Welcome to Yaranka Hashi Ahmed website.

CIIL WALAAL MISE HIIL WALAAL?. QORAY Fahad Yassin.

2024-01-28T00:15:00.000-08:00

CIIL WALAAL MISE HIIL WALAL? Qoray Fahad Yasin.

ISMAACIL CUMAR GEELLE

Mar walba istiraatiijiyadda Madaxweynaha Jabuuti

waxay ku salaysantahay balaayo waa la iska moosaa, wuuuna awood walba galiyaa sidii Soomaaliya ay qalalaase joogta ah ula noolaan karto oo dib loogu dhigi

karo dhismaha dowlad ka caga dhigata Soomaaliya.

Markii uu Abiy Axmed bilaabay inuu ka hadlo sidee Itoobiya ku gaari kartaa badda, waxaa u caddaatay Ismaaciil Cumar Geelle inuu dad culus kusoo wajahanyahay, wuuuna dajistay qorshe sirdoon iyo mid

diblomaasi oo uu isaga leexin karo majaddan kusoo

jeeda Jabuuti, wuuuna qaaday tallaabooyin wax tar u

leh dalkiisa.

Koow: Wuxuu Itoobiya kala hadlay inuu ku qanciyo

Soomaaliya ayaan idin la qalqaalinayaa inaad wada gashaan heshiis wax kala badalasho ku dhisan oo ah in Itoobiya ay hesho bad, wana loogu baddalo Soomaaliya. Qorshahaas, wuxuu kala hadlay

Madaxweyne Xasan Sheekh, oo tallaabadaas aanan didmo ka muujinin, haddana ka cabsaday inuu horay ugu sii soda. Dabeecadda Abiy oo boobsiiska jecel iyo

dhaganka Xasan oo daahista u sifaysan baa dib u dhigay

hirgalinta heshiis dex mara Soomaaliya iyo Itoobiya.

Geelle, isagoo dareensan wagtiga sida seefta oo kale u socda, wuuu dajistay shax kale oo aad u xeel dheer isagoo ka dalbaday Madaxweynaha Soomaaliya inuu ka aqbalo in Jabuuti lagu qabto shir wada hadal Soomaaliya iyo maamulka Somaliland oo cinwaankeed yahay xoojinta wada xaajoodyadi horay usoo socday. Codsigaas wuu aqblay Xasan

Sheekh, isagoon ogayn dhagarta ku hoos qarsoon.

Dhanka kale, Ismaaciil Cumar wuxu kula heshiiyey

Itoobiyaanka inuu Xasan ku qancinayo inuu u fasaxo in

Somaliland iyo Itoobiya ay galaan heshiis ay ku helayso bad iyo dekado, qofka u saxiixayana uu nogdo Muuse Biixi, ayaga

oo haysta ogolaashaha Villa Soomaaliya. Sida caadada ah, mar walba Ismaacil iyo Muuse waa isla socdaan, cidda siran waa Muqdisho.

Wajigi muuqday ee shirka kolku dhamaaday, wuxuu

Ismaaciil hordhigay Xasan Sheekh ajandihii qarsoonaa ee

shirka loo qabtay. Wada hadal kooban kaddib, waxaa khadka telefanka lasoo galiyey Abiy Axmed oo ay Geelle isa sii ogaayeen, halkii baana loogu sheegay Abiy in Madaxweyne Xasan uu ogolaaday in Muuse Biixi uu la gali karo heshiiska badda, laakiin shuruudo dhawr ah buu wataa Xasan oo ah, inaanan Muuse la siinin maamuus dal madax bannaan iyo in heshiiskan uu horudha kaliya nogdo, heshiiska oo buuxana

lala sugo Dowladda Federaalka. Sidoo kale, inaanan lagu dhawaaqin heshiis tafaasiil xanbaarsan oo hadallo guudmar

ah un lagu soo koobo.

Markii uu Madaxweyne Xasan usoo duulay Muqdisho, Muuse

wuxuu toos u aaday Addis Ababa si wadaxaajoodka guud u

galo. Nasiib darro, heshiiskii Ismaacil dhedhexaadka ka ahaa

sidii loogu ballamay looma fulin.

Madaxweyne Xasan Sheekh ballanfurkaas waa ka carooday, waaana saldhig u ahaa laba godob; maamuuskii garoonka

Addis Ababa lagu siiyay Muuse Biixi iyo in heshiiska ay si toos ah u kala saxiideen Abiy iyo Muuse, taasoo aan waxba u

reebin Xasan Sheekh.

Codobka kale, waa in lagu soo daray erayo qeexaya in Somaliland la aqoonsanayo oo sidii dal madax bannaan loola dhaqmayo.

Sidaad wada xusuusataan Madaxweyne Xasan dhawr

maalmood ayuu aamusaa oo dhakafaar ku jiray oo marna

Geelle wacay, marna dajisanayey qaabkii uu uga falcelin lahaa

gadoodka shacabka ee cirka isku shareertay. Ilaa iyo hadda

waxaa muuqata in Madaxweynuhu lug u laaban tahay,

waxayna ka muuqata sida wali loo qaadin talaabo u qalanta

waxa dhacay.

Geelle, saddex qolaba halmar buu gool kawada dhaliyey.

Itoobiya mashruucii bad raadinta wuu ka dhiciseeyey. Muuse

Biixi, ceeb iyo fadeexad buu dhex fariisiyay, Soomaaliyana

buug iyo galalaase muddo soconaya buu ku abuuray. Tan ugu

muhiimsan waa in uu iska dadbay damacii Itoobiya oo uu

Jabuuti ka leexiyey mawjaddii bad raadinta ahayd.

Waa kuma Ismaaciil Cumar Geelle?

Madaxweynaha Jabuuti, haddii Soomalida qaarkeed u

taqaanno (Hiil walaal), waxaan anigu u aqaanaa (Ciil walaal),

waana sababahan dartood;

Koow: Dagaalka 1977dii Mudane Geelle, wuxuu hub iyo saanadba ku caawin jiray nidaamkii Mingistu, taasna wuuba

ku faanaa.

Labo: Jabhadihii arumaha ka dhigtay Itoobiya ee la

dagaallamayey dowladi Janaraal Maxamed Siyaad Barre wuxu usoo iibin jiray hubka iyo agabka ciidan.

Sadex: Shirkii Carta, waa sheeko dheer oo waqtigeeda la faahfaahin karo, wuuuse ahaa gorshe uu Geelle ku

fashilinayey istiraatiijiyad u diyaarsaday Alle ha u naxariistee

Mudane Maxamed Ibrahim Cigaal oo doonayey inuu Boorama ku qabto shir lagu heshiisiinayo walaalaha koonfureed, waxaana Cigaal ugu dhex qarsooneyd in shirkaas

ay ka dhalato dowlad midaysa Soomaali oo idil, uuna Madaxweyne ka yahay isaga qudhiisa.

Geelle oo taas ka hortagaya, ayaa doc faruuray gorshihii Hargeysa oo madadii koonfureed ka codsaday in shirka loo soo wareejiyo Jabuuti. Madaxweynihii hore ee Jabuuti Xaaji

Xasan Guuleed Abtidoon oo hawlgab ahaa tallaabadan wuu

ka carooday, wuuuna taagersanaa in Soomaalida la isku

daayo, oo shirka Ina Cigaal martigaliyey ay Jabuuti garab

Afar: Duullaanka maamulkii Tigreega kusoo qaadeen

Soomaaliya 2006dii taakulo siyaasadeed iyo mid diblomaasi ayuu Geelle la garab taagnaa Itoobiya. Xitaa madaxdii

Soomaaliyeed ee Jabuuti micinka biday wuxuu ku amray iney

dalkiisa degdeg uga baxaan.

Shan: Markii ay Kenya ku cadaadisay dowladii hore, inay dib u soo celiso kiiska Badda ee nagala dhaxeeyay, oo lagu gacansayray codsigaas, waxay abuurtay jabhado hubeysan oo

carqaladeeya amniga dhulka xuduudda ah, gaar ahaan xadka

Balad Xawo, Jabuuti waxay IGAD ka codsatay in iyada loo wakiisho xaqiiqo raadinta arrimahan. Soomaaiya way

aqbashay iyadoo aaminsan in ugu yaraan ay si cadaalad ku jirto kiiskan uga gun gaari karto. Balse Geelle wuxuu la saftay Kenya, wuuuna qariyay aqiiqdii la wada ogaa.

Xusuustaas oo idil waxaan usoo faagay, inaan hal suaal

weydiiyo Madaxweynaha Jabuuti. Intaas oo danbi iyo gabood

fal ah haddii ay taariikhda kuugu gorantahay, malaga yaabaa

inaad halmar Soomaali si bareer ah ula jirsato oo aad ugu hiilliso, waliba waxaa dalka Madaxweyne ka ah Mudane Xasan Sheekh Maxamuud oo si gaar ah kuu shinsada, kaana mudan inaad u hiiliso.

Fahad Yasin

WARQAD FURAN OO FAHAD YASIN U DIRAY HAMZE.

2023-06-07T09:34:00.003-07:00

Raisul wasaare Hamze hala gaarsiiyo warqadan.

Waa warqadii iigu yaabka badnayd uguna dheerayd ee aan Akhriyo anigoon ogayn goor oo aan dhammeeyey.

Fahad Yasin oo Warqad furan u diray Raisal Wasaare Hamza.

Mudane Ra’iisul Wasaare, waxaan kugu salaamay, salaanta islaamka ee Asalaamu Calalaykum Waraxma Tullaahi.

Salaanta kadib.

Waa fariin aan hawada kuu soo marsiinayo laba sababood dartood.

Waa tan koowaadee; waxaa tahay qof xil qaran haya, sidaas darteedna waa dhaqan siyaasadeed in madaxda loo diro warqad furan.

Waa tan labaad e; aqoon shakhsi ah kuuma lihi oo qiyaas kama haysto fekerkaada iyo hannaankaada talo dhagaysiga, sidaas baan fariin qoraalkan kuugu soo dirayaa.

Tan iyo kolkaad xilka qabatay xanta magaalada kuu taal kama mid ahan musuqmaasuq, waase kaa muuqataa inaadan waxba ka qaban musuqa geesahaaga oo dhan mushaaxaya.

Tan hore waa tallaabo aad ammaan uga heleyso ummadda, ilaahayna aad ajar uga heleyso. Waliba, waxaa dad xog ogaal ah ii sheegeen inaad diiday saami-qeybsi maalinle ah oo ka imanaya dakhliga rakaatada ah ee isbaaro madaxeedka ah ee laga qaado Jaadleyda, waliba aad tiri, xoolo xaaraan ah ubadkayga iyo qoyskayga siin maayo.

Sifada labaad ee ah inaadan musuqa waxba ka qabanin, tabar yaridaada bay sheegaysaa, waadse muujisay sidaad u karhayso xoolaha xaaraanta ah ee laga sameeyo maandooriyaha Jaadka. Eeboow na astur.

Mid kaloo farxad lehna waa lagugu arkay, oo waa inaadan shisheeye ku xirmin oo danaha qaranka aad si qarsoodi ah kala heshiinin, ilaa iyo hadeer.

Ka Dhawrsanaan-taada labadaas cudur, waxaa sabab u ah ineysan kugu jirin garoojooyin siyaado ah oo kugu kicin karo labada shahwo ee dadka haadaanta ka tuurta,; waa shahwada maalka iyo shahwada xukunka. Laabadaasba hadii lagaa baaray, wali waxaa tahay qof ka badqaba. Sidaad noqon doonto mustaqbalka mooyee, waase ducaysantahay hadaad iska ilaaliso labadaas xanuun ee dilaaga ku ah dowladnimada.

Mudane Raisal Wasaare,

Intaas aan ku joojiyo faanka aan kugula dul dhacay, ee aad moodo inaan is ilaaway. Horta maxaan rabay inaan kaala hadlo?

Ma talo siin bey ahayd?

Ma taariikhayn bey ahayd?

Ma qolo kalaan u tibaaxayaa?

Ma tawaawac bay aahayd?

Intaas midkood kaliya maahayn ee waaba intaas iyo tuducyo kale oo lagu daray.

Mudane Ra’iisal Wasaare,

Afar waddo oo taariikhda soo martay baan kaaga war bixinayaa, mid shanaadna waa taladaan ku siinayo, marka sheekada isku karis baan ka dhigayaa ee hadba intii aad uga baahato ka adeego. Haddii aad dhammaantood iska xoortana, dhamaadkaada unbaa sheegi tubtaad ku danbeyso.

Afeef:

Tusaala-yaasha aan soo qaadanayo, madaxdii dhimatay waan ka leexinayaa wixii xanaf leh, waayo qof qabri galay qalin laga daba qoray, Alle ha u naxariisto ka badan lama qori karo, hadaysan duruuf cilmi doon ah kugu kallifaynin. Laakiin sida xeerku yahay, ruux aan iska kaa qaban karin, inaad halgaaddo waa gunnimo garaadka kaa gasha. Rabiyow magantaa.

Gogol-dhig:

Geeddiga qaran ee gaarigiisa uu gar wadeenka ka yahay Madaxweynaha wuxuu jecelyahay inuu ku socdo jidkii uu sheegay inuu guusha ku gaarayo ee uu ku talagalay, ee lagu soo doortay.

Wuxuu u baahdaa inuu dhiso xukuumad hirgalisa ajandayaashaas, oo ka bilaabanaysa magacaabista Ra’iisul Wasaare soo dhisa xukuumadda uu rabo Madaxweynaha ee uu soo ballan qaaday xiligii ololihiisa doorashada ama khubaro iyo awood siyaasadeed xubno uu u kaashanayo.

Halkaas kolka la marayo Ra’iisul Wasaaraha cusub boqolkiiba sagaashan wuxuu magacaabaa siduu jecelyahay Madaxweynaha, wuxuuna dadka u sheegaa dhaqan wanaagsan maahan ninkii i magacaabay inaan hadeer magacyo isku qabsano, isagaana la doortay, marka laba ama sadex waan dhex gashan karaa, laakiin u taga Madaxweynaha.

Waxaase qalbigiisa ku jirta Baarlamaanka yaanan lagu soo celinin xukuumadda ee is gaabi.

Xilligaas Ra’iisul Wasaaraha waa nin dhaga-nugul, daacad u ah Madaxweynaha, talo walba ula noqonaya, maalinta uu dhaafo Baarlamaanka ee uu helo codka kalsoonida ilaa sadex bilood waxaa ka qaadata inuu xilalka kala wareejiyo, sadexda bilood ee ku xigtana, waxaa shaqo u noqota inuu xafiiskiisa barto, xiriirka gudaha iyo dibada kala fahmo, laba safar oo dibada ahna aado, xan badanna uu soo helo.

Dibadaha wuxuu kusoo arkaa dowlado sadex nooc kala ah. Kuwa ku yiraahda maxaad farriin nooga sidaa Madaxweynaha? Kuwa ku yiraahda waxaan diyaar u nahay inaan adiga si gaar ah kuula shaqeyno, madaxweynahaga waa qof aanan la fahmi karin, marka diyaar ma u tahay inaan miisaaniyad, xiriiro caalamka ah iyo qorshe kuu diyaarino oon wada shaqayno? Waxaa jira kuwa saddexaad oo ah dowladaha aanan fahamsanayn xaaladda Soomaaliya oo wax ajanda ahna aanan ka lahayn, kuwaasna uma dhaafayaan soo dhawoow, Soomaalida waa dad wanaagsan. Maxaan idin kala shaqeynaa oon wada qabsanaa?

Markay lix bilood u dhamaato, waxaa geesaha ka bilowdo mawjado siyaasadeed, iyo muran joogto ah, wareerka halkaas ka bilowda wuxuu salfadaa saddex sano ee u horeysa Ra’iisul Wasaara-yaasha, sanadka afraadna waxay salfataa Madaxweynaha laftiisa.

Mudane Ra’iisul al Wasaare,

Halkaas markay joogto aan kuu kala sharxo khaatumada Ra’iisul Wasaara-yaasha iyo hab dhaqankooda kala duwan anigoo adeegsanayna eray bixinno kooban oo ka turjumayso siday albaabka uga baxeen.

Gaariga ka dag adigoo aanan qallibin

Waxaa dalka soo maray Ra’iisul Wasaare-yaal diiday iney ajnabi u shirqoolaan Madxweynahooda oo dano gurracanna uga fuliyaan gudaha dawladdooda. Sidoo kale, diiday iney gorodda ka fuulaan qofkii sharfay ee shalay shaqada keenay, xitaa ka fogaaday iney damcaan darinta uu ku fadhiyo inay ka jiitaan. Waxaa usoo baxday iney muunad iyo magac ay ka helayaan iney ka xishoodaan ninkii xilka siiyey. Mararka qaar wey isku dayeen iney abuuraan jawi baddali kara xaaladda oo xilka kusii hayn kara, laakiin kolkay ku adkaatay waxay go’aansadeen iney gaariga kaligood ka dagaan si tartiib ah, iyagoo ka fogaanaya inuu wada qallibmo. Ragaas ayaan mid mid u dul istagayaa.

Dr. Cali Maxamed Geeddi:

Isagoo haysta taageerada Barlamaanka oo buuxda, waliba kaga adkaaday Guddoomiyaha iyo Madaxweynaha oo wada jira, haddana si deggan oo sahlan buu gaariga uga dagay.

Sidoo kale, wuxuu mar haystay garab istaag buux oo beesha caalamka ah haddii uu kasoo horjeesto Madaxweynihiisa, taasoo uu diiday oo uu waliba carrab kulul ugu jawaabay, kolkaas kadibna ay bilaabeen qorshihii Geeddi xilka looga tuuri lahaa.

Marag waxaa loo hayaa in Madaxweyne Cabdullaahi Yuusuf Alle ha u naxariistee uu ka shallaayay inuu nin karti leh oo misana uroonaa uu lumiyey.

