ဒီဇိုင်းလေးကတော့ တော်တော်လေးငြိမ်တယ်။ ဂွတ်ထပဲ..

View Demo | Download Template

Favorite Google Holiday Logos

noreply@blogger.com (WaiHin) — Fri, 08 Jun 2007 15:08:00 +0000

Happy Valentine's Day - February 14, 2005

Mother's Day - May 14, 2006

Happy New Year! - January 1, 2007

World Cup - June 9, 2006

Beautiful Mouse overlib

noreply@blogger.com (WaiHin) — Thu, 07 Jun 2007 12:22:00 +0000

Test Link Test Link1

Step1: Javascript ကို ‌Down ပြီးတော့ RAR ‌ဖြေဖို့လိုပါမည်။ထွက်လာတဲ့ Java ကို Notepad(or)Wordpad နဲ့ဖွင့်ပြီးတော့ မိမိနှစ်သက်ရာ Color နဲ့ Font ကိုပြင်ဆင်နိုင်ပါတယ်။

var ol_fgcolor="#FFFFFF";
var ol_bgcolor="#333333";
var ol_textcolor="#335533";
var ol_capcolor="#FFFFFF";
var ol_closecolor="#333333";

ဒီကာလာကုဒ်တွေကတော့ ကျွန်တော်သုံးထားတဲ့ပုံစံပါ။

Step2: နောက်တစ်ဆင့်အနေနဲ့တော့ အဲဒီဖိုင်ကို မိမိကြိုက်နှစ်သက်ရာ Hosting တစ်ခုမှာတင်ပေးရပါမယ်။ ပြီးရင်မိမိ Webpage ရဲ့<head> နဲ့ </head>ကြားမှာ ဒီကုဒ်လေးကို ရေးသွင်းပြီး ခုနကတင်ထားတဲ့လင့်ခ်ကို ထည့်ပေးရပါမယ်။

<script src='Your link URL' type='text/javascript'></script> <a href="http://www.waihinhtut.blogspot.com" onmouseover="return overlib('Your Text here! Your Text here!........', CAPTION, 'www.waihinhtut.blogspot.com');" onmouseout="return nd();">Test Link</a> <a href="http://www.waihinhtut.blogspot.com" onmouseover="return overlib('Your Text here! Your Text here!........');" onmouseout="return nd();">Test Link1</a>

ဒါ့ထက်ပိုပြီးအသေးစိတ် လေ့လာချင်တယ်ဆိုရင်တော့ အောက်ပါလင့်ခ် မှာသွားရောက်လေ့လာနိုင်ပါတယ်။

ကုက္ကိုပင်

noreply@blogger.com (WaiHin) — Tue, 05 Jun 2007 07:22:00 +0000

ကုက္ကိုပင််သည် ဗုဒ္ဓဘာသာ ကျမ်းဂန်များအရ ကမ္ဘာတည် သစ်ပင်ကြီး (၇)ပင်တွင် ပါဝင်သည်။ကမ္ဘာတည် သစ်ပင်ကြီး (၇) ပင်မှာ အရှေ့ကျွန်း၌ ကုက္ကိုပင်၊ တောင်ကျွန်း၌ သပြေပင်၊ အနောက်ကျွန်း၌ ထိမ်ပင်၊ မြောက်ကျွန်း၌ ပဒေသာပင်၊ တာဝတိံသာ နတ်ပြည်၌ ပင်လယ်ကသစ်ပင်၊ အသူရာပြည်၌ သခွတ်ပင်၊ ဂဠုန်ပြည်၌ လက်ပံပင် တို့ဖြစ်ကြသည်။ ကကုဿန် မြတ်စွာဘုရားသည် ကုက္ကိုပင်၌ ပွင့်တော်မူသည်ဟု ဗုဒ္ဓဝင်တွင် ဆိုသည်။

ကုက္ကိုပင်သည် ထနောင်းမျိုးတွင် ပါဝင်လျက် မြန်မာကုက္ကို နှင့်သဘောင်္ ကုက္ကိုဟူ၍ ၂ မျိုးရှိသည်။ ကုက္ကို ၂ မျိုးလုံးပင် အကိုင်းအခက် ဝေဝေ ဆာဆာဖြင့် အရိပ်ကောင်းသော သစ်ပင်ကြီးများ ဖြစ်ကြ၍ ယင်းတို့ကို မြန်မာနိုင်ငံ အရပ်ရပ်မှာ ပင် တွေ့နိုင်သည်။ အထူးသဖြင့် ခရီးသည်များ အရိပ်ရစေရန် သဘောကုက္ကို များကိုအမြို့မြို့ အရွာရွာရှိ လမ်းတစ်လျောက်တွင် အစီအရီ စိုက်လေ့ရှိကြသည်။ ကုက္ကိုပင်ကို အစေ့မှဖြစ်စေ၊ အရွယ်တော် အကိုင်းပြတ်ကိုဖြစ်စေ၊ စိုက်ပျိုးနိုင်၍ တစ်ပင်နှင့် တစ်ပင်ကို ပေသုံးလေးဆယ် ခန့်ခွာကာ စိုက်ပျိုးသင့်သည်။ အကိုင်းအခက်များ မြေသို့ညွှတ် ကျနေတတ်သဖြင့် အသက် နုစဉ်ကပင် အကိုင်းအခက်များကို ချိုင်ပေးရသည်။ ကုက္ကိုပင်တို့သည် နွေရာသီတွင် အရွက်များချသော အပင်မျိုးဖြစ်သည်။ အရွက်များသည် နေ့အခါ၌ အစွမ်းကုန် ကားပြန့်နေ ကြသော်လည်း ညအခါ၌ဖြစ်စေ၊ မိုးရွာသော အခါ၌ဖြစ်စေ ထူးဆန်းစွာ ခေါက်၍ အိပ်တတ်ကြသည်။ ပိုးပန်း ပွားကဲ့သို့ အမွေးစုတ်ဖွားရှိသော အပွင့်ကလေးများမှာ အလွန်သေးငယ်၍ အဆုပ်လိုက် ပွင့်ကြသည်။ အသီးများမှာ ပဲသီးတောင့် သဏ္ဌာန် ရှည်လျားလျား အသီးတောင့်များ ဖြစ်ကြ၏။ သို့သော်မြန်မာ ကုက္ကိုသီးများမှာ ပြား၍ဝါပြီးလျှင် သင်္ဘောကုက္ကို သီးများမှာ လုံးယောင်ယောင် ဖြစ်၍ အညိုရင့်ရောင် ရှိသည်။ တစ်ဖန် သင်္ဘောကုက္ကိုသီးမှာ အသားပြည့်ကာ မှည့်လျှင်ချို၏။ ယင်းတို့ကို ကျွဲနွားများ နှစ်သက်ကြသည်။ မြန်မာကုက္ကိုနှင့် သင်္ဘောကုက္ကို တို့၏ ကွဲလွဲချက်ကား မြန်မာကုက္ကိုက သင်္ဘော ကုက္ကိုထက် ပိုမိုအသုံးဝင်ခြင်းပင်ဖြစ်၏။

