365.com.mk

Три начини како да носите макси-фустан

Елена Николова — Thu, 31 May 2012 15:22:31 +0000

Во летната сезона макси-фустаните се идеалното парче облека за секојдневните комбинации. Изгледаат шик и лежерно, а истовремено во нив ќе се чувствувате многу удобно.

Лежерно

Во поладните летни денови, макси-фустанот одлично ќе изгледа со тенка кожна јакна и удобни римјанки. Носете го со кабеста чанта, во која ќе може да ги сместите сите потребни работи. Дополнете ја комбинацијата со впечатливо ланче, очила за сонце и прстен.

Безгрижно кул

Ако сакате да изгледате шик на плажа или во некое кафуле, носете го макси-фустанот со отворени сандали со полна потпетица, сламена чанта и корален накит. Додадете авијатичарски очила за сонце во комбинацијата и сите ќе сакаат да го копираат вашиот стил.

Уметнички печат

Ако сакате да му дадете уметнички изглед на макси-фустанот носете го со цветна марама, сламена шапка и едноставни римјанки. Одберете кабеста чанта во смела боја и впечатлив лак за нокти.

[Accessories 101: 3 Ways to Style a Basic Maxi Dress]

Поврзи се со 365.com.mk:

Сексот е најдобар во стабилна врска

Елена Николова — Thu, 31 May 2012 14:58:52 +0000

Луѓето што се во стабилна врска имаат најдобар сексуален живот, затоа што несебично ги делат интензивните чувства, покажуваат најновите истражувања.

За разлика од нив, луѓето што се во несреќна врска, чувствуваат голема анксиозност и поради тоа не можат да ги контролираат своите емоции. Затоа често се караат со партнерот, што доведува до лош сексуален живот.

- Резултатите од нашето истражување покажуваат дека несигурните личности имаат тенденција постојано да се стресуваат за партнерот, па дури и да го избегнуваат. Некои се анксиозни и несигурни во своите одлуки, а тоа води до нови караници – изјавил Хавиер Гомез Запјан, професор по психологија.

Тој го спровел истражувањето со цел да дознае како конфликтите во врската влијаат на сексуалниот живот. Во него учествувале 211 двојки, а резултатите покажале дека несигурните луѓе што одбиваат да се соочат со проблемите, освен што имаат полош сексуален живот, се неисполнети и во другите животни полиња.

Поврзи се со 365.com.mk:

Рецепт: Таљатели со модар патлиџан и пармезан (видео)

МоиРецепти™ — Thu, 31 May 2012 14:40:30 +0000

Италијанската храна е класично едноставна и во неа најважни се состојките. Ова е одлично јадење со тестенини кое лесно се прави со модар патлиџан и пармезан како доминантни вкусови. Тестенините не морате да ге преливате со сос за тие да имаат префинет вкус.

Во овој рецепт можете да ставите и малку лимонов сок, или пак модриот патлиџан да го замените со тиквички. Ова јадење одлично оди со чаша студено бело вино на сонце со пријателите и семејството. Уживајте!

Поврзи се со 365.com.mk:

Погледнете го Илајџа Вуд како манијак (видео)

Елена Николова — Thu, 31 May 2012 14:14:20 +0000

Актерот Илајџа Вуд ќе го замени Џо Спинел во улогата на Френк, во римејкот на популарниот хорор филм од осумдесетите години на минатиот век, „Манијак“.

Овој филм беше еден од најозлогласените во филмската историја, а беше и забранет за филмската публика во Велика Британија. Воедно, овој крвав хорор му донесе голема слава на режисерот Вилијам Лустиг.

Денес, овој филм не е ни одблизу толку страшен, а глумецот познат по серијалот „Господар на прстените“, овој пат толку необична улога, на која неговите обожаватели не се навикнати. Тој е психопат опседнат со сексуално насилство и скалпирање на неговите жртви.

Новата верзија на „Манијак“ ја режираше Френк Калфоун, a сценариото го напиша Алехандре Аја.

Поврзи се со 365.com.mk:

Се продава куќата на Ејми Вајнхаус

Елена Николова — Thu, 31 May 2012 13:46:40 +0000

Семејството на починатата пејачка Ејми Вајнхаус одлучи да ја продаде нејзината куќа во Лондон, а почетната цена на имотот е 2,7 милиони фунти.

Семејството Вајнхаус објаснило дека иако Ејми многу ја сакала нејзината куќа, тие одлучиле да ја продадат затоа што ќе им биде непријатно да живеат во неа во иднина. Истовремено, иако не им било лесно да донесат таква одлука, велат дека не е практично да се плаќаат трошоците за одржување на празен имот.