Cumar Cabdirashiid:

Muddo xileedkiisii koowaad, wuxuu gaariga ka dagay isagoo haysta teegeerada beesha caalamka, lana hareereeyay madaxweynihii oo ku khasbanaaday inuu ka laabto go’aannadiisii qaarkood. Laakiin Cumar, wuxuu ku tagay si deggan oo shanqar yar, taasoo dhalisay inuu isla jagadii mar labaad hanto oo siyaasad lagula shirkoobo, waana siyaasiga kaliya ee laba jeer noqday Ra’iisul Wasaare taariikhda Soomaalida.

Maxamed Cabdulaahi Farmaajo:

Taageeradii ugu weyneyd isagoo haysta oo shacabka u mudaaharaadayaan oo la leeyahay caynaanka hay oo ha naga tagin, sidoo kalena horay usoo diiday inuu ajnabi ku caawiyo shirqool siyaasadeed lala damacsanaa Madaxweynihiisa ayuu gaariga ka dagay. Intaas waxaa dheer, waa Ra’iisul Wasaaraha kaliya ee xilka ka dagay, isagoo shardi ka dhigtay qofka ka dhaxlayo jagada oo ah ku xigeenkiisii, waana loo fuliyey ballantaas.

Waxaa xusid mudan, markii uu Farmaajo diiday faragalinta shisheeyaha waxaa lagu yiri, waxaan ku tusaynaa adigoo la isugu kaa tagay oo inta kale kula dirirsantahay.

Farmaajo ficilkiisii wanaagsanaa wuxuu ku helay inuu u dallaco Madaxweynaha Jamhuuriyadda.

Sadexdaas masuul waxaan ka dhaxalnay inuu dalkii sii socda, iyagana xushmad iyo qaddarin ku kasbadeen.

Dulmane, haddana la gaaday:

Cabdi Faarax Shirdoon (Saacid):

Waa hannaan ugub ah oo ka duwan hababkii ay ku baxeen Ra’iisul Wasaare-yaashii soo maray dalka. Isagoo daacad u ah Madaxweynihiisa, shaqadana aysan isku

qabanin, shisheeyana aanan ka raacin, dalkana uusan ka jirin qalalaase siyaasadeed oo ay tahay in lagu dajiyo, ayaa weerar gaadmo ah lagu soo qaaday, haddana laga hor istaagay inuu hortago Baarlamaanka. Sidaas baana lagu xukumay isagoo maqan.

Ra’iisul Wasaare Saacid waa sabray, waana ka tagay booskii si buuq la’aan ah, edeb iyo deggenaan buuna raaciyey oo hadal xun iyo ficil hooseeya kama daba tuurin Madaxweynihiisii.

Saaxib iyo cadow isku si ula dhaqan:

Tan iyadana waa ugub, waliba waa wada ugub. Dhalashada, dhaqanka, iyo dhamaadka.

Waa marka Madaxweynaha shaqada u wada dhaafo Ra’iisul Wasaarihiisa, wargalin iyo wada tashi kaliya ku ekaado, hagid iyo hogaamin qaran marka laga reebo, muuqaalka, gole ka hadalka iyo matalaadda hawlaha Dowladda uu si mug leh uga muuqdo Ra’iisul Wasaaraha.

Taasi waxay u qalantay inuu daacad buuxda usii noqodo Madaxweynihii soo magaacabay, haddana muuqasho iyo awood buuxa ugu daray. Laakiin, waxaa la arkay, isagoo shisheeyo la shirqoolaya, isku dayaya inuu siro dadkoo dhan, xitaa naftiisa haday ku kallifto. Marka danbana, dadkoo wada faraxsan uu kaligiis ku guulaysto inuu dhaxlo Madaxweynihii uu khayaamay. Bal yaabkan eega!

Waxaa adag inaad fahamto marka uu xumaanta kuu falkinayo, inta badan, waran-kiisu shiish maleh illeen waa nabar xatooyo ahee, ama waa gacan saddexaad. Laakiin, haddii uu kula helo waranka, wuxuu kari karaa inuu caddaymo kugu tuso in warankaas uusan isagu kugu shiishin ee ay halgaad kadis ahi kugu dhacday, ama wuxuu ku tusi karaa caddaymo aad ku qanacdo in qofka hebel la yiraahdo uu ganta gaashaanka qabtay, sidaasna ay fallaartii kuugu soo fakatay.

Kolkaasna, waxa kaliya ee kuu furan waa inaad dhibtii uu kuu gaystay aad isaga laftiisa uga tacsiyeeyso oo aad ku dhahdo waxba ha u arkin inaad igu ceeboowday, iskana ilaaw waxa igu dhacay oo waan ogahay adiga inaadan rabin, raallina aadan ka ahayn dhibta isoo gaartay. War ninku xirfad badanaa oo xariifsanaa!

Wuxuuse ku danbeyey, kaligiis inuu quusay, oo xitaa rakaabkii saarnaa doontii uu naakhuudaha ka ahaa ayaa biyaha dhinacooda tubada uga soo furay.

Mid baa igu yiri; ka warran qofka wali la jaalka ah sidaad adiguba ahaan jirtay mar?

Waxaan ugu jawaabay jecaylkiisa ninkii iiga danbeeya, neceybkiisana wuu iiga danbeyn. Waana khaatumada qofka si isku mid ah ula dhaqma saaxiibkiis iyo cadawgiis.

Ma liibaanaha lagu liibaano:

Nuucaanna wuu jiraa, waana marka damac xukun ama dantaada ah, aydnaan isku qaban Madaxweynahaaga, laakiin aad shisheeye u gacan gasho, waliba iyagoo aanan kula heshiinin intay si xun kuu dhibaateeyaan oo nafsi ah, oo laba dal sirdoonadooda ay kuu wada dhigaan shax shareed heerkeedu aad u sarreeyo, ayna ku gaarsiiyaan adigoo ka carayaya iney xogtaada bannaanka usoo baxdo aad u qabato shaqo kasta oo dumineysa dalka, dhaawac uusan kasoo kici karinna ku dhufato Madaxweynihii ku sharfay, habka aad u shaqeyneysana ay ku dhamaato inaadan adigana mustaqbal lahayn, aadna soo fulisay wax kasta oo lagaa rabay si aad lafahaaga u badbaadsato.

Noocaan waxaa la dhahaa ma liibaanaha lagu liibaano, waa marka aad dhibbane u tahay shirqool aad is aragtay inaad dhexda ugu jirto, adigoonan go’aansanin ama dantaada ku jirin, dadkuna maadama aysan haynin xogtaada rasmiga ah waxay ku wareerayaan sifada ay ku siinayaan. Waa nin rag ah oo iska celiyey hebel iyo hebel. Waa nin wareersan oonan dantiisa aqoonin. Armaaba laga gardaranyahay iyo sifooyin kale oo dhammaantood aanan xog sax ah ku dhisneyn.

Khasaaraha noo qaybi:

Waa marka aad damacdo inaad tartan la gasho Madaxweynahaaga ood iska dhaadhiciso u sharax ummadda inaad ka fiicantahay Madaxweynihii ku magacaabay, dowladdana wixii ka khaldamay aadan adiga qayb ka ahayn. Waa marka, damaca ku indha-tiro, eed ku dhammayso inaad la safato wareega labaad ama saddexaad ee tartanka qof mucaarad idin ku ahaa adiga iyo Madaxweynaha aad jallaafada la ridayso.

Jidkaan dhawr jeer baa la tijaabiyey, lagama waantoobo, lagumana guulaysto. Waa halkii Xirsi Magan ka yiri, talo xume u tag oo talo xume ka tag waa tubteydii.

Waxaan usoo joogay, iyadoo wareeggii labaad la joogo, uu Ra’iisul Wasaare xilka haya oo tartanka ka haraya wareeggii labaad oo baryo iyo shuruud hor dhigayo musharrax mucaarad ahaa oo guulaysan raba, misana warkii loogu soo koobay, dadka aan tixgalin doono baan kugu darayaa. Wallee taasoo kale cuqubo baa lagaa dhahaa. Allow magantaa.

Xamze maxaa u xal ah?

Marka koowaad dadkoo dhan waxaad uga duwantahay, adiga nasiib kuma aadan iman oo magacaaga Google lagama soo helin. Sidoo kale talo saaxiib ku yaqaanna iyo olole beeleed kumaadan noqon Ra’iisul Wasaare.

Waxaad tahay xubin Xisbiga Madaxweynaha ka tirsanaa, aqoon muddo dheer uu kuu lahaa, adigana waad soo sabirtay oo muddo xileedkii hore tabasho ayaad ku dhammaysatay, 5 sano oo mucaaradnimo ahna waad lasoo safatay hogaamiyahaaga.

Intaas adigoo xusuusto, taladaya oo kooban waa sidaan;

Koow: Sidaad u muuqato inaad sanadka dhamaaday u dhaqmeysay ku sii wad, waana sifooyinka aan kor kusoo xusay ee aan kugu ammaanay.

Labo: Rag damac kama dhammaadee, hadday kuu soo xaluulato hawo dhahaysa anna maan Madaxweyne noqdo, waa iga talee awood aadan usoo dhididin ha isku dhadhamin. Orodoo soo kifaax oo dadnimaada soo tijaabso.

Qoriga laguu dhiibtay inta ku hartay ee rasaas ah intaa u celiso ninkii iska lahaa, waliba si qurxan adigoo u sii dhaqay, si tartiib ah iridda uga siibo. Markaas kaddib, tolkaa, taladaa iyo tayadaa intaad isku darsato damacaaga usoo harjad. Hadaadse isku daydo kursi Madaxweyne baan si dhuumasho ku dafayaa, hortaaba la hollin waa ee bal tubta isku tashiga soo tijaabi.

Saddex: Shisheeye ha usoo raacin Madaxweynahaaga, marna libin kuma gaaraysid, waxaadna ku danbayn doontaa adigoo bir is moodaya inaad sidii buufinkii kaligaa u dillaacdo ama intay wax fool xun kugu sameeyaan baad hayin la hogaansado u noqon, kolkaas bay ficilladaada oo dhan wada fool xumaaanayaan. Markaad xilka weysana, shisheeye iyo sokeeyo mid ku salaama arki meysid.

Afar: Muddo xileedkii hore ee Madaxweyne Xasan ayey is qabteen Raisal Wasaarihiisa, xantii oo aanan bannaanka usoo bixin, buu aniga ii yeertay masuulkaas isagoo suuqa kasoo maqlay inaan gadoodsanahay. War dheer oo nuxurkiisa yahay, inaad ila jirsato baan rabaa oo aan Wasiir kuu magacaabi si aan ula diriro Madaxweyne Xasan Sheekh. Sidii uu war kale iiga sugayey, baan ku iri, malaha waad ilowdayee inaan kasoo gows-qabsaday Madaxweyne Xasan Sheekh waxaa saldhig u ahaa inuu adiga kuu magacaabay Ra’iisul Wasaare, hadeerna kolka dagaalkiinna qarxo anigu waxaan dib ula heshiinayaa Madaxweynaha ee haddaad talo yeeleyso, orodoo la heshii oo la saaxiib Madaxweynaha.

Mudane Ra’iisul Wasaare,

Xusuusnoow dad badan waxay Madaxweynaha ula dirirsanyihiin dartaa, maalinta aad is qabataanna, isagay la jirsanayaan. Sidaas darteed meeshaada ku qalalso, kuna qaboowso.

Deeqsinimada xadka dhaafsan iska yaree oo jagada Ra’iisul Wasaaraha u ekeeysii mid jirta oo joogta, adigoonan madaxa ku dhufanin Madaxweynahaaga.

Waan arkaa inaad saxiixday qodobo dastuurka khilaafsan oo taabanaya awoodaha xafiisyada ugu sarreeya dalka. Kuma lihi anigu sida dadka qaar, beesha aad matasho maxaad ula tashan weysay?

Waxaanse ku leeyahay iska ilaali inaad saxiixdo warqad dastuurka si qayaxan uga hor imanaysa, waayo, adigu sharci fuliye unbaa tahay ee sharci dajiye ma tihid.

Sidoo kale, ha saxiixin waxaanan kuu qalmin, calafna Illaah baad u leedahay ee cadkaad ku fadhido hana cunin, hana ceebeynin.

Nin aad kuu yaqaan oo siyaasadana aan ku jirin wuxuu igu yiri, adigoo hal asbuuc magacaaban, Ra’iisul Wasaare Xamze, inuu Madaxweynaha xanto oo uu ku nafiso waa laga yaabaa, subax inuu iska dhaqaaqo oo iscasilo waa laga yaabaa laakiin kama hor imanayo, waxbana kama diidayo Madaxweynaha.

Aniga laftayda sidaas baan kuugu duceeyey.

Fahad Yaasiin.

Lataliyihii Hore ee Amniga Qaranka

SHACABKA SOOMALIYEED OO FARMAAJO MARKALE IN UU SOO LAABTO KU DUCEYSANAYAAN.

2021-01-03T03:16:00.000-08:00

8-Febraayo-2017, waxaa hoggaanka Soomaaliya ku dagaallamay labo kooxood oo ay kala hoggaaminayeen Political Elite iyo Populist leader. Farmaajo wuxuu u taagnaa rejada shacabka iyo himilooyinkii ay qabeen, halka kooxdii Xassan Sheekh ahaayeen awoodihii kooxaysiga ee talada dalka iskaga dambeeyey tobankii sano ee la soo dhaafay.

Haddaba, Madaxweyne Farmaajo oo madaxnimadiisa ay aad u saacidday ololaha shacabka iyo qayla-dhaanta lagu doonayey in mar hoggaanka dalka uu shukaanta u qabto, waa ay guulaysatay, halkaasna waxaa ka qarxay dagaalkii u dhaxeeeyey awooddii dhisnayd ee Political Elite-ka oo hadafkoodu ahaa gorgortan, wax kala goosasho iyo geesgelinta damaca dadweynaha. Dhanka kale waxaa taagnaa hoggaan ku dhawaaqaya wixii ka guuxayey shacabka Soomaaliyeed, oo ay ugu horreyso joojinta faragelinta shisheeye, fogaynta dalalka deriska iyo kuwa Carabta ee siyaasadda Soomaalida ku milmay iyo u quusgoynta beesha caalamka.

Political Elite-ka waaga ayaa ku baryey, waxaana cirka isku shareeray aragtida Populismka. Waxaa lagala wareegay shacabkii, waxaa la bixiyey fursadihii ay diiddanaayeen oo ay ugu horreyso awoodsiinta dhallinyarada, bixinta gunnooyinka iyo mushaaraadka shaqaalaha, ciidanka iyo hay’adaha kale ee dowladda. Waxaa boorka laga jafay Tiyaatarradii qaranka, Madxafyadii iyo taalloyinkii taariikhiga ahaa. Waxaa meel walba ka shidan heesaha waddaniyadda iyo halganka. Waxaa laga jawaabay wixii Soomaalidu ay muddada dheer ku taamaysay oo ay ugu horreyso in shisheeyaha la fogeeyo, dagaal lala galo, iyadoo loogu sheegeyo danaha amni iyo xasilloonida dalka in la difaacayo.

Xasuusaha Soomaalida ee hore oo tagay waxaa lagu daray Mooshin , Gabre, beesha caalamka oo saxiixayaal ah, dhaqaale la boobay, dhul danyar oo la gatay, hardan iyo halgan ku salaysan hunguri iyo hoggaaan raadis, ugu dambaynna populistihii si xawaare sare ah ayuu ku hantay malaayiin shacab ah oo duruufaha nolosha iyo dowlad-xumada muddo deris la ahaa!

Xamar ayaan ku waraystay maalin dhawayd Askari goob dowladdeed ilaalinaya, waxaan waydiiyey war bal dowladdaan ka warran? Wuxuu iigu jawaabay ”Eebow dowlad sannadka ugu dambeeyo mushaar bixineyso, in ay tagto khalad waaye”. Wuxuu ii sheegey in dowladihii hore midda ugu yar uu ku leeyahey siddeed bilood oo mushaar ah.

Kooxdii kale ee Elite-ka ahayd waxaa u soo haray halgan ku dhufo oo ka dhaqaaq ah, kicin qabiil iyo abaabul reer hebel. Waxay la’yihiin hal aragti oo macquul ah oo ay hoggaanka populistaha ah kaga reebtaan shacabka uu la tagay. Aragtida kaliya ee ay aamineen in ay hoggaankaan ku baddeli karaana waa kaarka qabiilka iyo qabyaaladda, ”innagaa la inoo jeedaa, waxa aan haysanno aan ku fara-adeygno, yaan been laguu sheegin. ugu dambayn fagaarayaashii dooddaha, cilmiga iyo akhlaaqda siyaasadda lagu lafo-guri lahaa, waxaa hareeyey Galdogob, Gedo, Buuhoodle iyo Badhan ayaa laga soo duulay. Waa aragti ciriiri ah, jaban oo aan gadmayn. Waa hilin liita oo mar kale awoodsiin kara hoggaanka Populistaha in uu talada dalka sii hayo.

Haddaba maxaa Garoowe ka dhacay?

Heritage waxay soo aruurisay political Elite-kii aan shaqo la’aanta noqon jirin xataa lix bilood, kol ay xukuumad ridaan mid kale na dhistaan, kol ay qandaraas iyo mashaariic qaateen iyo kol ay dowlad iyagu leeyihiin hirgeliyaan, taas oo aan ka jawaabayn baahida shacabka bal se ka jawaabaysa baahida kooxda siyaasadda (Political Elite-ka).

Kooxaha siyaasadda waxaa kale oo ku dhacay, baqdin iyo kala shaki dhexdooda ah, is—aaminaad la’aan, damacooda oo iswada diiddan, doodda shacabka oo ay ka baqayeen, ugu dambeynna waxaa meesha ka baxday in ay helaan aragti ballaaran iyo hiraal togan oo ay dadka Soomaaliyeed ku tusaaleyn karaan hadimada ay ku noolyihiin, wax muuqdo oo la taaban karana Panel-ka doodda keenaan. Xataa wax kale iska daayoo su’aalaha kuwa wax waydiinaya iyo kuwa la waydiinayaba iyaga ayey ahaayeen, halka shacabkii laga dhigay daawadayaal aan doodda waxba ku lahayn!