မြန်မာကုက္ကိုသည် ဆေးဖက်ဝင်၍ အရွက်နှင့် အစေ့ကို မျက်စိနာ အတွက် လည်းကောင်း၊ အခေါက်ကို သွေးစုနာ အတွက်လည်းကောင်း အသုံးပြုကြသည်။ အရွက်နုများကို တစ်ခါတစ်ရံ သုပ်စားကြ၍ အခေါက်ကို ပိုက်ကွန်များ ဆိုးရန်အတွက်လည်း အသုံးပြုကြသည်။ မြန်မာကုက္ကို အကာသားမှာ ဖြူ၍ကြမ်းသော်လည်း အညိုရင့်ရောင်ရှိသော အနှစ်သားမှာ အသားညက်ကာ လှပခိုင်ခံ့သဖြင့် အိမ်ဆောက်ရန်၊ အိမ်ထောင် ပရိဘောဂနှင့်တကွ လှေ၊ လှည်း၊ ထယ်၊ ထွန်များ လုပ်ရန်အပြင် အိုးစည်ထွင်းရန် အသုံးကျသည်။ ထိုအသားသည် မြန်မာဘုရင်များ လက်ထက်က မည်မျှ အဖိုးတန်သနည်း ဟူမူ မြန်မာ ကုက္ကိုပင်များကို လှဲသော်ကျွန်းနှင့် အခြားသစ်ပင်တို့ထက် အခွန်တော်ပို၍ ဆောင်ရသေးကြောင်း၊ နန်းတော်ပလ္လင်ပြုလုပ်သည့် သစ်သားများတွင် မြန်မာကုက္ကိုသားလည်း ပါဝင်ကြောင်း သိရသည်။ သင်္ဘောကုက္ကိုမှာမူ အရိပ််ကောင်းခြင်း၊ အသီးများကို ကျွဲနွားကျွေးခြင်း မှလွဲလျှင် ပွသဖြင့် ထင်းဆိုက်ရန်နှင့် မီးသွေးဖုတ်ရန် မှတစ်ပါး အသုံးမကျချေ။

From - မြန်မာ့စွယ်စုံကျမ်း အတွဲ(၁)၊ အပိုင်း(ခ)

Feeling

noreply@blogger.com (WaiHin) — Mon, 04 Jun 2007 15:21:00 +0000

အခုတစ်လော ရာသီဥတုက နည်းနည်း ပြန်အေးလာတယ်။ စာမေးပွဲကလည်း စနေပြီ။ စားရသောက်ရတာတော့ အခုတစ်လော သိပ်မလှဘူး။ ချက်ရပြုတ်ရတာကို ၀ါသနာသိပ်မထုံဘူး ဖြစ်နေတယ်။

နွေရာသီရောက်ရင်တော့ ဘလော့ ပြန်ရေးမယ်လို့ စိတ်ကူးထားတယ်။ ဒါနဲ့ မြန်မာပြည်လည်း လွမ်းနေတယ်။

မော်စကိုမှာတော့ ကျောင်းပိတ်တော့မှာ မလို့ထင်တယ် ကွန်ပျူတာစျေး တွေထိုးကျနေတယ်။ ဒေါ်လာစျေး ကတော့ 1US=25.80 ရူဘယ်ရှိတယ်ဗျ။

နွေရာသီမှာ တစ်ခြားမြို့တစ် မြို့ကို ခရီးထွက်မယ်လို့တော့ စီစဉ်ထားတယ်။ သေချာ သလောက်ပါပဲ။

Joox Movie Site

noreply@blogger.com (WaiHin) — Wed, 16 May 2007 18:48:00 +0000

Joox က Movie ကြည့်လို့ တော်တော်အဆင် ပြေတဲ့ဆိုဒ်လေးပါ။

သိတဲ့သူတွေလည်း သိချင်သိပါလိမ့်မယ်။

ဒီဆိုဒ်က သုံးထားတဲ့ ဖိုင်ဖော့မတ်က Divx ပါ။

ဒါကြောင့် Divx Player လေးတော့လိုပါတယ်။

Buffering တက်တာလည်း တော်တော်မြန်တယ်။

Web ပေါ်မှာ မကြည့်ချင်ဘူးဆိုရင် ဒေါင်းလော့ဒ်လည်း တစ်ခါတည်းလုပ်နိုင်ပါတယ်။

Download:Divx Player(2o.6 mb)

Mother's Day and My Birthday

noreply@blogger.com (WaiHin) — Sun, 13 May 2007 16:43:00 +0000

ဒီနေ့ အမေများနေ့လေ။ ပြီးတော့ ကျွန်တော့ မွေးနေ့လေ။ ဒီနှစ်မှာ မွေးနေ့က အမေများနေ့မှာ တိုက်ဆိုင်စွာ ကျရောက်ခဲ့တယ်။ ဒီနေ့မနက် တစ်နာရီလောက်မှာ အမေဆီကို ဖုန်းခေါ်ခဲ့တယ်လေ။ ဒါပေမဲ့ "လူကြီးမင်း ခေါ်ဆိုသော ဖုန်းနံပါတ်မှာ.."ဆိုတဲ့ မိန်းမ အသံနဲ့ပဲတိုးနေတယ်။ ၁၉၈၃ ခုနှစ် ကစပြီးတော့ အခု အချိန်ထိ လူလားမြောက်အောင် ကျွေးမွေးပြုစု ခဲ့တဲ့အမေ့ကို ကျေးဇူးလည်း အထူးတင်သလို၊ အရမ်းလည်း ချီးကျူးဂုဏ်ယူပါတယ် အမေ။ အမေများနေ့နဲ့ သားရဲ့မွေးနေ့မှာ မေမေစိတ်ချမ်းသာ ပျော်ရွှင်ပြီး သက်ရာကျော်ရှည် ပါစေလို့ သား အဝေးကနေပဲ ဆုတောင်း လိုက်ပါတယ် အမေ။ ဒါပေမယ့် အခုလို အဝေးမှာရောက်နေတဲ့ အတွက် တယ်လီဖုန်းနဲ့ ပဲကန်တော့ နိုင်မယ်။ ဒါပေမယ့် ကံတရား ကမဖြစ်လာဘူးလေ။ ဘယ်လိုပဲဖြစ်ဖြစ် သေချာတာတစ်ခုကတော့ ကျွန်တော့ မွေးနေ့တိုင်းမှာ ဆွမ်းကပ်ခဲ့တဲ့ အမေ ၊ အဲဒီဝတ္တရားကိုတော့ ပျက်ကွက်မှာ မဟုတ်ပါလေ။ သားမျက်စိထဲမှာ အမေဘုန်းကြီး ကျောင်းတစ်ခုမှာ ဆွမ်းကပ်ဖို့ မိုးဖွဲဖွဲ ထဲမှာ သွားနေတယ်လေ.....

ငါ၏ သလင်းကျောက်

noreply@blogger.com (WaiHin) — Sun, 18 Mar 2007 17:34:00 +0000

အကောင်းဆုံး အရာကို သင့်အား ပေးမည်ဟု ပြောခဲ့ စဉ်က ကျွန်ုပ် မည်သို့မျှ မခံစား ရသေးပေ။ သို့သော် သင့်အပြုံး တစ်ချက် ၊ အကြည့် တစ်စုံအား ကျွန်ုပ် ရရှိပြီးနောက် အားလုံးကို ကျွန်ုပ် မေ့သွား၏။ ကမ္ဘာမြေသည် စိမ်းလန်းပါ၏။ သင့်အပြံုးက ပိုမိုလတ်ဆတ် ၏။ လေညင်းသည် နုအေး ပါပေ၏။ သင့်အကြည့် တစ်ချက်က ကျွန်ုပ်ကို နူးညံ့စွာ ပိုမိုလှိုက်မော စေပါ၏။ ငှက်ကျေး တို့သီကျူး သံသည် သာယာချိုအေး ပါပေ၏။ သို့သော် ကျွန်ုပ်၏ ကမ္ဘာ၌ သင့်အသံ သည်သာ အကောင်းဆုံး တေးသံပါပေ။ ကမ္ဘာမြေသည် နေခြည် ၀တ်ရုံဖြင့် လွှမ်းခြံု သကဲ့သို့ သင့်ပုံရိပ်တို့သည် ကျွန်ုပ်နှင့် မကွာ အမြဲရှိနေ ကြကုန်၏။ ကြေးမုံပြင်သည် အစစ်အမှန် တည်ရှိခြင်း၏ အတုအယောင် တစ်ခုပင် ဖြစ်စေကာ မူ သင့်ပုံရိပ် ကိုတော့ မည်သည့် အခါမှ မှန်ကန်စွာ လက်ခံနိုင်မည် မဟုတ်ပါပေ။ သင်ကား အလှ၏ နတ်ဖုရား ၊ မြတ်နိုးခြင်း၏ ကြေးမုံပြင် ၊ ပင်လယ်၏ လေပြေအေး ၊ မဟာမြိုင်၏ ငှက်ကျေး နှင့် ရောင်စဉ်ဖြာ လင်းလက်တတ်သည့် ကျွန်ုပ်၏ သလင်းကျောက် တစ်တုံးပါပေ။ သစ္စာ၏ သင်္ကေတအဖြစ်သင့် ကိုကျွန်ုပ်မြတ်နိုးမိပါ၏။ ဘဝအမှောင် လရောင်မဲ့ည၏ တေးသွားတစ်ပုဒ် အလား သင့်နှင့်အတူ မီးအိမ်တစ် လုံးကို အတူဆွဲ လျှောက်လှမ်းလိုပါ၏။ နွေးထွေးလှိုက်မော ဒီလှိုင်းတောသို့လည်း သင်လက်ကိုတွဲ လျှောက်ရဲလိုပါ၏။ ရောက်ရာ နေရာ ဤဒေသာ မှလည်း လွတ်လပ် ပျံသန်း သင့်အနမ်းအောက် ရင်အစုန် လှုပ်နိုး ခိုကိုး ရပါလို၏။ ရာဇဝင်ထဲ ရောက်ရောက် ၊ မော်ဒန်ကိုပဲ တော်လှန် တော်လှန် မှန်ကန် မေတ္တာ ၊ သစ္စာတည်၍ မဖောက်မလဲ လျှောက်ရဲ နိုင်ကြသည်ဖြစ်စေ။

14 January

noreply@blogger.com (WaiHin) — Sun, 14 Jan 2007 01:38:00 +0000

ဒီနေ့ညလည်း ကိုဖိုးချမ်းနဲ့ တော်ကီပွားလိုက် ဟိုလုပ်ဒီလုပ် လုပ်လိုက်နဲ့ ညတစ်နာရီကျော်သွားတယ်။ အဲဒါလည်းပြီးရော အိပ်ချင်စိတ်မရှိ သေးတာနဲ့ ဘလော့ အနည်းငယ်ကို လိုက်ဖတ်ဖြစ်လိုက်တယ်။ ပြီးတော့ ဖိုရမ် အနည်းငယ် ၀င်ရေးလိုက်သေးသည်။ အခုတောင် ၄ နာရီကျော်သွားပြီ။ ဘယ်လိုဖြစ်ဖြစ် အိပ်ချင်ချင် မချင်ချင်၊ စိတ်ပါပါ မပါပါ အိပ်ကိုအိပ် ရမည်။(ကိုယ့် ကိုကိုယ် Pressure ပေးနေတာ။) မနက်ဖြန်လည်း ခပ်စောစော ထ၍ သွားစရာ ရှိသေးသည်။ ထို့ကြောင့်အိပ်ကို အိပ်ရမည်။ ဒီနေ့ ညနေတွင် အိမ်နှင့်စကား ပြောမည်ဟု ချိန်းထားသေးသည်။ ထို့ကြောင့် မောင်မင်းအိပ် သင့်နေပြီ။ ဒါကြောင့်အိပ်ပြီ...အိပ်ပြီ...။

ကမ္ဘာ့အသေးဆုံးနိုင်ငံ

noreply@blogger.com (WaiHin) — Thu, 11 Jan 2007 21:17:00 +0000

အချုပ်အခြာ အာဏာပိုင် နိုင်ငံအဖြစ် မိမိကိုယ်တိုင် သတ်မှတ် ကြေညာထားပြီး နိုင်ငံတော်သီချင်း၊ အလံ၊ ကိုယ်ပိုင် ငွေကြေးနှင့် နိုင်ငံကူး လက်မှတ်ပါ ပြဌာန်း ထားသော ဆီးလန်း နိုင်ငံလေးကို ၀ယ်ယူလိုပါက နိုင်ငံကို လက်ရှိတာဝန်ယူ အုပ်ချုပ်နေသူ မင်းသား မိုက်ကယ်နှင့် ဆက်သွယ်ရန် ကြေညာထားသည်။ အခန်းရှစ်ခန်းစီ ပါရှိသော တိုက်မြင့် နှစ်လုံးဖြစ်သည့် ဆီးလန်း နိုင်ငံသည် အင်တာနက် လောင်းကစားဝိုင်းနှင့် ကမ်းလွန် ဘဏ်လုပ်ငန်း များအတွက် နေရာကောင်းတစ်ခု ဖြစ်နိုင်ကြောင်း ရောင်းချလိုသူ မင်းသားမိုက်ကယ် ကဆိုသည်။ကမ္ဘာပေါ်တွင် အသေးဆုံး ဖြစ်ပြီး မည်သည့် နိုင်ငံကမျှ သူ၏ အချုပ်အခြာ အာဏာပိုင်မှုကို အသိအမှတ်ပြု မခံရသည့် ဆီးလန်း နိုင်ငံသည် မကျယ်အဝန်း ၁၈၀၀ စတုရန်းပေ ရှိပြီး အမြဲတမ်း နေထိုင်သူ လူဦးရေ ၁၀ ဦးရှိသည်။ ဒုတိယ ကမ္ဘာစစ် အတွင်းက နာဇီ လေကြောင်းရန်ကို ကာကွယ်ရန် မြောက်ပင်လယ်တွင် တည်ဆောက်ခဲ့သော တိုက်မြင့်နှစ်လုံးကို နိုင်ငံအဖြစ် သတ်မှတ် နေထိုင်ကြသည်။

တက္ကသိုလ် သခင်ကျောင်း

noreply@blogger.com (WaiHin) — Wed, 10 Jan 2007 20:00:00 +0000

ပါတော်မူအလွန် ဒီဘက်ခေတ်မှာ မြန်မာစာပေမှာရော၊ ပြည်တွင်း ငြိမ်းချမ်းရေးနဲ့ ကမ္ဘာ့ ငြိမ်းချမ်းရေးမှာပါ အလွန် ထင်ရှား ကျော်ကြား လေးစားခံရသူ ဆရာကြီး သခင်ကိုယ်တော်မှိုင်း ရေးထားတဲ့ "တက္ကသိုလ် သခင်ကျောင်း" ကဗျာကြီးထဲက စာပိုဒ်တစ်ပိုဒ်ပါ-

ကမ္ဘာ့ ကမ္ဘာ ကြွားခဲ့တဲ့ ဗမာ့ဗမာ သားတွေရဲ့ တို့ဗမာမြေ တို့ဗမာ အမွေပေမို့ အနိုင်မယူပေ စကောင်း တို့ဗမာပြေမှာဖြင့်တို့သာနေမယ်လို့ မဆိုင်သူတွေကိုမောင်း။ သာသနာမြေပလ္လင် အသရေ လှပေတဲ့ ရွှေမြတောင် သာတဲ့တိုက်ဆီက နေလနှစ်ဆောင် ပါတော်မူတဲ့ အခိုက်တွင်ဖြင့် ကတိုက်ကရိုက် အမြန်မြင်လိုက်တော့ မခံချင် မာန်ဝင်တဲ့ အစွမ်းရယ်နဲ့ မန်းအပျက်တွင်ဖြင့် ကြငှန်းမက်လိုက်ပုံက ပုခန်းထွက်ခဲ့ပြီး အကြမ်းဖက်ကရော့မဟဲ့လို့...။
(ဆရာကြီး သခင်ကိုယ်တော်မှိုင်း)

Today

noreply@blogger.com (WaiHin) — Mon, 08 Jan 2007 00:53:00 +0000

ဒီနေ့အတွက်တော့ Blog လေးကိုနည်းနည်းပြင်ထားတယ်။ တော်တော်လေးတော့ ပြာသွားတယ်။ Colour....Colour

ကံမကောင်းဘူး

noreply@blogger.com (WaiHin) — Sun, 07 Jan 2007 20:47:00 +0000

မနေ့ညကတည်းက အိပ်ရာဝင်တာနောက် ကျသွားတယ်။ ဒါတောင် မနက်ခင်းသွားစရာ ရှိလို့ဆိုပြီးတော့ စောစောအိပ်ဖို့ စဉ်းစားထားတာ။ မနက်မိုးလင်းတော့ Arshan ကိုသွားဖို့ သူငယ်ချင်းက လာနှိုးတော့ အိပ်ချင်မူးတူး နဲ့လိုက်သွားရော။ ပထမဆုံး ဗွီယက်နမ် စျေးမှာ အရင် ထမင်းစားတယ်။ ရောင်းတာကတော့ တရုတ်တွေပါ။ မဆိုးပါဘူး တန်ပါတယ်။ ရူဘယ် (၈၀) ပဲကျတယ်။ စားပြီးတာနဲ့ Arshan ကို ဆက် Go တယ်။ သွားရတဲ့ ခရီးက နီးနီးလေးပါ။ မော်စကို တောင်ဘက််ထိပ်နဲ့ မြောက်ဘက်ထိပ်ပဲ။အဲဒီကို ရောက်တော့ ၀ယ်ရင်း ၀ယ်ရင်းနဲ့ ပစ္စည်းက များလာတော့ အပြန်သယ်လို့ မနိုင်မှာကိုတော့ သိတယ်။ ဒါပေမယ့် ရောက်တုန်း မထူးပါဘူးကွာ ဆက်လုပ်၊ မနိုင်ရင်တော့ Metro မပြန်ဘူး Taxi နဲ့ပြန်မယ်ကွာ။ တကယ်လည်း ပိုက်ဆံရှင်းပြီး အထုပ်တွေ ကြည့်လိုက်တော့ မနိုင်ဘူးဖြစ်ရော။ ဒါနဲ့ Taxi ငှားဖို့ကြည့်လိုက်တော့ အနီးအနားမှာ ပဲတွေ့တယ်။ ကျွန်တော်က ကားဆရာကို သွားပြီးပြောတာပေါ့။ ကျွန်တော် BMSTU အဆောင်ကို ပြန်မယ်။ ကားခ ဘယ်လောက် ပေးရမလဲ လို့မေးတော့ ကိုယ့်လူက ပြန်မေးတယ်။ မင်းဘယ်လောက်ပေး မလဲတဲ့။ ဟိုက်...သေရောပဲ။ ကျွန်တော်မှ ဒီမှာ Taxi ကိုအဲဒီလောက်ကြီး မစီးဘူးတာ ဘယ်လိုသိမလဲဗျ။ မြေအောက်ရထား၊ Busတွေနဲ့ပဲ သွားနေတဲ့ဟာဗျာ။ ဒါနဲ့ ကျွန်တော်က ကားသမားကို ရူဘယ်(၃၀၀) ပေးမယ်လို့ ပြောလိုက်တယ်။ သူက ဒီလိုကျသိတယ်။ မရဘူးတဲ့ (၄၀၀) ပေးရမယ်တဲ့။ ဟင်..ဒါဆို မလိုက်ဘူးလို့ ပြောပြီး ပြန်လှည့်လာတော့ ဒီကောင်က မင်း(၃၅၀) ပေးမလားတဲ့။ ဒီလိုနဲ့ပဲ နှစ်ဦးနှစ်ဖက် အဆင်ပြေပြီးတော့ အဆောင်သို့ ပြန်ခြင်းခရီးအား စတင်ခဲ့သည်။ ပထမတော့ ကားဆရာက အဆောင်ကို သူပဲသိသလိုလို ဘာလိုလို နဲ့နောက် ( ၅) မိနစ်လောက် လည်းကြာရော ကိုယ့်လူက မင်းတို့အဆောင်ကို ဘယ်လိုသွားရတာ လည်းတဲ့ ဆိုပြီးတော့ မော်စကို မြေပုံကြီး ကိုချပေးတယ်။ အောင်မြလေး ကားဆရာရယ်။ ကျွန်တော်က မြန်မာပြည်က လာတဲ့ကောင် ဘယ်လိုသိမလဲဗျ။ Metro/Bus တို့နဲ့ သွားတာတောင် အဆောင်နား ပတ်ဝန်းကျင်၊ မြို့ထဲသွားနေကျ နေရာတွေနဲ့ သွားနေကျ တစ်ခြားကျောင်း တွေလောက်ပဲ သွားတတ်တာဗျ။ သူကဒီလို ဆင်ခြေပေးသေးတယ်။ သူဒီကို ရောက်တာ သုံးပတ်ပဲ ရှိသေးလို့ပါတဲ့။ သူက ယူကရိန်း ကလာတာပါတဲ့။ သူပုံကို ကြည့်ရတာတော့ ဟုတ်တော့ ဟုတ်လောက်ပါတယ်။ ရုရှားနဲ့တော့ မတူဘူး။ သူကလည်းဇွဲတော့ မလျော့ပါဘူး မောင်းတော့ မောင်းနေတာပဲ။ ဘယ်က ိုမောင်းနေမှန်းသာ မသိတာ။ :D လမ်းမှလည်း တွေတဲ့သူကို ဆင်းမေးတာ (၇) ခါလောက်ရှိမယ်။ နောက်ဆုံးတော့ သူကပြောလာတယ်။ တစ်ခြားကားကို ပြောင်းငှားပါလားတဲ့။ ကျွန်တော် တို့ကလည်း ဟင့်အင်းပဲ။ နောက်တော့ သူကအဲဒီလို သုံးကြိမ်လောက် ပြောလာတာနဲ့ အင်းဗျာ ငှားမယ်ဆိုပြီးတော့ တစ်ခြားကားကို ပြောင်းငှား လိုက်ရတယ်။ သူကဒါတောင် မင်းတို့အဆောင်နဲ့ နီးနေလောက်ပါပြီတဲ့။ ရောက်တော့ မှာပါတဲ့။ ကားခကိုတော့ ၃၀၀ ပေးတဲ့။ ပေးဘူးလို့... :D။ (၁၅၀) ပဲပေးမယ်လို့ ယူမလား ဆိုတော့ သူကမယူဘူး (၃၀၀) တဲ့။ နောက်တော့ ကျွန်တော် နောက်ကားတစ်စီး ငှားနေတုန်း ကျွန်တော့် သူငယ်ချင်း ဘယ်လို ညှိလိုက်လည်း မသိဘူး (၂၀၀) နဲ့စျေးတဲ့ သွားတယ်။ နောက်ထပ် ပြောင်းစီးတဲ့ ကားကလိုက်ပို့တော့ လည်း ခဏဆိုခဏလေးပဲ။ ငါးမိနစ်လောက်နဲ့ ရောက်သွားတယ်။ အကျိုး အမြတ်ကတော့ မော်စကိုမြို့ရဲ့ ညရှုခင်းကို ကားနဲ့ပတ်ကြည့် လိုက်ရတယ်၊ ကားခနှစ် ခါကုန်သွားတယ်။

None Title

noreply@blogger.com (WaiHin) — Fri, 05 Jan 2007 00:19:00 +0000

၂၉ ရက်နေ့မှစ၍ ကျောင်းလည် ထွက်လိုက်ခြင်းသည် ဒီနေ့မှ အဆောင်ပြန်ရောက်၏။ မနေ့ကတစ်ညလုံး သူငယ်ချင်းများနှင့် ဟိုအကြောင်း ဒီအကြောင်း ဆွေးနွေး၏။ ငယ်ကျိုး ငယ်နာများလည်း ပါ၏။ ဆွေးနွေးနေ လျှက်တစ်ခါတစ်ရံ စကားထများ၏။ နောက်ပြီး ဆက်လက်ဆွေးနွေး၏။ နံနက် ရှစ်နာရီလောက်တွင် အိပ်မည်ဟု ဆုံးဖြတ်ကာ အားလုံးအိပ်ရာဝင်၊ စောင်ခြုံကာရှိသေး တစ်ယောက်က ထဖောက်ကာ ဗိုက်ဆာသည်တဲ့။ တစ်ခုခု ထွက်စားမည်လို့ပြောတော့...စားပေါ့။ ထို့ကြောင့် အပြင်ထွက် မုန့်စားကာ ဆက်လက်၍ အိပ်စက်ခြင်း မပြုချင်တော့ သည့်အတွက်ကြောင့် အဆောင်ကိုပဲ တန်းတန်းမတ်မတ် ပြန်လာခဲ့၏။

ပန်းပွဲတော်အမှတ်တရဓာတ်ပုံများ

noreply@blogger.com (WaiHin) — Wed, 20 Dec 2006 23:03:00 +0000

You Were My Eyerything

noreply@blogger.com (WaiHin) — Fri, 15 Dec 2006 16:28:00 +0000

သီချင်း နားထောင်တာတို့၊ ဗွီစီဒီ ကြည့်တာတို့ ကြိုက်ကြိုက် မကြိုက်ကြိုက် တစ်ခေါက် လောက်တော့ နားထောင် ကြည့်လိုက်ပါ။ ကျေးဇူး တင်ပါသည်။ လေးစားစွာဖြင့်...

talking: This goes out to someone that was Once the most important person in my life I didn't realize it at the time I can't forgive myself for the way I treated you so I don't really expect you to either It's just... I don't even know Just listen... chorus: I need you and I miss you and I want you and I love you 'cause I wanna hold you, I wanna kiss you You were my everything And I really miss you

Song For Fri

noreply@blogger.com (WaiHin) — Wed, 13 Dec 2006 21:17:00 +0000

Yae Lay

ရဲလေး၏ သီချင်းဖြစ်သည်။ ကြိုက်လျှင်ကောင်း၏။ မကြိုက်လျှင်တော့ မကောင်းပါ။ သို့သော် ကျွန်တော် ကြိုက်၍ တင်လိုက်သည်။

အပြောင်းအလဲ

noreply@blogger.com (WaiHin) — Tue, 12 Dec 2006 21:41:00 +0000

ဟိုအဟောင်းကို သုံးတာ လေးလလောက် ကြာသွားတော့ တစ်ခါတစ်လေ တော့လည်း အသစ်ပြောင်းချင် စိတ်ပေါက်လာတယ်။ ဒါပေမယ့် အချိန်ကလည်း မရဘူး။ ဒီနေ့တော့ မရမကကို စွတ်လုပ်လိုက်တာ အောင်မြင်သွားတယ်။ နည်းနည်းလောက် ကြည့်ပေးကြပါဦး။ ဘာတွေ လိုလည်း ဆိုတာကိုပေါ့။ အရောင်ကတော့ ဘယ်လိုမှကို ကြည့်လို့ မလိုက်ဘူး ထင်တာပဲ။ အော်... ဒါနဲ့တစ်ခု ပြောဦးမယ်။ ဒီနှစ် ရာသီဥတု ဖောက်ပြန်တာလား ရာသီဥတုက ကောင်းလာတာ လားတော့ မသိဘူး။ ဘာလို့လည်းဆိုတော့ ရုရှားဆိုတာ အအေးပိုင်းနိုင်ငံ၊ ဒီလောက်အေးတဲ့ နိုင်ငံတောင် ခုချိန်ထိ နှင်းက တစ်စက်လေးမှ မကျသေးဘူး။ ခရစ်စမတ် ရောက်ဖို့ကလည်း ဆယ့်နှစ်ရက်ပဲ လိုတော့တယ်လေ။ တကယ်တမ်းဆိုရင် အခုအချိန်မှာ နှင်းထုက တစ်ပေလောက်ထိ ရှိနေသင့်တယ်။ အခုတော့ မိုးဖွဲလေးတွေတောင် ကျကောင်းတုန်း။ နှင်းကျဖို့ ဆိုတာက ဟိုးဝေလာဝေး။ အရင်နှစ်က ဆိုရင် နိုဝင်ဘာ ဆယ်ရက်နေ့လောက် ကစပြီးတော့ နှင်းကျတယ်။ အခုတော့ မိုးကျနေတယ်။ ဆိုးပကွာ။ ငယ်ငယ်တုန်းကဆိုရင် ခရစ်စမတ်နေ့ ရောက်လို့ကတော့ ကိုယ်နဲ့လည်း ဘာမှမဆိုင်ပဲနဲ့ မနက်အစောကြီးထ တီဗီကို ထိုင်စောင့် ပြီးတော့ကို ကြည့်တာ။ ဘာကိုလည်းဆိုတော့ နှင်းကျတဲ့ သူများနိုင်ငံတွေမှာ နှင်းလျှောစီးတာတို့၊ ကမြင်းကျော ထတာတို့ကို တိုက်ရိုက် လွှင့်ပေးတယ်လေ။ အဲဒါကို ကြည့်ပြီးတော့ အားကျနေတာ။ ဟာ...ငါသာအဲဒီကို ရောက်လို့ကတော့ နှင်းတွေကို ဆုပ်ပြီးတော့ အချိုရည်ဆမ်းပြီး ရေခဲဂျစ် လုပ်စားမယ်ပေါ့။ တကယ်တမ်း နဖူးတွေ့၊ဒူးတွေ့ တွေ့တော့လည်း နည်းနည်းတော့ စိတ်ညစ်ဖို့ ကောင်းတယ်။ နှင်းကျတဲ့ ရာသီဆိုရင်တော့ မနက်ခင်း ဆိုရင်တော်တော် လှပါတယ်။ ဘယ်နေရာ ကြည့်ကြည့် အကုန်လုံးကို ဖွေးနေတာပဲ။ ခြေပစ်လက်ပစ် ကိုပစ်လှဲချင်စိတ်ပေါက်တယ်။ ဒါပေမယ့်သွားမလုပ် ပါနဲ့ သွေးခဲသွားမယ်။ ဒါနဲ့စကား လမ်းကြောင်းက လွဲသွားပြီ။ မနက်ခင်းဆိုလှတယ် ဒါပေမယ့် နေ့လည် ရောက်လို့ကတော့ လူတွေနင်းတာနဲ့ နှင်းတွေက ပျော်ကုန်ပြီး အကုန်လုံး ဗွက်ထကုန်တော့တာပဲ။ ပြီးတော့နှင်း မဟုတ်ပဲ ရေခဲနေတဲ့နေရာ တွေကလည်း ရှိသေးတယ်။ အဲဒီနေရာတွေမှာ သတိထားပြီးတော့ မသွားလို့ကတော့ တင်ပါးနဲ့ မြေကြီးမိတ်ဆက်ပြီ သာမှတ်တော့။ Shoe ဆိုရင်လည်း တော်ရုံတန်ရုံ နဲ့ဆိုမရပြန်ဘူး။ ဆောင်းတွင်းစီး Shoe ကိုစီး ပြီးတော့ကျောင်းသွား၊ ကျောင်းရောက်တော့ စာသင်ခန်းတွေက Heater ဖွင့်ထားတော့ ပူလာပြန်၊ အဲဒီလိုတွေ ကိုပြန်ကြည့်တော့လည်း နှင်းကျနောက်ကျတာ ကောင်းပါတယ်လေ။ ဘာတွေလဲကို မသိတော့ဘူး။ စိတ်ထဲ ပေါ်လာတာတွေကို ရေးထားတာ။

ဟာသ

noreply@blogger.com (WaiHin) — Sun, 10 Dec 2006 08:24:00 +0000

တစ်ခါတုန်းက ကျောင်းတစ်ခုမှာတဲ့ ဆရာမက ကျောင်းသား တစ်ယောက်ချင်းစီကို လူတွေ့စာမေးပွဲစစ်တယ်။ အဲဒီမှာ အန်သွန်ဆိုတဲ့ ကျောင်းသား တစ်ယောက်ရဲ့ အလှည့်ကို ရောက်လာရောတဲ့။ ဒါနဲ့ ဆရာမက ကျောင်းသားကို မေးခွန်း မေးရန်အတွက် အခန်းထဲကို ခေါ်လိုက်တယ်။ ပြီးတော့ ကျောင်းသားကို ဆရာမကစပြီးတော့ ပြောတယ်။

ဆရာ - "ကဲအန်သွန်..မင်းကို Question တစ်ကြောင်းထဲ မေးပြီးတော့ ဖြေရခက်တဲ့ မေးခွန်းကို မေးရမလား၊ ဒါမှမဟုတ် Question နှစ်ကြောင်း ပါပြီးတော့ ဖြေဖို့လွယ်တဲ့ မေးခွန်းကို မေးရမလား"

အန်သွန် - "ကျွန်တော့်ကို Question တစ်ကြောင်းထဲ ဖြစ်ပြီး ဖြေခက်တဲ့ မေးခွန်းကိုပဲ မေးပါဆရာမ"

ဆရာ - "အေးကောင်းပြီ...ကမ္ဘာပေါ်မှာ လူဆိုတာဘယ်ကနေ စပြီးတော့ ဖြစ်လာတာလဲ"

အန်သွန် - "အာရ်ဘတ် စကားရား ကနေပါဆရာမ"

ဆရာ - "အန်...အဲဒီကနေ စပြီးတော့ လူဖြစ်လာတယ်လို့ မင်းကိုဘယ်သူပြောလဲ"

အန်သွန် - "ဆရာမ! ဆရာမကျွန်တော့်ကို ပြောခဲ့တယ်လေ။ မေးခွန်းတစ်ခုပဲ မေးမယ်လို့။"

အဲဒီမှာတင်ဆရာမလည်း သူ့စကားနဲ့တင် ပိတ်မိပြီးတော့ ကျောင်းသားကို လူတွေ့မှာအ အောင်ပေးလိုက်ရောတဲ့။ ဒါပါပဲကွယ်။

မှတ်ချက်- "အာရ်ဘတ် စကားရား " ဆိုသည်မှာ မော်စကိုရှိ လမ်းတစ်လမ်း၏ နာမည် ဖြစ်သည်။ မည့်သည့် မော်တော်ယာဉ်မှ မောင်းနှင်ခွင့်မရှိပါ။ လူသက်သက် သာလမ်းလျှောက်ရန် အတွက်ဖြစ်သည်။ Red Square အနီးတွင် တည်ရှိသည်။ Red Square ၏ပုံများကို ကြည့်ရှုလိုက Google Search Image တွင် Red Square ဟုရိုက်ထည့်ပြီး ကြည့်ရှုနိုင်သည်။

သတင်းနော့်

noreply@blogger.com (WaiHin) — Sat, 09 Dec 2006 13:39:00 +0000

အဟမ်း အဟမ်း... ကျွန်တော်တို့ ရဲ့ BMSTU -Mynamar Website မှာ ဒီတစ်ပတ် အတွက်တော့ SawIII ဟုအမည်ရသော လူသတ်ကား၊ Horrors.of.War ဟုအမည်ရသော သူရဲကားနှင့် Chasin.Liberty ဟုအမည်ရသော အချုပ်အနှောင်နှင့် အစောင့် အရှောက်များ ကင်းလွတ်ရာတွင် နေချင်သော သမ္မတ၏ သမီးလေး၊ ထိုကောင်မလေးကို သာမန် အရပ်သား တစ်ယောက် ယောင်ဆောင်ကာ လို်က်လံ စောင့်ရှောက် ပေးရသော အေးဂျင့် တစ်ခုမှ အရာရှိ ငယ်လေးတို့၏ မြန်မာစာတန်းထိုး အချစ်ဇာတ်ကား စသောစသော ဇာတ်လမ်း ကောင်းများ Update လုပ်ထားပါကြောင်း သတင်းကောင်း ပါးအပ်ပါတယ်ခင်ဗျား။

5.12.2006

noreply@blogger.com (WaiHin) — Mon, 04 Dec 2006 21:51:00 +0000

ဝေဟင်ဟု အမည်တွင်သော ကျွန်တော်သည် လူ့လောကတွင်တော့ အသက်ရှင်လျှက် ရှိသေးသည်။ သို့သော် ပို့စ်တင်ရန်အတွက် အားယူလိုက်သော် အိပ်ချိန်ရောက်လာသည်က တစ်မျိုး၊ ကိစ္စတစ် မျိုးမျိုးက ပေါ်ပေါက်လာသည် ကတစ်ဖုံ၊ အိမ်စာများ ရှိသောက တစ်မုံ့ သို့လောသို့လော အကြောင်း များကြောင့် ဆက်လက်၍ ပို့စ်တင်ရန် နှောင့်နှေးနေသည်။ သို့ပေသော်ငြားလည်း သေချာတာ တစ်ခုကတော့ ကျန်းကျန်းမာမာနှင့် လုပ်ဆောင်စရာရှိသည် များကို လူ့ပြည်တွင် ဆက်လက် လုပ်ဆောင်လျှက်ရှိသေးကြောင်း...

မြို့ပျက်ကြီးဆီလာတဲ့ မြို့

noreply@blogger.com (WaiHin) — Wed, 29 Nov 2006 13:01:00 +0000

စိတ်လက် မအီမသာနဲ့ လမ်းသလား ဇာတ်လိုက် ပိုးမွှားတွေကြား လန့်လန့်နိုး ငှက်ဖျားတက်နေရတဲ့ မြို့ ။ ခေတ်ပျော် ကောင်မလေးတွေနဲ့ ကျုံးသာယာ ညနေခင်းတွေမှာ လေညင်းခူး ဘီယာ မသောက်နိုင်တော့တဲ့ မြို့ ။ မာတိကာမှာ နိုင်ငံတကာ ယဉ်ကျေးမှုတွေနဲ့ တောက်စား အညံ့စား မဂ္ဂဇင်းတစ်အုပ်နဲ့ တူလာတဲ့ မြို့ ။ ယဉ်ကျေးမှု အသစ်တွေရဲ့ ဗြောင်ကျကျ ရမ်းကား စော်ကားမှုကို ခံနေရတဲ့ မြို့ ။ ကူးသန်း ရောင်းဝယ်ရေးနဲ့ ရေးကြီးသုတ်ပျာ လုံးထွေး စားပြီးသား ပန်းကန် မဆေးနိုင်ဘဲထားခဲ့ရတဲ့ မြို့ ။ ချစ်သူ အချင်းချင်းတောင် ဒေါ်လာထက်ထက်နဲ့ လည်ပင်းလှီးပြီးမှ ရင်ချင်းကပ် အနံ့ခံရတဲ့ မြို့ ။ အတွင်းသားမှာ မာဖီးယား ဆန်ဆန် အပြင်နံရံမှာ ကြက်ဝိုင်း အရက်ဝိုင်း ဖဲဝိုင်းနဲ့ မီး အဝိုင်းခံနေရတဲ့ မြို့ ။ ကလင့်အိတ်(စ)၀ုဒ်တောင် ယောင်လို့ ဖြတ်မလျှောက်ရဲ့တဲ့ မြို့ ။ သူ့ လည်ပင်းက ဆွဲကြိုးကို ဖြတ်တောက် ပေါင်နှံရင်း လည်ပင်းအစ် အရှက်တကွဲ ဖြစ်ရတော့မယ့် မြို့ ။ မြစ်တစ်မြစ်ရဲ့ အဆုံးသတ် နှုတ်ခမ်းကို ဖိကပ် မနမ်းနိုင်တော့လောက်အောင် နှုတ်ခမ်း မရှိတော့တဲ့ မြို့ ။ ဖြစ်တည်မှုတွေ နဝေတိမ်တောင်နဲ့ ယောင်ချာချာ လမ်းပျောက်နေတဲ့ မြို့ ။ အေး လေ အဲသည် မြို့ ဒီမြို့ ငါ ရောက်လာတာကလည်း အများ အလိုဆန္ဒအတိုင်း တသွေးတမွေး ဖြစ်ရအောင်လို့ပဲပေါ့။

(ခရမ်းပြာထက်လူ)