Луксузната куќа со три спални соби по смртта на пејачката служеше како прибежиште за нејзините обожаватели, кои редовно оставаа цвеќиња во дворот.

Ејми Вајнхаус почина во јули, минатата година од преголема доза алкохол.

Поврзи се со 365.com.mk:

Трендови: Tie-dyed фармерки

Елена Николова — Thu, 31 May 2012 13:07:42 +0000

Сезонава подобрената варијанта на избледени фармерки (tie-dyed) наголемо се враќа на светските модни писти, откако во минатите две сезони модните зависници целосно ја заборавија.

Станува збор за делумно поинаква варијанта, односно стандардните избледени модели се заменети со фармерки во поживи бои, а бледите делови се јавуваат во облик на различни принтови и дизајни.

Иако овој тренд е навистина интересен и впечатлив, сепак треба многу да се внимава со неговото комбинирање во секојдневниот избор на облека. Комбинациите со tie-dyed фармерки многу лесно може да преминат од креативни во костимизирани и буквално да добиете изглед на кловн.

Ако се одлучите за фармерки со откачени шари и смела боја, тогаш останатите парчиња од вашата комбинација треба да бидат минималистички. Ако, пак, сакате впечатлива маичка, одберете го најнеутралниот модел на фармерки.

Овој модел може да се обидете да си го направите и во домашни услови.

Поврзи се со 365.com.mk:

Метју Фокс тепа жени!

Дејан Велкоски — Thu, 31 May 2012 12:15:22 +0000

Синоќа, Доминик Монаган (кај публиката попознат како Чарли од „Изгубени“), на Твитер објави дека неговиот колега од серијата, Метју Фокс (Џек) тепа жени.

На молба од обожавателка, да го повика и Метју Фокс на Твитер, Доминик Монаган одговори со: „Тој тепа жени. Не благодарам“. На ова, обожавателката очигледно изненадена одговори: „Знам дека беше погрешно, но што? Што е со сите добри моменти што ги имавте заедно?“ Доминик одново одговори кратко и јасно, држејќи се до својот став: „Од каде знаеш дека воопшто сме ги имале? Не познаваш ниту еден од нас. Тој тепа жени. Не изолирани инциденти. Често. Не сум заинтересиран“.

Доминик Монаган очигледно говори за обвинувањата што против Метју Фокс ги покрена жена возач на автобус во Кливленд. Таа тврди дека Фокс ја удрил со тупаница во пределот на карлицата, бидејќи таа одбила да го врати во неговиот хотел. Обвинителството никогаш не покрена формално обвинение, а Фокс поднесе контра-тужба за клевета.

Она што е за пофалба е што Доминик Монаган, за разлика од другите славни личности на Твитер и натаму стои зад својот став, без разлика колку е тој контроверзен. Твитовите не се избришани, што обично се случува кога други актери во излив на бес ќе објават нешто, за што потоа се покајуваат.

Метју Фокс во новиот филм „Алекс Крос“

Поврзи се со 365.com.mk:

Грешки што ви ја поткопуваат врската

За Здравје — Thu, 31 May 2012 11:41:35 +0000

Ниту една врска не е идеална и не треба да се стремите кон таа илузија, бидејќи во тоа никогаш нема да успеете. Сепак, трудете се да бидете свои и не плашете се од ситни кавги, зашто тие нема да ѝ наштетат на вашата врска туку само ќе ве зближат.

Постојат одредени нешта кои го уриваат темелот на една врска, а доколку се појават и не се спречат навреме тие ќе ја уништат врската.

Хронична љубомора

Да, секако сите се согласувате со ова. Но, сепак треба да напоменеме дека љубомората не секогаш е штетна, напротив, љубомората во мали дози ја одржува љубовта и ви дава гаранција дека партнерот или партнерката ве посакува. Природно е таа да биде љубоморна кога пријателски ќе се бакнете со некоја колешка од работа или факултет, но не е природно после ова таа или тој да се налути и два дена да не разговара со вас.

Дали ви се случуваат чести караници од типот: Каде беше вчера? Кои се женските/машките гласови кои зборуваат во позадина? Повеќе ти се важни другарите одколку јас и сл. Доколку ова е секојдневие во вашата врска таа со сигурност нема среќен крај. Љубомората е како лек, во мали дози ќе ѝ годи на вашата врска, но во поголеми ќе ја отруе. Секогаш бидете отворени кон партнерот, никогаш не прекривајте работи без потреба и не давајте му причина да се сомнева.