Sababta shacabka Makarafoonka looga fogeeyey , waa in ay ogyihiin in bulshadu taageero badan u hayso nidaamka Farmaajo, su’aalahooduna noqon doonnaan kuwa adag oo kooxaha siyaasad Cadaab iyo dhimbil dab ah ku ah!

Ugu dambeyn Machadka nuqullada war-murtiyeedka ah ee ka soo baxay waxa uu noqday ”Shimbarayohow heesa, hees wanaagsan heesa, halkan soo fadhiista”!!

TAARIKHDA HALYEYGA SOOMALIYEED HADRAAWI BY FAHAD YAASIN.

2021-01-01T22:24:00.002-08:00

Nasiib-xumo wali lama’aanan kulmin Hadraawi, waxaanse lakulmay aqoon-tiisii, gabayadadiisii, iyo xikmadihiisii. Waxaan dhawaan helay cajalad maqal iyo muuqaal ah oo uu ku duubay gabaygiisii dheeraa ee Daba-Huwan, intaan xusuusanahay horudhaca gabaygaas, waxaan dhagaystay ilaa 9. jeer, waana hubaa inaanan wali ka bogan, waana sababta igu dhalisay inaan maqaalkan qoro.

Hadraawi waa Abwaan gabay-aqood ah, waa aftahan hadal abuur ah, waa Faylasoof mustaqbalka eeg ah. Intaas uu yahay, waxaa qarineysa inuu Soomaali ka dhashay, waan hubaayo hadduu dad aan Soomaali ahayn ka dhalan-lahaa sida uu maanta yahay ma’ahaadeen, oo maxaa ka maqan?

Falaasifada dalalka kale u dhasha magacooda meel dheer ayuu tagaa, waxaa la gaarsiiyaa iney iyagu yihiin hormuudka nolosha oo dhan.

Soomaalidu waxay taqaan, ama wax u ogoshahay oo kaliya kuwa Siyaasada ku jira, dunida aan maanta ku nool-nahay falaasifada ayaa hagta. Taariikhaha nasoo maray oo dhan yaa hormuud u ahaa? Dhamaantood waa faylasoofyo wadamadaas u dhashay, qaarkood shar ayey soo kordhiyeen, qaarna khayr ayey soo biiriyeen.

Nin-karmeedka Soomaali ka soo dhex-baxa iyaga ayaa nolol dila, halkuu horay usocon-lahaa iyaga ayaa curyaamiya, marka uu noloshooda tala ka siiyo adiga maxaa kaa galay bey dhahaan.

Waxay u qabaan, waxaad cunto oo kaliya hadaadan ka fakarin ee danaha dadka kale marwalba ka hadasho inaad tahay manoolo aan dantiisa aqoon.

Ilam’adeer isma indha buuxiso. Naagi nimay taqaan nin ma mooda. Dantaada harag eeyna waa loogu seexdaa. Naftiis gabo mid kale makal-kaalo. Meel il laga la’yahay hadaad tagto adna ilbaa la’istiraa.

Intaas oo maah-maah ah iyo kuwa kale oonan xusuusan waxay muujinayaan sida dhaqanka Soomaaliga ay ugu jirto ninwalbow dantaada ku’ekow, tan dadka kale waxba kaama galinee.

Hadraawi wuxuu tusaale u yahay halka ay Soomaalidu dhigto ninka ka soo dhexbaxa. Idaajaa ayaa booqday Maraykan-ka, xaflad ay Soomaalidu lahayd oo ay quursiga uga hadlayeen ayuu ka qayb-galayey, nin oday ah buu usheegay inuu halkaas usocdo, wuxuu ku yiri: Kuwaasi hadal unbey hayaanee faraha ka qaad, oo waxaas wakhtiga ha’isaga dhumin.

Awjaamac Cumar Ciise ayaan bari ku soo qaaday sida ay Soomaalida u xushmeyso raggeeda wax ku oolka ah, kolkaasuu qiso iiga sheekeeyey, wuxuu yiri: Qarnigii hore, dhamaadkii afarta-meeyadii ayaan tuulo tagay, gabayadii Daraawiishta nin hayey ayaan doonayey, laba odayoo meel fadhida ayaan ku iri hebel xagee daganyahay? Oo maxaad ka rabtaa ayey dhaheen?

Gabayadii Sayidka inuu hayo baan maqlay marka inaan ka qorto ayaan rabaa, ayuu ugu jawaabay, gurgiisii ayey ii tilmaameen, anoon ka dhaqaaqin ayey iyagii isweydiiyeen, tolow muxuu ku falaya gabayadii Sayidka? Oo maxayse u tarayaan? Kii kale ayaa ujawabay oo yiri: Malaha wuxuu rabaa Makhaayada magaalada inuu shaah kaga cabo.

Hadalkaas adigu dhuux oo ka garo heerka aan ka joogno qiimeyta dadka daneeya taariikhdii umadan.

Waa suurowdaa inaad ku doodo, ninkaasu baadiye ayuu joogay, jaahilna waa’ahaa, ee dadka heerkaas mawada ahan. Awjaamac isla sheekadii isagoo ii wada ayuu yiri, sanadkii 2002 ayaan maalin salaamay nin ganacsade ah oon isnaqaanay, buugaagta aan qoro ayuu iga waraystay, waxaan u sheegay inaan mar dhaw soo saari-rabo buug yar laakiin kharashka ku baxayo uu noqon-karo Afar kun oo Doolar, inta qoslay ayuu yiri: Oo adeerow markaad Afar kun buug xun galinayso maad ku ganacsatid.

Awjaamac wuxuu yiri: Hadalkaasi wuxuu isoo xusiisiyey kii aan lakulmay qarnigii hore.

Awjaamac Cumar Ciise wuxuu maanta mudnaa inuu bilad sharafeed ka helo bulshada Soomaalida illeen isaga ayaa u badbaadiyey qayb mug leh oo kamid ah sooyaalkii dalkan. Taasi ma dhicin, mana muuqato iney soo socoto.

Hadraawi waa uu ka soo guuray Yurub, sababtii uu uga soo guuray isagoo sharxaya wuxuu yiri: WAAN ISWAAYEY. Waa hal jumlo oo yar, laakiin macanaha ay xanbaarsan-tahay buugaag laga qori karo. Isla Hadraawi ayaa fasiray macnaha eraygaas. Markii aan Soomaaliya joogay ee aan laamiga soo istaago dhawr gaari ayaa ku diriri-jirtay sidii ay ii qaadi-lahaayeen, markiise aan Yurub tagay waxaan is arkay Hadraawi oo wado qabow badan taagan, baabuurtuna dhaafayaan, iyagoon aqoonin ninka laamiga taagan dad ninkuu kayahay. Wuxuu ula jeedaa gurgaaga hooyo ayaad sharaf ku leedahay.

Yaanan shacabka Soomaalida oo dhan ku xad-gudbin, oo ixtiraam iyo qadarin wey u hayaan raggooda wax ku oolka ah, waxaanse canaanta u dhigayaa halkii la rabay wali ma’aysan gaarin.

Hadraawi

Horadhaca gabayga Daba-Huwan wuxuu Hadraawi ku sheegay inuu muddo dheer ka fakaray mushkilada umadiisa haysata sidii xal loogu heli-lahaa, wuxuu aad u dhaleeceyey in ragga talada haya loo arko iney iyaga un mushkilada tahay, oo hogaamiye-hebel haduu meesha ka baxo in loo maleeyo iney wax hagaagayaan. Wuxuu qabaa hadaan fikrada wax lagu maamulayo la badalin, hogaan la baday ineysan isbadal keeneyn.

Xalka uu hayo markii uu ka hadlayey wuxuu sheegay in Soomaalida dhaqankeeda, diinteeda, iyo waxa lagu maamulo aysan islahayn, wuxuu qabaa haddii aan Diinta Islaamka loo soo laaban inaan wax horumar ah la gaareynin, xalna laheleynin.

Taladiisu waxay tahay kitaabka quraanka ah in lagu dhaqmo, maxaayeelay buu yiri: Quraanka aduun-yada ayaa loo soo dajiyey ee aakhira kuma saabsana. Waa sharcigii isku xiri-lahaa anaga iyo nolosha, haddiise aan islaam-nimada ku soo koobno salaad iyo sooon, inta kalana aan ka tango, dhibta aan ku jirno laga bixi-maayo.

Hadraawi nolol kala duwan ayuu soo maray, dhacdooyinkii Siyasadeed ee dalka ka dhacay intooda badan saamayn ayuu ku lahaa, hadase waxaa muuqata inuu gaaray xaqiiqadii dhabta ahayd, su’aashuse waxay tahay, dadka Soomaaliyeed ee uu ka dhashay ma ku raacayaan xaqiiqadaas?

Fahad Yaasiin Xaaji Daahir | fahadsom@hotmail.com

SomaliTalk.com | Nairobi, Kenya | Aug 29, 2005

XABIIBUL MALAAYIIN MADAXWEYNE FARMAAJO OO U HAMBALYO U DIRAY XULKA BANAADIR.

2020-12-31T10:43:00.000-08:00

MADAXWEYNE FARMAAJO OO U HAMBALYEEYEY XULKA KUBADDA CAGTA GOBOLKA BANAADIR

Muqdisho, Diseembar 31, 2020; Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa u hambalyeeyey Xulka Kubadda Cagta Gobolka Banaadir oo ku guuleystay Koobka Tartanka Dowlad Goboleedyada Dalka oo ka socday Caasimadda Muqdisho intii u dhaxeysay 20-kii ilaa 31-dii bishan Diseembar 2020.

Madaxweynaha oo bogaadiyey Xulka Dowlad Goboleedka Galmudug oo soo gaaray ciyaarta kama danbeysta ah, ayaa tilmaamay in ciyaartoyda, Macallimiinta iyo Maamulka Kubadda Cagta ee Galmudug iyo Gobolka Banaadir ay muujiyeen xirfad sare, isku xirnaan iyo dadaal ballaaran.

“Hambalyo dhammaan laacibiinta, Tababareyaasha, Garsooreyaasha, Taagereyaasha iyo guud ahaan bahda ciyaaraha Kubadda Cagta ee ka qeyb qaatay Tartanka Dowlad Goboleedyada dalka iyo Maamulka Gobolka Banaadir. Dhammaan waxay soo bandhigteen ciyaar wanaag, xirfad sare, biseyl iyo sida aad dalkeenna ugu matali kartaan fagaareyaasha caalamiga ah ee kubadda Cagta.”

Daawashada ciyaarta waxuu Madaxweyne Maxamed Cabdullaahi Farmaajo uu ku maamuusay qaar ka mid ah Xidigihii Kubadda Cagta ee ka tirsanaa Kooxihii Horyaalka dalka ee Horseed, Jeenyo iyo Minishiibiyo.

Madaxweynaha Jamhuuriyadda ayaa bogaadiyey qabanqaabada iyo hannaanka maamulka Koobka ee Wasaaradda Dhallinyarada iyo Ciyaaraha XFS, Xiriirka Kubadda Cagta Soomaaliyeed iyo Maamulka Gobolka Banaadir oo si mugleh isaga kaashaday qabsoomidda tartankan.

Madaxweyne Maxamed Cabdullaahi Farmaajo ayaa si gaar ah uga mahadceliyey Ciidamadeenna Geesiyaasha ah ee habeen iyo maalinba u taagan amniga dalka, gaar ahaan inta uu socday Koobkan oo ay ka soo qeyb galeen dhallinyaro iyo masuuliyiin Soomaaliyeed oo ka socda Gobollada dalka.

DHAMMAAD

Wixii faahfaahin ah, fadlan kala xiriir;

Cabdirashiid Maxamed Xaashi,

Xafiiska Warfaafinta & Xiriirka Warbaahinta,

Madaxtooyada Jamhuuriyadda Federaalka Soomaaliya

E-mail: media@presidency.gov.so

Twitter: @TheVillaSomalia

Flicker: https://www.flickr.com/photos/vilasomalia/

Facebook: https://www.facebook.com/VillaSomaliaOfficial/

Youtube:https://www.youtube.com/XafiiskaWarfaafinta/

Instagram: https://www.instagram.com/villa.somalia/

HALKUDHIGYO XIKMAD BADAN BY SH MUSTAFE XAAJI HAARUUN.

2020-12-30T22:09:00.002-08:00

Hal Ku Dhigyada Cajiibka ee Sheekh Mustafe Xaaji Ismaaciil Haaruun qaar ka mid ah hoos ka akhriso:-

" Luuqada Soomaaligu Waa Af Muslim, Waa Af-diin iyo Dadnimo-ba Xambaarsan ".

1-| " Aqoonyahanku wuxuu aqoonyahan yahay markuu Rabbigiina yaqaano , Aakhirana yaqano addunkana uu isbedel ka samayn karo. "

2-| " Dhalasho wacan markaan leenahay taas macnaheedu waa sanad baan xabaasha u dhawaaday taasi ma wax lagu farxa. "

3-| " Inaad noqoto qof hami leh, han leh, hiigsi leh, oo hiraal u muuqdo waa lagama marmaan."

4-| " Dad baa dibadda ka qurux badan, guriga markay soo galaana bahal aah , qofka aad nolosha isgu darsateen iyo caruurtad dhashay inaad ku xumaato , dibadana nin fican oo laga yaqano hebel la yidhahdo noqotid wax fican ma aaha ."

5-| " Dunida dadka isdila iyaga ugu badan reer galbeedku , meeday barwaaqaada ay sheegaayaan? "

6-| " Aqoonyahanku hadu noqdo qof la ibsan karo suldanadu iiibdan karto, dawladuhuna laaluushi karan aqoonyahan ma-aha " .

7-| " Gool baa la dhaliyeey maxay noloshaada ku soo kordhisay. "

8- | " In Hooyo la noqda waxay ka Qurux badan tahay inaad noqoto injineerad " .

9-| " Nin walba qabiilkiisa inta la dulmiyaay buu ogyahay, laakin se ma oga intay dulmiyeen ee aay Akhiro u direen."

10-| " Quraanka haddii aad akhrido ; qof Rabigii u waraamayo ayaad tahay bal qiyaas Rabiga oo kula hadlaaya oo ku waramaaya."

11-| " Luuqada soomaaliyeed waa af Muslim, waa af diin iyo dadnimo ba xambaarsan ".

12- | " Meesha Qiimaha leh ee u baahan inaan u shaqaysano waa Aakhiro ".

13-| " Haddaad rabto dadka in caqligoodu ku aqbalo , waxa ka horeeya qalbigooda inad furto qofkaad qalbigiisa furi kari weydana caqligiisana ma furi garaysid ; qalbigana waxa lagu furaa jacayl , naxariis iyo hadal wanagsan " .

14-| " Waxa laga yaaba inad sacado badan ku bixiso iskuulka, yaad saaqidin oo ka waran maalinta qiyaame haddad saaqido maalinta aan saaqidnimo ka weeyni jirin. "

15-| " Dadka kuwa ugu hantida badan

Aya aah kuwa ugu hurdada yar ".

16-| " Hadday jannadu tahay meesha qofka logu nimceenayo , caddabtuna ay tahay meesha qofka lagu ciqabayo ; Addunyaduna waxay tahay meesha qudha ee laysgu imtixamayo " .

17-| " Ilmaha inaad Guri uga tagto waxa ka qiimo badan inaad Diin uga tagto, inaad dhaqaalo u samayso waxa uga qiimo badan inaad isaga qof ka dhigto jira oo nool oo Muslim ah. Haddii uu qof Muslim ah noqdo oo Naftiisa ku kalsoon meel uu seexdo iyo wax uu cuno isagaa raadsanaayo."

18- |" Jamacaada baan ka baxay , shahaadan qatay , shaqo fiican baan heelay war waad tagaysaaye waxaas oo dhan waa maalmo , maalin ama maalin badhkeed ayay nolosha oodhan kula noqon marka qiyamaha lagu weeydiyo, oo nolosha maa maalin badhkeed bad dooratay marka."

Dadka kale sii gaarsii.

Xigasho:- Mustafe Janaale

MADAXWEYNE QOORQOOR, HALYEEY SHACABKA SOOMALIYEED AMAANEEN.

2020-12-30T15:00:00.005-08:00

Madaxweyne Qoor-Qoor caawa meel fagaare ah ayuu marqaati kafuray wuxuuna sheegay arinka Gobolka Gedo in laga heshiiyay waliba iyadoo labada dhinac ay kafadhiyaan Dani iyo Ahmed madoobe oo islahaa su'aashaas jawaabteeda wuu kawareegsan doonaa Madaxweyne Qoor Qoor-Qoor.

Arinka 2aad ee Madaxweyne Qoor-Qoor caawa uu kugaraacay Dani iyo Ahmed Madoobe wuxuu ahaa su'aashii sadexdooda lawada waydiiyay ee ahayd sidaan soo socota.

Suurtagal matahay inaad katanaazushaan arinka ah Madaxweyne Maamul goboleed oo Somaalidu dhibsatay isla markaana la idinkugu yeero wax kaduwan?

1: Siciid Dani lagama yaabo ayuu yiri.

2: Axmad Madoobe Dani ayuu laqabaa.

3:Ahmed Abdi Kaariye way ila quman tahay in arinkaas labadalo oo lasoo celiyo haybada Madaxweynaha Qaranka .

Caawa aqoon horleh ayaa iiga korortay Madaxweyne Qoor-Qoor.

#JournalistHanadAbdi

SHALAY MAANTA KU ILOOW, MADAXWEYNIHII UGU HOREEYEY....

2020-12-30T14:33:00.000-08:00

Mudo xilleedkiisi koowaad, wuxuu dhammaaday iyadoo aan hal Askari iyo hal qof oo shaqaale dawladeed ahi aannu bil keliya bilaa mushahar noqon.

Ka hor Mudo xileedkiisa koowaad, Askarta oo aad u yarayd, xiligaasi oo mushaharkoodu ahaa $100 oo keliya waxaa ka maqnaa 9 bilood oo mushar ah.

Dhammaadka mudo xilleedka koowaad ee Farmaajo tirada askarta waxay korodhay in ka badan 65% halka Musharkooda uu kordhay 130% kaasoo noqonaya $230.

Qorshaha mudo xilleedkiisa labaad, dhammaadka 2021 ayaa ah in mushaharka Askariga la gaadhsiiyo $500.

Farqiga Shalay iyo Maanta, sidee kula yahay?

SHEEKO: GARO OO KA FAAIDEYSO AWOODAHA RABBI KU SIIYEY.

2020-12-28T01:24:00.003-08:00

Xawaaraha Xayawaanka Deerada ama Coowsha la yiraahdo wuxuu gaarayaa Sagaashan kiilomitir Saacaddiiba (90km/h). Halka Xawaaraha Libaaxuna gaarayo 58-kiilomitir Saacaddiiba (58Km/h)

Sida muuqata Deeradu way ka orod badantahay Libaaxa, haddana mar waliba oo uu eryado si fudud ayuu ku qabtaa oo ku ugaarsadaa.

Haddaba waa maxay sababtu? Taas waxaa u wacan labo arrin oo isbiirsaday:

❶ Libaaxa oo ah noole aaminsan awoodda Alle siiyay, aanna ka laba-labeyn kana rumeeya go'aanadiisa.

I❷ Deerada oo iyadoo isbarbardhigeysa awooddeeda iyo tan Libaaxa, fikir xun ka qaadatay nafsaddeeda, aamintay in aysan Libaaxa ka fakan karin.

Sidaa aawadeed marwaliba dib ayay soo eegtaa si ay u eegto ama u fiiriso in uu Libaaxu qaban rabo iyo in kale, dib-eegistaasi wuxuu dhimayaa xawaaraheeda, wuxuuna Libaaxa u suuragelinayaa in uu qabto Deerada.

Haddeysan Deeradu gadaal eegin, Libaaxa uma suura gasheen in si fudud u ugaarsado.

Haddaba sheekadaani maxay inna bareysaa?

❶ Garo oo ka faa'ideyso awoodaha uu Alle ku siiyay.

❷ Dib ha u milicsan oo iska halmaam maalmihii madoobaa ee kusoo maray, hana ka warwarin waxa soo socda Mustaqbalka.

❸ Haka laba-labeyn go'aannada aad qaadato, lana tasho Alle iyo Axsaabta aad ku kalsoontahay.

❹ Si aadan u yasin naftaada, noloshaada ha u barbar-dhigin nolosha dadka kaa sareeya, ogoowna in aad ka nolol ficantahay malaayiin qof.

Fadlan like saar page kaan Walaal adigoo Mahadsan Share dheh oo la wadaag walaalaha kale si ay u aqriyaan qoraalkan.

✍ Qalinki: H Sabriye.

👍mahadsanid

MADAXWEYNE FARMAAJO: WALAAHI SOOMALI MA YAAQANAN.

2020-12-21T02:51:00.003-08:00

MADAXWEYNE FARMAAJO

Madaxweyne Mohamed Abdullahi Farmaajo oo Qudbad shacabka soomaliyeed qalbiyadooda dhaqaajisay jeediyey, ayaa u sheegay in soomali aysan cadawga aqoon. Waxuu yiri:

"Waxaan uga Digayaa Wadamada iyo Shirkadaha shisheeye, in aysan ku xadgudbi karin qaranimada iyo midnimada soomaliyeed, Waxaa laga faa,ideysanayaa Qeybsahaanshaheena, in aan qeybsanahay ayey ka faa,ideysanayaan.

Waxey ka faa,ideysanayaan tabardarideena. in aan tabardaranahay bey ka faaideysanayaan.

Laakin walaahi Mayaqaanin soomali, Soomali ma yaqaanan.

HOOSE KA DAAWO VIDEOGA OO DHAMEYTIRAN.

MURUGADII DULEEDKA KISMAAYO WARIYAHA KUSOO ARKAY.😢

2020-12-20T18:15:00.003-08:00

Waxaan Filaa Adigane inaadan Ka Mid Noqon Tobanaanka Xaasidiinta ah Ee Umadda Masaakiinta ah Ee Daruufta Ciishay Aan U Naxariisan Ee Danta Uga Faa`iideeysta

Sida Kuwa Odeygaan Maskiinka ah Ee Hadane Waayeelka ah Qowsaar inta Ka dhigtay Markii Uu Sodonka Maalmood U Raacay Xoolahooda Lacagtiisa Kula Meereystay. Kismaayo .😭😭

Waa 90" jir Duleedka Kismaayo Labaatan Kun Shilin Soomaali Xeeyn Ari ah Dadka Halkaa Dagan Ugu Raaco Ax Ax Aaway Naxariistii😢

Waa Awoowe Aad U Tabaaleysan Qol Ku yaallo Waqooyiga Magalaada Kismaayo Oo ah Xaafad Kaama dambeyso Ayeey Wadagan yihiin isaga iyo Xaaskiisa Oo ayadane Aan Ka Cimri yareen

Maxeey isku Ballansadeen Lamaanahan Waayeelada ah Ee Daruufta iyo Waayaha Ka Hiiliyeen Oo Aan Haysan Dad iyo Duunyo ay Ka Laab dagsadaan

Waxeey isku Ballansadeen Labadeena Keena Hor geeriyooda Kan Ka dambeeya Ha Duugo

Waxaan Aroor Walba Raacaa Xeeynta Ariga ah Dadka Waxeey Bisha isiiyaan Labaatan Kun Shilin Soomaali ah Wax ay igu tarto Ma jirto Daruufta ayaa igu Khasabtay Noloshaan Aan Ciirsiga laheyn

Waxaa Taas iiga daran Reeraha qaar ayaa Lacagta igu dhiba Aan isiin Nolol Kale Aan Tan Kaga Maarmo Ma leh.

Maalin Aniga Oo Geed Laamo Uga Soo guraya Xoogaa Ari ah ayaa Laan Geedka Ka soo fakatay isha iga Gashay Xitaa Qori ayaa iiga galay isha Waa ay i Cadaatay Lacag Aan isbitaal Ku Aado Waan Waayay Hadd Qeeyb yar Ayaan Wax Ka arkaa

Waayeeladan Silaca iyo Darxumada Ka Muuqato Ogow Waa Dad islaam ah Waxa Aan Isxaanka U Sameeynin Waa Dad ayagane islaamnimo Sheeganaya

Wareysi Murugo badan Oo Aad U dheeraa ayuu Siiyay Televusionka Universal Runtii Waa Aanyan daro

Umaddii Samaliyeed Ee Muslmiinta ahaa Waxaa Hal Mar Ka guuray Naxariistii

Samafalkii Ixtiraamkii Wax isa siintii

Qof Walba Oo Kismaayo Jooga Somaliya jooga Waxaa Waajib Ku ah in Dadka Tabaaleysan Laga War qabo

Haddii Wax Un U Aad Awoodo fadlan Kala Xiriir Tiviga Universal Xaruntiisa Kismaayo Wax Kale Haddaad Weeyso Fadlan U Share garee Walaalaha Kale Ee Wax haysto Ha U gurmadaan😭😭😢👇

ARAGTIDA LABADA KINIINI (Theory of blue pill red pill)

2020-12-20T17:12:00.004-08:00

ARAGTIDA LABADA KINIINI

(Theory of blue pill red pill)

Erey-bixinta labada kiniini (Kiniinka Casaanka ah iyo Kiniinka Buluuga ah) waa erey-bixin siyaasadeed oo casri ah. Waa ooraah laga dhaxlay filin Mareekan ah (Science Fiction) oo la yiraahdo (The Matrix), kaas oo la dhigey sanadkii 1999-kii. Wuxuu ka hadlayaa caalam uu qofku indhihiisa ku naqshadeysanayo muuqaalka uu jecel yahay in uu yeesho, taas oo ay suuragal tahay in ay ka xijaabto xaqiiqada. Aragtidu waxay tilmaamaysaa in nolosha ay qofka ka dhigeyso cabiid aanan adeegsan karin dareekiisa arag, dhadhan, ur iyo taabasho. Si haddaba qofku uu u haleelo ahaanshihiisa, wuxuu u baahan yahay in uu qaato labadan kiniini midkood. Labadan kiniin waxay astaan u yihiin faham falsafadeed oo midkood yahay la-noolaanshaha waaqica xaqiiqada xanuunka badan, midka kalena yahay ku noolaanshaha wahmiga macaanka badan oo ay farxaddu dheehdey laakiin runt aka fog.

Fahamku waa mid la xiriira cilmu-nafsiga iyo dadka u-iilashadooda kala duwan ee wejiyada nolosha. Kiniinka casaanka ah waa mid shidan oo nafsadda qofka ku kordhinaya faham iyo indha-furnaan. Kiniinka buluuga ah ayaa isna ah mid dansan oo nafsadda qofka ku riixaya garasho-xumo iyo indha-la’aan. Tusaale-dhig, haddii qof la weydiiyo midkee ayuu dooranayaa, xaqiiqada kharaar oo lagu xoroobayo mase wahmiga macaan oo lagu gumoobayo. Waxaan shaki ku jirin in qof-walba uu dooranayo xaqiiqada kharaar oo lagu xoroobayo. Laakiin meetafiisikada nolosha ayaa isku-khaldaysa xisaabta wax lagu kala dooranayo. Sidaa-darteed qofkii aanan si dhug leh u raadin dhacdooyinka iyo sababahooda, isla-markaas aanan si hufan u taxliilin natiijooyinka, qofkaasi wuxuu maxbuus u ahaanayaa caadifadda indha-la’ oo kuwo lamid ah ay kaga danaysanayaan.

Labada kiniini waxay ka dhigan yihiin labada fikradood oo dadka ama bulshooyinka ay kala qaataan marka ay la tacaalayaan mushkiladaha ay kala kulmayaan waayaha nolosha. Labadaas waddo ayaa midna ay u muuqataa mid raaxo iyo macaan laga helayo, laakiin been ku dhisan. Midda kalena mixnad iyo culeys ayay wadataa, laakiin run ayay ku dhisan tahay. Sidaa darteed, aragtida waxay xoojineysaa fahamka, waaqica xaqiiqada ah ee xanuunka badan ayaa wuxuu ka wanaagsan yahay nolosha khayaalka ah ee macaan.

Haddii aad qaadato kiniinka casaanka ah, waxaad raacaysaa waddada loo maro fahamka caqli-galka ah iyo fikiradaha laga dhaxlay tijaabooyinka cilmiga iyo natiijooyinkooda la hubo. Aragtida kiniinkan casaanka ah waxay ku caan tahay doorashada manhaj qeexan iyo waddo loo maro oo mixnadeysan, kuwaas oo ogaalkooda laga sugayo natiijo guul xaqiiqo ah.

Kiniinka bluuga ah, waa aaminaad fudud oo aan dhaliil lahayn iyo go’aan-qaadasho caadifadeysan. Waa kiniini qofka qaata uusan heleyn manhaj qeexan, isla-markaas waa waddo mixnadeysan oo qofka maraya uusan dareenkeeda lahayn. Waxaa laga sugayaa natiijo guul ah, laakiin aanan xaqiiqo ahayn.

Kiniinigan buluuga ah, wuxuu yahay fikrad lagu gumeysto ummadaha. Siyaasadda carri-edeg ee dowladaha waawayn ayaa qaybinta kiniinigan soo bilaaba. Iyagu waxay u adeegsadaan la-tacaamulka dowladaha soo koraya oo ay ku suuxiyaan. Sidaas si lamid ah ayaa dowladaha adduunka saddexaad, ayaa iyaguna kiniinigan ku suuxiya shucuubtooda. Kiniinkan sida uu khatar ugu yahay fahamka qofka, si-lamid ah ayuu khatar ugu yahay fahamka bulshada. Waa kiniin (aragti) bulshada siinaya raaxo, amaan iyo xasillooni. Bulshada kiniinigan qaadata waxaa nolosha kaga baxa kharash aad u badan. Bulshadaasi ma-noqoto mid oggolaanaysa in lagala doodo manhajka khaldan oo ay ku salaysay noloshooda. Waa bulsho suuxsan oo xubnaheeda maahan kuwo dareemaya dhibaatada ay ku sugan yihiin iyo kharajka kaga baxaya culaabta garbaha u saran. Fahamkaas khaldan oo ay aamineen maahan mid iyaga keliya luggoynaya, bal luggooyadu waxay u gudbeysaa caruurtooda.

Qof-walba oo doonaya qof uu ka garaad sareeyo am aka aqoon-sareeyo amaba uu ka awood badan yahay ee doonaya in uu dhiig-miirto, wuxuu siiyaa kiniinigan buluuga ah. Dadka kiniinkaas qaata, waa kuwo mar-walba u ban-baxa caabuqyo halis ah iyo khataro is daba-joog ah. Waxaa daah ka saran-yahay natiijooyinka aqooneed ee fasiraadda u ah sababaha xanuunnada. Fikrado ay naqshadeeyeen dicaayado been ah ee caadifadda taabanaysa ayaa bulshada lagu faafiyaa. Kiniinigan ayaa wuxuu dadka ka dhigayaa kuwo aqbala sheegashooyin aanan xaqiiqo ahayn, laakiin dadku ku qancaan. Waxaa ka dhasha cadaalad-darro taabanaysa nolosha dhinacyadeeda oo dhan, isla-markaas aanan la dhaliili karin.

Kiniiniga buluuga ah waa mid markiisa hore soo jiidasho leh oo ballan-qaadyo fiican ayaa la socda, laakiin whmi ah. Ballan-qaadyadu waxay lamid yihiin shaxda dhaqaale ee Boonzi (Ponzi Economic Schema), taas oo saamileyda u muujinaysa faa’iidooyin xooggan iyo rajo aanan caqli ku saleesneyn. Siyaasiga qaybinaya kiniinka buluuga ah waa Dijaal aanan wax hambayn u taagan luggooyada dadka aanan fahmin beenta uu iibinayo. Dadka lagu khiyaano kiniinigan waa kuwa aanan caqliga adeegsan, isla-markaas ay ku adag-tahay in ay tafsiir saaraan riwaayadaha lagu matalayo fagaaraha ku hareereysan. Dadka caynkaas ah, goor ay wakhti badan lumiyeen ayay u caddaataa kiniinigan in uusan ahayn midkii daawada ahaa, bal uu yahay mid tows iyo krooniko ku abuuraya.

Qore: Dr. Saadiq Enow

saadiq.enow@gmail.com

CAALAMKI OO MADAXWEYNE FARMAAJO AMAANAY.

2020-12-20T16:23:00.002-08:00

Saxafi Marwan Bishara oo ah Journalist iyo Qabiir Siyaasadeed una Shaqeeyo tvga Al Jazeera English ayaa Saacada Ka Hor Waxuu Marti Ku ahaa FRANCE 24 Waxuu Yiri Sidaan:

“Maanta Waxeey layaabantahay Kenya oo Ka Mid ah Wadamada Afrika Ugu Waaween Uguna Hormarsan Dowladne ahaa 54 Sano Sida Maanta ay Uga Aradantahay ama Qaangaar ugu Aheen 'Dipomasiyada".

Qofna Ma Fileenin Somaliya oo Wax Ka Badan 20 Sano Burbursaneed in Kenya ay Uga adkaan Doonto Arimaha Diplomasiyada 'Bal Maanta Fiiri Caalamka oo Dhan Waxuu la Safanyahay Somaliya, Kenyane Waxaa loo arkaa Wadan gardaran 'UK, USA iyo Brussels Waxeey Uhurru usheegeen in Somaliya Faragalinta Ka Daayo Farmajane uu Raadiyo.

‘15 kii Bishaan December safiirka USA ee Nairobi Kyle Mccarter ayaa canaan usoo Jeediyay Uhurru Niyad Jabkane Waxaa laga Dareemi Karay Wajigiisa.

Xaqiiqdii Uhurru Waxuu u egyahay Madaxweyne Ku Fashilmay Siyaasada Dibada, Waxaadna Ka Dareemi Kartaa Uyeerashada Somaliland oo Dunidu aqoonsaneen iyo Faragalinta Jubbaland Markaane Waxuu Rabaa Shacabkiisa Inuu Ku Qanciyo Dagaal Ka Hor Natiijada ICJ da.

Dhigiisa Farmajo Waxaa Ka Muuqdo Daganaasho, Fiirsasho Dheer iyo latashiyo Badan Waxaana lagu Tilmaami Karaa Inuu Yahay Hogaamiye Baxaali ah (Charismatic Leader) Waana Ka Dareemi Kartaa Sida Farmajo uu Usameestay Xulafada Ethioipia, Ereteria iyo Somalia oo Hada Kaba Xoog Badan IGAD.

Uhurru Waa Inuu Dib Uraadiyaa Somaliya iyo Farmajahii uu Sida Fudud Ulumiyay.

Muwaadin Waxaad Ogaataa Si Walba ood Mucaarad iyo Muxaafad Aad utahay Markeey Imaado Danaha Guud Iyo Tan Qaranka Waalaga Tagaa Qabyaalada iyo Nin Necbeesiga.

👉Shere 🇸🇴

MADAXWEYNE FARMAAJO OO CIIDANKA BOOLISKA SOOMAALIYEED UGU HAMBALYEEYEY SANAD GUURADA 77-AAD EE

2020-12-20T06:23:00.002-08:00

MADAXWEYNE FARMAAJO OO CIIDANKA BOOLISKA SOOMAALIYEED UGU HAMBALYEEYEY SANAD GUURADA 77-AAD EE

Muqdisho, Diseembar 20, 2020: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ugu hambalyeeyey Sarreeyeyaasha, Saraakiisha, Saraakiil-xigeennada, Aliflayda, Dableyda iyo dhammaan qeybaha kala duwan ee Ciidanka Booliska iyo qoysaskooda 77-guurada kasoo wareegtay aasaaskii Ciidanka Booliska Soomaaliyeed.

Madaxweynaha ayaa adkeeyey in Ciidanka Booliska Soomaaliyeed ay naftooda u huraan xaqiijinta amniga iyo xasilloonida dalka si Muwaadiniinta Soomaaliyeed ay nabad ugu noolaadaan dalkooda.

“Ciidanka Booliska Soomaaliyeed waa Astaan qaran iyo midnimo, waxa ayna u taagan yihiin xaqiijinta amniga dalka si dadkeennu ay nabad iyo xasillooni ugu noolaadaan, sidaas awgeed waxaan shacabka Soomaaliyeed ka codsanayaa in ay ku garab istaagan gudashada waajibaadkooda qaran”

Madaxweyne Farmaajo ayaa tilmaamay qorsheyaasha dowladdu ay ku xoojinayso ciidamada, kor u qaadidda tababarradooda, joogteynta iyo kordhinta mushaarkooda, iyada oo la hirgeliyey hannaan askari kasta uu si toos ah ugu helaayo xuquuqdiisa.

Madaxweynaha Jamhuuriyadda ayaa ku bogaadiyey Saraakiisha iyo guud ahaan Ciidanka Booliiska Soomaaliyeed doorkooda ku aaddan ka miro-dhalinta qorsheyaasha muga weyn ee dib-u-dhiska iyo xaqiijinta amniga dalka.

Wixii faahfaahin ah, fadlan kala xiriir;

Cabdirashiid Maxamed Xaashi,

Xafiiska Warfaafinta & Xiriirka Warbaahinta,

Madaxtooyada Jamhuuriyadda Federaalka Soomaaliya

E-mail: media@presidency.gov.so

Flicker: https://www.flickr.com/photos/vilasomalia/

Facebook: https://www.facebook.com/VillaSomaliaOfficial/

Twitter: @TheVillaSomalia

SH MOHAMED IDIRIS ILA TALI: FURNIINKA MA DAMBI BAAN KU LEEYAHAY????

2016-12-01T15:31:00.001-08:00

Sheeekh waxaa dhacday in hooyaday iyo aabahay kala tagaan aniga oo markaas dhashay, kadib hooyaday waxay go'aan ku gaadhay inay aniga i tuurto, mudo saddex bilood ah waxaa i hayey adeerkay, kadibna waxaa la ii geeyey ayeyday aabo oo mudo 10 sano ah i soo korinaysay.

Aabo mar kasta wuu i soo booqan jirey, inta badana caruurtiisa kale iyo reerkiisa ayuu joogi jirey, laakiin hooyoday 10kaa sano maanan arkin.

Waxaa dhacday 11 sano anoo jira iney hooyo ii timaado igana soo kaxayso ayeeyo, iyadoo arintaas ayeeyo aad uga xumaatay. Markaan hooyo soo raacay, oo gurida imi hooyo caruur kale ayey haysatey.

Hooyo waanu is fahmi weyney, iyaduna mar kasta wexey igu dhihi jirtey garacad ayaad tahay, kuma dhalin! maalin kasta murugo ayaan la ooyn jirey, waase adduun socda e mudo 7 sano ah ayaan hooyo sidii kula noolaa.

Wax kastaba halla soo maro, gabari haddey soo korto waa tii guur laga damco! waxaa dhacday in wiil uu reerkii iga soo doono.

Qofku hadduu duruufa badan soo maro waaya arag ayuu noqdaa. Intuuna isoo doonanin ayaan waxaan kula taliyey inuu caruurta aan walaalaha nahay aabohood iyo hooyo marka hore lasoo xidhiidho maadaama aan iyaga la noolahay, kadibna uu aabahay la xidhiidho.

Sidaasoo ay tahay arintii khilaaf badan ayey ka keeneen iyagoon hadana waxa ay tabanayaan sheeganaynin, mudo 2 bilood ah ayey arintii sidii ahayd, waxna lama dhaqaajin, dabadeedna aabo ayaa arrinkii maqlay, aabona hooyo ayuu la soo xidhiidhay si ay arintan uga wada hadlaan, hooyona waxey aabo ku tidhi waxaad ku taliso waxba kama qabo.

Hadana aabo mar 2aad wuxuu la hadlay adeer waxayna ku heshiiyeen inay arintii sidaas ku dhamaato kadib aabo arintii guurkayga ayuu guda galay sidaa ayaana meherkii ku dhacay.

Ka dib hooyo way is bedeshey, arintii guurkana wey ka xanaaqdey, waxayna igu tidhi guurkaaga waxaa ii dhaantey adigoo habeenba meel nin kula soo hoyda.!!

Ninka i guursadey iyo anigu laba waddan ayaanu kala joogney, hooyo bil ka dib wexey bilawday iney guriga iga erido oo tidhaahdo guriga aaabahaa ma leh, adiguna iskama lihid, ninkaaguna iskama laha, nin bini aadan ayaa iska lehe hada ii dhaaf..

kadib waan ka tegey gurigii anoon magaalada cidna kagaranaynin, maalmo ka dibna waxaan u dhoofay wadankii uu ninkaygu joogey, waxaanan kasoo laabtay anigoo uur leh, hooyo ayaan isku dayey inaan masloxo oo xumaanta ay qabto wanaag ugu badalo laakiin hooyo waxay igu tidhi gaal iyo islam ayeynu kala nahaye ha i sheeganin kuma dhalin aniguye.

Dad badan ayaa isku dayey inay hooyo iga maslaxaan laakiin waa la kari waayey, mudo kadibna waxaan dhalay ilmahaygii ugu horeeyey waxaana ku dhalay meel dhakhaatiirta mooyiye cid iyo ciirsi kale aanan ku haysanin iyadoo hooyaday guriga igu xiga degantahay, ninkaygiina iima iman karin waayo wadan kale ayuu joogaa.

kadib hooyo waxaan u tegey aniga oo umul ah, labada cagood intaan qabsaday ayaan weydiistey iney i cafiso, laakiin way i diidey, kaaga darane ilmihii aan umusha ku ahaa inta dhabteeda loo saaray ayey dhulka igaga tuurtay, maalinkaas ayaana hooyaday isugu kaaya danbaysey, mudo 2 sano ahna waanu kala maqanahay, waana ka rajo dhigay, waxaan sameeyona ma aqaan.

Waxaan u baahnaa 1: inaad ila taliso, ta 2, qisadan igu dhacday hadaan danbigeeda leeyahay iga qabato sheekhow khayr allah kusiiyee.

JAWAABTA SH MOHAMED IDIRIS XAFIDAHULAAH.

=======================================

Gabadhaas Waxaan leeyahay:

Adeer Ilaahay khayr ha ku siiyo, ummuurtaadana Allaha fududeeyo, Hooyana Allaha Cafiyo oo Jannadiisa geeyo,

Midda koowaad adeer adigu dembi kuma lihid furriinka ay hooyo iyo aabe ku kala tageen markii aad adduunkaba ku indha dillaacsatay..shaki kama jiro in furriinkaasu, sabab kasta ha lahaadee, adiga dhib kuu geystey, waana sida badanaaba dhacda markey aabaha iyo hooyadu kala tagaan, ilmuhu iney ku dhex dayacmaan. Adigase waxaa xoogaa kuu raacay xanaaqa xanuunka leh oo hooyo ka muuqanaya, oo aanan garan meesha uu salka ku hayo, ma aabahaa oo ay si xun ku kala tageen baa? Ma guurkaaga oo aan sooryadey mudnayd laga siin baa? ma sabab kaloo aan noo muuqan baa!

Yeelkadeede, si kasta oo hooyadu u xanaaqsantahay xaqeedu ma lumo mana guuro, wexeyna mudantahay in loo duceeyo, oo loo baarri falo, si kastoo ay kaaga cararto adigu ha ka cararin, wexey kugu samaysana ha ka fal celin waayo iskuma dhererin karto, lamana ficiltami karto, mar walba iyadaa kaa saxan, wexey kaaga saxantahay inaadan canaanan, ama goyn, ama guul guulin, ee markey gaf gashana lagu raacin laakiin lagu xumayn.

Hooyada qalbigeedu marna xumaan ma dhalo, laakiin waa dhici kartaa iney wax is moodsiiso, ama waa biniaadame wax ku gafto, laakiin haddii la sasabo, loo baarri falo, aan laga tegin, wexey u dhowdahay in raallinimadeeda lasoo ceshado..

Sidaa Awgeed Adeer adigu duruufta dalaaqa iyo kala tagga iyo wixii ka dhashay dembi kuma lihid, waxaanan kugu la talinayaa inaad hooyo xiriiriso, booqato, u ixsaan fasho, waxaad awooddo siiso, wax kasta oo ay kugu samayso aanad ka tegin, sheekaduna wexey cibra qaadasho u tahay, labada caruurta wada dhalay oo furriinka ku deg dega, ama dalbada, amase cawaaqibta ka dhalata aan aad uga fekerin, iyo waalidku isagoo xaq leh inuu caruurtiisa u dhimriyo, wabillaahi tawfiiq.

QISO FAAIDO BADAN: WUU II CEEB ASTURAY ALLE CEEBTIISA HA ASTUREE.

2016-11-24T07:27:00.002-08:00

Nin sheikh caalim ah ayaa habeen waxa uu ku riyooday nin uu yaqaanay oo janada dhex jooga, markii la gaaray subaxii oo uu waagii baryey ayaa imaamkii waxa uu raadiyey ninkii uu xalay ku riyooday asagoo janada dhex jooga.

Markii uu u yimid ayaa imaamkii waxa uu ninkii ku yiri, ii sheeg, maxaa camal ah oo aad sameysaa, oo Alle swt ugu dhawaataa? Waayo xalay waxa aan arkay oo ku riyooday adigoo dhexmiranaya janada Allah mideeda ugu qiimaha badan, ninkii waa uu diiday in uu imaamkii uu uga jawaabo suaashiisi.
Imaamkii ayaa yiri, ILAAH baan kugu dhaariyee ii sheeg camalka aad sameysay anigana aan Allah swt ugu dhawaadee, si aan u helo Allah swt raxmadiisa.

Ninkii ayaa yiri Imaam baa tahay oo qisadeyda ma qarin kartid lakinse ii balanqaad in aadan dadka u sheegeynin magaceyga, imaamkii ayaa u balanqaaday in uusan magaciisa sheegi doonin, ninkii ayaa yiri waa yahee dhageyso qisada igu dhacday.

Waxaan guursaday gabar, marki aan guursaday oo guriga geystay ayaa waxa aan ogaaday in leedahay uur dhowr bilood ah oo aan anigu lahayn, waan naxay oo wax aan sameeyo ayaan garan waayey, waxaan go,aansaday in aan u ceeb qariyo, ehelkeyga iyo ehelkeedaba waan u diiday in ay xaaskeyga booqasho ugu yimaadaan si aan ugu ceeb qariyo oo aan loo ogaanin xaaskeyga in ay uur leedahay.

Waxaa la gaaray xiligii foosha, waxaan ugu yeeray umuliso, waxa ayna gabadhii ku dhashay guriga, waxaan soo qaaday cunugii ay dhashay waxey ahayd aroor hore oo ay soo dhawdahay salaada subax, cunugii ayaan dhigay irida masjidka anigana gudaha masjidka ayaan u gudbay. Waxaan tukaday salaad suno ah, banaanka ayaan usoo baxay waxaana arkay wiilkii yaraa oo ay ku xoonsanyihiin, dadkii xaafada, isla markaana ay is weydiinayaan cida soo dhigtay.

Waan soo qabtay cunigii dadkii ayaana ku iri wiilkaan hooyadiis ayadoo ka baqeyso ceeb ayey iska soo fogeysay, aniga ayaana qaadanaya oo ka faalo qaadayo gurigayga ayaana ku korsanayaa, waxaan u markhaati galiyey dadkii goobta joogay, kadib xaaskeyga ayaan tuulo kale u waday markhaatiyaal iyo sheikh cusub ayaana ula tagay si markale la iigu mehriyo.

Gabadhii hada waa xaaskeyga waxa ay ii dhashay ilmo badan naxariista aan u sameeyey waxa ay igu abaal guday in ay igu nooleyso jano aduun, aakhirana Allah swt ayaa waxa aan ka baryayaa in uu janadiisa nagu kulmiyo aniga iyo xaaskeyga.

QISADOO MUUQAAL AH HOOS KA DAAWO.

QISO CAJIIB AH: WAXUU YIRI WAXAAN AHAA QOF AAN ILAAH AQOON, OO XAARAN KASTA SAMEEYEY.

2016-11-16T10:45:00.000-08:00

Nin dhallin yaro ah oo ay ka muuqato inuu Rabbi u nimceeyey ayaa maalin maalmaha ka mid ah meel igula kulmay.

Wuu igu dhegay oo i salaamay wuxuu iga dalbaday inaan u raaco xafiisikiisa oo aan shaah lasoo cabbo. Markii aan ka yeelay oo aan tagnay xafiiskisi ayuu bilaabay inuu marna isoo eego marna ooyo.

Markaas ayaan ku idhi: Khayr In shaa Allaah, wejigaaga khayr badan ayaa ka muuqda ee Maxaa kugu dhacay, sidee wax u jiraan wll?

Markaas ayuu ii warramay, wuxuu yidhi: Wallaahi Sheekhow, waxaa jirtay in iyadoo la soomman yahay aan ahaan jirey nin macsiyeysta. Wuxuu farta iigu fiiqay mid ka mid ah qolal kiisa isagoo leh qolkani wuxuu khaas u ahaan jirey ZINADA!

Qaar ka mid ah shaqaalahayguna waxay u xil-saarnaayeen inay ii keenaan gabdhaha ugu quruxda badan waddan uu magacaabay.
Ninkaas oo hadalkiisa sii wata ayaa yidhi: Waxaan xasuustaa iyadoo ay tahay bil Ramadaan in anigoo macsidaa iyo zinadaa ku dhex jira aan masjid qolalkayga u dhow ka maqli jirey muslimiinta oo tukanaysa salaadda taraawiixda, markaas ayaan ka xaraabaysan jiray.

Wuxuu iigu dhaartay in marka cuntada loo keenayo, khamriga loo keeni jirey inta aan biyaha loo keenin. Wuxuu yidhi: Waxaa yaraan jirtay in habeen i dhaafo aniga oo aan zinaysannin. Waxaana dhici jirtay in habeen la ii keeno gabadh aan i cajabinnin oo aan dalbado in la iga beddelo oo isla habeenkaasba mid kale la ii keeno. Waxaan ahaa nin noloshaa ku jira.

Wuxuu ahaa mid aan Ilaahay aqoonnin, culimada iyo dacwadaba ku ciyaara Habeen habeennada ka mid ah anigoo ku jees-jeesaya muslimiinta oo taraawiix tukanaysa iyo kuwa maalintii soomman ayey ii keeneen gabadh, mana ayna ahayn mid i cajabisay.

Kolkaas ayaan ka dalbaday inay xafiiskayga iigu keenaan gabadh kale. Intii la iigu maqnaa ayaan is idhi "Oo intii aad waqtiga iska lumin lahayd maan in yar u seexdo.

Waan seexday kadibna wax yar kadib waxaan ku riyooday aabahy oo meel buur ah igala hadlaya oo qaylinayaa oo leh "Wiilkaygiiyow aabo kafagow zinada iyo macaasida iyo gaalnimada.

Waan toosay anigoo naxsan waxaan arkay inaan tiyo ku jiro hadana dib ayaan ugu labty hurdaydii waxaan markale ku riyooday anigoo silsilado waawayn laygu xidhay hadana foostoiyin waawayn daamur la karinaayo laygu shubaayo.

Anigoo aad u naxsan hadana dhididsan ood moodo xaaladan ku jitay inay dhab ahyd ayaan soo toosay wax yar ayaan qolka Tv ga iska soo fadhiisatay

Intii la iigu maqnaa ayaan is idhi dib ha u seexane maan teleefishinka ka raadiyo meelaha laga helo filimada fuxshiga ah inta gabadhaas laga keenayo"!!!

Intii aan raad-raadinayey ayaan mawjidihii aan bed-beddelayey mid ka mid ah ayaan (sheekhoow) kaa arkay adiga oo u lebbeisan sidan aad haddaba ugu lebbisan tahay dharka cad-cad oo ka muxaadaraynaya.

Markaas ayaan ku joojiyay muxaadaradii Ugumana joogsannin inaan ku dhegaysto ee waxay ila noqotay inay qalad ahayd inaan meeshaa kaa arko,

waxaanan idhi: Macquul ma aha. Wadaadkan maxaa meesha keenay? Ma ahayn inaan halkan ku arko! Ma aanan rabin inaan ku dhegaysto, kumana aanan aqoonnin.

Aniga oo weli gacanta ku haya kii lagu bed-beddalayey oo aanan weli beddelin aanse is leeyahay beddel ayaan usii daayey ilbidhiqisyo iyo daqiiqado kale.

Ilaahay Amarkiisa, muxaadaradu waxay ku baxaysay toos, waxayna ku saabsanayd Zinada iyo dhibaatadeeda.

Wuxuu yidhi: Waxaan dhigay bed-beddelihii, markaas ayaan siiyey qalbigayga oo dhan inaan muxaadarada ku dhagaysto.
Waxaad moodaysay inaanan weligay ooyin markaa ka hor xataa riyadii.imay bedelin qaxaan naxdin ahyn mooyee, adiguna aad aniga ila hadlaysay oo aad i arkayso waxa aan samaynayo.

Ilaahay ayaan kuugu dhaartaye, sheekhow, waxay ay ahayd markii iigu horreysay ee aan dareemo macaanka Iimaanka.

Waxaa isku kay raacay riyadii iyo muxaadardii waxaadba mooda in si toosa aniga layla hadlayo.

Waxaan habeenkaa goostay inaan salaadda bilaabo markii iigu horreysay nolosha iyadoo aan dhaafay 33 jir. Kana toobad keeno denbiga aan ku jiey. Halkii ayaan isku diyaariyey oo aan salaaddii ku bilaabay.

Aniga oo sujuudsan ayaa la keenay gabadhii la iigu maqnaa ee aan rabay inaan ka zinaysto. Way i raad-raadiyeen, ugu danbaynna waxay arkeen inaan sujuudsanahay, waxayna la yaabeen farqiga u dhexeeya xaaladdii ay igaga tageen iyo xaaladda aan ku sugnahay.

Waxay i sugaanba markii aan salaaddii ka baxay ayey i su'aaleen waxa igu dhacay? Markii aan u warramay ayaan ku idhi gabadhii iska celiya. Ilaahay ayaan kuugu dhaartaye sheekhow habeenkaa ayaan Rabbigay Ballan la galay inaanan dib danbe u zinaysannin oo aanan dib danbe khamri u cabbin go'aanka u gaadhay.

Subixii ku xigayna waxaan bilaabay inaan soomo, saddex maalmood ka dibna aniga iyo xaaskaygii ayaa isu raacnay Xaramka si aan usoo cumraysanno.

RABBIYOW TOOBADDA IYO KHAATUMADA WANAAGSAN NA WAAFAJI AAMIIN YA ALLAH.

QISO MURUGO BADAN: WAXEY TIRI NINKEYGA BAA KUFSADAY GABADHEYDA YAR AYNU DHALNAY.

2016-11-15T06:47:00.000-08:00

HOOYADANI Waxay hadalkeeda ku bilaabaysaa "Waxaanu ahayn Qoys yar oo iska ladan, Duruufa badan oo Nolosha ah oo aynan kuwada faraxsanayn waanu soo marnay, balse, ma ahayn duruufahaaas kuwa sababa in qoyskeenu kala tago.

Sida caadiga ah mar walba waanu murmi jirnay, dagaalami jirnay, hadana weynu heshiin jirnay, is qabashadeena mar walba waxay ka dhalan jirtay sabab uu isagu ka mas’uul ahaa.

Wuxuu saq dhexe iman jiray guriga isaga oo marqaansan, ha ahaado Marqaame, hadana xaaladda qoyskeena waxba uma dhibi jirin marqaankiisa, anigana wax dhib ah oo gaar ah oo uu igu hayay ma jirin, marka laga reebo dhibsasho aan dhibsaday imaatinkiisa waqtiga damba ah.

Wax ay xaaladdeenu sidaa ahaataba markii dambe waxaa u suura gashay in uu Waddanka ka dhoofo, oo uu aado mid ka mid ah Waddamada Galbeedka, halkaas oo muddo ku dhow 7 sano uu daganaa kaligiis.

Muddadaas kadib ayuu inoo xareeyey Dacwad, nasiib wanaag wax walba waxay noogu dhamaadeen waqti fudud, oo muddaba inagama qaadan waddanka aan sii maraynay ee dacwadeena laga xareeyay.

Ninkayga waxaan ulahaa aqoon buuxda, dhibkiisa iyo buuqiisa ma yarayn, hadana waxaan aqiin Xeeladda lagu dajiyo, marka uu dagana wax walba caadi ayey kusoo laaban jireen.

Imitaankayaga Dalka uu ku noolaa wax badan ayey nolosheena ka baddashay, ilmihii oo iskoolka inoo aada, aniga iyo isaga oo wada shaqayna, Dhaqaala aanu ku wada faraxsanahayna wada helna.

Marka tilmaantaas wanaagsan laga soo tago, waxaa inoo dheerayd arrin cusub oo aanan ku aqon ninkayga oo muddo markii aan joogay soo baxday, taas oo ahayd in balawdiisii ku ekayd Khaatka ay usii gudubto in uu Khamriga ku daro.

Runtii kuma faraxsanayn, dhowr jeer oo aan kala hadal is irina gacan qaadkiisa ayaan dhibsaday, oo waxaan go’aansaday in aan ka aamuso dhibkiisa, aniga oo u baqaya naftayda iyo tan ciyaalkaba.

Xaafadda aan daganayn cidlo kuma ahayn, oo waxaa ii dhawaa hooyadey iyo walaashey oo waddanka iiga soo horreeyay, kuwaas oo aan waheshan jiray mararka qaar, sidaa darteed, Xaalad ahaan ma ahayn qof go’doon ah.

Xaaladdiisa khamri cabidda kuma faraxsanayn, mar walbana waan ogaa in ay khatar kasoo socoto, baaxadda ay khatartaas leedahayse ma aanan ogayn, oo ma ahayn mid aan sii qiyaasi karay.

Buuqeena iyo murankeena wuu batay, waan awooday in aan guriga ka saaro oo askarta u waco, balse, ciyaalka oo aabahood aad u jeclaa iyo isaga oo u roonaa ayaan ugu dulqaatay, ma doonayn in ciyaalkayga ay aaba la’aan ahaadaan ama aan ka fogoeeyo aabahood.

Waxaa batay imaatinkiisa saqda dhexe, marnaba ugama shakisanayn Dumar kale, taas wax shaki ah kama qabin oo waan aqiin ninkayga, in waxa uu ku waalan yahay ay ahaayeen balwaddaas, ee xaga dumarka uusan sidaa kusii ahayn.

Waxaa dhacday in uu habeen saq dhexe yimaado isaga oo Tal ah micanaha aad u cabay khamaridii, marka uu yimidna cashadiisa oo diyaarsanayd ayaan u keenay oo cun ku iri, isaga oo ay Caro ka muuqato ayuu igu yiri “ma rabo cashadaada” wuxuuna bilaabay in uu aad ii caayo iguna qaylsho.

Horey ayaan uga daalay qayladiisa, aniga oo waxba dhihin ayaan iska aaday qolkayga jiifka si aan iskaga seexdo, waana sida aan samayn jiray marka u sidan oo kale u kaco, balse, caawa arrintu sidaas waa ka duwanayd.

Isaga oo furanaya Suunka surweelkiisa, farahana igusoo fiiq fiiqaya ayuu igu yiri “waa in aad ka baxdaa gurigayga caawa, kuma doonayo mana seexanaysid meeshan” aniga oo aad uga baqaya dhaqankan cusub ee uu ninkayga la yimid ayaan ku iri “waan kaa baxayaa ee albaabka ii bannee”.

Intuu albaabka ii ballaqay ayuu igu yiri “mar dambe yaanan kugu arkin gurigan haddii aad naftaada rabtid” maqalka erayadaas iguma cusbayn, balse, dhaqanka cusub ayaan la yaabanaa caawa, waxaan isla markiiba go’aansaday in aan ka baxo oo guriga hooyadey oo dhowr tallaabo ii jira aan iska seexdo habeenkaa.

Ilmo waxaanu lahayn hal Gabar iyo laba Wiil oo yar yar, gabadha waxay ahayd 12 jir oo curradeen ayey ahayd. Xilliga uu buuqaas ina dhex marayo ilmaha waa ay wada jiifeen, oo labadeena kaliya ayuu buuqu u dhaxeeyey.

Hooyadan 3dan caruurta dhashay iyada oo hadalkeeda sii wadata ayey tiri, “iguma jirin wax shaki ah oo ku saabsan in uu ilmaha waxyeelayn doono, sidaa darteed si nabadaysan ayaan guirga hooyadey iyo walaahay ku aaday aniga oo rajaynaya in ninkayga marka ay ka baxdo Wasaqda jirkiisa ku jirta ay subixii howsheena caadi kusoo laaban doonto.

Markii aan tagay guriga, waalidkay iyo walaalahay ayaga oo yaaban ayey i waydiiyeen waxa dhacay caawa maadaama aanan waligey usoo hoyan gurigooda maalin maahee, aniga oo is moogaysiinaya doonayna in xaaladdeena la fahmo ayaan ku iri, “caawa buuq yar oo aanan la qabsan buu iila yimid ninkayga, waxaan ka baqay in ay meel dheer inaga gaarto arrinta, sidaas ayaan u door biday inta waagu ka baryayo in aan idinla seexdo, subixina aan guriga ugu laabto”.

Subixii aroor hore ayaan kasoo kacay si aan ciyaalka ugu diyaariyo quraacdooda, Dhar wasaq ah oo ii yiil markaana aan ugu dhaqo Mashiinka oo ii bukinnaa xiliiga 7am, aniga oo dharkii kala dhig dhigayo ayaan ku arkay Funaanad aan lahaa Dhiig.

Waxaan iska dhaadhacshay in ninkayga maadaama uu marka uu cabo khamriga uu Shilala badan galo uu dhiigan isaga tiray funaanaddayda ama dharka guriga yaal uu mararka qaar isticmali jiray, dhaqanka sidaa ahna wuxuu ahaa dhaqan caadi ka ahaa ninkayga xagiisa.

Aniga oo doonaya in aan bal eego xaaladda ninkayga iyo in uu xanaaqii xalay ka baaba’ay ayaan waydiiyay, Cidda funaanadayda dhiiga ku tirtay, jawaabta uu isiiyayna waxay ahayd “ waa in aad adiga is waydiisaa su’aashaa, aniga nin ayaan ahay, dhiig Caadana iguma dhaco, funaanaddaadana laga yaabee in aad adiga isticmaashay xilliga aad macduurka tahay”.

Aniga oo u jawaabin kana xanaaqsan qaabka uu iigu jawaab celshay ayaan dhanka Sariirta sii aaday, aniga oo is leh Go’a sarirta baddal, kan xalay saarnaana dhaq, mise Dhiig ayaaba buuxa meesha, waxaan dareemay in howsha ay markan caadi ahayn, oo xalay ay wax dhaceen.

Naxdin iyo amakaaga aniga oo ay iga muuqato ayaan u cararay Qolka ilmaha si aan u eego xaaladdooda, mise waxaan arkay gabadhaydii oo ku labbisan Funaanad aan aniga lahaa oo ka wayn. Lugaheedana uu dhiig ka dareerayo.

Dareen naxdin leh aniga oo muujinaya ayaan waydiiyay gabadhayda waxa ku dhacay, iyada oo booyeeysa ayey sharraxaad iga siisay wixii dhacay xalay, taas oo runtii filan waa igu noqotay.

Waxay tiri “Hooyo xalay waqti dambe ayuu aabe soo galay qolkeena wuuna i xambaartay isaga oo i geeyey qolkiina jiifka ah, halkaas uu ku bilaabay isla markiiba in uu dharka iga siibo, markii aan ku dhahay aabe maxaad samaynaysaana, dharbaaxo ayuu ila dhacay, Ceejana wuu igu qabtay, isaga oo iigu hanjabay in uu nafta iga qaadayo hooyana uu dili doono, haddiiba aan isku dayo in aan dhacdada dhacday qof u sheego.

Inta ay sheekada gabadha ii wadday ayaan isla markiiba wacay 911, aniga oo ka baqanaya in uu nasoo wada weeraro aniga iyo gabadha, wayna dhacday oo sheekadeena ayuu ka dhex maqlay guriga.

Waan dareemayay in uu nagu soo fool leeyahay, Middina soo qaatay, aniga oo la amakaaksan Xaaladda qoyskayga kusoo korortay ayaan Albaabka hoos ka xirtay, wixii alaab ah aan ku aaddin karana ku aaddiyay.

Dhowr jeer ayuu isku dayay in uu albaabka soo jabsho, balse, waa ku adkaatay, markaas ayuu wuxuu bilaabay in uu Goobta ka cararo, wax yar kadibna waxaa goobta soo gaaray Pooliska.

Arrinta dhacday ayaan ku war galshay Askarta, waxaana gabadhii loo qaaday isbitaal, halkaas oo looga daweeyey Dhaawacya Culus oo soo gaaray intii uu Kufsiga kula kacayay aabaheed.

Pooliska waxay raadinayeen laba maalin oo muuqiisa iyo maqalkiisaba la la’aa, nasiib wanaag markii dambe waa la helay oo waa la xiray, waxaana lagu xukumay ilaa 9 Sano oo Xabsi ah.

Tan iyo maalintii xabsiga la geeyay ee la xukumay, ma aanan booqan mana maqal codkiisa, anigana ma raadsan, isagana ima soo raadsan, balse, waxaa mar aan fogayn la ii keenay Warqad uu xabsiga kasoo diray.

Warqaddaas wuxuu ku dulbanayay Cafis uu aniga iyo gabadhaba inaga dalbanayay, wuxuu ku sheegay warqadda in habeenkaas ay dhacdadaas dhacayso in uu isticmaalay Daroogo kale oo uusan waligiis isticmaalin, taas oo dareenkiisa oo dhan baddashay.

La yaabk warqadda waxa ku qoran ayaa ahaa, in uusan u qalmin uu dunidan kula sii noolaado gabadhiisa oo uu kufsaday, jeelka dhexdiisa ayuuna isku daldaly.!!

Kama nixin dhimashadiisa waayo waan dareemi karay in uu ka qoomamaynayo waxa uu sameeyay, balse waxaan ka naxay inay caruurtayda noqdeen ogoon dhiban iyo in uu isagu aakhiro iyo addunyaba gacantiisa ku waayey.

Xanuun xun ayey igu noqotay arrintaa, waxaan naftayda ku canaantay in aniga naftayda aan qayb ka ahay Dhibka ku dhacay gabadhayda, maadaama aan guriga ka baxay ugana tagay gabadhayda Nin aan Miyiri ahaan joogin, oo waxa uu yahayba aan garanayn.

Dhacdadaas runtii waa mid aan la noolahay, isaga waa kan Falka geystay sida aan qabo, anigana waxaan ahay tan u fududaysay in uu uu falkaas ku dhaco, gabadhayda waxaa ku dhacday nasiib darro ah in dadkii ay dugaanshan lahayd ay khatarteeda noqdeen, difaaceedana uu dagay (Aabaheed). waxayna halkaas ku weyday sharaftii inanimo (gabadhnimo) (bikronimo) iyo mid waalid keedba

Waa dhacdo runtii aan la noolahay inta noloshayda ka dhiman, waxaase idin xasuusinaya gabdhaha somaliyeedow inaad ka fogaatan ragga isticmaala maan dooriyasha sida Qamriga iyo qaadka iyo kuwa kale xiska qofka wax u dhimikara haddi ay taasi dhacdo ka ilaalisaan ubadkiina iyo naftiina inay khatar geliyaan

QISO: ALLAH KA CABSI: IS XISAABI INTA ALLAH SWT KU XISAABIN.

2016-11-14T05:12:00.000-08:00

Nin dhalinyaro ah ayaa waxa uu yimi aaska saaxiibkii, kadibna isagii oo kor taagan qabrigii saaxiibkii ayaa waxaa su'aal waydiiyay nin shiikh ahaa oo ay isgaranayeen su'aashuna waxa ay ahayd

- Hadii saaxiibkaa uu Alle ( swt) dib u soo nooleeyo maxay kula tahay in uu samayn lahaa ?

Kadibna ninkii dhalainyarada ahaa waxa uu ugu jawaabay :

'' Waxa ay ila' tahay waxa uu isku dayi lahaa inuu soo qaleeyo salaadihii uu katagi jiray, Waxa uu isku dayi lahaa in uu dib u barto quraanki labaray ee uu dayacay, Waxa uu isku dayi lahaa inuu soo qaleey wixii soon ahaa ee lagu lahaa oo cudurdaar la'aanta uga tagay, Waxa uu isku dayi lahaa inuu hagaajiyo xidhiidhka ka dhaxeeya isaga iyo rabbigii ''

Intaa kadib Ninkii shiikha ahaa waxa uu ku yidhi wiilki dhalinyarada ahaa :

'' Waxa ay ila tahay wanaaga aad soo sheegtay dhammaan adiga ayaa fursad u haysta in aad samayso waayo saaxiibkaa marnaba ma soo laabanayo si' uu u hagaajiyo wixii uu ka tagay balse maanta adigaa haysta jaanis aad ku samaysan karto gunaanadka wanaagsan ee hadaba isku day in aad adigu hagaajisato xidhiidhka adiga iyo rabbigaa idin ka dhaxeeya ee ah in aad samayso wixii uu ku faray ''

Hadii ay maanta noqoto maalinta ugu dambaysay ee aad katagi lahayd gurigaaga kumeel gaadhka ah ( Adduunyo ) oo aad u guuri lahayd gurigaaga dhabta ah ( Qabri) Maxaad u sii diyaarsatay ???
Waxaan isleeyahay waa su'aal wax ka baddeli karta qofka iyo sida uu noolasha u arko !!

Ugu dambayntii waxaan Allah (سُبْحَانَهُ وَ تَعَالَى ) kamagan galaynaa in aysan geeridu noogu iman si' lama filaan ah iyadoo aysan hagaagsanayn xidhiidhka annaga iyo Allah (s.w.t) inaga dhaxeeya Aamin Ya Allah

QISADII TEDY, QISO KAA OOHIN DOONTA: TEDY DHARKIISA HAD IYO JEER WEY WASAQEYSANYIHIIN.

2016-11-11T23:15:00.001-08:00

Wiilkan oo Lagu Magacabo Teddy, dharkiisu had iyo jeer way wasakhaysan yihiin, uskag ayaa ka muuqda, aqoontiisa waxbarasho aad ayey u hoosaysaa, had iyo jeerna isaga ayaa isku maqan oo wuu fakerayaa, Wiilki macalimadisa schoolku xukunkan ay wiilkan dusha ka saartay ee ay u aragto wiil aad u liita waa aragti ay ka dhaxashay muddadii ay wax u dhigaysay, sababtoo ah had iyo jeer lama ciyaaro aradayda, muuqaalkiisa guudna waa mid aad u liita, had iyo jeerna musqusha ama suuliga ayuu u cararaa.

Murugada ka muuqata awgeed ayey macalimadu kuraaxaysataa marka ay buugiisa iyo waraaqahiisa imtixaanka saxayso qalinka cas ayey u badisaa, waxayna ugu qortaa wuu dhacay warqad kasta.
Xaaladda wiilku ku sugan yahay markay aragtay ayey maalintii danbe waxay codsatay Faylashii iyo warbixinahii laga qori jiray sannadadii hore , waxayna guda gashay in ay ka soo bilowdo sanadkii uu ku jiray fasalka koowaad, iyada oo akhriyeysa ayaa waxa ay aragtay arrin ay u qaadan weyday.
Macalinkiisii sanadkii koowaad waxa uu ka qoray Teddy, waa wiil caqli badan, oo dadaala, hiba ilaahay siiyey, shaqada loo diro si wanaagsan u qabta, si wanaagsan u habeeya casharada.

Macalinkii Fasalka Labaad ayaa isaguna waxa uu ka qoray warbixin oranaysa Teddy waa wiil wanaagsan oo ay jecel yihiin saaxiibadii, hase yeeshee wer-wer iyo wal-bahaar ayaa ku soo kordhay ka dib markii hooyadii cudurka Kansarku ku dhacay.

Macalinkii Fasalka Sadexaad ayaa isaguna waxa uu ka qoray, Teddy geerida hooyadii ku timi waxay u taabatay si adag, wuu dadaalay laakiin aabihii ma ahayn mid daryeela wiilka oo ihtimaam siiya, xaaladda gurigooda ama aqalkooda ka jirtaana raad weyn ayey ku yeelan doontaa, haddaan arrintaas wax looga qaban si deg deg ah.

Macalinkii Fasalka afaraad ayaa isaguna ka qoray. Teddy waa wiil isku maqan oo intaa fekeraya, wax niyad ah uma hayo waxbarashada, saaxiibo uu la sheekaystana fasalka kuma leh, wuuna seexdaa xilliga casharada lagu jiro ee wax la baranayo.

Halkaa markay warbixinihii macalimada la marayaan ayey ogaatay oo garawsatay Dhibaatada jirta, waxayna dareentay in ay ku xad gudubtay wiilka,wayna isku khajishay ama isku xishootey oo is canaanatay.
Xaalku macalimadu wuxuu ugu darnaa markii ardaydii ay hadiyado waraaqo qurux badan ku jirta u keeneen, marka laga reebo wiilka Teddy, oo isagu ku soo duuduubay waraaqaha caadiga ah ee dukaamadu dadka adeega ugu laabaan.Arrintaasi macalimadii raad ayey ku reebtay, ardaydiina waxay galeen in ay ku qoslaan Teddy iyo hadiyadiisa foosha xun, hadiyada Teddy waxay ahayd silsilad yar oo qoorta la surto iyo quraarad ama dhalo cadar ah oo kala baran ama aan buuxin.

Si lama filaan ah ayaa ardaydii qosolkii u joojiyeen markii ay macalimadii hadiyadii ka guddoontay Teddy , isla markaana u sheegtay in ay aad ugu faraxsan tahay, si diiranna ugu mahad celisay, way xiratay silsiladii yarayd markiiba, cadarkiina way isku shubtay, ”buufisay”.Wixii maalintaas ka danbeeyey Teddy marka iskuulka laga baxo toos gurigooda uma tagi jirin, wuxuu sugi jiray intay macalimadiisu soo baxayso, maalintii danbe ayuu ku yiri maanta waxaan kaa urinayaa hooyaday, oo aan kaa dareemayaa, markii uu intaas ku yiri macalimadii oohin ayaa indhaheeda ka soo daatay, waayo Teddy wuxuu u sheegay in Cadarkii kala barnaa ee uu hadiyadda ugu keenay in hooyadii isku shubi jiray, meelna uu dhigtay oo uu ku ilaashan jiray, sidaas daraadeedna markii ay macalamidiisii isku shubtay uu soo xasuustay urtii iyo cadarkii hooyadii.

Maalintaa wixii ka danbeeyey macalimadii waxay guda gashay in ay aad u daryeesho Teddy, wuxuuna bilaabay Teddy in uu dadaalkiisii dib u soo celiyo murugadii iyo walbahaarkiina ka yaraado, sanad dugsiyeedkii markuu dhamaaday Teddy wuxuu ka mid ahaa ardaydii ugu darajada saraysay.

Teddy sanad dugsiyeedkii markuu dhamaaday wuxuu u qoray macalimadiisi warqad uu ugu mahad celinayo uguna sheegayo in ay tahay macalimadii ugu wanaagsanayd ee soo martay intuu waxbarashada ku jiray, waxayna macalamadisii ugu jawaabtay warqad kale oo ay ugu mahad celinayso, waxayna ugu qortay, waxaad i bartay sidaan u noqon lahaa macalimad wanaagsan, oo daryeesha aradayda.

Teddy Muu ilaawin macalimaddiisii markii uu ka gudbay dugsigii sare warqad ayuu u soo qoray uu ugu mahad celinayo sidii ay u soo garab istaagtay.

Muddo ka dib oo sannado badan ka soo wareegeen waxaa sanduuqa boosatada gurigeeda ugu soo dhacday warqad casuumad ah in ay ka qayb gasho xaflad qalin jabin ah oo lagu qabanayo jaamacadda gaar ahaan kuliyadda Caafimaadka waxayna uga timi Casuumaddu Teddy,oo ay tahay xafladisii qalin jabinta.

Macalimadii iyada oo ku labisan hadiyadii silsiladii yarayd ee Teddy u keenay ayey ka soo qayb gashay xafladii qalin jabinta ardaygeedii Teddy.

Teddy wuxuu noqoday Dhakhtar caan ah oo ku takhasusay daaweynta cudurka kansarka, oo ah cudurkii hooyadii u dhimatay.

Tolow imisa arday ayaa macalinkiisu qayb ka ahaa in uu ka dhigo damiin, dhibaato jirtay oo markaa la daweyn kari lahaa haddii caqli loo adeegsado awgeed. Imisa Caruur ah ayaa xaalad la soo daristay aawadeed doqon ka dhigtay, ama uu waxbarashadisii ku waayey, waa dhanbaal ku socda qof kasta oo bare ah, ama macalin in uu dhugmo u yeesho ardayda uu wax u dhigayo in uu waraysto ardayga dhibaatada jirta.

Waa dhanbaal ku socda waalidka in uu ilmihiisa daryeelo oo uu ogaado in ay qayb ka tahay horumarka ardayga guriga oo uu daryeel iyo deganaansho ku helo.

Qiso: Khaatumada Wanaagsan: Walaalkeey 15 sano muusan tukan.

2016-11-11T02:45:00.000-08:00

Waxuu yiri: Afar wiil oo Dhalinyaro ah ayaan ka soo qaaday Magaalada Riyaad ee Dalka Sacuudiga, waxayna doonayeen inay Dhalinyaradu tagaan Magaalo kale oo la yiraahdo Dammaam, intaan Jidka ku jirnay ayaa Salaadii Casar la Aadaamay, waxaan Helnay meel Batroolka laga qaato oo Wadada Qarkeeda ah, Masjidna ku yaalo.

Taxsiilihii ayaa Dhalinyaradii ku yidhi:- soo Dega aan Tukanee. Mid kamida wiilasha oo Shidhka gaadhiga Fadhiyay oo kan ugu wayn ahaa ayaa u jawaabay oo ku yidhi intuu kuwii kale Eegay:- Adiga soo Tuko, Anaga ma Tukaneyno, Gaadhiga ayaan kugu Sugeynaa, Taksiilihii intuu yaabay oo wax uu ku yidhaahdo Garan waayay ayuu yiri:- Walaalayaalow Salaada hadaad Tukan weydaan maxay Islaanimadeenu tareysaa?

Taxsiilahu wuxuu yidhi; waxan ku celiyey war dad muslim ah ayeynu nahay ee inamariya soo tukanee, wiilki hore ayaa ii jawaabay markaan sidaa ku idhi, Xoogaana uu Xishooday. markaasuu kuwii kale ku yidhi:- Soo baxa aan Tukane, Waan Degnay buu yidhi Taksiilihii, markaan Weyseesanay ayaan Salaadii galnay Anigaa ayaana u noqday Immaam,

markaan Salaadii Dhameynay ayaa
Wiilkii wiilasha ugu waynaa ee lahaa anagu ma tukanayno uu Sujuudii ka soo kici waayey, Xoogaa ayaan Sugnay Wiilashii xataa way la yaabeen, weyna ku Kaftamaayeen Sujuudaa uu ku Dheeraday, laakiin markii Dambe waxay Ogaadeen in tii Alle u timid, Iscaafkii markii loogu yeedhay ayuu Xaqiijiyey inuu Dhintay.

Haddaba, Wiil Wiilsha ka mid ahaa ayaa la Samirsiin waayey Oohintiisa markii la yidhi Addunyadan Marti ayaa lagu yahay, waana ka wada tageynaa.

ka dib ayaa la weydiiyey Wiilkii oo la yidhi:- Maxaa isku tihiin? wuxuu yidhi:- Waa Walaalkey, wuxuuna intaasi raaciyey Dhimashadiisa lama Oyaayo ee waxaan la Oyayaa Aniga iyo Walaalkeey 15sanno Salaad ma aanan Tukan, Raxmada Illaahey ku Manaystay Walaalkeey ayaan la Fajacay Caasinimadeenii iyo siduu Illaahey Walaalkeey ugu Nimceeyay.

Walalyal Addunyada Safar ayaa lagu yahy ee Fadlan SALAADA HA LAGU DADAALO miyaadan ogayn in geeridu ay kadis kuugu iman karto markasta ee meelkasta waxa laga yaaba in aad marmarka qaar iska qoomamayso waxa aad samaysay oo xumaan ahaa marka aad aragto qof si degdeg ah u dhintay.

ILAAHOOW KHAATUMADEENA NOO HAGAAJI, AAAMI YAA RABBI

Talooyin ama waanooyin ku socota Raga: Waxuu yidhi, habeen iyada oo xaaskayga......

2016-11-10T23:02:00.003-08:00

Wuxuu Yidhi habeen iyada oo xaaskaygu hurudo ayaan jaleecay xageeda waxaan ka fekeray qaabka nolosheeda iyadoo huruda !

Waxaan idhi miskiinadani markay ku soo noolaatay gurigii labadeeda waalid muddo dheer ay ehelkeedu ku noolaayeen ayey ka timi si ay ula noolaato nin aanay hore u aqoon , waxayna iskaga timi gurigii labadeeda waalid ee lagu koolkoolin jiray, gurigii ay iyadu amiiradda ka ahayd , waxayna u soo wareegtay guri iyada la amrayo ayna fulinayso wixii sharcigu amrayey , ninkeeda u hogaansan tahay, ilaahayna ku raali galinayso daacadda ninkeeda,

Wuxuu yidhi waxaan naftayda weydiiyey: Sidee ayey u dhayal sadaan ragga qaarkii in ay xaaskooda u gacan qaadaan oo dhaawacyo xun xun ugu gaystaan, markay go'aansatay in ay gurigoodii ka timaado si ay ula noolaato, sidee u dhayal sadaan ragga qaarkii in ay muddo dheer ka maqnaadaan gurigooda iyagoo saxiibadood wakhti badan la qaadanaya intay caruurtooda iyo xaaskooda la joogaana ay yar tahay, sidee ragga qaarkii u dhayal sadaan in ay xaaskooda xabsi guri ugu jirto oo aanay marmarka qaarkood u saarin bannaanka oo aanay wakhti wanaagsan u wada qaadan.

Waxaan kaloo is waydiiyey sidee ragga qaarkii ay u dhayal sadaan in ay seexato xaaskiisu iyada oo laabteeda ay ka buuxdo ciil iyo murugo ay u qabto ninkeeda dhibaatada uu u gaysto awgeed ay iyaduna ka fekerayso siday uga aargoosan lahyd, sidee ragga qaarkii u dhayal sadaan in ay xaaskooda iyo ubadkooda intay ka safraan oo muddo dheer ka maqnaadaan iyaga oo aan dan ka lahayn mustaqbalkooda iyo waxay ku sugan yihiin oo aan dib u soo jaleecin xidhiidhna ula soo samayn, sidee ragga qaarkii uga xuubsiibtaan mas'uuliyadii saarnayd ee la weydiinayo maalinta su'aasha, sida uu inoo sheegay nabigeenu NNKH.

Ragga iyo dibin daabyadooda iyo Shirqoolkooda wuxuu Shiikhu ka yidhi arrin cajiib ah oo dadka in yari ay dareento ama fahan san tahayba, wuxuu yidhi, ma ogtahay in lagu celceliyo {إن كيدكن عظيم} wali mays weydiisay sababta shirqoolka haweenka ,maxay haweenaydii boqorka iyo saaxiibadaheed u shirqooleen Nabi Yuusuf cs? , saw ma ahayn jacayl , qurux , dabeecad wanaagsanaan, iyo xishood, miyaanay ahayn haween caashaq dardaray???.

Taas macnaheedu dumarka shirqoolkoodu waa siday nin ay jeclaadeen u hanan lahaayeen.

Hasa yeeshee maxay ahayd sababtay Nabi Yuusuf walaaladii oo rag ahi u Shirqooleen?. {يا بني لا تقصص رؤياك على إخوتك فَــيَكيدوا لك كيدا }, mase ogtahay in shirqoolka ragga laga hor xusay shirqoolka haweenka , mase ogtahay shirqoolka raggu in aanu ahayn mid caashaq ee uu ahaa mid qudh gooyo, xaasidnnimo iyo dulmi.

Mase ogtahay shirqoolka haweenka in uu sheegay Boqorkii qabay haweenaydii wax jeclaatay, lkn shirqoolka ragga in uu sheegay Nabi Yacquub cs, taasina ay kuu tilmaamayso shirqoolka raggu khatarta uu lee yahay.

Ugudambayn waxaan kula talinaya Ragga inay Dumarka Si dabacsan ula Noolaadan lagu dhaqo wanaag iyo koolkoolin Madama ay Xaq wayn inagu leeyihiN.

Qiso iimaanka kuu siyaadineyso: ALLE DARTII BUU U DHAAFAY ALLENA MUCJISUU KU ABAALMARIYEY.

2016-11-09T14:36:00.003-08:00

Nin kani wuxuu yidhi Waxaan soo galay gudaha wadanka Masar waxaan arkay Nin Biraha ka Shaqeysta (Birtume) isagoo Birta Dabka kaga soo bixinaya Gacantiisa, Birtii oo noqotay dab cadaaday Gacantiisana ku xoqaayo..oo aanu ku Gubanaynin.

waan Naxay waxaan is idhi Ninkaanu waa Owliyo oo Dabka kuma Gubanaayo, ka dib waan u Dhawaaday waana Salaamay oo waxaan ku idhi "Walaalkeygiyoow Allihii kugu Maneysantay Karaamadaan ayaan kugu dhaarshee ii Ducee.
Markaas ayuu Ooyey, wuxuuna igu yidhi:- Walaaloow sida aad Imoodday ma ihi,! Kolkaas ayaan ku idhi:-Walaaloow waxaan aad Samanayso Qof aanan Owliyo ahayn ma Samayn karo,. wuxuuna yidhi:- Arrintaan waxay ku Timid Sheeko Yaab badan hadaad Rabto inaan kaaga Sheekeeyana waan kaaga Sheekeyn. ka dib ayaan ka Codsaday inuu Iiga sheekeeyo Sheekadaas,

Wuxuuna Hadalkiisa ku Bilaabay:- Maalin maalmaha ka mid ah waxaan Dhex Fadhiyey Dukaankaan waxaana ahaa Nin Firfircoon oo Bulsho ah, waxaa ii Timid Gabadh aanan weli Arkin mid iyada ka Qurux badan, waxayna igu tidhi:- Walaalow wax aad Ilaahay Dartiisa u Bixinayso ma Heysaa?
waxaan ku idhi:- Guriga ma ii Raacaysaa aan ku
Isticmaalee waxaad Rabto oo Dhanna waan ku Siinaa, ka dib Cabbaar ayey i Fiirisay, waana iga Tagtay. in muddo ah ayey iga Maqnayd ka dib Wey ii Timid,

Waxayna igu tidhi:- Dan iyo Baahi ayaa igu Kaliftay inaan kaa Ogolaado inaan ku Raaco ee inakeen. Dukaankii ayaan Xidhay Guriga ayaan u kaxaystay markii aan Guriga Galnay waxay igu tidhi:- waxaan ka soo ka soo Tagay Caruur aan Dhalay oo aad u baahan ee Hadda wax yar isii si,aan usii Geeyo ee waana kuu soo noqonaa, Ballan adag ayaan ka Qaaday in ay ii soo noqoto, waxaana siiyey Xoogaa Daraaahim ah.

Way Baxday Saacad ka dib ayey ii Timid Guriga ayey iigu soo gashay albaabka ayaan xidhay, waxay igu tidhi:- Maxaad u Xidhatay Albaabka? waxaan ku iri:- Dadka inay na Arkaan ayaan ka Baqayaa. Markaasbay igu tidhi :- Walaal Dadka waad ka Baqeysaa, oo Alihii ku Abuuray maxaad uga Baqi weyday? waxaan idhi:- Alle waa Dembi Dhaafe Naxariis badan. ka dib Xaggeeda ayaan Aaday markaasay Ooyday illinteeduna Dhabanada ku soo Hooreen.. waxaan ku idhi:- Maxaad la Oyneysaa oo aad la Jaraynaysaa? waxay igu tidhi ilaahay Cabsidiisa ayaan la Oynayaa oo aan la Jaraynayaa, ka dib waxey intaas ii Raacisay:- Walaaloow haddi aad ilaahay dartiis ii Dhaafto, waxaan Ballan Qaadi in uusan Alle kugu Cadaabin Dab (Naar) Adduun iyo Aakhiro.

Intaas markeey igu tidhi:- Waan Istaagay wixii aan Hayey oo Dhami waan siiyey, waxaana ku idhi:- Gabadhyahay waxaan kugu Dhaafay illaahay Cabsidiisa.
markay iga Tagtay waxaa aad ii Qabatay Hurdo, waan Seexday waxaan Riyo ku Arkay Gabadh aad iyo aad u Qurux badan, Madaxana ku wadato Taaj ka Samaysan Dahab dhalalaya iyo dheeman, waxay igu tidhi:- ilaahay Kheyr iyo xasanad hakaa siiyo abaalki aaf ii samaysay.

waxaan ku idhi:- oo Tumaa ahayd wllo ?
waxay igu jawabtay:- waxaan ahay Hooyadii Caruurta lahayd ee kuu Imaanaysey ee aad Alle Dartiis ku Dhaaftay ilaahay Dab kugu Gubi maayo Adduun iyo Aakhiro.
ka dib waxaan ku idhi- Isu kay Sheeg Qabiilkee ka Dhalatay ilaahay hakuu Naxariistee? waxay igu tidhi:- waxaan ka soo Jeedaa Nasabka Rasuulka CSW.

Waxaan markiiba ka soo Booday Hurdadii laga soo Billaabo Maalintaas Dab oo dhan kuma Guban, waxaana Rajaynayaa Aakhirana in aan ku Guban Insha Allaah.

Subxaan Allah Qizadani waxan ka fahmaynaa Qofka aad Alle dartiis abaal ugu samayso in aad helayso naxariista Alle.
Allena waxan ka baryeyna in uu jidhkeena ka fogeeyo Naar aamin ya Allah..

QISO MACAAN OO DHEXMARTAY WIIL TAAJIR AHAA IYO GABAR JAARIYAD(SHAQAALE) AHAYD.

2016-11-08T03:36:00.000-08:00

Wiil ayaa hooyadii intuu labada dhaban iyo dhafoorka ka dhunkaday ku seexday dhabteeda, markaas ayuu hooyadiis sua'aal waydiiyey oo ku yidhi "Hooyo adduunkaan ma saaran yahay aadame hooyo booskeeda geli kara".... Hooyadiis waxay ahayd islaan Rabbi swtc ku mannaystay caqli, waxay ugu jawaabtay.."Maandhow haa waa jiraa ruux aadama ah oo geli kara booska hooyo, waxaase ayaan iyo nasiib leh ruuxii hela... Isagoo aad ula yaabay ayuu ugu jawaab ceshay... Hooyo Diin ahaan iyo garasho aadami ahaanba ma dhici karto in hooyo booskeeda cidi bedeli karto... Intay u dhoola caddaysay ayeey ku tiri... Maandhow diinta ayaadan sifiican uga dheregsanayn, dhaqanka aadamahana waadan hoos u eegin, ee ka shaqaysii caqligaaga oo garo ruuxaas, haatanna waan seexane, Idanka Allah waa inoo markale.... Wuxuu ugu jawaabay hooyo if iyo aakhiraba waligaa ha ciilmudan, waan fahmay oo gartay hadalkaaga... Wiilku wuxuu ahaa nin Allah swtc maal iyo caqliba hibo usiiyey, hdalkii hooyadiis waa ku duxay oo si dhab ah u dareemay qalbi iyo maskax ahaanba....

Wiilkii Dhulkii laga yaqannay ayuu ka socdaalay, wuxuuna gaaray magaalo aad u wayn oo qarin karta. laba habeen markuu joogay ayuu wuxuu arkay qoys gabdho aad u qurux badan dhalay... Maalintii danbe ayuu soo aaday qoyskii gabdhaha qurxooni ku noolaayeen, wuxuu u yimi odaygii iyo xaajiyaddii qoyska oo waydiistay shaqo inay siiyaan isagoo ugu dan sheegtay inaanu magaalada cidna ka aqoon oo aanu doonayn inuu wax baryo ama tuug noqdo... Odaygii ayaa ku yiri... Maandhoow nin fiican baad tahay, nasiib xumo shaqooyinka wan wanaagsan waa buuxaan ee raali maka tahay inaad guriga ka shaqayso... Wuxuu ugu jawaabay haa adeer raali ayaan ka ahay...

Saddex maalmood markuu gurigii joogay oo uu ka shaqaynayey ayuu wuxuu arkay gabar jaariyad ahayd oo keligeed meel fadhida oo ooyaysa... Dhankeeda ayuu usoo dhaqaaqay, markay maqashay sharqanta ayeey indhaheeda ka tirtirtay ilmadii ka dareeraysay... Meel u dhow ayuu soo fariistay markaas ayuu ku yiri... Heblaay walaal gacaliso maxaad la ooyaysay oo ku helay... Qosol dhoolla caddayn is adkayni ku jirto, intay iska baartay ayeey ku tiri... Walaal gacaliye maan ooynayn ee meesha waan ku layrsanayey, ee maxaad ugu malaysay inaan ooyayey... Wuxuu ku yiri... Sharaf iyo qiima badaneey, ma ahi nin garan waayey ruux murugaysan, hadaanse jawaabta kugu ixtiraamo, madaxa aad kor u haysay oo aad samada eegaysay ayaa iigu filan inaan ku garto murugadaas ku haysay ee aad qalbigaaga Allah swtc ka baryeeysay inuu murugada kaa saaro, ee fadlan anba shaqaale kula mid ah baan ahee iisheeg oo sidaan jawaabta kuugu ixtiraamay adna ii qadari...

Waxay ku tiri... Waxaan ahay agoon iyo rajo, hooyaday markaan ifka usoo baxay ayeey umushii ku dhimatay, aabahayna anigoon sannad gaarin ayuu dhintay... Aabahay wuxuu qabay islaan kale oo aan waxba u dhalin, markuu aabahay dhintay ayaa islaantaasi cadaab adduun hadday jirto i dhandhansiisay, garaac, hiif, habaar anigoon waxba dhimin ayeey habeen habeen geed quraanjo miirana oo cidla ah igu xiri jirtay ... Shan iyo toban sano ayaan ku jiray rafaad iyo silic aan laga sheekayn karin... Maalintii danbe anigoo arigii la jooga ayaan go'aan saday inaanan gurigaa ku noqon... Waxaan soo lugaynayey sideed caano maal, markii danbe ayaa anigoo naf ah waxaan soo fariistay gurigaan aan joogno gidaarkiisa, odayga reerka oo magaalada ka yimi ayaa i arkay markuu baabuurkiisu albaabka soo istaagay... Waa oday naxariis badan guriga ayuu isoo geshay waxaan cuno iyo cababa isiiyey qolka aan deganahayna ii dhigay firaash oo igu yiri... Halkaan ku naso caawa markaad nafistid ayaan ku waraysan... Markaan u waramay ayuu shaqadaan isiisyey iina ballan qaaday inaanan mardanbe ku noqon doonin aayaday... Odaygu aad ayuu reer kiisa u jecel yahay xaajiyadda reerkuse kama shiiqiso aayaday ee waxay ka gabataa odayga oo ka baqdaa inuu arko bahdilka ay igu hayso... Aniguna ma doonayo odaygaas i tusay naxariis aanan waligay arag, inaan gurigiisa u noqdo fidmo kala kaxaysa ama ka dhex dhalisa qaylo aan damin...
Wiilkii oo qalbigiisa waxa dhex mushaaxayey Allah og yahay ayaa ku yiri... Bes walaaleey gacaliso intaas jawaab ahaan iigu filan... Waxaadse qalbiga u sheegtaa Ruux Dulman inaan Allah swtc ku eegan Dulmigaas ee Samir iyo Salaadda wehel ka dhigo, raaxo iyo nolol wanaagsan hadday jirto oo aad haysid daacadda Allah mar uun Allah swtc waa ku dhex dabaalsiin... Sidaad ogtahay adduunkaan waa wada amaarado iyo imtixaan, waxaase liibaana ruuxa imtixaakaasi markuu ku yimaada u adkaysta daacadda Allahna aan ka tegin kana quusan Naxariista Allah swtc... Hadalkaas markuu ku yiri ayuu ka dhaqaaqay oo shaqadiisii uu watay halkeedii kasii watay....

Dhowr maalmood ka bacdi iyadoo ay tahay maalin jimcaha galabnimadeedii ayaa reerka oo dhan waxay soo wada fariisteen kuraas dayrkii waynaa ee guriga talay... Odaygii ayaa shekadaas kasoo qayb geliyey shaqaalihii guriga oo ahaa saddex qof laba gabdhood iyo wiilkii... Odayga iyo xaajiyadiisu waxay kala fariisteen laba kursi oo kala durugsan waxaana u dhaxaysay caruurtooda oo ahayd laba wiil iyo saddex gabdhood... Xoogaa markii sheeko hallaasi ah la isku tuurtuuray, ayaa wiilkii taajirka ahaa ee reerka u shaqaynayey, odaygii ka codsaday inuu usoo istaago oo uu arin usheegto, haddaanay dhib ku ahayn... Odaygii ayaa yiri... Maandhoow dhib igumaha aha istaagana waaban u baahnaa... Markay xoogaa ka durkeen miiskii oo ay gaareen meel dadkii ka qorson, ayuu wiilkii odaygii kusoo jeensaday intuu istaagay oo ku yiri... Adeer ma taqaan nin AUN la oran jiray hebel hebel hebel... Odaygii ayaa ugu jawaabay ma nin la aqoon waayaa, isaga iyo aabihiisba, waxay ahaayeen duul Allah swtc maal iyo wanaagba ku mannaystay oo aad ugu naxariis badan dadka taagta daran, anigaan kula hadlaya ee aad shaqaalaha u tahay aabbahay waxaa gacan qabtay ninka aad i waydiinaysid aabihiis... Odaygii oo ilin indhihiisa soo fuushay ayaa hadalkii sii raacshay... Maandhoow dhimashadii ninkaad i waydiisay meeshii i dalooshantay ayaa wali i daloosha, maandhoow maxaad maanta ii xasuusisay... Wiilkii ayaa ku yiri adeer waxaan ahay wiilkiisii ee fadlan hay ka shifin halkaanna waxaa i keenay hadal hooyaday i tiri inaan helo jawaabtiisa... Waxaan kaloo kaa codsanayaa inaad ii ogolaato inaan gabadhahaas miiskaas wada fadhiya aan suaalo dhex dhigo... Odaygii ayaa is hayn waayey oo isku duubay wiilkii canaanna u raacshay, aqbalayna codsigiisii....

Waxaa lagusoo noqday miiskii la wada fadhiyey, daacatad yar markii faqoodii lagu tuuray ayaa wiilkii inntuu qoslay yiri... Su'aalo ayaan idiin hayaa aan isku maaweelinno... Markii laga aqbalay ayuu wuxuu waydiiyey... Gabdhoow haddii ruux maal adduun Allah ku mannaystay gacantaada soo galo maxaad u samayn lahayd, ama aad jeclaan lahaydeen inaad adiga iyo ninkaasi samaysaan... Afar gabdhood ayaa jawaabahoodu isu dhowaayeen oo dhammaantood hadalkoodu ku salaysnaa daawasho qurux adduun... Jaariyaddii rajada iyo agoonta ahayd iyadu ma hadlin... Odaygii guriga oo aad u jeclaa jaariyaddaas ayaa ku yiri ka jawaab hadalna hakasoo celin...

Waxay ku jawaabtay... Anigu qalbigayga ayaan ogahay, qalbigayguna wuxuu jecel yahay markaan murugays nahay ruuxaan dhabtiisa barkado... Markaan hiil u baahanahay ruux dhankayga taagan... Markaan xanuun sanahay ruux aan agtayda ka tegin oo xanuunka ila wadaaga... Haddaan helo Ruux aan la qaybsado naftaan... Intaas ayaan samayn lahaa... Markuu murugaysan yahay dhabtaaydaan barkin uga dhigi lahaa oo madaxa u salaaxi lahaa una sheegi lahaa inuu samro dhibtaas haysatana Allah u bandhigto... Markuu Hiil u baahan yahay wixii dhib kuwada ayaan gacan kasiin lahaa hadduu isagu dhibta wadana ka joog ayaan dhihi lahaa... Markuu xanuunsadana hurdo sidaan u ledi lahaa ma aqaan waxaanse qiyaasayaa inaanay hurdo iga timaadeen...

Odaygii iyo wiilkii ayaa dareenkoodii is bedeley indhahoodii guduud noqdeen... Odaygu wuxuu waayey ayuu maqlay oo uu waligii u baahnaa, waxaa intaas usii dheerayd siduu gabadhaas u jeclaa oo uga jeclaa kuwuu isagu dhalay... Wiilkii Jawaabtii hooyadiis ayaa indhisiisa iyo dhegihiisuba arkeen oo maqleen... Wiilkii fadhigii ayuu ka kacay oo meel xoogaa durusa intuu tegey Allah beryey inuu u sakhiro inuu gabadhaas helo oo aan caqabadi ka hor imaan...

Markuu Allah baryadiisa soo dhammaystay ayuu ku yiri gabadhii jiiriyadda ahayd... Waad i aragtaa oo isku meel ayaan ka shaqaynaa, ayaamo aqoon kuugu filan waan wada joognay oo isku meel ayaan ka shaqaynayn... Ee Fadlan waxaan kaa cod sanayaa inaad oqoto ~Hooyaday marna ah Caruurtayda Hooyadood haddii Allah swtc ubad inoo qadaro... Intay farxad la dhoolla caddaysay ayeey tiri... Waad igala raagtay, maalintaad agtayda soo fariisanaysay ee aan cirka eegayey, ducadaan Allah swtc ka baryey ayaa waxaa ka mid ahayd inaan noqdo xaaskaaga, markaas ayeey u raacisay Haa Walaal waa rabaa oo qaliba qalbi iyo niyad ahaanba ku faraxsanahay....

Odaygii oo adkaysan waayey farxad iyo adduun isku wada malaasan ayaa yiri... Maandheey Allah swtc aniga iyo waalidkay Jannada inaan isku aragno iigu ducee waxaad kaloo iigu ducaysaa Samir iyo Salaadda inaan miciinsado oo aan layga soo dhex gelin... Waxaadna ku bishaaraysataa in Allah swtc aqbalay waxaad ku ducaysatay oo dhan, oo wiilkaan qalbigaagu jeclaaday isaguna dartaa maanta u ilmaynayaa yahay... Ruuxa ugu taajirsan Waddankaan aan joogno, Soddohadaana tahay ruux la idin kala jeexay oo dabcigaaga oo kale leh....

Haddaba dadoow waxaad Ogaataan Daacadda Allah swtc ee Ku Salaysan... Kaalmaysiga Samirka Iyo Salaadda in lagu gaaro barwaaqo aan gurin aakhiro iyo adduunba... Hooyana ay bedeli karto Xaaska wanaagsan oo ay geli karto booska hooyadaa...Dhamaad

Qiso xanuun badan: Intaadan falin ka fiirso, waxuu yiri: Xaaskeyga baan dilay kadib markii aan.....

2016-11-06T12:12:00.000-08:00

Lamaanahani waxay is qabeen muddo 10 gu ah (Sanadood) welisa ubad ma aysan kala helin. Waxay rajaynayeen in ay ka hor sanadguurada 11aad ee arooskooda inay heli doonaan ilmo. Asxaab iyo ehelba waxay mar waliba isku dayi jireen inay kala furan laakiin iyagu ma rabin inay kala taagaan waayo si aad ah ayay isu jeclaayeen. Bilo ayaa gudbay.

Maalin ninka oo kasoo noqday shaqada kunasii jeeda gurigiisa ayuu arkay xaaskiisa oo nin la socdo. Waxay u muuqdeen kuwo faraxsan. Todobaad (asbuuc) kadib wuxuu markale ku arkay xaaskiisa oo isla ninkii la socota. Marar badan ayuu arkay hadana iyagoo wada socda, aad isula faraxsan oo marmarka qaarkood laabta is galinaya.

Habeen isaga oo guriga ku socda ayuu arkay xaaskiisa oo markaa dhunkatay ninkii si ay u macasalaamayso. Aadbuu u murugooday. Waxa uu aad uga xanaaqay waxa uu arko.

Maalin mashquul iyo hawlo badnayd kadib guriga ayuu kusoo noqday. Isaga oo galaas uu rabo inuu biyo ku cabo sita ayaa waxaa soo dhacay telefoonka guriga. Markii uu qabtay wuxuu maqlay codka “ Qaali, waxaan imaanayaa guriga caawa si aan isu aragno maadaama aan kuu balanqaaday”.

Intaanu wax kale maqal ayuu dhigay telefoonkii. Aad buu u fekeray. “ waa cod nin, waan hubaa kii aan ku arkay isagoo la socda xaaskayga” ayuu naftiisa kula sheekaystay. Wuxuu arkay isaga oo waayey xaaskiisi. Galaaskii ayaa dhulka kaga dhacay, kadiba gabal gabal u kala jabay. Xaaskiisa oo maqashay sanqadhii galaaska jabay ayaa u timi kadibna waydiisay “ Xaaladdu caadi ma tahay?

Cadho darteed, waxa uu riixay xaaskiisa kadib way dhacday, wax nuuxsiyana waa laga waayey. Ilbidhiqsiyo kadib wuxuu ogaaday inay ku duldhacday quraaradihii jajabay ee galaaska. Waxaa gashay dhalo wayn. Wuu fiir fiiriyey, ma neefsanayo, alla wadnaheeduna ma garaacmayo. Way dhimatay.

Gacanteeda ayuu ku arkay baqshad warqadeed, wuu furay oo akhriyey waxaanay u qornayd sidan

Seygeygii aan jeclaayow, ereyo kuma qeexi karo farxadda aan dareemayo ee aan rabo inaan halkan ku qoro. Waxan awoodi kari waayey sidaan farxada kuugu sheegi lahaa waxan go.aansaday in aan warqad kugu qoro so ay xusus reeb inoogu noqoto. Waxaan la kulmay dhakhtar todobaad ka hor, waxaanay jeclaystay inaan hubiyo intaanan kuu sheegin warkan khaaska.

Dhakhtarku wuxuu ii sheegay in aan leeyahay uur 5 bilood ah. Dhakhtarka aan la kulmay waa walaalkaygii aan kala lunnay. Wuxuu ii balan qaaday inuu daryeel dheeraada siin dooni aniga iyo ilmahaba si bilaash ah.

Wuxuu ii balanqaaday inuu caawa inala cashayn doono. Waxaan warqadan u qoray farxadda aan dareemayo awgeed. Aadbaad ugu mahadsan tahay sidaad ii garab taagan tahay.
Xaaskaagi ku jeclayd”

Wuu argagaxay, warqaddii ayaa ka dhacday. Markiiba waxa uu maqlay sanqadha albaabka oo la garaacayo. Waaba ninkii xaaskiisa la socday. Wuu soo galay. Markiiba waxa indhihiisu qabteen walaashii oo balli dhiig ah dhex jiifta. Hospital ayuu ula cararay halkaasoo lagu xaqiijiyey inay geeriyootay.

Nuxurka:
Ma aha inaan go’aamo degdeg ah u qaadano xaaladaha qaar. Xidhiidhka qoyseed waxa uu u baahan yahay taxadar dheeraad. Xaqiijin iyo wax is waydiini waa lagama maarmaan. Ma aha in cadhadeenu inaga awood badato ilaa ay ina geyaysiiso cawaaqib xumo weyn.