Уште пред да ве праша одговорете му какви намери имате и љубезно објаснете за што се работи. Љубомората може да се спречи пред да стане предоцна. Хроничната и болна љубомора неповратно го руши темелот на една љубов, колку и таа да била силна на почетокот.

Недоволна комуникација

Недоволната комуникација е тивок убиец на една врска. Полека го рони нејзиниот темел и ќе дојде до точка кога нагло ќе се сруши. Ова на почетокот не е проблем, но подоцна станува проблем. Доколку немате доволно вербална комуникација со партнерот, ќе се јават сомнежи, сомнежите ќе ја повлечат љубомората, а љубомората со сигурност ќе ја уништи врската.

Секогаш разговарајте со вашата партнерка или партнер. Јавете ѝ се кога најмалку се надева и прашајте ја што било. Разговатајте подолго секогаш кога ќе имате време, а трудете се тоа да биде колку што е можно почесто. Ако почесто и подолго разговарате за пријатни работи, вашите карактери ќе се зближат и ќе се врзат се посилно. Таа врска многу потешко се прекине бидејќи секој ваш разговор ќе биде доживување и заеднички момент кој и двајцата го паметите.

Доколку сте таинствени, се гледате кратко, се слушате еднаш дневно, а сексот е само рутина која ја правите повеќе од потреба, отколку од љубов, тогаш вашата врска е дефинитивно на крајот, доколку секако не преземете нешто.

Врската станува рутина

На почетокот сè е волшебно, а подоцна сè се случува и одвивка како по шаблон. Ова на многумина им е добро познато. Тука љубовта нагло опаѓа и работите се одвиваат како да се напишани пред време. Се гледате еднаш во два дена, се слушате само за да се договорите за вечер и сето тоа се повторува и повторува, сè додека не дојде до крајот, кој е неизбежен.

Ќе нагласиме дека, иновативноста, едноставнота и креативноста се гориво за една љубов. Приредувајќи изненадувања, креативни и енергични разговори полни со оптимизам и романтичен дух, ќе ја одржувате врската на високо ниво, а со тоа и задоволството на партнерот или партнерката. Сè додека сте спремни ова да го правите ќе ја одржувате и врската, а ако сте способни постојано да го правите ќе бидете сигурни дека сте заљубени во вистинската личност.

Непочитување на партнерот

Почитта е нешто што секој човек го бара, без разлика дали е стар, млад, богат или сиромав, човекот има потреба од почит. Почитта го храни духот и го одржува витален. Доколку еден човек ужива почит, тој одржува здрав и горд дух во себе. Ништо поразлично не е и во врската.

Вие можеби сте заедно долго и имате поминато многу добри, но и многу лоши работи. Што и да се случувало меѓу вас, за врската да продолжи да опстојува, основно е почитувањето кога сте сами, но и кога сте во друштво.

И мажите и жените уживаат кога партнерот пред сите ќе им укаже почит, кога нема да дава никакви саркастични забелешки против неа или него во друштво и кога секогаш ќе го подржува при разговори во друштвото. Ќе биде спремен/а секогаш вербално да го одбрани партнерот во разни разговори и пред сè, ќе го почитува нејзиното/неговото мислење.

Доколку се одржува почитта помеѓу вас секогаш ќе имате стабилна врска и врска на која сите ќе ви завидуваат. Некои научници сметаат дека пријатели после раскинувањето успеваат да останат оние парови кои за време на врската си укажувале многу почитување. Сите овие и уште многу други работи се дел од врската, а ваше е дали ќе дозволите да се развијат и да го срушат темелот на врската, или ќе ги решите и со тоа ќе ја зацврстите врската.

Објавено во соработка со За Здравје.

Поврзи се со 365.com.mk:

Убавината на спортот (видео)

Дејан Велкоски — Thu, 31 May 2012 11:24:37 +0000

Многу често, најголемите спортски подвизи се случуваат во дел од секундата. Благодарение на модерната технологија, она што е помалку од здив за спортистите, ние можеме да го видиме во целост, во забавена снимка.

Поврзи се со 365.com.mk:

“Tether” – или што по апокалипсата? (видео)

Дарко Цветкоски — Thu, 31 May 2012 10:59:43 +0000

Ова е мистериозниот свет на Tether, пост-апокалиптичен свет во кој човештвото полека ја обновува цивилизацијата по уништувањето останато од чума. Сега мистериозни кабли паѓаат од небото, покажувајќи долго заборавен изолиран свет.

Поврзи се со 365.com.mk: